Romance Kasam - Love is not Everything (Completed)

[Nevil singh]

UPDATE 131​

Maa aap aur Di ko shaadi mein aana hoga.

Atul ne khamoshi ko tod kar kaha...Kaha kuch der pehle sab khush thhe Atul aur Nisha ko saath dekh kar...Lekin Atul ki iss baat ne sabhi ko niraash kar diya...Khaas kar Atul ke Papa ko.

Atul:- Sirf aap dono.

Iss baar Atul ne Gaurav aur Papa ko dekhte hue kaha jo jakhm me namak daalne ka kaam kar raha tha.

Fir se ek khamoshi chhaa gaya...Maa aur Di bhi kuch bol nahi paa rahe thhe aur Gaurav aur Papa kuch bol nahi sakte thhe.

Atul:- Di, kya Nisha aapke room mein reh sakti hai kuch din ke liye?

Nidhi:- Haan...Jarur.

Bas itna hi bol paayi Nidhi...Kaha wo sasural se Atul ko milne aayi thi...Uski khushi dekhne aayi thi itne saalo ke baad lekin Atul...Wo Atul ke liye khush to bahut thi dono ko saath dekh kar lekin Atul ki ye kadwi baat...Ye baaton me bhi alag hi dard tha.

Atul fir apne room ki taraf jaane hi wala tha ki.

Gaurav:- Bhai.

Himmat kar ke Gaurav ne Atul ko rokne ki koshish ki.

Atul waapas mud kar Gaurav ko ghurta hai.

Gaurav:- Kam se kam Papa ko bhi bula leta.

Atul:- Mujhe fir se shadi nahi tudwana hai.

Papa ki taraf dekhte hue Atul ne kaha.

Gaurav:- Tujhse ye ummeed nahi tha.

Niraash aawaj me Gaurav ne kaha.

Atul:- Accha, Bura ka gyan de bhi kaun raha hai?

Atul hanste hue bola.

Gaurav:- Haan bura tha mai...Lekin iska ye matlab nahi ki aur bhi galtiyan karu aur kisi ki galti par chup rahu ye soch kar ki kabhi mai bhi galat tha.

Atul ne kuch nahi kaha.

Gaurav:- Maanra hun maine tere saath galat kiya hai...Nafrat karta tha tujhse...Lekin Papa...Unki kya galti?

Atul:- Galti unka nahi...Mera tha...Maine hi kuch jyada expectation kar liya tha unse...Ye expectation ki ek pitaa ko unke santaan ki prati farz nibhaane ki...Lekin shayad ye kuch jyada tha.

Puch Papa se...Kabhi wo mere kisi success ke liye khush thhe? Kabhi mera kisi iccha ko dil se pura kiya? Puch.

Hamesha tujhe hi apna beta maana hai unhone...Ye galat nahi...Apne beta se pyar karna galat nahi...Lekin bhedbhaaw?

Puch? Ye biased hai ya nahi? Puch?

Atul ki aawaj me jamaane bhar ka gussa tha...Bolna to aur bhi chaahta tha wo lekin bola nahi.

Gaurav:- Mujhe puchne ki jarurat nahi.

Ye sun Atul gusse mr bhi muskuraata hai ye soch kar ki Gaurav ke paas uske sawaal ke jawaab nahi hai.

Gaurav:- Kyu ki mai jaanta hun kitna pyar karta hai ye tujhe...Dekha hai, mehsus kiya hai...Puchne ki jarurat nahi hai.

Hamesha chaaha maine tere liye Papa ke dil me nafrat paida karu...Tera galtiyan dikha kar bahut baar tujh par gussa hone ke liye majbur karne ki...Lekin Papa me kabhi badlaaw nahi aaya...Ye jitna pyar mujhse karte hai utna tujhse hi karte hai.

Atul:- Tera ye joke itna bakwas hai ki mujhe hansi bhi nahi aa raha hai.

Gaurav:- Agar tu Papa ko galat samajhta hai to tu bhi galat hi hai.

Atul kuch nahi bola...Bas gusse se Gaurav ko ghurta raha.

Gaurav:- Papa ko tu jaanta hi hoga...Wo kabhi jyada baatein nahi karte...Bas jarurat ki hisaab se...Tujhe lagta hai ki Papa tere utna karib nahi thhe...To mai pucchta hun ki tune Papa ke karib jaane ki koshish kabhi kiya?

Atul iss sawal par kuch bol nahi paaya.

Gaurav:- Mai jaata tha...Haan makshad alag tha...Lekin fir bhi jaata tha...Issi liye tujhe lagta hai ki Papa sirf mujhse hi pyar karte thhe.

Lekin maine khud ko special kabhi feel nahi kiya iss maamle mein...Wo tujhse fir bhi utna hi pyar karte thhe.

Atul abb Gaurav ki baat seriously sunne laga.

Gaurav:- Aur tera MBBS mein admission ki vakt !!! Haan tera aur Papa ke bichaar alag thhe...Tera complaint ye tha ki Papa tere wish ke khilaaf hai.

Tu apni jagah sahi tha...Lekin Papa bhi galat nahi thhe...Unhone apne time ke struggle dekha hai...Unhe laga ki tu business ko continue karke accha khasa paisa kama sakta hai.

Tu chahta to Papa ko acche se samjha sakta tha...Lekin ek do baar samjhaya...Papa convinced nahi hue to apne dimaag me ye baat set kar li ki Papa teri wish pura karna nahi chaahte aur unhe aur samjhane ki koshish hi bekaar hai.


Atul abhi bhi bas Gaurav ki baat sun raha tha.

Gaurav:- Ek baat kahu...Agar jitna time tu Nisha ko deta tha usse aadha Papa ko deta to aaj baat aur hoti.

Atul:- Aeeee....

Gusse me chikha Atul.

Gaurav:- Sach baat hai ye...Aur waise bhi gu sirf unhi se baat karta tha jo tujhe pyar dikhate thhe...Maa, Di, Nisha aur tere dosto ke alawa kisi se tune kabhi time spend kiya hai?

Atul iss baar bhi kuch bol nahi paaya.

Gaurav:- Ghamand to tujh me tha...Iss baat ki ghamand ki tu sahi hai aur tujhe unki koi jarurat nahi jo tujhe matlab naa de.

Agar Papa ke saath thoda bahut time spend karta to pata chalta kitna pyar karte hai ye tujh se...Agar Papa me kuch kami hai to ye ki ye apne feelings ko acche se jaahir nahi kar paate.

Yaad kar...Tera pocket money...Tujhe lagta hoga ki ye tujhe Maa se milta tha...Lekin Papa hi Maa ko vakt se dete thhe...Ye keh kar ki tujhe koi kami nahi hona chaahiye...Bahut baar dekha hai maine khud hi...Tera har demand bike, laptop, Mobile, Internet, Sports, Tour...Kisi me bhi bina koi sawal kiye pura kiya hai.

Lekin tujhe...Tujhe to sabut chahiye.

Aur tujhe lagta hai ki unhe tera success se koi matlab nahi...Jab tu yaha se chala gaya tab maine kayi baar suna hai Papa ko apne dosto ke saath baat karte hue...Bahut taarif karte thhe ye teri acchaayi ki, teri success ki.

Lekin tu...Jab tak nahi sunega nahi dekhega vishwas nahi karega.

Aur Papa ka tere liye pyar ka ek aur example...Jab tunr Nisha se shadi ki baat Papa ko bataya...Kuch vakt lene ke baat ye maan gaye mere lakh bhadkaane ke baawjud...Tere liye apni dushmani tak bhula diya.


Atul:- Aur shaadi kisne toda tha?

Gaurav:- Papa ne...Lekin saamne kaun hai ye bhi to dekh...Mere plan ne Papa ko majbur kar diya ye faisla lene me.

Pehle bhi bata chuka hun...Ye hum teeno se barabar pyar karte hai.

Maine haalat aisa bana diya aur Papa ko bataya ki Nisha ki Papa ne mujhe unke ghar me maara aur Papa ko bhi bahut baatein sunaya.

Tere liye Papa mere saath galat nahi kar sakte thhe...Aur maine Nisha ki Papa ko villain ki tarah dikhaya...Aur ye bhi ki tujhe Nisha se bhi acchi ladkiyan mil jaayengi.

Warna Papa love marriage ke against nahi thhe...Maine bhi love marriage kiya hai aur Di ne bhi...Tera bhi hone wala tha...

Atul gusse se Gaurav ko dekhta hai ye sun kar ki usne saajish kiya tha dono ko alag karne ki...Ek baar fir wo pal yaad aa gaye.

Gaurav:- Aur Papa jitna pyar karte hai utna hi naaraj bhi hote hai...Jab maine ye sachaayi unhe bataya to unhone mujhe aaj tak maaf nahi kiya ye jaan kar ki anjaane me tere saath naa insaafi hua hai...Aaj tak sidhe munh kabhi Papa ne mujhse baat nahi kiya hai uss din ke baad.

Atul ko bhi realize hua ki usne bhi aaj kal Papa ko Gaurav ke saath baat karte nahi dekha hai.

Gaurav:- Agar tujhe lagta hai Papa itne galat hai to Maa aur Di se hi puch le.

Atul dono ko dekhta hai.

A. Mom:- Nahi wo shadi ke vakt wali baat ko chhod kar tere Papa galat nahi thhe.

Atul kuch bol nahi paya.

Gaurav:- Haan pyar dikha nahi paaye...Iska matlab ye nahi ki ye pyat hi nahi karte thhe...Pitaa hone ki har ek jimmedaari nibhaya hai Papa ne...Bas apna pgar jataa nahi paaye...Yahi kami thha Papa me aur aaj bhi.

Aaj bhi wo tujh se baat karne ki himmat nahi jutaa paa rahe hai.


Gaurav:- Tu hi soch...Samajhdaar hai tu...Kya Papa ki anjaane me hua galti itna bada tha ki unhe 6 saal ki naarajgi sehna chaahiye?

Pehle mai galat tha...Aur agar abb tune maaf nahi kiya to abb galat tu hoga.

Gaurav ki iss baat ne Atul ko sochne par majbur kar diya.

Gaurav:- Maa ka pyar ko to sabhi mahaan maante hai...Aur wo hai bhi...Lekin Pita ka pyar? Wo underrated hai...Aur kayi baar unhe sabut bhi dena padta hai.

Maa ki aansu to sab ko dikhta hai lekin Pita ke haatho ka ghaaw aur jakhm? Kya uska koi mol nahi.

Maa bacche ko pyar se paalti hai, pyar se bada karti hai...Lekin Pitaa...Wo bhi to har jimmedaari pura karte hai.

Maa ka pyar mahaan hai aur hona bhi chahiye...Lekin Pitaa ka pyar ko bhi kam nahi sochna chahiye...Aakhir yahi dono to hai jo hume ek behatreen jindagi dete hai.


Kabhi sochna iss baare me...Aur ye bhi ki Papa ne tere jimmedaari me koi kami rakha hai ya nahi?

Agar maaf kar sakta hai to maaf kar dena.

Itna keh kar Gaurav chup ho gaya...Uske aankho se bhi aansu aane lage.

Ghar me maujud sabhi ke haal waisa hi tha...Sab chaahte thhe Atul Papa ko maaf kar de...Aur shayad Atul khud bhi.

Kabhi socha nahi tha Gaurav ki baat usse sochne par majbur karega...Lekin aaj...Aaj to sahi baat kaha tha usne.

Ek najar Atul ne Papa ko dekha jo Atul ko aas bhari najro se dekh rahe thhe.

[Friends abb story mein 2 update aur baaki hai...Ye update thoda long ho gaya...Issi liye kal iska continuation update post karunga.]

lovely update dost.

 

[Nevil singh]

UPDATE 132​

Kal fir agar tere bacche bhi tere saath waisa hi kare to ye mat kehna ki galti unki hai...Shikayat karne ka hak tere paas nahi rahega?

Atul ko chup dekh Gaurav ek baar fir bola.

Atul kuch der aur sochta raha...Ek baar sabhi ki taraf dekha...Sab usse ummeed bhari najron se dekh rahe thhe.

Abb Atul utth kar Papa ke paas pahuncha aur jhuk kar unke pair chhu liya.

Papa bhi usse uthaa kar gale laga lete hai.

Dono ke hi aankhon mein aansu thhe...Ek sukoon.

Atul:- Bacchon ki baat to bahut der ki hai...Unki baare mein kuch socha bhi nahi.

Pehle jo galat karne jaa raha hun wo karne se khud ko rok raha hun.

Fir Atul apni Papa ki taraf dekhta hai...Shayad hi unhe itna khush kabhi usne dekha tha...Dil se ek bahut bada bojh utar gaya tha.

Atul:- Papa...Aaj bhi yaad hai mujhe...Aap mere kitne bade se badi galtiyan maaf kar chuke hain.

Bachpan mein aap ke dost ke hi paise churaana ho yaa fir pados ke ek ladke ko peet peet kar hospital mein admit karaana ho.

Ghar mein aaye mehmaan ko pareshaan karna ho yaa fir gussa nikaalne ke liye ghar ke hi saamaan ka tod fod jaise naye tv aur laptop.

Bahut shararat kiya bachpan mein...Lekin aapne hamesha mujhe maaf hi kiya tha.

Abb sab kuch yaad aa raha hai.

Aap ne hamesha mujhe maaf hi kiya hai toh kya mai aapki ek galti maaf nahi kar sakta jo anjaane me hua aur usme kahi naa kahi mera bhi galti tha.


A. Dad:- Nahi tera galti nahi tha...Har bacche ka iccha aur hak hota hai ki uske Maa Baap usse bahut pyar kare aur uska khayal rakhe.

Lekin mai...Uss vakt thoda busy tha aur paiso ki jarurat mein kaam me itna vyast ho gaya ki tujh par utna dhyan nahi de paaya.

Mai excuse nahi de raha hun uss vakt mai galat tha...Busy hone ke baad bhi thoda vakt nikaalna chahiye tha...Jo nahi kar paaya aur uss vakt shayad samajh bhi nahi paaya.

Dhire dhire tu bada hota gaya...Tu apne Maa aur Didi ke karib tha jo hamesha tera khayal rakhti thi...Mai bas tera jarurat hi pura karta tha...Vakt nahi nikalta tha.

Gaurav ye khud mere paas aata tha...To iske saath baatein kar lets tha...Aur issi vajah se shayad tujhe laga ki mai sirf iss se pyar karta hun.

Pyar to sabhi ko karta hun lekin shayad dikha nahi paaya...Pehle se hi mai jyada baatein nahi karta tha...Shayad yahi mera sabse badi galti saabit hua...Pyar karna hi kaafi nahi jataana bhi padta hai.

Dhire dhire humare bich baatein aur bhi kam hone laga...Shayad baatein karne mein bhi jhijhak si hone laga tha...Mai bas ek pitaa ki jimmedaari ke roop mein tera jarurat pura karta chala gaya...Vishwash bhi shayad kam hota chala gaya hum dono ke rishte mein.

Aur dekhte hi dekhte anjaane me kya se kya ho gaya.


Atul:- Taali ek haath se nahi bajta...Mai bhi anjaane me hi sahi galti mein shamil tha...Aap mere paas nahi aaate thhe to mai bhi aapke paas nahi jaata tha.

Attitude problem...Shayad kuch jaldi hi ye baat dimaag mein baith gaya tha...Bahut pehle hi ye sochta tha ki agar koi mujhe ignore kare to mai bhi usse ignore karunga.

Aap ko bhi karne laga...Bas jarurat ki baatein hi karta tha aapse.

Shayad uss vakt attitude ko bhul kar thoda samajhdaari se kaam chalana chahiye tha.


Issi tarah dono Baap Bete apna gile shikwe dur karte hai...Dono ke dil se ek bojh utar gaya tha aur uski jagah liya tha sukoon ne...Ek khushi ne.



Gaurav:- Bhai ho sake to mujhe bhi maaf kar de.

Ek paschataap bhari aawaj me Gaurav ne kaha.

Atul bas usse ghurta raha.

Gaurav:- Iss maamle mein tujhe jor jabardasti nahi kar sakta...Kyu ki mai shayad uss laayak bhi nahi hun.

Atul:- Lagta haj abb tu bhi koi gheesa pitaa kahani sunaane wala hai.

Gaurav:- Shayad aisa lag sakta hai tujhe...Lekin jo kuch bhi bolunga sach hi bolunga.

Gaurav ne ek lambi saans liya aur bolna suru kiya.

Bachpan se hi tu mujhe pasand nahi tha...Kabhi tujhe apna bhai maana bhi nahi...Hamesha se nafrat karta aaya hun.

Chhoti si umar me hi kuch aise dosto ka saath mila jo kisi ke bhi jindagi tabaah karne ke liye kaafi ho.

Chhote se bade har tarah ke dost thhe...Unke saath uthna baithna, badmaasi karna yahi sab mera kaam hota tha.

Unse hi suna tha ki ghar mein do bhai hona acchi baat nahi hai...Maa aur Papa ka pyar bant jaata hai...Paise aur sab kuch aapas mein bat jaata hai.

Aur jab tu paida hua tab ye baat sach bhi laga...Dekhta tha ki Maa ka dhyan mujh se jyada tujh par hai...Aisa lagta tha jaise Maa to mujhe bhul hi gayi hai...Aur jab tu thoda bada hua to mera khilauna bhi tera ho gaya.

Tabhi se wo baatein sach lagne laga...Acche se sahi galat samjhane wale kam thhe aur kaan bharne wale jyada.


Aur jab jawaani ke time me aaya tab ye duriyan bahut badh gaya...Pehle hi aise doston ka sangat mein kaafi bigadh chuka tha...Bahut jald cigarette, gaanja aur daaru bhi suruwaat kar diya tha.

Aur aise mein tera dakhal andaazi mujhe bilkul bhi pasand nahi tha...Har bit te din tujhse aur bhi nafrat hone laga tha.

Tu bhi mujhse nafrat karne laga...Tera mujhse naa darna aur har baat ka jawaab dena...Ye humaari dushmani ko kaafi aage le gaya.

Upar se dosto ki baaton ka asar ki Papa ki sabhi property hum dono mein divide ho jaayega...Issi vajah se Papa ke dil mein tere liye nafrat gholna suru kar diya aur tujhe ghar se nikaalne ka planning suru kar diya.

Lekin ussi vakt Riya se pyar ho gaya...Uski pyar mein itna andha tha ki kuch bhi kar leta tha bina soche samjhe...Mai to isse bahut pyar karta tha lekin ye mujhe kyu pyar karti hai aaj tak samajh mein nahi aaya...Naa hi iske paas paison ki koi kami tha aur naa hi kisi cheej ka.


Khair, ye chahti thi ki tera shaadi Preeti se ho...Iss liye ghar se nikaalne ka plan cancel kar tujhe Nisha se alag karne ki koshish mein lag gaya.



Atul:- To ab ek raat mein kaise badal gaya?

Gaurav:- Badlaaw ek raat ki nahi hai...Kayi saal ki hai.

Jab tu ghar chhod kar gaya to mai bahut khush tha...Sab kuch mere hisaab se chal raha tha.

Ek din Papa ko business mein bahut loss ho gaya...Haalath aisa tha ki ghar chalana bhi mushkil ho gaya tha.

Uss vakt...Mera wo koi dost mera kaam nahi aaya...Khushi mein to sab saath deta hai lekin gham mein? Ek pal mein pata chal gaya kaun apna hai aur kaun paraya !!!

Tu bhi itna dur chala gaya tha ki shayad hi kabhi wapas aata.

Majburi mein mujhe kaam sambhalna pada...Tab dhire dhire pata chala jindagi kya hota hai?

Sangharsh kisse kehte hai? Majburi kisse kehte hai? Bure din kisse kehte hai?

Sab kuch sikh gaya ussi pal mein...Ye bhi pata chala ki jindagi sirf saajish nahi hota hai...Aur jindagi itna aashaan bhi nahi jitna mai sochta tha.

Jab kaam karte gaya tab pata chala jindagi ko imaandaari se jeena kitna mushkil hota hai...Mushkil to hota hai lekin alag hi sukoon milta hai.

Kisi tarah apne ghar ko sambhaal raha tha...Aur ussi vakt Aarav ka janm hua...Soch liya tha ki isse galat raaste par jaane nahi dunga...Jo galtiyan khud kiya tha wo usse karne nahi dunga.

Ghar aur Aarav ko sambhalte sambhalte mujh mein bahut badlaaw aaya...Maa se baat karta to sirf ek hi baat pata chalta...Wo tujhe fir se iss ghar mein dekhna chaahti thi.

Tab jaake ehsas hua kitna bada galti hua hai mujhse...Tere saath hamesha galat kiya wo bhi dusro ke kehne par...Har baar mujhe khud ki hi galti dikhne laga...Nafrat sa ho gaya khud se ki be wajah tera jindagi tabaah kar diya.

Maine jis kisi ka bhi nukshaan kiya tha unn sab se maafi maanga...Papa se bhi sach keh kar maafi maang liya...Lekin mujhe maafi nahi mila.

Aur fir issi paschataap mein aaj bhi jee raha hun ek ummeed ke saath ki humaare pariwar mein sab kuch thik hoga...Abb nahi chahiye mujhe koi paisa koi property jo har cheej kharid sakta hai lekin khushi nahi, sukoon nahi aur naa hi chhain.

Mujhe tu chahiye Atul apne chote bhai ke roop mein...Bachpan to miss kar diya lekin jab dusra mauka mila to chahta hun abb bade bhai ka farz nibhaane ka.

Itna keh kar Gaurav chup ho gaya aur Atul ko dekh fir bola.

Gaurav:- Agar tu mujhe maafi ke laayak samajhta hai to please maaf kar dena.

Atul kuch der sochta raha aur fir Di ki taraf dekha...Shayad abhi bhi usse Gaurav par bharosha nahi tha aur aise hi fir wo Gaurav par vishwash karna nahi chahta tha.

Maa ki taraf dekha toh wo bhi ummeed bhari najron se Atul ko dekh rahi thi.

Di ki taraf se bhi ishara mein jawaab aaya ki Gaurav sach keh raha hai.

Atul kuch der soch hi raha tha ki usse ek phone aaya...Phone Ajay ka tha.

Wo phone pick karne baahat jaane laga...Raaste mein Gaurav ki kandha par haath rakh usne apna jawaab de diya.

Gaurav ne sukoon mein aankhein band kar liya...Maa ki bhi aankho se aansu aa gaye...Unka sapna pura ho gaya...Pura pariwar ek hone ka.






Atul:- Kaha hai wo?

Nafrat bhari aawaj mein Atul ne pucha.

Ajay Atul ko Ravi ke paas le gaya.

Gusse mein Ravi par do chaar mukkon ka barsaat kiya Atul ne...Fir bhi.

Ravi:- Kitna bhi maar...Lekin mujhe afsosh nahi...Khush hun ki tera itna vakt barbaad kar diya.

Atul bas usse gusse se dekhta raha...Andar hi andar wo kuch soch raha tha.

Ravi:- Ek baat bata...Aakhir mere pyar mein kya kami tha jo Nisha mujhe nahi tujhe pyar karti thi?

Iss baar Ravi ki baaton mein dard tha.

Atul:- Tujh jaise ghatiya insaan se kaun pyar karega...Tu insaan ghatiya, tera pyar ghatiya aur tera pyar ka choice bhi ghatiya.

Agar tu sach mein Nisha se pyar karta to uski khushi ke liye sochta...Uske pith piche saajish nahi karta.

Aur tu mera pyar se compare karta hai...Nisha jab suru mein mujhse baat nahi karna chahti thi to mai usse dur hi rehta tha...Hamesha uska respect kiya.

Tera pyar mein Nisha ke liye khushi aur sammaan hai hi nahi...Hamesha tune khud ka socha...Pyar nahi tera junoon tha ye.

Fir Atul chup ho gaya aur Ajay ko side mein bulaa kar.

Atul:- Abb isse aur mauka nahi de sakta...Agar mai kuch karne laga to ye pakka mar jaayega.

Tu hi kuch kar iska...Physically nahi mentally...Ek khauff bitha de iska dimaag me jisse ye kabhi ubhar hi na paaye...Aur kuch karne ka soche bhi nahi...Aur baad mein uss Rohit ka bhi. (Atul ka classmate jisne Nisha aur Ravi ki shaadi ki jhuthi photo Atul ko dikhaya tha.)

Iss baar Atul ki har ek baaton mein nafrat tha...Wo apne gunehgaar ko maaf karne ka mood mein bilkul bhi nahi tha.

[Abb bas ek short and sweet update baaki hai aur fir story complete.]

Beshkimti update hai mitr.

 

[Nevil singh]

UPDATE 133 (FINAL)

6 YEARS LATER​

6 saal baad kaafi kuch badal gaya tha sabhi ki jindagi mein...Atul apne pure family ke saath gaanw shift ho chuka tha...Atul aur Nisha dono hi ussi hospital mein as a doctor kaam karne lage thhe.

Hospital ke alawa dono ka apna clinic bhi tha...Jaha free time mein dono kaam karte thhe...Iske alawa Gaurav ne bhi apna business suru kiya tha.

Kul milaa kar puri family sukh aur shaanti se jee rahe thhe...Pariwar mein sab kuch thik chal raha tha Gaurav aur Riya ko chhod kar...Abhi bhi dono mein khas jamta nahi tha.

Gaurav sirf 2 cheej ka hi intejaar kar raha tha aaj bhi...Ek yaa to Riya puri tarah se badal jaaye aur dusra yaa fir Riya usse chhod kar chala jaaye...Lekin dono mein se kuch bhi nahi ho raha tha aur naa hi Gaurav ko kuch khas matlab tha...Wo to Riya se iss tarah tang aa chuka tha ki abb wo ye bhi jaanna nahi chaahta tha ki Riya ke dil mein kya hai...Uska dhyan abb sirf Aarav, family aur business par tha.

Riya bhi abb pehle ki tarah Gaurav par hak jamaa nahi paa rahi thi aur naa hi apna kuch bhi marji chala paa rahi thi...Abb wo bhi sirf Aarav par hi dhyan deti thi.


Atul ke Papa aur Maa bhi apne bacchon aur pota poti ke saath vakt bitaate thhe.


Shreya ka bhi gaanw ke hi ek ladka ke saath shaadi ho gaya tha...Suruwaat mein kaafi mushkil hua usse aage badhna lekin Atul ke liye wo aage badh hi gayi apne dil ke aage majbur hone ke baawjud bhi.
Dhire dhire wo bhi apne life mein settle ho gayi aur apne pati ke saath khush rehne lagi.

Aaj bhi Atul aur Shreya ka dosti bahut hi khaas tha...Dono hi ek dusre ke ghar ke function mein shaamil hote aur jarurat padne par ek dusre ka saath dete.

Aur dono ek aur kaam mein ek saath hote...Shreya ki Papa par jor jabardasti karne ke liye...Kisi bhi tarah dono unko dawaai khilaa hi dete unke marji se yaa fir unke marji ke khilaaf .


Nisha ke mil jaane se Atul ka khushi ka koi thikaana hi nahi tha...Shaadi ke 6 saal baad bhi Atul ka deewanapan mein koi kami nahi tha...Aaj bhi naye naye tarike se wo apna pyar Nisha ko jataata tha...Uski har khwahish pura karta tha...Nisha se alag hone ke baad jaanta tha wo ki Nisha kya ehmiyat rakhti hai uski jindagi mein...Agar kabhi dono mein ladaai hota bhi to dono pyar se ek dusre ko manaate.

Shaadi hone ke baad dono kabhi kabhi Nisha ki gaanw bhi jaate thhe waha ki jarurat mand logon ki sewa karne.

Atul aur Nisha ki social life bhi kaafi accha chal raha tha...Atul ka dosti Ajay, Shreya aur Aamir se kaafi gehra ho gaya tha to kabhi kabhi wo Rahul sir se bhi mil leta...Kabhi kabhi Kajal se bhi baatein ho jaata tha phone mein.

Wohi Nisha ka Anjali se dosti fir se kaafi accha ho gaya tha aur College ke kuch aur friends ke saath bhi.

Dono hi apno mein aur dosto ki khushi dekh bahut khush thhe.



Aise hi ek din apna duty khatm karne ke baad Atul apne ghar aata hai.

Gate mein pahunchte hi usse hairani hota hai.

Atul:- Ye aap?

Nisha ki Papa ko apna samaan ke saath dekh wo hairaan tha.

N. Dad:- 2 din reh liya...Abb jaane ki soch raha hun...Tumse milne hospital hi aane wala tha.

Atul:- Kuch din aur reh lete.

N. Dad:- Fir kabhi aaunga?

Atul kuch bolta usse pehle hi.

N. Dad:- Ye mat sochna ki tumhe aise hi chhod dunga...Time time par supervision karta rahunga tumhara...Bhulna mat tum bhi ek beti ka pitaa ho...Mujhse bhi accha parwarish karna hoga tumhe Meera ka.

Baat to unhone mushkuraate hue kiya lekin unki baaton mein ek dhamki bhi tha...Atul bhi muskuraate hue.

Atul:- Niraash nahi karunga

Muskuraate hue Atul ne jawaab diya.

Fir wo apne Sasur ke paas aa kar unke pair chhu kar unhe vidaa karta hai.



Papa mai dawaa nahi khaungi!

Ek pyari si aawaj mein Meera apne Papa ki taraf aate hue boli.

Atul:- Kaun khila raha hai meri pyari si beti ko dawaa?

Atul ne Meera ko apni baaho mein utha kar pucha.

Meera:- Maa.

Naraajgi bhari aawaj mein Meera ne kaha aur Nisha se munh fer liya.

Atul:- Ye galat baat hai Nishu...Meera dawaa nahi khayegi.

Meera:- Thank you Papa.

Atul:- Wohi dawaa mai Meera ko injection laga kar dunga.

Ye sunte hi Meera Atul par toot padti hai...Aur jor jor se Atul ki kandhon par mukko ki barsaat karne lagti hai.

Meera:- Papa aap bahut bure hain...Doctoe hai to kya injection laga denge...Maa aap acchi hai...Bahut acchi hai...Sweet mom.

Meera ki baat aun Nisha , Atul ke saath ghar ke sabhi hasne lagte hai.

Atul:- Agar dawaa nahi khaaogi to bukhar se theek kaise hogi tum...Aur theek nahi hui to ice-cream kaise khaogi?

Ice-Cream sunte hi.

Meera:- Mai khaungi dawaa.

Baat ke saath saath Meera ki aawaj bhi badal gayi.

Nisha:- Aur Harsh (Atul ka chhota beta) ke saath kaun khelega?

Abhi chalne aur muskuraane ki koshish karte hue Harsh ki taraf dekh Meera boli.

Meera:- Mai.

A. Dad:- Aur apne Dada ke saath Tv kaun dekhega?

Meera:- Mai.

A. Mom:- Aur Dadi ki kahani kaun sunega.

Meera:- Mai.

Gaurav:- Aur maine jo dairy milk laya hai wo kaun khayega?

Meera:- Mai.

Riya:- Aur mere saath shopping par kaun chalega?

Meera:- Mai.

Aarav:- Mere saath ludo kaun khelega?

Meera:- Nahi bhaiya...Mai aapke saath ludo nahi khelungi...Aap hamesha beimani karke mujhe hara dete ho.

Munh fulaate hue Meera boli.

Fir issi tarah manaa kar Atul Meera ko dawaai khila deta hai.

Ghar ka maahaul khushaal tha...Aarav aur Meera ki vajah se sabka man laga rehta...Harsh ka parwarish mein bhi sabhi bahut dhyan dete thhe.

At Night​

Meera aur Harsh soo chuke thhe.

Nisha:- Kya soch rahe ho?

Atul:- Kuch khaas nahi...Kal Meera ko school mein admission karaane ka soch raha hun.

Nisha:- Kya banane ka plan hai Meera ko? Doctor yaa Engineer?

Atul:- Kuch nahi...Meera wohi banegi jo wo decide karegi...Bas hume basic education dena hai aur acche sanskaar ke saath parwarish karna hai...Baaki iski life hai...Yahi faisla karegi apni jindagi ki.

Fir Atul Harsh ko dekh kar muskuraata hai.

Nisha:- Kya soch rahe ho?

Atul:- Soch raha hun...Bada ho kar ye kitna maar khayega mujhse.

Nisha:- Khabardaar jo mere bete par haath uthaane ka socha bhi to.

Iss baar munh fulaane ka baari Nisha ka tha.

Atul:- Agar badmaashi karega to maar to khayega hi!!!

Nisha:- Nahi ye koi badmaashi nahi karega.

Atul:- Majaak kar raha tha...Atul Jr. hai ye...Mujhse bhi aage jaayega ye.

Harsh ke sir ko sehlaate hue Arul ne kaha...Aur fir Meera ko dekhte hue.

Atul:- Hum dono ko mil kar inn dono ka hi acche se parwarish karna hoga.

Nisha bhi sehmati mein sir hilaa kar.

Atul:- Aise kya dekh rahi ho?

Nisha:- Kuch nahi...Bas soch rahi thi...Aaj bhi hum dono shaadi ke fere mein liye hue har kasam ko nibhaa rahe hai...Bas yahi dua hai ki aage bhi hum dono ke bich aise hi pyar rahega.

Atul:- Are kyun nahi? Abhi toh humaara pyar ko next level mein le jaana hai.

Atul ne confidence ke saath kaha...Aur Nisha ko apne baahon mein bhar liya.

Atul:- Thanks Nisha for loving me and making my life special.

Itna keh kar Atul ne pehle Nisha ke sir ko chuma aur dhire dhire uska honth Nisha ki taraf badh gaya.

THE END OF STORY NOT OF IMMORTAL LOVE

https://xforum.live/threads/kasam-love-is-not-everything.1095/page-254#post-964666https://xforum.live/threads/kasam-love-is-not-everything.1095/page-254#post-964666Writer's Note:- Click Here​

Behtreen andaaj se superhit kathanak ka samapan hua atulniye update ke sang. Adbhut sangam.

 

[Nevil singh]

Writer's Note​

Sabse pehle to aap sabhi ka bahut bahut shukriya mera ye story padhne ke liye...Aur story bhar saath bane rehne ke liye.

2 saal lag gaye story ko likhte likhte...Agar xossip band naa hota toh aur bhi jald complete ho jaata...Khair...Xossip ka adhura kaam yaha pura kar diya...Xp ke members jo story ko padh nahi paaye site band hone se ummeed hai unn dosto tak bhi jald pahunch jaaye ye story.

Aaj thoda ajeeb jarur lag raha hai ki ye story complete ho gaya hai...Aur abb ye story aur likh nahi paaunga...Bahut yaadein judaa hai iss story ke saath aur aap sabhi ke saath...Lekin story complete karne ke liye proud bhi feel kar raha hun...Aur kaafi khush hun ki aaj tak sabhi stories ko complete kiya hai.

Abb story complete ho chuka hai to aap sabhi ka comments ka intejaar jarur rahega ki story aap sab ko kaisa laga...Apna comments jarur dijiye.

Agar mujhe hi comment karna ho to yahi kahunga ki ye story mere liye bahut khaas hai...Kuch parts accha likhne mein kaamyaab raha to kuch parts aur accha likh sakta tha...Maine apni taraf se puri koshish kiya hai aap sab ke liye aur khud ke liye bhi ek accha story likhne ki.

Aakhir mein ek baar fir se shukriya adaa karunga unn sabhi readers ka jinhone mera story ko padha, saath diya aur aage likhne ka hausla bhi badhaya...Xp se le kar xf tak ka safar aap sabhi ke saath bahut accha raha...Story ke har pal aur har vakt saath bane rehne ke liye bahut bahut shukriya.

Aap sabhi ke saath se hi mai aaj stories likh paa raha hu...Uske liye bahut bahut dhanyabaad.

Ummeed hai aap mera new story EK Bhool 2 mein bhi jarur saath denge.

Ek Bhool 2:- Click Here

Laajwaab vichar.

 

[DAIVIK-RAJ]

UPDATE 133 (FINAL)​

6 YEARS LATER​

6 saal baad kaafi kuch badal gaya tha sabhi ki jindagi mein...Atul apne pure family ke saath gaanw shift ho chuka tha...Atul aur Nisha dono hi ussi hospital mein as a doctor kaam karne lage thhe.

Hospital ke alawa dono ka apna clinic bhi tha...Jaha free time mein dono kaam karte thhe...Iske alawa Gaurav ne bhi apna business suru kiya tha.

Kul milaa kar puri family sukh aur shaanti se jee rahe thhe...Pariwar mein sab kuch thik chal raha tha Gaurav aur Riya ko chhod kar...Abhi bhi dono mein khas jamta nahi tha.

Gaurav sirf 2 cheej ka hi intejaar kar raha tha aaj bhi...Ek yaa to Riya puri tarah se badal jaaye aur dusra yaa fir Riya usse chhod kar chala jaaye...Lekin dono mein se kuch bhi nahi ho raha tha aur naa hi Gaurav ko kuch khas matlab tha...Wo to Riya se iss tarah tang aa chuka tha ki abb wo ye bhi jaanna nahi chaahta tha ki Riya ke dil mein kya hai...Uska dhyan abb sirf Aarav, family aur business par tha.

Riya bhi abb pehle ki tarah Gaurav par hak jamaa nahi paa rahi thi aur naa hi apna kuch bhi marji chala paa rahi thi...Abb wo bhi sirf Aarav par hi dhyan deti thi.


Atul ke Papa aur Maa bhi apne bacchon aur pota poti ke saath vakt bitaate thhe.


Shreya ka bhi gaanw ke hi ek ladka ke saath shaadi ho gaya tha...Suruwaat mein kaafi mushkil hua usse aage badhna lekin Atul ke liye wo aage badh hi gayi apne dil ke aage majbur hone ke baawjud bhi.
Dhire dhire wo bhi apne life mein settle ho gayi aur apne pati ke saath khush rehne lagi.

Aaj bhi Atul aur Shreya ka dosti bahut hi khaas tha...Dono hi ek dusre ke ghar ke function mein shaamil hote aur jarurat padne par ek dusre ka saath dete.

Aur dono ek aur kaam mein ek saath hote...Shreya ki Papa par jor jabardasti karne ke liye...Kisi bhi tarah dono unko dawaai khilaa hi dete unke marji se yaa fir unke marji ke khilaaf .


Nisha ke mil jaane se Atul ka khushi ka koi thikaana hi nahi tha...Shaadi ke 6 saal baad bhi Atul ka deewanapan mein koi kami nahi tha...Aaj bhi naye naye tarike se wo apna pyar Nisha ko jataata tha...Uski har khwahish pura karta tha...Nisha se alag hone ke baad jaanta tha wo ki Nisha kya ehmiyat rakhti hai uski jindagi mein...Agar kabhi dono mein ladaai hota bhi to dono pyar se ek dusre ko manaate.

Shaadi hone ke baad dono kabhi kabhi Nisha ki gaanw bhi jaate thhe waha ki jarurat mand logon ki sewa karne.

Atul aur Nisha ki social life bhi kaafi accha chal raha tha...Atul ka dosti Ajay, Shreya aur Aamir se kaafi gehra ho gaya tha to kabhi kabhi wo Rahul sir se bhi mil leta...Kabhi kabhi Kajal se bhi baatein ho jaata tha phone mein.

Wohi Nisha ka Anjali se dosti fir se kaafi accha ho gaya tha aur College ke kuch aur friends ke saath bhi.

Dono hi apno mein aur dosto ki khushi dekh bahut khush thhe.



Aise hi ek din apna duty khatm karne ke baad Atul apne ghar aata hai.

Gate mein pahunchte hi usse hairani hota hai.

Atul:- Ye aap?

Nisha ki Papa ko apna samaan ke saath dekh wo hairaan tha.

N. Dad:- 2 din reh liya...Abb jaane ki soch raha hun...Tumse milne hospital hi aane wala tha.

Atul:- Kuch din aur reh lete.

N. Dad:- Fir kabhi aaunga?

Atul kuch bolta usse pehle hi.

N. Dad:- Ye mat sochna ki tumhe aise hi chhod dunga...Time time par supervision karta rahunga tumhara...Bhulna mat tum bhi ek beti ka pitaa ho...Mujhse bhi accha parwarish karna hoga tumhe Meera ka.

Baat to unhone mushkuraate hue kiya lekin unki baaton mein ek dhamki bhi tha...Atul bhi muskuraate hue.

Atul:- Niraash nahi karunga

Muskuraate hue Atul ne jawaab diya.

Fir wo apne Sasur ke paas aa kar unke pair chhu kar unhe vidaa karta hai.



Papa mai dawaa nahi khaungi!

Ek pyari si aawaj mein Meera apne Papa ki taraf aate hue boli.

Atul:- Kaun khila raha hai meri pyari si beti ko dawaa?

Atul ne Meera ko apni baaho mein utha kar pucha.

Meera:- Maa.

Naraajgi bhari aawaj mein Meera ne kaha aur Nisha se munh fer liya.

Atul:- Ye galat baat hai Nishu...Meera dawaa nahi khayegi.

Meera:- Thank you Papa.

Atul:- Wohi dawaa mai Meera ko injection laga kar dunga.

Ye sunte hi Meera Atul par toot padti hai...Aur jor jor se Atul ki kandhon par mukko ki barsaat karne lagti hai.

Meera:- Papa aap bahut bure hain...Doctoe hai to kya injection laga denge...Maa aap acchi hai...Bahut acchi hai...Sweet mom.

Meera ki baat aun Nisha , Atul ke saath ghar ke sabhi hasne lagte hai.

Atul:- Agar dawaa nahi khaaogi to bukhar se theek kaise hogi tum...Aur theek nahi hui to ice-cream kaise khaogi?

Ice-Cream sunte hi.

Meera:- Mai khaungi dawaa.

Baat ke saath saath Meera ki aawaj bhi badal gayi.

Nisha:- Aur Harsh (Atul ka chhota beta) ke saath kaun khelega?

Abhi chalne aur muskuraane ki koshish karte hue Harsh ki taraf dekh Meera boli.

Meera:- Mai.

A. Dad:- Aur apne Dada ke saath Tv kaun dekhega?

Meera:- Mai.

A. Mom:- Aur Dadi ki kahani kaun sunega.

Meera:- Mai.

Gaurav:- Aur maine jo dairy milk laya hai wo kaun khayega?

Meera:- Mai.

Riya:- Aur mere saath shopping par kaun chalega?

Meera:- Mai.

Aarav:- Mere saath ludo kaun khelega?

Meera:- Nahi bhaiya...Mai aapke saath ludo nahi khelungi...Aap hamesha beimani karke mujhe hara dete ho.

Munh fulaate hue Meera boli.

Fir issi tarah manaa kar Atul Meera ko dawaai khila deta hai.

Ghar ka maahaul khushaal tha...Aarav aur Meera ki vajah se sabka man laga rehta...Harsh ka parwarish mein bhi sabhi bahut dhyan dete thhe.

At Night​

Meera aur Harsh soo chuke thhe.

Nisha:- Kya soch rahe ho?

Atul:- Kuch khaas nahi...Kal Meera ko school mein admission karaane ka soch raha hun.

Nisha:- Kya banane ka plan hai Meera ko? Doctor yaa Engineer?

Atul:- Kuch nahi...Meera wohi banegi jo wo decide karegi...Bas hume basic education dena hai aur acche sanskaar ke saath parwarish karna hai...Baaki iski life hai...Yahi faisla karegi apni jindagi ki.

Fir Atul Harsh ko dekh kar muskuraata hai.

Nisha:- Kya soch rahe ho?

Atul:- Soch raha hun...Bada ho kar ye kitna maar khayega mujhse.

Nisha:- Khabardaar jo mere bete par haath uthaane ka socha bhi to.

Iss baar munh fulaane ka baari Nisha ka tha.

Atul:- Agar badmaashi karega to maar to khayega hi!!!

Nisha:- Nahi ye koi badmaashi nahi karega.

Atul:- Majaak kar raha tha...Atul Jr. hai ye...Mujhse bhi aage jaayega ye.

Harsh ke sir ko sehlaate hue Arul ne kaha...Aur fir Meera ko dekhte hue.

Atul:- Hum dono ko mil kar inn dono ka hi acche se parwarish karna hoga.

Nisha bhi sehmati mein sir hilaa kar.

Atul:- Aise kya dekh rahi ho?

Nisha:- Kuch nahi...Bas soch rahi thi...Aaj bhi hum dono shaadi ke fere mein liye hue har kasam ko nibhaa rahe hai...Bas yahi dua hai ki aage bhi hum dono ke bich aise hi pyar rahega.

Atul:- Are kyun nahi? Abhi toh humaara pyar ko next level mein le jaana hai.

Atul ne confidence ke saath kaha...Aur Nisha ko apne baahon mein bhar liya.

Atul:- Thanks Nisha for loving me and making my life special.

Itna keh kar Atul ne pehle Nisha ke sir ko chuma aur dhire dhire uska honth Nisha ki taraf badh gaya.

THE END OF STORY NOT OF IMMORTAL LOVE

https://xforum.live/threads/kasam-love-is-not-everything.1095/page-254#post-964666https://xforum.live/threads/kasam-love-is-not-everything.1095/page-254#post-964666Writer's Note:- Click Here​

Nice story but story complete hone mein ek sal laga lekin is baat ki Khushi Hai Ki Story complete hui aaj main story ke A to Z update padha

Otherwise
Koshish kariyega ek bhool 2 complete karne ka

 

[Hshaan17]

Bahut din baad iss tarah ki story pardha hu ...superb ending

 

[Guffy]

Hello Everyone



We are Happy to present to you The annual story contest of Xforum "The Ultimate Story Contest" (USC).



Jaisa ki aap sabko maalum hai abhi pichle hafte he humne USC ki announcement ki hai or abhi kuch time Pehle Rules and Queries thread bhi open kiya hai or Chit chat thread toh pehle se he Hind section mein khulla hai.



Iske baare Mein thoda aapko btaadun ye ek short story contest hai jisme aap kissi bhi prefix ki short story post kar shaktey ho jo minimum 700 words and maximum 7000 words takk ho shakti hai. Isliye main aapko invitation deta hun ki aap Iss contest Mein apne khayaalon ko shabdon kaa Rupp dekar isme apni stories daalein jisko pura Xforum dekhega ye ek bahot acha kadam hoga aapke or aapki stories k liye kyunki USC Ki stories ko pure Xforum k readers read kartey hain.. Or jo readers likhna nahi caahtey woh bhi Iss contest Mein participate kar shaktey hain "Best Readers Award" k liye aapko bus karna ye hoga ki contest Mein posted stories ko read karke unke Uppar apne views dene honge.



Winning Writer's ko well deserved Awards milenge, uske aalwa aapko apna thread apne section mein sticky karne kaa mouka bhi milega Taaki aapka thread top par rahe uss dauraan. Isliye aapsab k liye ye ek behtareen mouka hai Xforum k sabhi readers k Uppar apni chaap chhodne ka or apni reach badhaane kaa.



Entry thread 7th February ko open hoga matlab aap 7 February se story daalna suru kar shaktey hain or woh thread 21st February takk open rahega Iss dauraan aap apni story daal shaktey hain. Isliye aap abhi se apni Kahaani likhna suru kardein toh aapke liye better rahega.



Koi bhi issue ho toh aap kissi bhi staff member ko Message kar shaktey hain..



Rules Check karne k liye Iss thread kaa use karein :- Rules And Queries Thread.


Contest k regarding Chit chat karne k liye Iss thread kaa use karein :- Chit Chat Thread.




Regards : XForum Staff.

 

[Lucky..]

nice story

 

[Mahi Maurya]

PROLOGUE​

Pyar ka dusra naam Vishwas hai…Jab tak vishwas hai tab tak pyar hai…Jab hame apna khud ka pyar par vishwas hota hai tab na jaane kitna kasam khaa lete hai apne pyar ke bare me…Wafa ki kasam, saccha pyar ki kasam aur jindagi bhar saath rehne ka kasam akshar pyar karne wale jodi khaate hi hai.

Koi bewafa uss kasam ko adhura chhod deta hai to koi saccha aashiq uss kasam ko har haal me nibhaate hai…Lekin kabhi kabhi maahaul aisa ban jaata hai ki hame apne pyar ke khushi ke liye apne pyar ka kurbaani dena padta hai…Apne pyar ko diya hua kasam ko todna padta hai…Aise laachar ban jaate hai ki apne saamne hi apne pyar ko apne saamne hi dur jaate hue dekhna padta hai…Lekin ye bhi pyar ka hi ek roop hai…Apne pyar ki khushi ke liye apna pyar, apna kasam, apna khushi sab kuch tyag karna padta hai.

Kya khud ka kiya hua kasam na nibhaa paane se pyar wahi toot jaata hai?Kya jindagi me dusra mauka nahi milta?

Kuch aisa hi iss kahani me padhne ko milega…Pyar ho jaane ke baad insan me aane wale badlaaw, pyar ko sacche dil se nibhaana, haalaton ke aage majbur ho kar apna pyar, khushi aur kasam ka kurbaani dena…Aur uske baad jindagi ka ek naya mod.

This story is about love, romance, emotions, feelings, sacrifice and betrayal.

बहुत ही बेहतरीन प्रस्तावना दी है आपने।।

प्यार सच में ऐसा ही है। हर आशिक का प्यार सफल हो ये जरूरी नहीं है। प्यार अक्सर कुर्बानी मांगता है और सच्चा प्यार करने वाले बिना किसी स्वार्थ के ये कुर्बानी देते भी हैं।।

प्यार हमेशा पाने का नाम नहीं है, कभी कभी प्यार में बहुत कुछ खोना पड़ता है। आपने प्यार की खुशी के लिए बहुत कुछ कुर्बान करना पड़ता है, लेकिन इसका भी अपना ही एक मज़ा होता है जो बस सच्चा प्यार करने वाला ही समझ सकता है।।​

 

[Mahi Maurya]

UPDATE 1​

Ek Park me ek ladka bahut hi udaas baitha tha…Chehre se pata chal raha tha ki wo kitna niraash aur dukhi hai…Jaise uska sab kuch usse cheen gaya hai…Wo ladka kuch pal baad apne chehra ko jhuka kar apne dono haath ke bich rakh leta hai aur rone lagta hai…Dard itna bhara tha uske dil me ki wo saamne dekh nahi paa raha tha…Kuch der tak wo aise hi munh chupaa kar rota raha tabhi uske kandhe par ek haath ko usne mehsus kiya.

Uss haath ka sparsh paate hi uss Ladka ko pata chal gaya ki wo kiska haath hai…Abb Ladke me itna himmat nahi tha ki wo uss chehre ki taraf dekh sake.

Wo waise hi apne chehre ko haath se chupaata raha lekin abb usne rona band kar diya.

Ladka ka kuch reaction na milne ke baad pareshan ho kar piche khadi ladki ne kaha.

Ladki:- Abb mujh se bhi baat nahi karoge Atul?

Ladki ki aawaj me bhi dard tha…Ladki bhi ussi tarah udaas thi jaise Atul tha.

Atul ko uss Ladki ki dard bhari aawaj sun kar bahut bura lagta hai…Atul se uss ladki ka dukh dekha nahi jaa raha tha…Lekin wo abb majbur tha…Chaah kar bhi kuch nahi kar paa raha tha.

Abb Atul ke paas itna himmat nahi tha ki wo uss ladki ki aankh me aankh daal kar baat kar sake…Pehle hi wo bahut tut gaya tha…Abb uss ladki ki maujudgi usse aur bhi kamjor bana raha tha.

Ladki:- Meri galti to bataao…Aise ignore kyu kar rahe ho? Jo ho raha hai wo hamaara majburi hai aur shaayad kismat bhi…Ham kuch nahi kar sakte hai.

Fir se uss ladki ne udaas aawaj me kaha.

Abb Atul se bhi nahi raha gaya…Ladki ki dard bhari aawaj ne iss baar usse bolne par majbur kar hi diya.

Atul:- Sahi keh rahi ho tum…Mere kismat me shaayad tum nahi ho…Warna itna pyar ke baawjud hame alag hona nahi padta.

Atul ne abhi bhi apne chehre ko dono haatho ke bich hi rakha tha.

Kuch pal ke khaamoshi ke baad Atul ne kaha.

Atul:- Shaayad abb tum he jaana chaahiye…Bahut jald tumhaari shaadi hone wali hai…Jaake taiyaari karo.

Iss baar Atul ki aawaj me bahut dard tha…Ek aashiq ko apne hi pyar se khud se dur jaane ke liye kehna bahut mushkil hota hai…Pata nahi Atul kaise khud ko sambhaal paaya tha abhi tak.

Atul ka ye dard ss ladki ne bhi mehsus kiya…Uski aankho me bhi abb aansu aane laga…Rote hue wo boli.

Ladki:- Meri majburi hai ye shaadi karna…Mai apne Papa ke khilaaf nahi jaa sakti…Maine tumhaare bare me unse baat bhi kiya tha…Lekin tumhaare naam sun kar unhone ek dam se mana kar diya…Pata nahi kyu wo tumse itna nafrat karte hai.

Maine socha tha jitne bhi din baaki hai utne din tumhaare saath hansi khusi bitaaungi…Shaadi ho jaane ke baad aise vakt to kabhi waapas nahi aayega…Lekin tum abhi se mujhe jaane ke liye bol rahe ho.

Aankho me aansu aur aawaj me dard ke saath Ladki ne kaha…Bina dekhe hi Atul ne mehsus kiya ki wo ladki ro rahi hai…Atul se uski dard bhari aawaj suna nahi jaa raha tha.

Atul:- Ek na ek din hame alag ho hi jaana hai…To fir der karne se koi faaidaa nahi…Agar maine tumhaari baat maan kar baaki ke kuch pal tumhaare saath bitaa liya to fir se tumhe pane ki meri khwaahish fir jag jaayegi…Aur bicchadte vakt khud ko sambhaal paana mere liye bahut mushkil ho jaayega…Behtar hoga ham abhi se alag ho jaaye…Aadat pad jaayega.

Iss pyar ka koi future nahi hai…Ham dono ek dusre se jindagi bhar pyar karte rahenge aur ek dusre ki yaado me jinda rahenge hamesha ke liye…Lekin ham dono kabhi ek nahi ho paayenge.

Atul ne chehra ko uthaaye bina hi kaha…Aawaj me dard to tha hi lekin wo khud ko bebash mehsus kar raha tha aur abb wo kuch bhi nahi kar sakta tha.

Ladki:- To fir thik hai…Mai jaa rahi hu…Shaayad ye hamara aakhiri mulaakat hai…Lekin jaane se pehle ek baat jarur kahungi…Mere jaane ke baad khud ko sambhaal lena…Koi nashe ki aadat mat daal lena aur meri yaad me jindagi bhar kunwara mat rehna…Tum bhi koi acchi si ladki dhund kar shaadi kar lena.

Itna keh kar ladki chup ho gayi…Wo aage kuch nahi bol paa rahi thi…Fir himmat karke boli.

Ladki:- Accha abb mai chalti hu.

Itna keh kar ladki Atul ka jawaab sune bina hi waha se nikalne lagi…Wo waha se nikal paati Atul ne usse pehle hi keh diya.

Atul:- Ho sake to mujhe maaf kar dena…Mera Kasam adhura reh gaya…Jindagi bhar tumhaara saath na chhodne ka kasam khaaya tha…Lekin mai apna kasam nibha nahi paaya…Ham dono hi majbur hai…Haalat aur Pariwar ke inkaar ke saamne hamara kasam kamjor pad gaya…Hamara pyar haar gaya.

Ye kehne ke baad Atul ki aankh se bhi aansu nikal gaya.

Atul ka iss baat ka jawaab ladki nahi de paayi…Abb wo kuch bhi bol pane ki haalat me nahi thi…Iss baar wo Atul ko jawaab diye bina hi waha se chali gayi.




Achanak hi neend se Atul utth gaya…Usse samajh me nahi aa raha tha ki usne kaisa sapna dekha tha…Wo washroom me jaa kar jaldi se fresh ho kar aaya aur apne uss ajeeb sapne ke bare me sochne laga.

Atul:- Ye kaisa sapna aaya tha aaj raat me…Mujhe kisi si pyar ho gaya tha aur ham dono bicchad rahe thhe.

Itna keh kar Atul hasne laga.

Atul:- Pyar aur wo bhi mujhe…Impossible…Mai aise bakwas baato par bilkul bhi bharosha nahi karta…Love is time passing material…Aur mere paas aise faaltu vakt nahi hai waste karne ke liye.

Ye kehne ke baad Atul chup ho gaya…Wo fir apne sapne ke bare me sochne laga.

Atul:- Kya dekha tha wo sapne me abb thik se yaad bhi nahi aa raha hai…Haa yaad aaya…Koi buddha mujhse itna nafrat karta hai ki wo apni beti ki shaadi mujhse nahi karwana chaahta…Sapne me wo dikha kyu nahi…Agar mil gaya hota to pakka murder kar deta.

Atul ne hanste hue kaha…Usne jo murder ke bare me kaha tha majaak me khud se hi kaha tha.

Atul:- Ha…Ek aur baat yaad aaya…Mai kabhi aise bakwaas Kasam nahi khaata hu aur wo bhi pyar me…Agar khaa liya to har haal me nibhaata hu…Kabhi kisi haalat ko apne kasam se jitne nahi dunga…Agar maine kisi ladki se jindagi bhar saath rehne ki kasam diya to uss kasam ko har haal me nibhaaunga…Agar ladki ki parents ne mana kiya to usko bhaga kar le jaaunga.

Atul ne aatma vishwaas ke saath kaha…Wo abhi tak pyar aur pyar ki jaadu se anjaan tha…Usse ye tak pata nahi tha ki pyar naam ka rog lagne ke baad insaan me kitna badlaaw aata hai aur koi bhi insaan apne liye nahi apne pyar ke bare me sochta hai…Abhi to ye saari baato ko majaak ke roop me lekar hans raha tha lekin usse kya pata tha aane wala vakt me uska haal uska dekha hua sapna se bhi bura hone wala hai.

Atul:- Lekin mujhe uss ladki ki chehra kyu yaad nahi aa raha hai…Dekha hi nahi uski taraf to kaise yaad aayega…Abb to uska aawaj bhi bhul gaya.

Accha chance miss kar diya…Sapne me hi sahi aisi kaun si ladki hai jo mera dil chura sakti hai…Aur mai usse dil haar gaya…Accha chance tha uss ladki ka chehra dekhne ke liye lekin maine miss kar diya.

Kya fark padta hai…Ek sapna hi to tha…Aur aisi baatein sapne me hi possible hai ki mujhe kisi se pyar ho jaayega…Hakikat me bilkul bhi nahi.

Atul ne kuch iss tarah se kaha…Jaise usko khud par bahut garv hai ki usse kisi se pyar nahi hua hai aur naa hi kabhi hoga.

Itna kehne ke baad Atul ne ek baar ghadi me time dekha…Ghadi me time dekha…Subah 6:00 am baj raha tha…Abb wo sapno ki duniya se baahar nikal kar asli jindagi ke bare me sochne lagta hai.

Atul:- Abb ready hone ka time ho gaya hai…8:00 am se hai college lekin aaj 7:30 me pahuch jaaunga…First day me hi late nahi hona chaahta.

Iske baad Atul 10 minute me ready ho jaata hai aur niche naashta karne jaata hai…Usse pata tha ki aaj fir se usse apne Papa aur bade bhaiya ki sawaal ka saamna karna padega…Atul ne khud ko mentally prepare kar liya aur niche ki taraf chala gaya.

बहुत ही बेहतरीन शुरुआत महोदय।।

अतुल जो एक कॉलेज का विद्यार्थी है उसने सपने में किसी लड़की से बिछड़ते और प्यार मोहब्बत की कसमें खाते हुए देखा। नींद से जागने के बाद उसने इस बात को एक सिरे से खारिज कर दिया कि प्यार मोहब्बत नाम की भी कोई चीज़ होती है। उसे प्यार मोहब्बत में बिल्कुल विश्वास नहीं है। वो उसमे तरह तरह के नुक्स निकलते रहते हैं, लेकिन एक बात है कि जब वही लोग प्यार करते हैं तो पूरी शिद्दत और जी जान से प्यार करते हैं।

बहरहाल अतुल अपने आपको समझा लेता है और अपने कॉलेज के लिए तैयार होने लगता है क्योंकि आज उसके कॉलेज का पहला दिन है। कहीं ऐसा तो नहीं कि आज ही उसके जीवन मे एक लड़की दस्तक देने वाली है।।​