- 42,087
- 37,284
- 304
Love Triangle...
Raat 2 bje...
" Unko bhi mujhse mohabbat ho jaruri toh nahi...
Ek si dono ki halat ho jaruri toh nahi...
Dil ki chahat toh kai khaab jaga deti hai...
Haan magar sath me kismat ho jaruri toh nahi...
Woh wade karke bhool jaya karte hai..
Mujhko bhoolne ki aadat ho jaruri toh nahi...
Kehte hai aansun kar dete hai byan gum dil ke.. .
Mujhko bhi rone ki aadatho jaruri toh nahi.. "
Aankhon me nami ek haath me ciggrett dusre hath ek khoobsurat ladki ki photo liye Kabeer pritam da. Ki yehi shayri yaad kar aansun baha raha hai...
Kabeer.... Aaj tumko gaye hue 4 saal 2 mahine 12 ghante 44 minutes ho chuke hain... Pata nahin tum kahan ho... kaisi ho kya kar rahi ho shayad Tumko main yaad hoon yah Nahin bhi magar in 4 saal 2 mahine 12 ghante aur 44 minutes mai aisa koi Pal Nahin Aaya jab maine tumhen yaad na kiya ho jab Maine tumhen pyar Na kiya ho...
Kya tum bhi mujhe yaad karti ho kya tum bhi mujhe pyaar karti ho.. yeh mai kya soch raha hoon tum toh ab tak mujhe bhool bhi gayi hogi...
Mujhe aaj bhi yaad hai woh din jab pehli baar tumse mila... jab papa ka yaha transfer hua... School ke pehle din jab mai andar jaane se darr or maa ko yaad kar aansun baha raha tha tab tum aayi or mera hath pakad mujhe andar le gai.. meri saari ghabrahat door kar.. jab maine pucha kon ho tum.. tab tumne mujhe apna best friend bola... Or yehi baat apni doston ko bata mera introduction diya... tumhara yun sabke samne mujhe apna best friend kehna pata nahi kyun mere nanhe dil mai bass chuka tha...
Woh tumhari bholi soorat meethi baatain pata nahi kaisa ehsaas tha.. woh school jaha mai jaane tak se darr raha tha.. ab roj subh ka intjaar rehta.. tumse mulakaat ka intjaar rehta...
Ek din jab mai home work nahi kiya tha toh teacher ne mujhe murga banaya... Tab saare dost tumhare tumhe chida rahe the... Jisse tumhari aankhon me bhi nami aa gai thi...
Uss pal bta nahi sakta kaisa lag raha tab se mai kasam khaya tha ki meri wajah se in aankhon me fir kabhi aansun nahi aayenge...
Dhere dhere hum bade hote gaye... Or mujhe pyaar ka matlb samjh aaya magar mai toh tumse bachpan se hi krta tha toh mere liye kuch jayada naya nahi tha... Or mujhe bhi poora yakeen tha ki shayad tum bhi mujhse waisa hi pyaar karti ho jaisa mai... Par agar nahi hua or tum mujhe chodd kar chali na jao isi karan mai kabhi tumse apne dil ki baat kehna saka...
Ek din himmat kar jab tumhe apni dil ki baat kehne... jab mai tumhare ghar gaya toh pata chala ki tumhare dadaji ki maut ho chuki hai aur tumhari dadi chahti hai ki tum unke pass rehkar aage ki padhaai Puri karo... isliye tum hamesha ke liye yah shahar chhod Kar ja rahi thi.... kehne ko tumse bahut kuchh tha magar main keh Na saka use Raat main phut phut kar roya... Tumhe jaate waqt dekhne ki himmat na thi isliye khud ko kamre mai band kar liye tha... Mujhko yakeen hai shayad tum aayi ho mujhe milne magar mai kaise tumko khudse door jaate dekhta... kaise keh deta rukk jao mai tumhare bina jee nahi paunga... Uss pal ko aaj bhi yaad kar rota hoon...
Itni saari job offers ke baad bhi iss sheher ko na chhod paya mai... Tum na sahi magar iss sheher mai tumhari yaadein toh thi mere sath... Mai unhi yaadon ke sahare apni Zindagi kaat leta... magar kismat ko kuch or manjoor tha meri shaadi pakki ho chuki hai.. mere laakh mana karne ke bawajood mummy ne mujhe roo roo kar majboor kar diya... ab mai ek maa ko kaise rote dekh sakta hoon... Mai kal yeh seher chhod kar jaa raha hoon... Agar yaha raha toh shayad tumhe na bhool paaun magar mai apni maa ke liye poori koshish krunga... Poori koshish krunga jaan...
Abhi mai apni yaadon mai khoya hi tha ki tabhi gate knock hua...
Takkk takkk... beta Kabeer.... Utho kitna or sona h jaldi karo hume niklna bhi hai...
Mai sapno ki duniya se bahaar aa ek nazar ghadi ki taraf dekha toh subh ke 8 baj chuke the... Matlab poori raat kab gujar gai pata hi nahi chala... Photo ko ek baar choom kar maine use takiye ke neeche rakh diya or angdaai lete hue chal diya fresh hone...
Taiyaar hokar maine apna saara saaman pack kiya or bag le bahar chal diya... Gate par phunch ek najar palat kar room ko dekha jahan kitni hi yaadain meri jaan ke sath thi... Aansun ponch mai bahar chal diya jahan sab mera hi wait kar rahe the... Mai ghar ke har kone ko dekh raha tha jaha meri jaan ki yaadain thi... Woh saari yaadain meri aankhon ke saamne kisi film ki tarah chal rahi thi...
Dhere dhere saara jarurat ka samaan car me rakh hum chal diye seher se door... Dekhte hi dekhte kab hum phunch gye pata hi nahi chala mai toh apni jaan ki yaadon me khoya hua ki tabhi mom mujhe hosh mai laayi or maine saara saaman utar andar chal diye fir poora din... Saaman jamane mai hi lag gya.. raat ka khana sabne bahar se mangwa liye jise maine khane se inkaar kar diya tha qyunki mera yaha man hi nahi lag raha tha.. jaise hi mai apne room me phuncha mujhe ghutan si hone lagi... Maine turant apna bag khol apni jaan ka photo nikala or use betahasha chumte hue seene se lga rota raha fir kab subh ho gai pata hi nahi chala....
Suraj ki kiran jab mere chehre par padi tab mujhe hosh aaya.. mujhe yaha kuch bhi aacha nahi lag raha isliye ghar se bahar nikal park mai chal diya.. wanha phunch maine thodi bhut exercise kar ek bench par baith aane waali Zindagi ke baare mai soch raha tha ki tabhi mere Dil ki dhadkan achanak se badh gai... shareer mai baichaini badhne lagi yeh baichaini se mai aachi tarah se parichit tha..
Isliye mai turant uth kar park mein idhar udhar daud lagane laga lekin mujhe woh kahin na dikhi... Hataash or niraash hokar mein bahar ki taraf abhi ja hi raha tha ki mujhe Kisi ki awaaz sunai di aur maine use taraf palatkar Dekha to ek ladki ladke ke baahon me jhool rahe mujhe pta nhi kyun aisa lag raha tha jaise mai use jaanta hoon dil bhi ishara kar raha tha... Abhi mai usko dekhne ke liye aage badh hi raha tha ki mera phone ring kiya...
Maine dekha tou meri mangetar Sapna ka call aa raha tha... Maine pick kar kuch der baat ki usne aaj mujhe shopping ke liye bulaya tha... Waise bhi mera man ghar me nahi lag raha tha toh maine haan bol di... Fir thodi bhut baat kar aage badha hi tha ki maine ek nazar uss ladki ki taraf dekha toh woh wanha se jaa chuki thi... Fir mai bhi wanha jayada na rukk kar ghar ki taraf chal diya...
Ghar phunch kar mai taiyaar hokar bahar chal diya... Shopping me abhi time isliye mai sheher ghoomne ka soch nikal gya thoda man abhi bhi ashant tha... Qnki yaha kahi bhi meri jaan ki yaadain na thi... Doopahar tak ghoomne k baad mai mall phunch gya jaha Mai apni mangetar ka intjaar karne laga jo jayada der na chala kuch hi der mai woh mere pass aa gai...
Aate hi mere gale lag gai.. jiske jabab mai maine kuch na kiya... Ek nazar usne mujhe dekha or muskurate hue mera hath pakad andar chal di... pata nahi uska yuh sabke samne hath pakdna mujhe ajeeb si feeling de raha tha... Sapna bhi kisi se kam khoobsurat nahi thi.. magar mere jaan ki jagaah koi kaise le sakta tha... 2 ghante tak humne milkar dher saari shopping ki jisme jayadatar samaan mera hi tha... use jo kuch bhi pasand aaya mere liye leti gai...
Uske baad woh jabran mujhe coffee shop le gai jaha humne ek ek coffee pee is dauraan woh mujhse dher saari baatain karti rahi lekin mera dhyaan toh kahi or hi tha... 1 ghante tak jab uski baatain khatam hui toh usne mujhe dekha mera dhyaan kahi or paa woh thoda gussa hui.. usne mujhe jaane k liye bola jise sun mai turant uth bahar ki taraf chal diya... Use shayad aisi umeed na udaas man se woh bahaar aayi.. usne aage badh mujhe gale lagane k liye bahain failayen magar mera dhyaan fir kahi dekh gusse me bye bol chali gyi... Shayad raste mai ek do boon aasun bhi bahayen ho magar mujhe usse kya farak padd raha tha...
Mai bhi wanha se nikal ghar phunch gya... Or raat tak kamre mai band apni jaan se baatain karta raha ( photo se ) raat ko mom ne dinner k liye kaha maine bahar se kha kar aaya hoon keh kar inkaar kar diya... uske baad kab neend aa gai pata hi nahi chala...
Subh uth kar fir mai park ki sair karne laga abhi mujhe aaye hue kuch hi der hui thi ki fir se mujhe jaani pehchaani feeling aane lagi dhadkan achanak se badh gai... Mai apni exercise chhod park mein idhar udhar daud lagane laga.. tabhi mujhe kal waala ladka fir se dikhai diya... jo kal ladki ko gale lgaya hue tha uski peeth meri taraf thi isliye ladki ko na dekh paya tha...
Abhi usko aaye hue kuch hi der hui thi ki tabhi maine jo dekha use dekh meri aankhen apne aap aansun bahane lagi... Samne se meri jaan chalkar aa rahi thi jise dekh meri aankhon se jhar jhar aansun bahane lage... Mai sab kuch bhool aansun ponch uski taraf badh hi raha tha ki woh aai or aage badh usne saamne khade ladke ko gale laga liya..
Mai toh jaise stabdh hi reh gya tha... Meri saari duniya saare sapne aankhon se saamne se gujar gye or mai wanhi neeche baith rota raha... Mere dil mai mujhe ashehniy dard ho raha tha.. mai khud ko thappad maar raha tha yeh sach nahi ho sakta nahi... Yeh jhooth hai yeh sach nahi hai... Nahi meri jaan mujhe pyaar karti hai mujhe bharosha h yeh woh nahi ho sakti... Jaan jaan keh kar mai chillata raha magar wanha koi nahi tha meri cheenkh sunne wala subh ke 9 baj chuke the... Pura park khaali ho chuka tha... Or sab log apne ghar jaa chuke the... Mai bhi paagalon ki tarah rota cheenkhta chillta road par bhagne laga aati jaati gadiyan horn ki awaaz mujhe kuch sunaai nahi de raha tabhi mai kisi cheez se takaraya or meri aankhon ke saamne andhera chaa gya mujhe kuch dikhai nahi diya siwaye ek cheenkh ke...
Kabbbbbeeeerrrrrrr.......
Mai aankhen khol uss shaks ko dekhne ki koshish ki magar main dekh na paya or wanhi behosh ho gya...
Kuch samay baad jab mujhe hosh aaya or maine aankhen kholne ki koshish ki... tou achanak tej roshni se mujhe kuch dikha nahi upar se sir or badan me dard ke karan me hil bhi nahi paa raha tha... Mujhe baichaini hone lagi mujhe meri jaan ke paas jaane do kehkar mai uthne hi wala tha... Tabhi mere hath par kisine hath rakha or ek hath mere sir par uss komal sparsh ke karan me shant ho gya fir para nahi kab neend ki waadiyon me kho gya...
Dubara jab hosh aaya or maine aankhen kholi toh dekha mera poora parivar mere samne tha... Sabke chehron par aansun chalak rahe the... Sab puch rahe the kya hua tha kaise hua... But mai kya bolta mujhe toh abhi hosh hi nahi sab puchte rahe magar mujhe kuch sunai hi nahi de raha tha... Mai toh abhi bhi apni jaan ke baare mai soch raha tha kaise woh kisi or ki ho sakti hai.. itni badi saja kaise de sakti hai mujhe... Mana mai nasamjh hoon nahi bol paya but use toh mera pyaar dikhna Chahiye tha na.... Bachpan se abhi tak maine bhagwaan se kuch nahi maanga kaise woh itna kathoor ho sakta hai.. yeh sab soch ek baar fir aankhen nam ho gai..
Tabhi kisi ka hath maine gaal par mehsoos kiya yeh mom thi jo mere aansun ponch rahi thi... Maine ek nazar unko dekha unki aankhon mai aaj pehli baar aansun dekh mujhe khud par gussa aane laga... Fir ek labmi saans chod kar maine ek man gadant kahani mom ko sunai jise unhone maan liye lekin ek shaks tha jo jayada react nahi kiya... Or jab maine use goar se dekha toh uski aankhen sooji hui lag rahi thi... Jaise bhut der tak roti rahi ho....
Abhi mai use dekh hi raha tha ki mom ne jo kaha use sun mai stabdh reh gya...
"Are beta sapna wanha kyun khadi ho 2 din se toh yaha se hili bhi nahi.... Doctor ki tak naak mai dum kar diya tha mera Kabeer kab theek hoga... Use kuch hua toh nahi... Ab or jab use hosh aa gya hai toh itni door kyu khadi ho yha aao " sapna ek nazar mujhe dekha fir paas aakar khadi ho gai mom ne ek baar uske maathe ko chooma fir bolna shuru kiya...
" Aaj tum nahi hoti toh pata nahi mere Kabeer ka kya hota... Hum toh darr hi gye the jab hume tumhara call aaya iske papa bhi yaha nahi the... Mai akele yeh sab kaise sambhalti mai tumhara Zindagi bhar ehsaan mand rahungi "
Sapna " mummy ji yeh aap kya keh rahe hain kya yeh mere kuch nahi lagte.. " kehte hue usne ek nazar mujhe dekha or uski aankh se aansun girne lage.. jise mom ne gale laga kar saaf kiya or maafi maangi tab jaakar wo kahi shaant hui...
Magar kya pata yeh tofaan se pehle ki shaanti bhi ho sakti hai.. abhi tak jo baat hui usse mujhe yeh toh pata chal gya tha ki sapna hi mujhe yaha lekar aayi hai.. or ho na ho use meri jaan ke baare mai pata chal gya ho... Jaise use dekh kar pta chal raha tha ki haan use kuch shak toh hua hai.. waise bhi mai ek acche din ka intjaar kar raha tha batane ke liye... Qyunki koi bhi rishta jhooth se shuru hua ho woh jayada nahi tikta.... Magar woh din aise aayega mai soch bhi nahi sakta tha...
Khair kuch der baad doctor aaye or mujhe check karne ke baad sabko bahar jaane ko bola koi ek rukk sakta hai mere pass yeh kehkar hospital ke kuch niyam hote hai... Fir sab baari baari mujhse milte rahe magar sapna nahi aayi dheere dheere raat ka samay ho gya maine kasam de kar sabko ghar bhej diya qyunki 2 din se kisi ne aaram nahi liya tha... Sab mere haal chaal le ghar chale gye main akela reh gya fir jaan ki yaad mai chala gya uska roothna mera manana uska birthday uski favourite paani puri ke liye jhagadna sab soch aankhen fir nam ho gai...
Mujhe kuch hosh nahi tha ki mere hath par kuch geela geela mehsoos hua jab maine gaur kiya toh yeh sapna hi thi jo mere pass baithi mere hath pakad aansun baha rahi thi.. uska poora cheha bheega hua tha jiski kuch boonden mere hath par gir rahi thi...
Mai... Ab tum kyun ro rahi ho tumhe kya hua...
Sapna... ( Usne meri aankhon me aankhen daal kaha ) Kya tumne akele pyaar kiya hai... Kya mujhe rone ka bhi hak nahi...
Jise sun mere totte udd gye kuch pal ki mulakaat me usne mujhe apna sabkuch maan liya tha... Pata nahi kyun mai uska or apna pyaar compaire karne laga jaha meri soch yeh thi ki mera pyaar 14 saal purana hai or sapna se mai bas mehaz 3 mulakaat hui hai... Iske chalte mujhe apna pyaar jayada lag raha tha... Lekin fir bhi uske aansun dekh pta nahi kyun mujhe takleef ho rahi jabki mai toh ise pyaar bhi nahi karta or shayad isko bhi pta hai fir bhi yeh mere liye itna kyun kar rahi hai... Aise hi pta nahi kab tak hum dono apni apni soch me gum the ki ek nurse ne aakar humara dhyaan bhang kiya...
Usne sapna ko jane ke liye kaha kyunki meri dressing honi thi... Woh chup chaap bina kuch bole chali gai wanhi mai yeh soch raha tha isne abhi tak mujhse pucha kyun nahi... Kuch der baad nurse apna kaam khatam kar chali gayi... Jo jaate waqt mujhe ek injection de gai jiske chalte meri aankhen ojhal ho gai... Or mai neend ki waadiyon me kho gya..
Subh jab aankh khuli tab mujhe mere kandhe par wajan mehsoos hua maine dekha toh sapna mere kande par sir rakh meri baaju ko pakad soyi hui hai... Aankhon ne neeche nishaan saaf bata rahe the ki uski raat kaise gujri hogi ek pal mai uski jagah khud ko rakh kar dekha toh hum dono ki halat same hi thi... Mai jise chahta hoon woh kisi or pyaar karti hai... wanhi wo jise chahti hai woh bhi kisi or ko...
Magar mujhe fir bhi uski kismat aachi dikh rahi ki kam se uski shaadi toh ho rahi hai mujhe... Magar kya bas shaadi ho jaane se usko uska pyaar mil gya.. ?? Yeh sawaal ne mujhe andar tak hila kar rakh diya... Pehli baar mai apni jaan ke alawa kisi or ke baare mai itna soch raha tha... Tabhi gate open hua or nurse andar aayi jiski awaaj se uski neend khul gai usne ek nazar mujhe dekha toh khudko ghoorta paa kuch sharma si gai fir kuch soch gumsum si bahar chal di...
Dhere dhere sab ghar waale aa phunche or ek ek kar mera haal puchne lage aise hi poora hafta beet gaya... Jaha har roz sapna sabse zid karke mere pass soya karti thi... Uski itni care itna pyaar dekh kar kahi na kahi mujhe apna pyaar kamjoor lag raha tha.. hairat ki baat toh yeh thi ki itne din mai hospital me raha magar maine apni jaan ke baare mai na socha mujhe toh bas sapna ka khayal rehta tha.. or jab woh paas hoti toh ek apna pan sa mehsoos hota ek pal ko mai socha kahi mujhe pyaar toh nahi ho gya.. lekin pyaar toh mai meri jaan se karta aise kaise kisi or se ho sakta hai... aise hi sochte hue kab ek hafta beet gaya pata hi nahi chala...
Mere jayadatar ghaav bhar chuke the doctor ne bhi kuch medicine likh kar meri chutti kar di or mai ghar aa gya... Mujhe chalne me thodi pareshani ho rahi thi isliye papa ki madat se mai apne kamre mai phuncha or bed par let gya thodi der sabhi mere pass baithe rahe fir sab apne apne kaamo me vyast ho gye shaam ko mummy mere liye khana lekar aayi unhone gate khola mere chehre par ek pal ko muskaan aayi jo kuch hi pal me gyab ho gai... Jiski wajah shayad me sapna ko expect kar raha tha qyunki roz shaam ko woh mujhe apne haatho se khana khilati thi itne din hum sath rahe magar humme koi baat cheet nahi hui shayad abhi bhi woh ghatna dono ke dimaag me khi na khi chal rahi thi... Woh shayad mujhe yaad dilwakar dukhi na karna chahti thi wohi mai bhi use woh sab yaad nahi dilana chahta tha...
Kher mummy ne bhi mujhe apne hath se khana khilaya or kaali bartan le mere maathe par ek kiss kar chal di.. unki aankhen bhi nam thi meri halat dekh shayad maa ka pyaar aisa hi hota hai... Isi tarah ek or hafta beet gya jaha har roz mere dil or dimaag mai jung hoti rahi or hafte ant hote hote sapna ka pyaar jeet gaya mujhe ab usse milne ka dil karne lga hafte bar na maine usse baat ki na uska call aaya shayad maa se baat hui ho... Waise bhi bahu ghar mai shaadi ke baad hi aati hai isliye shayad woh mujhe milne bhi nahi aayi... Dheere dheere meri haalat bhi theek ho gai ab mai aache se chal fir sakta tha...
Abhi doopahar ke 3 baj rahe the maine apna phone uthaya or sapna ko call mila diya... Ghanti jaati rahi magar usne uthaya nahi.. maine ek or baar call kiya nateja same raha uske baad maine use message kar 4 baje pass ke hi park me milne ko bulaya... Or khud uth kar taiyaar hone chala gya kuch samay baad jab mai taiyaar hokar aaya toh iske 30 se jayada miss calls the.. yeh dekh mere chehre par muskaan aa gayi pagal ladki kitna pyaar karti hai... Sath hi iske kai saare messages bhi pade the jisme se ek haal hi ka tha jisme likha tha mai phunch gayi hoon... Maine ghadi dekha abhi 3:30 hi hua tha muskurahat apne aap ghehri ho gai mai ok message kar chal diya park ki taraf neeche mummy ne pucha kha jaa rahe ho maine kha bahu se milne shaam tak aaunga jisse unke chehre par bhi Khushi aa gai or unhone aage badh mujhe gale laga liya...
Mummy.. " Aaj mai bhut khush hoon beta mujhe laga shayad tumhe sapna pasand toh nahi... Humne tumhare sath jabardasti toh ki magar aaj tumne mera dil khush kar diya... Maine dekha hai sapna tumhe bhut pyaar karti hai jab tum hosh me nahi the... Ghanton tak mandir mai baith kar tumhari salaamati ki praathna karti rahi... Jab tumhe hosh aaya ek pal ko tumhe akela nahi chhodti tumhare liye ghar se tumhare pasand ka khana banayaa karti mere lakh mana karne ke bawajood... Sach kahun toh meri bahu laakhon mai ek hai bas ek waada karo mujhse kabhi uska dil na dukhana " .
Uske baare mai itna kuch jaankar mai apni aankhon ko nam hone se na rok saka... " Mai wada karta hoon maa ab uska dil nahi tootne dunga use har woh khushi dunga jiski woh hakdaar hai " itna keh mai ghar se bahar nikal aaya or chal pada sapna se milne har kadam ke sath meri dhadkan badhti jaa rahi thi... Ek ajeeb si baichaini ho rahi thi hafte bhar sath rehne ke karan mujhe uski aadat lag chuki thi or jo shayad jab tak use na dekh loon nahi jaane waali... Pehli baar ghar se park ki doori mujhe pareshaan kar rahi thi... Qyunki yeh doori hi thi jo mujhe or sapna ko alag kare hui thi... Jaise taise kar mai park ke gate tak phuncha jisse mere chehre par ek muskurahat aa gai...
Or maine apna rukh andar ko kar diya kehne ko toh park jayada bada nahi tha magar fir bhi mai idhar udhar ghoom sapna ko dekhne laga jo ki mujhe ek bech par baithi dikh gai.. mai ek ek kadam badha uski or jaane laga abhi usme or mujhme thoda hi fansla reh gya tha ki ek cheenkh mere kano me goonjhi...
" Kabeeeeeeerrrrr tummmm "
Jisse mere or sapna jo ki iss waqt kuch soch rahi thi uska dhyaan pehle meri or fir awaaj ki taraf gaya... Jise dekh mai shocked reh gaya yeh yaha kyun aayi hai.. Ji or koi nahi meri jaan Rani khadi thi jaise hi usne mujhe dekha bhaagkar aayi or mujhe baahon me bhar liye mai kaise kya react karun kuch samjh nahi aa raha tha.. maine palatkar sapna ko dekha toh usne apna muhh dusri taraf kar liya shayad mujhse apne aansun chupa rahi thi or waise hi wo jane lagi ki maine ek hath badha usko pakad liye usne mujhe palatkar na dekha... Upar waala bhi kya sahi game khel raha hai mere sath mai jisko pyaar karta tha uski bahoon me bhi mujhe sukoon nahi mill raha tha sapna ka mujhe na dekhna dil ko tadpa raha tha... Kuch der aise hi rehne ke baad hum alag hue... abhi mai kuch bolta usse pehle hi usne bolna shuru kar diya...
Rani.... O my God what a pleasant surprise tum yaha kya kar rahe ho kab aaye stupid stupid yeh mai kya puch rahi hoon.. kaise ho tum kitne saal ho gaye waise kaafi hansome ho gye ho not bad haan...
Or kaafi kuch non stop bolti chali gai mai chup chaap sunta raha.. jo situation hai uske baare mai soch raha tha.. tabhi ek baar fir woh mere gale lag gai... or mere gaal par ek kiss kr diya jisse mai hadbda gya... Wanhi sapna mujhse apna hath chudane lagi magar aise kaise mai chodd deta... Woh kasmasti reh gai or apna chehra dusri kar liya...
Rani... Naraaz ho mujhse aacha sorry maaf kar do mujhe mai maanti hoon maine galti kar di uski itni badi saja toh mat do bolo bolo na bolte kyu nahi...
Mujhe kuch na bolta dekh uski aankhen nam ho gai kabhi bhi aansun gir sakte the... Jise dekh ek pal ke liye maine sapna ka hath chhod kar use gale laga liya.. sapna bhi bina mujhe palat kar dekhe bahar ki taraf chali gai.. last tak mai use dekhta raha magar usne ek baar bhi palat kar mujhe na dekha shayad woh baradast na kar paati mujhe aise kisi ki baahon me dekh kar...
Rani... mai tumhe bata nahi sakti mai kitna khush hoon please mujhe maaf kar do mujhe daant lo maar lo jo chahe karo... magar mujhe baat toh karo... Pata hai jab se mai wanha se aai hoon bata nahi sakti maine tumhe kitna yaad kiya... " Ab mujhe chhod kar toh nahi jaoge na " .
Uske yeh sabd sun ek pal me gehri soch me chala gya kahi yeh bhi mujhse pyaar toh nahi karti nahi nahi aisa kaise ho sakta hai maine khud ise kisi or ke sath dekha hai... Par agar karti hai toh mujhe khush hona Chahiye me kyun udaas hoon jise maine bachpan se har pal pyaar kiya.... magar me khush kyun nahi hoon shayad abhi bhi mai sapna ka mujhe palatkar na dekhna udaas kar raha tha... mai usse milna chaah raha tha baat karna chhah raha tha magar yeh situation me mujhe kuch samjh nahi aa raha tha ek baar fir dil or dimaag me jung chhid gayi... Abhi mai soch hi raha ki mujhe mere hothon par geela ehsaas hua... Maine samne dekha toh meri jaan mere hothon par siddat se kiss kar thi jisse mai toh hakka bakka reh gaya... Kuch der baad alag hokar mujhse kehna start kiya...
Rani... I love you Kabeer.. haan sahi suna tumne mai kabse tumne yeh kehna chahti thi bata nahi sakti... Jab se mai wanha se yha aai hoon mujhe har pal tumhari kami khalti rahi 3 saal toh maine jaise taise gujaar diye magar yeh saal mujhse or ruka nahi jaa raha tha socha ek baar tumhare ghar ho aaun magar yeh soch kar darr jati thi ki agar tumne mujhe maaf na kiya toh mera kya hoga... Roz khud ko koshti rahi kaise mai bina tumhe khabar kiye aa gayi... Roz himmat karti or roz tut jaati magar tumhe aaj yaha aise dekh kar mai khud ko rokk na saki... Please mujhe maaf kar do please...
Itna kehkar woh rone lagi... Mujhe toh yeh sab samjh hi nahi aa raha kya chal raha hai.. dimaag hi kaam karna band kar gya magar fir uski aankhon me aansun dekh maine use baahon mai bhar liye... Mujhe samjh toh kuch nahi aa raha tha magar fir bhi mai uski aankhon mai aansun kaise dekh sakta tha... kuch der mai aise hi rehne ke baad woh chup ho gai.. mujhe kuch sochta dekh bol padi...
Rani... Shayad tum abhi tak shock mai ho yeh sab itni jaldi gya na.. Kabeer koi baat nahi aaj jawab dene ki jarurat nahi kal tak aaraam se soch lo haan magar kal tak mujhe tumhari haan Chahiye...
Yeh bolkar woh khud khilkhila kar hasne lagi... mujhe na haste dekh ek pal woh rukk gai mere pass aa mere gale mai baahen daal bolne lagi...
Rani... Kya hua mai kabse tumhe dekh rahi hoon tum kuch bol kyun nahi rahe kya tum khush nahi mujhe yaha dekh kar...
Mai... Nahi aisi baat nahi hai wo darasal baat yeh hai ki...
Rani... ( Beech me baat katkar ) kya aisi baat nahi pehle toh mujhe kitna pyaar karte the pani puri khilaya karte ab dekho itni der mai hi bole jaa rahi hoon.. khade sun rahe ho bolo kya hua ab kyun bolti band ho gai bolo bolo na...
Mai... Are meri maaa chupp ho ja bolne ka mauka degi tabhi toh bolunga mai jab se dekh raha hoon chapad chapad kiye jaa rahi chal aa idhar...
Or maine use apni baahon me le liya...
Rani... Haan toh maine bola ek bhi baar tumko na bolne ko tum toh jaise ghar se maun vrat rakh kar aaye ho.. ek toh itni dhoop me tumne khada kar rakha upar se gussa bhi mujhe dikha rahe ho... Mai samjh rahi hoon ab tum mujhe pehle jaisa pyaar nahi karte...
Mujhe kass kar apni baahon me bhar li Mai Ek pal uski harkat dekh muskura diya agle hi pal gambheer ho kuch bolne hi jaa raha tha ki isne ek ungli mere hothon par rakh di...
Rani... sssshhhhhh... Kuch mat kaho mujhe thodi der aise hi rehne do...
Abhi kuch der hui thi ki uska phone baja jise dekh usne call pick ki or baat karne thodi door chali gai.. kuch der baad udaas hokar mujhe dekha or call cut kar meri taraf aayi...
Rani... sorry Kabeer mujhe jaana hoga ek urgent meeting attend karni hai mai kal isi time isi jagah tumhara or tumhare jawab ka intjaar karungi..
Fir mujhe byy bol dono ne number exchange kiya or apne apne ghar ko chal diye... Jaise hi mai ghar phuncha mummy ne jo sawaal kiya use sunn mere totte udd gye... " Aa gye beta or sapna kaisi hai " jaise hi maine sapna ka naam suna mere hosh hi udd gye mai turant room mai gya usko call krne laga magar uska number band aa raha tha mai fir bhi lagataar ek ghante tak use continue call karta raha nateeja wohi raha.. hatash niraash hokar maine phone ko bed par patak diya or khud bhi uske side mai lait gaya... Uska yun mujhe nazren churana mera dil ko tadpa raha tha... Kaafi der tak mai uske baare mai sochta raha... Or lagataar call karta raha kahi koi anhoni toh nahi ho gai.... nahi nahi mai abhi jaakar usse milkar aata hoon yeh soch mai bistar se utha hi tha ki room ka gate khula mummy mujhe khana dene aayi thi... Mujhe kahi jaate dekh kehne lagi...
Mummy... Beta itni raat ko kahan jaa rahe ho...
Mai.. wo mummy wo mai sapna...
Mummy... Abhi toh usse milkar aa rahe ho abhi fir jaana hai... Aakhir aisa kya jaadu kar diya sapna ne ki mera bete ka dil ab ghar me nahi lag raha... ( Fir haste hue mere sir par hath fer kar ) beta aisa aacha nahi lagta itni raat ko use pareshaan karna... Use bhi ghar me jawaab dena hota hoga... Tum kal usse jaakar mil lena abhi chup chaap khana khakar so jana... Theek hai.. ( or maathe par kiss kar chali gayi )
Mujhe bhi mummy ki baat theek lagi or jaane ka plan drop kar mai bed par let gya.. sapna ke baare mai sochta raha or lagataar use call lagata raha... magar uska number chaalu na hua... Mai call lagata raha uski yaadon me khoya dheere dheere kab raat beet gayi pata hi na chala... Thhak haarkar jab mere phone ki battery khatam ho gai.. toh maine use charge par laga bed par lait gaya neend kab lagi mujhe yaad nahi... Pata nahi kitni hi der tak mai sota raha...
Jab meri neend khuli toh maine aas paas dekha khana ab bhi waise ka waisa hi rakha tha maine ghadi dekhti toh doopahar ke 2 baj rahe the mai jaldi se fresh hone chala or taiyaar hokar phone ko uthaya or wapas call mila di is baar ghanti jaa rahi thi magar woh phone nahi utha rahi thi.. mai lagataar call karta raha or uske ghar ki taraf chal pada neeche mummy ne mujhe kuch kehne ki koshish ki jise maine ansuna kar bahar ki taraf chal diya uska ghar mere ghar se jayada door nahi tha isliye mai paidal hi nikal pada abhi uska ghar kuch hi doori par tha ki raaste mai hi mujhe Rani mil gai...
Ranj... Kaha jaa rahe ho mai tumhe call karne hi waali thi... Aacha hua tum mujhe yehi mill gaye chalo wohi chalte hai park mai...
Mai use kuch bolta usse pehle usne mera hath pakda or mujhe lagbhag khenchte hue park mai le gai... Jo ki pass mai hi tha... Fir uski patar patar shuru ho gai mujhe kuch bolne ka mauka hi nahi mill paa raha tha ki tabhi usne apne honth mere kareeb kiye abhi kiss hone hi waali thi ki mai door hat gaya... Jo kuch bhi ho raha tha mujhe aacha nahi laga.. uth khada hua woh sawaliyan bhari nazron se mujhe dekh rahi thi tabhi maine bolna start kiya...
Mai... I love you... ( Fir kuch der rukk purani yaadon mai kho kar ) pata hai jiss din tum woh sheher chhod kar jaane waali thi uss din hi tumne batane waala tha ki mai tumhe kitna pyaar karta hoon... bachpan se aaj tak ek tum hi thi toh thi jiske saath mai hasta tha rota tha... yaad hai jab pehli baar hum mile mai jab andar jaane se ghabra raha tha toh tum aage aayi thi or mera hath pakad kar andar le gai jab sabne pucha toh tumne mujhe apna best friend bataya uss din se hi tumhare liye iss dil me khaas jagah ban gai thi jo waqt ke sath badhti chali gai...
Fir jab tum achanak mujhe chhodkar jaane waali thi mujhe aisa laga jaise mere seene se dil nikal raha ho... Mai tumhe door jaate hue kaise dekh sakta tha isliye khud ko kamre mai band kar rakha tha... Jo shayad meri ek bhut badi galti thi jisse mai tumko aakhiri baar bhi na dekh paya... Dheere dheere 4 saal beet gaye mai har raat rota khud ko kosta maine tumhe jaane kyun diya... shayad mai tumko bata deta toh tum rukk jaati kya pata tum bhi kahi mujhe pyaar karti ho... Zindagi aise hi kat rahi thi maine woh sheher or usme tumhari yaadon ke sath hi Zindagi gujarne ka fainsla kar liya tha...
Kuch der saans lekar jab maine use dekha uska poora cheha aansun se bheega hua tha ki tabhi maine fir bolna shuru kiya...
Mai... Kal jab tum mujhe mili or jab tumne mujhse kaha ki tum mujhe pyaar karti ho... yeh sunkar toh mujhe khush hona Chahiye tha hai na ab jara gour se dekho mere chehre ko kya mai tumhe kahi se bhi khush nazar aa raha hoon... Jiss ladki ko mai bachpan se aaj tak pyaar karta aaya hoon jiske sath jeene marne ki kasam khayi hui thi woh aaj mujhe pyaar karti hai magar mai khush kyun nahi hoon... jaanna nahi chahogi ki mai khush kyun nahi hoon...
Ek nazar use dekha toh woh hairat bhari nazron se mujhe dekh rahi thi... Mai fir bone laga...
Mai... " Woh wajah hai meri mangetar MERI JAAN Sapna... kehne ko toh hum sirf 3 se 4 baar mile hain jisme maine shayad hi usse thodi bhut baat ki ho magar fir bhi woh meri saari jarurat ka khyaal rakhti hai... Niswarth pyaar kya hota hai yeh mujhe sapna se milne ke baad pata chala pyaar toh bas dene ki cheez hai or woh pagli khud ko bhi mujhpar luta kar mere khyaal rakhti gai... Bina mujhe pyaar ki umeed kare mujhe pyaar karti gai karti gai...
Tumhe yaad hoga 15 din pehle jab mai subh ke time park mai ghoomne aaya tha tab tumhe maine pehli baar yahi dekha tha... Magar tumhe kisi or ki bahoon me dekh mera toh jaise mar jaane ko dil kar raha tha mai bhut der tak rota raha jab hosh aaya toh tumhe na dekh paagalon ki tarah sadkon par dhoodne laga ki tabhi ek car teji se mujhse takraai or mai behosh hone waala uss waqt sapna pta nhi aachanak kha se aayi or mujhe utha kar khoob roti rahi fir ambulance ko phone kar mujhe hospital me admit karaya mere liye din raat jaagkar bhagwaan se praathna karti rahi...
Mujhe abhi bhi yaad hai behoshi mai bhi mai har waqt tumhara naam le raha tha... Jisse shayad use pta chal gaya ho ki mai kisi or ko pyaar karta hoon magar fir bhi uska pyaar mere liye kam kyun nahi hua yeh meri samjh mai nahi aaya.. hosh mai aane ke baad bhi har waqt woh mera khyaal rakhti rahi... Woh chahe toh mujhse puch sakti thi ki tum kon ho magar yaha bhi usne mere baare mai socha ki kahi mujhe purani baatain yaad kar fir se taklef na ho...
Uska mere liye aisa pyaar dekh dheere dheere mera pyaar kab haar gaya pata hi na chala kab is dil ko uski aadat si ho gai yeh bhi na pata... kab usse baintiha mohabbat ho gayi pata hi na chala kal mai pehli baar usse apne pyaar ka ijhaar karne hi aa raha thi itne mai tum aa gai or mujhe apne pyaar ka ijhaar kar diya mai tumhe kal hi batane waala magar tum kisi ko bolne ka mauka kha deti ho... I am sorry Rani but mai Sapna se pyaar karta hoon ab shayad hi mai uske bina reh paun... Uske bina Zindagi jeena mai soch bhi nahi sakta hoon.. please I hope tum samjh rahi ho.."
Yeh sab mai aankhen band kar bol raha tha... jaise hi maine aankhen kholi apne saamne Sapna ko dekh aankhen hairat se badi ho gai fir sir jhatak kar bola...
Mai... Mai sach main pagal ho gya hoon mujhe tumhari chehre par bhi sapna dikh rahi hai... Aacha mai chalta hoon kal usne mujhe tumare sath dekh liya tha toh madam naaraz ho kar ghar baithi hai... Kal se na mera phone utha rahi na message ka reply...
Or fir usi ke samne call laga diya jo ki wanhi bajne laga maine ek baar aankhen mal use gaur se dekha yeh kya yeh toh sach me sapna hai usko poora chehra aansun se bheega hua tha... Jise dekh mai abhi kuch kehne hi waala tha ki usne aage badh mujhe baahon me bhar liya maine use apni baahon me kass liya... Kaafi der tak aise hi rehne ke baad maine use alag kiya or bola...
Mai... Janta hoon maine tumhara dil dukhaya hai magar fir bhi mai tumse kehna chahta hoon ki... I love you Sapna... I love you so so much...
Sapna... ( Mere kareeb aa meri aankhon me dekhte hue ) hamesha aise hi pyaar karte rahoge mujhe...
Mai... Marte dum tak...
Jise sunn usne apne honth mere hothon se jod diye badi hi pyaar se mujhe kiss karti rahi iss kiss mai bhi mujhe uska pyaar ka ehsaas ho raha abhi kiss chal hi raha tha ki kisi awaaz se humara dhyaan uss taraf hua... jo ki koi or nahi Rani hi thi...
Rani... Are oooo.. Laila majnu yeh sab yaha nahi ghar per jaakar karna bhari doopahar mai yeh bhi bhool gye ki kha ho... besharmo ki tarah beech park lage ho sabka mausam banane chalo yaha se... or mujhe treat Chahiye tujhse sapna bhut mehnat kawai hai tune iss ghoonchu ke chakkar mai...
Yeh bolkar woh khilkhila kar hasne lagi wanhi mai shocked or sapna shrma rahi thi... mai yeh sochne laga kya Rani Sapna ko jaanti hai or yeh kiss treat ki baat ho rahi mai yehi sab soch apna sir khujla raha tha jise dekh dono hasne lagi...
Sapna... Rani sahi keh rahi hai chalo yaha se bhut garmi hai... Tumhare saare sawalon par abhi break lagao chalo aaj khracha kro har baar mujhse karwate ho..
Uske baad hum wanha se nikal ek restaurant mai gye wanha humne coffee order ki mai sapna ki taraf dekha usne bolna shuru kiya...
Sapna... Uss din jab tum park me ise pehli baar mile toh mai wonhi thi yeh meri best friend hai humne sath hi me college complete kiya hai... Us din mujhe pata chal gaya tha ki tum isse pyaar karte ho fir maine bhi isse tumhare baare mai sab kuch pata kar liya... Yeh tumhe sirf apna dost samjhti rahi magar tumne ise apna sabkuch maan liya tha... yeh soch kar me bhut rooyi ki tum kisi or ko pyaar karte ho maine tumse door jaane ki koshish magar jaa na saki... Hospital mai jitna time maine tumhare sath bitaya kahi na Kahi mujhe aisa lagne laga tha ki tum bhi toh nahi mujhse pyaar karne lage... Uss din jab tumne mujhe milne bulaya mai dekhna chahti thi tum mujhse pyaar karte ho ya nahi maine Rani ko sab kuch samjha kar tumse milwaya or baaki sab apne hisaab se tum samjh hi gye hoge jo kuch bhi hua yaha..
Mai... Matlab tum logon ne milkar mujhe bewakoof banaya...
Yeh sunkar woh or Rani jor jor se hasne lagi...
Mai... Agar mai rani ho haan bol deta toh...
Sapna... Jaan na le leni thi maine tumhari...
Mai sochne laga baap re mai ise bholi bhaali samjh raha tha yeh toh bhut katarnak hai bhaiyaaaa... Pta nahi biwi banegi tab kya haal hoga... isse thoda bachkar hi rehna hoga...
The EnD...
by: - Abhay Smarty...
apan was searching for fantasy
par koi nahi story acchi hai ye bhi
Ladka kuch jyada hi expect kar liya ladki se
Rani...galti uski bhi nahi hai...ye sala Kabeer
Iss aadmi ki baaton ko serious leke baitha tha...ek ladka aur ek ladki dost nahi ho sakte...
Usko samajhna tha ki dost hai....aur ye Sapna aur Rani inka combo bhi alag hi tha...
Ek Rajkummar Rao hai to dusri Ayushman khuranna...gajab combo hai...
pareshan kar diya Kabeer ko....
Last aate aate sab sahi ho chukka tha...Kabeer pyar karne laga tha fir bhi aakhiri dose to dena hi tha naa....ab agar Kabeer Kirti sanon ki tarah Rani mein lag jaata naa to sahi game ho na tha
saari galti hi Selmon Bhai ki movies ki hoti hai
Selmon Bhoi
..
..
..
