UPDATE-34
Lucifer apne flat par batha ashmita ka wait kar raha tha kyuki usse lag raha tha ki vo usse lene aayegi lekin time ho chuka tha aur ashmita abhi tak nahi aaye thi
Ek baar call kiya lekin usne attend nahi ki aur ab dusri baar call kar raha tha
Ashmita- hello
Lucifer- kaha ho?
Aaj jana nahi hai kya?
Ashmita- office me hu
Lucifer- tumne bola tha ki tum mujhe lene aaogi
Ashmita- main busy thi
Lucifer- to batana chahiye na
Main aajata
Ashmita- koe jaruri nahi hai
Tum rest kar lo
Kal aajana
Lucifer- main aa raha hu
Aur lucifer ne phone kaat diya
Apne man me ye ladki meri samjh se pare hai, kabhi etni care dikhati hai to kabhi aise show karti hai jaise mujhe janti tak nahi hai
Pata nahi sala life kya chahti hai mere se
Ye sab sochte sochte vo apne flat se nikla aur office ki taraf chal diya
Ab tak vo puri tarah se theek bhi ho chuka tha
Office pahucha to dekha ashmita bilkul free bathi hue thi jaise uske pass koe kaam hi nahi tha
Lucifer usse aise dekh kar gusse me tumne to kaha tha ki bahut kaam hai?
Ye kaam kar rahi ho tum?
Ashmita- mujhe har chhij tumhe batane ki jarurat nahi hai Lucifer
Acha to yehi hoga ki hum apne kaam se kaam rakhe
Lucifer man me ab kya hogya esko, maine to es baar kuch nahi kiya?
Lekin lucifer kuch bola nahi aur soffe par bath gaya aur ek laptop leke uske sath ched khani karne laga
Usse jada aise chhije chalani nahi aati thi vo bas kuch bhi kar raha tha aur ashmita bhi usse chor nighao se dekh rahi thi
Fir lucifer ne apna phone nikala aur kuch type karke vapas rakh diya aur fir se laptop me ungli karne laga
Kuch der baad Siya aaye kuch files di ashmita ko aur lucifer par ek najar Dali lekin lucifer ne dekha tak nahi uski taraf
Ashmita- main lunch karne ja rahi hu
Tumhe chalna hai?
Lucifer- nahi
Ashmita vaha se nikalte time laptop me dekhne ki kosis ki ki lucifer akhir kar kya raha hai lekin usse kuch dikha nahi
4 baje ke aas pass
Lucifer- mujhe kaam hai
Main jaldi ja raha hu
Ashmita- okay
Aur lucifer vaha se chala gaya
Ashmita man me esko konsa kaam aagya aur ye laptop me kar kya raha tha?
Ashmita ne jaldi se laptop uthaya aur history check ki to kuch bhi nahi mila
Sayad sabse pehle lucifer ne usse hi delete karna sikha hoga
" esne mujhse pucha bhi nahi ki problem kya hai?
Main etna kuch karti hu eske liye aur ek ye hai saddu bana ghumta rahta hai pure din
Eski vajah se hi inaaya fir se mujhse door ho gaye lekin en sir ko to kuch bolna hi bekar hai"
Ashmita apne hi man me lucifer ko galliya de rahi thi lekin uske samne to aisa behave kar rahi jaise usse koe fark hi nahi padta
Inaaya ke ghar par lucifer aur rathore aamne samne bathe hue the
Rathore- main tumhri help kyu karu?
Tumne etna sab kiya meri beti ke sath?
Lucifer- help nahi maang raha hu
Ek favor lene aaya hu aur badle me ek favor deke jaunga
Rathore- kya matlab?
Lucifer- mere pass tumhe dene ko ek chhij hai lekin us se pehle main tumhe option dena chahta hu
Ya to khud bata do ki kya chahiye aur main vo de dunga ya fir jo mere pass hai vo le lo
Rathore- mujhe jo chahiye vo hi dedo
Lucifer- good choice
Mujhe bhi yehi laga tha lekin fir socha ek backup to rakhna chahiye na
Rathore- kya tum kar paoge?
Lucifer- mera kaam karke aao aur apna kaam hua pao
Rathore- nahi pehle mera kaam fir tumhra kaam
Etna trust to tum kar sakte ho mujh par
Lucifer- trust to inaaya par bhi kiya tha aur vo bhi do baar aur usne dono baar mujhe dhoka diya
Esliye kaam hoga to pehle mera hoga aur main to bahut chhoti chhij maang raha hu
Rathore- tum ek gunde ho main tum par trust kaise karu?
Lucifer- jinda bathe ho yaha par esliye
Taras khaya hai maine eska sukriyada manao
Last chance ha ya na bas etna bolo
Rathore kuch der gehri soch me doob gaya fir sidha hokar okay done aur apna hath aage badata hai
Jaise hi lucifer hath milata hai ghar ka gate khulta hai aur inaaya andar aajati hai
Samne lucifer ko apne dad se hath milta dekh gusse me tamtamane lagti hai
Inaaya- what the hell you're doing here?
Lucifer- business sweetheart
Business kar raha hu
Inaaya- dad esko bolo abhi ke abhi mere ghar se nikal jaye
Lucifer- maine to deal sign kardi
Ab kuch nahi ho sakta
Inaaya- dad ye kya bol raha hai?
Rathore- lucifer tum ja sakte ho
Tumhra kaam ho jayega
Lucifer utha aur inaaya ke pass se smile karta hua nikal gaya, uske smile karne par inaaya ko aur jada gussa aane laga
Inaaya- dad what the hell is this?
You know this guy right?
Ye bahut bada gunda hai aur eske sath dosti sahi nahi hai
Rathore- I know
Inaaya- fir aap aisa kaise kar sakte ho?
Aur kya deal hue hai aapki eske sath?
Rathore- chhota sa favor mangne aaya tha to maine ha kar di kabhi mujhe jarurat hogi to main bhi maang lunga
Inaaya- dad ye ashmita ke sath kaam karta hai aur raichand humare sabse bade competitor hai
Apko nahi lagta eska yaha aana shady hai?
Rathore- ye kisi ke sath kaam nahi karta
Inaaya- kya matlab?
Rathore- eske jaise log sirf apne liye kaam karte hai kisi dusre ke liye nahi
Jaha fayda dikha vahi pahuch jate hai esliye jada mat socho aur agar dusman humse jada powerful hai to bhalae esme hi hoti hai ki usse dost bana liya jaye
Inaaya- aap ye galat kar rahe ho
Aur aapko pata hai mujhe ye rasta bilkul pasand nahi hai
Rathore- tum abhi gusse me ho
Jao thoda rest kar lo fir baat karenge
Aur inaaya gusse me vaha se chali jati hai
Lucifer inaaya ke ghar se nikal kar commissioner ki beti ko dekhne chala gaya vo unhi ki information nikal raha tha laptop par
Pehle uski beti dekhi jo sundar thi fir commissioner ko dekha jo kafi powerful dikh raha tha Fir yaha vaha thodi der aur bhatka aur fir raat hogaye aur ek bar me chala gaya
Vaha to alag mahol rahta hi hai
Ek se ek hot ladkiya nashe me nach rahi thi aur lucifer unhe taad raha tha
" one large please" ek ladki lucifer ke side me aakar bath gaye aur waiter se boli fir najar ghuma kar lucifer ki taraf dekhi aur ek smile pass ki lucifer ne bhi return smile ki
Us ladki ne apna large liya aur ek jhatke me khatam kar gaye
Jaise hi ye lucifer ne dekha uske dimag me ek hi chhij aae bc kya ladki hai bhai
" you wanna dance" vo ladki lucifer se boli
Lucifer- nah I'm good
"Huh? Aise to koe mana nahi karta?" Vo fir boli
Lucifer- main karta hu
If you want to fuck then I'm all in
Us ladki ne lucifer ko dekha fir vaha se uth ke chali gaye
Thodi der lucifer usse nachte dekhta raha aur saraab peeta raha fir vaha se chala gaya
Apne flat par aakar meditation karne laga aur bahut der tak meditation hi karta raha
Aise hi aadhi raat hogaye aur lucifer ne apni aankh kholi
Uska chehra ab bilkul badal chuka tha, vo apna devil roop me aa chuka tha
Ek dam laal face aur kali aankhen, sareer ka har ek aang sirf aur sirf dahsat dikha raha tha aur uske sareer se nikalne wali garmi vaha aag barsa rahi thi
Lucifer apne es roop ka pasand nahi karta tha lekin vo humesha ache roop me bhi nahi rah sakta tha
Kabhi kabhi apne aap uska transformation ho jata tha aur fir pata nahi kab tak aisa hi chalta rahta tha
Es time me vo bas apne aapko ek jagah band kar leta tha aisi jagah jaha koe usse dekh nahi paye aur na vo khud ko dekh paye
Vo vapas meditation wale position me bath gaya kyuki usse jaldi se jaldi apne sahi roop me aana tha
Ye jungle nahi tha ki koe usse dekhne nahi aaya, yaha side me hi Ma'am rahti hai, ashmita ka kuch pata nahi rahta ki kab uska mood swing ho aur vo kab lucifer ke pass aajaye ya fir koe khatra aajaye aur lucifer ko hi bahar jana pade
Lucifer apne kamre me sari lights off karke curtains laga kar vapas dhayan laga ke bath gaya aur vo kho gaya
Jab uski aankh khuli to vapas shayam ho chuki thi aur vo normal bhi ho chuka tha
Phone dekha to ek bhi call nahi aaye hue thi
Esse hi pata chalta hai ki vo zindagi me kitna akela hai
Pure raat aur din se vo ghar se bahar tak nahi aaya tha lekin puchne wala koe nahi tha
Lucifer normal hone ke baad apne kapde pahne aur balcony me aakar bath gaya
Pata nahi kyu lekin usse lag raha tha ki ashmita usse jarur call karegi lekin aisa hua nahi aur ye baat usse kahi na kahi effect kar rahi thi
Ma'am ka bhi khayal aaya usse lekin fir socha ma'am to vaise bhi usse kabhi call nahi karti
Jab uska man hota hai to khud hi Ma'am ke pass jata hai aur vo uski problems ko ache se sunti hai aur fir solution bhi batati hai
Vo alag baat hai ki lucifer solutions ko follow nahi karta
Vaha bathe bathe hi raat hogaye aur lucifer jaise batha tha vaise hi batha raha jaise vo kisi gehri soch me duba hua hai aur uske dimag ke pass uske dil ke sawalo ke jawab nahi hai
" Koe hai kya mera apna es dunia me?
Agar hai to kaha hai, kyu mujhe aisa jeena pad raha hai, kyu koe mera hath tham ke mujhe es daldal se bahar nahi nikal raha?
Mujhe pata hai eske piche galti sari meri hi hai lekin mujhe meri galtiya to bata do ki main uska pachtatap kar saku, aise to mujhe ye lagta hai ki main ek innocent hu jiske sath sab khel khel rahe hai
Mujhe nahi pata maine mere past me kya kiya hai aur kyu kiya hai lekin ab jo ho raha hai vo main nahi karna chahta
Koe sun raha hai kya mujhe?
Agar sun raha hai to mujhe jawab do
Mujhe meri galtiya batao, saja do mujhe lekin meri galtiya bata kar
Ya fir mukti dedo aise jeevan se
Agar mere sapne sach hai to kya meri puri zindagi aise hi gujar jayegi?
Kya main kabhi apne pyaar se nahi mil paunga ya kabhi mera pyaar safal hoga?
Mujhe kuch to bata do
Thak gaya hu main es jindagi se, thak gaya hu
BHAGWAN sun rahe ho na aap mujhe?
Mujhe pata hai aap sun rahe ho?
Mujhe jawab de do nahi to kahi main aisa kuch na kar du ki puri manjati khatre me pad jaye
Agar mujhe aaj jawab nahi mila to aaj raat manavjati ki aakhiri raat hogi
Ahhhhhhhhhhhhhhhhhhhhhh aur lucifer apne hatho se aag banane laga, ye aag ke gole etne bade bade the ki ek gola bahut jada nuksaan pahucha sakta tha
" main aakhiri baar puch raha hu aapse
Mujhe mere sawalo ke jawab de do
Mujhe mere sawalo ke jawab de do"
Ahhhhhhhh aur fir lucifer aur jada takaar se aag badhane laga** ek dam se pure asmaan ke tevar hi badal gaye
Tej tej bijliya kadakne lagi, aandhi tufan apni full speed me aagaye
Aur pura aasmaan kaala pad gaya
" ye mujhe rok nahi sakte, mujhe darane ki kosis mat karo aur lucifer ne ek gola building ke niche feka aur uske baad dusra aur fir tisra
Aisa lag raha tha jaise aag ki baarish ho rahi hai
Tabhi vo hua jisne lucifer ko bilkul shant kar diya
Nahi nahi usse uske jawab nahi mile
Vo to usse kabhi nahi milenge
Yaha to uski kamjori ka fayda uthaya gaya tha
Tej tej baaris start ho gaye jisse lucifer ko jada fark nahi padta lekin jisse fark padta tha vo to CHAND jo aise khatarnaak mosam me lucifer ke sar ke upar apne pure sabaab me chamakne lag gaya
" kaayar, kaayar ho tum
Agar himmat hai to aao mere samne aur karo mera samna"
Lucifer ka gussa ab satve aasman par pahuchne laga kyuki Chand ki roshni ki vajah se uske aag apne aap shant hone lagi thi
" ek na ek din ye sansaar mere hi hatho se samaapat hoga aur aap dekhte rah jaoge, main roshini me bhi sabse shaktisaali banuga aur fir mujhe koe rok nahi payega
Koe nahi rok payega fir mujhe
Aapne bahut badi galti kar di es lucifer ko bana kar aur usse bhi badi galti kardi mere sath khel khelne ki"
Ashmita ek dam nind se uthi uska pura sareer pasine se bhiga hua tha aur hath pair kaamp rahe the
Saase to out of control ho gaye thi uski aur bahar ka najara dekh ke to vo thoda aur dar gaye kyuki jab vo soye thi tab to sab kuch normal tha
Usne jaldi se phone uthaya aur lucifer ke number dial kiye lekin lucifer to alag hi lad raha tha
Ashmita ko pata nahi kyu lekin bahut ghabrahat ho rahi thi
Usse baar baar aisa lag raha tha jaise lucifer ke sath kuch galat hone wala hai
Vo usse baar baar call karne lagi lekin kab lucifer ne ek baar bhi call attend nahi ki to apne bed se uthi aur apni car lekar lucifer ke flat ki taraf chal di....
apna review jarur chhod ke jaye, acha lagta hai writer ko, 100 pages,33 updates ke baad bhi bas 6 comments, aise to interest hi khatam ho jayega likhne ka fir sab mujhe hi galliya denge ki story kharab kar di
please thoda support kare ye sab free hai
thank you
