Romance Waqt.....

[Arjun Singh 72]

Awesome update
Kya paridhi ka gussa kuch Kam hoga
Keep posting

 

[Akki ❸❸❸]

Bhot hi bdiya update tha bhai, emotional update tha,,,,, mja aa gya ,,, ese update padne ka bhi ek alag hi anand h,,,,,,,, waiting for next

 

[GaBBaR is BacK]

Update - 19


Avinash - "Mai jo batana chahata tha maine bata diya... ab chaho to tum jaa sakti ho... lekin aur aek baat pe jarur sochana ki ye duniya sirf kale logo se hi bhari hai? kya isme koi achhai hai hi nahi jise hum apna sake?'


Aur Avinash waha se chala gaya.. Paridhi ko wahi chod vo chala gaya... doosre logo ke pass.. Paridhi abhi bhi jad bani wahi khadi thi... use ye bhi pata na chala ki kab Avinash waha se nikal gaya tha....


Ab aage....


Paridhi jab hosh aaya ki vo abhi aekli thi... usne aaspass dekha.... Avinash jaa chuka tha... Avinash jaa chuka tha Paridhi ke dil ko janjol ke rakh kar vo jaa chuka tha.... Paridhi ke dimag ko apni soch badalane ke liye majaboor kar ke vo jaa chuka tha... Paridhi chupchap si kuch pal yu hi khadi rahi.. vo baar baar Avinash ke har aek baat ko yaad kar rahi thi...


Paridhi man me - "Kya sach me meri vajah se mere mamma aur papa dukhi the?.... Kya mera najariya galat hai?... Aakhir sach hi kaha Avinash ne kya me apne liye na sahi apne Pariwar ke liye aek mauka khud ko nahi de sakati.... Lekin aaj tak mene sirf sabhi ladko ko ese hi dekha hai.. vasana se bhare...


Paridhi aek thandi saans lete huve - "kya esa koi hoga jo iss duniya me mere liye bana hoga?."


Paridhi ko fir Avinash ka aakhari sawal yaad aa gaya jsse Avinash ne Paridhi ko sochane ke liye kaha tha....


Avinash - "Aek baat pe jarur sochana ki ye duniya sirf kale logo se hi bhari hai? kya isme koi achhai hai hi nahi jise hum apna sake?"


Aur jese hi ye sawal khatam hi huva tha ki uske dil ke kone se vo aawaj fir se gunjane lagi jo usne Pavan ki Dyari me padhi thi...


Hamare jese gande bachhe jo inn sadko ki dhul ki tarah hamare dil pe bhi jo dhul jama huyi thi.... aaj uss dil ko kisi saaf dil ne chuva tha.... mere dil pe jo dhul ki parat jami thi ki ye duniya sirf khudgarj logo se bhari padi huyi hai iss dhul ki parat ko iss Pari si ladki ne saaf kar di thi...


Aur mano Paridhi ko Avinash ke sawal ka jawab mil gaya...


Paridhi - "Jese Pavan ke dil me jami huyi dhul ki duniya sirf khudgarj logo se hi bhari padi huyi hai.... ye dhul jese meri vajah se saaf huyi isi tarah koi aur bhi hoga jo mere dil me chayi iss dhul ko saaf kar dega.... Aur uske liye mene soch liya hai ki jese Avinash ne kaha hai vese mai khudko khud ke liye aur mere Pariwar ke liye aek mauka jarur dungi... Aur iss duniya ki achhai ko phir se apanaungi.."


Aur isi ke sath Paridhi ka dil khil utha aur uske khile huve dil ki chamak uske chahere ko bhi chu li aur vo bhi chamak utha.. Aankhe nam si ho gayi.. hotho pe muskan khil gayi.. Aur jese usne apne khushanuma chahere ke sath apne kadam uthaye hi the ki uske samane Avinash ki chavi daud gayi...


Paridhi ke chahere se muskan gayab ho gayi.. uski soch me Avinash ne apni jagah bana li.... Paridhi ke samen vo sab aa raha tha jab usne Avinash ke sath kitna bura bartav kiya tha... jab ki vo use madad karana chahta tha... aur vo ab bhi wahi chahta tha.. Paridhi ke itne bure bartav ke baad bhi.... Paridhi ab khud pe sharminda huyi... apni harkato se... Aur aakhir Avinash ki bhul hi kya thi... sare log aek jese hi thodi na hote hai... agar esa hota to duniya mai kahi achhai hi nahi bachati... Paridhi ki soch Avinash ke liye badal gayi...


Paridhi man me - "Ye mene kya kar diya... itne achhe insan se esa bartav mai kese kar sakti hu... mai sharminda hu apne bartav se.... maine bhul ki hai... muje uss se mafi mang ni hi hogi..."


Aur ab jake Paridhi ne cahro aur dekha lekin Avinash nahi tha... Uske dil me chinta ghir uthi...


Paridhi - "Kaha gaya Avinash?..."


Paridhi jald se apne Pariwar ke pass pahunchi usne dekha ki Avinash wahi tha aur Dev ke sath masti kar raha tha... Usse normal dekh Paridhi ko achha laga.. Lekin agle hi pal uska sir sharmindgi se juk gaya.. vo dhime kadmo se pass aayi..


Sumitaji haste huve - "Dekh li na achhe se sab jagah... Avinash bata raha tha ki tumhe aek jagah bahut bhaa gayi isliye tum thodi der vahi rukna chahati thi..."


Paridhi najre unchi karke Avinash ki aur dekha jo Dev ke pass betha tha lekin uske chahere pe koi bhaav nahi the...


Paridhi ko apne kiye aur jyada pastava hone laga... Avinash kitna achha tha... kya kya nahi kiya mene uske sath.. aur abhi bhi usne kisiko kuch nahi bataya.... mene galti kar di... ab muje uss se mafi mangani hi hogi...


Avinash - "Chaliye Aunty ham sab ab waha nadi kinare chalte hai.. bahut achhi jagah hai..."


Sab log uth ke jane lage.. Paridhi bhi pichhe pichhe aane lagi.. lekin vo Avinash se baat karna chahati thi... Avinash ne use dekh liya.. Jab sab aage chal rahe the.... vo thoda ruka aur Paridhi ke sath ho gaya.. Lekin Paridhi ke kuch bolne se pahele hi..


Avinash - "Tumhe kuch kahene ki jaroorat nahi... mai samajta hu... agar mere sath bhi kuch esa hota to mai bhi tumhare jesa hi bartav karta... isme tumhari koi galti nahi hai.. tumhe sirf Waqt chahiye sab fir se normal ho jayega... Aur mai tumse koi naraj nahi hu."


Paridhi ko abhi bhi thoda Avinash ko parakhana tha - "Tum itne achhe kese ho sakate ho?"


Avinash haste huve - "Ye to sirf dekhne ka najariya hai... abhi thodi der pahele aap ko muj me sab hi burai najar aa rahi thi.. aur ab najariya badlne se achhai najar aane lagi... jabki har insan me burai aur achhai dono hota hai.. jese sikke ki do baju..."


Paridhi ke chahere pe aek mithi muskan aa gayi..


Avinash - "Bas ese hi haste rahiye... aap bahut achhi aur sunder dikhti hai.. haste huve..."


Paridhi sharma gayi.. pata nahi lekin aaj shayad Avinash ne uske dil pe apni chap chod hi di thi...


Avinash Paridhi ke sath chalate huve ruk gaya jiss se Paridhi bhi ruk gayi aur uski taraf mudi..


Avinash - "Ab jessa ki muje lagata hai ki tumne meri sari buraio ki list to pahele se hi bana ke hi rakhi hogi. Pata nahi ab tak kitni lambi ban chuki hogi."


Paridhi ko phir se uske sare bure baratav samane aa gaye. Aur uska chahera murja gaya.. Jise dekh Avinash thoda pass aaya..


Avinash khile chahere ke sath - "Lekin isme aek baat tumhe bhi bata du ki mere pass bhi bahut lambi list hai tumhari buraio ki.. aur muje lagata hai ki hame iss list ko thoda change karne ke liye friends banana chaihye."


Avinash ne apna hath aage badhaya.. Paridhi ne aek najar uss hath ki aur dali aur phir Avinash ke chahere ki aur dali jo ki smile de raha tha...


Avinash - "Friends?... agar tum chaho to."


Pata nahi kyu Paridhi ke dil se koi aawaj nikali aur usi ke sath uska haath apne aap hi uper uthata gaya aur Avinash ke hath ko tham liya.. Paridhi ke chahere pe muskan chalak gayi..


Paridhi ne aaj kafi Waqt ke baad kisi ladke ka hath thama tha... aur ye shabd jo abhi uske hotho se nikalane wale the use to aaj tak kisine bhi Paridhi ke muh se kisi ladke liye nahi suna hoga.. khud Paridhi ne bhi nahi...


Paridhi aek bahut hi pyaari smile dete huve - "Friends."


~ Gabbar is Back

 

[Arjun Singh 72]

Awesome update
Jab paridhi Avinash ki taraf ja rahi to prem ke liye koi feeling nahi hogi musjhe aaisa lagta h
Keep posting

 

[Chinturocky]

Behtareen update,
Achchha hua jo Paridhi ke man se nafrat nikal gayi.

 

[The_InnoCent]

Update - 5


Paridhi apni chair pe beth ke aankhe mund li aur apne jahan me iss naye ahesas ko bharna chahti thi….. Lekin vo esa kar na saki uske aankhe band karte hi usse kuch yaad aane laga usse 2 din pahele huvi aek ghatana uski aankho ke samane aane lagi...


Ab aage...


Color - Paridhi's Past


2 Days Earlier
Date - 20/08/2015



Paridhi raat ko apni Audi Car ko puri Speed me bhaga rahi thi…. aaj usne der raat tak Party ki thi kyu ki aaj uska MBA khatam huva tha aur vo ab aazad panchhi thi jo iss puri duniya ko apni udan se muhhya karanr ke liye vo ab aazad thi…. usne apne college friends ke sath late night party enjoy kar ab wapas ghar jaa rahi thi….


Car full speed me raat ke sannate ka chirharan kar rahi thi.... Lekin abhi uski aankho mai se party ka nasha kaha utara tha...


Paridhi sochate huve - "Yaar, aaj kuch had se jyada hi sharab ke pack laga liye... mom dekegi to pure ghar me tandav mach jayega... kya karu?... kya karu?... pahele ghar jaane se pahele paani se apna muh dhoke apna huliya to thik karlu."


Usne Car ko raste ke mod ke kuch pichhe car ko khadi ki… aur khud Car se bahar nikali… usne time dekha 2:36 baj rahe the…. usne Car ki pichhli seat pe se apni Pani ki bottle li aur jese hi apni bottle ko kholke pani pine ke liye uthaya… tabhi usse kisiki aawaj sunai di…. Aawaj uss raste ke mod se doosre raste se aa rahi thi….. kisi ladki ke chillane ke thi… Paridhi aawaj sunke saham gayi… aur chalte huve raste pe mod pe aake chupke se dekh ne lagi…


Usse raste pe 4 aadmi dikhai diye jo ki raste pe khade the… aur raste ki side me aek car thi…. aur un logo ke samne aek ladki khadi thi… jise dekh ke lagata tha ki vo bahut dari huyi thi…. Aur aadmi samane kahde the vo sab has rahe the….


Paridhi ko samajte der na lagi ki kya ho raha tha yaa to kidnapping hone wala tha yaa phir ussladki ka rape hone wala tha…. Paridhi saham gayi…. usne charo taraf dekha sara rasta sumsan tha dur dur tak ped paudho ke alawa kuch dikh na raha tha….. door door tak koi nahi tha…. Paridhi ka dimag hang ho gaya usne phir se raste pe dekha….


Sare aadmi uss ladki ke kaphi karib aa gaye the…. Paridhi ka dimag ghum gaya aage kya hoga soch ke…. uske pair kamp rahe the…


Tabhi use uske pichhe se kisi bike ke gujara ne ki aawaj aayi….


Paridhi pichhe mudi…. use door se aek bike aati dikhayi di…. Vo bike bahut raftar me thi… aur kuch hi second me vo raste se aage nikal gayi…. pardhi aawaj bhi na laga payi… Paridhi ne jald se apne phone se police call dhumane ki koshish karne lagi... Aur baar baar uss ladki ki aur dekh rahi thi... Pata nahi usse abhi aek aek pal aek aek saal jessa lagane laga tha... Lekin pata nahi kyu uski phone ki ring jaa hi nahi rahi thi...


Vo ladki jo abhi bhi mdad ke liye chilla rahi thi ab vo jamin pe gir chuki thi aur 2 aadmi uske kapde khinch ne ki kosish kar rahe the aur 2 aadmi vaha khade video bana rahe the… Unn charo ki hasi danavo se kam nahi lag rahi thi...


Paridhi dar gayi thi... usne paheli baar kisi ki bebasi ki… dard ki…. dari huyi esi chikhe suni thi... Uske pair vahi tham gaye the... Lekin vo ese khadi nahi rah sakati thi... jab tab police aati tabtak kya ho chuka ho kya pata.... Usne turant hi kuch karne ka than liya... uss danavo se ladane ka than liya... Usne than liya chahe jo ho jaay vo inn insan ke bhesh me aaye danvo se ladegi...


Paridhi ne uski madad ke liye abhi kuch kadam badhaya hi hoga ki goli chalne ki awaj sunai di…. aur sab log kuch samaj pate iss se pahele to un dono me se 1 aadmi jo ladki ke kapde khinch ne ki kosish kar raha tha vo niche gir pada….. jese goli ki aawaj ne sannate ko chir diya wese hi uss aadmi ke nichhe girne ki aawaj bhi sannate ko chir gayi…. niche giri huyi ladki ki chikhe bhi goli ki aawaj se band ho gayi… Paridhike pair bhi hawa mai hi ruk gaye…


Sab log apni jagah pe freeze huye aankhe phad phad ke samjane ki kosish kar rahe the ki aakhir kya huva…


sab se pahele Paridhi ki harkat huyi aur usne goli chal ne ki aawaj ki aur dekha… Paridhi ke pass hi vahi bike khadi thi jo abhi abhi uske samne se gujari thi…. aur bike ke pass aek aadmi khada tha jisne abhi abhi goli chalayi thi aur uske hath me gun thi…


Vo aadmi dhire dhire aage aaya uske chahare pe aek bikers vala mask tha… jis me se uski sirf ankhe hi dikh rahi thi...


uss aadmi ki najar vaha khade doosre 3 aadmio ki aur thi… uski najare unn tino pe hi gadi huyi thi usne aek baar bhi Paridhi ki aur na hi uss niche giri ladki ko dekha… Paridhi ab puri tarah se dar gayi… uski aankho ke samne aek khoon huva tha… usne jo kuch ladne ke liye takat ikkathi ki thi vo bhi ab bhamp ban gayi...


Vo aadmi aur aage badha aur baki ke bache 3 aadmi ko piche hatne ka ishara kiya… vo tino darte huve hath hava me kiye piche hat gaye… abhi bhi uss admi ki gun ka point unn tino ke uper hi tha…


Jese hi vo tino thode dur gaye uss aadmi ne niche padi ladki ko apna aek hath use khada karne ke liye badhaya….


Vo niche padi ladki bhi bahut dari huyi thi vo to bokhhla gayi thi…. lekin usne jese tese uss aadmi hath pakd ke khadi huyi…


Lekin uss ladki ke kapde uss khinchtan me kuch jagah se fat gaye the aur usme se uss ka badan dikh raha tha… uss bike vale adami ne aek hath me gun pakde huye aur aek hath se apni jacket utari aur jacket ko uss ladki ki aur badha di… abhi bhi uss aadmi ki najar unn tino aadmi pe hi gadi huyi thi…


Abtak paridhi ko bhi ahesas hi chuka tha ki vo bike vale aadami ne uss ladki ki ijjat bacha li thi... usne man hi man uss aadmi ka shukriya ada kiya aur upperwale god ka bhi jiss ne iss aadmi ko phariste ki tarah bhej diya tha.... aur ab Paridhi wapas normal ho chuki thi... Lekin jo abhi aek khoon huva tha uss ke liye vo abhi bhi dari huyi thi...


Uss ladki ne kampte hatho se jacket li aur apne uper daal di… lekin in sab ke bich uski najar un tino pe hi thi...


Gun wale Aadmi ne unn tino ki aur dekhte huye - “Hmmm…. to ab boliye sarakar kya kiya jaay.. maar diya jaay ya chod diya jaye…”


Paridhi ko iss filmi dialogue pe hasi chuti…. Aur iss hasi se sabka dhyan Paridhi ki aur gaya lekin uss gan wale aadmi ka nahi….


Aur aek goli sannate ko chirati huti gun me se chuti aur un tino mese aek aadmi aur dher ho gaya…. Paridhi ki hasi aekdam se band ho gayi… ye doosra khoon tha uske samne…. Paridhi ne dekha vo ladki jo gun wale aadmi ke pass khadi thi vo behosh ho ke girne wali thi Paridhi ne teji se daud ke uss ladki ko pakad liya.


lekin abhi bhi uss Aadmi najar un dono pe se nahi hati thi - “Sawal pucha tha jawab diye bina najare ghuma li…. ab aakhari baar puch raha hu… maar diya jaye ya chod diya jaye…”


Vo dono aadmi ghutno ke bal beth gaye…. aur kargarane lage..


Dono aadmi - “Dekho hame jane do… hum to bus yaha iss ladki ko thokane aaye the... boss ka order tha.." Unn dono ne niche pade aadmi ki aur ishara karte huve - "Hame bus supari mili thi isse marne ke liye lekin ye boss ka idea tha yaha bich sadak pe iss ke sath......."


Bike vala Aadmi - “Kisne supari di thi?"


Aadmi - "Vo boss ko hi pata tha?"


Aek aur goli chali aur un dono me se aek dher ho gaya…


Ab to Paridhi bahut hi dar gayi… uss in goliyo ke aawaj se jese dimag hi sunn pad gaya… uski aankhe band ho gayi…


Bike vala aadmi galiya bakata huva - "Sale, ******, *****, tune ka ped pe uge fal ki tarah janm liya hai, sale teri maa bahen ke sath koi ye sab karega aur tum yu dekhate hi rahoge... jaan se mar dunga tuje...."


Ghutno me pade aadmi ki batti hi gul ho gayi thi vo aek tak apne sathi ko take jaa raha tha… aek goli chali aur vo aakhri bachha aadmi bhi mare gaya…. iss akahri goli ke aawaj ke baad koi aawaj na huyi…


Abhi abhi Paridhi ke aankho ke samne 4 murders huye vo aanke phade phade samne wale najare ko dekh rahi thi… vo bhi ab buri tarah se kamp rahi thi….


Vo gun wala aadmi pichhe muda aur Paridhi ke pass aaya vo aadmi to mano ab kuch huva hi nahi ese thanda pad chuka tha uss ki aankho me na abhi koi gussa jalak raha tha na hi uske haath pair kamp rahe the..


Uss bike vale aadmi ne ladki ki hath ko pakd ke uski nabj chek ki…. aur Paridhi ko bol ne laga..


Aadmi - “Dekhiye madam aap jaldi se inhe hospital le jayiye aur iss ladki ko ho shake to inke pariwar ko italla bhi kar dijiyega.."


Paridhi jese ab hosh me aayi usne uss aadmi ki aur dekha


Paridhi - “K… Ky… Kya kaha aapne?”


Aadmi - “Aap iss madam ko jald se jald hospital leke jayiye aap samaj rahi hai na mai kya kah raha hu?"


Paridhi - “Huuu…”


Aadmi - “Achha to aap jayiye aur me bhi chalta hu… aap madam ko itna samja dijiyega ki yaha kuch huva hi nahi aur aap dono yaha thi hi nahi… agar aap media valo ka ya police valo ke pichhe har jagah ke chkkar nahi katana chahati hai to.. kyu ki ab ye khoon ka mamala ho chuka hai aap samaj rahi hai na ki mai kya kahane ki koshish kar raha hu?"


Paridhi abhi bhi uss aadmi ko hi ghure jaa rahi - "Ji.... Ji.... Thik.... Thik hai…. Aap ka dhanyawad."


Aadmi - “ye mera farz hai… aur yaad rakhiyega hum bhi kabhi mile nahi... thik hai na?"


Paridhi - “Ji..."


Uss bike vale aadmi ne uss beshosh huyi ladaki ko Paridhi ke car tak le jaane ke liye madad ki aur phir vo aadmi teji se apni bike ki aur gaya aur uspe beth ke usne bike ko full speed se dauda di Paridhi ne jese hi uss bike ko raste se gayab hote huve dekha vo mudi....


Lekin tabhi uski najar waha padi jaha uss aadmi ki bike khadi thi…. waha pe aek Dyari padi thi…. Shayad ye uss aadmi ki hogi jo gir gayi hogi….. Paridhi ne phir se uss bike ke raste ki aur dekha lekin vo bike jese kahi dur nikal chuki thi... Paridhi ne uss Dyari ko uthaya aur chal di uss ladki ko hospital le jane ko.


Usne Car ki pichhli seat pe uss ladki ko letaya aur wahi pe vo Dyari bhi rakh di…


~ Gabbar is Back

Waaah kya baat hai bhai. Bahut hi khubsurti se story ko aage le ja rahe hain aap. Kahani ki shuruaat me alag kahani thi aur ab ye ek naya chapter add ho gaya hai. Mumkin hai ki iska gahra tallkuk hoga story me. Khair dekhte hain aage kya hota hai,,,,

Baaki ke updates padh hi nahi paya tha bhai. Is liye abhi pata nahi chal paya ki is kahani me is WAQT ka kis kis ke sth kya kya khel hua hai,,,,,

 

[GaBBaR is BacK]

Bhot hi bdiya update tha bhai, emotional update tha,,,,, mja aa gya ,,, ese update padne ka bhi ek alag hi anand h,,,,,,,, waiting for next

Bas yuhi aanand lete rahiye

 

[GaBBaR is BacK]

Awesome update
Jab paridhi Avinash ki taraf ja rahi to prem ke liye koi feeling nahi hogi musjhe aaisa lagta h
Keep posting

Dekhate hai ki Paridhi kis aur jukegi....

Waqt ki abhi shuruaat hi to huyi hai

 

[GaBBaR is BacK]

Behtareen update,
Achchha hua jo Paridhi ke man se nafrat nikal gayi.

Thanks Chinturocky bhai...
Nafarat nikal jarur gayi lekin nafarat huyi kyo? ye bhi sochane wali baat hai

 

[GaBBaR is BacK]

Waaah kya baat hai bhai. Bahut hi khubsurti se story ko aage le ja rahe hain aap. Kahani ki shuruaat me alag kahani thi aur ab ye ek naya chapter add ho gaya hai. Mumkin hai ki iska gahra tallkuk hoga story me. Khair dekhte hain aage kya hota hai,,,,

Baaki ke updates padh hi nahi paya tha bhai. Is liye abhi pata nahi chal paya ki is kahani me is WAQT ka kis kis ke sth kya kya khel hua hai,,,,,

Thanks The_InnoCent bhai...

Waqt ke kai sare sire aage aage aate rahenge kuch siro ko Waqt ese jodega ki sab ki jindagiya hi badal jayegi...