Romance Pyaar mohabbat sab kismat ka khel hai

[Pappu roy]

Updated please

 

[Svin]

"Riverman bhai jabardust likha hai ek ek updade perfect hai jo ek alag ahsas ke sath love ke secrafice, emotion oua dil se. Hai jo real life ko darshate hai.
Keep up it.
Ye apki short or sweet love story hai.

 

[Pappu roy]

Complete mat karo aur long story karo

 

[mashish]

Introduction

Rajesh - mere papa - age 49 - ye ek bank me clerk hai.
Nilam- meri maa - age 48- ye ek house wife hai.
Raman yani ki mera bhai- age 27 saal -ghar ka honhar ladka bachpan se tej tarar khoob mehnati . Sarkari college se padhai ki aur abhi ek saal pahle america me job lag gaya.
Aman yani ki mai age 21 saal dekhne me thoda gora normal looking boy.
Dost - pawan , anshu , syaam , kiran
Anu - madam
Rohit senior.
Ramakant-susma inka kapde ka bussiness hai.
Maa ki najron me nakara lekin apne papa aur bhai ka dulara.
Maa ki najron me nakara isliye ki mai ek baar 10th me fail ho gaya tha aur meri mousi ka ladka usi saal 95% laya tha.tab se maa mujhe tane deti rahti hai.
Wo baat alag hai ki maine agle saal 89% se 10th pass kiya aur fir 85% se 12th bhi pass kiya.Aur abhi mai gaav ke pass wale sahar me jo yahan ka sabse achha college hai usme history honour kar raha hoon.
Papa ne jor diya tha ki mai bhi engineering karu lekin maine saaf mana kar diya aur bol diya ki mai aaplogon se door kabhi nahi jaunga bhaiya america chale gaye hai ye kaafi hai.mai hafte me 5 din college ke pass hi ek rent wale room me rahta hoon aur Saturday Sunday ghar me ma papa ke pass rahta hoon.
Bahut ho gaya introduction ab aate hai kahani par........
Mai abhi 2nd year me gaya hoon.
Aaj mai bahut khoosh tha iske 3-4 reason hai pahla ki aaj hi mere bhai aur papa ne paise milakar mujhe ek royal Enfield dilwaya hai. Dusra ki mere bhai ki shaadi fix ho gayi hai aur tisri ki mai 2nd year me pahuch gaya hoon to ab lunga ragging apne juniors ki aur sabse badi baat aaj papa ne apna ek ghar kharida hai jo unke sapno ka ghar hai. Hum sab bahut khoosh the .
Aur fir ghar ka pooja hua .aur hum sab naye ghar me pravesh kar gaye...
Ab 2 din baad bhai ko wapas jana tha america. Isliye mai bhi do din rook gaya.
Papa aur bhai ne mujhe bola ki mai ek baar bhabhi aur unke ghar walon se mil aau lekin maine mana kar diya... Wo chahte the ki ek baar mai bhi bhabhi aur unke ghar walon ko pasand kar loon lekin maine saaf bol diya jo aaplogon ko pasand hai wo mujhe bhi pasand hai aur shaadi meri nahi bhai ki ho rahi hai aur unko pasand hai matlab koi dikkat nahi. Fir 2 din aise hi hasi mazak me bit gaya aur bhai ghar se america chal diye aur mai bhi college ke liye nikla apne naye bike par poore shaan se.....

nice start

 

[mashish]

Update 2
Mai poore tashan me light grey shirt uspar black jacket kala chasma aur black boot me apni bike daudate hue shaan se college me ghusa...aur style se apni bike khada kiya stand par....
Mujhe dekhte hi mere do dost pawan aur ansh muskurate hue mere pass aaya. .... Pawan mere hi gaav ka hai jabki anshu se mai college me mila tha aur Humari dosti hui ...... aur humara ek dost shyaam bhi hai. Tino nature ke bahut achhe hai..is college me jab se hum char aaye hai gundagardi ladai jhagda khoob kiye hai...saath hi thodi padhayi bhi kar lete hai...
Pawan- kya baat hai naya suit naya boot naya bike party to banti hai...
Mai - jaroor jaroor pahle aaj ragging to le le itna saj dhaj ke aaya hoon aaj to ek ladki jaroor pasand karunga...
Anshu - haan bhai ek mai bhi pasand karunga time paas ke liye.

Mai -mera sapna hai ki college me meri ek girlfriend ho jise me ji jaan se jyada pyaar karoo aur fir usi se shaadi bhi karoon lekin pichle saal apne batch me koi aisi ladki mili hi nahi jisse dil lag jata ek do se kosis bhi dil lagane ki lekin wo log chalu type maal nikli ...isliye aaj fir se aaya hoon ek baar apne sapne ki rani dhundhne...
Anshu - oye hoeeeee mere ashique ab chalega bhi ya yahin khada rahega...
Mai - chal ...
Abhi hum tino bike stand se nikle hi the ki shyaam humare pass aaya....
Shyaam- bhai ek 1st year ki ladki ne mujhe thappad mara.
Mai- tune kuch galat kiya kya uske saath.
Shyaam- kahan bhai sirf intro dene ko bola to bhadak gayi aur chipka di mere gaal par.
Mai - uski itni himmat chal abhi dekhte hai usko kahan hai wo.
Aur hum charo chal diye usko dhundhne ....... adha ghanta ho gaya lekin wo nahi mili campus me .......aur class ka time ho gaya.
Pawan- kya bhai syaam wo ladki bhi nahi mili time bhi nikal gaya ..... itne der me to 2- 4 ki ragging le lete aur 1- 2 par try bhi maar lete.
Mai- koi baat nahi try to tu saal bhar maar lena. aaj lunch break me sabse pahle us ladki ko dhundhenge.aur batayenge senior ki ijjat karna.
Fir hum log class chale gaye do class ke baad break hua aur hum jaise hi class se nikle shyaam bola wo dekho wahi ladki hai aur hum charo daud kar us ladki ke pass pahuch gaye.
Mai poore style me ladki ke samne khada ho gaya...dekhne me to khubsurat thi lekin maine jyada dhyan nahi diya.
Mai- tumhe pata nahi hai koun hai humlog.poore college me pooch lo aman naam hai mera. Log ijjat karte hai meri aur tune mere dost par hath uthaya chal sorry bol isko.
Ladki- mai sorry bolu wo bhi is bewkoof ko. Ye mera ragging le raha tha.
Mai - haan to kya galat kiya 1st year me ho aaj 1st day hai intro de dogi to kya hoga.
Ladki- jante ho mai koun hoon.
Mai bhi taav me aakar bola- pradhanmantri ki beti hai kya...
Ladki- dekho mere aage se hat jao samjhe aur ye gundagardi ke bajay padhai par dhyan do .
Mai -tamij se baat karo
Ladki gusse me boli- mera naam annu hai aur mai tum logon ki teacher hoon.
Teacher word sunte hi saale tino wahan se khisak liye lekin mai to saamne tha uske ....mai kahan jata.

very nice

 

[mashish]

Update 3
Teacher ka naam sunte hi tino bhag gaye lekin mai to wahi khada tha wo mera haath pakad li aur apne cabin me le gayi.
Annu - tumhe pata bhi hai tum kya kar rahe ho ..... ragging is college me bilkul bhi allowed nahi hai aur tum achhe se sunlo agar aaj ke baad tumhari ek bhi sikayat aayi mere pass to tumhe suspend karwa dungi.
Annu- padhai likhai par dhyan diya karo ab jao yahan se....
Mai bhi sir jhuka ke chupchap wahan se kHisak liya aur fir apne kamine dosto ke pass pahucha jo mujhe akele wahan fasa kar bhaag aaye the.
Mai - kisi ne sach hi kaha hai jise tum jaise dost mile ho use dusmano ki kya jarurat..saalon mujhe chod kar bhag aaye....aur shyaam beta tu to gaya ..sala tujhe junior aur teacher me fark pata nahi chalta...tere chalte wo mujhe dhamki de gayi hai ki suspend karwa degi...
Shyaam- aise kaise karwa degi suspend ....uske baap ka college haj kya...
Mai- saale tu to chup hi rah yahan sher ban raha hai jab sher banna tha tab to chuha ban ke bhaag gaya....
Pawan- jane dena bhai wo to jo ho gaya so ho gaya chal room chalte hai.
Mai- abhi class bhi to hai.
Pawan- chod na class ko waise bhi mood off ho gaya hai...
Aur hum room chale aaye...
Mai aur pawan ek rent wale ghar me saath rahte hai jo college ke hi saamne hai...
Hum dono ghar chale aaye kha pikar late gaye bed par...
Mai- abey pawan mujhe ladki milegi ki nahi.
Pawan- jaroor milegi bhai ...bhagwan ke ghar der hai andher nahi...mera dil kahta hai tumko bahut achhi ladki milegi.
Mai- kab milegi jab budha ho jaunga tab?
Pawan- arey bhai aaj to 1st day hai abhi poora saal hai tension na le tujhe mast ladki bhi milegi teri mast shaadi bhi hogi...tere mast bachhe bhi honge..ab mast mast sapne dekh aur so ja...
Mai- chal tu hi to hai apna bhai is sahar me warna hai hi koun...
Pawan- abey aaj manhoos jaisi baat kyon kar raha hai be...
Mai- aise hi saala bura lagta hai jab saamne waala bina matlab ke daat kar chala jaye to.
Pawan- aisi baat hai to chal kal us madam ko bhi sabak sikha dete hai...
Mai- chod na yaar madam se kya ladna...waise ladai se yaad aaya aajkal rohit kaisa hai...
Pawan- kaisa kya jaisa choda tha waisa hi hai suna hai hospital se discharge ho gaya hai...
Ab aaplogon ko bata doon rohit humara senior hai uski humlogon se ladai ho gayi thi to humne uski achhe se kutayi karke use hospital bhijwa diya tha. Wo ek mahine se hospital me tha...
Pawan- waise bhool mat jana aaj sham ko tu party dega...
Mai- haan be yaad hai ...baki dono ko bhi bula le aaj ji bhar ke khayenge piyenge mouj masti karenge.

awesome update

 

[mashish]

Update 3
Mai shaam ko utha nind se fir pawan ko bhi uthaya aur fir taiyar hokar chal diye party karne. Jab hotel pahuche to wahan kiran dikh gayi.ab aap soch rahe honge ye kiran koun hai.ye hai ek ladki jo naam se aapko bhi pata chal gaya hoga. Ye class 6 se mere saath padh rahi hai itna hi nahi jis saal mai fail ho gaya tha us saal iski tabiyat khrab ho gayi thi isliye ye bhi exam nahi de paayi thi. Waise ye bahut hi shant swabhav ki ladki hai hum dono ne aaj tak hi hello ke aage baat hi nahi kiya hai bas dono ek dusre ko jante hai. Jab wo dikhi to maine aaj pooch hi liya himmat karke..
Mai- hiii
Kiran- hiii
Mai- wo aaj mai apne dosto ko party de raha hoon to tum bhi join kar sakti ho...
Kiran ye sunkar 1 minut chup rahi .
Kiran - ok lekin mai apni saheli ke saath aayi hoon.
Mai - koi baat nahi usse bhi puch lo join karne ke liye...fir dono ladkio ne kuch baat kiya aur ok bol diya....uske baad Pahle to pet bharke chiken tandoor thoosa hum sabne ab baari thi daaru ki lekin saath me thi ladkia to pahle unlogon ko humne kuch bahane banakar alvida kiya aur chal diye baar aur wahan tab tak piya jab tak man kiya aur fir haste gaate ghar aane lage.
bike pawan chala raha tha mai piche baitha tha.
pawan - bhai waise ye kiran bhi to kafi achhi hai kabhi iske baare me nahi socha.
mai - mujhe chahiye thodi chatpati aur chanchal type ki ladii lekin ye bahut shant swabhav ki hai upar se pategi bhi nahi...jhooth mooth ka apni ijjat kyon kharab karu.
pawan - baat teri bhi sahi hai koi baat nahj kal dhundhenge chatpati bhabhi tumhare liye.
aur humlog baat chit karte karte ghar pahuch gaye.
aur ghode bechkar so gaye.....

ek aur dhamakedaar update

 

[mashish]

Update 4
Agle din jab nind khula to jaldi jaldi fresh hue aur apni bullet par shaan se college pahunch gaye.
Class me jaldi me ghoos hi raha tha ki kiran se takra gaya.
Mai- sorry wo jaldbazi me takra gaya.
Kiran kuch nahi boli aur apne books utha kar class chal di ..... ab kismat bolo ya kuch aur mujhe seat bhi mila to kiran ke bagal me ..... wo bhi 1st bench par...kyonki college me log pahle piche wali seat hi loot lete hai .mere dosto ne bhi piche jise jahan jagah mila baith gaye.
Ab class suru hua to pahla 2 class padhte padhte bit gaya fir jakar break me canteen me jakar samose thoos hi raha tha ki rohit dikh gaya. Wo gusse se humlogon ko dekhte hue nikal gaya.
Pawan- bhai ye to hume gusse se dekh kar gaya hai...
Mai- dekhne dena dekh kar kya bigad lega jab kuch karega tab dekh lenge.
Aur fir class aa gaye lekin jhatka to mujhe tab laga jab class me entry hui anu mam ki...
Mai- man me socha hai re kismat ye mam ko bhi isi class me padhana tha....ab situation ye tha ki mai 1st bench par aur mam bilkul mere saamne....
Wo mudkar board par kuch likhne lagi ki idhar kiran ka pen niche gir gaya aur wo jhuk kar pen nikalne lagi aur achanak hi mera dhyan bhi kiran ki taraf chala gaya tabhi anu mam palat kar mujhe dekhi aur gusse se chillate hue boli- tumko sharm nahi aata 1st bench par baith kar bhi dhyaan padhai par nahi hai tumhara...fir kya tha lecture suru ho gaya unka aaj kal ke ladke padhai nahi karte sirf awara gardi karte hai mere class me aisa nahi chalega aise rahna hoga waise padhna hoga...this that karke poora class bita di upar se matha chaat gayi hum sabka...
Jaise hi class khatm hua 10- 12 log mere pass aaye aur bole- bhai tu piche hi baitha kar tere chakkar me hum sabko lecture sun na pada madam ka...
Ab mai bhi kya bolta haan me sir hila diya....
Aur class se nikla .....aur apni bike lekar college se nikal hi raha tha ki koi achanak se mere bike se samne se apni bike lekar nikla aur mere break lagate lagate bhi uski bike se takkar ho gayi.....
Ek to galti uski thi upar se girte hi wo mujhe gaaliya dene laga....
Mai bhi apni bullet se utra aur saale ka collar pakad kar do mukke diye saale ke mooh par.
Mai- saale ek to galti teri hai upar se mujhe gaali de raha hai...wo to kismat teri achhi hai nahi to bullet chadha kar nikal jaunga baap baap chillate rah jayega samjha....abhi mai usse ladai kar hi raha tha ki bagal se scooty par anu mam gujar rahi thi jo mujhe ladte hue dekhe ja rahi thi....
Mai- sala kismat hi foota hua hai mera kal fir lecture degi mujhe.....
Khair mai ghar aaya ki papa ka phone aa gaya.
Mai- kaise ho papa.
Papa- mai achha hoon meri chod tu aaj ghar aja...
Mai- kya hua
Papa- kuch hua to nahi lekin kal ladki ke maa papa aa rahe hai ab raman to hai nahi yahan kam se kam tu rahega to achha hoga.
Mai- ye bhi koi puchne wali baat hai mai abhi nikalta hoo 2-3 ghante ne pahuch jaunga.
Papa- aram se ana.
Mai- thik hai
Aur fir phone rakhkar pawan ko bata diya gaav ja raha hoon aur chal diya gaav.

nice anu kahi iski hone bali bhabhi na nikle.

 

[mashish]

Update 5
Mai apne bullet pe chal diya ghar aur karib raat ke 8 baje ghar pahuch gaya. Papa bahar wale room me hi the mujhe dekhte hi gale laga liye.
Papa- aa gaya mera sher. Koi dikkat to nahi hua na aane me.
Mai- kya papa 3 ghante ki to baat hai aap bolte to aise ho jaise kahi videsh se aa raha hoon.
Tabhi maa aa gayi room me....
Maa- videsh jaane ke liye mehnat karni padti hai.khali bike lekar awara gardi karne se nahi hota. Apne bhaiya ko dekh kitna mehnati hai aur ab america me hai mera ladla beta ...ek tu hai yahan baith kar history padh raha hai jyada se jada school me teacher ban payega...
Mai- kya maa aap fir suru ho gayi kal mehmaan ke saamne suru mat ho jana.
Maa- sab galti teri hai ek to 10th me fail ho gaya ..... meri didi se aaj bhi mai najre nahi mila pati hoon......unka ladka engineering kar raha hai.aur tu hai graduation kar raha hai.
Mai kuch nahi bola kyonki kuch bolta to maa fir se ram kahani sunane lagti.
Papa- arey bhagyawan beta aaya hai khana to puch lo.
Maa- aapne aur raman ne bigada hai isko.jab bhi mai ise kuch bolti hoon aap bacha lete ho.
Papa-thik hai thik hai mai baat karta hoon isse tum khana to le aao bechara bhookha hoga dopahar se.
Maa-thik hai laati hoon.
Ye bolkar maa chali gayi.
Mai- kya baat hai papa aaj maa kuch jyada hi gusse me hai.
Papa- arey aaj mousi ka phone aaya tha isliye.
Mai- koi baat nahi.
Fir hum sab pyaar se khana khaye. Khana khilane ke maamle me bhi maa kabhi piche nahi rahti thi aur agar maine kam khaya to fir maa suru ho jati hai ki padosi ka beta itna khata hai kitna majboot hai aur tu kitna kamjor hai kitna kam khata hai ......ye sab bol bol kar khila deti hai isliye mai ab chupchap jitna milta hai sab thoos leta hoon.khana kafi achha bana tha gardan tak bhar kar khayaa aur bed par let gaya.
Subah jab maa ne jagaya tab nind khula jab ghadi me dekha to 7 baj gaye the.
Maa- ab jaldi jaldi naha dho kar fresh ho jaa 1- 2 ghante me mehmaan log aa jayenge.
Mai- thik hai maa.
Aur fir mai fresh hokar taiyaar ho gaya.aaj papa bhi ache se taiyar hokar baithe the...kuch der me saamne se ek auncle aunty aaye aur papa bade garm joshi se unse mile. Fir papa meri taraf dekh kar bole ye hi hai raman ke hone wale saas aur sasur.
Ye hai mr ramakant aur inki patni mrs susma.
Mai bhi aage aaya aur muskura kar undono ko paav chukar pranam kiya.
Ramakant mujhe gour se dekh rahe the to mujhe thoda ajib laga. Jo wo samajh bhi gaye.
Ramakant- are beta aise na dekho apne yaar ko tum to bhool hi gaye apne yaar ko.
Mai to unhe dekhta rah gaya wahi papa aur ramakant hasne lage.
Tabhi susma boli kyon pareshan kar rahe ho ji bechare ko....
Mere to sab sar ke upar se hi gujar raha tha ki yahan ho kya raha hai....
Ramakant- beta jab tum chote the na tab hum bhi yahi rahte the tum humesha mere hi god me khelte rahte the tumhare papa bhi jab tumko le jaane aate the to tum bolte the mai apne yaar ke pass hoon kahi nahi jaunga...yaad karo yaad aa jayega...
Jab mai yaad karne ki kosis kiya tab mujhe bahut kuch yaad aaya gaya apne bachpan ki baat jab mai class 2 me tha tab wo log ye sahar chod kar chale gaye the...tab unki kaali ghane mooch thi aur sar par kale baal the lekin ab to baal bhi inke udne lage the aur mooche bhi kala se safed hone ko tha aur chehra bhi thoda badal gaya ha mujhe jab yaad aaya to bas muskura diya.
Ramakant- aur kaise ho aaj kal kya kar rahe ho tumhare papa ne bola history honour se BA kar rahe ho.
Mai-ji
Tabhi maa boli - mai to thak gayi ise bol bol kar engineering kar le lekin meri sunta hi nahi.class 10 me bhi mai ise boli ki padhle padhle lekin meri suna hi nahi aur fail ho gaya.
Ye sunkar susma boli- jo bit gaya wo bhool jaiye ye dekhiye abhi kya kar raha hai aur history me bhi bahut scope hai future ka.... aur sabse badi baat apne maa papa ke saath hai nahi to aaj kal ke bachhe ek baar door chale gaye to saal do saal me hi kabhi milne aa pate hai. Humare hi bete aur bahu ko dekh lo bangalore me rahte hai saal me ek baar bas aate hai milne.aap bahut kismat wali ho ki aisa beta mila hai.
Is baat pe maa boli wo to hai lekin Iski future ka kya....
Ramakant- arey bhabhi ji history me bahut scope hai aap tension mat lijiye aur dekhiye humlog kisliye aaye the aur kis baat me ulajh gaye.
Papa- arey haan haan aaiye baithiye baat karte hai.
Fir wo log kahan shaadi karna hai kaise karna hai ye sab discuss kar rahe the mai bas thode kaam jaise kuch likhna ho ya lana le jana ho wo sab kaam kar raha tha.jab saari bate ho gayi fir sablog saath baith kar khaye ...
Ramakant- aur yaar koi ladki pasand ki hai ya nahi kyonki tumhare bhai ke shaadi ke baad tumhara hi number aayega.
Ab maa papa ke pass achanak se aisa unhone pucha to mai sharma gaya...

super

 

[mashish]

Update 7
Shaam ka samay tha ki bhai ka phone aa gaya.
Mai- hello bhaiya kaise ho.
Raman- mai to thik hoon apna suna.
Mai bhi thik hi hoon
Mai- kuch nahi bas class chal raha hai din kat rahe hai.
Raman- tab koi mili college me .
Mai- kahan bhai kuch nahi abhi tak to aise hi chal raha hai ulta ek madam piche pad gayi hai jab dekho tab lecture dete rahti hai.
Raman- dhyaan se aas pass dekh sayad koi ho jo tumhare liye hi ho lekin tum dhyaan nahi de rahe hoge.
Mai- kahan bhai aisa kuch nahi hai.
Raman- dekh le mai ab kya bol sakta hoon.aur baaki hal chal kaisa hai?
Mai- baaki sab to thik hi hai.
Fir phone kat gaya....aur mai sochne laga bhai ki baaton ko to sabse pahle mere dimag me jo chehra aaya wo kiran ka tha.
Mai sochne laga ki kiran to class 6 se mere saath hai aur do tin din se to har roj mil ja rahi hai ek din hotel me mil gayi aur do din se daily mujhse takra jaa rahi hai...kahi uparwala koi ishara to nahi kar raha.
Kal baat karke dekhta hoon kiran se.pahle dosti karta hoon aur agar achhi lagegi to propose kar dunga.
Ye sab soch kar kuch khaya piya aur aaj ka din bhi nikal gaya...
Fir agla ek mahina aise hi nikal gaya kabhi kabhi mai kiran se baat bhi kar leta tha aur kabhi kabhi canteen me saath me kha bhi lete the.fir aise hi 3 mahine aur bit gaye.humari dosti gahri ho gayi....mai aur kiran ab achhe dost ho gaye the lekin itne dino me kiran ne aisa koi hint bhi nahi diya ki wo mujhe chahti hai isliye mai thoda confuse bhi tha idhar annu mam ne to jina haram kar rakha tha ek baar to suspend hote hote bacha kyonki us din mai class me kisi se lad raha tha aur mam aa gayi thi. Khair ab chuki ek mahine baad mere bhai ki shaadi thi aur saara kaam mujhe hi dekhna tha to mai ghar chala gaya college me leave application dekar aur ghar ke kaamo me busy ho gaya...is ek mahine me maine kiran se bhi sirf ek baar hi baat ki thi....aur finally aa gaya shaadi ka din....mere bhai ke shaadi ka din...ghar me sab khoosh the aur saare ristedaar bhi aa gaye the jisme humari mousi mousa aur unka ladla bhi aaya tha. Poore gaja baja band ke saath humlog nikle...mai to poore raste nachte nachte aur sabko nachate hue jaa raha tha kyonki shaadi kuch door ek jagah rakhi gayi thi...hum sab pahuch gaye dulhan ke ghar ke pass wahan bhi mai adhe ghante apne mousa aur baki barati ke saath nacha akhir mere bhai ki shaadi hai mai nahi mangunga to koun bachega...fir mai ramakant ji se bhi mila unhone mujhe gale lagaya aur fir madap saja hua tha wahan dulhan ko yaani meri bhabhi ji ko ghunghat me laya gaya....humare yahan shaadi me hai mala nahi hota dulha dulhan ka chehra shaadi ke baad hi dekhta hai..lekin aaj kal ke digital jamane me log online hi ek dusre ka chehra dekh lete hai mere bhaiya ne to online ek do baar bhabhi se baat bhi kar chuke the.to koi problem to tha nahi.
Ab hogi shaadi mere bhai ki mai bahut khoosh tha papa bhi khoos the lekin ye khoosh ki raat gam me badal jayega ye humne kabhi socha bhi naHi tha....ye shaadi mere poore parivaar ke liye kya tohfa lekar aayega ye humne socha bhi nahi tha......

awesome update