If you are trying to reset your account password then don't forget to check spam folder in your mailbox. Also Mark it as "not spam" or you won't be able to click on the link.
Raj Rahul ko gusse se ghoore jaa raha tha....Wo kuch kehne hi wala tha ki kuch soch kar chup ho gaya.....Wo Rahul ko hanste dekh kar muskuraane laga....Rahul Raj ki iss harkat se chaunk gaya aur Raj se pucch liya....
Rahul:- Kya hua abb????Thodi der pehle to aise dekh rahe the jaise khaa jaaoge.....Abb kya hua....Kahi Riya ke baare me soch kar to nahi muskuraa rahe???
Rahul ki iss sawaal ka jawaab Raj ne mushkuraate hue diya....
Raj:- Nahi bhai aisaa nahi hai....Mai iss liye muskuraa raha hu kyu ki aaj tujhe bahut din baad hansta hua dekh raha hu.....Nahi to tujhe bahut kam aise hanste hue dekha hai jabse Priya ne tujhe dhokha diya hai.....Hamesha serious mood aur gusse me rehta hai.....Bas bhai aise hi hanste rehna.....Aur dusri vajah ye hai ki mai koi bhi jhagada karna nahi chahata wo bhi uss Riya ke liye.....Mujhe wo bilkul bhi pasand nahi aur mai ye nahi chahta ki uski vajah se ham dono bhai me koi jhagada ho....
Raj ne ye baat simple tarike se kaha.....Usko sach me Rahul ka hansta hua chehra dekh bahut khusi mil rahi thi....
Rahul:- Sachh me itni nafrat karte ho aap Riya se???
Raj:- Nahi nafrat nahi karta hu usse....Mere dil me uss ke liye koi feelings hi nahi.....Wo kuch bhi kare mujhe usse koi lena dena nahi.....Wo jab baar baar pareshaan karti hai to gussa aata hai....Mai to usko dekhna bhi nahi chahta.....Pata nahi kaise abb tak mai uski galtiya bardaasht kar raha hu.....Mujhe khud nahi pata jab ye sab bardaasht ke baahar ho jaayega tab mai kya kar baithunga.....
Raj ne jab ye baat kaha tab uska chehre me seriousness aur halka gussa bhi dikhaayi de raha tha.....Rahul ne abb iss baat ko aage badhaana ucchit nahi samjha aur baat ko taal diya....
Rahul:- Chhodo bhaiya ye sab.....Mera mood thik karne ke chakkar me apna hi mood bigaad liya....Chalo abb mai dinner prepare karta hu....
Nisha Riya ki baat sun kar aur hansne lagti hai.....Riya ka gussa bhi aur badh jaati hai....
Riya:- Kis baat ke liye itna hanss rahi hai.....Kahi paagal to nahi ho gayi.....Just stop laughing....
Riya ne iss baat ko bahut jor se kaha tha.....Usski aawaj se hi uska gussa ka andaja lagaya jaa sakta tha.....Nisha bhi uska gussa dekh hansna band karti hai aur kehti hai....
Nisha:- Mai to tera chehra dekh kar hanss rahi thi....
Riya:- Mera chehra dekh kar....Aisa kyu???Mera chehra tujhe cartoon lag raha hai jo tu hanss rahi hai....
Riya ki baat se pata chal raha tha ki uska gussa abhi bhi khattam nahi hua hai....
Nisha:- Ha tera gusse se ghoorne se tera chehra ekdam cartoon jaisa lagta hai.....Abhi bhi mujhe tera aur Raj bhaiya ka reaction dekh kar hansi aa rahi hai.....
Itna keh kar Nisha fir se hansne lagti hai.....Lekin Riya usko fir se gusse se dekhti hai....
Riya:- Nisha....Mai uss Raj ke baare me koi bhi baat nahi karna chahti....Please mujhe gussa mat dilaa....Pehle hi usko yaha dekhne se mera mood off ho gaya hai.....Upar se tera hansna mujhe aur paagal bana raha hai.....
Nisha bhi Riya ka gussa dekh kuch nahi bolti aur dono hi dost apne dinner aur study me busy ho jaate hai.....
Morning
Agli subah jab Nisha aur Riya utthi to wo dono garden me kuch der baithne chale gaye.....Jab wo dono garden me pahunche to dekha ki Raj aur Rahul bhi baahar nikal rahe the.....Wo dono kahi baahar jaa rahe the...Jab Raj ne Riya ko dekha to wo Riya ko ignore karte huye aage badha....Rahul ne Nisha ko dekha tab usne kaha....
Rahul:- Aaj to late aayi ho garden par....Kal tak to jaldi hi aa jaati thi....
Nisha:- Ha....Aaj thoda late ho gaya.....Riya utth hi nahi rahi thi.....Isko uthaate huye thoda late ho gaya....Tum kahi jaa rahe ho kya???
Itna keh kar Raj aur Rahul waha se chale gaye....Nisha Rahul ko jaate hue dekh rahi thi.....Uski aankhon me ek alag hi chamak thi.....Jisko Riya padh leti hai...
Riya:- Aise kyu dekh rahi hai usko???Aur itni acche se baat karne ka kya jarurat thi???
Nisha:- Kyu dekhne me kya buraayi hai.....Accha ladka hai....Baat karne me accha lagta hai to kar liya...
Riya:- Band kar apni ye bakwass....Tujhe kaise ye Rahul accha ladka laga....Bhul mat ye Aditya ka dost hai....Aur tu Aditya ko jaanti hai.....Upar se ye Rahul middle class bhi hai.....
Nisha:- Tujhe middle class logo se itna problem kyu hai....Agar Rahul middle class family se belong karta hai to mai bhi middle class type hi hu.....Mujhse to dosti rakhne me tujhe koi problem nahi hai.....Mai kisi se dosti rakhne ke liye koi class nahi dekhti bas ye dekhta hu ki wo accha hai yaa buraa......Haa wo Aditya ka dost hai.....Lekin usko Aditya ke assliyat ke baare me kucch pata nahi....Mai jald hi usko sab kuchh usko bata dungi Aditya ke baare me....
Riya:- Tuje kaise pata ki wo Aditya ke baare me kuch nahi jaanta.....Tune usko puccha hai kya???Agar puccha bhi hai to ho sakta hai ki wo jhuth bol raha ho....
Nisha:-Nahi usko iss baare me kuchh nahi puccha hai.....Wo to ye bhi nahi jaanta ki mai Aditya ko jaanti hu.....Aditya ka ek dost tha Vijay.....Vijay Rahul ko acche se jaanta hai....Vijay ne hi mujhko Aditya ke baare me sab kuch kaha hai....Ussi se pata chala ki Rahul Aditya ka assliyat nahi jaanta aur Aditya bhi mujhe jaanta hai....
Riya:- Tu Vijay se kab milli aur mujhe bataya kyu nahi????
Nisha:- Kal hi milli thi.....Tujhe batane hi waali thi ki bhul gayi....Abb yaad aaya to bata diya....
Abb unn dono ke bicch thodi der ke liye khamoshi chha jaati hai.....Jisko todte hue Riya kehti hai...
Riya:- Accha ek baat bata....Tu Rahul ke baare me itna kuch keh rahi hai....Usko ajeeb si najar se dekh rahi thi...Jab mai uske baare me galat bol raha tha to tujhe gussa aa raha tha....Now dont sat that you love him....
Nisha:- Yes I love him....
Riya:- Kya.....Mai to majaak kar rahi thi....Lekin tu to sach mai....Oh God!!! Ye pyaar wyaar ke chakkar chhod de....Aise ladke ka koi bharosa nahi hota hai....Aur apne career par focus kar....
Nisha Riya ki iss baat par thoda gussa ho jaati hai aur kehti hai.....
Nisha:- What do you mean???Aise ladke ka koi vishwaas nahi hota....Tabhi se mai tujhe keh rahi hu wo accha ladka hai.....Ha thoda jaldi gussa ho jaata hai.....Hamesha shaant rehta hai....Kabhi kabhi bolta hai....Aur sabse badi baat mujhe bhi ye nahi pata ki wo mujhse pyaar karta bhi hai ya nahi....Lekin mai usko pyaar karti hu....Uski acchayi se pyaar karti hu....Wo koi bhi galat kaam nahi karta...Buri adaaton se dur rehta hai...Uska dil bahut saaf hai aur ladkiyon ka bhi bahut izzat karta hai....Mujhe khud par vishwaas hai ki ek din wo bhi mujhe pyaar karega....Mera pyaar usko badal dega....Uski khaamoshi aur gusse ke picche koi na koi vajah to jarur hogi....Ye sab jaankar hi rahungi mai.....Aur usko itna pyaar dungi ki wo apna har gam bhula dega....Uska gussa aur fraustration bhi dur kar dungi......
Itna keh kar Nisha chup ho gayi....Riya ko bhi abb kya kehna hai kuch samajh me nahi aa raha tha....Wo chhup thi....
Nisha ne ye sab to keh diya.....Lekin usko nahi pata tha ki picche khada Raj unn dono ki puri baat sun chuka tha....Uske dimaag me bahut si baat chal raha tha....Riya ka Rahul ke baare me galat bolna usko gussa dila raha tha to Nisha ke munnh se Vijay ka sudharne waala baat sun kar , Aditya ke baare me kuch baatein jaan kar aur Nisha ka Rahul ke liye pyaar ki baat sunkar hairaani ho rahi thi.
Nisha jab Riya se apbe pyaar ke baare me keh kar chup ho gayi tab Riya bhi kuch nahi bol paayi....Wo idhar udhar dekhne lagi ki achanaak usko peeche khada Raj dikh gaya....
Riya:- Tum???
Riya ne ye baat ghabra kar chillate hue kaha jaise usne koi bhoot dekh liya ho....Riya ki baat sun kar Nisha bhi picche mud kar Raj ko dekhti hai.....Raj ko apni baat sunta dekh wo bhi bahut ghabra gayi....
Riya:- Tum yaha kya kar rahe ho????Aur kabse hamaari baat sun rahe ho???
Raj:- Suru se lekar antim tak sab baat sun liya....
Raj ne Riya ki baat ka sidha jawaab de diya....
Riya:- Tumhaari himmat kaise huwi hamaari baat sunne ki....Kisi ki private baatein sunna nahi chahiye....Tumhe itna bhi pata nahi hai.....Kaise pata hoga.....Tum jaise ladke ke pass to manner hi nahi hoti....Abb jaao yaha se aur khabardaar jo hamaari baat fir se chhup kar sunaa to....
Riya ne iss baat ko gusse me kaafi tej aawaj me kaha.....Nisha khamosh tamasha dekh rahi thi.....Kuch bolne ki himmat nahi ho rahi thi uski.....Abb Raj kya karega usko iss baat se kaafi ghabraahat ho rahi thi......
Raj ko bhi Riya ki baat pe bahut gussa aata hai aur wo bhi chilla kar Riya ko kehta hai....
Raj:- Chup....Band kar apni bakwaash....Mai chhup kar nahi sun raha tha.....Mai to yahi pe khada sun raha tha....Mai bas apne room me hi jaa raha tha ki tumhe Rahul ke baare me bakwaas karte sun liya....Aur ye sunna mera hak hai....Kyuki tum dono Rahul ki baare me baat kar rahi thi.....Kisi aur ki baare me baat karo mujhe koi fark nahi padta.....Lekin mai ye jaana chahta tha ki tum dono Rahul ke baare me kya baat kar rahi thi....Agar Rahul ke khilaaf koi saajish karti to jaan se maar deta ......Lekin puri baat sunne ke baad bahut kuch pata chala....
Raj ki aawaj itna tej tha ki abb Riya bhi chup ho jaati hai.....Abb Riya aur Nisha ko kuch samajh me nahi aa raha tha ki kya kare aur kya kahe.....Iss khaamoshi ko todte hue Raj ne kaha.....
Raj:- Nisha....Tumne kaha ki tum Rahul se pyaar karti ho.....Sach me pyaar karti ho usse yaa fir usko pareshaan karne ka koi naya idea hai.....Rahul ne mujhe bataya tha tumhaare aur Rahul ki ladayi ki kahani???
Raj ki aawaj me abb gusse ki jagah gambheerta aa gaya tha.....Nisha kuch der chup rahi aur fir darte huye boli....
Nisha:- Sach me pyaar karti hu....Aapko aisa kyu lag raha hai ki mera pyaar jhutha hai.....Rahul ne aapko mere baare me kya bataya hai wo to mujhe nahi pata....Suru me kuch misunderstanding hua tha aur wo mujhe galat insaan lagta tha....Lekin jabb se uske baare me acche se jaana hai tab meri saari soch badal gaya hai.....Pata hi nahi chala kab pyaar ho gaya usse....
Nisha ne darte darte apni safaayi me ye sab kaha....
Raj:- Mujhe nahi pata ki tumhaara pyaar saccha hai ya jhutha....Tumhaare kehne ki tarike se to yahi lagta hai ki tum uske saath sach me pyaar karti ho.....Lekin mera dil nahi maan raha ki aaj ke iss swaarthi duniya me saccha pyaar bhi hota hai.....Bas itna sa request hai ki Rahul ko kabhi dhokha mat dena....Abb wo sehan nahi kar paayega .....Ek baar uske saath ho jua uska asar aaj tak Rahul ki vyabhar me hai.....Bhula nahi paaya hai uss manhoos ghadi ko.....Issi ke chalte wo itna gussa aur chiddha hua rehta hai....
Raj ne iss baat ko bahut hi emotional ho kar kaha tha....Usko apna aur Rahul dono ki ateet yaad aa gaya....
Nisha:- Mujhe nahi pata ki aapko kyu pyaar par yakin nahi hai....Lekin aap yakin rakhiye ki mai Rahul se saccha pyaar karti hu.....Wo mujhe pyaar kare yaa nahi lekin mai hamesha karti rahungi......Ek baaat aapse pucchna chahti hu.....Aap kaunsi manhoos ghadi ki baat kar rahe hai jisne Rahul ko aisa gusse waala insaan bana diya....
Raj:- Gussa to Rahul ko pehle se hi aata tha....Par contol karne ki shakti thi ussme .... Lekin uss ghatna ke baad usne jaise koi kasam khaa liya hai ki wo apne tarike se jiyega.....Duniya ke liye apni life me koi compromise nahi karega aur gussa ko bhi control nahi karega.....Mai tumhe wo baat to bataana chahta hu lekin maine Rahul se vaada kiya hai ki uske saath jo bhi hua hai wo mai kisi ko nahi bataunga....Agar tum jaana chahti ho to Rahul se hi acche se pucch lena.....
Riya:- Bhaaw kyu khaa raha hai.....Jaldi se bol na....Itna suspence me kyu rakh raha hai???
Bahut der se chup Riya iss baar bicch me hi bol padi....Raj usko gusse se dekh kar bola...
Raj:- Mai tujhse baat nahi kar raha ...... So tu apna kaam se matlab rakh...Aur bich bich me mujhe pareshaan mat kar....Waise bhi tujhe Rahul se koi lena dena nahi hai.....
Raj ka shaant ho chuka gussa fir se jaag gaya tha....Iss baar Nisha ne bhi Riya ko keh diya....
Nisha:- Chup ho jaa yaar....Kitna bolti hai tu.....Kabhi kabhi baat ko samajh bhi liya kar....
Iske baad Riya Raj ko gusse se ghoorte hue chup ho jaati hai....
Raj:- Nisha....Ek baat kaho....Ye Aditya kaun hai....Aur Rahul ko ye kaise jaanta hai.....Ye Vijay bhi kaise badal gaya itni jaldi.....Mujhe to kuch samajh me nahi aa raha....
Nisha Raj ko Aditya ke baare me sab bataati hai jitna wo jaanti thi.....Jab Raj ko Aditya aur uska Rahul ke saath dosti ke baare me pata chala to usko bahut gussa aaya....Usko to Vijay ke baare me soch kar bhi bahut aascharya hua....Wo insaan jisne Rahul ko itna itna bada dhokha aur dard diya tha....Aaj wahi insaan Rahul ki itni madad kar raha hai....
Raj:- Mujhe to Rahul ne Aditya ke baare me kuch nahi bataya.....Iske baare me sun kar to lag raha hai ki ye bahut kamina hai.....Jald se jald Rahul ko samjhaana hoga.....Kahi der na ho jaaye.....Aur ye Vijay itna kaise badal gaya....Ek baar iske saath baat karna hoga.....
Itna keh kar Raj chup ho gaya....Kuch der chup rehne ke baad firse bola....
Raj:- Nisha....Abhi koi bhi baat Rahul ko mat batana.....Agar usse pata chal gaya to gusse me na jaane kya kar baithega....Aditya ko sabak sikhaane ki chakkar me khud musibat me na fanss jaaye yaa fir Aditya ko kahi jaan se hi na maar de.....Usko bahut acche se samjhaana hoga....
Nisha:- Iss liye mai bhi abb tak chup hu...Usko kuch nahi bataya.....Usski gussa dekh kabhi kabhi to mai bhi dar jaati hu.....Accha time dekh kar usko sab bataa dungi....
Raj:- Gussa hi uska sabse badi kamjori hai....Lekin wo apne gussa ko hi uska taaqat samajh raha hai....Gusse me wo bilkul paagal ho jaata hai.....Kuch samajh nahi rehti....Saamne koi bhi ho usko koi parwaah nahi rehta....Bas apna gussa nikaal kar hi maanta hai....Uss din gusse me mujhe bhi bahut kuch sunaya tha usne....Agar gussa ko hataa diya jaaye to bahut accha insaan hai.....Maine uske dono roop ko acche se dekha hai.....Usko dekh kar ek baat to pata chalta hai ki wo kaante waala phool hai.....
Abb tumne Rahul se pyaar kiya hai to uske gusse ko bhi jhelna hoga....Saccha pyaar kiya hai to uska saath har paristhiti me dogi.....Abb ye hi baat tay karegi ki tumhaara pyaar kitna saccha hai....Mujhe vishwaas hai ki agar tumne Rahul se sacche dil se pyaar kiya hai to ek na ek din wo bhi tumse pyaar karega......Mujhe to lagta hai ki wo bhi tumse pyaar karta hai....Kal maine usko puccha tha lekin usne manaa kar diya....Mujhe yakin hai ki ek din wo maan lega ki wo bhi tum se pyaar karta hai....Bas usse koi dhokha na dena....
Itna keh kar Raj apne room me chala jaata hai aur kuch der baad Nisha aur Riya bhi apne rooms me chali jaati hai.
Riya:- Nisha tujhe aakhiri baar samjha rahi hu.....Ye pyaar ki jidd chhod de aur apni career pe focus kar....Mujhe Rahul accha ladka nahi lag raha....Kyu apna life iss pyaar ke chakkar me barbaad kar rahi hai....
Nisha:- Mai bhi tujhe aakhiri baar keh rahi hu....Tujhe jitna bhi bolna hai bol lekin mai Rahul se pyaar karti hu aur karti rahungi.....Aur tu kya keh rahi thi mai pyaar ke chakkar me apna life barbaad naa karu....Bachpann se lekar aaj tak pyaar ki hi to mujhe kami mehsoos hua hai.....Bahut chhoti thi tab maa aur papa ka saath chhut gaya....Bas Nanaji ne sambhaala....Uske baad koi bhi nahi hai jisko mai apna keh saku....Sirf pyaar hi nahi hai mere pass uske siwa bahut kuch hai....Tu ye sab jaante hue bhi mujhse ye sab keh rahi hai....
Tujhe Rahul pasand nahi hai.....Tu to aisa keh rahi hai jaise wo hi ek hai jisse tu naapasand karti hai.....Tu hi bata tujhe kaun pasand hai apne family members chhod kar???Koi bhi nahi....Mai nahi jaanti ki tu kyu har kisi se buraa behave karti hai.....Lekin itna yaad rakh ki tera ye ghamand har vakt tera saath nahi dega.....Human being is a social animal.....Agar insaan ko dusri insaan ki madad ki jarurat nahi hoti to ek saath society me rehne ki koi jarurat nahi thi....Jungle me bhi reh sakte the....Tera ye paise ka ghamand jo hai wo tera hamesha saath nahi dega.....Kabhi kabhi aisi situation aa jaati hai ki insaan ko paiso ki nahi apno ki jarurat padta hai.....
Aur tu pyaar ko itna bakwaas bol rahi hai....Jab tujhe kisi se pyaar hoga tab pata chalega iska life me kitna importance hai.....Jab tujhe mehsoos hoga ki tujhe bhi kisi se pyaar hua hai to pata chalega ye koi bakwass nahi hai.....Suruwaat me kisi ko bhi pyaar par vishwaas nahi hota....Sab sochte hai ki wo kisi se pyaar nahi karega aur apni life me aage badhta rahega.....Lekin pyaar keh kar nahi hota....Ye to bas kahi bhi , kisi se ho hi jaata hai....Jab pyaar ka ehsaas hota hai tabhi logo ko vishwaas hota hai....
Mai tujhe itna samjha rahi hu.....Mujhe yakin hai ki tujhe abhi meri baat samajh me nahi aayega....Meri baat tujhe uss vakt samajh me aayega jab tera ghamand khattam hoga....
Nisha itna bol kar chhup ho gayi......Baar baar Riya ka Rahul ko galat kehna aur uski bakwaas baate sun kar Nisha apne gusse ko control nahi kar paayi aur Riya ko itna sunaa diya.....Riya bhi chup chaap sab sunti chali gayi.....Nisha ke gusse ke aage wo kuch nahi bol paayi.....Kuchh der chup rehne ke baad wo dhire se boli....
Riya:- Agar itna pyaar karti hai Rahul se to jaakar usko batati kyu nahi....Agar pyaar kiya hai to kehne ki himmat bhi honi chahiye....Jaake usko bata de....Mujhe yakin hai wo tera pyaar jarur accept kar lega...Tujh me kya kami hai.....Padhne likhne me acchi hai, Sabse accha behave karti hai, Khubsurat bhi hai aur uske saath acchi dosti bhi hai....
Nisha:- Riya teri soch hamesha aisi hi ghatiya rahegi.....Do chaar movies kya dekh liya tune to mujhe filmy tricks de diya Rahul ko propose karne ke liye......Filmy life aur real life me bahut difference hote hai.....Tu Rahul ko nahi jaanti....Jaisa tu uske baare me sochti hai wo usse bahut alag hai....Mai bhi uske saath itne time se rehne ke baad usko puri tarah se nahi jaana hai....Wo aisa ladka nahi hai ki koi bhi ladki usko propose kar de aur wo accept kar le.....Mujhe dar hai ki kahi wo mera love proposal reject na kar de.....Uske baad wo mujhse dosti bhi tod dega....Jo mai bilkul nahi hone de sakti....Thoda time aur lungi usko acche se jaane ke liye.....Wo mere baare me kya feel karta hai ....Ye sab jaane ke baad hi propose kar dungi.....
Riya:- Agar usne hi tujhe propose kar diya to ???
Nisha:- Riya tu sacch me paaagal hai.....Agar wo propose kar dega to problem kya hai....Mai accept kar lungi....
In Rahul's Room
Raj Rahul ke room me baith kar aaj uski Nisha se jo baat chit hua usi ke baare me soch raha tha.....Nisha ka Rahul ko pyaar karna, Vijay ka acchanak badal jaana aur Aditya ke baare me soch raha tha.....Sab se jyaada wo Rahul ki salamati ke baare me soch raha tha......Rahul ko kaise Aditya ka sacch bataye wo yahi soch raha tha.....
Raj:- (Apne man me) Iss Aditya ka sachayi abhi Rahul ke saamne laana sahi hoga kya???Nahi nahi Abhi nahi keh sakta Rahul ko iss baare me....Pata nahi wo gusse me aake kya react kar de.....Baad me samjhaake bataaunga usko.....
Raj yunhi sabhi baato ko soch raha tha ki Rahul market se Raj ka kuch samaan le kar aa gaya....Dono hi bhai kuch der aise hi baat karte rahe....Kuch der baad Raj ke mobile me ek call aata hai....Wo apne mobile me dekhte hue call utha leta hai....
Raj:- Ha Suresh bol.....Kaisa hai aur gaanw se kab aaya???
Raj Suresh ki baat sunkar fir jawaab deta hai.....
Suresh:- Achha thik hai .....Mai kuch der me pahunchta hu hostel....
Itna kehne ke baad Raj call kaat deta hai aur Rahul se kehta hai...
Raj:- Rahul....Abb Suresh aa gaya hai.....Mujhe hostel jaana hoga....
Rahul:- Itni jaldi....Kuch din aur ruk jaao na ....Please..
Raj:_ Are nahi nahi....Maine tujhe pehle hi bata diya tha ki Suresh gaanw gaya hai.....Aur hostel me akele rehna accha nahi laga raha tha iss liye tere pass aa raha hu....Abb wo aa gaya hai....Wo bhi akela ho jaayega....Time me aata rahunga....Abhi jaane de....
Itna keh kar Raj ready ho kar apna hostel waapas chala gaya.....
In Nisha's Room
Riya:- Nisha....Abb Mom aur Dad aa gaye hai....Mujhe bhi chalna hoga....
Nisha:- Ok Bye yaar....Take care....Chal tujhe baahar tak chhod kar aati hu....
Nisha ka mood Riya ki bakwaas baate sun kar pehle hi off ho gaya tha.....Abb wo jyaada baat nahi karna chahti thi....Iss liye wo itna keh kar Riya ko bhej deti hai....
In Evening at Garden
Rahul garden me fresh hone ke liye garden me me baitha tha ......Nisha apne room ki khidki se ye sab dekh kar bahut khush ho jaati hai......Wo Rahul ka hi waha aane ka intzaar kar rahi thi....Wo jaldi se Rahul ke pass chali jaati hai....Aaj bahut dino ke baad usko mauka mila tha Rahul ke saath akele me baat karne ka....Garden me pahunch kar Nisha Rahul se kehti hai....
Nisha:- Kya baat hai Rahul....Aaj bahut dino ke baad yaha aaye ho...Koi khaas vajah???
Nisha ne mushkuraate hue Rahul se puccha.....Rahul ne bhi uska jawaab mushkuraate hue diya....
Rahul:- Nahi....Koi khaas vajah nahi hai.....Kal tak Bhaiya ke saath baat karte hue time nikal jaata tha...Yahan aane ka mauka hi nahi milta tha....Aaj bhaiya chale gaye to aa gaya yaha par.....Abb bhaiya bhi chale gaye aur college khulne me 1 week time baaki hai....Pura bore ho jaaunga iss liye soch raha tha ki kya karu....
Nisha:- To kya socha???Kya karoge???
Rahul:- Soch raha hu ki kahi baahar ghumne chala jaau....
Nisha:- Kaha jaaoge....Koi party palace, bar yaa fir kahin aur???
Nisha ye keh kar jor se hansti hai....Rahul ko to suru me gussa aata hai lekin fir Nisha ka hansi dekh muskuraane lagta hai....
Rahul:- Tumhe kya mai waisa ladka lagta hu....Koi interest nahi hai mujhe waisi jagah jaane me.....Mai soch raha hu ki koi ekaant jagah pe jaau...Koi natural places jaise river,hills, lakes, forests etc...
Nisha:- Yaha se to ye jagah bahut dur hai.....Chalo riverside chalte hai....Wo thodi hi duri par hai....
Rahul:- Matlab tum bhi chalogi???
Rahul ne Nisha se thoda aascharya me puccha....
Rahul ka aise question puccchne se Nisha chaunk gayi....Wo soch rahi thi ki kya jawaab de....Fir usne dhire se kaha...
Nisha:- Kyu mai nahi aa sakti kya tumhaare saath....Agar tum nahi chahte to mai nahi aaungi.....
Nisha ne thoda dukh bhari aawaj me ye kaha to Rahul ne bhi jaldi se jawaab de diya...
Rahul:- Are mera wo matlab nahi tha....Mai soch raha tha ki tumhaara college hoga.....Aur tum kaise college miss karke aaogi...
Nisha:- Nahi meri bhi college abhi kuch dino ke liye band hai....To chalo abb sone....Kal jald hi uth kar subah hi nikal jaayenge.....
Dono apne apne room ki taraf jaane lagte hai.....Raaste me hi Rahul ko ek shararat sujha.....Usne Nisha se kaha....
Rahul:- Lekin tum iss date mat samajhna.....Ham log aise hi jaa rahe hai....
Rahul aisa keh kar hansne laga....Nisha ne suru me usko jhutthi gussa dikhaaya aur baad meRahul ke saath muskuraati hue sochne lagi....
Nisha:- (Apne man me) Bhale hi ye tumhaare liye date nahi hai....Par mere liye ye koi date se kam nahi...
Issi tarah se dono kuch der me apne apne kamre me pahunch jaati hai.
Subah ka 4:30 baj raha tha.....Rahul apne room me gehri neend me so raha tha......Tabhi achanak kisi ke jor jor se door knock karne par uski neend tut jaati hai.....Achanak aisi neend tutne se usko bahut gussa aata hai aur watch me time dekh kar chilla kar kehta hai.....
Rahul:- Are kaun hai yaar???Kyu itni subah utha diya???
Rahul ki aawaj se hi uska gussa ka andaaza lag raha tha.....Ek baar to baahar jisne bhi Rahul ki gate par knock kiya tha wo Rahul ki aise chillane se dar gaya....Par dusre hi pal kisi ladki neapni meethi aawaj me kaha...
Ladki:- Mai hu Nisha...
Nisha ka naam sunkar Rahul achanak shaant ho gaya.....Kuch der chup rehne ke baad bola....
Rahul:- Nisha.....Tum itni jaldi utth gayi.....Koi problem hai kya...
Nisha:- Nahi koi problem nahi hai...
Rahul:- To fir kyu itni subah uttha diya yaar....Subah subah neend kharab kar diya....Jaanti ho na mai 5:00 baje uthta hu....
Rahul ne confuse hokar kaha....
Nisha:- Bhul gaye aaj ka date....
Rahul:- Date...Kya matlab???
Rahul Nisha ki baat sunkar bahut confused ho gaya.....Abhi abhi so kar utthe ki vajah se wo iss baare me soch bhi nahi paa raha tha.....Bas confused tha ki Nisha kis date ke baare me keh rahi hai.....Nisha ko bhi ehsas ho jaata hai ki usne jaldbaazi me kya keh diya tha....Wo turant baat ko sambhaal leti hai....
Nisha:- Mera matlab tha....Tum aaj ka date bhul gaye kya....Agar bhul gaye to calender me dekho yaad aa jaayega....
Nisha itna keh kar muskuraane lagi aur fir se Rahul ko kaha...
Nisha:- Baahar hi intejaar karwaane ka iraada hai kya....Gate to kholo....
Rahul Nisha ki baat sunkar jaldi se jaakar gate kholta hai....Aur Nisha ko andar bulaata hai.....
Rahul:- Nisha sorry....Baat karte karte bhul hi gaya tha....
Nisha:- Abb baat karna chhodo aur jaldi se ready ho jaao....
Rahul:- Ready ho jaau...Kaha jaana hai itni subah subah???
Rahul abhi bhi bahut confused tha....Uska neend abhi bhi puri tarah se khula nahi tha....Aur Nisha ki baat sun kar bahut confused ho gaya tha....
Nisha:- Are buddhu....Jab nature ka majaa lena ho na to subah ka time hi sabse accha rehta hai.....Abb tum baate karna chhodo aur jaldi se ready ho jaao.....Mai baahar tumhaara wait kar rahi hu....
Nisha itna keh kar baahar chali aayi.....Usne Rahul ko kuch sochne ka aur kuch kehne ka mauka hi nahi diya....Rahul bechaara bhi andar baith ke sochne laga ki abb kare to kya.....Kuch der baad usko bhi Nisha ki baat sahi lagi....Aur apna moonh paani se dhone ke baad ready ho kar baahar nikal gaya aur Nisha ke pass pahunch gaya....
Jab Rahul Nisha ke pass pahuncha to Nisha ne jhutti gussa dikhaate huye kaha....
Nisha:- Rahul.....Tumhe ready hone me to ladki se bhi jyaada time lagta hai....
Rahul Nisha ki baat pe thoda mushkuraata hai aur kehta hai.....
Rahul:- Are nahi nahi....Ready hone me to bas 2 hi minute laga tha.....Bas iss neend se chhutkaara paane me time lag gaya....
Nisha:- Abb jaldi se chalo.....Agar tumse baaat karne lagi to shaam ho jaayega.....Abb baat karna band karo aur jaldi se chalo......Chalte huye jaana hai....Aadha ghanta lagega....
Rahul:- What????Chalte huye jaana hai.....Wo bhi itni subah subah.....Nahi nahi ....Koi taxi pe chalte hai....Time bhi bach jaayega....
Nisha:- Tumhe itni subah taxi kaha pe milega.....Kabhi kabhi subah me morning walk bhi karna chahiye....Abb baate karna band karo aur chup chaap chalo....Baate bahut karte ho tum....
Itna keh kar Nisha aage badh gayi.....Wo Rahul ki haalat samajhte hue andar hi andar mushkuraa rahi thi bad Rahul ko dikha nahi rahi thi.....Rahul bhi bechara Nisha ki baat maan kar uske piche piche chalta gaya.....Kuch der chalne ke baad Rahul ki neend puri tarah khul gaya.....Abb wo bhi Nisha ke saath morning walk enjoy kar raha tha.....Aaj wo Nisha ko dekh thoda thoda muskuraa raha tha.....Kuch der pehle huyi sabhi baato ko yaaad karte huye uski Nisha ki baate aur apni bewkoofi par bhi hanssi aa raha tha.....Wo aise hi muskuraate huye Nisha ki picche chal raha tha.....Kuch der aage chalne ke baad Nisha achanak hi ruk gayi.....Nisha ko aise rukte dekh Rahul ne kaha....
Rahul:- Kya hua....Kyu aise achanak ruk gayi....
Nisha:- Kaha khoye hue ho tum....Aage to dekho.....Ham pahunch gaye hai....
Rahul to Nisha me iss kadar khoya hua tha chalte chalte ki uss ko ye bhi pata nahi chal raha tha ki uske aage picche kya hai.....Bas Nisha ko dekhte huye aage ki aur chal raha tha....
Jab Rahul ne aage dekha to saamne ek saaf, tej speed me beh rahi nadi ki aawaj uske kaano me pahunch rahi thi....Rahul ne jab ek baar chaaro taraf apni najar daudaai to dekha bahut hi sundar jagah tha......Har jagah bade bade ped(tree) tha.....Uss ped ki patto se aa rahi hawaa bhi bahut thand tha aur uske sparsh se Rahul ko ek alag hi sukoon mil raha tha....Pollution aur noise se dur iss jagah pe aake Rahul bahut halka mehsoos kar raha tha....Saari tensions dur ho gayi thi.....Wo bahut khush ho gaya iss jagah me aakar....Nisha bhi Rahul ki khushi ko mehsoos kar rahi thi aur wo bhi bahut khush thi....Achaanak hi excitement me Rahul ne Nisha se kaha.
Rahul ne bahut hi excitement me Nisha se kaha.....
Rahul:- Wow Nisha.....Bahut accha jagah hai....Bilkul shaant aur khoobsurat....Chaaro taraf bade bade ped aur ye thandi thandi haawa....Saamne behta ye nadi aur iski paani ki aawaj....Mind fresh ho gaya....Tumne mujhe bataya kyu nahi iss jagah ke baare me.....Itne dino se wahi flat me bore ho ke baithta tha....Aaj to bahut majaa aa raha hai.....Thanks Nisha itni acchi jagah laane ke liye.....Bahut dino se aisi hi jagah ki talaash tha jaha pe jab bhi bore feel karu to aake chhai se aaram karu......
Nisha:- Bataane ka time hi nahi milaa.....Sunday ya kisi aur din jab bhi college band rehta tha tab ham dono apne kaam me hi busy rehte the......Aise me thodi na iss jagah ka yaad aayega.....Jab mujhe pata chala ki tumhaara college 1 week ke liye band hai tab maine socha kyu na ghumne ka plan banaaya jaaye....Tumne hi kahaa tha ki tum kahi baahar jaake fresh hona chahte ho.....Tabhi mere dimaag me iss jagah ka khayaal aaya aur tumhe bata diya......Aur ek request hai tumse ki please abb koi bakwaas baat mat karo.....Kuch der chup raho aur nature ka majaa lo....
Nisha ye kehke chup ho gayi......Rahul ne bhi socha ki baatein to baad me bhi kiya jaa sakta hai....Abhi bahut dino ke baad aisi shaant jagah pe aaya hai to abhi iss pal ko acche se mehsoos kiya jaaye....Wo bhi bina kuch bole bas nadi ki taraf dekhne laga.....Nisha kabhi Rahul ko dekhti to kabhi idhar udhar.....Rahul ka aise khaamosh hoke kucch na bolte dekh usko thoda sa ghabrahat hone laga.....Wo soch rahi thi ki kahi Rahul usse naaraj yaa fir gussa to nahi ho gaya....Kuch der yunhi chup rehne ke baad Nisha darte darte boli.....
Nisha:- Rahul....
Rahul:- Hmmm..
Rahul nadi dekhne me itna khoya tha ki uske moonh se bas itna hi nikla.....Nisha andaaza nahi laga paa rahi thi ki Rahul usse gussa hai ya nahi.....Lekin fir bhi wo himmat karte huye boli....
Nisha:- Rahul....Tum mujhse naaraj ho kya....Maine tumhe naaraj karne ki iraade se nahi kaha tha.....
Nisha iss baar Rahul ke thoda kareeb jaate hur boli......Rahul ne bhi uski baat sun liya tha....Nisha ki aawaj se hi pata chal raha tha ki wo bahut chinta me hai.....Rahul ne usski iss baata ka jawaab mushkuraate hue diya....
Rahul:- Nahi.....Mai tumse kyu naaraj ho sakta hu.....Balki mai to aaj tumse bahut khush hu.....Aaj tumne mujhe yaha laakar sach me bahut khushi diya hai....Aur tumhe dil se shukriya kehna chahta hu.....Mujhe pata hai wo tumne mujhe hurt karne ke liye nahi kaha hai.....Dosti me to kabhi kabhi aisa majaak to chalta rehta hai....Bas mai iss nadi me itna khoya tha ki koi baat nahi kar paaya....
Rahul ke kehne ke tarike se saaf pata chal raha tha ki wo Nisha se naraaj nahi hai....Nisha ye sunte hi muskuraati hai.....Fir unn dono ke bicch kuch der ke liye khaamoshi chaa jaata hai....Rahul waapas nadi dekhne me busy ho jaata hai to Nisha ko kuch samajh me nahi aa raha tha ki wo abb kya kahe....Fir bhi usne Rahul se poonch hi liya....
Nisha:- Tum kab se aise hi nadi ko yoon ghoore jaa rahe ho???Nadiyon se itna lagaaw hai kya....
Nisha ne muskuraate huye pooncha to Rahul ne bhi muskuraa kar jawaab diya....
Rahul:- Haa.....Nadi se mujhe kuch alag hi lagaaw hai.....Wo bhi bacchpann se hi.....Jab chhota tha to mai aur mera family ek pahaadi ilaaka me rehte the....Ghar se kuch door chhoti chhati nadiya behti thi....Mai jab bhi free rehta waha jaakar ghanton tak nadi ko dekhta rehta.....Bahut majaa aata hai.....Nadi me behte paani ko dekhte huye pata hi nahi chalta hai ki time kitna huwa hai....Bigda hua mood bhi fresh ho jaata hai.....Ye mere bacchpann ki unn cheejo me se hai jo aaj tak nahi badla....
Nisha:- To aur kaun kaunsi bachpann ki aadat hai tumhaari jo aaj tak nahi badla....
Nisha ne utshukta ke saath ye puccha....
Rahul:- Yahi nature ko enjoy karna, Cricket khelna, Bure aadato aur Galat insaano se dur rehna aur gussa.....
Rahul ne bhi muskuraate hue jawaab diya.....
Abb Nisha ke pass puncchne ke liye kuch bacha nahi tha......Fir wo dono apne apne kaamo me busy ho gaye....Rahul ka nature ko enjoy karna aur Nisha ka kabhi Rahul ko dekhna to kabhi idhar udhar dekhna....Aise karte karte 11:00 am baj gaye....Jab Nisha ki najar vakt par padi to usne Rahul se kaha.....
Nisha:- Rahul chalo abb waapas chalte hai......Kucch khaaya bhi nahi hai.....Bhookh bhi lag raha hai....Aur bahut time ho gaya hai yaha baith ke....
Rahul:- Bore ho gayi kya tum yaha baithke???
Nisha:- Nahi ...... Kucch khaaya nahi hai aur bhookh bhi lag raha hai.....Issliye keh rahi hu waapas apne room me jaa kar khaa lete hai...
Rahul:- Aaj waapas jaane ka man nahi kar raha....Waapas jaa kar kya karenge....Apne room me baith ke bore ho jaayenge....Please aaj shaam tak yahi rehte hai.....Khaane ki fikar mat karo.....Chalo hotel me jaake khaakar aate hai....
Nisha:- Kya shaam tak.....Iska matlab hame din bhar hotel me unhygenic foods khaane honge.....Nahi mai nahi khaaungi.....
Rahul:- Are yaar ....Kabhi kabhi baahar bhi khaana chahiye......Tumhe kya pata baahra khaane ka majaa....Hamesha hygiene aur health ke picche padi rehti ho.....Life me kabhi kabhi majaa bhi karna chahiye aur kabhi kabhi baahar khaane se health jyaada nahi bigadti....Chalo aaj kuch spicy khaate hai.....Aur haa please abb koi safaayi mat dena.....Mai MBBS nahi padh raha to iska matlab ye nahi ki mujhe kuchh pata nahi......12 tak maine bhi biology padha tha....Aur mera favourite bhi thaa....
Nisha Rahul ki baat sun kar mushkuraati hai......Aur dono chalte hai apna lunch karne.
Rahul aur Nisha hotel se apna lunch karke aate hai.....Aur fir se apne baato me lag jaate hai...
Nisha:- Sach me bahut tasty tha yaar aaj ka lunch.....Waise hamne aaj kya khaaya tha...
Nisha ke iss sawaal ne Rahul ko chaunka diya.....Wo hairaani se Nisha ko dekhne laga aur hairaani se puccha....
Rahul:- Sach me tumhe nahi pata aaj hamne kya khaaya tha....
Nisha:- Aaj pehli baar khaaya tha....To kaise pata chalta.....Aur tumne hi to order kiyaa tha....
Rahul:- Kaisi ajeeb ladki ho yaar....Kabhi baahar nahi khaati kya....Waise aaj hamne chicken drumstick aur aalu ke pakaude khaaya tha....Abb ye mat kehna ki tum vegeterian ho....Mujhe laga tumhe pata hai ki tum drumstick khaa rahi thi.....
Rahul ko abb thoda thoda dar bhi lagne laga tha ki kahi Nisha sach me vegeterian to nahi hai.....Agar hoti to pakka uska aaj band bajne waala tha....
Nisha:- Nahi....Kabhi kabhi chicken, mutton aur fish khaa leti hu.....Lekin hamesha formal lunch snacks aur dinner karti hu....Jaise ki chaawal aur roti....Kabhi kabhi dosto ke saath baahar khaa leti thi.....Kabhi bhi aise items ka name nahi puccha aur pataa bhi nahi chala....Waise bhi mai health conscious hu....Inn sab se health pe buraa asar padta hai....
Rahul:- Tum bhi naa....Kabhi kabhi baahar bhi khaa lena chahiye....Mai to kabhi kabhi khaa leta hu.....Bas chhoti si jindagi hai kuch to majaa karna hi chahiye.....Mai health conscious to hu issliye limit me khaata hu.....Puri tarah se ignore nahi karta.....Jis tarah se tum keh rahi ho mujhe nahi lagta ki tum sach bol rahi ho....Health consciousness ek bahana lag raha hai sach sach kaho asli vajah kya hai....
Nisha Rahul ki aise achanaak puncchne se hairaan ho gayi.....Wo soch rahi thi ki Rahul ko uska jhuth kaise pata chal gaya.....
Nisha:- Nahi nahi yahi vajah hai.....Mai tumse kyu jhuth bolungi....
Nisha ne bas itna hi kaha....Wo Rahul se baat chupaana chahti thi lekin jiss tarah se usne kaha Rahul ka shak aur badh gaya ....
Rahul:- Koi personal baat hai to mat bataao....Mai force nahi karunga....
Rahul ne bhi kisi ki personal baat pe dakhal dena theek nahi samjha.....Usne baat taalne ke liye ye keh diya.....Nisha ne bhi socha ki wo to Rahul ko apna maanti hai....Usse baat fir kyu chuppaaye .....Usne kehna shuru kar diya....
Nisha:- Maine socha ye koi jaruri baat nahi hai....Issliye inn baato pe time waste nahi karna chahti thi....Agar tum jaana hi chahte ho to bataati hu....
Rahul tumne kabhi socha hai ki mai iss tarah ek flat me room leke akele kyu rehti hu....
Rahul:- Nahi....Mujhe laga tum padhne ke liye ghar se dur yaha rehti ho....Koi dusra vajah hai kya....
Nisha:- Nahi....Sacchayi ye hai ki mera koi ghar nahi hai....Mai anaath hu....Mere iss duniyaa me koi nahi hai....Kehne ko to ek mama hai par unhone bhi mujhse apna rishta tod liya hai....
Meri Maa aur Papa ki love marriage hua tha...Unn logo ki shaadi ko unke parents ne accept nahi kiya....Dono ko ghar se nikaal diya.....Papa bahut bade doctor the...Paiso ki koi kami nahi tha.....Aaram se ham log apne life jee rahe the....Bachhpann me mai apne maa aur Papa ke saath bahut khus rehti thi....Maa aur Papa bhi mujhse bahut pyaar karte the....Kabhi bhi koi takleef nahi hua.....Lekin kismat ko meri ye khusi dekhi nahi gayi.....Ek din mere Maa aur Papa kahi jaa rahe the ki unka plane crash ho gaya....Aur unki death ho gayi.....
Ye kehte hue Nisha chup ho gayi aur uski aankho se aansu girne lage.....Rahul bhi kucch bol nahi paa raha tha....Nisha ki baat sunkar usko bhi bahut dukh ho raha tha....Nisha ne apne aansu ponch kar fir se bolna chaalu kiya....
Unke death ke baad mai bilkul akeli pad gayi.....Papa ki taraf se lene to koi nahi aaya....Unn logo ne hamse pehle hi apna rishta tod liya tha....Lekin Nana ji ko shaayad daya aa gayi....Unhone mujhe apne saath le gaye....Wo mujhse bahut pyaar karte the....Unhone fir bhi maa aur papa ko maaf nahi kiya tha lekin unka gussa mujhpe nahi utaara....Wo maa ki shaadi kisi aur se karaana chahte the lekin Maa ne Papa se shaadi kar liya.....Wo iss baat ko kabhi nahi bhula paaye....Fir bhi meri parwarish unhone bahut acche se kiya....Mujhe ek acche school me admission dilwaaya....Meri padhaayi me bahut madad kiya....Paiso ki kami kabhi nahi hone diya....Padhne me pehle se hi acchi thi.....Jab 12 class complete kiya to maine unhe bata diya tha ki mai MBBS padhungi.....Unhone mere account banwaa kar kuch paise transfer karwa diya.....MBBS me maine apni mehnat se naam nikaala aur acche se padhne lagi......Lekin ek din unki bhi death ho gayi....Fir mama aur mami ne ghar me rehne mein bhi pareshan karne lage to mai Riya ki help ki vajah se yaha par rent par rehne lagi.
Nana ji ke diye hue paise se abhi tak sab kuch thik se chal raha hai.....Kuchh time baad part time job kar lungi....Bas acche se padhkar ek accha doctor banna chaahti hu....Issi liye mai sirf aur sirf padhaayi pe dhyaan dena chahti hu.....Kabhi kisi se utna matlab nahi rakhti.....Baahar jaake khaana, party me enjoy karna, modern dresses pehanke sajna sawarna to maine bahut pehle hi chhod diya tha....Mai apne mission se nahi bhatak sakti.....Issliye mai baaki ki logo ki tarah life ko enjoy nahi karti....
Itna keh kar Nisha chup ho gayi.....Uski aawaj me dard saaf mehsus kiya jaa sakta tha....Wo abb rona bhi band kar chuki thi....Bas sir ko niche jhuka kar jameen ko dekh rahi thi....
Rahul:- Sorry Nisha....Maine tumhe ye sab poonch kar tumhaare bhare hue zakhm ko phir se taaja kar diya....Mera wo makshad nahi tha.....Mujhe tumse itne acche vakt me aisa question nahi puncchna chahiye tha....
Nisha:- Koi baat nahi Rahul....Mujhe tumhaari baato ka buraa nahi laga....Bas aise hi puraani baato ko yaad karke thoda dukh lag raha hai....Koi baat nahi.....Mujhe sehne ki aadat hai ....Bahut jald bhool jaaungi....
Nisha ki baat sunkar Rahul kuch bol nahi paaya ....Usse samajh me nahi aaya ki kya bole.....Uske baad waha 1 ghante tak ka khaamoshi chaaya....Mausam bhi bahut badal chuki thi....Aasman ko baadal gher chuka tha....Thandi thandi hawaa beh rahi thi......Nisha ne socha iss khaamoshi ko abb todna chahiye aur usne Rahul se kaha....
Nisha:- Rahul....Dekho na kitna accha mausam hai....
Rahul:- Hmm....Bahut hi accha mausam hai aur jagah bhi bahut accha hai.....Bahut dino baad aisa najaara dekha hu,....
Rahul ne ye keh to diya....Lekin uski baat me koi bhi khushi nahi jhalak raha tha.....Wo abhi bhi Nisha ki hi baato ko soch raha tha....Uska dhyaan mausam aur jagah pe bilkul bhi nahi tha...
Nisha:- Ye mausam pyaar karne waale ke liye bahut accha hota hai.....Chaaro taraf prakritik saundarya aur upar se mausam ka majaa.....Rahul kya tumne kisi se kabhi pyaar kiya hai......
Nisha ne ye jaanboojh kar punccha....Usko ye hi sahi mauka laga tha....Usko lag raha tha ki Rahul aaj bahut khush hai aur sab kuch bata dega....Lekin usko nahi pata tha ki usne Rahul ki sabse badi kamjori par hamla kiya tha.
Rahul ne jab Nisha ki baat sunaa usko apna past fir se yaad aa gaya....Pehle hi Nisha ki baat sunkar wo pareshaan tha lekin abb iss sawaal ne usko aur pareshaan kar diya.....Subah uska mood jitna accha tha abb utna hi bigad gaya....Wo bas khaamosh raha ......
Rahul ko iss tarah khaamosh dekh Nisha ki man me hazaar sawaal aa rahe the....Wo soch rahi thi ki kah Rahul kisi se pyaar to nahi karta....Agar aisa hota to aaj uska dil toot jaata....Lekin abhi Rahul ko aise khaamosh dekh Nisha ne kaha....
Nisha:- Sorry Rahul....Shaayad maine tumse galat sawaal pooch liya...Please bura mat maana....Mai to bas aise hi pooch rahi thi....
Nisha ki baat sunne ke baad Rahul apne buree ateet se mile hue gam se baahar nikla....Usne Nisha se kehna shuru kiya...
Rahul:- Sorry....Kuch puraani baat yaad aa gaya tha....Issliye koi jawaab nahidiya tumhaare sawaalo ka....
Nisha ko Rahul ki baat sunkar thoda khushi to mila ki Rahul ne uski baat ka bura nahi maana....Lekin jaise hi usne puraani baat suna usse raha nahi gaya.....
Nisha:- Kaisi puraani baat????
Rahul:- Yahi pyaar mai bewafaai ka dard....Uss pyaar ki yaad aa gayi thi jisne mujhe 4 saal pehle hi chhod diya tha lekin aaj bhi uss wo pyaar bahut dard deta hai.....Jab bhi Priya ko yaad karta hu dil me bahut dard hota hai aur usske liye bahut nafrat waali feeling aati hai....
Nisha ne jab Rahul ki baatein, uske saath hua bewafai ki baat aur Priya ki naam suna to usko bhi bahut bura laga....Usne Rahul ko samjhaate hue kaha....
Nisha:- Please detail me bataao....Kya hua tha tumhaare saath....Jaanti hu ki tumhe wo baatein bataane me bahut takleef hoga .....Lekin baat ko andar dabaana nahi chahiye....Ek baar bata doge to tum kaafi halka mehsoos karoge aur ye bhi ho sakta hai ki mai tumhaari koi madad kar paau....Ho sakta hai Priya ne tumhaare saath koi bewafaai na kiya ho....Uski koi majboori hogi....
Nisha ne Rahul ko samjaate huye kaha....Priya waali baat ko kehte hue uske dil me bhi bahut dard ho raha tha....Wahi Rahul Nisha ki last line sunkar gusse me bhadak gaya aur chilla kar kaha....
Rahul:- Koi majboori nahi tha uski.....Usne aur uske boyfriend Vijay ne mere saath ghatiya game khela tha taaki mai pyaar me pad kar toot jaau....Priya ne mere saath pyaar ka naatak kiya....Lekin maine unn logo ko kamyaab nahi hone diya....Mai aaj bhi jinda hu aur khush hu.....Bas kabhi kabhi uski yaad mujhe dard deta hai aur kuch nahi.....
Rahul ki aawaj me gussa saaf mehsoos kiya jaa sakta tha....Uske iss gussa hi saboot tha ki wo Priya se kitna nafrat karta hai.....Nisha bhi uska gussa dekh thoda dar gayi aur dheere se boli....
Nisha:- Please tum detail me bataao na kya hua tha tumhaare saath..
Nisha ki iss dheemi aawaj sunne ke baad Rahul ko apna galti ka ehsaas hua aur usne kaha...
Rahul:- Sorry .... Mai tumpar gussa nahi tha .... Priya ki gussa tumpar nikaal diya....Tum jaana chahti ho na meri kahaani to suno....Meri iss baat ko sirf Raj bhaiya aur Ajay jaanta hai....Kisiko nahi bataaya maine ....Mai tumhe apna bahut accha dost maanta hu issliye bata raha hu.....
Fir Rahul ne apni saari kahaani Nisha ko bata diya.....Nisha ko Rahul ki ateet jaane ke baad Rahul ke liye bahut buraa lag raha tha....Nisha ko abb bahut si baatein samajh me aane lagi....Rahul kyu chhoti chhoti baato me itna gussa ho jaata hai.....Kyu dosti aur ladki se dur rehta hai.....Abb usko samajh me aa raha tha Vijay ne usko kya kaha tha.....Usko to abb Vijay aur Priya ke liye gussa aa raha tha.....Wo apne man me soch rahi thi...
Nisha:- (in her mind) To Vijay mujhe iss baare me keh raha tha ......To issliye Rahul Vijay se itna nafrat karta hai....Nafrat karna bhi chahiye....Rahul ke saath itna giri hui harkat kiya hai unn dono ne.....Abb Vijay badal gaya hai aur usko aaj apni galti ka ehsas bhi hai....Aakhir kya vajah ho sakta hai ye mujhe jaana hoga....Aur Priya se bhi ek baar milna achahti hu aur usse sawaal poochna chahti hu ki usko ye sab karke kya mile.....Ek baar Vijay se mil kar sab baat jaana hoga....
Nisha yahi sab soch rahi thi ki Rahul ki aawaj ne uska dhyaan toda....
Rahul:- Pyaar ke liye mera mentality hamesha badalte raha hai.....Bachpann me ladkiyo se nafrat karta tha....hamesh unse ladayi hoti rehti thi......Fir jab teenage me aaya tab kuch movies aur friends ke kaaran sochta tha ki ye pyaar hota kya hai....Jo log isske picche aise pad jaate hai aur unki din ki chhain aur raat ki neend kharab ho jaata hai....Dhire dhire pyaar me mera interest badhne laga aur Jab Priya ke saath kuch time spend kiya to uske saath pyaar ho gaya....Tab pata chala ki pyaar kya hota hai....Fir kuch vakt baad pata chala ki bewafaai kya hoti hai aur dil tootna kisse kehte hai.....Uss vakt se mujhe pyaar shabd se nafrat ho gaya....Aur abb sochta hu ki 18 ya 19 saal ki umar me mai utna mature nahi tha....Issliye Priya ne mujhe apne jaal me fasa liya....Abb uss ladki ke liye pyaar ko galat to nahi keh sakta....Aaj bhi lagta hai ki duniya me sachha pyaar shaayad hota hai....Filhaal to mujhe pyaar se koi lena dena nahi hai....Aaram se jeena chahta hu.....Agar kabhi kisi se pyaar ho gaya to iss baare me sochunga....
Itna keh kar Rahul chup ho gaya.....Wo bahut halka feel kar raha tha....Itni saalon se jo baat usne apne dil me chhupa kar rakha tha wo aaj khulke Nisha ko bata diya....Nisha Kuch der baad Rahul se kehti hai...
Nisha:- Agar bura na maano to ek baat poonch sakti hu.....
Rahul:- Mai kyu buraa maanunga....Tum meri dost ho.....Jo bhi poonchna ho aaram se puccho....Sab bataaunga....
Rahul ne thoda majaak karte huye hanskar bola lekin Nisha ki sawaal se uski hanssi gaayab ho gaya...
Nisha:- Agar Priya tumhaari life me waapas aa gayi to????Mera matlab hai agar wo apni galti ki maafi tumse maang le to kya tum usko maaf kardoge????
Nisha ne ye baat thoda darte hue kaha.....Usko pata tha ki Rahul ko aisi baat buraa lag sakta hai.....Aur Nisha ko Rahul ki jawaab ka bhi besabri se intejaar tha....Wo jaana chahti thi ki kya abb bhi Rahul ki dil me Priya ke liye koi jagah hai.....
Rahul:- Nahi...Maine jis Priya se pyaar kiya tha wo Priya aur real Priya dono bahut alag hai.....Koi bhi baat match nahi hoti unn dono me....Maine ek acche Priya se pyaar kiya tha naaki chaalbaaz aur bewafa Priya se....Ek aur kamjori hai mujhme.....Mai kisi ke saath koi galat nahi karta aur agar koi mere saath galat kare to mai unko jaldi maaf nahi karta....Aur abb mai life me picche nahi moodna chahta....
Itna keh kar Rahul chup ho gaya....Rahul aur Nisha ke bich fir ek khaamoshi chaa jaati hai jo bahut der tak chalti hai....Uss khaamoshi ko todte hue Rahul kehta hai....
Rahul:- Abb bahut der ho gayi hai....Shaam ke 5:00pm baj rahe hai.....Abb hame chalna chahiye....
Nisha kuch nahi kehti aur utth kar chalne lagti hai....Dono raaste me bina kuch bole chal rahe the lekin unke dimaag me bahut sawaal chal rahe thae.....Jab aaj dono subah yaha aaye the to bahut khush the lekin abb jab laut rahe the to bahut hi udaas aur khaamosh.....Issi tarah dono apne apne room me chale jaate hai ....Rahul apne room me pahunch kar bed par lait kar sochta hai.....
Rahul:- (In his mind):- Nisha ke baare me jaankar bahut dukh ho raha hai.....Bacchpann me hi maa baap ka saath chhut gaya.....Mai to ye sab soch bhi nahi sakta agar mere saath aisa hua hota to kya hota....Abb bhale hi Maa aur Papa se alag rehta hu lekin bacchpan me to ye sb sochna bhi mushkil hai.....Nisha sach me himmat baali ladki hai.....Bahut himmat chahiye hoti hai aise akele rehne ke liye aur apne dum par jeena....Itni dard me rehne ke baawjood bhi bilkul bhi kisi ko show nahi karti....Apne ateet ko bhulaa kar apne bhavisya ke baare me soch rahi hai....Aur mai ek aise rishte ke kaaran dukhi ho raha tha jo mera kabhi thaa hi nahi.....
Udhar Nisha bhi apne room me pahunchkar apne hi khayalon me khoyi huyi thi....
Nisha:- (in her mind) Rahul ke saath bahut galat kiya Vijay aur Priya ne.....Koi kaise dusre ki life ke saath khel sakta hai.....Priya ne bahut badi galti ki hai Rahul ko aise dhokha dekar....Ek din usko iss pyaar ki keemat pata chalegi aur mai chahti hu ki usko uska pyaar kabhi na mile tab jaake usko pata chalega ki bewafai ka dard kya hota hai.
Dono uss raat ek dusre ke baare me sochte hai aur so jaate hai.....Jab Rahul subah utthta hai to garden me chala jaata hai.....Wo kuch der waha par baith kar thandi hawaa khaa raha tha....Kuch der me Nisha bhi waha aa jaati hai aur Rahul ki side me baith jaati hai.....Rahul ko yu chup dekh kar Nisha punchti hai....
Nisha:- Kya hua Rahul....Pareshaan lag rahe ho.....Koi problem hai kya....
Rahul:- Nahi.....Nahi to.....Koi bhi pareshaani nahi hai.....Tumhe aisa kyu laga???
Rahul ne chaunkte hue puccha....Usse samajh me nahi aa raha tha ki Nisha ko aisa kyu laga ki wo pareshaan hai....
Nisha:- Tumhaare chehra bataa raha hai ki tum pareshaan ho....
Rahul:- Ohh!!To ye baat hai....Tum please meri chehre ki taraf mat jaao....Jab koi bhi baat sochta hu ya fir shaant baithta hu.....To mera chehra apne aap aisa ho jaata hai.....Sach keh raha hu koi pareshaani nahi hai...
Nisha:- Kabhi hansna bhi chahiye.....Ek baar chehre me smile laake to dekho....Chehra apne aap accha dikhne lagega.....
Ye keh kar Nisha hansne lagti hai.....Rahul bhi uski baat sun kar muskuraane lagta hai......Rahul ko aise muskuraate dekh Nisha kehti hai....
Nisha:- Dekha maine kaha tha na jab muskuraaoge to accha lagoge....Lekin tum to hamesha serious mood me rehte ho.....Waise aaj kuch programme hai kya....
Rahul:- Kaisa programme....
Nisha:- Are buddhu....Kahi ghumne jaane ka.....Agar din bhar yaha rahe to bore ho jaayenge....Iss liye punchha tum kahi jaana chahoge....
Rahul:- Yahi soch raha tha ki aaj kya karu....Kaafi der sochne ke baad idea aaya ki mandir jaana chahiye....
Nisha:- Mandir aur wo bhi tum????
Nisha ne chaunkte huye puccha....Rahul ko bhi Nisha ka aise pucchne se hairaani hua.....Usne bhi Nisha ko pucch liya...
Rahul:- Tum aise kyu poonch rahi ho....Insaan hu yaar koi shaitaan ya bhut nahi jo mandir nahi jaa sakta....
Nisha:- Mera wo matlab nahi tha.....Tum to kehte the ki tum bhagwaan par vishwaas nahi karte.....Aur aaj keh rahe ho ki mandir jaana hai....
Rahul:- Ha mai bhagwaan ko abb bhi nahi maanta hu....Lekin apne religion, culture, traditions ko maanta hu....Inn sab me jo gyaan ki baatein hoti hai wo sab accha lagta hai....Hame bahut kuch sikhna chahiye inn dharmik grantho se....Bahut gyaan ki chije hoti hai.....Ramayan , Mahabhaarat se bhi bahut kuch sikhaa jaa sakta hai....Ye sab hame sanskaar sikhaate hai.....Koi bhi dharam galat kaam nahi sikhaati hai.....Sirf accha karne ka salaah dete hai.....Hame hamaara traditions ko follow karna chahiye.....Kehna to bahut chahta hu lekin keh nahi paa raha hu....Iss topic me thoda kamjor hu....
Aur rahi baat Mandir jaane ki to mai ye issliye keh raha hu kyu ki mujhe wahaa ka maahaul bahut pasand hai....Waha baithne par dil ko ek alag hi sukoon milta hai.....Kal to hamne nature ka enjoy kiya tha aaj culture ka karte hai.....Aur bhagwaan sach me hai to thoda punya bhi kama lenge.....
Rahul last ki line bol kar thoda hansta hai.....Nisha ko to vishwaas hi nahi ho raha tha ki Rahul ne ye sab kaha ....Wo bas itna hi keh paayi...
Nisha:- Accha chalo....
Nisha ko to samajh me hi nahi aa raha tha ki kya bolu.....Wo to Rahul ko aisa kehte dekh confused ho gayi thi....Dono najdeek ke mandir me kuchh der me pahunch jaate hai....Jab Rahul mandir me enter karta hai to kuch logon ko thoda paise deta hai....Nisha bhi uske picche kuch paisa dene lagti hai....Aur dono andar jaakar ekaant jagah par baith jaate hai....
Rahul:- Paise dene ka ek faaidaa to hua....
Nisha :- Mai to soch rahi thi ki tum dil se unn logo ki help kar rahe ho....Lekin tumhe to uss me bhi apna faaidaa najar aa raha hai....Waise kis baat ka faaidaa hua tumhe???
Nisha Rahul ki iss baat se thoda naraaj ho gayi....
Rahul:- Are naraaj kyu ho rahi ho....Jab maine kuch daan kiya to uske baad tumne bhi kiya....Matlab tumne mujhse kuch sikha....Acchi baat hai....Ishi baat ka faaidaa hua....
Nisha Rahul se pehle naraaj thi lekin abb uski baat se gussa ho gayi....
Nisha:- Kya....Kya kaha tumne....Maine tumse insaaniyat sikha hai....Mai to pehle se sabki madad karti hu.....Agar tum nahi hote na to bhi mai help karti.....Mujhe to ye baat samajh me nahi aa raha ki tum bhi meri tarah thoda bahut kisi ka help kar lete ho...
Nisha gusse me Rahul se moonh fer leti hai....
Rahul:- Please gussa mat hona....Mai to majaak kar raha tha yaar...Dosti me to aisa majaak chalta rehta hai.....
Rahul ne bas itna hi kaha tha ki ek baccha waha pe aa jaata hai....Aur Rahul se kehta hai.....
Baccha:- Bhaiya....Bahut bhukh lagi hai....Kuch paise do na khaane ke liye....
Rahul uss bacche ko dekhta hai to sach me usski haalat dekh kar usko daya aata hai....Wo baccha thoda kamjor dikh raha tha aur lag raha tha ki bahut time se acche se khaaya bhi nahi hai.......Rahul apne pocket se kuch paise nikaal kar usko deta hai aur kehta hai....
Rahul:- Ye lo bhai.....Jaake kuch khaa lo...
Wo baccha jaldi se paisa leta hai aur Nisha se kehta hai....
Baccha:- Didi iss baar aap kuch nahi dogi kya???
Baccha ne aasa bhari nighaaao se Nisha ko dekha....
Nisha kuch paise purse se nikaal rahi thi uss bacche ko dene ke liye tab tak Rahul usko kehta hai...
Rahul:- Iss baar ka kya matlab.....Nisha tumhe har baar paisa deti hai kya....
Baccha:- Ha bhaiya....Didi jab bhi yaha mandir me aati hai sabki help karti hai....
Tab tak Nisha bhi apna paisa nikaal chuki thi aur uss bacche ko dekar pyaar se kehti hai....
Nisha:- Ye lo aur jaakar acche se khaana....
Wo baccha bhi khushi khushi waha se chala jaata hai.....Aur Nisha Rahul ko kehti hai.....
Nisha:- Dekh liya na tumne....Maine kaha thaa na ki mai hamesha dusro ki help karta hu....
Rahul uski baato ka muskuraa kar jawaab deta hai....
Rahul:- Mai to tumse majaak kar raha tha.....Tumne seriously le liya....
Itna keh kar wo Nisha ki taraf dekh kar muskuraata hai.....Wo soch raha tha ki Nisha sach me acchi ladki hai.....Sabki help karti hai....Sabse accha behave karti hai....Kisi se koi dusmani nahi karti....Kuch der tak wo Nisha ke baare me hi sochta raha....Lekin agle hi pal kuch soch kar wo Nisha se kehta hai....
Rahul:- Kitni dukh ki baat hai naa.....Wo chhota sa baccha apna pet bharne ke liye dusro se maang raha hai....Hamne to de diya....Baaki ke log sab aise nahi hote.....Kayi log to usko daant kar bhaga dete honge....Koi bhi inn logo ki madad nahi karta.....Sab apne liye hi jeete hai.....Mai to uss bacche ko paise dene ke baad kehna chahta tha ki agli baar se khud mehnat karke kamaana sikho....Isse tumhe kisi par depend nahi hona padega.....Lekin ye child labour ho jaayegi....Government bhi iski against hai.....Abb tumhi bataao wo baccha kaam bhi nahi kar sakta aur paise ke liye majboor hokar maangta firega....Pata nahi kab inke acche din aayenge....
Nisha bhi Rahul ki baat sunkar thoda udaas ho jaati hai....Aaj usko khud pe garv ho raha tha ki usne ek acche ladka ke saath pyaar kiya hai....Jo sirf khud ke liye nahi balki sabhi ke liye sochta hai....Sabhi ko khush dekhna chahta hai....Nisha Rahul ko udaas dekh kar kehti hai....
Nisha:- Please aise udaas mat ho....Abhi hamaare haath me kuch nahi hai.....Abhi to ham sirf kuch logon ki hi madad kar sakte hai.....Aise log bahut jyaada hai....Sabhi ki help karni hai to har ek aadmi ki soch badalni hogi....Aaj ki yug me insaaniyat shaayad mar chuka hai....Bahut kam log aise hote hai jo dusro ke liye kuch karte hai warna sabhi to khud ke liye hi jeete hai....Rahul abhi hame sirf apna career pe focus karna chahiye.....Baad me ham kuch na kuch jarur karenge jisse inn logon ki thoda help ho sake....Ha abhi thoda bahut help to kar sakte hai but iss tarike se kuch logo ki hi bhala hoga ....Agar aur zyaada logo ki help karni hai to zyaada paise ki jarurat hogi wo tabhi possible hai jab ham apne career me successful honge....
Nisha itna keh kar chup ho gayi.....Rahul uski baaton se sehmat hua lekin Nisha ki ek baat ne usko soch me daal diya....
Rahul:- Tumne sahi kaha....Lekin ek baat samajh me nahi aaya tumne kaha ki baad me ham kuch na kuch aisa karenge ki inn logon ki help ho sake....Lekin ye kaise possible hai.....Ham baad me saath to nahi rahenge.....Bas kuch saalon ke liye mai yaha hu aur tum bhi sirf study ke liye.....Baad me hame alag to hona hi padega....Aise me saath saath kaise help hogi yaa to tum karogi yaa to mai karunga.....
Rahul itna keh kar chup ho gaya....Usne apni soch Nisha ki saamne rakh diya....Usse sach me aascharya ho raha tha ki Nisha ki baat pe.....Wahi Nisha ko Rahul ki baat ne ek alag dard de diya....Rahul se alag hone ki baat ne uske dil ko bahut chot pahuncha diya.....Wo sochne lagi....
Nisha:- (In her mind):- Rahul kitni aasani se tumne alag hone ki baat keh diya....Kya tum mujhse pyaar nahi karte....Kyu tumhe mera pyaar najar nahi aata....Ohh abb samjhi tumhe Priya ki bewafayi abhi tak pareshaan kar rahi hogi....Iss liye tum abb shaayad pyaar se itna dur bhaagte ho....Koi baat nahi Rahul mai tumhaara intejaar kar lungi.....Ek din aisa bhi aayega jab tumhe bhi mera pyaar ka ehsas ho jaayega....Tumhe jitna time lena hai lelo Rahul.....Mai tumhaara intejaar kar lungi.....
Nisha abhi yahi sab soch rahi thi ki Rahul ki baat ne uska dhyaan toda....
Rahul:- Tumne meri baaton ka jawaab nahi diya.....
Nisha iss baat se chaunk gayi.....Wo soch rahi thi ki kya jawaab de....Tabhi uske dimaag me ek idea aaya....
Nisha:- Isme sochne waali kya baat hai....Bhale hi ham alag ho jaaye lekin jab tum mujhse iss kaam me help maangoge to mai tumhaara help karne aa jaaungi....Aur ham milkar help karenge....Issliye maine ham kaha....
Nisha ki baaton se uske dil ki dard saaf mehsoos ho raha.....Rahul ne bhi iss baat ko mehsoos kiya....Wo soch nahi paa raha tha ki aakhir Nisha kis baat ke liye dukhi hai....
Nisha:- Abb bahut der ho gaya hai.....Abb hame chalna chahiye.....Dopahar ka 12:00pm baj gaya hai....Abb chalo....
Nisha ka waha rehne ka mood nahi tha.....Rahul ki baat ne aaj anjaane me usko bahut takleef pahunchaya tha....Wo mandir se abb jaana chahti thi iss liye usne Rahul se ye kaha....
Rahul ne bhi sehmati me sir hila diya.....Aur dono bina kuch bole waha se jaane lage.....Kuch der me dono apne apne rooms me pahunch gaye....
Dono apne room me pahunch kar lunch prepare karne lage.....Nisha to lunch finish karke soo gayi....Abhi uska mood off tha.....Iss liye wo abhi kuch nahi karna chahti thi aur naa hi kuch acche se soch paa rahi thi.....Iss liye wo lunch karke soo jaati hai....
Udhar Rahul lunch ke baad mobile me busy ho jaata hai....New semester suru hone me abhi kuch time tha issliye abhi padhayi ka koi tension nahi tha....Iss liye wo mobile me time pass karne lagta hai lekin baar baar usko Nisha ki uss dard bhari aawaj ki yaad aa raha tha....Wo sochne laga ki aakhir aisa kya ho gaya ki Nisha achanak se dukhi ho gayi.....Lekin wo soch nahi paa raha tha....
Aise hi raat ke 10:00 pm baj jaata hai.....Rahul aur Nisha dono ke liye din bahut mushkil se kat ta hai.....Nisha bas Rahul ke baare me hi soch rahi thi.....Rahul aur Priya ka breakup....Rahul ka pyaar ke dard ke kaaran achanak aise ho jaana aur akele rehna pasand karna....Ye sab soch ke Nisha ko bahut hi dukh ho raha tha.....Wo soch rahi thi ki Rahul abhi aisa hai lekin baad me kaisa hoga.....Kya kabhi Rahul uska pyaar samjhega.....Yahi sab baate sochte hue Nisha soo jaati hai.....
Udhar Rahul pareshaan ho gaya tha baar baar Nisha ka uske dimaag me aane ki vajah se......Wo na chahte hue bhi Nisha ke baare me soch raha tha....Kuch der baad wo pareshaan ho kar khud se hi baat karne laga....
Rahul:- (to himself) Rahul ye kya ho gaya hai tujhe....Kyu baar baar tu Nisha ke baare me soch raha hai....Tujhe aisa kyu lag raha hai ki bahut time ho gaya hai tujhe Nisha se mile hue, usse baat kiye....Kuch der pehle hi to usse baat kiya tha......Aur kal se to bas uske saath hi hai.....Kyu na chahte hue bhi Nisha ke baare me sochne se khud ko nahi rok paa raha hai.....Kyu uski baatein teri kaano me gunj raha hai.....Kyu baar baar usko dekhne ki iccha hoti hai....Tu to hamesha akela rehta hai naa to fir kyu uske saath baatein karna chahta hai .....Kyu uske saath time spend karna chahta hai.....Kyu hamesha uske liye fikar karta rehta hai....
Kahi ye pyaar to nahi???
Rahul itna keh kar chup ho jaata hai.....Aur dusre hi pal chillake hue kehta hai aur saath me gusse ke saath bhi.....
Rahul:- (loudly) Nahi.....Mai kisi se pyaar nahi karta....Mai fir se koi dhokha nahi khaa sakta.....Abb ye sab sehne ki taakat mujhme nahi hai.
Rahul aise hi pareshaan uth kar idhar udhar chal raha tha....Wo na chahte hue bhi baar baar Nisha ka muskuraata hua chehre ko yaad kar raha tha....Bahut der tak khud se hi uski fighting chal rahi thi ki wo Nisha se pyaar nahi karta lekin baar baar uske dil uski soch ko jhuttha saabit kar raha tha.....Usko kuch samajh me nahi aa raha tha aur wo bed me baith kar khud se hi baatein karne laga....
Rahul:- Kya mujhe sach me pyaar ho gaya hai????Mujhe to kuch samajh me nahi aa raha ki ho kya raha hai....Picche 1, 2 din se bas Nisha ka chehra hi saamne ghum raha hai...Baar baar uski hi fikar kar raha hu....Jab Bhi uske saath rehta hu ek alag hi sukoon milta hai.....Kya ishi ko pyaar kehte hai???Ye sab to maine Priya ke baare me bhi socha tha.....Usne to mujhe dhokha de diya....Kahi Nisha bhi to mere saath....
Rahul bas itna hi keh kar chup ho gaya aur khud par hi gussa ho kar thodi tej aawaj me bolne laga....
Rahul:- Rahul tu sach me paagal hai.....Nisha ke baare me aisa kaise soch sakta hai.....Priya ne tujhe dhokha diya iska matlab ye to nahi ki Nisha bhi tujhe dhokha degi....Sabhi insaan ek jaise nahi hote....Priya ne to tujhe propose kiya tha kyuki wo tujhe pehle se hi dhokha dena chahti thi....Kekin Nisha ne tujhe kabhi propose kiya....Wo to bas tujhe apna dost maanti hai.....Tu khud hi uske baare me ulta sidha soch kar uske baare me hi galat bol raha hai.....Tujhe to ye bhi nahi pata ki uske dil me tere liye kya hai fir kaise aisa soch sakta hai....
Rahul khud ko hi daantne laga fir kuch sochte huye bolne laga.....
Rahul:- Tu topic ko divert kar raha hai....Yaha tu apni feeling ke baare me soch raha hai aur tu isse bacchne ke liye Nisha ke baare me sochne laga....Chal abb topic par aa jaa aur soch ki tu Nisha se pyaar karta hai yaa nahi .....Kuchh samajh me nahi aa raha....Shaayad kisi ka help lena sahi rahega.....Ek baar Raj bhaiya ko phone karke saari baat batata hu....
Rahul apna mobile nikaal kar Raj ko call karne hi waala tha ki usne idea cancel kar diya aur bolne laga....
Rahul:- Isse kuch faaidaa nahi hoga.....Bhaiya ko pyaar shabd se bahut nafrat hai.....Unko to pyaar ke baare me kuch pata nahi hoga.....Hamesha dur bhaagte hai pyaar se ..... Abb maine puncch liya to ulta mujhe hi daant padega aur do chaar dialogue bhi khaana padega.....Wo to saaf saaf keh denge ki pyaar se dur hi raho.....Ek din bhaiya ne mujhe pooncha bhi tha ki kya mai Nisha se pyaar karta hu.....Tab to maine badi badi baat karke bhaiya ko hi chup kara diya.....Abb agar poonchunga to pehle daant khaana padega aur baad me izzat ki watt lag jaayega.......To kya karu....Ajay ko phone karna thik hoga.....
Itna keh kar Rahul Ajay ko call karne laga....Lekin fir se kuch sochte hue iss idea ko bhi cancel kar diya aur bolne laga....
Rahul:- Nahi nahi usko bataane se bhi kuch faaidaa nahi hoga.....Wo to bas ek hi dialogue maarega....Pyaar me jaldbaazi nahi karna chahiye.....Kuch vakt de khudko khud hi pata chal jaayega....
Rahul itna keh kar muskuraane laga.....Lekin usko Ajay ki baat se kuch yaad aaya aur fir se bolne laga.....
Rahu:- Ajay se ek baat yaad aaya....Usne kuch din pehle hi mujhe bataya tha ki meri aankho me aur meri baat karne ki tarika se usko lagta hai ki mai Nisha se pyaar karta hu....Jis andaaz se usne kaha tha usse to nahi lagta ki wo majaak kar raha tha....Abb to mujhe bhi lag raha hai ki wo sahi bol raha tha....Shaayad bahut pehle se hi mere dil me Nisha ke liye ek jagah ban gaya tha lekin uss vakt pata nahi chala.....Lekin abb jab bhi uske saath close ho gaya hu abb mujhe mere feeelings ke baare me pata chal raha hai......I think I love her.....Lekin mai abbhi koi jaldbaazi nahi karunga.....Iss baar khud ko vakt dunga aur pata karunga ki mujhe sach me usse pyaar hai ki nahi yaa fir ye sab bas aise hi attraction hai....
Ek baat to tay hai ki Nisha mujhe kabhi Priya ki tarah dhokha nahi degi.....Mujhe to Priya ke baare me kuch bhi pata nahi tha.....Usne bahut kuch chhupaaya tha lekin mai Nisha ke baare me bahut kuch jaanta hu aur jitna bhi jaanta hu usse to ye sure ho ke keh sakta hu ki wo bahut acchi ladki hai aur wo mujhe kabhi dhokha nahi degi.....
Rahul khud se hi ye sab baatein kar raha tha ..... Wo apne aap se sawaal kar raha tha ki kya wo Nisha se pyaar karta hai ya nahi aur khud hi jawaab de raha tha.....Wo yahi sab baatein soch raha tha tabhi uske mobile me phone aata hai....
Wo badbadate hue phone uthaane lagta hai...
Rahul:- Abb itni raat ko kabab me haddi baane kaun aa gaya....Thik se sochne bhi nahi de raha.....
Wo phone ki screen me likhaa hua naam padhta hai....Phone Aditya ne kiya tha....Rahul phone uthaate hue kehta hai....
Rahul:- Kya hua???Itni raat ko phone kyu kiya???
Rahul ki baaton se uski frustration saaf pata chal raha tha.....Aditya ne uske baad jo sawaal puccha usse Rahul aur gussa ho gaya....
Aditya:- Rahul abhi kya kar raha hai????
Aditya ki iss vakt phone karne se Rahul pehle se hi gussa tha aur abb iss sawaal ne usko aur gussa dilaa diya.....
Rahul:- Morning walk ke liye jaa raha hu.....Tu bhi chalega kya???
Rahul ki aawaj se hi lag raha tha ki wo kitna gussa me aur frustrated hai lekin Aditya iski parwaah na karte hue kehta hai.....
Aditya:- Abe kya majaak kar raha hai....Raat ko morning walk koi karta hai kya???
Rahul:- Majaak to tu kar raha hai....Itni raat ko log kya karte hai......Obviously sab sote hai.....To tu mujhe ye sab poonch kar majaak hi to kar raha hai....Jaldi se kaam ki baat bol aur mujhe sone de....
Rahul Aditya se piccha chudaana chahta tha.....Issliye jaldbaazi me wo itna keh kar chup ho gaya.....
Aditya:- Itna gussa kyu ho raha hai yaar....Ek jaruri baat tujhse karna tha iss liye phone kiya.....Nahi to itni raat ko tujhe disturb kyu karta....
Aditya ki baat sun kar Rahul abb gusse ki jagah serious ho gaya .....Usse bhi laga ki shaayad koi serious baat hoga issliye Aditya ne usko abhi phone kiya....
Rahul:- Ha to jaldi bol na....Itna suspence kyu de raha hai....
Rahul ki chhup hone ke baad Aditya ne Rahul ko jo bhi bataya usse sun kar Rahul ka gussa aur badh gaya.
