Romance Ek Bhool(Completed)

[Champ_AK_81]

UPDATE 128​

Kuch hi der me sab apne apne jagah baith gaye…Priya apne Maa aur Papa ke saath ek sofa me baithi thi aur Sameer apne Maa aur Papa ke saath dusre sofe me…Dono sofa ek dusre ke aamne saamne tha.

Chhai ki ek chuski le kar Mr. Sharma ne baat ki suruwaat kiya.

Mr. Sharma:- Koi dikkat to nahi hua samdhi ji…Aane me?

P. Dad:- Nahi…Koi dikkat nahi hua…Safar bahut accha raha…Accha ye bataaiye aapne dono ko kab bataya ki hamne dono ki rishte ko manjuri de diya hai.

Priya ki Papa ki sawaal sunne ke baad thoda hans kar Mr. Sharma bole.

Mr. Sharma:- Bas kuch hi der pehle…Aur iss tarah se diya ki dono ka chehra dekhne laayak tha…Aur khaas kar Sameer ka.

Pehli baar iss ko itna confuse aur dara hua dekha hai…Naa hi mera faisla maan paa raha tha aur naa hi mere khilaaf jaa paa raha tha…Wo to mujhe thoda taras aa gaya iss par aur Priya ki photo de kar chala gaya.

Isne shaadi kar ke aane ke baad hae surprise diya aur hamne bhi siki shaadi ki baat par surprise diya…Hisaab barabar.

Mr. Sharma ki iss baat par sabhi ko hansi aaya.

Mrs. Sharma:- Abhi bhi dekh sakte hai…Kaise chehra niche kar ke sarmaa raha hai.

Mrs. Sharma ki iss baat se sabhi aur hasne lage…Sirf Sameer ko chhod ke…Priya bhi Sameer ko dekh kar muskura rahi thi.

Kuch der baad jab sabhi ki hansi khatam hua tab,

P. Dad:- Kya hua Sameer…Itna chhup kyu ho?

Lekin iss baar bhi Sameer koi jawaab nahi de paaya…Wo iss vakt thoda uncomfortable feel kar raha tha…Aise maahaul me aur sabhi ke saamne kya bolna chaahiye aur kaise bolna chaahiye usse kuch samajh me nahi aa raha tha.

Mr. Sharma:- Shaayad abhi uncomfortable feel kar raha hoga…Haalat bhi thoda aisa hi hai…Warna ye itna bolta hai ki kaan pak jaata hai iski baatein sunte sunte.

P. Dad:- Abhi tak aisi baatein to nahi suna…Lekin mujhse jitna bhi baat kiya hai jitna jaruri hai utna hi kiya hai…Kisi insaan ko apne kaam me kaise lena, kisi ko acche se samjhaana aur baato se thappad maarna acche se jaanta hai.

Priya ki Papa ne unka Sameer ke saath jo bhi experience tha sab kuch keh diya.

Sameer:- Sorry Uncle…Uss vakt aise haalat tha ki mujhe kya karna chaahiye tha iski samajh bilkul nahi tha…Uss vakt aapse bahut badtameezi se baat kiya aur aapko bahut galat bhi kiya…Uske liye mai sharmindaa hu aur aapse maafi chaahta hu.

Abb jaa kar Sameer ne bola…Usne ye maafi dil se maanga tha.

P. Dad:- Nahi beta maafi maangne ki jarurat nahi hai…Tum bilkul sahi ho aur tumne sahi kiya…Mai to ye keh raha tha ki vakt ke hisaab se kaise baat karna chaahiye aur kya karna chaahiye iska accha samajh hai tumhe.

Hamesha aise hi rehna aur jaldbaazi me kabhi koi faisla mat karna…Baaki saari acchaayi tum me hai.

Priya ki Papa ki baato se hi pata chal raha tha ki wo Sameer se kitna impress hai.

P. Mom:- Ha accha sanskaar diya hai aap dono ne…Jisse bhi baat karta hai bahut respect ke saath baat karta hai, man me kisi ke liye buraai nahi hai…Ho sake to sabhi ka madad bhi karta hai…Bahut accha aur pyara ladka hai…Priya ke liye bilkul sahi hai aur mujhe vishwaas hai ki Priya bahut khus rahegi Sameer ke saath.

Priya ki Maa bhi Sameer ke baare me jo kuch jaanti thi sab keh diya.

Priya ki Maa aur Papa ki baat sun kar Sameer aur Priya ke saath saath Sameer ki Maa aur Papa bhi baht khus ho gaye.

Mr. Sharma:- Hmm…Baaki sab to thik hai…Lekin gussa par abhi bhi control nahi hai iska…Gussa me bina soche kuch bhi faisla le leta hai aur mushkil me fass jaata hai.

Ummeed hai Priya jald isse thik kar degi warna mai to hu hi…Iska gussa ka ilaaj karne ke liye.

Mr. Sharma ne ye baat bhi majaak me hi kaha.

Kuch der aise hi baat karne ke baad Mr. Sharma ne Sameer se kaha.

Mr. Sharma:- Aur kitna chup baithega…Kuch to bol.

Mr. Sharma ki baat sunne ke baad Sameer ne kaha.

Sameer:-(To Priya) Sabse pehle to mai Priya ko shukriya kehna chaahunga…Itna galat karne ke baad bhi mera saath diya aur wo Priya ka dosti hi tha jisne mujhe mere aatmaglaani se baahar nikaala aur fir mai apne life me pehle ki tarah aage badh paaya…Aur issi dosti me kab mujhe pyar ho gaya pata hi nahi chala…Bahur der se sahi lekin mujhe iss pyar ka ehsas ho hi gaya.

Aur jab maine apne dil ki baat Priya se kaha to usne mere pyar ko apna liya…Mai khud ko bahut khus kismat samajhta hu ki itna sab kuch hone ke baad bhi Priya ne mera pyar ko swikaar kar liya…Pata nahi mai Priya ka pyar deserve karta tha ya nahi lekin mai abb Priya ki uss vishwaas, uss decision ko galat saabit nahi hone dunga…Uska iss decision ka maan rakhunga aur hamesha Priya ko khus rakhne ki koshish karunga…Jitna pyar Priya mujhse karti hai mai bhi usse utna hi pyar karne ki koshish karunga jindagi ki har modh me aur har haalat me.

Priya se hi sikha hai maine pyar ka ehsas kya hota hai aur ye 1 month me hi maine jaana ki saccha pyar kya hota hai…Thanks a lot Priya for coming in my life and making me realize what true love is.

ABb bas yahi dua hai ki hamaara pyar me kabhi koi kami na aaye aur hamaara pyar kabhi kamjor na pade.

(To Priya's parents) Aap dono ko bhi dil se shukriya karna chaahta hu ki aap dono ne Priya ke liye mujhe chuna aur mujhe iss laayak samjha…Koshish karunga ki mai aap dono ke vishwaas par hamesha kaayam reh saku…Abhi tak maine jo bhi galti kiya hai unke liye maafi maang kar aage se Priya ka khayal rakhne ka vishwaas dilaata hu…Thanks for trusting me.

(To his own Parents) Ye to hamesha se kehta aaya hu ki mai lucky hu ki aap dono mujhe mere Maa aur Papa ke roop me mile…Bachpan se le kar abhi tak aap ka pyar aur sanskaar hi hai jiski vajah se aaj mai aisa hu…Maa ne to hamesha mujhe himmat diya aur mere paksh me hi khadi rahi mere galat hone ke baawjood bhi…Papa jab maine wo bhool kiya tab uss vakt aapne jo kiya uska mai bahut respect karta hu…Aapne hi mujhe uss vakt galti aur jimmedaari ka ehsas acche se karwaya.

Aapki naraajgi ne bhi mujhe bahut kuch sikhaaya…Aap dono ko bhi bahut bahut shukriya abhi tak mera itna saath dene ke liye.

Aur iske alawa mera do dost Rajesh aur Mahesh dono ne bhi mera accha saath diya jo mai kabhi bhula nahi paaunga.

Itna keh kar Sameer chup ho gaya…Jab usne chup hua to dekha ki sabhi usse hi dekh rahe the…Ek pal to usse samajh me nahi aaya ki usne itna lamba kaise bol diya…Lekin jo bhi bola tha usne dil se bola tha issi liye bina ruke itna kuch bol gaya.

Sameer ki munh se apne liye taarif sun kar Priya fir khus ho gayi…Priya ki Parents bhi Sameer ki baat sun kar sukoon mehsus karne lage…Sameer ki acchaayi to unhone pehle bhi dekha tha lekin usme aaye jimmedaari ki ehsas se wo Sameer se aur bhi impressed ho gaye.

Mrs. Sharma:- Maar khaayega agar fir shukriya kaha to…Hamne jo kiya wo har Maa Baap ka farz hota hai…Abb tera bhi vakt aa gaya hai apne beta hone ka farz nibhaane ka.

Sameer:- Dil se nibhaaunga Maa…Hamesha yahi koshish karunga ki kabhi aap sabhi ko koi pareshaani na ho.

Mr. Sharma:- Accha Mr. Sameer Priya ke baare me itna bol diya tune…Mujhe dar lag raha hai ki biwi ki aane ke baad tu kahi hame bhul na jaaye.

Sameer:- Aisa kabhi nahi hoga Papa…Mere life me aapki jagah alag hai aur Priya ki alag…Mai hamesha khayal rakhunga ki kabhi kisi ke saath anyaay na ho aur sabhi jimmedaari ko acche se nibhaau.

Itna kehne ke baad Sameer bahut emotional ho gaya.

Mr. Sharma:- Sach me tu ek din maar khaayega…Tu mujhe nahi jaanta kya…Majaak karne ki aadat hai mera…Aur itna vishwaas hai tujh par kit u apni jimmedaari acche se nibha paau.

Fir kuch der issi tarah se baat chalta hai...Aur kuch hi der me maahaul halka ho jaata hai.

Mrs. Sharma:- Lagta hai dono ki shaadi thoda jaldi karaana padega…Tabhi se dekh rahi hu dono najar chura kar ek dusre ko dekhe jaa rahe hai.

Sameer:- Fir se shaadi…Pehle hi ho chuki hai na.

Sameer ne thoda hairaani ke saath kaha.

Mr. Sharma:- Ha ho gaya hai lekin hamaari gair maujudgi me…Tu hamaara ek lauta beta hai aur teri shaadi hamaari aankho ke saamne na ho ye sambhav nahi hai.

2 hafte pehle Priya ka ghar gaya tha aur wo hi tum dono ki shaadi ki date fix bhi kar liya hai…1 month baad shubh muhrat hai.

Iss baar dhum dhaam se hoga tum dono ka shaadi Priya ki ghar me.

Mr. Sharma ne bahut excited ho kar kaha.

Mr. Sharma ki iss announcement se Sameer aur Priya bhi khus ho gaye…Dono ki shaadi wo bhi apni aur pariwar ki marzi me…Ye dono ke liye bahut khushi ki baat tha.

Sameer Priya ko dekh kar pyar se aankh maar deta hai…Isse Priya sarmaa kar najar chura kar niche jameen ki taraf dekhne lagti hai.

P. Mom:- (To Priya) Tu to abhi kuch bol bhi nahi rahi hai…Tu bhi to kuch bol.

Priya apni Maa ki baat sunne ke baad kuch bolne ki koshish karti hai.

Priya:- Mai….

Priya sarm aur khushi ki vajah se isse aage kuch nahi bol paati hai aur sarmaa kar apne room ki taraf bhaagti hai.

Priya ka iss tarah bhaagne se sabhi samajh gaye ki wo kyu bhaagi hai…Sameer ko Priya ki iss adaa par aur bhi jyada pyar aane laga.

Fir waha sabhi kuch der aur baat karte hai shaadi ke baare me…Sabhi bahut khus the khaas kar Sameer.

Iss baar Sameer ne bhi khul kar Priya ke parents se baat kiya…Aur dhire dhire uska unke saath khul kar baat bhi hua.

Jab saari baatein final hua aur ye meeting khatam hua tab Sameer khushi ke saath chhath ki taraf badh gaya iss ummeed me ki Priya bhi waha hogi.

Lekin seedhi me pahunchte hi uske mobile me ek message aaya…Message Rajesh ka tha…Usme Ramesh aur Pratap ka mobile number tha.

Ye message dekhte hi Sameer ke chehre ka bhaaw badal gaya.

 

[Champ_AK_81]

UPDATE 129​

At Park

Pratap:- Jaldi bol kyu bulaya tune? Jyada vakt nahi hai hamaare paas.

Aate hi Pratap ne attitude ke saath kaha...Sameer ne dekha ki Pratap aur Ramesh dono saath hi aaye hai.

Sameer:- Kuch baatein karna hai tum dono se.

Ramesh:- Kaisi baatein?

Sameer:- Baat karne se jyada samjhaane aaya hu...Bas itna kehna chaahta hu ki aage se mere life me koi dakhal mat dena...Abhi tak jo hua wo hua lekin aage se aisa kuch nahi hona chaahiye.

Ramesh:- Aur tujhe lagta hai ham samajh jaayenge aur teri baat maan lenge.

Ramesh ne hanste hue kaha...Wo kuch iss tarah se hansa jaise wo Sameer ka majaak udaa raha hai.

Pratap:- Accha to tu shaanti samjhauta karne aaya hai.

Itna keh kar Pratap bhi hasne laga.

Sameer:- To tum dono nafrat aur ladaai hi chaahte ho.

Sameer ne serious ho kar kaha.

Ramesh:- Ha...Aur ye nafrat aur ladaai tak tak chalega jab tak ham tujhe barbaad nahi kar denge.

Pratap:- Aaj bhi nahi bhule hai hamne wo beizzati jo college me tujhse maar khaane ke baad hua tha.

Ramesh aur Pratap ki baat me Sameer ke liye bahut nafrat tha.

Sameer:- Accha...Maine galti kiya...Maine tumhe maara...Lekin ye bataao mujhe aisa karne par kisne majbur kiya.

Pratap:- College students hai ham...Aur ham tere senior bhi thhe...Ragging ka hak har senior ke paas hota hai...Hamaare paas bhi hai...Lekin tune kya kiya ragging ke against me jaa kar sabhi ke saamne hame peet diya.

Kya ham mandir ke ghanti hai jo koi bhi aayega baja kar chala jaayega.

Aaj tak nahi bhula hu wo beizzati...Dost to kya dushman bhi hamaara majaak banaane lage ki ek junior se peet gaya.

Ye nafrat ka badla aisa lunga ki tu bhi yaad rakhega tune kisse panga liya tha...Jab tak ham dono hai teri life kabhi khushi se kat nahi paayega.

Sameer:- Maanta hu tumhe bahut bura laga ki maine tum dono ko maar kar tumhaara beizzati kiya...Lekin tumne kya kiya ragging me...Priya ko kiss karne ke liye bola.

Abb bataao ye kaunsa tarika hai ragging ka...Socha hai Priya ko kaisa laga haoga jab tum dono ne public me aisa ghatiya task diya tha...Jis tarah se tumhe bura laga socho usko kitna bura laga hoga.

Mujhe uss vakt jo sahi laga maine wo hi kiya...Ye to tum bhi maante hoge ki galti usa vakt tum dono ka hi tha.

Sameer abhi bhi shaant tha aur dono ko samjhaane ki koshish kar raha tha.

Ramesh:- Tu to sach me shaanti samjhauta karne aaya hai...Chal bhaag hame teri koi baat nahi sunna hai...Hamaara badla tabhi pura hoga jab tujhe ham barbaad karenge.

Lekin ek baat samajh me nahi aaya tu aise shaant kaise ho gaya aur hamse itna dar kyu raha hai...College me to bahut hero banta tha na.

Pratap:- Ye mohobbat aisi hi cheej hai yaar...Hero ko bhi zero bana deta hai...Majbur ho jaate hai aise log apne aur apno ke baare me soch kar.

Iss ka bhi yahi haal hai...Dar raha hai ki koi isse aur Priya ko alag karke barbaad na kar de.

Itna keh kar Ramesh aur Pratap dono hasne lagte hai ussi andaaz me jaise dono Sameer ka majaak udaa rahe hai.

Sameer:- Zero nahi banaya hai...Balki matured banaya hai...Agar aaj pehle wala Sameer hota jisse pyar, mohobbat me vishwas nahi hota to uska jawaab kuch aisa hota.

Tune mere saath jo kuch bhi kiya hai, bahut galat kiya hai...Galat aadmi se galat vakt me panga liya hai...Abb tera khair nahi hai...Count down suru ho gaya hai...Chhodunga nahi tum dono ko...Ek ek galti ka sabak sikhaaunga.

Aur wo Sameer gusse me tum dono ka wo haal karta jo mai bhi soch nahi sakta...Gussa mujhe haiwaan bana deta hai...Jis Priya se mai abhi itna pyar karta hu uske saath itna galat kiya to socho tumhaara kya haal hota.Tum dono se badla lene ke liye mere paas bahut vajah hai.

Sameer ka aisa badla hua roop dekh Ramesh aur Pratap ek dam se chaunk gaye.

Ramesh:- To tu sach me ladna chaahta hai.

Sameer:- Nahi...Abb nahi...Priya se pyar hone ke baad bahut kuch badlaaw aa gaya hai mujhme.

Har baar gusse me decision nahi leta hu abb...Iss baar tum dono ke baare me thanda dimaag se socha...Fir mehsus kiya ki har baar badla aur nafrat jaruri nahi hai...Kabhi kabhi kuch baatein ignore bhi karna padta hai.

Abb mera life me sab kuch thik chal raha hai...Hamesha saath nibhaane wale Mata Pitaa aur mujhse beintehaa pyar karne wali Priya mili hai aur saath me Priya ki jindagi me bhi khushiyon ki baarish ho gaya hai...Abb isse jyada mujhe kya chaahiye.

Fir mai kyu kisi se dushmani rakhu aur kisi ke saath galat karu.

Pratap:- Lekin ye khushiya bas kuch hi pal ka mehmaan hai teri jindagi me.

Sameer:- Fir wohi baat...Mai tujhe samjhaane aaya hu nafrat aur badla hi sab kuch nahi hota hai life me...Agar hota to mai abb tak apna badla le chuka hota aur mere paas iske liye tujhse bhi badi vajah hai.

Maine tujhe sabke saamne maara, lekin tune kya kiya mera jindagi barbaad karne me koi kami nahi chhoda wo bhi mera best friend ka istemaal kar ke...Mai kitna ghut raha tha apne galti ki vajah se ye mai nahi bata sakta...Bahut galat feelings aane laga tha aur khud se hi nafrat hone laga th

Aur Priya uss bechaari ki kya galti tha...Mujhse badla lene ke liye tum dono ne uska jindagi barbaad karne se bhi piche nahi hate...Wo to accha hua ki ham dono ki jindagi fir se badal gaya aur jindagi fir se sahi raah me chal pada.

Aur Rajesh...Apne badle ke liye tum dono ne uska accident bhi kara diya.

Abb bol badla lene ke liye mere paas tujhse accha vajah hai ya nahi.

Agar pehle wala Sameer hota to iss baare me kuch sochta bhi nahi...Sidha apne kaam suru kar deta...Lekin lucky ho tum dono ki uss vakt apne problem me tum dono ko bhul gaya tha.

Ramesh:- To kisne mana kiya hai tujhe kuch karne se...Tu apni taraf se koshish kar aur ham apni taraf se...Tera ye do chaar baatein hamaara badle ki iccha ko badal nahi sakta.

Sameer:- Thik hai...Jo chaaho wo karo...Lekin yaad rakhna mai pehle se kamjor nahi hu...Bas shaanti se baat karne aaya tha...Agar nahi samajhna chaahte to kya kar sakte hai.

Pratap:- Samajhna tujhe chaahiye tha...Ki jab bhi koi insaan kisi ko barbaad karne aur badla lene ka soch le to usko samjhaya nahi jaa sakta do chaar mithi baato se...Pehle thappad maar aur fir chocolate de kar mana le...Itna buddhu hai kya ham?

Sameer:- Buddhu nahi samajhdaar socha tha. Khair.

Pratap:- Kya matlab?

Sameer:- Tum dono acche khaase padhe likhe ho...MBA padhe ho...Laga tha meri baat ko acche se sunoge, samjhoge aur fir kuch faisla karoge...Lekin tum dono sunne ko taiyaar hi nahi ho...Bas badla lene ka jidd par hi tike hue ho.

Itna keh kar Sameer chup ho gaya aur dono ki taraf dekhta hai...Dono chup the.

Sameer:- Kuch pal ke liye mujhe bhul jaao aur bataao dosti bada hai ya dushmani.

Ramesh:- Dosti.

Sameer:- Ye to tum bhi maante ho...Abb bataao faisla jaldbaazi aur gusse me lena chaahiye ya fir samajhdaari aur shaanti se.

Ramesh:- Samjahdaari aur shaanti se.

Sameer:- Abb ye bhi bataao ki kya hamaara life sirf hamaara hi hai ya fir hamaari life me hamaare pariwar jisne hame paala, hame bada kiya, hamse ummeed rakha, unka bhi koi hak hai.

Ramesh:- Hamaara pariwar ka bhi hak hai.

Pratap:- Ye tum dono kaisi baatein kar rahe ho.

Sameer:- Bas kuch der acche se sunna meri baatein aur aage faisla tumhaare haath me hai.

Accha abb ye socho...Agar ham dono aapas me lade aur maan lo kisi ek ko bhi kuch ho gaya to hamaare pariwar par kya guzrega.

Ek Maa Baap ka beta yaani budhaape me sahara khatm ho jaayega wo bhi kis vajah se college ki kuch students ki group war ki vajah se.

Sunne me accha lagta hai kya? Hamaare chhoti si jidd kisi pariwar par kya nukshaan pahuncha sakta hai...Apne ego satisfy karne ke liye dusro par kya bit sakta hai.

Sameer itna keh kar chup ho gaya aur fir se Ramesh aur Pratap ko dekhne laga...Dono abb chup the aur Sameer ki baat par seriously soch rahe the.

Sameer:- Badla to mai bhi le sakta hu...Bas issi soch se maine ye khayal apne dimaag se nikaal diya.

Mai tum dono ko bura insaan samajhta tha...Kuch din pehle jab tumhaare baare me pata kiya to pata chala ki tum dono me bahut acchaaiyan bhi hai...Apne pariwar ke prati jimmedaari aur majbur logon ka saath dena...Ye baatein maine notice kiya hai.

Bas ek badla lene ka jidd tum dono ko galat bana raha hai.

Tumhaare baare me jaane ke baad socha ki agar tumse badla liya to mai jeet jaaunga lekin tumhaare Maa aur Papa bhi haar jaayenge jinhone 25 saal se tum dono ko paaala hai iss ummeed me ki tum dono budhaape me unka sahara bano...Lekin mujhe unhe haraana nahi hai wo bhi ek chhoti si vajah ke liye.

Aur yaar badla aur nafrat me kya rakha hai...Ek baar kisi se dosti kar ke dekh lo...Dekhna duniya kitna alag hoga.

Aur hamaare paas badla lene ka sirf vajah ye hai ki maine tum dono ki beizzati kiya aur tumne mere life ko barbaad karne ki koshish kiya jaha fir se sab kuch thik ho gaya hai...Abb badla lene ka matlab sirf ego satisfy karna hai.

Abb tum dono hi bataao kya ham aisi chhoti chhoti baaton ko ignore karke aage nahi badh sakte jaha khushiyan aur safalta hamaara intejaar kar raha hai...Ya fir apne life me ek hi mission rakhe ki dusro ko barbaad kar ke apna badla pura kar sake.

Acche se socho...Aur fir bataao badla hi sab kuch hai ha kuch baato ko ignore karke life me khushi aur shaanti se aage badhna jaruri hai...Kahi ham badla lene me khud ko hi badal to nahi rahe hai ki hame abb sahi galat ka pehchaan tak nahi raha?

Abhi tak hamaare bich jo bhi hua usme dono taraf se galti hua hai...Jyada aur kam ki baat na kare to dono taraf se galti hua hai...Aur tumhe abhi bhi lagta hai ki galti sirf mera hi hai to mai dil se tum dono se maafi maangta hu.

Aage tumhaara marzi...Agar badla lena hi chaahte ho to mai bhi taiyar hu aur sab kuch bhula kar dosti karna chaahte ho to bhi mai taiyar hu.


Itna keh kar Sameer chup ho gaya.

Pratap:- Kyu itna soch raha hai Ramesh? Ye dar ki vajah se hame uljhaana chaahta hai....

Pratap aage kuch kehne hi wala tha ki Ramesh ne usse bich me hi rok kar kaha.

Ramesh:- Iski baato se nahi lagta ki ye dara hua hai...Paisa aur dosto ki kami nahi hai iske paas...Agar chaahe to aasani se hame hara sakta hai...Ye baat accha kaha iss ne ki dushmani se bada dosti hota hai...Aur kuch baato ko hame ignore bhi karna chaahiye.

Agar dekha jaaye to galti hamaara bhi hai...Badla ki chaahat me hamne bhi kayi galtiyan kiya hai...Baat to sahi hai Sameer ka.

Itna keh kar Ramesh bhi chup ho gaya.

Sameer:- To kya faisla hai?

Ramesh:- Abhi koi faisla nahi liya hai...Acche se soch kar baad me bataaunga.

Sameer:- Ok...Intejaar rahega...Lekin mujhe faisla pata chal gaya hai...Ek aur baat bataana tha...Ek mahine baad mera shaadi hai...Jarur aana...Card jaldi bhejunga.

Sameer ne bahut confidently kaha...Atul ki iss baat se Pratap aur Ramesh dono ko hansi aa gaya.

Pratap:- Confident bahut hai...Yakin nahi hota sach me bhul gaya ye badle ka plan...Sach hi kaha tune chhoti chhoti baaton ko bhul kar dosti karna hi behtar hai.

Ramesh:- Accha hai ki kuch baatein abhi clear ho gaya...Badla lene ka hi sochte to hamaara hi nukshaan tha...Family ki baato ko bahut acche se kaha tune ki ham jo bhi karte hai usse hame hi nahi hamaare family par bhi asar padta hai.

Shaayad pehle hi ye baatein college me hi suljha lete to jyada accha hota...Aaj baat yaha tak nahi pahunchta.

Aaj mehsus ho raha hai isa badle ke chakkar me ham sach me bahut badal gaye the..Badla ke liye na jaane kitne galti kiya aur aage bhi karne wale the.

Sameer:- Abhi bhi sab kuch thik ho gaya yahi bahut hai...Aur rahi baat college ki to shaayad uss vakt ye possible nahi tha.

Uss vakt ham sabhi me ego aur ghamand kuch jyada hi tha...Koi apna galti nahi maanta aur khud ko dusro se accha dikhaane ki koshish karte.

Bahut accha laga ki tum dono samajh hi gaye meri baat.

Ramesh:- Socha nahi tha...Badle ka plan dimaag se iss tarah se niklega...Thanks yaar iss tarah se sochne par majbur karne ke liye.

Abhi mehsus hua ki galti hamaara hi jyada tha aur accha hua ki abhi ehsas hua...Abb ji hua usse badal to nahi sakte...Koshish karunga aage se aisa kuch na ho.

Ham galat insaan nahi the...College me thoda masti aur badle ki chaahat ne bura bana diya...Sorry yaar abhi tak jo kuch bhi hua uske liye.

Sameer:- Sorry mat bolo...Uss vakt mera bhi galti tha...Mera ghamand aur nafrat ki vajah se Priya aur tum dono se relation kharab ho gaya tha...Bas itna koshish karte hai ki aage se aisi galtiyan na ho.

Fir Sameer ka dono se kuch der aise hi baat hota hai...Kuch der baat karne ke baad Sameer ka dono se relation me bahut sudhaar aata hai.

Fir Sameer dono se bidaa le kar apne ghar ki taraf badhta hai.

Sameer :- (In his mind) Ye kaam bhi acche se ho gaya...Accha hua ki abb ye dushmani dushmani nahi raha...Insaan ko kabhi kabhi jhukna bhi sikhna chaahiye...Aaj thoda jhuka to sab kuch thik ho gaya.

Unn dono ke baare me pata karne ke baad pata chala ki koi bhi insaan waisa nahi hota hai jaise ham sochte hai...Acche se jaane ke baad hi ye baatein pata chalta hai...Har insaan me acchaai hota hai aur kuch vajah se hi galat raaste ki taraf chalte hai.

Jaldbaazi se jyada samajhdaari se liya hua faisla behtar hota hai...Aur acche se aur politely baat karte hai to dusri taraf se bhi log waise hi baat karenge...Aaj ye baat bhi sikh liya...Priya aur Papa se kiya hua ek vaada pura kar diya maine.

Vaada kiya tha ki kabhi gusse me faisla nahi lunga aur gusse pe kaabu karunga...Aaj bina gussa ke apna kaam kiya aur kaamyaab bhi raha.

Aise hi baatein sochte hue Sameer apne ghar pahunch jaata hai.

[Story ka next update last update hoga...Aur wo kal post karunga...Chaahta to aaj hi post kar deta lekin ek din intejaar karaane ka majaa lunga. ]

 

[Champ_AK_81]

Friends aaj 2 updates post kiya hai...Aur aakhiri update kal ...Padh kar apna feedbacks jarur dijiye.

 

[kamdev99008]

sahi hai champ bhai....................
story mein bhi aur story se baahar bhi......................
nafrat se nahi.....................pyar se maar rahe ho

kar leinge kal tak intzar

 

[Champ_AK_81]

sahi hai champ bhai....................
story mein bhi aur story se baahar bhi......................
nafrat se nahi.....................pyar se maar rahe ho

kar leinge kal tak intzar

Thanks Kamdev bhai for your support and review...Last update kuch hi der mein...Keep supporting.

 

[kamdev99008]

Thanks Kamdev bhai for your support and review...Last update kuch hi der mein...Keep supporting.

bekarari se intzar hai

 

[Champ_AK_81]

bekarari se intzar hai

Posting.

 

[Champ_AK_81]

Res

 

[Champ_AK_81]

R2

 

[Champ_AK_81]

Posting.