Fantasy Kaisa Yeh Ishq Hai.... Ajab Sa Risk Hai...... (Completed)

[nain11ster]

Running Story....

Read The Fantasy Drama Menia
Kaisa Ye Ishq Hai~Ajab Sa Risk Hai~Reload


Real All My Completed Stories....

Enjoy The Emotions And Thriller Journey..
100 Encounter:- The Journey Of An Innocent Girl

Read The Thrill In Romance...
Bhanvar

Read Crazy Fantasy Romance Drama
Kaisa Ye Ishq Hai..... Ajab Sa Risk Hai....​

 

[ridvir]

Awesome update Nain bhai.. Sapna ke liye bura laga lekin story dilchasp hoti ja rahi hai

 

[Naina]

Update:-40​

Wo aage badh raha tha. Uski speed unmatched thi. Par jaise he wo Jivisha ke pass pahuncha..... Abhi usne apna hona jahir nahi kiya, lekin Jivisha fir bhi uss ke ore mudi, najren mili, aur fir sab blank.... Jahan me uss ke baad ki tasveer nahi.


"Ye kaise tej-tej sasen le raha hai, tu thik to hai na".... Nischal dhyan laga liya tha jis wajah se uss ki tej-tej sasen chalne lagi thi. Dhyan toot'te he Nandni ke baat ka bina koi jawab diye car ke gate ko pakad kar khada hua.... "ghar chal"


Nandni drive karti..... "Hospital chalun kya"


Nischal..... Nahi hospital gaye to unhe mere bare me pata chal jayega. Tum flat he chalo.


Nandni.... Par Jivisha ke marne se tumhari pasliyan toot gayi, ye baat meri samjh se pare hai.


Nischal.... Ye baat to main bhi samjhne ki kosis kar raha hun ki uss waqt aakhir hua kya tha....


Nandni.... Matlab kya hai tumhare kahne ka. Tumhe yaad nahi kya hua tha?


Nischal…. Mujhe bas itna yaad hai ki main Jivisha ke thik pichhe tha. Uss ke baad Jivisha mere ore mudi hai aur fir yaad nahi kya hua.


Nandni...... Ho sakta hai accident ke waqt jaise dimag kaam karna band kar deta hai aur dimag me thik accident ke waqt ki tasveer nahi hoti, waisa he tumhare sath hua ho..... Lekin baat to ghum fir kar wahi aa jati hai, Jivisha itna tej humla kaise kar sakti hai... Kahin wo Alian to nahi, jis ne tum par humla kiya....


Nischal...... Sahi pakdi ho, ho na ho ye Jivisha ke vesh me alian he tha. Lekin ye un alian me se ek nahi jo Kasak ke room me tha. Ye to bahut he takatwar aur kafi furtila hai. Aur haan, sayad inko ye aabhas ho jata hai ki koi pichhe se aa raha hai....


Nandni..... Agar ye Jivisha alian hai to asli Jivisha kahan hai. Nischal ye sari ghatnayen tumhare aane ke baad he ho rahi hai. Tumhe ne in sab ko humare pichhe lagaya hai.


Nischal...... Nalayak ladki, uss raat jaan bachaya wo bhi bhul gayi, aur ulta mujh par ilzam laga rahi hai.


Nandni..... Tumhi ne karwaya hai to tum kyon nahi jaan bacha sakte, mujhe to ab sari ghantnao me tum par he shaq ho raha hai.


Nischal..... Nandni ek min jarra pass aao.


Nandni.... Pass kyon aana hai, tum ab kya mujhe mar dialoge...


Nischal.... Main to nahi marunga, lekin tumhare sir par ek jahrila kida hai wo tumhe maar dega.


Nandni ne jaise he jahrila kide ke bare me suni, wo dhire-dhhire apne sir ko Nischal ke karib le aayi.... "Dekh kar hatana, kahin ye kida mujhe kate na le"


Jaise he Nandni thoda aage jhuki, waise he "Chatakkkkkk" ek thappad Nandni ke gaal par padi........... "Ummid hai ab akal thikane aa gayi ho, nahi aayi hai to bol main dobaara treatment shuru karun".


Nandni gadi rok kar Nischal par bhadakti usse marne lagi, Nischal usse shant karta dhyan se uss ki baat sun'ne ko kaha. Fir uss ne kal raat Sapna wala kand ko batate huye kahne laga.....


"Bahut he kurur narbhakshi tha wo. Kahin Jivisha ke vesh me wahi narbhakshi to nahi chhipa hua hai".


Jaise he Nischal ne ye samiksha kiya, Nandni ke to paun tale se jamin khisak gayi. Usse Jivisha ki chinta satane lagi..... . "Yadi ye nakli Jivisha hai to asli kahan hai... Kahin usse bhi to Sapna ki tarah" ......


Nischal..... Iss ka pata kaise lagaya ja sakta hai....


Nandni.... Ek takrib hai, tum to kisi ke bhi dimag me jhank sakte ho na to kyon na iss alian wale Jivisha ke man me jhank kar tum dekho....


Nischal.... Lekin iss vidya me main nipun nahi hun.....


Nandni..... Haan to thik hai, tum wo apne guru ji ki kitab le aao. Ho sakta hai hum dono uss par kaam kare to koi naya rasta nikal aaye.

nandini aur nischal
Nischal aur nandini
Nischal
...ek bhai jaisa farz nibhane aur surakhsa dene mein piche nahi hatta nischal.. fikar itni kya kahne...
nandini
ek vishvas hai nischal ke upor... surakhsit mahsoos karti hai jab bhi nischal aas paas hota hai... aur agar kahin nischal ko chott bhi lag jaaye toh ek maa ki tarah tarap uthti hai....
aur dono baith ke kisi baat pe sameeksha bhi gyaaniyo ki tarah karte hai...
Khair... phir bhi... itni jhik jhik dono ke bich... aur bhi bina kaaran ke....
ha ha ha yaar jivu ko hi nakli bana diya dono ne... agar bhul se bhi jivu ko yeh baat pata chali toh

Idhar college me......


Jivisha ko ander se bilkul bhi achha nahi lag raha tha, wo bas issi baat ko soche ja rahi thi ki, bharam wale Nischal ko chot pahunchane ke chakkar me bechara original ko chot lag gayi.


Halanki wo bhi ye tay nahi kar pa rahi thi ki kewal uss ke chhote se dhakke se, aakhir Nischal itni tej gir kaise gaya. Lekin na to khud Jivisha aur na he uske aas-pass logon ko ye aabhash tha ki Jivisha ke ander kya hai aur wo kitna acha ya kitna kharnak ho sakta hai.


Raste bhar wo Nischal ke bare me he sochti rahi. Class ke ander aaj jab Kunal uss ke pass aakar baithne laga to wo usse kahin aur ja kar baithne ke liye bol di. Ander sirf yahi khyal chal raha tha ki Nischal yadi uss ke pass aa kar baith'ta hai to wo usse sorry bol degi.


Khair pure class intzar ke baad bhi jab wo aur Nandni nahi dikhi to Jivisha ko chinta satane lagi. Uss ne turant Nischal ka haal puchne ke liye Nandni ko call laga diya.


Jivisha ka call jab Nandni ke pass pahuncha tab wo dono sabhi baton ki samiksha kar rahe the, aur jaise he guruji ke kitab ki baat samapt hui waise he Jivisha ka call Nandni ke pass aa gaya.


Abhi kis Jivisha ne call ki thi, Asli ya behrupiya Jivisha, iss sachai ka pata lagane ke liye Nandni ne Nischal ke accident ko bahut bara batati Jivisha ko apne ghar bula lee, taki aaj he iss mamle lo nipta liya jaye.


Idhar Sawalker ke upar media aur superiors ka itna jyada pressure aa gaya ki usse iss case ko jald se jald, har haal me solve karna tha. Katil ne apni haiwaniyat ke sath-sath dimag ka bhi saboot diya tha.


Forensic janch kar rahi team ko janch karte 12 ghante ho chuke the par iss case se juda ek bhi surag unke hath nahi laga tha. Sawalker ko rah-rah kar Nischal ki wo harkat yaad aa rahi thi jo usne lash ke upar apna hath rakh kar kiya tha....


Uss ke dimag me ek sandeh sa paida hone laga tha. Usse kahin na kahin ye ehsas ho raha tha ki ho na ho Nischal iss prakar ke mahol se kafi jyada wakif hai. Apne case me help ke irade se Sawalker bhi Nischal se milne uss ke liye Nandni ke flat ke ore chal diya

Yeh pyaar nahin toh aur kya.. ishq aur mushq chupaye nahin chupte...
Lo sawalkar bhi aa raha hai nischal ke paas... ek nanhi si jaan jaane kis kis ki problem solve kare

Jivisha ke Ghar…


Sabhi bache apne-apne kaam se nikal chuke the. Nandita bhi apne kamre me baithkar aaram kar rahi thi. Jivisha ke papa Himanshu aur maa Priya hall mein hi baithe the..


Himanshu akhbar ki uss khabar ko padhkar pura achambhit ho gaya, jisme sapna ki kururta purn hatya ka ullekh tha. Himanshu, Priya ko ek najar akhbar iss khabar par dene ke liye kahne laga. Kintu Priya apne khyalon mein kahin gum thi aur wo Himanshu ki baat par dhyan nahi de saki….. "Kya hua Priya, kahan gum ho"..


Priya:- Wo ab shararat nahi karti hai to ghar khane ko daudta hai. Dekho na jahan pahle pura din kam rahta tha, aaj sochna par raha hai kya kaam karun.


Himanshu:- To kya karen Priya, bachon ko manmani karne den. Haan uss waqt main bahut jyada gusse me tha, lekin jab gusse se ubra to bhi main Jivisha ko samjhane nahi gaya.. janti ho kyon..


Priya, Himanshu ko sawaliya najron se dkhti hui puchhne lagi … "kyon"


Himanshu…. Kyonki Jivisha ko khud faisle lena sikhna hoga. Yaad hai wo baba ne kya kaha tha.... Yadi nischit samay ke purv Jivisha ki shadi nahi hui to kaal gherna shuru ho jayega… uske jagne se pahle kayi apriya ghatna shuru hogi… aur ek baar jab wo Jivisha ke ander jag gaya fir Jivisha ke kiye faisle hi tay karegi ki sabka bhawishya acha hone wala hai bura…


Priya… Aap ke kahna kya chahte hain ji, mujhe dara to nahi rahe iss baat se…


"Kis baat se papa ji aap ko darane lage maa. Kahin dusri shadi to nahi kar rahe"... Nandita bhi dono ke pass baith'ti hui kahne lagi..


Priya…. Dusri shadi kar to le tumhare papa ji, lekin us bechari ka kya hoga jo yahan aayegi.. main to chahti hun ki ye shadi kar he le, taki kuch sukoon main bhi le lun..


Nandita:- rahne bhi do maa. Aap ke tano se aaj ye pura ghar khamosh hai. Maine to Ravi se bol diya hai, yahan se kahin aur shift karne ke liye.


Himanshu aur Priya dono chaunkte huye…. "Kyon kya ho gaya… tum dono ne itna bada descision le liya wo bhi akele. Humara jarra bhi khyal nahi aaya..


Nandita:- Aap logon ko bhi to khyal nahi aaya tha. Ek ladki jo ghar se pure lade gahno mein bhagi thi, wo surakhit aur apni purani muskan ke sath iss ghar me wapas lauti. Lekin kisi ne bhi iss baat ko mehsus nahi kiya…


"Ek ladka, jiske liye sej saji thi, wo suhagrat ke liye samne se mana kar deta hai. Jitne din ruka kewal har kisi se hans kar baat kiya aur Jivisha ke tane bhi jhelta raha. Ji haan thik suna aap ne Jivisha ke tane."


"Us din itne sare ghar walon ke hote huye bhi, wah ladka najane kahan se aakar humse pahle Chirag se mila, uske ander ke dar ko khatam kiya aur aap ne maa.. aapne kya kiya. Aapne na sirf Jivisha ko sunaya, uske sath-sath Nandni ko bhi kya kuch nahi kaha. Kya kisi ladki se galti nahi ho sakti. Lekin aap khud ek aurat hokar kisi dusri ladki ke bhawana ko thes pahunchane ke baad khyal tak na karen ki aap se kitni badi galti hui hai to hume bhi ghar chhodne ke faisle ko aap se kyon puch kar len, ek karan batayen."


"Hospital me bhi maa puri raat meri pyari si bachi ko sunati rahi. Sach kahun maa uss raat agar mujhme thodi bhi himmat bachi hoti na to fir aap mera ugr roop dekh leti. Subah schhai pata lagne ke baad bhi, aap log bus afsos kar rah gaye, uske baad sab bhul gaye.."


"Aap logon ke sine me dil hai ki nahi mujhe aaj tak samjh me nahi aaya. Aawsesh me aap sabne galtiyan kiye.. koi baat nahi har kisi se hoti hai… kya schhai pata chalne ke baad apni galti ko ek baar bhi sudharne ki kosis kiye… manf kijiyega papa ji, dosh aap ka bhi kam nahi… gusse me aap aur aap ka beta kisi ke girewan ko pakad kar pit to sakte hain, lekin schai pata chalne ke baad ek kadam aage badhkar apne kiye ke liye mafi nahi mang sakte…"


Aisa lag raha tha mano Nandita aayi he thi dono ko yahan sunnane ke liye. Nandita ki baaton ko sunne ke baad dono dampatti jaise puri tarah se sharminda ho gaye ho…


Himanshu:- Tumne thik kaha beta, hum apne swarth me itne andhe ho gaye, ki hume ek achhe ladke ki achai kabhi dikhi hi nahi. Main bhi kya karta, pahle to laga ki beti ke bhagne me ussi ladke ka hanth hai, fir pote ko achet awastha mein dekhkar main apne pure hosh kho baitha.


Nandita:- papa pahli baat to ye ki Jivisha ka bhagna koi pahle se tay plan nahi tha, usne achanak me yah faisla liya tha.


Nandita ki baat par dono chaunkte huye… "Yah tum kya kha rahi ho?"


Nandita:- haan aap ne thik suna.. pahle to aap dono ne uspar dawab banaya shadi ka. Usne bhi apni man ki jigyasha ko markar shadi ke liye raji ho gayi. Jaymala tak kiya… aakhir ain mauke par kuch to usse Shresh me aisa dikha hoga ya ander se kuch to aisi feeling rahi hogi, ki wah jaymala ke baad bhag gayi. Jara soch kar dekhiye to aap ko sabhi baten samjh me aa jayengi, lekin yahan sochta kaun hai. Yadi Jivisha ko bhagna hi hota to uske liye safe side tha ki wo shadi ke ek din pahle ya 2-4 din pahle bhag jati. Uske pass pura mauka tha. Wo shadi se bhagna nahi chahti thi, lekin uski kismat kahiye ha anterman ki pukar. Usne achanak se ye faisla kar gayi, jo shayad mujhe ek had tak thik bhi lagta hai…


Himanshu:- wo kaise?


Nandita:- Kyonki mujhe to apni bachi ke liye Nischal se acha koi ho hi nahi sakta, aisa lagta hai?


Priya:- lekin Nandita na to uske bare me hume kuch pata hai aur na hi uske kul aur khandan ka kuch pata hai.


Nandita:- Maa kul aur khandan ko jaan kar kya uske naam ka dhol pitna hai. Cheracter hi sabse bada certificate hai, jise Nischal ne shabit kiya hai. Ek ore Shresh ko dekh lijiye jo kewal baten to achi-achi karta hai, lekin sab ek bhrm jaisa lagta hai, wahin uss ladke ko dekhiye.. sab kuch karta bhi hai aur kuch kahta bhi nahi. Baki mai to yahi kahungi Shresh ho ya Nischal ho ya koi aur, aap log bina kisi dawab ke Jivisha ko faisla karne dijiye… Manti hun shararten bahut hai Jisa ke ander, lekin wo murkh nahi jo sahi galat na pahchan sake. Haan lekin aap logon ka dawab aise hi bana raha, jaise kayi dino se uske sath begano ki tarah bartaw karte aa rahe hai... Fir bhul jaeye ki wo khud se koi sahi faisla bhi kar sakti hai.…


Aaj to jaise bite dino ke pure anubhaw aur schai ke itihas ko Nandita ne ulat kar rakh diya ho. Dono dampatti lagatar apni kiye ke liye sharminda par sharminda huye ja rahe the. Jivisha ki hansi ke bina iss ghar ka sunapan kahin na kahin to dono ko pahle se khal hi raha tha, kintu baat ab tir ki tarah chubhne lagi thi. Dono dampatti ander se yah sochne par majboor ho chuke the…… Yadi unka shadi ko lekar galat faisla na liya gaya hota to ek ke baad ek itni sari ghatnayen na hui hoti… Unke kewal ek galat faisle ne, ek puri nayi kahani ko he janm de diya tha.


Himanshu aur Priya se lagbhag ab rukna namumkin sa ho gaya tha... Unhone sari baton ki jankari aur sahi galat ka aaklan, apne dono beton ko bhi bata kar, ghar bula liya. Pure priwar ne anth me yah faisla kiya ki aaj Jivisha ki hansi wapas lane ke liye har koi uske college jakar Nandni aur Nischal se dil se mafi mangege aur Jivisha se bhi mafi mangte huye usse puri tarah se khud ke faisle lene ke liye swatantr kar denge.


Pura he pariwar college pahunch gaya.. lekin college mein to koi tha he nahi. Idhar behrupiya Apini jo Kunal ke vesh me tha, usse pata tha ki Jivisha aur Kasak kahan gayi hai. Pariwar me aur tanaw badhane ki mansa se usne sabko Nandni ke flat ka adress dete huye tane bhade shabdon me kah diya, "Sab raas lila manate wahin ussi ke flat me mil jayenge"…


Ek ore jahan Jivisha aur Kasak, Nandni ke flat par pahle nikal chuki thi, wahin ab Sawalker apne case ki tahkiqat ke liye Nischal ke pass pahunch raha tha.. aur ab ye pura khandan.. surprise dene ke irade se nikle to the lekin college aakar khud hi surprise hokar teji me Nandni ke flat ke ore nikal gaye…

nandita ne toh class hi le li dono saas sasur ki..
bichare kare toh kya kare dono... chalo achha hai ki ab dono ko ehsaas toh hai ki dono ne hi galat kiya un teeno ke saath...
........
Khair... (abhi ke liye jivu ke pariwar wale nischal aur nandu flat pe nahi jaate. nain11ster..is baat pe gaur kariyega. )
Let's see what happens next
Brilliant update with awesome writing skill nainu ji

 

[Akky]

Kahani hi yaad wala chahiye .. mera pm aap ke pass aa jayega .. bus wo scene yaad karke bata dijiyega

Yaad karne ki kosis karunga I try my best

 

[krish1152]

Mast update ab nandini ke flat per kya hungama hoga

 

[nain11ster]

abhi ke liye jivu ke pariwar wale nischal aur nandu flat pe nahi jaate. nain11ster..is baat pe gaur kariyega. )

Ye nawa add hai .. enjoy the show .. I know wahan kaun kaun hai .. lekin maine kuch badlaw kiye hain

 

[nain11ster]

Congrats for new story. Naam se hi lag raha hai ki bahut achi love story hogi. Padh kar jarur bataugi kaisi lagi mujhe

Ji shukriya neelam ji ... Abhi naam se kya lagna hai .. ab to kahani bahut aage bhi badh gayi hai to kaam se hi aap judge karke dekh le ki .. kaisi love story hai... By the way thanks and

 

[Naina]

Ye nawa add hai .. enjoy the show .. I know wahan kaun kaun hai .. lekin maine kuch badlaw kiye hain

Okay but zyada mat kariyega

 

[DARK WOLFKING]

achchi kahani hai ...waiting for next update....

 

[Aakash.]

Apini is doing wrong things with innocent girl, I did not like it at all, such a painful incident is happening again, I can't see this happening, innocent girls dying one after the other, You don't care, I want to see the painful death of their entire group. Nishchal was too late to arrive, I did not like anything.

Innocent Jivisha does not understand anything. How did Jivisha beat her so hard or how much strength was there in her? And if she is a fake Jivisha, then where is the real Jivisha or is it a real Jivisha and also a Alien. By the way I love Jivisha.

I completely agree with Nandita. There is only one sensible who understood my problem. Now Nandini will have a show in the flat.

As always the update was great, You are writing very well, Now let's see what happens next, Till then waiting for the next part of the story.
Thank You...
???​

 

[Vikram Bhosle]

Awesome update's