Romance Teri Meri Love Story (Completed)

[mashish]

Update 28



Deepa ne ab to jine men intrest lena hi chhod diya thaa. Eoj bas office jana aur wapas ghar aana uske baad khana banane men mummy ki madad karna, iske siwaay uske jindagi men karne ko kuchh nahi raha thaa.

Wo kahte hai naa toofan ke aane se pahale jindagi men shanti hi chhayi hoti hai thik usi ki tarah uski jindagi kat rahi thi. Ek aadmi thaa jo tufaan banke uski aur aditya ki jindagi men aane wala thaa.

Aur usne hi aaj uske ghar par dastak diyi thi. Deepa darwaja khone ke

liye aage gayi. Darwaje par ek ladka khada thaa. Aakash, shahar ke sabse bade polician pradhan ka right hand. Abhi abhi politics men aaya thaa par wo darasal men uske business sambhalta thaa. Dinesh ka class mate tha aur usse milne aaya tha. Aditya ki puri jaankari bhi isne hi dinesh ko diyi thi pradhan ke kahne par.

Deepa ne darwaja khola. Aakash wahan use saamne dekhkar chuank gaya. Aajtak usne kaafi ladkiyaan dekhi thi, par aaj usko wo ek click ho gaya jo aajtak kisi ladki ke liye nahin hua tha. Wo to bas use dekhta hi rah gaya.

Deepa “ji aapko kis se milna hai?” aajse pahale kabhi deepa ne use dekha nahin tha.

Uski taraf se koi reaction hi nahin tha wo to jaise uski aankhon men

sammohit hua tha. Tabhi pichhe se dinesh aaya.

Uske aate hi deepa pichhe hat gayi. Dinesh “andar aa”

Deepa ke jaane par wo jaise achanak se hosh men aa chuka tha. Usne haan men garden hilayi aur dinesh ke pichhe andar chala gaya.

Ghar men baithte hi dinesh ne puchha “kya lega chaay ya coffee?” Aakash “chaay”

Dinesh “deepa 2 chaay banana to”

Kuchh der baaten hone par deepa ek tray men 2 cup chaay lekar aayi, aur un donon ke saamne rakhkar chali gayi. Jab tak kamre men deepa thi aakash ki najare usi par tiki hui thi.

Aakash ne ishaane se puchha ‘ye kaun?’

Dinesh “chhoti bahan deepa”

Aakash “haan asali baat to batana bhul hi gaya, tujhe dusari job chahiye thi naa?”

Dinesh “yaar chahiye to hai par aditya ki wajah se koi deta to hai nahin” Aakash “aditya?”

Dinesh “aditya jahagirdar, haamre ghar men kaafi problem khade kiye

hai usne”

Aakash “kyun kya hua? Waise tumhare bahan ki to shadi thi naa?” Dinesh “ab kya kahun? Yaar chal bahar chalke baat karte hai” Donon bahar ek hotel men baithe the. Donon ke hath men jalti hui cigratte.

Aakash “ab bol kya baat kya hai?” Dinesh “deepa…”

Aakash “haan tumhari chhoti bahan”

Dinesh “haan wo jahan kaam karti hai uska boss aditya ka kaafi karibi dost hai, wahan uski aditya se mulakat hui, donon men pyaar hua, baad men jab main uske bare men pata laga raha tha, tab tune sab info diyi” Aakash sunkar haan men sir hila raha tha.

Dinesh “ye jaanane ke baad ghar men dhamaka hua, hum soch bhi nahin sakte the ki us masum chehare ke pichhe itna bada khuni darinda hoga. Is baat par aditya aur deepa ke beech men duri to aa gayi, aur baad men humne deepa ki shadi tay kar di, par usne tab bhi hamara pichha nahin chhoda. Shadi ki ek raat pahale wo ghar men ghus aaya tha, nashe men dhut aur to aur uske paas pistol bhi thi” Aakash “uske jaisa aadmi hamesha apne paas pistol to bhi rakhta hi hai”

Dinesh “humne police ko bulaya, uske paas 144 extra rounds mile” Aakash ko ab ye sunkar tajjub hua. Uski aankhen chaudi ho chuki thi. Usne puchha “fir?”



Dinesh “fir kya police use lekar to gayi, par subah maharaj bahar hajir the, aur FIR to darj hui hi nahin thi raat ko, fir kaam aur aasan tha uska”

Aakash “us jaise aadmi ke liye logonko paise khilana kaafi aasan hai” Dinesh “nahin yaar us inspector ko main jaanta hun, wo aisa nahi hai, wo paise lekar chhodega hi nahin”

Aakash “dekh dinesh tu use chhota na samajh, jo aadmi 50 se upar khoon karke bach sakta aur usmen uska naam tak nahin aata, uske liye karna koi bada kaam nahin hai, uska dada minister hai, bhai CM ka damad hai”

Dinesh “pata hai mujhe bhi uski ladki ko usne hi uthwaya tha apne bhai ke liye”

Dinesh “uski hi to wajah se deepa ki shadi tuti thi usne aakr wahan hungama kar diya tha”

Aakash “koi nahin, par aajkal to thanda pada hai naa”

Dinesh “suna hai ki coma se bahar aa gaya hai”

Aakash “bada optimistic hai yaar 2 baar jaan lene waale haadson se bacha, 2 baar coma se bahar aaya, maananaa padega”

Aakash “kul milakar worth dushman hai” Dinesh “main samajha nahin”

Aakash “takkar do to aise bande se, baaki jhinguron se ladne men koi maja nahin hai”

Dinesh “aur tu job ka kya bol raha tha?”

Aakash ek card aage badhata hai “inse baat kar lena, inko mera naam bata dena, maine baat kar li hai, tujhe puri aajadi milegi yahan likhne ki” Dinesh “thanks”

Aakash “koi nahin yaar, waise ye bata deepa karti kya hai?” Dinesh “accounts head hai company ki”

Aakash “chal accha hai, mere yahan use bhijwa dena, mere yahan ye

post khaali padi hai kitne dinon se” Dinesh “usse baat karta hun”

Deepa ko aakhir apne bhai ke jid ke aage jhuk kar aakhir dinesh ki

company join karni hi padti hai.

Darasal men aakash ki ye company pradhan ke group ki kai companies men se ek thi aur bahut badi thi, itni badi ki wo ek public limited company thi…

good update

 

[mashish]

Update 29





Aditya yahan subah ki meeting ke liye taiyar ho raha thaa. Group ke kaam ke alawa usne aur pratap ne milkar ek company ki foundation kiyi thi, uske liye use milne jana tha.

Pratap aur aditya aaj bahut dinon baad us bangle men the jahan unhone kai saal gujare the. Aditya ke banjarepan ki gawah thi ye jagah. Aditya taiyar hokar bahar khada tha, haath men sulgayi hui cigrate ke puff lekar wo iski or dekh raha tha aur yaadon men duba tha ki kis tarah deepa ne isko renovate karne ke sapne sajaye the. Waise ghar tha to shaandar par deepa ko uspar bhi apni chhap chhodni thi.

Pratap bahar aaya aur usne aditya ki or dekha use ghar ko ghurte huye dekhkar ghar ki taraf dekhte huye jaankar usne bhi ghar ki taraf dekha. Aur kaha “ghar ka color kaafi dull ho gaya hai nahin coloring karwani padegi bahar ki”

Aditya “cream color maarna deepa ne bola tha.”

Achanak usko samajh men aata hai ki usne deepa ka naam le liya hai, wo jhat se car ki keys pratap ke hath se lekar car ki taraf nikalta hai.

“chal late nahin hona hai humen”

Pratap chehare par ek halki muskurahat lekar aage badh jata hai. Kuchh der baad donon hi ek bahut badi international car manufacturer company ke office men baithe huye the. Secretary aati hai aur kahti hai “mr. aditya jahagirdar”

Aditya najar upar karke “yes”

Secretary “aapko sir ne andar bulaya hai”

Aditya aur pratap uske pichhe jaate hai. Aaj wo jisse milne aaye the wo is company ka CEO tha.

Aditya uske aage hath badhakar “hello”

Wo usse shake hand karke “kaise ho aditya bahut saal huye milne nahin aaye kabhi”

Sath men wo pratap se bhi hath milata hai “are come on baitho yaar, kya loge chaay ya coffee?”

Aditya “ab hum log tumse chaay ya coffee piyenge?”

Teenon hans dete hai, aur wo kahta hai “are aditya baaki nahin to kamse kam apne naam ki to sharam rakh, aditya ko dub jaane de” Aditya “tujhe to pata hai, jab wo aasman ka aditya dub jata hai to ye aditya bhi dub jata hai”

Firse thahakonki barsat hoti hai. Aditya “par abhi ke liye coffee hi acchi rahegi”

Secretary coffee lane ke liye chali jati hai.

Arun “bo kya maajra hai, nahin to ye appointment lekar formally milna ye to aditya ka style nahin hai”

Aditya “sahi kaha tune mujhe tumse ek kaam hai” Arun “kya?”

Aditya “it’s a give and take policy main tere kaam aaunga aur tu mere” Arun “kaam kya hai bol”

Aditya “suna hai tumhare bahar assembly manufacturing men loche

chal rahe hai”

Tabhi secretary coffee serve karke pichhe khadi hoti hai. Arun “tum jaao humen baat karni hai, main bulau tab andar aana”

Arun haan men sir hilata hai “to?”

Aditya “mujhe ye projects de de tumhe koi problem nahin aayegi, plus company ke internals kai problems se bhi main tumhe sambhal sakta hun”

Arun ab kuchh kuchh aditya ki baton men intrest lekar kahta hai “kaise?” Aditya “union problems, aaj tere yahan 3-4 unions hai, usmen se meri party ki hai, tu meri side se hojaa, tere company par sirf ek hi union rahegi meri, fir jo marji karwate rahna”

Arun “baat sochne jaisi hai”

Aditya cigratte nikal kar jalata hai. Aur un donon ko offer karke kahta hai “koi jaldi nahin hai take your own time and make a decision”

Arun ke dimag men ab to tube jal chuki thi. Usko pata thaa ki aditya ki najar ab is company par pad chuki hai, ab wo kisibhi tarah se jarur company ke union field par kabja jam hi lega, ye uske liye koi badi baat nahin hai, aur us situation men agar wo company management ka dost nahin hai to wo dushman ki najar se hi dekha hai. Isse accha hai usko dost bana lo aur thoda aur kaam karwa lo, jo ki donon ke munafe ka ho.



Arun “baat men dam to hai aditya, par mujhe nahin lagta company existing vendors ko side karke tumhe andar aane degi”

Aditya apni eyebrow upar uthakar arun ki taraf dekhta hai. Arun “agar…” Aditya aur pratap ab arun kya bolega ispar pura dhyan dete hai. Arun “dekh aditya main tumse kuchh chhupaunga nahin”

Aditya coffee puri pee jata hai. Arun “abhi tu andar aaya usse pahale ek bande ko bahar jaate huye dekha”

Aditya “haan”

Arun “uske paas is aur side ke state ki aisi 2 states ke outlet hai, wo chalane men bilkul interested nahin hai, main chahta hun ki tu uska sara setup kharid le”

Aditya “ismen tera kuachh?”

Arun “kuchh nahin. Darasal men iske papa ne ye sab le rakha thaa, ye sabse bada ayaysh hai, iske liye jitne paise ho utne kam, ab iski najar men hai ki ye sab bech de aur jo paise aaye usse kuchh aur kare” Aditya “kya dusara?”

Arun “pata nahin mujhe, par ye deal itni badi hai ki, ismen sirf propery ki land cost dekhkar hi koi bhi haath pichhe khinch leta hai, aur use wo sab ek sath bechani hai, tukde karke company bechne nahin degi kyunki uske paas existing agency hai, to uske paas showroom chahiye”

Aditya “to”

Arun “ab wo kahta hai ki company hi us sab ko kharid le, waise bhi sab staff wagaira company hi provide karti hai aur run bhi wohi karti hai, to ye sab kuchh company ke gale men maarna chahta hai, ab company ye kharid le iske liye usne ek naya paitra apna liya hai”

Aditya “kya?”

Arun “isne niche ke aadmiyon se sath gaanth kar li hai aur inhone sale

down kar diya hai, kisike loans pass na hone dena, kuchh, aur kuchh bas yahi silsila chal raha hai, isliye sale down ho raha hai. Mujhpar GM pressure daal raha hai ki sales figure badhaao”

Aditya “mujhe ise kharidne se kya?”

Arun “dekh tu ise kharid le, koi aur ise kharidne ke jhanjhat men padega nahin, tu jab kharidega tab main tujhe upar se support karunga aur tumhara per car sales commission 5% of total sum badhakar dunga, jo ki main kar sakta hun”

Aditya ek aur cigratte jalate huye “main sun raha hun tu kahta ja”

Arun “tumhe bas usse deal karke wo sab kuchh kharidna hai, company ki sheets men afratafar hai is liye uski company kharidne ke jhanjhat men naa jana, sirf as it is men sab kuchh land kharid lena, baaki saari chijen jaise workshop tools, spares wo sab wahan hamare hi hai, main wo aaj hi seal karwa dunga, tujhe chahiye ho to puri sales team badal dunga”

Aditya “ek bhi purana banda nahin dikhna chahiey marketing men” Arun haan men sir hilate huye “state marketing heads ko bhi jagah se badal dunga”

Aditya haan men sir hilata hai. Arun “tu sirf paise invest karna, yahan sales ki figure badhti jaayegi”

Aditya “aur teri incentives bhi”

Arun hanste huye “aur teri bhi to earning badhegi, aur to aur ek andar ki baat bata raha hun, 3 mahine ke baad company khud ki gadi par khud fianance dene wali hai, jisse ise kharidna aur aasan ho jayega, tujhe aur profit”

Aditya aur pratap donon andar se khush the, karne aaye the ek deal aur

sath men ek aur deal mil gayi thi. Aditya “chal thik hai tu bolta hai to” Arun “do we have a deal”

Aditya usko hath milate huye “haan yaar, deal”

Aditya “waise us aadmi se milwayega kab mujhe is khariddari ke liye?” Arun “shahar kaafi suhana hai, mausam bhi kaafi accha hai kyun naa tu 3-4 din yahin ruk ja. Main jara kuchh chalen chalke teri meeting fix karwata hun”

Aditya “chal thik hai, aur mera kaam?”

Arun “abhi kar deta hun” kahkar secretary ko phone karke bulata hai. Uske aane par “inko vendor development men le jaaiye, kahiye maine bheja hai”

Aditya se “main wahan call kar deta hun, tujhe jo chahiye ho wo karwa

lena”

Aditya “chal bye fir milenge”

Arun “bye main tumhe call karunga jald hi”..

awesome update

 

[mashish]

Update 30



Ek badi saari deal karne ke baad aditya agale din perfect SPM ke gate par khada tha. Company gate par ruke hi uske sixth sense ne bata diya tha ki kuchh na kuchh to bura hona hi hai.

Gaadi lekar wo gate par aage badha, to sabse badi chaukne ki baat, security puri change ho chuki thi. Security wala gadi ke paas aaya aur usne puchha “kisse milna hai aapko sir?”

Aditya aur pratap ka matha sarak gaya. Pratap gaadi se bahar nikalna chahta thaa, par aditya ne thoda shanti se kaam liya aur aditya ne kaha “mera naam aditya jahagirdar hai aur main is company ka malik hun” Security wala to chakra gaya tha. Usne puchha “kahin kuchh lekar to nahin aaye ho aap sahib?”

Aditya “jyada fijul bakwas mat kar gate khol” Security “aapko milna kisse hai?”

Aditya “murti ko bol aditya aaya hai”

Security wala andar intercom par phone karta hai. Kuchh baat karne ke bad wo aakar kahta hai “sorry sir wo andar nahin hai kahin bahar gaye hai”

Pratap “abe chutiya mat bana saamne dekh uski gaadi khadi hai” pratap saamne parking men lagi uski car ki taraf ungli karta hai.

Aditya “ruk ja pratap, oye usse kahna ek aakhri baar baat karni hai”

Security “sir maine kaha na ki wo nahin hai”

Aditya apna mobile nikalta hai aur swami ko phone karta hai. Par bahut der ring jaane ke bad bhi koi phone nahin uthata. Ab aditya ka paara bhi chadh jata hai.

Wo ab car se bahar nikal aata hai. Uske saath hi pratap bhi bahar aata hai. Sidhe us security guard ko side men dhakka dekar donon chhote gate se andar jane lagte hai. Wo unke pichhe aakr unhe rokna chahta hai. Bahar ka security guard pratap ko rokne ke liye use pichhe se pakadne aata hai.

Aur cabin men baithe 2 security guards bahar ki taraf daud ke aate hai. Jo security guard pratap ke kandhe ko pichhe se pakadne ko lagta hai. Pratap uski taraf palat kar dekhta hai, uski aankhon men gussa tair raha tha. Wo sidhe ek hi mukka uske pet men itne jor se jad deta hai ki wo aadmi apne pet ko pakad kar niche gir jata hai.

Wahan jo andar se bhaagte huye security guards aa rahe the unke hath men security guards ke liye rahti hai wo chhoti laathiyaan thi. Aditya saamne se aage aane waala jo ki wo laathi upar uthaaye aa raha tha



uske laathi waale haath ko pakad kar uske chehare ke bicho bich itni jor ke maarta hai ki uske naak se khun bahna shuru ho jata hai. Wo wahin baith jata hai. Pichhe se aane wala guard khub jor se chillate huye aata hai. Aditya wo paas aaye isse pahale hi use dur se hi ek kick maarta hai, jab wo kick se pichhe jata hai. To wo niche pade apne sathiyonka haal dekhta hai aur wo pichhe hat jane men hi apni bhalai samajhta hai.

Aditya apna mobile nikalta hai aur us guard ki taraf dekhta hai, ki wo security agency ke guards hai aur uske maalik ko phone karta hai.

Aditya “hello, haan aditya bol raha hun”

“are apne guards ko kuchh sikhao, ek ek mukke men gir gaye hai…. Aaja company men dekh le mere ko andar aane ko mana kar rahe the” itna kahkar wo phone rakh deta hai.

Aditya aur pratap building ki taraf badhna shuru karte hai. Jaise hi wo darwaje se andar jate hai. Wahan saamne khade sab log khade rahte hai. Aditya unki taraf dhyaan nahin deta aur sidhe first floor par jahan un donon ke cabins the wahan jane lagta hai. Use maalum padta hai ki accounts ka senior staff badal chukka hai. Kyunki jab wo accounts head ki cabin ki taraf dekhta hai use koi aur hi wahan baitha najar aata hai. Raaste men jaate jaate wo hare k cabin par najar daalta hai, baaki sara staff wahin thaa.

Sab log aditya ke aane se khush dikhai de rahe the. Aditya ab first floor par pahunch jata hai, to dekhta hai ki saamne ek secretary baithi hai.

Aage badhte huye aditya aur pratap ko wo rokne ke liye aawaj deti hai. “sir.. rukiye aap andar nahin ja sakte”

Aditya firbhi aage jata hai, to wo secretary uske aur cabin ke darwaje

ke saamne aakar khadi ho jati hai. Aditya uske kandhe ko pakad kar use side kar deta hai. Aur cabin ka darwaja khol deta hai.

Saamne swami apne chair men badhawas sa baitha thaa. Aditya ke is

entry ne uske hosh uda diye the. Aditya sidhe aakar samne ki kursi par baith jata hai aur swami yahan kisiko phone karne ke liye phone utha raha tha to uske haath ko pratap ne lapak kar jor se pakad liya tha.

Aur dusare hath se receiver firse rakhkar phone dur kiya aur sath hi sath uska mobile bhi desk par se utha liya.

Swami “ye sab kya hai aditya?”

Aditya “tu pahale ye bata ye sab jholjhapata kay hai?” Swami “tum ab is company ke malik nahin rahe?”

Aditya “accha … mujhe to pata hi nahin hai ki kab maine apni company

tumhe bech di”

Swami “company par kabja karne ka sirf wohi eklauta tarika nahin hota”

Aditya “chala naya wala tu hi sikha de”

Swami “is company ne tumhari sab investment, wo bhi intrest ke saath tumhare is letter par return kar di hai” itna kahkar ek kagaj saamne fenkta hai. Aditya usko dekhkar dekhta hi rahta hai.

Aditya “saale chor main wahan hospital men thaa, uska tune aisa fayda uthaya”

Swami “aditya ab legally main is company ka malik hun”

Aditya kuchh kahe uske pahale use andar aati hui police ki gadi dikhayi deti hai. Swami bhi wo dekhkar kuchh rahat ki sans leta hai.

Swami “ab tum yahan se chale jaao isi men tumhari bhalai hai” Aditya “tum meri bhalai ki chinta chhod swami apne is nashwar deh ki chinta kar kahin use main sach men nasht hi naa kar dun” aditya cigratte jalate huye kahta hai aur ye sunkar pratap aur aditya ek thahaka laagte hai.

Swami “tumhe ye sab majak lag raha hai”

Aditya “nahin majak to tum ho, jisne ye bilkul bhi nahin socha ki iske baad main tumhara kya hashr karunga”

Swami “tumhe lagta hai ki tum mera kuchh karoge aur chhut jaaoge, main tumhe acchi tarah se jaanta hun tum ek khuni ho, darinde ho, par main ek businessman hun”

Aditya “haan main khuni hun, pata nahin kitne khun kiye hai main aajtak gine bhi nahin hai”

Pratap ki taraf dekhte huye “pratap tumne kabhi gine hai kitnon ko tune

mara hai?”

Pratap han men sir hilata hai “haan, 28 kul milakar, ab shayad 29 ho jaaye figure”

Aditya hans deta hai. Pratap swami ki aankhon men aankhen daalkar “aditya sidhi tarah se 52 mautonka jimmedar hai aur parde ke pichhe se itne hai ki tu ginti karte huye apni chaddi men mut dega”

Firse is baat par aditya aur pratap hansne lagte hai. Swami “chaahe jo karlo ismen tum is company ko mujhse chin nahin sakte, maine koi kaccha dhaga nahin chhoda hai”

Aditya “swami teri maa ki kasam lekar kahta hun, is company men se aadha hissa main lekar hi rahunga”

Swami “jo tumhe kabhi nahin milega”

Aditya “jo chij maang kar naa mile wo chhen lo ye main bahut pahale se jaanta hun, to ab apni barbadi ke din ginana shuru kar”

Swami “mujhpar ek kharonch bhi aaye to bhi tum andar ho jaaoge main bahar gate ki aur office men ki video recording ki tape police men de dunga aur report kar dunga, ki tum meri jaan se maarne wale ho” Aditya uthkar khada ho gaya tha aur ek angdai dekar kahta hai “naa aisa kabhi mat karna, kyunki main tumhe maarunga nahin, balki tumhe jinda rakhunga, meri jeet ka aur khauf ka jeeta jaagta saboot” itna kahkar wo hans kar cabin se bahar jane lagta hai.

Tabhi darwaja ek police inspector kholkar andar hi aa raha tha. Aditya is inspector ko bahut acche se pahchanta thaa, ye wohi thaa jisne aditya ko deepa ke ghar se giraftar kiya tha.

Aditya use dekhkar “are sir aap yahan kaise? Koi khaas baat?” Inspector “security se phone aay tha ki koi ghus aaya hai aur usne maarpit kiyi aur udham bhi machaya hai”

Aditya “are waah fir aap kya show dekhne aaye hai? Ya use apne sath le jaayenge?”

Swami kuch dara hua sa hi tha aditya ki ye baaten sunkar. Inspector “apne sath le jaunga”

Aditya “to aapki jaankari ke liye bata dun ki wo main tha aur main ab

yahan se ja raha hun himmat hai to rok lijiye”

Inspector swami ki taraf dekhta hai. Swami “mujhe koi complaint nahin karni hai, jaane dijiye inhe”

Aditya “chaliye fir milenge fir kabhi, fir kahin, tab tak apne aap ko sambhal ke rakhiyega. Aur swami tu bhi apni BP ki goliyaan thik time par lete rahna kahin pahale ludak gaya to apne barbadi ka manjar kaise dekh paayega” is baat par aditya aur pratap firse hansne lagte hai, aur chale jate ahi kisi men bhi unhe rokne ki himmat nahin thi…









Raat ko aditya aur pratap samne baithe huye the. Aditya aaj nashe men dhutt tha.

Aditya ki aankhon men gussa khun ke rup men tair raha tha. Swami

agar khud hokar company maang leta to shayad aditya use wo de bhi deta par is tarah uske pith men khanjar khopane waale ko maarna uske aham ke liye jaruri ban gaya tha.

Aaj wo jis empire ka malik thaa uske mukabale ye ek company koi maayne nahin rakhti thi, par aadmi ka aham na jaane aadmi se kya kya karwa leta hai. Aur agar kal ye khabar bahar chali gayi ki aditya se uski company aise chin li gayi hai, to uske company ke share value par bahut bura asar pad sakta tha.

Aditya “is swami ko na main chhodunga nahin apna hissa lekar rahunga”

Pratap “sirf apna hissa hi nahin balki puri company apni ho jaaye kuchh aisa kar”

Aditya “ab to wahi karunga”

Pratap “jo kuchh bhi karoge thande dimag se karna”

Aditya haan men sir hilata hai. Pratap “chal mera ho gaya main sone ja raha hun”

Aditya “thik hai”

Aditya ke dimag ko ab chalna mil chuki thi, ab perfect SPM ko apne kabje men karna uska sabse bada uddesh ban chukka tha.

XXX









Dusare din aditya aur pratap baithe huye the kuchh khas karne ke liye bhi nahin tha to unhone socha kyun naa abhiman ko bula liya jaaye.

Aditya “hello”

Abhiman “hello aditya kaise ho tum?” Aditya “accha hun”

Abhiman “ab tabiyat kaisi hai”

Aditya “acchi hai, mujhe tujhse milna hai aa paayega?”

Abhiman “yaar abhi to aa nahin paunga dopahar ke baad bhi meetings hai, kyun na tum hi mere office aa jaao sath men lunch karenge” Aditya “lunch ki baat thik hai par main tumhare office nahin aa sakta” Abhiman “don’t worry deepa ab yahan kaam nahin karti”

Aditya “kya?”

Abhiman “abhi 2 hafte pahale hi usne resignation diya hai” Aditya kuchh bolta nahin hai.

Abhiman “kya hua? aa rahe ho na?”

Aditya “haan thodi der men hum donon aa rahe hai”

Dopahar men aditya, pratap aur abhiman teenon men discussion ka ek hi subject tha perfect SPM ko wapas kaise paya jaaye.

XXX

superb update

 

[kingkhankar]

Interesting story

 

[mashish]

Update 31



Raat ko aditya aur pratap abhiman ke ghar par dinner ke liye invited the.

Iska matlab jahir tha ki abhiman ke papa ne bhi aditya ki badhte kadamon men dilchaspi dikhayi thi aur sath hi sath aditya ke chachaji yani pooja ke papa ne bhi.

Kuchh der batchit hone ke baad dinner serve ho chukka tha. Waise aditya ko ye dekhkar jarur shock laga tha ki abhiman ke papa aur pooja ke papa yani chachaji inki pahale kuchh bhi nahin jamti thi par

achanak se itni dosti kaise ho gayi.

Sab log dinner table par the, aditya “khana kaafi lajij bana hai”



Manisha “maine banaya hai” Pratap “fir to lajij hona hi chahiye” Aditya “ye kaun bola?”

Pratap “main”

Aditya “aajtak ye hamara chup chup rahne wala sher bola kaise” Pratap manisha ki taraf dekhkar niche dekh leta hai.

Pratap “khane par concentrate kar kaafi accha bana hai, mujhpe mat kar”

sab log hans dete hai.

Manisha “aap rasmalai try karo donon”

Aditya aur pratap donon ek hi waqt hath aage karke bowl lete hai. Aditya ko saamjh nahin aa raha tha, roj tikha pasand karne wala pratap aaj achanak se rasmalai, gulabjamun kaise kha raha hai.

Aditya usko ghur kar dekhta hai.

Pratap “khana khane aaya hai, ya mujhe dekhne” Aditya bhi fir niche khane par concentrate karta hai.

Abhiman to sirf ye donon kar kya rahe hai yahi dekh raha tha. Khana hone par pratap “bada hi swadisht khana tha”

Aditya “2 rotiyan jyada hi kha li hongi na”

Pratap “tu 2 rotiyaan bol raha hai, maine to 2 waqt ka jyada kha liya hai” itna kahkar Dakar deta hai.

Aditya “manisha kuchh bacha kucha ho to pack karwa do humen hum isi men nasha kar lenge”

Pratap “rahne de naa apna hi gahr hai kal nasha karne firse aa jayenge” itna kahkar daant dikhata hai

Aditya ab to saach men soch men pad gaya tha ki aakhir ye majra ho

kya raha hai.

Wahan manisha bhi sharmaaye ja rahi hai aur pratap bhi aisi ulte sidhe jawab de raha hai.

Pratap “sach men roj aisa khana mile to maja aa jaaye” Manisha “jab tak yahan ho roj aa jaya karo”

Pooja “haan haan manisha thik kah rahi hai, waise bhi tum donon

rahoge to aur accha lagta hai”

Pooja bhi pratap ki taraf dekhkar hans deti hai.

Manisha “bhabhi ab main jati hun, baaki dekh lijiye aap” itna kahkar manisha wahan se kat leti hai.

Aditya man hi man men ‘kuchh na kuchh to majra jarur hai, in donon se puchhunga to batayengi nahin iske liye to pratap ko hi side men pakadna padega’

Aditya abhiman aur uske papa se “chaliye uncle ab hum chalte hai” Donon bahar aate hai. Car kuchh duri par jate hi aditya cigratte nikal kar jala leta hai.

Aditya “ye tujhe abhiman ke ghar par kya hua tha be?” Pratap “kya?”

Aditya “sher agar ghans funs khaane lage to samjh jaao kuchh chakkar jarur hai”

Pratap “main samajha nahin”

Aditya “ ruk samjha deta hun, roj tikha khaane wala sher agar ek din mithe ka bhandar khol ke baith jaao to acharaj se baithoge ki nahin” Pratap “wo yaar bahut din se ek hi khana khata hun, aaj laga taste change karke dekhu, waise bhi kahan accha tha to pasand aa gaya” Aditya “beta mujhe buddu mat banaiyo, jaise hi manisha ne bola ki

usne banaya hai tab tu sab par kud pada usse pahale to aise ghur raha tha jaise koi dushamani niakl raha ho”

Pratap “kuchh bhi haan bhai”

Aditya “ab main kuchh bhi, manisha tujhko dekh ke shrmaaye aur tu ult pult jawab de fir bhi main kuchh bhi”

Pratap bas ek smile pass kar deta hai.

Aditya “ek minute, manisha tujhko hi to dekhkar sharma rahi thi, aur tu ult pult jawab uske liye hi to de raha tha, saale…”

Aditya “iska matlab….”

Pratap sirf haan men sir hialta hai.

Aditya “ye birbal ki khichadi pakati rahi aur mujhe bola tak nahin, aur main bhi kitna bada gadha hun jo mujhe is baat ki bhanak tak nahin lagi, waise ab chhoriyonki tarah sharmaayega ya batayega bhi ki kab aur kahan ye sab hua tha?”

Pratap khidaki se bahar bhagti hui side strip ko dekhte huye “tujhe yaad hai hum sab trekking par gaye the”

Aditya “haan” Pratap “bas wahin”

Aditya “abe main bhi ye kaise soch nahin paya tujh jaise jugadu ke sath kisiko chhod diya aur bach bhi kaise gaya”

Aditya “chal koi nahin, tere liye main bahut khush hun, main abhiaman ke papa se baat karunga, jald hi teri pepe pepe pe …. Aur tu bhi ghar basa lena”

Pratap “ek baat kahun” Aditya “haan bol”

Pratap “hum donon ne soch rakha hai ki jab tak tu shadi nahin karega

tab tak hum bhi shadi nahin karenge” Aditya “yaar ye kya kah raha hai” Pratap “sach bol raha hun”

Aditya “fir mujhe manisha se baat karni padegi” Pratap “ye bata daru piyega, main pilata hun”

Aditya “nahin yaar itna mitha kha liya ab mood nahin hai”

Pratap “wo khane ki taste hi aisi hai ki bas main bhi nahin pee sakta chal sidhe ghar”..

Agale hi din aditya ko arun ki call aata hai “hello”

Arun “aaj raat 8 baje club barbosa” Aditya “thik hai pahunch jaunga” XXX







Wahan aakash ab tak deepa ke kaafi kareeb bane ki koshish karta tha par deepa use apne paas aane nahin deti thi.

Aakash “aaj raat humen dinner par jana hai?”

Deepa “no sir main nahin aaungi”

Aakash “client ke sath dinner hai aur tumhe aana hi hoga” Deepa “thik hai”

Aakash “ready rahna raat 7.30 ko tumhe lene ghar aaunga”

Deepa apne man se nahin par kaam hai is liye aane ke liye taiyar ho jati hai.

XXX

lovely update

 

[Naina]

Ohh teri yeh toh wohi story hai ispe toh maine anginat reps added bhi di thi us time xp pe
chalo padhke phir se purani yaadein taza ki jaaye..
Btw

for restarting this awesome story

 

[Naina]

 

[mashish]

Update 32


Wahan aditya aur pratap club ke gate se andar aate hai, andar dekhte huye aditya ko aisa lagta hai jaise usne deepa ko dekha hai.
Aditya apne chehare par hath ferta hai aur age badh jata hai. Andar jaane par use arun aur uske sath wo ladka baitha tha. Aur as
expected uske side men ek ladki baithi huyi thi. Aditya aage jata hai to arun khada rahkar uska swagat karta hai.
Aditya uske saamne padi drink ki bottle, uski laal aankhen aur uske
paas baithi koi callgirl type ki ladki dekhkar samajh jata hai.
Ab aditya aur pratap ek side ke sofe par baith jate hai. Saamne ki side par wo aur bich men deewar ko pith lagakar sofe par arun tha. Aditya puri taiyari ke sath aaya tha.
Arun usko introduce karwata hai “ye hai sunny aur sunny ye hai aditya jahagirdar aur pratap ye aapki properties ke liye interested hai”
Sunny puri tarah nashe men dhutt tha. Shayad usne drugs bhi liye huye the. Aditya se wo hath milata hai, par apni akad rakhkar.
Aditya waitor ko ishara karke bulata hai “ye sab saf kar do mujhe table
par kuchh bhi nahin chahiye thodi der ke liye”
Wo sab sunny ki drink uthane lagta hai. Sunny “oye yaar daru to chhod de”
Aditya “don’t worry mister sunny main aapko jo dikhaunga uska nasha isse kai guna jyada badhkar hai, aur sath men inko bhi kuchh der ke liye humen akela chhodne ko kah dijiye” aditya uske side men baithi ladki ki taraf ungli karta hai
Arun bhi haan men sir hila deta hai. Aur waiter sab uthakar chala jata hai. Aditya “wo kya hai naa business ki baaten jab karo to bina matlab ki chijon ko wahan nahin rakhte”
Aditya “pratap” itna hi kahta hai.
Pratap ek suitcase ko table par rakhta hai aur use kholkar usmen se ek file aditya ko deta hai.
Aditya us file ko dikha kar “ye hai aapke properties, ye uske market
values aur ye uski sum”
Aditya “I am going to offer you 60% of market value of all the sum” Sunny “ek minue main apni firm bechane men interested hun, apni properties nahin”
Aditya “sabhi properties aapke firm ke naam hi registered hai par main wo kharidna nahin chahta”
Sunny “is firm ke paas ek bahut badi automotive company ki 2 states selling agency hai, aap usko kharidna nahin chahte”
Aditya “ji nahin bilkul nahin aisi firms mere kuchh kaam ki nahin”
Sunny “fir to ho gayi deal, mujhe nahin karna yahan kuchh”
Arun “relax sunny, aditya jo offer de raha hai wo le lo, aur aisha karo ye business karna tumhare bas ki baat nahin hai”
Sunny “tu to chup rah, nahin karna mujhe ye sab, sabhi properties prime places par hai”
Aditya “aawaj nichi rakho”
Sunny “meri marji nahin bechani mujhe”
Aditya “par mujhe to kharidni hai naa, aur jo chij mujhe chahiye hoti hai uske liye main kuchh bhi karta hun”
Sunny ki laal aankhon men gussa ubal raha tha. Arun “relax, waise bhi ab tum to business karoge nahin, to in properties ko rakhkar kya karoge”
Sunny “agar aapko properties chahiye hai to firm bhi kharidni hogi aur wo bhi market value se 25% jyada paise dekar”
Aditya “thik hai chale jaao kal firse mat aana mere paas gidgidate huye kahne ki ab to ye properties kharidne, pata hai tumhe kal kya hoga” Arun “main batata hun kya hoga, kal iske firm ki dealership chhin
jayegi, aur uske baad main wahan se sab instruments nikal lunga, saath hi men staff bhi”
Aditya “uske baad tumhare firm ke khilaf income tax, sales tax, central
tax waale sab raid karenge”
Pratap agala kagaj ka gattha fenkte huye “ye lo tumhare firm ki balance sheet ismen naa jaane kitne loop holes hai, fir itna bada fine bharne ko taiyar ho jana jitna tum soch bhi nahin sakte”
Aditya “are ek chij to rah hi gayi, in men se kuchh properties kharidne ke liye bank loan liya hau hai aur mortgage men sari properties bank men padi hai, fir uski EMI bhi to 2 mahine se nahin gayi”
Pratap “har ek property alag alag department seize karega” Aditya “seize hone ke baad tumhe 2 court ya fir tribunal tumhe 2 mahine ka waqt dega ki saari rakam chukka do, ya fir nilami ho jaayegi”
Pratap “aur wo tum kar nahin paaoge, aur wahan nilami men sirf 2 aadmi baithe honge, ek main aur dusara aditya, min bid par hum bid karenge aur sabhi properties hamari, wo bhi tumhe jitney mujhe dene padenge usse bhi kam paise men”
Aditya “are government wale tip deneke liye 10% gift dete hai wo bhul gaya kya tu”
Pratap hanste huye “aaila yaani 10% off ka offer bhi milega” itna kahkar donon jordar thahake lagate hai.
Sunny uthkar khada ho jata hai. Aur aag babula hokar “tum donon
mere saamne baithkar mujhko hi barbad karne ki dhamki de rahe ho”
Aditya aur pratap donon tab tak cigratte nikalte hai aur pratap kahta hai “naa munna bhavishy se parichit karwa rahe hai”is baat par to teenon
thahake lagate hai. Arun “baith jaao”
Sunny arun ke kahne par baith jata hai. Aditya “thik ye to huye nuksan
is deal ko naa maanne ke, ab fayde suno tumhe ek sath men itne paise dusara koi nahin de sakta, wo main dunga single payment men, aur tumhare loans principle par settle ho jayenge iski guarantee main leta hun”
Ab pratap wo bag firse upar rakhkar kholta hai aur uska muh uski taraf karke. Pratap “50 lakh hai, token”
Aditya “acchi tarah se soch lo, tumhe kya chahiye hai” Sunny “thik hai main taiyar hun”
Aditya “do we have a deal?” kahkar hath uske aage badhata hai.
Sunny “yess deal” kahkar hath milata hai.
Aditya ab jaate huye waitor ko bulate huye “mere liye ek large whisky on the rocks aur inko puchh lo kya chahiye”
Aditya “unki taraf dekhte huye, drinks on me”
Drinks aate hi sab cheers karte hai. Aditya ki najar achanak se us paar chali jati hai. Jahan aakash deepa ke sath baitha tha. Aur deepa bore ho chuki thi. Aditya janta tha aisi jagah aane ki deepa ko aadat nahin hai.
Sunny ke sath wali wo ladki abhi taka aa gayi thi.
Wahan deepa bhi aakash ke sath baithi thi. Aakash “tumhe hua kya hai? Yun gumsum kyun ho?”
Deepa “darasal men tum mujhe yahan kisi client ke sath dinner lekar aaye the kisi pub ya disco men nahin”
Aakash “so what? Main chahta tha ki tum bahar ghumo”
Deepa “mujhe ye sab nahin nahin pasand”
Aakash “aur ye kya hamesha Punjabi suit pahan kar ghumti ho?” Deepa “main wahi kapde pahanti hun jo mujhe pasand ho”
Aakash ne bhi kuchh drinks le liye the. Deepa frustrated si baithi thi. Wahan sunny uske sath men ki ladki ko kahta hai “apne kuchh friends ko bulao, mere friends ke sath fun ke liye”
Usne sirf ek kone men khadi ladiyon ki taraf dekha aur ek ishara kiya. Wahan se 3 ladkiyaan aayi. Wo jaise hi inke table par aayi. Ek sidhe jakar arun ke bagal men baith gayi. Arun ne usko chale jane ko kaha. Thik usi tarah aditya aur pratap ne bhi kisiko apne paas baithne ko naa bol diya.
Sunny “ye kya aditya sahib hamari is chhoti si chijon ko accept bhi nahin kiya”
Itna kahkar teenon ki taraf dekha. Arun “I am honest with my wife” itna kahkar jam khinch liya.
Pratap ne sirf naa men sir hilaya. Aditya na hi kuchh kaha na hi kuchh reaction diya sirf ek najar deepa ki taraf dekha.
Sunny “aap donon bhi inki hi taraf wife se honest hai” itna kahkar hans
deta hai.
Aditya “no pratap ki shadi tay ho rahi hai aur main bachelor hi hun” itna kahkar muskura diya.
Sunny “bachelor hokar bhi”
Aditya “maje humne kiye bhi aur chhod bhi diye, aaj hum kisi aur chij ke pichhe hai” itna kahkar firse deepa ki taraf dekha.
Is baar achanak se deepa aur aditya ki najare mil gayi. Sunny “oho ishq, ye hi to hai jo har dam aapke sath rahta bhi hai aur dil ko jakhm

bhi deta hai” Aditya “very true”

Sunny “maine bhi kai baar jakhm khaaye baad men dil lagana hi chhod

diya ab to aise hi dil bahala leta hun” usne us ladki ko chimati kaatate huye kaha.

superb update

 

[DirtyBiker]

Interesting story

thank you for support

 

[DirtyBiker]

Ohh teri yeh toh wohi story hai ispe toh maine anginat reps added bhi di thi us time xp pe
chalo padhke phir se purani yaadein taza ki jaaye..
Btw

for restarting this awesome story

story is gonna end next week