Fantasy Kaisa Yeh Ishq Hai.... Ajab Sa Risk Hai...... (Completed)

[nain11ster]

Running Story....

Read The Fantasy Drama Menia
Kaisa Ye Ishq Hai~Ajab Sa Risk Hai~Reload


Real All My Completed Stories....

Enjoy The Emotions And Thriller Journey..
100 Encounter:- The Journey Of An Innocent Girl

Read The Thrill In Romance...
Bhanvar

Read Crazy Fantasy Romance Drama
Kaisa Ye Ishq Hai..... Ajab Sa Risk Hai....​

 

[mashish]

Update:-60​

Taliyon ke aawaj ne dono ke bojhil aakhon ko kholne par majboor kar diya.. Jivisha khadi bhid ko jab samne dekhi to sharmakar apne chehre ko Nischal ke sine me chhipa lee.. tabhi bhid ko side karte wahan police pahunch gayi…


"Kaun hai.. kaun hai jisne khud ke atmhatya ki dhamki dekar yahan ke announcing booth ko capture ki thi… kaun hai wo ladki"..


Manager:- Yahi dono hain sir, mall ko lovers park bana rakha hai…


Inspector ne ek najar dono ko dekha aur apne sath chalne kaha… Piche se manager inspector ko awaj lagate huye kahne laga… "Sir complaint to likhiye"…


Solanki:- Tu majhe kaam sikat aahese.. Isse bhi dal re Jeep me .. thane me jakar mamla darj hoga.. band karo mall ko..


Manager:- Sorry sir main to bus apni complaint likhwa raha tha..


Solanki:- Chal thane teri complaint likhta hun..


Solanki apne sath dono ko niche late, apni jeep me bitha liya aur Hawaldar ko bolkar inki car aage lane ke liye kaha.. kuch dur aage ja kar Solanki ne dono ko niche utara aur wahan se chala gay..


"Ye kya tha"… Jivisha car ki side seat par bait'ti hui puchne lagi..


Nichal use jabardasti driving seat par dhakelte… "Ye bade bhaiya ke niche kaam karta hai Solanki bhaw.. isliye chhod diya"


Jivisha mud'kar Nischal ke hont ko chumti… "Baby, yahan dhakka kyon de rahe, jao na driving seat par"..


Nichal bhi kiss ka jawab kiss se dete huye… "Tum hi chale jao na Jisa.. mere pasliyon me sujan hai driving karna thoda muskil hota hai…"


Jivisha:- Huhhh ! Main sab samjh rahi hun.. lekin aaj tum drive karoge aur main tumhe dekhungi..


Nischal:- Lekin ab akele dekhne me kya maza .. maza to tab hai jab hum dono ek dusre ko dekhte rahe..


Jivisha:- Haan ye jyada behtarin sujhao hai… Idea..


Pahle Jivisha ne Nandni ko call lagaya… "Nandu samjha le apne close one ajib se dost ko, warna main mar dalungi isse.. iss se kah de car ki key wapas kar de..


Nandni ne fir Nischal ko call laga diya…. "Nischal ye kya hai… aise irritate karke uska dil jitoge.. chabhi de de usse please"..


Nischal:- Nandu tu bich me mat par.. samjh kya rakha hai isne mujhe… main nahi dunga chabhi..


Nandni:- Acha bata kahan hai tu iss waqt..


Nischal:- Iss billi ki shakal wali ke pass.. iss se jyada main kuch nahi bata sakta…


Nandni, Jivisha se pata puchh'kar teji me college se nikli… "Pagalpan ki had hai… dono pyar karte hain .. Nischal ka to fir bhi thik hai… dono me badmash wo Jivisha hi hai.. jaroor usne hi padesan kya hoga Nischal ko"..


Nandni dono ke bataye pate par pahunchi. Jivisha ki car bhi wahin khadi thi… lekin dono me se koi dikh nahi raha tha… Nandni, Jivisha ko call lagayi… "Baby ruko na .. Nandu ka call hai"..


Nischal, Jivisha ke hont ko apne honton me dabate huye kiss karne laga… ek puri ring hokar call kat gayi. Jivisha bhi Nischal ko apne upar se hatane ki kosis to kar rahi thi, lekin Nischal hate na aisi khwaish bhi thi.


Nandni char kadam aage badh'kar unke car ke pass pahunchi… aur jaise hi shishe se ander dekhi… "Jivisha seat se tiki hai aur Nischal uske upar aur dono honth se honth laga'kar ek dusre ko chum rahe"


Nandni jor-jor se darwaje par laat marne lagi. Dono sidhe hokar kapde aur baal thik karte niche utre… Nandni apni ghurti najron se dono ko ek-ek kar ke dekhti ja rahi thi..


Nischal:- koi bhoot dekh li hai kya, jo aise reaction de rahi..


Jivisha:- Oye meri Nandu se bilkul mazak nahi.. padesan dikh rahi hai kuch..


Nischal:- Ab kuch bolegi ..


Nandni ke dimag me visual chalne laga.. abhi kuch dino pahle ki, jab Jivisha aur Nandni ki baat ho rahi thi aur tab Jivisha kahi thi…. "Hum dono mil'kar pagalpan karenge jiska effect multiple hoga".. Nandni dono ke liye khushi jahir karne se achha apni jaan bachana jyada sahi samjhi..



Nandni daud'kar apne car ke ore bhagi.. usse bhagte dekh Nischal bhi bhaga… "Arre tum dono ek dusre ke sath bhag jaoge to main kiske sath bhagungi"..


"Duffer jaldi aao, Nandu hum dono ko chhod kar bhag rahi hai"… Nischal bhagte huye jawab diya..


"Ohhh ! Ladki hoshiyar ho gayi hai. Rok ke rakho Nischal, main bhi bhagti hui aayi".. Piche se Jivisha ne bhi daud lagayi..


Nandni Jabtak car me baith'ti tab-tak Nischal piche ki seat par baith chuka tha.. aur car ko start karke aage badhati tab-tak Jivisha bhi pichhe baith gayi…


Nandni:- Tum dono utar lo jaldi me.. warna mujhe se bura koi na hoga…


Jivisha:- Yaar tujhe khushi na hui kya, hum dono finally… woohooooo..


Nandni:- Mujhe tum dono ke bare me shuru se pata hai.. pahle akele-akele ek dusre se pyar kar rahe the, ab ek dusre ke sath karoge .. naya tum dono ke liye hoga, mere liye nahi. Chalo ab utar jao…


Nischal:- Kya Nandu, tu achanak aise kyon behave kar rahi hai. I feel bad..


Nandni:- Ohk, Ohk, Ohk.. Ummid hai tum dono ko mera behave kharab lag raha hoga..


Dono ek sath chhota sa muh banaye… "Haan"..


Nandni:- Thik hai ye batao mujhe call kar'ke kyon bulaye the. Aur bina koi natak sidha point to point..


Jivisha:- Humara abhi-abhi izhar hua hai.. woohooooo..
Nichal:- Hum bus ek dusre me khona chahte hain.. yeahhh
Jivisha:- Ek chhoti si problem thi.. Hume ek dusre ko bina palken jhapkaye dekhna chahte the..
Nischal:- Aur humari car bhi chalti rahe..
Dono ek sath:- "Aise mauke par tumse best kaun hota"

Nandni:- Kaminey sale, dono piche baith'kar ras lila karo aur main tumhari driver banu.. bus mera sixth sence pahle se bhanp gayi thi.. Jivi tu aage aa mere sath aur tum wo car lekar college aao Nischal..


Dono ek sath… "Lekin abhi to hum mile hai"


Nandni piche ghum kar dono ko ghurti hui chhilayi…. "Jitna kahi utan suno.. chal tu utar re.. aur tu aage aa abhi… dono pagal, ab sath ho gaye ho to, mujhe hi pagal bano. Jaldi se mera kaha maan lo warna main tum dono me se kisi se baat nahi karne wali..


"Baby lagta hai Nandu serious hai"… "Haan Jisa mujhe bhi kuch-kuch aisa hi lag raha, ab duniya ko naraj kar sakte hain lekin Nandu ko kaise kar de"..


Nandni:- Emotional blackmail karne ki achi kosis hai. Lekin aisa kuch hai jo tum dono ke bare me main nahi janti..


Ek left se aur dusri right se… Nandni ke gal ke dono ore Nischal aur Jivisha... "Jab aisi baat hai to humre dil par bijliyan kyon gira rahi ho"…


Teeno abhi baat kar hi rahe the ki, teeno ke phone ki ghanti ek sath bajne lagi… alag-alag logon dwara teeno tak suchna pahunchi ki Swarn villa yani ke Jivisha ke ghar jaldi se pahuncho. Yahan bawal macha hua hai.


Jivisha:- Kamini kahin ki, hume romance bhi nahi karne diya. Le ab ghar se phone aa gaya.. Chalo ab panchayat me.. baby tum jara bhi mat ghabrana.. aur haan advance me sorry.. sab tumse bade hain wahan .. koi kuch bole to gam sah lena..


Jivisha, Nischal ke hont ko jaldi se chumti hui car se nikli aur dono ko ghar pahunchne boli… Nandni ne car ki staring Nischal ko thama di aur khud bagal me baith'kar pahle Sawalker, fir Jyoti aur fir Ansh ko call laga'kar, uske flat pahunchne ke liye boli… Karan batati hui Nandni ne sabko saaf kah diya Nichal ka rista tay karna hai..


Nandni ne call laga'kar sabko bulane par Nischal ke dimag me bhi idea aa gaya aur wo Nandni ko ek number dial karne kaha, aur phone speaker par dalne…


"Hello kaun".. Udhar se Josefer bola..


Nischal:- Tera baap bol raha hun..


Josefer:- Mere pass pahle se 2 baap hai Viggo, kahta hun Jija ban jao sunte hi nahi..


Nischal:- Bheja kharab karega to phone me ghus'kar marunga. Acha mere kaam ka kya hua..Visuals le liye tune..


Josefer:- Haan abhi-abhi mila hai.. kahan lana hai..


Nischal:- Tu wo visual lekar mere sasural chala aa aur sun mujhe apna ek reserch earth par bechna hai... Complete yahin ki technology hai.. koi buyer mil jayega jo ache paise de de..


Josefer:- Product detail bhej do to buyers ki line laga dun.. Ye sala Jatin bahut badi hasti tha… iske connection to top ke hain…


Nischal:- Besharm aur usse bhi tune upar pahuncha diya.


Josefer:- Viggo iske marne se to mujhe punya hi mila hoga.. bahut bada papi tha.. iske liye afsos kyon karna..


Nandni:- Chutiye Josefer, matlab tu vesh badal'kar uss din aaya tha club me. Ek kaam karna tu dikhna mat mujhe.. warna maut ka jhatka taiyar rakha hai..


Nischal:- Kya hai Nandu, ye kaisi bhasha hai.. aur jane do bechare ko.. maaf bhi kar do..


Josefer:- Bhai main bol raha hun isse aap apna sagird bana lo. Nandni pure sansar ko aapke kadmo me laa degi..


Nandni:- Chal re maska polish …. Main yahan tujh se bade-bade dhurt ke bich rahti hun... Sun oye chilgoje, Kasak se to tu dur hi rahiyo.. agar pyar wali feeling dal'kar usse depression ka shikar banaye na to tera shikar to waise hi hona hai.


Josefer:- Aur agar dur raha to..


Nandni:- To samjh le jindgi bach gayi tere...


Josefer:- Kamal ke ho tum log bhi… Kisi ko kuch bhi ho to sabke sur ek jaise ho jate hain.. filhaal main kaam par dhyan deta hun.


Josefer ka jaise hi call disconnet hua Nandni chillane lagi… "Arre tere shadi ki baat karne aise hi chale jayenge.. Chal pahle shopping karne chalte hai."


Nischal:- Ek kaam kar tu jab tak shopping mall pahunch, tab tak main apna ek bag le aata hun.. Pyar apni jagah lekin ijjat bhi koi chij hai ki nahi.


Nandni:- Ye hui na baat.. Chal thik hai main wo ekant me gadi khadi karti hun tu bhag ke ja aur iss duniya ke liye koi dhang ka aawishkar le aa..


Nandni shopping mall pahunchkar usse location ke bare me information dene ke baad Nischal ke liye pura outfit select karne lagi. Iss bich Jivisha ka phone aa gaya aur wo dono ke bare me puchhne lagi..


Nandni ne Jivisha ko "shadi ki baat karne aa rahe hai" iss ka pura plan bata diya sath me yeh bhi kah di ki taiyar hokar rahe.. Jaise hi call disconnect hua Nischal bhi pichhe se pahunch gaya…


Takriban aadhe ghante ki kharidari ke baad dono wahan se flat pahunche… Ansh wahan pahle se pahuncha hua tha aur un dono ke aane ke kuch samay baad hi Sawalker aur Jyoti bhi pahunch gaye.

very beautiful update

 

[mashish]

Update:-62​

Har sainik ki fusfusahat shuru ho gayi thi. Apini aur Rijo ashrya se ek dusre ka muh dekh rahe the. Aur thik Rijo ke piche se kadak dahar si awaz sunai di…. "Thode aaschrya thode dar me dikh rahe, dono. Baat kya hai"..


Nischal piche se Rijo ke kandhe par hath dete huye kaha, lekin Rijo jaise hi pichhe muda wo uske thik samne khada tha….. "Wahan pichhe kise dhundh raha hai be.. samne dekh"..


Samne ka najara dekh'kar to Rijo aur Apini ki dhakane aur bhi jor marne lagi. Bahrupiye Rijo ke pass baitha bahrupiye Apini ke sharir par dhire-dhire lambi si khanjar chal rahi thi aur Nischal uske badan ko bade maje se square shape me kat raha tha… Rijo apna thuk gatakte huye… "Ye aap kya kar rahe hai Viggo"..


Nischal apna kaam teji se pura kiya, khada hokar shaynn se thik uske samne khade hokar… "Apne bahrupiye ko tune kat'te huye nahi dekha na Rijo, isliye iss kide Apini ke bahrupiye ko slow motion me kat kar dikha raha tha. Waise ye square shape me mast dikh raha hai tera behrupiya.... Le apni bhukh mita le kha'kar.


Apini, apna sar jhukaye hath jode… "Viggo aap to baat karke samsya ka hal nikalne aaye the na"..


Nischal:- Haan yaar aaya to wahi sochkar tha lekin ye 2 ek jaise shakl ke kidon makodon ki prajati bahut confusion paida kar rahi thi. Baith jao tum dono, ab koi confusion nahi hai"…


Nischal ke apmanit shabd sabko chubhe to jaroor, khun bhi khaula kintu uska hona hi wahan par bhay tha aur har koi ussi bhay me daba sa ja raha tha. Rijo aur Apini apne mathe ka pasina pochh'kar baith gaye aur Rijo kahne laga…. "Viggo aap to yahan ke samaynusar 9 baje aane wale the na"..


Nischal:- Tune kisi ko mujh par najar rakhne nahi kaha tha kya? Matter tujhe pata to chal hi chuka hoga. Fir bhi yadi koi shanka hai to main usse dur kiye deta hun…

Nischal un dono ke charo ore chakkar lagana shuru kiya.. aur apni attahas bhadi awaz me bolna shuru kiya… "Mujhe, mera joda iss prithvi par mil gaya..… Naam Jivisha hai aur chunki aaj hi pyar ka izhar hua hai isliye maine socha 7 baje tak kaam khatm karke usse thoda samay dun… koi galat socha kya"..


Nischal un dono ke charo ore chakkar kat'te huye aise bhay paida kar raha tha ki wo agar piche se hath bhi unke kandhe par rakhta to shwans atak jati aur aisa lagta jaise ab gardan gaya uska. Nichal agar piche hota to dono ke gardan piche ghum jata aur jab bayen hota to gardan bayen hoti.


Wahin dur bhid ke bich me baithi Tanisha, pure gusse se chillati hui kahne lagi…

"Rakhail maa ke kokh se paida hua ek badjaat sahjada, jo apne grah ka bhagoda hai, wo Viggo kya nikal gaya tum sab to dar ke mare jamin me gade ja rahe. Prithvi ke kamjor se begairat prajati, jiske maans hum jab chahe noch-noch kar khate hain, un badjaat insano ke liye, ye Nischal, apne pita ka ye najayaj santan tum sab ko jalil kar raha hai aur tum sab sun rahe… 2 tukdi ek sath humla karo aur iska sar kaat kar mere kadmon me lakar do.


Nischal, Rijo aur Apini ko dekhte huye… "Kya yaar main to yahan pyar se mamla suljhane aaya tha… Khair, let the show begin"…


Tanisha ne yuddh bigul funk dee. 2 nahi balki apman jhel rahe sabhi sainik ek sath khade ho gaye. Har do sanik ke pass ek adrishi janwar aur 2 sainik tukdi, mauth ka ghere me fasa kar Nischal ko marne ke irade se teji se aage badh gayi. Nischal bhi unki ore daud laga diya… Itni tej wo dauda ki Rijo aur Apini ko aisa laga jaise Nischal yahan se gayab hokar wahan pahuch gaya aur wahan se gayab ho kar,l daur rahe sainikon ke najdik…


Nischal ko marne ke liye jabtak hath upar uth'ta, lagbhag na dekh wali speed se chalta khanjar apna faisla karte aage badh chuki hoti. Gala fade dard bhari chinkh bahar hoti… sharir se kata hua hissa hawa me upar hota aur bacha hua dhar niche jamin par. Aisa lag raha tha halal hone ke baad bakda jamin par gida hai aur farfrate badan se nikalte pran ke sath khun bhi nikal raha ho.


Sainikon ke jhund ke bich Nischal aisa ghira ki usse ab Rijo aur Apini to nahi dekh pa raha tha, lekin kata, fata hath, kamar se upar ka sarir aur chinkhte huye kata sar jamin par gir rahe the aur lashon ke dher wahan banta ja raha tha.. Koi beraham katil unke bich me ghusa, iss kadar kahar barsa raha tha ki wahan se sabhi sainik apne-apne adrishi janwar ke sath, apni jaan bachakar bhagna shuru kar chuke the…


60 sainik aur 30 adrishi janwar ke jatthe ko katne ke baad, khun me nahaya hua Nischal, lashon ke dher ke upar khada tha. Apne ek hath me bada sa khanjar aur dusre hath ki mutthi me Tanisha ke baal ko daboch kar, uska kata hua sar upar uthaye huye tha… taja khun ab bhi Tanisha ke gardan se tap-tap kar chu raha tha…


Nischal lashon ke dher ke upar khade hokar Tanisha ke chehre ko apne chehre ke karib laya aur khun se sane apne honth se uske honth chumte puchne laga….

"Janeman aise naraj hokar chup kyon hai… kya bol rahi thi jara fir se bol."…. Tanisha ke ore se koi jawab na aane par Nischal jor se daharte huye puchne laga…. "Bol na nich prajati, mai uss waqt sun nahi paya tha"..… Dobara puchne par bhi koi jawab na milne par, kata sar Rijo aur Apni ke kadmo me fekte huye… "Oye Apini, ye teri maasooqa kya kah rahi thi yaar, puchh kar bata jara. Lagta hai mere se naraj ho gayi hai. Je mayla Rijo, ye tere log aur wo kamjor se janwar kahan bhag gaye re"


Nischal ke aatank ke bhay se Rijo aur Apini kanp rahe the… jaise hi Tanisha ka kata sar Apini ke kadmon me gira, wo sar ko pakad kar rone laga… Idhar Nischal ke sawal ka jawab nahi mila tha isliye wo shaynnn se hawa bankar thik Rijo aur Apini ke samne tha… "Oye Apini tu romance baad me kar lena, pahle uss se puch ki wo kah kya rahi thi.. Aur sannata tu.. abe idhar udhar kya dekh raha hai, tujh se hi kah raha hun chutiye Rijo"..


Rijo:- Jaaa .. jaaaaa … ji Viggo..


Nischal:- sala tu to yahan shahrukh khan ko fail kar de… kaaa.. kaaaa… Kiran… Abe wo tere Zoren ke khatarnak tukdi kidhar gayi be..


Rijo:- Viggo . Wooo .. Woooooo..


Nischal usse ek thappad khich kar marte…. "Sale saste mimikary artist, ek hi baar haklana achha hai... Baar-baar bore karta hai... Fir mujhe gussa aa jayega… tere wo khatrnak tukdi aur kide jaisa wo tera janawar ki fauj kahan gayab hai..


Rijo:- wo bhag gaye ..


Nischal fir se usse ek thappad marte … "Abe kahne ko to tum sab sale apni badai me kahte ho .. hum toofan hain... nakara se grah Zoren ki shan hai.. kiske pichwade me ghused aaya aan, ban shan… Sale tujh se acha to mera sasur hai... Koi sainya prasikshan nahi liya usne, lekin fir bhi baat-baat me mera collor pakad leta hai aur ek ye tere trained log the.. dar ke bhag gaye... Thuuuuu…

"Ye to cheating hai yaar, main yahan baat karke masla suljhane aaya, to pahle ye Tanisha bhadak gayi aur uske sath sena ki ek tukdi bhadki. Unko samjane gaya to tumhare sena ke bache log yahan se bhag gaye. Sala ye chal kya raha hai. Tu bus apne Mahamahim ke hilane ke liye uska khas bana kya chutiye, koi control hi nahi tera to tere sena par.. ruk teri izzat bacha deta hun aur jara unko saja dekar aata hun, fir aaram se baat karenge…


Nischal apni baat kahkar lagbhag gayab sa ho gaya wahan se aur jo un fizaon me sunai de rahi thi, wo tha kahar. Rijo ke sath aaye adrishi janwaron ke maut ki changhar aur unke sainikon ki chinkh aur pukar dil dahlane wala tha.


Mar kahin bhi rahe the, lekin kate-fate sharir ek jagah hi lakar jama kiya ja raha tha… Rijo Apini ke hath se Tanisha ka kata sar lekar unhi lash ke dher me fekte huye… "Apini wo Sigma Viggo humare logon ko marne me laga hai.. Apini .. hosh me aao . Jab tak wo vyast hai hum bhag lete hain … chalo yahan se."


Apini kuch hosh me aaya aur Rijo ke sath wo bhi bhagne laga.. takriban 300 meter ki duri par jab dono pahunche to aage badh hi nahi pa rahe the.. aisa lag raha tha wahan kisi ne pardarshi dewar khadi kar di ho…


Jab najar ghuma kar Rijo aur Apini ne dekha, to kinare se uske kayi sainik aur adrishi janwar pura jor laga'kar bahar bhagne ki kosis kar rahe the.. Thabhi aisa laga jaise koi majboot pahad uske janwar ke upar giri ho aur fachak se uska sarir kisi machhar ki tarah masal kar ussi pardarshi deewar se chipka di gayi ho. Dekhte hi dekhte kuchli hui lash kisi painting ki bhanti chipak rahi thi, jiska rang diwaron se niche chu raha tha... Aatank ka aisa khufnak najara dekh kar dono ki ultiyan nikal aayi aur dono uss pardarshi deewar ke pass se hat kar apni jagah par wapas aa gaye.


Bus kuch der aur lage, sabhi sainik aur adrishi janwar ki lashon ka dher bilkul wahin ussi aag ke pass laga hua tha… Nischal aaram ki ek angdai lete un dono ke pass pahuncha… "Abe jab main apne dayre se baha bhagne walon ko masal'kar chipka raha tha, fir tum dono ko kisne kaha tha ki wahan deewar par apne sar pito. Acha hua main mud gaya wahan se, warna tum dono bhi dher me pare hote. Fir main baat karke mamla kis se suljhata…"


Apni ek pura bhada hua handi Nischal ke ore badhate… "Viggo aap sabko saza dekar kuch thaka sa mehsus kar rahe honge, isse pikar apne ander sfurti le aaeye"..


Nischal us handi ko lekar un lashon ke upar fekte huye kahne laga…. "Sale Zoren grah ke Jalil log, lana hi tha to prithvi ki ye anuthi aur sabse nayab pine ki chij le aate, jise shrab kahte hain. Ye kya utha'kar laga tha jo pesab se bhi ganda bash mar raha tha. Khair samay kya hua hai wo bata"..


Apini:- 7 baj kar 10 minute ho rahe hai..


Nischal:- Kamal hai sala Aizem grah ke sab se kamjor seema ki sabse kamjor 100 logon ki tukdi bhi mujh se ladti to kam se kam 2 ghante to tik hi jati aur saath me mujhe jaal mahal ilaz ke liye to bhej hi deti. Ye kaisa shaktishali tukdi tha be.. mahaj aadhe ghante me bhagte huye dher ho gaye. Iss se acha to lad hi lete…


Rijo:- wahan kewal ek hi ladta hai aur jab wo ladta hai tab uske samne khade hone ki himmat kisi me nahi hoti. Matr 1000 ki tukdi thi ye.. humare pass 5000 carore sainik 2000 carore adrishi janwar ki fauj hai Viggo. Aap ki hatt prithvi par ek anchana yudh ke sanket lekar aayegi. Aur jab wo khud aayega fir waqt kitna beraham ho sakta hai, ye aap bhi nahi soch sakte… beshak hum aur humare log nahi tike aapke samne lekin aapke jaise 100, Mahamahim ke samne nahi tikenge…


Nischal:- "Yaar thoda kamjor ho gaya hun yahan aakar, isliye dhang se nahi lad paya, iska ye matlab nahi ki tu bejjati karne lag jaye. Khair mudda ye hai ki maine to apni zindgi ki jivan sangni to chun liya. Aur mujhe umr bhar akele jine ki koi ikchha nahi hai. Isliye apne taam-jham samet aur tum dono niklo yahan se."

"Dono ko sirf isliye jinda chhod raha hun, kyonki jakar apne uss Mahamahim se batao ki yahan ek Viggo ko uski Malkia pasand aa gayi hai. Yahi nahi Malkia ke sath sath uss Viggo ko apna ye sasural prithvi bhi pasand aa gaya hai."

"Fir chahe tera 1 Mahamahim yahan aane ki ikchha rakhe ya 100 Mahamahim. Tere pass 5000 carore ka Sanya bal ho ya 500000 carore ka sainya bal ho… main sirf akela .. sirf akela… unhe iss grah ke orbit ke bahar khatam kar dunga.. Tumhare ek viman iss prithvi par laut kar yadi utar aaye, to main apna gala kat kar tere Mahamahim ko bhent kar dunga…"

"Jakar usko bol main akela khada hun yahan aur yadi usme dum hai to yahan ki sima me ghus kar dikhaye… Ab ja iske pahle ki mujhe uss bechari ladki Sapna ka khyal dil me aa jaye aur main shayad tumhe bhi un lash ke dher me pahuncha dun.."

"Oye aur sun, jane se pahle in sab lashon ko wo narbhakshi wala roop dete jana, jiske ajib se nakhun aur dant nikle hote hain… bade bhaiyya ko commissioner to bana hi dun yahan ka… aur laut'kar dobara mat aana yahan…"

super action update

 

[mashish]

Update:-63​

Nischal ek kahar sa barsha aur Nischal nam ka toofan jab thama tab Zoren se aaye sabhi mehman bhi shant ho chuke the. Jama lash ko narbhakshi banane ke aadesh dekar Nischal jaise hi jane laga… apne kadam rok'kar wo wapas aaya… "Apini, yaar tere se ek kaam to rah hi gaya"..


Apini:- Kaun sa kaam Viggo..


Nischal:- Tu aaj raat 9 baje pahunch jana mere sasural, aur jakar unko kah dena ki Jivisha ke liye Nischal se behtar ladka koi nahi. Aur jara tarifon ke bhi pul bandh dena.


Apini:- Kar deta shayad, lekin Tanisha ke sath aapne acha nahi kiya…


Tabhi Rijo, Apini ko apne piche lete…. "Wo abhi dard me hai Viggo usse maanf kar do. Aapka kaam ho jayega.


Nischal:- Yahan tera kaam hua ki nahi pahle wo bata..


"Khud hi dekh lo"… aur samne lash ke dher par Rijo ne ishara kiya..…


Nischal, un lashon ko dekhte…. "Sach me kide-makode jaise ho yaar, jao yahan se aaj raat ka waqt hai tumhare pass, apna taam- jham samet lo aur mera kaam karte huye niklo yahan se. Aur haan jo bhi bhagwan hai tumhara uss se dua karna ki kisi mod par fir hamari mulakat na ho."..


Nischal apni baat kah'kar wahan se pardarshi diwar ko hata diya. Turant hi usne Nandni ko call laga diya aur usse bhi wahan ki deewar hata kar bata diya ki aage kya karna hai, taki jitne bhi log behosh pare huye hain, wo jald hi hosh me aa jaye.


Idhar Nischal ne jab dekha ki Rijo aur Apini wahan se chala ja chuka hai, tab wo Sawalker ko call lagaya. Sawalker puri force ke sath wahan pahuncha. Nischal tabtak kuch special effect me sath, gande se dikh rahe janwaron aur narbhakshi ka kalpnik tasveer wahan chala diya.


Jaise hi Sawalker aur police ki puri team wahan pahunchi, vishalkay janwar aur ajib se insan ko dekhkar sab sadme me pahunch gaye. Unhe kuch samjh me nahi aaya. Tabhi un sab ko Nischal dikha jo Sawalker ke piche aakar kahne laga… "bade bhaiya ye to wahi janwar aur mutant hai jo kisi scientist ka experiment hai".


Ek kalpnik jaal Nischal ne bun diya tha aur usi jaal ke ander ghus kar Sawalker aur uski team shikar kar rahe the. Kamal ka set up kiya tha Nischal ne.. Sawalker aur uski team lagatar 2 ghate tak unko marne mein juti rahi. Kaam khatam hone ke baad media coverage aur sab kuch hua.. sabhi lash ko janch ke liye bhej diya gaya aur aaj ka hero to Sawalker hi bana… .


Nischal Sawalker ko dekh'kar hasne laga aur wahan se wapas chala aaya… Wapas aakar sabse pahle flat pahuncha, wahan Nandni se milkar sab kuch btaya, sath me yah bhi ki ab ghabrane jaisi koi baat nahi hai..


Nandni:- hmmmm ! Chalo bala tali… lekin Nischal..


Nischal:- kya ?


Nandni:- Rahne de fir kabhi baat kar lenge.. abhi to tu mara ja raha hoga Jivisha se milne ke liye..


Nischal, Nandni ke gaal khinchte…. "You are so sweet. Subah milta hun main tumse"..


Nandni se baat karke Nischal Jivisha ke ghar chala gaya. Pipe ke sahare wo ek bar sur khidki par khada tha. Jivisha aur Kasak samne film dekh rahi thi, aur sath hi sath Jivisha piche khidki par bhi dekh rahi thi…


Nischal khidki par khada hokar ander dekhna shuru hi kiya tha ki Jivisha ne Nischal ko dekh liya... Wo dhire-dhire piche khiskti hui khidki par gayi aur bilkul dhime awaz me apne honth hilati hui puchne lagi… "Abhi yahan kyon aaye ho. Subah to mil hi rahe the na"..


Nischal:- Chalo mere sath…

Jivisha:- Kahan le ja raho ho…

Nischal:- Bus chalo to sahi…


Jivisha:- lekin is waqt bahar kaise aaungi, sab lock hoga.. mujhe pakad lenge…

Nischal:- yakin hai mujh par…


Jivisha, Nischal ke chehre par pyar se hath ferti, haan me sir hilane lagi. Nischal ne ishare se khidki ke bahar aane ke liye bola… Jivisha khidki se lagi ussi patli railing par paun rakhi aur khidki ke bahar aa gayi..


Nischal, Jivisha ko apne kandhe par utha kar pipe ke sahare niche laya.. baat jab boundry kudne ki aayi tab Jivisha ko kuch kahna hi nahi para, wo pass ke ek ped ke sahare boundry par chadh gayi aur boundry ke pass ek thela lagi hui hoti hai, uske sahare uss par….


Nischal, Jivisha ko ghurte huye…. "Ye batao mujhe, tum pahle bhi khidki se niche aa chuki ho na"..


Jivisha, Nischal ko dekhkar hansti hui haan me sar hilati hui kahne lagi….. "Kisi ke sath ghar se kahin bhagna para to uske liye pahle se bahut practice kar rakhi thi"..


Nischal:- Kamal hai, aur kya taiyari hai… main to impress ho gaya..


Jivisha:- Acha ji.. chalo ye batao itni raat ko kya sochkar mujhe bahar lekar aaye ho…


Nischal:- Tumhe miss kar raha tha isliye tumhe le aaya..


Jivisha:- Acha ek baat batao tum mujhe padesan kyon karte the, aur kaise karte the…


Nischal:- Matlab main samjha nahi...


Jivisha:- Tum log mujhe pagal samjhte ho na, jise kuch bhi akal nahi…


Nischal, Jivisha ke thik samne khade hote huye kahne laga… "mujhe pata hai ki tumhe har baat ka aabhash hai jo kabhi tum bhrm manti ho, to kabhi satya. Jaise tum mujh me apne kayi sare sawalon ke jawab dhundh rahi ho is waqt, meri haalat tum se bhi jyada puzzle bani hui hai.... Vishwas karo main bhi bich mazdhar me hun"..


Jivisha:- bus mujhe ye bata do ki parinam jo bhi ho, lekin tum mujhe chhod kar to kabhi nahi jaoge na..


Nichal:- Tumhe aisi feeling kyon aayi jara bataogi..


Jivisha:- meri harkaten.. mujhe kabhi-kabhi aisa lagta hai main sabko khote ja rahi hun.. mammi, papa, bhabhi, bhai, Nandni .. sab mujhse kuch dino me dur ho jayenge… ..


Nischal:- Kisi ko andaja nahi tumhari haalat ka aur ab unhe pata bhi nahi chalega.. tum chulbuli aur natak karte hi achhi lagti ho… aise serious look me bilkul bakwas lagti ho..


Jivisha hanste huye Nischal ke gale lag gayi. Kuch der tak gale lagne ke baad wo kahne lagi…. "Aaj sham main fir tunhe dhakka de deti, ye jo tum mere balon me hath dene ke bahane jo mujhe behosh kar gaye the... Mar dala Sapna ke katilon ko, ya koi jinda bhi bacha hai".. ..


Nischal:- Ye tum kya kah rahi ho?


Jivisha:- wahi jo tum sun rahe ho. Mujhe ache se pata hai ki tum yahan is prithwi ke nahi ho.. aur na hi wo Shresh tha . Bus fark itna hai ki tum mere wahi sapno ke rajkumar ho, jo kahin dur se aaya hai aur wo koi jalil kism ke prani the. Jaise yahan prithvi par insano me bhi tarah-tarah ke insan hote hain…


Nischal:- hahaha… matlab tumhe apne bhrm par yakin hone laga hai haan… Jivisha mujhe sari baat janni hai.. shuru se.. kab tumhe kya laga tha…


Jivisha:- nah aise nahi.. mujhe pahle gode me uthao.. aur gode me utha'kar mujhe wahan le chalo jahan hum pahli baar mile the .. fir main bataungi…


Nischal:- sach me tum abhi pune se kalyan jana chahti ho.


Jivisha pyara sa chehra banati haan me apna sir hila di. Nischal bhi Jivisha ko dekh'kar muskuraya aur usse gode me utha'kar daud laga diya… Uski daud me itni raftar thi ki jagta aadmi uss gati ko na to dekh pata aur na hi sah pata.. aankh to uski band hi hoti lekin Jivisha, Nischal ki aakhon me dekh'kar muskura rahi thi.


Kuch hi der me Nischal apne thikane par tha aur wahan se viman lekar dono kalyan. Aur kuch hi der me dono kalyan junction par the… Jivisha apni ikchha anusar Nischal ko fir se wahin khadi hone kahi, jahan wo pahli baar khada tha..


Nischal Jivisha ki ikchha par kya kahe.. bus uske bachpana me wo bhi thoda bacha banta ja raha tha… fir se wahi sab dohraya ja raha tha… Nischal se Jivisha takrayi, chehre ke baal ko Nischal ne hataya aur Nischal ko dekh'kar punah wahi bhawana jaag gayi jo pahli mulakat me jagi thi.


Na to bhid dikha aur na hi Kalyan junction ki wo chahal pahal. Jivisha ke liye khamosh sama tha aur najron ke samne fir se wahi manmohak drishy tha jise dekh'kar Jivisha khud ko rok nahi payi thi...


Honth se honth lagati Jivisha ek bar fir Nischal ko chum rahi thi, fark sirf itna tha ki aaj bus ek chhote se sprash matr se wah anubhaw ho gaya jo us din adhura sa rah gaya tha... Nischal ka sath aur uske hone ka ehsas…


Jivisha Nischal ke kano me kahne lagi... "Kahin khamosh jagah mujhe le chalo.. jahan kewal hum tum ho"…


Nischal usse aise hi jagah par le aaya.. dono chandni raat me ek jhil kinare baithe the... Kuch khamoshi aur dher sara pyar dono ke aakhon me dikh raha tha… Jivisha nischint hokar Nischal ke sine se apne sar ko tikaye thi…


Nischal:- Tumhe ascharya nahi hua ki main ek alian hun..


Jivisha:- tunhare grah par main bhi ek alian hi rahungi… don't worry..


Nischal:- Hammm ! Ab mujhe shuru se batao… kya hua tha..


Jivisha:- Bahut pahle ki baat hai ye.. main bachpan se jawani ki dahlij par kadam rakh rahi thi… sarir me kuch badlaw ke bare me maa batayi thi, lekin usi dauran mere ander ajib si chijen hone lagi... Aisa lag raha tha mere ander koi soyi hui hai aur jagne ki kosis to kar rahi hai, lekin thik se jaag nahi pa rahj.. ..


Tumhe sunne me ajib lag raha hoga kyonki ye baat maine tab sabko batayi thi aur kisi ne meri baat par dhyan tak nahi diya, lekin wo baat sach hai. Uske baad sab dhundhla sa ho gaya. Jindgi maze me hanste-khelte kat rahi thi. Lekin achanak hi meri jindgi ne karwat li. Papa meri shadi ki baat kar rahe the. Mujhe kuch samajh me nahi aa raha tha aur mere sabhi ghar wale ek sur me the. Yahan tak ki Nandita bhabhi bhi.


Mujhe shak hua aur maine Kasak se baat ki.. jab usse phone ki tab mujhe ek bhawihshyawani ke bare me wo batayi, jisme kaha gaya tha ki yadi meri shadi sahi samay par nahi hui to is prithvi par anarth aayega… aur jis waqt mere papa paglon ki tarah meri shadi karwana chahte the tab sahar me ajib ghatna hona shuru ho chuka tha.. logon ki lash ajib tarike se mil rahi thi.


Ussi dauran Kasak bhi kahin gayab ho gayi. Sabko yahi dar tha ki ye ho na ho mere hi karan ho raha hai. Shadi to karni hi thi aur kewal ek shadi se sab kuch thik ho jata hai to shadi karne me harj hi kya hai.


Main raji ho gayi. Pata na mere gharwale kyon uss Shresh ki baton se khush ho jate, lekin pahli najar se hi wo mujhe ek behrupiya najar aata tha. Jaymala stage par jaise hi usne apna phone apne jeb se nikala tha.. mere dimag me ajib hi tasveer ban rahi thi.


Kahin dur jungle me ek ladki ko jinda chabaya ja raha tha. Aisi ladki jo apni khushi se apna sab kuch sunpkar ek Prem milan me thi. Us taveer me wo kuch ajib tarike ka wo narbhakshi tha, aur waisa hi taveer uss Shresh ki bhi mujhe dikhne lagi... Main bhag aayi wahan se.. dar ke sath iss baat ki bhi anubhuti ho rahi thi ki ye mere pure pariwar ko mar dalega…


Haan uss waqt ye sab mere liye kewal ek bhrm hi tha, jo itna majbut tha ki mujhe koi bhi step lene me majboor kar deta tha… aur ussi bhagne ke kram me kuch aisa hua jo maine pahle kabhi anubhaw nahi kiya tha…


Main Pune Mumbai train me thi.. Kalyan junction utarne ki koi wajah nahi thi, ulta main agar kalyan paar karke mumbai pahunch jati to koi dhundh bhi nahi pata... Lekin mere kadam khud-w-khud darwaje par chale gaye….. train dhimi hokar ruk rahi thi, aur mera man bechain hua ja raha tha..


Main darwaje par aakar idhar-udhar dekhne lagi.. pata nahi kya hua tha mujhe uss waqt, lekin jo bhi bhawna thi wo bahut hi strong thi, aur mere kadam khud-w-khud tunhare ore khinche ja rahe the… aisa lag raha tha, main chal nahi rahi hun, balki koi hanth pakad kar mujhe khinchte huye tunhare pass jabardasti le ja rahi hai… dimag sunya ho gaya tha .. main apni aakhen puri jor se mund chuki thi… mujhe bus itna yaad tha ki main train se utri.. aur jab aakhen khuli to main tumhare bahon me thi…

nice update

 

[mashish]

Update:- 64​

Jivisha apni baat aage badhati….


"Bhrm aur sachai ka kissa bhi ajib hai. Ab tak jitni bhi baten hui wo mujhe bhrm hi lagti thi, lekin jis raat tum baar-baar aa-ja rahe the, main apna pura dhyan kitabon me lagayi hui thi, tabhi tum mujhe ehsas ho gaya tha ki tum khidki par ho.


"Baad me Kasak ki baton se main ek baar aur confuse ho gayi. Lekin uske baad to jaise mujhe apne bhrm par yakin hona shuru ho chuka ho. Pahle college me tumhe dhakka dena."


"Jab tum Nandni ke pass se daure, tabhi tum mujhe dikh gaye the. Aur jab maine dhyan lagakar tumhe dhakka diya, uss waqt mujhe aisa laga jaise tumhare ander ki 1-2 pasliyan chatak gayi hai. Iss baat ki pusti ke liye, uss din main college se sidha tumse milne gayi."


"Sach kahun to jalan kya hoti hai, wo uss din mujhe ehsas ho raha tha. Nandu tunhare itne karib thi jise dekh'kar main apna aapa kho hi deti. Kintu agale hi pal khyal aaya ki yah to meri Nandu hai, aur fir sab kuch samanya ho gaya. Jab maine tunhara badan dekha tha, uss pal hi mujhe aabhash ho chala tha ki jise main bhrm maan rahi thi, wah Sathya hai."


"Uske baad kayi aise mauke aaye jisme aisa laga jaise koi ander ka soya jagne wala hai, jaise Chirag ko lekar ek baar main aawesh me aayi aur fir wahan pura dar ka aisa sannata pasra, mano wahan main sabke liye khatra hun..."


"Ab aur kitna mai tumhe bataun Nischal… bus is bhrm aur staya ke bich mere sare arman bhent chadh gaye. Tum par pyar barsana tha aur ulta tumhe hi dhutkar di. Thik se Nandu ko bhi kabhi samay nahi de payi aur na hi kabhi gharwalon ki najar me ek achhi beti ban payi..."


Nischal khamoshi se Jivisha ko sunne ke baad kahne laga….. "Ab tum sari chinta ko chhod'kar muskurao aur itni dur jo lekar aaya hun, uske mehnat ka kuch fal to do…


"Hihihihihi… aisa lag raha hai jaise bhikh mang rahe ho Nischal, mujhe wo akdu hi pasand hai, jo hamesa tana hua sa khada rahta hai. Aur mujhe nahi lagta ki uss Nischal ko aise kahna parta. Suno mister tum jao aur mere akdu ko behj do"… pyari si muskan aur dher sari sharaten Jivisha ke aakhon me dikh rahi thi...


Nischal hanste huye Jivisha ke gale lag gaya. Wo waqt aur jagah ka dhyan dilate huye Jivisha ko lekar wapas Pune chala aaya. .. dono ek dusre ko chhod'kar raat bhar ke liye alag to ho rahe the, lekin Jivisha ki tanik bhi ikchha nahi thi ki Nischal ab uss se dur ho.


Kisi tarah raat katne ke baad Jivisha subah-subah college ke liye taiyar ho gayi.. idhar Nandni aur Nischal bhi college jane ke liye taiyar ho chuke the. Kamal ki baat ek aur thi ki doctor Ansh bhi aaj badi subah taiyar hokar hospital ke liye nikal rahe the…


"To kaisi rahi tum dono ki kal raat ki mulakat" khamosh dono chale ja rahe the, aur Nischal, Nandni ki khamoshi ko kal raat se hi bhanp raha tha…


Nischal:- Tu janti hai, mere bache bhi tere dost honge aur unke bache bhi. Isliye jyada dimag par jor mat dal.


Nandni:- Haaynnnnn !!! Maine kya pucha aur tu kya jawab de raha hai.


Nischal:- mai uss sawal ka jawab de raha hun, jo kal raat se tere dimag me ghum raha. Ye sochne ki jara bhi bhul na karna ki ab mera aur Jivisha ka ho gaya to tujhe chhod'kar kahin mai bhag jaunga…


Nandni:- koi bhi chij hamesa nahi hoti Nischal…


Nischal:- Hmmm ! Thik hai ye le car pakad aur mai jata hun.


Nandni usse rokti rah gayi lekin wo ruka nahi. Bich sadak par gadi khadi karke chala gaya. Nischal ka yun nakhre karke jana Nandni ko akhar gaya. Kafi tej uspar gussa hoti wo bhi college nikli.


Idhar Nandni ko chhod'kar, Nischal naraj ho kar to chala aaya lekin uske dimag me kewal yahi chal raha tha ki, shayad usse aisa nahi karna chahiye tha, Nandni pahle se udas thi to kahan se meri baat samjh pati...


Khair wo teji se bhagta hua college pahuncha, lekin ab tak koi bhi college nahi pahunchi thi, isliye Nischal college ghumne laga… tabhi college ke pahle din mili ladki Kiran usse mili gayi, jo hath hilati ussi ke ore aa rahi thi… Nischal usse dekh kar bhi andekha karke, idhar-udar najar dene laga…


"Hey handsome, kab se hath de rahi hun aur tum baar baar mujhe dekh'kar bhi andekha karne ka natak kyon kar rahe"… Kiran aati hi sawalon ke bauchhar karne lagi.


Nischal:- Sorry main commited hun.


Kiran apne sar khujati…. "Oye duffer, mai kya puchh rahi hun aur tum kya jawab de rahe ho"…


Nischal:- Nahi, baki sari baton ka jawab dene se pahle maine jaroori baat bata di hai, ki main commited hun, ab pucho jo puchna hai.


Kiran:- Pagal kahin ka… Pure mood ki aisi ki taisi kar di. Yaar main yahan madad magne aayi hun.


Nischal:- Kis tarah ki madad chahiye…


Kiran:- Yaar ek chipku mere piche hai, please uss se picha chhudwa do.


Nischal:- Na baba na… meri janeman puri filmy hai, upar se gusse wali bhi, kahin koi shak ho gaya to, mera to aaj ka din usse manane me hi chala jayega. Tum kisi aur ko dhundh lo.


"Jakar uske aanchal tale chhip ja…"… Gusse me apni baat kahti Kiran wahan se nikli, fir dobara laut kar aayi aur apni chudiyan uske hath me deti kahne lagi…. "Achal me chhipne se pahle, ye chudiyan bhi pahan lena fattu sale. Dekhna teri gf nahi aaj naraj ho gayi tujhse, fir kahna… mera shrap hai tujhe"..


Nischal:- Achha suno suno… aise baddua na do, batao paresani kya hai...


Kiran:- Chalo sath me padesani hi dikha deti hun…


Kiran aage-aage chal rahi thi aur Nischal se kah chuki thi ki bus dekhte jaye… jaise hi wo uss jagah se 10 kadam aage badhi hogi… ek ladki Kiran ka rasta roke khadi ho gayi aur kahne lagi…. "Kya hua baby kal tumne meri baat ka jawab nahi diya"..


Nischal:- Oye Kiran, tu iss se gappe kyon ladane lagi, chalkar problem dikha na…


Ladki:- Kaun tang kar raha hai tumhe Kiran, mujhe bhi uske bare me batao abhi…


Kiran, Nischal ke ore ungli dikhati…. "Jao usse pakad lo, wahi mujhe tang kar raha hai."..


Nischal:- Pagal ho gayi hai ye ladki, mujhe yahan problem ka naam bata kar layi aur ab mujhe hi fasane me tuli hai.


Nischal Kiran se apni baat kahta raha, lekin jaise hi uss ladki ne Kiran ka rasta chhod kar Nischal ke ore jane lagi, Kiran wahan se bhagi.. aur idhar tabtak wo ladki isharon me apne dosto ko to bula hi rahi thi, upar se gurti wo Nischal ke pass pahunchi aur puchne lagi…. "Kyon be sale, tu meri gf ko kyon chhed raha tha"…


"Haynnn !! Gf.. oh to Kiran jis problem ki baat kar rahi thi ye wahi hai. Hey bhagwan ye Kiran to apni problem mere gale bandh kar bhag gayi"..


Idhar Kiran bhagti hui Jivisha ko dhundhne lagi… thodi hi der me Jivisha, Kasak aur Nandni teeno sath hi mil gaye… Kiran teeno ka rasta rokti hui kahne lagi…. "Yaar ek gadbad ho gayi. Wo Andrea college me laut aayi thi aur maine pichha chhudane me chakkar me Nischal ko fasa aayi, please usse jakar bacha le"…


Andrea ka naam sunkar hi teeno hasne lagi…. Jivisha aage badhkar Kiran ko thanks kahti…. "Aaj usne Nandu ke sath jhagra kiya hai, isliye usse saja bhugatne do"…



_______________



Idhar Dr Ansh ghar se nikalte hi sidha reserch lab pahuncha. Doctors ki team bhi wahan maujood thi aur jo blood sample Ansh lekar aaya tha uski report bhi aa gayi thi….


Sabhi test result ko dekhte huye ek senior scientist kahne lage….. "Aisa blood sample na to kisi samanya insan ka hai aur na hi prithvi par paye jane wale kisi bhi janwar ka."..


Ansh:- doctor aap kahna kya chahte hai jara khulkar bataeyega…


Scientist:- Baat bahut simple hai Dr Ansh, aap jiska sample lekar aaye hain wo iss prithvi ka prani nahi hai, balki dusre kisi grah se aaya hai.


Ansh puri tarah se hairan hote huye scientist ka chehra dekhte huye…. "Doctor kahin koi confusion to nahi hai na.."


Scientist test result dikhate huye kahne lage…. "Doctor Ansh jaisa ki aap screen par dekh sakte hai… ye jis kisi ka bhi blood sample hai, uska DNA structure samnya insan ke mukable kitna alag hai… kamal ka DNA hai… Dr Ansh jitni kshmta ka aakaln main kar pa raha hun, uss se ek baat to saaf hai ki ye itna khatarnak ho sakta hai ki akele hi ye kai logon ko chir sakta hai."

"Haan ek baat aur Police forensic lab me kuch din pahle ek high secure kamre me ghuspaith hui thi, aur wahan bhi kuch khun ke dhabbe subject (Sapna) ke upar se mile the… wo blood sample aur ye blood sample ek hi hai. Ho na ho police kal jin janwaron se bhidi thi wo matr ek science experiments ho, asli narbhakshi yahi hai…


Us scientist ki baat par Ansh jhatke khakar gir gaya. Achet awastha me wo bus Nischal ke sath apni hui bhidant ko hi yaad kar raha tha aur yaad karte huye usse khud ka haal bhi Sapna jaise lagne laga…


Tabhi wahan, kal raat ke karname ke baad, Raton raat sohrat aur naam kamane ke alawa pramotion pane wale Sawalker bhi uss reserch lab me pahunch chuke the, jo ab sahar ke Assistent Commissioner Of Police yani ki ACP ban chuke the…


"Kay re ghodpade, ACP ko bhi case solve karna parta hai"… Sawalker ko apni chamchamati wardi dikhate huye puchhne laga…


Ghodoade:- Pata nahi saheb, lekin aap to tope ho, har penchida case solve kar loge…


Sawalker:- Haan so to hai ghodpade… tu janta hai jab se mera chhota bhai Nischal, meri jindgi me aaya hai tab se sab mangal hi mangal ho raha hai…


Ghodpade:- Ho saheb, sach kaha…


Sawalker:- Acha ghodpade ye bata ye naya case solve karke kya main commissioner ban jaunga…


Ghodpade:- Nahi pata saheb .. waise ek baat dimag me hai saheb puchh lun kya?


Sawalker:- Haan puchh puchh .. aaj main bahut khush hun…


Ghodpade:- Saheb kahin aaj ke case me wo aap ka chhota bhai Nischal involve ho, fir aap kya karoge...


Sawalker:- Ghodpade, tu ja warna main iss waqt ghoda daba dunga… sala acha nahi soch sakta to bura bhi na bol…


Ghodpade:- Sorry saheb … lekin mujhe na kabhi-kabhi aisa lagta hai ki wo Nischal koi bahut badi tope hai. Dekho na usse pahle se un janwaron ke bare me sab pata tha, Upar se wo iss sahar ka hai bhi nahi.. to shak hona lajmi hai na bhaw…


Sawalker, Ghodoade ko 4 galiyan dekar ander doctor se milne gaya, wahan doctor ne sabhi khatron se aagah karte huye usse alian ke bare me jankari de diya… Sawalker ne jaise hi alian ke bare me suna, usse afsos hone laga ki wo aaj ke din ACP kyon banai... Halanki Sawalker ki najar abtak Ansh par nahi gayi.


Jab uss scientist ne Dr Ansh ko dikhate huye kahne lage ki yahi hain jinhone uss alian ka blood sample lakar diya tha, tab jakar Sawalker ki najar Ansh par gayi. Sawalker khud bhi dara hua tha, isliye wo Ansh ki luti-piti haalat dekh'kar samajh chuka tha ki usne yadi alian ka blood sample laya hai to uske dekhne ka anubhaw kuch aisa hi hoga...


Sawalker Dr Ansh ko kopche me le jate huye kuch der khamosh hokar usse dekhte raha, fir uski luti haalat par santwana dete huye khane laga…. "Koi baat nahi hai doctor, us alian se jara bhi darne ki jaroorat nahi hai… iss bar bhi main aur Nischal mil'kar uss Alian ko pakad lenge aur main sidha commissioner ban jaunga…


Ansh:- Nahi sir aap jaisa soch rahe hai waisa kuch nahi hoga.. ulta aap ki wardi utarne wali hai…


Sawalker:- doctor sahab aap sadme me ho isliye aapka dimagi santulan bigad gaya hai... Aap kuch der aaram kar lo main uss Alian ki detail aap se baad me leta hun...


Ansh:- Bus ruk'kar uss Alian ka naam sun lo, aap ka bhi haal mujhsa hi hoga…


Sawalker:- Dr sahab paheli bujhane se acha hai ki bata kyon nahi dete…


Ansh:- Thik hai dhyan se suno… main yahan Nischal ka blood sample laya hun, aur tab se aap jis Alian ki baat kar rahe the, wo alian aur koi nahi balki Nischal hai…


"Kya Nischal" .. chaun'kar Sawalker ke muh se sirf itna hi nikla aur puri tarah se hairan hokar wo Ansh ko dekhne laga…

superb update

 

[mashish]

Update:- 65​

Nischal fasa tha Andra ke changul me aur Nandini se subah bewajah jhagre ke karan trideviyon ne faisla kiya ki chal'kar Nischal ke haal ka jayja liya jaye lekin koi bich-bachaw ke liye nahi jayega.


Teeno hi uss ore chal pari. Teeno dur se hi dekh pa rahi thi, Nischal, Andra aur uske doston ke bich ghira tha aur wo ladkiyan Nischal par ration-pani lekar chadhi ja rahi thi..


Bechara Nischal chupchap atyachar sahta idhar-udhar najar diye, bus najron se madad ki raham mang raha tha.. tabhi usse dur se Jivisha aati hui najar aayi… safed salwar kurte me kamal ki lag rahi thi. Hawa me urrte baal ki laten chehre se takrate huye dekhna, madhur ehsas paida kar rahi thi. Aas-pass ke sabhi log jaise mute par chale gaye ho. Hawaon ne madhur dhun chhed di ho jaise, aur sab kuch slow motion me chalne laga ho.


Najron ne najron ko pahchana ho jaise… Jivisha ki najar bhi Nischal se mile aur wo aakhon me aakhen dal'kar dekhne ka ehsas… Jivisha ko aisa lag raha tha, pal yahin tham sa gaya hai aur Nischal ka dilkash chehra najron ke raste dil me utar rahi hai… jab ye ehsas dil me jage, fir to chehra aisa khil gaya jise dekh Nischal ka chehra bhi khil gaya…


Dono apni jagah khamosh khade ek dusre ko dekhe ja rahe the aur dhime-dhime apne kadam badhate, ek dusre ke karib aate ja rahe the… Idhar Andrea aur uski gange, jab Nischal ko besudh dekhi, to uski najron ka pichha karti unki najar Jivisha par pari.


Jab Andrea ne Jivisha ko bhi ussi vyakulta se Nischal ke ore dekhti hui payi, fir to wo apne gange ke sath wahan se jane me hi apni bhalai samjhi. Aalam ye raha ki wahan Kasak aur Nandni aaram se baith gayi thi, baki sbhi log ja chuke the aur ye dono ek dusre ko dekhte huye itne dhime kadam badha rahe the ki 15 minite me 10 kadam ki duri tay nahi kar paye the.. .


Nandni, Kasak ko ishar karti Jivisha ke pass bhej di aur khud Nischal ke pass jakar usse ek chhota sa jhatka di. Naam matr ka wo jhatka tha, lekin iss jhatke ke sath hi Nischal ke ander ek pal ka andhera chha gaya aur uski shwans asamanya roop se tej hone lagi.


Nandni fir usse thoda tej jhatka deti hui wapas khinchi aur najron se sawal karne lagi… Nischal jagte hi Nandni ko thoda kinare le gaya….. "Nandu ek kaam to kar diya, lekin ab bhi wo adhura hai. Wo ander chhatpatate hui pukar rahi hai"..


Nandni, aaschrya se Nischal ko dekhti…. "Matlab tum abhi forensic lab ja rahe ho kya Nischal?"..


Nischal:- Shyad mai thoda late hun, mujhe kal raat hi chale jana chahiye tha… wo ander thoda gussa hai. Ek kaam karo yahan ki situation sambhal lo, mai wahan se aaya."


Nandni:- hmmmm !! Thik hai tu ja main yahan manage karti hun..


Nandni ke sath Nischal ke jaye hi, Jivisha ko bhi hosh aa chuka tha aur wahan par Kasak ko dekh'kar ajib hi tarike se sharmaye ja rahi thi…. "Kya baat hai, aaj kal tune sharmana bhi sikh liya"… Nandni aate hi Jivisha ko tane deti kahne lagi…


Jivisha…. Aisa kya kahi jo wo yahan se chala gaya…


Kasak:- Oh ho bechari ka chehra to dekho.. abhi to 15 minute hi huye the nain-mattaka kiya, abhi dil kahan bhara hoga…


Jivisha khilkar muskurati hui, Haan me apna sar hilakar kahne lagi…. "Dur ho to kitna bhi gussa kar lun, lekin pass akar sirf pyar hi bachta hai Nischal ke liye. Bahut pyara hai wo.."


Nandni:- Haan lekin abhi main uss se gussa hun.. aur Jisa tu niyam tod rahi hai..


Jivisha:- kitna pyara lag raha tha wo.. please bahna aaj ke liye wo niyam chhodte hai na… fir kabhi hum me se kisi ko naraj karega tab usse saja denge na…


Kasak aur Nandni, dono ne ek sath aakhen dikhayi aur Jivisha back foot par jati hui kahne lagi…. "Nischal ke bina yahan mann na lagega mera. Chalo movie dekh kar aaya jaye..."


Nandni aur Kasak dono ek sath.... “Neki aur puch-puch, chalo chalte hain”


Teeno class kya aatend karenge, wahan se sidha cinema hall nikal gayi.


Sawalker aur Ansh, lab me…


Dono ne jab se suna tha Nischal koi insan nahi balki alian hai, tab se dono ke chehre ki hawaeyan urri hui thi. Dono ek dusre ka chehra dekhte aur khyalon me kho jate. Dono takriban aadhe ghante se aisa hi kar rahe the…


Ghodpade ek hi jagah khade-khade pak sa gaya tha… dono ki haalat dekh'kar wo Sawalker ke pass pahunche aur kandhe se hilate huye toka… Sawalker najar utha kar Ghodpade ko jaise hi dekha, usse subah ki baat yaad gayi.. aur sath hi sath utri police ki wardi aur khud ko baniyan me dekh'kar aane wala bhawishya bhi dikhne laga...


Sawalker bina kuch bole ghodpade ka baal pakad kar uske gardan ko niche jhuka'kar, 2-4 mukke usse pith par marne ke baad chhoda. Bikhre baal, laal para chehra, Ghodpade jab khada hua to mann me yahi khyal aaya "ye pagal ho gaya"..


Sawalker teji se utha aur bhadi samsya ki aasnka apne senior ko report karte, usne kuch wireless idhar kiye, kuch udhar kiye .. Sawalker har kisi ko alian ka discription to batata gaya, lekin kisi ko ye nahi bataya ki wo Nischal hai…


Forensic lab me extra police lagaya gaya. Sawalker jaise hi wahan se jane laga, doctor Ansh bhi uske sath chipak gaya aur jagah-jagah chhanbin karne laga. Pahle college pahunche, lekin pata chala college me Nischal nahi hai aur na hi uska koi sathi tha.


Fir unke sathi se pata kiya gaya, to pata chala Nischal unke sath bhi nahi hai aur wo log noon show dekh rahi hai. Confirmation ke liye ye log wahan bhi pahunche the aur Nischal unke sath nahi tha… Sawalker mobile location trace kiya, to wo Nandni ke flat ka pata bata raha tha...


Nischal ko subah se dhundhte huye lagbhah 2 bajne ko aaye the, lekin Nischal mila nahi tha... Issi kram me Sawalker kuch kaam se forensic lab ke ore nikla tha… lekin jaise hi wo forensic lab pahuncha, wahan ka mahol hi ajib tha.


Bahar ke sare suraksha karmi aur police wale behosh pare huye the. Lab ka mukhya dwar band para hua tha. Sawalker ne apna security code istamal karke uss lab ko jab khola tab ander bhi sab behosh pare huye the... Cctv bilkul band…


Sawalker ko yakin ke sath Nischal ka dar bhi ho chala tha… aur Dr sahab to bahar ka haal dekh'kar hi ander nahi gaye.. Sawalker jaise hi 5 kadam aage badhaya hoga, Sapna ko jahan rakha gaya tha, uss sequre room ke darwaje ke kuch dur aage mari si haalat me Nischal para hua tha…


Chehra par itna khun bikhra tha mano kisi se jung larke aaya ho, chehra bilkul pahchane layak nahi. Nabj chhu kar jab Sawalker ne dekha, to bilkul pata nahi chal raha tha.. Shwans bilkul tootne ke kagar par… Sawalker dekh'kar hi samjh gaya ki ye bilkul marne ke kagar par hai…


Wah re insan aur unki bhawna… pure dar ke sath jise charo ore dhundh raha tha, uski aisi haalat par 2 bund aanshu kab Sawalker ke aakhon me aa gaye pata hi nahi chala. Jis se dar raha tha, usse kisi tarah apne kandhe ka sahara dekar jeep me dala.


Dr Ansh jab uski haalat dekha tab wo bhi hairan hote puchne laga. Lekin Sawalker ke pass khamoshi ke alawa koi jawab nahi tha... Rah-rah kar usse wo pal yaad aa raha tha, jab pi kar shararat me Nischal apni aur uski chhoti sali wali baat Jyoti ko batayi thi…


Sawalker aur Ansh usse lekar sidha appolo pahunche. Jaise hi dono apolo pahunche, para military force ne Nischal ko receive karte huye Sawalker ko badhai dete wahan se jane ke liye bol diya…. Ansh aur Sawalker ka mann na hua Nischal ko chhod'kar aane ka, isliye wo appolo me hi ruke rahe.



Nischal.. police forensic lab ke ander….



Nischal ek bhramit ehsas ke sath college se nikla tha aur aaj usse baat karne ke liye pura waqt chahiye tha, ek jara halla nahi. Isliye aate hi sabse pahle wahan maujood sabhi logon ko usne ek-ek karke behosh kar diya…


Behosh karne ke baad jaise hi pahla kadam uss darwaje se Sapna ke ore badhaya .. dimag ke ander jaise bijli kaundha ho.. ek dum se sab kuch blank ho gaya. Nischal mano khud ke hi dimag ke ladte dhire-dhire aage badh raha tha…


Bilkul karib pahunch'kar Nischal ne fir se Sapna ke dimag par apna hath fera… Dhire-dhire Nischal ka dimag bilkul shunya ho gaya… ander ghore andhera, kewal andhra... aur andhere ko chiir kar jo pahli chhawi samne aayi thi, wo kuch iss kadar dhundhli thi ki Nischal ko bus aabhash ho raha tha ki koi hai, par dekh pana namumkin.


Wo hansne ki aawaj… ye hansne ki awaj jaise hi Nischal ne suna, uske chehre par bhi hansi chha gayi… Jivisha khil kar hans rahi thi… dhire-dhire wo hansi aur bhi pyari ho gayi.. aur fir achanak hi dard ki siskiyan shuru hui… dil ko chir dene wali wo awaz, ek baar jab shuri hui, fir ruki hi nahi…


Siskiyan dhire-dhire shant ho gayi. Jaise hi wo siskiyan shant hui, wapas pahle jaisa hi andhera chha gaya… lagbhag 12 baar yahi silsila dohrata raha, chehra hamesa dhundhla lekin, awaz Jivisha ki hoti… Nischal pure jaddo-jehad ke sath uss ke pass jane ki kosis karta, lekin wo jitna karib jane ki kosis karta, wo awaz utni hi duri bana leti…


Mann ke mayajal me Nischal fir ek baar bhatak chuka tha… tabhi usse kisi ki baat yaad aayi… Nischal muskurate huye apne aur Jivisha ke bich ke khatte-mithe pal ko yaad karte huye khush hone laga… Wo apne aur Nandni ke bich chale bachpana aur jhagre ko bhi yaad karne laga… .


Nischal apne un ehsason me dubte chala gaya, jo uske sabse pyare lamhe the… jaise-jaise Nischal un palon ko yaad karta raha, waise-waise wahan ka andhera chhant kar ujala hone laga. Shwet sa hi wo pura jahan tha, jahan Jivisha apne shwet paridhan me kisi maharani ki tarah dikh rahi thi…


Uske chehre ka tej manmohak tha aur aakhen bilkul aakarshit karne wali. Roop ka aisa moh jaal, jise najar bhar dekhte hi usme dubte chale jao… Kuch pal khade hokar dekhne ke baad, Nischal khud hi apna sar jhuka kar ghutno par baith gaya…. "Maaf karna aap ke roop ne moh liya tha"..


Jivisha:- Main tumhari maharani nahi hun… main tunhari sathi hun, tumhe sar jhukane ki jaroorat nahi Nischal.


Nischal:- Iss baar aap apni roop me paida hui hain prithvi par..


Jivisha:- Jahan se anth hua tha wahin rahasya suljhega Nischal. Tumhe ab sampark todna chahiye…


Nischal:- Lekin suniye to….


Jivisha:- Wahan jane se pahle uski taiyari purn karwana tunhari jimmedari hai, warna wo bhi uski gulaam bankar rah jayegi… Ab jao Nischal tumhare pass waqt kam hai…


Itna kah'kar Jivisha piche mud gayi, tabhi Nischal usse pichhe se tokte huye…. "Lekin hum dobara kab milenge aur mann me uth rahe mere sawalon ke jawab"..


Jivisha:- Main to hamesa tumhare hi pass hun. Ab sampark todo Nischal aur jao. Tumhare pass bilkul waqt nahi hai.. sampark tod do Nischal.. Sampark todo.. tum ye kar sakte ho.. Nischal.…..


Tej gahri shwans lete Nischal ki aakhen khuli aur wo dhammn se niche gir gaya… aakhen band ho rahi thi aur kisi tarah apne dusre phone par kuch type karke wo khiskte huye darwaje ke bahar tak pahuncha…..



Idhar noon show khatm hone ke baad… Jivisha, Nandni aur Kasak…...



Noon show khatam kar ke teeno shopping jane ka plan kar rahi thi ki tabhi Nandni ke mobile me text hua jise padh kar wo turant nikal gayi....


Jivisha.... Ye ladki itni bechain ho kar kahan nikli....


Kasak.... Dil ki marij gayi, hogi apne dr ke pass.....


Jivisha.... Kya???????? Uss langur ke liye hume chhod kar gayi hai, ruko iss ki abhi band bajati hun....


Jivisha apni purn sharart par utarti, Dr. Ansh ko call laga di. Puri ghanti gayi par dr ne koi respond nahi kiya. Jivisha usse dobara contact karne ki kosis karne lagi, lekin dr ne koi respond nahi kiya. Jab call ka koi respond nahi hua tab Jivisha ne msg kiya... “Emergency, please call back. Its about Nandu”


Jivisha massage send kar ke call back ka intzar karne lagi. Abhi kuch second bite honge ki Ansh ka call aa gaya. Jivisha call pick karte he ghabrayi si awaz me kahne lagi....


“Ansh, wo Nandni”.... “Haan boliye Jivisha ji, kya hua Nandni ko”.... “Anash, aap jaldi se yahan aa jao, main iss se jyada nahi bata sakti”..... “Jivisha ji kya hua Nandni ko”..... “Itna ghabraeye nahi, bas usse kisi galat case me police ne pakad liya hai aur gande, gande ilzam laga rahe hain”


Ansh ne turant call disconnect kiya. Ansh ne Sawalker ko puri baat batayi, aur Sawalker usse lekar sidha apne office pahunch gaya.


Nandni bhi halanki Appolo he gayi thi, lekin uss ke pass NIschal ka sandesh aaya tha jis me likha tha.... “Naya experiment, Ansh hospital”. Nischal kisi tarah se itna type kar ke bhej diya, uss ke baad to usse khud bhi hosh na tha.

amazing update

 

[mashish]

Update:-66​

Nandni ko samjhne me der na lagi ki jaroor Nischal ne man me jhakne ki kosis ki hai, jiska natija bura hua aur wo Ansh ke hospital pahunch gaya. Hospital yani raaj khulne ka dar, isliye wo hadbadi me Kasak aur Jivisha ko chhod kar bhagi.


Nandni jald he appolo me thi, aur Nischal ke bare me pata karne reception counter par pahunchi. Jab wo reception par pahunchi..... “Yes sir, usse humne private room 3 me rakhe hain, humare najron ke samne he hai”.... Reception par baat chalti rahi aur Nandni call ke khatam hone ka intzar kar rahi thi.


Tabhi uss ki najak cctv par gayi.... “Hey bhagwan, ye sab to Nischal ke bare me he baat kar rahe hain”. Nandni apne dono kaan khade kar ke aur gaur se baten sun’ne lagi.....


Idhar reception par.... “Haan sir humari puri najar hai, uss kamre ke bahar 2 para millitary force ke log ko tainat kar diya hai”.


“Lagta hai research center se koi team aa raha hoga.... Ab kya kiya jaye, Nischal inke hath laga to sab gadbad ho jayega. Par Nischal ko yahan se nikalun kaise, kisi ki madad bhi nahi le sakti”



Nandni ke pass jaise samsya umar pari ho. Sarkari log kabhi bhi pahunchne wale the aur room ke bahar puri tight sequrity.


Nandni soch-soch kar thak gayi, par usse koi upay na sujha. Abhi wo issi asmanjas me thi ki wo "kya kare, kya kare" Tabhi uss ke mobile ka ring baja aur dekha to Ansh ka call tha.


"Main bhi kitni bari duffer hun, mujhe Ansh ki yaad pahle kyon nahi aayi. Ummmmaahhhhhhh, love you mere dr"...... Nandni call pick karti... "hello"


Ghabrayi si awaz me, Ansh.... "Kahan ho tum, thik to ho na, kya hua jo police tumhe pakad kar"...... "Pakad kar" tak jab Ansh ki baat aayi, tabhi awaz badal gayi....


"Hello Nandni, tum kis police station me ho, wahan ke thanedar ko phone do jarra"


Nandni khamosh, aur sochne lagi..... "Ye dono aur police station, oh to mamla ye hai. Nandni samjh chuki thi, ho na ho ye shararat Kasak aur Jivisha ki he hai. Thanks Kasak, thankoo Jivi, tere iss mazak ne to mera kaam bana diya".


Udhar se Nandni ko khamosh dekh dono, hello-hello kiye ja rahe the.


Nandni, bilkul dhime awaz me..... "Chillao mat mujhe police ne nahi gundo ne pakad liya hai, main unhi se chhip rahi hun".


Ansh aur Sawalker ke khule muh, aur dono ek sath... "Kyaaaaaaa"?


Nandni..... Uff Ooo, aise shocking expression dena band karo aur yahan se nikalne ka idea batao.


Sawalker..... Hello Nandni, tum kahan ho mujhe batao....


Nandni..... Mujhe pata nahi main kahan hun, aap mujhe yahan se nikalne ka rasta bataeye bade bhaiya...


Nandni apni baat kah rahi thi tabhi dusri ore khamoshi ho gayi aur jab wo dhyan laga kar suni to pata chala Sawalker control room me uss ka number de kar location trace karne kah raha hai.


Tabhi Nandni ne jaldi se call disconnect kiya aur kuch min baad wapas call lagayi.... "Hello, please yahan se nikalne ka rasta batao warna ye log mujhe maar dalenge"


Nandni apni baat boli aur bol kar call disconnect kar di, aur fir thode samay baad call lagayi.


Sawalker..... Nandni khud ko shant karo aur situation batao.


Nandni...... Mujhe ek room me rakha hai aur bahar nikalne ka rasta dusre room se hain. Main kisi ko pahchan bhi nahi pa rahi, sab ne mask laga rakhe hain.


Sawalker..... Good. Tum ek kaam karo, apne ladki hone ka fayda uthao aur unke ek aadmi ko apne pass bula lo. Usse kisi tarah mar kar mask pahno aur uske pocket wagrah achhe se check kar lena....


Nandni.... Paise wagrah nikalne ke liye kya?


Sawalker.... Had hai, paise nahi unke pocket me koi id ho sakti hai, aur bina uss pass ke tum sayad nikal nahi pao. Aur haan khud ko bilkul normal rakhna, jarra si harkat tumhari jaan le sakti hai.


Nandni, Sawalker ki puri baat sun kar bina koi jawab diye call disconnect kar di. Call disconnect karne ke bad wo sidha hospital ke chemist ke pass gayi aur Ansh ke i’d ka wo fayda utha kar cholorofom ki ek sisi utha layi.


Wapas uss floor par lauti jahan 2 guard Nischal ke kamre ki nigrani kar rahe the. Nandni kisi professional ki tarah ab apna murga fasane lagi.



Gate ki nigrani kar raha ek sequrity guard ki najar Nandni par gayi. Nandni ke ishare, bechara kyon na ghayal ho. Apne sathi guard ko nigrani rakhne bol kar wo Nandni ke ore aa gaya.


Nandni usse dekh kar dhime se siti bajati kahne lagi.... "Wowww kya body hai, muscles man, looking macho"


Guard.... Madam ji main janta hun aap aise kyon mujh se baat kar rahi hain, bataeye kya kaam nikalwana hai.


Nandni usse upar se niche tak ghurti.... "Tumhare pass koi aisi jagah hai jahan hume privacy mil sake. I am too horney baby. Mood nahi to abhi bata do main kisi aur ko dhundh loon.


Guard, idhar-udhar dekhte..... "Mujhe yakin nahi ho raha, aap to khawab jaisi ho. Madam ji jagah to hai, par".


Nandni..... Par kya?????


Guard..... Hum 2 log hain....


Nandni.... Wowww !!!! That sound awesome. Haan suno lekin ek-ek kar ke haan.


Aisa laga jaise kahin wo guard pagal na ho jaye. Nandni ko ek min rukne ka bol kar wo apne sathi ke pass gaya aur uss se kuch baat karne laga.


Dono ke bich baten khatam hone ke baad, wo Nandni ke pass aaya aur aakhon se ishara kar ke apne piche aane ko kaha.


Nandni, jaise he pvt ward ke darwaje par pahunchi, "Yahan to cc tv camera laga hai"


Gusard..... Darne ki jaroorat nahi hai, maine apne sathi ko pahle bata diya hai, wo sab manage kar lega.


Nandni bindas ander gayi. 15 min baad wo ander se darwaja khat-khatayi aur bahar khada wo dusra guard bhi ander aa gaya. Guard ne jab ander ka najara dekha to uski aakhen chamak gayi.


Pahla wala Guard jamin par leta tha aur Nandni apne upar chadar lapete hui thi. Guard uss ke ore aage badhte..... "Janeman ab humare bich ye pardaaa"...


Dharam ki awaz aur wo guard jamin par gir chuka tha. Nandni chloroform usse bhi sungha kar behosh kar chuki thi.


"Ye to in dono ka kaam ho gaya, ab iss sandh ko le jana hai, wheel chair dekhni hogi". Nandni apne upar ka chadar ek guard ke body par odhaya aur atihat se bahar nikal gayi.


Bahar koi bhi nahi tha. Nandni wahan se sidha toota-futa vibhag, yani ki haddi vibhag me gayi. Ek patients wheel chair par behosh leta tha, Nandni usse sidha Nischal ke ward me le aayi aur uss patients ko Nischal ki jagan lita kar, Nischal ke upar chadar dal kar wahan se le aayi.


Mission successful raha, wo Nischal ko apne kamre me le aayi. Dono surakshit to pahunch gaye, lekin Nischal ab bhi apne achet awasta me tha aur uske sarir ka tapman bhi kafi jyada tha.


Mission to successful ho gaya lekin Nischal ki haalat me sudhar ke liye uska upchar bhi jaroori tha. Nandni ne uska wo pine wali dawa uske bag se utha layi aur chamach se uske muh me dal'kar pilane lagi.


Wo dawa prayapt pilane ke baad Nandni ne Nischal ka chehra saaf kiya aur uska haath tham'kar wahin bistar par baith gayi.



Saam ke 5 baje.....


Sawalker, Kasak Aur Jivisha ko call kar ke uss ke office bulaya.... Dono ko kuch bhi samajh me nahi aa raha tha ki aakhir Sawalker ne unhe police station kyon bulaya. Lekin na aane par Sawalker ki team uss ke ghar pahunch jati, bas issi dar se wo dono Sawalker ke office pahunch gayi.


Mamla bahut he sangin tha, Sawalker ko iss baat ki bhanak lag chuki thi ki Nandni ne Nischal ko hospital se gayab kiya hai. Ab bas usse ye pata lagana tha ki Nandni ke sath aur kaun-kaun samil hai iss khel me.


Takriban aadhe ghante ki puchh-tachh ke baad Sawalker ko yakin ho gaya ki Kasak aur Jivisha ne bas ek mazak kiya tha aur sare mamle ko plan me tabdil kar ke Nandni ne he Nischal ki madad ki.


Sawalker dono ko wapas bhej kar Ansh ke sath sidha Nandni ke flat chala gaya. Nandni ne darwaje par jaise he dono ko dekhi, natkiya dhang se wo pratikirya jatati kahne lagi...


"Ab aaye ho meri khabar lene. Bade bhaiya ko to main kuch kah bhi nahi sakti lekin tum Ansh..... (jaise he itna boli, uss ke baad apne aap he na jane kahan se Nandni ke aakhon me aashu aa gaye).... Lekin tum Ansh, tumhe to jara bhi meri chinta na hui. Zinda hun ya mar gayi, koi khabar jan'ne wala bhi nahi.


(Kya natak aur nautanki hai iski, isse to koi oscar award de do)... Sawalker bhi natak ko aage badhate........ "Oh meri bahna, main to tumhara bada bhai hun aur ye mere hone wale jijaji. Bhala hume chinta na hogi to aur kise hogi"......


(Iss ki baten ishara hai Nandni, lagta hai mamla pura gadbad hai).... Nandni, Sawalker ke chhhipi baat ko bhap gayi aur Nischal ko dekhne lagi....


Tabhi Sawalker ne bhi bina koi deri kiye sari baton se parda utha'te kahne laga....


"Nandni, filmon me tum ne dekha tha na ki call 90 sec tak continue raha to trace kiya ja sakta hai... Kitni badi duffer ho... Hum Imei number se bhi location trace kar sakte hain wo bhi tab jab tumhara mobile switch off ho".


"Kitni safai se tum natak kar leti ho, aur janti ho jis baat par tum parda dalne ke liye Nischal ko hospital se utha kar layi, wo baat to hume pahle se pata hai…


"Bhale he research center walon ke sath ek innocent human gaya ho, par hum dono ko pata chal gaya hai ki Nischal he wo alian hai, aur yahan tumhare sath hai. Saboot gayab karne, sarkari kaam me rukawat dalne aur ek criminal ko chhipane ke jurm me main tumhe arrest karta hun. Ansh tum uss alian ko quid kar ke le aao".


Ansh jo ab tak Sawalker ke sath khada tha, wo Nandni ki tarah hote..... “Par humari aisi koi baat nahi hui thi, aap ko to bas Nischal chahiye tha na. Nandu ko fir arrest kyon?


“Kis me itni himmat hai ki Nandu ko mere rahte yahan se le jaye”... Nischal kamre se nikal kar apne jordar awaz me aisi dahar lagaya ki Sawalker aur Ansh ke hosh udd gaye.


Sawalker.... Kuch nahi chhote bhai, main to ye kah raha tha ki tumhe is kadar wahan se nahi lana chahiye, ye kannonan jurm hai.


Nischal.... Aur wo research center wale mujhe quid kar ke jo mujh par experiment karte, bina iss baat ki parwah kiye ki, jo chir far wo mere badan par karenge uss se main jinda bachunga ya nahi, wo legal ho gaya. Kyon wo leagal hoga na Sawalker sir.....


Sawalker.... Par wo tumhe chir far kar ke kyon dekhenge.....


Nandni.... Usse sab pata hai bade bhaiya, wo net par sab dekh chuka hai..... aur khas kar alian wali movies...


Sawalker, apna gun nikalte..... “Wo sab main kuch nahi janta, ye alian khatarnak ho sakta hai. Isse mere sath chalna he hoga”.


Nischal..... Aur mujhe kaise le jaoge, apne iss gun ke dum par....


Sawalker ne gun nikal kar apna ek palak jhapka hoga aur utne he waqt me Nischal uske hath se gun urra laya..... aur jab Nischal apni baat kah raha tha, gun par hath firate kah raha tha. Nischal ke hath me gum dekh kar Sawalker kabhi Nischal ke hath ka gun dekhta to kabhi apne hath ko....


Sawalker..... Ye kaise kiya tumne....


Nischal..... Bhul kyon jate ho main ek alian hun. Aur jo karname humare grah par normal hota hai, yahan earth par usse chamtkar mante hain. Un me se ek hai meri speed....


Jab tak kisi ko pata nahi tha, tab tak Nischal ek pyara sathi tha. Lekin jab se Sawalker aur Ansh ko uske Alian hone ka pata chala tha, dono ki haalat dar se kharab thi. Baton ka daur chala. Aakhir me Nandni aur Nischal ne mil kar ye ehsas karaya ki kewal alian hone se koi khatarnak nahi hota.


Har kisi ke pass ek dil ho sakta hai, aur uski apni bhawnayen ho sakti hai. Jaroori nahi ki sirf alian hone se koi khatarnak ho jaye, yadi aisa hota to Nischal ab tak sab ke liye khatra ban chuka hota. Thoda waqt laga lekin chhoti si baat sab ko samjh me aa gayi, aur anth me ek he baat par sahmati bani, ki wo bhi ab Nischal ke raaj ko raaj rakhenge.

awesome super update

 

[mashish]

Update:- 67..​

Kuch galatfehmiyan thi aur hadd se jyada dar ka mahol, lekin logon ke prati Nischal ke viswas ki kahani itni si thi ki wo bhi pyar aur moh ko samjhte huye, jab apne alian hone ki sachai bata raha tha, tab logon ne bhi uske baat ko utne hi dhyan se samjha… Baat dil se dil tak pahunch rahi thi.


Ek baar jab Nischal ki baton par yakin hua, tab Sawalker aur Ansh ka bhi dar hawa ho gaya. Nandni ke flat mein hansi ka mahol tha aur Nischal ki kahani janne ki sabko utsukta. Nandni ne kewal Nischal ka vishay uthaya, aur jitni baten batayi ja sakti thi wo sab bata di. Uski kahani sunne ke baad har kisi ka bus ek hi sawal tha, jo Nandni kab se janne ki kosis me lagi thi…. "Aakhir Nischal yahan pahuncha kaise, aur kin haalaton me usse apne grah se bhagna pada tha?"..


In mukhya sawalon ke alawa kayi aise sahayak sawal bhi the jo jigyasawash Nischal se puche gaye, kintu Nischal bhi un sawalon ka kya jawab de, jiske jawab wo khud dhundh raha tha… Sab ke sawalon ko muskura'kar sunne ke baad, ek chhote se jhuth se sabko khush karte huye kahne laga….


"Mere bhai me aur mujhme jara bhi nahi banti thi, aur chal rahe jhagre ke karan, meri maa ne mujhe wahan se kahin dur chale jane ke liye kah diya… Main fir antriksh ki sair par nikla. Kai sare jagah ghumne ke baad, lagbhag 3 sal baad main yahan pahuncha. Ab pahunchte hi jise kiss mile, wo bhala kyon ye jagah chhod kar jaye"…


Sawalker:- Kamal hai wahan bhi bhai-bhai me jhagra aur tumhari maa tumhe kaise wahan se nikalne kah sakti hai?


Nischal, thoda mayus hote…. "Wo mera saga bhai nahi hai"..


Kuch der ki baat chit ke baad sab log Nandni ke flat se nikal gaye… Nandni chali gayi kitchen me, Ansh ne bhi aaj kafi bhag daur ki thi, isliye wo bhi fresh hone chala gaya… lekin Nischal wo to sara mahol khatm hone ke baad. Jhatak-fatak me fresh hokar, chakachak taiyar ho gaya…


Nischal abhi aaine me khud ko dekh'kar apne purn taiyari ka jayja le hi raha tha…. "Bada khubsurat lag raha hai.. taiyar bhi ho gaya"


Nischal:- haan (dhyan aaine par hi tha)


Nandni:- Kuch der pahle bilkul mara hua sa tha..


Nischal:- Haan ..


Nandni:- Janta hai ek kamal ki baat, tere bag me ek to tera wo mast tonic rakha tha.. upar se uske pass ek aur koi tonic rakha tha, jispar alian bhasha mein kuch likha tha.. Tune jo mujhe translator app banakar diya tha, usme translate karke dekha maine.. .


Nischal:- Haan to kya nikla natija..


Nandni:- Yahi ki tujhe 1 bund pila dun, to 5 minute me tujhe nind aa jayegi… Tune jo abhi kuch samay pahle apni dawa ka chhota sa dose liya na, main usme 1 bund mila dee thi.


Nichal apne aaine se bahar nikal'kar Nandni ko ghurte… "lekin aisaaaaa" … aur dhamm se jamin par…. "Aao.. lagta hai sar dard hoga uth'kar. Chal ab tu ache se aaram kar. Ansh, baby jara isse utha'kar bistar par dalo"…


Ansh dur se hi Nischal ko girte dekh, dauda pahuncha tha, Nandni ko sunne ke baad aaschrya se usse dekhte huye puchhne laga…. "Tumne kya kiya iske sath"..


Nandni:- Jagta to bhag jata Jivisha se milne, isliye lita diya… ise utha kar rakho aur aaj tum issi ke sath so jana..


Ansh:- Main samjha nahi..


Nandni:- Isse roka hai to kya wo rukegi, aati hi hogi thodi der me…


Ansh:- Matlab Jivisha ko tum yahan bula rahi ho, uske behosh aashiq se milne…


Nandni:- Phone para hi hoga dekh lo, maine usse bulaya ki nahi bulaya. Lekin main pakke yakin se kah sakti hun ki wo jaroor aayegi ..


Ansh:- Acha ji, bara bhadosa hai… yadi nahi aayi to..


Nandni:- Nahi aayi to uss din jo tumne kaha tha, aaj raat wahi try karenge… aur yadi aa gayi to....


Ansh:- Fir wo kal raat try kar lenge… .


Nandni:- Dhatttt besharm… Kuch jyada hi tumhara dhyan idhar-udhar mein laga rahta hai. Chalo ab…


Ansh:- Mujhe koi aitraj nahi aane me, lekin tumne hi abhi kaha na iss jallad ke pass sone…


Nischal ke naam se jaise hi Ansh ne chheda, usse pata tha Nandni ka reaction kya hone wala hai.. lekin iss se pahle ki Ansh iss nok-jhonk ka maza leta… ghar ki bell baj gayi .. Nandni hansti hui darwaje ke ore ishara ki, aur chal di kholne…


Nandni abhi 2 kadam aage badhayi hi thi ki Ansh jhunjhla kar kahne laga… "ek kam tha jo ab ye"… Ansh ki baat par Nandni pichhe mud'kar Ansh ki haalat dekh'kar hansi aur darwaja kholne chal di.



Jivisha aate hi pahle to chillati hui Nandni ke gale lag gayi. Fir dono hi ladkiyan 2-2 peg lagayi, aur wahin hall me baith gayi batiyane… Jivisha aate hi sabse pahle to aaj din bhar chale rashaymayi khel ka parda uthane ke liye kahne lagi… Nandni ke baat ki surwat wahi college se hui … fir ek ke baad ek hui sari ghatnao par wo prakash dalti chali gayi.


Dono ke bich thoda pyar, thoda jhagra aur Nandni ko uske himmat bhade karname ke liye, pahle dant padi aur baad mein shabashi bhi mili. Baten lambi hoti chali gayi aur raat chhoti. Ansh ko laga tha Jivisha, Nischal se milne aayi thi lekin Jivisha, Nischal ko ek baar bhi jhankne tak nahi aayi, ki Nischal kamre me kya kar raha hai..


Idhar Ansh suspense me hi so gaya aur ye dono bhi baat karte-karte hall me hi so gayi. Subah ke lagbhag 4 baje honge .. Nischal ki nind khuli aur wo kitchen ke ore chal diya. Wo to pani pine ja raha tha, usse kya pata good morning uska intzar kar rahi thi…


Tej badhte kadam uske tab dhime par gaye, jab wo samne Jivisha ko pani pite dekha… ek baar to usse yakin nahi hua aur aisa laga jaise wo koi sapna dekh raha ho… dabe paun wo Jivisha ke piche pahuncha aur achanak hi usse apne bahon me bhar liya…


Jaise hi Nischal ne usse apne bahon me liya, Jivisha chaun'kar Nischal ko dhakka de di… dharmm.. dhrummm.. tannn.. tunnnn… dhishhhh………. Ki kafi khatrnak aur tej awaz.


Nischal kamar pakad'kar khada hote…."aao, Jisa tumse pyar karna bhi apne aap me mehnat ka kaam hai"… Jivisha bhag'kar Nischal ko dekhne gayi.. itne me Nandni aur Ansh ki bhi aakhen khul gayi aur dono chaun'kar kitchen me chale aaye… "paglon, yahan kya kusti lar rahe the dono"…


Kitchen ka hal dekh'kar Ansh to dang hi rah gaya, aisa lag raha tha jaise wahan koi bhuchal aaya ho. Ansh ke liye ek aur puzzle situation… "Yahan koi visphot hua tha ya Nischal ne apna koi alian power istamal kiya tha…"


Iss se pahle ki koi aur kuch bolta, uske bolne se pahle hi pura kitchen vayvasthit tha, kewal diwar ke ukhde paint aur diwaron ki haalat ko chhod'kar, aur Jivisha, Nischal ki gode me muskura rahi thi.


Iss se pahle ki Nandni ya Ansh me se aage koi kuch bolta, Nischal, Ansh aur Nandni ke gal ko chum'kar wahan se rafoo chakkar ho gaya. Nandni, Nischal ki iss bachkani harkat par jahan muskuraye bina nahi rah saki, wahin Ansh jhunjhla'kar, badbdate huye wahan se chala gaya.


"Aaj subah-subah hum dono.. aur ek romantic walk, woohoooo"… Jivisha puri utsahit hoti hui dono bahn failakar jor se chillayi. Nischal muskurate huye bus uski najron se najren milaye daud raha tha.


Thodi hi der me dono thar marusthal ke registan me the aur jaise hi Nischal wahan pahuncha Jivisha ko dhammn se ret par chhod'kar…. "Aaj se tunhari training shuru hoti hai"..


Jivisha apne dono haath ret me thikye, tukur-tukur Nischal ko dekhti hui…. "Ye kya mujh jaisi komal aur masoom ladki se pyar karne ke badle usse traning karwane yahan ret me le aaye ho. Ye to anyay hai, atyachar hai baby"..


Nischal:- haan haan.. aur main pyar karne ke liye achanak tumhe piche se bahon me lun, to visphot ho jaye. Jarra bataogi wo kya tha?


Jivisha:- Huhhh ! Ab choron ki tarah mujhe bahon me logo, to main kya kar sakti hun… mujhe bus tumhara chhuna pasand hai bus. Baby maine roka kya samne se aane ke liye, ab pichhe se laga ki kisi aur ne bahon me liya aur kand ho gaya… Sorry na.. dekho kaan pakde maine...


Aisa laga jaise Nischal khota chala ja raha ho uski baton me. Achanak hi usne apne sar ko jhatka aur Jivisha ke sar par ek hath marte huye…. "Trainig ke waqt no masoom si baten, only traning… samjhi"..


Jivisha apni hath badhate hui, Nischal ke hathon ke sahare se khadi hui…. "Huhhhh ! Thik se 2 din bhi nahi huye izhar ke aur tum hukum chalane lage. Pahle tum me dub to jane do fir kaam ka kya hai, puri umr pari hai"..


Nischal:- Aur iss chakkar me galti se kahin koi tumhare aas-pass ke log tapak gaye, to kya ye guilt lekar pyar kar sakogi….


Jivisha, Nischal ki baat sun'kar kuch pal khamoshi se sochne lagi…. "Hmmmm ! Shuru karte hain… batao kya karna hai"…


Nischal:- Main tumhe pichhe se pakadunga, aur tum fir se waise hi react karogi… haan lekin isbar yah soch'kar raect karna ki tum ye khud ki ikchha se kar rahi ho..


Nischal ki baat sun'kar Jivisha khamosh khadi rah'kar, haan me sar hilayi. Nischal uske piche gaya aur usse apne bahon me bhar kar khud ko ek bade jhake ke liye taiyar kiya. Wo Jivisha ke pratikriya ka intzar karne laga… intzar, intzar… intzar…


"Jisa, meri rani, tum dhyan lagao na"… "wo tumhare hath.. baby"….. "haan kya hua mere hath ko"….. "wo mere pet par gudguda ehsas karwa rahe"…


Nischal, Jivisha ko chhod'kar alag hua…. "Jisa tum dhyan nahi lagaogi to kaise kaam chalega"..


Jivisha:- Main dhyan to laga rahi thi..


Nischal:- Aur dhyan lagane par kya paya… .


Jivisha:- Sorry nahi bata sakti, mujhe sharm aayegi…


Nischal:- Annhhh ! Kaun se film ka scene dimag me chalne laga tha wo to batao…


Jivisha:- Chhi chhi, wo to bilkul nahi bata sakti…


Nischal:- Baby tumhe pata hai hum kis baat ki training kar rahe hai..


Jivisha:- Haan, mere ander koi so rahi hai usse jagane ki training chal rahi hai.


"Aao 2 minute baitho mere sath"… Nischal apne sath Jivisha ko ret par bitha kar, uske chehre par aaye baal ko hatate huye usse Niharne laga… Niharte, wo muskurate huye kahne laga…. "Ye tumhara bhrm hai ki koi tumhare ander so rahi hai. Jo hai nahi usse tum kalpnao me dhundhna band karo"..

super duper update

 

[mashish]

Update:-68​

Jivisha muskurati hui Nischal ko dekhi aur apne honth se uske honth ko sprash karti, kuch der iss pyare se sparsh ko aapne khinchti shwans ke sath, apne jehan me utar'ti hui, Nischal se alag hui…. "Main to ussi me khona chahti hun, jo sachai hai. Jo nahi hai uske bare me to sochti bhi nahi"..


Nischal:- Hammmm ! Thik hai ab yahi to yahi sahi…


Nischal ki baaton me berukhi aur aakhon me kuch galat bhanp gayi Jivisha. Wo teji uska haath pakad kar uske aakhon me dekhne lagi. Lekin Nischal apni aakhen munde apna hath jhatak liya.. aur band aakhon se hi apne kadam piche ki ore badhane laga…


"Mere pass aao… suno… baby… Nischal"… Jivisha vyakulta se uske ore bhagi, lekin Nischal ka piche kadmon se step by step chalna bhi itna tej tha ki Jivisha pure jor laga'kar daurne ke bawjood bhi uske karib hona to dur, ulte duriyan ban rahi thi.


Nischal apni aakhen khol'kar, muskurate huye Jivisha ko dekha… Jivisha ka kaleja teji ke sath upar niche hone laga. Usse shwans lene me itni taklif hone lagi ki wo Fefron (lungs) me hawa bharne ke liye puri taquat se shwans khinchne lagi… Aakhon me aashu aane lage… aane wale pal ke khyal se hi wo itni vichlit ho uthi ki wo chinkhna to chah rahi thi kintu uski awaz nahi nikal rahi thi…


Tabhi Nischal ke muskurate chehre ke sath uske hath me dikha uska khanjar… jo ki kafi teji ke sath gale par badha, khud ka gala retne ki purn ikchha ke sath aur yahi baat Jivisha pahle bhanp chuki thi. Jaise hi wo khanjar Nischal ke hathon ki teji ke sath gale tak pahuncha…. Jivisha ki wo bekhauff aakhen.. gale se chinkh to nahi nikli kintu aakhen dahak uthi thi.


Ret ke bawandar toofan banakar hawa me uddne lage… charo ore aasman me ret ke badal ban chuke the. Jivisha ki aakhen bhay ka wo khauffnak manjar paida kar rahi thi, jiske aabhash matr se hi anginat ret ke jahrile sanp, upar aakar Jivisha ki raah me bichh chuke the, jo Jivisha ke ek kadam aage badhate hi iss prakar lotne lage, mano raham ki bhikh mang rahe ho.










Nischal bhi uss khauffnak bhay ko mehsus kar sakta tha. Wo apni puri takat se apna hath niche lana chah raha tha, kintu Jivisha ki najren usse hilne nahi de rahi thi… tabhi ek jor ki chinkh fijaon me gunji….. "Mere Nischal ko marne ki himmat kaise hui"… aur issi garaj ke sath ek tej kadmon ki thap ret par pari. Woo puri jagah bhad-bhada kar kayi feet niche dhans gayi, aur dono hawa me aa gaye…


Sanp ki tarah fufkarti najro se Jivisha, Nischal ke chakkar lagati…. "Kisme itni himmat ki hume alag kar de".. kahti hui Jivisha ne apne dono hath khol liye aur upar ka aisa najara ho gaya mano mayusi ne iss sansar ko gher liya ho… kai hazar kilometre tak kale saye se badal mandrane lage…


Jahan tak ye kale badal najar aa rahe the logon me katuhal si machne lagi thi... Unhe aisa lag raha tha jaise abhi unka dum ghut jayega…. Khauff ki paribhasa se pahli baar Nischal ka parichay ho raha tha...


Nischal bhi apni tej khinchti shwans ke sath apne aterman me dhyan lagaya… wahi khushi ke pal ko apne jahan me utarne laga… aur jab aakhen khuli to fir se wahi shwet najara tha, mano barf ki chadar charo ore bichhi ho. Jivisha wahin ek baar aur khadi thi, rani ki tarah ussi libas me…. Nischal ki jaise hi najar mili, wo ghutno par baith'kar fir se samman dene laga…


Jaise hi wo ghutne par baitha Jivisha daur kar wahan pahunchi…. Vyakulta se uske pure badan ko tatolti hui…. "Nischal, baby… Nischal"…


Nischal khade hokar Jivisha ko apne bahon me bhinchte… "haan yahin hun main Jisa, meri Malkia"..


Jivisha:- Mujhpar khun sawar hai baby… Kisne tumhe chot pahunchayi hai, pahle uss se nipat lun...


Nischal:- Shiii !! Shiiii !! Shiiii !! Shant … bilkul shant… Jivisha meri aakhon me dekho…


Jivisha gusse se Nischal ki aakhon me dekhti… "Baby nahi.. koi tumhe jaan se marne ki kosis kar raha tha... Normal jhagra hoti to aam baat thi. Tum hat jao mere raste se"..


Nischal, Jivisha ko gale lagate, uske pith par hath ferte huye… "Dhyan lagao ki kaun pichhe gaya tha, kisne khanjar nikala, aur kaun khud ke gale par chalane wala tha… dhyan lagao"… ..


Nischal ki baat par Jivisha gahri shwans leti apna dhyan lagayi. Ek hi chhan me jaise sari tasveer fast forward chali ho. Aakhon me fir ek baar uske aashu the. Wo Nischal se alag hoti, roti hui puchhne lagi…. "Mujhe dara bhi nahi rahe the, sidha apna gala hi kat liya hota"…


Nischal:- Tumhe rone ki jaroorat nahi hai, kyonki main janta tha tunhare hote mujhe kuch nahi ho sakta…


Nischal ki baat sun'kar Jivisha uss par apne hath chalati hui khud ko usme smet li… "Aage se aise pagalpan kiye to soch lena… nisthur kahin ke mujhe rula diya.… Mujhe tumhare sath jina hai.. suna tumne"..


Nischal:- Der ho rahi hai.. niklo mayajaal se..


Jivisha:- Mujhe kahin nahi jana. Mayajaal ho ya bhut jaal.. abhi aise hi khud me samete rakho.. kafi sukoon mil raha hai.


Nischal:- Jivisha niklo iss mayajaal se, warna main sach me mar jaunga..


Jivisha:- Had hoti hai kisi bhi chij ki.. do wo khanjar mujhe .. main hi mar jati hun…


Nischal:- Khud ko dekho iss jagah ko dekho, tum khud samjh jaogi.


Jivisha hosh me aati uss jagah ko dekhne lagi… charo ore bilkul kohra ghana chhaya hua tha, andhere ka aisa manjar jise dekh kar Jivisha ki ka sar ghum gaya. Usse chakkar aane lage…. "Hey love, tum kar sakti ho. Iss mayajaal se niklo… niklo… niklo… sampark tod do… khud se joojhna band karo.. Jivisha niklo… laut aao.. laut aao"…


Jivisha ki jhat se aakhen khuli aur wo behosh hokar Nischal ke bahon me gir gayi. Nischal usse thamte huye kayi fit gahraeyon me gira ja raha tha, aur niche un gahraeyon me kai lakh ret ke sanp ek jagah ikattha hokar gusse me aise fufkar maar rahe the, mano wo jahar se nahi balki un dono ko apne tej nukile dant se chirne wale ho.


Jis gati wo gir rahe the matr chhanik mamla tha aur dono niche hote. Ek viman teji se unke ore aaya aur Nischal ek second ke 1000 hisse se bhi kam samay me usse pakad kar upar hua.


Jatin uss viman ka nichla hissa khol diya aur Nischal, Jivisha ko lekar ander aa gaya. Jivisha ki haalat kuch jyada achhi nahi thi… Nischal apne sath laye pine ki dawa bag se nikala aur Jivisha ke pet ke pass se kapde hata kar wo ek bund dawa pani ke sath milakar pilaya.


Bus kuch pal intzar ke baat wo dawa pet me kahan kahan travel karke, kahan tak pahunchi sab najar aane laga... Nischal ke liye ye hairani bhada najara tha. Wo Jivisha ke kapdon ko thik karke viman ko Himalaya ki wadiyon me uss jagah par le aaya jahan Nischal ne apana mukhya antriksh yaan chhipa rakha tha… barf ke moti chadar ke niche, pure suraksha intjamat ke sath…


Jatin ne jaise hi wo antriksh yan dekha uska muh khula hi raha gaya…. "Viggo, ye to pura sahar lekar aa gaye. Iss viman ko chalane ke liye kam se kam 500 crew member to chahiye hi honge"…


Nischal:- Nahi isse main akela yahan lekar aaya hun… aur koi sawal nahi. Tum yahin ruko…


Jatin ko mukhya dwar ke kamre me pack karne ke baad Nichal, Jivisha ko gode me utha'kar ek medical hall me litaya. Complete body scan par dala aur kuch dawa ki sisi utha'kar laya… pahle char sisi ki dawa ek-ek karke apne mukhya dawa ke sath milakar pilaya… ek anumanit jo Nischal ko pahle se samjh me aa raha tha…


Fir Nischal ne aakhri sisi nikali, prabhu ko yaad kiya aur 1 bund ka hazar'wan hissa uss dawa ke sath milakar diya. Jaise-jaise dawa gale se niche utar rahi thi, har nali har organ se shwet raushni wo bhi aakhon ko chaundhiya de aisi raushni. Har navj halki nili parne lagi thi..


Nischal 3 minute tak ruk'kar dawa ka asar check kiya. Gahari shwans lekar halaka muskuraya aur 4 bund uss dawa ka, mukhya dawa me mila'kar Jivisha ko pila diya. Dawa ka asar jaise-jaise badha, Jivisha ka pura badan gahre nile rang ka dikhne laga… achanak hi Jivisha ne apni aakhen kholi aur utha'kar baith gayi. ..


Bilkul gahri nili aakhen aisa lag raha tha jaise ye aakhen kisi ko bhi apne ore khinch le… Jivisha uth'kar jaise hi bathi, ek mithi si angrai li aur samne Nischal ko dekh kar khili si smile apne chehre par lati, hasrat bhari najron se Nischal ko dekhne lagi…. "Ahhhh ! Baby aaj to meri good morning ho gayi. Ab ek good morning kiss ho jaye to mood ban jaye"..


Nischal, bhi uske karib pahunch'kar, apne honth Jivisha ke honth se lagate, usse pyar se chum'kar alag hua. Jivisha usse apne pass bitha'kar uske dono hath tham'kar … "Kya khatarnak sapna tha Nischal, tum sunoge to hairan ho jaoge. Main to uss sapne me hairatangej kaarname kar rahi thi. Haan lekin sapne me main villan type thi. Maine na aisa kala jadu kiya mano ye pura sansar khatre me hai"..


"Meri baat suno Jisa, abhi kuch din pahle jo tum kahi thi na… pahle bhrm lagta tha aur ab sab vastavik lag raha hai"…. Jivisha apna sir haan me hilati Nischal ko dekhne lagi….. "To bina chikhe aur chillaye uss kone me ek kamra hai, wahan jao aur aaram se fresh hokar taiyar ho jao. Yaad rahe koi chinkhna, chillana nahi aur na hi chaun'kar partikriya dena ki yahan main kaise aa gayi".


Nischal ki baat sun'kar Jivisha hairani se apni aakhen badi kar li… ufff kya badi badi nili aakhen thi, aise dil kabhi na dhadka hoga jaisa aaj dhadka tha. Jivisha chupchap khadi ho gayi aur kamre ki ore chal di… "Mare pahanne ke liye kapde hain ya jin kapdon me hun wahi pahnna hoga"..


Nischal:- Ander jao, tumhare liye pura kapde ka shop kharid rakha hai..


Jivisha charo ore ka najara dekhti ja rahi thi... Charo ore paryapt raushni, lohe ki floor, charo ore ka interior aisa tha ki uss hall me mahaj ek bed aur uss bed par 4-5 sisi … baki pura hall khali tha.


Jivisha jaise hi uss kamre me ghusi, har deewar par ek chhota sa button tha aur uske niche naam likhe the… jaise ki kapde, jute, undergarments etyadi. Jivisha jigyasawash jute/sandel ke section ko kholi. Ghann ki ek chhoti si awaz hui aur samne se darwaja khula. Ek-ek karke puri light jalne lagi. Takriban 4 fit ke gate ke ander wo jaise hi kadam rakhi… ander ki jagah takriban 40 fit lambi 8 fit charu thi. Dono ore self bane the aur size ke hisab se jute, chappal aur sandels rakhe huye the.


Jivisha khushi se uchhalti hui har naam likhe darwaje ke button ko khol'kar dekhi. Matr kapdon ka section chhod'kar baki sare section ki banawat ek jaisi thi. Takriban 200 fit ki lambai aur 16 fit ki chaurai me tha kapdon ka section, jahan pahan'ne ke hisab se kaun se kapde nahi the…

super se bhi uper update

 

[mashish]

Update:- 69​

Jivisha khushi se uchhalti hui har naam likhe darwaje ke button ko khol'kar dekhi. Matr kapdon ka section chhod'kar baki sare section ki banawat ek jaisi thi. Takriban 200 fit ki lambai aur 16 fit ki chaurai me tha kapdon ka section, jahan pahan'ne ke hisab se kaun se kapde nahi the…


Jivisha ko apni aakhon par yakin nahi ho raha tha. Wo apne hath me kuch kapde samet'kar pane sine se lagaye, bade hi pyare andaj me khud se hi kahne lagi… "Hay, sapno jaisa lag raha hai ye to Nischal.. Uamaaahhh ! Love u baby"..


Jivisha kapde ke section se jaise hi bahar nikli samne Nischal khada tha… "Tum naha do kar ab tak taiyar nahi hui"..


Jivisha uchhal'kar Nischal ke gale lagti…. "Oh my god, Oh my god, Oh my god… Baby iss jagah ka interior kitna shandar hai, isse banwane me to bahut paise kharch huye honge"..


Nischal:- Jisa, ab please naha kar aa bhi jao… hume wapas bhi jana hai warma Mukhiya ji panchayat laga denge…


Jivisha:- Oh haan baby, lekin Nischal, suno na..


Nischal:- Haan sun raha hun main…


Jivisha:- Tumne yahan itne sare section aur itni sari chijen rakhi hain ki dekhne me main confuse ho gayi.. baby tum mere liye kapde aur jaroorat ke sara saman nikal loge kya.


Nischal:- Ji ho jayega Maim bus apna size to batati Jao..


"Kaise nikamme lover ho, jo abtak mera figure pata nahi kiye. 2 minute me sara saman nikal'kar, ye jagah khali milni chahiye."… Jivisha aage se hansti hui bathroom me ghusi aur dharam se darwaja band kar lee.


Jivisha jab ander dekhi, uss ke liye yakin kar pana muskil tha. Aisa lag raha tha jaise Nischal ne koi sapno ki duniya uske liye taiyar ki hai. Jivisha jabtak bathroom dekhne me vyast thi thik ussi waqt wahan lage machine se awaz aayi… "kripya nahane ke baad iss box ko khole.".. Jivisha jaise hi wo awaz suni, "Samrt haan, sab kuch high tech banaya hai"..


Jivisha apne sare kapde nikal'kar jaise hi shower li, achanak hi thand se kanp gayi. Shower se nikla to pani hi tha, lekin ye itna thanda hoga… Jivisha ne bahut kosis ki lekin wo shower band nahi hua. Darwaja khol'kar nikalna chahi lekin wo bahar nahi nikal saki.


Aisa lag raha tha wo jam jayegi.. aur hua bhi aisa hi. Dhire-dhire uska sharir akadne laga, wo apni jagah sthir hone lagi. Dimag jaise deep freeze ho chuka tha. Tapman sunya se 10 digree niche ja chuka tha aur Jivisha ke dimag me subah ki sari tasveer dhire-dhire saaf hone lagi. Jaise-jaise wo tasveere saaf ho rahi thi, waise-waise wahan ka jama barf bhap banne laga.


Dhire-dhire Jivisha ka sarir samanya hone laga. Uss pani jaise liquid ka tapman ab bhi shunya se 10 digree niche hi chal raha tha... Wo pani jaisa dravya jab Jivisha ke sharir par parta, usse maza aa jata…


Tabhi wahan par fir se machine se awaz aayi… "aur thanda anubhaw ke liye isse niche ki ore press karen".. aur jahan se awaz aa rahi thi wahan ek khiskane wali button dikhne lagi. Jivisha usse pahle ek paydan niche lekar aayi…


Jivisha har 2 minute par tapman ko niche lekar jane lagi. Tapman niche hote hote shunya se 60⁰ niche aa chuka tha. Kafi sukun se nahane ke baad Jivisha ka bus itna kahna tha.. "ab bus bahut naha liya"… aur shawer band ho gaya…


Jaise hi shower band hua dekhte hi dekhte wahan sisha aur baith'kar taiyar hone ki puri vaywastha… Jivisha aaine me khud ko dekh rahi thi aur khud ko dekh'kar chaunk gayi. Uska pura badan chamak raha tha… pure badan se halki raushni aur uski kali aakhen puri nili ho chuki thi.


Kuch der tak khud ko dekhne ke baad, apne aaschrya ke bhaw ko muskan me badal'kar box ko kholi. Nischal dwara apne liye select dress ko dekhti…. "Oh ho, to baby mujhe pencil dress me dekhna chahte hain… Not bad Mr. Nischal.. mere liye itne tight outfit selection.."


Jivisha ne undergarments uthaye pahle, hathon se ulat-palat karti wo jaise hi bra pahni, shocked se apni aakhen bhadi kiye…. "Badi hi chalu chij hai ye to, itne prefect size ki bra dhundhne me to mere sirdard ho jaye, isne 2 minute me puri dress with maching. Ruko nikal'kar aane do fir hisab kitab leti hun. Ab bra itni fit hai dress ke bare me mujhe sochna hi nahi hoga."..


Jivisha puri taiyar hokar nikli. Ummid anusar, Nischal ussi jagah baith'kar darwaje ko taak raha tha.. dono ki naron se najren takrai aur chehre par muskan tair gayi.… "Ab bus bhi karo, kitne ghuroge"


Nischal:- Ufffff ! Ghayal kar rahi ho Jisa..


Jivisha:- Acha ji, tumhara ghayal hona to samjhi, lekin ye aise itne tight dress mere liye select kiye.. Yadi pure din har jagah isme ghumti rahi to pura bajar ghar tak chhodne aayega…


Nischal:- Lekin aaj tumhe kahin jane dunga to na koi aur tumhe dekhega…


Jivisha:- Oh ho, aur Mukhiya ji… unka kya?


Nischal:- meri Malkia ke liye Mukhiya ji se nipatna koi muskil kaam to nahi hoga ..


Jivisha:- Eeeeeeee Agar fir se mujhe ye Malkia kaha to dekh lena… tum mere ander jhank kar bhi mujhe yahi kah rahe the na subah…


Nischal:- Hmmmm ! Matlab deep freeze ne apna pura kaam kar diya.


Jivisha:- Baby baten baad me, pahle mujhe jodon ki bhukh lag rahi hai…


"Kyon nahi chalo chalte hain"… kuch button press kiya Nischal ne aur jahan khade the wahin patri si ban gayi aur un patri se ek doble sitter baggi unke samne aakar ruki. Dono baggi par sawar ho gaye aur baggi jis-jis section se gujar rahi thi, Nischal har section ke bare me batata chal raha tha….. kaun sa section me kya kiya jata hai…


Thodi hi der me dono khane ke table par the… Jivisha soup ka ek niwala piti… "Kamal ka soup hai ye, kya lajwab test hai. Kis chij ka soup hai baby"..


Nischal:- Ye Musk deer aur blue sheep ke meat ka soup hai..


Jivisha idhar-udhar dekhi aur kitchen ke besin mein.. waykk waykkk… "Arre bus bhi karo, main mazak kar raha tha. Ye Himalaya me paya jane wale herb aur corn mix soup hai"…. Jivisha gusse me samne para kuch glass aur saman khinch kar Nischal ko marna shuru ki, Nischal uski iss harkat par jor-jor se hanste huye…. "Dono saheli ke bich ye achha connection hai. Dono kitchen ke saman ko fek kar marne me itna viswas kyon rakhti ho"..


Jivisha, Nandni ka naam sun'kar aur bhadkti hui… "Bechari ke chehre par kal subah likha tha ki tunhara jana usse akhadega, wo padesan thi aur usse bich sadak par chhod aaye. Bhagta kidhar hai machhar, ruk abhi batati hun.."


Najron ke ishare se hi wahan ka sara saman hawa me aur ek sath sabhi bartano ki barish karwa di Jivisha ne... "Aaoooo.. Malkia, shant, sar phut jayega"….. "Huh jaan kar chidha rahe.. oye idhar ke oprater jara kuch bhadi saman nikalo, iski tange hi tod deti hun. Na rahegi tang na bahgega ye"..


Nischal teji dikhate Jivisha ke piche aaya aur usse bahon me bhinch'kar, gale par kiss karte huye… "Bus re baba bus, itna gussa. Ab maanf bhi karo"…


"Chhodo mujhe… abhi chhodo, aur samne aao"…. Jivisha ki baat maan kar Nischal uske samne khada ho gaya… Jivisha, Nischal ko najar bhar dekhti rahi. Uski tej shwans dhire-dhire samnya hui… "Haan ab thik hai. Aaenda khane me non-veg ki baat kiye to main tumhe hi paka kar kha jaungi. Yahan ka pura kachra saaf karke jaldi nasta lagao. Pahle kuch sawalon ke jawab lekar, tumhari class bhi lagani hai"..


2 minute me hi dono khane ke table par the… "Ye meri aakhon ka rang badal kaise gaya, aur mere badan me aisa kaun sa tube light laga diye jo chamak raha tha. Aise mera chehra chamkta rahe to main bahar kaise ghumungi"


Nischal:- Badan ka chamakna, to dawa ki wajah se hai, aur aaj subah hi tumne apne body me kuch unknown extra fluid active kiye hain, jiske karan aakhen nili ho gayi. Yah ek samanya prakriya hai aur andruni harmonal change ko tumhara body accept karke upar kuch badlaw dikha raha hai.


Jivisha:- Haynnnn ! Aisa bhi hota hai kya?


Nischal:- 2 baten batana chahunga… Pahla to ye ki jivan ki utpatti ke dauran bahut se rahasya chhipe the, jiska aanshik hi kewal hume pata hai aur dusra ye ki sabse jyada rahasya prithwi par hi chhipa hai, isliye pura universe prithvi ko sabse majboot aur shantipriya grah manta hai.


Jivisha:- Sabse majboot, lekin tumhe dekho, tumhara to yahan koi mukabla hi nahi…


Nischal:- Tum nahi samjhogi abhi. Tumhare hisab se main tumhe bahut shaktisali dikh raha hun, lekin viswas mano meri lagbhag 70% kshmta iss prithvi ki den hai.. ab tum samjh sakti ho yahan ke rahsyon ke bare me.


Jivisha:- Fir mera rahasya kya hai.. kahan se aayi mere ander ye shaktiyan… kya koi bhut ya ruh hai mere ander, ya mera puarjanan hua hai…


Nischal:- Ye bahut aage ka sawal hai, jiska jawab mujhe pata nahi, lekin hum dono chalenge kahin dur, iss rahasya se parda uthane…


Jivisha:- Thik hai to wapas pahle sawal par aati hun… Dawa ka aur meri body ka kya sambandh hai, jo aise chamak raha hai? Aise kaun si chamatkari dawa istamal kiye?


Nischal:- "Main tumhare man ki bechaini ko samjh raha hun.. lekin main Google thode na hun ki sab bata dun. Waise tumhare body colour aur chamak ka raaj kewal dawa nahi hai, bus tumhare ander ke jo extra harmonal activity hai wo ab tak trigger nahi huye the, isliye ab tak wo badlaw nahi dekhne mile the.

"Rahi baat wo chamatkari dawa ki, to wo koi chamatkari dawa nahi, balki zahar tha, jo tumhare liye ek asardar dawa hai. Jise tum ander kuch soya samjh rahi thi, wo actully kuch soya nahi tha, balki kuch aise extra body fluid hai, jo tumhare ander shuru se thi. Zahar tumhare body me thik waise hi kaam karta hai, jaise kaam se thaka insan koi painkiller aur multivitamin leta hai. Zahar tumhare in fluids ke work load ko normal karke strength deta hai, jise tumne aaj subah apne ander active kiya hai.


Jivisha:- Oh matlab mere aakhon ka rang sharir me active huye un khas takat ki wajah se hai. Bulb ki tarah chamakna aanshik hai wo dawa lete waqt rahega… iske alawa koi badlaw mere body colour me....


Nischal:- Bulb ki tarah to chamak kewal dawa ke wajah se hogi jo 10/15 minute se jyada nahi rahega, lekin tumhari skin me thodi chamak rahegi jo auron se tumhe alag karegi..


Jivisha:- Nah mujhe normal dikhna hai.. special nahi.. koi upay....


Nischal:- Kitna bhi normal kar lo abhi jaisi ho uss se niche nahi laya ja sakta.


Jivisha, apna chehra aaene me dekhti… "Yaar skin se light reflecte kar rahi.. chhodo, main powder aur cream ke niche isse dhak lungi… mujh par kitna zahar istamal kiya wo nahi bataya..

amazing update

 

[mashish]

Update:-70​

Jivisha, apna chehra aaene me dekhti… "Yaar skin se light reflecte kar rahi.. chhodo, main powder aur cream ke niche isse dhak lungi… mujh par kitna zahar istamal kiya wo nahi bataya..


Nischal:- Kya karogi jaan kar rahne do..


Jivisha:- Nahi mujhe janna hai..


Nischal:- samjh lo 1 bund zahar se 1 lakh logon ko mara ja sakta hai..


Jivisha chaunkti hui…. "Aur kitne bund mere liye normal dawa ki tarah kaam karta hai.. aur ye mere liye painkiller hai ya multivitamin"..


Nischal:- 4 bund zahar… ye tumhare liye pain killer hai aur multivitamin dusra hai.


Jivisha:- Mujhme jadu bhi aaya hai kya, jo main samjh gayi ki tum seriously apna gala katne ka rahe ho?..


Nischal:- Jadu to nahi hi hai, lekin ye dimag ke kisi jagah ki utapatti hoti hai, jo samne wale ke dimag se anjane me hi connect hokar uski soch ko capture karke ek purwanuman deta hai .. .


Jivisha:- Hammm ! Tum mere dimag me ghuse the na.. wo tumne kaise kiya, aur kya main dusre ki soch ko ek purvanuman ke jariye capture kar sakti hun to kya main har kisi ki soch ko padh sakti hun aur tumhare tarah kisi dusre ke dimag me bhi ghus sakti hun kya ?


Nischal:- Google samjh liya hai kya? Kitne sawal daagti ho..


Jivisha, Nischal ko chhudi dikhati… "Chup chap batao"..


Nischal:- "Dekho prakriti ne khud suchna aur prasar ki tarange banayi hai, aur un tarangon ke madhyam se jab tumhari ye wireless dabbe (Mobile phone) chal sakte hain, to kya ek brain se dusre brain me, suchna aur prasar ke madhyam se ghusa nahi ja sakta.. bus yahi theory hai.

"Rahi baat tumhari purvanuman ki, to yah dimag ki achet awastha ka ek prakriya hai, jispar khud ka koi niyantran nahi hota, isliye aisa kahna galat hoga ki tum kisi ki soch ko padh sakti ho. Haan aane wali kuch bure ya bahut bure ghatna ko tum pahle hi bhanp logi. Fir chahe wo ghatna kisi ke dimagi upaj ke karan hone wali ho ya fir prakriti me… kyonki har jagah suchna aur prasar ki tarange faili hai".

"Jahan tak baat hai ek dimag se dusre dimag me ghusne ki kala, to ye bhi ussi theory se hota hai, suchna aur prasar ke madhyam se, jo telepathy ke jariye connection banati hai. Jahan purvanuman mastishk ke achet awastha ki ek prakriya hai, wahin telepathy jagrit mastisk ke purn dhyan aur iss vidhya ke purn prasikshan se aati hai. Yeh ek jatil vidhya hai jise varsho tak sikhne ke baad bhi aap isme nipun ho jaye iski koi guarantee nahi. Mujhe iss vidhya ko mere janm ke chauthe varsh se mere guru ne sikhana shuru kiya tha…"


Jivisha:- Haan mujhe pahle se pata thi ye sari baaten. Main to bus dekh rahi thi ki tumhe aata hai ki nahi ye sab. Sidha sidha ab mukhya sawal, kya tum mujhe yahan maroge ya antriksh me kahin aur…


Nischal:- Oye pagal, ye kya bakwas hai ye.. Kahin koi side effect to nahi hua dawa ka…


Jivisha:- Bakwas ka kya matlab hai… mujh me dark shakti hai. Mere ander 4 lakh logon ke marne jitna zahar dawa ke roop me kaam karta hai. Jab mera dimag jama aur puri tasviren saaf hui tab maine khuli aakhon se dekha ki maine bina jane hi kitna bhay ka mahol bana rakha tha. Masoom log jinki koi galti nahi thi… janwar, Panchhi, ped-paudhe, aisa laga jaise main shakal vinash ka irada banaye hun. Uspar se sabse majedar baat, jab main ye pura kand karne ke baad jaagi to mere liye mahaj ye sapna tha…


Nischal:- Dhat teri ki.. bewakoof !


Jivisha:- Ab aisa to na bolo na…


Nischal:- "Ak47 sena ke pass bhi hota hai aur terrorist ke pass bhi. Ek ethical hacker hota hai to dusra illegal hacker. Koi doctor jaan bachata hai, to koi doctor Keeney nikal'kar bech leta hai… Ab bewakoof na kahun to kya kahun… Koi power bura ya bhala nahi hota, bura ya bhala un powers ko istamal karne wale hote hain."

"Haan wo alag baat hai ki takat ka nasha itna andha kar deta hai ki ek aham ki stithi paida ho jati hai, jisme power ke nashe me chur insan ke liye, "kewal wahi sahi hai aur uski baten sarvopari".. ye vichar hamesa uske man me hota hai aur apne faisle wo khud le leta hai, fir chahe wo faisla achhe ke sandarv me ho ya bure ke sandarv me"..


Jivisha:- Agar tumhari baten sahi hai to fir mujhe kuch acha karna chahiye tha na, fir bura kyon ho gaya…


Nischal:- Kyonki tumhe laga, koi tumhare ajij ko marna chahta hai aur tum baukhlahat me sab tabah karna chahti thi. Tum ye tak bhul gayi ki Nischal hi Nischal ko marna chah raha tha.


Jivisha:- Lekin baby main jab kisi ka bura nahi chahti, fir mera aawesh me aana hanikarak kaise ho gaya?


Nischal:- Aawesh me ho ya pyar me, ya fir koi anay wajah, jabtak tumhe un powers ko control karna nahi aayega, wo aniyantrit power hoga. Aur kuch bhi aniyantrit hamesa bhayankar nuksan deta hai.


Jivisha:- Hmmmm ! Main kuch der pahle gusse me thi tab maine chaku aur bartan ko hawa me utha liya tha.. abhi wahi karne ki soch rahi hun, lekin nahi ho raha…


Nischal:- Ussi ki to traning kar rahe hain…. Aaj se tum hamesa mere nigrani me rahogi, jab tak tum purn niyatran na sikh lo…


" Oh ho to mujh par najren rakhi jayegi. Nischal babu har waqt mujhe dekhenge, jaisa kuch der pahle mujh par najar rakhe the, jab main bathroom me thi, kyon baby. Waise kaisa tha mera live show, aakhen chaudi karke, bade maze se popcorn khate huye, bade screen par tum to maze le rahe hoge"… Jivisha aakhen dikhati hui puchhne lagi…


Nischal:- Nahi nahi nahi… tum jaise hi ander gayi maine uss section ka camra off kar diya tha…


Jivisha:- Huhhhh ! Chahe prithvi ho ya universe, jahan kahin bhi ye ladke honge, sab ek jaise hi honge.. mauka mila nahi ki taak jhank shuru..


Nischal:- Kasam se Jisa maine nahi dekha, yakin kyon nahi karti…


Jivisha:- Ohk maan leti hun. Waise bhi mujhe koi aitraj nahi tha agar tum dekhte bhi ho to.. mana thode na kar rahi thi. Main to bus puchh rahi thi. Mujhe laga tum mujhe nahi dekhoge to kise dekhoge. Khair ab to mauka gawa diya. Tum ye batao mere liye itne perfect size ke bra kaise nikal laya? Bahut chalu chij ho tum Nischal.


Nischal:- Na na, tum galat ho Jisa, mujhe thode na tunhare figure ke bare me pata hai. Room me body scanner lage hai.. bus screen par apne item select kar lo… prefect size ke hisab se nikalna machine ka kaam hai..


Gusse me Jivisha pura pani ka jug Nischal ke sar par uddelte… "Huhhhh ! Main tumhari gf hun yaar kuch to aisa jawab do lage haan.. sunkar aisa lage ki kuch ikchhayen tumhari bhi hai"…


Nischal, apna chhota sa muh banate… "Sorry main abhi kacha hun"…


"Hay kya masumiyat hai baby ke chehre mein"... Jivisha khyalon me sochkar muskurai aur Nischal ke pass jakar uske gode me bait'ti hui…. "Koi baat nahi, dhire-dhire pakke ho jaoge"…



Hasin lamha tha aur dur tak khamoshi. Ek dusre mein doobne ke liye iss se behtarin mauka kya ho sakta tha. Dono ek dusre me khoye se apne pyar bhare pal batne lage.


Pure din Jivisha ko Nischal apna yaan dikhata raha. Kayi din bhi kam par jate waise to uss viman ko pura ghumne mein, lekin uss viman ki mukhya jagah aur total control Jivisha ke dimag me chhap chuki thi. Sham ke lagbhag 5 baj gaye the, jab dono bahar mukhya dwar par aaye, wahin se fir Nischal ne Jatin ko bhi bahar aane kaha…


Jaise hi Jivisha, Jatin ko dekhi, uska pura asli roop najron ke samne tha…. "Ye kitna ajib dikh raha hai… Tum Shresh ke sathi ho na aur Kasak ko tumne hi apne pyar ke jaal me fasaya tha"..


Jatin apne ghutne par baith'te…. "Malkia aap ne sahi kaha"..


Jivisha:- Oye, mujhe iss naam se pukara to main tumhara khun kar dungi. Baby ye to wahi narbhakshi hai, lekin abtak ye jinda kyon bacha hai.


Nischal:- Jivisha, rahne do. Kuch to achi baat rahi hogi jo ye jinda bhi hai aur yahan hai humare sath… Jatin chalo hume wapas chalna hai…


Viman taiyar tha aur teeno nikal liye… Pune pahunch'kar Nischal aur Jivisha aam logon ke bhid me jaise hi samil huye, Jivisha jahan se gujarti, har koi usse hi dekhta. Aisa lag raha tha jaise uska chehra sabko apni ore aakarshit kar raha hai.


Jivisha, Nischal ko kopche me leti… "Huhhhn ! Har koi mujhe ho ghur raha hai. Aisa jina bhi koi jina hai. Main nahi janti ki tum kya karoge baby, lekin iska upay dhundho, abhi to ghar bhi nahi pahunchi hun.. pata na wahan ka reaction kaisa hoga.


Jivisha ki baat par Nischal khyalon me chala gaya aur Jivisha ke ghar ki panchayat ke bare mein sochkar hi sihar gaya.. Nischal, Jivisha ko uske ghar tak chhod'kar khiskane ka prayas kar to kar raha tha, lekin Jivisha usse kahin khiskane kahan dene wali thi…


Baahri badha'on se kitna bhi nipat liya jaye, lekin ye ghar ke log .. annhhhh ! Na jane kaun si ghutti pi kar aate hain. Kitna bhi samjha do unhe lekin ye ghar wale apne hi point ko pakad kar baithe rahenge.


Khair ab to Nischal ke kismat me yahi pariwar tha aur issi ko jhelna tha umr bhar, bus inhi khayalon ke sath wo sab sun liye aur muskurate huye wahan se laut aaya. Ab to har subah Thar ka maruasthal koi yudhh ka maidan hota. Nischal ke sath Jivisha har badha ko dhire-dhire safalta purwak paar karne lag gayi. Nischal ka pyar bhara sath Jivisha ke liye sab kuch tha. Wo ek slow learner thi, lekin Nischal ke liye Jivisha khuch bhi khushi se kar leti aur uski sari baton ko jaise dimag me chhap kar utar leti.


Lagbhag 6 mahine bit chuke the. Ek kushal prasikshak aur apne pyar ke sath Jivisha ne na sirf apne ander nihit shaktiyon ko purn roop se niyantran karna sikha apitu visam se visam paristhiti me bhi khud par kabu rakhkar faisla lene ki baudhik vikas ka srijan bhi hua tha… Jivisha ko Nischal ne yah baat ghor kar pila dee thi ki……



"Yadi hum marne par aate hai to sirf lashen hi bichhi milegi, isliye mirtudand ek mahadand hai. Ek purn aanklan aur purn samiksha ke baad hi kisi ko mirtu dand dene ka faisla lena chahiye, kyonki kisi bhi vidhi se ek mirt sarir me wapas jaan nahi dala ja sakta".


Thar registan aur prashikshan ka adhyay ab samapt ho chuka tha.. Nischal aur Jivisha befikr hokar apne dost aur pariwar ke bich khatti-mithi nok-jhonk ke sath samay bita rahe the. January ka mahina tha aur mauka tha Nandni ki shadi ka. 10 din pahle hi dono, Nandni ke sath indore pahunche the.


Indor ka naam sun'kar hi Nischal aur Jivisha ke chehre par hansi aa gayi. Dono ke mann mein sabse pahla khyal Nandni ki maa Durga Devi ka hi aaya, jise Jivisha ke wajah se kafi padesani jhelni pari thi...

awesome update