Erotica Xossip to Xforum

[The Immortal]

PAAP

12. LOTTERY

UPDATE 1


July ke mahine ke baaki dino ki tarah bhi us din bhi dopahar ki garmi ki tapish subah se hi hawa mein mehsoos hone lagi thi. Aasman saaf tha aur sooraj apne aane wale 12 ghanto ke safar par nikal chuke the.
Gaon ke chaaro aur fasal hari bhari thi. Pichhle hafte hui lagatar barish ki vajah se zameen par hari ghaas ki ek chadar si pheli hui thi. Aaj ka din khaas tha, bahut khaas.
Gaon ke sabhi log school ke saamne maidan mein jama hone shuru ho gaye the. Yun toh rozana is waqt ye maidan school mein padhne wale bachcho se bhara hota tha par aaj school ki chhutti thi. Aas paas ke kuchh gaon mein toh Lottery khatam hone mein kabhi kabhi 2 se 3 din lag jaate the par is gaon ki aabadi zyada na hone ki vajah se ye kaam 2 ghante mein nipat jata tha.
Sabki koshish yahi thi ke jitni jaldi ho sake lottery shuru ki jaaye taaki dopahar ki garmi badhne se pehle pehle sab khane ke waqt tak aaram se vaapis apne gharon mein ja sake.
Hamesha ki tarah is baar bhi sabse pehle bachche hi jama hue. School se chhutti hone ka utsaah sab mein nazar aa raha tha. Sab alag alag jhund banaye maidan mein bikhre hue the. Koi school ki baaten kar raha tha, koi apne teachers ki, koi kisi kitab ki kisi kahani ki toh koi aaj lottery ke baad shaam ko khelne ki baatein.
"Aaj pitthu khelenge" Anil apne saath khade doston se keh raha tha. Uski dono jebon mein patthar bhare hue the aur uski dekha dekhi uske baaki doston ne bhi yahi kiya tha. Paas ki nadi se vo gol chikne patthar uthakar laaye the. Anil, Rohit aur Himanshu ne milkar maidan ke ek kone mein pattharon ka ek teela sa bana liya tha aur vo uske paas khade uski rakhwali kar rahe the ke kahin gaon ke doosre ladke vahan se patthar na utha le jaayen.
Ladko ki tarah hi gaon ki sabl ladkiyan bhi ek saath hi khadi hui thi aur unmein bhi aapas mein tarah tarah ki baatein chal rahi thi.
Thodi hi der baad gaon ke mard us saal ki faslon, tractors, kheton aur baarish ke baare mein baat karte hue maidan mein jama hone shuru ho gaye. Vo sab bhi ek saath hi khade hue the aur khamoshi se aapas mein baat karte muskura rahe the. Unki hasi aur thodi door patthar ke teele ke paas khade ladko ki hasi mein zameen aasman ka farak tha. Jahan vo ladke har baat par dil khol kar has rahe the, vahin sab mard dheere se muskurate hue baat kar rahe the.
Thodi der baad hi gaon ki auraten ne bhi aana shuru kar diye. Saree, salwar kamiz, ghaghra choli pehne sab auraten idhar udhar ki baatein karti apne apne gharwalo ke paas jakar khadi hone lagi. Kuchh der baad hi bachchon ko aawaz dekar apne paas bulaya jaane laga aur pehle jo jhund aadmi, auraton aur bachchon mein bate hue the, ab pariwar ke hisaab se bat gaye.
Anil ko bhi aawaz dekar uski maan ne apne paas bula liya tha. Vo kuchh pal toh shanti se apne pariwar ke saath khada raha par ek baar phir nazar bachakar patthar ke teele ke paas pahunch gaya. Jab uske pita ne ek baar phir chilla kar uska naam pukara, toh vo gardan latkaye phir apne pariwar ke paas aakar khada ho
gaya.
Hamesha ki tarah is baar bhi Lottey ka aayojan gaon ke sarpanch Ramdeen Kaka hi kar rahe the. Vo umar mein koi 60 saal ke the aur unka cheeni ka karobar tha. Unke munh par toh koi nahi kehta tha par gaon mein har kisi ko unse hamdardi thi kyunki unki koi aulaad nahi thi aur unki biwi ki zubaan toh aas paas ke 10 gaon mein mash-hoor thi. Sab unhein peeth pichhe joru ka ghulam keh kar bulate the. Kehte the ke gaon ka sarpanch jo sabse saamne sher bana phirta tha vo ghar ki chaar-diwari mein apni biwi ke isharon par nachta hai.
Haath mein kale rang ka dibba uthaye jab Ramdeen Kaka maidan mein aaye toh har taraf ek khusar phusar si hone lagi. Sab nichi aawaz mein aapas mein baaten karne lage..
"Maaf kijiyega aaj thodi der ho gayi" Ramdeen ne haste hue chilla kar kaha.
Unke pichhe picche hi post-master Sharma ji bhi 3 pairon wala stool uthaye aa gaye. stool ko maidan ke beech rakh diya gaya aur dabba uske uper. Gaon wale ab bhi thoda door hi khade the, Stool aur kaale rang ke us dibbe se thoda fasla banaye.
"Madad ke liye koi aage aaye" Ramdeen ne chilla kar kaha toh gaon wale sab ek doosre ka munh dekhne lag gaye jaise faisla kar rahe hon ke madad ke liye aage kaun badhega. Kuchh pal baad Sharma ji ke dono bete aage badhe aur kagaz ke tukdo ko dabbe ke andar rakhne mein madad karne lage...

 

[The Immortal]

PAAP

12. LOTTERY

UPDATE 2


Lottery nikalne ka purana aur asli tarika waqt ke saath dheere dheere khatam ho gaya tha. Stool ke uper rakha kaale rang ka dibba Shamsher Chacha jo ki umar mein gaon mein sabse bade the, unke paida hone se pehle se istemaal kiya ja raha tha.
Ramdeen Kaka aksar gaon mein ek naya dibba banane ki baat karte the
par gaon mein koi bhi purane riwaz ke khilaff nahi jana chahta tha. Mana jata tha ke stool ke uper rakhe us kaale dibbe mein lottery ke liye istemaal kiye gaye sabse pehle dibbe ke tukde lage the. Har saal lottery ke baad Ramdeen Kaka ek naya dibba banane ki baat karte the par hamesha is baat ko baaton baaton mein taal diya jaya karta tha.
Har saal dibba ghista ja raha tha aur ab toh aisi halat ho gayi thi ke uspar se kala rang udkar neeche se lakdi ka rang nazar aane laga tha.
Sharma ji aur unke sabse bade bete ne stool aur dibbe ko kaskar pakad rakha tha aur sab kagaz ke tukdo ko usmein dalkar achchhi tarah se mila diya gaya.
Pehle kagaz ki jagah lakdi ke tukdo par naam likh kar dibbe mein dala jaya karta tha par dheere dheere waqt ke saath vo bhi badal gaya.
"Ab gaon ki aabadi itni zyada ho gayi hai" Ramdeen Kaka ne kagaz daalne ke paksh mein kaha tha "Itne saare naam lakdi ke tukdo par likhenge toh dibbe mein sab naam samayenge kaise? Aur jis hisaab se gaon ki aabadi badh rahi hai, aane wale kuchh saalon mein duguni ho jaayegi"
Lottery se ek raat pehle Sharma ji aur Ramdeen Kaka ne milkar sab logon ke naam kagaz ke tukdo par likhe the aur phir unhein dibbe mein dalkar Post Office mein ek taale mein rakh diya gaya jahan se phir agli subah unhein maidan mein laya gaya. Hamesha lottery hone ke baad dibbe ko ek baar phir ek saal ke liye Post office ki hi ek almari mein taale mein band karke rakh diya jata tha.
Sab log jama hue besabri se lottery shuru hone ka intezaar kar rahe the par ab bhi kai saare kaam baaki the. Ek poori list abhi banayi jaani baaki thi. Ek aisi list jismein har kunbe aur khandaan ke mukhiya ka naam hote tha, us khandaan mein kitne pariwar the aur har pariwar mein kitne log the. Aur phir Lottery shuru hone se pehle Puja honi thi. Pehle kaha jata tha ke pehle lottery shuru hone se pehle ek hafte tak pooja rakhi jaati thi par dheere dheere waqt ke saath ye bhi khatam ho gaya.
Ab lottery hone se pehle hi pooja hoti thi aur usmein bhi log bas yahi intezaar karte the ke kab Pooja khatam ho aur lottery shuru ki jaaye.
Sharma ji khade gaon walo ke hisaab karte list bana hi rahe the ke ek aur se haanfti hui Shanta Bi chalti nazar aayi. Neele rang ki saree mein kabhi vo ghutno se apni saree ko pakad kar uper karti toh kabhi apna pallu sambhalti.
"Main toh bhool hi gayi thi ke aaj lottery hai" Aate hue vo Sharma ji ko dekh kar boli "Mujhe laga mera marad kheton mein gaya hai par jab maine khidki se bahar dekha toh ek bhi bachcha nazar nahi aaya. Tab mere dhyaan mein baat aayi ke aaj toh lottery hai"
Tez kadmon se chalti Shanta Bi apne pati ke paas jakar khadi ho gayi.
"Le Aa gayi teri gharwali" Ramdeen Kaka ne unke pati ki aur dekhte hue kaha
"Hamein toh laga tha ke aaj aapke bina hi shuru karna padega Shanta Bi" Pichhe se Sharma ji bhi bole
"Main yahan aa jaati agar toh ghar ka kaam kya aapki gharwali aakar niptati" Shanta Bi ne jawab mein kaha toh sab unki baat par hasne lage.
"Toh shuru kiya jaaye?" Thodi der baad Ramdeen Kaka chilla kar bole "Koi hai jo yahan nahi hai?"
Sabne apne aas paas dekhna shuru kar diya.
"Rehmat" Thodi der baad bheed mein se kisi ki aawaz aayi
"Rehmat?" Sharma ji ne apni list par nazar daali aur phir Ramdeen Kaka ki taraf dekh kar bole "Bechara Rehmat. Taang tuda li thi usne apni pichhle hafte baarish mein phisal kar"
"Rehmat ki jagah parchi kaun nikalega?" Ramdeen Kaka ne chilla kar kaha
"Main" Ek aurat ki aawaz aayi
"Aadmi ki jagah ek aurat parchi nikalegi? Tere ghar mein aur koi mard nahi hai kya?"
Yun toh is sawal ka jawab Ramdeen Kaka ke saath saath poore gaon ko pata tha par Lottery ke tarike ke hisaab se lottery nikalne wale ko sab baaten saaf rakhne ke liye is tarah se puchhna zaroori tha.
"Yusuf toh abhi bachcha hai. 15 ka hua hai pichhle mahine" Rehmat ki biwi ne jawab diya "Toh main hi nikalungi parchi is baar"
"Theek hai" Sharma ji ne apni list mein kuchh likhte hue kaha aur phir chilla kar kaha "Mehto ka ladka uthayega na is baar parchi?"
"Haan" Bheed mein khade ek ladke ne jawab diya "Apni maan aur apne liye khud main parchi uthaoonga"
"Shabash beta. Khushi hai ke tumhare pita ke baad ghar ki dekh-bhaal ke liye us buddhi aurat ke paas tum ho. Shamsher Bhai bhi aa gaye?"
"Haazir hoon janab" Bheed mein khade Shamsher chacha ne haath uthate hue kaha aur sab phir has pade
"Toh shuru karte hain" Ramdeen kaka ne chilla kar kaha aur bheed mein khamoshi chha gayi.....

 

[The Immortal]

PAAP

12. LOTTERY

UPDATE 3


"Ab main sabke naam pukarunga" Ramdeen Kaka ne bolna shuru kiya "Naam bulaye jaane par har pariwar ka mukhiya aage aayega aur dibbe mein se parchi uthayega. Parchi ko apne apne haath mein rakhen aur tab tak na kholen jab tak sab log apni apni parchi na nikal lein. Theek hai?"
Sab logon ne ye koi nayi baat nahi thi. Har saal Lottery isi tarah hoti thi isliye aadhe log hi Ramdeen Kaka ki baat ko dhyaan se sun rahe the.
"Santosh" Ramdeen Kaka ne pehla naam pukara.
Bheed mein se ek aadmi nikal kar bahar aaya aur dibbe mein haath dalkar ek parchi nikali.
"Kaise ho kaka?" Usne Ramdeen se kaha aur bina jawab ka intezaar kiye parchi haath mein thaame phir apni jagah par jakar khada ho gaya.
"Ilyaas" Ramdeen kaka ne list mein dekh kar bulana shuru kiya "Mehendi, Lalchand, Heer Singh ......"
"Waqt kaise nikal jata hai pata hi nahi chalta" Shanta bi ke paas khadi ek aurat ne dheere se unse kaha
"Haan" Shanta bi ne apni saree ka pallu anguli mein ghumate hue kaha "Lagta hai ke abhi pichhle hafte hi toh lotter ki thi. Ek saal kaise nikal gaya khabar hi nahi hui"
"Pathan, Meerpuri, Shivlal ........"
"Tera hone wala mard ....." Shivlal ko jaate dekh Shanta bi ne apne paas khadi aurat ke kandhe par haath marte hue kaha
"Rehmat ....."
"Aao aao aage aao" Ramdeen Kaka ne Rehmat ki biwi se kaha
Ab tak bheed mein zyadatar mardon ke haath mein ek parchi thi jise thaame vo chup chap nazar jhukaye khade the.
"Khudabaksh, Laal Singh ......"
"Jao na.. Khade khade soch kya rahe ho?" Shanta bi ne apne pati ko kohni maari toh sab phir halke se has pade.
"Aas paas ke gaon mein baat chal rahi hai aajkal" Shivlal ne apne paas khade Shamsher Chacha se kaha "Lottery band karne ki baat"
"Bevakoof hain saale" Shamsher ne munh banate hue kaha "Aajkal ki peedhi ko jaane kya ho gaya. Kuchh poora nahi padta, jitna do kam hai. Lottery band karenge toh uske baad kya karenge? Purane zamane ki tarah aadi manav banenge? Pehle kahawat hoti thi ke Lottery lagegi, fasal ugegi. Lottery band kar denge toh khayenge kya? Mitthi Patthar? Saalo saal se Lottery chalti aa rahi hai. Pehle toh naam badla. Angrez aaye toh naam badal kar lottery kar diya. Angrezi naam taaki angrezo jaise ban saken. Ab toh mujhe yaad bhi nahi ke iska asli naam hota kya tha, bas lottery chadh gaya zubaan par. Sab badal daalo, band kar do lottery. Bevakoof saale"
"Kuchh gaon mein toh unhone lottery nikalna band kar bhi diya hai" Shivlal ne apne haath mein thaame kagaz ko ghumate hue kaha
"Bevakoof hain saale" Shamsher ne phir apni baat dohrayi.
"Hardyaal, Rajan, Munshi ......"
Kuchh der baad Sharma ji ne apna naam pukara aur dibbe mein se ek parchi utha li. Agla naam Ramdeen Kaka ka tha aur unhone bhi ek aage badhkar dibbe mein haath dala aur ek parchi nikali.
"Mehto ....."
Bheed mein khada Mehto ka ladka aage aaya.
"Ghabrane ki koi baat nahi beta. Ek parchi nikal lo" Ramdeen ne pyaar se uska kandha thapthapaya.
"Shamsher ......"
"70 saal" Chhati chaudi kiye buddha Shamsher aage aaya "70 saal aaj poore ho gaye mujhe parchi nikalte hue"
Aur uske baad ek ajeeb si khamoshi chha gayi. Naam poore padhe ja chuke the. Sab apni apni parchi nikal chuke the....

 

[The Immortal]

PAAP

12. LOTTERY

UPDATE 4


"Sabke naam padhe ja chuke hain" Sharma ji ne chilla kar kaha
"Ab sab apni apni parchi kholenge" Ramdeen kaka ne kaha
Ek pal ke liye bheed mein koi nahi hila aur phir ek ek karke sab mardon ne parchiyan khol kar dekhni shuru ki.
"Kaun hai?"
"Kiska naam aaya?" Fauran hi aapas mein log parchi dekhne lage aur chaaro taraf sawal uthne laga,
"Kiske paas aayi kaali parchi?"
"Laal Singh?"
"Laal Singh?"
"Laal Singh ke paas hai parchi. Kala nishan uski parchi par hai"
Sabki nazar Laal Singh aur Shanta Bi par aakar ruk gayi. Laal Singh khamoshi se khada apne haath mein pakde kagaz ke tukde ko ghoor raha tha.
"Be-imaani hui hai" Achanak Shanta bi chilla padi "Aapne inko achchhi tarah se dekh kar parchi nahi uthane di. Dekha tha maine. Jald-baazi kari thi aapne inke saaath"
"Aisa kuchh nahi hua" Bheed mein se ek aurat chillayi "Sabko barabar ka waqt mila tha chun kar parchi uthane ka"
"Chup ho ja" Laal Singh apni biwi ko ghoorte hue bola
"Lottery ka pehla padaav poora hua" Ramdeen Kaka ne Dibba kholte hue kaha "Ab hamein aage badhna chahiye taaki sab waqt rehte dopahar ke khaane tak apne apne ghar vaapis ja saken. Laal Singh, apne pariwar ki taraf se parchi tum nikaloge. Tumhare pariwar mein kul kitne log hain?
"Anita aur Sunita ab jawan ho gayi hain. Parchi khud nikal sakti hain" Shanta bi chillayi "Apni kismat ka faisla unhen aap karne do"
"Betiyaan apni sasural ki taraf se parchi nikalti hain Shanta bi" Sharma ji ne muskurate hue kaha "Aap ye baat achhi tarah janti hain. Vo toh aapke pariwar mein shaamil hongi hi nahi toh unka toh filhal aapse koi lena dena hi nahi"
"Be-imaani hui hai" Shanta bi ne ek baar phir munh pherte hue kaha
"Meri betiyaan apne pati ke pariwar ki taraf se aayi hain" Laal Singh aage badhta hua bola "Mere pariwar mein betiyon ko nikal kar Mere, meri biwi aur bachchon ke siwa aur koi nahi"
"Toh theek hai phir Laal Singh. Parchi apne pariwar ki taraf se ek baar phir tum hi nikaloge. Bachche kitne hain?"
"Dono betiyon ko nikal kar 3 nabalig ladke aur. Arjun, Deepak aur Mohit" Laal Singh ne jawab diya
"Toh pariwar mein kul 5 hue. Sabke liye parchi tum nikaloge" Sharma ji ne kaha
"Lottery phir se shuru karni chahiye" Shanti bi itne dheere se boli jaise apne aap se baat kar rahi hon "Sabse dekha. Jaldi baazi karti thi. Parchi chunne ka waqt hi nahi diya. Sabne dekha tha"
Sharma ji ne 5 parchiyan uthayi aur unhen dibbe mein dalkar dibba band kar diya.
"Taiyyar ho?" Ramdeen Kaka ne Laal Singh se puchha. Jawab mein usne haan mein gardan hila di.
"Dhyaan rahe" Sharma ji ne chlla kar kaha "Aap paancho log ek ek karke dibbe mein se parchi nikalenge aur apne apne haath mein tab tak mod kar rakhenge jab tak ke aapko kholne ko na kaha jaaye. Theek hai?"
Laal Singh aur uske bachchon ne haan mein gardan hila di. Shanta bi ab bhi saree ka pallu ghumati apne aap se kuchh badbada rahi thi.
Sabse pehle Laal Singh ka pehla beta aage aaya aur dibbe mein haath daal kar ek parchi utha li. Phir doosra aur teesra beta aur teeno apne haath mein parchi thaame kuchh kadam pichhe hokar khade ho gaye.
Bheed mein khade unke sab dost saans thaame gaur se unhen dekh rahe the.
"Shanta Bi" Naam sunkar vo jaise neend se jaagi.
"Aapki baari" Ramdeen Kaka ne kaha toh vo aage badhi, ek pal ke liye jhijhki aur phir dibbe mein haath dalkar ek parchi utha li.
"Tumhari baari Laal Singh" Sharma ji ne ishara kiya toh Laal Singh ne dibbe mein haath dalkar aakhri parchi utha li.
Bheed mein sannata chha chuka tha. Sab saans roke beech mein khade Laal Singh, Shanta bi aur unke bachchon ko dekh rahe the...

 

[The Immortal]

PAAP

12. LOTTERY

UPDATE 5


"Lottery mein ab vo maza nahi raha" Shamsher Chacha apne paas khade aadmi se keh rahe the "Logon mein ab vo josh nahi raha, vo shraddha nahi rahi"
"Sab parchiyan nikali ja chuki hain" Ramdeen Kaka ne chilla kar kaha "Ab aap log apni apni parchi kholen"
Parchiyan kholi gayi. Sharma ji ne aage badhkar pehle bachchon ki parchiyan dekhni shuru ki.
Unhone pehle bachche ki parchi haath mein lekar apne sar ke uper uthayi. Parchi par koi nishan nahi tha.
Baaki dono bachchon ne tab tak apni parchiyan khol li thi aur koi nishan na dekh kar dono aapas mein has pade.
"Laal Singh" Ramdeen Kaka ne kaha toh usne apni parchi khol kar dekhi aur sar ke uper uthakar bheed ko dikhayi. Parchi par koi nishan nahi tha.
"Shanta Bi. Nishan wali parchi Shanta bi ne uthayi hai. Parchi khol kar dekhi jaaye" Ramdeen Kaka ne kaha aur Sharma ji ne aage badhkar parchi Shanta bi ke haath se nikali.
"Nishan is parchi par hai" Unhone zor se kaha aur haath hawa mein uthakar parchi aas paas khade logon ko dikhayi.
Laal Singh ne aage badhkar parchi par nazar daali. Parchi par ek kaale rang ka nishan tha. Vo nishan jo Ramdeen Kaka ne kal raat ek kaale rag ke kalam se banaya tha. Thodi der pehle yahi parchi uske haath mein thi jab uske pariwar ko chuna gaya tha aur ab vo parchi uski biwi ne dibbe se uthayi thi.
"Lottery mein naam chun liya gaya hai. Ab Lottery ka aakhri padav poora karne ka waqt aa gaya hai. Dhoop tez ho gayi hai toh jaldi ye kaam bhi khatam kar lete hain taaki aap log apne apne ghar ja saken" Sharma ji ne chilla kar kaha
Yun toh gaon wale Parchi nikalke ke baare mein zyadatar baatein bhool chuke the, iska asli naam bhool chuke the, sahi riwaz bhool chuke the par pattharon ka sahi istemaal vo ab tak nahi bhoole the.
Ladko ne pattharon ka jo teela banaya tha ab use istemaal karne ka waqt aa gaya tha.
"Is baar itne bhaari bhaari patthar kyun jama kar liye in ladko ne" Ek aurat doosri se keh rahi thi "Inko uthaoon kaise?"
"Main toh dheere dheere hi karungi. Tum uthake chalo, main pichhe aa rahi hoon" Doosri aurat ne jawab diya.
Bachcon ne apni jebon se patthar pehle hi nikal liye the. Kuchh ne aage badhkar Laal Singh ke teeno beton ke haath mein bhi kuchh patthar thama diye.
Shanta Bi bheed ke beecho beech khadi apne haath uper kiye chilla rahi thi.
"Be-imaani hui hai" Unhone kaha hi tha ke ek patthar udta hua aaya aur unko maathe par aakar laga. Vo sambhalti usse pehle hi ek patthar aur aakar kandhe par laga, phir ek aur pet par, phir ek aur sar par .......
"Chalo chalo aage badho" Shamsher chacha bachcho ko uksa rahe the.
"Be-imaani hui hai. Lottery sahi nahi nikli ....." Shanta bi chilla rahi thi par unki aawaz bheed ke josh ke beech kahin khokar reh gayi thi.........

THE END.

 

[The Immortal]

PAAP

13. AAINA

UPDATE 1



"Vo Rajesh apne ko bola ke soyi hai tu uske saath" Sonu pink color mein uper neeche ho rahi uski badi badi chhatiyon ke dekhta hua bola.
"Haan toh?" Neelam jaanti thi ke vo kahan ghoor raha hai par use jaise koi parwah nahi thi.
"Toh vo keh raha tha ke bistar pe bahut sahi maza deti hai tu"
"Achha! Aur kya keh raha tha tera Rajesh?" Vo tana sa maarte hue boli
"Yahi ke mast hoke deti hai tu" Vo gaadi chalata uske aur daant nikalta hua bola
"Aur?" Neelam bore hoti khidki se bahar hoti dekhti rahi
"Yahi ke kapde ke andar mast chikni hai tu. Kahin pe bhi toh ek baal nahi hai tere"
"Aur?"
"Aur ke ek baar shuru ho jaaye toh bistar par tu jannat dikha deti hai"
"Sahi bolta hai vo" Neelam uski aur dekhti hui boli "Bahut garam hoon main aur kapde ke andar mein itni chikni ke sala nangi ho jaoon toh tere maafik aadmi kutte ke jaise laar tapkaye. Aur bistar pe main sab karti hai. Aage, pichhe, munh mein, har jagah leti hai. Par uska paisa lagta hai, samjha. Jitna paisa mere ko milega, utni zyada jannat paisa dene wale ko dekhne ko milegi. Paisa, jo tere jaise foketiye ke paas hai nahi toh laar tapkana band kar aur gaadi chala. Samjha?"
"Toh matlab apne paas maal hoyega toh tu apne ko bhi degi?" Sonu aisa bola jaise munh maangi murad mil rahi ho.
"Haan degi bhi aur tera legi bhi. Par pehle maal leke aa foketiye" Neelam ab bhi khidki se bahar dekh rahi thi. Magar raat ke andhere mein us sunsaan sadak par kaale andhere ke siva kuchh dikhai nahi de raha tha.
"Aisa kaahe ko bolti hai. Paisa hai na apne paas" Sonu munh banata hua bola
"Achha?"
"Haan hai na. Tu bol kitna chahiye tere ko?"
"Tere paas kitna hai"
"Hazaar hai mere paas" Sonu ne khush hokar daant dikhaye aur uski baat sunkar Neelam zor zor se hasne lagi. Daant dikhate Sonu ko samajh nahi aaya ke uski hasi mein shaamil ho ya pehle ye samjhe ke vo has kyun rahi hai.
"Itne toh saale main sirf apna top utarne ke le leti hoon" Neelam ne kaha aur phir zor se has padi.
Uski hasne ki vajah sunkar Sonu ka munh ban gaya. Usne nazar chup chap saamne sadak par jamayi aur Honda City ki speed badhayi. Kuchh der hasne ke baad Neelam bhi chup chap phir khidki se bahar dekhne lagi.
"Saali sayani banti hai. Ameeron ka lund lene ki aadat padi hai. Khud saali ki aukaat bhale 2 kodi ki na ho, par mera mazak zaroor udayegi" Car chala Sonu mann hi mann soch raha tha
"Hazar. Kabhi kitni keemat rakhte the hazaar bhi uske liye aur aaj vahi rakam usne kaise hasi mein uda di" Khidki se bahar dekhti Neelam mann hi mann soch rahi thi
"Tera Boss bataya ke aaj kiske paas jaane ka hai?" Thodi der baad vo boli
"Nahi" Sonu ne jawab diya. Uska gussa ab bhi utra nahi tha aur ye baat shakal se saaf zaahir thi "Mere ko bas itna bola ke tere ko leke Khandala pahunchne ka hai. Koi badi party aa rahi hai"
"Koi angrez toh nahi hai na?" Neelam ne kaha
"Kyun angrez ka lene mein dikkat hai tere ko?"
"Nahi dikkat toh koi nahi hai par inka sala pata nahi hota. Saari ajeeb ajeeb bimariyan yahi saale shuru karte hain aur bistar par aisi aisi farmaish karte hain jaisa kharidke laaye hon"
"Soyi hai kabhi kisi angrez ke saath?"
"Haan soyi thi ek baar"
"Phir?"
"Phir subah langdake chal rahi thi aur kya. Pata nahi sala kya khaake aaya tha. Raat bhar sukoon se ek pal nahi betha. Poora vaisa vasoola saale ne"
Is baat par vo dono hi has pade.
"Bade Bhai aa rahe hain shayad" Kuchh der ki khamoshi ke baad Sonu bola
"Bade Bhai bole toh?"
"Apne Bhai ke uper ke Bhai. Pichhe se saara maal vahi supply karte hain Bhai ko isliye apne Bhai unko is baar achhe se khush karna chahte hain" Sonu ne kaha
"Toh mera khyaal kaise aaya?"
"Rajesh bola. Vo keh raha tha ke tujh jaisi aaj tak kisi ke saath soya nahi hai vo. Itna tareef kiya ke Bhai bole ke main jaake tujhe hi le aaoon"
"Hmmmm" Neelam ne haami bhari aur phir gaadi ke bahar dekhne lagi....

 

[The Immortal]

PAAP

13. AAINA

UPDATE 2


"Theek hai" Gaadi chalata Sonu achanak se bola
"Kya theek hai?" Neelam ne hairani se uski taraf dekha
"Top utarne ka hazaar leti hai na tu? Apun dega tere ko hazaar. Tu Top utaar" Sonu gaadi dheemi karte hue bola.
"Tera dimag kharab hua hai?"
"Kyun Dimag kharab hone wali kya baat hai" Usne gaadi sadak ke kinare lekar rok di "Tu bas apna top utaar, apna uper ka maal mere ko dikha de, main tujhe hazaar de doonga"
Gaadi ek sunsaan jagah par khadi thi. Koi ikki dukki gaadi hi thodi der baad guzar rahi thi.
"Aur tu kya karega? Meri chhatiyan dekhkar hilayega?"
Uski baat ne jaise Sonu ke dimag mein idea daal diya.
"Haan. Tu thodi der apna top aur bra utar kar beth aur main dekh kar hila loonga. Aur hazaar tere"
Neelam ka dil kiya ke phir zor se has kar uski baat taal de par uske dimag ne use aisa karne se rok diya.
Thodi der uper se nangi hokar bethne ke hazaar mil rahe the. Vaise bhi toh vo pichhle 2 ghante se car mein bethi hi thi aur agle ek ghante tak yahin bethi rehna tha. Toh agar thodi der uper se nangi hokar bethne ke agar hazaar mil rahe hon toh kya bura hai?
"Theek hai" Vo seat par sidhi hokar beth gayi "Par apne is Pappu ka nishana zara doosri taraf rakhna. Agar ek bhi chhint aakar mere uper giri toh tu munh se chaat kar saaf karega"
"Theek hai" Sonu ne fauran haami bhar di.
"Aur sirf dekhna hai. Apne haath apne tak hi rakhna"
"Theek hai"
"Aur koi faltu demand nahi baad mein. Ke haath lagane de ya jeans bhi utaarne de a apne khud dabake dikha vagerah vagerah"
"Manzoor hai"
"Nikaal hazaar" Neelam ne kaha toh usne fauran jeb se 500 ke 2 note nikal kar use thama diye. Neelam ne paise lekar apne purse mein rakh liya.
"Ab utaar" Sonu jaise utawla hue ja raha tha
"Sabar rakh" Kehte hue Neelam car par poori tarah sidhi hokar beth gayi. Usne niche se apne top ka sira
pakda aur ek jhatke se utaar kar saamne dash board par rakh diya.
"Ek min ruk" Usne bra ka hook kholne ke liye haath pichhe kiye toh Sonu ne fauran rok diya "Zara thodi der tujhe bra mein dekh toh lene de"
Uski baat sunkar Neelam ruk gayi.
"Haath niche kar na" Sonu ne kaha toh usne apne haath apni taango par rakh liya.
"Wow" Sonu ne thook nigalte hue uski badi badi chhatiyon ki taraf dekha.
Neelam ko hamesha apne jism ke is hisse par kaafi garv raha tha. Uski chhatiyan hamesha uski sab saheliyon se badi rahi thi. School mein jab uski sab dost ek shameez pehen kar kaam chala rahi thi tab vo poore 36 size ka bra pehenti thi. School ke ladke toh kya teachers bhi jab usse baat karte toh unki nazar uski chhatiyon par hi hoti. Jaise dekh kar ye andaza laga rahe hon ke kitni badi hongi.
"Sahi hain yaar tere" Kehte hue Sonu ne apni pent ki zip kholi aur apna khada lund bahar nikal kar sehlane laga. Neelam ne ek nazar uske lund par daali aur chup chap uske chehre ki taraf dekhne lagi. Par Sonu ki nazar toh jaise uski chhatiyon se chipak kar reh gayi thi.
"Bra khol" Vo kuchh der apna lund sehlane ke baad bola. Neelam ne apne haath pichhe le jakar hook khola aur bra bhi utaar kar saamne dash board par rakh diya.
"Aai shapath. Sala bahut ladkiyan bajaya main. Bahut mammey dekhe hain par tere jaise nahi dekhe" Uska haath tezi se apne lund par chalne laga aur aankhen saans ke saath uper niche ho rahi chhatiyon par gad gayi.
"Sala ab samajh aata hai ke Rajesh kyun tere pe itna zor diya. Sala apna ladkiyon ka hi dhandha hai par teri jaisi maal maine aaj tak market mein dekhi nahi"
Aur bhi vo na jaane kya kya bole ja raha tha par Neelam chup chap bethi kabhi uski shakal ko toh kabhi lund par tezi se uper niche ho rahe haath ko dekh rahi thi.
Sonu toh jaisi uski badi badi chhatiyon mein kahin khokar reh gaya tha. Lund par haath ki speed badhti chali gayi aur 2 min mein hi uska kaam khatam ho gaya.
"Aaaahhhh. Sala itna maza toh kabhi kisi ladki ko chod kar nahi aaya jitna tujhe nangi dekh kar hilane mein aaya. Tu apni keemat bol. Main kahin se bhi kaise bhi paise ka jugaad karega par tere saath soyega zaroor"
Kuchh din baad car ek baar phir tezi se Khandala ki taraf badh chali.
"Ek baat bata. Vo Rajesh sala keh raha tha ke achhe ghar se hai tu kaafi toh ye kaam kaahe ku karti hai?"
Neelam uski baat sun kar has padi.
"Achhe ghar se toh sala tu bhi hai phir kis vaaste ye drugs aur ladkiyon ke dhandhe mein aaya?" Usne sawal ka jawab ek sawal se hi diya.
Sonu ne kuchh kehne ke liye munh khola hi tha ke uska phone baj utha.
"Haan Bhai" Usne phone uthaya "Bas ham pachunche hi wale hain. Ladki mere saath hai"...

 

[The Immortal]

PAAP

13. AAINA

UPDATE 3


Dandekar. Ye ek aisa naam tha jise Mumbai underworld mein har koi jaanta tha. Kuchh log Dandekar ke naam se jaante the toh kuchh Dandiya Bhai.
Subodh Dandekar Mumbai mein hi pala badha aur saari zindagi isi shehar mein guzari. Is shehar ne use vo sab kuchh diya jiski ek gareeb ghar mein paida hone wale insaan ko ho sakti hai. Uske saath ke kai aur bhi the jinhone zindagi mein tarakki ki aur desh ke bahar jakar bas gaye par vo hamesha yahin raha. Kyunki is
shehar se usko ek lagav tha. Ye uska apna ghar tha, apni mumbai, aamchi mumbai.
20 saal pehle vo bhi shehar mein chalne wale laakhon ki bheed mein ek mamuli sa aadmi tha. Naukri ki talash, sar par chhat ka thikana nahi, paise ki dikkat aur sundar ladkiyon ki khwahish. Aisa nahi tha ke usne sidhe raaste se chalne ki koshish nahi ki. Ek shareef aadmi ki tarah usne bhi kai rozgaar apnaye.
Kabhi cigarette aur paan ki dukaan, kabhi kisi factory mein kaam toh kabhi kuchh par kahin bhi na toh itna paisa mila jitne ki use khwahish thi aur na hi dil ko sukoon.
Phir ek dost ke saath mil kar usne ek travel agency shuru kar li aur yahan par jaise uski lottery lag gayi.
Business din dooni aur raat chaugani tarakki karne laga. Pehle ek taxi, phir 2 aur dheere dheere Mumbai ki sadkon par uski 50 taxi daudne lagi.
Aur ek din jab uske business partner ki laash Mumbai ke ek gutter se mili toh use pata chala ke uski taxi asal mein aam public nahi, balki Mumbai underworld use karta tha. Aur yahin se shuru kiya usne apna Subodh Dandekar se Dandiya Bhai banne ka safar.
Poora underworld jaise kisi pariwar ki tarah bata hua tha aur unka ghar tha Mumbai. Ghar mein har kisi ki apni jagah aur apna kaam tha aur ghar ka koi aadmi kisi doosre ke kaam mein dakhal nahi deta tha. Agar aisa hota toh ghar ka mukhiya, Yani ke Bade Bhai, beech mein aakar sulah karate aur aksar sulah ke baad shehar ke alag alag hisso mein kai laashen mila karti thi.
Subodh ka taxi business asal mein ek chalta phirta kotha tha. Raat ko taxis mein ladkiyan bethkar nikalti aur shehar ka chakkar lagati. Customer dhoondhti aur phir vahi taxi mein apne kapde utarti. Kaam khatam hone ke baad customer ko taxi se utaar diya jata aur agle customer ki talash mein taxi phir aage badh jaati. Na kisi kamre ki zaroorat, na hotel ka jhanjhat aur na police raid ka darr.
Pehle Mumbai ki mamuli ladkiyan aur dheere dheere high priced call girls, desi aur videshi dono, Dandiya Bhai ki taxi mein har tarh ka maal milta tha.
Dheere dheere dhandha sirf ek brothel chalane se tarakki karke ek escort service tak pahunch gaya. Dandiya Bhai ka naam shehar ke har ayyash ko pata tha.
Par haqeeat mein Dandiya Bhai ki asliyat koi nahi janta tha. Apne partner ki maut ke baad vo hamesha parde mein raha. Aam logon ke liye ek aam shehari, ek shareef zimmedar naagrik.
Par 20 saal ye kaam karke vo pareshan ho chuka tha. Aisa nahi tha ke is kaam mein paisa nahi tha par jitna usko chahiye tha utna nahi tha. Phir uper se ye kaam aisa tha ke uspar dalla hone ka tag lag gaya tha jo usko bilkul pasand nahi tha. Usko zindagi mein aage badhna tha, ladkiyon ke dhandhe se aage nikal kar koi doosra dhandha karna tha jahan zyada paisa kama sakta.
Aur isi ke liye aaj usne Khandala ke ek guest house mein Bade Bhai ke liye ek party ka intezaam kiya tha.
Party ka uska main maksad yahi tha ke Bhai se keh kar kisi doosre dhandhe mein haath daale.
Ladkiyon ki uske paas kami nahi thi par jab usi ke ek ladke ke usko ek aisi ladki ke baare mein bataya jo dikhne mein patakha aur bistar par aag thi toh usne Bhai ke liye usi ladki ka intezaa karne ko keh diya.
Aur ab vo Khandala mein guest house ke bahar khada apne us ladke ka intezaar kar raha tha jo ladki ko lekar aa raha tha.
"Haan Bhai" Usne phone uthaya "Bas ham pachunche hi wale hain. Ladki mere saath hai" Usne phone kiya toh doosri taraf se aawaz aayi.
Koi ek ghante baad ek Honda City aakar ruki aur Sonu gaadi se bahar nikla.
"Kitna time laga diya saale?" Dandiya use dekh kar bola
"Sorry bhai. Sala Mumbai se bahar nikalna jung ladne jaisa hai. Itna traffic"
"Khair. Ladki kahan hai?"
"Gaadi mein hai Bhai"
"Safe hai? Check karvaya? Police volice ya kisi aur gang ke saath toh nahi hai?"
"Nahi Bhai. College mein padhti hai. Ayyashi ke liye baap ka diya paisa kam padta hai toh ye dhandha karti hai. Koi police volice ka chakkar nahi hai" Sonu bola aur gaadi ke paas jakar ladki ko bahar nikalne ka ishara kiya.
Ladki gaadi se bahar nikli. Subodh aur Neelam ki nazar mili aur dono ke paon jaise vahin jam gaye. Chehra aise safed pad gaya jaise khoon nichod liya gaya ho.
Aankhen pheli hui aur munh khule hue reh gaye ho.
Dono ke chehre par ek jaise bhaav the, jaise aaine mein vo apni hi shakal dekh rahe hon.
"Papa" Neelam ke munh se nikla .......

THE END.

 

[The Immortal]

PAAP

14. PEEPAL

UPDATE 1


Recording check ..... Recording check ..... Recording Check .....
Day 1 Recording.
Main aaj hi Peepal pahuncha hoon aur yahin ek dharamshala mein aakar ruka hua hoon. Filhal main us Peepal ke ped ke theek neeche hoon jiske karan is gaon ka itna naam hai aur is ped ki vajah se hi is gaon ka naam Peepal pada hai.
Ye jagah Jaisalmer se lagbhag 150 kms ki doori par hai aur isko dekhkar lagta hai ke waqt is gaon ko bilkul bhi chhukar nahi guzra. Takreeban 200 gharon ke is gaon mein modern facility naam ki koi cheez nahi hai. Koi TV, computer, mobile toh door ki baat hai, yahan bijli bhi poore din mein sirf 3 ghante aati hai. Ye Indian movies mein dikhaye jaane wale gaon ke jaisa hai. Chaaro taraf ret hi ret aur sar par matke uthaye paas ke kuen se pani bharti auraten.
Gaon se takreeban 3 kms door registan ke beech maujood hai ye Peepal ka ped aur yakeen maanen, is ped ke siwa door door tak hariyali ka koi nishan nahi hai, sirf rajasthan ki ret.
This tree looks like any normal tree and by one look, no one can figure out the entire mystery that revolves around this tree. Ye ek bahut hi aam sa dikhne wala ped hai, jaisa ki har Peepal ka ped hota hai. Is ped ki sabse anokhi baat hai iska size. Iska tana dekhne se hi diameter mein kam se kam 5 metre ka hai jabki ek Peepal ke pedon ka tana diameter mein 3 metre tak hota hai.
Doosri baat ye ke jis tarah se yahan registan ke beech ye ped phal phool raha hai, vo apne aap mein ek mystery hai. Yahan door door tak pani ka koi intezaam nahi hai, barish bhi bahut kam hoti hai phir bhi ped poori tarah se hara bhara hai.
Ped ke tane par laal rang ke dhaage bandhe hue hain, neeche hanuman ji ki ek moorti sthapit hai. Aas paas ki jagah ko dekh kar hi iske dharmik mehatva ka andaza lagaya ja sakta hai.
Ped se thodi door hi Shivji ka ek purana mandir hai which dates back to Mughal Era. Ye mandir purana hone ke karan ek historical monument mana jata hai par hairat ki baat hai ke itna bada hone ke baad bhi is mandir ke nirman ke baare mein itihaas mein kahin koi information nahi hai. Kuchh log maante hain ke ye khud Badshah Akbar ne banvaya tha aur kuchh kehte hain ke us waqt ke Rajput shasak ne.
Ye poora ilaka gaon se takreeban 3 kms bahar hai aur mere saath is waqt hain is gaon mein rehne wale Hemant Chacha.
Chacha aap hamen is ped aur mandir ke baare mein kya bata sakte hain?
Chacha : Ye aapke haath mein kya hai saahib?
Ye ek chhota sa tape recorder hai Chacha. Aap aur main jo bhi baat karenge vo ismein record ho jaayegi.
Chacha : Aap isko radio par bajayenge? Sab meri aawaz sunkar hasi banayenge.
Arrey nahi. Main isko apne saath le jaoonga aur phir saari baaten kagaz par baad mein aaram se likh loonga.
Chacha : Akhbaar mein chhapenge?
Haan kuchh aisa hi samajh lijiye. Main aapke gaon aur is ped par ek kahani likh raha hoon. Aapki aur meri baaton ko main vaapis jakar aaram se sununga aur phir aaram se likhunga.
Chacha : Badhiya cheez hai
so to hai. Haan toh aap hamen gaon ke baare mein kya bata sakte hai? Aap hamesha yahin rahe hain?
Chacha : Haan main idhar hi paida hua tha aur idhar hi saari zindagi guzari hai.
Is gaon ka naam Peepal kaise pada?
Chacha : Ab ye toh mere paida hone se bhi pehle ki baat hai par jahan tak mujhe pata hai, pehle gaon ka naam kuchh aur hota tha par baad mein sab is Peepal ke ped ki baat karne lage aur dheere dheere sabne Gaon ko bhi Peepal Gaon bana diya.
Pehle gaon ka kya naam tha?
Chacha : Ye toh mujhe bhi nahi pata. Bahut purani baat hai.
Khair. Is Peepal ke ped ke baare mein kya bata sakte hain aap?
Chacha : Pavitra hai ye ped. Bilkul unke Prem ki tarah pavitra.
Kiske Prem ki tarah?
Chacha : Rajshri aur Ajmal. Rajshri Rathour aur Sheikh Ajmal Ahmed Khan.....

 

[The Immortal]

PAAP

14. PEEPAL

UPDATE 2


Kaun the ye dono?
Rajshri toh yahin ki rehne wali thi jabki Ajmal Agra se tha. Kehte hain ke ...
Ek min Chacha, shayad recording ruk gayi. Nahi chal rahi hai. Sorry, kya keh rahe the aap.
Rajshri yahin ke ek rajwade ki beti thi aur Ajmal jo hai vo Badshah Akbar ki fauj mein ek sipahi tha.
Interesting. Toh unka is ped se kya taalluk hai?
Jahan ye ped hai na, yahin par mare the vo dono.
Mare the? Matlab?
Maar diya gaya tha un dono ko yahin par.
Kisne mara tha?
Rajputon ne
Kyun? Poori baat batayenge hamen?
Ab Mughalon aur Rajputon ke beech ki an ban ko kaun nahi janta. Us zamane mein ye sara ilaka Rajputana ke naam se jana jata tha aur Mughal chahte the ke ye ilaka bhi unke rajya mein shaamil ho aur yahan ke Raja unke aage sar jhukayen jo ki Rajputon ko bilkul bhi gawara nahi tha.
[Hasne ki aawaz] Haan padha tha school ki kitabon mein. Phir?
[Chacha ke hasne ki aawaz] Ab is sab nafrat ke beech jaane kaise panap gaya prem aur vo bhi do dushmano ke beech. Jab Badshah Akbar ne Rajputon ki taraf dosti ka haath badhaya toh kuchh ne inkaar kiya magar kuchh ne haath thaam liya aur Yahan par ji Rajput Raja ka shasan tha vo bhi un haath milane walo mein se ek tha.
Hmmm. Interesting. Aage?
Jab haath mil gaye toh yahan par Mughalon ka aana jana badh gaya. Aise hi ek baar yahan par aaya Sheikh Ajmal Ahmed Khan. Vo Akbar ki fauj mein sipahi tha. Aur phir bhagwan jaane kaise, uska Rajshri Rathour se prem ho gaya.
Rajshri kaun thi?
Rajkumari thi yahan ki. Kehte hain ke bahut sundar thi. Itni sundar ke uske baare mein kuchh kehna Sooraj ko diya dikhane jaisa tha. Poore Rajputana mein uske rang roop ka charcha tha aur har rajya ka Rajkumar usse shaadi karne ko utsukt tha.
Toh Ajmal ka pyaar ek tarfa tha?
Nahi. Yahi toh kamal ki baat hai. Prem dono taraf se tha. Jis tarah se vo Rajshri ko chahta tha vaise hi vo bhi dil jaan se uspar fida thi.
Ek sipahi par?
Haan. Ek Rajkumari jiske raste mein achhe achhe Rajkumar apna dil thaame khade the, vo ek mughal fauj ke sipahi se prem kar bethi.
Phir kya hua?
Ye Shivji ka mandir jo aap dekh rahe hain, ye ab toh sirf ek khandhar banke reh gaya hai par us waqt us waqt aalishan hota tha. Har Poornima ki raat ko yahan par Shivji ki bhavya pooja hoti thi, sab Raje Rajwade aate the.
Hmmmm. Phir?
Kaha jaata hai ke us Premi jode ne bhi isi jagah aur isi raat ko apne milne ki jagah bana liya. Rajshri ek rajkumari thi aur Ajmal ek sipahi. Khule mein dono ka milna na-mumkin tha toh yahan chori chhupe milte the. Har Poornima ko Rajshri apne gharwalo ke saath yahan pooja mein shaamil hone aati aur Ajmal ek hindu
ka bhes dharkar Agra se yahan pahunchta.
Wow... Agra se yahan vo bhi un dino mein? Kai din lag jaate honge usko.
Prem ka mara tha saahib. Apne premika ke liye har Poornima ko yahan aata aur ek hindu ke bhes mein mandir pahunch jata.
Bhes dharke kyun?
Kyunki vo ek mughal tha, musselman. Agar aise hi mandir aata toh sabse pehle toh yahan ke logon ko shak hota ke ek muslim har pooja mein shaamil kyun hota hai? Aur doosra Mughalon ko shak ho jata ke unka ek sipahi kyun yahan itni door aakar hinduon ke saath pooja mein hissa le raha hai.
Sahi baat hai. Phir?
Phir koi nahi janta ke kitne arse tak ye silsila chala par jaisa ke der saver hona hi tha, un dono ka bhed khul gaya.....