If you are trying to reset your account password then don't forget to check spam folder in your mailbox. Also Mark it as "not spam" or you won't be able to click on the link.
FantasyKaisa Ye Ishq Hai ~ Ajab Sa Risk Hai ~ Reload (Completed)
Issi ke sath Ishq Risk reloaded ka ye season poora hua. Next fantasy journey announce ho jayegi. Ummid hai pahle
"Arymani:- The Pure Alfa Between Two World's."
Yahi aaye... Jo bhi hoga purv suchna mil jayegi... Fihlaal end enjoy karenge... Aur kahani ka poora safar kaisa rahega wo ek baar jaroor sajha karen...
Filhaal Abhi vyast hun ek pure romantic journey par....
Nischal "thankyou Doc" kahte huye nikla aur Nandni Ansh ko khud me bhinchti hui.… "Iss jivan ke liye koti-koti dhanywaad bhagwan"…
Nandni apni haalat thik karti hui lawn me pahunchi. Mehfil dhamaal aur photo session ke bich shadi ka karykram aage badhne laga.
Sabhi jode mandap me baith chuke the, mantro uchharan ka kafi anutha aayojan lag raha ho jaise. 5 pandit alag-alag jagah baith'kar ek lay me mantr uchharit kar rahe the. Poore mahol me hawan aur suddh mantr uchharan ki shuddhta fail rahi thi.
Sandhya ke 6 baj rahe honge. Ghar ke khas logon ko chhod'kar baki sabhi guest apne-apne kamron me ja chuke the. Nandni, Ansh ke sath sabse aage bathi, sabki shadi dekhne me vyast thi. Tabhi Nandni, Jivisha ke pass ja'kar uske kaan me kahne lagi.. "Tera mitr na aaya, main to khas milna chah rahi thi"…
Jivisha hansti hui... "Think of the devil and the devil is here... Le aa gaya bolti hun baat kar lene"…
Shadi samapan ke thik kuchh vaqt purv Saatvik Aashram walon ki entry ho gayi. Wahan maujood sabhi maate, pita, bhrata anuj ke liye ye kafi chaukane wala drishya tha, khas'kar Priya, Himanshu aur Shudhanshu ke liye. Unhe laga Jivisha ko le'kar jo ki gayi bhavishyavani thi, uske chalte ye sab aaye hain…
Teeno hi kafi chinta ke sath teji se sidha Aacharya ji ke pass pahunche... Unke paun me padkar puchhne lage... "Mahatma ji aap kahin humari bacchi ke liye to nahi aaye hain"…
Aarcharya ji un sab ko uthate.… "Aap logon ko humara yahan aana pasand nahi aaya kya, kafi chinta me dikh rahe hain?"
Shudhanshu:- Nahi aisi koi baat nahi hai Mahatma ji, hum tou bus apni bacchi ke liye ki gayi bhavishyavani se thode pareshan hain...
Aacharya ji, Apasyu ko dekhte... "Guru ji aap kuchh kahna chahenge"…
"Guru ji"… Priya, Himanshu aur Shudhanshu ke chehre ki hairan bhavna, kabhi wo log ek chhote se umr ke ladke ko dekhte to kabhi 80 sal ke budhe Aacharya ji ko...
Apasyu muskurate huye bus ek baar Aacharya ji ko dekha aur acchat hath me le'kar, kuchh mantr uchharan ke sath, sabhi mandap par ek-ek karke achhat dalte huye badhne laga. Sabse aakhri me wo Jivisha ke pass pahunch'kar achhat dalne ke baad… "tumne bata diya kya Jivisha"…
Jivisha ka khila chehra mano ek pal me hi utar gaya ho... Apasyu uske chehre ki bhavna padhte huye, "Koi baat nahi, main khud bata dunga. Filhaal meri jigyasa to yahan tumhare pass baithi dost aur uske husband se baat karne ki hai"…
Apasyu ki baat sun'kar, Nandni poori tarah hairan hoti, Jivisha ko dekhne lagi... Tabhi Apasyu aur Jivisha ki hansi nikal gayi.… "Ikchha shakti ka prabhav nahi hai jo tum hairan ho, main jaise hi darvaje par tha, Jivisha ne mujhe bata diya tha ki bina tumse baat kiye main iss jagah se hilun nahi"…
Nandni bhi hansti hui... "Oh dimag se diamg ki baten... Lekin gurudev ye to mujhse baat kar rahi thi"
Apasyu:- Tum mujhe Apasyu kah sakti ho, be jhijhak aur behichak..... aur ye Jivisha hai, ek waqt me mann ke ander bhar har kisi se sampark kar sakti hai…
Nischal:- Nana aap gurudev hi rahoge... Guru ji jaane se pahle mujhe kah gaye the…
Apasyu:- Haan bechare guru Vashudhar… Chal rahi ho Nandni ek walk par... Yadi haan to doctor sahab ko bhi le lo...
Jivisha:- Jaa na.. waise bhi ye hansta jyada hai aur baat bahut kam karta hai...
Nandni:- Tera asar na hua kya ab tak...
Jivisha, hansti hui… "Naaah !!!! Dhit hai"..
Kuchh hi der me Nandni aur Ansh resort ke dusre hisse me the.… "Jivisha ke plan me sath dene ka dhanyawad"… Nandni ne kaha..
Apasyu muskurate huye Nandni ko dekh'kar apni aakhon se abhivadan karte… "maine suna hai tumhare pass kamal ka control hai"…
Nandni:- Matlab…
Ansh:- Matlab ki controll bijli ke jhatke...
Nandni, Ansh ko ghurti... "Ohhh to Delhi hospital me meri buraeyan ho rahi thi. Dekho mere pass koi control nahi, kewal ye mere Nischal ke innovation ka kamal hai"…
Apasyu:- Shakti tou kisi ke pass bhi ho sakti hai.… Wo koi bahut badi baat nahi hai. Lekin shakti ka prayog karna, ye bahut badi baat hai... Tum apna wo gloves nikal'kar dogi..
Nandni, thodi hichki lekin Ansh ne sahmati jatate huye usse dene ka ishara kiya... Nandni bujhe man se wo gloves nikal'kar Apasyu ko badha di... Apasyu uss gloves ko dekh'kar.… "Nayab innovation" aur itna kahne ke baad dono globes ke upar ek patla tape chipka'kar khinch diya....
Bahut dhyan se dekhne ke baad pata chala ki tape jin hisson tak chipka tha, wahan chhote chhote points, kuchh alag hi dikh rahe the... Nandni gusse me wo globes Apasyu ke hathon se leti, apne hatheli par usse chadhati... "Kya kiya hai tumne mere gloves ke sath"
Apasyu:- Tumhe pahle jhatke dene ke liye kisi object ko chhuna padta tha, ab bina chhuye hi jhatke de sakti ho... Bus soch kar ungli dikha do, ya hritik ke "ek pal ke jina" wale dance ki tarah pura panja. Ye bhi same process par kaam karega... Jhatke ki range aur jhatke ka amount sab tumhara dimag control karega"…
Nandni:- Haynnn kuchh bhi, aisa hoga kya???
Apasyu:- Yakin nahi tou try kar lo...
Nandni kuch sochti hui apni ungli thodi dur baithe Nischal ke ore kar di... Aur biljli ka ek chhota jhatka di... "Pahle hi kahi thi kuchh bhi kah rahe... Kahan kaam kar raha"
Apasyu:- Thoda sa concentrate karo... 10 second ka diffrence hota hai...
Nandni:- Matlab..
Apasyu:- Matlab tum jise jhatka dene wali ho, wahan tak bilji ki taar pahle dauregi aur fir uss taar me current. Ab current ke speed ke barabar tou taar bichh nahi sakti na... Isliye kaha 10 second ka difference hota hai...
Nandni:- Ruko ek baar aur try karne do…
Iss baar Nandni kuch der tak ungli ek hi disha me rakhe rah gayi. Halka jhatka mehsus karte Nischal thoda hila aur Jivisha ke kaan me kuch kahte, najren charo ore daurane laga… Idhar Nandni apni hairani jahir karti... "Wowww !!! Ye kaise sambhav hua"
Apasyu:- Kisi bhi medium me na dikhne wale particle jo current ke superb counductor hote hain, wo tumhare hath ke ishare par bound honge aur uske jariye tum current pass karwa sakti ho... Tum ek line se lekar ek jaal tak ki rachna kar sakti ho aur na dikhne wale path ko ek baar create karke 360⁰ tak move karwa'kar current charo ore supply karwa sakti ho... Baki sare precautions same hai...
Nandni Ansh ko dekhti… "Baby ab kuchh kahoge"
Ansh:- Tum to bina gloves ke bhi bijli ke jhatke deti ho Nandni… Main kya kahun...
Ansh surprise par surprise de raha tha... Nandni ki ek baar fir se aankhen badi ho gayi... Lekin Apasyu tha isliye agle hi pal normal ho gayi... Kuchh der teeno wahin baith'kar baten karte rahe. Baton ke dauran hi Nandni apni jigyasa Apasyu ke pass rakhti... "Tum itni kam umr me guru kaise ban gaye, itne purane aur ek sahi sanstha ke"…
Apasyu uski baat sunkar hansne laga... "Bus kismat ka khel hai Nandni. Waise baat kya hai?"
Nandni:- Kuchh nahi bus aise hi khyal aaya to puchh li..
Apasyu:- Khyal to aaya lekin sawal kuchh aur puchh baithi, isliye mujhe tokna para...
Nandni:- Kya tum mera mind read kar rahe...
Apasyu:- Sab sawal ek sath add kar lo...
Nandni:- Wahi mind read, telepaithy, ikchha shakti... Yahi sab dimag me ghum raha... Lagta hai jaise hum normal insano ka koi astitv hi nahi sansaar me... Sab me kuchh na kuchh khas gun paye jate hain…
Apasyu:- Aur Nandni me kya khas gun paye jate hai...
Nandni thodi mayus hoti... "Mayus hona hi khas gun hai... Lagta hai sabhi khas log kisi din ek ho jayenge aur main kahin kisi jagah kinare apni jindgi ji rahi houngi"…
Apasyu:- Doctor sahab aap to itne bade neurologist hain... Aap kuchh science ke facts batayenge kisi insan ke khas aur normal hone par…
Ansh:- Hahaha... Wo kya hai na Apasyu, ghar ka gyan koi lena nahi chahta. Khair mere hisab se ye puri duniya hi normal hai. Koi bhi jiv, na kewal insan, apni kshmtaon ko ek percent bhi nahi janta..… Kshmtayen aur khas gun, sab dimagi upaj hai... Aisi kayi ghatnayen hain jahan ek maa ne khud apna pet kaat'kar apne bacche ko surakshit janm diys... Jabki pet katne ke sath hi usse behosh ho jana chahiye aur kuchh der baad maa aur bacche dono ki maut…
Apasyu:- Kuch samjhi... Ishwar har kisi ko ek saman bhejta hai... Kisi ko dekh'kar khud me sankoch nahi karna chahiye ki wo khas hai aur main aam... Sab ko barabar maano...
Nandni:- Fir wo chhathi indriyan, ikchha shakti, telepaithy.. wo Jivisha jo hathon se jadu kar leti hai...
Apasyu:- Ye sab bus chhanik bhrm hai.. hallucinations… hote hain lekin pukhta kuchh nahi... Thik hai tum telepaithy nahi kar sakti phone hai na... Ek sath 10 logon ke sath confrence karo…
Ikchha shakti yani pahli awaj... Kisi me kam hoti hai kisi me jyada… koi apne ander ki pahli awaj par purn vishwas karte hain aur koi nahi karte… main chahun to din bhar iske upar tumhe samjha sakta hun, lekin itna samjhane se achha hai ek hi baat samjhaun...
Nandni:- Kya?
Apasyu:- "Jo bhi jadu hote hain fir koi hath se kare ya technology se, sabhi utna hi prwbhavi hota hain aur aam ho ya khas sab par barabar asar karta hai. Unse bachne ke liye bhi, aam ho ya khas log sabko mehnat karni parti hai. Koi tumhare dimag me ghusna chahta hai, to tumhare pass bhi utni hi kshmta hai rokne ki... Bus ek hi baat hoti hai... Hum jaroorat parne par kya kar sakte hain aur jo nahi kar pate.. bus itna ka fark hota hai"...
"Suppose tumne mujhe jhatka diya... Bijli Aa to kisi medium se rahi hai na... Main koi badi si ladki ke pichhe chhip gaya.. lo maar do bijli ka jhatka... Bus ye jo lakdi ke pichhe chhipne wali ghatna hoti hai, main uss par focus hun... Hum kya kar sakte hain aur kya nahi kar pate"...
"Presence of mind hi sabse badi kshmta hai... Uss se jyada shaktisali kuch nahi... Kisi ke takat ka tod tumne nikal liya, fir tum paogi ki samne wala asahay hai, kyonki wo apne un kshmtaon par depend karta hai jo unme khas hai… lekin u my dear... Tum me kuch khas nahi.. tum kisi bhi khas gun par depend nahi... Isliye tum kuchh bhi kar sakti ho, jiske bare me khas gun wale kabhi soch bhi nahi sakte... So cheer up.. aur haan waise kuchh khas to tumhare ander bhi hai..
Nandni:- Kya??
Apasyu:- Tum wakai bijli gira rahi ho...
Ansh:- Kya guruji, ja'kar apne dost ko line maro na... Aapke khas gun ke samne kahin mujhe chhod na jaye...
Apasyu:- Wo aap ko nahi chhod sakti, kyonki gun to aapke unmatched hai... Aap kisi ki jaan bachane ke liye, anth tak nahi jaoge, balki anth ke hadon ka dayra bhi badal sakte ho... (Fir Apasyu apna pura sar jhukate) … Aap ke respect me bus itna hi...
Apasyu ne jaise hi apna sar jhukaya, Sabhi sanyasi bhi Ansh ke ore mud'kar apna sar jhuka liya... Ansh aur Nandni ka dil janta hoga ki wo kaisa mehsus kar rahe the... Aisa sam'maan, unhe khud bhi yakin nahi ho raha tha…
Apasyu, apna sar upar karte.…. "Jab ye sab mamla shant hoga, tou hum sab ek group unity vacation par honge... Tab main tum dono ki hi company me rahna pasand karunga"...
Apasyu laut aaya... Shadi samapt hote hi Jivisha sabka aashirwad leti Apasyu ke pass pahunch gayi... Dono kinare se gale lage... Jivjsha muskurati hui dhime se kahi... "Aane ke liye thanks... Mujhe laga nahi aaoge"…
Apasyu:- Itni pyari lag rahi ho, ki mujhe mandap ke pass jana para tha..…
Jivisha, muskurati hui... "Oh ho guruji meri tarif kar rahe… tab karna tha na jab main tum par lattu thi"...
Nischal:- Main bhi pass me khada hun... Kyon sine ki jalan badha rahe.…
Jivisha, Nischal ki baat sun'kar khul'kar hansi, fir Nischal ka chehra dekhte-dekhte ek an'chahe mayusi me chali gayi... Wo, Apasyu ke ore minnat bhari najron se dekhti.…. "Please unke hisse ka kaam mujhe hi de do"…
Apasyu:- Tum janti ho aisa nahi ho sakta... Jao sab se milo...
Jivisha:- Main bhi sath chalti hun na please..
Apasyu:- Khud ko sambhalo... Nischal aur Serin tumhare soch se jyada capable hai isliye unki chinta mat karo.. ab jao..
Apasyu jaise hi Jivisha se alag hua Nischal uske pass pahunchte… "Baad me dono ne volume itna low kar diya ki mujhe hi jana para, kya baten ho rahi thi"…
Nischal ka chehra bata raha tha ki wo kya puchhna chah raha tha… Wo to bus Jivisha ke khile chehre ko poora mayusi me doobne ka karan jaan'ne aaya tha...
Apasyu, muskurate huye.… Nischal, Serin ko sath le lo... Ek chhota sa walk tum dono ke sath bhi...
Serin aur HuYu iss waqt Nandita bhabhi aur Jyoti bhabhi ke sath thi... Nischal usse apne pass bulaya… Muskurati wo Nischal ke pass pahunchi... "Kya hua Nischal"..
Apasyu:- Aao mere sath...
Serin aur Nischal, Apasyu ke pichhe chal diye... Dono resort ke bahar andhere ke ore chal diye… "gurudev baat kya hai"… Nischal ne puchha...
Apasyu:- Tum dono par ek sanyasi ke hatya ki saja tay hui hai… kya dono sweksha se swikar karte ho...
Serin, Apasyu ke bilkul samne khadi hoti... "Hamari gayi yadast ki sari planning aapki thi, fir saja hum dono par kaise tay ho sakti hai... Mujhe accept nahi. Humne koi galti nahi ki"…
Apasyu:- Ek sanyasi wahan par nahi marta tab ka natija kuchh aisa hota, tum dono Jivisha ko maar chuke hote aur fir wo Surpmarich tum dono ko... Iss pure khel me sanyasi ki kya galti thi…
Serin:- Haan lekin aap to guruji hain... Aapko sahi galat me fark pata nahi kya... Hum apne bus me nahi the.…
Apasyu:- Har ek ghatna dusre ghanta ko janm deti hai, sab ek shreni me jude hain... Yadi uss waqt Serin tumhare pass hathiyar nahi hota, yadi Nischal ki wo speed aur hathiyar na hota, to tum dono ek sanyasi par hath se humla karne aate"...
"Utna waqt kafi tha usse bachane ke liye... Yahi Jivisha ke liye bhi hota… yadi tum bina hathiyar aur bina speed ke hote tou Jivisha ander aur bahar dono sambhal leti.... Tum karm ke fal se muh nahi mod sakte..… har karm ke sath ek parinaam juda hota hai... Kisi bhi pristhiti me tum uss hatya se muh nahi mod sakte"…
Serin:- Kya aisa Saatvik Aashram me se kisi se hota, kya aap se hua hota to khud ko saja de pate...
Apasyu:- "Karm aur parinaam jaisa ki maine kaha... Guru Vashudhar moh me gaye... Unhe vishesh samuday ko bachana jaroori laga... Iske chalte unhone Prakrit ke niyam ko tod diye.… Vish-Nilayani ke shakti ko ek sharir se dusre sharir me pahunchaya… Saja se wo bhi nahi bache the... Unhe ishwar ne ek lambe kaal ki tadap dee... Unke sampurn samuday ka vinash hua... Sirf ek galat faisla aur saja unhone bhi paya"...
"Aur uss galat faisle ke karan aaj Jivisha tum dono ke samne hai... Tum dono unke margdarshn me ek mahan inventor ho, jiske barabar kya aadha bhi koi nahi hoga.… Lekin Jivisha ke iss shansar me aur tum dono ko kabil banane ke pichhe bhi ek kimat di ja chuki hai. Hum kisi achhe ya bure paristithi ka hawala dekar kiye karmon ke parinaam se nahi bach sakte"...
Serin:- Fir uss Surpmarich ka kya..
Nischal:- Meri jankari me jab wo aaya tabhi se uska astitv manta hun... Aur uske karm ka parinam bhi likha ja chuka hoga... Main fir se dohrata hun... Kya ek sanyasi ke hatya ki saja swikaar karte ho...
Serin:- Haan..
Nischal:- Haan..
Apsyu ne haath ka ishara kiya... 2 aadmi ek safe box se injection ko nikala aur Nischal ke gale me kuchh inject kar diya... "Aaj ke baad tum daur nahi paoge Nischal... Samanya gati hogi tumhari aur apni mehnat se jitna badha sako".
Nischal:- Ye to sarasar galat hai... Bilkul galat…
Serin:- Mujhe to shuru se ye galat lag raha… Khair... Aap kahiye
Apasyu:- Saja tum dono ne swikar kiya hai isliye tum dono kisi bhi paristhiti me hathiyar nahi uthaoge... Aur 5 sal ke liye prithvi ki seema me nahi dikhna... Dono ke pass 10 din ka waqt hai...
Nischal:- Ha ha ha ha... Aapke saja bade nirale hain gurudev. Jee kar raha hai charno me gir jaun, dandvat pranaam kar lun... Main pakke se kah sakta hun ki aap swarthi hai. Waise 5 sal prithvi se dur rahne ki saza, Jivisha tou manegi nahi aur uska gussa bhi mujhe jhelna hoga...
Serin:- Nischal tu kahna kya chah raha hai... Mujhe tou aisa lag raha hai jaise tujhe sab pata tha aur usme kuchh gadbadi kar di guruji ne...
Apasyu:- Bilkul sahi...
Nischal:- Kya bilkul sahi... Mujhe afsos ho raha hai mera tej daurna chala gaya..
Serin, Nischal ko aakhen dikhati.… "Guru ji main iss se badi hun... Aur mujhe jan'ne ka pura haq hai ki ye kya jhol kar'ke aaya hai"...
Apasyu:- Nischal ne tum dono ke ore se, ek sanyasi ke mrityu ki jimmedari lete huye, matth me ek saza ka patstav diya tha, jisme maine fer badal kar diya....
Nischal:- Bus laga ki galti hui hai so hui hai... Bus isliye...
Serin, Nischal ka chehra padhti.… "Kya hua, tu ander se itna mayus kyon hai mere bhai... Aaj to teri sacchi chahat bhi mil gayi, fir aisa kyon mehsus ho raha ki tu ander se ro raha...
Nischal:- Tum khush ho Serin apni zindgi se...
Nischal ki baat par Serin aankhen churati hui idhar-udhar dekhne lagi... Nischal ne uss se dobara wahi sawal kiya, aisa laga jaise dil ke dard chhed diye ho... Roti hui wo apne bhai ke gale lagti...
"Dil rota hai bhai... Jindgi ne kabhi khushi ka muh na dekhne diya... Mujhe bhi aam logon ki tarah jina hai, ek normal life... Jaise yahan sab jite hain.... Pariwar ke sath khushiyan baant'te hain... Ek sukoon bhadi zindgi jisme kewal pariwarik chinta ho...
Serin ki baat par Nischal bhi apna dard baant'te.… "Uss sanyasi ka bhi koi parivar hoga... jaise aaj shadi ke baad hum dono ka bhi koi pariwar hoga. Jab se meri yaaden lauti, uska kata sharir meri aankhon ke samne hota hai"...
"Meri aatma roti hai ab khun kharabe ka soch'kar… Main ab lashon ka bojh nahi utha paunga. Isliye maine saza ke roop me aise vichlit karne wale raktpaat bhade jivan se sanyas maanga tha. Mujhe bhi normal jindgi chahiye… nahi chahiye koi power… Mujhe bus apne parivar ka hero ban'na hai".…
Serin:- Gurudev hume humari hi saja dijiye… Nischal ka faisla sahi hai...
Apasyu, apne pass se ek chhoti si potli khol'kar 2 pendent nikala. Kuchh mantr unccharit karte ek-ek pendent dono ke gale me pahnate.… "Ye Saatvik Aashram ka rakshak sutr hai. Tum dono ko har badha se dur rakhegi.… Kuchh sal apne desh chhodne ki saza mujhe bhi mili thi... Atmraksha me ya koi jaan lene aaye tou usse jaan se marne ke liye hathiyar uthana dharm hai. Raksha sutr tumhare pass hai dharm ka palan karna... Tumhari sabhi ikchha purn hui Nischal, jald hi milenge"…
Apasyu, apne pass se ek chhoti si potli khol'kar 2 pendent nikala. Kuchh mantr unccharit karte ek-ek pendent dono ke gale me pahnate.… "Ye Saatvik Aashram ka rakshak sutr hai. Tum dono ko har badha se dur rakhegi.… Kuchh sal apne desh chhodne ki saza mujhe bhi mili thi... Atmraksha aur koi jaan lene aaye usse jaan se marne ke liye hathiyar uthana dharm hai. Raksha sutr tumhare pass hai dharm ka palan karna... Tumhari sabhi ikchha purn hui Nischal, jald hi milenge"…
Apasyu ko Nischal pichhe se rokta rah gaya lekin wo dhire-dhire andhere me kahin gum ho gaya. Nischal, Serin ka muh dekhte... "Ye guru nahi guru ghantal hai... Main sanyas lena chahta hun aur ye mujhe raksha sutr dekar kahte hain dharm ka palan karna"…
Serin:- Main samjh gayi wo kya kahna chah rahe the...
Nischal:- Kya???
Serin:- Karm aur Parinaam… Jab se Surpmarich humare gyaan me aaya tabhi se uska astitv. Raksha sutr aur har badha se dur rakhna. Dharm ka palan aur anth me sari ikchha purn hui... Puri baat shuru se soch sab samjh jayega...
Nischal:- Tu hi samjha de na..
Serin:- Mere bhai ye to main baad me bhi samjha sakti hun, ya waqt khud-v-khud samjha dega, par kya tu kuchh bhul raha hai...
Nischal:- Kya???
Serin, muskurati hui apne bhai ko dekhi, aur uske bahn se lag'kar.… "Kuchh nahi chal ander chalte hai"…
Nischal:- Areeee, gadha hun main...
Nischal, Serin ka hath apne hath me le'kar, vachan ka ek sikka Serin ke hath me dete... "Koi bhi ek wish, niyamanusar ya niyam ke virudhh"… .
Serin hansti hui... "Achha niyam ke viruddh bhi meri chahat puri karega… dekha nahi humare purane guruji ka kya hua"...
Nischal:- Ab to sikka de diya... Ab pichhe na hat sakta
Serin:- Thik hai main apni chahat abhi mangti hun...
Nischal:- Kya???
Serin wo sikka wapas karti.… "Ye sikka fir kabhi vachanbadhh hone ke liye istamaal nahi karega"…
Nischal hanste huye wo sikka apne pass rakha aur, Serin ke kandhe par hath dal'kar, kisi dost ki tarah resort ke ore chalte.. "Serin hum kahan the aur ab kahan hai... Tujhe sapne jaisa nahi lagta kya???"
Serin:- Mujhe chhod aur ja'kar apni biwi ke sath emotion-emotion khel, main chali apne jodi ke pass...
Nischal hanste huye hanth ke ishare se ander jane kaha. Darvaje par hi Jivisha, Nischal ka intzar kar rahi thi. Wo lagatar apni najar bahar ke ore banayi hui thi... Andhera itna tha ki dekh pana mushkil...
Serin aage badhi. Yun to khush thi, lekin jaise hi usse Jivisha dikhi wo apna chehra niche karke chup'chap teji se nikli.… Jivisha usse rokne ke liye kuchh kahna chah hi rahi thi ki pichhe se Nischal bhi najar aane laga…
Jaise hi Nischal resort ke ander pahla kadam rakha, tej chudiyon ki khanak aur khankhanati payal ki awaj dayen ore se aayi aur agle hi pal Jivisha, Nischal ka hath khinch'kar usse resort ke bagiche ke ore le gayi. Dono garden me lagi bench par baith gaye… Dono hi samne dekhte bilkul khamosh….
"Love main sab kuchh samjha dungi, please tum kuchh bhi galat mat sochna"…
Nischal:- Tum kya samjhaogi.… Jane do...
Jivisha, ki pareshani uske chehre se saaf jhalakti, wahin sine me halka dard ka aabhash sa tha... Awaj utni hi ghabrayi si.… "Suno to baby, please ek baar sun lo na"…
Nischal, mud'kar Jivisha ke ore baitha, "haan sun raha hun, batao"…
Jivisha:- Love please aise gussa na ho.… Sorry main wahan fail ho gayi.…. Ek Sanyasi ke jaan jane me tumhara koi dosh nahi hai... Main shuru se uss Apasyu se kah rahi hun, lekin wo sun hi nahi raha...
Nischal:- Ho gaya tumhara... Ya aur bhi kuchh hai... Madari ka bander bana rakha hai.…
Jivisha:- Nischal, love tum to samajh jao...
Nischal:- Haan main sab samjh gaya hun... Uss Apasyu ko hi apna pakka aashiq banana hai na... Main khatak raha hun to sidha kyun nahi kah deti...
Jivisha:- Kyon meri ghutan badha rahe ho... Tum kyon nahi samajh rahe Nischal… wo to gair hai, main usse kitna samjhaun, tum to mere ho...… Tum hi samjh jao...
Nischal:- Thik hai main samjh gaya.…. Tum kosis karti rahi ki mujhe uss hatya kand me doshi na samjha jaye.….. Mujhe yakin hai... Ab kya tum meri baat sunogi...
Jivisha vyakulta me Nischal ka hath thamti... "Main tumhari baat nahi sunugi to kiski baat sunugi... Kaho na baby"…
Nischal:- Uss Apasyu se mujhe badla lena hai… usse yahan bulao...
Aanshu to pahle se chal rahe the... Nischal ki baat par jaise hont sil gaye ho… Anterman me ek hi khyal aa raha tha... "Main pahle hi baat kar leti to jyada achha tha"… Jivisha apni duvidha se jaise hi bahar aayi, samne Nischal tha hi nahi…
Uski vyakul najar charo ore Nischal ko dhundhne lagi. Kahin kuchh bhi najar nahi aa raha tha. Aanshu uske chhalak rahe the. Ander se pahli baar ye khyal aa raha tha ki uska faisla galat tha... Takti najar Nischal ko dhundh rahi thi aur aankhon se aanshu bahte ja rahe the...
Tabhi pichhe se 2 hath Jivisha ke chehre par aaye aur uske aanshu pochhne lage… Jivisha utni hi teji se palat'kar pichhe mudi... Aur samne Nandni ko dekh'kar, uss se lipat kar bechari hichkiyon me apna dukhra sunane lagi….
Nandni usse khud se alag karti uske aanshu pochhti... "Areee, bus bhi kar rona"…
Jivisha hichkiyan leti..… "Wo naraj hokar chala gaya... Usse bula rahi to aa nahi raha… main kya karu mujhe samjh me nahi aa raha"…
Nandni:- Tu pahle chup ho ja... Ye le pani pi...…
Jivisha:- Pahale usse bulao, meri sun hi nahi raha…
Nandni:- Aree wo yahin hai aur hans raha hai... Usse Saatvik Aashram ki saja ke bare me pahle pata chala hai, baad me tujhe bataya gaya...
Jivisha, hairani se Nandni ko dekhti.… "Ye tujhe kaise pata"..
Nandni:- Abhi abhi pata chala… tu jab khyalon me khoyi thi aur ro rahi thi...
Jivisha harbadi me pani pi'kar khadi hui aur jod-jod se chillati hui Nischal ko pukarne lagi… Samne Nischal hanste huye jaise hi najar aaya, Jivisha utni hi vyakulta se uske pass daud'kar pahunchi... Uska gala pakad'kar apna chhota sa muh banati, honth bichkati... "Aise din bhi koi apni biwi ko rulata hai kya???"…
Nischal:- Aise gala daba'kar kaun shikayat karti hai... Honth se honth laga'kar kar bhi to shikayat kar sakti ho na...
"Huhhhh !!!! Kuchh nahi hoga aaj… chalo"…
"Kuch der pahle hi to kahi thi sab baat manogi"…
Jivisha apna sar Nischal ke sine se lagaati... "Dara diya mujhe nirdayi"…
"Isse yadi swarth ki paribhasha kah dun to galat na hoga... Mujhe bula'kar dono lage raho, main bhi chali"… Nandni apni baat kahti bench se uth gayi...
Dono daure aur Nandni ko pakad liya.."Bina awaj kiye dono aao mere sath, aur Nandu tu Doc ko kahan chhod aayi hai"…
Nandni:- Ansh ko HuYu ki dekh'rekh me laga diya gaya hai... Usse lagta tha shadi baad hi suhaagraat hogi, isliye apni dulhan ke liye bavla ho gaya tha...
Jivisha, Jor se hansti.… "Kaun si film suggest kar aayi thi"…
Nandni:- Suhaagraat hai ghunghat utha raha tha main…
Dono hi jor jor se hasne lagi... Idhar Nischal apni bhauh, aankhen sikhodte.… "Bus bhi karo tum dono... Unki koi galti nahi hai, ab unko thode na itne riti rivaj pata hai… jo haal HuYu ka hai, wahi to Luna aur Ert ka bhi hoga"…
Nandni:- Haan to jaa teeno ki sej saja'kar aa ja, itna hi bura lag raha hai to...
Jivisha apni aankh dikha'kar usse thuski lagaate huye fusfusati... "Besharm kuchh to sharm kar, kyon chhed rahi hai uss bhole ko"…
Nandni hansti hui.… "Maza aata hai.."…
Tabhi Jivisha pichhe dekhi... "Pagal Nandu, tere mazak se bechara Sharma gaya... Lekar usse terris par pahunch, main jab'tak vayvastha banati hun"…
"Kya baat kar rahi hai... Tu chal main aayi"…
Kuchh hi der baad teeno top floor ke terris par pool side baithe the. Jivisha bich me baithi thi aur dono dayen bayen. Teeno ke hath me chhoti bottal maxican beer ki aur sip sip me khinchte huye baten kar rahe the...
Baton ke dauran hi Nandni ne puchh hi liya ki, wo Saatvik Aashram se sampark kar'ke sabse saja na dene ki request kar rahi thi lekin ek baar bhi kya wo Nischal ya Apasyu ke mann ki baat ko padh nahi payi...
"Pagal kabhi class me padhi thi jo ab ye din aa gaye ki shadi kar'ke settle ho rahi hun aur boaring si dimagi padhai padhte rahun"… Jivisha hansti hui javab di aur Nischal ka hath tham'kar… "Baby tumhe batana to tha matth ja rahe ho"…
Nischal:- Main khud me hi jujh raha tha aur tum sab shadi ki taiyariyon me lagi thi, tou maine socha mathh me chal'kar hi shanti milegi... Mere liye to meri shadi ki puri taiyari Nandu kar rahi thi fir mujhe chinta kis baat ki. Isliye main yahan aa gaya"…
Teeno line se baithe huye the. Nandni kuchh gahre khyalon me gayi... Wahi haal Jivisha ka bhi tha... Aur agle hi pal Nandni aur Jivisha hairani se ek dusre ko dekhi...
Nandni:- Kya hua??
Jivisha:- Tujhe kya hua??
Nandni:- Mujhe laga maine kuchh galat suna....
Jivisha:- Mujhe laga kuchh jhol hai… ruk issi se puchhne de...
Niachal:- Hadd hai main ja raha hun... Ye tum dono ki khusar fusar fir shuru...
Nandni, aur Jisvisha ne aapas me jagah badli…. Aur Nandni bade pyar se Nischal ka kandha sahlati…. "Beta jab tu matth me apne maar dhar aur action se bhadpur wale jivan se sanyas mangne gaya tha, tab tujhe tere guru ji mile the"…
Nischal:- Haan, Guru Apasyu aur Aacharya ji dono wahin the. Maine unhe apni manodasha bata'kar, apne aur Serin ke liye khud hi sanyas ki saza maang liya.
Jivisha aur Nandni dono ek sath.… "Ohhh !! To matlab tumhari aur Apasyu ki ladai se pahle, tum dono kayi baar mile the"…
Fir Jivisha baat aage badhati... "Aur uske baad bhi tumne ladai wale din Apasyu par janlewa humla kiya... Aur baad me Apasyu ne tumhe gali ka kutta samjh'kar pita. Nandu, galat to nahi kah rahi...
Nandni:- Tu bilkul sahi ja rahi hai Jisa... Iss jholar ki to...
Jivisha:- Ab kya main kah dun Nandu tujh se un palon ki aap biti... Tu hi puchh le aage..
Nandni:- Mai soch kar pagal hui ja rahi thi ki wahan hua kya... Aur sala yahan to raaj ke ander raaj chhipe hai... Chal oye jaldi se iss baat se parda hata..
Nischal:- Mujhe Aacharya ji ne kaha tha bhed khul jayega, lekin main nahi maana...
Nandu, ek tikha jhatka deti.… "Tu sare bhed khol abhi"…
Nischal:- Chhodo kal ki baten, ab gade murde ukhadne se kya fayda... Abhi sab thik hai na..
Nandni:- Bilkul fayda hai..... Chal ab bata jaldi...
Nischal, un dono se thoda duri banate, ek gahri shwans liya aur apni baat shuru kiya.….
Jivisha ke kanchanjangha pahunchne ke dusre din hi Apasyu ne mujhe aur Serin ko bulaya aur humse Jivisha ka poora plan discuss kiya tha. Khair hum dono bhai bahan ke reaction thik waise hi the jaisa Jivisha ne socha tha… Lekin tab wo ek padav paar kar aayi thi.
Surpmarich se yuddh ho chuka tha aur uske vishwas ke taar se hum bhi jude, bina kisi dusra khyal ke, ki mere chahne walon me se kisi ko kuchh hoga. Kyonki hume Saatvik Aashram ke na sirf Guru aur Aacharya ne bharosa dilya tha, balki wahan maujood har insan ne bharosa dilaya ki humari yadasat jab jayegi wo kisi ko kuchh nahi hone denge...
Jivisha sab akele karna chahti thi, lekin Apasyu uske plan me thoda fer badal karna chahta tha, kyonki usse yakin nahi ho raha tha ki Surpmarich jaise dhurt se, gayi hui yadon me Jivisha ka akele ladna safe hoga…
Haan ye baat mujhe shuru se pata thi ki humari khoyi yadast me, Surpmarich ko hum par humla karne ke liye vivash kiya jayega. To yojna me badlav ye tha ki jaise khoyi yaad me Jivisha shaktiyon ko punah jagrit karna Apasyu ka kaam hoga, thik waise hi mujhe aur Serin ko Aacharya ji trained karte, taki khoyi yaad me jab Jivisha Surpmarich ke dimag ke ander lad rahi hoti, tab bahar main aur Serin pura support karte...
Koi iss baat se inkar nahi kar sakta ki mera black hole me jana aur khoyi hui yaad me prashikshan na le pane ki vajah se, Surpmarich se ladai me sabki jaan jate-jate bachi... Hum sabke liye saviour ka kaam Orja ne kiya tha, warna laash girni tay thi... Apne kheme se 1 laash giri thi, ek sanyasi ki. Aur puri yojna safal rahi...
Yun to jab hum 3 mahine baad hospital se uthe, tabhi ek baithak ho jati. Hume aage ke liye plan karna tha... Lekin issi bich main, Serin, aur pura Saatvik Aashram Guru Vashudhar me ulajh gaye... Guru Vashudhar ka kalpnik ansh, humari saflta par mujhe Saatvik Aashram ke sarvochya ke roop me dekna chahte the aur Jivisha ko uske mul sthan Kanchanjangha me.…
Guru Vashudhar ke pass 1000 salon ki tap bal tha... Unme koi shakti nahi thi, lekin artificial brain me rahne ke baad wo kisi ke brain ko kabu kar sakte the... Aur wo ye sab kar bhi rahe the... Aacharya ji ke brain me ghus'kar unhe pahad se niche gira chuke the, lekin sanyasiyon ki tukdiyon ne unhe bacha liya...
Dusri ore meri anter aatma mujhe kosh rahi thi. Jo sanyasi moh-maya tyag kar dusron ke jivan ko sanjo rahe hain, unhi ki lash mere aankhon ke aage ghum rahi thi... Jab main atmglani me matth pahuncha tab mujhe pata chala ki humari agli baithak aur aage ke kaam ab tak bante kyon nahi gaye... Guru Vashudhar ne pura Saatvik Aashram ko hi uljha rakha tha...
Main jis din matth pahuncha fir ussi din Guru Vashudhar ko bandhne ki niti bani aur ussi ka natija tha mere aur Apasyu ke bich ki ladai... Jab mujhe maar khata dekh ek pita moh bus mujhe wo har baat samjhane pahunche, jiska gyaan unhone bachpan me mujhe diya tha. Bhavnatmak judav ke karan wo kamjor pare aur unhe bandhana sambhav ho paya tha...
Jivisha ko mere vishay me yah bataya gaya ki jivan ke mulya ko samjhne ke liye mujhe bachpan ke gyan ka pata karna hoga, jiska prashikshan mujhe khoyi yaad ke dauran nahi mil paya tha aur ab waqt bahut kam tha...
Ye hansti rahi, lekin mujhe pitna hoga, iss baat ke liye Jivisha roj roti thi... Love you baby. Mujhe ab bhi yakin nahi hota ki itna dhairya tumhare ander tha. Janti ho Nandu, isne aachrya ji aur Apasyu se kya kahi thi... "Yadi Apasyu ek majboot pratidwandi hai aur ladai me mere Nischal ka gala kaat dega to uske mirtyu ka jo dard main jheleungi, uss se kayi guna jyada dard mujhe uska yun chhal se maar kahte huye dekhna hoga"…
Jis prakar mujhe peeta jana tha, usme bus ek hi chinta thi, Jivisha. Sabhi logon ko bal se roka ja sakta tha lekin mujhe jalil hote dekh Jivisha ko rokna... Kalpna karna uss Apasyu ke liye mushkil tha… Orja ka kahar sabko yaad tha jab wo viyog me thi... Jivisha ka viyog shayad hi koi jhel pata. Kayi jaan jane ki sambhavna badh jati, isliye sacchi jhuth jaisi kahani bani, usse samjha'kar iss ladai ke liye Jivisha ko raaji kiya gaya tha...
Sooo ye thi sacchai mere ore se... Jo ab tak iss kahani me hum karte aaye hain wo hai Jivisha par bharosa aur aage bhi karte rahenge...
Nandni:- Fir Jivisha ki wo ikchha shakti, alokik shakti, mind read, telepaithy… in sab se ek baar bhi pata nahi chala ki tum ye jhuthi ladai lad rahe?? Aur kya Jivisha ko sach hi bata dete ki Guru Vashudhar ko bandhna hai, to Jivisha nahi samiti kya???
Jivisha:- "Kisi ke ghar me gun hota hai to kya wo load kar'ke hamesa firing karte rahta hai... Kabhi kabhar jung na lag jaye isliye servicing me bhejta hai, lekin uss shoorat me bhi firing karke apne gun ka jung ki nahi chhudata... Bus mere power bhi aisa hi hai"....
"Ye log mujhe sach isliye nahi bata sakte the kyonki ye plan kewal kewal 2 log ke bich bana hoga... Apasyu aur Nischal... Guru Vashudhar ko jhuthi ladai ki sacchai kisi ke bhi dimag se pata chal sakti thi, iske liye unhe kisi ke dimag me ghusne ki bhi jaroorat nahi...
Apasyu aur Nischal ne sacchai ko Guru Vashudhar se dur rakhne ke liye jo bhi jatan kiye ho... Lekin jitne aadmi tak ye sachai jati utna hi bhed khulne ka dar... Isliye sabke jahan me yahi daala gaya hoga Nischal ke liye yah ladai jaroori hai...
Nischal:- Haan sahi hai kyonki Guru Vashudhar ka aansik kalpnik sarir bahut takatvar hai... Uss se jita nahi ja sakta hai... Aur ye pura chhal ussi ke liye tha"…
Nandni:- Huhhh !!! Hisab barabar to hone dete...
Njschal:- Jaan se maar na deta Guruji ko.… Meri aakhen band ho gayi thi jab maine wo khanjar Guruji ke gardan par chalaya… lekin jor se chillane ki awaj se mere jaan me jaan aayi ki wo jinda bache hain..
Nandni:- Haan to tujhe goli maar deta utna dard na hota... Sahi kaha tha Jivisha ne... Jaise awara kutte ko marte hain waise pit diya…
Nischal:- O jahil kahin ki... Mujhe paun par khada dekh aur wapas ladte dekh, Guru Vashudhar ki jab chhati chaudi hui hogi aur unka moh kendrit hoga mujhe dekhne par, ki ab mera beta khun ki nadiyan yahan bahayega, ussi dauran wo pakde gaye the.. Jaise hi Guru Vashudhar poore jaal me fase, waise hi ladai roki gayi, kyonki uske baad Guru Vashudhar ko bandhne me Aacharya ji ko Apasyu ki jaroorat padti…
Nandni:- Oooo aisi baat thi… lekin kitna bhi sahi ho ya galat, jo aankhon ne dekha uske baad ye dil hai ki manta nahi... Nahi bahut jyada to 5-6 jalil karne wala laafa hi lagaa de Nischal… mere kaleje ko thandak pahunchegi. Waise bhi ek Guru Vashudhar ke liye tu kutton ki tarah pit sakta hai to mere kaleje ki thandak ke liye usse 8-10 lafa nahi laga sakta...
Jivisha:- Done... Lekin uske liye thoda intzar karna hoga, kyonki wo waqt alag hoga, halaat alag honge aur zajbaat alag honge...
Nandni, Jivisha, aur Nischal… teeno ke hi mobile par laal rang ka warning alert... Aur mobile lagatar kah raha tha Emergency… teeno ke hi aakhen badi…. Kyonki ye warning alert Chirag aur Aarsi ke liye tha….
Nandni, Jivisha, aur Nischal… teeno ne hi mobile par laal rang ka warning alert... Aur mobile lagatar kah raha tha Emergency… teeno ke hi aakhen badi…. Kyonki ye warning alert Chirag aur Aarsi ke liye tha….
Iske purv vivaah jab sampurn ho gayi, uske baad sabhi jodon ko alag-alag kiya gaya... Dulhan alag ek hall me, aur dulhe alag ek hall me... Wahin fir bade bujurg jakar aage ki rashmen ko batate…
Sab apne-apne kaam me vyast the aur idhar 2 prem ke panchhi apni alag hi duniya me vyast the..... Yun to Chirag aur Aarsi alag na rahte, lekin dono bicharon par emotional atyachar ki bijli gir gayi. Nandita bhabhi Chirag ko apne pass rakhi hui thi, to commissioner sahab apne mrs ke sath apni beti ke hone wale sasural walon ke pass aur Aarsi bhi unhi ke sath thi...
Shadi ke baad jaise hi sab ka dhyan bhatka, Aarsi aur Chirag ki najron me ishara hua aur dono hi bade se resort ke pichhe khali hisse me ghumne lage..
Dono ek dusre ka hath thame resort ke pichhe ghum rahe tha.… "Baby, kitni thand hai na yahan"…
"Haan thand to hai Aarsi lekin thand ne jitna dil nahi dukhaya, uss se jyada tumne"..
"Maine nahi tumne baby.… Ja'kar sasu maa ke pass baith gaye... Huhhhh!!!"
"Chhodo na ab kya bata dun in bade logon ke bare me bol'kar, koi samjhta hi nahi"..
"Haan baby, sach kah rahe ho... Ye bade log humare jitne hi samjhdar hote to kitna achha hota na"…
"Un logon ne apna brain jyada istamaal kar liya hai. Aur tum janti to ho kisi bhi chij ko jyada istamaal karne se kya hota hai"…
"Haan so to hai... Lekin baby ye andhere me kahan ja rahe... Kahin ye barf ki chadar toot gayi aur hum ander ghus gaye to koi bachayega bhi nahi"…
Resort ke kafi pichhe aa gaye the dono. Aarsi aur Chirag dono andhere se wapas raushni ke ore lautne lage. Dono wapas kuchh kadam chale honge... "Hello kids, have some chocklet"…
Aarsi:- I hate chocklet..
"Aarsi ye regular log nahi hai... I think ye hume pakadney aaye hain, tum inhe baton me lagao main kuchh karta hun... Dar to nahi lag raha"… Chirag ne dhime kaan me kaha...
"Baby, jaldi aana.. thoda dar lag raha hai"
"Koi baat nahi aankh mund'kar 120 count karo mai aaya"…
Ab ye insan the ya bail, Aarsi aur Chirag tay nahi kar pa rahe the. Sab ke sab sadhe 6 fit ke upar the. Itni chaudi aur muskular body ki 2 heavywait wrestler pichhe khade ho jaye to dikhe nahi...
Ab aise ghonchu unhe chocolate ka pralobhan de rahe the. Khair Aarsi aur Chirag dono hi ghabraye huye the. Dono ko hi pata tha ki unse tej bhagna sambhav nahi hai.
Fir bhi Chirag ne Aarsi ko thodi himmat bandhayi aur jab'tak wo charo ore ka ek najara le chuka tha... Aarsi apni aankh mud kar… "jai maa Durge 1, jai maa kali 2…." Man ke ander ishvar ka naam japti ginti shuru ki.
Idhar Chirag... "Sir aap ko dekh'kar meri girlfriend dar gayi hai, lagta hai isse shock treatment dena hoga".. Chirag apni baat kahte huye wahin pass ek poll ki ore daura, jahan ke soket se kisi wire ke through koi machine connect thi"
Jaise hi Chirag bhaga, ek aadmi chillaya, pakdo unhe… Chirag ke ore ek aadmi chhalang lagaya… yun to wo Chirag se kuchh pichhe land karta, lekin...
Wo itni upar hawa me uchhla tha ki Chirag usse dekh'kar uchhalta bander ki kalpna kare ya uchhalta chimpanzee ki, confuse ho gaya…. Chirag bhi andaja laga'kar 5-6 kadam aage bhag gaya... Aisa position jahan wo bhadi bhadkan aadmi Chirag ke sar par land karta...
Uss biological modified narbhakshi ke pass koi option hi nahi bacha hawa me, siway Chirag ke sar par land karne ke... Wo jitni teji se Chirag ke sar ke karib pahuncha, utni hi teji se wo upar gaya. Upar gaya, niche aaya aur lattu ki tarah tej gol-gol ghum'kar chakkar kha'kar niche gira...
Uss saandh ke muh se jhaag aur fen sab nikal aaya tha... Halaat aisi ki sar ke charo ore kalpnik chidiya gol-gol ghum rahi ho aur wo behosh... Chirag uski haalat par thahake laga'kar hans raha tha...
Takriban 20 balisth narbhakshi, aakhon par yakin na hone wale najare dekh rahe the. Aur unki aankhon se ye live show chal raha tha Surpmarich ke 2 ansh Yuvi aur Arf ki aankhon me...
Jo jahan tha wahin khada hokar apne sathi ko hawa me gol-gol lattu ki tarah ghumte huye dekha. Jitne waqt me inka dhyan bhataka raha, utne samay me Chirag ne uss machine se lage waire ko Kat'kar switch on kar chuka tha aur khula sira uske hath me...
Aarshi jab aankh mund'kar ginti shuru ki, uss waqt Chirag bhaga tha. 1 aadmi to Chirag par chhalang lagaya aur 2 log Aarsi ke pass aaram se pahunch'kar uska hath pakad chuke the… Ab jinhone Aarsi ko pakda tha, wo dono bhi apne ek sathi ka lattu ki tarah ghumna dekh rahe the...
Jitne waqt me ye log najara le rahe the. Chirag apne bachne ka tatkaal upay kar chuka tha. Chirag nangi taar ka hissa apne haath me thame chupke se aaya, aur taar ke khule sire ko ek-ek baar un dono aadmi se touch karwaya... Current ka chhota jhatka un dono ko to laga tha, lekin wo dono Aarsi ko pakde huye the aur dono ke sharir se ho'kar jhatka Aarsi tak bhi pahunchta… lekin wo current Aarsi tak pahuncha nahi...
Balki natija yah hua ki Aarsi tak pahunchne wali current wapas 2 guna badh'kar un dono ke sharir me pahunchi… lekin un logon ne tab bhi hath na chhoda tha... Fir kya tha wo 2 guna badha current fir se un logon ko jhatka dene ke sath sath Aarsi ko bhi jhatka dene ke liye badha... Iss baar fir uss current ko Aarsi ke badan me lage device ne 2 guna badh'kar wapas bhej diya...
Ab ye 240 volt ka current itni teji se double, double badha ja raha tha ki kuch hi der me kab wo 24000 volt me badla, kisi ko pata bhi nahi chala...
Dono ne jab Aarsi ka hath chhoda sharir 2 baar jhatke kha'kar hawa me gaya... Baal bilkul khade, sare sharir ka pani jaise sukh gaya ho aur adhmare se wo jamin me aakar gir gaye.… Sabhi apni aankhen failaye Chirag aur Aarsi ke kaarname dekh rahe the...
Log dhyan laga'kar dekhne me vyast the aur Jab'tak Chirag, Aarsi ko nikal'kar uss shocket ke pass le aaya jahan se wire connect thi.… Aarsi hans hans'kar sab najara dekhne me vyast thi, jab Chirag usse khinch'kar laya... "Baby dekhne do na"…
Chirag ek chhota sa kiss karte… "Baby tum mere pass raho na... Dekh nahi rahi kitne bade size ke hai, dannav dikh rahe"…
Aarsi:- Mujhe lallu aur bander najar aa rahe... Ye to Ezaz se bhi gaye gujre nikle...
Chirag, bhi jod se hanste... "Baby in namuno ke liye to Ezaz hi kafi tha"…
Aarsi:- Apne sabhi friends best hain baby... Lekin master ne kya kaha tha... Pahla kaam backup bulana.
Chirag:- Thik hai tum emergency massage do, jabtak in sabko main jhatka deta hun...
Aarsi ne mobile nikal'kar emergency massage button dabaya aur hath ke ishare se sabko bulati hui.… "Uncle aao na pakdo... Pakdo.. pakdo".
Arf aur Yuvi apne aankhon ke samne yah najara dekh'kar baukhla gaya... Chhote-chhote piddiyon ne uske biologically modified narbhakshiyon ko mazak bana dala. Baukhlahat me usne dono ko sidha marne ke liye Adrishi jaanvar chhod diya...
20 fit ke kaale haiwan… jiske panje ke barabar to Aarsi aur Chirag ka dhar tha, kale badlon ki tarah jaise mandra gaye ho sar par.... Aarsi aur Chirag apna gardan poora uncha kar'ke dekhna par gaya, jane un Adrishi janwar ne hawa me kitne fit uncha chhalaang lagaya tha... Aur agle hi pal…
Ek chhalang jo Nischal terris se laga chuka tha... Dono Adrishi jaanvar ki uchhal terris se bhi unchi aur Nischal terris se hawa me chhalang lagate, sidha ek jaanwar ke panje ko pakda aur jamin par land karne se pahle hi... Panja pakad kar 2 baar uss Adrishi jaanvar ko hawa me ghumate, dusre jaanwar ke upar de mara.
Aisa laga jaise Nischal kisi ball ko pakad'kar do baar hath itni tej ghumaya ki aniyantrit gati pana chahta ho... Aur uss gati ke sath jab ek bhimkay Adrishi jaanvar ko lahra'kar, dusre ke upar feka.… Fir to dono ki itni tej bhidant hui, takra'kar dono aadha kilometer dur barf ke maidan me gire aur unka mrit sharir, aur aadha kilometer tak fisalta hua chala gaya...
Dharaamm ki awaj ke sath Nischal Aarsi aur Chirag ke samne tha... Aarsi aur Chirag dono seety bajate aur hooting karte… "Fufa aap kamal ho... Pata nahi ye namune kaun hai, aur kya chahte hai"…
Nischal ne hathon ke ishare se unhe pichhe jane kaha... Samne se 3 narbhakshi daure.... Kya gati thi uski... Aisa laga jaise ek Viggo ke gati ki nakal thi... Palak jhapakte hi 3 narbhakshi bilkul gayab.... Infinite gati kah de to galat nahi hoga... Lekin agle hi pal aisa laga khade parvat se infinite gati ki car takra gayi ho.… Aisi haalat thi uss jagah ki mano road roller ke niche jaise koi tarbuj aa gaya ho...
Laal dhabbe ke alawa wahan kuch najar hi nahi aaya, na to 3 narbhakshiyon ki haddi thi aur na hi unki khal. Bus khun ke dhabbe... Aur ye sab 1 second ke duswen bhag me ho chuka tha… Nischal apni jagah se 1 inch na hila...
"Main janta hun ki tu sun raha hoga..... Abe tu chahta kya hai... Meri shadi ka wedding gift dene aaya hai kya"… Nischal un narbhakshiyon ke samne khade ho'kar chillaya...
Tabhi un me se ek narbhakshi…. "Tum jinda bach jao, tumhari biwi Jivisha jinda bach jaye, lekin bakiyon ka kya... Kitne maroge... Mere liye marne walon ki koi kami nahi aur kitne bhi marte rahe, mujhe fark nahi padta. Mujhe to bus ek mauka chahiye aur jab tum anginat laash bichha rahe hoge, ek mauka to mujhe mil hi jayega ki main tumhare liye marne walon ki laash gira dun"...
"Ab yadi tumhe bhi apne logon ke marne ka koi afsos nahi to shuru karte hain lashon ka khel, warna mera intrest to kewal aur kewal baat karna hai… choice is yours"...
Nischal:- Main tou khun kharabe se sanyas ke liye nikla hun... Achha hai hum baat kar'ke ek dusre ko jaan sakte hain, ek dusre se bahut kuchh sikh sakte hain, aur ek badi ladai taal sakte hain… bus bhasha ki maryada bani rahni chahiye...
Sabhi narbhakshi ek katar bana liye aur resort ke pichhe andhere hisse me badhne lage. Nischal jab'tak baat kar raha tha pichhe se Nandni aur Jivisha bhi pahunch gayi...
Dono ne bhi prastav ko suna... Aarsi aur Chirag ko wahan se wapas bhejne ke baad teeno ussi raste badhne lage.. Resort ke pichhle hisse se jaise hi bahar aaye, ek vahan wahan khadi thi aur teeno uss vahan me savar ho gaye... Lagbhag 20 kilometer ki duri par, barf ke bade maidan me Surpmarich ne apna dera dala tha…
Bilkul andhrea mahol aur kuchh bhi dikh na raha tha.… Vahan ruk chuki thi, teeno utre... "Jivisha ye sale kale log... Dil bhi kaala, mann bhi kala aur baat karne ke liye bhi kaali jahah lekar aaye hain"…
Jivisha, hansti hui.… "Bam bam bhole... Kailash marg par hain aur shwet bhumi... Ye jagah kabhi kaali ho sakti hai kya"…
Jaise hi Jivisha ne apna baat poori ki jamin se shwet rang hawaon me the.… Kale andere raat me timtimati, khubsurt si raushni... Nandni ghum ghuma'kar charo ore khusi se dekhti... Apne dono panje hawa me ki aur ek baar charo ore ghuma dee...
"Wooooo Nandu… ye to kamal ho gaya... Kaise kiya tune"…. Jivisha utskta vash puchhi... Jaise hi Nandni ne bijli ko hawa me chhod'kar apne path ko disconnect ki... Wahan shwet rang jo jagmaga rahe the ek shreni me aise chamke mano hawa me khubsurat aatishbaji ho gayi ho...
Nandni:- Ye to ghar ka maal hai, kabhi bhi puchh lena, abhi dushman se baat'chit ka waqt hai...
Charo ore tej raushni se wo pura kshetr saaf dikh raha tha..... Pura maidan khali aur dur-dur tak kahin koi najar nahi aa raha tha…. Nischal aur Jivisha dono ne lagbhag ek sath, apne upar ke bhadi-bhadkam thand se bachne wala over coat nikal kar Nandni ke ore ek sath badhate… "isse jaldi se pahan Nandu"…
Nanani unka coat leti... "Thanks yaar... Warna laga ki kahin ye thand me meri kulfi na jam jaye.. lekin sochne wali baat yah hai ki.… Ye hume yahan bula'kar khud kidhar gayab ho gaya"…
Nanani apni baat samapt ki hi thi, ki thik ussi waqt jamin faad'kar Adrishi janwar ne unhe gher liya… tin log khade the aur lagbhag 20 fit ke dayre ko chhod'kar... Pura round circle banate, vishalkay Adrishi janvar khade the aur un Adrishi janwar ke pichhe fir Adrishi janvar ghera banaye...
Chhote-chhote dikh rahe 3 log, aur circle par circle banaye 20 fit uncha aur lamba jaanvar... Ajib hi mahol tha, aisa lag raha tha 3 chuhon ko billiyon ne charo ore se gher rakha ho.. aur uss ghere ke pichhe bhi ghera aur uske pichhe bhi ghera bana'kar 5000 Adrishi janwar, khun ke pyas ki fufkaar maar rahe the. Lekin shayad koi dayra bandha tha isliye nischit duri banaye the... Aur un janavr ke circle ke pichhe 10 hazar narbhakshi khade...
Tabhi ek kinare se 1 fit ka rasta khali hua aur wahan 4 log chale aa rahe the... Arf, Yuvi, aur Final planet ki sahjadi Vishi aur Nilayani…
Jaise hi wo charo pahunche, 4 narbhakshi ne wahan line se 4 alishan unchi kursiyan bichha di, aur Jivisha, Nischal aur Nandni ke baithne ke liye, jamin se aadhe fit unche table bichha diya.....
"Sahjade Nischal, Vishesh Jivishsa aur tuchh insan, apni jagah baith jao"… chehre par ahankari hansi aur shabdon me kataksh... Vishi ne un teeno ko baithne ka ishara kiya...
Nischal muskurate huye ek baar Nandni aur Jivisha ko dekha aur unhe baithne ka ishara kiya... Teeno table ek line se lage the... Nandni aur Jivisha ne table ko thoda pichhe khinch'kar dono baith gayi... Aur Nischal jab baitha to wo dono ke bich me tha lekin aage baitha hua tha...
Nilayani:- Chalo parichay se shuru karte hain baat chit... Mera naam hai Nilayani aur wo hai meri bahan Vishi... Hum dono milkar bante hain Vish-Nilayani… jiske naam ke asli hakdar hum hai... Tu Jivisha hai na...
Nandni:- Yaar ye tum log taunt-taunt khel'kar kya provoke kar rahe???... Lekin ye comedy se jyada kuchh na lag raha... Oye surpnakha wale marich… sorry double surpnakha marich... Kuch aatithiyon ke liye popcorn mangao yaar, taki tumhari ye 2 take ke kalakar ki comedy par hum popcorn khate huye enjoy kar sake...
Nandni ki baat sunkar Jivisha jod se hansti, usse hi-fi dene lagi aur khud ko Vish-Nilayani kahne wali bahne baukhla gayi... Tabhi Arf apna hath dikhate... "Suna nahi humere aatithiyon ne kya kaha... Popcorn le aao"….
Ek tej narbhakshi dhavak daur kar gaya aur pocorn ka poora stock lekar aaya. Dono ko serve karne dene ke baad…. "Hum kuchh baat kar len"… Arf ne kaha...
Nischal:- Haan kaho...
Arf:- Tum logon ke pichhe kaun hai. Wo kaun hai jiske pass meri jinakari hai... Wo kaun hai jo mere khilaf sadyantr rach raha hai...
Arf aur Yuvi ki najren jaise Nischal par tiki ho, aur Nischal ki najren un dono ko hi ghurti... Tabhi pichhe se Jivisha ka kalpnik sarir bahar aaya... Uss jagah me maujood har koi bhavya ujli raushni ka saya dekh rahe the... Jiska aadha hissa Yuvi aur aadha hissa Arf ke ore badhte, uske ander se nikal rahe kaale kalpnik sharir ko aisa jhatka diya ki wo ander ja ghusa.…
"Jalil surpnakha marich, ye trick ander ghusa le... Ya fir jo upar se nikal raha hai usse to main tere pichhe"
Nandni Jivisha ko bich me hi rokti... "Bus kar wo samjh gaya hai... Hum yahan baat karne aaye hain... Baccha hai wo apni kala dikha raha tha"…
Issi bich dono bahne pure aawesh me aati.… "Tum badjaat chhote jiv, hum jaise abhedi se aise sur milaoge.… Nahi hogi koi baat'chit. Pahle yahan tumhari laash giregi aur baad me tumhare har naam lene walo ko mita diya jayega"…
Dono bahne ek sath apni baat kahti, apne hath ko hawa me lahra'kar samne ke ore ki... Vishi ne apne hath se hawa ke sare zahrile chemical ko samet liya tha, tou Nilayani ne usse sidha Nandni ke ore pahla waar kiya...
Itne jahirile chemical ko hawa se khincha gaya tha ki uski ek chhoti si chapet kafi thi Nandni ko maarne ke liye aur iss baat ka aabhash na kewal Jivisha ko hua balki Nischal ko bhi aabash ho chala tha...
Agle hi pal mano wahan ke sampurn vayu ko hi Jivisha ne apne dono hath ke bich samet liya ho aur agle hi pal usse upar aakash ke ore chhod dee... Aakash me mano kahin dur tak unchi lapten uthi ho...
Nischal apni jagah baitha lekin uska aadha sarir mano ander se bahar nikal'kar Surpmarich ke samne lahra gaya ho... Ek tej dahar jo Nischal ki thi, jisse sun'ne ke baad wahan chir shanti fail gayi aur har kisi ke sine me mano ek Anjaana bhay paida ho gaya ho…
"Maine pahle hi kaha tha bhasha ki maryada nahi tootni chahiye aur yahan to tum sab ne mere shant rahne ke hi maryada ko tod diya"…
Nischal tej dahar me apni baat kahte huye hi dono bahan ko kab uss Adrishi jaanvar ke circle ke pichhe fenk diya, Arf aur Yuvi ko pata tak na chala... Kabhi dayen-bayen dono bahan ki postion ko dekhta, tou kabhi samne baithe Nischal ko...
Nischal apni jagah par khada ho'kar apna khanjar Jivisha ke gode me fenkte... "Meri jaan, main jarra un dono bahan se puchh kar aata hun ki wo Vish-Nilayani ke saman kaise ho gayi... Jabtak in dono ko sambhal kar rakho... Lautkar aata hun tab baat'chit shuru karenge"…
Jivisha.… Tum jao love.. jabtak main aur Nandu time pass kar rahe...
Aisa nahi tha ki Yuvi aur Arf kosis nahi kar rahe the... Nischal ki dahar suru hone se le'kar ab tak wo kosis me hi jute the aur Jivisha unki har koshion ka javab thi... Nischal apna kadam badhane se pahle ek chhota sa device Nandni ke gode me bhi fenk diya...
Nandni ko pata tha ki ye kaun si device hai aur kya karna hai... Idhar Nischal char kadam aage nikla aur udhar Nandni uss device se vayumandaliya aavran banati, chhote sa complete cover banayi, jisme uske alawa Jivisha aur Surpmarich the..
Ek chhota vayumandaliya aavran jiske ander char log the... Bahar 20 fit ka bana ek circle jise Surpmarich ne banaya tha, jiske ander Adrishi janvar nahi aa sakte aur circle ke bahar unke khun ki pyas tiwr thi... Bilkul kale aur chamkile sharir wale iss janvar ko biologically pahle se jyada khoonkhar banaya gaya tha.. Uske pichhe khade the 10 hazar narbhakshi. Biologically modified aur jiski shaktiyon ko Nischal ki shakti se match kar diya gaya tha...
Circle ke bahar intne khunkhar aur rahkt ke pyase dushmano ke bich, khadi thi Final Planet ki abhed rajkumariyan... Vishi aur Nilayani.... Mano ye dono rajkumari na hokar twin energy stone ho, ek jo kisi bhi tarah ki energy ya substance ko khinch leti ho aur dusri ussi khinche substance ko hathiyar bana'kar kisi bhi dushman ki badi se badi khunkhar sena ko dhwast kar deti ho...
Jaan jiski lee ja rahi ho, usse bachne ke liye baar-baar kismat ka sath chahiye, lekin jaan leni ki jo kosis kar rahe hain, unhe bus ek mauka chahiye. 20 fit ki duri par Nischal ki jaan lene wale anginat, jinhe bus ek mauka chahiye tha...
Jiski dahar bhay ki parichayak thi, aakrosh raudra tandav aur jab apna kahar barsata tab kurur se kurur balsali ka hraiday bhi bhay ke maare chinkhne lag jaye, "kitna kurur hai ye"... Uski beraham maut... Chinkhne ka mauka tak nahi deti... Aaj Naa to gati rahi, na hi pass koi hathiyar. Fir bhi befikr aur bekuaff Sahjada chal chuka tha…
Jiski dahar bhay ki parichayak thi, aakrosh raudra tandav aur jab apna kahar barsata tab kurur se kurur balsali ka hraiday bhi bhay ke maare chinkhne lag jaye, "kitna kurur hai ye"... Uski beraham maut... Chinkhne ka mauka tak nahi deti... Aaj Naa to gati rahi, na hi pass koi hathiyar. Fir bhi befikr aur bekuaff Sahjada chal chuka tha…
Wo badh chala fir apni hunkaar me. Apne path par aage. Manmohak si chaal thi, aur befikari ki wahi chir parichit aadaaz, jisme bhay shabd to kahin basta hi nahi tha, jab wo nikalta apne shikar par. Kuchh hi der me wo dayra bhi laangh gaya jisme Adrishi janvar aa nahi sakte the...
Har badhte kadam ke sath, ab wo kahin kho sa gaya, khun ke pyase un janwaron ke bhid me... Hawayen bhi bilkul shant si ho gayi ho jaise, yah najara dekh ki aage kya hoga... Un janvaron ki tulna me itna chhota Nischal najar aa raha tha ki ek chhoti si chuk aur uske sharir ke chithre huye...
Bhid me Nischal aisa gum hua ki kuch bhi najar aa pana mushkil tha, wahan niche khada Nischal kar kya raha tha…. Tabhi dil thame baithi Nandni puri ghabrahat ke sath chillayi... "Niachal mujhe dar lag raha hai"…
Jivisha jo samne 2 purn saitano ke sath masakkat kar rahi thi…. "Areee abhi action shuru nahi hua hai… chinta kyon karti hai... Jarra meri madad kar. Uth'kar ja aur samne 2 thappad laga aa... Issi ke wajah se sari aag lagi hai"…
Nandni gusse me uthi aur pura gussa apne hatheli me sameti... Aur ek karada thappad para Yuvi ko, aur ussi ke kuchh pal baad kadara thappad para Arf ko.... "Harami isse kahte hain kadara bijli ka thappad"…
Nandni ke gusse ka extream level dekh'kar Jivisha ki hansi hi nahi ruk rahi thi… thappad ke sath bijli ka aisa jhatka chipkaya tha dono ko, gaal ki chamri jal gayi thi. Panje ke nishan ke gaddhe par chuke the...
Jivisha, khadi ho'kar Nandni ko gale lagaati, "aaja baith ja mera kaam aasan kar di"...
Nandni:- Aisa kya kar diya mere thappad ne..
Jivisha:- Ek to dil khush kar di, jab tak iska ye sharir rakhega tab tak tere thappad ke nishan dekhenge... Dusra sale bahut bhadi par rahe the... Mujh par hawi ho rahe the… achha shock treatment diya hai, dimag thikane aa gaya honga.…
Nandni:- Ek aur treatment de kar aaun kya..
Jivisha:- Abhi nahi, mar gaye to Nischal baat kis se karenge… jinda rakhna hai...
Kuch pal jab Jivisha aur Nandni vyast the... Nischal, Adrishi janvaron ke bich jaise hi pahuncha, tej humla uss par shuru ho chuka tha… Lekin Adrishi jaanvar itne bade the aur uske mukable Nischal itna chhota tha, ki ek waqt me 4 janvar se jyada humla karne ki jagah hi nahi bachi thi..
Nischal par jaise hi 4 panjo ka humla hua... Nichal ludhak kar niche gaya.. Adrishi jaanvar ke char paun ke bich.. aur agle hi pal ek ke panje se upar chadhta huya Adrishi janvar ke sar par pahuncha.
Jaise hi Nischal khule mahaul me upar ke ore aaya, ab kayi jaanvar ke liye Nischal par humla karna aasan sa ho gaya tha... Ek sath na jane kitne Adrishi jaanvar humla ke liye kud chuke the. Har Adrishi jaanvar ka panja mano kisi soccer player ka paun aur Nischal ka sar soccer…
Itna bada jhund hawa me chhalang laga chuka tha ki mano badi teji se kale badlon ka jhundh Nischal ke upar hi aana chah raha ho. Agle hi pal....
Nischal ne bhi hawa me chhalang laga diya... Adrishi janvar ka jhund to lagbhag 20-22 fit ki duri par tha, tabhi mano jaise visphot sa hua ho....
Idhar Njschal hawa me udhar bada sa Adrishi jaanvar hawa me... Dono hawa me kud'kar jaise apne-apne long jump practice kar rahe ho... 20 futiya janvar to fir bhi hawa me 15-20 fit duri tay kar'ke Nischal par humla kar sakta tha, lekin Nischal…
Hawa me haan lagbhag 20 fit hi dur raha hoga uss jhund se, aur agle hi pal jaise chumbak ka khinchav ho... Ek patli si chain hawa me lahrati hui ek Adrishi janvar se chipka aur ussi ke sath Nischal chumbak ki bhanti teji se khincha chala gaya... Patle se chain ke sath chipkane ki gati... Ye uss prapt gati se bhi 4 guna jyada thi, jo pahle kabhi Nischal ke pass hua karti thi, lekin tab bhi wo hawa me nahi daur sakta tha... Aur iss raftaar se jakar takrana...
Ek adbhut kala jo janm le chuki thi Surpmarich dwara vayumandaliya aavran ko bhedne ka gyan hone ke baad…. Serin aur Nischal taiyar the apne naye vayumandaliya aavran ke sath jo ki aage air-shield karne ke sath-sath thik pichhe jalvayu ki aise moti aur khushn wala layer taiyar karti jo bahri humla se shield kahin se leak hui to pichhe ka wo viscous layer sari visphot ko sokh kar deewar ko kuchh na hone de.… Surpmarich ke jankari ke baad inka pahla upgradation…
Aur kya khub istamal hua tha iss upgradation ka... Nischal ne chain fenk'kar ya to khinch le ya khud hi khincha chala jaye... Khinchne ki gati aniyantrit aur takkar ke waqt samne air-shield. Boommm … iss gati ke sath lamba chauda shield se takrana yani haddi, maans aur khun sab dhuan-dhuan...
Aisa lag raha tha jaise hawa me laal aur kaale rang ki aatishbaji ho rahi ho... Nischal hawa me kud'kar apna chain fenka... Aniyantrit gayi aur boommm ki jordar takkar aur agle ji pal hawa me dusre uchhle adrishya janvar ke ore chain fenk diya... Hawa me jitne bhi Adrishi jaanvar khude the... Boommm boom boommm... Abhi yahan dhuan thik se utha nahi pal me thodi dur par dusra...fir teesra... Fraction sceond ka mamla aur kewal dhuan hi dhuan uthta ja raha tha...
Fir to bus Nischal jaise hawa par pankh lagaye tha... Abhi yahan dikha yahan chithre aur agle hi pal dusre Adrishi jaanvar par… Nischal kr dono hath me chain aur puri kusalta se rakht charitr dikhate uchhal chuke kisi bhi Adrishi jaanvar ko jamin par aane nahi diya...
Wo sab to the janvar… Unhe apna marta sathi to nahi dikhta lekin kabhi yahan to kabhi wahan hawa me Nischal jaroor najar aata aur jis hisse me bhi najar aata khun ke pyase Adrishi jaanvar chhalang laga chuke hote…
Ek jhund ko hawa me vilin kiya nahi ki dusra jhund kud jata... Nischal bus apne patle se chain ko chota sa disha dikhata fir to haddi, maans aur khun ki varsha charo ore shuru ho jati... Bhumi puri rakhtranjit ho chuki thi aur bekauff Sahjada apna pura rakht charitr dikha raha tha...
Wo bekhauff sa... Wo pura nirdayi sa.. wo purn rakht charitr me duba.. aaj bhi jab bhumi rakhtranjit ho rahi thi, chinkh nikalne se pahle pran nikal chuke hote... 1 minute hawa me aur 100 Adrishi jaanvar duan... Dur se bus Nischal ek pal ke liye yahan to agle pal wahan dikhta aur jahan bhi dikhta aisa lagta ki charo ore halke laal rang ki barish ho rahi hai...
Nandni aur Jivisha ne bhi lagbhag ek minute ka waqt liya tha aur jab Surpmarich se kuchh pal fursat hui... Dono ke hi chhati ek dum se upar niche... Boommmm.. awaj shant bhi nahi hui thi ki dusra.. teesra... Jab wo dono Nischal ke ore najar dali... Dono apni 2 baar aankhen minjti... "Ye gayab hokar sabko kuchal raha hai kya"… Jivisha apni aankhen badi karti hui puchhne lagi...
Nandni bhi aachrya se apni aankhen faad'kar Nischal ko apne aakhon me quid karne ki kosis kar rahi thi, lekin usse bhi Nischal yahan to agle pal wahan, aur jahan bhi gaya aatishbaji ki traha laal aur kala duayn hi uske charo ore najar aata... "Jisa kuchh samjha de ki wo kar kya raha hai, anhhh aur ye itna shor"…
Jivisha, Nandni ke kandhe par hath dalti... "Mujhe kya samjh me aayega... Main bhi pahli baar hi ye dekh rahi hun... Lagta hai ye thandi jagah hai na isliye in jaanvaron ka maans galega nahi... Isliye mere jaaneman ne ye naya rasta nikala hai"..
Nandni:- Aisa lag raha hai road aur road roller ke bich me tarbuj aa raha hai...
Tabhi ek halki si siski Jivisha ki nikli aur wo aage ghum gayi... Jivisha ki awaj sun'kar Nandni bhi samne mudi... Kuchh najar to nahi aa raha tha lekin usse samjh me aa raha tha ki kuchh to ho raha tha...
Wahin Jivisha akele 2 kale saaye se jhoojh rahi thi... Yuvi ka kalpnik sharir Nandni ke karib tha, jise Jivisha ne jaise hi roka, Arf ke kale saye ne Jivisha ko pura gher liya… Jivisha ke kalpnik sharir ko gher'kar Arf gol-gol ghumte huye hawa ka gol bawander bana raha tha, Jiske kale saaye ke ander Jivisha ka kalpnik sharir poora fansts ja raha tha...
Jivisha ka kalpnik shari ek ore se kapde kl jaise nichode jate hai waise hi gol-gol ghum'kar fansta ja raha tha… Haath ka prayog wo Arf ke jaal se nikalne ke liye kar sakti thi, lekin apne hath ka prabhav jaise hi wo Yuvi se hata'ti, agle hi pal wo Nandni ke dimag me hota…
Yuvi bhi kuchh der ki kosis ke baad apna poora dhyan Jivisha par hi laga diya... Yuvi bhi bhawandar banate turant hi Jivisha ke hath ko khinch'kar uske sir ko khinchne laga... Khincte huye Arf aur Yuvi ne apna ek aur jaal fenka… Jivisha ka kalpnik sarir ab hisson me nahi bant sakta tha...
Ek aisi siddhi jo kalpnik sharir ko Jivisha ke mool sarir ka vikalp bana diya... Jisme wo kalpnik sharir hoti matr hawa hi, lekin toot'ti to ander se Jivisha ka mool sharir toot jata... Jivisha samjh chuki thi ab wo achhe se fasi hai...
Jivisha ne apne akshnd mantr ka jaap ki aur khud ko kan (particles) me badalne ki kosis karne lagi... Lekin Surpmarich ka sampurn jaap, jiske karan Jivisha ka kalpnik sharir mul sharir se jud chuka tha, uss sampurn jaap ka akela Yuvi dugna asar dikha raha tha... Fir to Arf ke sath ye jaap 4 guna asar kar raha tha... Kamar itni khinchi ki Jivisha ke mool sarir par Nandni dard ke bhav dekh rahi thi.… "Ye sale dimagi khel wale"…
Nandni uthi aur jis gaal par nishan na the wahan bhi pure jor ka jhannatedar thappad lagaati hui... Dusre gaal par bhi panje ka nishan lagaa dee. Current aise dimag tak pahuncha ki pahle Yuvi aur fir Arf, dimagi shock ke karan mantr jaap prabhavit hua aur agle hi pal gusse me Jivisha ne pura kalpnik vayu chakr hi bana liya...
Vayu chakr jaise hi shuru hua, Yuvi aur Arf purvanuman laga chuke the aur turant hi unka kalpnik sharir apne maand me aa chuka tha…. Haalat dono ki kharab thi... Jivisha bhi apne sharir me wapas laut'te thodi pira me to dikhi, lekin apni ghahri shwans leti wo dard par poorn niyantran kari...
"Tu thik hai"… Nandni Jivisha ke chehre ki pira padhti... "Ye sale dimagi rog wale... Ruk inhe Singham ka ek panja laga'kar ganja karti hun"… Nandni apni baat kahti bade gusse me uthi aur apne dono hath ka panja pure jod se maar'kar kuchh der tak sar se chipkaye rahi...
Ajib baal jalne ki badbu thi aur dono ke sir me bhi panje ke aakaar ke gadde ho chuke the.… Jivisha ek baar fir jor se hansti.… "Kyon Surpnakha marich, jab pahle bata di thi ki ab ye dimagi ladai nahi hogi, fir aisi kya utsukta hai tujhe jo mara ja raha hai humare brain me ghusne ke liye"…
Yuvi:- Sukr manao hum dimagi ladai karne me intrested hain…
Nandni:- Tu na sudhrega... Shant baith aur wo dekh.… Wooooo Nischal... Tu to saboot me khali DNA chhod raha re.… Baki na haddi bachi hai na khaal...
Kya chinkhi thi Nandni, awaj Nischal ke kano tak bhi pahuncha… wo pichhe mud'kar bus ek baar un dono ke ore dekha tabhi Jivisha aur Nandni ke muh nikla... "Aawooo,bechara"… Nischal sarir se ek Adrishi jaanwar takra gaya aur dono ludhakte huye jamin me gire...
Nischal ek baar fir jhund me gayab tha... Nandni aur Jivisha ki aankeh Nischal ko hi dhundh rahi thi... Tabhi.…
"Dhamnnnnnnnnnnn" … kisi visphot ki tarah aawaj hui.. "Aawwooo" ki awaj Jivisha aur Nandni ke muh se nikal gayi aur agle hi pal aisa laga jaise katar ki ek line khali ho gayi hai.… Idhar Nischal jaise hi jamin me uss janvar ke sath ludhakte huye pichhe aaya... Adrishi jaanvar Nischal ke upar tha aur Nischal niche...
Uska bada panja Nischal ke sar ko faadne ke liye iss gati se badha tha, yadi chehre par shield na hota to Nischal na hota... Nischal apni badi si aankhen kiye... "Sala Tu to ajooba ho gaya Adrishi"… kahte huye Nischal apna hath ka itna tej punch ka fatka diya ki wo jhatka kha'kar jab'tak sambhalta, Nischal khada chuka tha.
Jaise hi khada hua, Adrishi jaanvar ke panje ko chain me fansa'kar thodi duri banaya. Itne me samne se dusra Adrishi jaanvar humla karne teji se badha. Nischal ne chain ko khinha aur chain se bandhe Adrishi jaanvar ko samne se aa rahe dusre janwar par pure jod se dhai patak diya... Dhammmmm ki tej awaj... Bhumi me jaise kamapan hua ho... Wo 20 feetiya jaanvar jamin me... Aur jo najara un janvaron ne dekha tab to unke hriday me bhi bhay sama gaya...
Ek swabhavik ka sense janvaron ka hota hai... Sher ko dekh'kar uss se kamjor maansbhakshi kitne bhi jhund me kyon na rahe, wo dar se apna rasta badalne me hi bhalai samjhte hain… Thik aisa hi 20 feetiya Adrishi jaanvaron ke bich hua..
Abhi ek dhamnnn ki kampan se bhumi shant bhi nahi hui thi... Nischal ne dobara uss Adrishi jaanvar ke mirt sharir ko utha'kar pass se bhag rahe dusre Adrishi janvar par patka... Tej dhamnnn fir se hui aur uske baad jaise ball ko fekte hai, thik ussi prakar se uss bhimkay jaanvar ko samne ke ore itna tej fenka ki puri line hi khali ho gayi...
Issi bich jaise hawaon me chhoti si ghanghanhat hui... Aizem ka ek ladaku viman pahunch chuka tha. Ek chakkar laga'kar Serin bilkul Madhya me kudi aur puri jagah ko hi vayumandaliya aavran se lock kar dee.…
Samne se ek Adrishi jaanvar Serin par kuda... Serin bhi chhota sa daur lekar gati banati hui tej hawa me thi... Serin hawa me uss jaanvar ke thik niche thi. Apna pura panje se gardan ka jitna hissa pakad me aaya, usse apne hath me daboch'kar, uss jaanvar ko utni hi teji se jamin par patak di... Ek sath ab 2-2 kampan ki awaj sunai de rahi thi...
Serin jor se chillati hui kahne lagi… "Tujhe sharm aani chahiye Nischal, 5 minute me tujhse bhid khatm na hui, yahan khel kud kar raha hai, chal cover kar... Luna... Barish karo...
Serin order dekar ek tej daur Jivisha ke ore lee... Apne kamar se iss baar usne bhi ek chain nikali... Use chain me ek Adrishi janvar ke gardan ko fanasati hui daurte huye usse dayen aur bayen patakti hui badhne lagi...
Udhar to Nischal jaise nisanchi ban'ne ki taiyar me ho... Apni chaine se bhag rahe jaanvar ko pakadta aur ab takkar nahi hoti balki jaanvar ko hi pura gol hawa me ghuma'kar jamin par patak deta aur poori takat se samne aise fekta ki wo puri line ke janvaron se takkar khate huye, Serin ki banayi vayumandaliya deevar se ja takrata. Tarkrane me baad unka aisa haal hota, jaise kisi akhrot ko deewar par puri takat se humach kar maar diya gaya ho...
Lashon ka khel aisa chal raha tha ki abhi to jaanvar hi mar rahe the, lekin kahuffjada to narbhakshi bhi tha... "Dhammm Dhammnnn" ke visphot ki awaj jaise kaleje me hi sabke dhamak macha rahi ho...
Luna ko oreders milte hi usne ek sath 1000 target liya. Target lock hote hi har kisi par 10 chhote-chhote niddle takraye aur takra'kar wo unke badan par bikhar gaye...
Dhire-dhire wo skin ko jalate huye ander pahunch rahe the aur ander pahunch kar jaise pura sharir hi jala rahe the... Fir jab air attack hua to kuch bacha hi nahi karne ko, siway aankhon ke samne galte huye lashon dekhne ke...
Luna aayi 2 minut me apna kaam khatm ki aur plan ko land kar'ke nikal gayi... Uske sath Kasak bhi pahunchi thi... Emergency sandesh in logon ko bhi mila tha... Jaise hi Serin ke pass ye sandesh mila usne turant Ert ko charo ore ka mahol lene bhej di...
Hairani Ert ko tab ho gayi, jab ye sabhi narbhakshi aur uske jaanvar, sab ke sab bhumigat hona sikh chuke the... Ert ne unki puri taiyari ka byora diya, jahan par radio suvidha se lekar viman tak ki jaankari lee gayi, kyonki pichhli baar jab bhide the tab air strike ke vajah se kafi padesani hui thi…
Serin ne pura mamla samjhte huye turant fir Nischal aur Jivisha se contact kiya aur unhe batayi... "Ye apne janvaron aur nerbhakhi ke bhadose hai... Kuchh bhi karne se pahle pura mahol bhanp lena... Wo Surpmarich apni puri kashmta se nahi utra hai... Aur ek baat jitni bhi ladai hui hai un ladai me ye humari poori technology aur yogyta copy kar rahe hai… Humla kaise karna hai wo tum sab samjh lena"...
Wahin apna sandesh dene ke baad Serin ne turant viman taiyar kiya. 10 lakh lead needel jo 5ml "Aakhri zahar" (Sabse zahrila zahar jiski ek bund kafi hai lakhon logon ko sulane ka liye) me process kiya tha, usse load kar liya gaya... Viman me Luna, Kasak aur Serin sawar ho'kar nikal gaye.…
Jaisa Serin ne socha tha wahi hua, aur Nischal chain ka hi istamaal kar raha tha, jiske bare me Serin ne pahle soch rakha tha… Dekhte hi dekhte sabki laash gal chuki thi aur Ert Aakhri zahar yahan ke hawa aur jamin ko asar na kare isliye uss ke zahrile suubstance ko Serin dwara banaye gaye machine se absorb karwa rahi thi...
Seirin, Dharaamm, dhurummm karti hui Jivisha ke pass pahunchi thi, wahin Nischal ab bhi apni jagah khada tha aur samne 2 abhedi rajkumariyan Vishi aur Nilayani khadi thi… "Aahhhh ab ye kaun namuni bach gayi"… Serin apne badhte kadam rok'kar wapas Nischal ke ore chal di...
Vishi aur Nilayani ek sath... "Kahin tum hume in jaanvar aur narbhakshi ki shreni me to nahi rakh rahe Sahjade... Hihihihihihi.… Tumhara ye Aakhri Zahar mera kuchh nahi bigad sakti"….
Dono bahne kayi sare needle ko apne hath me samet'kar rakhi hui thi, jise dono bahne chaba'kar nigal gayi.…
Nischal khud me hi dhime se kaha... "Barboli kahin ki"… aur kahte huye uski ore jaise hi badhne wala tha.… "Tu pichhe hat, main dekhti hun"…
Nischal:- Mat dekh.. main hun na.
Serin usse ek punch ghuma'kar aisa di ki Nischal ke naak se khun nikalne laga... "Dobara juban mat ladana, ab bhi tu kamjor hi hai" …
Nischal teji ke sath apna hath badh'kar Serin ko balon se pakad'kar utha liya.. Ye dono aapas me hi lage huye the, tabhi wo Vishi aur Nilayani ne humla bol diya.…
Wahin jab dahmmm dhamnnn ki tej awaj Nadni aur Jivisha ne suni, dono chidhti hui... "Ye aaj kal kitna shor kar'ke maar-pit kar raha hai... Pahle wala version hi jyada sahi tha"…
Jisvisha aur Nandni dono pichhe mudi hui thi thik ussi waqt Yuvi ka kalpnik sharir bahar nikla aur Arf ne apne hath ki mutthi jaise-jaise band karne laga Jivisha ke gale par aaproopi hath ka davav badhne laga.… Agle hi pal attahas se paripoorn Arf ki hansi aur Yuvi Nandni me praves karne ke liye badh gaya...
"Dushman ko kamjor aakna... Tum kabhi humri kshmtaon ke barabar nahi aa sakti Vish-Jivisha.. ab tak to bus hat'kheliyan ho rahi thi"… Kahte huye Arf wapas se hansa... Jivisha ne apne hath se vayumandaliya energy ko istamal ki, lekin wo itna kamjor humla tha ki Arf uss se 100 guna jyada humla jhel sakta tha... Aur idhar Yuvi jaise hi ghusne ko aaya Jivisha usse bhi rokne ki kosis me lagi... Udhar bhi Jivishsa Yuvi ke kalpnik sharir ko rokne me nakamyab ho rahi thi..
Nandni apna hath to uthana chah rahi thi lekin wo apna haath nahi utha pa rahi thi... Apna sharir nahi hila pa rahi thi. Aur dekhte hi dekhte Yuvi Jivisha ke najron ke samne hi ander Nandni ke sharir ke ander prawes kar chuka tha….
Arf fir se hanste huye.… "Tumhe kya laga tumhe wo Saatvik Aashram wale 6 mahina ya sal bhar taiyar kar denge, to hum se mukabla kar Paogi"… Jaise hi Arf ne apni baat poori kee, aisa kaga jaise Jivisha ke chehre par ek mukka pada ho... Itna tej mukka pada tha ki naak sur muh se khun nikalne laga tha, gale par panje ke nishan parne lage…
Nischal uss waqt bhid ne dhamnn dhamnn ki awaj ke sath nishanchi bana hua tha... Aur idhar Jivisha ke gale par laal mote ungliyon ke nishan saaf dekhe ja sakte the.… Mukka Jivisha ke chehre par iss berahmi se padne laga tha ki uske muh aur naak se lagatar khun ki dhara bah rahi thi... Aankh ke pass kale nishan se pad gaye... Idhar Yuvi Nandni ki yadon ke sath chhedkhani shuru kar chuka tha...
Jivisha ki haalat aisi thi ki ab to uski aankhen band si hone lagi thi, muh haklka khula jis se laar khun bah raha raha tha, jibh halka bahar jaise shwans lene ke liye jaddo jehad kar rahi ho... Chehra ki dhajjiyan udd chuki thi aur pran muh ke raste ab tab me hi nikalne wale the… Jivisha apne aakhri ke palon me thi...
Tabhi Ert jamin faad'kar bahar nikli aur.. Nilbhut samuday ki Shashika ka wo naag-dansh, jo pura ka pura ek ubhri hui tattoo saman, Jivisha ke anghuthe ki surwat se lekar uske nakhun par samaya hua tha... Ert uss naag-dansh ko khinch'kar nikalti hui, jivisah ke hatheli me rakh di...
Jaise hi naag-dansh uske haath me aaya Jivisha apni aakhen jhake ke sath kholi... Fijaon me tej attahas bhadi hansi.… Naag dansh ki tej pakad aur naag dansh ke upar bane swet naag ki nili aankhon ki chamak, uss chhote se vayumandaliya aawran ko poora nile raushni me dhak chuki thi…
Agle hi pal Arf ko mehus hona shuru hua ki uske gale me naag itne tej sikanja kas chuka hai ki uski jibh bahar aana shuru ho chuki thi... Jivisha ka kalpnik ansh uss puri nili raushni ko apne ander sameta aur ek hi baar me wo Nandni ke sharir me ghus gayi. Jaise hi Jivisha Nandni ke dimag me prawes ki uske agle hi pal, Nandni ke dhimag se Yuvi ke kalpnik sharir ko aise ghasit'kar bahar nikali jaise police kisi ko ghasit'ti hui le jati hai...
Bal ko mutthi me daboche aur gal par thappad par thappad chalate huye... Na to koi siddhi kaam aayi na hi hazaron varshon ki churai shaktiyan. Ek pal me hi zero ho gaya Yuvi, jiski har chalayi shakti uss tej nili raushni me ulajh kar rah jati...
Adbhut najara tha jiske bare me aaj se pahle kabhi Surpmarich ko pata na chala tha.... Aur Jivisha ne unki aisi bebas si haalat banayi thi, ki wo iss shakti ko mehsus to kar sakta tha lekin samjh nahi sakta tha, kyonki uski samjhdari par ab thappad padna shuru ho chuka tha...
Idhar Ert Nandni ko Nischal dwara banaya gaya jaributi wala jusice pila'kar hosh me lati.… "Tum thik ho"…
Nandni, bina kuch bole apni najar Jivisha par aur teji se apne haath badhayi hi thi ki.… "Nahi Nandni, abhi chhuna mat... Ye nili raushni jab jayegi tab Jivisha ka pura sharir recover karte jayegi... Usse chhuna abhi khatarnak hai... Ye puri nili raushni hi zahar hai... Aisa zahar jisme zaharile se zahrila saanp bhi mar jaye… Jivisha apni shakti se pura jaal banayi hui hai... Ekagrta (concentration) bhang hone se sabko prreshani hogi"...
Idhar jab'tak Jivisha, Yuvi ke kalpnik sharir ko thappad lagati hui, pura ka pura uske kale saye ko apni nili raushni lapet dee aur uske kapnik sharir ko khinch'kar uske sharir me dalti hui naag dansh ka nichla sira teji ke sath bhumi par gaad di...
Jaise hi Yuvi ka kalpnik sharir uske sharir me prawes kiya, uski tej chinkh uske pira ko bayan kar rahi thi... Wo apne haath se apna baal nochne laga... Apne sar ko sidha le ja'kar barf ki chadar ke ander daal liya… uski aawaj bhumi ke niche dab to gayi, lekin chhatpata hua dhar ehsas karawa raha tha ki wo kitne dard me hai...
Issi bich Kasak aur Luna dono ek sath pahunch gaye. Kasak aur Luna jab pahunchi tab Nandni aur Ert ki hairan najron ko dekh'kar... "Dono ne bhut dekh liya kya"…
Dono ne apni ungli Jivisha ke chehre ke ore dikhayi.. muh se tej "woooooo" ka sound nikla aur dono (Luna aur Kasak) hairani se jhatke kha gaye.… Jivisha ke pura chehra hi sapat ho gaya tha... Aisa laga jaise Nile rang ka 5 kilo cream upar se pot'kar pura chehra hi gayab kar diya ho...
Dekhte hi dekhte Jivisha ke chehre par se nile rang ka pratit hota cream, dhire-dhire ek patli line banate huye naag dansh ke upar bane saanp me samata hua chala gaya... Jivisha jab mud'kar dekhi... "Aise kya dekh rahi ho"…
Charo ek sath... "Ye kamal ka jadu tha"…
Nandni:- Tu thik to hai... Aur ye sala harami dobara humla to nahi karenge…
Kasak, Yuvi ko dekhti, jod-jod se hansti... "Aree ye jamin me muh ghus'kar kya kar raha hai... Kahin koi adrishya bhoot iski maar to nahi raha hai... Sala muh jamin me, kamar aur dhar poora hila raha... Ye kya comedy hai..
Jivisha:- Kutte hain sale... Aur ab patta laga diya hai kutte ko... Nischal kahan hai...
Tabhi sabki najar usse ore maidan me gayi jahan Nischal Serin ka bal pakad'kar hawa me uthaye tha aur Serin apne hath aur laat se usse maarne ki kosis kar rahi thi.… "Hum sochte the kewal hum hi pagal hai... Ye mere jijaji to bade wale pagal hai... Bhai-bahan ki ye takrar epic hai... Koi recorddddd... Woooo ab ye dono kamini kaun hai... Aisa kya maar diya jo dono jhtaka kha'kar pichhe gaye"… Kasak apni baat kahti-kahti achanak huye humle se chaunk gayi...
Chaunk to ye dono bhai-bahan bhi gaye the, lekin ladai ke maidan me kah lijiye ki inki aankhen 360⁰ ki rahti hai... Serin aur Nischal unke har energy khincho aur bhejo humle se, apne air-shield ke karan bach to rahe the, lekin ye itna tagda jhatka de rahi thi, ki har humla dono bhai bahan ko piche ke ore dhakel deta...
Dono ek dusre ko dekhte... "Aise nahi manege" … dono ne apni chen nikali aur chain ko hawa me jaise hi feka, ja'kar dono bahno ke gale me fasa... Aur shreni kram me usse left, right, left… dhamnn dhamnn, dhamnn, jamin par patakne lagi...
Jamin par itni tej-tej patkhani khane ke baad bhi dono bahne jod-jod se hansne lagi... "Kamini bahut dhit hai... Itna patka ye jinda kaise hai" …
Serin jab'tak puchh rahi thi... Nischal teji ke sath pichhe palta, lekin jab'tak wo bada sa shield banata, tabtak bhaan ka chhota sa hissa bahar rah gaya tha aur jitna hissa shield ke bahar tha pura ka pura gayab hi ho gaya... Darsasal dono bahne jab hawa me latak kar jamin par dhamnnn dhamnnn dhamnn patka rahi thi thik ussi waqt dono behno ne reverse power khel dee...
Nilayani jaise hi hawa me Nischal aur Serin ke upar gayi, thik unke pichhe apni power teji se relese kar di... Aur jitni teji se Nilayani ne unke pichhe particles energy chhoda, Vishi ne utni hi teji ke sath usse khinch liya... Pichhe mud'kar Vayumandaliya aavran pura karna me chhoti si chuk ho gayi aur Nischal ke kevhnee ke upar, bahn ka pichhla aadha hissa bahar aa gaya...
Dard bhadi chinkh itni tej thi Nischal ki, Wahan baithi sabhi ladkiyan khadi ho gayi.… "Sab baith jao aur popcorn khati hui show enjoy karo"…
Vishi aur Nilayani tej garajti.… "Nich jiv, hum jo khud ko Astak ke vansaj se upar maante hai, usse tum dono apne ghatiya trick se maar sakte ho kya??... Tum apni sari shakti humare ander marne ke liye daloge, tab bhi wo skin ko ek inch na bhed paye aur jo hathiyar hume bhed sakta hai, usse to chhod aaye ho"...
"Khair wo bhi rahta to bhi bigad kya lete..… Abhi to hath ka thoda hissa gaya hai... Dhire-dhire tumhare poore sharir ko noch dalenge badjaton aur ye meri juti jo tumhare uss badjaat sipahi (Puncham) ke chamre se bane hain, aise hi kayi jutiyan, tum dono aur yahan maujood sabke chamron ke banwungi... Thuuu tum asahay rengne wale"…
Ek kashn Serin aur Nischal ki najren mili... Serin 10 kadam pichhe gayi... Issi bich unke humle shuru ho gaye... Nichal pichhe ghuma'kar Serin ke pichhe se diwar banata aur hatata, aur idhar Serin Nischal ke aage se badi air-shield banati aur hata leti...
2 humle ko apni air shield se rokne ke baad Serin ne daud lagaya… Haan nischit ye Nischal ke daur ke barabar nahi tha, lekin speed kam to katai nahi thi... Serin matr 10 kadam piche teji se dauri aur Nischal ne apna ek hath badha diya. Serin daudti hui Nischal ka hath pakad'kar hawa me uchhal di... Nischal jabtak hawa me tha, wo Serin ke tej daur ke aage shield lagat aur Nilayani ke humle se bacha'kar turant shied hatata... Inch dar inch ke fasle par kaam ho raha tha, aur agle hi pal jaise hi Serin hawa me upar uchhli, Nischal Vishi ke pichhe land kar chuka tha.
Land karte hi Nischal utne hi teji ke sath Vishi ka gardan pichhe se daboch'kar uske paun par aise maara ki wo ghutno par aa gayi... Aur Nischal uske dono paun ke upar paun dal'kar, uske gardan ko pichhe se badi berahmi se aisa dabocha, ki Vishi ka pura gardan chipkate huye mutthi ke size ka hone laga...
Nilayani kuchh karti, uss se pahle hi Serin bhi land kar chuki thi, aur wo bhi Nischal ki tarah hi, jab pichhe se Nilayani ke dono paun par chadh'kar apne mutthi me uska gala daochi, to uska gala bhi mutthi ke size ka hona shuru ho gaya... Dono aage hath karti jo bhi jhatke dena hotha, chhatpata kar dene ki kosis karne me juti rahi, lekin jaise koi jod hi na chal raha ho...
Agle hi pal dono bhai bahan ne apna paun ak ek step lete, itni tej paun utha'kar uske kamar par de maare, ki jo wo ghutno ke bal baithe the pura kamar hi, kad'kadate huye jamin se ja tika aur kamar ke upar ka bhag char'chara kar bilkul sidha ho gaya. Kyonki dono bhai bahan gardan ko daboch'kar, uske upar ke badan ko pura sidha rakhe huye the...
Dard ki beintaha koi kalpna hi kar sakta hai bus. Vishi aur Nilayani ki dard bhari chinkh to 20km dur reosrt tak sunai de jati, lekin pura gala hi mutthi ke size ka ho chala tha, aur awaj halakh ne ataki hui... Fir shuru hui ek abhedi ki pariksha aur dono bhai bahan kamar par laat dal'kar pura jod lagate huye gardan ko hi dhar se nikalne lage...
Karrrr charrrrr ki awaj aa rahi thi… khud ko abhedi kahne walon ka gala mutthi ke size ka hua fir bhi na mare.… Kaash mar jaate... Ab to kandhe ke niche ka pura abhedi maans hi khinchte chala ja raha tha... Khinchte-khinchte aisa khinchav aaya ki pura gardan hi ukhad dale.....
Dono bhai bahan ke hath me Vishi aur Nilayani ka gardan aur upar ka pura chehra aur niche dhar ki jagah matr kuch nali... Serin Nilayani muh apne ore karti…. Sorry main jarra kahin khoyi thi… tu kuchh abhedi dialogue bol rahi thi... Jarra fir se wo dialogue bol to.."
"Ye aise chup kyon hai... Naaraj to nahi ho gayi… (fir nichal Vishi ka chehra apne ore modte) janeman kuchh to bolo"...
"Ek walk leta hain bhai shayad kuch bol de" …
Nuschal 2 kadam chalte, uske gardan ko pichhe fenkte… "chhod Serin dono bahan unche kul ki hai, baat na karegi… chhod de"..
Serin bhi aage chalti, aur usse pichhe fekti... "Kya yaar itna kuchh suna ke chali gayi... Hum apne bare me batane wale the to bol hi nahi rahe"…
"Bade log hai... Astak ne apne yahan ke school ki koi branch final planet par to nahi khola tha"…
"Kuchh kah nahi sakti Nichal, par teri baten gaur karne wali hai... Kisi din Astak se milenge to puchh lenge"…
"Kaise puchhenge, tune hi to dark Universe ke bahar aane se ban kar diya tha na"…
"Ohhh haan ! Main hi bhool gayi"…
Dono bhai bahan baten karte huye bakiyon ke pass pahunche….
Dono bhai bahan baten karte huye bakiyon ke pass pahunche….
Jaise hi pass pahunche, Jivisha, apni jagah Nischal ko bithati, picche se aa'kar uske kandhe se lad gayi... Bhumi me gada hua naag-dansh se, fir se nile rang ka taral dravya nikalna shuru ho gaya, jo Nischal ke baanh par pura lep chadhane ka kaam karne laga...
Nischal yun to dard se chinkh nahi raha tha, lekin tej pire ko kuchh samay se jhelne ke baad, lep lagte hi uske chehre par sukoon aa gaya tha… jab'tak Serin ne vayumandaliya aavran se ek pura bench ka hi nirman kar di aur sabhi log wahin baith gaye...
Nischal asim sa rahat mehsus karne ke baad.… "Ye apna chehra jamin me kyun ghusaye hai"… Yuvi ko dekhte huye puchha..
Kasak:- O Jiju... Gadar dekh'kar to nahi aaye the, jo handpump ki jagah pura ka pura hi, ufff kitna khatarnak tha… Main to kuchh der hi dekhi. Mere to raugte khade ho gaye... .
Luna:- Koi baat nahi hai... Dhire dhire aadat pad jayegi...
Nischal:- Hum logon ki aaj shadi hui hai... Ab kya puri raat yahin punchayat karenge... Jivisha dono ki haalat batao...
Jivisha:- Kutton ko patta laga diya hai... Abhi dono achet awastha me hain... Ye Yuvi, Nandu ke dimag me ghusne me safal to raha tha, lekin jitna waqt ye ander raha uss se kayi guna jyada waqt se ye apna sar ander gaade hai... Jitna kiya tha sab ugal chuka hoga…
Nischal:- Thik hai hosh me lao dono ko...
Jivisha apne naag-dansh par hath feri... Arf ke gardan ka sikanja kam ho gaya aur wo tej-tej shwans khinchte huye apni aakhen khola... Wahi barf ke ander sar dale Yuvi ke dimag se nili raushni khinchne lagi... Aisa laga jaise naag-dansh aur Yuvi ke mastishk se ek nile rang ki raushni jud gayi hai... Wo bhi poore rahat ki shwans leta apna sar bahar nikal'kar sidha baitha...
Nischal:- Haan bhai tum dono... Kya kah rahe the tumhare liye marne walon ki koi kami nahi hai aur tumhe bus ek mauka chahiye mere pariwar walon ko maarne ke liye...
Yuvi:- Haan wo to main ab bhi kah raha hun...
Uski baat sun'kar Kasak teji se uthi uske gaal par khinch'kar ek tamacha lagaati... "Ye nahi sudharne wale... Inse baat hi kyun kar rahe"…
Nischal:- Didi jarra shant baitho na..
Kasak:- What, didi???
Jivisha hansti hui…. "Sasurali rishta"…
Kasak paas pada Nischal ki khanjar utha'kar uske gale par rakhti.… "Jyada tease kiye na to issi chaku se tumhara chamri chhil dungi... Jaisa shuru se kahte aaye ho wahi kahte raho… samjhe"…
Waise hath to nahi dikhe, lekin jhannatedar tamache ki awaj jaroor aayi, aur tamacha padte hi Jivisha.… "Humara faimily matter chal raha hai na... Tum kyon najar idhar daura rahe"
Nischal:- Sab kuchh der dhairya bana'kar rakho, aur koi kuchh nahi bolegi... Haan tum dono... Batao humare pichhe kyon pare ho...
Arf:- Kyonki tum humare nikat'tam partidvandi ho aur utne hi khatarnaak bhi... Humne aaj se pahle kabhi aisi team nahi dekhi... Earth, Zoren, aur Aizem ki mishrit team... Jab tak tum sab mar nahi jate humare astitv ko khatra hai...
Nischal:- Impressive… waise jab yahi khyal tha, to yahan apni poori kshmta ke sath kyon nahi dikhe... Aur ye copy karne ka inspiration tumhe China se mila hai kya??? Yaar itni copy to China wale bhi nahi karte….
Yuvi:- Bhaya maar-maar ke to haalat patli kar di hai... Ab jaan se maarna hai to maar do... Sawalon ke tourcher na karo...
Nischal:- To tu hi bata de... Jab khwaish hume maarne ki thi to puri kshmta se kyon nahi aaya???… Ya fir apni puri khamta tum log kisi shakti ke khoj me lagaye ho aur tumhe to bus maar-pit ka khel khel'kar hume uljhaye rakhna hai...
Yuvi:- Humre rag rag se vakiff ho... Itna to hume jan'ne wala aaj tak koi na hua... Chalo ek sandhi karte hai... Tum hume uske bare me bata do jisne tumse humari jaankari saajha ki hai... Fir hum dono alag-alag. Na main tumhare raste aur na tum mere raste...
Nischal:- Aur yakin kaise kar lun ki mere raste nahi aaoge... Tum to waise bhi hume apna nikat'tam partidvandi maante ho...
Arf:- Tum hume maar nahi sakte.. aur naa hi tum har waqt sabko bacha sakte ho... Hum ek sandhi par vichar kar sakte hai... Yakin to tumhe karna hoga...
Jivisha:- Yakin karne ke liye mujhe tum dono me se kisi ki aatma chahiye.… Aur iss bhul me mat rahna ki tum mar nahi sakte to koi tumhara kuchh nahi bigad sakta.. Abhi jo sar jamin me gaad'kar dard ka anubhav kiye ho usse main anantkaal ke liye de sakti hun...
To tay ye raha ki main tumhare aatma ke kan (particles) ko lungi aur main tumhe Saatvik Aashram ke guru ka naam bataungi... Fir tum apne raste aur main apne raste.… Bhul kar bhi rasta cross mat karna, warna ek ant'hin saja ke liye taiyar ho jaana.....
Yuvi:- Akshsnd mantr (wah mantr jis'se kalpnik sarir tukdon me vibhajit hote hain) ka jaap karo... Main apne aatma ke tukde ko dene ke liye taiyar hun.…
Jivisha apne naag-dansh ke upari sire, yani jis hisse par shwet naag bana tha, uske gardan se ek chhota sa mani nikal'kar apni hatheli me rakhi... Akshsnd mantr ka jaap shuru ho chuka tha... Thodi hi der me Yuvi ke aatma ke kuchh kan uss mani me jaise hi pahuncha.…
"Uska naam Apasyu Raghuvanshi hai aur Maylo group ke ke owner ka beta...… Dua karo ab tum mere raste na hi aana, warna ek sar ke dard ko main tunahare har ansh ke sar me pahuncha sakti hun... Uske baad bhogte rahne anant Kaal ki jindgi, kyonki jitni zindgi jiyoge bus issi dard ke sath jiyoge. Main tumhari aatma ko hi iss dard ke sath jod dungi"…
Apni baat puri karti Jivisha ne wo mani wapas se apne naag-dansh me lagayi aur agle hi pal sampurn vayumandal me naag-dansh ka ek chakr ghuma'kar, usse apne anguthe ke upar daba di... Dekhte hi dekhte 6-7 fit ka wo naag-dansh Jivisha ke pure anguthe me sama gaya...
Jivisha khadi hoti wahan sabko lautne ka ishara ki. Jaise hi ek kadam aage badhe... "Baby end me tumne kuchh jyada na dara diya... Kahin anant Kaal sar dard ki kalpna kar'ke atmhatya na kar le"… Nischal ne jaise hi apni baat kahi sabhi log hasne lage...
Nandni:- Tumne galat kiya yaar. Apasyu ne humari madad ki aur tune iss nich ko uske pichhe laga diya...
Jivisha:- Kismat se guru bana hai... Aur bahut si siddhiyan to usse virasat me mil gayi hain... Jaise hum sab proof karte aa rahe hain… usse bhi to khud ko proof karne de...
Kasak, Jivisha ka hath apne sar par rakhti.… "Kha le kasam ki tere mann me yahi baat chal rahi… dono ke bich koi santh-gaanth nahi hui iss mudde par… ya fir aage nahi hogi..
Jivisha:- Teri Kasam... Maine bus yahi soch'kar bata diya... Waise bhi fasega to khud madad maangne aayega hi... Warna Shree Ram Naam Staya Hai...
Nischal:- Chhhii chhiii chiii... Ek dost ko fansa di...
Jivisha:- Tabhi to sukoon se udaan bharenge.. Honeymoon around the Universe…
Sabhi log viman me baithe aur wahan se udd chale... Surpmarich bhi haar ka ye dusra ghunt pite wahan se nikal liya...
Agli subah…
Ladai kafi der raat tak chali aur sabhi ladkiyan ghode bechkar soyi thi. Upar se yahan ka mausam. Thand me kise rajai se nikalne ka mann Kare…. Subah ke sadhe 4 baj rahe honge jab sabhi ko uthaya ja raha tha...
Ek ko uthate to dusri kona pakad leti aur dusre ko uthane jate to pahli… Issi bich mate Priya Rajpoot tam'tamati hui pahunchi aur sabhi ke bistar me hi paani daal di...
Subah 9 baje tak sabko ghar pahunchna tha taki sari rashmen nibhayi ja sake... Isliye sabhi subah nikale… Kasak, Sahil ke sath apne sasural. Nandni aur Ansh dono indore me... Uske sath aage ki vidhi ke liye Luna apne pati Asis ke sath sasural pahunch chuki thi...
Idhar Serin aur HuYu, Aur Abhishek aur Ert.. rajpoot mension me... Bach gaye Jivisha aur Nischal to Jivisha ka official sasural bana tha bade bhaiya ka ghar, yani ki Jyoti bhabhi aur Sawalker bhaiya ghar...
Agle 3 din tak sari riti rivaj samapt hote rahe..... Jab riti-rivaj wali aakhri raat kati, agli subah aankhon me suhaagraat ke sapne saje. Ek alag hi umang.. wo glass ka dudh aur lamba sa ghunghat... Fulon ki khushboo se mahakta sej aur subah masle huye phool ko dekh'kar andaja lagana ki raat kitni suhaani thi... Uffff kaise kaise khayalat mann me hilkod maar rahe the… Aur jab aise khayalat ho fir umang bhari nigaahen kyun na apne jivansathi ko hasrat bhari najron ke taake...
Subah se hi nain-matakka ka daud suru tha. Tabhi ek-ek kar'ke sabke pass tour package pahunchne laga... Laxmi bahu aayi thi aur aane ke chauthe din hi free ka 1 month ka world tour le'kar aayi thi. Rupyon me yadi tour package ko tola jata to kam se kam ek couple ke upar 30 se 40 lakh ka around the world tour tha hi...
Bhala ghar wale kyon na kahte jao... Baad me honeymoon par kyun paise fasao... Nikalna ussi din tha aur jab se yah khabar faili… uffff sabhi ka wo jhunjhlaya chehra, sivay orgniser Jivisha aur Nandni ke.... Bakiyon ke to alag hi sapne the aur suhaag ke sej sajane ki booking to 10 din pahle hi karwa chuke the…
Har kisi ko pata tha safar me ghanta kuchh nahi hone wala tha aur pahle se hi 3,4 dino se iss raat ka lamba intzar tha... Indore aur Pune se sabhi nikle to apni car se the, lekin ab thoda shock unke liye jinhone kewal suna bhar tha ki Alian jaisi koi chij bhi hoti hai….
Indore me Nandni ke pass apna ek viman tha, jise Nischal ne gift kiya tha, aur Pune me to har kisi ke pass viman aise tha jaise cycle... Luna ne jaise hi viman nikala.… Asis apni aankhen badi karte.… "Hum kahan ja rahe hain"…
Nandni, Asis ka hath pakad'kar viman me khinchti... "Shair sapate par"…
Asis:- Nandu, tum dono uss din serious thi kya... Kya wakai ye koi Alian ship hai"
Luna:- Hey Asis, tum baith'kar bhi sawal jawab kar sakte ho...
Pahle kuchh yakin tha, aur kuchh nahi... Lekin abhi to yakin karne ke alawa koi chara hi nahi tha... Asis to fir bhi chup chap chadh gaya, lekin 2 log jo bilkul hi anjaan the.… Abhishek aur Sahil... Wo dono to Viman dekh'kar hi bhagna shuru kar diye...
Kitni mehnat aur kitni minnaton ke baad bhi jab nahi mane, tab Ert ko kidnap hi karke chadhana para tha… Kidnap bhi kaise to saanp ne unke hath paun bandh rakhe the.… Becharon ke thrilling suhagraat ki journey shuru ho chuki thi...
Chhote se viman me sab chal diye... Bechare aaj raat ke sapne sajaye, bus hasrat bhadi najron se apne jivansathi ko dekhne ke alawa unke pass koi chara nahi tha… Sabse jyada halla to Sahil aur Abhishek hi macha rahe the... Aisa lag raha tha, rah-rah kar unpar bhoot chadh raha ho.
Pahla hault inhone Decca me liya. Lagbhag 18 ghante ke safar ke baad sab pahunche the… Alishan mahal aur sab ka itna bhavya swagat, ki safar ka thakan jaise aate hi chhu mantar ho gaya ho... Sabne ek hi baat ka sukoon mehsus kiya, "chalo jo suhaagraat 10-11 ghante baad shuru hoti, wo 18 ghante baad hi sahi... Phool aur sej na sahi, lamba ghunghat se hi kaam chalayenege... Baki armaan ghar pahunch'kar"
Inhi sab baton ko sochte huye lagbhag log, HuYu ke pita aur Decca ke shashak se jab'tak unke liye kamre ke baare me puchh rahe the, tabhi ishara ho gaya chalo, chalo...
Abhishek aur Sahil yah sunkar to palthi maar'kar hi baith gaye... Unka kahna tha ki America ki tarah dikh rahe issi desh me wo log apna honeymoon plan karenge... Bakiyon ko jahan jana hai wahan chale jaye...
Ek baar aur dono kidnap ho chuke the... Dono ko dekh'kar Asis unki haalat par kahne laga... "Armaan kabu me hi rakh lo, pata na in paglon ke mann me kya chal raha hai"…
Decca se ek bada yaan liya gaya... Uss yaan me kafi jagah to thi, aur sabke liye seperate room bhi the, lekin sab ke sab open... Surwaat se dekho to anth tak najar aa raha tha aur sbhi room ek hi jagah par the. Deewar ya lakdi ki partarion ki jagah sheese ka partarion kiya hua tha...
HuYu sab ko kamre dikhate…. "Filhaal to yahi uplabdh hai aur tum log ke suhaagraat ke liye khas gadde bhi lagvaye hain... Kasak, HuYu aur Serin ko ghurti... "Kahne ka kya matlab hai"…
Serin:- Aree kuchh nahi hamsakal.. wo mazak kar raha tha...
Idhar Abhishek, Ert aur Nandni ek jagah baithe huye the... Nandni, Abhishek ko chhedti hui kahne lagi... "Abhi, yahan raat me chupke se suhaagraat to mana hi loge"…
Bechara ek to pahle se chidha tha upar se aise tane…. Pura jhannate huye... "Bc suhaagraat hai, ya ek din ke liye koi mili gayi hai, jo uske liye jugad dhund raha hun... Tum sabhi ke sabhi pagal ho... Tarapte mard ki haay lagegi tum sab ko"… kahte huye Abhishek wahan se uth'kar chala aaya...
Viman dekh'kar, Nischal aur Jivisha, HuYu ko jaise hi aankhen dikhane lagi... HuYu apna haath jodte... "Arre yaar mere pass budget kam tha aur mera baap mujhe sarkari vimaan nahi diya… adjust kar lo bus 4 din ki to baat hai"…
Jivisha:- Had hai HuYu… tumhe kisi ki feeling ki kadr hai ki nahi... Koi-koi bechara to 600+ din ki shadi me sirf 3 baar... Soch sakte ho kitne armaan sajaye huye hoga…
Niachal:- Bus bhi karo tum Jivisha... Jhalli kahin ki ..
Nischal ki baat sun'kar HuYu ki hansi chhut gayi… hanste huye wo Nischal ke ore dekhte... "Achha wo mahan jodi saamne hai... Main to soch me pad gaya tha"…
Sabhi bhannaye huye the siway Jivisha, Nandni aur Ansh ko chhod'kar aur teeno hi chidhane ka koi aisa mauka chhod hi nahi rahe the... 5 din ho gaye hasrat bhadi najron se dekh, dekh'kar... jab ye sabhi desert planet ke karib pahunche the...
Jaise hi uske vayumandaliya kshetr me ye sabhi pahunchne wale the, HuYu bare garmjoshi se announce karne laga… "Universe ki sukhad yatra yahan samapt hoti hai... Majah kuchh hi der me hum apne khubsurat sahar me honge... So mayusi utaro aur chehre par khushiyan lao doston"…
Nischal usse ghurte... "Far universe me rakh aate Viggo viman ko to jyada achha hota.…
HuYu:- Jivisha sambhalo isse please, ye fir baukhla gaya...
Asis:- Nischal bhai… lagao jute isse... Sare fasad ka jad yahi hai...
Nandni:- Aur kaun isse maar raha hai.… Jarra main bhi to dekhun…
Kasak:- Kamini muh mat khulva, dimag pahle se bhannaye hai... Lekar hi kyon aaye mujhe….
HuYu:- Ab jab itna dard sah hi liye to bus dhiraj dharo... Hum pahunch gaye hain...
Luna:- HuYu ye kaun kabad ko assemble kiya tha... Iske dono engine band honge uske baad fir isse udaa nahi paoge...
HuYu:- Koi baat nahi, isse Viggo viman me load kar'ke upgrade karna tha, isliye to laya hun..
Jivisha aankhen dikhati.… "Mere viman ka ek inch metel bhi istamal kar liye na HuYu fir dekhna"
Luna:- Sab shant ho jaeye, hum pahunch gaye...
Viman apne tay location par land hui... Jivisha sabko dhiraj bandhaati... "Sab yahin baith rahiye, hum abhi aaye... Chalo HuYu"…
Nischal aur Serin aaram se ek sath baith'te.… "Kayi din baad apne ghar me honge na... Jaal mahal jane ke baad Viggo viman ko bahut miss ki hun... Mujhe 3 din yadon ke bhavan me rahne dena please"
Nischal, Serin ke hathon ko thamte... "Hum sab ki yaad bhi un deevaron par daal dena...
Idhar HuYu ke sath Jivisha bhi bahar aayi... HuYu aur Jivisha kuchh dur aage gaye. HuYu ret par ek chhota cube rakha… jaise hi usne cube rakha, niche ka darwaja khul gaya... HuYu khushi se Jivisha ko apne sath aane kaha.... Ret se gol-gol sidhi numa rasta, niche 10 fit gaya tha… jahan floor bana tha, aur ussi ke pass ek darvaja laga hua tha...
Darsal wo darvaja nahi tha balki ek lift lagi hui thi... HuYu lift chhune aage badha hi tha tabhi... "HuYu nahi... Chalo yahan se. Yadi ye lift niche kisi gupt stahn tak jati hai aur wahan tumne Viman chhipaya hai to humara viman chori ho chuka hai"
HuYu, Jivisha ko aaschrya se dekhte… "lekin tumhe kaise pata"…
"Mujhe kaise pata wo to main bata hi dungi, lekin Viggo viman chori ho gaya hai iss baat ko, Nischal ko kaise samjhaoge.. Chalo usse to main mana lungi... Jayega kahan apna viman... Lekin baki jin logon ko kah aaye ho… intzar ka fal mitha hota hai... Unko aur intzar karwane ka matlab samjh rahe ho.… Abhi se soch lo kya kahna hai"…
"Mujhe kaise pata wo to main bata hi dungi, lekin Viggo viman chori ho gaya hai iss baat ko, Nischal ko kaise samjhaoge.. Chalo usse to main mana lungi... Jayega kahan apna viman... Lekin baki jin logon ko kah aaye ho… intzar ka fal mitha hota hai... Unko aur intzar karwane ka matlab samjh rahe ho.… Abhi se soch lo kya kahna hai"…
HuYu, wahin niche baith'te… "Bhabhi confuse na karo"
Jivisha apni aankhen sukodte... "Kabhi Shashika, kabhi Jivisha, kabhi bhabhi... Dimagi santulan to thik hai na"
HuYu:- Aapke sath rahne walon ka kabhi kuchh thik hua hai kya... Pahle mujhe batao ki kaun si shakti se pata kar chuki ho ki viman chori hua...
Jivisha, HuYu ke baal ko mutthi me daboch'kar ek ore ghuma'kar dikhati…. "Nandoi ji apne aankhon ki shakti se... Floor par wahan kadmon ke nishan dekho... Kuchh 20 se 25 log honge tabhi pichhe itne sare paun ke Nishan hai. Tum sach me chor the, ya bhare par dusron ko hier karke unke kaarname apne naam kiya karte the"…
HuYu:- Bhabhi ye bejjati karna hua... Ye puri jagah humare purvajon ne hi banvayi hai..... Mere kuchh log maintainence ke liye aate rahte hain... Ab chalen...
"Haan thik hai, chalo"…
Dono lift se niche aaye. Takriban 400 meter niche jane ke baad wo log ek bahut bade base me the... Charo ore saman faila hua tha… purane bhangaar ki bharmar lagi hui thi… "In bekar saman ko itna surakhsit rakhne ka matlab"…
HuYu:- Ye har uss bade yudhh ki nishani hai jo iss universe me lada gaya tha...
Jivisha:- Tumhare hisab se sabse bada yudhh kab hua tha…
HuYu:- Jab far universe ke kisi grah ki sena, middle Universe yani ki humlog ke kshetr me pahunchi thi… har planet ko hi tahas Nahas karke chale gaye the... Har planet ke jivan aur sabhyta sab... Tabhi dur gupt grah ke log aaye the... Sabhi besharon ka sahara ban'ne… Unhone hi wapas se jivan ki asthapna ki...
Jivisha:- Gupt grah ????
HuYu:- Aap logon ka grah... Humare yahan gupt grah kaha jata hai, kyonki ye middle Universe ka ek aisa grah hai jise bahri universe se bahut jyada matlab nahi aur apne ghar me ye bahut majboot hai...
Jivisha:- Waise ye Far Universe ka jikr bahut suni hun... Wahan bhi koi universe traveller nahi jata kya???
HuYu:- Nahi..
Jivisha:- Aisa kyon???
HuYu:- Suna hai bhayanak kaal jiv aur ajib se praniyon ka grah basera hai uss kshetr me aane walon grahon par... Agar wahan kisi galat planet par utar gaye, to fir laut kar wapas bhi nahi aa sakte...
Dono ek chhote se vahan me sawar ho'kar baat karte huye aage badh rahe the... Takriban 10-12 kilometer chalne ke baad, wo khushi ke pal bhi aa gaye... Jab Jivisha khushi ke maare chalti hui gaadi se hi kud gayi...
Dharammm se Jivisha jamin par hi bichh gayi... Kahan-kahan usse chot aaya, khud bhi pata nahi. Lekin daur kar teji se Viggo viman ke pass pahunchi aur body ko chumti hui... Dono haath khol'kar ek baar gol ghumti hui... "Kaise ho computer ji"..
Computer:- Out of order, out of order, out of order...
Jivisha, HuYu ka collar pakadti… "HuYu kya kiya hai jo mera computer out of order ho gaya"…
Computer:- Jhalli Jivisha, main nahi tum out of order ho gayi...
"Sala iss computer ko mute par dalne do... 2 sal se upar ki saja di, fir bhi iska badbolapan na gaya"…
"Tumhare bina main sukoon me tha... Mere aish-mauj ke din bite re bhaiyya, ab dukh aayo re"…
Jivisha, apne computer ko mute karti... "HuYu iska power kaise on rah gaya hai"…
HuYu:- External body ko, solar energy panel se jod diya hai, isliye engine chhod'kar sabhi taknik on hai… Chalen fir apne sahar me...
Jivisha:- HuYu ek baat to man'ni hogi... Engineering aur artitecture me Decca planet ka koi javab nahi... Kya develope kiya hai iss jagah ko... Wo bhi ret ke niche... Itna bada viman tak ko aise kisi kone me rakh diye mano koi chhota sa saman ho..
HuYu, thoda afsos jahir karte…. "Ye pura kshtr jahan aap khadi hain, yahan kabhi jivan basta tha... Pura jeevan ko hi mita diya tha Far Universe walon ne… Uske baad fir yahan jeevan nahi basa.... Hum jahan khade hain yah kabhi iss planet ka satah hua karta tha... Jiske upar lagbhag 200 se 300 meter ka ret jam gaya hai"…
Jivisha:- Ye mere bacchon ka personal planet hoga... HuYu apne logon se sampark kar'ke iss jagah ki puri chhan-bin karwao aur jivan kyon nahi bas raha un karno ka pata lagao... Lekin machino se pata lagane ke liye bolna... Kisi ki jaan na jaye...
HuYu:- Abhi chalen... Aap ki tarah baki loh bhi isse dekhne ke liye tadap rahe honge...
"Main bhi na, baat karne ke chakkar me sab bhul hi jati hun... Jaldi chalo... Computer ji jaldi se darvajjaaaa kholoooooo"…
R
Turant hi viman ka darvaja khula..… dono ander baithe aur computer ji ko viman uddane ka aadesh mil gaya. Udhar jab se Jivisha aur HuYu nikle... Sabhi bahar raste ko hi taak rahe the…
"Ye kaun si jagah hai... Sahara ke registan me to nahi aa gaye" Asis ne mayus najron se charo ore dekhte huye puchha...
"Asis, chalo yahan ka ek walk lekar aate hain"…. Luna apni baat kahti, Asis ko aankh maar di...
"Haan jao yahin ret me beach ka maza le lo... Ye main kahan aa'kar fans gaya"… Abhishek dono ko dekhte huye kahne laga...
Ert, apna muh chadhati... "Ret ke bare me kuchh bhi bura nahi kahna"… ..
"Haan tou universe ki dono bahne jao ret me dubki laga'kar aao"… Abhishek chidhte huye kaha…
"Mere to sense hi khatam ho chuke hai... Ye main kisi film me to nahi ghusa hun"… Kasak ka husband sahil apni manodasha kahte...
Serin:- Bhai tumhe nahi lagta ki tumhari jodi aur tumhari dost ne hum sab ke sath bahut galat kiya hai..
Nischal:- Ab inko galat to nahi bol sakte hain na Serin... Kya karun main to prithvi se aana hi nahi chahta tha... Ek galti jo ho gayi, uska khyal rah-rah kar aa raha... Main soch raha hun jab hum Aizem pahunchenge tab kya hoga...
Serin:- Uss ki poori jimmedari maine li hai na... Tu itna kyon soch raha…
Dono bhai bahan baat kar hi rahe the tabhi wahan ka aasman dhak gaya... Serin aur Nischal bhi utne hi khush the, ya fir Jivisha se bhi kahin jyada... Viggo viman ko dekh'kar ye dono bhai bahan poora chillane lage...
Ye dono to Viman ke control panel me baith'kar samne dekh rahe the... Lekin baki ke sare log jo anjaan the, itna bada aakash ko dhak dene wala viman dekh'kar unhe laga humla ho gaya... Un logon me to bhagdar hi mach gayi.… Ab 200km wala viman sar ke upar ho to fir aise khyal to aane laajmi hain...
HuYu ka ye kabara viman ko jaise hi Viggo viman me upar khincha gaya, fir to sabki sitti-pitti gum.… "Bc ye Hollywood wale sahi dikhate hain… hume bhi Alian ship ne khinch liya... Kha na jaye tandoor me dal'kar"… Abhishek chillate huye kaha...
"Sala main shadi ke hone baad bhi virgin hi marunga... MC Suhaagraat to mana lene dete"…. Asis to lagbhag rote huye kahne laga…
2 hi dialogue complete huye the aur har koi Viggo viman ke ander tha. Sabhi anjaan log ast-vyast ludhke pare huye the, wahin Nischal, Serin, Nandni aur Ansh turant hi bhage wahan se. Unke pichhe Luna aur Ert bhi bhagi. Unhe bhagte dekh, jo log kuchh soch pane ki stithi me nahi the… unhe laga jaan par ban aayi...
"BC jaan par ban aayi to meri patni mujhe chhod'kar bhaag gayi"… Abhishek bhi tej chillate huye bhaga…
"Jinda bacha to iss kamini Luna se main talak le lunga... Aur aaj ke baad meri bahan aur bahnaoi bhi mar gaye... Sala swarthi hai ye duniya"… Asis bhi barbarate huye bhaga...
Idhar anth me bache the Sahil aur Kasak... Sahil kuchh bolta uss se pahle hi Kasak palat'kar Sahil ke upar aa gayi.. Uske honth ko apne honth me jakadti, hui lambaa kiss karne lagi...
Kiss itna lamba tha ki sara dar kahan gayab hua, dono ko pata bhi na chala. Kab se pyase, jab honth se honth lagaye tab aise khoye ki shwans lena hi bhul gaye... Aur jab Kasak kiss ko todti hui apna sar upar ki, Sahil uski aankhon me sawaliya najron se dekhte…
Kasak muskurati hui... "Ab sab yahin karna hai kya??? Mujhe pakka yakin hai ki meri bahan ne humare suhaagraat ka shandar intzam kiya hoga"…
Kasak ki baat sun'kar Sahil ek baar fir se sawaliya najron se dekhte, bus bhavna badli hui thi…. Kasak, Sahil ke mathe par apna hath chipkati… "Arre buddhu, hum kisi maans khau Alian ship me trap nahi huye... Balki ye Viggo viman hai... Nischal aur Serin ka"…
Ye dono jab'tak yahan se nikalte tab'tak Jivisha ka computer ji, sabko hall me area me pahuncha diya tha... Har koi kuchh hi antral me wahan pahunche... Tabhi Abhisek jaise hi Ert ko dekha, uske gaal hath tatolte…. "Bhagwan ka lakh-lakh shukr hai tumhe kuchh nahi hua... Jisa tu thik hai"… aur teji se Jivisha ke pass pahunch'kar uske bhi chhu'kar santusti karne laga...
Asis ne jab Abhishek ko dekha, tab usse bhi khyal aaya ki wo bhi thodi chinta dikha de... Aur jaise hi Luna ke pass chinta jahir kiya... "Abe tu to talaq dene wala tha na apni kamini biwi ko, aur bahan-bahnao to mar gaye the na tumhare liye...
Abhishek ki baat sun'kar to jaise mahol me visphot hua ho... Jivisha... "Computer ji yahan kya ho raha hai… ye kis tarah ki baten chal rahi hai"...
Computer ji:- Tum Jhalli ho aur tumhara bhai bahut bada wala case... Apni kahi baat gol kar diya .. lekin ye bhi sahi hai ki dono ladke bechare chah kar bhi apni orignal bhavna na bol sakte... Mere dost don't worry, apni patniyon ko jitna jalil karna ho "request me"...
"Badbola computer silent... Mazak bahut ho gaya... Sab bahut thake hai... 20-20 kilometer dur sabhi couple ki vayvastha karwao... Aur kisi chij ki dikkat na ho"..
Jivisha ne jaise hi oreder diye, sab ke pass vahan pahunch gaye aur sabhi usme sawar..... Sab log wahan se apne-apne honeymoon sweets ke kiye nikal gaye... Idhar Nandni aur Ansh, Jivisha aur Nischal uss hall me bach gaye...
Nandni:- To ab hum aage kahan jane wale hai...
Nischal, Jivisha ke pichhe aa'kar, apni bahn uske sine par lapet kar, apna chehra aage Jivisha ke chehra se milaate... "Yahan se hum sidha Zoren ja rahe hain... Shwetna, Jatin aur Baby teeno ke sath wahan ki poori janta trap hain... Pahle unhe azad karna hai"…
Nischal, Jivisha ke pichhe aa'kar, apni bahn uske sine par lapet kar, apna chehra aage Jivisha ke chehra se milaate... "Yahan se hum sidha Zoren ja rahe hain... Shwetna, Jatin aur Baby teeno ke sath wahan ki poori janta trap hain... Pahle unhe azad karna hai"…
Nandni:- Main kuch thaki si lag rahi hun... Chalo Ansh ek nap le'kar aate hai..
Nischal:- What ???
Jivisha:- What ???
Jivisha aur Nischal aaschrya wali apni pratikriya de hi rahe the, tab'tak ye dono bhi nikal liye... "Ye jaan bujh'kar bhagi hai kamini"…
Nischal gahri shwnas lete, Pichhe se Jivisha ko khud me aur jakadte huye... "Kafi sunkoon sa lag raha hai"
Jivisha pichhe palat'kar, Nischal ko dhakke de'kar, crouch par bithayi... Khud apne gown ko ghuntne ke upar tak laati, apne paun mod'kar dono ghutne, Nischal ke dono paun ke ore ki, uska chehra apne hathon me thaam'kar, aankhon me aakhen dalti.… ek dusre par thehrti najar...
"Log bhukhe mar rahe hai... Aur ye romance kar rahe hain"... Uss ekagrta aur khoye se mahol me computer ne khalal daal hi diya...
Jivisha, jo bilkul kho si gayi thi, apni daant pisti, aankhon me purn gussa... "Bhaad me jao computer"…
Computer ji:- jeera chawal , fir mix sabzi , daal makhni ,chole , sahi paneer .puri bhaji.. chicken fry, . aur bhi dish hain .. tandoori.. roti .. papad .. salad ... dahi bade... rasgulla.. aur raat ke waqt doodh ke glass ki demand to kuch jyada hi lag rahi hai.… Sabhi kamoron se demand aayi hai.
Nischal hanste huye Jivisha ke sar ko apne kandhe se tika'kar.... Sar par haath ferte-ferte... "Shant ho jao Jisa... Main baat karta hun... Computer ji, apne pass hai item"...
Charo ore jaise heart flash hone laga ho... "Nischal apne pass 6 item hai... Bolo kise nachwa dun"…
Jivisha apna sar upar karti... Pahle to pura gussa hui, fir hansti hui apni chutki baja'kar computer ji ko mute karti... "Yaar ye Nandu ne bahut natak kiya hai... Bhag gayi mujhe akela chhod'kar… fresh food to honge nahi... Aur dudh kahan se layenge"…
Nischal, Jivisha ke sath baith'kar preserve food ko process kar'ke, uspar har tarah ke vyanjan ka essence daal diya... aur har kisi ke kamre me serve karwa diya...
Kaam se free ho'kar, Jivisha, Nischal ko le'kar control room ke pass wale kamre me chali gayi... Kamre me aate hi Nischal ne Jivisha ka hath tham liya aur khinch'kar apne sine se lagate, uske laton me haath ferne laga...
Jivisha, mand-mand muskurati apna sar Nischal ke sine se tikati, uski badhi dhadkano ko sun'ne lagi...
"Jisa"…
"Hunnn love"..
"I love you"
"Love u too baby"..
Dono khamosh khade, ek baar fir se khamoshiyon ko sun'ne lage. Nischal Jivisha ka chehra upar kar'ke, ek baar fir najron se najren mila'kar, Jivisha ke laton ne apne hath ferne laga… dhire-dhire Jivisha apne aidiyon ko uncha karti, apne chehre ko Nischal ke chehre ke barabar le aayi...
Dharkane machalti, shwans thodi bikhri, honth pyase chumne ko bekarar... Aankhen bojhil band hoti... Honth itne karib ki honth se honth sparsh ho'kar bilkul masti bikher rahi thi… sparsh dhire-dhire hoton ki pyas mitane aage badh chale…
Nischal, apne honth fir Jivisha ke honth se pura lagate, kamar me hath daal'kar khud me samet liya… Bilkul khamosh sama, aur bus tej dhadkano ki awaj...
Nischal apne hath Jivisha ke pith par ferte, uske single white dress ki chain ko dhire-dhire niche khinch'kar, apne hath uske khule pith par chalate huye honth ko bade pyar se chumne laga.…
Sahad lage honth hon jaise, jise chumte hi rahe. Jivisha, Nischal se alag hoti… "Baby, abhi pahle chalte hain... Sara kaam samet lete hain fir aaram se……. pleaseeeeeeee"
Nischal pratikriya me pyari si muskaan bikhrete... "Jaisa tum chaho... Batao pahle kya karna hai"…
Jivisha:- Abhi to kha'kar rest karenge… Har koi raat ka program bana rahe. Raat tak unke liye dudh ki vayvastha kar do.… Aur kuchh ful vaigrah mil jate... Kya hai kisi ke armaan nahi toot'ne chahiye…
Nischal:- Computer ji...
Itna hi bola tha ki udhar se... "Bhag BSDK, jab kaam hota hai tabhi yaad karta hai"…
Jivisha uski baat sun'kar apne muh par hath rakh'kar hansti hui... "Aur sikhao gaali, pichhli baar boli thi mat sikhao… par sir hai ki sunte kahan hai"…
Computer ji:- Chalu ladki mera softwere tune hi corrupt kiya tha, bechare Nischal par ilzam laga rahi...
Jivisha:- Computer ji, sir.. akele me bejjati aur gali to chalo apni hi karni samjh kar bhul jayenge, leki saarrrr logon ke samne to bejjat mat karna pleaseeeeeeee…
Computer ji:- Hayyy aise pyar se bolti raho... Paltu kutta ban'kar rahunga, Nischal ki tarah...
Jivisha:- Kamina computer, Love iski aaj hi marmaat karni hogi...
Computer ji:- Abhi kaam par dhyan de do... Mujhe to chup bhi karwa sakti ho...
Nischal, apne dono hath jodte... "Computer sir, full speed se Wishper planet par le lo... Aur hume control room le'kar chalo"...
Nischal aur Jivisha controll room me pahunche… Jivisha setellite command di aur Nischal ne aage ek khoji viman Wishper planet ke orbit ke ore bhej diya...
(Dark Universe ke dakshini seema se laga sabse aakhri planet jahan koi insan nahi baste. Ghane jungle aur khubsoorat janvaron ka basera hai)…
Thode hi der me wah viman Wishper planet ke orbit me thi... Wo viman kafi upar se, niche Planet ki image clear karte ja raha tha... Wishper planet ka najara dekh'kar Jivisha khud ko rok nahi payi kahne se... "Adbhut jagah hai"…
Bina kisi insani sabhyata ke bavjood bhi ye puri jagah apne aap hi vayvasthit aur utni hi khubsurat najar aa rahi thi... Aakash me itni sari rang birangi chidiyan dekh'kar Jivisha apni puri aankhen kho'lkar unhe dekhne me lin ho gayi...
Aisa lag raha tha poora aakash rang birange phoolon se dhaka hua hai.. dhire-dhire viman apni jagah badalne lagi aur har badlate jagah ke saath jo tasveeren aa rahi thi wo aur bhi dilkash thi...
Bilkul gahre hare rang ke bade bade vriksh.. charo ore faili sakhayen aur unpar halke laal rang ke patte... Aur un pedon par jugnuon ki tarah nili raushni me tim'timate kuchh kide, ya chidiyan… najdik se dekh'kar hi bataya ja sakta tha...
Wahin kuchh dur aur, jagah badalne par bade-bade maidan me hari-hari ghas thi... Aur un ghas ke maidan me ghas charne wale janvaron ke alag-alag jhund.. wahin thodi duri par uchhal kud machate bandron ki jhundh thi...
Bander bhi apne halke sunhare pile rang me na ho'kar, alag-alag rang ke the... Jivisha prakriti ka ye adbhut najara dekh'kar kahin kho si gayi... Dono ne Viggo viman ko Wishper planet ke bahar hi rakha aur khud ek maal vahak badi se viman le'kar Wishper ki seema me utare.
Jivisha pyari si hari ghas ko dekh'kar, apne paun se charn paduka nikal'kar viman me hi chhod di... Nischal bhi Jivisha ki dekha-dekhi karte apne paun se jute ko nikal diya aur dono hath thame ek-ek kadam badhate huye viman se bahar nikle...
Jaise hi dono ke nange paun pahli baar un ghas ko sparsh kiye... Pura sharir me jaise tajgi ka ehsas hua ho... Kuchh to Khushnuma sa ksish tha in fizaon me, Jivisha apne dono bahn faila'kar unhe mehsus karne lagi...
Nischal:- Ye jagah kitni adbhut hai na...
Jivisha:- Ye to swarg hai swarg... Baby har grah aisa hi ho to kaisa rahega...
Nischal:- Hunnn.. abhi jaldbaji nahi… Aisa nahi ki yahan koi khatra nahi hoga... Chunki hum yahan nahi rahte hain, isliye khatron ma hume pata nahi... Dhyan bhatke nahi...
Jivisha:- Yesss sir... Waise pahle kis ore chalna pasand karenge…
Nischal:- Itne sare ghas khane wale janvar hai.... Pahle gaay ya bhains ko dhundho, sab ke liye dudh ki vayvastha karni hai.. uske baad phool…
Dono lag gaye kaam par. Exactly ek jaise pashu to mil pana mushkil tha, lekin Jivisha dudh dene wale ek pashu ke samne apne dono hath jod'kar usse pranaam karti… "Wishper Planet ki gau mata ko pranaam… Nischal baby, chalo shuru ho jao"…
Nischal:- Main kyon, machine hai na...
Jivisha, apna scaff nikal'kar Nischal ko deti... "Chalo isse mathe par lapet'kar poore gwale ban jao aur jakar balti le aao"…
Nischal:- Matlab hum bhaiyya ji dudh wale…
Jivisha hansti hui... "Aur hum tohar gharwali... Ae chintu ke pappa... Deri na kro"..
Nischal:- Bus bhi karo ye bakwas try tha…
Jivisha:- Main bakwas try kar rahi thi... Huhhhh !!! Ye kyon nahi kahte ki tumhe ab main bore lagne lagi hun...
Nischal:- Had hai... Maine ye kaha kya Pagal? Main to bus kahna chah raha tha ki tumhe unki bhasha nahi aati bolne...
Jivisha:- Jaisi bhi aati ho, tumhari tarah nahi na ki jahan bhi gaye, wahan ki bhasha chori kar'ke download kar liye dimag me... Machini kide...
Nischal:- Mujhe bahas hi nahi karni iss baat par…
Jivisha:- Kar bhi nahi sakte… aur yahi sach hai...
Nischal mathe par scaff bandhne ke baad apne dono hath jodte… "Bus karo, tum jiti main haara... ja raha hun balti lane"..
Jaise hi Nischal palta... "Woooooo".... Jivisha ka bhi dhyan toota aur jab charo ore dekhi... Uski to awaj halakh me hi atak gayi..
Bade-bade takriban 7-8 fit ke panchhi charo ore gol ghera bana'kar baithe huye the…. "Sir aap sab kaun hai... Yahan ghas khane aaye hai"… Jivisha ki hairan bhari aakhen aur charo ore ghum'kar kahe gayi uski baten, shayad un panchhiyon ko pasand na aayi...
Palak jhapakne se pahle hi, pankh ek kinare se pura khula aur Jivisha ke bayen kahnhe par tej dhakka. Haan pankh se humla nahi kiya gaya tha, balki dhakela gaya tha...
Uske baad to jaise Jivisha koi ball ho. Idhar se udhar dhakel'kar bheja jata aur fir wahan se aage. Aise hi wo pura circle round-round ghum rahi thi... "Nischal, kuch karoge ya fir tamasha dekhte rahoge"…
Nischal:- Are lekin kya karun... Mujhe kuchh samjh me bhi to aana chahiye...
Nischal ko to samjh me nahi aa raha tha ki wo kya kare, lekin un panchhiyon ko shayad Nischal ki baaten samjh me aa gayi. Abhi ek side ke pankh se Jivisha ko clock wise ghuma rahe the, to dusri side ke pankh se Nischal ko anti-clockwise ghumana shuru kar diya... Dono gol-gol rani khel rahe the...
Jivisha poore jor se hunkar bharti hui apne panje me vayu ko khinchi aur bhumi par poora de mari... Un panchhiyon ko shant karne ke liye lagta hai Jivisha bhumi par kampan la'kar, un panchhiyon dwara chal rahi gatividhiyon se dhyan hatana chahti thi...
Kuch jyada hi tej apne haath bhumi par de mari… Thappp ki jordar aawaj aayi aur poore chehre par kichad fail gaya... Bechari bhumi par hath marne ke kram me niche kya baithi, ek to kaam bhi na hua aur ab to sach me ball ban'kar wo gol-gol ludhak rahi thi...
Tabhi gol-gol ghumti Jivisha ke kaan me jod-jod se hasne ki aawaj gunjne lagi aur agle hi pal.… "Baby main batana bhul gaya.… Inki raksha prakriti karti hai isliye achhi ya buri... Natural ya artificial, kisi bhi tarah ki siddhiyan ya shaktiyan inke khilaf, yahan ke vayu, jal aur sthal me koi kaam na aayegi"…
"Nischal, yahan se nikalne do, fir batati hun"…
"Aree maine kya kiya... In panchhi sena ki harkaton ki saja mujhe... Hey panchhi sena... Hume maaf kar do... Koi bhul hui hai to bata'kar saja do... Saja bhugatne me bhi maza aayega"…
"Je mayla, tum dono miyan biwi idhar bomabom kar rahe ho. Hum sab ka bhi sar aise hi gol-gol ghum gaya. Mehsus karne ka kaisa lagta hai"… ye panchhiyon ki awaj thi.. jise sun'kar to Jivisha ke aaschrya ki koi seema na thi...
"Panchhiraj main ek masoom ladki hun..... Aur saja doge to main hansna,bolna bhul jaungi... Aap ye gol-gol ghumana rok do, to main aapke paun pakad'kar maafi maang lungi, aur iss poore planet par jitni der rahungi, muh me tape laga'kar ghumungi"… Jivisha gol-gol ghumti minnaten karti hui kahne lagi...
"Hey pakchhiraj mujhe bhi aapke planet par permanent rahna hai, application form kahan fill hota hai"… Nischal bhi utna hi minnaten karte huye kahne laga...
"Tu to pahle bhi 10 baar aaya hai fir natak itna kyon kar raha hai, jaise pahli baar yahan ke mahol se ru-baru ho raha"... Panchhiyon ne apni baat samapt kar apna khel roka... Tabhi Nischal Alian bhasha me kuchh bola aur jawab bhi ussi bhasha me aaya...
Jivisha ghurti najron ke sath Nischal ko hata'kar khud aage aati... Uske haav-bhaav dekh'kar ek panchhi apne dono pankh hawa me lete.… "Nischal ne kaha ki hum sab tumhe apna planet dikha de"…
Tabhi tak panchhi apne uss panchhi ko dhakka deti.… "Jao ji, bechari bacchi ko jhuth bol rahe... Beta in purshon me koi sambandh ho ki na ho, apne jivansathi ke pratarna ki kahani sun'kar gathjod kar lete hain. Ye Nischal bada shararti hai.... Lekin utna hi pyara bhi... Ab chalo ji, inke swagat ki taiyari karo"..
Jivisha uss panchhi ka bolna aur apne dono paun par thumak-thumak karte apne karib aana, itna pyara laga ki wo khud ko hansne se rok nahi payi... Dekhte hi dekhte Nischal aur Jivisha ko le'kar wo panchhi udd chuke the, aur jis jagah par pahunche the wah kisi swarg se kam nahi the...
Wakai ye panchhi Wishper planet ke panchhiraj hi the. Kya jhundh thi aur utna hi anushashan. Haan sath me 2 paun par un panchhiyon ko chalte dekhna, mano 6-7 fit ke mote penguain ki kalpna karwa jati, jo dekhne me gol, matol, aakarshak aur lambi pankh ke sahare udd bhi sakte hain...
Nischal ka wo 20-30 fit ka sher Adhymya yahin Wishper Planet ka hi tha. Kisi prakritik aapda me Adhymya ka pariwar gujar gaya tha. Nischal ke sath aisa sneh bandha ki yahan se na sirf Adhmya hi gaya, balki uski shadi karwa'kar jodi ko bhi le jana para. Ab Aizem par uska apna ek bada sa pariwar hai...
Mehmnanvaji utni hi dilkas thi aur kisi panchhi ko apne juban me bolte sun'na utna hi karn Priya... Yahan aakar pata chala ki panchhiyon ki jodiyan bhi jhagra karti hai aur kam ye bhi nahi hote... Ruthna-manana inka bhi chalte rahta hai...
Bahrhaal ek sukhad anubhav raha iss jagah ka.… Jivisha apne baton ke dauran kah bhi di ki saal me ek baar uske sabhi bachhe prakriti ki iss gode me apna samay bitane to jaroor aayenge.
Waqt ho chala tha mehmano ke aane ke pichhe ke karan jan'ne ka... Nischal aur Jivisha ki jarooraton ka pata chalte hi un logon ne unki jarooraton ka sara saman bandaron ke hath se pura bandobast karwana shuru kar diya...
Nischal aur Jivisha ek astan par aaram se baith'kar bus unhe dekhte rahe aur wo store viman ko pura bhare ja rahe the. Kaam madhya me hi tha, jab ek jhund udta hua dragon uss ilake me pahuncha...
"Oh my god, ye to dragon lag raha hai"… Jivisha upar aakash me udte huye dragon ko dekh'kar boli...
"Oh my god, ye to dragon lag raha hai"… Jivisha upar aakash me udte huye dragon ko dekh'kar boli...
Nischal:- Haan ye dragon hi hai...
Jivisha:- Huhhh !!! Tumne mujh se universe ki puri kahani chhipayi hai Nischal… jao main tumse baat nahi karti...
Nischal:- Aree yaar ye dhang se rutho na. Jao ab main tumse baat nahi karti… kitna boaring aur utna hi jyada istmal kiya jane wala dialogue hai...
Jivisha:- Udd lo... Jitna udna hai udd lo, tumhe ruthne me bhi ab creativity chahiye... Dikhati hun apni creativity...
Panchhi Raja:- Bus bhi karo dono... Ek poora samuday tumse madad ki ummid le'kar aaya hai usse sun bhi lo... Kal tak Sahjade tum yahan nahi aate to main tumhe sandesh bhejta...
Jivisha:- Aisi kya musibat aan padi Panchhiraj..
Panchhi Raja, ne kuchh ishara kiya aur wo pura jhund niche aa gaya... Dragon jhund ka mukhiya sabse aage khade ho'kar apna sar jhukate.… "Kya Sahjade ko humare samsya ke bare me bataye"…
Nischal:- Kaisi samsya agni..
Jivisha:- Ye bhi baat karti hai...
Agni:- Main to dhyan hi nahi di... Ye humare Sahjade ki jodi hai kya...
Agni apni baat kahti hui upar ke 2 chhote paun jo thik uske chhati ke dayen aur bayen the, unhe failati hui puchhne lagi… uski utsukta aur khushi dono hi kafi atulniya thi...
Jivisha khud ko rok nahi payi aur wah kadam badha'kar uske karib chali gayi... Jaise hi wo Jivisha ke karib pahunchi agni ne uska swagat agni se kiya... Apna sar upar kiye wo charo ore hawa me agni faila'kar apni khushi ka izhar karne lagi....
Apni khushi dikha'kar agle hi pal agni thoda niche jhuk'kar Jivisha ko apne un dono chhote paun ke bich lekar Jivisha ko gale laga li… Bahut hi bada aur Vishalkay sharir tha. Jivisha apna chhota sa sar jaise hi uske sine se lagayi... Ek alag hi tarah ka sukoon tha… "bilkul nischal aur komal hridyni"…
Panchhi Raja:- Agni mehmano ke sath itna sneh achha nahi, unki apni duniya hai aur humari apni... Hum kabhi-kabhi hi ek dusre ke sath sukh-dukh baante wahi hum sab ke liye achha hai...
Agni, Jivisha se alag hoti.… "Galti ho gayi Panchhi Raja"... Fir agni apni samasya se avgat karwqti..... "Sahjade pata nahi yahan ke jalvayu me aisa kya parivartan hua hai, humare sare ande kharab ho ja rahe hain... Takriban 21 hazar anda lagbhag taiyar hai, par sab khanin kharab na ho jaye, iss dar se humne ande-sena (hatched) hi band kar diya hai"…
Panchhi Raja:- Samsya bahut hi gambhir hai Sahjade, pichhle 5-6 salon me Dragon ki abadi humare planet me ghatna shuru ho gayi hai... 10 me se 7 ande kharab hona to samjh me aata hai... Lekin ab to pure ande hi kharab ho rahe hain… kuchh bacche surakahit nikalte bhi hain to dum tod dete hain...
Nischal:- 'Panchhiraj Iss waqt main yadi yahan ke jalvayu ka parikshan bhi kiya, to bhi kaarno ka pata lagane me kafi din lag jayega.… Mera sujhav hai ki jitne ande abhi taiyar hain, unhe viman me rakh dijiye. Main unhe kritim roop se sene ki vayvastha karta hun... aur dua kijiye ki koi anda kharab na ho"...
"Issi bahane andon ka parikshan bhi ho jayega... Fir uske baad kewal jalvayu parikshan hi karna hoga na, wo main apna kaam samapt kar'ke kar dunga'....
Panchhi Raja:- Hmmm ! Thik hai hum issi sujhav par kaam karte hain... Viman me 21 hazar andon ke sene ki vayvasta karwao... Aur inke 1 sal ke bhojan prabandh hum kar dete hain, tum bus khyal rakhna ki wo kharab na ho… itna waqt kafi hai na tumhara kaam khatm karne ke liye...
Nischal:- Haan Panchhiraj…
Nischal ne turant kaam shuru karwaya... Poore Viggo viman ko hi anth me niche utara gaya.… Panchhiraj ke hukum par 21 hazar bandaron ne 21 hazar andon ko rakh diya. Rakhte waqt har pariwar ne apne 3 ande alag rakhwaye the aur har kisi pariwar ka naamkarn bhi kar diya gaya tha…
Takriban 20 kilometer me jalashay ka prabandh kiya gaya aur visesh prakar ki machhli un talabon me dali gayi, jinke prajanan kaal 1 din ka tha aur ye 4 din me taiyar ho jate the... Ye machhli kam se kam pani me bhi jivit rah sakte the aur abadi itni teji se badhti ki mahaj kuchh hi dino me yah pura ka pura kshtr ko hi apne kabje me le leti... Yah machhli ek hi jagah me ek ke upar 50 ek sath rah sakti thi...
Kamal ke ye jiv the jinhe Wishper Planet par kewal Dragon kr bhojan ke liye pala jata tha... Khair dragon ke bhojan ki vayvasta ke sath, jab un machhali ke chare ki bhi ki poori vayvastha hui aur jaise hi Nischal ne ijajat liya...
Kayi sare dragon pariwar darwaje ke aage khade hote... "Humare bacche"…
Panchhiraj ki ek jordar awaj wahan khade sabhi dragon ko pichhe hatne par majboor kar chuki thi… Ek hi baat usne kahi... "Pahle bhi tum sab ne apne bacche khoye hain... Inhe apna kaam karne do aur baki sabhi apna kaam karenge"…
Nischal ne Panchhiraj se ijajat li aur wahan se nikal gaya.… Viman aadhe din ke hault ke baad wapas se antriksh me udaan bhar chuki thi… Jivisha poori tarah se thak chuki thi, isliye wo jakar naha dho kar ek nind lene ke liye nikli... Idhar Nischal medical section ko move kar'ke un hisson me le gaya jahan ande rakhe huye the...
"Kuchh pata chala kya love, kya hua hai"… Jivisha yun to aaram karne hi gayi thi, lekin kuch karwat badalne ke baad uska mann nahi maana aur wo bhi Nischal ke pass pahunch gayi...
Nischal muskurate huye apni najar screen se hataya aur ek chhota sa, pyara sa chumban lete huye, wapas se screen ko dekhte... "Jivisha ek ande ko alag rakho, aur usme niddle se ek chhota sa drill karna to"…
Jivisha:- Janm se pahle chhed, kahin ande kharab ho gaye to....
Nischal:- Isliye to tumhe ek ande ko drill karne kah raha.… Mujhe screen par kuch strange dikh raha hai... Aisa lag raha hai jaise ande fatne se pahle hi ye bacche ander shwans lena shuru kar deta hain. Inke swans lena shuru karna aur ande footne ke bich kuch samay ka anter aa raha hai, isliye hawa ki kami ke vajah se ye bacche mar rahe hain..
Jivisha, thodi hairan hoti.… "Kya? Lekin aisa kaise ho sakta hai"…
Nischal:- Kuchh anuvansik gun badle hain, ya ye jalvayu ka badlav hai ya fir baat kuchh aur, ye to wahan ja'kar hi pata chalega… filhaal ye sabhi ande taiyar hai aur kuchh der inhe sena hai, taki bacche bahar aa sake...
Jivisha baat karti hui apna kaam kar chuki thi. Niddle se wo ek chhota sa air space dene ke baad, dragon ke uss takriban ek fit ke ande ko, apne gode me le'kar Jivisha pyar se uspar hath ferne lagi... "Jisa usse rakh do, kyon risk le rahi ho"…
Jivisha kyon Nischal ki sune, "Huhhh" kahti hui usse apne gode me hi rahne di... Nischal Jivisha ko dekh'kar hanste huye bus "pagal" kaha aur uske karib baith'kar wo bhi utne hi pyar se ande ko apne hath se sahlate…
"Tum shayad apni bhavna ko rok na pao... Jab naya jivan iss sansar me aata hai tab wo pal tumhe sabse anmol legaga... Khas'kar mayritv sukh ka anubhav ek alag hi anubhav hai, isliye to itne kast hone ke baad bhi ek mada apne bacche ko janm deti hai"…
Jivisha, Nischal ko dekh'kar pyari si muskaan deti.… "Tumne aur Serin ne kayi aise bejubano ki madad ki hai na"…
Nischal:- Ohhh ye Saatvik Aashram wale... Unhone hi tumhe yah bataya...
Jivisha:- Haan !!! Unhone kaha tumhari koi saja tay nahi hoti, kyonki yudhh ke maidan me ye hath uthe ho, ya research center ke kisi innovation me... Humesa jivan ko surakhsit karne ke liye hi uthe hain... Jo jivan deta hai unki saja bhala kaun tay kare...
Nischal:- Chhodo bhi.. abhi ye sab baten nahi... Hum teeno... nahi ab to HuYu bhi hai, to hum charo mil'kar pyare-pyare janvaron ke bich apna basera banayenge... Kafi bhavuk hote hain ye bejuban... Rachayita inhe bolne ki kam shakti de lekin samjhne aur apno ke prati poori bhavna deta hai... Aaram se usse khud bahar aane do..
Dono baat kar hi rahe the tabhi anda tootna shuru ho gaya... Jivisha apna poora dhyan niche ande par lagayi… wo pahla anubhav… bilkul chip-chipe liquid me lipta uska sar tha... Dhire-dhire wo pura anda tod chuka tha...
Dragon ka wo baccha ande se pura nikal'kar apni gardan upar kar'ke Jivisha ko dekh raha tha... "Jisa pyar se uske badan par hath fero, taki usse mehsus ho ki wo surakshit hai… aur apne logon ke bich hai"…
Jivisha bhav vibhor thi aur uske aankhon se aanshu aa rahe the.. bade pyar se usne jaise hi sar se lekar dhar tak hath feri, wo dragon ka bachha aawaj karte huye chhoti si chingari chhod diya..… gahre laal aur nile rang ka wo chhota sa dragon tha, jo murge se thoda chhota size ka raha hoga... Jaise hi usne awaj ki agle hi pal wo kisi ek kinare me tha aur muh se pipe lagi hui thi… dragon milk uske muh diya jane laga...
Nischal, apna hath aage badhate... "Chalo ab main inke hatching process shuru karta hun"…
Jivisha:- Love meri yahan se jane ki jarra bhi ikchha nahi… tum to itni jindgiyon ko iss jahan me aate dekhe ho... Plese mujhe nahi jana hai na... Please…
Nischal:- Thik hai.. apna dhyan rakhna aur haan ye sabhi kafi natkhat hote hain, isliye inhe pyar ke sath thodi shakti ki bhi jaroorat hoti hai... Samjhi...
Jivisha:- Haan samajh gayi..
Nischal:- Raat hone wali hai main ja'kar Nandni ko bulata hun... Sabka unke order mutabik khana khila'kar tumse milta hun...
Jivisha:- Nahi main khud aa jaungi... Tum jao...
Jivisha ka jid aur khila chehra dekh'kar Nischal sara process kar'ke, Jivisha ko wahin chhod diya aur khud kitchen area me pahunch gaya... Yahan aa'kar ek baat achhi thi ki usse Nandni ko bulana nahi, para balki wo pahle se wahan maujood thi aur computer ji ke kahne par wo sabke liye khana bana rahi thi. Nandni pichhe se Ansh ke hatkheliyon ka bhi aanand le rahi thi...
Nischal jaise hi pahuncha… Nandni apna sara kaam samapt karti hui aakar sofe par baith gayi... Kuchh der baad sabhi log apni thakan mita'kar, fresh ho'kar khane ke liye pahunch gaye...
Nischal ko baar-baar un nanhe jindgiyon ka khyal aa raha tha... Yun to Jivisha thi wahan par lekin uska mann fir bhi nahi maan raha tha...
Nischal ne wahan ka kaam jaldi-jaldi niptaya aur sath me Nandni ko bhi jaldi se ravana karne ke chakkar me tha... Nandni yah baat bhaanpte hui, sidha pakdi Nischal ka kandha, aur ek pyara sa jhatka deti... "Tu pakka laton ka bhoot ho gaya hai jodu ka gulaam... Mujhe hi tarka raha"…
Nischal apna matha pit'te... "Tu jo subah ke waqt bhagi thi uska kya... Apni bari bhul gayi baiman"…
Nandni:- Main baiman hun maan leti, yadi tu yahan milta… choch me chonch to tu bhi ladane gaya tha na...
Nischal:- Haan wo to tere chonch se pata hi chal raha hai... Kisi ko kuchh batane ki jaroorat na hai...
Nandni gusse me ghurti hui... "Kamine kya pata chal raha hai mere chonch se... Bata na... Tera to main sar phod dungi. Aur ek maharani to gode bechkar so rahi hogi"…
Nischal:- Achha ek baat bataunga to tu yakin karegi…
Nandni:- Tune itne hairani bhadi duniya dikha di hai... Aur jo dikhaya hai wahan tak to meri kalpna bhi nahi pahunch sakti...
Nischal:- Haan to taiyar ho ja ek aur hauratangej chuj ke liye… dragon ke bacchon se milwane liye chalta hun…
"What???"… Ansh aur Nandni ki ek sath pratikriya…
Ansh:- Kya sach me maine dragon ke bacche sune…
Nandni:- Tu mazak to nahi kar raha na...
Nischal:- Had hai, abhi itni badi+badi baten kahi... Aur ab yakin nahi...
Nandni:- Na re yakin to hai... Lekin ek baar fir se tu apne muh se kah de na...
Nischal:- Haan baba sach me dragon ke bacche hain...
Ansh aur Nandni dono ek sath... "Wo khatarnaak nahi hai kya?... Aur hume kha gaye to?"…
Takriban ghante bhar se the teeno wahan hall me... Baton ke dauran waqt ka pata hi nahi chala... Iske purv jab sabhi couple apne-apne sweets ke ore jaise hi pahunche… Serin ko chhod'kar sabhi patniyan, apne patiyon ko bahar darvaje par hi chhodti... "Kuchh der intzar karo.. fir tumhe ander bulati hun"…
Har kisi ke pahunchne se pahle unka bistar pushp se saja diya gaya tha.… Khana khane se pahle aur baad me, uss jagah me jamin aasman ka anter tha... Mahol aisa kamuk ki khud ko rokna namumkin sa ho jaye...
Har koi bada sa ghungat nikale bus apni badhi dharkano ko kabu kiye kisi tarah kah payi... "Ander aa jao"… wo sab pati bhi jaise hi un kamron me gaye..… bilkul kho se gaye... Laal ghunghat, paun mode unki dulhaniya bistar par baithi... Pass pada dudh ka glass, jise ek ghunt me khatm kar'ke sidha bistar par chhalang…
Wahin Serin aur HuYu ke case me ekdum alag sa hua tha... Dono jab se jage se the, honth se honth lagaye chumban ke param aanand me dube huye the... Yun to khane bhi nahi aane wale the. Lekin machin ke bulawe ki awaj itna sar dard wali thi ki unhe aana hi para...
Aur jab dono khane ke liye apna romance toda, fir HuYu ne bhi ek paramparik suhaagraat ki mansa jahir kar hi diya... Lekin jaise hi kha'kar dono wapas apne kamre ke pass gaye, Serin sidha usse ander khinchti... "Parampara hum kabhi aur nibha lenge… abhi to bus mujhe tumhe mehsus karna hai... Aur main koi slow motion game nahi chahti baby"…
Fir to wahan ka kamuk mahol aisa bana tha ki jab tak mann maar'kar sabhi dulhan solah shrinagar kar'ke, bada sa ghunghat nikal'kar baithi... HuYu pure masti me tha... Madak mahol me Serin ka wo khula badan, aur ek dusre ko poori tarah se charam par pahuncha chuka unka foreplay, kaam-kriya ke antim charan me tha...
HuYu Serin ke upar uske honth se honth laga'kar chume ja raha tha... Aur Serin madak siskariyan leti apne hath niche le ja'kar ling ko apni yoni par ghisti... "Come on HuYu… ummm.. pleasee ab jaldi karo"…
"Aaaaaaaaaaaaaa"…. Kafi tej chillahat, lekin yah koi kamuk siskari nahi thi, balki pith par aag ka ek chhota, kintu khatarnak spray padne se nikli u
HuYu ki dard bhadi chinkh thi... Aur agle hi pal mahol aisa hua ki Serin aur HuYu dono apne badan par kapde daal'kar pura gusse me hall area me pahunche...
Un dono ke sath sath wo log bhi pahunche jinhone kewal ghungta hataya hi tha... Aur agle hi pal ghunghat ko jala diya gaya.. poore mahol ko hi chhin-bhinn kar diya gaya... Phool masle kya jate, wahan to sare phool hi jala diye gaye…
Serin jab hall me pahunchi, kafi vichitr haalat thi... Aise waqt par sabko bhagaya gaya tha ki jhunjhlahat sabke chehre par saaf najar aa rahi thi, aur sabki ghurti najar Nischal par...
Serin jab hall me pahunchi, kafi vichitr haalat thi... Aise waqt par sabko bhagaya gaya tha ki jhunjhlahat sabke chehre par saaf najar aa rahi thi, aur sabki ghurti najar Nischal par...
Maujuda haalat kuchh aise the ki Nischal bade se hall me khada ho'kar Nandni se baat kar raha tha... Jaise hi ye log aaye Nischal unki haalat dekh'kar bhaunchakka rah gaya... Tabhi pichhe se Serin aur HuYu bhi pahunche… Nischal jaise hi Serin ke ore palta…. "Dhishummm"…
Ek jordar heavy laat Nischal ke sine par, bilkul Akshya kumar style me mara gaya aur Nischal jakar sidha viman ke deewar se takra'kar wahin niche bichh gaya.… "Kamine ye dragon ke bacche yahan Viggo viman para kya kar rahe hain"…
Sabhi log, jinhe apne room me kisi tarah ke naye prajati ke murge hone jaisa laga tha. Sath me ye bhi kah raha tha ki unki shaam bigadbe ke liye yah kukarm jaan bujh'kar kiya gaya hai aur control room se unke kamre ka darwaja khol'kar ander bheja gaya tha… Wah sabhi log ek sath bhuchakke hote.… "Dragon ke bacche"…
Serin:- To tum logon ko kya laga…
Kasak:- Mujhe laga koi nayi nasl ka Alian murga hai... Chiken tikka banane ke liye mere kamre me bheja gaya tha...
Abhishek:- Tu thik to hai Kasak… Wo sale aag aise ugal rahe the, kahin tera tikka na bana de...
Luna:- Kya hai Nischal, ek sukoon se kuchh naya kar rahe the... Kitni excited thi main aur uss waqt aisa mazak... Had hai.. ab main control room me hi rahungi… nahi chahiye ye shadi aur koi riti rivaj.. ab khush ho na...
Serin:- Mera dimag kharab mat kar... Bejuban jaanvar hai to poori chhut aur humare pass juban hai to humare emotions ki koi kadar nahi...
Nandni:- Haan so to hai... Wo bhi jab uss prakar me emotion apne charam par ho aur tab room me upadrav macha dena...
Serin:- Nandni mera bheja abhi garam hai... Mazak mat karo…. Computer abhi iss viman se sabhi Dragon ke bacche ko...
Nischal:- Ruk ja.. unhe viman se bahar bhejne se pahle, ek baar Jivisha se baat kar lo...
Sabhi log ek sath Nischal par toot'te huye teji se uske karib pahunche… koi baal noch raha tha to koi shirt... 2 minute me hi Nischal ki chaka-chak haalat se usse pagle aajam banate huye... "Kahan hai Jivisha jodu ke gulaam, le chalo abhi"…
Sabhi tam'tamaye log vahan me sawar ho gaye aur hatching jahan chal rahi thi wahan pahunch gaye...
Idhar 21000 ande sabhi hatch ho chuke the... Wo pahle jivan ko nikalte huye jo Jivisha ne anubhav kiya.… Wah itna khush thi ki wo 1000 ande ki shreni me hatching karwa rahi thi... Sabhi ande floor se 4 fit upar the aur Jivisha apne hath aise failayi thi ki sabhi andon par apna sparsh de rahi ho... Wahan ke pure mahol me hi mano apna mamta aur sparsh de rahi thi...
Jahan anuman the ki 1000 andon me se 300 bacche nikalte, usme badhotari hote huye ab 1000 me 400 bacche nikal rahe the aur Jivisha hawa me hi poora apne mamta ka sparsh gholti, un'par apna pyar bhada sparsh de rahi thi... Sparsh pate hi sabhi bacche ek sath chillate... Koi aag ugalta koi barf, to koi bilkul khali thi…
Sabhi chhote-chhote dragon pahli aawaj karne ke baad, Jivisha ke ore aise daurte ki usse lagbhag cover hi kar lete..… Jivisha farsh par leti rahti aur 400 dragon poore sarir par chadha, apni maa ke sath khel raha ho... Kuchh der laad pyar ke baad computer ji laga dete pipe aur dudh pilana shuru… aur jinka pet bhar chuka hota, Jivisha unhe khelne bhej deti... Aise hi kar'ke Jivisha, Control room ke ass-pass ke 5km meter ke ilake ko pratibandhit kar'ke, sabko poore Viggo viman me khelne bhej rahi thi...
Ye log jab wahan pahunche tab aakhri 400 bacche dudh pi rahe the aur baki 8000 bacche poore viman me ghum rahe the... Gussaye log jab wahan pahunche, kisi ne dudh pite un 400 bacchon par dhyan na diya aur aate hi bomabom shuru... Sabhi log Jivisha par aa'kar chillana shuru kar chuke the... Gussaye log chillate huye ek hi sawal kar rahe the... "Unke special night ne bhala Jivisha aisa prank kaise kar sakti hai???"
Jivisha ko bhi aaschrya hua ki ye bacche kisi ka kamra khol'kar ander kaise ghus sakte hain. Lekin koi usse sochne ya samjhne ka mauka de tab na... Abhi to pahle poori bhid ko khud ye samjhna tha ki, "aakhir dragon ke bacche yahan kar kya rahe hai aur wo unke itne pyare mahol ko bigad kaise sakte hain"... Issi kram me Kasak thoda ugr hoti... Jivisha ka gala pakadti… "Ye sab tera kiya dhara hai Jisa, ye prank tujhe bahut bhadi parega... Samjhi"…
Tabhi pichhe se Serin uske kandhe par hath deti toki... "Kya hai... Usse thik se warning to dene de"… Serin ne charo ore dekhne ka ishara ki... Aur jaise hi charo ore najar gayi, Kasak jhatka kha'kar pichhe hat'ti... "Wooo ye rang birange liliputiyan ki gange se tu mujhe dhamka rahi hai kya"…
Adbhut hi najara tha... Jaise hi Jivisha ke gale par hath gaya tha... Sabhi dragon bacche jahan the wahan se daure-bhage aa gaye the... Pahla baccha jo sabka bada bhai tha, wo Jivisha ke sar ke upar baitha tha aur baki jisko jahan jagah mili.
Koi Jivisha ke kandhe, to koi baahn par apne panje ki pakad banaye huye tha. Sharir se jahan latakne ka jagah mila latak liya aur jin dragon bacchon ko jagah nahi mili, wo pankh failaye hawa me tha... Sabki laal, hari aur nili aankhen, gusse me laal thi aur bus kewal khamos ho'kar wo sab apne maa ke bolne ka intzar kar rahe the...
Jivisha hansti hui apne dono bahn failayi... Aur jaise hi usne dono baanh failaya, sabhi dragon bacche ne khushi se apne chhote pankh pura faila diye... Jivisha muskura'kar bus dhime se sabko kahi, "ye sab bhi pariwar hai inke sath bhi khel sakte ho"...
Fir to sabhi dragon latak gaye har kisi par... Pahle to har kisi ko dar sa laga tha. Lekin sabhi maujood log, dragon ke bachhon ke chhote se sar aur uss sar ko kandhe se koi ghisa, to koi gaal aur gardan par… Sneh aur pyar se paripoorn sparsh me sabka gussa hi shant ho gaya ho…
Har kisi ne jab apne hathon se bacchon ko pahli baar sparsh kiya, tab ek khatrnaak janvar ki bhavna ko mehsus kar rahe the... Bhavna, ye kisi ke ander bhi ho sakti hai... Bhale hi kitna bada predetor kyon na ho... Fir kyon yaad rahe kisi ko apni suhaagraat aur kyon sab wahan se hile... Kafi pyara aur mazedar anubhav tha...
Koi dragon fire spray de raha tha to koi dragon uss par ice sparey… fir to dono aamne-samne pankh failakar gusse ka izhar bhi karte aur ladne bhi lag jate... Ladte bhi aise ki dono ke pankh se pankh mil jate aur poora sharir un pankhon ke bich me aise fansta ki wo golaakar ban'kar idhar se udhar ludhak rahe hote..
Baharhaal, ek raat aur agle aadha din har koi bacchon ke sath khelne ke baad, aaj raat ka sabne apna golden night ka programe fix kiya... Computer ji ko shakt instruction the ki bacchon ke sath khelne ke chakkar me, unhe itna tej na dauraye ki raste ke bich me padne wale counstruction se takra'kar unhe chot lag jaye... Ya fir unhe chot lagne se bachane ke liye kisi ke kamre ka darvaja kholna pade…
Khair aakhirkar 6-7 Raton ke baad wah ghadi bhi aa hi gayi jab suhaagraat thi aur ghunghat utha rahe the sabhi... The golden night was completed. Yun to sabhi anubhavi the siway Asis ke. Haan lekin Luna utni si samjhdar aur utni hi pyari partner thi...
Wo Asis ke har manodasha ko samjhti, uska sath itne pyar se nibhayi ki jivan ka uska pahla anubav kafi pyara raha tha... Wahin ek dilfek yani ki Abhishek ko utni hi difek dulhaniya mili thi... Fir to bechare ko pahli hi raat me aisa tel nikali ki bhool'kar wo porn na dikhaye...
Peak sex ke dauran fir to Ert ne aise-aise bhog-aasan karwaye Abhishek se, ki usse aisa laga mano wo sex na karke koi exercise class me aa gaya hai... Had to tab ho gayi jab Ert diwar ke 2 kone ke bich apne dono paun fansa'kar 7 fit upar chadh gayi aur Abhishek ko bulane lagi...
Wo bechara apne mathe par hath dete puchh bhi liya... "Na ye kaun se porn me dekh lee ab, jo deewar ke kone me dono ghutne pure faila'kar tijodi khole bula rahi... Ab kya deewar par chadhwa'kar nagin dabnce karwayegi"…
Kahe Ert uski sune... Pahle to apne naag-phans se vasikarn ki aur apne pass bula'kar usse upar khinchi... Wahin wo kone me ghutne fansa'kar deewar ke sahare lagi bhi rahi aur dono hath se Abhishek ke nitambon ko sahara bhi di...
Haan lekin dono jaise hi charam par pahunche... Uske baad Ert thodi relax hone me kahin kho gayi aur jaise hi apne hath ka support hatayi… bechara Abhishek… dhamnn se niche gira... Thik se karrah bhi na saka hoga ki upar se Ert bhi uske upar ludhak gayi..
Khair agli subah har kisi ke chehre par pyari si muskaan thi... Kasak jab uthi aur apne bistar ke masle phool ko dekhi, tab raat ki wo pyar bhadi ghamashan yaad karke uska chera laal pad gaya... Chehre par shram me dubi muskaan fail si gayi...
Kasak subah-subah hi uth'kar naha dho'kar tayar hui thi… Halke gile baal uske roop ko aur bhi sanwar rahi thi... Kuchh pal un pal bistar ko dekh'kar wo thoda sharmayi aur fir Sahil ko uthane lagi…
Sahil angdai leta apni aankhen khol liya aur samne apni patni ka pyara aur khubsurat sa chehra dekhte hi, agle pal Kasak ka hanth khinch'kar usse apne khule sine oar girate... "Hum to honeymoon par hai na.. fir ye jagne ka matlab"… Sahil madhe ke kinare se uske balon ko kinare karte kahne laga...
"Haan baba hum honeymoon par hai... Lekin jarra dil ke arman kabu to karo"…
"Honeymoon par bhi koi dil ke armaan kabu jaisi koi baat karta hai kya... Mujhe to tumhare sharir par kapde dekh'kar pareshani ho rahi"…
"Dhatt pagal... Jaldi se taiyar ho'kar hall me aao"…
"No, pahle ek kiss"…
"nahi abhi nahi, baad me"
"Bus ek"
"Naah"
"Bus ek kiss"
"Boli na nahi"…
"Tumhare bolne se kya hoga"…
"Unnnnnn, unnnnnn, unnnn"
Kasak dhakka deti Sahil ke upar se uth'ti... "Pagal, jaldi aao hall me"… wah apni baat kahti hui hall ke liye nikal gayi...
Sabhi wahin maujood the siway Ansh aur Nischal ke... Dono raat bhar se un dragons ki janch karne me jute the. Dono mil'kar ande ke bache huye avshes aur dragon bacchon par experiment kar'ke pata lagane me jute the ki.… "Nature jis life ko support karti hai, aakhir usme aisa kya badlav aa raha hai ki bacche ande me hi hawa na milne ki vajah se mar rahe??"
Wahin Nandni aur Jivisha subah uth'kar hi hall area me pahunch chuki thi... Dono khatti mithi baten karti hui, chhote bade kitchen ka kaam kar rahi thi... Issi bich Kasak bhi wahan pahunch gayi... Fir Luna, Serin aur anth me Ert...
Sabhi ladkiyan baat karti hui kitchen ka kaam kar rahi thi... Issi bich Nandni sabko chhedti... "Ladkiyon to golden night ka anubhav kaisa raha, aaj subah se jyada to tum sabka chehra khila hai...(tabhi Nandni Jivisha ke ore dekhti)… Naa tu nahi, tera chehra to shadi ke 900 din pure hone ke baad khilega na...
Luna:- Wo kyon bhala...
Jivisha:- Tu pagal hai kya Nandu...
Nandni:- Aree ye 300 din me 1 bar sex karti hai...
Sab ek sath muh banate... "What????"
Nandni:- Haan, baki din iska pati hartaal par rahta hai...
Kasak:- Haan Nandu tu kyun na maze le... Tera pati to doctor hai aur suna hai japani tel ka poora stiock hai...
Nandni:- Ab japani rahe ya barfani, bus sab toofani hona chahiye... Bata de raat toofan na macha ho to apni vayvastha tight hai...
Kasak:- Haan dekha hai maine teri vayvastha... Double hadhkadi...
Sabhi ek sath.… "Hathkadi???"
Nandni:- Kasak, bahini chal na kahin ghuma'kar aate hain... Tumhe main yahan ki sabse khas chij dikhati hui...
Bilkul samne Jivisha, Serin, Luna aur Ert khadi ho gayi... Charo Nandni ko ghurne lagi.… Tabhi Kasak hansti hui Nandni ka pol khol di... "Uffff, bechari dono hath bandhe rahti hai, fir scene kaisa banta hoga... Ye leti hai aur poori mehanat Ansh jiju karte"…
Nandni, glass, chamach, kaantan jo mila usse fenk'kar maarti... "Bhag kamini".. sabhi ladkiyon ki khili si hansi uss mahol me gunj rahi thi... Issi bich Abhishek thoda apni badli chaal me dur se aata hua najar aa raha tha...
Sabhi usse ek baar gaur se dekhe fir ghurti najar Ert par.… "O' nagin kal kaun se bill me ghus gayi, jo teri chaal to nahi badli lekin uski chaal badal gayi"… Serin tanj kasti hui kahi..
Ert:- Main aur mere janu kal wo dusron ke pradarshit romance ki video dekh'kar kuchh alag try kar rahe the...
Serin, Nandni aur Luna teeno uske kandhe se lagti... "Oooooooo, kuchh naya try... Bata, bata jarra detail me bata"…
Kasak:- Had hai yaar ab bus bhi karo.…
Jivisha:- Ert tum kuchh nahi bataogi…
Ert:- Lekin kyon... Maine bahut mehnat ki thi... Wo deewar ke kone se apne dono ghutno se tika'kar pura sharir upar rakhna... Fir Abhishek ko...
Uski baat par pichhe se Nandni, Serin aur Luna ke khi, khi ki awaj aane lagi... Jivisha uske muh par haath rakhti, hansti hui kahne lagi.… "Pagal, ye sab nahi batate. Kuchh chijen niji hoti hai"..
Ert:- Haan par wo video me to openly tarah-tarah ke pose de'kar batate hain... Maine socha yahan sab apni naye pose dikhate honge... Isliye main bhi soch rahi thi ek alag pose me video bana'kar sabko inspiration ke liye bhej dun..
Abhishek:- Kaun si video…
Ert:- Wahi jo kal raat tumne...
Ert itna hi boli thi ki Abhishek uska hath pakad'kar khinchte huye le'kar bhagne laga... Pichhe se Nandni... "Oye suna hai kal raat deewar par makdi bane the"…
Jivisha aur Kasak dono daudi Nandni ke ore. Wo dono kya pakdengi, unhe to in charo ne hi dhar dabocha... Sabhi 5 ladkiyon ki khili si hansi lagaatar uss mahol me gunjti rahi... Ek-ek karke pati wahan aate rahe aur apni izzat bacha'kar bhagte rahe... Sabse aakhri me HuYu hi pahuncha tha... Haan lekin wo bhaga nahi kyonki usse bus hansi mazak hi laga...
Wishper Planet se nikle 2 din aur kuchh ghante ho chuke the… Sabhi ladkiyan hansi mazak kar rahi thi aur idhar Viggo viman par sandesh aane shuru ho gaye.… "Koi bhi bahri viman Zoren ki seema me nahi ghus sakta... Zoren ki seema abhi puri tarah se band hai"… Lagaatar yah sandesh gunjne laga...
Poora Viggo viman Zoren ke vayumandaliya seema ke bahar ruk gaya... Har koi ye warning massage sun sakta tha... Tabhi ek awaj Viggo viman se bhi gunji, jo Zoren ke har uss speaker se nikal rahi thi, jo Zoren me maujood the…
"Main, Vish-Jivisha, Vish-Kritima ki vansaj aur samast Zoren grah ki Shashika hun.… Kisme itni himmat hai ki mujhe rok sake... Yadi dum hai to rok'kar dikhaye, Main wada karti hun aaj ke baad wo dobara fir koi galti nahi karega ya karegi... Computer ji... Viman ko sidha Zoren ke bilkul Madhya me utaro"….
hai udhar. Kahani par pahunchne ke liye story title par ulgi karne ka...
