Romance Mentality [Completed]

[Champ_AK_81]

1 din ka time aur lena padega...Abhi updates dhund raha hun iska...Aur raat ko update dena abb mere bas ki baat nahi. ...Kal dopahar ko 2 ya 3 updates post karunga.

 

[Champ_AK_81]

Wow champ ji ye great story idhar bhi..... Ek innocent wid angry young boy ki story.................
Great going dear

Thanks Naina ji for your support and review...Keep supporting.

 

[Champ_AK_81]

UPDATE 5​

Fir dono movie dekhte hai aur dono so jaate hai....Kal ka din inn dono ka college nahi tha aur Rahul ko Raj se milne bhi jaana tha...


Rahul aur Ajay dono aaj subah ke 7 baje jaag gaye...Jab dono ko pata chala ki subah ka 7 baj chuka hai to Rahul ne Ajay se kaha.

Rahul:- Ajay abb to bahut late ho gaya hai...Chhai(Tea) peene ka time bhi khatm ho gaya..

Ajay:- Ha yaar...Ye warden bahut hi kamina hai...Bakwas sa rule banata rehta hai hostel me...Chhai peene mein bhi punctuality...6:30 am se ek minute bhi late nahi.

Rahul:- Chhai ka baat chhod iss hostel me to kucch bhi accha nahi lagta hai....Warden ne students ko attract karne ke liye Wifi to rakha hai lekin itna slow chalta hai ki kya batau....Are yaar youtube bhi thik se nahi chalta...Kal ham logo ne movie dekha tha 2 ghante ka lekin itna buffering ho raha tha ki ham logo ne pure 4 ghante waste kar diye...Iss liye aaj uthne me bhi late ho gaya.

Ajay:- Bilkul...Aur iss buddhe ko paise har months ke 3 days ke andar chahiye...Koi bhi kaam acche se karta nahi hai...Bas isse paise pura ka pura chahiye wo bhi without any delay...Discipline ka baat to aise karta haiki iss town me isse achaaa discipline wala hostel hi nahi hai...Har chhoti chhoti baaton me parents ko phone kar deta hai.

Rahul:- Chal chhod ye baatein. Subah Subah buddhe ko yaad karke pareshan hone se kuch nahi milne wala.

Aur dono hi dost kuch der aise hi baat kar rahe the...Tabhi Rahul ke mobile me Raj ka phone aata hai.

Rahul:- Hello bhaiya...Aaj subah subah kaise yaad kiya.

Raj:- Abe Kamine bhul gaya kya kal maine tujhse milne ke liye kaha tha...Itni jaldi kaise bhul gaya.

Rahul:- Oh sorry bhaiya...Dimaag se ye baat bilkul nikal gaya tha...Kaha pe aau milne ke liye.

Raj:- Iss town ke bus stand pe aaja...Abhi main yahi par hu...Aaj mere ek dost apne ghar jaa raha hai to usse chhodne ke liye aaya hu...To sochha ki yahi se hamlog kisi park ki taraf nikal jaayenge.

Rahul:- Ok bhaiya 15 minutes me pahuchta hu.

Raj:- Ok

Aur Rahul phone kaat deta hai aur Ajay se kehta hai ki wo shaayad shaam tak wapas laut ke aa jaayega...Rahul ek auto rikshaw me baith ke bus stand chal deta hai....Kuch der dhundne ke baad Raj mil jaata hai.

Raj:- Aaj pehli baar tune time me koi kaam kiya hai...Warna hamesha tu late hi hota hai.

Rahul:- Time pe pahucho to bhi baat suno aur nahi pahucho to bhi suno....Aapki to aadat ban chuki hai meri har kaam me galti dhundne ki...Achha ye bataiye kya aapke dost chale gaye apne ghar?

Raj:- Haa abhi kuch time pehle hi gaya hai...Mujhe bahut bhukh lag rahi hai...Chal pehle koi hotel jaate hai uske baad kisi park me jaayenge.

Bhukh to Rahul ko bhi lagi thi usne bhi subah se kuch khaya nahi tha...Phir dono bhai ek hotel me jaate hai aur naasta kar ke waha se park ki taraf chal dete hai... Park me pahuch kar,

Rahul:- Achha ye bataiye...Itne din ke baad yaad kaise kiya mujhe...Aur milne ki koi khaas vajah?

Raj:- Tujhse milne ke liye bhi koi vajah ki jarurat hai kya? Bahut dino se acche se baat hua nahi tha...Phone me bhi acche se baat nahi ho sakta hai...Isi liye bula liya tujhe milne ke liye.

Rahul:- Mujhe to lagaa tha ki aapne party dene ke liye bulaya hai.

Raj:- Party kis baat ki?

Rahul:- Girlfriend milne ki....(Aur fir Rahul hasne lagta hai)

Raj:- Rahul tu aajkal jyada hi bakwaas baatein karne lag gaya hai...Main to kabhi girlfriend nahi banaunga.

Rahul:- Bhai juth bolna to koi aapse seekhe...Jisne aap ko achhi tarah se jaana hai koi bhi ye nahi kahega ki aap kabhi girlfriend nahi banayenge.

Raj:- Kyun tujhe aisa kyun lagtaa hai ki main girlfriend banaunga?

Rahul:- Jis insaan ke mobile me bas romantic movies aur songs ho...Wo insaan jo ladki se ghabrakar baat karta hai...Waise insaan ko girlfriend banane ki iccha nahi hogi kya.

Raj:- Baat to teri thik hai...Lekin abhi padhne ka time hai isliye nahi banana chahta.

Rahul:- Are bhai har baat pe kyun jhuth bolte ho...Sidhi tarah kyun nahi kehte ki Ladkiyaan aapko bhaaw nahi deti hai.(Rahul ye kehte hue hasne lagta hai)

Raj:- Achha to has kyun raha hai...Jaise ki tujhpe bahut si Ladkiyaan fidaa ho gayi hain...Tujhe bhi to koi bhaaw nahi deti.

Rahul:- Maanta hu ki koi ladki mujhe bhaaw nahi deti...Lekin mein admit to kar raha hu na ki mujhe girlfriend banane me koi problem nahi hai.

Raj:- Ek baat bata...Tu wahi Rahul hai jo class 8 tak kehta tha ki main kisi se pyaar nahi karunga, kisi ko girlfriend nahi banaunga aur shaadi bhi nahi karunga....Uss time tak tu ladkiyon se bahut nafrat karta tha....

Rahul:- Ha bhai main wahi Rahul hu...Aur aapne jo kaha hai wo bhi sahi hai...Lekin ye baate bachhpan ki hai...Uss time me ladkiyon se nafrat karta tha...Kyuki jab main class me baith ke homework karta to ladkiyaan teacher ko complaint kar deti thi...Aur mujhe maar khana padta tha.

Raj:- To ab tujhme itni changes kaha se aa gaya ki ab tu bhi girlfriend banana chahta hai aur pyaar bhi karna chahta hai.

Rahul:- Are bhai...Kaise baat kar rahe ho aap bhi....Ye sab time time ki baat hai....Time ke saath hi Insaan ki mentality bhi change hoti rehti hai...Ab teen age me aake adolesence ne mujhe bhi puri tarah se change kar diya hai ...Film aur friends ki baaton ne aur change kar diya...Opposite sex ki taraf attract hona common si baatein hai...Jab 8th me tha tab main bhi 1 ladki ki taraf attract ho gaya tha...Uss time to lagta hai ki ye pyaar hai... Lekin uss ladki ne bhi mujhe koi bhaaw nahi diya aur baat aage nahi badhi...Ab aake pata chala ki yeh pyaar nahi attraction hai...Kyuki uss ladki ke liye mujhe ab koi feeling hi nahi aati.

Raj:- Achha to uss ladki ko apni girlfriend banayega jiski taraf tu attract hoga? Tu to bahut hi jaldi main hai girlfriend banane ki...Aur tujhe lagta hai ki tujhe kisi bhi ladki se pyaar ho jaayega aur uss ladki ko bhi tujhse...Kuch din pyaar ka khel chalta rahega...Aur fir break up and dusra ladki ko dhundne ka kaam suru? Bas yahi reh gaya hai aaj ke yug me pyaar ka matlab...Tu bhi aisa hi kamina niklega ye baat maine socha bhi nahi tha.

Rahul:-(Serious hote hue) Nahi bhai....Bas aapse majak kar raha tha...Main aisi koi bhi girlfriend nahi banaunga jisski taraf bas attraction hi ho...Main ussi ko girlfriend banaunga jisske saath lage ki mujhe saccha pyaar ho...Shayad aisi ladki mere bhagya me likha hai ya nahi wo nahi pata...Bas aapse majaak kar raha tha ki mujhe girlfriend banane ki jaldi hai...Koi bhi ladki ke taraf mera galat bichaar nahi hai...Ye alag baat hai ki jab mujhe inn sab baaton ke baare me pata chala tab mujhe bhi laga tha ki "Love is Lust" Lekin abb nahi...Pyar karne se do log aapas me judd jaate hain...Kisi ek ne agar koi galat decision liya to iska asar dono par padta hai...Kisi ek ke bewafai se dusre ko bhi tadapna padta hai...Maine bas film mein nahi balki real life me bhi dekha hai love failure se koi bhi insaan kiss hadd tak tadapte hain.
Aap to mujhe se acche se jaante hain...Mujhe gussa bahut jyada aata hai lekin iska matlab ye nahi ki main bura insaan hu...Bas main apne achhayi logon ko dikhata nahi...Mujhe kisi ke saath bewafai ya fir kisi ko dhokha dena nahi aata...Itna bura insaan nahi hu ki kisi ko apne swarth ke liye tadapne ko chhod du... Kisi se pyaar karunga to sacchi dil se jiwan bhar saath nibhaane ke liye naa ki koi 2 se 4 months ke relation ke liye...Agar koi ladki bhi mujhse sacche dil se pyaar kare to uska saath kabhi nahi chhodunga...Aapse thoda sa majak kya kiya tha aapne to mujhe itna gira hua insaan samajh liya.

Ye sab baat karte hue Rahul bahut hi serious aur dukhi ho chuka tha...Mahaul ko shaant karne ke liye Raj usse kehta hai.

Raj:- Sorry bhai agar tujhe mere baat ka bura lag gaya ho to...Mujhe wo log bilkul bhi pasand nahi hai jo pyaar ka majaak udaate hai...Tere majaak ko maine seriously le liya aur tu bhi bahut der se bas majaak kiye jaa raha tha to control nahi kar paya aur tujh pe bhadak gaya.

Rahul:-Bhaiya aapki baat karne ke tarike se aur mujhpe bhadak jaane se to yahi lagta hai ki jarur kuch baat hui hai aapke saath jisse aapko bahut dukh pahucha hai...Aur koi pyaar ka majak banaye ye aapko pasand nahi...Bhaiya please bataiye kya hua tha aapke saath? Kya aapne bhi kisi se pyar kiya tha?

Raj:- Chal chhod ye baatein....Baad mein bataunga abhi uss manhoos din ko yaad karne ka bilkul bhi man nahi kar raha hai...Socha tha ki bahut din ke baad mile hai to achhi baatein karenge lekin ye love ki baaton ne pura mahaul hi bigad diya.

Rahul bhi Raj ka haalat samajhte hue Raj ko wo baat kehne ke liye force nahi karta hai...Uske baad dono kuch der ke liye baat karte hai aur dono hi bhai din bhar ke liye kahi ghumne jaate hai...Jab shaam hoti hai to dono apne apne hostel ki taraf chal dete hai...Aaj Rahul din bhar ghumne ke kaaran bahut hi thak gaya tha...Jab wo log kitchen me jaake dinner karke aate hai to Ajay kuch padhne lagta hai aur Rahul aaj ke din me jo kuch bhi hua unn sab baat ko yaad karte hue chup chap so jaata hai.

 

[kamdev99008]

अब ये राज की भी प्रेम कहानी में कुछ ट्रैजिडि हुई है............
इसका भी असर पड़ेगा हमारे हीरो की मेंटलिटी पर

 

[Champ_AK_81]

Friends abhi thoda bukhaar hai...Shayad 1-2 din tak update nahi de paaunga.

 

[kamdev99008]

Koi nahi take care dear

 

[Champ_AK_81]

अब ये राज की भी प्रेम कहानी में कुछ ट्रैजिडि हुई है............
इसका भी असर पड़ेगा हमारे हीरो की मेंटलिटी पर

Thanks Kamdev bhai for your support and review...Keep supporting.

 

[Champ_AK_81]

Koi nahi take care dear

Next update within 15 minutes.

 

[Champ_AK_81]

Res

 

[Champ_AK_81]

Posting.