Romance Teri Meri Love Story (Completed)

[mashish]

Update 14


Aditya aur pratap donon ek sath baithe hi the ki aditya ka phone baj uthataa hai. Aditya ne dekha to avinash ka call tha.
Aditya “hello”
Avinash “tere city men abhi ek deal hone wali hai cocen ki” Aditya “tu usmen mujhe kya?”
Avinash “ye deal mosin ke aadmi kar rahe hai”
Aditya “to”
Avinash “uska ek khaas aadmi hai wo aane wala hai hotel roof top table no. 23 par”
Aditya “main kya karun?” Avinash “uda do use” Aditya “kyu?”
Avinash “bade jaanwar ko jab maarna ho to pahale uske hath pair kaat dene chahiye aage tum samajhdar ho”
Aditya “kitne baje hone wali hai ye deal?” Avinash “ab aaye na line par dopahar 4:30” Aditya “kitne aadmi honge?”
Avinash “uske saath 1 aadmi hoga” Aditya “thik hai aur kuchh”
Avinash “uska photo tujhe email kar deta hun”
Aditya “thik hai”
Aditya ek cigratte nikal kar sulga deta hai. Aur pratap ko kahta hai “action ke liye taiyaar?”
Pratap “kya?”
Aditya “hotel rooftop , table no. 23 par ye aadmi hai isko udana hai” Itna kahkar wo email se aaya hua phote dikhata hai.
Pratap “main kya karun?”
Aditya “uske thik saamne ek tower hai uske roof par jaa aur upar se hi usko maar dena agar tera nishana chuk jaaye to main wahin side ke table par baitha rahunga”
Pratap “thik hai” ye kahkar banduk ki case utha leta hai.
Aditya aur pratap sath men bahar nikal chalta hai. Aditya pratap ko us building ke niche chhodkar khud us hotel chala jata hai.
Hotel men us table ke side men baithkar ek coffee mangwa kar usko
newspaper padhte huye peena shru karta hai. Aditya apne Bluetooth headset se pratap ko call karta hai.
Aditya “hello”
Pratap “haan main ready hun”
Tabhi aditya ke samne se 4 log aakar us table par baith jate hai. Pratap “target aa gaya hai, par ye kya 2 nahin yahan 4 log hai”
Aditya “kya?”
Pratap “paper hata samne dekh” aditya dhire se paper hatakar dekhta hai to saamne 4 log baithe the.
Pratap “kya karna hai? Nikal jaaye?”
Aditya “nahin nikalna aaye hai to kaam karke hi jaayenge” Pratap “kya karun?”
Aditya “shoot kar main bhi firing open kar dunga tu mujhe cover karna” Aditya sirf itna kahkar apni aankhen mund leta hai, man men hi kahta hai ‘ae uparwale mujhe maaf kar de par mere saamne koi aur rasta hi nahi hai’
Itna kahte hi usko goli ki aawaj sunai deti hai. Aditya dono hath men dono pistol nikal kar uthata hai aur side bina kuchh dekhe dhada dhad goliyaan barsaana un par shuru kar deta hai.kuchh goliyaan chalane par wo jaan jata hai ab ye chaaron mar chuke hai.
Pratap gun ki scope se ye sab dekh hi raha tha. Aaspaas baithe aadmi dar kar bhaag jata hai. Aditya aage unke karib jane ke liye aage badhta hai to uske side se ek goli usko miss karke side men lagti hai. Wo dekhta hai ki saamne 2 aadmi hath men pistal lekar khade the.
Aditya turant wapis bhaag kar wo jahan tha usi table ko side se girakar uski aad men chhup jata hai aur pratap se kahta hai “pratap inko bhi maar de”
Pratap ki taraf se kuchh jawab nahi aata. Aditya ko pata chal jata hai. Wo ek minute ke liye aankhen band karta hai, use wo log paas aane ki wajah se unki kadamon ki aahat sunai deti hai. Wo achanaka uthta hai aur sidhe dhadadhad unpar goliyaan barsana shuru kar deta haia ur jab tak donon guns ki magazine khali naa ho jaaye tab tak unpar fire karta

hi rahta hai…
Aditya idher udher dekhte huye apni guns andar rakh deta hai aur donon bags uthakar dekhte dekhte bhaagne wali bheed men niche nikal aata hai. Wo apni car men donon bags rakhkar sidhe us building ke terrace par chala jata hai jahan usne pratap ko chhoda tha.
Wo jaise hi terrace par aaya usne dekha pratap abhi tak pratap abhi tak gun ki scope men aankh dale wahin dekh raha tha uska hath abhi bhi trigger par hi tha. Aditya ek minute men hi maajra samajh gaya.
Aditya uske paas gaya, uske hath se rifle nikal aur use khada kiya. Wo
kuchh bolne sunane ki halat men nahi tha. Usne rifle ko fir se bag men daalkar usko apne sth pakad kar niche aa gaya.
Usko gadi men side men bithaya driving seat ke side men bithaya aur
gadi chalana shuru kar di. Raaste men ek daru ki bottle lekar wo firse gaadi chalane laga aur shahar se bahar aa gaya. Sunsaan jungle jaisi ek jagah par gaadi rok di, ab tak pratap kuchh sambhal sa gaya tha.
Wo gaadi rokte hi dekha ki aditya hath men daru ki botal aur glasses lekar bahar gaya aur ek ped ke niche baitha, pratap bhi uske pichhe jakar aditya ke side men baith gaya. Aditya ne do peg banaye aur ek pratap ke hath men diya.
Aditya dhire dhire peg ki chuskiyaan saamne ka najara dekhte huye le raha tha. Usne kaha “mujhe pata hai tujhe kaisa mahsus ho raha hoga” Pratap iske jawab men kuchh bolta nahi hai bas apni chuppi sadhe rakhta hai.
Aditya “pahali baar aaj tune kisipar goli chalayi hai aur use tadfadate huye marte huye dekha hai, main jaanta hun man ko andar se itna lagta hai. Upar se us aadmi ko aajtak hum kabhi mile bhi nahi the na hi usne

hum donon ka kuchh bigada tha jo hum kuchh kare”

Pratap “haan yaar jisse naa hai janpahchan use kaise maar diya” Aditya “main bhi kahan unsab se mila tha pahale kabhi, par….” Pratap apne hothon par lagaya hua glass khatam karke usmen firse sharab daalte huye puchhta hai “par kya?”

Aditya “dekh wo kabhi naa kabhi apna dushman banker apne khoon ka pyasa banana hi wala hai to kyu naa use hi utha lo” abki baar aditya ne peg bharte huye kaha.

Pratap “wo humari jaan ka dushman kyu banega?”

Aditya “mosin ahmad bhul gya?” Pratap “to ye”

Aditya “uska kaafi khaas aadmi hai kal hamara dushman bane aur hum

par hathyaar uthaye use pahale humne hi usko…”

Itna bolkar aditya apne peg ke sip lene lag gaya. Aur pratap bhi. Aditya ne kuchh der baad ciratte jalate huye kaha “dusari baat hai us drugs ki, yaar ek generation ko isne kharab kar rakha hai, mujhe isse bahut nafrat ho gayi hai, ye bhi ek wajah hai”

Sharab ki botal khaali hone ko kuchh hi baki thi aditya ne apni pajero men se ek black bag nikaali aur usko khola. Usme safed powder ki pudiyaan thi, aditya ne use kuchh duri par rakh diya. Uspar bachikuch daru daalkar usko aag laga di.

Aditya gaadi chala raha thaa, pratap ke man men ek guilt thi jo ab pahale se kaafi kam ho chuki thi par aditya ke man ke andar ab ek sailaab aa chukka tha, thik usi tarah ka sailab jo ek aadamkhor sher men aata hai jab wo pahali baar khoon ki chuski leta hai aur use lagne lahta hai ki agali baar kab???..

awesome update

 

[mashish]

Update 15



Aditya aur pratap aj bhi sath hi baithe the par aaj aditya aur pratap kuchh soch men dube huye the. Achanak se aditya ek idea nikalta hai aur avinash ko call karta hai.

Aditya “avinash” Avinash “haan bol”

Aditya “imtiyaaj kahan hai aur kya kar raha hai”

Avinash “pichhale wale kand ke baad wo jhalla gaya hai par use pata nahi chala hai ki ye sab tune kiya hai”

Aditya “ye bata wo aajkal gun rakhta hai ya nahi?”

Avinash “kyun naa rakhe use to khudko hamesha har ek se apni jan ko khatra lagta hai”

Aditya “kahan hoga wo abhi?”

Avinash “wo shayad rolling mill par hoga abhi” Aditya “thik hai”

Avinsh “kya karne wala hai tu?”

Aditya “tension naa le”

Aditya itna kahkar phone rakh deta hai aur inspector varun ko phone lagata hai.

Aditya “hello main aditya bol raha hun”

Varun “haan bhai bol tadipari kaisi chal rahi ahi teri?” Aditya “mast chal rahi hai bhai humen kya hone wala hai”

Varun “waah ye to bada mast hai”

Aditya “sun naa ek kaam tha”

Varun “kya?”

Aditya “imtiyaj par search kar wo abhi rolling mill par hoga, uske paas tujhe pistol milegi arms act daalkar andar kar dena”

Varun “thik hai par permission?”

Aditya “main commissioner se baat karta hun 15 min men tujhe fax mil jayega aur haan uske baad tujhe uski police custody bhi milegi kuchh bhi karke use wo usne kahan se kharidah ai uska naam nikalwa lena” Varun “thik hai”

Aditya itna kahkar warrant ka intejaam kar deta hai.

Pratap “use aaj andar to karwa dega par wo to bahar aakar hi rahega”

Aditya “aane de na bahar main bhi chahta hun wo bhi bahar aaye aur uske khilaf main kuchh kar saku jab tak wo andar ho aur wo kuchh bak jaaye jisse uske dusham uske bahar aane ka intejar kare”

Isi baat par pratap aur aditya donon jor jor se hansne lag jaate hai.

• ghante baad hi aditya ko imtiyaaj andar jane ki khabar mil jati hai. Ab aditya pratap se kahta hai “ab agala kadam 2 din baad, par uske liye humen usi shahar jana padega”

Pratap “kaise jaayenge?”

Aditya “khule men nahi ja sakte par jayenge hi sahi, ye bata kal us dusare bag men kitne paise mile?”

Pratap “1 crore”

Aditya “chal koi nahi ab humen ghar se paise kabhi jindagi men nahi lene padenge”

Is baat par firse thahake lagne shuru ho jate hai.

very nice update

 

[mashish]

Update 16

• din baad aditya aur pratap donon hi ek badi si society ke car parking car park karke car men cigratte pee rahe the. Pratap “aaj yahan kyun aaye hai?”

Aditya “agala shikaar aur sabse bada kadam” Pratap “matlab?”
Aditya “aarif, mosin ke business ka dimag, bachpan se use mosin ne hi paal pos kar bada kiya, baad men ye uske paas hi kaam ko lag gya, ek ek sidhi chadhte huye ye aaj itna upar aa gaya hai ki aaj mosin ek bar imtiyaj ki baat ko taal dega par iski nahin”
Pratap “ye to fattu hai main isse mila hua hun”
Aditya “haan par dimag wala hai, ye banduk apne hath se nahi chalata balki, 100 bandukon se ladne waale hathon ko jeb men lekar ghumta hai” Pratap aage kuchh bole use pahale hi aditya usko bolta hai, “koi bhi aadmi kab tabah hota hai pata hai? Jab uska dimag kaam karna band kar de, iski maut ek itna bada jhatka hai ki kuchh din to ye sab sunn o jane wale hai”
Pratap “fir hum yahan kyu aaye hai?”
Aditya “pata hai aadmi ko kaunsi 2 chijen tabah karti hai?” Pratap “nahin”
Aditya “ek hai chhokri aur dusari hai faisala lene men kamjori, aaj ye
pahali ke chakkar men fansane wala hai” Pratap “yaani?”
Aditya “upar uski chhamiya rahti hai pakki tip hai ki wo abhi aane hi wal
hai” itne men ek car full speed men andar ghus aati hai aur dur park hoti hai.
Aditya “chuha trap men aa chukka hai”
Wo jaane ke 15 minute ke baad aditya “chal ab”
Aditya aur pratap lift se teesari manzil par gaye. Lift se bahar nikalte huye aditya ne pratap se kaha “sambhal kar rahna ye mosin ke drug business ko dekhta hai iski baton se sambhal kar”
Aur aage badh jata hai. Pratap uske pichhe pichhe aata hai. Aditya
aage jata hai aur 3 ek flat ke saamne khada hokar khatkhatata hai. Kuchh der khatkhatane ke baad jab darwaja khulta hai, to ek ladki adhnangi saamne aati hai. Aditya sidha us ladki ko andar dhakel deta hai aur andar ghusne lagta hai. Wo ladki use pakadne lagti hai par us ladki ko pratap pakad leta hai.
Aditya to us ladki ko dekhte hi samajh gaya thaa ki wo ladki drugs ke nashe men hai. Aditya sidhe andar bhaagte huye aage gaya. Wahan bed par se aarif bahar ki aawajen sunkar hadbadakar utha. Aur usne pant ke side men padi apni gun lapak kar pakad hi li.
Aditya ne bedroom ke darwaje ko itni jor se laath maari ki wo tut chukka tha. Aditya andar aaya to wo dekhta hai ki aarif samne hath
men gun liye huye khada hai. Aditya ki taraf gun taan kar bhi jyada dara
hua to wo hi dikh raha tha.
Aditya ke chehare par ek muskan thi. Aditya aage badha. Aarif ek kadam pichhe hata, aditya “are chala goli abhi isi waqt mujhe mukt kar de is sab se”
Aarif “dekh aage mat aa”
Aditya “dekh mere hath men agar gun hoti to main jara bhi nahi sochta trigger khinch leta”
Itna kahte hi aditya jor se ek thapad uske gaal par rasid deta hai aur
uske hath se gun niche gir jati hai aur wo wahin niche baith jata hai. Aditya gun utha leta hai aur uski coller ko pakad kar use bahar hall men lekar aata hai jahan pratap ne us ladki ko bhi usne bitha rakha tha gun point par.
Aditya ne usko sofe par baithne ko kaha. Wo sofe par baith gaya. Arif “mujhe mat maaro main tum jo kahoge wo karunga aditya”
Aditya “kya kar sakta hai tu mere liye?”
Aarif “paisa, ladkiyaan, kaam karne ke liye aadmi, yahan tak chahe to drugs ka business jo tu bole wo”
Aditya “ye to sab baad ki baaten ho gayi abhi kuchh kar sakta hai to bol”
Aarif “abhi mere paas 3 kg maal hai market men kai crores ki kimat ka
maal hai tujhe de dunga” Aditya “thik hai de de”
Aarif “uske liye mujhe niche jana hoga car men rakhi hai”
Aditya “tu baith pratap isse chabi le aur jaa”
Aarif apne car ki chabi deta hai aur kahan par chhupa kar rakhi hai wo bhi bata deta hai.
Aditya “ek baat batayega sach sach” Aarif sirf haan men sar hilata hai.
Aditya “mere papa ke khun ka plan kisne banaya tha?”
Aarif “mosin aur imtiyaaj ke dimag ka kaam hai ye” Aditya “unhone?”
Aarif “haan unhone sab ho jane ke baad mujhe bataya tha, maine unhe
bola bhi thaa ki ye kadam mat uthao par meri suni nahin” Aditya “jhuth”
Aarif “asal men wo mere pas idea lekar aaye the maine sirf plan banakar diya tha”
Aditya “aur aage ka kya plan hai”
Aarif “abhi to unke nishane par tum ho”
Tabhi pratap aa jata hai. Aarif “ye sab le jaao agar chaho to main tumhe aur bhi dunga”

Aditya “are chhod yaar bechane ka baad men sochte hai jindagi mili hai nashe ke liye pahale nasha karte hai”
Aarif “main koi nasha nahi karta”
Aditya ladki ki taraf ungli karke “ye kya hai fir?” Aarif “tum ye shauk nahi rakhte ho kya?”
Aditya “nahin maine ek se pyaar kiya aur uski khatir kisi aur ko nahin
chhua”
Aarif “nilofer…. Ab usmen uske papa ke aage kisiki nahi chal saki” Aditya “Chal aaj tu bhi nasha karega, le wo powder ka paciket kaise lete hai dikha humen bhi”
Aditya ab gun nikal kar uske sir par lagata hai, aur us ladki ko ishara karte huye “tum bhi”
Wo ek hajar ki not nikal kar usmen se darted arte huye kuchh powder khinchta hai. Wo ladki full speed se khinch leti hai.
Aditya “are tu to gabru jawan hai aur khinch”
Aarif “nahin hota”
Aditya “tu hi soch le mujhe gun chalane men kuchh der nahin lagegi” Aarif ke samne ek bada sa packet fodte huye kahta hai “sab khatam karo tum donon milkar”
Aditya usko ek ke baad ek khinchne par majboor kar raha tha. Ek waqt aisa a gaya ki uski aankhen puri laal ho gayi thi aur saanse ekdum bhaari ho gayi thi. Aarif “ab nahin hoga”
Wo ladki ki halat to aur bhi kharab thi. Aditya ne uske sar ko upar
pakada aur ek mutthibhar powder sidhe uske naak men daal di wo bahut hilne ki koshish kar raha tha par uske haath paanv pratap ne pakad rakhe. Aditya ne ek mutthi aur powder bhari aur uski donon naak

ki pudiyaan band kar di.

Kuchh hi der baad wo wahin dher ho gaya. Aditya ne us ladki ki taraf dekha par uski saans bahut hi kam chal rahi thi. Aditya ne pratap ko kaha “drugs ne iski jaan nahi liyi hai balki is ladki ki jaan liyi hai, aarif ki jaan to khud mosin ne liyi hai”

Aditya ne apna rumal nikala aur us ke gunpar se apni finger prints nikal kar wahin rakh di. Aur donon ab wapas chale gaye…

superb update

 

[mashish]

Update 17


Aditya ne fir to khun ki holi hi khelne ki than li thi. Kuchh hi dinon men aditya ne mosin ke kai aadmiyonko alag alag jagah mar chuka tha. Aaj aditya aur pratap hotel antop men baithe huye the. Haalaki abhi tak imtiyaz bahar aa chukka tha, par use bhi varun ne ek naam ugalwaa hi liya tha, patel.
Aditya whisky ke ghunt le raha tha aur pratap bhi. Tabhi tagda sa pahalwaan sa dikhne wala aadmi bahar nikal hi raha tha. Us aadmi ko dekh aditya bhi uth khada hua aur usne hajar ki patti table par rakhkar bahar nikal gaya.
Aditya speed se gaadi bahar nikaal leta hai aur use overtake karke gaadi daudane lagta hai. Uski najaronke aad ke ek mod ke age aakar wo gaadi rok leta hai aur apni rifle bahar nikaal kar khada ho jata hai.
Raaste ke beech bich rifle ke scope men se saamne aane waali gaadi ki taraf nishana lagakar wo intejaar kar raha tha ki kab wo aaye. Jaise hi wo aadmi aaya aur usne saamne aisa khada hua dekha gaadi full speed men bhagaate huye usne aadhe tedhe raaste men chakkar lagane laga.
Aditya ne bahut intejaar kiya aur achanak ek goli chali aur aditya ne rifle niche kar li. Gaadi aditya ke ekdum paas se aage gayi aur raaste
ke side ko takra gayi. Aditya aur pratap us gadi ki taraf daud pade. Wahan pahunche to dekha ki wo to mar chukka hai.
Pratap aditya se “sahi nishana tha”
Aditya turant car nikaal leta hai aur gadi chalate huye hi avinash ko phone karta hai “aur bata kaun kahan hai?”
Aditya ek address note karwata hai aur jo ki usi shahar se kuchh hi
duri par tha. Aditya gaadi teji se daudaate huye kahta hai “47 nikaal” Pratap turant do ak 47 nikal leta hai. Kuchh hi der men aditya aur pratap us pate par pahunch jaate hai. Aditya wahan se kuchh hi duri par gaadi rok deta hai. Wo darasal men ek chhota sa bana hua ghar thaa jismen koi kamre nahi the.
Aditya use dur se hi dekh kar jaayja le leta hai. Aur pratap ko kahta hai “tu saamne ke darwaje se chal jaa aur main pichhe ke darwaje se aa raha hun thik 3:30 ko darwaja todkar andar ghus jana”
Pratap aage badhne lagta hai to use rok kar kahta hai “kisiko mat
chhodna” pratap bas sar haan men hila deta hai.
Aditya aur pratap jhadiyon men chhup kar ghar tak pahunch jate hai 2 minute ghadi men waqt ki raah dekhkar wo aage badh jata hai aur darwaje ko knock karta hai. Saamne se darwaja khulte hi wo saamne khade aadmi par goli chala deta hai, aur sidhe andar ghuskar aadmiyon par andhadhundh goliyaan barsaane lagta hai.
Tabhi jo pichhe se bhaagne ke liye darwaja kholte hai wo aditya ki goli ke shikar ban jate hai. Aditya bhi andar ghus aata haia ur baki bache huye logonko khatam kar deta hai. Ab ki baar aditya aur pratap firse gaadi men the. Pratap gaadi wapas abhiman ke city le jaa raha tha par aditya ke aankhon men aaj jaise khoon puri tarah hi utar aaya tha.
Aditya “gaadi mod” Pratap “kahan jana hai”
Aditya “wapas chal main bolta hun”
Aditya is baar firse avinash ko call karta hai aur is baar aatif ka pata puchhta hai. Aur gaadi ek taluka place par bane huye bar par lene ko kahta hai. Aditya aur pratap wahan aakar baithte hai aur apne liye bhi firse daru mangwate hai.
Aditya aisi jagah baitha thaa jahan se wo aatif ko jarur dekh sakta tha par wo use nahin.
Pratap “hum yahan kyun aaye hai aditya?”
Aditya sirf ungali se aatif ki taraf ishara karke dikha deta hai. Pratap “ye to aatif hai”
Aditya “mosin ka beta”
Pratap “bas kar aditya aaj bahut ho gaya”
Aditya “nahin aaj to mosin ke ghar men matam ki shahanai bajakar hi rahunga”
Pratap “yahan itne saare log hai”
Aditya “main kahan yahan uda raha hun isko” Pratap “to fir?”
Aditya “jab tak ye yahan baitha hai tab tak safe hai”
Aditya ke andar ki pyaas jo itna khoon peekar naa bujhi thi wo to is sharab se to bujh hi nahin sakti thi. Wo to puri botal pee chukka tha. Aatif ne jaise hi bill ke liye call kiya yahan pratap ne bhi bill lane ko kah diya.
Abki baar jab aditya bahar nikala tab uski aankhon men khoon utar aaya tha. Wahan aatif uske 2 dostonke saath tha aur wo apni gadi lekar

nikal pada. Aditya ne soch hi rakha tha iski maut bilkul bhi goli se nahin hogi balki us tarah hogi jaise uske papa ki hui thi.
Wo mauke ki raah dekhte huye uske pichhe pichhe gaadi chalaye ja
raha tha. Tabhi wahan use side men ek road ki site dikhi aur wahin par
khada vikram. Usne turant gaadi roki aur vikram ko puchha “ek truck hai?”
Vikram “are ek truck dena to aditya ko” Vikram “kyu chahiye tujhe truck?”
Aditya “aadhe ghante men wapas lakar deta hun”
Itna hi kahkar wo truck ki chaabi lekar daud jata hai. Firse usiki gadi ke pichhe.
Dhire dhire wo ek aise pul ki taraf badh rahe the jo ki jyada gahari to thi nahi aur nale par bane hone ki wajah se sukha hua tha. Aditya wo jaise
hi aadhe pul par pahunchta hai jorse uski gadi ko takkar dekar gira deta hai.
Usko girane ke baad usko pataa tha ki aarif mara nahi hai. Wo niche utar kar uski car ki taraf jata hai aur dekhta hai ki wo kuchh jakhmon ko lekar car men hi baitha hai par gaadi itni jor se upar se niche giri hai aur 2 paltiyaan khaayi hai to usmen se petrol leak hokar niche aa gaya tha. Aditya “ae aatif pahchana aditya hun main”
Aatif “haram ke pille bachega nahi hun”
Aditya “shayad tu kuchh ulta kah raha hai” itna kahte huye lighter jalakar niche petrol ki taraf badhane lagta hai.
Aatif “nahin aisa mat kar”
Aditya “ye tune mere pitaji ko maarne se pahale sochna chahiye tha” itna kahkar wo aag laga deta hai. Par un sholon se aditya ke dil men

dahak raha shols aur bhadak jata hai. Shayad aaj usne apne andar ka rakshas puri tarah se dekh liya tha…

super hit writer ji

 

[mashish]

Update 18


Aditya aur pratap aaj khudke ghar ke chat par daru pee rahe the.
Amuman ghar ke sabhi badonko naa dikhe iske liye wo isi jagah par daru piya karte the.
Pratap “yaar… mujhe ye nahin samajh men aa raha hum ye sab kar kyu
rahe hai?”
Aditya “aadmi koi bhi chij karta hai uske pichhe 3 main chijen hoti hai, jo har ek aadmi se koi bhi kaam karwati hai. Ek hai uska naam dusara paisa aur teesara aurat”
Pratap “yani tharak”
Aditya aur pratap donon hansne lag gaye. Aditya “naa tharak hi nahi pyaar bhi hota ahi kuchh jo aadmi se sab kuchh karwa sakta hai, par ye tujhe aaj nahin samajh men aayega, ek baar tu pyaar kar le fir tu bhi samajh jaayega”
Pratap “dekh main to ye sab teri yaari ke liye kar raha hun” Aditya “yaari de chhod, tujhe pata hai aaj tera kitna naam hai?” Prtaap naa men sir hilata hai.
Aditya “kabhi galti se raaste par khada rahkar kisiko sirf dhamki de abhi, nahin tera kaam chutkiyon men ho gaya to dekhna, tere ek labj ko koi niche nahi girne dega, log tere aage pichhe ghumenge, aaj tu is area ka sabse bada baahubali hai logonki najar men”
Pratap “galat wo bahubali to tu hai”
Aditya “dekh bhujaaon men bal to us upar waale ne diya hai, jab tak hum kisi galat kaam ke liye nahi istemal karenge ya fir sirf apni jaan bachane ke liye upyog karenge hum apne jameer ki najaron men
hamesha upar rahenge”
Pratap “par maine to naa jaane kitnon kaa khoon bahaya hai, wo bina kisi karan ke”
Aditya “naa tune hi nahin maine bhi kiya hai par ye soch ki agar tu us aadmi ke saamne jata aur tu goli naa chalata to wo tujhe maar hi daalta naa… to hui na aatm raksha”
Pratap “haan yaar”
Aditya “to main kya kah raha tha, pahali chij hai name, fame ya fir power, ye mosin bhi usike liye lad raha hai, uske andar kahin bahut niche dabi hui hasarat thi ki wo area ka no.1 ban jaaye par uske bade bête ki maut se bas wo gadi ichha upar aa gayi”
Aditya “dusari bat hai paisa, to tere ko bata dun ki aajtak humne usko baukhalaya hai usmen uske haath se itne tender gaye hai ki bas, hua naa paisa”
Pratap “aur aurat? Wo kaise?”
Aditya “nilofer” thandi aawaj men daru ka ghunth lete huye kahta hai. Pratap “nilofer kaise?”
Aditya “in sab ko khatam karne ke baad main use shaadi kar lunga aur
in sab se dur chala jaunga”
Pratap “aur tune ye sab jo khada kiya hai naam uska kya?” Aditya “wo vikram ke kaam aayegi”
Pratap “wo kaise?”
Aditya “bhul mat wo mera bhale hi chachera bhai hai par sage bhai se badhkar hai”
Pratap “main samjha nahin”
Aditya “dadaji ka uttaradhikari wo hoga aur wo state ka CM banega”
Pratap “par dadaji to tumhe sabse jyada pasand karet hai wo tumhe hi king banayenge”
Aditya “mujhe king nahin banana balki kingmaker banana hai”
Pratap “ye bata aaj hum ghar par hai tu aise hi ghar nahi laya hai mujhe kuchh na kuchh to hai”
Aditya “aaj ghar men hum ek chaal karenge”
Pratap “kya?”
Aditya “10 din ke bad final hamla” Pratap “yaani?”
Aditya “vamanrao aur vikram se milne chal”
Donon niche aa jate hai wahan vamanrao, vikram aur manik teenon baithe the.
Aditya “vaman kaka taiyari karo 10 din baad dushman ka shikar bil men jaakar karenge”
Vaman “wo kaise?”
Aditya “ek din men sab ko uda denge” Vaman “kaun kaun?”
Aditya “uski puri family koi bhi nahin chhodna hai”
Vaman “par itne aadmi?”
Aditya “hum main,vikram, pratap aur aap aaoge sath men ek hi din men sab ko pakad pakad kar khatam kar denge”
Vaman “par vikram?’
Aditya “haan wo bhi chalega sath men aakhir kitne din aise hi mehandi ke haathon se rahega ek naa ek din use bhi haath khoon se rangne hi padenge”
Vaman aage kuchh bole isse pahale manik vaman ko bolta hai “vaman

rao aditya ne kuchh na kuchh sochkar hi faisla liya hoga” Vaman sir ko haan men hilata hai. Aditya “kaka aap unki khabar nikaliye ki wo hain kahan”
vaman “haan” kahkar uth jata hai.
Vaman ke saath saath jane ke liye vikram ko jane ke liye aditya ishara karta hai. Wo jaate hi manik aur pratap aditya ke paas aa jate hai.
Manik “kal hi hamla kar dena, vaman ye khabar mosin tak pahuncha dega”
Aditya “nahin hamla thik usi waqt hi hoga, aur main chahta hun ki ye
khabar un tak pahunche” Manik “kyun?”
Aditya “agar manik tum mosin ki jagah hote to kya karte?”
Manik “main jaal taiyar karta” Pratap “ek chakrvyuh”
Aditya “bas main bhi yahi chahta hun, par tumhe pata hai chakravyuh ki
sabse buri chij kya hoti hai?”
Donon besabri se aditya ki taraf dekhte hai ki wo kya batayega.
Aditya “shikar khudke hi bane pinjare men rahta hai jahan se wo bhaag
nahin sakta, shikar ko lagega ki wo apne bane huye pinjare men
surakshit hai, ek baar uske pinjare men ghus jaao wo khud bach nahi sakta”
Manik “par soch lo kahin wo tumhe aisi jagah par bomb se naa maar de” Aditya “agar maine tumhare donon betonko maara ho aur tumhara sab kuchh tabah kar diya ho aur tumhe main aisa mauka dun to tum
maujhe kaise maarna pasand karoge?”
Manik “main tumhe tumhare thik seene men goli maarunga aur tumhe

marte huye dekhna pasand karta” Aditya “bas yahi baat hai”

Aditya apni cigratte jalate huye uthkar nikal jata hai aur phone milaate

huye “are patel sahaba humara consignment kahan hai?”

Patel “haan nikal chukka hai maaf karna par wo ek aadmi ne police ko bol diya tha main illegal guns bechta hun isliye puchhtacch aur us chakkar men der ho gayi”

Aditya “kisne ye info leak kiyi?”

Patel “kya naam tha uska haan… imtiyaaj” Aditya “thik hai” itna kahkar phine kaatataa hai .

awesome update

 

[mashish]

Update 19



Aaj aditya aur pratap donon bahar nikale hi the. Bahar wo hall men aate hai to samne dadaji, chacha aur sabhi bhai aur sab log khade the. Aaj wo din tha jiska aditya ko besabri se intejaar tha.

Aditya bahar hi aaya tha. Bahar aate hi aditya aage badh gaya. Aaj isi samay ko dekhne ke liye wo subah se baitha hua tha. Apni hi soch men khoya hua, saari dunia se dur.

Aage jaate hi vaishnavi saamne aayi uske hath men thali thi. Bahar ki kaali raat si kaali uski aankhen aditya ko kuchh bol rahi thi. Wo aditya hi thaa jo usko apne bhai ke liye use uske baap ke ghar se le aaya tha. Wo aditya hi tha jispar use pura bharosa tha.

Aditya ke maathe par tilak lagaya aur aarti utarkar uski taraf dekha. Aditya ne uske aansu pochha jo ki uski gaal se niche hi aa raha tha. Aditya “chinta mat karo bhabhi aapke suhag par jabtak main hun tabtak koi aanch nahi aayegi” itna kahkar hi aage badh gaya.

Itna kahkar hi wo bahar khade baaki bhaiyonki taraf dekhta hai, jahan paas men hi dadaji bhi khade the. Wo aage jata hai aur dadaji ka jate

jate paanv chhuta hai. Dadaji usko aashirwad dekar apne gale se laga lete hai. Aur uske haath men ek talwar dete hai. Aur kahte hai “ye talwar apne khandan ki nishani hai, hamare khandan ke shur vironki, jo ki mujhe aaj tujhmen dikh rahe hai”

Itna kahkar wo bas us talwar ko rakh lata hai aur kahta hai “jisne mere mata pita ka khoon kiya uska sir aapke kadmon men hoga”

Itna kahkar hi aditya bahar aata hai. Saamne hi pratap uski gaadi lekar khada tha. Vaman rao aata hai aur kahta hai “mosin apne puri family ke saath lakhimpur ke farm house par hai”

Aditya “thik hai aap bhi apni gaadi nikaliye aur wahan bridge ke paas ruk jaaiye, hum teenon sab kuchh lekar aate hai aur aap mujhe phone par bata dijiye ki wahan kya halchal hai”

Vaamn haan men sir hilata hai aura age nikal jata hai. Aditya aur pratap ne sab kuchh apni gadi men rakh liya hi tha pahale se. wo bas apne sabhi bhaiyonko lekar gaadi men baith jata hai. Gaadi pratap chala raha tha.

Kuchh hi der men use vaman ka phone aaya tha ki wo pahunch gaya hai aur wahan security kaafi dhili hai.

Aditya aur sab thodi hi der men wahan pahunch jate hai. Sab ja ek sath bahar nikalte hai tab vaman chauk jata hai usko ye ummid nahi thi ki sab aayenge. Tabhi wahan ek aur car aakar ruk jaati hai.

Us car men se varun bahar aata hai. Aditya apna phone nikaalta hai aur kahta hai “haan bhar bridge ke paas aa jaao hum pahunch gaye hai”

Aditya ab shanti se ek black dog ki bottle bahar nikaalta hai aur saamne sab ke liye glass rakhkar peg banane lagta hai. Pahala peg men jab sab cheers karte hai tab aditya sip lekar kahta hai “khoon aur

daru donon hi bharpet pini chahiye, aur naa piyo to shanti nahi milti” Sabhi is baat par hanste hai aur aditya aage kahta hai “aaj ki raat ke baad sab badal jaayega humen ye chhupna nahi padega, kisise darna bhi nahi padega balki log humse aur jyada darne lagenge, aaj hum apne sabhi dushmanon ko khatam kar denge”

Itna kahkar wo bottom up karta hai. Aur sidhe gun nikaal kar vaman ko goli maar kar kahta hai “ghar ka bhedi lanka dhaaye isliye sabse pahale usko khaatam karma chahiye”

Tabhi wahan andar se avinash bhi aa jata hai. Vaman ki aankhen

avinash ko dekhkar fati ki fati rah jati hai. Aditya ab sabko wahan ke jal rahe ek street lamp ke nche le jata hai aur ek naksha dikhata hai aur kahta hai.

“ye uske farm house ka naksha hai dekh lo, pratap ko iske bare men sab pata hai, par tum donon dekh lo varun , avinash, tum donon pichhale darwaje se aaoge aur hamla karoge main aur pratap aage se. baaki sab jab hum donon signal denge tab tum sab donon side se ghar par goliyaan chalana aur jo bhi bahar aane ki koshish kare un sab ko maar dena, samajh gaye sab”

Sabhi haan men sir hilate hai aur aditya wo plan varun aur avinash ko de deta hai dekhne ke liye. Aditya aur pratap ab apni gadi ki dicci kholkar ak-47 nikaalte hai aur har ek ke haath men eke k thama dete hai. Aur sath hi sath avinash aur varun ko bulletproof vest bhi.

XXX

good update

 

[mashish]

Update 20



Yahan ghar par aditya aur pratap donon sath men baithe the, pratap “kuchh soch yaar aditya mujhse kuchh bhi plan nahin ban raha” Aditya “aise banega bhi nahi, jagah uska hi ghar hai uske chhipne ki jagah usko hi advantage dilwayegi”

Pratap “fir humen kis chij men advantage mil sakti hai” Aditya “weapons”

Pratap “yess haa ye kar sakte hai, aur attack achanak se hona chahiye taaki kuchh bhi samajh men aaye usse pahale goli seene men”

Aditya ki aankhon men ek ajib si chamak aati hai wo haan emn sir

hilata hai aur kahta hai “expected wepons?” Pratap “revolvers, dunali aur rifles”

Aditya “yaani ek bhi automatic weapon nahi hoga”

Pratap “nahin”

Aditya “yaani humare weapon ki magzin badi ho aur wo automatic ho aur wo rifle ko takkar de sake”

Pratap “haan”

Aditya “apen paas ak-47 kharidi hui hai upar se graneds bhi hai” Pratap “ye to thik hai ab aage”

Aditya “aage aur kya?”

Pratap “2 teams jitney kam members ho utne acche, par ek se jyada hone chahiye, ek front gate se entry lega aur ek back door se” pratap pencil se aditya ko saamne rakhe nakshe par dikhata hai.

Aditya “ek team men main aur tu. Dusari men varun wo trained hai aisi situations ke liye”

Pratap “chautha kaun? Vikram?”

Aditya “hum king kaante par lagakar sirf use fansa rahe hai asal men humen use maidan men utarne ka koi risk nahin lena hai”

Pratap “fir aisa koi jo joshila ho aur goli chala sake bhale wo kisiko maar bhi naa paaye to bhi thik hai bas wo varun ko cover de sake” Aditya “avinash”

Pratap “thik hai, ab pichhe ke darwaje se jo team aayi hai uske uske liye khatra koi bada nahi hoga, wo kitchen, niche ke bed rooms inko clear karte huye aage aati jaayegi” wo map par sab pencil se mark karta hai.

Aditya “sabse jyada saamna samne se ghusne wali team ko karma padega saari janta hall men jama hogi”

Pratap “sahi baat to aage se ghusne wali team unpar andhadhundh firing karke ushe busy rakhegi aur pichhe se aane wali team unhe maar degi”

Aditya “ab niche ka floor secure ho gaya”

Pratap “sidhiyon ke paas avinash ko khada kar do upar jate hi, aage uske bas ki baat nahin”

Aditya haan men sir hilata hai.

Ab teenon alag ho jaayege. Yahan saamne hi teen kamre hai. Teenon ek sath firing karenge darwaje par, puri magazine khaali, andar ke jitney aise hi mar sakte hai mar jaaye, aur teenon ek sath andar jaayenge aur jise bhi nilofar milegi wo use lekar bahar aa jayega aur avinash usko lekar bahar aa jayega”

Aditya “uske chances?”

Pratap “dekh main tujhe jhuthi tasalli nahi dunga par kam hi hai, par hum apni jee jaan laga denge”

Aditya “chal koi nahi par yahi karma hai, main varun ko bol dun”

XXX

nice update

 

[mashish]

Update 21





Aditya, pratap aur varun teen darwajon ke saamne khade the. Naa jaane kitni laashen niche hall men aur bahar bichhi thi. Aditya, pratap

aur varun niramamta se kisiko bhi chhoda nahi thaa. Jo bhi wahan pade the yaa to wo mar chuke the nahin to maut se bhi battar avastha men the.

Aditya “mera dil kahta hai ki main sahi darwaje ke saamne hun” Pratap “dekh aditya emotional naa ban”

Par aditya kuchh sunta nahin sidhe jaakr us darwaje ko ek dhakka deta

hai. Aur wo darwaja todkar wo room ke andar chala jata hai. Andar nilofar uski maa ek kone men baithe the, mosin aur uska ek aadmi uske sath khada tha.

Mosin ke aadmi ke hath men ek revolver thi aur wo usne aditya par taan rakhi thi, wo goli chalaya usse pahale picche se ek goli aati hai aur us aadmi ko lagti hai, pichhe wo aadmi dekhta hai to aditya ke pichhe se pratap aakar aditya ki side men kahda rahta hai.

Uske pichhe pichhe varun bhi aata hai. Pratap ne ab apni ak-47 apne kandhe par latkaaye huye tha par uski pistol uske hath men thi aur uska aim sidha mosin ki taraf tha. Pichhe se achanak firse kadmon ke aane ki aawaj hoti hai, varun aur pratap pichhe dekhte haito imtiyaaj darwaje par tha, is baar wo kuchh kar paaye uske pahale pratap aur varun uske shareer ki chhalni bana dete hai, par pade pade uske haath ki gun se goli chal jaati hai aur wo sidhe jaakar nilofar ko lagti hai.

Aditya abhi tak jo sirf nilofer ki aankhon men hi dekh raha tha, usko goli lagte hi wo uski taraf daud jata hai. Usko apni baahon men le leta hai. Wahan us taraf pratap aage bhaagne wale mosin ko pakad kar uske sar par pistol laga deta hai.

Aditya ke palkon par aansu aane ko hi the ki wo dekhta hai ki nilu ki aankhon se ek aansu ki bund niche aa jaati hai. Aditya “ab main aa

gaya hun naa sab thik ho jaayega”

Nilu ka khoon bahna shuru ho gaya tha. Aditya ne us jakham ko dekha aur dabakar rakha. Wo jakhma thik kidney ke aaspas lagi thi. Aur jis hisab se khoon bahar aa raha tha yaani kaafi badi ander bleeding shuru ho chuki thi.

Aditya ko pata thaa ki wo ab bachne waali nahi hai, balki aur jitni der hogi uski mauk usko utni hi yaatnayen degi, par ek man ek aur bhi thaa jo kahta thaa ki kuchh nahi hoga nilu bach jaayegi. Usne nilu ki aankhon men dekha par nilu ki aankhen dard ke mare band thi achanak se usne aankhen kholi aur aditya ki aankhon men dekha.

Use wo maasum aditya dikha jo usse pyaar karta thaa, use pata thaa ki aaj jo samne aditya batha hai, jo itne logonka kaatil hai, use jitna bhi khoon do uski pyaas bujhne waali nahi hai uske andar kahin wahi aditya chhupa hua hai, wo bahar aayega nahin, kyunki use bhi pata thaa ab ki ab uska bachanaa mushkil hi nahin naamumkin hai.

Aaj nilu ki maut aditya ke andar ke us maasoom ko hamesha hamesha ke liye maarne waali hai aur jo bachega wo uska hi khaufnaak chehara rah jaayega. Aditya ki aankhon men hi dekhte huye usne kaha “aditya is dard se mujhe chhutkara dilaao”

Aditya jaise sammohit ho chukka tha, usne bina kuchh soche apni gun nikaali, use ek lip par kiss kiya, aur kaha



Yet each man kills the thing he loves, By each let this be heard,

Some do it with a bitter look, Some with a flattering word, The coward does it with a kiss,

The brave man with a sword!





Itna kahkar aditya uski aankhon men dekhta hai aur ek goli ki aawaj aa jati hai aur aditya ka chehara ek taraf se pura khoon se san jata hai.





Xxxxx





Aditya ek hath men mosin ka sir pakad khada tha jo ki uske dhad se usne kab ka alag kar diya tha par kuchh khoon ki bunde abhi bhi girr rahi thi. Dusare hath men talwar thi jiski nok par khoon tha. Aur uska pura shirt khoon se bhig chukka tha. Pura chehara khoon lagne se aur wo uspar sukhne ki wajah se bahut hi darawana dikh raha tha.

Uske sharer ko ab bahar ki thandi hawa chhu rahi thi. Saamne achanak se gaadi aakar khadi ho gayi. Ye to uski khudki hi gadi thi. Usne pichhe mudkar dekha, samne tha mosin ka farmhouse ka darwaja, par wahan par jo manjar tha use kisika bhi dil dahal sakta tha.

Wahan jitney bhi mosin ke log the aditya ne un sab ke sir kaat kar unko darwaje ke upar latka diya tha. Ismen wahan ke sirf 2 hi sir nahi the, ek mosin ka jo aditya ke hathon men tha aur dusara nilu ka kyunki use waisa dekhne ki aditya ki himmat nahin thi.

Pratap gaadi chala raha tha aditya uske side men baitha tha. Aditya ne uski aankhon men dekha usko ek sawaal dikhai diya ‘akhir itna sab kyu?’

Ghar aane tak bhi wo saawal waise ka waisa tha. Aditya ne gadi se utarte huye kaha “mujhe pata hai pratap tum kyua puchhna chahte ho, main uska jawab bhi de deta hun”

Kuchh der ki chuppi ke baad jab pratap ne aditya ki aankhon men

aakhen daal kar dekha to usne kaha “har ek sinhasan ki niv laashe hi hoti hai, aur ye vikram ke sinhasan ki neev hai”

Itna kahkar hi aditya aage badh gaya use samne khade apne dadaji

dikhe usne mosin ka kata hua sar unke pairon men rakha aur wo andar chala gaya. Aur apne kamre men sidha khud ko band kar liya. Baaki sab uske pichhe pichhe ghar men dakhil huye par sab aditya ne jo kiya tha aakhir men use dare huye the.

Pratap ne aane par pura wakiya dadaji ko bata diya aur wo bhi andar chala gaya.

superb update

 

[mashish]

Update 22





Uske baad hum donon wahan rahe hi nahin aditya kahta tha wahan ke mahaul men hi kuchh aisa hai jise wo bhula nahi sakta, wahan ki har ek jagah, ek ek chij use nilu ki yaad dilate hai isliye hum wapas yahin par aa gaye, aditya ke paas us deal men mile huye paise the use usne ye company kharid liyi aur hum yahin bas gaye”

Deepa ki aankhon men ye sunkar aansu aa chuke the. Pratap aage bolta chala gaya “aditya uske baad kaafi akela ho gaya tha, wo ya to sirf meri taraf dhyan deta ya fir business ki taraf par jab se tum uski jindagi men aayi wo firse hansne laga tha, uski sari khushiyaan laut aayi thi, isiliye maine ye sab kala itihas tumhe bataya hai taaki tumhe pata chale ki wo to bas ek sidha sadha ladka tha jisko ye sab karna hi pada uske siway uske paas koi chara hi nahi tha, aaj bhi mujhe yaad hai ye sab hone ke ek hafte baad vikram aditya se mila tha

Vikram aditya se ek sawal puchhne ke liye aaya tha, vikram “aditya tumne mujhe wahan us waqt andar kyu nahi aane diya”

Aditya “vikram jo maine kiya wo tumhare aur sabke bhale ke liye kiya hai ab us bare men mujhe kuchh baat nahi karni hai”

Vikram “tum khud bandook uthao to chalega par main ek sawal nahin puchh sakta?”

Aditya roj ki tarah sharab men duba hua tha. Vikram “aur ye sharab

chhodo ye kisi kaam ki nahin hai”

Aditya “bass tum yahi jaananaa chahte ho naa ki maine tumhe andar kyu nahi aane diya to suno, nilu ko maine khud mara hai, wo tum dekh nahi sakte the, wahan aisi condition thi ki tumhe jine ke liye kisi aur ki maut banana padta, jee sakte the tum kisi aur ki maut ka bojh uthakar” Aditya “pata hai tuhe kaisa mahsus hota hai khoon ka bojh uthakar? …. Nahin naa….. raat ko nind nahin aati, har chehare men wohi chehara dikhai deta hai, yahan tak ki aaine men bhi khudka chehara nahin dikhta uski aakhri waqt ki khoon se lathpath laash dikhti hai”

Aditya “aur ye sharab ye baaki kuchh nahin nind aaye isliye pita hun, gaye 8 dinon se mujhe nind nahin aaye hai… ek hatya se hi aisa mahsus hota hai to socho agar meri jagah hote aur apne aap ko itne saare khoonon ka apradhi mahsus karte to kya hota?”

Vikram kuchh kah nahin paaya bas uske aankhon men aansu aa gaye the.



Aditya ne aage badhkar usko hug kiya aur kaha “dekh tu sinhasan par

baithe ye meri ichha hai aaj se tu dadaji jaise kahenge waisa hi karega…”

Vikram “mujhe nahin karna aisa kuchh”

Aditya “yani tu mere pyaar ki kurbani ko jaya kar dega”

Vikram kuchh kah nahi pata, aditya “ab jaa so ja subah uth kar ghar chale jana”

Yahan deepa ki aankhon ka band ab foot chuka tha. Us hospital ke bed

par pade nishchal aditya ke sharer ko dekhkar wo samajh nahi paa rahi thi ki kya Karen, usse khafa ho ya fir usko gale se laga le. Par wo ye

nishchay kar leti hai ‘jo hua so hua ab aditya waise bhi accha hai, use to bas uske halat ne kuchh der ke liye bura banaya tha’

Pratap bas isi aasha men aditya ki chehare ki taraf dekh raha tha ki naa

Jaane kab wo firse uth khada ho jaaye.

Deepa “aditya ne sach kaha tha mujhmen himmat nahi thi usne apne pyaar ke liye kya kya nahin kiya par main kuchh nahi kar paayi, main cowerd hun. Usne thik kaha tha

Cowerds do it with KISS

And brave does it with SWORD”

Aage use kuchh bola nahin gaya aur wo waise hi roti hui hospital se nikal gayi.





Deepa ghar men apni sudbudh khoyi baithi thi ki uske papa aur bhai ne

uske bare men kya socha thaa, par usne kya kya saha hai. Wo raat bhar apne bed par lete lete roti rahi ki jo aadmi itna hasmukh itna witty ho sakta hai, uske jindagi ki dusari side itni kaali bhi ho sakti hai.

Par wo to bas soch hi sakt thi…. XXX

awesome update

 

[mashish]

WAiting for next update