Romance Uff! Ye Mohabbat ! (completed)

[vmvish]

Update 22​

Aniket- saari bato me agar ache se gaur kiya jaye to yahi lagta hai ke tujhe bhi usse pyaar hua hai re bangdu

Avi aniket ki baat sunkar muskuraya kyuki kahi na kahi use bhi aniket ki baat sahi lag rahi thi par ab bhi dimag puri tarah se is baat ko manne ko tayar nahi tha..

Ab beer dheere dheere apna asar dikhane lagi thi aur aniket avi ko uksate huye bola

Aniket- oye, harami aadmi, bol na kuch, mere ko malum hai tu bhi pyaar karne laga hai usse bol de ab

Aniket ki nautanki dekh ke avi hasne laga aur use aise hasta hua dekh ke aniket ne sidha uth ke nachna shuru kar diya

Aniket- aayyyy gajab… hasa to samjho fasa.. aaj mere yaar ki shadi hai…. :dance:

Aniket jor se chillane laga

Aniket- A avi ko pyaar ho gaya reeee….

Aniket ki aisi nautanki dekh ke avi ki hasi nahi ruk rahi thi aur aniket ne use hath pakad ke uthaya aur nachne laga aur nachte nachte hi aniket ne avi ko gale laga liya… aniket itna khush tha ke uski aankhe bhar aayi thi aur wo thodi kampti awaj me bola

Aniket- Avi aaj bahut khush hu mai..

Avi ko kuch sujh nahi raha tha kyuki aniket ko itna khush to usne uski shadi ke time bhi nahi dekha tha aur aniket ka nachna ruk hi nahi raha tha aur jab bagair music ke nachte nachte dono thak gaye to dhadam se niche baithe..

Avi ki aankho ke samne sanjana ka chehra ghum raha tha, aaj use bhi ye ehsas ho gaya tha ke wo sanjana se pyaar karne laga tha, wo man hi man use yaad kar raha ha aur aniket nachne ke baad apni saas kabu karne me laga hua tha aur fir uska dhyan avi ki or gaya, avi apne ki khayalo me klhoya hua tha, kuch samay dono me se koi kuch nahi bola aurt fir achanak aniket jor se chillaya

Aniket- hhaaaddddd !!

Avi ekdun chauka

Avi- kya hua be

Aniket- nahi kuch nahi, wo kuch samay pehle ek kutta kuch pyaar wagair nahi karke bol raha tha to bas usko bhaga raha tha

Aniket ki baat pe dono hasne lage aur aniket avi ke kandhe ko pakad ke hilate huye bola

Aniket- ab to bol bhai, jo bhi man me jama karke rakha hai nikal de bahar, apne ander ka lava fat ke bahar aan de..

Avi muskuraya, beer ab apna pratap dikha rahi thi, aur dheere dheere sanyam me bandh toot rahe the.. aniket ne khushi ne avi ko hila diya tha aur ab use aisa lag raha tha ke sab bhul jaye.. aniket to uski jaan tha aur use usne itna khush kar diya tha yahi feeling avi ke liye anmol thi… ab kuch bhi ho jaye wo is khushi ko najar nahi lagne dena chahta tha..

Aniket ne aaj avi ke man ke sare confusion door kar diye the aur use ab samajh aa gaya tha ke aur kitne dino tak wo aise hi apna dukh samete rahega, uski ek ha se jab aniket itna khush hai to komal kitni khush hogi.. to ab faltu me jidd karke avi unki khushi kam nahi karna chahta tha aur sabse badi baat use bhi khush hone ka pyaar karne ka adhikar tha, aur jab uski ek ha se aniket khush komal khush to sanjana ka kya hoga ? uski baat bhi to sahi thi, mujhe mera pyaar nahi mila iska matlab ye nahi ke mai kisi ya pyaar usse chin lu waise bhi wo kahawat hai don’t marry a girl whom you love, marry a girl who loves you aur avi man hi man sanjana ko yaad karne laga aur bola

Avi- ha, mujhe pasand hai sanjana, bahut sunder hai re wo, sach bolu to pehli baar usko dekh ke hi dil ke taar jhanjhana gaye the par fir uski aur wo rahul ki harkate , wo sath hoti hai to aisa lagta hai aasman me hu, uske chehre ko ghanto dekhne ki icha hota hai, kitni niragas hai wo aur sabse jyada pasand hai mujhe uski aankhe, mrugnayani. Aisa lagta hai dub jau un aankho me.. chafe ke phool jaisi naak.. gulab ki pankhudiyo se najuk hoth, uske baat karne samay jab uske balo ki lat uske chehre par aati hai na to uski khubsuri bayan nahi ki ja sakti… ha thodi maa baap ke laad pyar me bigdi huyi hai par dil ki achi hai, wo sath na ho to kuch acha nahi lagta hamesha uska chehra aankho ke samne ghumta hai aur wo bolne lagi lagta hai kisi ne sitar ke sur chhed diye ho, wo ek baar dear boli thi kya mast feeling aaya tha wo time.. bahut najuk hai wo par jab khud ke taraf dekhta hu to aisa lagta hai ke mere jaisa fatichar kya sachme uske layak hai ? wo itne laad pyaar me pali badi hai uske meri jhopdi me kaise lau, mere pyaar ke khatir wo aa bhi jayegi par fir mujhe hi use aise dekh ke bura lagega… meko bata apni eklauti beti ka hath inspector patil aise mere hath me de dega kya.. hum dono me bahut fark hai bhai.. wo resham ki dor aur mai nariyal ki rassi.. hamra mel ho bhi to kaise, teko lagta utna sab easy nahi hai anya..

Aviket ne ek lambi saas chhodi aur bola

Aniket- kuch mushkil nahi hai lodu, tu jyada sochta hai isiliye teko mushkil lag raha hai, meko bata tu kya kal ke kal jake shadi karega kya ? tu aaj ke halat dekh ke soch raha hai par kalko bhio yahi paristithi rahegi hi aisa nahi hai.. tu padh raha hai, padhai puri karke teko job karni hai sanjana bhi padhi likhi hai wo kya tere ye gothe me rahegi wo bhi kuch na kuch karegi air aisa bhi to ho sakta hai future me halat ekdum alag ho, paisa sab kuch nahi hai, ha mai manya karta hu ke ghar chalane ke liye paisa lagta hai par agar paisa hi sab hota to amir logo ke kabhi talak nahi hote.. paisa thoda kam ho chalega par agar pyaar hi na ho to aise chalega.. aane wala samay uncertain hai to uske liye tu aaj aane wali khushiyo se kyu muh chipa raha hai..khush rehne ka haq teko bhi hai, ab yash ko dekh, wo pyaar me gira bhi aur fir uthke khada hua bhi aur apna career bhi banaya.. aisa kar ke jab ache se settle hoga tab shadi kariyo par abhi to sanjana ko na mat bol aur mujhe terepe pura yakin hai tu kuch na kuch karega hi aur hum to tere sath hai hi.. bhai hai tu apna aise beech me thodi chhodunga teko…

Avi ab sochne laga.. aniket ki baat me point tha.. dil raji ho gaya tha par dimag nahi maan raha tha

Avi- matlab abhi ek saal aur padhai fir naukri..itna time rukegi wo ?

Aniket- kyu nahi rukegi, pyaar karti hai to jarur rukegi..

Avi- aur uske ghar wale

Aniket ne apne sar par hath maar liya

Aniket- abe bsdk wo sanjana ka problem hai wo dekh legi ye bhi baat tu hi dekhega kya lodu ?

Dono hasne lage aur aniket firki lete huye bola

Aniket- ho gaya ab tera confusion dur ke ab bacche kitne paida karne hai unki padhai ka kaisa karega beti huyi to uski padhai shadi ka kaise karega ye bhi abhich soch le..

Avi- o bhai itna kuch nahi hai abhi

Aniket- nahi nahi ab sab soch hi raha to ye bhi soch le le judwa paisa huye to kya karega

Avi- anya hath jode bhai tere aage bas kar de ab..

Aniket- ha ha theek hai ab aage ka kya ?

Avi- aage kya ?

Aniket- abe tu aadmi hai ke pajama.. abhi puri filam ban gayi idhar aur ab tu uski story puch raha abe sanjana ko kab batayega apni feelings

Avi- merese jyada utawala to tu hai.. bahut jaldi hai kya teko meri vaat lagane ki

Aniket- hao..meri vaat lag chuki hai to tu aise sukh me dekha nahi ja raha merese

Avi- bata dunga bhai par pehle confirm tokar lu sanjana sach me pyaar karti hai ya bas ye ek gubbara hai kyuki agar usne kalti maar di to uska baap pata nahi kaha kaha kaise kaise marega

Aniket- beta agar aisa hua to apni jaan pehchan khatam samajh liyo, mai is baar maar nahi khaunga

Avi-shabass to kya bas shadi ki mithai khane aayega..

Aniket- nahi waisa nahi hai..tune maan liya ke tu bhi use chahta hai yahi bas hai apne liye aur iske aage tu ye kar wo kar mai aisa force bhi nahi karunga.. pyaar me ek baar chot kha chuka hai tu ab sahise jaach ne ke baad hi kadam uthaiyo

Avi- ye huyi na baat…

Aur dono wahi tekdi par baate karte baithe….

Ye sari kahaniyo ke sare mamle tekdi pe ja ke daru peene se hi sulajh jate hai !!

 

[vmvish]

Update 23​

Aniket aur avi bahut samay tak tekdi par baithe baate karte rahe, purani yaade taja karte rahe, aaj bahut dino baad tekdi par jane ka muhurat nikla tha aur fir dono ghar ke liye nikal pade, avi aniket ko uske ghar chhodne ke baad apne ghar jane wala tha aur ghar ke paas aate hi aniket bola

Aniket- avya bahut der ho gayi be aaj..

Avi- ha be chal mai bhi chalta hu

Avi ki baat sunkar aniket hath hilate huye bola

Aniket- aise kaise jayega be tu.. itna time ho gaya hai hamara pehalwan gusse me hoga ab to.. aur tu sale shanti se kat lega

Avi- ha to mai kya karu isme

Aniket- kya karu :shoced: kya karu ? bsdk sharam nahi aati us sherni ke muh me meko akele ko bhejte huye.. wo kuch nahi tu bhi chalega ander, khana khayenge sath me aur yahi rukega tu subah chale jaiyo ghar bas final ho gaya ye, mai tere ghar pe bata dunga ke tu yahi ruk raha hai

Avi- bol to aise raha jaise bhabhi kha jayegi teko

Aniket- abe sirf khayegi nahi, pehle talegi fir masala chidak ke khayegi aur baad me dakar bhi nahi maregi..

Avi- ti itna darta hai kya bc komal bhabhi se

Aniket- komal ? abe meko to ab kabhi kabhi lagta hai ke iske baap ko yani mere sasur ko jake puchu ke ye itne khatarnak item ka naam komal kya soch ke rakha tha, aur saas ko puchunga ke pregenency ke time ya sirf mirchi khayi thi kya jo aisi jwala paida huyi ..

Avi- kuch bhi bolta hai bc tu.. ha manta hu wo thodi kadak hai par bsdk pyar bhi to karti hai tere se..

Aniket- malum hai re.. wo sach me thode hi itna kuch karegi par ek baad batau, wo gusse me na aur bhi jyada khubsurat dikhti hai bas isiliye chidhate rehta hu usko, sara ghar sambhal liya hai bhai usne, maa ko jara koi kaam karne nahi deti aur bapu ko bhi bola hai ke jyada kaam nahi karne ka aur mere ko kaam pe laga diya bhai

Avi- sahi hai

Aniket- mera naseeb hai bhai ke komal mili hai mujhe..

Aniket pure man se bol raha tha aur avi bhi pure man se uski baat sun raha tha

Avi- ab tu mere ko batayega kya teri lovestory apun tun dono ko ache se jaanta hai

Aniket- isiliye to bata raha bhai bahut danger hai wo, sabke samne badi savitri banii rehti hai par akela milne pe hath chalane me bhi idhar udhar nahi sochti..

Avi- hatt be, feke mat ab

Inki ye uljulool baate shuru hi thi ke tabhi ek jordar awaj waha aayi, narayanrao rane balcony me khade inko dekh rahe the

Narayanrao- oye jai viru, ab ghar me aaoge ke darwaja laga du fir baitho raat bhar baahar hi apni baate karte huye

Narayanrao ka awaj sunte hi dono chup huye aur aniket dheere se bola

Aniket- chya aaila aaj to bapu bhi jaag rahe hai ab to beta teko ander chalna hi padega nahi to mera bachna mushkil hai tu dhal hai aaj meri samjha

Dono khud ko wo normal hai aisa batate huye ghar me ghuse, narayanrao avi ko dekhte hi usse milne aaye

Narayanrao- aur avi kaisa hai bete, kya chal raha hai ?

Ab avi kuch bolta isse pehle hi aniket dheere se bola

Aniket- tumhare liye ek aur bahu lane ka vichar chal raha hai

Aur avi ne aniket ko kohni maar ke chup karaya aur bola

Avi- kuch nahi kaka sab theek ekdum, pehla saal khatam hote aaya hai, agle saal masters degree aur fir job

Narayanrao- badhiya hai, aur baki sab theek na ?

Avi- ha ha ekdum majeme

Narayanrao- mujhe aaya tha inspector patil ka phone, bata rahe the thodi galat fehmi ho gayi thi par tune sab sambhal liya..

Avi- arey kaka college ki baate college tak hi rahe to sahi hai aur waise bhi un logo ko rusticate kar dete to unka bhi to nuksan hota na

Narayanrao- sahi hai, ab to kuch problem nahi na ? koi bhi dikkat ho to bata dena aur na patil bahut tarif kar rahatha teri, bole bahut samajhdar hai tu itna sab hone ke baad bhi ek shabd nahi nikala, acha hai ab jao jaldi se khana khao, time bahut ho gaya hai

Itna bol ke narayanrao apne room me chale gaye aur unke jate hi aniket bola

Aniket- kya baat hai avi seth ladkike pehle uske baap ko pata liya, gajab

Avi- bsdk chup karega thodi der aur muh band rakh apna, kya bol raha tha be kaka ke samne bahu lane ke bare me

Aniket- machal re, wo jane de meri phulan devi kidhar dikh nahi rahi

Fir idhar udhar dekh ke aniket ko awaj lagayi

Aniket- arey o phulan, shayad kitchen me hogi, phulan.

Itne me komal baahar aayi aur kamar par hath rakh ke boli

Komal- kya ?

Aniket kaha kya..

Komal- ye phulan kya hai ?

Aniket- phulan ? kaun bola phulan itni khubsurat biwi ko koi daku phulan devi bolega kya, tumhare kaan baj rahe honge, mai to komal hi bola :relievd:

Komal- jitne bhole bante ho aap tutne ho nahi, mai jaanti huache se aur ab chup chap hath muh dho ke dining table par aao mai khana lagati hu

Komal ki baat sun ke aniket bathroom ki taraf bhaga aur usne aise bhagte dekh avi jor jor se hasne laga to ab komal ka rukh uski taraf hua

Komal- tujhe alag se bolna padega kya

Avi bhi bathroom ki taraf chala gaya,

Kuch samay baad teeno khane ke table par the par koi kuch bol nahi raha tha aur akhir me komal ko hasi aa gayi aur usko haste huye dekh ke aniket bhi mood me aa gaya

Aniket- haayy! Teko haste huye dekh ke baar baar pyaar ho jata hai tere se

Aniket ki baat sun ke komal ne avi ko dekha aur boli

Komal- jise pyaar hona chahiye use top kuch ho nahi raha aur tumko dekho..

Aniket- arey kaun bola mere yaar ko pyaar nahi hua hai…

Komal ne aniket ko beech me rokte huye aankho ke ishare se pucha ke kya hua to aniket ne bhi baithe baithe hi apne hath upar karke nachne laga aur komal mano uska ishara samajh gayi thi wo bhi ekdum khush huyi aur boli

Komal- avi… sach ?

Avi kuch nahi bola bas usne ha me gardan hila di aur fir kya komal bas seeti bajane ki wali thi ke avi un dono ko shant karte huye bola

Avi- ruko be dono chup baitho, tumhara awaj sun ke kaka kaku aa jayenge abhi kya hua puchne

Komal- aane de, khushi ki baat hai aur unhe bhi to pata chalna chahiye na, wo bhi khush honge

Avi ne apne sar pe hath maar liya

Avi- sala mere se kyada utawale to tum dono ho

Fir komal avi ki maja lete huye boli

Komal- fir ? aage kya

Avi- kuch nahi

Komal- tu bhi waisa aur tera dost bhi, dono duffer, arey pyaar karte ho to bindass bolne ka na

Avi komal ke aage hath jodte huye bola

Avi- ha meri maa bata dunga usko jald hi, khush

Komal- wo to theek hai par bolega kya usko hame bhi to pata chale

Avi- anya ne jab propose kiya tha tab hum the kya waha

Komal- isi me itni himmat nahi thi tumme kaha se hoti, maine thodi mana kiya tha

Avi- ka wo to kaisa bhandara tha na ki akkhe gaon ko leke aate

Komal- arey tu bata na kab karega sanjana ko propose

Avi khurchi par se uthte huye bola

Avi- abhi jau kya ?

Aniket ne uska hath pakad ke usko bithaya aur bola

Aniket- o bhai maine beer pike propose kiya tha tujhe wo time bataya nahi tha ba batata hu tab ye kammo ne aise kaan ke niche bajayi thi ke do din tak kaan sunn tha mera, aaj bhi yaad karke kuuuiiiii aisa awaj kaan me gunjta hai

Avi ne yahi point pakda aur baat badalne laga

Avi- kya baat kar raha bhai, direct kaan ke niche

Aur fir aniket shuru ho gaya aur wo baat batane laga tab komal ne use rokte huye kaha

Komal- Mr. Rane ruko jara hamesha kya beech beech me apni baat shuru kar dete ho, yaha baat hamari nahi avi ki ho rahi hai, tu bata avi kab karega sanjana ko propose

Avi bhi apne parichit gambhir awaj me bola

Avi- sahi samay aane par kar dunga propose…..

Wah Ji Wah

Akhirkaar Avi maan hi gaya hai Sanjana ko propose karne ko...

 

[vmvish]

Update 24​

Agle din avi wapis aane ke liye nikal gaya, safar me uska man bus se jyada gati se bhag raha tha waise dekha jaye to wo bas do din sanjana se dur tha par aisa lag raha tha mano bahut samay beet gaya ho use dekhe aur aaj wapis sanajan se mulakat hoti bas isi khayal se uska man jhum raha tha, wo man hi man sanjana ko yaad kar raha tha aur khush ho raha tha aur ab to use ye safar bada lamba lagne laga tha..

Pichle char paanch dino me uski jindagi me bhari utar chadhav aaye the, pehle komal fir aniket, do din pehle tak to wo ye manne ko bhi tayar nahi tha ke wo sanjana se pyaar karne laga hai aur ab usse milne ke liye bechain ho raha tha, komal aur aniket ne uska sara confusion dur kar diya tha, tekdi ki daru aur aniket ke ghar ka scene yaad karke wo muskura raha tha, in do dino me sanjana ne bhi use koi phone nahi kiya tha kyuki use bhi pata tha ke avi bahut dino baad apne ghar gaya hai aur use thoda space dena chahiye..

Avi apne ki khayalo me khoya hua tha par itni baat saaf thi ke jaisa aniket ke sath uska discussion hua tha wo har chiz ko parakh ke aage ka decision lene wala tha, wo pehle ye confirm karke dekhna chahta tha ke sanjana sach me usse pyaar karti hai ya ye bas ek attarction hai, waise to use bhi samajh nahi aaya tha ke use kaise maan liya tha ke wo bhi sanjana ko chahta hai, ye ek alag hi feeling thi, ek taraf to use ye bhi lag raha tha ke kah komal ka naam samne na aaye isliye to usne sanjana ke pyaar ko accept nahi kiya tha na ?

Waise ye bata bhi nakari nahi ja sakti thi, use khud samajh nahi aaya tha ke komal ka naam chupate chupate wo kab apna pyaar kabul kar baitha aur bahut sochne ke baad usne decide kiya ke abhi filhal shant rehna hi sahi hai

Avi shahar pahuch ke sidha college pahucha aur canteen me gayaaur waha sanjana ki raah dekhne laga, man to kar raha tha ke ek call kar le par fir baad me usne socha ke sanjana ko surprise de par wo ab tak aayi nahi thi, aur jaise jaise samay beet raha tha avi ka man vyakul ho raha tha aur fir achanak use apne aap par hi hasi aayi, wo is waqt itna nervous tha mano sanjana se pehli baar mil raha ho.. waise ye bhi sahi tha, ab tak wo dost ban ke usse milta tha par aajbaat alag thi aaj ek premi apni premika ki raah dekh raha tha,premika ki ek jhalak dekhne ko aatur tha, ek ek second mushkil se beet raha tha aur bechain hote huye avi ekdun se utha aur sanjana ke class ki or ek round laga ke aaya, shayad wo direct class me na chal gayi ho par wo waha bhi nahi thi, fir avi ko laga ke shayadwo library me hogi to wo bhag ke library ki taraf gaya par sanjana waha bhi nahi thi

Avi thoda naraj hote huye bhari kadmo se wapis canteen me aaya aur canteen ke gate par pahuchte hi wo ruka, saamne sanajan baithi huyi thi, thodi si udas aur apne hi khayalo me gum, ek pal ko avi ko laga ke sab bhul jaye, saara gyan saari baate bhut bhavishya sab aur jake samjana kogale laga le par ye bas ek khayal hi tha, hum kayi baar aisi najane kitni baate kar lete hai jo karna nahi chahte par wo nahi kar pate jise karne ki hamari prabal icha hoti hai, avi ke sath bhi aisa hi hua aur wo wahi ruk me sanjana ko dekhne laga

Sanjana ka is or jara bhi dhyan nahi tha, kaise rahega avi uska sukh chain apne sath ho le gaya tha, wo yaha nahi tha to sanjana ka kisi chiz me dhyan nahi lag raha tha, uski bahut icha ho rahi thi ke avi ko call kare usse baat kare par usne apne aap ko samjha liya tha, use ache se pata tha ke komal ne bahut thode samay me jaise uske dimag ne ujala kiya tha waise hi ab aniket aur komal mil ke avi ko aaisa jarur dikhayenge par kya hoga agar avi sach me usse pyaar na karta hoga to? Ye khayal dimag ne aata hi sanjana ka chehra utar gaya, use ye bhi pata tha ke aise kisi se jabardasti pyaar nahi karaya ja sakta

Sanjana ne ek lambi saas chhodi aur khud ko samjhane lagi, haay ye kismat, dil bhi aise insan par aaya jo kabhi uske man me kya chal raha hai pata nahi chalne deta.. aur man me gaana bajne laga

‘bairi piya…bada bedardi… dilka dard na jane saudai harjai zulmi..raamduhai…’

Gaana rto sanjana ne pehle bhi kayi baar suna tha par gaane ka matlab aaj samajh aa raha tha… wo kehte hai na hum khush hote hai tab sangeet sunayi deta hai aur dard me gaane ke bol samajh aate hai..

Aur akhir me sanjana ne avi ko call lagane ka socha..

Sanjana- hi avi.. kaise ho

Idhar avi ko bhi masti sujhi

Avi- mai ekdum mast tum batao phone kaise kar liya..koi khas baat

Sanjana- nahi khas to kuch nahi hai bas tumhari yaad aa rahi thi, tum waha gaye aur waha ke hi ho gaye… sahi hai jab bachpan ke dost mil jaye to hamari yaad kyu aayegi

Avi apni hasi control karte huye bola

Avi- aisa kuch nahi hai tumko to pata hai apne dost apni jaan hai, dosto ke liye mai kuch bhi kar sakta hu

Sanjana- acha ji aisa kya kya ? To fir mai aati hu kya us category me fir

Avi- arey ye bhi koi puchne ki baat hai kya, dost to tum bhi ho ek bhi khas wali

Sanjana- tum hamesha aisa hi karte ho, jara gussa nahi karne dene uske pehle hi mana lete ho..

Avi- aisa bhi hota hai kya par tum gussa thi kya

Sanjana- jaise tumhe to kuch pata hi nahi hai

Sanjana jhutha gussa dikhate huye boli aur avi bhi bhola bante huye aage bola

Avi- na, apne ko kuch nahi pata bata na kyu thi gussa

Sanjana- kucch nahi hamare building ka watchman has ke line maar raha tha mere pe isiliye gussa thi

Avi- aisa hai kya, fir tune bhi badle me aankh maar deni chahiye the hisab barabar ho jata

Sanjana- tum aao yaha patthar se swagat karti hi ache se

Avi- fir nahi aa raha mai

Sanjana- aisa mat bol na yaar avi jaldi aaja na bahut bore ho raha yaha

Avi- na, tu patthar maregi

Sanjana- nahi marungi jaldi aajao bas

Avi- pakka ?

Sanjana- ekdum pakka promise tu jaldi aaja bas

Avi- aisa hai to fir abhi adhe minute me aaya maj waha

Sanjana- saachh

Avi- arey ekdum...

Aur avi ekdum se sanjana ke saamne jake khada ho gaya.

Avi- dhantadannnn....

Sanjana ko apni aankho pae yakeen nahi ho raha tha wo bahut jyada khush ho gayi aur utsah se khadi huyi par agle hi pal uske dhyan me aa gaya ke avi ye pure samay yahi tha aur uski firki le raha tha aur ye baat dimag me strike hote hi sanjana ne ek mukka ghuma ke avi ne pet me mara

Sanjana- mere sath bhankas

Avi bhi apna pet pakad ke niche baitha aur bola

Avi- kya dusht hai be tu, nahi maregi aisa bola tha na

Sanjana- ha to patthar nahi marungi bola tha mukka maarne ke bare me koi baat hi nahi ki thi

Avi- ye sahi hai, dur raho to jaldo aao aur aagaya to direct maar peet

Sanjana- direct kaha aaye ho tum, ye to tumne phone par abhi nautanki ki hai na ye uska prasad hai

Sanjana ki baat sunkar dono hasne lage

Bas ek pal hi kafi hota hai sari mataji sari bechaini dur karne ke liye sirf koi apna banda apne paas chahiye

Sanjana- aniket aur komal kaise hai, kya bole wo

Avi- wo dono hamesha majeme hi hote hai bahut maja kiya humne do din, kafi samay baad jo mile the..

Sanjana- aniket mujhse naraj to nahi hai na maine usss jhuth bola tha isliye

Avi- arey anya hai wo, aisi chhoti chhoti baato ki taraf to wo dekhte bhi nahi Uske bare me sochna to dur ki baat hai

Sanjana- Thank God, par kuch bhi bolo wo dono hai ek number ke awli mujhe bade pasand aaye dono

Avi- aur mai ?

Sanjana- tum to meri jaan ho sweetheart bas tumhe hi meri kadar nahi hai..

Sanjana ke muh se sweetheart sunte hi avi ke man me guitar bajne lagi thi fir bhi dil ki baat dil me hi rakhte huye wo bola

Avi- aisa kuch nahi hai tumhari kadar hai isiliye to bhagye huye bas tumse milne pahucha hu

Aur sanjana avi ki aankho me dekhte huye boli

Sanjana- sach ?........

Sanjana se milne ko dauda aya hai Avi !!

Next lagta hai ke propose hone hi wala hai !!!!

 

[vmvish]

Update 25​

Sanjana- tu to jaan hai meri sweetheart bas tujhe hi kadar nahi hai meri..

Sanjana ke aisa bolne par avi bola

Avi- aisa kuch nahi hai, teri kadar hai isiliye bhag kar aaya hu tumse milne ko

Sanjana bhi avi ki aankho me aankhe daalte huye boli

Sanjana- sach ?

Avi- ekdum sach

Ab sanjana bhi thoda maja lete huye boli

Sanjana- itna bhag ke aane ke liye aisa kya tha yaha..

Avi-tum to ho..

Sanjana- acha, aur mujhpar itni meharbani kyu..

Avi- kyuki tu dost hai meri..

Bas avi ke muh se dost sunte hi sanjana ne apne sar par hath maar liya

Sanjana- hey bhagwan! Ye kya mand buddhi bana ke bheja hai tumne, mujhme hi akal nahi thi wo mai isse pyaar kar baithi..

Avi sanjana ka frustration dekh raha tha par kuch bol nahi raha tha aur ab sanjana chidh gayi

Sanjana- bas tum yahi karo yaha baith ke haste raho bas aur fir hoga ye keek na ek din mereghar wale mere liye koi ladka dekh lenge aur fir mai uske sath chali jaungi waise bhi maa ne to warning di hi thi ke padhai khatam hote hi mera band bajwa degi..

Avi ekdum serious ho gaya aur thode bhari awaj me bola

Avi- shadi karke jane se pehle mera ek kaam karogi ?

Sanjana ko ashcharya hua, wo boli

Sanjana- kaisa kaam ?

Avi- meko bata teri shadi me veg khana rahega ke non veg ?

Aur avi ke itna puchte hi sanjana ke utsah par pani fir gaya aur wo chidh kar boli

Sanjana- tumko kya karna hai

Avi- wo kaam aisa tha ke agar khana nonveg hua to us catering wale se meri pehchan kara dena bas.. jindagi bahut khubsurat hai bas catering wala pehchan ka chahiye.. kya khane me dikkat nahi hogi fir

Itna bol ke avi jor jor se hasne laga aur sanjana bhadakne lagi aur avi ke hath par jor se maarte huye boli

Sanjana- mand buddhi kahi ka, sharam aati hai kuch, mujhe yaha meri life ka tension hai aur tumko nonveg ki padi hai.. jake kisi restaurant ke malik ke beti se shadi karna fir aur ache se nonveg khana

Avi- oye sanjana sun na

Sanjana- mujhe nahi sunna kuch bhi jake apni non veg wali ko sunana

Sanjana ne gusse se apna muh dusri taraf kar liya aur dusri taraf dekhne lagi aur avi usko samjhate huye bola

Avi- sanjuu… oye sanju, le kaan pakadta hu, sorry mai to bas majak kar raha tha..

Par sanjana to sanjana thi wo kaha gusse me kisi ki baat sunti thi

Sanjana- khadde me gaya tumhara sorry mujhe nahi karni tumse baat

Avi- bas thodi si bata kar le

Sanjana- ek shabd ki bhi baat nahi karni hai tumse, tumne dil dukhaya hai mera, mai hi pagal thi jo patthar par apna sar patak ne chali aayi

Avi- sanju sorry bola na, chahiye to patthar bhi la deta hu maar de mere sar me

Sanjana- nahi uski koi jarurat nahi hai, waise bhi mai hoti kaun hu tumhe kuch bolne wali

Avi- arey kuch bhi kya sanjana, dost hai tu meri

Ab tak sanjana bas thode gusse me thi aur ab wapis dist sunkar wo ekdum aagbabula ho gayi

Sanjana- mujhe nahi banna tumhari dost, pareshan ho gayi hu mai dost dost dost, tum samajhte kyu nahi pyaar karti hu mai tumse

Avi kuch nahi bola aur isse sanjana aur bhadak gayi aur uth kar khadi huyi

Sanjana- tum aise hi baithe raho, bura to lag raha hai mujhe par ab aur koi upay nahi hai isiliye keh rahi hu, hamare beech jo bhi tha sab khatam

Avi par mano bijli giri ho, wo sanjana ko samjhate huye bola

Avi- kya..? niche baitho pehle aur ye kya laga rakha hai, kaha ki baat kaha leke ja rahi ho, kya bachpana hai ye

Sanjana ko kya hua pata nahi par wo kuch sunne ko tayar hi nahi thi

Sanjana- bas ho gaya ab, tum mujhe batao tum mujhse pyaar karte ho ya nahi?

Avi- ab ye jyada ho raha hai sanjana, tum aise jabardasti nahi kar sakti

Sanjana- mai jabardasti karungi, abhi ke abhi, ha ya nahi

Avi- styop it, ye kya laga rakha hai

Sanjana jhatke se khadi huyi aur boli

Sanjana- mujhe mera jawab mil gaya I think its time to say good bye, hamare beech jo bhi tha sab khatam, ab tumhare raste alag aur mere alag..

Itna bol ke sanjana waha se chali gayi avi ne use rokne ki bahut koshish ki par wo kuch sunne ko tayar hi nahi thi aur avi apna sar pakad ke baith gaya

Avi man hi an bol raha tha, kya sala life hai mera, pura rollar coaster kabhi upar kabhi nicheaur ye sanjana ko achanak kya hua ? kuch sunne ko tayar hi nahi hai.. ise kaise samjhau samajh nahi aa raha aur ye kya tarika hua ki samne wale ko talwar ki nok par pakad kar pucho pyaar hai ya nahi, ye ladki samajh se pare hai bc, kabhi kabhi ekdum samajhdar to kabhi ekdum balish, kabhi kabhi lagta hai iske jitna mujhe koi nahi chah sakta to kabhi lagta hai ki kya ye sach me wo ladki hai…

Kabhi kabhi gusse me hum chhoti chhoti baato ko pakad kar baith jate hai aur wo baat kab hamare ego tak pahuchti hai pata hi nahi chalta aur fir hum hamara ego satisfy karne ke chakkar me hamara hi nuksan kar lete hai, aur ye baat kisi ke samjhane se samajh nahi aati ye baat samjhata hai samay, samay hame bata deta hai ke humse galti kaha huyi par tak tak time nikal chuka hota hai aur fir bachta hai to sirf pachtava

Fir avi ne socha ke chalo baad me gussa shant ho jayega fi baat karenge par is baar sanjana bahut jyada gusse me thi aur avi ne najane kitni baar usse baat karne ki koshish ki par wo kuch sunne ko tayar h nahi thi aur akhir me ek din avi ne uska rasta roka

Avi- sanjana ba jane bhi do kaunsi baat leke baith gayi ho

Par sanjana bagair kuch bole wala se jane lagi to avi ne uska hath pakad liya to wo aur bhadak gayi

Sanjana- mera hath chhodo AK

Avi- shabas! Avi se sidha AK, mujhe baat karni hai tumse

Sanjana- ha AK, aur mera aur tumhara koi sambandh nahi hai aur mujhe tumse koi baat nahi karni, aisa samjho ke mere sar par pyaar ka bhoot chadh gaya tha jo ab utar chuka hai to ab aainda mera hath pakda ya mera rasta roka to acha nahi hoga

Pyaar ka bhoot sunte hi avi shock ho gaya fir bhi wo bola

Avi- par mujhe wo bolna hai jo tum sunna chahti thi, mai bhi…..

Avi aage kuch bolta isse pehle hi sanjana garji

Sanjana- mujhe kuch nahi sunna hai, its over , I hate you

Ye sunte hi avi ekdum sunn ho gaya, sanjana ka hath uske hath se chhut gaya aur sanjana waha se pair patakte huye nikal gayi aur wo jati huyi sanjana ko dekhta raha par ab wo use dikhai nahi de rahi thi kyuki aankhe aansuo se bhar gayi thi aur avi usi or dekhe ja raha tha jidhar sanjana gayi thi…

Pair jamin par jam gaye the aur dimag sunn ho gaya tha, usne abhi abhi jo suna uspar use yakin nahi ho raha tha aur kaano me bas teen shabd ghum rahe the, I hate you. Aur ye teen shabd uske dimag me hatode jaise baras rahe the aur ek pal aisa aaya jab usse ye bardasht nahi hua, aur ab ye sab uski sahanshakti ke aage nikal gaya aur avi ne apne dono hatho se apna sar jor se pakad liya

Badi mushkil se avi ne apne aap par kabu paya aur bhari kadmi ko ashrupurit nayno se wo hostel ki taraf nikal gaya

Room ne avi akela ki baith ke soch raha tha ke ye sab achanak kya ho gaya ?

Dil keh raha tha ke “ye sab teri hi galti hai, isko tu hi jimmedar hai, wo jab samne se aake keh rahi thi ki wo tere se pyaar karti hai tab tu hi nakhre kar raha tha wo bhi kya karegi kab tak raah dekhegi “

Fir jald hi dimag bola “ par ye kaisa pyaar tha jo hafta bhar bhi nahi tika, itna asan hota hai kya pehle pyar ko bhul kar kisi aur se pyar karna, fir bhi aniket ne pyaar ka ehsas dilaya tha, aur itna asan hota hai kya kisi ko propose karna fir bhi wo bata raha tha par sanjana kuch sunna hi nahi chahti thi”

Fir dil bola “tune baat ko jarurat se jyada khincha hai”

Fir jhat se dimag bola “ chalo ek tarah se acha hi hua kam se kam ye to pata chal gaya ke uska pyaar bas akarshan tha aur aaj uska gussa itna bada ho gaya ke use jo sunna tha wo sunna hi nahi chahti hai”

Sab khatam ho gaya tha, sanjana ka pyaar bhi aur dosti bhi…

Ye kya kar dala Adirshi bhai...

Sanjana ko toh lagta hai sirf attraction hi hua tha (like shravni) na ki dil ki gehrai se sachha prem (like Komal)...

Avi ka dil fir se na todo yaar...

Please...

 

[vmvish]

Update 26​

Sab khatam ho gaya tha sanjana ka pyaar bhi aur dosti bhi. Aur yahi sab sochte sochte ab avnash ka dimag fata ja raha tha..

Uske dimag me khayal rukne ka naam hi nahi le rahe the, wo bas soche ja raha tha, kya sala naseeb hai, chhota tha tab pitaji chhod kar chale gaye.. aniket ka sath tha isiliye padhai puri ho pay, pyaar bhi aisi ladki se hua ke ant me dosti aur pyaar me kisi ek ko chunna pada aur ab jab dobara koi dil me basne laga tha to kismat se wo bhi bardasht nahi hua aur ab to mano sab khatam hi hai.. bhagwan ne bhi jindagi se sath ajeeb khel chalaya hua hai kyu mujhe sukh se jine nahi deta.. bas ab bahut ho gaya, pareshan ho gaya hu aisi jindagi se.. kya matlab hai aise jine me aur kya meko dharti par isiliye bheja hai kya aur agar aisa hai to bhagwan dhikkar karta hu mai tumhara aur is jindagi ka..

Din par din raat dar raat beet rahe the aur avi aisa hi ek jagah baitha hua tha.. shubham nebhi use bahut samjhane ki koshish ki ab avi ne muh se ek shabd bhi nahi nikalta tha wo baat karta tha to bas aniket se wo bhi phone par, ekdum normal hokar aur fir baad me wapis maun..

Dekhte dekhte ek hafta beet gaya, ab sanjana ko bhi ab avi ki gairmaujudgi ka ehsas ho raha tha par kya kise pata wo najane ye kaisi jidd pakad kar baithi thi aur fir ek din avi kuch soch kar utha aur sidha college me pahucha..

Wo sanjana ko dhundh raha tha har jagah dekh liya par wo use kahi nahi mili.. wo dhundhne ke sath sath use call bhi lagane ja raha tha par wo phone hi nahi utha rahi thi aur jab thak ke wo wapis hostel jane ke liye nikla to itne me parking me use sanjana dikhai di, avi daud kar sanjana ke paas pahucha, sanjana ka gussa ab bhi kam nahi hua tha..

Avi- sanjana ruko mujhe tumse kuch baat karni hai..

Par sanjana apni hi aka me thi

Sanjana- to ek hafta mujhse baat karne hi himmat juta rahe the kya ?

Avi- tu mere se aise baat kyu kar rahi hai ?

Sanjana- to tum ab kya chahte ho mai tumhare piche katora lekar ghumu, mujhe pyaar karo kehte huye

Avi- a-sa mat bolo sanjana mai bhi tumse pyaar karta hu, apna gussa chhod do mai mafi mangne aaya hu tumse, maine bahut sataya hai tumhe

Avi ko laga tha uske muh se pyaar ka ijhar sun ke sanjana ka gussa dur ho jayega par aisa nahi hua, is pichle ek hafte me sanjana ka gussa uske ego me badal gaya tha

Sanjana- tumhe kya lagta hai tum aise aakar ek baar bol doge ki tum mujhse pyaar karte ho to mai tumhari baho me aa jaungi, aisa sochte ho to pagal ho tum, mujhe jo chiz chahiye hoti hai mai use kisi bhi haal me hasl karti hu par agar wo chiz mujhe samay par na mile to dobara uski taraf dekhti bhi nahi, maine tumse ek baar nahi hajar baar kaha tab meri feelings nahi dikhi tumhe, tumne bahut tadpaya hai ab meri bari hai..

Avi- theek hai, mai maanta hu galti meri thi aur ek baar nahi dus baar sorry bolta hu aur hajar baar love you..

Sanjana- ab utar gayi saari masti par jaruri nahi ke isse mera vichar badle.. cholo theek hai tumhari mafi kabul hai par meri ek shart hai.. aainda jindagi me wo jo koi bhi tumhari heroine hogi uska jo bhi naam hoga uska jikra tum mere saamne kabhi nahi karoge..

Avi kuch bhi sun sakta tha par komal ke bare me aise shabdo ka upyog use sehan nahi hone wala tha ab tak apni premika ko manane wale premi avi ab wapis se wo purana aashiq ban gaya tha aur wo khawal gaya

Avi- bas ho gaya sanjana. Bahut bol liya, meri galti thi mai maanta hu aur mai uske liye mafi bhi mang raha hu, mai tumse pyaar karta hu ye bhi kabul hai pat khabardar ye aisi behudi bhasha mujhe bilkul bardasht nahi hai..

Sanjana bhi khawal gayi kyuki kahi na kahi uske man me avi ki pehli premika ko leke irshya ke bhav the..

Sanjana- suno hero, agar itna hi bura lag raha hai to jake uske pallu me chip mere samne hath jode kyu khada hai

Avi- tere jaisi badtamiz urmat ladki se jyada mai uske paas jana jyada pasand karunga tu uske nakhun ki bhi barabari nahi kar sakti samjhi na aur aaj to mai ja raha hu par ye mat samajhna ke sab khatam ho gaya hai, nai tujhe mere pyaar ka eksas dilaya to mera bhi naam Avinash nahi, bhale uske liye mujhe meri jaan kyu na deni pade…

Itna bool ke avi waha se jhatke se nikal gaya, sanjana bhi gusse se fanfana rahi thi, eklauti pyaar me pali badhi ladki usse aajtak kisine aise baat nahi ki thi..

Usdin ho Avi gaya to hamesha ke liye..

Usdin ke baad avi kisi ko nahi dikha.. shuruwat ne avi gaon ko gaya hoga aisa shubham ko laga, usne bhi ek hafte tak call nahi kiya par baad me jab call lagaya to uska phone band aa raha tha, ab shubham ko lagne laga tha ke kuch to gadbad hai, ek hafte tak avi room ke bahar nahi nikla aur fir achanak gayab.. use ab chinta hone lagi thi, usne kayi logo se avi ke bare me pucha par kisi ko avi ke bare me kuch nahi pata tha aur akhir me use yaad aaya ke police ke matter ke time avi ne use ek card diya tha, shubham se akkha room chan mara aur wo card milte hi usne us number par call lagaya

Wo number narayanrao rane ka tha, shubham ne call karke avi ke bare me pucha par narayanrao ko ne bataya ki wo gaon nahi aaya tha par unhe chinta na ho isiliye shubham ne koi or bahana bana ke call cut kiya.. uskko pehle ye confirm karna tha ke majra kya hai.. aur sanjana ka naam uske dimag me aaya swabhavik tha, shayad sanjana ko pata ho ke avi kaha gaya hai kyuki pichli baar bhiwo aniket ke sath do din ke liye gayab hua tha..

Shubham sanjana ke paas pahucha aur usne sidha pucha

Shubham- Avi kaha hai ?

Sanjana use taalte huye boli

Sanjana- tera roommate hai tujhe pata hoga mujhse kyu puch raha hai ?

Shubham- sanjana, wo pehle ek hafta room se nahi nikla aur ab wo gayab hai, uska phone nahi lag raha hai, college me koi nahi jaanta wo kaha gaya hai yaha tak ke wo apne gaon me bhi nahi hai, tum dono ke beech kuch hua hai kya ?

Sanjana baat chipate huye boli

Sanjana- nahi, kuch nahi hua hai

Shubham- to wo aise achanak gayab kaise hua, mujhe lagta hai ab uske ghar walo ko bata dena chahiye taki wo use dhundh sake aur police complaint kar sake

Itna bol ke shubham waha se nikal gaya

Aur ab sanjana ko tension aane laga tha, ek secon me sara ego gayab ho gaya tha aur ab gusse ki jaga darr ne le li thi, sanjana darr ke mare kamp rahi thi, ab jab use hi aake is bare me puchte to wo kya jawab degi,wo soch rahi thi, aniket ko phone kiya jaye aisa use laga par agar aniket ne usse hi sawal kar liye to wo kya jawab degi.. wo to aniket komal tak pahuch chuki thi aur un dono ko to sab pata tha ab kya kare ? kaha gaya hoga avi ?

Man me alag alag khayal aa rahe the aur achanak use avi ka bole akhri shabd yaad aa gaye

“nai tujhe mere pyaar ka eksas dilaya to mera bhi naam Avinash nahi, bhale uske liye mujhe meri jaan kyu na deni pade…”

Aur ye yaad aate hi mano uspar bijli giri ho aur apne aap uski aankho se aansu behne lage, ye kya ho gaya tha, ye maine kya kar diya, apne hu gusse ke chalte apne hi jivan me aag laga di.. wo to aaya tha.. maafi mang raha tha, apna pyaar bata raha tha par pata nahi mujhe kya ho gaya tha ? aisi kounti sanak mere dimag par chadi huyi thiwo mai use itna kuch suna gayi.. aisa kaunsa badla usse lena chahti thi wo maine use itna kuch bola

Sanjana ne dimag me ab bure bure khayal aa rahe the aur unhe rokna namumkin tha.. sanjana ke khayal uska darr aur badha rahe the, use avi ki chinta ho rahi thi par asal pariksha to tab hone wali thi jab aniket aayega aur aniket ke sawalo ka jawab dena uske liye mushkil hone wala tha

Sanjana abi bas avi ke sahi salamayt hone ki dua kar rahi thi…..

Ye ho kya raha hai interval ke bad...

Avi kaha hai ??

 

[vmvish]

Update 27​

Sanjana ko ab avi ki chinta hone lagi thi aur wo bhagwan se bas yahi dua kar rahi thi ke avi sahi salamat ho

Idhar dusri taraf Narayanrao ke paas jaise hi shubham ka phone gaya to unhone is bare me aniket se pucha. Generally avi hafte me ek hi baar call karta tha aur wo bhi aniket ke number par aur aniket avi ki uski maa se baat karwa deta tha par is sunday ko avi ka koi call nahi aaya tha aur kaam ki gadbad me aniket ne bhi is or dhyan nahi diya tha aur ab jab Narayanrao me is bare me aniket se pucha to usne avi ko call laga liya to iska number band bata raha tha, shayad class me hoga isiliye number band hoga soch me aniket ne usko message kiya aur dobara apne kaam me lag gaya aur for jab 1 ghante baad aniket ne use dobara call lagaya to number ab bhi band dikha raha tha aur ab aniket ko kuch gadbad lagne lagi.. wo ek baar avi ke ghar bhi ja aaya par waha bas avi ko maa thi aur koi nahi tha aur wo maa ko tension nahi dena chahta tha isiliye aniket ne is bare me waha kuch baat nahi ki aur chala aaya

Wapis aake aniket ne Narayanrao ke phone se shubham ka number liya aur use call kiya par shubham ne bhi phone nahi uthaya, ab aniket bechain hone laga tha usne avi ke janne walo ko bhi call karke dekha par Kisi ko uske bare kuch bhi pata nahi tha, aniket ne ghar aake sara mamla komal ko bataya to ab wo bhi chinta me thi

Itne me aniket ko shubham ka call aaya aur usne sari baat aniket ko batayi, shubham ne jo jo use pata tha sab bata diya tha aur aniket jaise jaise shubham ki baat sun raha tha uske chehre ke expressions badal rahe the uska chehra gusse se bhar raha tha, komal ne aniket ko itne gusse me nahi dekha tha aur wo ab aur bhi jyada tension me thi air aniket ne phone rakhte huye bas itna hi kaha

Aniket- mai aa raha hu waha.

Komal ne bhi jaldi se pucha

Komal- kya hua ?

Aniket- Avi ek hafte se gayab hai

Komal- kya ? Ek hafte se ? Kaha gyaa ? Aur kyu ??

Aniket- kisi ko kuch nahi oata is bare me

Komal- sanjana ko to pata hoga

Aniket- Avi ka dost gaya tha sanjana ke baat karne par usne baat taalne wale jawab diye sare, mai dekhta hu jake kya scene hai pura..

Komal- mai bhi chalti hi sath me sanjana se mai karti hu baat tum shant rehna bas..

Aniket ko bhi Komal ki baat sahi lagi aur dono jaldi se nikal gaye avi ke college ke liye..

Udhar sanjana ki halat kharab ho rahi thi use ache se pata tha ke ab aniket aayega aur aate hi sabse pehle usse hi sawal puchega aur agar sanjana aniket ko college me nahi mili to wo use dhundhte huye uske ghar bhi pahuch sakta hai aur fir mamla aur bigadne ke chances hai isiliye sanjana college me hi ruki huyi thi

Sanjana aniket se darr rahi thi, jo kuch bhi hua wo agar aniket ko pata chala to sanjana ki khair nahi thi kyuki avi kyu gayab hai kya hua hai ye sirf sanjana ko pata tha aur us waqt parking me sanjana ke alawa aur koi bhi nahi tha isiliye sanjana ne man hi man decide kar liya tha ke wo kisi ko kuch nahi batayegi

Idhar aniket aur komal sanjana ko dhundhte huye canteen me aa pahuche aur sanjana ne jaise hi aniket ka gusse wala chehra dekha to wo aur jyada ghabra gayi, wo jis hasmukh aniket ko jannti thi jisse wo mili thi ye wo bilkul nahi tha.. sakht chehra, aur laal aankhe saaf bata rahi thi ke is waqt aniket ke ander jwalamukhi dhadak raha tha aur jab usne sath me komal ko dekha tab use thoda acha laga aur wo dono aake uske samne baithe.. aniket sanjana ko kha jane wali najro se dekh raha tha wo kuch bolta isse pehle hi komal ne uske hath par hath rakh kar use shant rehne ka ishara kiya

Aur komal ne direct sawal kiya

Komal- avi kaha hai ?

Sanjana ghabrate huye boli

Sanjana- mujhe bhi nahi pata, mai bhi dhunh rahi hu

Komal- yaha canteen me baith ke ?

Is sawal ka sanjana ke paas koi jawab nahi tha, komal ne aage kaha

Komal- tum pyaar karti ho na usse to tumhe to bataya hoga usne ki wo kaha ja raha hai..

Sanjana- pyaar mai karti hu wo mujhse nahi karta.. wo kabhi mere kisi sawal ka sidha jawab nahideta hai..

Komal- aakhri mulakat kab huyi ?

Sanjana- ek hafte pehle..

Komal- kuch kaha tha kya usne wo kaha ja raha hai wagaire..

Sanjana- kuch nahi..

Komal- tum logo ke beech koi jhagda wagare hua tha kya

Sanjana kuch pal ruki fir thodi himmat jama karke boli

Sanjana- nahi aisa kuch nahi hua

Komal- uska kisi se jhagda hua tha kya ?

Is point tak aniket aur komal dono ke dhyan me aa gaya tha ke sanjana jhuth bol rahi hai komal use samjhate huye boli

Komal- look sanjana, avi ek hafte se gayab hai, tumhe samajh aa rahi hai ye baat ? hum yaha tumhe koi saja dene nahi aaye hai, ab is waqt avi kaha hai is baat ka pata lagana jyada jaruri hai kya hua hai bataogi ?

Sanjana- mai sach keh rahi hu komal kuch nahi hua hai mai nahi janti avi kaha gya kyu gaya..

Ab aniket ke sabra ka band tut gayatha aur wo apne dono hath table par patakte huye jor se garja

Aniket- jhuth..! jhuth bol rahi hai tu, tere ko hum log pagal lagte hai kya jo tu jo bhi bolegi hum chup chap maan lenge

Sanjanja rone lagi thi aur komal uske paas jakar ab use chup kara rahi thi, sanjana rote rote boli

Sanjana- muje sach me nahi pata kuch

Aniket- tumko nahi pata to kisko pata hai fir ? tum kya bol rahi ho sanajh aa raha hai tumko ? tum ek hi college me ho tu pyaar karti hai usse to ye aisa kaisa tumhara pyaar ? ek hafte se wo gayab hai aur tumne ek baar bhi pata karne ki koshish nahi ki ye bhi janna nahi chaha ke wo kaha hai ? kya hua hai chup chap sach sach batao warna abhi tumhare baap ke paas jake mai sara matter clear karta hu aur mai avi nahi hu jo tumhari galtiyo par parda dalunga eti se ant tak sab bataunga aur ye bhi bataunga ke avi akhri baar tumse hi mila tha aur ye uske dost ne dekha tha..

Aniket ne andhere me teer chala diya tha aur wo barabar nishane par laga tha… ek to baap ka naam upar se use aur avi ko kisi ne sath me dekha tha ye sunte hi sanjana ki hawa tight ho gayi aur ab agar usne nahi bataya o sara mamla uske ghar tak ja sakta hai ye sochte hi wo aur jyada darr gayi

Ab sach batane ke alawa upay nahi tha ye sanjana ke samajh me aa gaya tha.. fir usne rote rote saari baate un dono ko batayi par jitni ho sake utni apni galti kam batake aur avi ki boli huyi aakhri line usne jaanbujh ke nahi batayi

Par aniket ko ab bhi pura yakin nahi ho rah tha

Aniket- tum jitne hafto se avi ko jaanti ho na utne saalo se pehchanta hu mai usko. Mai tumhe warn kar raha hu sanjana isme agar koi baat jhuth huyi ja aur avi ke gayab hone me tumhara hath hua to kasam hai meko mere dost ki mai tumhe sukh se jine nahi dunga ye dhyan me rakhna

Sanjana komalke gale lag ke rone lagi aur aniket aur bhi jyada bhadka

Aniket- ye band karo apne natak.. aur nikalo meri aankho ke samne se mujhe tumhari shakal bhi nahi dekhni hai, uth aur nikal..

Sanjana jaldi se uth kar waha se nikal gayi aur aniket dono hatho se apna sar pakad ke baitha.. uski aankho se bhi ab aansu aane lage the aur komal use samjhate huye boli

Komal- ani.. ye rone ka samay nahi hai.. hum police me complaint karke aate hai..

Aniket ne apni aansu poche aur bola

Aniket- police ki jarurat nahi hai uska dost jinda hai.. mereko avi pe pura vishwas hai ki wo kuch galat kadam nahi uthayega aur wo duniya ke kisi bhi kone me ho mai dhundh nikalunga se, dekhta hu kaha tak bhagta hai..

Komal- tmhari saari baat theek hai aur avi jaise tumhara dost hai mera bhi hai mai bhi use dhundhne me tumhari madad karungi par ek precaution ke taur par police complaint dene me kya harj hai.. hum ek kaam karte hai paas ke police station me uski missing complaint likha dete hai aur ghar chal kar shant dimag se sochte hai use kaise aur kaha dhundhna hai.. avi agar apna dimag laga raha hai to use dhundhne ke liye hame bhi uski tarah sochna hoga.. police apna kaam karenge aur hum apna par use dhundhenge jarur..

Aniket ko bhi komal ki baat sahi lagi aur wo dono uthe aur police complaint karke ghar aa gaye aur sochne lage ke akhir avi gaya kaha hoga ?..

Sanjana ne Ani aur Komal se jhhut kyu bola, puri bat hi gol kar gayi ?

Kya woh nahi chahti ki Avi mil jaye ??

 

[vmvish]

Update 28​

Sanjana ko jab aniket ne canteen se jane ko kaha to sanjana jo waha se bhagi to sidha apne ghar jakar ruki aur sidha apne room me jake rote huye baith gayi

Kuch samay baad sanjana ko apni pith par kisi ka hath mehsus hua, usne palat kar dekha to waha uski maa uske bagal me baithi thi

Shakuntala- kya hua hai sanju ?

Sanjana apni aankhe pochte huye boli

Sanjana- nahi kuch nahi maa wo bas aise hi.

Shakuntala- kya hua hai bataogi ab ?

Sanjana- nahi kuch nahi hua hai maa

Shakuntala- dekha sanjana- har ladki ki pehli dost uski maa hi hoti hai aur abhi tum jis umra me ho na to mai tumhari maa kam dost jyada hu, mujhe nahi bataogi kya hua hai ? beech me tum ekdum khush thi bilkul kisi titli ki tarah ghar me ghumti thi par pichle do hafto se mai dekh rahi hu ke tum udas ho, kisi se theek se baat nahi karti ho, apne call receive nahi karti ho, kya hua hai..

Maa ke mamta bhare shabd sun kar sanjana aur bhi rone lagi aur maa ko jo samajhna tha wo samajh chuki thi

Shakuntala- mujhe pata hai ye jarur dil ka mamla hoga, kya hua hai sanju..

Ab sanjana ka sanyam tut gaya tha aur wo apni maa se bilakh kar aur bhi jor se rone lagi

Sanjana- mujhe kuch samajh nahi aa raha hai, mai kya kar rahi hu kyu kar rahi hu, kuch kuch samajh nahi aa raha

Shakuntala- tum shant ho jao pehle aur mujhe ache se batao ke kya hua hai, mai madad kart hu tumhari

Itna bolke unhone sanjana ko pani diya aur ab sanjana bolne lagi.. maa ko apne sath jaan kar sanjana ka darr thoda kam hua tha isiliye usne bagair koi baat chhipaye sab kuch bata diya.. sanjana ki maa sab sun rahi thi, sanjana ne sab bata diya tha, av ki boli aakhri line bhi

Aur uske baad jo hua wo sanjana ne sapne me bhi nahi socha tha

Saaataaaakkkkkk !!

Maa ne ek sansanik thappad sanjana ke gaal par jad diya tha aur wo gusse me garaj kar boli

Shakuntala- pagal ladki, akkal hai tujhme thodi.. ye tumne kya kiya hai samajh aa raha hai tumko kuch ? ye wahi ladka hai na jiski tumne ragging li thi ?

Sanjana ne apna gaal malte huye ha kaha jise sun kar uski maa aur bhadak gayi aur gusse me room me chakker lagane lagi aur boli

Shakuntala- kis baat ka ghamand hai tumme ? kaunsi baat ka itna attitude hai ? ameeri ka, thoda acha dikhti ho iska ? ratti bhar ki bhi akal nahi hai tumme, kya samajhti kya ho tum apne aap ko ?.. kis baat ka itna ghamand pale baithi ho.. apne aap se pucho ye.. ye sab tumhara nahi hai ye tumhe mila hai.. ye tumhara roop meri den hai.. tumne aise kaunse jhande gade hai apne dun par batana jara.. kartavya shunya.. pehle kam bawal hua tha kya jo dobara us ladke ke piche gayi..

Sanjana jaise taise boli

Sanjana- mai pyaar karti hu usse

Ye sunte hi maa aur bhadak gayi

Shakuntala- muh tod dungi mai.. aayi pyaar karne wali.. isko pyaar bolte hai kya ? kisi bhi faltu chiz ko dimag me bitha kar sab kuch satyanash karne ko pyaar nahi kehte.. aur pyaar me kuch bada chhota nahi hota.. fir bhi usne bataya tha ke wo kisi ko chahta hai fir tumhare paas do options the ya to uska picha chhod do ya fir uske dil me apne liye jagah banao par nahi tumhare liye to pyaar ek compitition hai, usne mujhe sataya ab mai sataungi.. sab pagalpan hai sirf, mujhe ye bilkul pasand nahi aaya sanjana.. us ladke ne tumhari galtiyo par prda dala, tumhari harkato ke bare me tumhe papa ko nahi bataya tumhe rusticate hone se bachaya ye sab kya kam tha ye batane ke liye ke uske man me bhi tumhare liye kuch hai

Maa kuch samay tak kuch sochne lagi aur fir wo shant huyi aur wapis sanjana ke paas baith kar use samjhane lagi

Shakuntala- bacche, pyaar aise nahi hota hai.. ghar kabhi akele insan se nahi banta hai, uske liye kisi apne ka sath chhiye hota hai.. ek agar galti kare to dusre ko use sambhalna hota hai… pyaar me koi bada chhota nahi hota.. apne maan sanmaan se pehle dusre ke bare me sochne ko pyaar kehte hai.. sach kahu to mujhe lagta hai ki ye ladka hi tumhare liye sabse sahi hai.. aaj na kal use bhi ye baat samajh jayegi ki wo bhi tumse pyaar karta hai aur mei mano to dhundho use

Sanjana ko apni maa ki baat jach gayi thi aur ab uski aankhe khul chuki thi.. sara amangal ansuo se saaf ho gaya tha aur aur fir se ek baar pyaar ki roshni dil dimag par chha gayi thi

Sanjana- sach me mujhse bahut badi galti huyi hai par ab mujhe sab samajh aa gaya hai par mai use dhundhu kaise

Shakuntala- tumne kaha tha na ke uska dost aur uski biwi use dhundh rahe hai, bas unhi ke sath dhundho use

Sanjana- par maa wo mujhse bahut jyada naraj hai aur wo meri shakal bhi nahi dekhna chahta

Maa hasi aur boli

Shakuntala- beta tumne unka gussa dekha unki baate suni par us gusse ke piche chipi chinta aur apnapan nahi dekha.. sach hai jaha koi rishta kaam nahi aata waha dost ek saccha dost aapke liye duniya idhar se udhar kar deta hai, maine to bas unlogo ki dosti ke bare me tumse suna hai aur usse lagta hai ke Avinash kismat wala hai jo use aise dost mile hai, aur aise dost milne ke liye avinash bhi to utna hi saaf dil wala hoga isme koi doubt nahi hai..aur jab galti ki hai to mafi mangne se kyu darna.. kyuki mafi mangne ke liye bhi bahut himmat chahiye hoti hai aur kisi se mfi mangne se tum chhoti thode hi ho jaogi, aise log bahut kismat se milte hai sanju bhale hi wo tumse pyaar na kare par aisa dost hona bhi bahut badi baat hai..

Sanjana- par wo karenge mujhe maaf ?

Shakuntala- tumne kiya tha avinash ko itni jaldi maaf ?

Sanajana ke paas iska koi jawab nahi tha

Shakuntala- jyada se jyada kya hoga, wo log tumne do char baate sunayenge, galiya denge jiski tum hakdar ho to sun lena par use dhundhne me bhi wahi log madad karenge, aur avinash ko dhundhna hoga warna ye guilt jindagi bhar tumhara picha nahi chodega

Sanjana- aur papa ?

Shakuntala- uski chinta tum mat karo mai sambhal lungi unhe, bata dungi ke tumhara kya wo koi industrail visit hai…

Sanjana apni maa ke gale lag gayi aur maa uske sar par hath ferte huye boli

Shakuntala- ye agar tumhe mil gaya na sanjana to tumhari jindi itniachio hogi jo tumne kabhi sochi bhi na ho

Sanjana- thank you so much maa

Shakuntala- au ye sab maine tumne maa ban ke nahi ek dost ke nate bataya hai…

Apni maa se baat karke sanjana ke dimag se sara confusion dur ho gaya tha aur ab use pyaar ka matlab samajh aa gaya tha aur ab usne than liya tha ke chahe kuch bhi ho jaye wo avi ko dhundh ke rahegi aur usne man hi man decide kar liya tha ke ab bhale aniket kitni hi galiya de de wo piche hatne wali nahi

Wo apne ghar se nikal kar sidha aniket ke dukan par pahuchi aur waha se ghar ka pata lekar sidha uske ghar par, darr to use lag raha tha par ye darr uske nishchay ke samne ab bahut chhota tha

Wo aniket ke ghar pahuchi to darwaja aniket ne hi khola aur sanjana ko dekhte hi wo bhadak gaya

Aniket- tum fir se aa gayi ? ek baar bola hua samajh nahi aaya kya ? mujhe shakal bhi nahi dekhni tumhari chalo niklo idhar se

Sanjana- mujhse galti huyi hai aniket, mujhe maaf kar do

Aniket- ha karta hu na maaf, jao jakar pehle avi ko dhundh kar lao

Sanjana- par mai akeli kaha dhndhungi use

Aniket- ye uska dil todne ke liye sochna chahiye tha ab chalo nikl;o idhar se mai akela samarth hu mere dost ko dhundhne ke liye

Itna bolke aniket se sanjana ke muh par darwaja band kar diya par ab sanjana bhi jidd par ad chuki thi aur chahe kuch ho jaye wo waha se nahi jane wali nahi thi fir chahe koi use gali de ya maare aur wo waise hi darwaje ke paas khadi rahi….

Dhanya hai Shakuntala devi, jinhone Sanjana ke dimag me akkal ki batti jalayi...

Ab jaldi se Avi ko dhundho...

 

[vmvish]

Update 29​

ab sanjana bhi jidd par ad chuki thi aur chahe kuch ho jaye wo waha se nahi jane wali nahi thi fir chahe koi use gali de ya maare aur wo waise hi darwaje ke paas khadi rahi….

Idhar aniket ghar me bechain hokar idhar udhar ghum raha tha, beech beech me wo gallery me jakar dekh aata ke sanjana chali gayi hai ya nahi par sanjana to man bana hi chuki thi ke wo waha se hilne wali nahi hai, wo wahi darwaje ke paas khadi thi aur aniket ko aisa bechain dekh kar komal boli

Komal- ani shanti se baitho ge ek jagah par, kya hua hai

Aniket- areu wo chudail sanjana, usko bhagane ke baad bhi ja nahi rahi hai

Komal- kya kare fir ? police me complaint kare kya ?

Police ka naam sunte hi aniket ekdum chauka

Aniket- o madam, kuch bhi hua wo kaisi bhi ho tab bhi hame ye baat nahi bhulni hai ke mera bhai pasand karta hai usko, pyaar karta hai usse

Komal ko aniket ke muh se bas yahi nikalwana tha, kyuki agar wo aniket ko sidhe raste samjhane jati to aniket manne wala nahi tha ye wo ache se jaanti thi fir bhi usne aakhri teer chhoda

Komal- to fir mai jake bhagake aau usko ?

Aniket- nahi, tum aisa kuch nahi karogi, wo harami aadmi ko wapis aane ke baad ye pata chala to wo mera pichwada laal kar dega

Komal- to rehne ko use waise hi khada, dekhte hai kitni der khadi reh pati hai, abhi to bas 2 ghante huye hai

Waise dekha jaye to komal kuch aur kehna chahti thi par jaan bujh ke ekdum ulta bol rahi thi kyuki use hi pata tha ke aniket kisi ko takleef nahi de sakta aur aniket ne jo bhi kadwi baate sanjana se kahi thi wo bas uski avi ko leke chinta ki wajah se.. aur akhir me aniket pareshan hokar bola

Aniket- kammo ja na yaar, jake ek to usko yaha se jane ka bol ya uska kya kehna hai sun le ek baar, baat khatam ho fir

Komal man hi man muskura rahi thi

Komal- mujhe kya lagta hai ani hum agar ise apne sath le le to avi jarur milega, is gud ke paas makoda jarur aayega

Aniket- kammo yaha mai itna bada gud ka dahlla nahi dikh raha kya teko us haramkhor ko akarshit karne ko..

Komal- waisa nahi hai ani, tum chahe kitne hi karibi kyu na raho uski premika ki jagah nahi le sakte ..

Aniket- ha ha teek hai ab jao jake baat karo usse aur ha maine tumko baat karne bheja hai ye mat batana usko, ye avi ke dimag me kaunsa bhoot chada tha jo wo is mahamaya se pyaar kar baitha, sala dil baitha gadhi pe to pari kya chiz hai wala mamla ho gaya

Komal gayi aur usne darwaja khol ke sanjana ko ander liya, sanjana thoda darte darte ander aayi, koi kuch nahi bol raha tha aur fir sanjana hi boli

Sanjana- wo mujhe aap logo se mafi mangni thi..

Bas aniket wapis chidh gaya

Aniket- O mother india, ye jo kuch ho raha hai na wo bas tumhare pagalpan ki wajah se ho raha hai isiliye pehle avi ko dhundhna hai uske baad chaho to ye aabhar pradarshan ka karyakram rakh lenge, tumko ander bulaya hai ye dekhne ke liye ke avi ko dhundhne me tumhari koi madad ho sakti hai ya nahi aur sirf aur sirf avi ki wajah se tumhari shakal dekhne ka man na hokar bhi dekhni pad rahi hai ye dhyan me rakhna..

Komal ne sanjana ko dekha aur aankho se use shant rehne ka ishara kiya, sanjana sab chup chap sunti rahi

Kuch pal fir se shanti me bite aur fir aniket bola

Aniket- bolo ab kuch to bolo

Sanjana ne apni puri himmat jama ki aur wo sab kuch bataya jo usne pichli baar aniket se chipaya tha, avi ki aakhri line bhi aur bas aniket to pehle hi sanjana se chidha hua tha aur ab to jwalamukhi fatne wala tha

Aniket- sharam nahi aayi tumko ye sab karte huye, kasam se keh raha hu tum sirf ladki ho isiliye bachi huyi ho agar koi ladka hota to yahi uske hath pair tod deta ai, teri himmat kaise huyi ye sab karne ki ? tune avi ko kya samjha tha ? kya laga tha uske aage piche koi nahi hai ? kammo abhi ke abhi is ladki ko dhakke maar ke nikal warna mujhe bhi nahi pata mai kya kar dunga..

Waise to aniket ne gusse ki seema paar kar li thi par apna sanyam nahi tutne diya tha, itna hoke bhi usne apne aap ko hath uthane se roke rakha tha, komal ne beech me aakar aniket ko niche baithaya, is purne mamle me komal apne aap ko shant rakhne me kamiyab huyi thi kyui use ache se pata tha ke koi ek agar gusse me hai to dusre ko shant rehkar paristithi sambhalni hogi

Wo kehte hai na jo hota hai ache ke liye hota hai, avi ke jane se sanjana ko pyaar ka matlab samajh aaya tha aur sath hi komal ko bhi pratikul paristithi me apne jodidar ko kaise sath de iska anubhav ho raha tha

Bahut samay tak waha shanti chayi rahi aur akhir me komal ne shanti bhang ki aur boli

Komal- jo baate ho chuki hai unpar charcha karne se koi matlab nahi hai, mujhe lagta hai hame abhi sab chhod kar sabse pehle avi ko dhundhne par kaam karna chahiye

Sanjana aur aniket ko bhi ye baat sahi lagi komal ne aage kaha

Komal- hum pehle un sab logo ko call karte hai jinhe avi ke bare me pata hone ke chances hai

Sanjana- maine bahar khade khade sab logo ko call kiya hai par kisi ko kuch pata nahi hai

Tabhi achanak komal ke dhyan me aaya

Komal- ani tumne yash ko call kiya kya ?

In sab gadbadi me wo yash ko bhul hi gaya tha, aniket se jaldi se yash ko calllagaya, avi ke bare me sunkar yash bhi sock hua, use bhi avi kaha hai is bare me kuch nahi pata tha, aur gayab hone ki khabar bhi abhi aniket ne hi di thi

Sanjana ne apne pitaji ko sari baat batayi aur is baar wo jara nahi dari ha bas pyaar wala kissa nahi bataya, komal ne laptop on karke avi ka social media check kiya par kahi koi update nahi tha, udhar sanjana ke pitaji ne avi ke phone ka location check kiya par last location college ka hi tha aur uske baad jo phone off hua to ab tak shuru nahi hua tha

Aniket ko ekdum dhyan me aaya aur wo bola

Aniket- mai us din ke railway station ka CCTV footage nikalwata hu aur check karta hu, sanjana ke kaha ke wo uske pitaji ke help se wo footage jaldi nikalwa sati hai aur wo check kar sakte hai

Man maar ke hi sahi aniket ne uski baat maan li aur aniket aur sanjana dono nikal gaye, gaadi me dono chup the, thandi hawa lagte hi aniket ka dimag bhi thoda shant hua aur wo achanak bola

Aniket- sorry

Sanjana pehle chauki aur boli

Sanjana- sory..

Aniket- wo kuch samay pehle ke mere behaviour ke liye sorry..

Sanjana- nahi aniket tumhara reaction ekdum sahi tha, mai usi ki hakdar thi, aur jis hisab ki tumhari aur avi ki dosti hai tumhara aisereact hona jayaz tha

Aniket kuch nahi bola, sanjana ne aage kaha

Sanjana- mai ek promise karti hu tumse, jab tak avi mil nahi jata mai shant nahi baithungi

Aniket ko thoda acha laga aur wo halke se muskuraya, dono railway station par pahuche, sanjana ne barabar apne papa ke reference se waha pehchan nikalwayi aur fir wo dono waha hafte har ke CCTV footage dekhne lage, waise ye jaruri nahi tha ke avi railway se hi kahi gaya ho jane ko to wo bus se bhi ja sakta tha par wo log koi risk nahi lena chahte the isiliye hafte bhar ke footage check kar rahe the par afsos usne avi us footage me kahi nahi dikha

Dono hatash hokar station se bahar aaye aur aniket se sanjana ko uske ghar par chhoda aur apne ghar ke liye nikal gaya, dono ne ekdusre ka phone number liya aur decide kiya ke kisi ko bhi koi bhi clue milte hi dusre ko batayega

Sanjana ke papa ne bhi apne tarike se avi ko dhundhna shuru kiya

Aniket ghar aaya aur hatash hokar baitha, komal use samjha rahi thi

Komal- fikra mat karo hum dhundh lenge use aur milne par achi khabar lenge uski

Sab ka dimag soch soch ke sunn ho gaya tha itne me aniket ka phone baja, yash ka call tha usne kya kya hua hai ye pucha aur aniket se avi ka mail id liya

Kuch ek ghante baad yash ka dobara call aaya aur ab uski awaj me utsukta thi, usne kaha

Yash- anya maine avi ka mail id hack kiya hai aur sari search history nikali hai, usme kuch khas to nahi hai par do baate abnormal hai, usne do chize search ki thi pehli ‘In Search Of Love God’

Aniket- ye kya hai ? search result kya hai iska?

Yash- kuch khas nahi ek book ka naam hai aur dusra thoda ajeeb hai, ‘gali gali sim sim’ par ek ek cartoon show hai, mai dhundh raha hu aur kuch milta hai to batata hu par mujhe samajh nahi aa raha ke usne gali gali sim sim kyu search kiya hoga

Aur achanak aniket ko kuch yaad aaya aur uske chehre par ek muskan aa gayi……

Aur ab ja ke Sanjana ne puri sachhayi Ani aur Komal ko batayi hai.

Lagta hai ki jo bate Yash ne Ani ko boli hai, us me se hi age ki story open hogi...

 

[vmvish]

Update 30​

Aur achanak aniket ko kuch yaad aaya aur uske chehre par ek muskan aa gayi… wo yaad karne laga

Gali gali sim sim.. aur achanak uth kar jor se bola

Aniket- kammo, gali gali sim sim, gali gali sim sim..

Aur fir achanak nchne laga

Aniket- mil gaya haramkhor mil gaya, gali gali sim sim

Aur nachte nachte aniket ne komal ko bhi utha liya idhar komal ko kuch samajh nahi aa raha tha

Komal- ye kya kar rahe ho ? kya ho gaya achanak tumko ? avi mil gaya kya ? aur pehle mujhe niche utaro

Aniket ke khushi ka thikana nahi tha wo mano khushi se pagal ho gaya tha aur komal use baar baar puch rahi thi

Komal- aise akele hi nachoge ya mujhe bhi bataoge kuch ? aur ye gali gali sim sim kya hai

Aniket nachte huye bola

Aniket- avya ekdum theek hai, bas halkat ka dimag bahut chalta hai, aur usko lagta hai dimag khali uske paas hai, ab dekhta hu kaha jayega? Chalo jaldi baki ki baat gadi me batata hu

Komal- abhi is samay ? avi ka pata chal gaya hai kya ?

Aniket- nahi, matlab wo kaha hai ye to exact nahi pata hai par clue mil gaya hai ke wo kaha hoga

Komal- sidhi bhasha me bataoge ke avi kaha hai ?

Dono baat karte huye gadi me baithe aur aniket ne flashback me khote huye batana shuru kiya

Aniket- hum na bachpan me sath me TV par ek cartoon dekhte the, uska naam tha gali gali sim sim, to ek baar hua yu ke avi ki maa ne usko koi kaam bataya aur ye bhai wo na karte huye mere ghar aakar mere sath wo cartoon dekhne laga, kyuki wo hamara favourite cartoon tha aur ye hamesha ki baat thi, fir avi ki maa use dhundhte huye jab aayi to ye mast aaram se cartoon dekh raha tha fir kya, kaki ne uski pehle to mast dhulai ki aur fir gusse me bol diya ke ja tu mera beta nahi hai tereko mandir ki payri par se uthaya tha wagaire, ab waise to unhone ye baat aise hi gusse me bol di thi par ye baat avi ke man ko lag gayi aur avi aise hi gayab ho gaya, hum sabne use din bhar dhundha par wo kahi nahi mila aur akhir me wo uske hi ghar ke ek lakde ki peti me mila, wo wahi so gaya tha par uthne ke baad usne apni maa se kabul karwaya ke wo usi ka beta hai uske baad hi us peti se bahar nikla…. Tabse hum ye khel khelne lage aur humne uska naam rakha gali gali sim sim kyuki humko treasure bolte nahi banta tha aur yaad bhi nahi rehta tha, khel aisa tha ke dono me se koi ek chipega par koi na koi hint dekar chipega aur dusre ne usko dhundhna hai to bas ye wahi khel us harami ne dobara shuru kiya hai

Aniket ki baat sunkar komal bhi khush hote huye boli

Komal- iska matlab avi ya to hostel me hi hai ya ghar par barabar ?

Aniket- ho sakta hai, waise hi kaki ko ye sab kissa nahi pata hai aur unko bataya to wo chinta karegi aur waise bhi avi unse hafte me ek baar hi baat karta hai, raste me ek medical hai dawai dene ke bahane se ghar jate hai aur dekhte hai ke avi waha hai kya

Aniket aur komal dawa lekar avi ke ghar pahuche, avi ke ghar me dhundhne me unko dikkat hone wali nahi thi kyuki bas do hi rooms the aur avi waha nahi tha

Wo dono waha se nikle aur komal boli

Komal - ab kaha ? hostel ? ya pehle uske dost ko call karke pucha jaye ?

Aniket- aur agar usne apne dost ko bhi plan me shamil kiya hoga to ? usse acha khud jake dekhta hu waha

Uske baad aniket aur shubham ne akkha hostel chan mara par avi ka koi pata nahi chala

Komal bahar ho gadi me baithi huyi thi aur jab aniket ne aakar use bataya ke avi nahi mila to wo naraj ho gayi, par in sab me ek baat achi huyi thi ke aniket normal ho gaya tha aur wo komal ko samjhate huye bola

Aniket- kammo, aise naraj mat ho yaar, aaj nahi mila to kal mil jayega, wop safe hai ye kya kam hai, arey wo dus dimag wala hai itna easily nahi milega wo

Komal- par ye kya baat huyi, jhagda uska aur sanjana ka aur yaha tension hame ho rahi hai uska kya

Aniket komal ko samjhate huye bola

Aniket- baki maan gaye bhadkhau ko, usko ache se pata tha ke koi nahi to mai jarur usko dhundhunga aur mujhe chinta na ho isiliye usne ye clue diya aur indirectly bataya hai ke tension nahi lene ka wo theek hai

Komal- wo theek hai ye achi baat hai par wo hai kaha ye soch ke tension aa raha hai

Aniket- kammo, chinta nahi karne ka, tension leke kuch nahi hone wala, mil jayega wo

Komal- bahut ache, kuch samay pehle tension me idhar udhar ghum rahe the aur ab mujhe gyan de rahe, tumne kya kya nahi kaha sanjana ko

Aniket- arey usko bhi sorry bol diya hai yaar

Aniket ki baat sunkar komal apni aankhe badi karte huye boli

Komal- kya baat hai, aniket rane ne sorry bola, yakin nahi hota

Aniket- kuch bhi ho gaya to bhi mere bhai ka pyaar hai wo, aur usne murkhta ki to hume bhi waisa hi karna chahiye kya ? isiliye sorry

Komal- aur avi ka kya ?

Aniket- dekh kammo tumko ek idea batata hu, aisa samjho ke ye ek game hai, hum ek game khel rahe hai jiska naam hai gali gali sim sim aur hamara task ye hai ke humko avi ko dhundhna hai , tension lene se better hai enjoy the game

Komal ko bhi aniket ki baat jach gayi

Komal- theek hai to fir mai sabse pehle sanjana ko call karke batati hu wo bhi tension me hogi

Komal call karne hi wali thi ke usko aniket se rok liya

Aniket- ruko komal, jara socho, bachpan me avi ne ye khel apni maa se kabul karane ke liye shuru kiya tha aur is baar usne ye khel shuru kiya hai sanjana ko apne pyaar ka ehsas dilane ke liye

Komal- matlab ?

Aniket- matlab yaad karo avi ko sanjana se aakhri baar kya kaha tha

Komal- yahi ke tumko apne pyaar ka ehsas kara ke rahunga, par ab wo samajh gayi hai na ?

Aniket- asani ne mili kisi bhi chiz ki insan kadra nahi karta hai, fir wo pyaar hi kyu na ho, humko dekho lo, hamare mamle me bhi kaha kuch easily hua tha

Komal- to ab kya tumlog sanjana ko aise tadpaoge

Aniket- usme tadpane jaisa kya hai, mujhe itna pata hai ke avi ne ye khel kuch soch ke shuru kiya hai to fir abhi agar in sab ke bare me sanjana ko bataya yani avi ke khel par pani ferna hai, usne ye clue hamare liye diya hai taki hume chinta na ho so just enjoy the game, don,t spoil the purpose of the the game

Komal- to sanjana ko kuch nahi batana hai

Aniket- bilkul nahi, ab hum is khel me umpire hai, aur umpire khelta nahi hai balki khel ko niyantran me rakhta hai

Komal- tum bhi kamal aur tumhara dost bhi kamal, ye sab ulti chize hi kyu karte ho tumlog

Aniket- uske bina life me maja kaise aayega kammo, hamari shadi ho gayi jo chahiye tha mil gaya par jindigi ek sidhi line me chal rahi thi, wahi dukan wahi ghar, kaam ki javabdari aur bapu ki tabiyat ki wajah se hum honeymoon par bhi nahi ja sake, kahi na kahi life me jo tadka missing tha na wo avi ne laga iya, mai dukan me busy tum ghar me aur ab dekho bas ghum rahe hai

Komal- ohh matlab aniket rane ek teer se do shikar kar rahe hai, honeymoon ka honeymoon aur avi ko sath me dhundhna bhi

Aniket- correct

Ab to wahi purani komal bhi neend se jaag chuki thi wo shadi me baad kahi gum ho gayi thi

Komal- bahut maja aane wala hai

Tabhi aniket ne komal ka hath pakda aur uska hath chumte huye bola

Aniket- sorry kammo, ekdum se aayi kaam ki jimmedari ki wajah se mai tumhe pura samay nahi de paya

Komal- oye hoye, aaj mister bare romantic mood me hai, I love you anni darling

Aniket- to chalo fir isi baat me ek choti si party ho jaye, us haramkhor ko kal dhundhenge ab tension nahi hai

Fir aniket ne waha se nikal kar apni gadi ek hotel ke samne roki aur ghar par narayanrao ko bata diya ke unko raat se aane me deri hogi.. aur fir ek mast candel light dinner, dono khush the kyuki kal se unka honeymoon aur avi ki khoj mohim dono shuru hone wale the…..

Ye ek hi teer se kitne shikar ho rahe hai ??

Avi ko dhundhna hai
Sanjana ke mann me Avi ke liye pyar jagana hai
Ani aur Komal ki life me missing excitement ko fir se wapis lana hai
Ani aur Komal kabhi honeymoon hi nahi gaye, unko honeymoon ki sair karwani hai

 

[vmvish]

Update 31​

Komal aur aniket dono khush the kyuki kal se uska honeymoon aur avi ko khoj mohim dono shuru hone wala tha..

Agle din subah subah sanjana aniket ke ghar par maujud thi, anikt hall me chai pite huye baitha tha, usne aate hi aniket se sawal kiya

Sanjana- avi ke bare me koi update ?

Sanjana ki baat sunkar aniket ne udas chehra banaya aur bola

Aniket- nahi, kuch bata nahi chala hai, par ek asha ki kiran najar aa rahi hai

Asha ki kiran najar aa rahi hai sunte hi sanjana se utsukta se pucha

Sanjana- aur kya hai wo asha ki kiran ?

Aniket- yash ne avi ka mail account hack kiya hai aur wo bata raha tha ke shayad uske account ki search history se kuch pata chal jaye

Sanjana- to kuch pata chala search history se ?

Aniket ne apna laptop on kiya aur yash ka bheja hua mail khola, par search history dekhne ke baad sanjana ko kuch samajh nahi aa raha tha aur sanjana ne hatash hote huye kaha

Sanjana- isme to aisa kuch nahi hai.

Komal bhi unke paas aakar baith gayi aur teeno laptop me sar ghusa ke baithe the, komal ne kaha

Komal- mujhe pura yakin hai ke wo theek hoga par is search history se kaise pata chalega ke wo kaha gaya hai

Tabhi achanak se aniket bola

Aniket- ek minute ye kya ai, ‘in search of love god’ ?

Sanjana ne bhi jhat se jawab diya

Sanjana- mujhe pta hai ye kya hai,ye ek book hai jise avi padh raha tha, shayad is book me koi clue mile

Komal- ye book to maine bhi padhi hai, aur love god yani pyaar ka devta aur yaha bharat me pyar ka devta mana jata hai bhagwan madhusudhan ko par madhusudhan se iska kya link hai ?

Aniket- vrindavan, unka ka janm stan, wo harami vrindavan me hai

Komal- unka janm mathura me hua tha baad me gokul me wo pale badhe vrindavan kaha se aa gaya beech me

Aniket- par pyaar to vrindavan ki ladki se kiya tha unhone, mujhe lagta hai ye hame pehle vrindavan chalna chahiye par ye sirf ek guess hai, kya sach me waha jana theek rahega ?

Aniket waise to tayar hi tha par sala sanjana ke maje le raha tha aur kuch sochne ka natak kar raha tha,use sanjana ka reaction dekhna tha, aur sanjana bechain thi

Sanjana- tum kya soch rahe ho aniket ?

Aniket- soch raha hu ke sirf ek guess ke bharose itni dur jana theek hoga , aur kya guarantee hai ke wo waha milega

Sanjana- hamare paas koi aur rasta bhi nahi hai kuch to try karna padega

Aniket- mere hisab se ye saaf murkhta hai, hum abhi agar waha jane ke liye nikalte hai to bhi kam s ekam 13 ghante lagenge waha pahuchne me aur vrindavan ya mathura koi chhoti jagah nahi hai wo avi hame waha pahuchte hi mil jaye, mujhe isme koi point najar nahi aa raha

Aniket ne sanjana ke maje lete huye kaha aur uski baat sunkar komal ne aniket ko ghur kar dekha to aniket se use aankho se shant rehne ka ishara kiya, waise aniket ki baat me logic tha aur sanjana ko kya kare kuch samajh nahi aa raha tha..

Dekho waise to bollywood ki filme chutiya hoti hai par kabhi kabhi kuch dialogue sahi bhi ho jate hai jaise agar kisi chiz ko shiddat se chaho to puri kaynat tumhe usse milane me lag jati hai, aur yahi sanjana ke sath hua, sanjana ko uske papa ka phone aaya aur unhone bataya ke avi ka naam delhi jane wali train ke tatkal ticket list me mila hai, unki baat sunkar sanjana khushi se jhum uthi aur aniket ko boli

Sanjana- dekho avi delhi jane wali train me chadha hai ye to confirm ho gaya hai aur delhi jane wali train mathura me rukti hai to ho na ho wo mathura ya vrindavan me hi hai, mujhe lagta hai ab bato me time waste nahi karna chahiye, hame jald se jald waha ke liye nikalna chahiye

Aniket fir bhi hilne ko tayar nahi tha, wo bas ye dekhna chahta tha ke sanjana ki kitni tayari hai

Aniket- maan liya ke avi vrindavan me hai par waha jakar use kaha dhundhe

Aur ab aniket ki baat sunkar sanjana bhadak gayi

Sanjana- tu yahi baith ke bas shanka nikalte raho, aise to mil gaya avi, tumhe aana ho to aao mai ja rahi hu avi ko dhundhne bhale uske liye mujhe kuch bhi karna pade

Aniket ekdum utna aur use samjhate huye bola

Aniket- shant ! gadabhari bheem , mujhe bhi mere dost ki chinta hai, ab dhundhna hai to age to badhna hi padega

Komal bhi jhat se boli

Komal- mai bhi chalungi tum logo ke sath

Aisa bol ke usne sanjana se chip kar aniket ko aankh maar di, unka ye sab natak shuru tha aur unhe sanjana ko is game ki bhanak nahi lagne deni thi

Aniket- hum koi waha picnic manane nahi ja rahe hai jo tumhe bhi sath le jaye

Komal- avi tumhara akele ka dost nahi tha, mai chal rahi hu baat khatam

Aniket- theek hai, sanjana tum apne ghar jao gharwalo ko kya batana hai dekho mai kuch der me tumhe tumhare ghar se pich kar lunga, chalo ab vrindavan..

Sanjana bhi gadbad me uske ghar ke liye nikal gayi aur idhar uske jate hi komal aniket ke gale lag gayi

Komal- meri bahut icha thi vrindavan dekhne ki, maja aayega

Aniket- sala log honeymoon ko goa jate, shimla jate aur hum direct vrindavan, us hamramjade ko milne do bas ek baar aisi gand pe laat marunga ke bhulega nahi kabhi, sala kisi hill station pe jata par nahi ye bhai gaya mathura vrindavan

Komal- mai to khush hu, meri bahut icha thi waha jane ki

Aniket- barabar hai, hum duniya ke eklaute couple honge to honeymoon par bhajan kirtan karenge

Komal- sach me aisa hoga kya

Uske baad aniket ne ye puri kahani narayanrao ko sunayi aur wo bhi haste huye bole

Narayanrao- mai mana karunga to tum rukoge to nahi, jao aur us gadhe ka kaan pakad kar mere paas leke aao, itne bade ho gaye par jara akkal nahi hai

Aniket nikalne ki tayari karne laga aur jaldi se aniket aur komal taya hokar nikle

Idhar sanjana ne sari baat apni maa ko bata di to unhone kaha kle aniket ko komal sath hai to chinta ki koi baat nahi hai aur use jane ki permission de di aur ye bhi bol diya ke wo uske papa ko samjha degi itne me aniket waha apni gadi leke pahuch gaya aur shuru huyi avi ki khoj mohin aur sath hi hatele aniket aur komal ka hatela honeymoon

Aniket lagatar char ghante se gadi chala raha tha to komal ne use gadi rokne ko kaha aur gadi rukte hi komal boli

Komal- tum thak gaye honge, mai gadi chalati hi thoda samay

Aniket mana karne laga par komal ne uski koi baat nahi suni

Aniket- arey gaon me gadi chalana alag baat hai aur highway par alag baat hai

Komal- rehne doaur tum ho na mere sath mujhe sambhalne ke liye, waise bhi fourlane highway hai aur kabhi na kabhi to shuruwat karni hi hai, tum sath ho to koi dikkat nahi hai, aaram karo mai chalati hu

Sanjana un dono ko dekh rahi thi. Dono ekdusre se kitna pyaar karte hai, ekdusre ki care karte hai aur sabse important dono ekdusre par bharosa karte hai, pichli baate yaad aayi to samajh aaya ke dono ekdusre ko kitna achi tarah samajhte hai dusre ki baat sambhal lete hai, ek naraj ho to dusra use sambhalne ke liye shant rehta hai, koi compitition nahi, ego nahi, sanjana man hi man aniket aur komal ko dekh kar unme apne aap ko aur avi ko dekh rahi thi, uske liye to mano wo dono ideal couple the, aaj sanjana pyaar ke anginat rango ka anubhav kar rahi thi……

The search is now underway !