Incest Koi To Rok Lo

[axm]

kab ayega next Update

 

[aman rathore]

Ko To Rok Lo {Update - 177}
____________________________

Keerti ki ye baat sunkar, mujhe bhi hansi aa gayi aur fir usne mujhe good night kah kar call rakh diya. Uske call rakhne ke bad, maine aankh band ki aur keerti ke baare me sochte sochte mai gahri nind me so gaya.

Subah 6 baje meri nind priya ke jagane par khuli. Lekin uski aankhon se mujhe aisa lag raha tha, jaise ki wo raat bhar soyi na ho. Aaj uski jaani pehchani muskan bhi uske chehre se gayab thi.

Wo muskurane ki bharpur koshish kar rahi thi. Magar aaj uska chehra, uski muskurahat ka sath nahi de raha tha aur uske chehre se, uski udasi saaf jhalak rahi thi. Wo muskurate huye mujhe taiyar hone ka kah rahi thi.

Usko raat ko hanste bolte dekh kar, mujhe bahut rahat mili thi. Lekin ab subah subah uska aisa murjhaya hua chehra dekh kar, mera dil baith gaya. Mujhse baat karte karte ek pal aisa bhi aaya, jab mujhe laga ki, priya abhi ro degi.

Lekin tabhi priya palat kar mere pas se chali gayi. Uske jaane ke bad bhi, mai uske baare me hi sochta raha. Uski ye udasi, shayad aaj mere wapas chale jaane ki vajah se thi.

Lekin mai chahte huye bhi uske liye kuch nahi kar sakta tha. Mai thodi der tak baitha priya ki isi udasi ke baare me sochta raha aur fir uth kar fresh hone ke liye chala gaya.

Fresh hone ke bad mai taiyar hone laga. Mai abhi taiyar hua hi tha ki, tabhi priya chay nashta lekar aa gayi. Wo bhi taiyar hokar aayi thi. Is samay usne pink salwar suit pahna hua tha.

Ye wo hi salwar suit tha, jo wo mujhe apne janamdin ke dusre din pahne huye dikhi thi. Isme wo bahut sundar lag rahi thi aur ab uske chehre par uski jani pahchani muskan bhi wapas aa chuki thi.

Uske chehre ki ye muskan shayad mere sath ghumne jaane ki vajah se wapas aayi thi. Magar shayad ye hi uski sabse badi khubi bhi thi ki, wo har baat me apne aapko bahut jaldi dhaal leti thi.

Aisa hi kuch abhi bhi hua tha. Jaha abhi kuch der pahle uska chehra kisi phool ki tarah murjhaya hua tha. Wahi ab uska chehra kisi kali ki tarah khila hua tha. Use khush dekh kar, mujhe bhi bahut rahat mehsus huyi.

Mai nahi chahta tha ki, aaj bhi kal ke jaise kuch ho aur fir se koi humare sath jaane ke liye pichhe lag jaye. Mai aisa kuch hone se pahle hi ghar se nikal jana chahta tha. Isliye mai jaldi jaldi chay nashta karne laga. Mujhe is tarah hadbadi me chay nashta karte dekh kar, priya ne hanste huye kaha.

Priya boli “are nashta karne ki itni jaldi kya hai. Nashta kahi bhaga nahi ja raha hai. Aaram se nashta karo.”

Mai bola “mujhe pata hai ki, nashta kahi nahi bhagega. Magar kisi ke humare pichhe lagne se pahle, mai jarur yaha se bhagna chahta hu. Isliye tum bhi bekar ki baton me samay barbad mat karo aur jaldi se nashta karo.”

Priya meri is baat ka matlab samajh gayi thi. Isliye usne mujhse sawal karte huye kaha.

Priya boli “lekin jaldi nashta karne se kya hoga. Driver to 8 baje ke bad hi aayega aur uske aane tak to humko yahi rukna padega.”

Mai bola “nahi, hum itni der tak driver ke aane ka intejar nahi kar sakte. Hum raj ki bike lekar chalte hai. Raj ko kahi jana hoga to, wo car se chala jayega.”

Meri baat sunte hi priya nashta karna chhod kar khadi ho gayi aur kamre se bahar jaane lagi. Mujhe uski is harkat ka matlab samajh nahi aaya to, maine use tokte huye kaha.

Mai bola “ab tumko kya hua. Tum kaha ja rahi ho.”

Meri baat sunkar priya ne muskurate huye kaha.

Priya boli “mai raj bhaiya ki bike ki chabi lekar aur humare ghumne jaane ke baare me mom ko jata kar aati hu.”

Mai bola “lekin pahle tum chay nashta to kar lo.”

Priya boli “ab mai chay nashta bahar hi karugi. Tum apna chay nashta karo, tab tak mai wapas aati hu.”

Itna kah kar, priya kamre se bahar nikal gayi. Ab priya ne bahar nashta karne ki baat soch li thi to, maine bhi jaldi se chay pi aur uth kar bahar hall me aa gaya. Tabhi priya bhi mere pas aa gayi aur usne kaha.

Priya boli “kya hua, kya tumne bhi chay nashta nahi kiya.”

Mai bola “mere liye sirf chay jyada jaruri thi. Wo maine pi li hai. Ab nashta to mai tumhare sath hi karuga.”

Mere baat sunkar, priya ne muskurate huye mujhe bike ki chabi thama di aur fir hum dono ghar se bahar aa gaye. Mai raj ki bike bahar nikal hi raha tha ki, tabhi nikki ki car humare pas aakar ruki.

Nikki ne itni subah subah hum dono ko kahi jaane ki taiyari me dekha to, wo car se utar kar sidhe humare pas aa gayi aur fir hum se kaha.

Nikki boli “are aap dono itni subah subah kaha ja rahe hai.”

Mai nikki ki is baat ka jabab dene hi wala tha ki, priya ne us par bhadakte huye kaha.

Priya boli “kya tujhe itni bhi akal nahi hai ki, kahi jate samay kisi ko tokna nahi chaiye. Jo tune aate hi hum logon ko tokna suru kar diya.”

Priya ki ye baat sunkar, mai hairat se usko dekhne laga. Lekin nikki ne muskurate huye priya se kaha.

Nikki boli “maine tumhare jaane par koi tok nahi lagayi. Mai to bas itna kahna chahti thi ki, yadi tum log chaho to, meri car lekar ja sakte ho.”

Priya shayad car me jana nahi chahti thi. Isliye mere muh se bike ki baat sunte hi, chalne ki jaldi karne lagi thi ki, kahi mera irada na badal jaye. Lekin nikki ki apni car le jaane wali baat sunte hi wo nikki ko gusse me ghurne lagi.

Nikki bhi shayad is baat ko samajh chuki thi. Lekin wo ab bhi priya ko dekh kar, muskura hi rahi thi. Nikki ki is harkat se saaf samajh me aa raha tha ki, wo jaan bujh kar priya ko tang kar rahi hai.

Shayad nikki ko humare ghumne jaane ki baat pahle se hi pata thi. Isliye wo itni subah subah yaha aa gayi thi. Lekin abhi mai in sab baton me ulajhna nahi chahta tha. Isliye maine bike me baithte huye nikki se kaha.

Mai bola “nahi, hum logon ko aapki car nahi chahiye. Aaj hum logon ne bike se mumbai ghumne ki baat sochi hai.”

Meri baat sunte hi priya jaldi se bike me aakar baith gayi. Lekin nikki bhi uska pichha chhodne ke mood me nahi lag rahi thi. Usne fauran hi humari bike ke samne aate huye kaha.

Nikki boli “are mujhe chhod kar kaha bhage ja rahe ho. Mujhe bhi aap logon ke sath bike me ghumna hai.”

Nikki ki baat sunkar, priya ne us par bhadakte huye kaha.

Priya boli “kamini, yadi ab tune humare pichhe lagne ki koshish ki to, mujhse bura koi nahi hoga aur yadi iske bad tune apne muh se ek shabd bhi bahar nikala to, mai tera muh tod dugi.”

Priya ki ye baat sunkar, nikki ke sath sath meri bhi hansi chhut gayi. Nikki muskurate huye bike ke samne se hat kar priya ke pas aa gayi. Usne priya ki peeth par pyar se ek mukka maara aur fir hum dono se bye kaha. Hum dono ne bhi use bye kiya aur fir maine bike aage bada di.

Mumbai ki sadke mere liye anjan thi. Isliye mere bahar nikalte hi priya mujhe rasta batane lagi. Wo bahut khush najar aa rahi thi aur uski ye khushi uski baton se hi jhalak rahi thi. Abhi hum kuch hi doori par pahuche the ki, priya ne kaha.

Priya boli “tumne apna purse to rakh liya hai na. Warna kuch kharidi karne ke samay kahne lago ki, mai apna purse bhool aaya hu.”

Priya ki is baat par meri hansi chhut gayi. Maine hanste huye kaha.

Mai bola “tum fikar mat karo, mera purse mere pas hai. Lekin soch samajh kar kharch karwana. Kyoki ab mere pas jyada paise nahi bache hai.”

Priya boli “fir bhi tumhare pas abhi kitne paise hoge.”

Mai bola “mushkil se char panch hajar hoge. Lekin 4-5 ghante ghumne ke liye itne paise bahut hoge.”

Priya boli “nahi, itne paise se kuch nahi hoga. Hume thodi bahut shopping bhi karni hai. Tum kuch paise or nikal lo.”

Mai bola “humne kal hi to itni saari shopping ki hai. Ab tumko or kis chij ki shopping karni hai.”

Priya boli “jab mai shopping karugi, tab tumko samajh me aa jayega. Abhi to tum sirf koi ATM dekh kar, paise nikalo.”

Maine priya se paise nikalne ke baare me koi bahas karna thik nahi samjha. Lekin us se shopping ke baare me jarur puchhta raha aur wo mujhe talti rahi. Isi bich ek ATM najar aa gaya aur maine uske samne aakar bike rok di.

ATM room me aakar maine priya se puchha ki kitne paise nikalna hai aur fir uske kahne par maine das hajar rupye nikal liye. Iske bad jaise hi transaction slip lene ko hua to, priya ne fauran mere hath se wo slip le li aur dekhne lagi. Slip dekhne ke bad, priya ne chaukte huye kaha.

Priya boli “hey, tumko pata hai ki, tumhare khate me kitna paisa hai.”

Priya ki is baat par maine na me apni gardan hilate huye kaha.

Mai bola “nahi, mujhe bas itna pata hai ki, jab mai ghar se chala tha to, mere khate me teen lakh rupye the. Fir bad me shikha didi ki shadi ki baat sunkar, chhoti maa ne bhi kuch paise mere khate me daale the. Lekin unke khud hi yaha aa jaane se mujhe paise nikalne ki jarurat hi nahi padi.”

Meri baat sunkar, priya ne or bhi jyada hairan hote huye kaha.

Priya boli “lekin in paison ko nikal lene ke bad to, tumhare khate me sirf 500 rupye hi bache hai. Fir tumhare baki ke paise khate me se kaha gaye.”

Priya ki baat sunkar, maine us par jhallate huye kaha.

Mai bola “oye subah subah aisa majak mat karo. Mai janta hu ki, tum jhuth kah rahi ho.”

Ye kahte huye mai priya ke hath se transaction slip chheen kar dekhne laga. Lekin slip ko dekhte hi, mai bhi hairan hokar rah gaya. Mujhe hairan hote dekh kar, priya ke chehre par muskurahat aa gayi aur usne mujhse kaha.

Priya boli “tumhare khate me pure 25 lakh jyada hai. Jiska matlab hai ki, aunty ne pahle tumhe shikha didi ki shadi me kharch karne ke liye 25 lakh rupye diye the. Lekin fir unke khud hi yaha aa jaane se, unka kharcha or bhi bad gaya. Sach me tumhari mom bahut great hai.”

Priya ki is baat ne mujhe ek baar fir soch me daal diya. Mujhe samajh me nahi aa raha tha ki, mera bap itna paisa kharch karne ke liye kaise taiyar ho gaya. Mai abhi ye baat soch hi raha tha ki, tabhi priya ne mujhe tokte huye kaha.

Priya boli “are ab tum kis soch me pad gaye. Jaldi chalo, humare pas itna time nahi ki, hum ek hi jagah par itni der tak ruke rahe.”

Priya ki baat sunte hi mai uske sath ATM room se bahar nikal aaya. Bahar aakar maine bike chalu ki aur priya ke baithte hi bike aage bada di. Priya mujhe rasta batati ja rahi thi aur mai uske bataye raste par bike daudata ja raha tha.

Wo raste me padne wali khas jagah aur imarton ke baare me bhi mujhe batati ja rahi thi. Aise hi ghumte firte hum log Siddhi vinayak mandir pahuch gaye. Waha pahuch kar mai bike prak karne laga aur priya prasad lene chali gayi.

Abhi sirf 7:45 baje the aur ye pahla mauka tha, jab mai kisi mandir me itni subah subah darshan karne ke liye pahucha tha. Magar itni subah subah hi, waha ki bheed bhad aur lambi katar ko dekh kar, meri haalat kharab hone lagi.

Tabhi priya prasad aur phool mala lekar aa gayi. Usne prasad aur phool mala mujhe pakdate huye, darshan karne chalne ke liye kaha to, maine use rokte huye kaha.

Mai bola “yaar, hum bappa ko yahi se pranam kar lete hai. Yadi itni bheed bhad me hum darshan karne andar gaye to, hume sirf yahi par 4-5 ghante lag jayege aur fir hume yahi se ghar wapas lautna pad jayega.”

Meri baat sunkar, priya ne muskurate huye kaha.

Priya boli “tum iski fikar mat karo. Hume darshan karne me mushkil se 15 min hi lagege. Tum bas mere sath sath chalte raho.”

Priya ki baat sunkar, mai prasad ki daliya hath me thame, uske sath sath chalne laga. Kuch door chalne ke bad, wo ek pandit ji ke pas aakar ruk gayi aur fir usne un pandit ji se kaha.

Priya boli “hum dono ko hi darshan karna hai.”

Priya ki baat sunte hi pandit ji ne, mere hath se Prasad ki daliya le li. Priya ne mujhse un pandit ji ko 500 rupye dene ki baat boli to, maine unko 500 rupye nikal kar de diye.

Pandit ji ne paise lekar apne kurte ki jeb me daale aur fir hum logon se apne pichhe pichhe aane ki baat bol kar, prasad ki daliya ko dono hathon se upar utha kar, rajdhani express ki tarah, teji se kabhi dayen to kabhi bayen bhagne lage.

Mujhe aur priya ko un pandit ji ki chaal se, apna sath milane ke liye, unke pichhe pichhe daudna pad raha tha. Lekin jaldi hi humari ye mehnat rang layi aur pandit ji naam ki rajdhani express ne hume bappa ke bilkul samne lakar khada kar diya.

Humne bade shukun ke sath ganpati bappa ke darshan kiye aur fir hum log aaram se bahar aa gaye. Bahar aakar waha ki bheed bhad dekh kar, mujhe aisa lag raha tha ki, jaise mai koi badi bhari jang jeet kar bahar aaya hu.

Jiski khushi mere chehre se hi jhalak rahi thi aur mujhe abhi bhi yakin nahi ho raha tha ki, mai itni jaldi bappa ke darshan karke aa gaya hu. Lekin tabhi priya ne mujhe tokte huye kaha.

Priya boli “dekh lo, abhi sirf 8:30 baja hai aur hum darshan karke bhi bahar aa gaye.”

Priya ki baat sunkar, maine muskura diya aur fir bike nikalne chala gaya. Bike bahar nikalne ke bad, maine priya se kaha.

Mai bola “ab kaha chalna hai.”

Priya boli “ab hum mahalaxmi mandir chalte hai.”

Ye bolte huye priya bike me baith gayi aur maine bike aage bada kar, muskurate huye kaha.

Mai bola “kya, mumbai me sirf dekhne ke liye mandir hi mandir hai ya tum mujhe koi papi samajh kar, mere paap door karne ke liye, mujhe bhagwan ke darshan karwaye ja rahi ho.”

Meri baat sunkar, priya ne meri peeth par ek jordar mukka marte huye kaha.

Priya boli “hey, subah subah bhagwan ke darshan karne se din acha jata hai aur fir ye sab yaha ke prasiddh mandir hai. Isliye pahle yaha ke darshan karwa rahi hu. Iske bad baki ki khas khas jagah bhi ghuma dungi.”

Priya ki ye baat sunne ke bad bhi, mai raste bhar usko isi baat ko lekar pareshan karta raha. Aise hi hanis majak karte huye hum mahalaxmi mandir pahuch gaye. Mahalaxmi mandir me siddhi vinayak ki tarah jyada bheed bhad nahi thi.

Hume Mahalaxmi mandir me bahut aaram se teeno deviyon ke darshan karne ko mil gaye. Hum 9:30 baje darshan karke fursat ho gaye. Maine priya se nashta karne kar lene ko kaha to, usne kaha ki, Haji ali dargah dekhne ke bad nashta karege.

Haji ali dargah mahalaxmi mandir se kuch hi doori par thi. Isliye hume waha pahuchne me jyada der nahi lagi. Kuch hi der me hum Haji ali dargah pahuch gaye. Humne dargah ke darshan kiye aur fir waha ka najara dekhne lage.

Samundar me bani is dargah ko dekh kar, ek alag hi aanand ki anubhuti ho rahi thi. Isliye mai yaha baith kar, kuch der samundar ka najara dekhna chahta tha. Lekin priya ne samay ki kami batate huye, mujhe waha baithne nahi diya aur hum waha se jaldi hi bahar nikal aaye.

Bahar aane ke bad, fir maine priya se nashta kar lene ko kaha to, usne aage ek restaurant hone ki baat kah kar mujhe waha chalne ko kaha. Mai priya ke bataye raste par chalne laga.

Mujhe raste me jo bhi restaurant dikhayi deta, mai priya se puchhta, kya ye wala restaurant hai. Wo kahti nahi, bas thodi or aage hai. Aisa do teen baar hua. Aise hi thodi or aage, thodi or aage karte karte, wo mujhe mumba devi ke mandir le aayi.

Waha pahuch kar, jab mujhe priya ki ye harkat samajh me aayi to, maine bura sa muh bana liya. Jise dekh kar, priya mera hath pakad kar mandir me le gayi aur fir darshan karne ke bad usne bataya ki, Mumba devi ke naam par bombay ka naam mumbai pada hai.

Mumba devi ke darshan karne ke bad, hum seedhe Gatewey of india aa gaye. Waha aakar humne Gatewey of india aur Taj hotel ka ek sath najara kiya. Lekin priya ne waha bhi mujhe jyada der nahi rukne diya.

Waha par kuch der rukne ke bad hum, Marine drive, Girgaon chowpatty aur henging garden ka najara karte huye, seedhe Juhu beach chowpatty pahuch gaye. Lekin Juhu beach pahuchte hi, maine priya ke samne apne hath upar karte huye kaha.

Mai bola “ab bas karo meri maa. Mujh garib par thoda raham karo. Subah 7 baje se bhukha pyasa mujhe apne sath ghumaye ja rahi ho aur ab dopahar ka 1 baj gaya hai. Ab to kuch kha pi lene do, warna mujhse yaha se hila bhi nahi jayega.”

Ye kahte huye mai dhamm se wahi baith gaya. Priya mera hath pakad kar mujhe uthane ki koshish karne lagi. Lekin jab mai uske uthane par bhi nahi utha to, usne mujhe manate huye kaha.

Priya boli “are ab pareshan mat karo. Chalo mai tumko mumbai ki sabse mashhoor cheejen khilati hu.”

Ye kahte huye, usne fir se mera hath pakad kar uthaya aur is baar mai uth kar khada ho gaya. Hum chalte huye waha ke Food Stalls par aa gaye. Waha aakar priya ne ek stall ke samne padi chair par mujhe baithne ko kaha aur wo khud us stall par chali gayi.

Mai bahut thak gaya tha. Isliye mai aaram se baith kar, priya ke wapas aane ka intejar karne laga. Tabhi priya ek plate me bada pav lekar aa gayi. Use dekhte hi, maine bura sa muh banate huye kaha.

Mai bola “abe tum 6 ghante mujhe ghumane ke bad, yaha baitha kar, bada pav khila rahi ho.”

Meri baat sunkar, priya ne muskurate huye mujhse kaha.

Priya boli “kya tumne kabhi bada pav khaya hai.”

Mai bola “nahi khaya aur mujhe ye khana bhi nahi hai.”

Priya boli “yadi mumbai aakar tumne ye nahi khaya to, samajh lo, tumne kuch bhi nahi khaya. Ab jyada nakhre mat karo aur chup chap kha lo. Warna kuch bhi khane ko nahi milega.”

Maine beman se ek bada pav utha liya aur khane laga. Mere sath priya bhi bada pav khane lagi. Abhi hum bada pav kha kar free huye the ki, tabhi ek ladka bhel puri lekar aa gaya.

Maine priya ki taraf dekha, wo mujhe hi ghoor rahi thi. Isliye mai chup chap bhel puri khane laga. Mai bhel puri kha hi raha tha ki, tabhi barkha ka call aa gaya. Wo khana khane ke liye ghar aane ki baat puchh rahi thi.

Maine priya se puchha ki, use kya jabab du to, priya ne 3 baje aane ka ishara kiya aur maine ye hi baat barkha se bol kar, call rakh diya. Isi ke sath mera bhel puri khana bhi ho chuka tha aur ab mera pet puri tarah se bhar chuka tha.

Lekin tabhi ek ladke ne pav bhaji lakar mere samne rakh di. Pav bhaji dekhte hi, maine uth kar khade hote huye kaha.

Mai bola “tum pagal ho gayi ho kya. Pahle bhukha rakh kar maar rahi thi aur ab khila khila kar marna chahti ho.”

Meri baat sunkar, priya ne fir mujh par jhutha gussa dikhate huye kaha.

Priya boli “tum chup chap khate ho ya fir mai ise jabardasti tumhare muh me thoos du.”

Mai bola “kasam se yaar, ab mere pet me iske liye jara bhi jagah nahi hai. Yadi tum ye pahle hi manga leti to, itna sab khane ki jarurat hi nahi padti.”

Priya boli “isliye maine pav bhaji pahle nahi magayi thi. Warna tum bada pav aur bhel puri ko hath bhi nahi lagate.”

Mai bola “lekin ab mai kuch nahi kha sakta. Ye tum hi kha lo.”

Priya boli “mujhe malum tha ki, tum ise nahi kha paoge. Isliye maine ek plate pav bhaji hi mangwayi hai. Is ek plate pav bhaji ko, hum dono mil kar to, khatam kar hi sakte hai na.”

Priya ki is baat ko sunkar, mai gaur se uska chehra dekhne laga. Uske chehre par is samay na to jid karke apni baat manwane wale bhav the aur na hi mere sath koi jabardasti karke apni baat manwane wale bhav the.

Uske chehre par yadi is samay koi bhav the to, sirf aagrah karne wale bhav the. Jinhe manna ya na manna usne mere upar chhod diya tha. Uske chehre ke in bhavon ko dekhte hi, meri aankhon me ami ka chehra aa gaya aur mai muskurate huye wapas priya ke pas baith gaya.

______________________________

Wah bhai priya to express gaadi ki tarah mumbai darshan karwati ja rahi hai

 

[rAge K]

Waiting

 

[Pritam.bs]

kab ayega next Update

Aaj raat ko update aa jayega.

 

[Pritam.bs]

Dada me manta hu is smay stoy thodi gahri soch par he kyoki masla khalid ke bachane aur use is sen me lane ka he lekin aap jese writer ke liye bahut asan bat he vani ek sulji huye ajent he jo kuch bhi kare gi ya kar rahi he us ki rad niti he jise samajna bahut muskil he lakin itna saf he koi bhi galat kadam vani nahi utha sakti he mujhe to ye bhi lagta he vani aaj bhi secret ajent he
Plz dada jaldi se ek update de do plz dada

Hahaha... update abhi vaani par hi ruka hua hai. Lekin jaisa aap kah rahe hai, us baare me kuch bhi kahna mujhe bahut jaldbaji rahi hai. Fir bhi aaj raat ke update me dekh lete hai ki, aapki is baat me kitni sachchai hai aur aap khud bhi dekh lijiyega ki, aapka ye anuman kitna sahi ja raha hai.

 

[Silent lover]

कहीं वो आ के मिटा दें न इंतज़ार का लुत्फ़,
कहीं क़ुबूल न हो जाए इल्तिजा मेरी।

 

[Rustam]

Waiting for next update

 

[Akki ❸❸❸]

Chalo finally aj update aa raha h,,,, haalanki kaha to apne kuch din pehle bhi tha lekin update diya nahi,,,, dekhte h, update ata h ya nahi aaj

 

[Iron Man]

Aaj raat ko update aa jayega.

Intzar rahega

 

[Mahesh007]

Dada mene sirf vani ke bare me islye likha kyo ki kuch logo ki ray vani ke liye hitlar bali thi mujhe puri story me vani rol bahut hi badiya laga sab se alag laga meri ray aur logo se nahi milparhi thi kyo ki aap jesa writer vani ke rol ko sayd halka nahi karsakta he isliye likhdiya sorry agar kuch galat hua to
Plz sorry and thanks