If you are trying to reset your account password then don't forget to check spam folder in your mailbox. Also Mark it as "not spam" or you won't be able to click on the link.
Kuch din aise hi guzarne lage.....Rahul sirf padhaayi me aur apne baaki ke kaam me vyast rehne laga.....Bas college time me hi apne dost se baat karta tha....Wo Nisha se badla lene ke liye kuch bhi nahi kar raha tha.....Bas Nisha ka galti dhundh raha tha....Jab tak Nisha koi galti na kare tab tak wo usko nukshaan nahi pahuchana chahta tha....Iss liye wo chup tha....Lekin ye baat Aditya aur Raju se sehan nahi ho raha tha....
Wo dono Rahul se sidha sidha baat bhi nahi kar sakte the.....Agar Rahul ko unn dono par shak ho jaata to pura game ulta ho sakta tha.....Iss liye Aditya ne socha ki abb usse hi kuch karna hoga Rahul ko bhadkaane ke liye.....Aditya aur Raju Rahul se indirectly baat karne lage Nisha ke baare me aur Rahul ko kisi bhi haalat me badla lene ke liye uksaane lage....Lekin Rahul yaa to unn dono ka baat nahi samajhta tha yaa fir kisi tarah se taal deta tha..
Aditya ko ye bhi acche se nahi pataa tha ki Rahul aur Nisha ek dusre se baat bhi karte hai yaa nahi....Rahul aur Nisha ek dusre ke saath kaise behave karte hai ye jaana uske liye bahut jaruri tha....Usne socha ki pehle wo Rahul aur Nisha ka ek dusre ke prati behavior ko notice karega uske baad wo Rahul ko uss tarah se apne jaal me fasayega....Issliye usne Raju ko keh diya Rahul ke flat me jaane ke liye......Aur ye notice karne ke liye ki Rahul aur Nisha kaise react karte hai jab wo dono pass me hote hai....
Unn dono ne Sunday ka din choose kiya.....Raju din bhar Rahul ke saath reh kar uske aur Nisha ki reaction ko notice karne waala tha.....
Next Sunday
Rahul fresh ho kar apne chhai pee raha tha.....Tabhi uske door par knock hota hai....
Rahul jaakar door kholta hai aur kehta hai...
Rahul:- Raju...Tu yaha itni subah ......Koi kaam hai???
Raju:- Nahi yaar.....Kal raat mere mom dad iss town se baahar gaye the....Ghar par abhi koi nahi hai....Bore ho raha tha....Issliye socha ki tere pass aa jaata hu....Time pass bhi ho jaayega..
Rahul bhi force nahi karta hai....Aur idhar udhar ki baat karne lagta hai....Kabhi padhaayi ki baat karte the to kabhi doston ke baare me....To kabhi college ke teachers ke baare me....Raju ko baat karne ka man bilkul bhi nahi tha.....Wo to bas Nisha ke liye aaya tha....Wo Rahul se bas haa ya naa me baat karta hai...
Subah se shaam ho gaya tha.....Lekin wo Nisha ko dekh nahi paaya tha....Wo bahut gussa aur pareshaan ho gaya tha.....Pura din intezaar kiya usne fir bhi Nisha nahi dikhi....Abb uska jaane ka vakt ho gaya tha....Wo apne ghar jaane ke liye nikal gaya aur Rahul bhi usse baahar tak chhodne ke liye baahar nikal gaya....Jab wo dono baahar nikle tab Nisha apne floor se niche utarte huye kahi jaa rahi thi....Nisha ko dekh Raju khush ho jaata hai....Aur Rahul ki taraf dekhta hai....Nisha ko dekh kar Rahul ki aankho me gussa aur nafrat Raju ne notice kar chuka tha....Nisha kuch saaman bhool gayi thi iss liye wo waapas apne floor par chali gayi.....
Nisha ke jaane ke baad Raju kehta hai.....
Raju:- Waah! Kya mast ladki hai yaar....Rahul tune isse abhi tak pataya ya nahi.....Agar mai hota to abhi tak bahut kuch kar chuka hota yaar....
Nisha bhi ye baat sunn leti hai....Usse iss baat se bahut gussa aata hai....Lekin wo puri baat sunna chahti hai ki ye log aage kya kehte hai uss ke baare me.....Taaki usko unn dono ke baare me acche se pata chal sake aur Rahul uske baare me kya kehta hai.....
Jab Rahul ne ye baat sunaa....Tab usko bahut gussa aaya....Rahul Nisha se chahe jitna bhi nafrat karta tha lekin usne Nisha ke baare me galat tarike se kabhi nahi socha tha....Usko pata tha ki ek ladki ke liye uske izzat kya maayne rakhta hai.....Agar wo chahta to bahut pehle hi Nisha ki izzat par haath daal kar apna badla le sakta tha....Lekin usne aisa nahi kiya....Wo to Nisha ko uske tarike se jawaab dena chahta tha....
Jab Rahul ne Raju ke mooh se wo baat suna wo uspar bhadak gaya...
Rahul:- Kya kar chuka hota ??? Bol na ....kya kar chuka hota....Agar dobaara mere saamne aisi baat ki to accha nahi hoga....
Ye baat sun kar Raju aur Nisha dono hairaan ho gaye.....
Raju:- Rahul....Itna gussa kyu ho raha hai yaar.....Mai to majaak kar raha tha..
Rahul:- Mujhe kisi ki izzat ke baare me majaak sunna pasand nahi hai.....Agar tu mera dost nahi hota to tera kya haal karta wo to mujhe bhi nahi pataa....Agli baar aisi baat ki to mujhse buraa koi nahi hoga....
Rahul ne bahut jor se ye baat kaha tha aur kaafi gusse me lag raha tha....
Thodi der baad Raju dhire se kehta hai...
Raju:- Sorry Yaar....Lekin ek baat puchna chahta hu.....Jab maine uske baare me aisa kaha to tu bahut gussa ho gaya.....Kya tu usse pyaar karta hai???
Jab Nisha ne ye baat suna to wo shocked ho gayi lekin wo chup chap baith kar sun rahi thi.....Usse Rahul ka jawaab ka intezaar tha....
Raju ka uss sawaal ne Rahul ka gussa aur bhi badha diya....
Rahul:- Pyaar nahi nafarat karta hu mai usse.....Lekin nafrat ka matlab ye nahi ki uske izzat ke baare me kuch bhi sunu.....Aur kisi ke baare me achha kehne ka matlab pyaar nahi hota hai....
Raju:- Lekin Rahul....Ye wahi ladki hai jisne tera izzat sabke saamne utaara tha....Agar teri jagah mai hota to....
Raju ke baat ko Rahul ne bichh me kat te huye kaha....
Rahul:- To kya karta....Usse badla lene ke liye kisi bhi hadd tak girr jaata ....Bas yahi kar sakta hai tu....Tujh jaise kameene se yahi umeed ki jaa sakti hai.....Mujhe to apne aap par gussa aa raha hai ki tujh jaisa kameena mera dost kaise bana....Jaldi se chala jaa yaha se iss pehle ki mai kuch karu....
Raju ne bhi baat ko bigadte dekh waha se chala jaana hi theek samjha.....Wo thoda sa gussa aur thoda sa hairaan ho kar waha se chala gaya....
Jab Raju waha se chala gaya tab Nisha bhi apne room me chali gayi aur room me jaakar sochne lagi...
Nisha:-(Apne man me) Oh God!!!Rahul ke baare me maine bahut galat socha.....Usse bhi Aditya aur Raju jaisa hi bigda hua ladka samjha aur usse itna pareshaan kiya.....Shaayad usko Aditya aur Raju ki asli chehra ke baare me pataa nahi hai.....Rahul ne mujhse bahut baar kaha tha ki uss din usne mujhe propose bas majaak me kiyaa tha lekin mane usski baat nahi maani.....Aur usse itana pareshaan kiya ki wo abb mujh se nafrat karta hai....Abb achhe mauka dekh kar usko sorry bol dungi.....Aur jald hi Aditya aur Raju ki asli chehra Rahul ko dikhana hoga.....
Nisha Rahul se maafi maangne ka soch rahi thi lekin iss baat se puri tarah anjaan thi ki Rahul bas ek mauke ka intejaar me tha usse badla lene ka.
Jab dusra din Raju college pahunch kar Aditya ko kal ka ghatna batata hai tab Aditya uss par bhaadak jaata hai.....
Aditya:- Ye kya kiya tune???Maine bas tujhe unn dono ke reactions dekhne ke liye bheja tha....Lekin tune to saara plan bigaad diya....Hame Rahul ka dil aur dimaag me Nisha ke khilaaf nafrat bharna hai lekin kal usne Nisha ka side liya....Abb mujhe ye plan flop hota dikh raha hai....
Raju:- Sorry yaar....Maine Rahul ki aankho me Nisha ke liye nafrat dekha tha.....Iss liye socha ki loha garam hai hathoda maar deta hu....Aur usse behkaane ki koshish kiya..
Aditya:- To kya wo behak gaya....Koi bhi cheez soch samajh kar karna chahiye.....Tujhe to hamesha jaldbaazi rehti hai.....Tune Kabhi Rahul ko dekha hai ladkiyo ke baare me baat karte huye???Tu jaanta hai naa wo ladki ke baare me koi baat nahi karta hai.....Aur kisi ke baare me galat nahi sun sakta....To tujhe kya jarurat thi apne dimaag chalane ki???
Raju:- Sorry yaar.....Galti ho gayi....
Aditya:- Abb jo hua wo bhul jaa....Aur soch abb kya karna hai....Rahul tujh pe bahut gussa hai....Abb fir se usse samjhaana hoga.....Abb mujhe nahi lagta ki hamaara ye plan kaam karega....
Raju:- To abb kya karna hai???
Aditya:- Rahul Nisha ke baare me koi bhi baat nahi sunna chahta hai.....Chahe wo achhi ho yaa buri.....Iss tarah se ham Rahul ko Nisha ke khilaaf kabhi nahi bhadka paayenge....Abb hame Nisha se direct badla lena hoga aur baad me Rahul se.....
Raju:- Agar yahi karna tha to pehle hi kar lete......Itna wait kiya fir bhi koi faaidaa nahi...
Aditya:-Abb kya kare.....Koshish to kiya hi tha ki Rahul ko ham apne control me rakhenge....Doshti kaa naatak bhi kiya.....Lekin usne to jaise kasam khaa liya hai ki koi bhi galat kaam nahi karega....Usne hamaare koi bhi galat kaam me saath nahi diya....Bas ek hi faaidaa hua ....Rahul ki nature ke baare me pata chal gaya....Abb uss se badla lene me kaam aayega....
Raju:- Bas ek cheez ka dhyaan rakhna hoga.....Ham Rahul ko Nisha ke khilaaf bhadkaa to nahi paaye lekin hame unn dono ko kareeb aane nahi dena hai....Rahul ko Nisha se dur rakhna hai.....Jab Nisha se badlaa puraa hoga tab ham Rahul se bhi badlaa le lenge....
Aditya:- Ha agar Rahul aur Nisha ki nazdeeki badhi to hamaare liye mushkilein aur badh jaayega....
Raju:- Waise hame Nisha se kaise badlaa lena hai???
Aditya:- Uska murder kar denge.
Raju:- (Hairaan ho kar) Kya baat kar raha hai.....Murder ...Wo bhi itna chhoti baat ke liye....Tera dimaag to thik hai....
Aditya:- Haa....Usne jo kiya uska sazaaa yahi hai.....Ye koi chhoti baat nahi hai....Usne mujhse pangaa liya hai...Aur jo bhi kiya hai uska koi maafi nahi hai mere paas...Aur mujhe sabse easy kaam yahi lag raha hai ki uska murder kar du.....Jab wo akeli milegi tab kidnap karke bahut dur le jaaunga....Aur usko maar dunga.....Koi saboot nahi chhodunga aur kisi ko ham par shak bhi nahi hoga...Agar ho bhi gaya to contacts kia din kaam aayenge.
Alag hi nafrat dikh raha tha Aditya ki aankh mein...Uska asthir ungliyan bhi bata raha tha ki wo kitna besabra ho raha hai iss murder ko anjaam dene ke liye.
Raju:- Mai iss kaam me tera koi saath nahi dunga.....Agar fas gaya to jindagi bhar jail me sadna hoga....
Aditya:- Tujh jaisa darpok ka saath maanga hi kisne hai???Mai khud kar lunga ye kaam....
Raju:-Aur Rahul ko kya sazaa dega....
Aditya:- Rahul ko mai nahi Vijay bhai Sazaa denge....Rahul Vijay ka dushman hai hamaara nahi.....Lekin agar Nisha ka saath dene lag gaya to hamaara bhi ban jaayega.....
Raju:- Chal thik hai....Abb bas yahi chahta hu ki jald se jald hamaara kaam ho jaaye .....
MEDICAL COLLEGE
College khattam ho gaya hai....Sab students apne ghar jaa rahe hai....Raj bhi apne doston ke saath baat karte huye apne hostel ki taraf jaa raha hai....Tabhi usse ek jagah par ek ladki akeli khada dikhti hai....Wo apne doston se kuch kaam hai keh kar uss ladki ki taraf chala jaata hai.....
Raj uss ladki tak pahunch kar.....
Raj:- Tumhaara naam Riya hai na???
Ladki:- Haa.....Lekin tum kaise jaante ho....Aur yaha kyu aaye ho????
Raj:- Maine tumhe uss din Rahul ke flat me dekha tha.....Wahi Nisha se tumhaaara naam bhi sun liya tha....
Riya:- To yaha kyu aaye ho????Jaao apna kaam karo aur mujhe pareshaan mat karo...
Raj:- Tumhe kuch pareshaan dekha iss liye pucchne chala aaya....Koi pareshaani hai kya tumhe???
Riya:- (Gusse me) Tum he samajh nahi aata hai kya???Mai tumhe jaane ko keh rahi hu aur tum yaha mera dimaag khaa rahe ho....
Raj:- Achha jaa raha hu....Socha tumhe koi problem hoga.....Iss liye pucche aaya....Lekin aaj kal to bhalaayi ka jamaana hi nahi hai.....
Itna keh kar Raj waha se chalaa jaata hai.....Usse wo ladki par gussa aa raha tha aur uski harkat kuch ajeeb sa lag raha tha.....Ek baar picche mud kar dekhta hai....Wo ladki Raj ko hi dekh rahi thi.....Uski aankho me gussa tha....Wo dekh kar Raj ko kuch samajh nahi aata hai....Raj kuchh sochte hue apne hostel ki taraf chala jaata hai..
Raj ko Riya ki harkat bahut ajeeb lag raha tha....Wo apne man me soch raha tha...
Raj:- (Apne man me)Bahut ajeeb ladki hai yaar....Usse akela pareshaan dekha to uska help karne gaya....Lekin bhalaayi ka to zamaana hi nahi raha.....Mujh par hi bhadak gayi jaise maine koi galti kar diya hai....
Yehi sab sochte huye Raj apne hostel room me pahunch jaata hai.....Tabhi uska dost Suresh uska chehra dekh kar usse kehta hai...
Suresh:- Kya hua yaar....Tu to Riya se milne gaya tha.....Fir tera chehra itna serious kaise ho gaya...Kya soch raha hai???
Raj:- mai soch raha hu ki wo bahut hi ajeeb ladki hai....Uska madad karne gaya tha lekin wo to mujh par hi bhadak gayi aur bina kuch bataye mujhe waha se jaane ko bol diya....Tu uss ladki ka naam kaise jaanta hai???
Suresh:- Shaayad tu hi ham sab se alag hai iss college me....Jo kabhi kisi ladki ke saath baat nahi karta...Mai to iss college me sabhi students ko jaanta hu.....Sab se friendship hai meri...
Raj:- Mai bhi to sab boys ko jaanta hu....Sab se friend ship hai....Bas ladki se problem hai....Iss liye unn sab se dur rehta hu....
Suresh:- Mujhe tuch me gadbad lag raha hai....Ladki se problem hai tujhe....Ha ha ha
Suresh jor se hans deta hai....Lekin Raj ko bahut gussa aa jaata hai....
Raj:- Tera matlab kya hai....Kya kehna chaahta hai??? Ladkiyon se dur rehne ka ek vajah hai jo mai tujh se share nahi karna chahta.....
Raj ko apne saath hua bewafaayi yaad aa jaata hai.....Bas yehi vajah tha uss ka ladkiyon se dur rehne ka....Usse uss ghatna ke baad yahi lag raha tha ki ladki bewafaa hoti hai....Apne faaidaa ke liye dusron ko dhokha deti hai....Iss liye uss ghatna ke baad usne koi bhi ladki ko apna dost tak nahi banaya tha aur naahi unse baat karta tha.
Raj ka gussa dekh kar Suresh ko abb aur majaak karna sahi nahi lagaa....
Suresh:- Sorry yaar....Mai to majaak kar raha tha....Agar tu mujhse share nahi karna chahta to koi baat nahi...Mai force nahi karunga....Aur haa tuje ek baat bataa deta hu ..... Ye Riya acchi ladki nahi hai....Iska college me kisi ke saath achha relation nahi hai....Siwaa apne kuchh dost ke .... Iske baap ke pass bahut paisaa hai....Aur wahi paise kaa ghamand hai iske pass....Hamesha dusro ko nichaa dikhaane ka koshish karti hai....Sabhi students Riya aur uske doston se dur hi rehte hai....Tu bhi koi pangaa mat lena usse...
Suresh ka baat sun kar Raj kuch der Riya ke baare me sochne lagta hai.....
Raj:- (Apne man me) Jitna socha tha usse bhi ajeeb ladki hai ye....Shaayad apne parents ke paison ka ghamand hoga....Lekin aaj usne mere saath aisa behave kyu kiya....
Raj bas yahi sawaal ka jawaab dhundhne ki koshish karta hai....Kuch der tak sochne ke baad bhi jawaab nahi milta to fir se sochne lagta hai....
Raj:- (Apne man me) Kya fark padta hai....Wo jaise chahe waise behave kare....Mujhe koi matlab nahi....Aakhir wo lagti kya hai meri???Kuch nahi....Abb aaj se uske baare me sochna band kar deta hu....
Yahi sab soch kar Raj soo jaata hai .....
Next Day
Raj subah uth kar fresh ho kar Suresh ke saath college jaata hai....Tab main gate se andar jaate hi saamne Riya aur uske dost mil jaate hai...
Riya ke saath 1 ladka aur 2 ladki thi....Wo sab uska dost the....Yaa fir Riya ke paisaa ka dost.....Unhone Riya ke paisa me aish karne ke liye dosti kiya tha....
Jab Riya ki najar Raj par padta hai tab wo usse kehti hai....
Riya:- Ae ladke.....Idhar aa
Raj ko Riya ka bulaane ka tarika bilkul bhi pasand nahi aata hai....Iss liye wo uske pass nahi jaata hai...
Raj ko naa aata dekh Riya ko bahut gussa aata hai.....Wo khud Raj ke pass jaakar gusse me kehti hai....
Riya:- Sun ladke.....Tu apna attitude jaake kisi aur ko dikhaana ....Mere saamne nahi.....Ek to kal tune mujhe pareshaan kiya aur abb jab mai tujhe bulaa raha hu to apna attitude dikha raha hai....
Raj ka gussa abb control se baahar ho gaya tha.....Wo jaldi gussa nahi hota hai lekin koi usa beizzati aise kare wo usse bardasht nahi...Gusse me wo bhi jor se bola....
Raj:- Sabse pehle tameez se baat karo.....Aur maine tumhe kal kab pareshaan kiya....Mai to tumhaara help karne gaya tha....Aur attitude ki baat kar rahi ho.....To suno ye mera attitude hai ....Tum jaisi bigri hui ladki ke kehne se mai nahi change karne waala.....Jo ukharna hai ukaar lo
Raj ka baat sun kar Riya shocked ho jaati hai.....Usse Raj ka iss tarah se jawaab milega iski ummid nahi thi....Raj ka gussa dekh Suresh usse chup rehne ko bolta hai tabhi Riya ke saath jo ladka tha wo kehta hai...
Ladka:- Oye sun....Tujhe nahi pataa tu kisse baat kar raha hai.....Riya se hamesha dheemi aawaj me baat karna uncchi awaaj me nahi....Samjha....Tera pehli galti hai iss liye maaf kar diya...
Uss ladka ka baat kaat te huye Raj kehta hai.....
Raj:- Acche se jaanta hu....mai kisse baat kar raha hu....Mai ek bigri huyi ghamandi ladki se baat kar raha hu....Aur tu uska chamcha.....Mai uncchi awaaj me hi baat karunga.....Jo karna hai kar le....
Itna keh kar Raj chup ho jaata hai....Wo ladka bhi style me Raj ke taraf jaa kar Raj ko ek thappad maar deta hai....
Waha maujood sabhi shocked ho jaate hai.....Raj ko to bilkul bhi bishwaash nahi hua.....Usne bina kuch soche samjhe ek jordaar punch uss ladke ke face me maar deta hai.....
Punch itna jordaar tha ki wo ladka ke naak aur honth se khoon behne lagta hai aur dard se cheekhta hai......Aaj Raj lucky tha kyuki wo aaj jaldi hi college aa gaya tha....College me abhi bas Riya aur uski dost aur Raj and Suresh hi the.....Aaspass koi bhi college staff nahi the....Iss liye kisi ko uss Ladka ka cheekh sunaayi nahi deta....
Raj ka gussa abb bahu t badh gaya tha....Wo ek baar Riya ki aankho me dekhta hai....Riya ki aankho me gussa najar aa raha tha.....Wo iss baat ko ignore karte huye waha se chala jaata hai....Suresh bhi uske pichhe pichhe chal deta hai....
Raj jaate hue soch raha tha "Bahut hi ajeeb ladki hai Riya aur Nisha....Ek baar inn dono se baat kya kar liya....Haath dho kar picche pad jaati hai.....Dono dost bahut ajeeb hai...Nisha Rahul ko pareshaan kar rahi hai aur ye Riya mujhe..."
College khulne me abhi kuch vakt tha...Issi liye Raj canteenki taraf jaata hai....Suresh bhi uske piche piche canteen pahunchta hai....Wo Raj ka gussa dekh kar hairaan tha....Usne kabhi bhi Raj ko gussa hote hue nahi dekha tha....Raj apne dost ke saath hamesha hans hans kar baat karta tha....Agar kabhi pareshaan hota tha to chup chap rehta lekin doston ke saamne apna gussa kabhi jaahir nahi karta tha...
Lekin aaj kuch alag baat thi....Suresh canteen pahunch kar dekhta hai ki Raj ek table par baitha tha.....Chehra bahut gusse me tha....Suresh bina kuch bole uske pass baith jaata hai.....Kuch der baad wo Raj se kehta hai....
Suresh:- Raj aaj tak maine tujhe kabhi gussa hote huye nahi dekha hai....Haalat jaise bhi ho tu hamesha soch samajhkar faislaa leta tha....Lekin aaj pehli baar pataa chala ki tu gussa bhi hota hai....
Raj ka gussa abb bahut kam ho gaya tha....Wo Suresh ki baat ka normally jawaab deta hai....
Raj:- Dekh yaar....Gussa sabhi ko aata hai....Koi uspe control nahi rakh paata hai to koi control kar leta hai...Mai jyaada gussa nahi hota hu....Lekin izzat bhi koi cheez hai....Jab maine koi galti nahi kiya aur koi ladki aake sabke saamne mera beizzat kare ye mujhe pasand nahi hai....Agar koi beizzati kare aur insaan apna gussa control kar ke sunta reh jaaye to uss insaan se bada darpok koi nahi hai....
Suresh:- Tune gusse me Riya ko to jawaab de diya....Lekin jitna mai Riya ko jaanta hu....Wo isse nahi bhulegi....Wo tujhe pareshaan karne ka koi maukaa nahi chhodegi....
Raj:- To mai darta hu kya usse....Agar pareshaan karne ki koshish ki to mai bhi jawaab achhe se dunga jaise aaj diya tha.....Dekh bhai mai kisi ko pareshaan nahi karta hu.....Hamesha dushron ko madad karne ka koshish karta hu....Kisi ke baare me galat nahi sochta hu....Kisi ko dominate nahi karta ....Agar koi mujhe dominate kare to usko chhodta nahi hu....Waise ek baat bata ye ladki kaunsi year me hai....Mujhe to nahi lagta ki ye hamaari batch ki yaa fir senior hai..
Suresh:- 1 year junior hai....Lekin ye sab kyu puchh raha hai???
Raj:- Junior hoke mera hi ragging lene ki koshish kar rahi thi....Chal ab class chalte hai....Ab lecture ka time shuru hone wala hai....Waise bhi aisi ladki ke baare me soch kar mai apna time waste kyu karu....Aise faltu log life me bahut milenge...Hame to bas apne kaam se matlab rakhna hai....
Ye keh kar Raj apne class ki taraf jaane lagta hai....Saath me Suresh bhi chalta hai.....
Ussi din Raat ko Rahul apne room se baahar nikal kar uss building ke baahar ek garden me baitha hua tha....Raat me thandi hawaa ka majaa lekar upar aasmaan ki taraf dekh raha tha....Wo aasmaan ki taraf dekh kar muskuraate hue kuch soch raha tha....Bahut din ke baad uske chehre pe muskurahat tha....Waise iss muskuraahat ka kuch khaas vajah nahi tha.....Lekin Rahul aaj khud ko bahut lambe vakt ke baad relaxed feel kar raha tha....Wo abhi aasman ki taraf dekh kar abhi tak uske jindagi ke bhut, vartmaan aur bhavisiyat kaal ke baare me soch raha tha....
Jab Nisha apne room ke window se baahar ki taraf dekhti hai tab wo Rahul ko aise khus dekh kar wo bhi khush ho jaati hai....usne socha ki isse accha mauka milna bahut mushkil hai....Wo aaj abhi jaakar Rahul ko apni galti ki maafi maangegi.....Rahul ka khush chehra dekh usse yakin tha ki Rahul aaj usse maaf kar dega....Maafi to wo bahut pehle maangna chahti thi lekin jab bhi wo Rahul ke saamne jaati Rahul ka chehre me hamesha gussa yaa fir kuch gambheerta dekh kar wo kuch keh nahi paati thi.
Aaj bahut din ke baad usko maukaa milaaa tha....Wo iss mauke ko khona nahi chahti thi....Wo jaldi se niche garden me jaati hai jaha Rahul baitha tha.....
Nisha ki chalne ki aawaaj se Rahul ka dhyaan hat jaata hai aur wo Nisha ki taraf dekhta hai....Nisha ko dekhne se phir se uske chehre pe gussa aa jaata hai....Wo Jald hi apni najar Nisha ke chehre se hataa kar apna mobile me laga deta hai.....
Rahul ka Nisha ko ignore karna aur usko dekh kar gussa hona Nisha ko bahut bura lagta hai.....Wo picche mud kar jaane lagti hai lekin sochti hai ki aaj wo maafi maang kar hi rahegi....Uske baad Nisha Rahul ke side me aa kar khadi ho jaati hai...
Rahul bhi kuch nahi kehta hai....Wo Nisha ko ignore kar raha tha....Nisha ko thoda gussa aata hai....Lekin apne gussa ko control karke aur thoda himmat jutaa kar kehti hai....
Nisha:- Rahul mujhe tumse kuch kehna hai...
Rahul:-(Gusse me) Mujhe pata hai tum kya kehne aaye ho.....Tum yahi kehna chahti ho naa ki mai bigra hua ladka hu, awaara hu.....Kisi se baat karne ka tameez nahi hai.....Agar ye sab kehna chahti ho to mat kehna ....Mujhe apna buraayi sunna pasand nahi....
Nisha ko Rahul ki ye baat bilkul achha nahi lagta....Wo bhi gusse me kehti hai....
Nisha:- Ek baat bataao....Tum hamesha aise hi gusse me kyu rehte ho....Kabhi kissi se acche se baat nahi kar sakte kya....Mai tumhe kuch aur hi kehne aaye thi lekin tumne to mere baare me pehle se hi soch rakha hai ki mai kya kahungi.....
Nisha ne ye baat gussa me kahaa tha....Abb to Rahul ka gussa aur bhi badh gaya tha....Wo bhi gusse me jawaab deta hai....
Rahul:- Mujhe kuch kehne ki jaroorat nahi hai...Mujhe tumse koi baat nahi karni hai....Ek baat bataao tumhaara problem kya hai....Mai uss galti ke liye tumse bahut baar maafi maang chuka hu aur aaj bhi maangta hu....Please abb to mujhe jeene do....Kyu pareshaan karti rehti ho....Abhi mai bahut din ke baad khush ho kar yaha garden me baitha tha...Lekin tumne aaj phir se mera mood off kar diya....Tum yaha se jaaogi yaa fir mai chala jaao.....
Nisha ko Rahul ka ye baat bahut hi buri lagti hai....Uske aankhon me thoda aansoon bhi aa jaata hai....
Nisha:- Thik hai....Mai chali jaati hoon....Tum aaj se befikar rehna...Tumhe mai kabhi pareshaan karungi aur baat bhi nahi karungi....Aur tum bhi mujh se baat mat karna....
Itna keh kar Nisha waha se chali jaati hai......Rahul bhi hairaan ho kar usko jaate hue dekh raha tha....Usko bahut ajeeb lag raha tha Nisha ki aankhon me aansoon aur uska baat karne ka tarika...Abb usko apna galti mehsoos hota hai...
Rahul:- (apne man me) Abb isse kya hua...Iski aankhon me aansoon....Aur baat karne ka tarika kaise badal gaya....Shaayad maine hi kuchh jyaada keh diya....Ek baar sun lena chahiye tha wo kya kehna chahti hai.....Abhi jaakar maafi maangta hoon aur uski baat bhi sunna padega....Shaayad kuch important baat ho....
Itna keh kar Rahul bhi Nisha ke piche piche chalaa jaata hai apne flat ki taraf.
Rahul bhi Nisha ke piche piche jaldi se jaata hai.....Usko Nisha ko apne floor tak pahunchne se pehle hi rokna tha....Agar Nisha khud ke flat par pahunch jaati to Rahul ko bahut der intezaar karna padta...Kyu ki wo Nisha ke flat pe jaa nahi sakta tha....Issliye intezaar ke siwaa kuch nahi kar sakta....Wo chilla chilla kar Nisha ko rokne ka koshish kar raha tha....
Rahul:- Nisha....Please ruko....Sorry maine kuch jyaada hi bol diya....Please jo baat kehna hai jaldi se batao....
Lekin Nisha nahi rukti hai....Wo jaldi se apne flat ki taraf jaa rahi thi....
Abb to Rahul ko bas ek hi tarika tha Nisha ko rokne ka.....Rahul apni full speed me daud kar Nisha ko apne floor par hi Nisha ka haath pakad kar rok leta hai....
Rahul:- Abb bataao kya baat hai???Kuch important baat hai kya???Aur tum aise ro kyu rahi ho....Mai kuch jyaada bol gaya kya???
Rahul Nisha ka kehne ke baad hi uska haath chhod deta hai.....Aur kehta hai....
Rahul:- Bas tumhe rokne ke liye pakda tha.....Agar buraa laga ho to sorry....Lekin tumhe kya baat kehna hai.....Jaldi bataao...
Nisha:- Kyu....Abb kya ho gaya ???Tab to keh rahe the ki tumhe koi baat nahi sunna hai....
Rahul:- Are yaar.....Tab mai gusse me tha....Baat karne me man nahi tha....Iss liye keh diya....Abb tumhaara reaction dekh kar lag raha hai ki important baat hai....Please bataao...
Nisha:- Jhuth....Jhuth bol rahe ho tum....Maine dekha tha tumhaare chehre pe aaj khushi tha....Iss liye tumse baat karne gayi thi....Lekin tum to har baar mujhe dekh kar gussa ho jaate ho...
Rahul:- (Serious ho kar) Ha baat to tumne sahi kaha....Tumhe dekh kar mujhe na chahte hue bhi gussa aur nafrat aa jaata hai....Tumne aaj tak mujhe jitni baar pareshaan kiya hai wo saari baat yaad aa jaata hai.....Khas kar wo thapppad baali baat....Lekin ye baat sab chhodo aur please bataao ki kya baat kehna chahti ho....
Nisha Rahul ka ye baat sun kar dukhi ho jaati hai....Uske aanko me na chahte hue bhi aansoo aa jaate hai.....Wo rote hue kehne lagti hai....
Nisha:- (Rote hue) Mai tumse maafi maangne aayi thi.....Mujhe ek misunderstanding ho gayi thi.....Mai tumhe ek galat ladka samajhta tha.....Iss liye tumhe pareshaan kar rahi thi.....Abb mujhe baat samajh aa gaya hai....Mujhe apne galti ka ehsaas hai....Iss liye maafi maangne aayi thi....Lekin tumne to mere baare me pehle se hi soch rakha hai ki mai tumhe kya kehne aayi hu....Aaj pata chal gaya ki tum mujhse kitna nafrat karte ho.....I think i deserve it....Agar ho sake to mujhe maanf kar dena....Abb aage se tumhe koi pareshaan nahi karungi....
Itna keh kar Nisha jor se rone lagti hai....Rahul Nisha ke iss behavior se hairaan tha....Rahul ne kabhi socha nahi tha ki Nisha itna emotional ho sakti hai.....Rahul chahe Nisha se jitna bhi nafrat kare lekin usko iss tarah se rota hua nahi dekh paa raha tha....Usne Nisha ko upar uthaya aur kuch sochne laga....
Rahul:-(Apne man me) To Nisha ko shaayad kuch misunderstaanding hua tha iss liye mujhe pareshaan kar rahi thi....Mai to iss se badla lene ka soch raha tha....Nahi nahi mai Nisha se badla nahi lunga....Ye apni galti maan rahi hai aur maafi bhi maang rahi hai....Ye bahut hi emotional ladki lagti hai....Misunderstanding aur galti to sabhi se hota hai...Lekin isko kaisa misunderstanding hua....
Rahul:- Nisha....Please rona band karo.....Aur ye bataao ki tumhe kaisa misunderstanding hua hai....
Nisha Rahul ke iss baat ko sun kar soch me pad jaati hai ki Rahul ko bataaye ya nahi....Agar batati to usko Aditya ke baare me bhi batana padta aur shaayad Rahul ko yakeen nahi hota....Iss liye usne socha ki abhi ye baat batane ka sahi time nahi hai...Wo baad me bataayegi Rahul ko Aditya ke baare me....
Nisha:- (thoda sisakte hue) Rahul mai tumhe iss baare me baad me bataaungi.....Abhi ye baat bataane ka time nahi hai....Please yakin rakho mujhpar mai jald hi bata dungi tumhe...
Rahul:- Ok....Thik hai.....Agar tumhe nahi batana hai to mat batao....Mai force nahi karunga.....Abb to rona band kar do....Mujhe accha nahi lagta jab mere saamne koi rota hai to...
Rahul ki iss baat pe Nisha thodi si mushkuraati hai aur kehti hai.....
Nisha:- Pehle tum ye bataao ki tumne mujhe maaf kiya ya nahi....
Rahul:- Ha....Maanf kar diya.....Tumne apni galti accept kar liya....Tumhe koi misunderstanding hua tha iss liye tumne ye sab kiya....Chalo koi baat nahi....Aage se mujhe pareshaan mat karna.
Ye sun kar Nisha bahut khush ho jaati hai....Wo bas itna hi keh paati hai...
Nisha:- Thanks Rahul....Tumne mujhe maaf kar diya....Mujhe to laga tha ki tum meri baat samjhoge yaa nahi....
Rahul iss baat ka koi jawaab nahi deta hai....Wo kuch sochne lagta hai aur fir himmat jutaa kar keh deta hai....
Rahul:- Tumne sahi time me mujhe ye sab bataa diya.....Mai to tumse badlaa lene ke baare me soch raha tha....Agar tum mujhse ye sab nahi kehti to mai badla lekar hi rehta...
Nisha iss baat se hairaan ho jaati hai aur kehti hai....
Nisha:- Badlaa....Wo bhi itni si baat ke liye...
Rahul:- Haa badlaa lena chahta tha tumse....Mere liye ye itni si baat nahi thi....Bachpan se hi mai short tempered hu ....Bahut jald gussa aa jaata hai....Tumhaare pareshaani ne mere ego ko hurt kiyaa tha...Apne ego aur gusse ke kaaran mai bas sahi mauke ka intejaar kar raha tha tumse badlaa lene ke liye....Bas tumhaari ek galti ka intejaar tha....Lekin abb fikar mat karo.....Abb mera aisa iraada nahi hai....Tumhe maaf kar diya to abb badle ka khayaal bhi dimaag se hataa diya hai...
Nisha Rahul ke baat ko sun kar shocked thi.....Usse bilkul umeed nahi tha ki Rahul aisa soch sakta hai....
Nisha:- Sorry Rahul.....Mujhe nahi pataa tha ki meri harkat tumhe itna pareshaan kar sakta hai ki tum mujh se badla lene ka sochoge....
Rahul:- Abb sorry kehne ki koi jarurat nahi hai....Maine tumhe pehle hi maaf kar diya hai....Bas ek hi request hai aafe se bina matlab mujhe pareshaan mat karna....Mai apne gusse pe bilkul control nahi kar sakta....
Nisha:- Ok....Mai tumhe abb pareshaan nahi karungi....Rahul kya ham friends ban sakte hai???
Rahul:- No..
Rahul ki iss answer se Nisha shocked ho jaati hai aur uska chehra udaas ho jaata hai.
Nisha:- Kyu...Kya mai tumhaare friend ban ne ke layak nahi hu??? Yaa fir tumne mujhe maaf nahi kiya....
Nisha ne ye baat udaas ho kar kaha....
Rahul:- Nahi....Aisi baat nahi hai....Actually baat ye hai ki mai kisi ko jaldi dost nahi banata hu.....Mai sirf ushi ko apna dost banata hu.....Jis par mai bharosa karta hu.....Iss duniya me bahut se log dhokhebaaz hai....Maine khud dekha hai log apne faaidaa ke liye dusron ko apna pyaar aur doshti ka jaal me fasaata hai aur apna kaam kar lete hai.....Mujhe aise logon se bahut nafrat hai....
Ye kehte hue Rahul ko Priya ka yaad aa jaata hai.....Aur uske dil me jo dard dafan hua tha wo fir se baahar aa gaya....Wo Nisha ke saamne normal rehne ki koshish karta hai....Nisha ko wo abhi Priya ke baare me kuch nahi bataana chahta tha....
Nisha bhi apne man me soch rahi thi....
Nisha:- (Apne man me) Rahul shaayad tum nahi jaante ho....Tum jis tarah ke logon se nafrat karte ho waise hi logon ko anjaane me apna dost banaa chuke ho....Aditya tumse dosti ka naatak kis liye kar raha hai ye to mujhe nahi pataa.....Lekin iss me uskaa faaidaa jarur hoga .....Lekin mai bahut jald Aditya ka sacchaayi tumhaare saamne laaungi....
Itna soch kar wo Rahul ko kehti hai....
Nisha:- To kya tum bhi mujhe unn dhokhebaaz logon jaisa samajh rahe ho???
Nisha kuch aur kehna chahti thi lekin Rahul uski baaton ko bicch me hi kaat kar kehta hai....
Rahul:- Nahi .... Maine aisa kab kaha....Mai tumse kuch vakt maang raha hu....Mai itna jaldi koi bhi decision nahi lena chahta....Pehle bhi mai aisa galti kar chuka hu....Bas kuch time chahiye mujhe tumhe samajhne ke liye....Jab mujhe tum par vishwash ho jaayega tab kar lunga doshti....
Nisha:- Ok Rahul....Tumhe jitna time lena hai le lo.....Lekin tumse ek request hai...
Rahul sochne lagta hai ki abb ye kya request karegi....
Rahul:- Please tum apni baat ko puraa kaho....Bich me hi chhod deti ho....Jab maine suru me puchha ki kyaa baat kehna chahti ho tab tumne bahut der lagakar kaha ki tum mujhse maafi maangna chahti ho....Aur abhi bhi baat ko bicch me hi chhod rahi ho.....Kya request hai jaldi bolo???
Rahul ne ye baat bahut hi jaldbaazi me kaha....Uski kehne ka tarika se Nisha ke chehre me thoda hansi aa gayi....
Nisha:- (Hanste hue) Tumhe har baat me jaldbaazi kyu rehti hai....Mera request ye tha ki jab tak tum mujhe apna friend banaoge tab tak ham dono aapas me baat karte rahenge.....Wo kya hai ki akeli reh kar bore ho jaati hu....
Rahul:- Mai zyaada baat to nahi karta hu....Fir bhi tumse baat kar lunga....
Nisha:- Tum to aise keh rahe ho jaise tum mujh par koi aisaan kar rahe ho....
Rahul:- Mera matlab wo nahi tha...Mai to bas ye kehna chahta tha ki mai tumse baat kar lunga.....
Rahul ne bahut mushkil se ek bahana dhunda ....Lekin usne bahut hi hadbadate hue kaha to Nisha ki hansi aur bhi badh gaya...Wo zor zor se hansne lagi....Saath me Rahul bhi hansne lagta hai....Kuch der baad....
Nisha:- To Rahul abb mai chalti hu....Baad me baat karenge.....
Rahul:- Thik hai...
Iske baad Nisha apne room me chali jaati hai aur Rahul apne room me....Rahul apne bed me baith kar aaj Nisha se hua saari baaton ko sochne lagta hai....Usse khud vishwash nahi ho raha tha jis Nisha se badla lene ke liye wo itne din se tadap raha tha....Aaj usko maaf karke uske saath hans hans kar baat karta hai....
Wo apne man me soch raha tha....
Rahul:- (Apne man me) Sach kaha tha Raj bhaiya ne....Baat karke bhi baat ban sakti hai lekin mai to badla lene ka soch raha tha.....Chalo accha hua sahi time me pata chal gaya ye misunderstanding tha warna mai Nisha se badla lekar bahut galat kar leta....
Ye baat sochne ke baad Rahul ko Raj ka yaad aata hai.....Wo Raj ko phone lagata hai....
Raj:- Hello
Rahul:- Ha bhaiya....Kaise ho aap?
Raj:- Mai to theek hu....Lekin ek baat samajh me nahi aaya....Tu mujhe phone karke mera haal chaal puch raha hai....Aaj tak to kabhi nahi kiya tune aisa....
Rahul:- Wo iss liye...Kyu ki jab bhi mai aapko phone karta tha tab mera mood accha nahi hota tha aur kisi ka haal chaal jaane ka koi shaukh nahi hota tha......Aaj mera mood accha hai iss liye pucch raha hu
Raj:- Accha....To fir aaj kya ho gaya jo tera mood accha hai???
Rahul:- Mera aur Nisha ka dushmani khattam ho gaya .... issliye
Raj:- (Hairaan ho kar)Kya....Kya kaha tune....Tera aur Nisha ka dushmani khattam....Tu to usse badla lene ka zidd pakad chuka tha....Aisa kya ho gaya jo tera aur uska dushmani khattam....
Fir Rahul Raj ko aaj ka saara baat batata hai....
Raj:- To ye baat hai....Attitude to tujhme bahut hai....Wo friendship ke liye pucch rahi thi lekin tune kuchh vakt maang kar mana kar diya jaise wo tujhe propose kar rahi thi....
Rahul:- (Thoda serious hokar) Bhaiya...Ye baat to aap bhi jaante hai ki Priya ne mere saath jo kiya uske baad mai kisi ko jaldi apna dost nahi banata hu....Bas yahi vajah tha....
Raj:- Chal jo hua wo thik hua....Tera akal to thikaane aaya....Gussa me tu bilkul paagal ho gaya tha badla lene ke liye....
Rahul:- Ye sab chhodo aur bataao ki aap kaise ho....Bahut din bhi ho gaya aapse bina baat kiye aur bina mile...
Raj:- Mera life to thik hi chal raha tha....Lekin ek Riya naam ki ladki hai ....Usne mera jeena mushkil kar diya hai....Baar baar pareshaan karti hai...
Rahul Raj ka baat sun kar hansne lagta hai.....
Rahul:- (Hanste hue)Bhaiya....Kya kaha aapne....Ek ladki ne aapko pareshaan kar diya....Ye Riya kaun hai....Mai bhi milna chahta hu jisne aap ko pareshaan kar diya....
Raj:- (Thoda gussa ho kar) Abe hansana band kar....Tu bhul gaya kya jab Nisha bhi tujhe pareshaan karti thi tab to tera chehra gusse se laal ho jaata tha aur tu kuchh nahi kar paata tha.....Ye Riya Nisha wohi ladki hai jo uss din Nisha ke saath aayi thi Rishabh uncle ke saath jab ham match dekh rahe the....Abb bol mujhe kya karna hoga uss ladki se chhutkaara paane ke liye...
Rahul:- Oh! To ye wo Riya hai....Bas mere pass to ek hi idea hai aapko Riya se chhutkaara paane ke liye....
Raj:- Kya?
Rahul:- (Thoda hans kar majaak karte hue) Aap bhi badla le lo....Baat barabar....Mai aapko kuch tips de sakta hu jo maine Nisha ke liye ready kar ke rakha tha....
Ye keh kar Rahul jor se hansne lagta hai.....Raj bhi khush tha kyu ki usne Rahul ko aaj bahut samay baar hanste hue paaya tha.....
Raj:- Band kar apna bakwaas....Mujhe tera koi ghatiya idea nahi chahiye.....Riya se to mai khud hi nipat lunga...
Kuchh der dono hi bhai aise hi baat karte hai....Fir Rahul phone cut kar deta hai aur dinner kar ke sone ke liye bistar par chala jaata hai....Aaj sote hue usko bahut hi sukoon mil raha tha aur kuch der me wo chhain se so jaata hai.
Dusre din jab Rahul utha tab subah ka 5:00 am baj raha tha....Aaj sunday tha to usko jaldi college jaane ka koi tension nahi tha....Aaram se fresh ho kar chhai banane lag gaya....Jab chhai ban gaya to wo chhai peete hue baahar garden ki taraf chala gaya....Garden me pahunchte hi wo hairaan reh gaya....Garden me ek bench par Nisha baithi thi....Nisha Rahul ko dekh kar khus ho gayi.....Ho bhi kyu na bahut der se wait kar rahi thi....Rahul bhi Nisha ke pass chala gaya....
Rahul:- Nisha....Kya baat hai...Aaj tum yaha garden par itna subah subah kya kar rahi ho???Tum to late se aati thi yaha garden par wo bhi kabhi kabhi....Aur jis din aati thi uss din hamara ladayi ho jaati thi....
Nisha ne bhi jhutta gussa dikha kar kaha....
Nisha:- To tum kya chahte ho aaj fir se ladayi kare???
Rahul:- Are nahi nahi....Kal bahut din ke baad ham dono ka jhagada khatam hua hai....Mai to iss liye keh raha tha kyu ki tum late se soo kar uthti ho aur kabhi kabhi garden me aati ho....Aaj tumhe itni jaldi yaha dekh kar surprised ho gaya tha....
Nisha:- Kisne kaha mai late uthti hu....Tum se jaldi uthti hu....Bas garden me nahi aati thi....Mai to subah ka 4:00 am me hi uth jaati hu...
Rahul:- Oh! ye baat hai....Mai to soch raha tha ki tum ek aalsi ladki ho aur 8:00 am se pehle nahi uthti ho....
Nisha:- Kya kaha tumne???
Ye baat Nisha ne jhutta gussa dikhaate hue kaha to Rahul bhi darne ka acting karte hue kehta hai
Rahul:- Nahi kuch bhi nahi....
Fir kuch der dono khamosh rehte hai aur iss khamoshi ko todte hue Nisha ne kaha....
Nisha:- Mai tumhaare baare me galat sochti thi....
Rahul:- Kya???
Nisha:- Mujhe lagta tha ki tum hamesha serious hi rehte ho.....Kisi se koi baat nahi karte ho.....Hamesha akele hi rehte ho....
Rahul:- Tum sahi soch rahi thi......Mai bas kuch hi logon se baat karta hu....Bas apne parents se, doston se aur Raj bhaiya se....Abb tum se bhi thoda bahut karne lag gaya hu....
Nisha:- Ek baat puccha chahti ho.....Tumne kaha tha ki tum dost bahut kam banate ho aur usi ko banate ho jis par tum bharosa karte ho.....To tumhaara kitna dost hai....
Rahul:- 4....Ajay mera best friend hai....12 tak ham saath hi padhe the.....Abb alag ho gaye ....Lekin phone me baat hoti rehti hai.....Aaj uski doshti ko miss kar raha hu....Hamesha mera saath deta tha....Usne mere acche aur bure haalaat me saath diya hai.... Aur mere college me 3 dost hai....Aditya, Rishav aur Arjun....
Nisha ko aascharya hua ki Rahul ne Raju ka naam nahi liya....
Nisha:- Uss din tumhaare saath kaun aaya tha jo shaam me waapas chala gaya tha???
Rahul ko Nisha ke baat sunkar gussa aa gaya lekin ye gussa Nisha ke liye nahi tha...
Rahul:- Wo Raju tha....Wo kameena mera dost tha pehle....Lekin uss din uss kameene ke baare me acche se pata chal gaya....Bas uss din se usse doshti tod liya maine....
Nisha ne jaise hi ye suna....Wo bahut khus ho gayi....Wo abb Rahul ke mooh se Aditya ke baare me bhi kuch sunna chahti thi taaki usko Aditya ka asli chehra Rahul ke saamne laane me aasaani ho.....
Nisha:- Tumne to Ajay ke baare me keh diya....Lekin baaki 3 ke baare me to bataya hi nahi???
Rahul:- Unke baare me kuch khaas nahi hai bataane ke liye....Rishabh aur Arjun se to normal baat cheet hoti rehti hai....Wo dono accha ladka hai....Inn dono ne mujhe college me adjust karne me bahut help kiya hai....Sabhi ke saath friendly rehte hai...Aditya bhi accha ladka hi hai usne bhi mera bahut help kiya hai....lekin picchle kuch din se dekh raha hu wo mere kareeb aana chah raha hai....Kabhi kabhi to lagta hai ki wo mera faaidaa uthaane ke liye mujhse doshti kar raha hai.....Agar ye sach nikla to chhodunga nahi usse....Lekin dost hai mera to vishwash hai uss par....
Rahul ne bas itna kaha tha ki usko kuchh yaad aaya....Usne Nisha se achanak hi pucch diya...
Ek baat tumse pucchna chahta hu???
Rahul ke aise achhanak pucchne se Nisha hairaan ho jaati hai....
Nisha:- Kya baat hai???
Rahul:- Kya tum Aditya ko jaanti ho???
Rahul ke iss sawaal se Nisha shocked ho gayi.....Wo soch rahi thi ki kya jawaab de...
Nisha:- Nahi...Nahi to.....Mai usko kaise janungi....Maine to dekha tak nahi hai usko.....
Nisha ne ye baat haklate hue kaha.....Lekin Rahul ne dhyaan nahi diya aur kaha....
Rahul:- To ek baat samajh me nahi aaya....Jab mai tumse badla lene ka soch raha tha tab wo mujhe baar baar kyu uksha raha tha .....Baar baar badla lene ko kehta aur samjhaate rehta...Uske baat karne ka tarika se to yahi lag raha tha ki wo tumhe pehle se hi jaanta hai aur uska tumse koi dushmani ho pehle se....
Rahul ki iss baat ne Nisha ko aur bhi soch me daal diya....Wo ek bahana bana kar waha se jaane ka sochne lagi....
Nisha:- Rahul ....Mai apna mobile room me chhod kar aa gayi....Shaayad kisi ka call aaya ho...Dekh kar aati hu....
Itna keh kar Nisha apne room ki taraf jaane lagi aur raashte me sochne lagi....
Nisha:- (apne man me) Oh god! Kahi Aditya ne mujhe pehchaan to nahi liya....Rahul ka kehne ka tarika se to yahi lagta hai ki wo mujhe jaanta hai aur mujhse badlaa lena chahta hai....Shaayad wo Rahul ko apna mohra bana kar mujhse badla lene walaa hai....Abb mujhe aur bhi jyaada saawdhan rehna hoga.....Jald se jald Aditya ka sachayi Rahul ke saamne laana hoga.
Nisha yahi sab baato ko sochte hue apni room me chali gayi....Rahul bhi kuch der tak waha garden par kuch sochte hue baitha raha....Kuch der baad wo bhi apne room me chala gaya.....Wo apne room me jaakar baith gaya....Lekin uske dimaag shaant nahi tha.....Wo Aditya ke baare me soch raha tha....Jitna wo Aditya ko jaanta tha uss hisaab se Aditya thoda khudgarz type ka aadmi tha.....Wo agar kisi se kisi cheez me jor dekar baat karta to us cheez me Aditya ka faaidaa jarur hota tha..... Ye sab baate Rahul ke dimaag me aate hi usko Aditya par shak hone laga....
Rahul:- (Apne man me) Mujhe to Aditya par shak ho raha hai.....Agar wo Nisha ko nahi jaanta to kyu mujhe baar baar Nisha ke khilaf bhadka raha hai....Baar baar badla lene ke liye yaad dilaata rehta hai....Jarur iske picche uska koi faaidaa hai...Jab bhi wo Nisha ke baare me mujhse baat karta hai uske aawaaz me ek nafrat hota hai.....Wo Raju ka dost bhi hai...Raju to ek dum kameena hai to shaayad uska sangat me Aditya bhi shaayad bigda hua ladka hi hai....Mujhe to kuch gadbad lag raha hai....Mujhe Aditya se nazdeeki badha kar pataa lagana hi hoga ki kyu wo mujhe Nisha se badla lene ke liye itna force kar raha hai????
Rahul ye sab soch hi raha tha ki uske mobile me kisi ka phone aata hai.....Jab screen me dekhta hai to wo Aditya ka call tha.....Wo thoda hairaan ho jaata hai ki aaj sunday itni subah Aditya ne usko call kyu kiya....Rahul kuch sochte hue call utha leta hai....
Aditya:- Hello Rahul....Uth gaya kya???
Rahul:- Ha uth gaya hu....Bol kya kaam hai...
Aditya:- Rahul aaj sunday hai to ham logo ne socha ki bahut din ho gaya cricket khele huye.....To aaj khelte hai....Aaja ground pe....
Cricket to Rahul ka favourite game tha....Rahul kabhi bhi cricket khelne ka mauka nahi chhodta tha....Lekin aaj uska mood nahi tha....Aaj Aditya ke baare me soch kar uska sar(head) bhaari ho gaya tha....Wo kuch bahana banane laga....
Rahul:- Ham log matlab???
Aditya:- Mai, Rishav, Raju aur Arjun....Ham 5 log hi khelenge....Chal tu bhi aaja jaldi se....
Rahul:- Nahi yaar...Semester exam bahut nazdeek hai....Abb hame nahi khelna chahiye....Sirf padhaayi pe dhyaan dena chahiye....
Aditya:- Bakwas mat kar....Abhi bhi 2 months baaki hai exams ke....Bahut time hai padhne ke liye....Chal jaldi se aaja....
Rahul:- Nahi yaar.....Mera preparation abhi acche se nahi hua hai....Iss baar bhi top karna hi hoga....Warna mera uss Neha ke saamne beizzati hoga yaar....Hamesha mujhe nicha dikhaane ki koshish karti hai.....Agar iss baar wo jeet gayi to mera bahut beizzati hoga yaar....
Rahul ne to bas ek bahaana banaya tha.....Lekin Aditya ko bahut gussa aa gaya....Usne bhi gusse me keh diya....
Aditya:-(Gusse me) Chal thik hai.....Tujhe nahi aana to mat aa....Din raat padhte hi rehna....Dost samajh kar bulaya tha tujhe lekin tu to hame apna dost maanta hi kaha hai....Wo Neha din bhar apni friends ke saath baahar ghumti rehti hai....Usko kya padhayi ki tension nahi hoti hogi???Wo bhi to padhti hai...Lekin dosto ke saath acche se behave bhi karti hai....Teri jaisi nahi hai....Jisse dosti ka matlab bhi nahi pata....
Aditya ne itna keh kar phone cut kar diya....
Aditya ki baat sun kar Rahul ko bahut hurt hua....Aditya ne Rahul ki sabse badi kamjori par hamla kiya tha....Rahul sochne laga
Rahul:- (Apne man me) Kabhi kabhi to mujhe apne upar hi gussa aata hai....Kyu mai dost nahi banaa paata hu aur dosti nibha nahi paata hu....Mujhe khelne ke liye jaana hi hoga....Nahi to Aditya naaraj ho sakta hai...Mujhe to Aditya se nazdeeki badhaani hai uske iraade ke baare me jaane ke liye....Usse naraaz nahi karna hai....Itna sochkar Aditya bhi chala gaya cricket khelne.....
Ground par pahunchte hi Rahul ke sabhi dost hairaan ho jaate hai....Unn logo ne expect nahi kiya tha ki Rahul khelne aayega....Jab Rahul unke pass pahuncha to Aditya ne Rahul se pooncha...
Aditya:- Kya hua Rahul???Tu ne to kaha tha ki tu nahi aayega....Fir kya ho gaya???
Rahul:- Are mai to majaak kar raha tha....Tu to sach me gussa ho gaya....
Rahul ne bas itna hi kaha tha ki Rishabh ne uska baat bich me hi kaat kar kaha
Rishabh:- Bas bas ho gaya....Baaki ke baat baad me karenge....Abhi ham log khelne aaye hai to pehle khelenge....Baaki ke baat baad me karenge....
Rishabh ne itna keh kar Rahul aur Adita ki baat bicch me hi rok diya.....Fir sabhi log khelne me vyast ho gaye.....Rahul aaj acche se nahi khel paa raha tha....Wo baar baar Aditya ur Nisha ke baare me soch raha tha....Aditya ne bhi Rahul ka gambheer chehra dekh kar soch liya ki koi na koi baat to jarur hai....Match khattam hote hi Aditya ne Rishabh aur Arjun se keh diya...
Arjun:- Rishabh aur Arjun....Tum log apne apne ghar chale jaao....Mai aur Raju baad me chale jaayenge....Hame Aditya se kuch baat karni hai....
Rishabh aur Arjun bhi match khel kar thak chuke the....Unko Rahul aur Aditya ki baat sunne ka mood abhi bilkul bhi nahi tha....Iss liye dono apne apne ghar chale jaate hai....
Rahul ko thoda sa aascharya hua ki Aditya ko usse kya baat karni hai....Wo wahi par baith gaya aur Aditya se kaha....
Rahul:- Kya baat karni hai tujhe mujh se???
Aditya:- Koi khaas baat nahi....Jab ham cricket khel rahe the to maine dekha ki tu kuch pareshaan sa lag raha tha....Kya baat hai???
Rahul:- Kuch nahi yaar....Bas aise hi kuch soch raha tha....Koi badi baat nahi hai...
Aditya:-Hame bhi batana yaar....Kya baat hai???Ho sakta hai ham iska solution dhundh paaye...
Rahul:- Baat to koi khaas nahi hai....Mai Nisha ke baare me soch raha tha...
Rahul ke mooh se Nisha sunte hi Aditya ka chehre ke bhaaw ekdum se badal jaata hai.....Rahul Aditya ke chehre ke badalte bhaaw ko notice kar leta hai....Abb uska shak aur badh gaya....Abb wo apne man me sochne laga....
Rahul:- (Apne man me) Agar Aditya aur Nisha ek dusre ko pehle se nahi jaante to Aditya Nisha ke naam sunkar aise react nahi karta....Aditya jarur mujhse kuch chhupa raha hai....Khud ko mera dost kehta hai lekin mujhse hi baatein chhupa raha hai.....Agar baat itna hi secret hai to kyu mujhe badla lene ke liye ukshaata rehta hai....Khud hi kar leta jo karna hai isse....Shaayad mera istemaal karna chahta hai...Agar ye sach hua to isko nahi chhodunga mai.....
Nisha bhi to mujhse chhupa rahi hai....Subah me maine puccha tha usko ki kya wo Aditya ko jaanti hai.....Usne mujhse jhuth kyu bola....Shaayad hamaari jaan pehchaan abhi utna accha nahi hai ..... Issliye wo mujhse apna har baat share nahi karna chahti.....Abb mujhe Nisha se bhi friendship badhaani hogi taaki iss maamle ko acche se jaan saku....
Rahul ye sab apne man me soch hi raha tha ki Aditya ne uska dhyaan ko todte hue kahaa...
Rahul:- Mai soch raha tha ki mai bekaar me hi Nisha ke baare me galat soch raha tha....Usko misunderstanding hua tha iss liye mujhe pareshaan kar rahi thi.....Kal usse baat hua...Saari misunderstandings clear ho gayi....Maine usko maaf kar diya.....
Rahul ke mooh se Nisha ko maaf kar dene waali baat sun kar Aditya aur Raju dono ke chehre ke bhaaw pehle se aur badal gaye....Unn dono ki chehre ki hairaani ko Rahul ne aasaani se padh liya.....Abb uska shak yakin me badal gaya.
Aditya ko to samajh me nahi aa raha tha Rahul ki baat par kaise react kare.....Lekin Raju ko bardasht nahi hua Rahul ka Nisha ko maaf karna....Usne gusse se Rahul ko kaha....
Raju:- Sidhe sidhe keh de ki tu Nisha ka kuch bhi nahi kar paaya.....Abb tujhe apni beizzati ko chhupaane ka ek accha bahana ban gaya.....Agar tu Nisha se badla nahi le paa rahaa hai to ham se keh de....Ham teri help karenge....Tu haar to mat maan....Koshist to kar....
Ye sunkar Rahul ko bahut gussa aaya....Ek to Rahul ko Raju ki aawaaj se nafarat ho gayi thi aur upar se Raju usi ka majaak udaa raha tha....Rahul ne bhi gusse me chilla kar kaha.....
Rahul:- Dekh kameene....Maine tujh se koi baat nahi kaha hai.....Mai Aditya se baat kar raha hu....Tu bich me apna naak kyu ghused raha hai.....Maine tujhse koi raay maanga hai kya jo tu bicch me bol raha hai....Agli baar mere maamle me dakhal andaazi ki to tera wo haal karunga ki agli baar mujhse baat karne me bhi ek baar fir se sochega.....
Rahul ka aisa bolne se Raju ka bhi gussa bahut badh gaya....Usne bhi bina kuch soche samjhe keh diya....
Raju:- Kya kar lega tu....Ek ladki se badla nahi le sakta aur mujhe dhamki de raha hai.....Teri jindagi dekh kar to mujhe taras aa raha hai....Ek ladki ka kuch nahi kar sakta....Agar kisi ne mere saath aisa kiya hota to ab tak mai uska kya kar chuka hota ye to mujhe bhi pata nahi....Lekin tu to bas bade bade baat karta hai....Lekin asal mai kuch nahi kar sakta....
Ye sun kar Rahul ko uska gussa par control nahi hua.....Usne ek jordaar thappad Raju ke gaal me maar diya....Raju kuch bolne hi wala tha ki ek laat uske pet me fir se Rahul ne maar diya.....Raju bhi dard me karaah kar niche baith gaya.....Rahul to Raju ko aaj acchi tarah se dhulaayi karne ka mood banaa chuka tha lekin Aditya ne rok diya.....
Aditya:- Kya kar raha hai Rahul tu???Raju hamara hi dost hai....Dosti me to kabhi kabhi aisi baat hoti rehti hai.....Aise react karega to kaise chalega.....
Aditya ki baat sun kar Rahul Aditya par hi bhadak gaya....
Rahul:- Ye kameena mera dost nahi hai....Maine usi din isse dosti tod liya tha jis din isne Nisha ke baare me ulta sidha keh raha tha.....Maine uss din se aaj tak iske saath baat nahi kiya thalekin aaj tak iske saath baat nahi kiya....Lekin ye kameena to mera hi majaak udaa raha tha....
Sun Aditya....Ye tera dost ho sakta hai lekin mera nahi.....Agar tune mujhe iske saath dosti karne ke liye force kiya to mai bhul jaaunga ki tu bhi mera dost hai.....
Rahul ki iss baat par Aditya ne kuch nahi kaha.....Wo chup chap khada raha waha par......Lekin Rahul ka gussa abhi bhi khattam nahi hua tha....Usne Raju se tej awaaj me kaha.....
Rahul:- Tabhi tu kya keh raha tha.....Agar kisi ne tera beizzati kiya to tu usko nahi chhodega.....Aaj to maine acchi tarah se tujh ko peet diya.....Agar dum hai to le lena badla....Ek baat acche se sun le.....Mai teri tarah kameena nahi hu ki har chhoti chhoti galti ke liye badla leta rahu.....Maine keh diya tha na ki usko misunderstanding hua tha iss liye wo mujhe pareshaan kar rahi thi....Abb wo apni galti maan kar maafi maang rahi hai to kyu badla lena.....Kabhi kabhi insaan ko maaf kar dena bhi sikhna chahiye....Khair tu nahi samjhega....Tujh jaisa laaton ka bhoot baaton se nahi maanega....
Itna keh kar Rahul chup ho gaya.....Usne apne andar ka saara bhadaas baahar nikaal liya....Kuch der ke liye waha ek khamoshi chha gaya....Raju ke pass abb baat karne ka himmat nahi tha....Iss khamoshi ko todte hue Aditya ne kaha.....
Aditya:- Rahul shaant ho jaa yaar....Maanta hu iss Raju ka galti tha....Bina kuch soche samjhe jo man me aaya bak diya....
Raju Aditya ki baat sun kar Aditya ko gusse se ghurta hai....Aditya bhi Rahul ke najaro se bach kar Raju ko aankh maar deta hai....Raju bhi samajh gaya ki Aditya acting kar raha hai.....Rahul Aditya ki baat par kuch nahi kehta....Rahul ko kuch na bolta dekh Aditya phir se Rahul se baat karne lagta hai....
Aditya:- Rahul tu kuch misunderstandings ki baat kar raha tha na....Kaisa misunderstanding tha hame bhi to bata???
Achanak se Aditya ke dimaag me ye baat aaya tha to usne Rahul se puncch liya....
Rahul:- Maine usko puccha tha....Lekin usne bataya nahi....Usne kaha ki vakt aane par bataayegi....Maine bhi force nahi kiya....
Aditya:- Mujhe to lagta hai ki wo tujhse kuchh chhupa rahi hai....Yaa fir usko tujhe aur tadpaane ka man kar raha hoga issliye misunderstanding ka naatak karke tere kareeb aana chahti hai....Aur tera istemaal karke tujhe barbaad kar degi....Sambhal kar ehna....
Aditya ne Rahul ko Nisha ke khilaaf bhadkaane ka antim koshish kiya....Lekin Rahul bhi uska iraada samajh gaya....Wo man hi man muskuraya aur bola....
Rahul:- Are yaar.....Isme kaisa khel ho sakta hai....Nisha ko mujhse kya chahiye jo wo mere khilaaf koi saazish karegi....Maine usse baat karke dekh liya hai.....Uski baat karne ka tarike se mai ye keh sakta hu ki uska aisaa koi iraada nahi hai....Lekin yaar....Mujhe ek baat samajh me nahi aa raha kya tu Nisha ko jaanta hai....Yaa ir tera uske saath koi problem hai....Tu kyu har baat pe uspe shak karta rehta hai aur mujhe uss se badla lene ke liye ukshaata rehta hai???
Rahul ki iss question se Aditya ki chehre ke bhaaw fir se badal gaya .... Wo soch me padd gaya ki kya jawaab du.....Rahul uski haalat dekh kar man hi man muskura raha tha lekin Aditya ko ye pata nahi chalne diya ki usko Aditya par shak hai....Jaise taise Aditya ne jawaab diya....
Aditya:- Nahi....Mai usse nahi jaanta....Tujhe apna dost maanta hu yaar....Mujhe uss ladki pe doubt ho raha hai iss liye tujhe salaah de raha hu....Lekin tu to mujh par hi shak kar raha hai....
Aditya ne ye baat bahut hi mushkil se kahaa....Rahul ne bhi usko jawaab diya...
Rahul:- Mai tujh pe shak nahi kar raha hu....Maine to bas tujh se yahi poonch raha tha ki kya tu Nisha ko jaanta hai.....Nisha se baat karke ye to pata chal gaya muje ki wo bahut acchi ladki hai....Tu fikar mat kar Aditya wo mere saath koi buraa nahi karegi....Chal abb mai chalta hu....
Itna keh kar Rahul waha se nikal gaya.....Aaj usse ye to pata chal gaya ki Aditya Nisha ko pehle se hi jaanta hai aur Aditya ke iraada accha nahi hai.....
Rahul ke jaate hi Raju gusse me Aditya se kehta hai....
Raju:- Sun liya na tu ne Adi.....Iss Rahul ne Nisha ko maaf kar diya aur uske liye mujh par haath uthaaya....Isko to mai nahi chhodunga....Abb to ham usko Nisha ke khilaa nahi bhadka paayenge....Abb bas ek hi tarika hai sidhe hamla kar dete hai....
Aditya:- Yahi to soch raha hu......Abb sidha hamla karna hoga.....Abb Rahul hamaare koi kaam ka nahi....Aaj bhi maine isko Nisha ke khilaaf bhadkaane ki koshish kiya tha lekin isne saaf inkaar kar diya....Pehle Nisha ko dekhte hai fir baad me isko....Nisha ko kidnap karne ka bahut koshish kar chuka hu lekin har baar bach jaati hai.....Bas hame Rahul se saawdhan rehna hoga.....Agar isko hamaare iraada pata chal gaya to hamaare raashte ka kaanta ban jaayega....
Bas ek mauka mil jaaye Nisha ka kaam hote hi isko dekh lunga....Aur aaj usne tere saath jo kiya baad me usko bahut mehanga padega.....Tab tak hame iske saath friendly rehna hoga aur Raju tu isske saath jyaada baat mat kar....Isko mai sambhaal lunga....
Raju bhi Aditya ke baat par sehmat ho jaata hai aur apna gardan hilaakar usko haa kehta hai......Fir dono apne apne ghar ki aur chale jaate hai.
Shaam ka 6:00 pm baj raha tha....Aditya aur Raju se baat karke Rahul sidha apna room me aa jaata hai....Din bhar Cricket khelne ke baad Rahul ko bahut hi thakaan mehsoos hota hai....Wo soch raha tha....
Rahul:- (apne man me) Aaj pura din waste kar diya khelne me....Meri life me Cricket aur Internet ka nasha kabhi nahi jaayega.....Na chahte hue bhi isse dur nahi reh paata hu.....Kabhi kabhi to sochta hu ki agar ye dono cheej nahi hota to mera life ka kya hota....Bachpan se lekar aajtak bas yahi to hai jisme mujhe majaa aata hai.....Warna meri boring life to aur bhi boring ho jaata.....
Hamesha akele rehna pasand karta hu....Bachpan se hi yahi problem hai....Kisi se acche se jamti nahi thi.....Jyaada friends bhi nahi bana paaya....Hamesha ek aisa friend ki jarurat thi jisse mai acche se baat kar paata.....Kisi se apni dil ki baatein share kar paata....Sirf 1 dost mila....Ajay....aur ek bhaiya mile....Raj....Ajay ka saath bhi vakt ke saath saath choot gaya.....Abb sirf Raj bhaiya hi to hai....Jo mujhe sahi disha dikhaate hai.....Unnhone har kadam pe mera shaath diya....Socha tha Aditya bhi ek accha dost hai....Lekin aaj kameene par shak ho raha hai.....Bas uska Nisha se kya relation hai ye jaan lu uske baad usko maja chakhaaunga....
Rahul kuch der tak aise hi sochta rehta hai.....Ye uska roj ka kaam tha....Agar kabhi koi chhoti baat par bhi sochne lagta to uss soch ko modify kar kr badi badi baatein bhi sochne lagta....Uski life aur uska soch ka kuch alag hi rishta tha....Jab bhi wo akele baithta kuch na kuch sochta hi rehta.....Shaayad akelapan iska vajah tha....
Rahul jab apni soch se baahar aaya usko bahut thakan mehsoos ho raha tha.....Ghadi me time dekha to 6:15 pm ho raha tha....Usne socha ki abhi 1 ghante ke liye so jaata hu baad me uth kar dinner banata hu.....Ye sochkar wo so gaya....Jab wo utha to room me pura andhera chhaya hua tha...Kuch pal to usko lag gaya ye jaane me ki wo kaha hai....Jab saari baat samajh me aaya to apne mobile me time dekha....Raat ke 9 baj raha tha....Wo mobile me time dekh kar shocked ho gaya aur khud se hi baat karne laga.....
Rahul:- Oh Shit! 9:00 baj gaya....Itni der tak mai sota reh gaya......(Kuch yaad kar ke wo mobile me kuch dekhne lag gaya) Mai alarm lagana bhul gaya tha....
Rahul khud par hi gussa ho gaya....Aur fir khud se hi baat karne laga gaya...
Rahul:- Abhi mera dinner banane ka bilkool mood nahi hai....Kya karu???Bhukh bhi to lag raha hai....(Kuch soch kar) Baahar se hi khaa kar aata hu....
Itna keh kar wo chala gaya baahar hotel me dinner karne.....Lekin thela me samosa dekh kar apna man badal liya aur kuch samosa pack karke apna flat me chala aaya....
Flat me pahunchte hi usne socha ki wo garden me hi samosa khaa kar apne room me jaayega.....Aur garden me bench par baith kar toot pada samosa par....Thik ushi vakt Nisha bhi kuchh kaam se khidki ke pass aagayi......Jab usne Rahul ko iss tarah khaate hue dekha to uski hassi choot gayi....Wo bhi niche Rahul ke pass pahunch gayi aur Rahul se boli.....
Nisha:- Are dhire dhire khaao na....Itni bhi kya jaldbaazi hai...
Rahul:- Khaane do na ....Abhi bahut bhukha hu aur bahut thak gaya hu.....Subah se bas chhai hi peeya hai.....Uske baad Aditya ne cricket khelne bula liya....Tab se din bhar cricket khela....Kuch nahi khaaya...Abhi mauka mila hai....
Itna keh kar Rahul ek samosa Nisha ki taraf badha deta hai.....Nisha bhi mushkura kar le leti hai....Jab Rahul saara samosa khaa leta hai tab nisha ko kehta hai....
Rahul:- Aaj pehli baar itni jyaada bhookh laga tha....24 ghante me abhi kuch khaaya hai......Subah me bas ek cup chhai.....Din bhar ki thakaan aur abhi ye bhookh....Aisa feel ho raha tha ki agar kuch pal aur nahi khaata to pakka mar jaata....
Nisha:- (Thoda mushkura kar) Itne me hi haalat kharaab ho gayi.....Agar tum ladki hote to pata chalta jab tumhe din bhar bina kuch pee kar vrat karna padta to....
Rahul:- Agar hota to bhi kuch nahi karta mai....Ye sab stupid logon ka kaam hai....Mai inn sab baato me vishwash nahi karta....
Rahul ne bhi majaak me jawaab diya....
Nisha:- Achha to tum bhagwan par believe nahi karte.....
Rahul:- Nahi karta.....
Nisha:- Ek din aayega jab tumhe bhi vishwash hoga ki bhagwaan hote hai....
Rahul:- Oh to vakt aane par dekh lenge.....Waise bhi mai apni mehnat par yakin rakhta hu....Bhagwaan se kuch maangne se accha hai khud apni mehnat se kuch haasil karo.....Isme jyaada khushi milta hai...Waise mai bhagwaan aur religion ke against nahi hu....Bas mai yakin nahi karta....
Nisha:- Ye sab baatein chhodo....Bina matlab me baat kaha se kaha pahunch rahi hai.....Tum bhagwaan pe to vishwas nahi karte .....Kya tum bhooto se darte ho???
Nisha ne hanste huye puchha Rahul se....
Rahul:- Nahi...Mai kyu daru bhoot se....Mai darta nahi hu.....
Rahul ne bahut hi jaldi me kaha.....Wo apna jhooth chhupane ki bahut koshish kar raha tha.....Lekin Nisha ne uska jhooth pakad liya....
Nisha:- Tum jhooth bol rahe ho....Sach sach bolo....
Abb Rahul ne bhi socha iss jhooth ko chhupaane ke liye bahut si jhooth bolne padenge....Iss se accha hai ki sach hi bataa do....
Rahul:- Sach kahu to....Thoda thoda lagta hai.....Din me to koi dar nahi lagta....Raat me thoda sa....
Nisha:- Bhoot se dar to raat me hi to lagta hai....Din me to koi darpok bhi nahi darega....Waise tumne bhoot dekha hai???
Rahul:- Nahi....Dekha to nahi hai.....Bas horror films me hi dekha hai....Jab raat ko akela rehta hu to yaad aata hai to bas thoda sa dar lagta hai....Lekin itna bhi nahi lagta ki dar se saara kaam chhod du....Agar utna hi darta to flat me akele nahi rehta....Raat me sote vakt room ka lights on rakhta hu...
Nisha:- Tum to keh rahe the bhagwaan par vishwaash nahi hai par bhooto par kare ho...
Rahul:- Maine kab kaha mai bhoot par vishwaash karta hu....Bhoot sab jhuth aur afwaah ki baat hai.....Lekin kya karu raat me thoda sa dar lagta hai....
Nisha :- Chalo abb room me chalte hai....Raat ke 10 :00 baj raha hai....Abb sona bhi hai....Kahi sacch me hi na bhoot aa jaaye....
Rahul:- Ok....Chalo...Kal class bhi jaana hai subah me....Jaldi uthna padega....
Itna keh kar dono apne apne room me chale jaate hai sone ke liye....Sote waqt Rahul Nisha ke baare me sochne lagta hai....
Rahul:- (Apne man me) Kaisi ladki hai yaar....Kitna bolti hai.....Lekin acchi hi hai....Dil me koi khot nahi hai.....Pata nahi uske saath baat karte huye time kaise itni jaldi kat jaata hai....Aaj bhi baat ki shuruwaat kaha se huyi aur kahaa jaa kar ant hua....Jo bhi ho iske saath baat karne me ek alag hi sukoon milta hai.
