Romance Pyaar mohabbat sab kismat ka khel hai

[mashish]

Update 8
Ab shaadi shuru hone wala tha mandap saj gaya tha ki tabhi papa aur ramakant ji dono bahut hi tension me mujhe dikhe. Dono ka chehra aisa ho gaya tha jaise koi mar gaya ho. .... Mai doud kar papa ke pass gaya .
Mai- kya hua papa aap thik to hai kya hua aapko.
Papa rote hue bole- raman chala gaya.
Mai- kahan...
Papa- america.
Mai- aisa kaise ho sakta hai abhi to ghar se car me aa rahe the humare saath.
Papa rote hue bole- raman jis company me job karta hai wahan us company ke malik ki beti raman ko chahti hai aur use jab pata chala ki raman ki shaadi hone wali hai to usne raman par case karne ki dhamki di saath hi usne ramakant par bhi case karne ki dhamki di....aur abhi ek legal notice bhi mere mobile pe aaya hai.
Mai- aise kaise wo kar sakti hai aisa.
Papa- dekho beta raman bhi wo job nahi chodna chahta tha isliye car se yahan utar kar bhaag gaya aur muhe phone par bola ki mai use maaf kar doon
Mai to gusse se laal ho gaya.
Mai- maaf kar do matlab kya....ek to wo ladki jo aap logon ko dhamki de rahi hai wo bhi america me baithe baithe aur dusra humara bhai jo job aur paise ki lalach me bhaag gaya.
Mai abhi jata hoon wo jahan bhi hoga pakad kar aapke pass launga.
Idhar humlog baat kar hi rahe the ki poore mandap me baat fail gayi ki ladka shaadi se bhaag gaya.ab kuch log to ye bhi bolne lage ki lagta hai ladki me koi kharabi hai isliye ladka mandap se bhaag gaya. Waise bhi humare yahan shaadi me ladkio ke hi kami dhundhe jaate hai. Ye sab sunke to ramakant aur sushma bhi rone lagi....is shaadi me kaafi paisa ijjat sab laga hua tha...
Tabhi papa ne ek baar apne ankhon ke anshoo poche aur ramakant ko bole- dekhiye bhaisahab humara ek beta to bhaag gaya ...... humari ijjat to jaa chuki hai lekin hum aapki beti ki ijjat kabHi girne nahi denge...aaj shaadi hogi aur jaroor hogi agar mere bade bete se nahi to na hi sahi mere chote bete se hogi.mera bada beta jaroor khota sikka hai lekin mai aapko wada karta hoon mera chota beta heera hai heera aur agar aap haa kah de to mai aman ki shaadi aapki beti se karwane ko taiyaar hoon.
Ye sunte hi mai to sadme me chala gaya.
Ramakant aur susma ek baar ek dusre ko dekhe aur apne ashoo pochte hue bole- hume manjoor hai bas hum ek baar apni bitiya se baat kar lete hai...
Uske baad ramakant aur sushma andar ghar me chale gaye apni beti se baat karne....tab tak baat unki beti tak bhi pahuch chuki thi ki dulha bhaag chuka hai wo bhi ro rahi thi.
Ramakant apni beti ke kandho par haath rakh kar bole- beta honi ko koun taal sakta jo hona tha use hum badal to nahi sakte lekin hum chahte hai ki tum unke chote bete se shaadi kar lo.
Ladki- kya?
Sushma- beta wo bhi bahut achha ladka hai .
Ladki- lekin dad uska chota bhai mujhse to 5 saal chota hai aur aapne bataya tha wo college me hai.
Susma-to kya hua beti dil ka bahut achha hai.
Ladki-lekin maa kaise kar loon shaadi.
Ramakant-bas beta hum par bharosa karke kar le ....ye bolte hue ramakant ro diye....
Ladki- thik hai papa aapke liye kuch bhi lekin agar ye bhi apne bhai jaisa dagabaj nikla to dekh lena mai inke poore khandaan ko tabaah kar dungi....
Ramakant- beta kisi ke liye dil me itni nafrat nahi rakhte.
Ladki- rote hue boli- mai bhi kya karoon papa kisine mere sapne par aaj pani fer diya aur mai gussa bhi na karoon.
Fir tino apne ashuon ko poche aur shaadi suru hui meri aur dulhan ki jo kal tak meri bhabhi ban ne wali thi wo bibi ban gayi. Mere jindagi ke sapno par bhagwan ne aise dande barsaye ki dard bhi ho raha tha lekin mai ro nahi paa raha tha....aaj meri shaadi ho rahi thi aur saamne mera poora khandaan ro raha tha...papa to jaise dukh me sarabor ho gaye the jis bete ke america jane par apna sir ucha karke poore gaav me ghoomte the wo sir aaj sharm se niche gada jaa raha tha....aisi shaadi bhagwan dusmano ko bhi na dikhaye jo mere saath ho gaya.

sad update

 

[bd sharkar]

Very nice update...

 

[mashish]

Update 13
Idhar mai apne gaav ke kuch logo ke saath mumbai chala gaya wahan kuch din naukari dhundhne par ek godam me noukari mil gaya..yahan godaam se bori utha kar truck me load karna hota tha aur truck se godaam me ...ek bori ke 5 rupaye milte the..mai din bhar me 50 bori utha leta tha...to din ke 250 rupaye mil jate the lekin mujhe ab bas yahi tha ki yahan noukari karte karte mujhe kahi bhi pahle sarkari noukari lag jaye chahe wo peon ki job ya safai karmachari ki job hi kyon na ho...taki mai fir apni padhai poori kar sakoon aur graduation complete karke koi achha sa job kar sakoon aur apne maa papa ke sapno ka ghar jo hai uske paise chuka sakoon....kyonki itne paise mai bhale 6 saal me chuka nahi sakta lekin agar noukari hogi to kahi aur se loan lekar hi chuka dunga...waise bhi mere pass khone ko kuch bacha nahi tha..maa papa nahi rahe bhai bhi videsh me jakar hume bhool chuka hai..ek biwi thi use bhi divorce de hi chuka hoon ab bas kisi tarah apne papa ke sapne ki makan ko bacha pau to ye hi mere liye bahut badi baat hogi...isliye mai ji jaan lagakar din bhar bori dhota tha aur raat me 3-4 ghante achhe se man lagakar padhta tha..waise bhi mai padhne me kamjor to tha nahi....mere 10th 12th me kafi achhe number the....yahi sab soch kar kaam me laga rahta tha...kabhi kabhi maa papa ki bahut yaad aati thi to thoda ro leta tha....aise hi 2 mahina bit gaya lekin in do mahino me mujhme ek ajib sa badlaw aa gaya tha...kal tak mai duniya me kisi se nahi darta tha kisi se bhi bhid jaata tha....lekin ab mujhme ek dar sa bas gaya tha ki kahi mai apne papa ka ghar bhi na bacha pau use bhi na kho doon is dar ne mujhe bahut hi darpok kism ka bana diya tha.... idhar annu bhi 2 mahine se college me padha rahi thi ki use ek bade university se offer aaya jiske liye wo ab ye sahar chod kar 7 din me jaane wali thi.waise bhi is sahar me uske liye ab kuch tha nahi...lekin abhi tak usne apni divorce ki baat apne maa papa ko nahi batayi thi...usne court me papers jama to kara diye the lekin jo judge thi wo is baat ke liye taiyaar nahi hui ki divorce de diya jaaye...isliye usne ek baar fir se annu ko paper bheja tha taki wo ek mahine me soch ke jawab de ki wo kya really divorce chahti hai....aur annu chahti thi jab uska divorce final ho jaye tab wo apne maa papa ko bataye....aaj Annu ko fir se saare paper wapas se aaj court bhejne the jiske liye wo nikal hi rahi thi ki use apne darwaje par maa papa aate hue dikhe....
Annu khushi se apne papa ke gale lag gayi...
Annu- papa aap yahan aapka to ilaj hone wala tha na pair ke ghutno ka...
Ramakant-beta ilaj bhi kara liya bangalore jakar aur bete bahu se bhi mil liya....to socha kyon na ek baar tumse bhi mil loon...
Waise aman kahan hai college gaya hai kya...
Ye sunte hi Annu thoda hadbadi gayi....
Annu- papa wo gaav gaye hai kuch kaam se 2-3 din me aa jayege...
Abhi annu nahi chahti thi ki uske papa aur maa ko pata chale ki wo dono ek Saath nahi rahte hai....
Sushma-beta jaisa jindagi bhagwan ne aman ko diya na waisa to kisi dusman ko bhi na de...
Annu- kyon kya hua...
Susma-tujhe nahi pata...
Annu- nahi...wo to kuch bole hi nahi...
Ramakant-tujhe pata hai uske maa papa ki mout ho gayi accident me....aman ne apne maa papa ki jaan bachane ke liye apna ghar bike sab bech diya lekin kismat dekho wo fir bhi unko na bacha paya....aur humari kismat dekho jab aman ko humari jarurat thi tab mai hospital me pada hua tha....uski madad bhi nahi kar paya...arey madad to door uske saath dukh ki ghadi me khada bhi nahi rah paya....
Annu- ye kab hua tha...
Susma-tu aisa kyon pooch rahi hai jaise tujhe kuch bhi nahi pata....kaisi patni hai tu jo apne pati ka dukh bhi nahi dekh paati...
Annu- lekin wo mujhe kuch batate hi nahi...
Susma-bilkul apne papa par gaya hai wo chahe kitnaa bhi dukh aa jaye lekin kisi ko ek shabd nahi bataya usne....uske papa bhi bilkul waise hi the....
Sushma-beta tujhe pata hai jab tum choti thi na tab bhi humare bussiness ko ek baar bahut ghata ho gaya aur tere papa ki tabiyat bhi kharab ho gayi thi...tab aman ke papa ne hume us samay 25 lakh rupaye diye the...wo bhi apne un paiso ko jise wo 15 saalo me jama kiye the apne sapne ka ghar kharidne ke liye....aur kismat dekho wo apne sapno ka ghar kuch mahine pahle hi kharide the jo aaj fir se bank me girvi pad gaya hai....
Ramakant- beta ab aman ke aage piche koi nahi hai usko pocket kharch dene wala bhi koi nahi hai..ho sakta hai wo tumse paise mangne me sharmaye lekin tum uska achhe se khyal rakhna...waise bhi uske papa ke bhi humare upar bahut ahsaan hai aur aman ke bhi.....agar aaj hum ijjat ki jindagi ji rahe hai tu ijjat ki jindagi ji rahi hai to wo aman ke kurbani par bani hai...usne apni jindagi apne sapne sab bhula kar apne papa ki ijjat rakhi aur humare parivaar ka maan rakha....
Sushma - beta jab wo aaye to use ye prasad bhi de dena hum chalte hai...
Annu- maa kam se kam aaj bhar to ruk jao...
Ramakant- beta 3 mahine se mai yahan nahi tha business ke saare kaam pending hai karna to padega...baad me kabhi aaunga..wo to hum isi raste se gujar rahe the to tumse mil liya....apna khyaal rakhna beta....ye bolkar dono wahan se nikal gaye....lekin annu ke man me uthal puthal macha gaye...kyonki bhale hi Annu aman ki ijaat na karti ho lekin aman ke maa papa ki ijjat karti thi karti bhi kyun na bachpan me class 6-7 tak use pyaar se dono ne khilaya tha apne pass...aur aaj jab use pata chala ki us jamane me aman ke papa ne 25 lakh mere papa ko diye the wo bhi wo paise jo unhone apne sapno ko markar diye taaki mere papa aur humlog khush rah sake ye sunkar use aur bura laga...tabhi annu ko yaad aaya ki 2 mahine pahle ek din aman usse 25000 rupaye maang raha tha aur maine use daat kar phone rakh diya tha....kahi wo apne maa papa ke ilaj ke liye to nahi mang raha tha...kahi is 25000 rupaye kam hone ke chalte uske maa papa ki death to nahi ho gayi....pichle do mahino se na aman ne call kiya hai nahi uski koi khabar hai kahi use kuch ho to nahi gaya...aise kai sawal annu ke man me aane lage aur tabhi uski najar padi apne us divorce paper par....humesha apne kaam apni mehnat apni achhai ke liye khud ko achha bolne wali annu ka chehra sharm se jhuk gaya tha....aisa nahi tha ki use aman par pyaar aa raha tha lekin itna to jarur tha ki use apne kiye par sharm aa raha tha.....aur jitna jyada wo sochti is baare me utna jada use sharm aane laga.......

nice update

 

[mashish]

Update 14
Annu sharm se apni hi najron me gire jaa rahi thi...use baar baar ye baat khatak rahi thi kisi jamane me rajesh auncle ne uske papa ko 25 lakh rupaye diye the jarurat padne par ..... aur abhi jab aman ko 25 hazar ki jarurat thi to wo bhi usne mana kar diya...aur bahut sochne ke baad annu ne ye decide kiya ki jo ho gaya so ho gaya lekin aman ki poori padhayi ka kharch wo uthayegi aur wo aman ki tab tak help karegi jab tak aman apne pairon par khada na ho jaye....uske baad annu ki jimedari khatm....
Ab use ye pata karna tha ki aman hai kahan lekin aman ne kabhi apne kisi dost ke baare me to bataya hi nahi tha....tab use yaad aaya rohit ka jisse wo aksar ladayi karta tha...tab wo college gayi rohit ke baare me pata karne to pata chala ki wo to hospital me hai aur aur pata kiya to pata chala ki use hospital pahuchane wale koi aur nahi pawan anshu aur shyaam the....kyonki jis din aman ki rohit se last time ladai hui thi us din aman akela tha aur agle din jab in tino ko pata chala ki rohit ke chalte aman ko suspend kiya gaya hai college se to wo bahut gussa hua aur apna gussa rohit pe nikala....ye sab pata chalte hi Annu ko pata chal gaya ki ye sab aman ke dost hai aur pawan ka chehra dekhte hi use yaad bhi aa gaya ki ye ek baar aman ka saman lene bhi aaya tha to ise jaroor pata hoga....isliye aaj class khatm hote hi Annu pawan ko bula kar apne cabin le gayi.....
Pawan to waise hi Annu mam se suru se gussa tha....wo to mam hai ye soch kar sirf chod deta tha...
Annu- aman kahan hai...
Pawan- gusse me bola-pati to aapka hai aapko nahi pata ki aman kahan hai...
Pawan- haa yaad aaya pati hai nahi tha...aapne to divorce de diya na...ab kya matlab aapko....
Annu- dekho mujhse badtamiji mat karo ye na bhulo mai mam hoon tumhari...
Pawan- ye mat sochna ki mam ho is liye ijjat karta hoon yahan bahut saare teacher hai jinko hum apne joote ke barabar bhi ijjat nahi dete....wo to aap aman ki wife thi aur ladki ho isliye kuch nahi bolte....
Annu- dekho mujhe tumse bahas nahi karna ...mujhe bas ye batao aman hai kahan...
Pawan- dekho madam ji humko nahi pata aman kahan hai..aur mai chala yahan se dobara mujhse aman ke baare me poochne ki koi jarurat nahi....
Ye sun kar apni beijjati hote hue dekh kar annu ko bahut gussa aya lekin fir wo ye soch kar rah gayi ki sayad galti bhi uski hi hai....college me usne aman par kuch jayada hi boora bartaav kiya hai...
Abhi pawan cabin se nikalne wala hi tha ki annu poochi-akhir tumlog rohit aur uske dosto se ladte kyun rahte ho wo to senior hai tumahre...
Pawan-yahi sawal rohit se poochna....ye bolkar wo cabin se nikal gaya....idhar annu ko bahut gussa aaya aur wo gusse me college se nikli aur sidha gayi rohit ke pass jo hospital me pada hua tha apna ek haath aur ek tang tudwa kar.
Annu gusse me rohit se poochi-akhir sach batao tum humesha kyon ladte rahte ho aman aur uske dosto se...agar jhooth bola na to college se TC dilwa dungi wo bhi red cross ke saath poore india me fir kahi admission nahi milega tujhe....
Ye sun kar rohit bahut dar gaya aur wo bata diya ki jab 1st year me aman aaya tha tab wo log uski ragging le rahe the tab aman ne ragging dene se mana kar diya tha aur sabke saamne hume nicha dikhane ki kosis ki thi tab hi maine soch liya tha ek baar to usko sabak sikha ke rahunga...
Ye sunkar to annu ko apne aap par bahut gussa aaya aur wo wahan se bhaag kar apne ghar aa gayi aur rone lagi....
Annu- apne aap se boli-ye maine kya kar diya ....mere se bahut saari galtiyan ho gayi...mujhe kuch to karna hi hoga...ye soch kar wo apne gaav me ek cousin bhai ko call kiya...
Annu- hello amit bhaiya...
Amit-haa bolo koun bol raha hai...
Annu- arey mai annu...
Amit-arey annu kaisi ho sab thik to hai na wahan aman ke saath achhe se ho na koi dikkat to nahi....
Annu- bhaiya ek kaam tha...
Amit- haan bolo...
Annu- dekhiye na aman 2 mahine pahle gaav gaye the unke maa papa ka dehant ho gaya tha na...tab se unka phone hi nahi lag raha...please pata karke bata dijiye na wo kahan hai..ye bolte bolte achanak hi Annu ke ankhon me ashoo aa gayi aur wo sisak sisak kar rone lagi...
Amit- arey roti kyon ho hum hai na abhi aadhe ghante me phone karke tumko bata dete hai ruko pata lagate hai tum rona nahi...aur agar wahan man nahi lag raha to gaav aa jao sab log yahi hai...
Annu- nahi nahi bas aman ka pata laga dijiye...
Aur phone kaat di...
Amit annu ke cousin bhai hai jo gaav me hi rahte hai aur wo annu ko bahut maante bhi hai....
Idhar amit turant hi aman ke gaav ke kuch logon ko phone lagaye aur pata kiya to pata chala wo mumbai me hai...fir amit mumbai ke kuch logon ko phone lagaya jo gaav se aman ke saath gaye the to un logon ne aman ka pata bata diya....amit aman se baat bhi karna chahte the lekin kar nahi paye....kyonki aman bombay me sabse alag bilkul akela sa rahne lag gaya tha yahan tak ki apne gaav ke logon se bhi alag rahta tha...
Idhar amit 30 minut me sab pata karke annu ko bata diya ki aman abhi kahan hai..kya kar raha hai ye to wahan jaa kar hi pata lagega..aur ek phone number bhi diya lekin bola aman phone utha nahi raha kisika bhi...annu ne iske liye amit ko thank you boli aur ab use jana tha mumbai lekin pahle use is college me resign kar ke naye college ko bhi join karna tha nahi to offer miss ho jata...saath hi divorce paper bhi bhejna tha court nahi to date miss ho jata to annu sare official formality poore karne me lag gayi...jisme 15 din aur lag gaye....
Ab annu naye sahar me naye college me aa chuki thi....usne ek 1bhk ka room bhi le liya tha....saath hi ab annu ka plan tha ki isi college me aman ko bhi padhaya jaye kyonki ye college purane wale college se har mamle me achha tha...saath hi Annu ne aman ke liye boys hostel me ek room bhi dekh rakhi thi....use lagne laga tha ki agar wo aman ki help kar degi padhayi me to aman jaroor apne pairon par khada ho jayega...aur jo galti annu ne ki hai uska pashchatap bhi ho jayega.....waise annu ki planning to bahut achhi thi leki. Isme ek bahut badi kami thi.....jo aapko aage pata chalega.....

super

 

[mashish]

Update 15
Ab annu ke naye sahar me aaye 5 din ho chuke the aur usne ek packers and movers wale company ko order de diya tha jo purane sahar se sara saman pack karke naye sahar me shift kar denge....tab annu is naye college me padhana suru kar di...aur 3-4 din me uske saare saman bhi purane ghar se is ghar me aa gaye...annu ne un sabhi box se saman nikal nikal kar ghar me achhe se rakh diya aur do box jisme aman ke saman the use ek kone me rakh diya tha...ab baari thi us kaam ki jiske liye annu himmat juta rahi thi aur wo kaam tha bombay jana.finally annu ne aaj raat ka plane ka ticket kata liya...aur din bhar bechaini me bit gaya....aaj annu dhadakte dil se flight me baithi aur 2 ghante me bombay pahuch gayi...raat bhar ek achhe se hotel me rooki aur agli subah wo chal padi aman ko dhundhne...aman main city se bahot door rahta tha to us godaam tak jiska adress amit ne diya tha wahan pahuchte pahunch te dopahar ho gaya....annu ac wali car se utri haraam ke samne....aur annu ki najre dhundhne lagi aman ko ki achanak se kuch door use aman dikha jo apne pith par 100 kg ka bora liye ek truck ki taraf badh raha tha....annu ek baar gour se aman ko upar se niche tak dekhi....upar ek white brown shirt tha jo 3-4 jagaho se fat chuka tha niche ek jeans jo bhi jarjar halat me tha aur niche khali pair jisme bahut jagah se kate fate hone ke nisan.....ab aman ek normal gira sa nahi balki ek saala sa ladka ho chuka tha jiska chehra murjha gaya tha....aman ko aisi halat me dekh kar annu ka to dil hi ek baar ko rook gaya aur wo aman ke saamne jaane ki himmat hi nahi kar payi aur ek diwar ke pass chup gayi aur adhe ghante aman ko bas dekhte rahi....aur is adhe ghante ke douran uske dil aur dimaag ne hazaro baar ye bola ki in sab ka jimmedar sirf aur sirf annu khud hai....ab dopahar ke ek van chuke the aman baar baar bori haraam se truck me chadha raha uske saath aur bhi 2-3 majdoor kaam kar rahe the...fir jab truck bhar gaya to wo chala gaya aur aman godaam se kuch door ek ped ke pass baith gaya aur roti me namak aur mirch daalkar khane laga....ye dekhkar to annu ka halat kharab ho gaya....kyonki wo to sapne me bhi nahi sochi thi ki aman itni boori halat me hai....aur wo sochne lagi ki kahi aman pooch dega ki wo yahan kyon aayi hai to annu kya jawab degi....

awesome update

 

[mashish]

Update 19
Ab aman ko bhukh lagne laga lekin ghar me khane ko kuch nahi tha....wo bechara pet pakad kar baith gaya...fir socha fridge me dekhta hoon kya hai...aur uski kismat dekho fridge me ek chocolate rakhi hui thi...aman use uthaya hi tha khane ke liye ki uska daam dekhkar aman ne use wapas se fridge me rakh diya...wo chocolate ka poora packet 600 ka tha...aman ko yaad aa gaya wo din jab usne annu ko aisa hi ek chocolate lakar diya tha jiske liye use bahut daat padi thi....aman wo chocolate ko liye flashback ki duniya me chala gaya aur jab wapas aaya to wo turant wo chocolate fridge me rakh kar fridge band kar diya....lekin bhookh se aman ki halat kharab hone laga....fir bhi aman kisi tarah din bhar bhookhe pet leta raha shaam tak uski halat khrab ho gayi...idhar annu ka bhi aaj college me din achha nahi gaya tha kyonki aaj kuch students uske class me badmashi kar rahe the fir office me bhi aaj use kaafi kaam karna pada college ka kyonki aaj office boy nahi aaya tha...isliye annu bhi khrab mood me late ghar aayi aur use bhookh bhi lag gayi thi....wo gusse me ghar ka darwaja kholi aur table par daily ki tarah baith gayi khane ke liye lekin ye kya khane ko to kuch tha hi nahi...ye dekhte hi use gussa aa gaya aur gusse me wo aman par chillane lagi-dinbhar ghar me baith kar khali aram karte ho....khana bhi nahi banaya hai abhi tak....tum to ho hi ek number ke kaam chor...koi kaam nahi karna chahte....sochte ho madam to kama hi rahi hai...bas ghar me baith kar muft ki roti tod rahe ho....
Jab aman ye sab baat suna annu ke mooh se to wo chup chap apna jhola uthaya aur ghar se nikal gaya.....
Annu abhi bhi bahut gusse me thi isliye boli- jao jao waise bhi mijhe tumhari jarurat nahi hai...tumKo hi meri jarurat hai samjhe...garib tum ho...mujhe koi fark nahi padta...ye sab bol bol kar annu apni college ka frustration aman par nikalne lagi....lekin aman bechara ye sab sunte hue bhi ghar se nikal gaya...ab raat ho gayi thi to aman ko gaadi to milne se rahi aur bhookh se waise hi uski halat kharab thi..iskiye wo kuch door ek ground me jakar late gaya....idhar jab annu ka gussa shant hua to bhookh ke karan wo sabse pahle kitchen gayi...aur use pata chala ki ghar me to kuch hai hi nahi khane ka saman ...tab use yaad aaya saman to kal hi khatm ho gaya tha...lekin aman ne saman kyon nahi laya tab use fir se yaad aaya aaj subha wo hadbadi me gate lock karke chali gayi thi....
Annu apne sar par hath rakh kar boli- ohhhhhh myyyyy goddddddddddd....
Aman subah se bhukha hai....nahi nahi fridge me chocolate hai wo to kam se kam khaya hi hoga usne.....aur wo ye sochkar fridge mw dekhi....lekin fir use surprise hi mila kyonki chocolate bilkul sahi salamat rakha hua tha.....
Ab use aaya rona lekin annu turant ghar lock ki aur bhaagi aman ko dhundhne....lekin kahte hai na har dard ki ek inteha hoti hai...aur har marz ki ek dawa hoti hai....ab sayad aman ke dukh ke din jaane wale the aur annu ke dukh ke din aane wale the.....
Arj hai ye
Khoobsurat sa ek pal kissa ban jata hai...
Jane kab koun jindagi ka hissa ban jata hai.

Bane rahiye humare saath ...aur padhte rahiye pyaar mohabbat sab kismat ka khel hai.....???

nice

 

[mashish]

Update 31
Nikita ki baat sunkar annu rone lagi...
Annu rote hue ek baar asha bhare najro se nikita bhabhi ki taraf dekhi aur boli - bhabhi kya aap nahi chahte ki mai aur aman ek khushaal jindagi ji sake wo bhi saath saath....kyonki mujhe nahi lagta ki mai ab aman ko chod kar khoos rah paungi...
Nikita - annu janti ho tumhari yahi sabse badi problem hai....tum humesha apne baare me sochti ho....dekho abhi bhi tum ye chahti ho ki wo tumhe mil jaye taki tum khush rah sako....aur aman ki khushi ka kya?
Annu -nahi bhabhi mai ye nahi chahti ki wo mere saath sirf rahe balki khoosh rahe aur itna khoosh rahe itna khoosh rahe jitna wo chahe...mai pahle bhi bol chuki hoon aur aaj bhi bolti hoon maine galti ki hai iske liye aman mujhe thukra de mujhe manjoor hai lekin main uske dil me ek jagah apne liye banakar hi rahungi....iske liye aapko mera saath dena hoga...
Nikita - kya karna hoga...
Annu - aapko ek baar mere khatir use ye bolna hoga ki humara divorce cancel ho gaya hai...aur use mere saath rahna hoga...kam se kam 6mahine...
Nikita ye sunkar man hi man muskurayi...
Nikita - tumhe ye dar hai na ki kahi koi tumse use chin na le...fir bhi mai tumhara saath dungi lekin ye baat tumko hi use bolna hoga bas mai tumhare saath rahungi...
Annu ye sunkar khoosh ho gayi wahi nikita bhi khoosh ho gayi ki ab anjane me hi sahi dono ko ye to pata chal jayega ki abhi divorce nahi hua hai jo sach bhi hai...
Uske baad annu apne room gayi aur bag se ek chocolate nikali jo wo aate samay hi kharid li thi....is chocolate se jaane anjaane me hi sahi kuch achhi aur kuch boori yade judi hui thi..aur annu chahti thi ki unki nayi suruat kuch mithe ke saath ho jaye...aur buri yaade dheere dheere achhi yadon me badal jaye...
Uske baad annu fresh hone ke liye attached bathroom me chali gayi...aman to bas room ke kone me jamin par kete hue ye soch raha tha ki use noukari mil gayi hai to use ab fir ae bombay nahi jana padega saath hi kisi chote mote sarkaari college me fir se admission lekar apni padhayi bhi suru kar dega...
Udhar annu bathroom me pahle achhe se haath mooh dhoyi fir aaj wo bahut din baad apni maang bhar rahi thi nahi to pahle modern ladkio ki tarah ek chota sa tika type ka laga leti thi...uske baad wo ek achhi si gulabi saadi pahni..chudiyan pahni lekin make up nahi ki aur fir apne room se aayi...
Aman to dusre taraf mooh karke soya hua tha...
Use achanak aisa laga ki koi uska pair chu raha hai to aman turant hadbada kar uth gaya...lekin jaise hi wo annu ko dekha to 2 minut to dekhta hi rah gaya...
Kyonki suhagraat wali raat ke baad wo aaj annu ko sadi me chudi me dekh raha tha...aur jab uski najar annu ke anshuon par gayi to wo baith gaya...
Aman - dekhiye maine aapko divoce de diya hai ab mere pass kich nahi hai dene ke liye...ho sakta hai aapko lage ki mera naina se close ho raha hoon lekin ye bhi sach nahi hai...aap mat roiye mai kal hi bahana bana kar is ghar se aur aapki jindagi se door chala jaunga...
Ye sunkar to annu aman ke pair par gir gayi aur foot foot kar rone lagi...
Aman ye dekh kar kaafi dukhi ho gaya kyonki usne apne maa papa se wada kiya tha ki annu ko jo chahiye wo dega...
Aur yahi aman se galti se hi sahi lekin ek bahut hi achha kaam ho gaya ya fir kah sakte hai bhagwan ne annu ki sun li...
Aman - dekhiye aap roiye nahi maine apne maa papa se wada kiya hai ki aapko jindagi me khoosh rahne ke liye jo chahiye mai dunga...isliye maine aapko divorce bhi diya...agar aap ab bhi royenge to achha nahi hoga...aapko jo chahiye boliye...mere bas me hoga to jaroor dunga...
Jab annu rote hue aman ke mooh se ye suni to uska dil baith gaya...usne kabhi socha nahi tha ki aman annu se aur apne maa papa se is had tak pyaar karta hai...
Annu rote hue apne saafi ka pallu faila di aman ke saamne...aur roye hue boli dekhiye mai apna hasta khelta hua pati dhundh rahi hoon jo meri galti se kho gaya hai...aap mere jholi me mera pati de dijiye....mai unse divorce nahi chahti hoon...mujhse galti ho gayi...mai humesha apne aap ko sabse achha samajhti rahi...maine kabhi parivaar ka pyaar ka mol jana hi nahi...mai to bas padhayi career in sab ke piche bhaagi hoon...mujhse galti ho gayi...ye bolkar annu apna pallu failakar aman ke pairo par rakh di...jaise apne pyaar ko bhikh mang rahi ho....aman se bhi annu ki ye dasha nahi dekhi jaa rahi thi lekin wo thoda dar bhi raha tha.....
Aman - dekhiye aap mujhse badi hai unra me bhi aur aap meri mam bhi thi to please mera pair chod dijiye...mujhe achha nahi lag raha hai...
Annu bas aman ko ek majboor ki tarah dekh rahi thi...
Aman bhi akhir kya kar pata usne bol diya ki wo bhi use apni patni maanta hai...
Aur bahar se ye sab dekh rahi nikita bhi andar aa gayi...wo to soch kar aayi thi ki annu sidha aman ke pass jayegi aur bolegi divorce nahi hua hai saath rahna padega aur aman ko bhi majboori me haa kahna padega...lekin yahan ki halat dekhkar use bhi yakin ho gaya ki annu se achhi patni ab aman ke liye koi nahi...isliye wo andar aayi .
Nikita- ab tum dono ka rona khatm ho gaya ho to meri bhi baat sunlo...
Ye awaz sunkar dono nikita ki taraf dekhe...
Nikita- mai tum dono se maagi mangna chahti hoon darasal wo divorce waala papaer jhootha tha...aur jo annu nw divorce ke liye apply kiya tha uspar bhi maine stay le liya tha...ab bas tum dono kisi din court jakar apni divorce ki arji wapas le lena...aur haan mujhe bhi maaf kar dena agar meri vajah se tum dono ko koi dukh pahucha ho to...
Annu to jamin par baitji hi hui thi..wo aman ka pair chod kar nikita ka pair pakad kar ise thank you thank you bolne lagi...
Nikita - chod mera pair aur ye kya garibon kibtarah dono jamin par lete hue ho...ghar me itna mahanga bed hai sofa hai...udhar jakar jo karna hai karo...mai chali...ye bolkar wo nikal gayi...
Aman - dekhiye mai abhi is halat me nahi hoon ki aapko bhi rakh sakoon...mere pass paise bilkul bhi nahi hai...
Annu - kisne kaha nahi hai...mera jo hai wo sab aapka hi hai...
Aman - lekin..
Annu - achha man lijiye mai aapki ek personal bank hoo jahan se aap paise le lijiye baad me de dijiyega...jab aap achhe post par chale jaye to...
Aman - aap mujhe aap mat boliye thoda ajib lagta hai...abhi aman ye bol hi raha tha ki use ek chocolate kanpacket dikha jo wahan pada hua tha...
Aman- ye aapka chocolate gir gaya...
Annu ja. Chocolate dekhi tab use yaad aaya wo kya plan karke aayi thi aur kya kar baithi...lekin wo khush thi ki jo hua achha hi hua...
Annu wo chocolate uthayi aur rappar faad kar chocolate ka ek tukda aman ko dene lagi...
Aman - ye bahut mahanga hai...
Annu jaise hi ye suni wo chocolate uthayi aur fek di....
Aman - ye kya kiya....
Annu -jo aapke liye mahangi hai wo mere liye bhi mahangi hi hai...aaj se aap jaise rahenge mai bhi waise hi rahungi...jaise khayenge jahan soyenge...mai bhhi wise hi khaungi wahi soungi...

super

 

[mashish]

Update 34
Dono pati patni bed par let gaye lekin nind dono me se kisi ko nahi aa rahi thi...to annu ne hi socha kyon na aman se bast kiya jaye...
Annu - aapko pata hai pawan ne niraj bhaiya ko aapke sapne ke baare me bataya tha...
Aman - koun se sapne ke baare me...
Annu -aapke girlfriend ke baare me
Aman - wo to purani baate hai...aur sapne hai...sapno ka kya...
Annu - waise dekha jaye to aapke sapne ki girlfriend aur mujhme bahut chije ek jaisi hai...jaise ki mai bhi aapke college ki hoon, ab aapke sapne ki girlfriend itni khoobsurat hoon ya nahi wo to pata nahi...
Aman ye sunkar muskura diya...
Aman - aap college me meri mam bhi hai...
Annu - wo to sirf class me wo bhi agar aap chaho tab...lekin iske fayde bhi hai...mai aapki madad kar sakti hoon padhayi me...
Aman - kuch nahi bola bas annu ko dekh raha tha...aaj wo uparwale ka sukragujar tha ki usko itni achhi patni mili hai...lekin dar to abhi bhi kuch baki tha usme...
Annu aur aman dono ab ek dusre ko dekhne lage...aur ek pyara sa mahol ban gaya tha...aman aur annu dono ke chehre ek dusre ke karib aane lage...dono ek dusre ki ankhon me dekhte hue karib aa hi rahe the ki achanak se ek chuha kitchen me ek bartan gira gaya aur dono jaise hosh me aa gaye...aur piche hat gaye...
Aman kafi ghabra gaya ki wo kua karne jaa raha tha abhi...aur wo sorry bolkar palatkar so gaya....idhar annu man masos kar rah gayi ki uska pahla kiss hote hote rah gaya....
Ab agla din aaya dono mil kar khana banaye...abhi college suru hone me aman ke 10 din baki the to wo ramakant ji ke store room ke kaam par jyada dhyan dene laga jab tak annu college me padhati thi tab tak aman store room ka kaam dekhta tha....
Isi tarah 7- 8 din gujar gaye...ab dono aur bhi karib hote jaa rahe the.....
Ek din aman annu ko bike par lekar baitha...
Aaj annu bhi poora satkar aman ke saath baithi thi...
Aman use college ki taraf le jaa raha tha to annu ne mana kar diya aur use radta batate hue kahi aur le jaane lagi....aman gaadi chalaye jaa raha tha karib 2 ghante wo bike chalata raha tab use kuch jaani pahchani sadke najar aane lagi...jab ek ghante aur gaadi chalane ke baad aman jis ghar ke pass khada hua to wo bike se utar kar ghar ko dekhte hue rone laga....kyonki ye uske papa ke sapno ka ghar tha...
Annu apne purse me se chabhi nikaki aur aman ke haath me de di...
Annu - aaj se ye ghar wapas tumhara...
Aman - ye kaise ho sakta hai...mai itne paise tumse nahi le sakta...
Annu - ye paise aapne mujhse liye bhi nahi hAin..ye paise aapne mujhse nahi hai balki bank se loan liye hai...bas mai gurrenter hoon ....dekhiye aaj nahi to kal aap ye ghar wapas lenge hi to sapno ko wait kyon karaya jay...abhi aap jitna kamate hai usme se 15 hazar har mahine bank me jama kara dijiyega aut jab graduation ke baad aapko achhi noukari lag jaye tab aur chuka dijiyega...
Aman - lekin kahi mujhe achhi noukari nahi mili tab...
Annu - apki patni koi mamuli ladki nahi hai topper hai topper ....mai aapko padhaungi....aur aap bhi to khud itne achhe hai ki meri madad ke bina aapko bahut achhi noukari lag jayegi...ab aap bas apne aap par bharosa kijiye aur agar kar sake to mujhpar bhi kar sakte hai...
Aman ye sunkar rone laga...aur rote hue apne ghar ko khola...aaj use apne papa ki yaad aa rahi thi...use lag raha tha ki aaj usne apne papa maa ka maan rakh liya hai aur isme annu ne bhi bahot madad ki hai...isliye aman annu ke gale lag gaya...aur use jor se gale se laga li...annu ka dil to jor se dhadakne laga...
Aur aman rote rote emotion me aakar aanu ke hothon ko chum liya...lekin jaise hi usne annu ke hoth chune usko ahsas hua ki usne galat kar diya hai aur wo annu se sorry bolne laga....lekin annu bhi aman ke sorry bolte hi uske hoth ko chumne lagi....aaj aman aur annu ke dil lagbhag ek ho gaye....

ab tak ka sabse badia update

 

[Pappu roy]

Waiting

 

[Riverman]

Updated 36
Aman aur annu dono kitchen me pahuch gaye...aman fridge se sabjiyan nikalne laga wahi annu aata nikal rahi thi roti banane ke liye...aur annu wahi slab par bartan rakh kar aata guthne lagi tabhi aman bhi uske bagal me aakar khada ho gaya aur uska ek haath annu ki taraf badhne laga...jaise he annu aman ka haath apni ore badhte hue dekhi uska to dil bahut teji se dhadakne laga...jab aman ka haath uske kamar ko bagal se chua to annu ke sharir me current sa doud gaya...
Aur annu to jaise filmo ki duniya me kho gayi...use ab lag raha tha aman use gale laga lega...aur uske pyaare pyaare hothon ko chumega....saath hi uski kamar ko bhi sahlayega...ye sochte hi annu ko andar se gudgudi hone laga....
Lekin jab annu ankh kholi to pahle to use gussa aaya fir apne aap par hi hasi aa gayi...kyonki aman to aisa kuch soch kar annu ke taraf aaya hi nahi tha ..... wo to bas chaku lene aaya tha jo annu ke bartan ke hi pass rakha hua tha isliye galti se uska thoda sa haath annu ko touch hua tha aur annu idhar apne kyali pulav paka rahi thi ... idhar aman chaku liya aur sabji katne laga ...
Annu - inka kuch to karna padega .... akhir hum pati patni hai aur ye ghar me aise rahte hai jaise hum inke door se bhi door ke koi ristrdaar ho ... bus kaam ke silsile me baat ... nahi to chup chap .... aise kaise chalega ....
Jahan annu man me kuch kuch badbadye ja rahi thi aman to sabji kaat chuka tha aur fir dono milkar khana bana liye .. aur fir khana kha kar taiyar hone lage ... ab aaj se pahle tak humesha ye hota tha ki aman pahle taiyar hokar room se nikal jata tha aur annu bhi bathroom me hi taiyaar hoti thi ... lekin aaj annu se ho gayi galti .... ab ye galti galti se hui ya janbujh kar pata nahi...
Kyonki aman ke room me enter hone se pahle hi annu room me aa gayi aur bathroom me kapde badalne lagi. .. idhar aman daily routine ki tarah room me ghusa ... ise laga annu verandah me baith kar apna mobile dekh rahi hogi ... isliye aman befikra hokar room me ghusa aur use darsan hue annu ke .... jo apne baal bana rahi thi aaine me dekh kar ... waise bhi kya kahne aman ke .... aman annu ke reshmi julfo ko dekh raha tha ... tabhi annu ko mirror me aman ka chehra dikh gaya ... ek pal ke liye to wo hadbadayi lekin fir bade pyaar se apni julfo ko jaanbujh kar piche se jhaad kar apne kandhe ke ek taraf kar di ... jisse aman ko annu ki gori gori gardan dikh gaye ... aur aman ko laga ki wo galat kar raha hai ... kisi ladki ko chup kar dekh raha hai aur wo chup chap bahar chala gaya ... aman bahar to chala gaya tha lekin uske dil me bhi tufaan to uth hi gaya tha annu ki khubsurati se ... idhar annu to jaise jaanat me thi ... wo bhi bas muskurate hue saj savar kar room se nikli fir aman bhi taiyaar ho gaya ....
Ab aaj hum fir se usi mod par aa gaye hai jahan se kahani suru hui thi....aman ke 2nd year me pahla din hai... aman kafi khush hai naye college ko lekar .... yahan to ise kisi ki ragging bhi nahi lenj hai .. saath hi apne liye sapno ki rani bhi nahi dhundhna hai ... kyonki wo ragging leta tha taki 1st year ki koi ladki use pasand aa jaye lekin ab to uske sapno ki rani khud uske bike par baithi thi wo bhi uske kandhe par haath rakh kar....