Romance Kasam - Love is not Everything (Completed)

[Mahi Maurya]

UPDATE 11


Apne ghar me ghuste hi Atul dekhta hai ki uske Maa, Papa aur bhaiya hall me hi baithe the.

Atul waha se apne room ki taraf jaane hi wala tha ki tabhi.

Gaurav:- Kaha se aa raha hai?

Lekin Atul kuch jawaab nahi deta...Iss vakt wo Gaurav se bahas karne ki mood me nahi tha.

Gaurav:- Suna nahi tune?

Atul:- Suna…Lekin tujhe jawaab dena jaruri nahi samajhta.

Atul ne iss baar ghur ke jawaab diya.

Gaurav:- Abb tu mujhse badtameezi karega…Apne se bade se kaise baat karte hai tujhe pata nahi hai kya.

Gaurav ne bas itna hi kaha tha ki Atul uske paas jaata hai aur uske kandhe me haath rakh kar kehta hai.

Atul:- Badtameezi aur bado se baat...Ye sab tune hi sikhaya hai dear brother...Abb agar aur bakwas kiya na to yahi peet jaayega.

Sambhal jaa...Abhi pyar se samjha raha hu...Warna ek kahawat to suna hi hoga "Laato ke bhoot baato se nahi maante."

Atul ne iss baar kuch jyaada hi gussa me kaha tha…Isse aage baat aur bigadta usse pehle hi Atul ki Maa ne kaha.

A. Mom:- Abb bas karo…Hamesha ladte rehte ho…Tum dono ek dusre se aise behave kar rahe ho jaise dono bhai nahi dushman ho.

Gaurav:- Aap ke laad pyaar ne hi bigaad diya hai isse…Bolne ki tameez bhi nahi hai.

Atul:- Accha mai bigda hu…Aur tu…Tu to ek pyara sa sanskari baccha hai.

Jo college jaata hai lekin padhne nahi…Gunda gardi karne, ladkiya chhedne, apne jaise nalaayak dosto ke saath din bhar daru aur cigarette me vyast rehta hai.

Lekin mai ye nahi kahunga ki Maa ki laad pyar ne tujhe bigaada hai…Maa ne to ham teeno (Ek badi didi bhi hai) ko acche sanskaar diya tha…Lekin tu saala ulti khopdi leke paida hua hai…Ulti aur galat baat hi tere bheje me ghusta hai.

Totally useless character…Padhne likhne aur acche kaam me zero hai aur gundo ke saath aawara gardi karne me top hai.

Gaurav:- Kya bola be tune?

Atul:- Kaan nahi hai kya tere paas?

Gaurav:- Tera itna himmat ki mere aur mere dosto ke baare me bola.

Itna keh kar Gaurav ne Atul ka collar pakad liya aur Atul ne bhi jawaab me collar pakad liya.

Atul:- Kyu tere baare me kaha to mirchi laga? Fir mere baare me kyu chugli karta rehta hai...Abhi tere baare me sirf bola hi hai...Wo dur nahi jab tu peet bhi jaayega...Mai nahi chaahta ki wo din aaj hi ka ho.

Itna keh kar Atul gusse me Gaurav ko ghurne lagta hai.

Dono me jaise yudh hi hone wala tha tabhi dono ke gaal me Papa ki eke k thappad padta hai.

A. Dad:- Band karo tum dono jhagadna…Kya sochte ho tum dono apne baare me…Thoda bada kya ho gaye tum dono to aise dikhaa rahe ho jaise ghar ke guardian tum dono hi ho.

Tabhi se dekh raha hu tum dono ko…Aur intejaar kar raha tha ki kab tak dono shaant hote ho…Lekin nahi tum dono to ladaai par utar aaye.

Thoda bahut chhut jo bhi diya hai uska galat faaidaa uthaane ki sochna bhi mat.

Ummeed hai agli baar haath uthana naa pade.

Itna keh kar Papa chup ho gaye…Lekin abhi bhi gussa se bhari najron se dono ko dekh rahe the.

Gaurav:- Pehle aap isse bolne ki tameez sikhaaiye…Bade aur chhote ki bich ka fark hi nahi jaanta.

Gaurav ne Atul ko ghurte hue kaha…Atul ki Papa kuch bolte usse pehle Atul hi bola.

Atul:- Mai bhi yaha time waste nahi karna chaahta…Bas itna kahunga ki isse kahiye mujhse dur rahe.

Mai padhna chaahta hu aur sirf padhna…Mujhe aise sadakchhap gunde se behas karke koi time waste nahi karna chaahta hu.

(To Gaurav) Dekh bhai...Abhi ke liye itna kahunga. "Tit for Tat." Iss 3 shabd me bahut kuch hai...Agar dimaag hai to samajh jaayega.

Bqchpan se nafrat karta hu tujhse aur teri atyachaar se...Agar ek din ye nafrat ka baandh toot gaya to mai bhi nahi jaanta mai kya kar sakta hu.

Naa tune kabhi bade bhai ki farz nibhaya aur naa hi kabhi mai bhai ki farz nibhaaunga.

Itna keh kar Atul fir apne Maa aur Papa ko dekhta hai aur kehta hai.

Atul:- Sorry…Be vajah itna bada hangama ho gaya…Lekin kya karu…Aur nahi seh sakta mai.

Itna keh kar Atul apne room ki taraf chala gaya.

Kuch der baad Gaurav bhi apne room ki taraf chala gaya chehre me gussa ke saath.

Aur Atul ki Maa aur Papa sofa me baith gaye ek chinta ke saath…Apne dono bete ka ek dusre ek saath relation ki chinta ko le kar.


Atul in his room

Atul:- (In his mind) Saala kuch jyada hi ucchal raha hai aaj kal…Accha kiya jo dhang se jawaab diya…Warna fir sataata rehta…Aage bhi pareshaan karne ki koshish kiya to sach mein peet dunga.

Atul yahi sab soch raha tha ki uske dimaag me dusra khayal aaya.

Atul:- Mai bhi pata nahi kya bekaar ki baatein soch raha hu…Uski chakkar me bahut time waste ho gaya…Agar uske baare me sochta raha to mera hi time waste hoga aur mood off bhi…Yahi accha hoga ki mai aise baat aur log ko ignore karke apna kaam karu.

Fir Atul ek book le kar baith jaata hai table me padhne ke liye…Dhire dhire wo padhne lag jaata hai.


Next Day at college

Hamesha ki tarah Atul aaj bhi apne time me hi college pahunchta hai…Aaj Ajay uske saath nahi tha.

Jaise hi Atul college gate se andar jaata hai ek jaani pehchaani aawaj uske kaan me padta hai.

"Hello Atul"

Atul ko samajhte der nahi lagta hai ki usse hello Nisha ne kaha hai.

Wo bhi Nisha ki taraf daayi taraf mud kar kehta hai.

Atul:- Hi…Tum yaha…Abhi…Iss vakt.

Atul ne hairaani ke saath kaha…Wo hairaan ho gaya tha ki Nisha itni jaldi kaise aa gayi…Wo hamesha college suru hone se 5 minute pehle aati thi.

Nisha:- Ha aaj se jaldi hi aaungi…Warna last me baithna padega hamesha ki tarah.

Atul:- Issi vajah se mai bhi jaldi aata hu…Warna pehle to aadat tha mera college ke liye 10 minute late hone ka…Typical ladke wali aadat.

Atul ki iss baat par Nisha ko thodi hansi aaya

Atul:- Nisha kal ke liye sorry…Kuch jyada hi gussa me tha.

Nisha:- Tum sorry kyu keh rahe ho…Galti meri hi thi…Maine tumhe galat samjha aur tumhaari insult aur pareshaan karne ka ek bhi mauka nahi chhoda…Fir bhi tumne mera help kiya yahi bahut hai mere liye…Tumne sach me insaaniyat dikhaaya.

Atul:- Issi baat ke liye sorry kehna chaahta hu…Ha insaaniyat to dikhaaya maine lekin tumhaari dosti ki offer ko thukra diya insaaniyat ki naam pe.

Kal maine socha ki aise chhoti chhoti jhagde to hote rehte hai…Aur ye jhagada to ek misunderstanding ki vajah se hua tha…Aur isko ego me nahi lena chaahiye…Kuch baaton ko ignore karna bhi sikhna padta hai.

Will you be my friend?


Itna keh kar Atul ne apna haath aage badha diya.

Nisha ne bhi haath mila kar kaha.

Nisha:- Yes…Friends.

Aur fir dono saath me class ki taraf chalte hai.​

बहुत ही बढ़िया महोदय।

ये अतुल का भाई गौरव तो हर समय नहा धोकर अतुल के पीछे ही पड़ा रहता है। अतुल उसे अच्छा जवाब तो देता है लेकिन फिर भी दोनों भाई का इस तरह आपस मे लड़ना सही नहीं है किसी भी नजरिये से और इसी बात से उन दोनों के माता पिता परेशान है।। कुछ बड़ा कांड होने के आसार नजर आ रहे हैं।।

निशा को अपनी गलती का एहसास हो गया है और उसने खुद से चलकर अतुल से बात की। अतुल ने भी पुरानी सारी बातों को भुलाकर दोस्ती का प्रस्ताव रख दिया। वैसे ये सही भी है जिस कॉलेज में दोनों को 6 साल साथ मे पढ़ना है उसमें ऐसी छोटी छोटी बातों का इशू नहीं बनाना चाहिए।।।
​

 

[Mahi Maurya]

UPDATE 12​

Class me jaane ke baad dono dekhte hai ki abhi class khaali tha…Dono aaj thoda jaldi hi pahunch gaye the.

Nisha:- Chalo uss seat par baith te hai? (Nisha ne ek seat ki taraf ishaara karte hue kaha.)

Nisha ki iss baat ka Atul koi jawaab nahi deta hai…Wo Nisha ko aise dekhta hai jaise usse bahut hairaani hua hai.

Nisha:- Kya hua? Aise hairaani se kyu dekh rahe ho?

Atul:- Tumhaari baato ki vajah se.

Nisha:- Aisa kya keh diya maine?

Atul:- Tum saath me baithne ki baat kar rahi ho.

Atul ne iss tarah se kaha jaise wo abhi bhi hairaan hai…Lekin Nisha ki confusion dekh kar wo man hi man has raha tha…Anjaane me hi usse ek majaak ka mauka mil gaya.

Nisha:- To kuch galat bol diya kya maine…Thik hai agar tum saath nahi baithna chaahte to koi baat nahi.

Itna keh kar Nisha waha se jaane lagti hai.

Atul:- Are ruko to…Tum to naraaj ho gayi…Tumhe mere saath baithne me problem tha na…Aur aaj tum hi saath baithne ki baat kar rahe ho issi liye hairaani ho raha tha.

Nisha:- Kal tak ki baat alag thi…Aaj alag hai…Wo bas ek misunderstanding tha…Ho sake to please bhul jaao.

Nisha ko Atul ka puraana baat yaad dilaana pasand nahi aaya.

Atul:- Tum to sach me bura maan gayi…Mai to majaak kar raha tha…Sorry.

Nisha:- Sorry mat bolo…Bas puraani baatein yaad mat dilaao…Apni misunderstanding par sharmindgi si mehsus hoti hai.

Atul:- Ok…Fir kabhi nahi kahunga…Chalo abb seat par jaa ke baith te hai…Warna kuch der me sab pack ho jaayega.

Nisha:- Ok chalo…Lekin baithenge kaha?

Atul:- Yahi front seat me…Aaj pehli baar mauka mila hai.

Nisha:- Front seat me?

Nisha ne ye baat thoda tej kaha jaise Atul ki baat sun kar wo shocked ho gayi.

Atul:- Ha…Koi problem hai kya?

Nisha:- Front seat me baithenge to teacher ka najar direct ham par hi padega aur bich bich me question bhi pucchte rahenge? Maine abhi acche se padhna suru bhi nahi kiya hai…Agar answer na de paayi to pure class ke saamne beizzati hoga.

Jo abhi tak padhaai nahi hua hai wo question pucchte to hai lekin khud answer nahi dete…Kehte hai khud dhund ke aao aur fir baad me pucchenge…Mujhe dar lag raha hai front me baithna…Ho sake to bich me baithte hai…Acche se sunaai bhi dega aur teacher ki najar bhi nahi padega.

Nisha ne apne sabhi problem ek saans me bata diya.

Atul:- Oh no…Mountain dew nahi hai.

Achanak hi Atul ke munh se nikla.

Nisha:- Mounatin dew?

Nisha Atul ki baat ka matlab nahi samajh paayi.

Atul:- Because "Dar ke aage jeet hai." Aur agar tum piyogi to tumhaara sab dar bhaag jaayega.

Atul ne ye baat kuch aise andaaz me kaha tha jisse Nisha ko bhi hansi aa gayi.

Hansne ke baad

Nisha:- Nice joke…But seriously mujhe dar lag raha hai aage baithna.

Atul:- Kuch nahi hoga…Jawaab na dene se kuch nahi hoga aur mistake ho gaya to bhi koi baat nahi…Ham sikhne aaye hai college…Aur sikhte vakt galti to hota hi hai.

Agar teacher mujhe question pucchenge to bahut saare question aisa bhi hoga jiska answer mujhe bhi pata nahi hoga…Lekin jis question ka answer nahi de paaunga ya galat answer dunga tab uss question ka answer mujhe khud hi dhundna padega.

Aur jab dhundunga to wo bahut vakt tak yaad rahega…Ye sab hamaare liye hi accha hai.

Aur bhi bahut faaidaa hai…Jaise teacher ka najar padne ki dar se hame har vakt padhaai me hi dhyan dena padega...Exam me bhi aashani hogi...Especially Viva...Marks dene me kanjusi nahi karenge agar jaan pehchaan hoga aur unko ye vishwas ho ki ye student padhaai me mehnati hai.

Agar kuch padhna hai, kuch sikhna hai to front seat hi best hai.

Itna keh kar Atul chup ho gaya.

Nisha:- Thik hai chalo.

Fir dono apne seat par bag rakhte hai aur chair me baith jaate hai.

Atul:- Jaanta hu tumhe abhi bhi dar lag raha hai…Lekin kuch din adjust kar lo fir tum comfortable bhi hogi aur acche se padh bhi paaogi.

Aur rahi baat students ki hansne ki to usse ignore karo…Yakin ke saath keh sakta hu jo bhi dusro par hanste hai jyadatar student ko khud uss question ka answer nahi pata hoga…Aur hame dusro se koi lena dena nahi hai…Padhne ke liye aaye hai to yahi karna chaahiye jisse hamaari padhaai me sudhaar ho na ki bekaar ki baatein aur logo ke baare me soch kar time waste kare.

Nisha:- Hmm…Dekhte hai…Kaisa hota hai front seat me baithne ka experience…Thoda excitement aur thoda dar bhi lag raha hai.

Atul:- Hope you will enjoy it.

Fir dono me kuch der aise hi baatein hota hai.

Nisha:- Atul ek baat bataao…Abhi hame dost bane kuch hi vakt hua hai…Aur tum abhi itni jaldi majaak karne lag gaye.

Nisha ki iss baat ka Atul ne thoda muskura kar diya.

Atul:- Majaak sirf unhi se karta hu…Jinhe mai apna dost manta hu…Baaki logo se kaam ki baatein hi karta hu.

Nisha:- Interesting…Tumhaare baare me naye naye baatein pata chal raha hai…Lagta hai tumhe samajhna mushkil hai…Pata nahi kab kaunsa naya roop dikh jaaye.

Atul:- Samajh jaaogi…Waise bhi 5 saal saath hai ham sab…Bahut lamba vakt hai ye kisi ko bhi jaane ke liye…Ham sabhi student ek dusre ko samjh lenge itne vakt mein…Kisi ki baare me acchaai, kisi ke baare me buraai, kisi se dosti aur najdeeki aur kisi se duriyan…Sab kuch…Issi liye to college life khaas hai…Bahut kuch sikhte hai jindagi aur padhaai ke baare me…Hamesha saath dene wala dost aur bhi bahut kuch.

Itna keh kar Atul apne bag se ek book nikaalta hai.

Nisha:- Tumhaare baare me ek baat to abhi jaan gayi.

Atul:- Kya?

Nisha:- Ki tumhe padhne me bahut interest hai?

Atul:- Aur wo kaise?

Nisha:- Tumhaara bag dekh kar koi bhi keh dega…Sabhi book le kar aaye ho.

Nisha ne hanste hue kaha…Jawaab me Atul ne bhi hans kar kaha.

Atul:- Sahi pehchaana.

Nisha:- Tum hi ek ho jo sabhi book le kar college aata hai…Aur bhi kitaabi kide hai class me lekin wo bhi do ya teen book hi laate hai.

Atul:- Issi liye mai unique hu.

Atul ne thoda muskura kar kaha.

Nisha:- Khud hi apni taarif kar rahe ho.

Atul:- Nahi majaak.

Nisha:- Atul ek baat kahu…Abhi tak maine tumhe jitna bhi jaana hai usse yahi lag raha hai ki tum apne padhaai ko bahut seriously lete ho.

Atul:- Hmm…Bahut seriously…Jab baccha tha tabhi se yahi sapna tha ki bada ho kar ek accha doctor banu…Aur uske liye hi padhaai me itna mehnat kar raha hu aur issi vajah se family ke against jaa kar MBBS padh raha hu.

Nisha:- Nice…Accha dedication hai.

Atul:- Aur maine bhi notice kiya hai…Tum bhi padhne me kam nahi ho…Bas college me dikhaati nahi ho…Lekin tum bhi bahut talented ho aur padhne me mehnati bhi…And this is the only thing I appreciated till yesterday about you.

Nisha:- Ha…Padhna mera bhi shaukh hai…

Nisha isse aage kuch kehti usse pehle students class me aane lagte hai.

Nisha:- Baad me baat karenge.

Atul:- Ok.

Fir dhire dhire aur bhi students aane lagte hai…Kuch students Atul aur Nisha ko saath baithe dekh hairaan hote hai to kuch ko matlab nahi tha iss topic par.

बहुत ही बेहतरीन महोदय।
अतुल और निशा की दोस्ती हो गई और दोस्ती होते ही इतनी ज्यादा बातें होने लगी जैसे दोनों बरसों के दोस्त हों। वैसे निशा ने शायद एक बात सही कही हो कि अतुल बहुत पकाता है। जब से निशा से उसकी दोस्ती हुई है तब से गो यही लग रहा है।।

कुछ बच्चों के लिए ये किसी आश्चर्य से कम नहीं होगा कि जिस निशा और अतुल में बिल्कुल भी नहीं बनती थी वो दोनों आज एक साथ एक ही बेंच पर बैठे हुए हैं और साथ मे बातें भी कर रहे हैं।।​

 

[Mahi Maurya]

UPDATE 13​

Thodi der baad Ajay aur Anjali bhi class me aate hai…Atul aur Nisha ko saath baithe dekh ek pal to dono ko vishwaas bhi nahi hota hai.

Ajay Atul ke paas jaa kar pucchta hai.

Ajay:- Bhai tu thik to hai na…Mera matlab tabiyat thik to hai tera.

Ajay ne itni dheere se pucha tha ki ye baat sirf Atul ne hi suna.

Atul:- Ha sab kuch thik hai…Lekin tu ye sab kyu puch raha hai.

Atul Ajay ki baat ka matlab nahi jaan paaya tha.

Ajay:- Aisa lag to nahi raha hai…

Ajay isse aage kuch pucchta ki sabhi students ki ek saath aayi aawaj ne usse rok diya.

All Students:- Good morning sir.

Jaise hi Ajay ye aawaj sunta hai wo picche mud kar dekhta hai…Sir class me aa chuke the…Ajay apne seat ki taraf jaa hi raha tha ki.

Sir:- Hey you!

Lekin Ajay nahi rukta…Usse pata nahi tha ki sir usse hi bula rahe hai.

Sir:- Hey you walking boy…Tumhe hi bula raha hu.

Iss baar Ajay ruk jaata hai aur piche sir ki taraf ghum kar kehta hai.

Ajay:- Sir aapne mujhe kaha?

Sir:- Ha tumhe hi…Lekin tum to bina sune shaan se apne seat ki taraf jaa rahe the.

Ajay:- Sorry sir…Mujhe laga aapne kisi aur ko bulaya hai.

Sir:- Wo baat chhodo…Aur ye bataao kya time hua hai?

Ajay:- (Ghadi dekh kar) 9:07 am sir.

Sir:- Aur jab mai class me aaya tha tab 9:05 am hua tha…Abb ye bataao ki tum yaha aage kya kar rahe the.

Sir ne thoda strict aaawaj me kaha.

Ajay:- Sir… Class me koi teacher nahi tha issi liye Atul se baat kar raha tha.

Ajay ne thoda darte hue kaha…Aur sabhi students usse hi ghur rahe the iss vajah se wo bahut uncomfortable mehsus kar raha tha.

Sir:- Jarur baat karo…Lekin lunch time ya fir college chhuti hone ke baad…Bich me kisi bhi teacher ki class me chaahe wo class me ho ya na ho iss bich sirf study related baat hona chaahiye…Padhne aaye ho tum sab yaha koi mela ghumne nahi.

And I hope aage se aisi galti nahi hoga aur hona bhi nahi chahiye…2 baat khaas taur par yaad rakhna mere class me aane se pehle…1st you all have to maintain discipline and punctuality and 2nd Class me aane se pehle prepare ho kar aana aur pehle hi mera topic ko acche se padh lena.

Ajay:- Ok sir.

Abhi bhi darte hue kaha Ajay ne.

Sir:- Now you can go.

Ajay:- Thank you sir.

Itna keh kar Ajay apne seat par baithne chala gaya…Saath hi kuch students ki hasne ki aawaj bhi aaya…Unme se tej aawaj tha Ravi ka...Atul aur Ajay ko bahut gussa aa raha tha.

Sir:- Silent…Hasne ki kya baat hai…Ye baat maine ek student ko nahi kaha hai…Sabhi student ko samjhaaya hai ek example de kar…Abhi maine notice kiya hai kaun kaun hans raha hai…Agar baad me tum sab discipline breach karoge to yaad rakhna mujhse bura koi nahi hoga.

Sir ki iss baat se sab chup ho gaye…Pin drop silence fail gaya waha pe.

Sir:- Aaj 10 minute waste ho gaya iss vajah se…Ummeed hai aage aisa nahi hoga…So now without wasting any time aaj ke topic start karta hu.

Muscles of Arm.

Fir sir Arm ke baare me detail me padhaane lagte hai.

Nisha Sir ka gussa dekh pehle hi dar gayi thi…Wo bhi darte hue padhaai par dhyan dene lagti hai…Aur usne fir Atul ko dekha…Atul ka pura dhyan padhaai me tha…Aisa lag raha tha wo interest le kar padh raha hai.

Sir:- So students maine bahut kuch explain kar diya…Ummeed hai aap sabhi ko samajh me aa raha hoga…Koi confusion hai abhi tak?

Lekin koi kuch nahi pucchta…Pehle hi sabhi dare hue the.

Fir sir thoda muskuraate hue kehte hai.

Sir:- Insaan hi hu yaar…Koi bhoot nahi hu…Aur sirf padhaai ke maamle me strict hu…Warna apna bada bhai bhi maan sakte ho…Age me bhi bahut jyada difference bhi nahi hai.

Kahi bhi koi problem ho pucch lena…Padhne wale student ko hamesha help karta hu…Aur nahi padhne wale ke liye to khud hi samajh jaaoge baad me.

Discipline par strict iss liye hu kyu ki tumhaara profession jo hai usme discipline ki bahut jarurat hai. Doctor banne jaa rahe ho tum sab baad me aur abhi se ghamand aur carelessness bilkul nahi aana chaahiye tum sab me…Ek student ka duty aur apne profession ka respect abhi se karna sikho.

Aur agar nahi padhoge to bhi mera kuch nahi jaayega…Mujhe mera salary milta rahega…Lekin tumhaare parents ke baare me sochta hu issi liye kisi tarah padhne par jor deta hu…Tum log nahi padhoge to sirf tumhaara hi nahi tumhaara family ka bhi loss hoga jo tumhaare liye laakho rupaiye kharch kar chuke hai MBBS ke liye.

Itna jaan lo agar padh kar aaoge aur discipline maintain karoge to bahut accha behave karunga tum sab ke saath aur padhne me bahut help karunga.

Khair aisi baatein to hota rahega ye bataao koi confusion hai abhi tak.

Atul:- Abhi tak to nahi hai sir…Baad mei koi confusion hai to puch lunga.

Sir:- Ok thik hai to abb aage badhte hai…(Ajay ko ishaara karte hue) Tum try karo aur bataao Arm ke muscles ke naam.

Achanak hua iss hamle se Ajay fir ghabra jaata hai aur utth kar kehta hai.

Ajay:- Biceps brachii, Brachialis, Coraco…

Ajay ghabraahat me bhul jaata hai.

Sir:- Coracobrachialis…Bahut acche se padh kar aaye ho…Aur thoda bahut yaad bhi hai…Bas study hour me baat mat karna aur issi tarah padh kar aana.

Abb 1 muscle baaki hai…Tum me se koi bata do.

Atul:- Triceps Brachii.

Sir:- Very good…Padh kar aaye ho…Aur mere padhaane se pehle hi itna padh liya bahut acha hai…Tum dono apna naam bataao.

Fir Atul aur Ajay apna naam bataate hai.

Sir:- To all students…Agar Atul aur Ajay ki tarah padh kar aaoge to bahut kuch samjhoge Anatomy ke classs me...Warna kuch baatein dimaag me nahi ghusega aur kuch dimaag se udd jaayega ...Pehle se hi prepare ho kar aao...Revision jaisa lagega aur bahut kuch samajh bhi paaoge.

Fir issi tarah Sir apna class complete kar ke chale jaate hai…Baaki ki class sabhi students ke liye raahat ka tha…Kyu ki koi bhi teacher Anatomy ke sir jitna strict nahi tha.

Lunch Time


Lunch ke time Atul, Ajay, Anjali aur Nisha ek hi table me baithe the.

Ajay:- Sahi suna tha…Rahul sir bahut strict hai…Aaj dekh bhi liya.

Atul:- Maine bhi sahi suna tha…Bahut accha lecturer hai wo…Aur bahut acche se padhaya bhi unhone…Jo bhi confusion tha sab clear ho gaya…Bahut interesting class tha.

Atul ne ye keh to diya lekin kehne ke baad mehsus kiya ki teeno usse hi ghur rahe hai.

Atul:- Aise kyu ghur rahe ho?

Hairaani ke saath Atul ne pucha.

Ajay:- Bhai kitna padhega yaar tu…Thoda duniyadaari ki baatein bhi kar le.

Atul:- (Hanste hue) Accha thik hai.

Ajay:- Mai to puchna bhul hi gaya tha ki tum aur Nisha aaj saath me kaise baithe the?

Jo sawal Ajay ke man me tha class suru hone se pehle wo abb usne puch diya.

Fir Atul aur Nisha ne apni misunderstanding ki baat dono ko bataya.

Anjali:- Accha hai sab thik ho gaya…Warna tum dono ka ek dusre ko aise ignore karna nafrat ka roop le raha tha.

Ajay:- To kya abb ye pyar ka roop le raha hai?

Ajay ne majaak me kaha…Ajay ki baat par koi kuch react karte usse pehle hi Atul ne na khus andaaj me kaha.

Atul:- Fir bakwaas baatein karna suru kar diya…Pyar wyar ki baat mere saamne mat kar aur mujhe pyar se relate to bilkul bhi mat kar.

Nisha aur Anjali ko Ajay ki baat se jyada Atul ki baat ne chaunka diya.

Anjai:- Yakin nahi hota Atul…Tumhe pyar par interest nahi hai…Aaj kal to sabhi boyfriend aur girlfriend banate hai…Aur tumhaare roop me maine pehla aisa ladka dekha hai jo pyar naam se chhidhte hai…Baaki ke ladke ya to jhuttha aur dhokhe wala pyar hi sahi pyar to jataate hai.

Atul:- Shaayad issi vajah se mai apne aap ko thoda alag manta hu…Sach kahu to mujhe pyar jaisi baatein bakwas lagta hai…Aaj ke iss duniya me logo ko apne baare me sochne se fursat nahi hai to dusro ka care kya karenge.

Aur ye time paas hai mere najar me…Isse accha hai ki mai apna keemti vakt padhaai me istemaal karu jisse kuch sikhne ko to milega.

Atul ki baat karne ki tarika se hi lag raha tha ki usse pyar jaisi baat par bilkul bhi yakin nahi hai.

Anjali:- Lekin…

Anjali kuch kehne hi wali thi ki Ajay bich me rok kar kehta hai.

Ajay:- Koi faayida nahi…Isko tum iss topic par nahi samjha sakti ho…Kasam khaaya hai isne kisi se pyar na karne ka aur ek successful doctor banne ka.

Nisha:- Iss baat me to koi logic hi nahi hai…Pyar karne se koi unsuccessful hota hai.

Ajay:- Baat to tumhaara sahi hai…Lekin ye baat ye janaab ki samajh me nahi aayega.

Nisha:- Koi to vajah hoga Atul tumhaare paas…Pyar par vishwaas na karne ki.
Nisha ne to Atul se pucha tha ye baat…Lekin jawaab fir Ajay ne diya.

Ajay:- Koi vajah nahi hai…Ye Atul ka concept hai.

Nisha:- Ajeeb concept hai.

Iss bich Atul kuch bhi baat nahi kar raha tha…Kyu ki wo iss topic ko badhaana nahi chaahta tha.

Nisha ko Atul ki baat ajeeb lag raha tha aur usse lag raha tha ki koi to vajah hai ki Atul ko pyar par vishwaas nahi hai…Iss vajah se Nisha ka Atul par utshukta badhne lagta hai.

Dusri taraf Atul ne Nisha ke saamne hi keh diya pyar par vishwaas na hone wali baat…Aur yahi baat dono ke aage ki life me bahut asar daalne wala tha.

Fir kuch der me lunch break khatam ho jaata hai…Class me jaane ke baad Atul aur Nisha dono pehle jaise saath me hi baithte hai.

Abb lecture ke bich Nisha kabhi kabhi Atul ko dekh leti thi…Jab bhi wo Atul ko dekhti wo Atul ke chehra aur bhaaw dekh kar usse samajhne ki koshish karti…Har bitte vakt ke saath wo mehsus kar rahi thi ki wo naya Atul ko dekh rahi hai.

Iss bich Atul ka bhi Nisha se kabhi kabhi najar mil jaata tha…Jab bhi dono kin ajar milta dono ek dusre ko smile paas karte the…Lekin Atul ne Nisha ki behavior me bilkul bhi badlaaw mehsus nahi kiya…Wo feelings, pyar, emotion jaise shabd se abhi koso dur tha.

बहुत ही बेहतरीन।

ये अध्यापक महोदय से सच मे बहुत सख्त हैं। और अगर विद्यार्थियों की भाषा मे कहा जाए तो बहुत ही खड़ूस हैं ये। अजय की तो जान ही निकाल ली थी उन्होंने लेकिन बाद में शाबासी भी दी उन्होंने अजय और अतुल को।

अतुल का प्यार के प्रति नफरत के पीछे कुछ वजह हो जरूर है जिसके कारण वो प्यार जैसे शब्द से नफरत करता है उठाए बकवास मानता है। कहानी में दो बार उसकी बड़ी बहन का जिक्र हुआ है। कहीं इसके पीछे उसकी बड़ी बहन तो नही हैं।।।​

 

[Mahi Maurya]

UPDATE 14



At evening​

College se aane ke baad naashta kar ke Nisha chhat ki taraf jaati hai…Padhaai ki suruwat karne se pehle wo chhat me khula aur shaam ki thandi hawa me fresh hona chaahti thi.

Chhat ke gate tak pahunchte hi uske kaano me gaane ki aawaj aati hai…Gaana ki aawaj se usse thoda andaaza to ho hi gaya tha ki gaane wala Atul hai…Chhat ke door khol kar chhat me aane ke baad uska andaaza sachhai me badal gaya.

Gaana gaane wala Atul hi tha…Uska peeth Nisha ki taraf tha…Haath me guitar lekar wo guitar bajaane ke saath saath dheemi aawaj me gaana gaa raha tha…Nisha dhire dhire Atul ke paas jaati hai…Atul apne gaane me iss tarah dooba hua tha ki usse Nisha ke aane ke baare me pata hi nahi chala.

Main rahoon ya na rahoon
Tum mujh mein kahin baaki rehna
Mujhe neend aaye jo aakhiri
Tum khwabon mein aate rehna
Bas itna hai tumse kehna (x4)
Main rahoon ya na rahoon
Tum mujhme kahin baaki rehna
Kisi roz baarish jo aaye
Samajh lena boondon mein main hoon
Subah dhoop tumko sataaye
Samajh lena kirno mein main hoon (x2)
Kuch kahun ya na kahun
Tum mujhko sada sunte rehna
Bas itna hai tumse kehna (x4)

Hawaaon mein lipta hua main
Guzar jaaunga tumko chhu ke
Agar mann ho to rok lena
Thehar jaaunga in labon pe (x2)
Main dikhu ya na dikhu
Tum mujhko mehsoos karna
Bas itna hai tumse kehna (x4)
Hmm..
Bas itna hai tumse kehna (x4)
Main rahun ya na rahun
Tum mujh mein kahin baaki rehna..
​

Jab Atul ne pura gaana gaake guitar ko side me rakha hi tha ki usse picche se kisi ki taali bajaane ki aawaj sunai deta hai.

Wo chaunk kar piche dekhta hai…Nisha ko dekh ke wo thoda hairaan hota hai…Usne iss vakt Nisha ko yaha expect nahi kiya tha…Aur Nisha kab yaha aa gayi usse pata bhi nahi chala…Wo isse jyada kuch aur soch paata usse pehle hi Nisha boli.

Nisha:- Bahut accha gaate ho.

Ye keh kar Nisha ne muskura kar fir taali bajaya.

Atul:- Thanks.

Atul ne bhi muskura kar kaha.

Nisha:- Ek baat puch sakti hu agar tum bura nahi maanoge to?

Atul:- Puchho.

Nisha:- Tum kehte ho ki tum pyar me vishwaas nahi karte…Lekin abhi tum romantic gaana gaa rahe the wo bhi deep feeling ke saath.

Nisha Atul ko abhi bhi samajhne ki koshish kar rahi thi…Wo Atul ko kabhi ek roop me dekhti to kuch pal baad Atul ka dusra roop dikh jaata tha usse.

Atul:- Wo to abhi bhi kahunga ki pyar par vishwaas nahi karta.

Atul ne fir se muskura kar jawaab diya.

Nisha:- Lekin ye gaana!!!

Nisha abb confuse ho gayi.

Atul:- Gaana ki baat alag hai…Wo to fresh hone ke liye gaa leta hu…Jab bhi gaana sunta hu…Ek alag hi sukun milta hai…Sabhi tension aur problem kuch pal ke liye bhul jaata hu.

Romantic songs sun kar lagta hai ki shaayad abhi bhi duniya me saccha pyar hota hai…Warna jitna suna hai, dekha hai, mehsus kiya hai isse to lagta hai ki aaj kal pyar pyar nahi time pass karne ka ek tarika hai…Koi kisi se pyar karta hai ya fir dikhaawa karta hai to uske piche bhi swarth aur matlab hota hai.

Agar movies aur gaane ki tarah sachha pyar koi kisi se kare to mujhe koi shikaayat nahi hai.

Nisha:- Hmm…Baat to sahi hai…Lekin abb tumne maan liya ki agar koi tumse saccha pyar kare to tumhe pyar se koi problem nahi hai…Matlab tum bhi kisi se pyar karoge?

Atul:- Pyar se shikaayat nahi rahega lekin kisi ke pyar me nahi padunga…Mai apne life me successful banna chaahta hu aur pyar mere raaste me aa gaya to mai apne sapna mera ambition se distract ho jaaunga…Aisa mai kabhi nahi chaahta.

Nisha Atul ki jawaab sun kar iss baar kuch bol nahi paayi…Usne iss baar mehsus kiya ki Atul swarthi hai…Ape sapna aur chaahat pura karne ke liye kisi ki feelings ki parwah nahi karta.

Atul:- Successful se mera matlab hai ek successful aur responsible doctor…Naa ki naam aur paisa kamaane wala doctor.

Bachpan se hi maine sapna dekha tha ki ek responsible doctor banu jo logo ke kaam aa sake…Sewa karke dusro ko khus dekh saku yahi sapna hai mera bachpan se…Iske liye mujhe mere Papa aur Bhaiya ke khilaaf bhi jaana pada…Abb mai ye nahi chaahta ki pyar jaisi baato me pad kar mai apne lakshya se bhatak jaau.

Nisha ka khayal Atul ke liye ek pal me fir se badal gaya.

Nisha:- Bahut accha soch hai tumhara…Lekin ek baat samajh me nahi aaya pyar se koi kaise distract hota hai…Pyar koi kisi se nahi karta Mr. Atul pyar ho jaata hai…Bas do dil ek dusre ke liye ye chaahat mehsus kare yahi to pyar hai…Aur kuch vakt ek dusre se bitaane se aur ek dusre se acchi baat karna hi kaafi hai.

Maine suna hai ki pyar se emotional support milta hai jo hame mushkil se mushkil haalat se bhi ladne me madad karta hai…Jindagi me kuch karne ki hausla milta hai...Apne pyar ke saath rehne ki khushi aur sukoon milta hau. Agar pyar saccha hai to pyar kamjori nahi taakat hai.

Nisha ne bhi apni baat Atul ko kaha.

Atul:- Sach kaha…Agar saccha pyar hai to…Lekin aaj kal "saccha pyar" ye shabd sunne ko milta hi nahi hai…Dekha hai maine apne dosto ko…Entrance preparation ke time me laghbhag bahut ke paas girlfriend tha…Din bhar "Love you, miss you, kiss you, hug you" aise baatein karte karte apne target se hi bhatak gaye.

Deserving student jinhe aasani se scholarship mil sakta tha wo bhi exam me fail ho gaye.

Abb bataao kaisa pyar hai ye?

Aur rahi baat saccha pyar ka to…Mujhe aisa pyar bhi nahi chaahiye…Saccha pyar hone se guarantee nahi milta ki pyar ko uska anjaam mile…Kayi baar aise haalat aate hai ki saccha pyar bhi bich me hi atak jaata hai…Aur waise bhi mai bahut emotional type hu…Bardaast nahi kar paaunga pyar me judaai ko…Aur iss tarah apne life me aage badh bhi nahi paaunga apna sapna pura karna to dur ki baat hai.

Issi liye mai apna sapna pura karne se pehle koi lafda nahi chaahta…Agar shaadi ho gaya to apne wife se bhi to pyar ho sakta hai bhale hi wo arranged marriage ho.

Yahi ha mera concept jo Ajay bata raha tha…Shaadi aur sapna pura karne se pehle koi pyar ke chakkar me nahi padunga.


Itna keh kar Atul chup ho gaya…Aur Nisha iss baat par kya kahegi uss baat ka wait karne laga.

Nisha:- Sahi baat hai…Lekin jitna aasahani se tum bol rahe ho utna aasan bhi nahi hai…Agar tumhe koi pasand aa gaya na to dekhna tumhaara sab concept ek pal me badal jaayega.

Atul:- Mujhe to nahi lagta…Fir bhi dekhte hai.

Atul ke dimaag me ek baat aaya aur usne Nisha se pucha.

Atul:- Nisha…Ek baat bataao…Tum pyar ki paksh (side) me baat kar rahi ho…Class me koi ladka pasand aa gaya kya tumhe?

Atul ki achanak se iss unexpected sawaal par Nisha chaunk gayi…Sar ko naa me hila kar usne kaha.

Nisha:- Nahi.

Atul:- Fir tumhe pyar ke baare me itna kaise pata chala? Baat to tumhaara sach hi hai lekin ye theory mujh par laagu nahi hota.

Nisha:- Suni hui baat hai…Movie aur stories se jo bhi pata hai wok eh diya.

Atul:- Accha hai…Ek suggestion dunga…Kisi se pyar karne se pehle uske baare me acche se pata kar lena…Bahut insaan ke maasum shakal aur baato ke picche khaufnaak iraada hota hai…Agar galat insaan se pyar karogi to jindagi bhar pacchtaana padega.

Nisha:- Jarur…Pyar to kisi ko acche se jaane pehchaane se hi hota hai…Khair abhi tak koi nahi mila jisse mujhe bhi pyar ho…Jab milega tab sochungi.

Atul:- Accha apne baare me bhi bataao kuch…Mere baare me hi puch rahi ho…Dsti ho gaya lekin abhi tak tumhaare baare me jyada nahi jaanta hu.

Nisha:- Jyada kuch nahi hai bataane ko…Apne Maa aur Papa ki ek louti aur laadli beti hu…Tumhaari tarah ek accha doctor banke logo ka sewa karna mera bhi sapna hai.

Abhi tak jindagi se koi shikaayat nahi hai…Jo bhi chaaha hai sab pura hua hai…Scholarship ke liye 2 marks piccche reh gayi fir bhi Papa ne jidd karke donation me admission kara diya…Maa aur Papa bahut pyar karte hai mujhse yahi mere liye sabse khushi ki baat hai…Kuch acche dost bhi mile hai…Abhi tak apne jindagi se khus hu aur ummeed hai ki aage bhi aisi hi khushi jindagi bhar rahe.

Nisha ne bahut khus ho kar kaha…Aur Atul apne man me sochne laga.

Atul:- (In his mind) Kaash mere Papa bhi mujhe kabhi samajhte.

Lekin wo jald hi apne khayal se baahar aaya aur Nisha se kaha.

Atul:- Sweet and Happy family.

Nisha ne iss baat ka jawaab muskuraa kar sar ko haa me hila kar diya.

Atul:- Nisha sorry abb kal baat karenge…Abhi Physiology padhne wala tha lekin baato me hi time kab itna beet gaya pata hi nahi chala.

Atul ne ghadi dekhte hue kaha.

Nisha:- Ok…Abb mai bhi chalti hu...Kal college me milte hai.

Fir dono apne apne room me chali gayi.
Jaate vakt Nisha sochti hai.

Nisha:- (In her mind) Pehli baar aisa insaan dekha hai jo pyar se itna darta hai…Lekin soch bahut hi sahi hai…Dekhte hai kabhi ye soch badlega ya nahi.

Dusri taraf Atul ko bhi khud par bahut yakin tha ki wo hamesha aisa hi rahega aur kabhi pyar nahi karega…Uska jo target hai usse hi haasil karega.

बहुत ही बेहतरीन महोदय।

प्यार को लेकर दोनों के विचार अलग अलग हैं लेकिन दोनों ही अपनी जगह पर सही है। देखते हैं कब प्यार होता है दोनों को एक दूसरे से। उस समय अतुल की थ्योरी देखने लायक होगी।।

 

[Mahi Maurya]

UPDATE 15


Next Day at College​

Atul aaj akele hi college apne time me gaya…Class ke andar jaane ke baad usne dekha ki kuch hi students abhi aaye the…Close friends me Kajal hi aayi thi.

Kajal bhi front seat me hi baithi thi…Atul uske paas jaa kar bola.

Atul:- Hi…May I sit here?

Kajal ne kuch nahi kaha…Bas Atul ko ghurti rahi.

Atul:- Kya hua? Aise kyu ghur rahi ho?

Kajal:- Tum aise permission kyu maang rahe ho baithne ke liye jaise ham dost nahi koi ajnabi hai?

Kajal ne thoda gussa me puccha.

Jawaab me Atul ne thoda muskura kar kaha.

Atul:- Iss liye gussa ho…Maine socha aaj kuch extra respect ke saath baat karu.

Kajal:- Abhi tak khade ho…Baitho.

Atul ke baithne ke baad.

Kajal:- Aur ye extra respect kya hai?

Atul:- Mai jab bhi kisi ke saath baat karta hu respect ke saath baat karta hu…Socha aaj apna level badha kar kuch jyada hi respect se baat karu.

Atul ki hontho me abhi bhi muskaan tha.

Kajal:- Kisi aur ko ye extra respect dena…Mujhe nahi chaahiye…Mujhse ussi tarah se baat karo jaise normally karte ho.

Atul:- Thik hai…Lekin abhi bhi tumse waise hi baat kar raha hu jaise normally karta hu.

Kajal:- Normally to tum kisi ko extra respect nahi dete ho?

Atul:- Ha nahi deta hu…Lekin dosto se majaak to karta hu…Abhi face expression change kar ke baat kiya tumse…Aur tum ne isse sach maan liya.

Itna keh kar Atul thoda hansne laga.

Kajal kuch soch paati usse pehle Atul ne kaha.

Atul:- Abhi kuch der me padhaai suru hoga to kuch bolne ka fursat bhi nahi milega…Issi liye socha masti majaak ke liye isse accha vakt nahi milega…Aur fir dikha diya tumhe apna acting skill.

Atul ne hanste hue hi kaha aur Atul ki iss baat par Kajal bhi hasne lagi.

Tabhi class ke andar Nisha aur Anjali bhi aa gayi.

Hi hello karne ke baad dono 2-3 row picche jaa kar baith gayi.

Kajal:- Sach me tumhaara ye majaak samajh nahi paayi...Aur saath me tumhe bhi samajh nahi paa rahi hu…Kabhi ek dam serious rehte ho to kabhi achanak se masti.

Atul:- Dhire dhire samajh jaaogi…Abhi ke liye itna samajh lo ki mai serious hi rehta hu jyaadatar lekin dosto ke saath kabhi kabhi masti majaak bhi karta hu…Khair ye baatein chhodo…Ye bataao kal college kyu nahi aayi?

Kajal:- Kal thoda bukhaar tha mujhe.

Atul:- Abb kaisa hai tabiyat? Dawaai khaya ya nahi?

Kajal:- Jyada bukhaar nahi tha…Bed rest lene ke baad thik ho gayi.

Atul:- Accha hai…Jald hi thik ho gayi.

Dusri taraf Nisha aaj bhi Atul ko notice kar rahi thi…Jab wo class me aayi thi tab usne dekha ki Atul aur Kajal hanste hue ek dusre se baat kar rahe the…Aur abb bhi baat kar rahe hai…Lekin iss baat ka wo yahi matlab nikaal paayi ki dono ke bich bahut jaldi gehra dosti ho gaya hai.

Fir class me entry hua Ajay ka…Usne sabhi students aur seat ki taraf dekha…Pehle Atul ko dekha aur saath me Kajal ko baitha dekh thoda khus ho gaya…Fir uska najar pada Anjali par aur fir saath baithi Nisha par…Ye dekhte hi uska chehra ekdam se latak gaya…Aur fir maayus ho kar last row ki taraf chala gaya.

Atul Ajay ka face expression dekh kar muskuraaye bina nahi reh saka…Aur apne man me hi kaha. "Unlucky fellow".

Fir issi tarah kuch der baad sir bhi class me aa gaye…Aur padhaai suru hua.

Hamesha ki tarah Atul padhte vakt shaant tha aur padhaai me dhyan de raha tha…Lekin kabhi kabhi Kajal se baat bhi kar leta tha…Aur luckily ya unluckily jab bhi wo Kajal se baat karta Nisha ki bhi najar Atul par ussi vakt pad jaata.

Wo apne man me sochne lagti hai…"Atul to padhte vakt kisi se baat nahi karta…Fir aaj Kajal ke saath?"

Issi tarah padhaai khatam hone ke baad lunch break start hota hai.

Baaki sab canteen me chale jaate hai Atul ke alawa…Atul apna note complete karne ke liye thodi der class me hi rukta hai.

Jab wo canteen me jaata hai to dekhta hai ki Ajay, Anjali, Nisha aur Kajal saath me hi baithe the…Wo bhi unke paas chala jaata hai.

Sabhi ek saath lunch karne lagte hai…Tabhi Kajal kehti hai.

Kajal:- Kal mai college nahi aa paayi…Atul please tum apna note mujhe do aaj ke liye…Kal waapas kar dungi.

Ajay:- Agar tum iska copy le jaaogi to ye bechara ka bahut hi bura haal ho jaayega 1 din ke liye…Iske liye padhaai oxygen ki tarah hai…1 din to kya agar 1 ghante bhi ye book aur copy se alag hua to isko aisa ghutan mehsus hota hai jaise 1 minute tak saans nahi le paaya hai.

Padhaai iski jaan hai.

Ajay ne Atul ka majaak udaate hue kaha…Uski iss baat par sabhi hansne lage…College ka suruwat hua kuch hafte ho gaye the…Itne vakt me sabhi ka ek dusre se accha jaan pehchaan ho gaya tha aur aisi masti majaak bhi common tha.

Atul:- Kuch jyada hi taarif kar diya tune.

Atul ne Ajay ko ghur kar kaha jaise wo naraaj ho gaya hai Ajay ki baat se…Lekin sabhi jaante the ki ye Atul ka acting hai aur wo Ajay se itni chhoti chhoti baaton par kabhi naraaj nahi hota hai.

Ajay:- Kajal tum mera copy le jaao…Waise bhi mai ghar jaa kar bag kholta bhi nahi hu…Aur Atul ko uski jaan se koi judaa bhi nahi kar paayega.

Ajay bhi abb majaak ke mood me aa gaya...Aur bahut accha target mila usse Atul ke roop me.

Kuch der hansne ke baad Kajal ne kaha.

Kajal:- Nahi…Mujhe Atul ka copy hi chaahiye.

Anjali:- Aisa kyu…Ham sab to taiyaar hai tujhe apne copy dene ke liye…Fir bhi tu Atul ko uski jaan se judaa kar rahi hai.

Anjali ne last line Atul ko dekh kar kaha aur hansne lagi…Iss baar bhi sabhi ne uska saath diya…Maahaul aisa ho gaya tha ki Nisha bhi khul kar hasne lagi.

Kajal:- Atul ke alawa tum sabhi ki hand writing typical doctor jaisi hai…Mai kuch samajh nahi paaungi…Sirf Atul ka writing hi clear hai aur bechara bahut mehnat se note banata hai.

Ajay:- Pyar cheej hai hi aisa…Atul apne jaan ko bahut hi sajaa kar rakhta hai…Acchi hand writing koi nayi baat nahi hai.

Atul:- Sach me yaar…Kaha ki baat ko kha laa kar jod diya…Critical aur Innovative thinking bahut accha hai tum sab ka…Keep it up…Aur rahi baat note dene ka to mujhe nahi lagta iski koi jarurat hai.

Atul ne bhi muskura kar hi kaha...Usse bhi dosto ka majaak accha lag raha tha.

Ajay:- Kaha tha na Atul apne jaan se 1 ghanta bhi dur nahi reh sakta…1 din to bahut jyada hai.

Ajay ki majaak par sabhi has rahe the sir Kajal ko chhod kar.

Kajal:- Koi problem hai kya Atul? Agar aaj nahi de sakte to kisi sur din de dena vakt mila kar.

Kajal ne socha Atul padhne me busy hoga.

Atul:- Mobile hai tumhaare paas?

Kajal:- Ha hai.

Kajal confuse ho kar boli…Atul ki baat ki matlab wo samajh nahi paayi thi.

Atul:- To fir class me chalne ke baad sabhi pages ka photo khinch lena…Note copy ka extra weight bhi tumhe uthaana nahi padega…Aur mujhe bhi koi wait karna nahi padega.

Ajay:- Waah…Kya idea hai bhai…Superb…Mujhe yakin tha tu apne jaan ko khud se alag nahi hone dega.

Ajay ki iss baat par Atul apne sar me ek haath maarta hai aur kehta hai.

Atul:- Tu abhi tak wohi atka hai.

Fir sabhi aise hi masti majaak karte hue apna lunch karte hai.

Aaj Nisha kuch bol nahi rahi thi…Wo bas Atul ko hi notice kar rahi thi…Hansta aur khul kar bolta hua Atul usse bahut accha lag raha tha…Canteen me abhi ho raha ye masti majaak bhi usse bahut accha lag raha tha.

Lekin Atul aur Kajal ka dosti jo aur bhi gehra ho raha tha ye dekh Nisha jyada accha feel nahi karti…Usse bhi samajh me nahi aa raha tha ki ye sab kya ho raha hai…Pehle to usne aisa feel nahi kiya Kajal aur Atul ka dosti aur hanste hue baat karte dekh kar…Kuch chhubhta sa mehsus ho raha tha usse par vajah se abhi bhi anjaan thi.

बहुत ही बेहतरीन।।

निशा तो गई बारह के भाव में। उसके दिल की घण्टी बज गई है अतुल के लिए। तभी उसे अच्छा नहीं लग रहा है काजल और अतुल का साथ मे बैठना और बात करना।।

 

[Mahi Maurya]

UPDATE 16


After College​

College se aane ke baad bhi Nisha bujhi bujhi si thi…Usse kuch samajh me nahi aa raha tha ki usse kya ho raha hai…Wo bas itna mehsus kar rahi thi ki usse kuch accha nahi lag raha hai…College me Atul aur Kajal ki baat to wo bhul chuki thi fir bhi usse kuch accha nahi lag raha tha.

Aur aaj bhi wo padhne se pehle chhat me mood fresh karne gayi…Chhat me aate hi aaj fir Atul ka darshan ho gaya…Lekin aaj usne Atul ko alag hi roop me dekha…Jab bhi wo Atul ko dekhti Atul ka ek naya roop uske saamne aata.

Aaj Atul cricket bat le kar haath ghuma raha tha…Ball side me rakha tha aur ball use kiye bina wo shot practice kar raha tha.

Jab Atul ka najar Nisha par pada to usne bat ko niche rakh kar Nisha ki chhat ki taraf aaya aur muskura kar bola.

Atul:- Hi.

Nisha:- Hi.

Nisha ki aawaj se saaf pata chal raha tha ki uska mood off hai...Nisha ka mood to pehle se hi thik nahi tha lekin iss baar wo thoda hairaan bhi thi.

Atul ne bhi mehsus kiya ki Nisha ka mood thik nahi hai…Usne socha shaayad padhaai ki pressure ki vajah se Nisha aisa feel kar rahi hai…Usne khud ke saath bhi aisa bahut baar feel kiya tha.

Atul:- Kya hua? Aaj tum bahut chup ho…Kuch bol bhi nahi rahi ho…Naa hi college me aur abhi bhi tumhaara mood thik nahi lag raha hai.

Nisha:- Nahi aisi koi baat nahi hai.

Nisha ne kuch sochte hue jawaab diya…Lekin uski aawaj se abhi bhi pata chal raha tha ki uska mood off hai.

Atul ne bhi iss baare me jyada baat karna thik nahi samjha…Usne socha kuch acchi baatein karke Nisha ki mood thik karne ka.

Atul:- To bataaiye Madam? Chhat me aana kaise hua.

Atul ne ussi tarah kaha jaise usne subah Kajal se kaha tha.

Achanak badla hua aawaj sun kar Nisha Atul ki taraf dekhti hai…Saamne Atul ka muskuraata hua chehra dekh Nisha ka mood kaafi haddh tak waise hi thik ho jaata hai…Atul ka ye muskaan Nisha ko bahut hi aakarshak laga aur kuch pal ke liye wo Atul ki chehre me hi kho jaati hai.

Atul:- Kya hua Madam?

Atul ne pehle jaise andaaj me hi puccha.

Iss baat se Nisha bhi hosh me aa jaati hai.

Nisha:- Atul ek baat kahu?

Pehli baar Atul ne mehsus kiya ki abb Nisha ki mood thik hai.

Atul:- Ji pucchiye?

Nisha:- Smile karte vakt tum bahut acche lagte ho…Aise hi muskuraate raho.

Atul:- Thanks for this Taarif…Muskuraate vakt sabhi acche lagte hai…Aap bhi lagti hai…So aap bhi muskuraati rahiye.

Atul ka bolne ka andaaj waisa hi tha sirf muskaan thoda badh gaya.

Atul ki iss baat par Nisha bhi muskuraane lagti hai.

Atul:- Abb hui na baat…Musuraate hue bahut acchi lagti ho…Pehle sada hua karela jaisa lag rahi thi.

Atul ne muskuraate hue hi kaha…Atul ne jaise hi apni baat khatam kiya Nisha ka chehra ekdam se badla gaya…Jhuttha gussa ka dikhaawa karte hue usne kaha.

Nisha:- You…

Itna keh kar wo Atul ko maarne lagti hai…Atul bhi thoda picche hatt jaata hai…Dono ghar ke chhat ke bich chhota sa cement ka railing tha to abb Nisha kuch bhi nahi kar paa rahi thi.

Nisha:- Bach kar kaha jaaoge.

Nisha ne abhi bhi jhuttha gussa dikhaa kar hi kaha tha…Atul ka usse baat karne ka tarika aur jis tarah se Atul ne uska mood thik kiya tha usse wo Atul se aur bhi impress ho gayi thi.

Atul:- Are kyu maar rahi ho…Maine to itna kaha tha ki muskuraate vakt tum bahut acchi lagti ho…Abb maine aisa kya jurm kar diya ki tum mujh maasum ko maar rahi ho?

Atul ne iss baar maasumiyat ka acting karte hue kaha.

Nisha:- Aur sada hua karela bhi kaha tha.

Jawaab me Atul kaan pakad kar maasumiyat se kehta hai.

Atul:- Sorry.

Atul ki iss harkat par Nisha ko hansi aa jaata hai aur wo khul kar hasne lagti hai…Mauka paa kar Atul fir Nisha ke paas aa jaata hai.

Nisha:- Haddh ho yaar tum bhi…Koi itna hasata hai kya?

Hansi rukne ke baad Nisha ne puccha.

Atul:- Isse hasana nahi manana kehte hai…Agar kabhi bhi mood off ho to aa jaana mere paas…Aise muft ke sewa bahut hai mere paas.

Nisha:- Wo to dikh hi raha hai.

Issi baat se dono ke hontho me muskaan aa jaata hai.

Fir thodi der tak dono aise hi baat karte hai…Abb dono dhire dhire ek dusre ke saath khul rahe the…Fir Nisha ki najar Atul ki bat par padta hai.

Nisha:- Ye kya hai?

Atul:- Mera bat…Lekin ye kyu pucch rahi ho?

Nisha:- Tumhe cricket khelne ke liye fursat bhi milta hai?

Nisha ne thoda hairaani ke saath puccha.

Atul:- Kyu nahi milega? College ke baad free hi to rehta hu…Thodi na mere paas koi job hai…Free time me book, bat aur guitar aise hi time pass ho jaata hai.

Nisha:- Lekin mai to sochti thi ki tum sirf padhte hi rehte ho?

Atul:- Galat soch hai aap ki madam…Jitni jarurat ho utna padhta to hu…Extra time 4 ghanta padhta hu…Lekin mood fresh bhi karta hu…Iske liye cricket aur guitar hai time paas karne ke liye aur mood fresh karne ke liye.

Book, Bat aur Guitar ye teeno hi meri jaan hai…Teeno ko saath le kar chalta hu.

Atul ki last ki baat par Nisha ko fir se hansi aa gaya.

Nisha:- Accha ye bataao…Time manage kaise karte ho?

Atul:- Simple equation hai…8 ghanta college, 4 ghanta padhaai, 7 ghanta sota hu, 2 ghanta internet me busy rehta hu aur 2 ghante aise hi baahar nikal kar mood fresh karta hu...Aur 1 ghanta aise hi nikal jaata hai kisi na kisi cheej main.

Padhaai bhi acche se ho jaata hai aur saath me mood bhi thik rehta hai…Aur Cricket chhhuti ke din hi khelta hu.

Atul ne apna complicated time table bahut simple tarike se bata diya.

Nisha:- Abb ye mat kehna ki tum social media me bhi active ho?

Atul:- Kabhi kabhi active rehta hu…Jarurat padne par…Jyaadatar facebook chalata hu jab bhi active hota hu…Kabhi kabhi chat karne ke liye.

Nisha:- Kya tum apna id de sakte ho?

Nisha ne request kiya.

Atul:- Are yaar itna request kyu kar rahi ho…Ham dost hai…Aise hi maang lo…De dunga.

Itna keh kar Atul ne apna id Nisha ko bata diya.

Kuch de raise hi baat karne ke baad Nisha fir ek bahana bana kar apne room me chali jaati hai.

Atul se baat karne ke baad Nisha ka mood ek dam se thik ho gaya tha…Wo aaj Atul ke baat karne ki tarika se bahut impressed bhi ho gayi thi.

Dusri taraf Atul bhi apne soch me gumm tha.

Atul:- (In his mind) Ye Nisha bhi na…Jab bhi baat karti hai mere baare me hi baat karti hai…Kabhi apne baare me nahi bataati hai…Par jo bhi ho baatein bahut acchi karti hai.

Itna sochte hi Atul ke chehre me bhi muskaan aa jaata hai…Aur wo bhi aage padhaai ke liye apne room me chala jaata hai.

Idhar Nisha jab Atul ka account search karti hai…Tab Atul ka profile picture dekh kar uski munh se nikalta hai "Handsome"…Wo Atul ko friend request bhejne hi waali thi ki side me "2 mutual friends" usko dikh jaata hai.

Unme se ek Anjali thi aur dusra Kajal…Kajal ka naam dekhte hi uska mood fir se pehle jaisa ho jaata hai…Kisi tarah wo Atul ko friend request bhej deti hai aur fir Kajal ka account kholti hai ye dekhne ke liye ki Atul ne Kajal ke post me kitna like aur comment kiya hai.

बहुत ही बेहतरीन।।

निशा तो अभी से बीवियों वाले काम करना शुरू कर दिया है। काजल से जलन होने लगी है उसे। लेकिन क्यों ये उसे समझ मे नहीं आ रहा है। उसे तो पता भी नहीं है कि उसे प्यार हो गया है अतुल से। उसे अतुल से बातें करना अच्छा लग रहा है। अतुल का हर अंदाज़ उसे पसंद आ रहा है।। जो प्यार की शुरुआत के लक्षण है ।।

 

[Mahi Maurya]

UPDATE 17​

Kajal ke account check karne ke baad Nisha ne dekha ki Atul ne uske kuch hi photos like kiya hai aur kuch jagah par comment…Fir Nisha Anjali ka account check karti hai…Waha bhi Atul ne kuch jagah par hi likes and comments kiya tha.

Ye dekhne ke baad Nisha sochti hai.

Nisha:- (In her mind) Kuch hi photos like kiya hai aur wo bhi bahut dino ke baad…Shaayad bahut hi kam facebook chalata hai.

Fir Nisha Atul ko friend request bhej deti hai aur fir sochne lagti hai.

Nisha:- (In her mind) Pata nahi mai kyu itna soch rahi hu Atul ke baare me…Kabhi kabhi to khud par hi gussa aata hai kuch bhi sochne lagti hu aur vajah se khud hi anjaan rehti hu.

Fir Nisha padhne lag jaati hai…Raat ke karib 10:00 pm me Nisha ke mobile me ek notification aata hai…Atul ne uska friend request accept kar liya hai.

Book ko side me rakh kar wo bed par chali jaati hai aur Atul se chatting karne lagti hai.

Nisha:- Hi.

Kuch der baad Atul ka reply aata hai.

Atul:- Hello…But sorry for now…Kal baat karenge…Abhi sone jaa raha hu…Abhi facebook khola to dekha tumhara friend request aaya tha aur maine accept kar liya.

Atul ki message se Nisha ka mood thoda off ho gaya aur saath me hairaani bhi.

Nisha:- Itni jaldi sote ho? To fir baaki ki padhaai kab karte ho?

Atul ne usko bataya tha ki wo 5 ghanta padhta hai…Shaam ke 7:00 pm tak to wo Atul ke saath hi thi chhat par…Aur abhi to 3 hi ghanta hua tha.

Atul:- Iss vakt hamesha sota hu…Subah 4 ya 5 baje utth kar baaki ka padhta hu.

Nisha:- Sach me padhaaku ho.

Atul:- Shaayad…Accha goodnight…Abb neend bhi lag raha hai.

Nisha ne Atul ka message dekha hi tha ki Atul ka offline hone ka symbol aa gaya.

Nisha:- Good night.

Fir Nisha bhi apna mobile off kar deti hai aur sochti hai.

Nisha:- Yakin nahi hota…Koi itna kaise padh sakta hai…Sach me Atul ka padhaai me jyada hi interest hai.

Itna sochne ke baad Nisha fir padhne lagti hai…11:00 pm ke karib wo bhi soo jaati hai.

Next Day at College​

Atul aaj bhi college baaki students se jaldi pahunch gaya tha…Jab wo aaya tha tab do ya tin hi student class me maujud the…Thodi der unse baat karne ke baad Atul front row ke seat me aa kar baithta hai.

Dhire dhire sabhi students aane lagte hai…Nisha aur Anjali aaj bhi saath hi aaye the…Aaj Atul ko akela dekh wo Atul ke paas aa kar baith jaati hai…Anjali ko thoda hairaani hota hai ki Nisha aaj kal kuch jyaada hi karib ho gayi hai aur usse bataaye bina hi Atul ke saath jaa kar baith gayi…Fir Atul se hi hello karne ke baad wo kuch row picche jaa kar baith jaati hai.

Kuch der baad Kajal bhi aa jaati hai…Atul aur Nisha se kuch der baat karne ke baad wo bhi picche Anjali ke saath jaa kar baith jaati hai.

Nisha:- Itna chup kyu ho aaj?

Jab se Nisha aayi thi usne mehsus kiya ki Atul ka aaj mood off hai aur wo baat bhi nahi kar raha tha…Usne Anjali aur Kajal se thik se baat bhi nahi kiya...Bas unki baaton ka jawaab de raha tha wo bhi kuch hi shabd mein.

Atul:- Aaj mood thik nahi hai.

Atul gusse me bhi lag raha tha.

Nisha:- Kya hua?

Nisha ne bhi serious ho kar hi pucha…Atul ne Nisha ki taraf dekha aur fir dusri taraf dekhne laga.

Nisha:- Agar nahi bataana chaahte ho to thik hai…Mat bataao.

Nisha ne bahut dheere se kaha…Uski aawaj me Atul ne apne liye thoda fikar mehsus kiya.

Ek baar fir usne Nisha ko dekha…Nisha ko dekh kar aisa lag raha tha ki wo Atul ki mood off hone ki vajah ka andaaza laga rahi thi…Atul ne kuch pal socha aur fir usne bataane ka faisla kiya.

Atul:- Aaj subah subah hi Gaurav se fir ladaai ho gaya?

Atul ne bahut gusse me Gaurav kaha…Usko bhaiya kehna to wo kab ka bhul chuka tha.

Nisha:- Kaun Gaurav?

Atul:- Mera bhaiya.

Bhaiya kehte vakt bhi Atul soch raha tha ki bhaiya kahu ya nahi.

Nisha ko hairaani ho raha tha ki Atul ka kisi se ladaai bhi ho sakta hai…Wo to sirf apne kaam se matlab rakhta hai.

Nisha:- Kyu? Kya hua?

Hairaani me Nisha ne pucha.

Atul:- Kuch khaas nahi…Hamesha aisa hota hai…Ladne ka koi mauka nahi chhodta hai…Pata nahi uska kya dushmani hai mujhse…Bachpan se aisa hi kar raha hai wo.

Atul dheere se lekin bahut gusse me keh raha tha saari baatein…Baaki koi na sun sake issi liye wo dhire se bol raha tha.

Nisha pehe bhi yahi soch me thi ki Atul aur Gaurav itna alag kyu hai…Gaurav ek taraf gunda type ka jo har vakt dusro se ladte hi rehta hai aur wohi Atul ek dam shaant aur apne kaam se hi matlab rakhne wala.

Aaj Atul se baat karne ke baad usse pata chal gaya ki Gaurav Atul ke saath bhi waisa hi hai jaise baaki log ke saath…Ye acchi baat tha ki Atul uske jaisa nahi bana.

Nisha ko Atul aaj "kicchad ka kamal" lag raha tha…Wo uske Papa aur Bhaiya ko to pehle bhi jaanti thi…Atul ko samajhne ke baad usne mehsus kiya ki Atul dono se bahut alag hai.

Nisha:- To fir tum unse baat karke sab kuch thik kar lo…Bhai bhai me dushmani hona koi acchi baat to nahi hai.

Atul:- Wo kuch maane ke liye taiyaar ho tab na…Hamesha mujhe dushman hi maana hai usne aur waisa hi behave kiya hai…Pehle to chhota tha aur kuch kar bhi nahi sakta tha…Lekin abb mai pehle jaisa kamjor nahi hu…Jawaab de sakta hu.

Shaayad hi ye dushmani kabhi khatam ho…Naa hi wo kabhi badlega aur naa hi kabhi hamaara dushmani kabhi khatm hoga…Mai to usse dushman bhi nahi manta auar naahi koi rishta rakhna chaahta hu lekin wo hi hai jo baar baar ladne chala aata hai…Kuch na kuch karna hi padega.

Atul ne bahut gusse me kaha ye baat…Nisha ne bhi Atul ka Gaurav ke saath relation aur Atul ka gussa dekh liya.

Nisha:- Accha to fir abhi ye gussa thuk do.

Nisha jo abhi tak seriously baat kar rahi thi achanak muskura kar normally baat karne lagi.

Atul ko bhi Nisha ka achanak aisa behavior samajh me nahi aaya…Wo Nisha ki taraf dekhta hai aur samajhne ki koshish karta hai.

Nisha:- Agar tumhaara chehra tamaatar ki tarah laal raha to yakin ke saath keh sakti hu aaj tum class ko acche se attend nahi kar paaoge aur pura din waste ho jaayega.

Nisha ne fir muskura kar kaha…Wo kisi tarah Atul ka mood thik karna chaahti thi.

Nisha:- Agar tum aise hi gussa me rahoge to tumhaara hi loss hoga…Naa ki tumhaara bhaiya ka…Jiski vajah se tum gusse me ho.

So taiyaar ho jaao padhaai ke liye…Kuch hi der me class bhi suru hone wala hai…Agar fir bhi tumne padhaai me dhyan nahi diya to mai apna note bhi nahi dungi.

Nisha ne last ke line kuch iss tarah se kaha jisse Atul ke chehre me thoda sa smile aa gaya…Usne socha Nisha sach hi keh rahi hai…Agar wo gussa raha to thik se padh bhi nahi paayega.

Apne gussa ko kam karne ki koshish karte hue usne thoda smile ke saath kaha.

Atul:- Thanks.

Nisha ne jawaab me sirf smile hi diya.

Atul ko Nisha ka iss tarah samjhaana bahut accha laga…Gusse me wo ye bhul gaya tha ki ye gussa usse hi nukshaan pahunchaane wala hai…Kahi ka gussa kahi aur utaarna accha nahi hai…Wo muskura kar ek najar Nisha ko dekhta hai aur fir bag se book nikaalne lagta hai.

Dusri taraf Nisha bhi Atul ke baare me aur bhi jyada jaan rahi thi…Kuch hi vakt me usne Atul ko bahut acche se jaan liya tha…Lekin ek surprise abhi baaki tha…Jo kuch der baad usse milne wala hai…Atul ke baare me aisa baat usse pata chalne wala tha jiske baare me wo soch bhi nahi kar sakti thi…Vishwaas karna to dur ki baat hai.

Inn sab ke alawa picche se do aankhein aisa bhi tha jo kuch dino se dono ko ghur raha tha…Dono ki kareebi usse accha nahi lag raha tha…Wo bhi apna sahi vakt ka intejaar mai tha.

बहुत ही बेहतरीन महोदय।

दोनों भाई में तो बिल्कुल भी नहीं बन रही है। दोनों एक दूसरे को अपना दुश्मन बनाने पर तुले हुए हैं। तूल गौरव का भी है तो गौरव को अतुल के साथ ऐसा बर्ताव नहीं करना चाहिए। आखिर रहना दोनों को एक ही घर मे है।। भाई भाई में ऐसे तकरार होना अच्छा नहीं है। अतुल को एक बार अच्छे से अपने भाई से बात करनी चाहिए।।

निशा की अतुल के साथ नजदीकियां बढ़ रहा हैं जो किसी को रास नहीं आ रही हैं।। निशा को तो अतुल से प्यार हो गया है, लेकिन अतुल के दिल मे में निशा के लिए अभी फिलहाल ऐसा कुछ भी नहीं है। निशा और अतुल से कौन जल रहा हैं। अंजली या काजल और ऐसा क्या खुलासा होने वाला है अतुल को लड़कर जिसकी उम्मीद किसी ने नहीं की है।।​

 

[Mahi Maurya]

UPDATE 18​

Class me teacher aane ke baad Atul aur Nisha dono hi padhaai me hi dhyaan dene lagte hai…Hamesha ki tarah iss bich dono me kuch baat nahi hota hai.

Lecture ki vakt kabhi kabhi Nisha Atul ko dekh leti thi…Atul ke face me koi bhi expression nahi tha…Wo sirf teacher aur board ko hi dekh raha tha…Issi tarah kabhi kabhi Atul ka bhi najar Nisha par pad jaata tha…Lekin 2 seconds se jyada nahi…Wo fir apne padhaai me concentrate karne lagta.

Lunch time


Issi tarah lectures khatam hone ke baad lunch break ka time aata hai…Sabhi dost pehle ki tarah ek hi table me baith jaate hai khaane ke liye.



Lunch time me bhi sabhi ek dusre se hansi majaak kar rahe the lekin Atul shaant tha…Nisha to vajah jaanti thi…Baaki koi jaan paate usse pehle hi Atul ne kaha.

Atul:- Sorry friends…Aaj khaane ka man nahi hai aur mood off bhi hai…Mai ek biscuit leke park me jaata hu…Tum sab lunch kar ke aa jaana.

Atul itna keh kar utth hi raha tha ki Ajay ne kaha.

Ajay:- To fir chal aaj mai bhi Park me hi chalta hu tere saath…Aaj ek din nahi khaaunga to mera 6 packs me koi fark nahi padega.

Ajay ne hanste hue kaha.

Atul:- Please yaar…Iss vakt overacting mat kar…Mai akela rehna chaahta hu kuch pal ke liye issi liye jaa raha hu.

Atul thoda frustrated ho kar bola.

Uske baad Ajay ne bhi kuch nahi kaha.

Atul:- Ok friends…Lunch karke aa jaana.

Itna keh kar Atul waha se chala gaya.

Atul ke jaane ke baad hi Kajal boli.

Kajal:- Aaj Atul ko kya ho gaya? Pehle to aisa kabhi nahi kiya usne…Jab bhi free time milta tha hansi majaak karta tha…Aaj subah se hi pareshaan lag raha hai.

Anjali:- Usne bataya to aaj mood off hai…Hoga koi problem…Filhaal akela hi chhodna chaahiye usko…Baad me pucchenge.

Ajay bahut der se kuch soch raha tha…Achanak usne apne mobile pocket se nikaala aur fir hairaani se bola.

Ajay:- Aaj to July 23 hai.

Ajay itna keh kar pareshaan sa ho gaya.

Ajay ka hairaan aur pareshaan hona kisi ko samajh me nahi aa raha tha.

Kajal:- Ha aaj 23 July hai…Lekin kya hua aur aaj aisa kya khaas hai.

Ajay:- Abb samajh me aaya…Atul ka mood kyu off hai?

Ajay ki baat ne teeno ko aur confusion me daal diya…23 July se Atul ke saath ka relation ho sakta hai…Sab issi soch me the.

Nisha:- 23 July se Atul ka kya relation?

Confusion me Nisha ne pucha.

Ajay:- 2 saal pehle yahi date me Atul ka dil toota tha.

Ajay udaas ho kar bola.

Nisha:- Atul ka dil toota tha…Par wo to pyar me vishwas bhi nahi karta?

Nisha Ajay ki baat par vishwaas nahi kar paa rahi thi.

Ajay:- Yahi vajah hai…Har insaan ka sehne ka ek limit hota hai…Nahi seh paaya wo iss dhokha ko…Bahut mushkil se sambhal paaya hai wo…Tabse wo pyar jaisi baato ko bhul kar apna career ke baare me sochne laga hai wo…Darta hai wo ki agar fir se koi uska dil na tod de…Issi liye wo pyar naam ke shabd se dur reh kar sirf apne career par focus karna chaahta hai.

Isse wo successful bhi hoga aur apni kadwi yaadein bhulaane me bhi aashani hogi.

Nisha:- Par Atul ne to ye baat kabhi nahi bataya.

Ajay:- Wo uss baat ko puri tarah se bhul jaana chaahta hai issi liye uss baat ko yaad karna bhi nahi chaahta hai…Lekin aaj ki date hi aisa hai ki wo khud par control nahi kar paaya…Pichli saal bhi iss date me maine usse rote hue dekha hai.

Iss baar pehle se wo kaafi sambhal gaya hai lekin fir bhi uss manhoos pal ko bhula nahi paaya…Fikar mat karo jald hi wo sambhal jaayega.

Ye kehte vakt Ajay bhi accha khaasa emotional ho gaya tha.

Kajal:- Bahut bura hua…Abb samajh me aa raha hai…Kabhi kabhi Atul ko jab akele me dekhti hu to wo bahut udaas rehta hai shaayad yahi vajah hai.

Kajal ko bhi Atul ke liye bura lag raha tha.

Ajay:- Ha jab bhi uss bewafa ki yaad aata hai uski chehre me wo dard fir se haawi ho jaata hai…Par abb kaafi sudhaar hua hai uski haalat me…Jab uska dil toota tha tab uska haalat aisa tha ki mujhe hi dar lagne laga tha ki kahi khud ko hi nukshaan na pahuncha le wo.

Lekin wo itna kamjor bhi nahi hai…Kuch vakt laga lekin khud hi sambhal gaya.

Ajay ki baat se aisa lag raha tha ki Atul ki iss haalat par usse bhi bahut bura lag raha hai…Last ki line kehte vakt uski hontho me ek muskaan tha jab usne Atul ki taarif kiya.

Anjali:- Bahut bura lagta hai jab kisi acche insaan ka dil toot ta hai…Saccha pyar to majaak ban kar reh gaya hai...Atul aaj bhi uss bure vakt ko bhul nahi paaya…Date tak yaad hai usse.

Ajay:- Aisa hi hai Atul…Har chhoti chhoti baato ko yaad rakhta hai.

Ajay ki baat sun kar sabhi ko bahut bura lag raha tha…Sabse jyada Nisha ko…Ajay ki har baat me wo Atul ka dard mehsus kar rahi thi…Kabhi socha nahi tha usne Atul ke baare me aisi baatein bhi pata chalega.

Atul ke liye usse bahut bura lag raha tha…Atul ke baare me yaad karne ke baad usse Ajay ki baato me sacchai najar aane laga…Atul ka akela rehna, shaant rehna aur kisi dost ke saath hanste hue baat karna bhi usse abb Atul ka naatak hi lag raha tha…Usse lag raha tha ki Atul ye sab khud ko khus rakhne ke liye karta hai.

Fir dhire dhire uss ladki par gussa bhi aane laga…Gusse me usne pucha.

Nisha:- Kya naam hai uss ladki ka?

Nisha ki gussa uske aawaj se hi pata chal raha tha.

Ajay:- Shruti.

Ajay:- Maine ye sab tum sab ko to bata diya…Par ye baat Atul ko pata nahi chalna chaahiye…Agar usse pata chala to mujhse gussa ho jaayega…Wo ye baat baat bhul jaana chaahta hai aur kisi ko pata chalne nahi dena chaahta hai.

Ajay ne itna kaha hi tha ki Nisha achanak se Park ki taraf jaane lagi Atul se milne.

Ajay ne usse ek do baar rokne ki koshish bhi kiya…Par Nisha nahi ruki…Man me kayi saari baatein le kar wo teji se Atul ki taraf jaane lagi.


Jab wo park me pahunchi to usne dekha ki Atul ek bench par baith kar mobile chala raha tha…Chehre se hi wo pareshaan sa lag raha tha.

Nisha uske paas pahunchi aur kaha.

Nisha:- Atul.

Nisha ki aawaj me bhi dard tha.

Atul ne Nisha ka aawaj pehchaan liya aur saath me uska wo dard bhi…Aur hairaani se wo Nisha ki taraf muda…Mudte hi uski kaano me Nisha ki aawaj fir sunaai diya.

Nisha:- Shruti ko yaad karke udaash ho rahe ho na?

Atul:- Ha.

Atul ne ye keh to diya par kehne ke baad usse pata chala usne kya keh diya hai.

बहुत ही बेहतरीन।।
तो ये राज की बात थी जो पता चलनी थी। राज को कक्षा 11 में ही प्यार हो गया था। बहुत खूब!आजकल के बच्चे स्कूल कॉलेज पढ़ने के लिए नहीं जाते। लव लपाटा के लिए जाते हैं। इतनी छोटी सी नादान उम्र में इश्क करोगे तो यही परिणाम निकलेगा न।। श्रुति नाम था लड़की का। एक भूल की श्रुति।

अजय ने जब कह दिया था कि अतुल को इस बारे में नहीं पता चलना चाहिए कि अजय ने श्रुति के बारे में बताया है तो निशा को ऐसे अतुल के पास नहीं जाना चाहिए था, वो जिसे भूलने की कोशिश कर रहा है उसे ही निशा याद दिला रही है।।​

 

[Mahi Maurya]

UPDATE 19
​

Fir jaldbaaji me usne pucha.

Atul:- Kya? Kaun Shruti?

Atul ko kuch samajh me nahi aa raha tha ki Nisha kya puch rahi hai aur usse achanak se ye sab kya ho gaya hai.

Nisha:- Chhupaane ki jarurat nahi hai abb? Ajay ne sab kuch bata diya hai mujhe.

Nisha ki baato se lag raha tha ki usse Atul ki udaasi par bahut bura lag raha hai.

Nisha ka ye baat sunte hi Atul saara maamla samajh gaya aur uska chehre ke bhaaw achanak hi badal gaya.

Nisha ki baat sunne ke baad Atul saari baat samajh gaya…Uske chehre ke bhaaw badal baya aur uske chehre me muskaan aa gaya.

Atul ko muskurata dekh Nisha ko kuch samajh me nahi aa raha tha…Wo kuch bolti usse pehle hi Atul ne puccha.

Atul:- Ye Shruti kaun hai?

Nisha:- Wo hi jisne tumhe pyar me dhokha diya tha.

Nisha confuse ho kar boli…Atul ka ye sawaal uska confusion ko aur badha raha tha.

Atul:- Iss kahani se to mai bhi anjaan hu.

Atul muskura kar hi bol raha tha…Usse pata chal gaya tha ki Ajay ne hi aisa kuch bataya hoga Nisha ko.

Nisha:- Lekin Ajay keh raha tha ki 2 saal pehle issi date me Shruti ne dhokha tha…Issi liye aaj tumhaara mood off hai.

Nisha Atul ki baat se aur bhi jyada confusion ho gayi thi…Atul ka muskuraana jaise kuch hua hi nahi hai aur Ajay ki wo baatein…Saaf pata chal raha tha ki Ajay sach hi bol raha hai…Usse samajh me nahi aa raha tha ki Atul sach bol raha hai ya Ajay.

Nisha:- Apne dard ko chupaane ke liye muskura rahe ho naa.

Nisha ki ye baat sunte hi Atul ko thoda hansi aa gaya.

Fir Atul ne Ajay ko message kiya aur park me bulaaya.

Ajay ke aane tak Atul aur Nisha dono khaamosh the…Nisha apne aur confusion me khoyi hui thi…Aur Atul muskura raha tha ye soch kar ki Ajay ki iss majaak par sab ne yakin kar liya.

Fir kuch der baad Ajay, Anjali aur Kajal saath me aa gayi…Anjali aur Kajal ko Atul ko aise muskuraata dekh hairaani hone laga.

Ajay:- Ha bhai…Kyu bulaya?

Atul:- Bahut din se koi kahani nahi suna hai…Abhi 10 minute baaki hai class suru hone me…Ek acchi si kahani suna de…Jisse sunne ke baad hassi aa jaaye.

Atul ne Ajay ko ghur kar kaha…Ajay ke siwa Atul ki baat koi samajh nahi paaya…Ajay Atul ki baat ka matlab saaf samajh raha tha.

Ajay:- Mujhe koi kahani nahi aata.

Atul:- Accha…To fir tu sabhi ko kya suna raha tha jab mai canteen se baahar nikla tha.

Ajay:- Bhai wo to aise hi…

Isse aage Ajay kuch nahi bola…Aur muskuraane laga jaise uska chori pakda gaya hai.

Ajay ki iss baat par Nisha, Kajal aur Anjali usse ghur kar dekhne lage.

Atul ne fir teeno ko dekhne ke baad kaha.

Atul:- Tu kabse itna accha acting karne lag gaya bey…Afsos hai ki maine miss kar diya…Laga reh bhai…Agar doctor nahi ban paaya to acting me accha scope hai.

Ajay:- Thanks bhai.

Anjali:- Thanks ke bacche…Ye kaisa majaak tha…Ham sabhi iss sach samajh rahe the…Koi apne dost ke baare me aisa ghatiya majaak karte hai kya?

Anjali ne gusse me kaha…Uski baato se hi lag raha tha ki usse Ajay ka majaak bilkul bhi pasand nahi aaya.

Nisha:- Sach kaha Anjali tune…Mujhe bhi ye majaak pasand nahi aaya…Mujhe bhi laga ki ye sach hai aur Atul ke liye bahut bura lag raha tha…Kabhi sapne me bhi nahi soch sakti hu ki kabhi mere kisi bhi dost ke saath aisa kuch ho…Aage se please aisa majaak kabhi mat karna.

Nisha ne bhi apna saara gussa Ajay par utaar diya.

Atul:- Are bas bas…Kitna daantogi bacche ko…Kahi rone na lag jaaye.

Atul Ajay ka chehra dekh kar haste hue bola…Ajay ke chehre se lag raha tha ki usse bhi afsos ho raha tha iss majaak ke liye.

Ajay:- Hans le bhai…Jitna hasna hai…Kabhi mera bhi din aayega.

Ajay ki baat se pata chal raha tha ki usse Atul ka hansna bilkul bhi pasand nahi aaya hai…Pehle Anjali aur Nisha ka daant aur abb Atul ka hansi…Iss vajah se wo thoda gussa ho gaya.

Atul:- Are naraaj kyu ho raha hai…Mai to aise hi majaak kar raha tha…By the way thanks.

Atul ne iss baar muskura kar kaha.

Kajal:- Aur ye thanks kis liye…Kya tumhe iska ye joke pasand aaya?

Kajal ke saath Anjali aur Nisha bhi fir se confuse ho gayi Atul ki iss thanks par.

Atul:- Joke to pasand nahi aaya…Lekin isne jokes bol kar mood fresh kiya uske liye thanks bola isse.

Aaj mera mood off tha…Aur jab bhi mood off hota hai ye issi tarah kuch na kuch karta hai mera mood thik karne ke liye…Aur baato me uljha deta hai aur mai bhul jaata hu ki mera mood off tha…Aaj bhi waisa hi hua.

Ye kabhi mujhe udaas nahi rehne deta hai…Issi liye mai isse apna best friend manta hu…Dosto ke liye kuch bhi karne ko taiyaar rehta hai.

Atul ne iss baar Ajay ki taarif kiya to Ajay bhi apna gussa bhul gaya.

Ajay:- Kya baat hai yaar…Tu to mera taarif bhi karne lag gaya?

Atul:- Ha wo kabhi kabhi hi karta hu…Aaj ka din tere liye bahut shubh hai…Shaayad yahi vajah hai.

Nisha:- Lekin jab maine tumhe pucha tha ki tum Shruti ko yaad kar rahe ho to tumne haa kaha tha?

Nisha ne kuch sochte hue pucha.

Atul:- Tum abhi bhi ussi baat par atki hui ho? Wo mai tumhaari baat nahi samajh paaya tha iss liye munh se ha nikal gaya…Fir jab samajh gaya tab maine pucha ki Shruti kaun hai?

Kajal:- Accha hai ki Ajay ki baat sach nahi tha...Sabhi ko tumhaare baare me soch kar bura lag raha tha.

Atul:- Iss pyar wali topic par bura maane ki jarurat nahi hai…Kyuki ye mujhe sapne me bhi nahi hoga.

Mera dictionary me Pyar ka antonym Atul hai.

Atul ki aawaj me khud ke liye garv tha ki usse kisi se bhi pyar nahi hoga.

Kajal:- Itna confidence.

Kajal ne Atul ki aanko me dekh kar pucha.

Atul:- Isse bhi jyada.

Atul ne bhi confident ho kar jawaab diya.

Kajal:- Dekhte hai.

Atul ne iss baar kuch nahi kaha…Bas sar ko haa me hilaa kar sehmati diya.

Kajal:- Maine bahut baar dekha hai jo pyar me vishwaas nahi karte hai unhe hi sabse jaldi pyar ho jaata hai.

Atul:- Aisa kaha dekha tumne?

Kajal:- Movies me.

Atul:- Abb reality me aa jaaiye Madam…Movie scripted hota hai aur pyar ke baare me bahut bakwaas tarike se present karte hai…Real life me dekho aur practically socho…Mere jaise bahut log milenge jinhe pyar par vishwas nahi hai.

Ajay:- Bas bas ho gaya…Ye debate baad me fursat se kar lena…Pehle hi 2 minute late ho chuke hai.

Fir sabhi class ki taraf jaane lagti hai…Atul ka bhi mood abb pehle se bahut behtar ho gaya tha.

Ajay bhi khus tha ki Atul ka mood abb thik ho gaya hai…Anjali aur Kajal bhi khus the ki Atul ke saath waisa nahi hua hai jo unhone socha tha.

Kisi ne kaha nahi lekin sabhi ko Atul aur Ajay ki dosti aur ek dusre ke liye understanding bahut pasand aaya tha.

Aur dusri taraf Nisha…Uski dimaag me bahut saari baatein chal raha tha…Atul ke saath waisa nahi hua tha jo wo soch rahi thi iss baat ke liye wo bahut khus thi.

Lekin iske alawa bhi wo aur baatein soch rahi thi…Pehli baar wo khud se pucch rahi thi ki wo Atul ke baare me itna kyu soch rahi hai? Jab bhi Atul ki baat hota tha wo sabse pehle react karti thi…Aur aaj bhi waisa hi hua bina soche samjhe wo Atul se uske past ke baare me pucchne aa gayi.

Aur dusri taraf Atul aur Kajal ka ek dusre se khul kar aur muskuraate hue baat karna accha nahi lag raha tha wo bhi pyar ke topic me aur Kajal ka Atul ko challenge dena ki usse bahut jald kisi se pyar ho jaayega.

Uss vakt to usse vajah pata nahi tha bura lagne ki lekin abb jab wo sabhi baato ko ek saath soch rahi thi aur vajah dhund rahi thi tab usse bhi lagne laga ki kahi wo Atul se pyar to nahi karne lagi hai?

Ye soch dimaag me aate hi wo ek dum se serious ho gayi.

बहुत ही बेहतरीन।

तो ये सब मज़ाक था। अजय ने तो खामखा ही रायता फैला दिया श्रुति का नाम लेकर। मुझे तो सच मे लगा था कि श्रुति वापस आ गई है, लेकिन नहीं ये तो बस एक मज़ाक था अतुल का मूड ठीक करने के लिए।। अजय वाकई में एक अच्छा दोस्त है अतुल का जिसे अतुल की हमेशा फिक्र लगी रहती है।।

निशा और काजल यही दो लड़कियां हैं जिनमे अतुल को लेकर जंग छिड़ी है प्यार की, लेकिन पायल अनजान बन रही है या उसे अतुल से प्यार होने का एहसास नहीं है। निशा को तो चलो आखिरकार एहसास हो गया कि वो अतुल से प्यार करने लगी है।।​

 

[Mahi Maurya]

UPDATE 20


FLASHBACK​

Kitne acche aur masti se bhare hue din the…Ajay ki hansi majaak, Nisha ka sawaal aur mere liye fikr, Kajal aur Anjali ka dosti aur saath…Aaj ye sab kuch miss kar raha hu...Aur reh gayi hai sirf wo dard bhari yaadein jaha mujhe sirf apna barbadi hi dikhta hai aur khushiyon ke kuch pal jiski yaad ki sahare hi jee paa raha hu.

Aaj bhi wo din ko yaad karta hu to khud par hansi aata hai…Kitne halke me liya tha maine pyar ko aur Ajay ka wo jokes ki mujhe pyar me dhokha mila tha…Usko hansi me udaa diya tha…Ek baar bhi nahi socha ki adhura pyar ka dard kya hota hai.

Aaj mehsus ho raha hai wo dard…Aur 5 saal se mehsus karta aa raha hu…Kabhi kabhi lagta hai ki aise dard me jeene ka kya faaidaa aur abb makshad hi kya reh gaya hai mere jindagi me? Naa hi koi chaahat aur naa hi koi sapna…Bas kisi tarah din kat raha hai...Dard aur yaadon me.

Kabhi kabhi khayal aata hai ki khud ko hi khatm kar du itna dard aur bekaar jindagi jeene se…Lekin apne patients ko dekh kar ye khayal dimaag se nikaal deta hu.

Wo sabhi bahut mushkil haalat aur dukh bhari jindagi jeete hue bhi jeena chaahte hai… Aur aakhiri vakt tak himmat nahi haarte…Kisi tarah thik ho kar aage ki mushkilon ki saamna karne ki koshish karte hai.

Aur mai ek Doctor…Itna padh lene ke baad aur kandho me itna jimmedaari hone ke baawjud bhi aisi ghatiya baatein sochta hu... Kabhi kabhi to khud par hi gussa aata hai.

Shaayad unn (patients) ka dard ko mehsus karke ya fir unki dard me shaamil ho kar hi aage jeene ka aur apni mushibat ka saamna karna sikh liya hai.

Waise bhi mere saath aisa kya hua hai jo mai itna bada aur ghatiya faisla lene ka soch raha hu…Bas love failure…Kya ye itni badi mushibat hai ki mai iska saamna nahi kar paa raha hu? Kya pyar insaan ko itna kamjor bana deta hai ki insaan apne jeene ki vajah hi bhul jaata hai? Kya mera pyar itna khudgarz hai ki ek rishta ke liye baaki rishta ko najar andaaz kar raha hu? Kya Maa aur Didi ka pyar kuch nahi hai mere liye?


Bas yahi sab khayaal aate hai man me to aisi ghatiya soch bhool jaata hu…Apni jimmedaari aur Maa aur Didi se jald hi ghar lautne ka vaada ki vajah se hi jindagi me aage badhna chaahta hu warna mera jindagi ka koi matlab bhi nahi rehta.

Ye pyar aisa hi hota hai...Jaanta hu jo kar raha hu wo sahi nahi hai...Fir bhi sahi karne ki himmat hi nahi aur naa hi karna chaahta hu.


(Nisha ki photo ko dekhte hue) Kuch issi tarah se jindagi kat raha hai mera…Subah se shaam tak hospital me patients ki check up me aur fir shaam aise hi akela khud se baat karte hue aur future ki baare me sochte hue…Kabhi kabhi dosto ke roop me Shreya aur Aamir ke saath vakt beeta leta hu to kabhi kabhi gaanw me aise hi ghum kar sabhi ke haal chaal jaan leta hu.

Abb yahi hai mera jindagi… Bas kisi tarah khud ko pehle jaisa banana hai aur Maa ka sahara banna hai… Isse jyada naa hi koi chaahat aur naa hi koi sapna.

Maa, Didi ke alawa kabhi kabhi dosto se baat ho jaata hai lekin tumse baat karne ki himmat abhi tak nahi hua…Kahi fir se toot na jaau bas issi dar se tumse baat nahi kar paata hu aur mai abb tumhaari jindagi me fir se aa kar tumhe pareshaan bhi nahi karna chaahta.

Bas yahi dua karunga ki tum jaha bhi raho tumhe wo saari khushiyan mile jo mai tumhe de sakta tha…Nahi usse bhi jyada.


Fir Atul ko neend aane lagta hai…Ghadi me time dekhta hai aur fir.

Atul:- 1 baj gaya…Abb sona padega…Fir subah hospital bhi to jaana hai…Fir kabhi fursat me baat kar lunga tumse…Abhi ke liye goodnight.

Last ke 3 line kehte vakt Atul ke chehre me wohi puraana muskaan tha.

Fir Atul Nisha ki photo bed ke side par hi rakh kar soo jaata hai.

Soya hua mushkil se 1 ghanta hi hua tha ki uske mobile me kisi ka phone aata hai…Ring tone ki volume tej hone ki vajah se wo 2 hi ring me utth jaata hai.

Screen me naam dekhne ke baad wo phone uthaa kar kehta hai.

Atul:- Ha Shreya…Kaho kya baat hai?

Atul ki aawaj se hi lag raha tha ki wo gehri neend me hai.

Shreya:- Atul please jaldi se ghar aa jaao…Neha bahut ro rahi hai aur acche se chal bhi nahi paa rahi hai…Kamar se pair (legs) tak bahut dard ho raha hai...Pata nahi kya ho gaya hai usse…Shaam tak to thik thi…Please tum jaldi se aa jaao.

Shreya ne darte hue kaha.

Atul:- Fikr mat karo…Abhi pahunchta hu.

Atul ne ye keh kar phone cut kar diya aur jaldi se Shreya ki ghar ki taraf badh gaya.

बहुत ही बेहतरीन कहानी।
अतुल को भले ही प्यार में कामयाबी नहीं मिली हो लेकिन वो जो सपना देखा करता था कि एक कामयाब डॉक्टर बनकर गरीब और मजलूमो की सेवा करेगा वो अपना जरूर वो जी रहा है। एक निशा का प्यार ही नहीं है तो क्या हुआ। इतने लोगों की दुआ और प्यार तो हमेशा अतुल को मिलता आ रहा है 5 सालों से।

अपनी मां और बहन को बहुत प्यार करता है अतुल। अपने पेशे से बहुत प्यार करता है उसे और क्या चाहिए जीने के लिए, लेकिन एक बात समझ मे नहीं आ रहा है कि वो आमिर और श्रेया का नाम तो ले रहा है लेकिन अजय, अंजली और काजल का जिक्र उसने एक बार भी नहीं किया। उनके साथ क्या हुआ और इस समय वो लोग कहाँ पर हैं।।​