Romance 8TH SEMESTER ! (Completed)

[The Immortal]

Update-162

"iske pahle main kya aliens ki language me bola kya ki...warden ne neeche jane ke liye mana kiya hai..."
"warden ke maa ki fill in the blanks....bhagkar chalte hai... "
.
'Girl' jise hindi me ladki ,Gujrati me 'chhokari' ,marathi me 'mulagi' aur hum jaise naujwan 'item' ya 'maal ' kahte hai...ye badi hee kash -makash paida karne wali prajati hai...ladkiya uljhan me bahut dalti hai...jaise kisi ladki ne ek-do baar kisi ladke ko dekh kya liya banda zindagi bhar isi uljhan me rahta hai ki wo mujhe line de rahi thi ya sirf aise hee maje loot rahi thi...ladkiya itna uljhan paida karti hai ki ek-do baar bhagwan bhi confusion ho jata hoga ki ise neeche bheju ya yahi apne paas rakh loon
Aur hum jaise laundo ka to puchho hee mat...jis bande ne ek ladki kya pata li sala behave aise karta hai jaise puri duniya jeet li ho. Uska khana-peena, nahana-dhona ,sab kuchh ek ladki ke chakkar me shutdown ho jata hai.....Ab humi log ko dekh lo...main yaha neeche isliye nahi aaya tha ki mujhe bhookh lagi thi balki isliye taki main ladkiya taad saku....mere dost jo neeche aate samay har-kadam mujhe warden ka dar de rahe the...wo bhi is samay mere sath neeche isliye the taki wo ladkiyo ko dekh sake. Bole to 'Nayandarshan' ya 'nayansukh'.
.
"main soch raha tha ki un teeno ke liye bhi khana vagerah pack kar ke le jate hai..."Ek plate uthate hue maine kaha aur pelam-pel salaad plate me bhar liya.
"kaun teeno..."aage-peechhe najar markar Saurabh ne bhi pelam-pel salaad bhar liya aur bola"hum sab to hai yaha...."
"abey,hum log yadi mar rahe ho aur isase ek glass pani ki fariyad kare ,tab bhi ye hume ek glass pani lakar nahi dega aur bolega ki'lawde,upar jakar direct jalpaan karna'....aisa launda hai ye..."mere aur Saurabh ki tarah Arun ne bhi relam-pel salaad apni plate me bhara aur kaha"ye to un teeno ke liye hai..jinhe warden ne neeche aane ke liye mana kiya hai..."
"wo teeno... "apne dimag par jor dalte hue Saurabh ne puchha"kahi tu,Divya...Esha aur Megha ki baat to nahi kar raha..."
"ekdum sahi jawab..."
"sach "meri taraf aankhe faad-faad kar dekhte hue Saurabh ne chammach uthaya aur apne plate me rakhte hue bola"tu ladkiyo ke samne kab se haar manne laga,ab ye mat bol dena ki tujhe apni galti ka ahsaas ho gaya hai aur tu ab use sorry bolne ja raha hai...."
"are lawde,sorry to humne tab bhi nahi bola jab galti humari thi...to ab kya bolunga..."
"ye...yehi junoon ant tak banaye rakhna aur chahe jo ho jaye lund ko chut ke samne jhukne mat dena kyunki lund kat sakta hai lekin jhuk nahi sakta "
.
Baato hee baato me jab Saurabh ne Megha ka name liya to Megha ke naye-navele aashiq Sulabh ko bechaini hui aur usne hum teeno ke beech me apna sar ghused kar jo discussion chal raha tha...uska topic puchha....
"kuchh khas nahi,bas soch raha tha ki un teeno ke liye khana pack karke le jaye..."
"sach "
"yes, aur tu hee wo launda hai jo teeno ke liye dinner pack karega... "
"ghanta,is puri bheed me tujhe ek akela main hee dikha jo ye kaam karunga...beta ye bade shahar ki badi party hai na ki tere gaanv ki shadi ,jaha pure khandan ke liye khana pack karwa liya jayega...yaha to sala ye bhi saaf nahi hai ki mujhe khana milega ya nahi...aur ek baat puchhu tum teeno ne ye janwaro ki tarah salaad kyun bhar liya hai..."
"beta, wo MBBS wale bhukkhado ki bheed dekh aur us bheed ko dekhkar mera 1400 gm ka dimag kahta hai ki achhi tarah se plate bharne me kam se kam 10-15 minute to lagenge hee..."
"toh.."
"to tab tak hum log salaad khakar time paas karenge..."
"sahi hai..."kahte hue Sulabh ne bhi apni plate me pelam-pel salaad bhar liya.
.
jab sab mere khana pack karwane wale plan se sahmat ho gaye to ek nayi samasya paida hui aur wo samasya ye thi ki un teeno ke liye dinner kaun pack karwayega...kyunki aisi party ,jaha itne sare log ho waha apne hath me plastic lekar khade rahna ,matlab apni reputation ko khule bazar me kaudiyo ke daam me bechna tha aur ye kaam sirf ek shaks kar sakta tha aur wo the humare Rajshri Product ke Brand ambassador Shri-Shri 1008 Pandey ji.....
"kya Arman bhai...apun ki bhi koyi ijjat hai...kahe ko apun ki aisi-taisi karne par tule ho..."
"ye kaam kar de ,10 Rajshri meri taraf se free..."
"rahne do,maine Rajshri khana chhod diya..."
"phhir ek packet gudang-garam cigarette..."
"apun cigarette bhi chhod dega Arman bhai...par apun ki langot mat utaro..."
"chal,phhir ek botal pavva...ab bol "
"daru bhi chhod dunga main aaj se..."
"teri to...tu beta college me mil.phhir teri ijjat waha thik dhang se sawarunga..."jab mere sare lalach Rajshri Pandey par beasar ho gaye to maine use dhamki dene ka rasta apnaya and as always Rajshri Pandey maan gaya...,pata nahi kyun sala meri dhamki se itna darta tha....
"thik hai Arman bhai,jaisa aap bolo...lekin ye aap thik nahi kar rahe mere sath "
"dil pe mat le...."Rajshri Pandey ka peeth thapthapate hue maine apne jeb se kayi sari plastics nikal kar jaldi se uske jeb me daal di aur bola"muh me le.."
.
Rajshri ko uska kaam saunp kar humne use khud se door kiya aur salaad khate-khate apni plate bharne lage....
"main kofta aur bhindi lekar abhi aaya...."bolkar Saurabh waha se aage badh gaya aur Naveen,Sulabh pahle hee sath chhod chuke the...
.
"aaj dekha Divya kaise udd rahi thi ,achchhe se baithaya hai usko,ab kuchh din mere samne apni jubaan kholne se pahle 3 lakh kilometer/Sec. Ki speed se sochegi ki kuchh bolu ya nahi..."
"ab tu apni tareef karna shuru mat ho jana...."
"abey nahi..main to tujhse ye kahna chahta hoon ki in ladkiyo me dimag ki jagah gobar bhara pada hai..kuchh sochati-samajhti nahi bas kau-kau chillati rahti hai...Divya ko hee dekh le, use kya jaroorat thi beech me bolne ki ? Lekin nahi use to mujhse panga lena tha ,kar diya na nanga...ab tu us MBBS wali ko hee le le, do baar mujhe ullu kya banaya ,khud ko Arman se badi samajhni lagi...use bhi dhang se batti diya aur aisa batti diya hai ki zindagi bhar 'Arman' shabd sunkar uske dimag ki batti gul ho jayegi..."
"kafi galatfahmi paal rakhi hai tumne apne andar...zameen par rahna seekho warna ek pal aisa aayega jab patal ke bhi nahi rahoge..."ek sexy aawaz ne mera dhyan apni taraf aakarshit kiya aur jab meri aankhe us sexy aawaz ki malkin par padi to aankhe jaisi us par jam kar rah gayi...
"Angelina...ye itna sab kuchh ho jane ke baad bhi mujhse muskura kar baat kar rahi...jaroor ye kisi plan ke sath aayi hogi,nikal le beta..."maine khud se kaha aur ek professional muskan apne hontho par le aaya...jabki Angelina ko dekhte hee main thoda ghabra gaya tha kyunki wo is samay ek ghayal sherni ki tarah thi...jo bas us ek mauke ki talaash me thi jiske karan wo mujhe,hum dono ke beech chal rahe mind-game me parajit kar sake...is samay main Angelina darling se ulajhna nahi chahta tha...isliye waha se bhag jana hee behtar samjha...
Jung ke maidan me bina lade bhagne ka mera apna ek alag hee style hai,jo hamesha hee kargar sabit hota hai aur wo style ye hai"dar ke karan jung ke maidan ko bhi is tarah chhodo ki samne wale ko ye mahsoos ho ki aap waha se bhag kar uspar bahut bada ahsaan kar rahe ho...' iske do fayde hai-pahle ye ki is tarah se aapki ijjat bhi baj jati hai aur dusara ye ki samne wali ki ijjat thuk jati hai.....
.
"meet my friend..."ek ladke ke kamar par hath rakhkar Angelina boli"iska name..."
"ye koyi Johnny depp ya Robert downey jr. hai kya,jo main isase milu....jao pahle mujhse milne ka appointment mere secretary se lekar aao..."waha se khisakte hue maine kaha"chal be Arun, kofte ke counter par bheed kam ho gayi hai.."
________________________

 

[The Immortal]

Update-163

"meet my friend..."ek ladke ke kamar par hath rakhkar Angelina boli"iska name..."
"ye koyi Johnny depp ya Robert downey jr. hai kya,jo main isase milu....jao pahle mujhse milne ka appointment mere secretary se lekar aao..."waha se khisakte hue maine kaha"chal be Arun, kofte ke counter par bheed kam ho gayi hai.."
.
Angelina darling se peechha chhudakar hum log ek taraf khade ho gaye aur apne masoom se pet ko bharne lage...main aur mere dost warden ke mana karne ke bawjood neeche aa gaye hai,iski khabar kisi ne warden ko de di aur hath me khane ki plate liye warden humare paas aaya....
"tum logo ko mana kiya tha yaha aane ke liye..."apne daant chabakar usne hum sabko batti di aur samne se gujarne wale ek shaks ko bade hee shaleenta se bola"hello, aap kaise hai..."
Jab wo shaks gujar gaya to warden phhir humari taraf muda aur hume galiya bakna shuru kar diya...wo bhi bade pyar aur dular se, kyunki har waqt-bewaqt koyi na koyi waha se gujarta jiske karan warden hum par apna gala nahi phhad pa raha tha...ek taraf warden hume hans-hans kar batti de raha tha to wahi hum log hans-hans kar batti le rahe the......
"tum log upar milo ,phhir batata hoon tumhe.."warden ne ek baar phhir apna daant chabaya lekin dusare pal samne se gujar rahi ek aurat ko dekhkar muskurate hue bola"kaisi hai aap,dinner ho gaya aapka..."
"yes...yes....yes"teen baar 'yes' bolkar wo aurat chalti bani aur hum log bhi mauka dekhkar usi waqt waha se khisak liye....
.
"Pandey ji ko Gutkhe ka packet do koyi,inhone humara kaam jo kiya hai..."Pahadi par upar chadhte hue maine kaha...
"rahne do Arman bhai, aaj sabke samne meri ijjat me jitne hole hue hai na ,uske baad Gutkha,daru sab kuchh bhool sa gaya hoon...dimag me baar-baar bas wahi scene aa jata hai jab waha maujood log mujhpar hans rahe the..."
"mard ban be lawde "Pandey ji ki peeth jor-jor se thapthapate hue Saurabh bola"name bata unka jinhone tujhpar hansa...abhi salo ka muh unke gand me ghusa kar aata hoon..."
"maloom nahi ,kaun-kaun hans raha tha...main to bas apna sar jhukaye khada tha waha..."
.
"Arman tu hamesha bolta rahta hai ki 'i love daru more than' "
"GIRLS..."Arun ke pahle hee maine apna dialogue complete kiya...
"ek baar ye bol ki tu, daru ko mujhse jyada pyar karta hai..."
"isme kaun si badi problem hai...I love daru more than Gay-Arun..."aur isi ke sath hum sabhi hans pade,siway Arun ko chhodkar....
"ab yahi line Esha ke liye bol to..."usne aage kaha...
"ab kya main din bhar sabke name japta rahu kya..."
"iski koyi jaroorat nahi bas tu ek baar ye bol de ki 'i love daru more than Esha'...bas baat khatm..."
"isme kaun si badi baat hai,le abhi bol deta hoon..."Arun par haste hue maine bolna shuru kiya"i love daru more than......"
"more than..."jab main bolte-bolte chup ho gaya to Arun ne ek baar phhir se apni taang adayi...
"more than...more than..."
"rahne de beta, bol chuka tu..."ek jor ka ghusa mere peeth me markar Arun ne kaha"tune dil tod diya mera aaj.sale mera name le sakta hai lekin uska name nahi le sakta...bas beta ,dekh li teri ye dosti...tujhe pata nahi ki tune mujhe aaj kitna dukhi kiya hai....dil kar raha hai ki yaha se neech kudkar apni jaan de doon,lekin phhir jo daru ka ek bumpher tere bag me rakha hai,use kaun piyega...ye sochkar nahi kud raha...baki dil to ekdum chhalli-chhalli ho gaya aaj..."
"oye nautanki, chup ho ja... aur tu kya sochta hai ki main Esha ko daru se jyada pyar karta hoon...bilkul nahi, le abhi bole deta hoon,wo line jo tu sunna chahta hai..."kahte hue maine ek baar phhir se try kiya...lekin juban Esha ka name leti ,usase pahle hee atak gayi....meri favorite line ko Esha ka name lekar pura karne ke liye mera muh jaroor khulta lekin shabd nahi nikal rahe the......
"i love daru more tha E...More than Eeeeeeee......"barahawi baar koshish karte hue main bola lekin pichhali egraya baar ki tarah is baar bhi juban dhokha de gayi....
.
"gand mara tu Arun..."frustation me main cheekha aur tej kadmo ke sath thoda aage badh gaya....
Pata nahi meri jubaan kyun ladkhada rahi thi...jabki main aisa kabil launda tha ,jise gale tak daru pilakar yadi hazar logo ke samne bhasad dene ke liye stage par khada kar diya jaye tab bhi ek shabd idhar se udhar na ho....
"o teri, us billi se to main 100 % pyar karta hoon...."
College ke char salo me teesare saal mujhe ye maloom chala ki Esha se main sach me pyar karta hoon .
"pata nahi sala dosti kab hogi, main use propose kab karunga aur kab wo meri girl friend banegi....jis speed ke sath main hoon ,uske hisab se to sala ye janam aur iske aage wala janam bhi kam pad jayega... "
.
Camp me aane ke baad ye decide hua ki main aur Sulabh un teeno ke camp me jayenge aur dinner chhod kar aayenge....
"tu ja raha hai to ja,lekin meri ek baat apne gand me gath bandh ke rakh liyo ki bhoole se bhi un laundiyo ko sorry bola to alta-palta ke chodunga...."dhamki ke roop me Saurabh ne apni shart rakhi...
"abey, meri shakal dekhkar tujhe kya lagta hai ki main use sorry bolunga...us Divya ki to shakal tak nahi dekhunga..."
"yahi jajba banaye rakhiyo beta ,bahut door tak jayega...itna door ki telescope se bhi tu nahi dikhega...ab mere pair chhukar aashirwad le aur chalta ban us 'R. Divya'ke camp ki taraf..."
"ye 'R. Divya' ka kya matlab"khane ke packet apne hath me pakadte hue Sulabh ne puchha...
"wo main tujhe raste me samjha dunga,ab chal idhar se..."
Apne camp se nikal kar main aur Sulabh , 'R.Divya ' ke camp ki taraf badhe aur is samay mere dimag me jo chal raha tha ,wo ye ki...un teeno ka muh kitna inch fatega ,jab wo log mujhe aur Sulabh ko apne camp ke andar dekhegi....
"kahi koyi heart attack se na mar jaye...."chalte waqt main badbadaya...
"kaun mar raha hai Arman..."
"tu chup-chap chal na aage...ye baar-baar ungali karna jaroori hai kya...."
.
Humare college ke lagbhag aadhe student aa chuke the jiska pata maine aadhe se adhik camp me se aati hui roshani se lagaya....'R.Divya' ke camp se bhi roshani aa rahi thi...unke camp se kuchh doori par jab main aur sulabh pahuche to main rook gaya...
.
"kya hua Arman..."
"kuchh nahi..bas soch raha hoon ki wapas chalte hai..."
"kyun..."
"abey pahli baat to ye ki hume aisa karte dekh jo ki hum dono abhi karne ja rahe hai...un teeno ko dil ka daura padega aur mujhe dar hai ki kahi koyi ludhak na jaye...."
"aur dusari baat kya hai..."
"dusari baat ye ki hum dono ki...sorry hum dono ki nahi, sirf meri...meri bejjati bhi hogi...."
"aur teesari baat..."hatho me khane ka packet liye Sulabh mujhe itne dhyan se sun raha tha ki uski pakad khane ke packets par kamjor ho gayi aur ek ke baad ek do-teen packet ,zameen par dhamake ke sath giri.....
"teesari baat ye ki, tu maha-bakchod hai aur Megha ke sapne dekhna chhod de...chutiya sala,Pandey ji ki mehnat ko bekar kar diya..."Sulabh ko khari-khoti sunate hue main bola"ab mera muh kya dekh raha hai,utha ke dekh ki kuchh salamat bhi hai ya sab khatm ho gaya..."
"bose dk chilla mat,warna yahi marunga...kasam ganga maiya ki "
"majak kar raha tha pagle,tu to har baat dil pe le leta hai... "
.
Haste-khelte,ladte-jhagadte...main aur Sulabh aakhir 'R.Divya' ke camp ke samne pahuch hee gaye ,lekin ab sawal ye tha ki hum dono me se andar kaun jaye....kyunki Sulabh ki fat rahi thi aur main pahle andar nahi jana chahta tha aur dusare shabdo me kahe to meri bhi fat rahi thi...kyunki in ladkiyo ka kya bharosha,sali 'help-help' chillakar hume kahi fansa na de...
.
"tu sale bahut sher-dil banta hai...tu hee ja pahle..."
"mujhe dekhkar wo Maa di ladli Divya sanak jayegi...aur lamba chauda bakheda kar degi..."
"ek kaam karte hai ,dono sath chalte hai andar..."
"ye sahi rahega..."
Maine , Sulabh ka hath aise pakda jaise saat phhere lene ja raha hoon aur camp ki taraf badhte hue puchha...
"guess kar sakta hai kya ki wo teeno kya kar rahi hogi ,is waqt..."
"pakka muth mar rahi hogi..."
"kya aadmi hai be, itna kharab to main bhi nahi bolta....ek se badhkar ek hai yaha...ek baat bata,tu sach me Megha ko pyar karta hai ya aise hee Arun ki tarah doodh-gand dabane ke liye Megha ka chakkar kat raha hai..."
"left side wala pyar hai be aur mujhpar ungali uthane se pahle khud ko dekh, teesara saal chal raha hai lekin itna dam nahi ki in teen saal me use jakar teen shabd bol sake...aur mujhpar ungali uthane se pahle khud se puchh ki kya tu Esha se left side wala pyar karta hai ya nahi..."
"apna to 100 % pure hai,aaj confirm bhi ho gaya aur ab chal..."
.
Maine sar neeche karke camp ke andar pahle apna sar ghusaya aur agal bagal dekha....waha siway Esha ke aur koyi nahi tha aur Esha bhi dusari taraf apna face kiye hue baithi thi....
"abey ,Arman...teri billi kahi koyi jadu-tona to nahi karti ,kyunki jis position me wo apne baal khule karke baithi hai ,usase apun ko chudailo ki yaad aa rahi hai..."
"Bakchod ,wo video game khel rahi hogi... ,tu sale ladkiyo ki ijjat karna kab sikhega "khusfusate hue maine Sulabh se kaha aur Esha ko aawaz di lekin Esha pahle ke tarah hee isbar bhi baithi rahi....
.
"Arman,main kya bolta hoon ki ab hume chalna chahiye...meri fat rahi hai...kahi kisi ne aise karte hue dekh liya to...bhari lafda ho jayega...."
"dar mat...is samay Esha ka baap bhi aa jaye to mujhe kuchh nahi bolega...mere paas back up plan hai..."
"thik hai to tu yahi ruk main chala...waise bhi Megha yaha nahi hai..."
"Ruk be, warna tere baap ko call karke bata dunga ki tu unke mana karne ke bawjood idhar camping me aaya hai..."
Sulabh ko rok kar maine ek aur baar Esha ko dheere se aawaz diya lekin waha baj rahe sangit ki dhwani me mere muh se nikli dhwani ghul-mil gayi aur Esha par koyi prabhav nahi pada....
"Esha....billi..palat"thoda tej aawaz me maine kaha aur jaise hee Esha peechhe palti,Sulabh apna hath mere hath se chhudakar waha se ulte pair bhag gaya....sala darpok .
"Arman......."Mujhe dekhte hee Esha chauki aur turant hee uthkar mere paas aayi..."kya chahiye tumhe..."
"ek chummi..."maine socha ki aisa bol du,lekin phhir nahi bola aur apna sar na me hila diya.....
"kuchh kahna hai.... "Esha ne dobara sawal kiya.
Maine haan me apna sar hilaya aur socha ki ye bol du'i love you more than daru...' lekin phhir himmat nahi hui....
"sorry bolne aaye hoge, i know..."
"i know, you know, don't know,who know...bahut confusion hai..."main bola"wo tum log neeche nahi gaye the khana khane...to mujhe fikra hone lagi ki kahi tum logo ka bhookh ke mare pet na kharab ho jaye,isliye tum teeno ke liye khana pack karwa ke laya hoon...lekin Sulabh ki meharbani se sare khane ka satyanash ho gaya..."
"kyaaaaaaaaa......."bolte hue Esha zameen me girte-girte bachi.
Shuru me socha ki mast kudkar Esha ko lapak loon lekin tabhi mere dimag ne kaha ki'na beta na...lafda ho sakta hai' aur maine phhir waisa kuchh bhi nahi kiya....
"mujhe to pahle se hee andaja tha ki iska kuchh yahi haal hoga....abhi isko heart attack bhi aayega "
________________________

 

[The Immortal]

Update-164

"mujhe to pahle se hee andaja tha ki iska kuchh yahi haal hoga....abhi isko heart attack bhi aayega"
.
"mujhe yakin nahi ho raha ki tum humare liye khana laye ho, thanks...lekin Divya aur Megha bhi chori-chori neeche gayi hai...."
"us R.Divya me itna talent aur himmat kaha se aa gaya "
"R.Divya ka matlab..."
"R.Divya ka matlab.....hmm...Respected Divya "Sulabh ke hahakar se jo khane ke packet bach gaye the unhe Esha ko pakdate hue maine man me socha"Chal ab i love you bol aur kiss kar "
"mujhe samajh nahi raha ki main tumse dinner loon ya rahne doon..."hatho ki taraf dekhte hue Esha boli....
"jyada mat soch...dimag par asar padta hai, bindas hokar khane ka phhir so jane ka bole to KPS "
"KPS means Krishna public school..."
"ye le are humari dictionary me to IIT ka full form bhi ' Indian Institute of Technology' nahi hota to phhir KPS ka full form krishna Public school kaise hoga...KPS ka matlab hai khao,piyo aur so jao..."
"ok..then KPS to you..."bolkar Esha aise khush hui jaise kitna bhari dialogue mar diya ho...
"to main chalta hoon..."(i love you bol... )
"haan jao..."palat kar jate hue Esha boli, lekin kuchh door aage jane ke baad pata nahi usko kya hua ,jo wo ekdum se palti...uske tevar dekhkar main hairan pareshan ho gaya....
"apna khana apne sath le jao...mujhe koyi jaroorat nahi..."wahi se khane ki packets meri taraf fek kar Esha boli"aur dobara mujhse baat karne ki koshish mat karna yaha tak ki mere karib bhi mat bhatakna,..."
"teri maa ki isko kya hua...abhi to achchhe se baat kar rahi thi..."hazar volts current ke jhatke khate hue meri aankhe fat ki fati rah gayi thi aur muh kayi inch tak khul gaya tha....Esha ka aisa roop maine ab se pahle kabhi nahi dekha tha, use gusse me dekha tha lekin aisa kali maa wala roop pahli baar dekh raha tha.....dil aur dimag me kayi sawal liye maine usase puchha...
"kya hua..."
"apna ye ahsaan jo zameen par pada hai use uthao aur yaha se dafa ho jao..."
"are lekin ye to bata hua kya....tujhme ye zero to infinite wala parivartan kaise aur kyun aa gaya..."bhadak main bhi sakta tha lekin Esha ka lihaaj karte hue khud par control karke rakha hua tha....
"ek baar me sunayi nahi deta kya...maine kaha na dafa ho jao yaha se..."
"dekh billi, mera body temerature mat badha...nahi to..."
"nahi to kya...tumne Gautam ke sath jo kya uske baad tum iski ummid rakhte ho ki main tumse sahi dhang se baat karungi...kuchh der pahle to main ek pal ke liye jaise sab kuchh bhool hee gayi thi,warna camp ke andar ghusne nahi deti.ab ye apna sada sa khana uthao aur chalte bano..."
"control kar be...gali mat dena isko..."jab tak main Esha ke camp me tha tab tak main har pal khud se yahi kahta raha aur ispar kamyab bhi hua....Esha ko yun mujh par bhadakta dekh mera dil kar raha tha ki apna collar upar karu, goggle aankh me chadha kar Esha par apni galiyo ki puri dictionary khali kar doon....
Lekin dikkat ye thi ki mera shirt without collar tha ,Goggle to ek din pahle hee kho chuka tha aur Esha ka chehra dekhkar meri galiyo ki dictionary khul hee nahi rahi thi....maine zameen par pade hue khane ke packet uthaye aur waha se jate hue Esha se bola...
"meri nahi to kam se kam is khane ki to ijjat ki hoti...khair koyi baat nahi, KPS"
.
Esha ke camp se nikal kar main apne camp ki taraf badha...mujhe samajh nahi aa raha tha ki Esha mujhpar achanak itna bhadak kyun gayi ? Kyunki yadi use mujhpar bhadakna hee tha to shuru se hee bhadakti...shuru me pyar-mohabbat dikha kar baad me gali dena ye kaha ka vyavhar hai...in ladkiyo ko kabhi hum garib ladko ke Armano ki kadra hee nahi hoti.shuru me uske haav-bhav se aisa lag raha tha ki abhi mujhe ' i love you' bol degi...lekin sari ummido ko jala kar rakh kar diya
"to beta aur bhago uske peechhe,apun to college ke pahle din se hee usase door rahne ko bola tha lekin nahi...tumhare hee pichhwade me ungali ho rahi thi ab bhugto..."apni camp ki taraf jate hue main khud se lad raha tha....kabhi main ek pahlu se Esha ki burayi karta to kabhi dusare pahlu se uska bachav karta....
"are beta...dar mat,mard ban....ye Megha,Vibha..jaisi laundiya to baye hath ka khel hai...yadi damdari dikhani hai to Esha jaisi kisi khubsurat item ko set karne ka....warna zindagi bhar mutth marne ka...."
.
"dhat teri ki..."apna sar pakad kar main jaha tha wahi khada ho gaya aur khud se bola" i love daru more than Esha...nahi...i love Esha more than daru....nope, i love Daru more than Esha...chup ho ja bose dk ,i love Esha more than daru...tujhe tere lund ki kasam ...i love daru more than....................."
"tumhari maa ki "main cheekha ,chillaya aur jab khud se jujhate hue dhyan diya to paya ki main pahadi ke ekdum kinare me khada hoon.jaha se do-char kadam yadi main aur aage badhata to seedhe bhagwan se face to face milta....
"BC, mujhe nahi lagta ki aise me main jyada din tak zinda rahunga...is Esha ka kuchh to karna padega..."badbadate hue main turant waha se peechhe kuda...
.
Apne camp ki taraf badhte hue Maine ghadi me time dekha ,raat ke 11 baj rahe the....mere dil aur dimag ke world war ke baad main ab ek-do peg markar shanti se sona chahta tha....lekin jab camp ke andar pahucha to warden waha pahle se maujood tha...
"MC sala..."warden ko camp ke andar dekh maine dil hee dil me kaha....
"kaha gaye the Sir..."gadhe ke gand jaisa muh banate hue warden ne puchha...
"peshab karne gaya tha..."
Warden ne mujhe apne bagal me baithaya aur 'beta-beta' bolkar bahut sari naseehat di aur waha se chala gaya......jab warden waha se khiska to maine socha ki ab chup-chap do peg markar so jata hoon lekin mere khas dost Arun ke gand me illi thi....
.
"tune aaj mera bahut dil dukhaya hai..."jab main apni aankhe band karke let gaya to mujhe hilate hue Arun ne kaha...
"ek kaam kar...tu gand mara aur dobara mujhe touch kiya to gand fad dalunga..."
"tu ek baar bol de ki ' i love daru more than Esha'...bas baat khatm..."
"nahi bolunga...jo ukhad sakta hai ukhad le..."
"tere paas hai hee kya ukhadne ko...tu bol de aaj ,warna sone nahi dunga..."
"beta jitna bada tu nahi hai,usase bada to mera lund hai...aur ek baat bata, tu sale kahi Gay to nahi hai..."
"Arun chahe gay ho ya lesbian, pahle tu ye bata ki tujhe Esha jyada pyari hai ya hum log..."abki baar Saurabh ke pichhwade me illi hui aur wo bhi uthkar baith gaya....
.
iske baad to ek-ek karke sabke pichhwade me mano kisi ne lamba danda ghused diya , sale sab mujhe dhikkar rahe the yaha tak ki Rajshri Pandey bhi...
"Arman bhai...maine jo aaj aapke liye kiya wo saat janam me yadi Esha ne kabhi kar diya to maa kasam main Rajshri khana band kar dunga...."
"Arman ,pahle friend baad me girl firend..."Sulabh bhi naseehat dete hue bola...
"abey tum sabne bhang chadha rakhi hai kya,jo itni raat ko aisi behuda bakwas kar rahe ho...so jao.."bolte hue maine phhir chadar tani ,lekin Arun ne chadar chheenkar door zameen par fek diya...
"beta ,bol de ki ' i love daru more than Esha' warna...tujhe camp se bahar nikal denge...sale wo laundiya humse badi hai kya...."
.
Jab sab dost aapke khilaf ho jaye to badi aafat hoti hai yar ! Na chahte hue bhi wo karna padta hai...jo karne me ratti bhar bhi interest nahi hota....main, zameen par door padi apni chadar ko kuchh der tak dekhta raha aur phhir use uthakar Arun ki taraf dekhkar bola...
"sale,wo kaha surajmukhi aur tu kaha jwalamukhi...zameen-aasman ka antar hai tum dono me...main dusare camp me so jaunga lekin wo nahi bolunga...jo tum log mujhse bulwana chahte ho....good night "
_______________________

 

[The Immortal]

Update-165

"sale,wo kaha surajmukhi aur tu kaha jwalamukhi...zameen-aasman ka antar hai tum dono me...main dusare camp me so jaunga lekin wo nahi bolunga...jo tum log mujhse bulwana chahte ho....good night"
.
Main apni chadar samet kar bahar ja hee raha tha ki Arun ne aawaz dekar wapas bula liya....
"rahne de, tu bhi kya yaad rakhega ki kis ladke se pala pada tha..."
"Main janta tha ki tu mujhe jane nahi dega...."
Wapas let kar maine chadar tani aur din bhar ki thakan ke karan mujhe neend jaldi aa gayi. main subah 8 baje tak apni thakan mitata raha aur hamesha ki tarah aaj bhi main sabse pahle utha.....
10 baje tak sare students kal ki tarah usi jagah jama hue,jaha kal hue the...aur humara warden kal ki tarah aaj bhi shaktiman style me apne dono hath apni kamar me rakhkar instruction de raha tha.....usne ek baar phhir sabse kaha ki, koyi bhi pull ke us paar nahi jayega aur na hee koyi dusare college walo se koyi vivad khada karega.....ek aur baat jo warden ne hume batayi wo ye ki aaj raat ko khana jaldi ho jayega ,jiske baad Engineer vs. Doctor ka debate hoga....
"jo-jo log participate karna chahte hai ,wo mam ke paas apna name de de..."Girls hostel ki warden ki taraf ishara karte hue usne kaha....
.
"Arman, ja tu bhi apna name de de..."Mere peechhe khade Arun ne mujhe ek laat marte hue kaha...
"lawde, pant kahe ganda kar raha hai aur ye sab chutiyapa mere liye nahi hai...."
"bol na fat gayi...bahane kyun marta hai..."
"meri kisliye fategi be..."
"teri isliye fategi kyunki sabke samne jakar bolne ka guts tere me nahi hai...tu bas hum log ke samne lambi-lambi chhod sakta hai..."
"abey jab 5000 logo ke samne ,jaha Media wale bhi the....unke samne mujhse kaha gaya tha ki main humare desh ke missile man se kuchh sawal karu...us waqt jaha har second me media wale saikado photo kheench rahe the...
us waqt jab news channels ke saikado camera laplapa rahe the...
Us samay jab main National Law Institute,Bhopal me apne school ko represent kar raha tha....
tab mere hath me mic diya gaya aur mujhse kaha gaya ki main Dr.Avul Pakir Jainulabdeen Abdul Kalam se koyi sawal puchhu....
jab us waqt meri jubaan nahi ladkhadayi to ab in tuchchh praniyo ke samne main hichkichaunga....ye teri galatfahmi hai balak "Arun se maine kaha....
Mujhe bolne se pahle hee maloom chal gaya tha ki mere bolne ke baad Arun mujhpar hasega aur ispar yakin nahi karega....lekin sale ne yakin kar liya
"kha maa kasam ki tu sach me apne Abdul Kalam se face to face baat kiya hai..."
"kiya hai to kiya hai...ab isme maa kasam khane ki kya jaroorat hai be..."
"kya sawal kiya tha tune...."
"baad me bataunga...."bolte hue main samne muda, jaha humara warden bade se patthar me khade hokar aaj raat hone wale debate ki kuchh jankari de raha tha....
.
jo students Engineer vs. Doctor ke khel me interested the unhone apna name de diya aur phhir sabhi pahadi se neeche utar kar left side jane lage...kal ki tarah aaj bhi warden ne suddh hindi me nirdesh diye the ki pull ki taraf koyi nahi jayega aur sham ko 4 baje tak...sab wapas laut aayenge.....
Kal MBBS college ke ladko ki vajah se hum log fishing ke baad rappelling me nahi ja paye the,jabki maja to usi me aata tha.isliye humari toli ne decide kiya ki aaj pahle rappelling me jayenge aur phhir warden ke instruction ki dhajjiya udakar pull ke paar jayenge.....
.
Rappelling karke jab hum log upar se neeche utre to humare shirt ke collar apne aap khade ho gaye the...seena garv ke karan 3-4 inch apne aap chauda ho gaya tha...
"shuru me meri neeche utarne me gand fat rahi thi lekin ab bahut aasan lag raha hai...ab to main aankh band karke pahad ke upari hisse se neeche zameen par aa jaun..."raubdar aawaz ke sath Saurabh ne apni badayi ki....
.
"ab kidhar chalne ka plan hai...Arman bhai..."Rappelling wali jagah se jab hum log bahut aage aa gaye to pandey ji ne puchha...jabki jawab wo pahle se janta tha....
"nadiya ke paar..."
"warden ne dekh liya to..."Pandey ji ne apni shanka jahir ki..
"ek kaam kar tu mat ja...har baar nek kaam karne se pahle us manhoos ka naam lena jaroori hai kya..."
"main to bas aise hee puchh raha tha ,Arman bhai...naraj kyun hote ho "
.
Humare sath-sath warden khud bhi shayad yah janta tha ki hum log uske mana karne ke bawjood aaj bhi pull ke us paar jayenge,isiliye usne aaj subah hum me se kisi ko nahi toka tha...hum log Pull par chadhe to Sulabh ne pull me idhar-udhar baithkar ras-leela kar rahe premi jodo ko pareshan karne ki farmaish ki...lekin Sulabh ke siwa hum me se kisi aur ka aisa karne ka bilkul bhi man nahi tha,isliye humne premi jodo ko pareshan karne ka ye plan drop kiya aur seedhe pull ke uspar pahuche....
.
"coffee house bhi nahi ja sakte,warna yadi wo waiter hume pahchan gaya to lafda kar dega...."Pull ke dusari taraf pahuchkar maine kaha...
"kyun...Angelina ne bill to bhara hee hoga na kal..."
"bill bhale hee Angelina ne bhar diya ho..lekin bina bill pay kiye hum log waha se bhage the ye mat bhool aur mera sixth sense kahta hai ki humare waha jane se koyi locha ho sakta hai...."
is tarah humne coffee house ke andar jane ka bhi plan drop kiya aur idhar udhar najar mari to ek chhoti si dukan dikhi...jo coffee house se thodi door me thi.
"sabko ek-ek chay pilana bhaiya..."order dekar jab hum log andar ghusne lage to dang rah gaye...kyunki waha andar Kallu,Kanghi chor...samose ki plate hath me pakad kar sarpat khaye ja raha tha,.....
"ye bhi bhagta hai...yakin nahi hota..."bolte hue Arun Kallu ke bagal me baitha aur jor se us kanghichor ki peeth thapthapayi...jisase uske hath se samose ka plate seedhe zameen me aa gira....
"sale, ab iske paise kya tera baap dega...."Kallu bhaiya ke hath se jab unke samose ka plate chhut kar zameen par gir gaya to wo ekdum se Arun ke upar bhadak utha, bina iski parvah kiye ki uski pelayi bhi ho sakti hai....
"sorry.."Arun bola...
tab tak hum sabke hath me chay ka cup bhi aa chuka tha .chay bahut garam thi isliye Arun ne chay ka cup side me rakha taki thodi thandi hone ke baad pee sake....is beech Us kallu ,kanghi chor ko pata nahi kya hua ,jo usne Arun ka cup uthaya aur puri chay zameen me gira kar cup wapas pahle wali jagah par rakhte hue bola"sorry...."
.
Us kallu ,kanghi chor ki ye harkat dekhkar hum sabka dil, muh ko aa gaya...aankhe jaise yakin hee nahi kar pa rahi thi ki kuchh der pahle jo scene unhone dekha wo sach tha ya phhir ek bhram tha...us kallu kanghi chor ,par gussa to hum sabhi ko aaya tha,lekin hum sab chahte the ki iski shuruat Arun kare.....
"Teri maa ki..."bolte hue Arun ne aav na dekh taav, aur seedha apna hath Kallu ke kan par chhod diya....
"tum log group me ho isliye mujhe mar rahe ho..."nam aawaz ke sath Kallu ne kaha....
"sale ,Kalicharan...teri gand me itni himmat ki tu mujhse ladega...MC ,aukat me raha kar,warna sari hekadi do minute me nikal dunga...BC hostel me kuchh bolte nahi hai to sochta hai ki tujhse darte hai...dobara yadi kabhi aisa kiya to jaha chhed dikhega wahi lund dalunga aur aankh ,kan,naak,muh ,gand sab kuchh fad dalunga...BC,chutiya sala..."
.
Is ghatna ke baad humare Kalicharan sahab ek pal bhi waha nahi ruke aur bina paise diye hee waha se chal diye....dukan wale ne kallu ko aawaz bhi lagayi,lekin wo nahi ruka....us thele wale se maine aas-paas kahi daru ki dukan hai ya nahi...ye puchha, jiske jawab me mujhe maloom chala ki yaha se kuchh doori par ek bar hai...
"ek bar,is jungle me...."
"bar matlab wahi na jaha sharab bahut mahngi milti hai aur bade-bade gharano ki ladkiya chhote-chhote kapde pahan kar apni ijjat daan karti hai...."
"haan...usi ko bar kahte hai..."uski baat ka matlab samajhkar maine kaha"yaha aas-paas koyi chhoti-moti daru ki dukan nahi hai kya..."
"idhar to kuchh bhi nahi hai ,bas wahi ek bar hai..."
"kitna door hoga yaha se..."
"yadi paidal chale to yahi koyi 15-20 minute lagenge...lekin andar nahi ja paoge bhau..."
"andar kyun nahi ja paunga...."
"kyunki udhar jane ke vaste ladki sath me hona mangta aur andar jane ke liye paisa bhi bahut lagta hai...."
"wo sab humari pareshani hai ,aap ye batao ki jana kis direction me hai..."
Us thele wale ne hume bar jane ka rasta bataya,jiske baad hum log wapas apne camp ki taraf badh gaye...
.
"abhi se camp jakar kya karenge ,Arman bhai...abhi to sirf 1 baje hai aur warden ne 4 baje tak aane ko kaha hai, yahi ki apne paas abhi full 3 ghante hai...."Pull par chalte hue Rajshri Pandey bola....
"camp kaun ja raha hai,hum log to wapas left side jakar ,MBBS college ki ladkiyo ko tadenge...sali kya maal dikhti hai ,figure to puchho mat...dekhte hee lund khada ho jata hai..."
"Arman ,tune bataya nahi ki Abdul kalam se tune kya baat ki thi..."turant topic change karke Arun ne puchha...lekin main Arun se kuchh kahta usase pahle hee Saurabh bol utha ki main fake raha hoon aur bakiyo ne bhi uska sath diya....
"abey yadi yakin nahi aata to jakar khud Kalam ji se puchh lo... ya phhir Google me search mar le ki Kalam ji kabhi NLU(National Law Institute),Bhopal aaye the ya nahi...aur jab yakin ho jaye ki wo waha aaye the to phhir mere school jana aur mere Principal se puchhna...."
"chal be,hume sirf itna hee kaam bacha hai kya jo tere school jaye..."
"phhir ek kaam karo...tum sab gand marao...sale khud ki jitni aukat hai utni meri bhi samajhte ho..."
"o BC ...Arman udhar dekh..."phhir se topic change karte hue Arun bola"tera goggle ,wo MBBS wali item pahan kar ghoom rahi hai,lekin tera goggle uske paas kaise aaya...sali chotti..."
_________________________

 

[The Immortal]

Chapter-42: The Platinum bar.
Update-166
.
"kya bola tu...."
"abey yahi ki tera goggle Shayad Angelina ne pahan rakha hai...wo dekh side me machhali mar rahi hai..bole to she fishing karing..."
Meri rooh mere goggle me basti hai aur jab meri rooh ka pata chal gaya to maine turant Angelina ki taraf najar daudaya....door se to mujhe bhi lag raha tha ki ye mera hee goggle hai lekin ek baar confirm karna to banta hee hai,kyunki bina matlab Silva darling ko chhedna matlab apni pant utarwana tha....isliye maine bakiyo ko jaha khade the wahi rukne ke liye kaha aur Angelia ki taraf dheere-dheere badhne laga,is dauran meri dono aankhe Angelina ke aankho me chadhe chashme par thi....jaise-jaise main Angelina ke karib aata gaya ,mujhe Arun ki kahi gayi baat sach hoti maloom padi aur jab maine confirm kar liya ki ye goggle mera hee hai to maine sabse pahle apne sar me ungaliya phhira kar apna baal thik kiya aur face ko roomal se ek baar saaf karke Angelina ke aur karib jane laga.....
.
"Aur machhali-mar, kya haal chal hai....coffee house ka bill dimag se nikla ya abhi tak bheje me hai..."Angelina ko pahli hee line se chhedte hue maine kaha....kyunki hum dono ke beech 36 ka aakada pahli mulaqat se hee chal raha tha isliye 'hi..hello' jaisi normal baatein to hum dono ke beech ho hee nahi sakti thi....
"bahut rahis gharane se hoon main, isliye ye 5-10 hazar mere liye koyi badi baat nahi..."fishing rod ek taraf sarkate hue Angelina khadi hui aur uski dono saheliya,Chinki aur Pinki...jo udhar hee tahal rahi thi...mujhe waha Angelina ke paas dekhkar humare taraf hee aane lagi.....
"yadi itni hee rahis ho to phhir aisi kya jaroorat aan padi jo tumne mera goggle churaya...."
"hosh me to ho..."apni aawaz jara unchi karke usne goggle apni aankho se utara aur phhir mujhe ghoorte hue boli" chor nahi hoon main,samjhe..."
"dekho Silva ji, ye goggle tumhara nahi hai iske teen proof main deta hoon...first proof ye hai ki ye goggle ladkiyo wala nahi balki ladko wala hai...second proof ye ki tum isme bilkul bhi...bilkul bhi achchhi nahi dikh rahi aur third and most important proof ye hai ki is goggle ke frame me peechhe ki taraf 'A' word design kiya hua hai,jo maine khud whitener se kiya hai...jiska matlab hai 'Arman' jo ki mera name hai...."vijayi muskan dete hue main aage bola"maine ye sabit kar diya ki ye goggle tumhara nahi hai aur sath me ye bhi sabit kar diya ki ye goggle mera hai...."
Maine Angelina ke hath se goggle cheena aur wapas palat kar apne dosto ki taraf aane laga...wapas aate samay maine goggle apne dosto ko dikhate hue hawa me aise lahraya ,jaise koyi batsman century marne ke baad apna bat hawa me lahrata hai aur mere dost meri is jeet ka jashn aise banane lage,jaise ki wo us century marne wale batsman ke fan ho.....
"oye hello..."Angelina ne mujhe aawaz mari jiske baad main bade shan se peechhe palta...
"kya hua baby, any problem "
"jara sun to..."
Angelina ne mujhe apni taraf bulaya aur uske haav-bhav dekhar yahi lag raha tha ki wo apne kiye par sharminda hai aur mere 1400 gm ke dimag ka loha maan chuki hai...maine apne dosto se kaha ki ' main thodi der me aata hoon' aur apne goggle ko apni ungaliyo par phhirate hue Angelina ki taraf badha....
"kya hai, jaldi bolo...apun ke paas time nahi hai..."
"tumne ye kaha ki ye goggle ladko wala hai..."
"haan..aisa hee kuchh kaha tha.."
"to ek baat batau ,aaj ki tarikh me ladkiya ,ladko se kahi aage hai...isliye tumhare pahle proof me koyi dam nahi dikhta kyunki ye jaroori nahi ki ladkiya,ladko wale goggle na pahne .tumhara dusara proof ye tha ki main is goggle me achchhi nahi dikh rahi aur generally koyi banda ya bandi wahi goggle leta hai/leti hai jo uspar suit karta hai...lekin ye bhi to ho sakta hai tumhari aankhe kharab ho...ya tumhara taste mere taste se bilkul alag ho...isliye tumhare dusare proof me bhi koyi dam nahi hai...aur tumne,apne teesare proof me ye kaha ki is goggle ke frame me 'A' letter design kiya gaya hain..jiska matlab 'Arman' hai...lekin ab yadi main ye kahu ki is 'A' letter ka matlab Arman nahi balki 'Angelina' hai...tab tum kya kahoge...."bolte hue Angelia ne mere hath se Goggle thik usi tarah chheen liya,jaise kuchh der pahle maine uske hath se chheena tha.....
.
Angelina se pahli mulaqat me hee main bhanp gaya tha ki is laundiya me wo guts hai,jiske balbute ye mujhe pachhad sakti hai...lekin is samay Angelina jis tarah se mere tark ko be-tark kar rahi thi...wo mujhe raas nahi aaya .dil to kiya ki ispar maanhani ka case thok du
pahle padav ki ladayi me charo khane chit hone ke baad maine dusara padav shuru kiya aur Angelina ka formula usi par ulta ajmana chaha.....
"is goggle ke frame me design kiye gaye 'A' ka matlab Angelia ho sakta hai...lekin yaha par iska matlab 'The Great Arman ' hai...kyunki ye writing meri hai.maine khud whitener se ise goggle ke frame me banaya tha..."
"yadi main kahu ki is frame par 'A' letter maine banaya tha whitener se tab tum kya kahoge..."apne hontho par ek muskan late hue Angelia boli aur uski ye muskan mujhe andar se jalane lagi....
"yadi aisa hai to phhir, jaisa 'A' maine frame par banaya hai,waisa hee 'A' ek baar me bana kar dikha... "
.
Angelina se maine aisa karne ke liye isliye kaha kyunki wo 'A' letter jo maine frame me design kiya tha ,wo maine alag hee cursive style me banaya tha aur abhi tak koyi bhi use ek baar me me exact nahi bana paya tha.
"lao pen do,abhi bana kar dikhati hoon..."
"main yaha kya koyi class attend karne aaya hoon,jo pen lekar chalunga.... "
"ye tumhari problem hai na ki meri..."
.
"ye le beta,phhir fansa diya is fuljhadi ne... "khud se kahte hue maine socha...bahut socha,tab jakar mujhe ek idea aaya aur maine turant Angelina se kaha ki wo neeche ret me 'A' banakar dikhaye...
Mere is idea se Angelina thodi der tak khamosh rahi aur main apni sunishit ho chuki jeet par itrane laga...Angelina ne kuchh der tak frame ko dekha aur phhire neeche baithkar ek hee baar me same to same waisa hee 'A' bana diya jaisa ki maine goggle ke frame me banaya tha.....
"iski to...gaya beta 2000 ka goggle hath se..."Angelina ke dwara banaye gaye 'A' ko dekhte hue main badbadaya....ab main puri tarah past tha.
.
Ek taraf Angelina mujhpar chadh rahi thi to wahi dusari taraf mere dost mujhe kayi baar aawaz de chuke the aur ye tay tha ki yadi ab main is khel ko khatm karke wapas nahi lauta to wo sab yaha aa jayenge aur mujhe harta hua dekhenge...jo ki main bilkul bhi nahi chahta tha....dusari taraf mera goggle-prem bhi mujhe maidan chhodne ki anumati nahi de raha tha......
"yadi Arun aur baki sab yaha aa gaye to khamkha ijjat ki watt lag jayegi...ek kaam karta hoon ,abhi isko baksh deta hoon...baad me dekh lunga full planning ke sath...lekin ending jordar karni hogi...bole to jung ka maidan bhi aise style se chhodkar bhagna hai jisase samne wala ahsaanmand rahe...."maine socha aur Angelina ki taraf do kadam aur badha kar bola...
"ladkiya chahe kitna bhi badh jaye, wo hamesha ladko ke peechhe hee rahegi..."
"ye galatfahmi bhi bahut jald door kar dungi..."
"yadi aisa hee hai to chalo phhir ek muqabala ho jaye...tum mujhe apni puri taqat ke sath ek mukka maro aur phhir main tumhe marunga...phhir dekhte hai ki kisme kitna dam hai "
.
Mujhe abki baar pura yakin tha ki Angelina abki baar haar jayegi lekin sali ne iska bhi tod nikal liya...wo boli....
"mujhe manjoor hai..lekin tum apne main point par hath mat rakhna..."
"tu hai kaun re..."apne main point par hath rakhte hue main bola..."abhi mere dost bula rahe hai isliye ja raha hoon lekin baad me milunga jaroor..."
"hume apni haar swikar karni chahiye aur ye maan lena chahiye ki samne wala humse behtar tha....ye tumne hee kaha tha na, phhir aaj apni haar manne ki bajay ye bahane kyun bana rahe ho..."
"bina hare,haar manna tum jaiso ka kaam hoga aur mujhe abhi isliye jana pad raha hai kyunki tumhare MBBS college ke ladko ko kal ki tarah aaj bhi batti deni hai,fale bahut hawa me udd rahe hai....aaj to khoon ki nadiya baha dunga...good bye, baad me milta hoon,phhir teri bhi lunga..."
Itna bolne ke baad main waha ek pal ke liye bhi nahi ruka...kyunki mujhe maloom tha ki Angelina phhir kisi na kisi tarah meri baat ka tod khoj hee leti, isliye maine waha se khisakna hee behtar samjha..
.
"kya hua be Arman...tune usase goggle kyun nahi liya..."jab main apne dosto ke paas aaya to unhone puchha...
"ab kya batau yar...wo mujhse sorry bol rahi thi aur boli ki aaj ke liye main use goggle de du,kal subah wo wapas kar degi....ab tum log to jante hee ho ki mera dil kitna bada hai...de diya sali ko...."
"this the launda's real power...good"Arun bola"Cigarette ka ek packet meri taraf se...."
.
Sham dhali aur raat bhi charo taraf fail gayi...hum sabne khana bhi kha liya aur apne-apne camp me wapas bhi aa gaye...ab sab aaram karne ke mood me the lekin mera man mere goggle par atka hua tha kyunki jab main kisi ke samne koyi vajandar dialogues marta tha to mere goggle usme ek aham role nibhate the ,isliye mujhe kaise bhi karke Angelina se apna goggle wapas lena tha...jo mujhe badi aasani se wo nahi dene wali thi...mere paas ek aur rasta tha jiske jariye main apna goggle ,Angelina se wapas le sakta tha...lekin ab main Angelina ko harakar usase apna goggle lena chahta tha kyunki baat ab meri ijjat par aa gayi thi.....
"sab bahar aao..debate shuru hone wala hai..."ek ladka humare camp ke bahar se bola aur chalta bana....
"inki *** ki chut...nahi dekhna mujhe koyi debate-vibate...sale chutiya,MC"Saurabh bola...
"ye pakka apne warden ka idea hoga...usi ki gand me illi thi ki Engineer vs. Doctor khele...sala aise hee chutiya hai jo do paksho me ladayi karwate hai...main to bolta hoon ki aise log jaha dikhe wahi inki gand me goli mar deni chahiye..."Arun bhi Saurabh ka paksh lete hue bola...
.
"asal me tum dono chutiye ho..."Sulabh ne Arun aur Saurabh ka virodh kiya"tum dono ko nahi jana to mat jao,atleast kisi ko gali to mat do...main to ja raha hoon...bhari maja aayega...Arman tu chalega kya..."
"lawda jayega mera..."maine kaha..."
.
Pahle Sulabh camp se nikla phhir Naveen aur ant me Pandey ji bhi Engineer vs. Doctor ka maja lene bahar chale gaye....unke jane ke baad maine,Arun ne aur Saurabh ne ek-dusare ko dekha aur jor-jor se hasne lage....
"kya solid chodu banaya hai teeno ko ab chalo bhagkar Plantinum bar chalte hai..."maine kaha.....
________________________

 

[The Immortal]

Update-167

"kya solid chodu banaya hai teeno ko:smartt:ab chalo bhagkar Plantinum bar chalte hai..."maine kaha.....
.
Ye idea Arun ka hee tha ki Sulabh, Pandey ji aur Naveen ko chhodkar bar chala jaye,,.kyunki sabhi log yadi sath bhagte to warden ko kisi na kisi tarah shaq ho hee jata aur Mujhe bhi pakka yakin tha ki jab bahar debate chalega to warden sabse pahle hume dekhega ki hum log kya kar rahe hai ,aise me humare group ke teen member ka waha hone se warden ye sochata ki baki ke teen bhi yahi-kahi honge....ek aur vajah jo un teeno ko sath na le jane ki thi wo ye ki Sulabh aur Naveen thode sharif kism ke the matlab ki daru ko un dono me se koyi chhuta tak nahi tha isliye un dono ko bar le jaane ka risk faltu me kaun uthaye....Rajshri Pandey ko hum log jaanbuchkar nahi le gaye,jiska karan tha har waqt uske muh me Rajshri ka hona aur bina soche samjhe kisi ko bhi,kuchh bhi bak dena, jisase dikkate paida ho sakti thi...ya phhir saaf-saaf lafzo me kahe to hum teeno, un teeno ko le jana hee nahi chahte the
.
"abey Arman ,kahi pakda gaye to..."Chori-chhupe sabse najare churakar hum teeno camp se bhag khade hue aur pull par chadhte hee Arun ki fatne lagi.....
"ye to bhagne se pahle sochana chahiye tha na...khair ab bhi kuchh nahi bigda,tu wapas ja sakta hai..."
"fat nahi rahi ,wo to bas main ye janna chahta tha ki yadi hum pakde gaye to aage ka tune kuchh socha hai ya nahi..."
"bol denge ki susu karne gaye the aur kisi ne andhere me hum par hamla kar diya...."
"warden itna bhi bada chodu nahi hai jo humari har baat maan jaye.."
"wapas lautate waqt thoda mitti laga lenge apne kapde aur face par...ab khush..."
"idea utna solid nahi hai,par kaam chalau hai...."pull par aage badhte hue Arun bola...
.
Humne pull paar kiya aur sadak par aa gaye. Is beech maine us dukan par najar dali ,jiske malik ne mujhe bar ka rasta bataya tha...main ek aur baar Bar ka pata us aadmi se puchhana chahta tha,lekin uski dukan band thi isliye hum teeno bina kahi ruke seedhe Bar ki taraf chal diye....
"kisi ke mobile me tourch nahi hai kya...."andhere me aage badhte hue maine puchha aur jawab na me mila...
"isiliye bolta hoon beta ki Nokia 1200 rakha karo...ab flash light se kaam chalana padega..."bolte hue maine apne mobile ka flash light jalaya....
Bar ki taraf jani wali sadak par is waqt bahut andhera tha.halanki beech-beech me us root me jane wali gadiyo ki vajah se hume sadak ka andaja ho ja raha tha lekin jungle bahut ghana tha aur raat ke waqt bahut khatarnak bhi dikh raha tha isliye mazbooran mujhe flash light jalani padi.....
Bar tak pahuchne me hume taqriban 20 minute lage aur Bar ke samne pahuchkar jaise hee maine Bar par najar dali to yakin nahi hua ki aisi jagah par itna shandar Bar ho sakta hai....
.
"bahut bada lag raha hai be,kahi andar chudayi karne ke liye room vagerah bhi to nahi hai... "Bar ke size ka jayja lete hue Arun ne apni jeebh laplapayi....
"wo sab to baad ka kaam hai ,mujhe to is baat ki fikra ho rahi hai ki sala kahi andar ghusne ke paise na mang le BC...warna daru to pee hee nahi payenge..."
"mere paas 2000 hai,itna to sufficient hoga be..."mujhe dekhte hue Saurabh bola...
"mere paas dhayi hazar hai
,is waqt main tum dono se jyada rahis hoon..."apna wallet nikalte hue Arun ne kaha"Arman ek kaam kar hum dono ke paise tu rakh le...andar jane ki entry fees aur daru ka bill tu hee pay karna..."
"kyun tum dono ke hath toot gaye hai kya..."
"abey bakchod, andar jakar hum teeno apni jeb se paise nikalenge to ladkiyo par kharab impression jayega...daru peene ke baad tu paise seedhe fek kar Bar walo ke muh me marna...."
"ye bhi thik hai..."maine kaha aur Arun ke sath-sath Saurabh ke paise bhi apne wallet me rakh liya....
.
Abhi tak to sab kuchh humare plan ke hisab se chal raha tha lekin bahut badi pareshani tab aayi jab Bar ke bahar khade bouncers ne hume andar Bar ki dahleej par kadam tak rakhne nahi diya....
"bhikhari samajh rakha hai kya , apun log bahut rahis hai aur yadi meri khopdi khisak gayi to is Bar ke sath-sath tujhe bhi kharid lunga..."
Jawab me bouncers ne apni ungali se ek taraf ishara kiya jaha likha hua tha 'Only Couples allowed'.
"ye to hum teeno me se kisi ne socha hee nahi ,ab kya kare...."...'only Couples allowed' ke tag ko padhte hue Saurabh bola...
"lawde Arman tujhe aaj pel-pel ke laal kar dunga...bose dk yaha tak paidal chalaya aur in mote bhainso ne babaji ka ghanta thama diya...tu beta kuchh soch,warna aaj tujhe shahid kar dunga..."
"tension mat le lawde...maine socha tha ki aisa kuchh ho sakta hai ,isiliye andar jane ke liye hath-pair chala sakte hai..."Arun ko gussa hote hue dekh main bola"Saurabh tu Arun se chipak kar khada ho ja aur Arun tu mere kamar me apna ek hath dal aur aise behave karo jaise ki hum teeno gay ho..."
Meri baat sunkar shuru me Arun aur Saurabh to bahut hanse lekin phhir un dono ne waisa kiya,jaisa ki maine unhe karne ke liye kaha tha....hum teeno ek dusare se kaskar chipke aur ek baar phhir Bar ki taraf badhe aur bouncers ko dekhkar gay wali harkate karne lage....
" only for couples..."ek Bouncer ne hum teeno ko ek baar phhir se tag dikhaya....
"hum log gay couple hai ya phhir hum teen hai to tum hume gay-triple bhi bol sakte ho...kyun chikne..."Arun ke gaal ko apne hath se kheechte hue maine hawa me use ek pappi di, jiske baad Arun ne yahi harkat Saurabh ke sath ki....
"chal baju hat bahan..."Bouncers ko dekhkar Saurabh ne apna hath hilaya....
.
"ek baar bola na...yaha tum jaiso ka koyi kaam nahi,samajh nahi aata kya..."un bouncers me se ek humari taraf badhte hue bola aur aage us pahalwan ke hatho apni thukayi ki bhavishyavani jaankar hum teeno udhar se khisak liye...
Platinum Bar ke andar na ja pane ke karan dil dukhi to tha lekin mere dono khas dost mujhse kahi jyada naraj lag rahe the,jiska andaza isi baat se lagaya ja sakta hai ki ,Bar se wapas camp ki taraf aate waqt un dono ne mujhe non-stop galiya baki....
"yar ,yadi mere paas koyi super power hoti to bayi chod deta un kalluo ki... Sale BC"Pull par chalte hue maine udas man se kaha.."salo ne role me hole kar diya..."
"tu...tu chup rah aur yadi agli baar se kuchh ulta-seedha kaam humse karwaya to muh me seedhe lawda de dunga...ek to pahle camp se bhagwaya ,phhir paidal chalwaya itna hee nahi tune hume gay bhi bana diya...lekin in sabke bawjood daru ki ek boond bhi naseeb nahi hui...."Bar ke andar na ghus pane ki sari khunnas mujhpar utarte hue Arun cheekha....
"maine kya tere sar me bandook rakh kar sath chalne ko bola tha ...tu khud apni marzi se aaya tha..."Jab Arun ke taane with respect to the time,lagatar badhte gaye to main bhi uspar chillaya"aur ab yadi tune ,mujhe kuchh bhi kaha to main..."
"to main...kya,...kya ukhad lega bol.."
"to main...to main...to main...."
"rahne de tere gand me itna dam nahi hai,jo tu mujhe dhamka sake..."
"to main apna wallet neeche pani me fek dunga...jisme tere dhayi hazar rupaye hai..."apni jeb se wallet nikal kar main pull ke kinare ki taraf badha....
"are sorry yar...main to majak kar raha tha.tu to bhai hai apna...i love you yar...chal ek pappi de isi baat be..."
"tere gaal ko to main apne lund se na touch karu....phhir honth se chhune ka to sawal hee paida nahi hota..."
.
Iske baad ek-dusare ko galiya dene ka jo silsila chalu hua,wo badhte samay ke sath badhta hee gaya ,hum teeno ke man me jo aata wo hum teeno ek-dusare ko pull par aage badhte hue bake ja rahe the....
.
"abey chup..."humari superfast galiyo ki bauchhar ko rokte hue Arun bola"Arman lund, mujhe aisa kyun lag raha hai ki...samne se jo ladkiya aa rahi hai ,wo wahi ladkiya hai..jinse aaj tu baat kar raha tha..."
"haan yar ye to wahi maal hai,jise tune apna 2051 wala chashma ek din ke liye udhar me diya hai..."Arun ke sur me sur milate hue Saurabh bhi bola....
maine samne najar mari to paya ki Angelina apni unhi do badsurat saheliyo ke sath haste-khelte pull par humari taraf chale aa rahi thi...
.
"kahi tum dono wo to nahi soch rahe jo main soch raha hoon... "Arun aur Saurabh ko apne daant dikhate hue maine apni aankh mari....
"wo teeno maan jayegi kya..."Saurabh ne apni shanka jahir ki...
"abey manegi kaise nahi...mujh jaise smart ladke ke sath to Angelina Joulie bhi jodi bana le phhir to ye Angelina Silva hee hai aur bhool mat ki maine ise goggle udhar me diya tha..."maine Arun aur Saurabh ko jaha khade the,wahi khade rahne ke liye kaha aur chinki,Pinki ke sath aa rahi Silva darling ki taraf badha....
.
"kal ki tarah aaj phhir camp se bhag gayi...ek ladki ko ye sab shobha nahi deta kyunki aaj kal jamana bahut kharab hai...kaun ,kab pakad le kuchh nahi kah sakte..."Angelina ke thik samne khade hokar maine use chheda"sare ladke mujh jaise sharif nahi hote...waise ja kidhar rahi ho..."
"Platinum bar..."
"phhir to wapas apne camp ka rasta napo,kyunki bina couple ke sale andar nahi jane de rahe...."
"tumhe kaise pata chala aur main tumhari baat kaise maan loon..."
"tumhe kya lagta hai ki main aur mere dost,naya shirt-pant pahankar...tel-kanghi karke...cream-powder lagakar ,Pull ke dusari taraf beedi peene gaye the... hum teeno bhi Bar se hee aa rahe hai aur waise bhi tum teeno koyi swarg ki utari apsara nahi ho jo tumhare sath coupling karne ke liye hum mar jaye....wo to hume bas Bar ke andar jana hai,isliye tum teeno se kah raha hoon..kyunki idhar tum teen,udhar hum teen...."
"mere paas bar ke andar jane ka dusara tarika hai..."mujhe raste se hatne ka ishara karte hue Angelina boli....
Main turant samne se hat gaya aur Ye sochane laga ki Angelina ka dusara tarika kya ho sakta hai....aur jab mujhe kuchh-kuchh hint mila to main jor se chillaya...
"Gays and Lesbians are also not allowed... "
"tumhe kaise kya pata ki main ye soch rahi thi..."jabarjast jhatka khate hue Angelina peechhe palti...
"main antaryami hoon...meri baat maan lo aur coupling kar lo...ek baar Bar me entry ho jaye...phhir tum teeno apne raste aur hum teeno apne raste..."
.
Angelina ko decision lene me kuchh samay to jaroor laga lekin result humare fever me raha...wo haan bolne me thoda hichkicha rahi thi aur usne haan bolne ke turant baad ek shart rakhi ki Bar ke andar jane ke baad hum sab alag-alag ho jayenge....
"as your wish..."Angelina ke paas jakar maine apna face uski taraf kiya to wo hadbada kar peechhe ho gayi...
"daro mat, kiss nahi kar raha...bas kaan me kuchh kahna hai "
______________________

 

[The Immortal]

Update-168

"daro mat, kiss nahi kar raha...bas kaan me kuchh kahna hai "
.
"kya kahna hai..."mujhse do kadam aur peechhe jate hue Angelina ghabrayi..
"kaha na kaan me kahna hai,aur tum itni ghabra kyun rahi ho...."
"dekho Arman aisa hai ki..."
"kaisa hai..."
"tum teeno hum teeno se dus kadam aage chalna aur hum log peechhe..nahi to.."Angelina ne apna hath peechhe kiya aur ek bada sa chaku mujhe dikhate hue boli"seedhe seene me gad dungi..."
"tum me itni himmat nahi hai..."
"lab me maine bahut cheera-fadi ki hai...main in sab kamo me bahut expert hoon..."
"thik hai...thik hai..main aage ja raha hoon ,main to bas ye kahna chahta tha ki mere dosto ko bhool se bhi ye mat batana ki tumne mujhe aaj goggle wale mamle me mujhe hara diya tha...warna mere role me hole ho jayega..."bolte hue main aage badha"aur chaku jaha se nikala hai ,wahi ghusa lo..."
.
School me jab main puri class me first aata tha to Republic day ke din mujhe stage par bulakar mere school ka Principal hamesha yahi kahta ki "Main padhne wala student bilkul bhi nahi lagta...matlab ki na to meri aankho me bade-bade gol matol chashme kabhi lage aur na hee kabhi meri harkate ek padhne wale student ki tarah thi....aur iska ashcharya mere school ka Principal hamesha prakat karta ,wo bhi sabke samne.....us samay main sabke samne stage me khada hokar muskurata rahta aur Principal ke pair chhukar wapas aa jata tha...lekin aksar raat ko main sone se pahle aaine me apni shakal jaroor dekhta ki mujhe log meri shakal dekhkar padhne wala ladka kyun nahi samajhte....?
Aur aisa hee kuchh abhi-abhi hua tha...jab main Angelina ki taraf badha to usne mujhe marne ke liye seedhe chaku aise nikal liya, jaisa sala main koyi psycho rapist hoon . Khair ,Angelina ki is harkat se mujhe itna to pata chal hee gaya tha ki wo bhi meri tarah hamesha plan ke sath chalti hai aur uske sath galat baat karna matlab apne pet me sadhe saat inch ka chaku ghuswana hai...isliye main chup chap aage apne dosto ke paas aaya aur mobile ki flash light jalakar Angelina and group ,se dus kadam aage chalne laga....Pull se Bar tak ke is paidal safar me main ek baar bhi peechhe nahi muda,kya pata sali kab chaku fek kar maar de...ladkiyo ka kya bharosa......
.
"ab paas aaun ya yun 10 kadam ki distance me rahkar hee bar me entry karwani hai...."ukhde-ukhde andaj me main peechhe mudkar Angelina se bola...
"ok...aa jao.."
Angelina ki taraf se green signal milne ke baad main Arun aur Saurabh ke sath un teeno ki taraf badha....
"kaan kholkar sun lo be lawdo..Angelina ke sath main rahunga."Un teeno ki taraf aage badhte hue Arun dheere se bola...
"tu rahne de, wo bahut tez item hai...rape kar degi tera.use mere sath rahne de..."maine kaha
"tu chup kar be, mere samne sab kam hai...tu dekhna aaj raat Bar me hee wo mujhe i love you bol degi..."
"thik hai,jaisi teri marzi...lekin kyun na ye faisala Angelina darling par chhod diya jaye ki wo kiske sath jana pasand karti hai..."muskurate hue maine Arun ki taraf dekha...
Arun ko bhi shayad ye lagne laga tha ki Angelina, uske sath na jakar mere sath Bar ke andar aayegi...isiliye wo agle pal hee mujhe dhikkarne laga...
"sale tu ek MBBS wali ke liye apne dost ko dhokha dega..."
"haan...wo bhi ek baar nahi saur baar dhokha dunga..."
"tu aaj ke baad baat mat karna mujhse...bose dk..."
.
Angelina ki taraf jate hue maine ye soch liya tha ki meri jodi to usi ke sath banegi aur Arun, Saurabh uski badsurat saheliyo Chinki aur Pinki ke sath rahenge....apni isi soch ko sach ka roop dene ke liye main Angelina ke thik samne khada ho gaya is aas me ki ab wo apna kadam aage badhayegi aur mere hath me hath daalkar Bar ki taraf badhegi....lekin usne aisa nahi kiya, wo meri taraf aane ke bajay ,seedhe Arun ke taraf badh gayi aur boli"chalo..."
"teri maa ki fill in the blanks..."jab meri armano ko jor ka jhatka laga to main khud par cheekha...chillaya.lekin ab khud par cheekhne,chillane se kuchh nahi ho sakta tha,kyunki ladki to Arun le gaya tha...aur meri footi kismat me Angelina ki badsurat friend Pinki fansi thi.....
Angelina ke sath Bar ki taraf jate waqt Arun beech-beech me peechhe palat kar mujh par hasta aur silent mode me apna muh chalakar mujhse kahta ki"main,tujhse jyada handsome aur smart hoon..."
Angelina ne sach kaha tha ki kabhi-kabhi langoor ke hath me bhi angoor lag jate hai .
.
"tumhara name Arman hai na..."mere hath me apna hath fasate hue Pinky ne apna muh fada...
"haan..."dusari taraf dekhkar maine pahle hazar galiya use di aur phhir haan me jawab diya...
"mera name Pinki..."
"koyi fark nahi padta..."
"fark padta hai..ye batao main tumhe kaise lagti hoon..."
Shuru me dil kiya ki use apna gala phhad-phhad kar batau ki wo mujhe ek number ki chodu lagti hai..lekin is samay mujhe Bar ke andar jana tha ,jiske liye uska mera sath rahna jaroori tha..isliye maine apne dil par hazar ton ka patthar rakhkar uski badayi kar diya ki'usase khubsurat ladki maine aaj tak kahi nahi dekhi...'
.
"oh sach me..."sharmate hue Pinki ne mera dil aur dimag khana jari rakha.wo aage boli"lekin tum to average dikhte ho..."
"Average... "main jaha tha wahi ruk gaya aur Pinki ki taraf dekhkar use bola"shukriya..."(MC ,mujhe average kahti hai..lawdi pahle khud ko dekh...mere college ki mechanical department ki ladkiyo ke jhat jaisi dikhti hai tu...chehra to aise hai jaise abhi-abhi kisi ne mutth mar kar gira diya ho..BC ab chup ho ja warna baal pakad kar 360 degree par ghuma dunga...BKL...randi..)
"kya hua ,rook kyun gaye...tum mujhe line to nahi maar rahe na.."
.
"ye le...ab yahi kasar baki thi...bose dk Arun... ,tu mil beta aaj mujhe..."
R.Pinki ki bakwas sunte-sunte aakhirkar hum log entry gate ke paas pahuche aur maine chain ki saans li ki ab is R.Pinki se chhutkara milega...Jo bouncers entry gate ke paas khade the unhone abki baar hume nahi roka aur 'Welcome to Platinum Bar...' bolte hue andar jane ka ishara kiya....
Platinum Bar ke andar aate hee maine R.Pinki ka hath door jhatka aur waha se turant dusari taraf bhaga...taki R.Pinki mere peechhe na pad jaye...Angelina ki us badsurat friend se chhutkara pane ke baad maine pure Platinum Bar par najar dali...sala kya mahol tha..tej aawaz me baj rahe dj aur dj ke sound par nach rahi ladkiyo ko dekhkar dil jhoom utha....ek pal me wo sari pareshani mere jehan se utar gayi,jo ki mujhe yaha tak aane ke liye jhelni padi thi aur sabse jyada khushi mujhe jisase ho rahi thi wo ye ki Bar me aane ka koyi entry fees nahi tha
Us Bar ka rang hee kuchh alag tha..maine dekha ki waha har second kitne badlav ho rahe the...kayi premi jode jab thak kar dance floor se utar jate to unki jagah turant abhi-abhi josh me aaye dusare couple le rahe the...kabhi kisi thappad ki gunj sunayi deti to kabhi kisi ke pyar ke bol sunayi padte...daru ke counter bhi is beech kafi bhara pada tha...jab ek talli hokar waha se uth kar jata to dusara uski jagah talli hone aa jata aur in sabke beech dj ka madmast music lagatar mere andar josh bhar raha tha ki main bhi wo sab kuchh karu ,jo baki log rahe the....
Aur iski shuruat maine daru se shuru karne ka socha...
.
"la bhai kuchh pack bana..."Sharab ke counter par baithkar main bola...
"ji boliye..."
"Platinum ke 10-12 peg seedhe bana ke de.."
Mere dwara direct 10-12 peg ka order milne ke baad waha ,mere samne khada waiter kuchh der tak mera muh takne laga aur phhir thodi der baad bola..
"mix kya karu..."
"thoda sa thanda pani dalna aur har peg me do barf ke tukde..."
"ok sir.."
"aur haan...peg na to jyada hard hona chahiye aur na hee jyada light...ekdum perfect hona chahiye, aur yadi tumse na bane to mujhe daru dena ,main apna peg khud bana lunga...."
.
"kya pee raha hai be..zara mujhe bhi to taste kara..."mere ek side baithkar Arun bola...
"tu lawde chup hee rah...tere karan us jhat barabar laundi ne mera dimag ka daru banakar pee gayi ,sali randi...dil to kar raha tha ki wahi utha ke patak du usko..."
"hmm...same to same flavour mere liye bhi..."Waiter ko Arun ne order diya...
"abey tu ,meri baat nahi sun raha..."
"bol na,sun raha hoon..."
"ghanta sun raha hai...chal nikal yaha se..."
"chadh gayi kya be...idhar dhang se rah,warna pelayi hogi.un bouncers ke hath dekhe hai na...sala jitna humara thigh hai utna to unka biceps hai..."meri dusari side me baithkar Saurabh ne waiter se kaha"mera bhi same flavour rahega..."
.
"bill kitna hua..."jab hum teeno ne pet bhar daru pee li to maine waiter se kaha ,jiske baad usne ek safed colour ki parchi meri hatho me thama di....
"abey Saurabh...tujhe dikh raha hai kya ki isme kitne rupaye likhe hai...mujhe to dikhna band ho gaya,aisa lagta hai..."Saurabh ke hath me parchi thama kar main bola"sala ,kuchh dikh kyun nahi raha...wapas camp bhi jana hai.."
"1860.61 "
"sale chodu banate hai kutte, 300 rupaye ki daru 600 rupaye me bechate hai ye...khair koyi baat nahi,abhi main bahut rahis hoon...mere paas bahut paisa hai...tum teeno bill ki fikra bilkul mat karna,main bhar dunga...bhar dunga main.."kahte hue maine apne peechhe ki taraf left side wali pocket me hath dala to mera wallet usme nahi tha...
"kamal hai yar...mera wallet nahi mil raha...ek kaam karo,tum log mere daru ke paise de dena...main kal subah hote hee dus gune wapas karunga..."
"tera wallet tere right side wale pocket me hai,akal ke andhe..."
"oh..sorry...sorry.."
.
maine waiter ko direct 2000 rupaye diye aur waha se chalta bana...jis counter par baithkar main Arun aur Saurabh ke sath talli ho raha tha,usi ke thik samne baithne ka intezaam tha...
"cigarette piyega..."Arun ne mujhse puchha...
"ab to ek boond pani ki jagah nahi bachi hai...tum dono pee lo,lekin..yaha nahi...mujhe cigarette se allergy hai..i hate cigarettes...kutto tum log bhi mat piya karo,warna tum logo ke maa-baap kya sochenge"
"tu beta mat piya kar itni aur idhar hee rahna ,hum dono 5 minute me aate hai..."
"jao...jao, main abhi hosh me hoon...bas sala aankh band ho rahi hai aur kisi ko chodne ka man kar raha hai...ek kaam karo tum dono apna kaam nipta kar aao phhir main tum dono ko thokunga..."
.
Arun aur Saurabh ke jane ke baad maine apne dono hath peechhe kiya aur aaram se baithkar apne aas-paas walo ko dekhne laga....
"ye to Angelina janeman jaisi dikh reli hai...pakka wahi hogi, BC bahut udd rahi hai aaj kal,abhi iske par katkar aata hoon.."bolte hue main apni jagah se utha aur jis jagah Angelina baithi thi...thik usi table par uske samne jakar baith gaya...
_______________________

 

[The Immortal]

Update-169

"ye to Angelina janeman jaisi dikh reli hai...pakka wahi hogi, BC bahut udd rahi hai aaj kal,abhi iske par katkar aata hoon.."bolte hue main apni jagah se utha aur jis jagah Angelina baithi thi...thik usi table par uske samne jakar baith gaya...
.
Daru peene se bahut sare nuksaan hote hai ye maine kahi padha tha ,lekin daru peene se fayda kya hota hai ye mujhe maloom tha.daru peene ke baad sabse bada fayda jo mujhe hota hai wo ye ki mujhe phhir kisi ka dar nahi rahta chahe wo mere thigh ke barabar biceps rakhne wale Bar ke bouncers hee kyun na ho....
Main bekhauff Angelina ki taraf badha aur waha pahuchkar maine sabse pahle jo kaha wo ye tha ki''kya main yaha baith sakta hoon''
"bilkul nahi..."
"main puchh thode hee raha hoon,main to bata raha hoon..."kahte hue maine ek chair kheenchi aur uspar baithkar apne ladkhadate-dagmagate sharir ko aaram diya....
.
"yadi yaha ek pal bhi aur ruke to main tumhari shikayat kar dungi aur meri shikayat ke baad tumhara jo haal hoga...uski kalpana tum khud kar sakte ho...isliye better yahi rahega ki tum...."
"arey chup chap baith na...baki ladkiyo ke mafiq bore kyun kar rahi hai.... "Angelina apni dhamki puri de pati usase pahle hee main uspar toot pada...
.
"yaha aane ki koyi khas vajah...tum jaroor apna goggle lene aaye hoge..."
"ye le,phhir se purani baaton ko lekar baith gayi...goggle tu hee rakh le,meri taraf se gift samajh kar...."
"phhir yaha kya mujhse ishq ladane aaye ho..."rolling eyes dalte hue Angelina boli..."main tumhe janti hoon ,tum jaroor kuchh soch kar hee aaye hoge..."
"sochkar to aaya hoon...wo tumhari kali kaluti friend Pinki kaha..."
"jara sambhal kar...wo friend hai meri...warna..."
"tu phhir dhamki dena shuru ho gayi...ye sab bad-dimag ladkiyo ki nishani hai..."maine kaha...
Angelina ko bad-dimag,boring ladkiyo ka example dekar main isliye shant kara raha tha kyunki abhi wo ladkiyo wale ghise-pite lahje me baat kar rahi thi aur jab maine use ye sab kahkar rokta to wo turant chup ho jati aur phhir mujhe dekhkar kuchh sochane lagti....
"wo dono kahi gayi hai...lekin tumhe undono se kya kaam hai..."Angelina ne abki baar dheere se kaha....
"aisich ladkiya mujhe bahut pasand hai ,jo har kaam me corporate karti hai "bolte hue maine Angelina ke samne table par rakha pani ka glass uthaya aur pura gale ke neeche gatak gaya....
"bada ajeeb taste hai yaha ke pani ka..."glass wapas table par rakhte hue maine apna muh tedha kiya...
"yooouuuuuuu stupid...wo maine jhootha kiya tha..."
"aisa kya...tabhich main sochu ki pani ka taste itna kharab kaise ho gaya...yar kabhi-kabh brush bhi kar liya kar aur yadi tere paas brush kharidane ke liye paise nahi hai to mujhse le le...bahut rahis hoon main..."
"stoooooppp....wo pani nahi beer tha aur bahut mahnga bhi...isliye taste uska nahi tumhare muh ka kharab hai..."Angelina apne daanto ke beech jabarjast friction late hue boli...
"wo kya hai na ki apun beer-shear nahi direct daru peeta hoon...isliye in soft drink ka taste mujhe nahi maloom....maine teri beer pee uske liye sorry...lekin fikar not ,main ek dusari beer magata hoon...uska bill main bharunga"
.
"mujhe nahi chahiye beer...tum chup ho jao aur yaha se dafa ho jao..."
"itna gussa kyun hoti hai..."Angelina ke samne wali chair se uthkar main seedhe uske left side me rakhe hue chair par baith gaya aur bola"is baar pakka bill main bharunga...tension kaiku leti hai..."
"wo mujhe achchhi tarah se maloom hai ki bill mujhe hee dena padega,Arman main tumhare tikdam se bahut achhi tarah wakif ho chuki hoon...you can't fooled me again..."
"sach me bill main dunga...tu chahe to mera dus hazar ka mobile security ke liye rakh le,ya phhir mera wallet..."
.
Bolne ke sath hee maine apna mobile, wallet nikal kar table ke upar rakh diya aur wo pahla mauka tha jab Angelina mujhe dekhkar dil se muskurayi thi....meri wo harkat shayad use achchhi lagi thi, khair ye to wahi bata sakti hai ki wo us waqt muskurayi kyun thi
.
"andar rakh lo..."Wallet aur Mobile mujhe jeb ke andar rakhne ko bolkar Angelina ne ek beer mangaya aur humari baat-chit aage badhi.....
.
shuru me Angelina ne ek beer mangaya lekin baad me ek ke baad ek ,teen beer ki botal hum dono ne milkar khali kar di...is beech main to nashe ke maximum level par ja pahuncha tha lekin Angelina par thoda hee asar hua tha, kyunki wo ab bhi puri tarah kholkar (dil ) mere samne nahi aa rahi thi....
"ek aur mangau kya..."maine puchha...
"nahi..ab ho gaya...yadi ek botal aur chadhayi to chal bhi nahi paungi..."
"are kuchh nahi hoga...."jor dete hue maine kaha...
"i know my limits better than you..so please keep quite..."mujhe ghoorte hue usne apne daanto ke beech phhir se joro ka friction force lagaya....
"to mat pee na..itna bhadak kyun rahi hai...aur ek baat batau..."
"nahi...mujhe ghar jana hai...i mean camp ."khade hote hue wo boli...
"mere paas bill pay karne ke liye paise nahi hai...wallet khali hai aur mobile mere dost ka hai..."
"whaaatttt.... "
"sorry...lekin yahich sach hai "
"ab mujhse ek lafz bhi baat mat karna ,main soch rahi thi ki yaha se jane ke baad tumhara goggle tumhe lauta dungi...lekin ab seedhe jakar tod dungi..."
"are sun to...wo goggle bhi mera nahi hai..."ek aur trick apnate hue maine Angelina se kaha....lekin is baar usne meri ek bhi nahi suni aur waha se seedhe chalti bani....
.
Jaha main baitha tha wo waha se thodi door khadi hokar Chinki,Pinki ko dhoondhane lagi aur jab wo dono use kahi nahi dikhi to usne apna mobile nikala....
"yaha kya kar raha hai be lodu..."mere agal-bagal wali kursiyo par Arun aur Saurabh ne apna sthan grahan karke mujhse kaha"ab beta seedhe se camp chalte hai...isase pahle ki koyi lafda ho jaye..."
"main nahi ja raha tum dono jao...main aa jaunga..."
"ye to wahi baat ho gayi ki lund khada nahi hota aur duniya ka sarvshreshtra chudakkad banna hai...chal beta ,chal...warna akele tu aaj raat to Camp nahi pahuch payega..."
"pahle ek kaam karo,tum dono kisko yaha se bina koyi sawal kiye hue..."
"aise kaise hum log khisak jaye..."
"abey jao,warna abhich main samne wale motu ko ek jhapad markar lafda kar dunga...."
"hum dono ja rahe hai...lekin tu koyi lafda mat karna "Arun aur Saurabh ne mere hath jode aur waha se uthkar door ek table par baith gaye....
Maine Saurabh aur Arun ko waha se khisakne ke liye isliye kaha tha kyunki Angelina wapas meri taraf aa rahi thi aur main nahi chahta tha ki mere khas dost us khas mauke par mere sath rahe....
.
"kya hua..."Angelina ko apne samne baithte dekh maine puchha....
"chinki aur pinki ka kahi koyi pata nahi chal raha....mobile not reachable bata raha hai..."
"baja raha hoga unki koyi...lekin sali badi badsurat hai ,kapde dhak kar bhi koyi nahi baja payega...phhir...phhir pakka daru peekar kahi padi hongi..."
"you are a bad boy...kisi ke bare me itna bura nahi kahna chahiye..."
"dil pe na lo Silva ji....."(Muh me le lo...)
.
"Arman,chal na late ho rahe hai..."Arun phhir se mere paas aaya aur gentleman wali style me bola...
"tu kaun hai be..."
"tera baap..."silent mode me Arun bola...
"tu ek kaam kar, tu nikal idhar se..main 5 minute me aata hoon..."
Jab Arun waha se gaya to Angelina ki dono saheliya chinki aur Pinki na jane kaha se tapak padi.....
Angelina ne jab unse puchha ki wo dono kaha the to Pinki ne kaha ki Chinki ko vomit ho rahi thi isliye wo dono abhi tak washroom me the....
"ab chalte hai...warna kal ki tarah pakde jayenge..."Chinki ka hath pakad kar Angelina boli...
"5 minute aur rook jao aur apne caretakers se bachne ka idea mujhse lete jao..."maine beech me kaha...."lekin wo idea sirf main Silva ji ke sath share karunga ,tab tak tum dono...wo door baithkar makkhiya mar rahe mere dosto ke sath baith jao...."
"hume koyi jaroorat nahi tumhare idea ki...bhagwan ne hume bhi dimag diya hai,hum bhi soch sakte hai..."
"pahle din hee pakda gayi thi tu...yaad hai...yakin maan, main is kaam me mahir hoon..."
Angelina ne mujhe dekha aur phhir mere dosto ke taraf ishara karke Chinki,Pinki ko udhar bhej diya...
.
Angelina ko maine ek tarqeeb sujhayi jiske baad usne mujhse hath milaya aur bye kahkar jane lagi...
"more germs are transferred shaking hands than kissing...."Angelina jab waha se jane ke liye palti to maine vigyan ka sahara liya....jiske baad wo wapas meri taraf palatne ko taiyar ho gayi....
"Arman...tum bahut pareshan karte ho, pata nahi tumhare dost tumhare sath kaise rah lete hai....tum kya ek second bhi chup nahi rah sakte..."
"maine galat kya kaha...thik hee to kaha hai aur tum medical field wali ho to tumhe ye pata hoga aisa main sochata hoon..."
"to kya ab main tumhe kiss karu..."
"irada to mera wahi tha...aage tumhari marji..."
"kya tumhe pata hai ki tum bahut bure ho..."wapas baithkar Angelina boli"matlab ki tum ek ladki ko coffee house me ye kahkar khoob khilate-pilate ho ki tum bill pay karoge...lekin baad me bina kisi parvah ke tum bhag jate hai...kya waha se bhagte waqt tumhe ek pal bhi khayal nahi aaya ki yadi mere paas paise nahi hote to humara kya anjaam hota....kahne ko to ye bahut chhoti si majak-masti thi lekin humari itne logo ke samne bejjati bhi ho sakti thi aur ek baat kahu...talent ki kadra hamesha achchhayi ki raah par hoti hai kyunki burayi ke sath jo talent hota hai use sirf dhikkara jata hai..."
.
Angelina ne kafi achchha lecture diya tha ,uska 'talent' wala dialogue bhi solid tha...lekin humare irade to kuchh aur hee the....
"Gandhi ji ne kaha hai ki ,Hate the Sin...not the Sinner...aur is hisab se tumhe mujhse nafrat nahi karni chahiye aur ek kiss dekar goodbye bolna chahiye..."
"you know what...main tumhe ab kabhi nahi bhoolungi...bhale hee tumhari ahmiyat meri life me kuchh na ho,lekin itna to sure hai ki main tum jaise ek laparwah ladke ko kabhi nahi bhoolungi..."Pareshan hote hue Angelina ne apna sar pakad liya aur apni friends ko 5 minute aur rukne ke liye kaha....
"apna to ek hee fanda hai Silva ji ki aaj ke pal ko jee lo warna kal aage jakar jab aap peechhe mudo to iska pachhtawa nahi hona chahiye ki jeene ke pal to peechhe chhoot gaye...."
.
"thik hai,main haar gayi...to ab main chalu..."Ek baar phhir se Angelina khadi hui,taki wo apne camp ja sake...lekin maine phhir aisa kuchh kah diya,jiski ummid na to use thi aur na hee mujhe.....
"daru piya hoon janeman...jhooth nahi bolunga. I want to have sex with you "
________________________

 

[The Immortal]

Update-170

"daru piya hoon janeman...jhooth nahi bolunga. I want to have sex with you "
.
Mere sath sex karne ke mere proposal ne Angelina ke dil-o-dimag par gahra aghat pahuchaya tha ,jiska andaja main ,mere samne pahli baar nervous ho rahi Angelina ko dekhkar laga sakta tha....beete dino jab Angelina se meri mulaqat hui thi ,tab se abhi tak me wo sirf abhi bezubaan lag rahi thi....
Mere us desire ne Angelina ko wapas baithne ke liye majboor kar diya tha. Wo kabhi mere taraf apni ungali point out karke mujhe kuchh kahna chahti thi, wo mujhpar jabarjast tarike se bhaukna chahti thi...yadi us waqt uske sharir me mere jitni power hoti to main jis table par baitha tha,wo usi table ko uthakar seedhe mere upar de marti...lekin har baar wo kuchh karne ka sochati aur phhir shant ho jati...is beech maine ek chiz jo notice ki wo ye thi ki uske daanto ke beech friction force with respect to time increase ho raha tha aur mujhe dar lagne laga tha ki kahi uske jabdo me lagatar badhte friction ke karan aag na lag jaye....
.
"you....you...Arman...i never...i don't know...how dare you...respect...."aisi hee aadhe-adhoore alfaz apne gulabi hontho se nikalte hue wo kabhi gusse se mujhpar apni ungali point out karti ,ya phhir apna sar pakad leti...
Angelina bahut kuchh kahna chahti thi, wo bahut kuchh karna chahti thi...lekin mere proposal aur main itne damdar the ki na to wo sahi dhang se kuchh kah pa rahi thi aur na hee kuchh kar pa rahi thi....
.
Un taanav bhare pal me uski halat dekhkar main bhi thoda sa dar gaya ki kahi wo apna chaku nikal kar mera seena khoon se laal na kar de, ya phhir apna sandal utar kar mera sar na laal kar de....probability to ye bhi thi ki wo bouncers ke jariye mujhe laal karwa sakti thi...lekin usne na to apna chaku nikala aur na hee apna sandal...usne bouncers ko bhi nahi bulaya...wo kuchh pal shant rahi aur phhir apni mast-mast aankho me narak ki agni ka mujhe ahsaas karate hue boli...
"sex aur tumhare sath...kabhi nahi...yadi tum mere husband bhi hote tab bhi main tum jaise cheap ladke ke sath sex nahi karti...."
"sure..."maine aankh marte hue puchha....
"sure...isme sure ka kya matlab....ek baat tum apna naak,kaan,aankh,muh...sab kholkar dhyan se sun lo ki main tumhare sath sex nahi karungi...chahe tum America ke president hee kyun na ban jao...get lost... "
.
20 MINUTES LATER.....
.
"ye jagah thik rahegi, yaha hume koyi saat janam tak nahi dhoondh payega....tumhe kya lagta hai..."Andhere me jungle ke andar ek jagah par rook kar Angelina boli..."mujhe ab bhi khud par yakin nahi ho raha hai ki maine tumhari baat kaise maan li..."
.
Angelina aur main is waqt Bar se nikalkar ghanghor andhere me doobe jungle ke andar aa gaye the...Angelina ko apne sath karne ke liye manana bada mushkil kaam tha...lekin jab maine Bar me dekha ki mere sath teen botal pee hui beer uspar asar karne lagi hai to maine ek se badhkar ek dialogue chhoda...kuchh mahapurasho ke quotes bhi Angelina par de mara...aur ant me kaha ki' wo aaj nahi to kal,kisi na kisi ke sath sex to karegi hee...phhir mere sath karne me kya dikkat hai...'
.
Angelina us samay Bar ke andar meri baat to maan gayi lekin mujhe pakka yakin tha ki yadi usne pelampel beer na chadhaya hota to wo is waqt mere sath is jungle me nahi balki apne dono saheliyo Chinki aur Pinki ke sath apne camp me hoti....
Arun ,Saurabh,Chinki aur Pinki ko chodu banane me hum dono ko koyi khas dikkato ka samna karna nahi pada....sabse pahle main Arun aur Saurabh ke paas jakar bola ki 'Angelina ne jyada chadha li hai,tum dono nikal jao ,main aadhe ek ghante me use uske camp tak chhodkar aa jaunga..."
Arun aur Saurabh shuru me to nahi mane...lekin phhir maine kaha ki unka aaj ka sara kharch main dunga to wo dono turant khushi ke sath uchhal pade aur bina samay ganwaye Bar se nikal gaye....
.
Arun aur Saurabh ke jane ke baad Angelina Chinki,Pinki ke paas gayi aur usne un dono se kuchh kaha...jiske baad wo dono bhi khushi se uchhal padi aur Arun,Saurabh ke peechhe-peechhe chal padi.....
.
"sunkar tujhe ajeeb lagega par mujhe sharam aa rahi hai...
"peechhe palatkar maine Angelina ke face par light marte hue bola...
"nautanki kahi ka..."bolte hue wo mere paas aane lagi...
.
waise to hum dono yaha chudayi machane aaye the lekin abhi tak hum dono ke beech gande shabd jaise ki 'lund ,chut,gand,doodh...'in sabka ka istemaal nahi hua tha....bole to hum dono ke beech maryada ki deewar ab tak kayam thi...pure raste bhar main Angelina se sirf uske baare me puchhata raha ,jiske baad mujhe pata chala ki wo 24 saal ki hai...wo kaha rahti hai usne ye bhi bataya...
.
"kitni ladkiyo ko barbaad kar chuke ho is tarah..."mujhe kaskar pakadte hue Angelina ne puchha....
"tum shayad pahli ho..."
"shayad...."
"shayad se mera matlab hai ki...ek minute sochkar batata hoon..."kuchh der ke liye main flash back me gaya '9th class me gaanv ki ek ladki ka doodh dabaya tha...lekin chod nahi paya...phhir 10th me bhi ek ladke ke chut par hath fera tha...lekin ise us ladki ko barbaad karna nahi bol sakte...uske baad 11th, 12th me sharifi ki zindagi gujari...aur first year me deepika mam ko choda...lekin sali ne mujhe barbaad kiya na ki maine use...to kul milakar....."
jab sabhi aakade mere samne aa gaye to maine apne hath Angelina ke kamar se dheere-dheere neeche sarkate hue uske sawal ka jawab diya"tum pahli ho..."
"aur shayad aakhiri bhi..."apni aawaz me parivartan late hue Angelina boli...
"aakhiri matlab...? "
"aakhiri matlab ye bhi ki aaj main kuchh aisa karne wali hoon,jiske baad tum aisa kisi ke sath nahi karoge...."
idhar Angelina ne apni line puri ki to wahi dusari taraf mere kamar me kuchh jordar chubha....aur main dard se chillate hue Angelina ko door jhatak kar use door kiya....
.
"khoon..."mobile ki roshani apne kamar par dalte hue main badbadaya aur phhir Angelina ki taraf mobile ki roshani dali..."tera dimag kharab hai kya...chaku kyun ghusaya ,mar jata to..."
"mare to nahi na...waise bhi mujhe achchhi tarah maloom hai ki kidhar chaku ghusane se insaan marta hai...main to sirf tumhe ladkiyo ki power show karna chahti thi...tumne kya socha ki tum mujhpar apni wo badi-badi philosophy jhadoge aur main tumhare sath sone ke liye taiyar ho jaungi...ek baat gath bandh lo Mr. Arman ki ladkiya utni bhi bebas ya kamjor nahi...jitna tum unhe maankar chalte ho...maine tumhare college ki ladkiyo se tumhare baare me puchha tha aur tum kya ho,unhone mujhe achchhi tarah se bataya....now get lost aur dobara mujhse baat karne ki koshish bhi mat karna...."
.
Shuru me to maine sabse pahle apna shirt utara aur shirt ko kamar par bandha...phhir socha ki ab is laundiya ko iski karni ki saza di jaye....maine Angelina ka thobda pakda aur uske hath se chaku chheen kar door fek diya....us dauran ek baar mere man me ye bhi khayal aaya ki sali ko yahi patak kar jabarjasti chod du...lekin ab na to mujhe wo pasand thi aur na hee uski khoobsurati mujhe raas aa rahi thi...
Maine uska thobda apne hath se dabaya aur bola....
"ek jhapad markar teri sari hoshiyari wahi ghusa dunga ,jaha se tu nikli hai...sex nahi karna tha to seedha saaf mana kar deti ,yaha lakar chaku ghusane ki kya jaroorat thi...aur tune apne aap ko samajh kya rakha hai be...jo aisa karne ka socha...shukra mana ki main hoon warna koyi dusara hota to tujhe patak-patak kar yahi chodta... yadi tera ye chaku thoda aur andar ghusta to mera to upar ka ticket kat gaya hota...,tujhe kya,tu to yaha se chup chap khisak leti... aur tu mujhe ladkiyo ki power dikhana chahti hai to sun...yadi mera dimag satak gaya to tere pet me ghooma ke aisa ghusa marunga ki sari dawai phhir tere pet ka ilaaj nahi kara payegi....aur tune kya kaha ki main aaj ke baad tujhse baat na karu...are lawda aaj ke baad yadi meri aankho ne tujhe bhool se bhi dekh liya to main apni aankhe fod lunga....pata nahi kaha-kaha se chali aati hai,Saurabh sahi kahta hai ki in laundiyo ko hamesha chodte rahna chahiye tabhi sali aukat me rahti hai..."bolkar maine Angelina ko puri taqat se peechhe dhakela .jiske baad uske neeche girne ki aawaz aayi aur sath me ek cheekh bhi sunayi di....Angelina jor se cheekhi thi lekin phhir bhi main nahi ruka aur apne mobile ki roshani me aage badhne laga......
Mera matha bahut garam tha aur main bina kuchh soche samjhe Angelina ko galiya bakte hue aage badhta chala ja raha tha ki ,tabhi mujhe Angelina ki aawaz sunayi di....
"kya hua...sali kahi marne wali to nahi...marne do ,MC isi layak hai ,BKL..."badbadate hue main phhir aage badha...
"help....help...Arman..."
"iski to...marwayegi ye lawdi itni jor se cheekhkar...ek baar dekhkar aata hoon ki kyun ye apna gala phhad rahi hai..."
Jab Angelina ki cheekhe aur tez hone lagi to maine wapas jungle ki taraf turn mara...kyunki mujhe dar tha ki yadi use kuchh hua to lawda fasunga to main hee
"kya hua...kyun itna bhauk rahi hai..."Angelina ke paas pahuchkar maine rookhi aawaz me usase puchha....
"tumhe sharam nahi aati,ek ladki ko itni jor se dhakka dete hue...main itni jor se giri hoon ki ab khadi tak nahi ho pa rahi..."
"yahi baat mujhe chaku marte samay socha hota to aisa nahi hota...ab samajh me aaya ki mujhe kitna dard hua hoga..."
"i'm sorry...lekin ab mujhe jaldi se uthao...mujhe camp pahuchna hoga...warna bahut badi aafat ho jayegi..."
.
Pahle maine socha ki use uske hee haal par chhod du lekin baad me dhyan aaya ki agar ise kuchh hua to jaan meri hee jayegi...isliye maine na chahte hue bhi apne dil par hazar ton ka patthar rakha aur use uthakar kar chup chap camp ki taraf badha....
.
.
"aage bol be...ruk kyun gaya..."jab main ruka to Varun bola...
"thak gaya yar ,kahani sunate-sunate...ab neend aa rahi hai..."main waha se utha aur seedhe balcony par pahuch gaya....
"mujhe aisa kyun lag raha hai ki tu mujhe yeda bana raha hai..."mujhpar shaq karte hue Varun bhi mere peechhe-peechhe balcony par aa gaya...
"Arun se puchh le...yadi tujhe yakin na ho to..."
"Arun se kya puchhu...wo to teri haan me haan mila dega...sale gay-partner jo thahre tum dono...."
"phhir to ek hee tarika hai ,tujhe yakin dilane ka..."bolte hue maine apna shirt utara aur kamar par bana hua Silva ji ke chaku ka nishan Varun ko dikhaya.....
"kamal hai yar...matlab sach me us MBBS wali ne tere andar chaku pel diya tha...bahut daring ladki thi wo...yadi wo tere college me rahti to pakka tujhe sudhar deti. Filhal to ye bata ki phhir aage kya hua..."
"aage kya hua ,wo kal...mera muh dukh raha hai bolte-bolte...ja ek peg daru la "
"camp wala chapter khatm to kar de...please "
"Uske baad kuchh khas nahi hua...main aur Angelina sath-sath camp me to aaye ,lekin humne phhir ek-dusare se ek shabd bhi nahi kaha...kabhi-kabhi wo mujhe dekhti...lekin maine use palat kar dekha tak nahi....jis waqt wo apne camp ja rahi thi us waqt usne mujhse kaha tha ki main apne ghar pahuchkar injection lagwa loon taki ghav sookh jaye...aur phhir..."
"Aur phhir...kya "
"aur phhir wo apne camp me langdate hue chali gayi...wo aakhiri baar tha jab maine use dekha tha...uske baad wo mujhe kabhi nahi dikhi..."
"kabhi nahi dikhi ka kya matlab...uske agle din kya wo camp se bahar nahi nikli thi ka..."
"agle din...."balcony se bahar dekhte hue maine kaha"agle din jab meri aankh khuli to uska camp hat chuka tha...matlab ki MBBS wale mere aankh khulne se pahle subah-subah hee waha se chale gaye the...hume bhi usi din wapas lautna tha...lekin humare plane ke mutabiq hum logo ne dopahar ko wo jagah chhodi aur raat ke 11 bajte tak wapas college pahuch gaye....is dauran mere dimag me puri tarah se sirf aur sirf Angelina chhayi rahi...jiski sabse badi vajah mere kamar ka ghav to jo jate waqt Angelina ne mujhe de diya tha....us waqt bhale hee mujhe uspar gussa aaya tha lekin ab jab bhi us pal ko ,us 24 saal ki ladki ko yaad karta hoon to ek muskan dil par chha jati hai aur dil se sirf ek hee aawaz nikalti hai ki 'kash...wo ladki mere college me padhti'..."
_____________________

 

[The Immortal]

Chapter-43:Plans Active Again
Update-171
.
Angelina ke dwara diye hue zakhm ne mujhe kuchh dino tak apni chapet me pakde rakha ,lekin ghaav jyada gahra nahi tha isliye main ek hafte ke andar hee fit-fat ho gaya tha...Angelina ne mere kamar me jo chaku ghuseda tha uski vajah se main kuchh dino tak bukhar se pareshan raha...jiske karan main next week me kayi din college tak nahi ja saka....Mere khas dosto ne us zakhm ke baare me puchha ki meri kamar me ye chot kaise lagi...us waqt yadi main unko sach bata deta to mujhe pura yakin hai ki wo sab mujhe dhikkarte isliye maine jhooth bol diya ki ' Angelina ko andhere jungle me ped ke sahare chodte waqt peechhe wale ped ka nukeela hissa chubh gaya tha...'
.
Mere is jawab ke baad to mere aur bhi fan ban gaye aur ab to juniors aksar mujhse ladki patane ki tips bhi lene ke liye aane lage the...lekin un falo ko kaun bataye ki mera kaam to mere hath se hee chal raha hai.....
.
Angelina ke dwara diye gaye ghav ko puri tarah bharne me kayi hafte lag gaye aur khud Angelina mere dil-o-dimag me kayi mahino tak chhayi rahi...lekin phhir jaise-jaise din beetata gaya Angelina purani kitaab ki tarah ho gayi thi ,jo aksar ek kinare par pade-pade dhool khati rahti hai...thik us dhool khati kitaab ki tarah maine bhi Angelina aur Angelina ki yaadon ko apne andar dafan kar diya,kyunki Angelina ki yaado ko zinda rakhne ki koyi khas vajah mere paas nahi thi....
.
Camp me jo kuchh bhi hua...uski charcha pure college me to kuchh dino tak hui,lekin phhir baad me sabhi ,sab kuchh bhoolkar apne vartman me jeene lage...
College wapas aakar main bhi bahut khush hua tha, waise to humlog sirf teen din ke liye college se door gaye the,lekin main khush itna tha jaise ki teen janam ke baad aaj main wapas apne college me aaya hoon...main khush isliye bhi tha kyunki kal se apni zindagi phhir usi jaani pahchani napi-tuli track par chalne wali thi aur teen teeno ke baad finally main apne college thik-thak tarike se pahuch hee gaya tha ,jaha 'Arman' shabd sirf mera name nahi, balki ek brand tha...wo bhi No.1 brand
.
Fourth Semester me main 12 subjects ke exam dekar third year me aaya tha. Isliye mera vichar to yahi tha ki jaise masti bhari zindagi maine shuru ke do saal me bitaye the ,waise hee baki ke do saal bhi gujarunga...lekin third year me aate hee mujhe khud lagne laga ki 'lawda iske baad sirf ek saal aur bacha hai aur yadi ab serious nahi hue to phhir puri zindagi serious rahna padega...isliye baki sab chutyape ko side karke sirf aur sirf padhayi par dhyan dete hai....'
.
apne isi soch ko sach ki shakl dene ke liye maine third year ki shuruat me kuchh plans banaye the lekin teen dino ke camp ki masti aur Esha ke karib aane ki chah me maine apne hee plans ki G maar li thi...
Camp me jaane ka mera jo pramukh uddeshya tha,wo to pura nahi hua...ulta lene ke dene pad gaye,wo alag....
Camp se wapas aane ke baad maine apne batch ke laundo-laundiyo me ek jabardast utsah dekha...aur wo utsah 'GATE' ke exam ke liye tha...sala jise dekho wahi GATE ke last year ke cutoff ,colleges ke baare me baat karta tha...koyi 'Made Easy' ke gate ke notes kharid raha tha to koyi Internet se sirf aur sirf study material download kar raha tha....jidhar dekho ,udhar Competitive exams ka saya dikhta tha...tab mujhe ahsaas hua ki in sabme main kahi peechhe chhut raha hoon...kyunki na to maine dusaro ki tarah kisi nami-girami coaching classes ke notes liye aur na hee maine GATE , CAT ki coaching classes join ki....in sabke aalawa main jab bhi Google maharaj ke darshan karta to sirf aur sirf porn videos aur movie download karta....Camp ke baad ki college life ne mujhe bahut dara diya tha...mujhe ab sapne me Esha ke sath-sath ,GATE exam ke mangadhat exam center dikhne lage the...aur jab ye dar mere andar badhta gaya to maine bhi Delhi se GATE ke notes manga liya aur next semester se GATE ki coaching join karne ka faisala kiya.....
.
Mera dar mujhpar iskadar hawi nahi hota yadi hume motivate karne ke liye tarah-tarah ke seminar aayojit nahi kiye jate to...Seminar me lecture dene walo ko college me isliye bulaya jata tha taki students motivate ho...lekin sala mujhpar to un seminars ka ulta hee asar ho raha tha kyunki fale pure time sirf aur sirf toppers ki baate karte the...exam me dhakke-mukke lagakar paas hone wale mujh jaise students ke liye seminar me lecture dene walo ke paas kuchh nahi tha ,is karan jab bhi koyi Seminar khatm hota to ek sawal main har baar khud se puchhta ki'ek saal baad mera kya hoga ?'
.
Mera dimag pure seminar bas un mahapurasho ko gali dene me gujarta ,jo BC hum jaise students ki baat hee nahi kar rahe the....har Seminar ki shuruat kuchh jane-pahchane ya phhir kahe ki kuchh behad hee ghise-pite sawal se shuru hoti thi....jaise ki 'aapne Engineering field kyun chuna'
.
Aur ek seminar ke daurani yahi sawal talwaar bankar mera gala katne ko taiyar hua. actually hua kuchh yun tha ki ek Seminar ki starting me badhiya suit-boot pahne ek aadmi ne meri taraf ishara kiya aur mujhse puchha ki'tumne apne career ke liye engineering field hee kyun chuna '
Ab BC ,meri fat ke hath me aa gayi ,kyunki class me khade hokar bakchodi bhare jawab dena alag baat thi aur yaha itne logo ke beech kuchh bolna alag baat thi...shuru-shuru me maine socha ki Ranchhod das Chanchad ki tarah main bhi ye kah du ki'Sir,mujhe bachpan se machino se pyar tha...........' .lekin phhir baad me socha ki is sale ne bhi to '3 idiots' dekhi hogi...kahi lawda insult na kar de....
.
"common, sabko batao ki tumne engineering karne ka faisala kyun kiya...gharwalo ne math dila diya isliye is line par aaye ya phhir biology palle nahi padti thi...isliye idhar tapak pade..."jab main chup-chap khada tha to Seminar ke pramukh vakta ne meri khichayi ki....
"maine Engineering ko ek achchhi naukari ke liye chuna, ek achchhi life ke liye chuna, achchhe paise ke liye chuna aur in sabse badi vajah maine Engineering, ek achchhi ladki ke liye chuna...."mujhe us waqt jo sujha wo maine fatafat bol diya...
"good...yahi aim mera bhi tha ,sit down.."
Aur phhir main pure shaan-o-shaukat ke sath baitha....ek baat jo batani jaroori hai wo ye ki mera dar sirf mere tak hee seemit tha ,bakiyo ke liye main pahle wala hee ghamandi aur maar dhad karne wala Arman tha...yani ki mera Attitude, mera rutba jo college me pahle tha wo mere andar darr ke is ghane bhuchal ke baad bhi kayam tha....kyunki mere college me 'Arman' shabd sirf ek name nahi balki ek brand tha ,wo bhi No.1 brand
.
Is beech humare last semester ke result aaye aur har baar ki tarah is baar bhi university mujhpar meharbaan dikhi...lekin had to tab ho gayi,jab maine dekha ki main pure ke pure 12 subjects me Pass ho gaya tha...bole to i was very happy
Mere is result se sabko bahut jordar jhatka laga, mere chahne wale jaha is jordar jhatke se ati-prassan the wahi mujhse nafrat karne walo ko mere exam ke result ne aisa jhatka diya tha ki unki sitti pitti gum ho gayi thi aur College me meri TRP me jabarjast badhotari hui thi....aur main...main to khush hee hounga na,bhala pass hokar koyi dukhi hota hai kya
.
Mere CPI ab char semester ke baad 7.5 touch kar chuka tha aur mere result ne mujhe dobara se apne plans ko activate karne ke liye majboor kiya...aur maine bina kisi deri ke apne plans ,jo ki Camp me jane ke karan toot kar bikhar gaye the, unhe dobara joda aur activate kiya....us semester maine pelam pel padhayi to nahi ki lekin Fifth Semester ke exam mere ab tak ke engineering life me sabse achchhe beete the aur ye first time tha,jab main apna seena thok kar bol sakta tha ki 'kisi ka baap bhi mujhe fail nahi kar sakta...chahe koyi kitna bhi hard copy check kare '
.
"Arman ,lunch ke baad class bunk karke movie dekhne chalenge..."Chalti class ke beech me Arun ne ek kagaj par ye likha aur meri taraf kagaj ka tukda sarkaya....
Man to mera bhi tha ki movie dekhne chala jaye ,kyunki ye to 6th Semester ki shuruat hai aur thodi bahut masti to chalti rahti hai...lekin tabhi mere 1400 gm ke dimag ne Plan No.4 ka invention kiya...aur maine Arun ki taraf apni gardan na me hila di...
.
"chodunga ,lawde yadi mana kiya to...jaan se maar dunga..."ek aur kagaj ka tukda Arun ne fada aur ye sab likhkar meri taraf sarkaya...jiske baad maine usi kagaj ke tukde ke dusari taraf apna final decision likhkar Arun ki taraf wo tukda badha diya...jisme maine likha tha ki...
"Plan No. 1- Respect Your teachers.
Plan No. 2- Quit Smoking as early as Possible.
Plan No. 3- Saty away from Girls. AND
Plan No.4- Never bunk the classes. "
______________________________