Romance Ek Din Achanak
- Thread starterRavi
- Start date
- 89,393
- Tags
- romantic story
a lot doston
- 705
- 441
- 64
Update 74
Idhar Jay aur Sonali ki jindagi naye naye khel khel rahi thi. Jaise jaise Sonali ki delivery date najdeek aa rahi thi Jay uska jyada dhyaan rakh raha tha. Logon mein un donon ko lekar kayi tarah ki baateuin honi shuru ho gayi thi. Koi is rishte ko najayaj kehta to koi Jay ko jaalsaaz jisne ek akeli daulatmand widhwa ko apne jaal mein fansa rakha hi. Koi dono ki mili bhagat batata ki in don one hi milkar Raj ko marwaya hai aur Sikander ko Jail bhijaya hai to koi dono ke atoot prem ki baatein karte.
Dheere dheere Sonali bhi tang aa gayi thi aisi baatein sunkar. Lekin is samay uski halat aisi nahin thi ki wo akele sab kuch manage kar sake. Ek taraf uska khud ka dil bhi nahin chahta tha ki Jay usse door rahe lekin samaj aur samaj ke taane bhi uski bardasht se bahar the. Wo to aise dharamsankat mein fans gayi thi jaise uske ek taraf kuan ho to doosri taraf khai. Jidhar bhi wo jayegi uski maut nischit hai. Jay ki taraf jayegi to samaj taane de dekar use maar dalega aur samaj ki parwah karti hai to Jay ke bina uski jindagi veeran. Ab Jay hi to tha uska sab kuch.
Dheere dheere dono ek doosre ko samajhne lage the. Jahan pehle unke pyaar mein ek akarshan tha, ek utawalapan tha wahin aaj usme gehraayi thi, samajh thi. Dono ko hi ek doosre ki jarurat thi aur is baat ko dono hi samajhte the lekin kehne se darte the.
Aakhir wo din aa hi gaya jab delivery honi thi. Poora doston ka group wahan maujood tha. Sonali ke maa-baap bhi wahan maujood the. Jay to bas kabhi is doctor ke paas to kabhi us doctor ke paas chakkar kaat raha tha. Saare dost uski khushi dekhkar khush the. Jab Sonali ko labour room meinle jaya gaya to uski aankhen sirf Jay ko hi dekh rahi thi jaise kuch keh rahi hon. Jay to bas un aankhon mein kho gaya aur wahin but ban kar reh gaya. Jab labour room ka darwaja band kar diya gaya to Jay jaise neend se jaga aur turant labour room ke darwaje ke paas pahuncha. Usne andar jaane ki koshish ki lekin use andar nahin jaane diya gaya.
Use to jaise chain hi nahin aa raha tha. Wo kabhi yahan se wahan chakkar maar raha tha to kabhi andar jhaankne ki koshish kar raha tha. Itna baichain to Sonali ke maa-baap bhi nahin the. Doston ne jab use samjhaya to wo thoda shaant huya lekin chinta barabar lagi huyi thi. Koi ek ghante baad andar se bachhe ke rone ki awaaz aayi to sabke chehre par ek khushi ki lehar cha gayi. Jay to jaise pagal ho gaya tha. Usne turant mithai mangwayi aur poore hospital mein bantwa di.
Thodi der baad jab doctor bahar aaye to unhone kisi ek ko andar jaane ki ijajat di. Jay tapak se andar ja pahuncha. Sonali ke maa-baap ne bhi use nahin roka kyunki unhen maloom tha ki dono ek doosre se kitna pyaar karte hain. Jab Jay andar pahuncha to wahan usne dekha Sonali ke chehre par ek alag hi shanty si chayi huyi hai aur uske bagal mein ek sundar sa bacha leta huya hai. Jay us bachhe se aise khelne laga jaise koi bachha apne khilone se khelta hai. Sonali ye dekhkar man hi man mein bahut khush thi.
Ek din ke rest ke baad Sonali ko hospital se chutti mil gayi aur wo apne ghar aa gayi lekin ab to halaat aur bhi bure ho gaye the. Kal tak to sirf in dono ke rishte ke upar ungaliyan uththi thi lekin ab to bacche ko lekar bhi kataksh shuru ho gaye the. Koi kehta ki ye bacha Jay ka hai jise Sonali ne badi chalaki se Raj ka naam dekar paida kiya hai, koi kehta Jay ka bachha janna tha isiliye Raj se shaadi karne ka natak kiya aur peeth peeche Jay se gulcharre udati rahi.
Dono ye sun sunkar pareshan ho gaye the lekin dono mein se kisi ko kuch nahin soojh raha tha. Iska hal Jay ne yahi nikala ki use ab Sonali se shaadi kar leni chahiye. Aur ek din mauka paakar usne Sonali se apne dil ki baat keh bhi di lekin bajaye Sonali ki haami milne ke use apne gaal par ek chanta mila. Jay turant wahan se nikal gaya aur kabhi laut ke wapas na aane ko bol gaya.
Sonali ko to kaato to khoon nahin. Usmein itni himmat nahin thi ki samaj ka saamna kar sake. Samaj ki baat to door wo kaise Sikander ke saamne muh dikhayegi. Wo to yahin sochenge ki beta mar gaya, baap jail mein hai to apne yaar ke saath poori jaydad par maje udao. Unhone aaj tak kisi ke dil ki baat suni hai jo ab sunenge.
Poora din Sonali roti rahi us din aur uske baad to ye silsila jaise chal nikla. Jay ne aana band kar diya tha. Sonali roz use sms bhejti, phone karti lekin kabhi kisi ka koi reply nahin aaya. Sonali ne to ise apni kismat hi maan liya tha. Isi tarah kai din beet gaye.
To be continued....
Mayaviguru
Active Member
- 1,090
- 2,483
- 159
Guffy
Well-Known Member
- 2,065
- 2,173
- 159
Mill gayi kaleje ko thandak ho gaya sukoon tujhe alag kar diya do pyar karne walo ko
Waiting next
- 705
- 441
- 64
Update 75
Ek din Sonali Sikander se milne jail mein gayi jahan Sikander use dekhkar chaunk gaya. Hansti khelti ladki aaj ek umardaraj aurat ki tarah lag rahi thi. Dukh aur dard ka bhoj uske chehre se saaf pata chal raha tha. Sikander ne thodi usse baat karne ke baad kaha “Sonali beti, main chahta hoon ki tum phir se shaadi kar lo”
“Kya! Nahin papa aap aisa soch bhi kaise sakte hain ki main doosri shaadi karungi”
“Mujhe pata hai beti ki tumhare jaisi bahu bhagya walon ko milti hai lekin apne bare mein nahin to kam se kam is nanhi si jaan ke bare mein to socho. Kaise tum akele ise sambhal payogi. Kaisi iski dekhbhal kar sakogi. Kya ye yateem kehlaye yahi tum chahti ho”
“Na.. Nahin to” Sonali haklate huye boli.
“Isiliye maine faisla kiya hai ki tumahri doosri shaadi kara dun”
Sonali ke liye to jaise ye khabar kisi bomb vishfot ke barabar thi. Jis cheez se wo door bhag rahi thi aaj uske apne sasur ne use usi dorahe par laakar khada kar diya tha. Kahan Jay ko usne thappad maar kar apni jindagi se isiliye nikaal diya tha taaki uska sasur khus rahe, uske khandaan ki ijjat bani rahe aur kahaan ab uska sasur khud uski shaadi karane ki tayyari kar raha hai.
“Jaisi aap ki marzi papa” Sonali ne bheegi palkon ko upar uthathe huye kaha.
“Are poochogi nahin ki wo kaun hai jisse main tumhari shaadi kara raha hun”
“Kya jaroorat hai papa. Aapne jo socha hoga mere bhale ke liye hi socha hoga”
“Phir bhi. Chalo main hi bata deta hun. Uska naam hai Jay hai. Wahi Jay jo tumse aur tum usse behad pyaar karte ho.”
“Papa!” Sonali ki aankhon se aansu beh rahe the. Uska dil khushi se jhoom raha tha.
“Haan beti tum kya samajhti ho ki main itna nirdayi honga ki tum dono ke pyaar ki bali chada dun. Yaad nahin Raj ne jaate jaate tumhara haath Jay ko sounpa tha. Wo tumse behad pyaar karta hai. Use apna lo beti”
Agar beech mein salakhen na hoti to Sonali kab ki Sikander ke gale se lag kar ro padti lekin abhi to uska sahara ye salakhen hi thi.
Sikander ne use poori baat batayi ki kaise Ravi aur uske dost usse milne aaye the aur kaise Ravi ne use samjhaya tha ki dono ki behtar jindagi ke liye yahi sahi hai ki dono ki shaadi kara di jaye. Sikander ki samajh mein aa gaya aur usne wahin un logon ke jaane ke baad Jay ko apna damaad kabool kar liya kyunki Sonali ab uski bahu nahin ek beti jaisi thi.
Sonali ka rona band ho gaya tha aur hairani ne uski jagah le li thi. Wo ektak Siaknder ko dekh rahi thi.
Sikander ne kaha “maine bail ke liye arzi de di hai. Jaise hi bail hogi main tum dono ki shaadi dhoom dhaam se karunga.”
Dono mein aur bhi baatein hoti lekin itne mein milne ka samay khatam ho gaya aur Sonali ko wapas jaana pada. Lekin aaj uske pair jameen par nahin tik rahe the. Uska dil khushi se jhoom raha tha. Wo to bas ab udkar Jay ke paas pahunch jaana chahti thi lekin aisa hona namumkin tha. Wo pehle seedha jay ke ghar gayi to wahan taala laga huya mila. Phir usne Jay ko phone milaya to phone switch off bata raha tha. Uska dil kisi anhoni ki asanka se joron se dhadakne laga tha.
Wo kisi tarah se ghar pahunchi to andar ka najara dekhte hi chaunk padi. Saare doston ki mandali wahan pehle se maujood thi. In sab tension mein wo apna birthday bhi bhool gayi thi. Aaj uska birthday tha aur sab dost uska birthday celebrate karne aaye the. Aaj wo bahut khus thi kyunki aaj use apne birthday par sabse achha tohfa apne sasur se mila tha jab usne Jay ki shaadi Sonali se karane ki baat ki. Sonali ki aankhon mein khushi ke aansu beh chale. Aaj tak use lagta tha ki duniya mein Jay ke siwa uska koi nahin hai lekin baaki doston ka pyaar aur apnapan dekh kar uska dil bhar aaya.
Itne saare bhai-behan use mil gaye the. Aaj wo bahut khus thi. Diya aur Riya use andar le gayi aur birthday party ke liye tayyar karne lag gayi. Thodi der baad jab Sonali bahar aayi to sab use dekhte reh gaye. Kal tak jiske sharer par widhwa wali safed saari viraajmaan thi aaj uski jagah ek hare rang ki makhmali saari thi. Kal tak jo chehra kisi bhi tarah ke shringaar se vanchit tha aaj us par shringaar ki alag hi chata bikhar rahi thi. Kal tak jo aankhen gham aur udasi se bhojhal thi aaj usme jindagi jeene ka maksad aur uski anubhuti saaf dikhayi deti thi. Kal tak jo chehra dukh aur dard se bahra huya tha aaj us chehre se khushi aur hansi hatne ka naam hi nahin le rahi thi.
Jay ke to hosh hi ud gaye the Sonali ko dekh kar. Itni khubsurat to wo use school ke dino mein bhi nahin lagi thi. Halanki Jawed ne use bataya tha ki Ravi Sikander se baat karke aaya hai ki dono ki shaadi kara di jaaye. Kya pata Siaknder maan jaye.
Ek taraf to Jay ka dil khushi ke mare balliyan uchal raha tha ki ab uski jindagi mein Sonali phir se aane wali hai to wahin doosri taraf ek anjaana dar bhi samaya huya tha ki kahin Sikander ne mana kar diya to Sonali uski baat nahin talegi. Kya hoga aur uski jindagi kya khel dikhayegi kise pata ?
To be continued....
Mayaviguru
Active Member
- 1,090
- 2,483
- 159