#UPDATE 50
Phir maine unko zameen pae de mara, lekin un salo ko kuchh nhi hua, wo phir khade ho ke mere dono taraf se gher ke chakkar katne lage, mainbiche me khada unko ghurr kar dahad raha tha,
tabhi pichhe se ek ne mere upar jhalan lagai or mere kandhe me dant gada diya ... main ne usko pakad ke zameen me mara or usko beech se faad diya. tabhi.........
Ab Aage......................
Tabhi Wahan wo dono saaye aa gaye or jab unhone apne bheje us janwar ko marte dekha to wo dono muhh par apni kali shaktiyon se hamla kar diya wo mujhe apni kali tarango me bandhna chahte the,
Itne me wo dusra janwar mere taraf bhaga or mere pairo par hamla kiya, maine apna pair jahtak ke usse pair chhudaya, wo door jaa geera lekin fir se khana ho ke mere taraf aaya, iss baar maine ek pair se maar ke geera diya or phir dusre paise uske sar ko kuchal diya, kaam khatam ab bache the wo saye jo mujhe apne kali tarango me bandh rahe the.
maine apni dahaadd mari ..... huuuuuooooooooooooooaaaaaaaaa
Sari cheeze kanp gayi waha ki , itna sab ho raha tha ab yaha bheed lag gai thi or sainiko ko bhi pata chal gaya tha nagar me hangama hone ka or mere chupne ka.
maine apni ankhe band ki or apne asli roop me aa gaya, or apni apni ankhe band kar mahadev ko yaad kiya, mere gale ka rudraksh ki mala chamakne lagi or usme se ek sunahari rousni nikal ke un kali tarang se hote hue un sayo ko jaake lagi.
Jisse wah tadapne lage jaise unko bahut hi jyada volte ka current lag raha ho, wo dono ko jab samajh aaya ki mujhse jeet nhi sakte to wo sab waha se gayab ho gaye.
Unke jate hi meri ankh khul gayi or rudraksh ki rousni wapas usme sama gai, uske samate hi main wahi geer gaya or behosh ho gaya.
Mere samne se wo dono sidhe jokram ke samne pahunche wo bhi bahut buri halat me uske aage zameen par lote hue the, unki halat dekh ke jokram samajh gaya ki inki aisi halat mere wajah se hui hai.
wo gusse me tilmila raha tha usko ummid nhi thi ki main uske gulamo ki aisi halat kar dunga, wah gusse me maharani ke kaksh me gaya.
jokram:- haaaaa wo insaani kida samajhta hai mere gulamo ko raha diya to jokram ko hara diya, naaahiiiii jokram koi mamuli gulam nhi, main us insaani kide ko tumhare paas tak pahunch ne bhi nhi dunga, tumko wo pustak mujhe hi deni hogi, tabhi tum meri kaid se azaad ho sakti ho, main phir kahta hun tum mujhe apne pati ke roop me shvikaar kar lo.
nahi to tumhare pita ko mujhe swarg wasi banane me tanik bhi der nhi lagegi, jaise ki tumhari mata or tumhari bahan ko bna diya tha.
Itna kah kar wah ek taraf dekhne laga, lekin ye kya waha to uske alawa koi nhi hai is kaksh me phir jokram kisse baat kar raha tha.
Are ye kya deewar par ek bahut hi khoobsurat tasveer lagi hui hai, are are ye to hel dul bhi rahi hai or uski ankho se ansu bhi geer rahe hain.
Tabhi jokram ne kuchh mantra padh ke uss tasveer ki taraf funk mari, are ye kya abhi us tasveer se awaaz aane lagi.
tasveer:- Aisa nhi ho sakta dushta, tu jhuth bol raha hai, tune mere pita ji ko to kabka maar chuka hai, main ab tere baato me nahi aane wali or nahi teri koi bhi mansa puri hine dungi.
tujhe wo pushtak kabhi nhi milegi kabhi nhi, main apni jaan de dungi lekin uss pushtak ka raaz kabhi nhi bataungi.
ohhhh to ye hai maharani, lekin inki aisi halat, ye tasveeron me kaid kaise hai.
Jokram:- Hahahahahahhaha maharani maharani Ramika, meri baat saya hai agar tum wo pushtak mujhe de do to main tumhe apne pita se mila sakta hun, agar yakeen naa ho to ye dekh lo.
Itna bol usne mantra padh hath ek taraf kiya to waha kaid khane ka drishya aane lage jisme iss waqt Rinoma kaid the, unko dekh ke Ramika ke ankho me ansu aa gaye.
Jokram:- Dekh liya naa maharani, ab kaho tum mujhe wo pushtak ka raaz or wo pushtak do main tumko tumhare pita ko chhod dunga, anyatha tum mujhe ab tak to samajh hi chuki hogi ki main kya kya kar sakta.
Ramika:- tum aisa kuchh nhi kar sakte agar karna hota to kab ka kar chuke hote, mera ab bhi wahi jawab hoga tumse, main wo pushtak tumhare hawale kabhi nhi karungi.
Jokram:- Achhi baaat hai maharani, main tumko kal tak ka waqt deta hun, uske baat anjam tum khud dekhna.
itna kah kar wah wahan se chala gaya or uss tasveer se awaaz aana band ho gai, maharani ansu bahate hue bas us tasveer me baithi hui thi.
main iss waqt jane kahan tha or ye koun si jagah thi mujhe kuchh samajh nhi aa raha tha, mere sar me bahut tez dard ho raha tha.
Tabhi wahan kisi ki awaaz gunj gai jane koun tha jo mera naam le raha tha, main idhar udhar dekhne laga lekin mujhe koi nahi dikha, awaaz phir aai,
Awaaz:- ghabrao maat cahndra, main hun putra tumhara guru dev.
Main:- Gurudev aap, aap kahan hai, pranam gurudev, ye koun si jagah hai, aap mujhe dikhai kyo nhi de rahe hai.
Gurudev:- Shant putra shant raho, main tumse tumhare sapne ki dimagi tarango ke jariye baat kar raha hun.
Main:- Kya ye kaise ho sakta hai gurudev?
Gururdev:- Putra abhi tum nahi jante bahut kuchh aisa, main tumse isliye sampark kar raha hun ki tum uss jokram ko asaani se nahi haara sakte, isliye main tumko kuchh dene aaya hun.
Main :- Kya jokram, wo kahan se aa gaya, ky wo maharaj jokram hai jiske bare me rinoma ne btaya tha?
Gururdev:- Han wahi usi ke kaid me maharani hai jinko tumhe chhudana hoga, uske baad wo tumko uss pushtak ke paas pahuncha dengi, uske pashchat tumko uss dusht jokram ka ant karna hoga.
Main:- Kya maharani uske kaid me hain, lekin gurudev main wahan tak pahunchunga kaise yahi to muskil hai, suna hai wahan par bahut pahra laga hua hai.
Gurudev:- Usi ke samadhan hetu main yaha aaya hun, sarwa prataham tum ye mantra ko samaran kar lo jiske jariye tum waha tak jaa sakte ho.
Phir gurudev ne mujhe ek mantra diya, or kaha ki is mantra ko padh kar main adrishya ho sakta hun.
Gurudev:- Ab main tumko jokram ko marne ka raaz btane wala hun jo kisi ko gyat nhi hai, usko marne ke liye tumko uss divya pushtak ko phle hasil karna hoga, wahi pushtak setumko jokram ko kaise marna hai pata chalega, or usko marne ke liye jo ashtra chahiye wah main tumko aaj pradan karta hun, tum apni ankhe band karo.
Maine jaise hi ankhe bandh ki ek divya talwar mere hatho me aa gai, aisa sirf mere sapne me hi nahi ho raha tha balki real me bhi waisa hi ho raha tha.
Jaise hi ankhe band ki Mera sharish chamakne laga or kuchh kshan me me re hatho me ek talwar thi, mere sharir ko chamakte dekh lio or miru mujhse door ho gaye the.
Gururdev:- Ab tum ankhe khol sakte ho, ye ek divya talwar hai, ye tumko kisi bhi yuddh me harne nahi degi, jokram ko tum iske jariye hi maar sakte ho.
Main:- Aapka bahut bahut dhanywad gurudev.
Gurudev:- Vijayi bhawah putra.
Itna Bol kar awaaz aana band ho gai, tabhi main uth baith or idhar udhr dekha to main abhi lio ke ghar me tha, jab maine apne hath me dekha to mere hatho wahi duvya talwar thi jo ab tak chamak rahi thi.
Maine ankh band karke usko gayab kar diya, jab samne dekha to wo dono bhai bahan mujhe hi dekh rahe the jaise koi ajooba dekh rahe ho.
Main:- Are tum dono mujhe aise kya dekh rahe ho, kya hua?
Meri awaaz sun wo hosh me aaye phir mujhse lio bola.
Lio:- Tumko abhi kya ho gaya tha, tumhara sharir kyo chamak raha tha?
Main:- Kya??? Pata nhi kyo hua mujhe kuchh gyat nhi.
Miru:- Han tum to besudh the, achanak kya ho gaya tha tumko?
Main:-Shayad main kuchh jyada thak gaya tha isliye, baki mujhe yaad nhi ki mere sath kya hua?
Lio:- Kya tumhe kuchh yaad nhi, are tum ek bahut vishalkay daitya me badal gaye the, tumne unko maar diya, kintu ant me tum behosh ho gaye to humne tumko yaha le aaye sainiko se bacha kar.
Main:- Tum dono ka bahut bahut shukriya meri mdad karne ke liye.
Miru:- Shukriya ki koi jarurat nhi hai , kintu tumhara sharir Behoshi ki halat me chamak kyo raha tha, phir wo achanak se talwar kaise aa gai thi hath me hum to darr hi gaye the, tum ho kya?
Main:- Mujhe wo talwar mere guru ne di hai mere sapne me isliye mera sharir chamak raha tha shayad, Main yaha ek divya pushtak ki talash me aaya tha jiska pata mujhe maharani hi bta sakti hain, lekin yaha aane ke baad mere sang ye sab ho raha hai.
Lio or Miru meri baat sun ke sok ho gaye.
Lio:- Kya ? to tumko Maharaj se baat karni Chahiye thi wo tumko shayad maharani se mila de.
Main:- Wo koi maharaj nahi hai, wo ek shaitan hai jiska naam jokram hai kya tumko uske baare me pata hai?
Lio/Miru:- Kya kaha tumne, ye kya bol rahe ho maharaj ke baare me aisa naa bolo?
Main:- Yahi satya hai, maharaj Rinoma abhi kaid me hai, jahan main kaid tha wo bhi wahi the unhone hi mujhe ye btaya hai or apni putri ramika ko bachane ke liye kaaha hai.
Lio:- Kya Maharj Rinoma jeevit hain, parantu ye kaise ho sakta hai, unki to mritu ho gyi thi jab jokram ne rajya par hamla kiya tha, Tab hamare maharaj ne hi jokram ko mara tha.
Main:- nahi aisa nhi hai, rinoma jeevit hai or kaid me hain, or maharani bhi kaid me hain isliye to unse koi nahi mil sakta hai, kyo miru main satya bol raha hun naa.
Miru:- Mujhe nahi pata kintu ye satya hai ki unke kaksh ke bahar bahut hi jyada pahra rahta hai or waha par ksi ko jane ki anumati nahi hai.
Lio:- itni badi sajis rachi gai or kisi ko khabar tak nahi.
main:- Hmmm Miru kya tum mujhe mahal me le jaa sakti ho?
Miru/Lio:- Kyaaaa????
Aaj ke liye itna hi.
Thank you.
