Romance Teri Meri Love Story (Completed)

[Naina]

story is gonna end next week

Story padhte waqt ek pal lage ki jaise xp pe hoon
wohi kahani par andaz kuch hatke.
lage ki nayi kahani ho... pehlu badle, mod aaye, drama se leke romance tak sabhi situations apne apme bemisaal hai...

 

[Naina]

Story abhi tak padhke kaisi lagi :--
Kahani mein kaafi mod aaye joh kahani ko dilchasp banaye huye hai... ek achhe writer ke gun, lakshan yeh ki kahani ki jariye, kahani ke kirdaaro ke jariye kahani ke naam ko sarthak kar de.... jisme aap pure tarike se kamyab rahe...

Really badhte update ke sath sath kahani aur bhi zyada interesting hoti jaa rahin hai...
Har ek pehlu ko aapne dhyan dete huye kahani ko aage badha rahe hai..
romance ke sath sath thodi bahot suspense ki bhi anokhi sangam hai kahani mein ... kuch baatein abhi bhi shayad adhuri hai joh dhire dhire samne aayenge ... aur kuch kirdaaro ki asli roop bhi samne aa rahe hai.. toh kayi naye kirdaar bhi dekhne ko mil rahi hai... joh apni bhumika sathik roop se nibha rahe hai kahani ki har ek pehlu mein....

yeh bhi ek sach hai ki aapki is kahani mein har ek kirdaar ki mahattva purn hai.. I mean to say ek kirdaar bhi hata diya jaye toh kahani adhuri hai...
Hum hamesha hero heroine pe hi zyada dhyaan Kendrit karte hain... lekin yeh yaad rakhna chahiye ki baaki kirdaaro ke bina multiple ya pramukh kirdaar kuch bhi nahin.... aur aap kahani mein sabhi kirdaaro ke sath ek justify karte hain... Isliye aapki yeh kahani meri favorites kahaniyo mein se ek ho gayi hai....
aise hi likhte rahiye aur humari manoranjan karte rahiye

Brilliant story line with awesome writing skills DirtyBiker sahab

 

[mashish]

Waiting for next update

 

[mashish]

writer ji kha gayeb ho waiting for next update

 

[DirtyBiker]

Story abhi tak padhke kaisi lagi :--
Kahani mein kaafi mod aaye joh kahani ko dilchasp banaye huye hai... ek achhe writer ke gun, lakshan yeh ki kahani ki jariye, kahani ke kirdaaro ke jariye kahani ke naam ko sarthak kar de.... jisme aap pure tarike se kamyab rahe...

Really badhte update ke sath sath kahani aur bhi zyada interesting hoti jaa rahin hai...
Har ek pehlu ko aapne dhyan dete huye kahani ko aage badha rahe hai..
romance ke sath sath thodi bahot suspense ki bhi anokhi sangam hai kahani mein ... kuch baatein abhi bhi shayad adhuri hai joh dhire dhire samne aayenge ... aur kuch kirdaaro ki asli roop bhi samne aa rahe hai.. toh kayi naye kirdaar bhi dekhne ko mil rahi hai... joh apni bhumika sathik roop se nibha rahe hai kahani ki har ek pehlu mein....

yeh bhi ek sach hai ki aapki is kahani mein har ek kirdaar ki mahattva purn hai.. I mean to say ek kirdaar bhi hata diya jaye toh kahani adhuri hai...
Hum hamesha hero heroine pe hi zyada dhyaan Kendrit karte hain... lekin yeh yaad rakhna chahiye ki baaki kirdaaro ke bina multiple ya pramukh kirdaar kuch bhi nahin.... aur aap kahani mein sabhi kirdaaro ke sath ek justify karte hain... Isliye aapki yeh kahani meri favorites kahaniyo mein se ek ho gayi hai....
aise hi likhte rahiye aur humari manoranjan karte rahiye

Brilliant story line with awesome writing skills DirtyBiker sahab

thank you for support

 

[DirtyBiker]

writer ji kha gayeb ho waiting for next update

jara kaam se evening me busy ho jata tha isliye nahi ho pata tha

 

[DirtyBiker]

Update 33

Tabhi wahan se ek short skirt men ladki aati hai. Aur achanak se “oh
my god aditya tum yahan”
Aditya ne to pahale use pahchana hi nahin. Aur use ek puzzled sa look diya.
Wo ladki usko side men khiska kar sidhe uske side men hi baith gayi. “are tumne mujhe pahchana nahin, main ruby, ab tum ne serials men dekha hoga, usmen wo log jo sadi wadi pahna dete hai”
Aditya “congrats” tabhi use yaad aaya ye uske aaju baje men udne
wale kai ladkiyon men se ek hai, jiske sath usne ek do baar raatonko jawan kiya tha.
Ruby “mujhe wish nahin karoge aaj mera birthday hai”
Aditya “happy birth day” sunny samne dekhkar hairan tha, ki abhi aditya ne us ladki ko naa bola aur ab ye.
Deepa aditya ki taraf aur us ladki ki taraf ghure hi ja rahi thi. Aditya “to
birth day girl yahan akeli kaise?”
Ruby “akeli kahan sab hai par bore ho raha tha” Aditya “chalo accha hai”
Tabhi wahan se ekdum nashe men dhutt ek ladka kuchh girte kuchh jhulte huye wahan pahunch jata hai.
Wo ruby ki taraf dekhte huye, “chal ruby yahan kya kar rahi hai” Ruby “meet him ravi ye hai aditya”
Aditya uski taraf hath aage badhta hai.
Ravi “kuchh der akele kya rah gayi to naya yaar dhundh liya”
Ravi aditya ki taraf dekhte huye “ye meri girl friend hai tu side men hat ja”
Aditya “bade shauk se le jaa isko yahan se”
Ravi “tu aise nahin maanega tujhe meri takad dikhani padegi” Aditya uthkar uske paas jata hai usko sambhalte huye “chill bro jara abhi khud ko sambhalne men apni taqad laga le, mujhe baad emn dikha dena”
Ravi “tujhe kya laga main talli hun” Aditya “ruby isko yahan se le jaao”
Ruby uska hath pakad kar aage khinchane lagti hai. Par wo jata nahin
hai.
Ravi “ruk abhi dikhata hun tujhe” aisa kahkar kuchh ladkon ko aawaj deta hai, aur 6-7 ladke saamne aakar khade ho jate hai.
Pratap uth khada ho jata hai. Aditya usko hath dikhakar rokta hai. Aditya un ladkon se “are yaar jaao na tum mujhe koi intrest nahin hai tum sab men aur ladai men”
Ravi “attack boys”
Itna kahte hi wo ladke aage aane lagte hai. Pratap aditya ke side men aakre khada rahta hai. Arun aur sunny un donon ko dekhte hi rahte hai. Aakash bhi uthkar aa jata hai. Tabhi usmense 2 ladke daudte huye aage aate hai. Aditya ek ko jordar ghusa maarta hai, aur pratap ek ko pair se kick maarta hai.
Aage ka ek aur ladka aata hai. Aditya use sidhe uthakar table par patak deta hai, table ke kaanch tut jaate hai. Aditya aur pratap milkar sab
ladkonki wo dhulai karte hai ki bas.
Sunny usko dekhkar hi kahta hai “strong men” Arun “ye to kuchh nahin hai sunny”
Ab wo ravi aage aata hai, aur un expectedly aditya ke upar pistol tan deta hai. Wo jaise hi pistol taan deta hai. Pratap bhi bina ek second ganwaye us par apni pistol nikal kar tan deta hai.
Aditya hansne lagta hai aur kahta hai “tune gun nikali jarur hai, par tujhmen wo chalne ki himmat nahin hai”
Pratap “aditya is bewade ko kam mat aank”
Aditya “are ise kya aankna iske jaise to kai aaye apne saamne aur dhul chaatate huye parlok sidhar gaye”
Aditya uski aankhon men aankhen daal kar “ek salah dun chupchap
apni ye girl friend aur apne ye mariyal ladkonko samet aur nikal ja” Ravi “tu mujhe ye bol raha hai”
Aditya “kyun koi aur hai kya jo inko le jaa sake?”
Ravi “dekh main tera kya haal karta hun”
Aditya “samajh men nahin aata kya tujhe” itna kahkar sidha uske hath ko pakad kar upar utha deta hai. Aur bahu jor se daba deta hai. Wo dusara hath aditya par uthane jata haito aditya use apne dusare hath se pakad kar use bhi utha deta hai. Aditya ke hath ke dabav ke karan uski pistol niche gir jati hai.
Tabhi itni der chupchap khada aakash chillata hai “chhod use” Aditya “tu kaun?”
Aakash “main iska bhai”
To wo ravi ko uski taraf dhakelte huye bolta hai “to le ja ise”
Aakash aage aane lagta hai. Aditya apni jagah par hi khada tha. Aur ravi

ab tak niche gir chukka tha.
Aaksh kea ate hi aditya use jakad leta hai. Aur kahta hai “bas kar mujhe ye sab pasand nahin iska matlab ye nahin hai ki main kamjor hun” Tabhi pichhe se deepa ki aawaj aati hai “ruk jao aditya”
Aditya uski taraf dekhta hai deepa “use chhod do”
Aditya “chhodne ka man to nahin hai par tumhari khatir hi sahi” Aditya itna kahklar use bhi uske bhai ke bagal men jakar gir jaaye is hisab se dhakel deta hai.
Aditya “apne bhai aur aadmiyonko samet kar le jaa nahin to tu bhi inke
side men hi pada hoga”
Aakash deepa ki taraf dekhta hai. Aditya “pratap madam ko ghar chhod ke aao”
Pratap “thik hai”
Deepa ki taraf aage badhta hai “chaliye” Deepa pratap ke sath bahar nikal jati hai.
Aditya ka mood bhi ab nikal gaya tha. Wo is club men kai baar aa chukka tha, use pata tha ki agar yahan kahin akelapan chahiye ho to upar terrace par jane ka rasta kahan se hai.
Jane se pahale wo cigratte ka packet uthane pichhe mudta hai. Sunny “kya fight thi boss u r ossume”
Aditya “3 din baad mujhe mere ghar aakar milna deal finalize kar lenge. Aur arun main tumse kal office men milunga”
Waitor ko ishara karke bulata hai. “mera bill lekar aao aur ye jo bhi
nuksan hua hai wo ye sahib bharenge kahkar wo aakash ki taraf ungli dikhata hai”
Waitor han men sir hilata hai aur bill lene jata hai. Bill pay karke aditya

upar terrace par chala jata hai.

 

[DirtyBiker]

Update 34


Shayad uski is nayi jindagi men kai kirdar rang bikherne aa gaye the, par kuchh aur aane abhi tak baki the. Ek aur kirdar jo ki uski jindagi men ek aham role nibhane wala tha , wo apni dastak de chukka tha… Aditya us terrace par andar gaya, kuchh sochte huye usne ek cigarette light kiyi. Uske sar men waise hi kaafi sawal umad rahe the.
Deepa yahan kaise?
Wo ravi kaun tha jiske bhai ke sath deepa aayi thi?
Is jaise kai sawalon ki gaharai men wo dub raha tha. Ek bada puff chhodkar usne saamne ki or dekha. Use aisa ehsas hua jaise usne kisi parchhai ko dekha ho.
Us terrace par ghupp andhera tha, thodi bahut jo raushani thi wo
aaspas ke chamchamhat ka reflaxion tha. Wo kuchh sochte huye aage badha. Jaise hi usko terrace ki deewar najar aayi use dikha ek parchai uske upar khadi hai.
Usko jaante huye ek minute ki der nahin lagi. Wo lagbhag daudate huye ustak pahuncha aur sidhe uska hath pakad ke usko deewar par se andar ki taraf khincha.
Usne jaise hi usko andar khincha wo parchayi uspar gir gayi. Uske reshami julfe aditya ke aur uske chehare ke bich men aa gayi. Aditya uski aankhon men dekhta hi rah gaya.
Aditya ne usko apne aagosh men jakad liya tha. Usne aditya se chhutne ki koshish kiyi tab aditya kuchh kuchh hosh men aaya. Usne kaha “ab chhodoge bhi?”
Aditya ko ekdum se uske muh se sharab ki tej bu aayi. Usne usko chhod diya. Wo uthi aur kuchh dur jaakar baith gayi. Aditya uske paas
jakar baith gaya.
Usne kaha “pata hai tumhe apni jaan dene ke liye kitni himat chahiye hoti hai”
Aditya ne na men sir hilaya. Aur kaha “kabhi try nahin kiya” Aditya “kya naam hai tumhara?”
Usne kaha “tumhe kyu batau?”
Aditya “ab jaan bachayi hai to kamse kam naam to bata do”
Usne kaha “excuse me, maine koi invitation card to nahin bheja tha tumhe ki aao aaj main suicide karne wali hun aakar mujhe bacha lo” Aditya “ab naam batane men kya harj hai”
Usne kaha “neha” kuchh nakchadhe andaj men kaha.
Aditya “aditya here” itna kahkar uske aage hath badhaya, neha ne ek najar hath ko dekha aur dusari najar uske chehare ki taraf.
Aditya “chalo koi baat nahin, par kya tum ek baat janti ho?”
Usne sirf aditya ke chehare ki taraf ghur ke dekha. Aditya “ye building sirf 3 floors ki hai, yaani ground se tumhari height hogi kamse kam 34 feet is deewar ko pakad kar”
Neha “to?”
Aditya “agar tum itni si height se kudogi to marogi nahin balki 3-4 mahinon ke liye bed par padi rahogi aur ye apna jo existing naksha hai wo bigad logi”
Itna kahkar aditya ne ek cigratte nikal kar jalane laga, usne puchha “may i?”
Aditya “sure” kahkar cigratte ka packet uske aage kiya, neha ne bhi ek cigratte uthayi aur apne lips men pakad li. Aditya ne usko lite diyi aur khud bhi lite kar li.
Aditya “tumne mujhe puchha tha ki suicide karne ke liye kitni himmat chahiye?”
Neha ne haan men sir hilaya. Aditya “pata hai jinda rahne ke liye usse
kai guna jyada himmat chahiye hoti hai”
Neha “par tum ye sab lecture kyu de rahe ho?”
Aditya “2 baar bahut bade accidents se gujar chukka hun, donon baar coma men tha, par dekho ab bhi apne pairon par khada hun”
Neha “you are a truly optimist person” Aditya hans deta hai “naa its not like that” Neha “really maine niche bhi dekha na” Aditya “kya?”
Neha “itne sare ladkonko tum donon ne maara”
Aditya “oh come on maar pit ye to sab hoti hi rahti hai, main to isse kai jyada bade kamon ke liye trained hun”
Neha “means?”
Aditya “I am state level boxing champion, in jaisonko to wahan ka chhote se chhota banda bhi akela dhul chata de”
Neha “not bad”
Aditya “thanks”
Aditya “waise ye batao ye tum jo abhi kar rahi thi..” Neha “kya?”
Aditya “ye” deewar ki taarf ungli karke Neha “to?”
Aditya “kar kyo rahi thi?” Neha “batana jaruri hai?”
Aditya “nahin its all your wish agar batana chaho to”
Neha “okay aditya ye batao agar tum meri jagah par ho”
Aditya “hmmm”
Neha “ghar men tum par koi dhyan na de, papa ko businesses se waqt
nahin milta, mummy ko uske friends se, bhai ki to baat hi chhod do, use to bas aish karne ki padi rahti hai, din raat nashe men duba rahta hai”
Aditya “ek minute to iska matlab ye hai kya ki tum bhi aish karo” Neha “par sunoge bhi ya bich men hi bologe”
Aditya “haan chalo tum complete kar lo itna kahkar wo aasman men ke
ek tare ki taraf dekhta hai.
Neha “tumhare paas paise hai, aajadi hai…..” achanak se uski aawaj kuchh dhimi ho jati hai.
Aditya us tare ko abhi bhi ghur kar dekhta rahta hai. Uska phone baj utha usne dekha wo pratap ka tha “hello parking men aaja main aa gaya hun”
Aditya ne mudkar neha ki taraf dekha, to wo so chuki thi. Usne dekha ab isko aise hi kaise chhod de, to usne usko utha liya aur apne sath niche lekar aa gaya.
Pratap ne jaise hi aditya ko kisko apne hathon men late huye dekha. Usne pichhe ka darwaja khol diya. Aditya aur pratap ne usko pichhe ki seat par lita diya aur donon ghar aa gaye.
Pratap aankh se hi ishara karte huye “aaha”
Aditya “aisa kuchh nahin hai yaar, terrace par gaya tha, ye kudne wali hi thi to ain waqt par rok diya”
Pratap “bad men ye tumhe apni raam kahani sunate sunate so gayi barabar naa”

Aditya “haan”

Pratap “mujhe pata tha hamara aditya beta bahut sanskar wala hai” itna kahkar uske gal par haath fer kar chum liya.

Aditya “haan yaar mere jaisa sanskari aur guni to tujhe din men hymast lekar dhundhne se bhi nahin milega”

Pratap “bas kar isne sun liya to sach maan baithegi”

Donon ne thahake lagaye. Ghar par aane par aditya ne firse neha ko

uthakar apne donon hathon men lekar guest room men le jaakar sula diya.

Guest rom ki raushani men aditya ne dekha, neha ke teekhe nain naksh, gulabi hoth, makhmali baal aur uski figure. Tab use apne sath ghar le aane ke faisale par garv mahsus hua.

Aditya ne uski dressing ko dekhkar kaha “rebellion child” itna kahkar

uske sandals ko nikal kar jameen par rakha aur usko chadar odha di. Jaise hi usne chaddar upar odhai, neha ne uska hath thaam liya aur us hath ko apne paas khinch rakh liya. Par us ehsas men ek alag hi tha, wo kisi dusare ko rokne ke liye nahin thaa, balki wo hath use us waqt ek bacche ka mahsus hua jo raat ko apni maa ya fir papa ko apne pas rakhna chahta hai.

Aditya ko usi waqt uske andar ki masumiyat dikh gayi. Usne dhire se apna hath chhudaya aur uske mathe par hath fer ke wo bahar nikal aaya.

 

[DirtyBiker]

Update 35

Agale din subah aditya dekhta hai, par neha jaagi nahin thi. To aditya uske sirhane ke paas ke table par kuchh paise rakhkar jata hai, taaki
use ghar jane men aasani ho.
Aditya aur pratap donon ghar se bahar nikal hi rahe the. Aditya “baat kar li?”
Pratap “haan par humen ek temporary office ki jarurat hogi” Aditya “thik hai, kuchh dekhenge”
Pratap “kyun naa kuchh din ke liye ghar ko hi chhota office bana dete
hai”
Aditya “usse accha kuchh dinon ke liye abhiman ke cabin par hi kyun naa kabja kar liya jaaye”
Pratap “thik hai chalo, par uska kya?” Aditya “kaun?”
Pratap “ kal jisko tum lekar aaye the?”
Aditya “jab nind khulegi tab chali jayegi apne ghar” Itna kahkar donon nikal jate hai.
XXX
Kuchh der baad abhiman ke cabin men. Aditya aur pratap andar aate huye hi aditya kah deta hai.
Aditya “yaar kuchh coffee shoffee mangwaao”
Abhiman phone par coffee lane ko kah deta hai. Coffee aane par. Abhiman “haan kya baat hai?” Aditya “aaj se is cabin par hum kabja kar rahe hai”
Abhiman hanste huye “kabja karne ki kya jarurat hai sab tumhara hi to hai”
Aditya “dekh yahi baat humne swami se kaha tha wo to bada raub jhad raha tha”
Abhiman “swami ne tumhare sath bahar ghumkar enjoy kiya hai, ya fir
tumne uske liye shadi ki taiyariyaan kiyi hai” Pratap “ye baat bhi sahi hai”
Aditya “chal shaadi ki bat chhed hi di hai to ek baat karni thi tere se”
Pratap niche se aditya ke pair ko pair marta hai. Abhiman “kya?”
Pratap “kuchh nahin”
Aditya “kuchh nahin kya, dekh abhiman ab apni manisha jawan ho gayi hai, uski shadi karwa deni chahiye”
Abhiman “wo to thik hai, ghar walon ne ek mahine pahale baat chhedi
thi, par usne kuchh kaha hi nahi, na ladka dekhne ko raji hai naa ki kuchh bolne ko”
Aditya “tu bhi naa ek company ka CEO hai par pakka gadha hai”
Abhiman “kya matlab?”
Aditya “ye bata jab koi ladki is men se koi baat ka jawab na de matlab?” Abhiman sir ko khujate huye “par yaar apne ghar ki aisi condition bhi nahin hai jisse uske shadi se ghar kangal ban jaaye”
Aditya “itne saal men kuchh nahin sikha tu, jab tujhse ye baat tere mummy daddy ne kiyi thi tab tune bhi yahi kiya tha na”
Abhiman “haan par meri baat kuchh aur thi, main to pooja se pyaar karta tha”
Ab shanty chha jati hai, kuchh hi der men abhiman ko bina kuchh bole
isse pahale samajh aata hai “yani manisha bhi kisise pyaar kari hai” Aditya sirf haan men sir hilata hai. Abhiman “kaun hai wo?”
Aditya “yahin hai bhai” Abhiman “tu?”
Aditya “ek chamat marunga na tujhe, dekh nahin sakta kya yahan kaun
sharma raha hai” Abhiman “yani pratap”
Aditya “haan aur main tujhse iske liye teri bahan ka hath mangne aaya
hun”
Abhiman “gale mil yaar”
Aditya pratap ko dhakakr dekar abhiman ki araf aage badhate huye “sambhal ke ab ye tere jijaji hai”
Abhiman pratap ke gale milta hai. Aditya “ghar kab aau rishte ki baat karne?”
Abhiman “ruk main aaj ghar baat karta hun aur tujhe batataa hun” Aditya “chal thik hai ab hum yahin kuchh kaam kar lete hai” Abhiman “thik hai”
Aditya “waise hum logonka kaam kuchh jyada nahin rahta jagah par bas humen laptop, white board chahiye, tu disturb to nahin hoga na?” Abhiman “bilkul nahin”
Aditya “fir thik hai”
Aditya board ke paas gaya, aur marker se usne centre men likha perfect SPM.
Aditya “dekh pratap ye hai haamra task aur humen ye paa lena hai, chahe jo bhi kimat ho”
Pratap “haan aasan nahin hai, bahut badi fielding lagani padegi”
Aditya “purane jaamane men yaad hai kile hua karte the, tab unhe jitate kaise the?”
Pratap “simple hai chupake se kile ke andar ghus jaao aur maar kaat karo”
Aditya “aur agar aap andar nahin ja sakte the to?”
Pratap” ek badi si sena le aao, aur chaaro or se gher ke baith jaao, fir andar jane wala anaaj aur aslaah wagaira band karwa do”
Aditya “bas yahi kar do, and this is modern day warefare, what is the

basic need in todays world” Pratap “money”
Aditya “yess you are right”
Pratap “chal thik hai par usse pahale humen pata hona chahiye ki company ki financial condition kaisi hai, kiske kitne dues hai, kiske kitne receivables hai, future orders, expansions if any”
Aditya “bas yahi to hai, ye agar milenge to hi hum koi accha sa plan bana payenge”
Pratap “tune ek baat dekhi”
Aditya “kya?”
Pratap “accounts ka head salve nahin hai ab wahan, par sare juniors wohi hai”
Aditya “salve se baat karni padegi” Pratap “koi jarurat nahin hai”
Itna kahkar wo apna mobile nikal kar kisika phone dial karne lagta hai.
Tabhi abhiman “aditya tum donon business itna intresting tarike se hi karte ho kya hamehsa?”
Ye sunkar donon muskura dete hai.
Aditya “bas bhai kuchh na kuchh karte rahte hai, ab logonko intresting lagta hai bas”
Donon baaten karne lagte hai. Pratap “aditya email dekho, profit loss, balance sheet, party wise ledger sab aa gaya hai”
Aditya “usse puchho humen uske pc men access mil sakta hai kya?”
Pratap “mil sakta hai” Aditya “thik hai”
Aditya “apna laptop laga pure accounting software ki duplicate copy

chahiye humen haamre pc par” Pratap “okay done ho jayega”

Donon un documents ki print out nikal kar study karte hai.

XXX

 

[DirtyBiker]

Update 36

Shaam ko aditya ka mood nahin tha abhiman ke ghar jane ka so donon apne ghar aa jate hai.
Aditya sidhe andar jakar bar counter par baith jata hai.
Ek whisky ki bottle nikalne ke liye hath badhata hai to dekhta hai ki neha abhi tak wahin hai.
Wo whisky ki bottle nikalkar apne liye peg banata hai. Aditya “abhi tak ghar nahin gayi?”
Neha naa men sir hilati hai. Aditya “kyun?”
Neha “jane ka mood nahin ho raha hai”
Aditya sip lete huye “mood nahin ho raha hai” hanste huye kahta hai. Neha “tum kya jaano? Mummy papa ke age kya ho jata hai”
Aditya “mujhe bahut acchi tarah se pata hai, mere papa bahut acche insane the, unse kabhi najare churane ko dil nahin kiya, bhale baad men kitna bhi daant sunaye, par man karta tha unhe sab kuchh sach bata dun, aur wo pahale daant sunate aur fir pyaar se samjhate, khaas kar mummy agar samne ho to dant jarur padti thi, agar akele ho to pyaar se samjhate the”
Neha “the?.. matlab ab kahan hai?” Aditya “5 saal pahale ek car accident” Neha “oh sorry”
Ek minute chuppi si chaayi rahti hai, tabhi pratap aawaj deta hai “abe diner table par aa jaao”
Neha aditya ka hath thaamkar kahti hai “tum kaafi miss karte hoge na unhe”
Aditya “bahut, akele men aksar mujhe wo hi yaad aate hai, jab kabhi bhi
main koi galti karne jaau mujhe pahale unki diyi hui sikh yaad aati hai, jab bhi kisi pareshani men fans jaau ye sochta hun, ki wo agar yahan hote to kya karte”
Neha “you are a great man”
Aditya “chal ab butter na laga khana khaa le”
Jaise hi wo aditya ke samne se jaati hai. Aditya ko mahsus hota hai usne daru pee rakhi hai.
Aditya bhi nikal jata hai. Dinner karne ke liye…
Dinner ho jane ke baad neha ko aditya itni raat hone ke wajah se jaao bhi nahin kah sakta tha aur naa hi kuchh aur. Use to bas ise aaj raat bhi sambhalna tha. Usne tay kar liya tha subah office jate huye wo use khud uske ghar drop karke aayega.
Aditya aur pratap hath men peg liye kuchh baat kar rahe the, tabhi wahan neha aati hai.
Pratap ke kandhe par hath rakhkar “hi he man”
Pratap to fulltoo flirt ke mood men tha shayad “hello sexy” Neha “so whats up?”
Pratap “nothing much, hamara pahala hi round chal raha hai” Neha “ek mere liye bhi”
Aditya “yahan whisky, rum ya fir scotch rahegi”
Pratap “ek bottle vodka hai”
Aditya “thik hai pila de, par sambhal ke kahin tujhe floor saaf karna na pad jaaye”
Neha aditya ki taraf dekhte huye “main aisi bhi nahin hun haan” Aditya “to paidaishi bewadi ho kya?”
Pratap aditya ki baat ko sunkar hans deta hai aur use ek peg deta hai.
Neha “tum kitne ache ho par tumhara ye dost mujhse thik se baat kyu nahin karta”
Pratap “ignore kar ignore kar, jisne apni jaan bachayi ho, uski kuchh
baton ko ignore karna chahiye” Neha “thik hai par kuchh to bolo”
Aditya tab tak remote lekar tv on karke kai channels par kya hai dekh
raha tha.
Aditya “kyun naa tum wahan pada mera mobile lo aur apne mummy papa ko tum kahan ho ye bata do aur kal raat ke night out men kya karne ki koshish kiyi thi ye bhi bata do”
Neha “unhe meri koi parwaah nahin hai, aur naa hi mujhe unki” Aditya “dhany hai aise ma baap aur dhany hai aisi beti”
Neha gusse men aate huye “ae mere mummy papa ke bare men kuchh mat bolna”
Aditya “are main to unki stuti bhi nahin kar sakta itna unka uncha kad
hai”
Pratap is baat par hans padta hai.
Neha chup ho jati hai. Kuchh der pratap aur neha baaten karte rahte hai. Aditya “pratap”
Pratap “hmmm”
Aditya “tera night call kyu nahin aaya abhi tak?” Pratap “kyunki mera mobile bed room men hai”
Aditya “jaa jakar manisha ke kitne miss calls aaye honge dekh”

Pratap ko jaise achanak se yaad aata hai. Pratap “haan be aaj to khair nahin hai fir to meri, puri class ho jani hai ek hi din men”
Aditya “best of luck”
Pratap ke jane ke baad neha aditya ki taraf dekhti hai. Aditya bathkar apni drink ko pee raha tha.
Neha “tum kaafi jyada drink karte ho”
Aditya “tu khud to hai pakki bewadi aur mujhe ye bata rahi hai” Neha “main nahin peeti”
Aditya “kal raat ko to bahut jordar pee rakhi thi, jaan dene par utaru ho
gayi thi aur baad men nashe ki wajah se so gayi”
Neha “kal raat se pahale maine kabhi sharab nahin piyi”
Aditya “firbhi aaj pini chahi, acche ghar ki ladkiyaan sharab nahin piti” Neha “wo to bas yunhi, isse accha laga..”
Aditya ne rokkar kaha “na koi fikar, na kisiki parwaah.. right?” Neha “right”
Aditya “totally wrong… sabhi ko sharab pahale aise hi pakadti hai” Neha “what’s your reason?”
Aditya “I think kaafi raat ho gayi hai tumhe so jana chahiye”
Neha “tum logonko hamesha isi tarah apne se dur hi bhagate rahte ho, kabhi unko kuchh batate nahin ho”
Aditya “tumhe sunanaa hai.. to suno, mujhe raatonko nind nahin aati” Neha “kyun?”
Aditya “jindagi men kuchh kaali raaten aayi thi, uske baad aankhon se
nind ud gayi hai”
Neha “you need a psychetrist”
Aditya “tumhe kisine kabhi ye nahin bataya hai ki tumhe dusaron ke

maamlon men taang adani nahin chahiye”
Neha “at least jisne meri jaan bachayi hai uske liye to sahi”
Aditya kuchh bolta nahin hai, chup hi rahta hai. Neha “tum kuchh acchi ghar ki ladkiyon ke baren men bol rahe the? Kya ?”
Aditya “acche ghar ki ladkiyan sharab nahin piti” Neha “aur?”
Aditya “yun kisi ajnabi ke ghar par raaton ko nahin rukti, aur aise kapde bhi nahin pahnati”
Neha “bura kya hai in kapadon men?”
Aditya “acchi baat bata do”
Neha “to acchi ladkiyan kaise kapde pahanti ho”
Aditya “kabhi bahar najare kholkar dekho koi achhi ladki dikhe to dekh lena usne kaise kapde pahane hai”
Neha “tum bahut acche insane ho…. Laakhon men ek”
Aditya “mujhe apni taarif sunanaa pasand nahin hai, main to apne khilaf ki aawaj hi sunanaa pasand karta hun”
Neha “well then you are a great fighter” Aditya “ab so jaao”
Neha “hua kya?”
Aditya “raat bahut ho gayi hai main bhi sone ja raha hun, aur subah jaldi uthna tumhe tumhare ghar drop karunga”
Neha “kyun?”
Aditya “kaha naa so jaao, kal subah tumhare mumm daddy se baat karunga main”
Neha “are maine tumhara kya bigada hai jot um mere mummy papa se milna chahte ho, mujhe yakin hai tum jis tarah se mere sath abhi baat

kar rahe the, mummy papa to tumhare jane ke baad mujhe ghar men band hi kar denge”

Aditya “that is your problem not mine, well good night”…