Sci-FI StRanGe WoRLd : APOCALYPSE

[Nevil singh]

Update : 38 (Waqt itna bhi Bura nahi hai)

Mayank “avi ne bataya tha aisa kuch hoga, hume time-travel ke side effects hue hai, kuch der me sab sahi ho jayega”

Kuch der baad sabhi log sahi ho jaate hai, aur Pari apne charo aur dekhte hue kehti hai “hum jungle me kya kar rahe hai..?”

Siddhi-2 “hum sahi jagah toh aaye haina..??”

Ab aage…

Sam “sahi jagah se kya matlab..??”

Siddhi-2 “hum jungle me hai” voh apne charo aur dekhte hue kehti hai “lekin jaha tak muje yaad hai voh experiment CDC lab me hua tha, aur muje yaha se voh lab kahi nahi dikh rahi”

Vahi Pari apni aankhe band karke vaha chal rahi thandi hawao ko mehsus karte hue kehti hai “hum CDC lab ke pass me rahe aur beach vaale jungle me hai, haina manthu” usne mayank ki aur dekhte hue kaha

Mayank haa mein apna sar hilata hai “haa pari, hum usi jungle me hai”

Siddhi-2 “jungle me..?? lekin kyu..??”

Sam “taaki hamari time-machine yanha par safe rahe, particle accelerator ka jab dhamaka hoga toh vaha par sab kuch tabaah ho jayega”

Mayank “exactly, aur dusra yeh ki mai aur pari ek waqt par do jagah nahi jaa sakte..kyunki iss time me mai aur pari already vaha par maujud hai..agar kisine galti se bhi dekh liya toh shayad uska anjaam hume bhugatna pad sakta hai..it can damage the time-line”

Siddhi-2 “timeline par effect hoga..?? par kese..?? hum sab jaante hai ki time-line tut chuki hai” usne asamaj bhare bhav dete hue apna sawal kiya

Mayank “haa sidhii, aur yeh baat maine hi tumhe batayi hai..lekin maine yeh bhi kaha tha ki time ko kabhi toda nahi jaa sakta..bas uske alag alag roop ho sakte hai, iss waqt time sahi se chal raha hai..yaha koi dikkat nahi hai..lekin jaha se hum aaye hai vaha par time iss tarah se nahi chal raha”

Paridhi “manthu..sach me iss baar toh mai bhi nahi samaj paayi” usne masumiyat se kaha

Mayank “itna samaj lo hum jis waqt se aaye hai vaha hum kuch bhi kare..uska koi bhi effect abhi vale time par nahi hoga..lekin abhi jo hum karenge uska timeline par effect jarur padega, infact hamare yanha aane ki vajah se bhi time me kuch changes aa sakte hai..isiliye hume koi bhi aisa kaam nahi karna hai jisse time ko aur jyada nuksaan pahuche” usne haath se ishara karte hue kaha

Iske baad sabhi log chup hokar CDC lab ke aur chalne lagte hai, lekin sam ke mann me kuch sawal ummad rahe the toh voh uss chuppi ko todte hue kehta hai “are you sure avi yahi se jaayega..??”

Mayank kuch sochte hue kehta hai “haa voh jayega toh yahi se..lekin”

Siddhi-2 “lekin kya..??”

Mayank “voh dusre vala avi, iss waqt press conference kar raha hoga..aur press conference khatam hone tak uska future vala pratiroop usse nahi mil sakta”

Sam “avi ne bataya tha voh karib 8 baje CDC lab me enter hua tha”

Mayank “haa lekin asmaan ko dekhkar yahi lagta hai jese hum jaldi aagaye hai” voh apne watch me kuch buttons dabate hue kehta hai kyunki asmaan me abhi bhi halki halki roshni dikhayi de rahi thi “iss waqt kitne baj rahe hai iska sahi anumaan nahi lagaya jaa sakta, shayad yeh timeline ke tutneki vajah se hua hai”

Sam “agar hum jaldi aagaye hai..toh tune kitne baje ka time daala tha..??”

Mayank “maine 8:00 PM ka time daala tha, kyunki accelerator raat ko 10 baje online hone vaala tha..lekin AVI ki press conference 8:30 baje khatam ho jaati hai..lekin hum shayad 7:15 ko hi yaha aa pahuche hai” usne apni watch me dekhte hue kaha

“1 hour tak hum kya karenge..??” siddhi-2 ne mayank se sawal kiya

Sam “hume koi esi jagah par chupana hoga jaha Manthan aur Paridhi ko koi dekh nahi paaye..varna sab kuch tabah ho jayega”

Mayank “haa, yeh toh sahi kaha..aur hum iss waqt aage vaale gate se nahi jaa sakte, kyunki kisi bhi time par mai aur pari vaha aate hi honge”

Paridhi “toh hum CDC lab ke andar kese jayenge..??”

Mayank kuch sochte hue kehta hai “piche vaala gate, hum piche vale gate se hi andar jayenge”

karib 10 minutes chalne ke baad yeh sabhi log CDC lab ki vishalmay building ke piche aa pahuchte hai, jaha gate ke pass khade hue guards inn sab ko rok dete hai
Guard-1 “sorry, aap log yaha nahi aa sakte, yeh restricted area hai” usne sam ko dekhte hue kaha kyunki voh sabse aage chal raha tha

Mayank unke samne aakar kehta hai “listen..”

Lekin voh guard mayank ko aage nahi bolne deta aur uski baat ko kaat te hue “bache..yeh jagah tum logo ke liye nahi hai, agar particle accelerator dekhna hai toh front gate par jaao” uske baad voh apne saathi vale gaurds se kehta hai “ajeeb log hai yaar, pata nahi kaha kaha se aajate hai..aaj toh sabko samjate samjate thak gaya”

Yeh dekhkar siddhi-2 kehti hai “ab hum kya kare..??”

Mayank apni watch me karib 2 minutes ke liye kaam karta hai, aur fir muskurate hue unn guards ke pass gaya “activate command ORION”

Yeh sunkar voh dono hi guards ekdum se chuank jaate hai, mayank ke thik left side par bani hui security cabin ki deewal me kuch halchal hone lag gayi, uss deewal me raha ek chota sa square block ajeeb taraf se folde hote hue khul jaata hai..jiske baad uss khuli hui jagah se ek roshni ki dhaara sidhe Mayank ke sharir par padti hai

Karib 2 seconds ke baad unn guards ne haatho me pehni hui watch me ek alert aata hai jise dekhne ke baad voh mayank ke pass jaakar pehle vaala guard kehta hai “I am sorry sir, voh aap kabhi yanha se aate nahi hai toh hum aapko pehchan nahi paaye”

Mayank haste hue kehta hai “it’s okay, ab agar aap dono ko koi problem naa ho toh kya hum andar jaa sakte hai..??”

Guard “yes sir, you can” jiske baad yeh guards mayank ke alawa sabhi ko Visitor ka I-Card dete hai aur sabhi log andar chale jaate hai

Voh chalte hue building ke uss hisse me aajate hai jaha se particle accelerator ki pipeline me jaane ka rasta tha, vaha pahuchkar mayank kehta hai “listen, humne aaj hi dekha ki uss raat ke dhamaka ka sabase kam asar isi jagah par hua hai, toh aap sab yaha par safe rahenge..lekin agar koi gadbadi hoti hai..agar hum apne mission me fail ho jaate hai aur voh experiment chalu ho jaata hai toh tum sab ko yaha se fauran nikal jaana hoga”

Paridhi “aap sabse tera kya matlab hai..?? tu kaha jaa raha hai” usne shaq vali najar se mayank ko dekhte hue kaha

Mayank “uss raat ko mai building me bahut saari jagah par ghuma tha, kahi logo ne muje dekha bhi hai toh mera yaha par rehna safe nahi, jese hi dono AVISHKAR ki mulaqat ka time hoga mai yanha vapas aajaunga”

Paridhi “par kya mai tere saath chal sakti hu..??”

Mayank naa mein apna sar hilate hue kehta hai “nahi pari, jab mai doc ki cabin me gaya tha tab muje exactly nahi pata Paridhi uss waqt kaha thi..time already damage ho chukka hai..hum iss pal me saath rahkar aur time ko nuksaan nahi pahucha sakte”

Sam “yeh sab toh thik hai..lekin yeh jagah restricted hai, toh agar hume kisine pucha ki hum log kaun hai aur yaha kya kar rahe hai toh problem ho jayegi..?? yaha par koi mahol nahi bana sakte” usne apne samne lage restricted access ka board dekhte hue kaha

Sam ki iss baat ke baare me Mayank ne pehle hi socha liya tha, voh haste hue kehta hai “yeh jo tumhe VISITOR ke I-CARDS mile haina, yeh special permit hai unn logo ke liye jo iss area me 9 baje tak ghum sakte hai, so don’t worry about it”

Paridhi “unn guards se milne se pehle tu watch me kya kar raha tha..??”

Mayank haste hue kehta hai “bas yahi jo abhi abhi maine bataya”

CDC lab ke baahar press conference joro se chal rahi thi, lekin Manthan ko iss press conference me koi dilchaspi nahi thi toh usne Paridhi ka haath pakda aur use kheenchte hue CDC lab ke andar le jaata hai
Mayank ke aisa karne par Paridhi thodi chaunk jaati hai “manthu..kaha le jaa raha hai..??” voh bhi uske piche piche kheechti chali jaati hai

Manthan chalte hue hi kehta hai “pari, aaj mai bahut hi jyada khush hu..iss din ka mai kabse wait kar raha tha, aaj mai tuje apni voh lab dikhaunga jaha par mai kaam karta hu”

Paridhi “acha acha baba, lekin thoda aaram se chal..pair me dard ho raha hai” paridhi ne jutha natak karte hue badi masumiyat ke saath kaha

Manthan yeh sunkar ruk jaata hai aur fir kuch sochkar voh Pari ko apni godi me uthaleta hai aur vese hi voh paridhi ki aankho me dekhte hue kehta hai “ab toh dard nahi ho raha haina..??”

Manthan ki aisi harqat par Paridhi sharam ke maare paani paani ho jaati hai, sharam aane ki vajah se uske gaalo par laali si aajati hai jo pari ke chehre ke sundarta par char chaand laga rahi thi
Mayank ek pal ke liye toh uske chehre me kho sa jaata hai, toh paridhi pyaar se uske sar par maarte hue kehti hai “duffer kahi ka, mera yeh matlab nahi tha, please muje niche utar sab log dekh rahe hai”

Tabhi manthan ko dhyaan aata hai ki iss waqt voh apne ghar par naa hokar CDC lab me hai, voh fauran pari ko niche utarta hai aur uske kaan pakadte hue kehta hai “lo bas niche utar diya, aur koi hukum mere aaka”

Manthan ki iss haarqat se paridhi ko firse sharam aajati hai jise dekhkar Manthan hasne lagta hai, aur manthan ko ese hasta dekhkar paridhi ne pyaar se uski chaati par ek mukka marte hue uske gale lag jaati hai “paaaaagggggaalllll”
Manthan bhi use apni baanho me bhar leta hai ki tabhi use apne collegue ka phone aata hai, jiske baad voh pari ko lab me akela chodkar vaha se chale jaata hai

Vahi dusri aur Mayank unn jagaho par jaana avoid kar raha tha jaha se voh uss raat ko gujara tha..lekin kismet ke aage kiski chal sakti hai
Ghumte firte hue voh ek jagah aa pahuchta hai jaha par uske samne PARIDHI khadi thi..haa uski paridhi jo uske saath CDC lab me toh jarur aayi thi..lekin yaha se voh vaapas naa jaa saki

Paridhi ko dekhkar mayank ki aankho ke samne ek aur baar firse vohi sab dohrata hai jise voh bhulne ka prayatna kar raha tha..lekin shayad aisa hona asambhav tha..hamari life me kabhi kabar ese hadse ho jaate hai jo puri zindagi nahi bhulaye jaate..aur pal pal vahi hadsa alag alag roop me lautkar saamne jarur aata hai

Mayank apni yaado mein itna jyada kho gaya tha ki use yeh tak ehsaas nahi raha kab Paridhi uske samne aakar khadi ho gayi, voh toh apni neend se tab jaagta hai jab paridhi uski aankho ke aage chutki bajati hai “mister kaha kho gaye..??”

Achanak se pari ki meethi awaaz apne kaano me sunkar voh apni neend se jaagta hai lekin pari ko iss tarah se apne samne dekh voh kuch bol nahi paata, aisa nahi tha usne bolne ka prayash nahi kiya..lekin uske shabd shayad uska saath nahi de rahe the..voh bolne ke liye apna muh khol toh raha tha lekin uski awaaz uske gale me hi atak kar reh jaati hai

Paridhi ne badi hi pyaari najro se dekhte hue mayank ke samne hath se ishara karte hue pucha “kya hua manthan..?? kya aaj mai itni jyada khubsurat lag rahi hu..??”

Iss baaat ka jawab bechara mayank kese deta..?? voh toh bas paridhi ke iss sundar se chehre ko hi nihar te jaa raha tha, ekdum jheel ke jesi aankhe, aur unn aankho par halka sa laga hua kaajal, aur khule baal jab hawa ke joke se uske chehre par aate hai jo pari bade hi pyaar se hata deti thi..lekin kambhakt voh baal ki lat firse vahi aa jaati
aisa nahi tha ki Mayank ne paridhi ko kabhi iss tarah se dekha nahi tha..lekin Paridhi use hamesa utni hi haseen lagti hai jitney use pehli baar dekhne par lagi thi, Mayank bade hi pyar is iss sawal ka uttar deta hai “pari, tu hamesa hi khubsurat lagti hai”

Paridhi “acha ji, pagalu” voh mayank ke sar par tapli marti hai “tu yanha kya kar raha hai..?? I mean tu toh uss taraf gaya tha”

Mayank “voh yaha mai kahi bhi aa jaa sakta hu”

Paridhi “haa pata hai pata hai, sunn chuki hu, ab aur nahi sunna chahti..mai khud hi dekh lungi…huh” ne vese hi pyaari si smile dete hue kaha

Pata nahi kyu par mayank khud ko rok nahi paata aur paridhi ko turant hi apne seene se laga deta hai, usne pari ko itni majbooti se pakad rakha tha jese voh yeh jaatana chah raha hai ki iss baar voh apni paridhi ko nahi khoyega
Mayank ki aankho ke samne voh drasya aajaata hai jab usne apne hi haatho se paridhi ki garden marodkar tod daali thi, yeh yaad aate hi uski aankho se halke se aansu beh jaate hai, aur voh apne hotho ko pari ke garden par dheere se rakhkar Paridhi ko aur bhi jyada jor se jakad leta hai

“aahhhhhh” mayank ko yeh ehsaas nahi tha ki usne paridhi ko kitni majbooti se pakda hai, lekin paridhi ko toh iska ehsaas ho raha tha, itni majbooti se jakde jaane ki vajah se paridhi ke mooh se dard ke maare ek aah nikal jaati hai, aur voh vese hi dabi hui aawaaz me kehti hai “manthuu..dard ho raha hai”

Paridhi ki aawaaz jab mayank ke kaan me padti hai toh use apni galti ka ehsaas ho jaata hai aur voh fauran pari ko apne sine se alag karta deta hai..lekin paridhi ke saath hone ki vajah se voh yeh bhul gaya tha ki uski aankho me halke se aaye hue hai, jo paridhi dekh leti hai

Pari ne mayank ki aankho me aaye hue aansu ko dekhte hue kehti hai “manthan, kya hua..?? tu itna ajeeb behave kyu kar raha hai..??” voh sawaliya bhari najro se dekhte hue puchti hai

Mayank “nahi toh, muje kya hoga”

Paridhi “tu ro raha hai”

Mayank “nahi nahi, voh toh shayad aankh me kuch gir gaya hai”

Paridhi “nahi manthan, kuch toh alag hai..I mean tera iss tarah se hug karna..”

Mayank “mai toh hamesa se aise hi hug karta hu”

Paridhi “yeh haroj vaala hug nahi tha..aisa lag raha hai maano tu muje kaafi dino ke baad dekh raha hai”

Mayank “nahi nahi pari..esi koi baat nahi hai” voh thoda halkate hue kehta hai

Paridhi jaanti hai hai ki manthan tabhi halkaata hai jab voh usse juth bolta hai “manthu, bata na kya baat hai..??” usne badi hi masumiyat se pucha

Mayank iss baar paridhi ki baat ko chahte hue bhi taal nahi saka, voh apne mann me kehta hai “nahi pari…iss baar nahi, mai tuje kuch nahi hone dunga” voh apne haatho ko paridhi ke gaalo par rakhta hai aur pyaar se voh apne hoth ko paridhi ke forehead par rakhkar chumte hue bola “nahi pari, koi baat nahi hai” aur kuch der ke liye usne apne hotho ko vahi par rakha

Mayank ke aisa karne par paridhi ne apne haatho ko mayank ke haath shoulder par rakhti hai aur uske pyaar ko mehsus karne lagti hai, Paridhi samaj jaati hai ki kuch toh aisa hai jo manthan use nahi bata raha, fir mayank uske haatho ko pakadta hai aur kehta hai “pari please promise me..tu….” voh bolte hue ruk jaata hai

Darasal mayank yeh sochta hai ki voh agar Paridhi ko isolation chamber ke pass jaane se mana kar dega toh Paridhi kabhi uss wormhole me nahi fasegi..aur naa hi use apne hi haatho se maarna padega, lekin jab yeh baat voh paridhi se kehne ko hua tabhi use mehsoos hota hai ki ek ajeeb sa saaya teji se uske baaju se gujra aur thik pari ke piche jaakar khada ho gaya

Mayank ne najre toh paridhi ki aur rakhi thi lekin voh paridhi ko naa dekhkar uss piche khade saayein ko dekh raha tha jo dheere dheere karte hue kisi ka aakar lene lag gaya

Paridhi “kya manthu” usne thoda ghabarate hue pucha

Tab tak uss saayein ne usi paridhi ka aakar le liya jise Mayank ne apne haatho se maara tha, voh saayaan bhi bilkul vese hi mayank ko dekh raha tha jab paridhi ne mayank ki baanho me apna dum toda tha, voh saayaan vese hi mayank ko dekhte hue naa mein apna sar hilaata hai

Uske aisa karte dekh pata nahi mayank ko kya ho jaata hai ki voh uss saayein ki baat maante hue apni baat ko ghumate hue kehta hai “mai bas yeh kehna chahta hu Pari, please tu muje chodkar kabhi nahi jaana” yeh kehte hue uski aankho se aansu beh jaata hai

Mayank ke aisa karne par paridhi kuch samaj nahi paata, balki mayank ki inhi harqato ki vajah se uska dil ghabrate hue joro se dhadakne lagta hai “manthan, mai kahi nahi jaa rahi hu, tu aisa behave kyu kar raha hai..?? please batana muje, kya hua hai”

Mayank “mai thik hu..pari, please mujse promise kar tu apna khayal rakhegi, mere liye tuje apna khayal rakhna hi hoga”

Paridhi “haa baba, mai promise karti hu” jiske baad mayank ne paridhi ko ek aakhri baar apne seene se lagaya aur uske baad bina paridhi ki aur dekhe voh vaha se daudte hue chala jaata hai

Vahi paridhi ek tak apni aankhe japkaaye bina hi Mayank ko jaate hue dekhti rehti hai..pata nahi kyu lekin Paridhi ko yeh ehsaas ho jaata hai ki yeh uska manthan hi tha..lekin voh vala nahi jiske saath voh yanha par aayi thi..balki koi aur jisne apni ko Paridhi ko kho diya hai

Vahi mayank daudte hue apne aansuo ko saaf karta hai ki achanak se uski kisi se takkar ho jaati hai aur voh dono hi gir jaate hai

To be continued….

Beautifull update dost

 

[Nevil singh]

Update : 39 (Waqt Ka Mayajhal)

Vahi paridhi ek tak apni aankhe japkaaye bina hi Mayank ko jaate hue dekhti rehti hai..pata nahi kyu lekin Paridhi ko yeh ehsaas ho jaata hai ki yeh uska manthan hi tha..lekin voh vala nahi jiske saath voh yanha par aayi thi..balki koi aur jisne apni ko Paridhi ko kho diya hai

Vahi mayank daudte hue apne aansuo ko saaf karta hai ki achanak se uski kisi se takkar ho jaati hai aur voh dono hi gir jaate hai

Ab aage..

Kehte hai ki hamara atit hamara picha kabhi nahi chodta..waqt me aap kitne bhi aage badh jao..lekin aapka atit kabhi bhi kisi bhi roop me apne samne aahi jaata hai
Waqt chahe kesa bhi ho..agar voh kuch thaan leta hai toh voh aapke saath hokar hi rehta hai..Mayank ke saath waqt kuch aisa hi khel khel raha tha, ek taraf jab duniya ka pura waqt bikhar gaya hai..hamari dharti tabah hone ke kagaar par khadi hai tab bhi Mayank ka atit uska picha nahi chod raha tha

Khud ko sambhalne ke baad jab Mayank ne apni najare samne vale vyakti par daali toh voh ek pal ke liye uss chehre ko dekhta hi reh gaya..uski aankho ke saamne uski Pari thi jo apne ghutno ke bal baithi mayank ko dekh rahie thi “paagal, kabhi toh shanti se chala kar..uss din bhi tu ese hi bhaag raha tha”

Mayank ek pal ke liye apne samne maujud Pari ki aur dekhta hai, aur ek pal voh piche mudkar uss Paridhi ki aur dekhta hai jaha se voh abhi aaya tha, Mayank ke aisa karne par Pari thodi se chidti hui kehti hai “duffer kahi ka..huh”

Pari ke ese bolne par fir ek baar Mayank apni najar piche ki aur karta hai..kyunki uski paridhi bhi use hamesa aise hi toh bulaya karti thi..iss baar pata nahi kyu par Mayank ke chehre par apne aap muskaan aajati hai aur pari yeh dekhkar aur bhi jyada chid jaati hai “huh idiot..stupid..kaha bhaag raha tha itne tej..aur yeh yeh tu baar baar piche kyu dekh raha hai..??”

Pari ka taana sunte hi Mayank vese hi muskurate hue uske pass gaya aur use uthate hue bola “pari..tu yaha kya kar rahi hai, maine tuje mana kiya tha yaha vanha naa ghumna..agar tuje koi dekh leta toh”

Pari ne badi hi masumiyat se kaha “huh..ek toh muje teri itni jyada fikar ho rahi thi..upar se voh tere past vala bhoot vaha par aajaata hai, voh muje kahi dekh naa le toh usse bachte bachate hue tuje dhundne nikali..aur jab mai yaha aayi dekha tujpar toh kisi ka bhoot savaar hai..huh” voh itna sab ek hi saans me bol jaati hai “khud toh kuch bataya nahi ki kaha jaa raha hai..aur ulta jab mai teri pass aayi toh mujpar hi gussa karne laga, jaa muje ni karni tujse baat….hhhhhhuuuuuuuhhhhhhh”

Pari ki yeh harkat dekhkar Mayank ke chehre par fir ek baar apne aap muskaan aajati hai..lekin iss baar kuch alag hua, Mayank toh bas apni pari ke khubsurat chehre me kho jaata hai..ek dum chand sa chehra..gehri nili aankhe..patle hoth aur ankho par halka sa eyeliner, upar se pari ki itni masum vali harkate uski khubsurati par char-chand laga raha thi..aur jab voh gusse se huh bola karti thi toh uski voh pyaari si naak sikud jaati aur uski aankhe choti choti ho jaati, aur pari ki yeh adah Mayank ko hamesa se pasand aati hai, Mayank ko iss tarah se apni aur ghurta dekhe “huh, duffer..ab toh mai sachi me tujse baat nahi karungi” kehte hue voh apna muh fira deti hai

Pari ki iss harkat ko dekhkar Mayank ne pyaar se apne haath ko uske gaal par rakha aur Pari ke chehre ko apni aur karte hue kehta hai “pagal..kya karu mai apni paglu ka”

Pari “kuch bhi nahi..huh”

Mayank “acha ji..itta gussa”

Pari ne kisi choti si baschi ke jese rat laga di “haa bahut bahut bahut bahut..tuna mujse baat hi mat kar..muje nahi karni nahi karni nahi karni..mai abhi bhi tujse gussa hu”

Mayank ne fir apne dono haatho ko Pari ke kaan par rakha aur badi hi masumiyat se usne “sorrrryyyyyy” kaha

Ab bichari pari bhi kya karti, voh bhala Mayank se kab tak naaraz rehti, voh turant hi mayank ke sar par pyaar se marti hai “idiot, tu na sach me, ek dum pagal hai, tune bataya nahi tu kaha gaya tha”

Mayank “mai bas ese hi ghum raha tha”

Pari “acha, toh tu yeh baar baar piche kyu dekh raha tha hmm..??”

Mayank thoda haklate hue “voh maina galti se voh paridhi ke samne chala gaya tha..muje nahi pata ki voh vaha par aayi hogi..aur usne muje dekh liya”

Pari “hmm” ispar pari ne kuch nahi bola

Mayank “par mai vaha par kyu aaya tha” usne apna sawaal rakha

Pari “muje kya pata..tu thodina muje kuch batata hai, huh”

Mayank “bas pari, kitna huh huh karegi hmm..??”

Pari ne badi hi masumiyat ke saath kaha “jab tak tu muje sab kuch nahi bata deta”

Mayank fir gehri saans lete hue sab bata deta hai, jise sunne ke baad Pari ne kaha “manthu..voh tera atit hai”

Mayank “haa aur mera bhavishyo tum ho” aur voh sochne lagta hai ki voh Pipeline ke pass kyu gaya tha

Pari ne use chup dekhkar kaha “kya soch raha hai..??”

Mayank “bas yahi soch raha hu ki mai uss pipeline ke pass kyu gaya tha..??”

Pari “nahi manthan…voh actually hum log thoda bahar aagaye the..yeh sochkar ki.” Voh thoda darte hue puchti hai

Mayank ne fir pari ka haath pakadte hue kaha “koi baat nahi pari, tum log dusre section me chale gaye the jaha par mera voh bhoot aaya tha”

Isspar dono hi hasne lagte hai aur chalte hue mayank ne pari se pucha “usne…I mean maine tumhe dekha toh nahi tha na..??”

Pari “nahi, voh use kisika phone aagaya toh voh baat karke vaha se chala gaya”

Pari ki baat sunkar mayank samaj gaya tha ki iss waqt kiska call aaya hoga, voh pari ki aur dekhte hue kehta hai “voh doc avi ka tha” usne apni watch me time dekhte hue kaha

Pari “par manthu, voh toh iss waqt bahar press conference me hai na..??”

Mayank ne apni aankhein band karte hue kaha “press conference khatam hote hi usne muje call karke command center me bulaya tha..particle accleretor ko chalu karne se pehle usne hume iss experiment ke baare me kuch baate batayi thi”

Pari “iska matlab toh yeh hua ki voh dusra vala avi yanha aa chukka hoga..bas voh intezaar kar raha hai sahi mauke ka”

Mayank “we need to move” kehte hue usne Pari ka haath pakda aur voh daudte hue Pipeline ki aur jaane laga jaha par uske dost pehle se hi maujud the

Sam “tum dono yanha..iska matlab” voh samajte hue kehta hai

Mayank “doc avi apni meeting khatam karke pipeline ka final status check karne ke liye yanha aayega, uss raat ko voh khud apne se pipeline ko dekhna chahta tha..aur voh future vala pratiroop use pipeline me hi milta hai”

Siddhi-2 “agar hume waqt ko bachana hai toh hume unn dono se pehle hi pipeline me jaana hoga”

Sam “bilkul..hum aisa hi karenge”

Mayank “agar hum pipeline ke andar iss gate ko open karke jayenge” usne apne haath se ishara kiya “toh avi ko iss baare me maalum ho jayega..aur aisa risk hum iss waqt nahi le sakte..kyunki aaj ki raat ke liye Doc Avi ne sabko strict order diye the..uske alawa aur koi pipeline me nahi jaayega isiliye uske future vale pratiroop ne apne atit vale pratiroop se milne ke liye pipeline ko chuna tha”

Siddhi-2 “voh avi agar sidhe pipeline me aasakta hai toh hum bhi sidhe vaha jaa sakte the..fir uss jungle me aane ki kya jarurat thi”

Pari “haa manthan, hamara time bhi bach jaata aur hume kisi ke samne aane ka khatra bhi nahi uthana padta”

Mayank “time-line ke bikhar ne ki vajah se kuch bhi ho sakta tha..ho sakta tha shayad hum uss blast ke baad yaha aate..ho sakta tha ki hume pata chale uske pehle hi time-wraiths hume astitva se hi mita dete, mai koi risk nahi lena chahta tha..isiliye maine uss jungle me jaana sachi samja”

Siddhi-2 “acha thik hai thik hai, fir kya socha hai tune..?? hum andar kese jayenge..??”

Mayank iss vishway par soch toh raha tha ki voh pipeline ke andar bina pakde kese jaaye, lekin use koi clue nahi mila, toh usne apna sawal GIDEON se pucha “Gideon, hum pipeline ke andar kese jaaye..??”

Gideon ne jawab diya “sir yeh toh bahut hi aasaan hai..aap usme jaane ke liye mera use kar sakte ho”

Mayank “lekin avi ko iss baare me pata nahi chalega..??”

Gideon “nahi sir..aap shayad bhul gaye hai..apne MASTER CONTROL pehle se hi activate karke rakha hua hai..mai voh sab sambhal lunga aap bas muje bataiye kitne baje jaana hai”

Mayank “agar aisi baat hai toh muje abhi uss pipeline ke andar jaana hai”

Mayank ka command milte hi Gideon ne apna kaam shuru kar diya, Kuch der ke baad iss area (Pipeline ke bahar) me Gideon ke jesi hi ek aawaaz me announcement hua “everyone please evacuate this area, we are getting ready for the accelerator (kripiya iss kshetra ko khaali kare, hum accelartor ke liye taiyaar ho rahe hai)”

Announcement ke baad vaha maujd har ek special guest uss area se jaane lage, tabhi mayank ki watch vibrate hoti hai jisse Mayank samaj jaata hai ki yeh kaam Gideon ka hai, Gideon ka yeh ishara milte hi Mayank apne dosto ko lekar uss gate ke samne aagaya, aur unke pahuchne ke turant baad hi voh gate apne aap khul jaata hai

Jab yeh charo pichli baar iss jagah par aaye toh yeh puri tarah se andhkaar me dubi hui thi..pipeline me sab kuch tutkar tehas nehas pada tha..lekin aaj iss jagah par ek alag hi maahol tha..pipeline ki yeh adhbut ronauk ko dekhkar ek baar toh unn sabhi ki aankhe ek pal ke pipeline ki iss anokhi roshni ko niharne lagti hai

Siddhi-2 aur Paridhi iss jagah ki khubsurati ko dekhkar khush ho gaye the, aur vahi mayank apni Pari ke chehre par aayi khushi ko dekhkar khush tha

Sam “so tuje kya lagta hai..avi yaha par kab aayega..??”

Tabhi Gideon apne aap hi khud ko ek hologram image me project karte hue kehta hai “maine Doc Avi ke records check kiye hai, uss raat ko pipeline me aane se thik 15 minute pehle yeh announcement ki gayi thi..toh maine bas iska wait kiya..aur sabke jaate hi maine yeh gate open kar diya”

Sam “iska matlab hai ki hamare pass 15 minute hai, avi ke aane se pehle hi hume uss dusre avi ko rokna hoga”

Mayank “common avi, kaha hai tu” usne apne charo aur dekhte hue kaha, lekin mayank ko voh dusra vala avi kahi najar nahi aaya

Karib 5 minute ke baad pari ko voh avi dikh jaata hai, jo future se aaya tha..voh mayank ki aur dekhte hue ishara kiya “voh raha avi” unse kuch duri par apni car yaani ki uss time machine se Avi bahar nikal raha tha

Gaadi se baahar nikalte hi uski najar samne khade kuch logo par padi..jab usne gaur se dekha toh use Mayank (Manthan) aur paridhi dikhe..aur unn dono ko jinda dekhkar voh puri tarah se chaunk jaata hai

Avi ko dekhkar Mayank uski aur jaane lagta hai ki tabhi thik unn sabke piche se ek time-traith bahut teji se mayank ke pass aaya aur use piche se hi uthate hue hawa me lehrane laga

Achanak hi piche se hue iss hamle ke karan Mayank uss time-wraith ke haath me fadfadane laga aur khud ko chudane ki naakam koshishe karne laga, Mayank ko ese dekhkar Sam turant apni laser gun nikalta hai aur uss time-wraith ki aur kar deta hai..isse pehle Sam gun ka trigger daba pata, uske haath me rahi banduk dheere dheere karte hue gayab ho jaati hai….aisa hote dekh sam samaj jaata hai ki yeh kisne kiya

Voh fauran apne piche mudta hai lekin uske liye bahut der ho chuki thi..voh achanak se hi hawa me lehrane laga aur hawa me udte hue sidhe pipeline ki deewar par jaa takarkar vahi pe gir gaya
Yaha pipeline me do tarfi hamla dekhkar Pari aur Siddhi-2 kuch samaj nahi paate voh dono hi hawa me lehrane lage aur fir teji se ekdusre se jaa takraye..ab haal aisa tha ki Pari aur Siddhi dono hi apne apne sar par haath rakhe apne pait ke bal jameen par gire the

Voh time wraith ne Mayank ko garden se pakda hua tha, ki tabhi uske samne ek aur time-wraith aajata hai, jo sidhe Mayank ke chehre ke samne aaya aur uske chehre ko apne ek haath se pakad liya..ab mayank ko dono time-wraith ne hawa me hi gher rakha tha, fir dheere dheere karte hue voh samne vaala time-wraith Mayank ke chehre ke najdik jaane lagta hai

Pichli baar jab Dexter ko mayank ne dekha tha tab voh halke nile par safed roshni me kaid tha..lekin iss baar voh roshni safed se kaali ho gayi thi aur uske sharir ke aaspass laal rang ki halki halki bijliya chamak rahi thi
Zorian dwara jor se fainke jaane par Sam ko halki si chot aayi thi..lekin voh apni chot ki parwah kiye bina khada hota hai aur apni jeb se ek device nikalta hai aur uss device ko fir ek laser gun me convert kar voh uss Zorian ki aur kar deta hai..jo usse kuch duri par Paridhi aur Siddhi-2 ke pass khada tha

Sam lasser gun ka trigger dabata isse pehle hi voh zorian uski jagah se gayab hokar thik sam ke samne aagaya…uske baad fir vaha se gayab hote hi voh thik sam ke piche aagaya, uske baad fir daaye, fir baaye…voh Zorian itni tej raftar se sam ke irid-gum raha tha ki ab toh Sam ko voh apne charo aur ek saath dikhayi dene laga tha..yeh dekhkar Sam apni aankho par yakeen nahi kar paa raha tha ki jo voh dekh raha hai aisa bhi possible ho sakta hai

Zorian ko aisa karte dekh Sam ek pal ke liye toh apne charo aur dekhne laga, lekin fir turant hi usne apni gun aage ki aur taani aur usne sidhe uss time-wraith ki aur fire kar di…Sam bhale hi uss Zorian ki chapet me tha..lekin uski najar hawa me lehra rahe dono time-wraith aur Mayank par thi jo unn time-wraiths ke haatho me kaid hokar dard ke maare chatpata raha tha

Mayank ne muskil se apne haath ko samne vale time-wraith ki aur uthaya aur tachyons ki energy se time-wraith par blast kiya lekin iss baar uske waar ka koi asar nahi hota
Mayank ke aisa karne par voh time-wraith bhokla jaata hai aur apni pakad Mayank par aur majbut kar deta hai, iss vajah se Mayank ko ab dard jyada hone lagta hai jiss vajah se voh dard me kahrate hue atak atak kar bolta hai “hum tumhare dusham nahi hai..voh log hai” usne zorian ki aur ishara karte hue kaha

Yeh kehne par time-wraith ne toh kuch nahi kiya lekin voh zorian ke hasne ki awaaz uss puri hi pipeline me gunj uthti hai, fir usski parchayi jo sam ke irid-girid ghum rahi thi usne Time-Wraith ko kuch ishara kiya jiske baad voh pichle vaale time-wraith ne mayank ko chod diya aur voh samne vala time-wraith mayank ko joro se jameen par patak deta hai

Joro se girni ki vajah se mayank ke pair me chot aajati hai aur uske sar se khoon nikalne lagta hai, Mayank ke iss tarah se girne par Pari dekh nahi paati aur voh apne dard ki parwah kiye bina hi apne charo pair (do haath-do pair) ke sahare ghasit te hue mayank ke pass aati hai..aur apni bheegi hui palko se apne Mayank ko dekhne lagti hai “tu..theekk….”

Pari iske aage kuch nahi bol paati, achanak se hi uski saansein teji se chalne lagti hai..dheere dheere karte hue uske aankho ki roshni kam hone lag gayi..use mayank ka chehra tak dhundla sa dikhayi dene lagta hai, Aisa hone par pari ne apne haatho ko uthane ka praytana kiya lekin voh aisa nahi kar paa rahi thi..lekin Mayank jo apne sar par haath rakhe hue pari ki aur dekh raha tha use pari ki yeh haalat samaj me aarahi thi..voh yeh jaan gaya tha ki uski pari ke saath kya ho raha hai

Pari ke thik piche hawa me lehrate hue Time-Wraith ko dekh mayank yeh samaj gaya tha ki usne Pari ko piche se pakad rakha hai, aur time-wraith ke chune ki vajah se Pari ki umar achanak se badhne lagi hai..pari ka voh sundar sa chehra ekdum se hi murja jaata hai, sharir par ek saath bahut saari juriya aane lag jaati hai

Mayank apne haatho ke sahare khud ko khada karne ki koshish ki lekin voh aisa nahi kar paata, kyunki voh zorian jo sam ke samne tha voh achanak se thik Mayank ke samne aajata hai aur uske pair par vaar karte hue Mayank ko fir gira deta hai

Zorian itne par hi nahi ruka, voh fir ek baar teji se Mayank ke irid girid teji se ghumne lagta hai jisse Mayank uske ghere me kaid hokar apni jaan apni Pari ke saath ho rahi ghatna ko sirf dekhte reh jaata hai
Lekin mayank kaha haar maan ne vala tha, voh jese hi khud se uthkar aage badha ki uske sharir me ek tej bijli ka jatka laga aur firse voh vahi par gir gaya, uss bijli ki vajah se uska sharir ek dum bejaan jesa ho gaya tha..voh ab chahkar bhi kuch nahi kar sakta tha…sivay apni uss manjar ko dekhne ke jo time-wraith Pari ke saath kar raha tha

Mayank ko fir ek baar uss dard ka samna karna padta hai jo voh kahi baar kar chukka tha..aaj fir voh ek baar iss kudrat ki shaktiyo ke samne bebas aur laachar mehsoos kar raha tha..pari ko bachane ke liye voh kuch nahi kar paa raha tha, lekin kehte haina ki waqt aane par waqt hi sabkuch thik karta hai, yaha bhi kuch aisa hi hua…zorians aur time-wraith ka dhyaan jab pari par rehta hai toh piche se sam uss gun se laser ke kayi rounds time-wraith par fire kar deta hai

Lekin voh laser ka blast time-wraith ko chute hi kahi ghum ho jaata hai aur vahi zorian haste hue sam se kehta hai “hahaha, you are next”

Sam gusse se ghurate hue bola “tumhe hamare planet par aane hi nahi dena chahiye tha..mummy papa ko tumhari baat kabhi mann ni hi nahi chahiye thi”

Zorian “murkh jeev, yeh tere maa baap ki vajah se nahi..yeh sab tum duskarma insaano ki vajah se ho raha hai..lekin hum log tumhare sukhra gujar hai..hume jinse dar tha uska tumne naamonishan hi mita diya”

Sam “vaada karta hu mai..jo tumne baaki planets ke saath kiya voh mai hamari dharti ke saath nahi hone dunga”

Zorian “bache, kuch nahi kar sakte tum, tumahara planet ek fourth level planet hai..sare dimension me sabse bekar hai, yaha tak ki tumse kamjor pure 10 dimensions me koi nahi hai..aur tum lagta hai tum log hume rokoge”

Mayank ne apni mutthi banate hue kaha “hum tumhe jarur rokenge, yahi tumhari galat femi hai..we are humans” kehte hue usne apni puri taqaat ke saath apne dono haatho ko uss time-wraith ki aur kiya

mayank ke haath se ek anokhi energy wave nikalti hai jo sidhe Zorian ke iss ghere ko paar kar uss-time-wraith se jaa takrayi jisse hua yeh ki uss time-wraith ki pakad Pari se chut gayi aur voh piche ki aur jaa gira

Tabhi achanak se hi voh zorian niche juk gaya aur uska sharir dheere dheere karte hue akadne laga..Mayank aur sam yeh najara dekhkar kaafi hairan the ki achanak se us pipeline me ek dard bhari awaaz gunj uthti hai

To be continued…

Mast update dost

 

[Nevil singh]

Update : 40 (Alwida)

mayank ke haath se ek anokhi energy wave nikalti hai jo sidhe Zorian ke iss ghere ko paar kar uss-time-wraith se jaa takrayi jisse hua yeh ki uss time-wraith ki pakad Pari se chut gayi aur voh piche ki aur jaa gira

Tabhi achanak se hi voh zorian niche juk gaya aur uska sharir dheere dheere karte hue akadne laga..Mayank aur sam yeh najara dekhkar kaafi hairan the ki achanak se us pipeline me ek dard bhari awaaz gunj uthti hai

Ab aage…

Achanak se Pipeline me dard bhari awaaz gunjti hai jise sunte hi Sam ka dhyaan Zorian se hat jaata hai aur voh uss aur dekhne laga, lekin aankho ke samne uss manjar ko dekh sam turant hi uss aur bhagne lagt hai..vahi dusri aur Mayank ko naa toh zorian parwaah thi aur naahi uss dardnaak awaaz ki fikar..voh toh bas ek tak bina apni palke japkaye hue Pari ko dekhe jaa raha tha

Mayank ke attack se Time-wraith ki pakkad pari se chut gayi thi aur voh pari se dur jaa gira..time wraith ke hatte hi pari vahi apni jagah par piche ki aur gir padi, pehle time-wraith aur fir baad me zorian ke dwara waar kiye jaane par mayank ko kaafi chot aayi thi, sharir me dard itna jyada ho raha tha ki voh uth nahi paa raha tha..lekin apni chot ki parwah kiye bina voh ghutne ke share ghasit te hue pari ke pass aa pahuchta hai aur fir pari ke chehre ko apne haatho me le vahi par baith gaya aur pari ko dekhne laga jo iss waqt behosh awastha me thi

Dheere dheere karte hue pari ka chehre firse pehle jesa hone laga, chehre par aayi hui juriya dheere dheere karte hue gayab hone lagi aur pari ka voh pyaara sa chehra pehle jesa hota dekh mayank ki aankho se apne aap hi aansu nikal aate hai aur unn aansuo ki ek bund pari ke chehre par jaa giri

Mayank apni aankhe band karke khud ko sambhalne ki koshish kar raha tha, use naa toh apne aansu ko chinta thi aur naa hi apne chot ki..use toh bas uss dard ki parwaah thi jo Pari ko bina wajah mili thi, lekin mayank ke aansu ki uss boond ki vajah se pari hosh me aajati hai aur apne aankhe kholte hi uski aankho ke samne Mayank ka chehra samne aajaata hai…ek pal ke liye toh pari uske chehre ko dekhti rahi, par fir jab dusri baar mayank ke gaal se hote hue aansu ki ek aur boond apne chehre par mehsus hote hi pari ne apne haath ko pyaar se mayank ke chehre par rakha aur uski aankho se aansu saaf karte hue boli “manthu..chup ho jaa”

Pari ki awaaz sunkar mayank ne apni aankhe kholi, aur pari ko hosh me aaya dekh voh turant hi use apne banho me bhar leta hai, usse jitna ho sakta tha utni majbooti se usne pari ko apne banho me liya tha..mayank ke aisa karne par Pari bhi ek pal ke liye uske baanho me pighal jaati hai

Vahi dusri aur Avi ka sharir me kuch badlaav aane lagte hai, lekin uspar dhyaan naa dete hue voh apni najre samne karta hai aur apne chehre par muskaan liye hue ektak voh Pari aur Mayank ko dekhta raha aur dekhte hi dekhte uska pura sharir gayab ho jaata hai

Thik issi waqt Sam vaha par daudte hue aata hai, lekin voh Avi par dhyaan naa dete hue uske samne leti hui Siddhi ke pass baith te hue uske sharir ko dekhne laga..jo iss waqt usi ke khoon me puri tarah se lipta hua tha..siddhi ke sharir se ek saath kahi jagah se khoon beh raha tha..isiliye voh yeh tay nahi kar paa raha tha ki voh Siddhi ki madad kese kare, dard ke mare Siddhi ka pura sharir thirak ne laga tha..aur siddhi ki yeh haalat dekhkar Sam samaj nahi paaya ki voh kese siddhi ki madad kare, vahi dusri aur Avi ke iss tarah se gayab hone ki ek alag hi gutthi thi jise voh samaj nahi paa raha tha
Voh mayank ki aur dekhte hue chillata hai “mayank”

Sam ki awaaz sunkar mayank aur pari dono hi uss taraf dekhte hai, siddhi ke sharir se behta hua khoon kaafi aage badh aaya tha, aur usi khoon me Sam baithe hue madad ke liye pukaar raha tha

Pari ne mayank ko sahara dete hue khada kiya aur chalte hue voh dono siddhi ke pass aate hai..aur mayank vahi par baithte hue pucha “kyu..?? kyu siddhi”

Mayank ke awaaz jab siddhi ke kaano me padi toh usne dheere se apni aankhe kholi aur atak atak kar “tere liye” dard bhari awaaz me kaha

Mayank “par kyu..??” usne siddhi ke chehre ko apne haatho me lekar apni godi me rakha

Siddhi badi muskil se apne haath se mayank ke haath ko pakad kar vese hi atak atak kar kaha “kkk…kkyaa ff..ff.arrr..aaaraaaakkk pp…papapp…padta hai” uske chehre par ek muskaan thi

Mayank “tuje iss tarah se apni jaan dene ka koi haq nahi tha”

Siddhi vese hi atak te hue baat karti hai “agar mai iss tarah se apni jaan teri baanhon me de du toh muje koi gham nahi hai..muje marna manjoor hai” Usne mayank ke haath par apni pakad majboot karte hue kaha

Mayank kuch samaj nahi raha tha “kya matlab..??”

Mayank toh nahi lekin pari yeh samaj gayi ki siddhi kya kehna chahti hai, voh bhi siddhi ke pass baithte hue “tu aaj bhi manthan se pyaar karti haina..??” apni bheegi hui aankho se dekhte hue kaha

Yeh sunkar siddhi muskurane lagti hai par mayank thoda chaunk jaata hai..voh kabhi siddhi ke chehre ko dekhta toh kabhi Pari ke chehre ki aur dekhta “pari..yeh tu kya keh rahi hai” fir usne siddhi ki aur dekhte hue kaha “yeh juth hai..haina”

Lekin iss par naa toh siddhi kuch boli aur naahi paridhi, voh bas ekdusre ko dekhti rahi..jisse dekh mayank samaj jaata hai ki siddhi kya kehna chahti thi, aur pata nahi kyu par uska dil bhi iss baat ki gawahi de raha tha ki Siddhi aaj bhi usse pyaar karti hai “kyu kiya aisa”

Siddhi “hum aisi jung lad rahe hai jisme kurbaaniya toh deni hi hogi, tune bahut kuch khoya hai..lekin ab aur nahi, tuje pari ke saath rehna hai aur issi ladayi ko bhi jeetna hai”

Mayank rote hue kehta hai “I am sorry siddhi..maine tuje” voh isske aage kuch nahi bol paaya

Siddhi ne apne haath ko mayank ke hoth par rakhkar use chup karte hue kaha “mai apne akhri waqt me voh baate yaad nahi karna chahti” use ab saans lene me bhi takleef hone lagi thi, voh atak atak kar kehti hai “Iiiii…….lllllloooo…….oooooo…vvvvvvveeeeee…..eeeeee…..yyyyy….yyyyyy..oooooooooouuuuuuuuuuu” kehte hu voh apni aankhe band kar leti hai, palke band hote hi aansu ki aakhri bund uski aankh se nikalte hue gaalo se hote hue mayank ke hath par jaa giri, aur usi aansu ki bund ke saath hi siddhi ne mayank ke haatho me hi apni jaan de di

Kuch der Pehle
Jab dono time-wraiths hawa me Mayank ko saath liye hue lehra rahe the uss waqt Pari aur Siddhi jameen par giri hui thi, dusri taraf Zorian aur Sam ke bich ho rahi ghatividhaya inn dono ke hi samaj se pare thi, lekin inke alawa vaha par koi aur bhi tha..aur voh tha doctor Avi, jo abhi abhi apne time machine se bahar aaya tha..apne time-travel karne par use aisa kuch dekhne ki ummid bilkul bhi nahi thi..mayank aur pari ko dekhkar ek pal ke liye avi ki aankhe nam ho jaati hai..lekin iss tarah ke dohre hamle ko voh bhi samaj nahi paa raha tha..time-wraith aur zorian ke dwara kiye jaa rahe hamle ko dekhkar voh chaunk jaata hai

Jab uss time-wraith ne mayank ko niche patka tab pari yeh dekh nahi paayi aur uthkar daudte hue Mayank ke pass chali gayi..lekin siddhi ke dimaag me toh kuch aur hi chal raha tha, voh khud ko sambhalkar turant hi doc Avi ke pass pahuch jaati hai aur siddhi ko apne pass aaya dekh avi puchta hai “who are you..?? yeh..yeh sab kya ho raha hai”

Siddhi “maine socha tha ki tum samajdaar ho..shayad yeh sab dekhkar samaj gaye honge ki yaha par kya ho raha hai” usne thode kataksh bhare swar me kaha “anyways..mai bhi kisske samne apna sar patak rahi hu..iss waqt yanha jo kuch bhi ho raha hai voh sab tumhari hi vajah se hua hai”

Siddhi ki baat me apne liye gussa mehsoos kar Doc Avi usko ghurne lagta hai, Avi ek pal ke liye Zorians aur time-wraith ko dekhta toh dusri aur Siddhi ko dekhta, voh asamaj bhare bhaav ke saath kehta hai “meri vajah se..kya matlab..??”

Siddhi “common itne bhi nasamaj nahi ho tum” ne halka gussa karte hue kaha “manthan ne jitni tareef ki thi..tum utne intelligent naa ho, muje toh ab shaq ho raha hai ki yeh particle accelerator tumne hi banaya hai yaa fir kisi aur ne”

Siddhi ki yeh baat sunkar avi ko halka gussa aata hai “ladki..shayad tum jaanti nahi ho ki iss project ko successful banana ke liye maine apni puri zindagi bita di”

Siddhi ne uski baat ko pura karte hue kaha “mai sab jaanti hu, uss raat bahut se logo ki jaan gayi hai, tumne apni patni ko apni aankho ke samne marte hue dekha hai..tumhara favorite student Manthan aur Paridhi uss dhamake me maare gaye..you know what Manthan tumhe apna idol maanta hai”

Siddhi ki baat sunte hi avi ke aankhe ke samne voh saare pal fir aajate hai, voh kehta hai “tum itna sab kese jaanti ho..?? particle accelerator ko chalu hone me abhi bahut der hai..fir tum yeh sab kese jaanti ho..??”

Siddhi iss par kuch nahi bolti, Avi apne mann me sochta hai “iss ladki ne yeh kaha ki yanha jo kuch bhi ho raha hai voh sab meri hi vajah se ho raha hai, iska kya matlab” usne apne samne zorian aur time-wraith ko dekha, jo manthan(mayank) aur pari par vaar kar rahe the “yeh dono..yeh yanha par kya kar rahe, uss raat toh yanha koi nahi aaya tha” unn dono ko dekhkar Avi ke mann me yeh baat aati hai “tumne kaha yeh sab meri vajah se hua hai, tum janti ho ki accelerator ke chalu hone ke baad kya hua, aur yeh tab hi possible ho sakta hai ki tum future se aayi ho”

Siddhi “haa..haa hum sab future se aaye hai”

Avi “par yeh kese possible ho sakta hai”

Siddhi “kyu nahi ho sakta..??”

Avi “manthan aur paridhi jinda kese ho sakte hai, maine unhe dhundhe ne ki koshish kari thi..voh dono hi uss dhamake me maare gaye the” aakhri line bhari gale se kehta hai

Siddhi “uss raat ko jo dhamaka hua tha…tab Pari uss dhamake ke thik samne thi..voh dhamaka itna khatarnak tha ki usne pari ke astitva ko hi nigal liya..isliye use koi dhund nahi paaya, aur rahi baat manthan ki toh voh khud point of origin tha..iski vajah se voh dusri dimension me chala gaya..aur yeh jo pari aap dekh rahe hai voh bhi usi dimension se aayi hai”

Avi “tum ho kaun..??”

Siddhi “mai manthan ki dost Siddhi hu”

Avi “no way..mutliverse ki kahani sach nahi ho sakti”

Siddhi “yakeen karna muskil hai, haina..lekin yahi sach hai”

Pehle toh Avi ko yeh baat manne me hi nahi aa rahi thi, lekin apne samne ho rahi ladayi ko dekh ko voh thukra nahi paa raha tha, voh uss time-wraith ki aur dekhte hue kehta hai “voh shayad time-wriath hai jo paridhi ke pass maujud hai..lekin yeh jeev kaun hai, jisse voh ladka lad raha hai”

Siddhi “voh dono hi 31st century se aaye hai, exactly year 3146..aur voh jeev UNIVERSAL DOMINATORS hai” usne zorian ki aur dekhte hue kaha “they are the most powerful being in all of the 10 Dimensions..voh hamari earth ko tabah karna chahte hai, aapke iss time-travel se aapko koi fayda nahi hoga..aapko apni wife Disha vapas nahi milegi, infact aapki iss naadani ki vajah se hamari time-line tut gayi hai..time line ke tutne ka asar pure multiverse par pada hai..hum janha se aaye hai vaha par multiverse apne ant hone ki kagar par aa pahucha hai..already angina pruthvi tabah ho chuki hai..aur ho rahi hai”

Avi ko toh jese saanp sung gaya ho, voh bina kuch bole ek tak siddhi ko hi dekhta rehta hai, voh ab samaj gaya tha ki aakhir me yeh manjra kya hai, voh kehta hai “yaani tum log mere uss pratiroop se mil chuke ho jo time-line ko change kar chukka hai”

Siddhi “ha bilkul, aur yeh tumhari hi advise hai ki hum log tumhe history badalne se roke..agar tum particle accelerator ko hone dete ho toh hum multiverse ke saath saath hamari time-line ko bhi hum bacha sakte hai..aur shayad hum inse bhi bach sakte hai” usne zorian ki aur ishara karte hue kaha

Avi “fir toh manthan yeh baat ache se janta hoga ki time-wraiths aur voh alien tumhe rokne ki koshish jarur karenge”

Siddhi “haa manthan ne bataya hi tha..aur vahi hua, par mai ab tumhe rokungi..tum history change nahi kar sakte”

Avi “mai samaj gaya, mai history ko nahi badlunga” tabhi avi ke piche se achanak hi voh dusra vala time-wraith aaya aur Avi ke sharir se aarpaar hote hue sidhe siddhi se jaa takraya..aur thik vahi par ek dhamaka hua jisse siddhi hawa me uchalte hue thodi piche jaa giri
Uss dhamake ki vajah se Siddhi ko bahut Jayda chot aayi thi..sharir ke lagbhag sabhi jagah se khoon paani ki tarah beh raha tha..aur vahi jo time-wraith siddhi se takraya tha voh iss dhamake me gayab ho gaya

Sam ne jab yeh haalat mayank aur paridhi ko dikhaye thik usi waqt Avi ke sharir me badlaav aana chalu ho gaya..uska sharir dheere dheere karte hue dhundla padna shuru ho chukka tha

Back to Present
Siddhi ne apni jaan apne pyaar ke baanho me de di thi, Mayank bhale hi usse nafrat karta tha..lakin kabhi Siddhi ke liye uske dil me pyaar tha, aaj ussi pyaar ke ehsaas ki vajah se Mayank ki aatma tak rone lagi thi..voh chahe siddhi se kitni hi nafrat kar leta..lekin Siddhi uska pehla pyaar thi, issi vajah se voh siddhi ki maut ko seh nahi paaya aur uske bejaan se pade sharir ko apne gale lagaye hue rone laga “siddhi why..why, kyu kiya tune aisa” fir thoda rukkar “I promise, mai teri maut ka badla lekar rahunga”

Mayank ko iss tarah rote dekh Pari ki aankhein bhi ekpal ke liye nam ho gayi thi, yeh siddhi bhale hi uske earth se naa thi..lekin uski shakal uski dost se milti thi..aur mayank ke vapas uske life me aane ki madad bhi isi Siddhi ne kari thi
Siddhi ka pura sharir uske khoon se lipta hua tha..uski pida ka andaaza paani ke jese beh rahe khoon se lagaya jaa sakta tha ki use kitni dardnak maut mili hai..itne dard ke bawjood bhi uske chehre par ek anokhi hi chamak thi..hotho par ek pyaari si muksaan thi..aur ho bhi kyu na..marne se pehle usne apne dil ki baat Mayank se keh di thi..aur apne aakhri pal usne apne pyaar ke baanho me bitaye the

Lekin shayad yeh waqt inn sab ke liye nahi tha, Sam ne haalat ko samjate hue kaha “manthan, I think we need to leave, agar voh dusra Avi aagaya toh gadbad ho jayegi”

Paridhi ne sam ki baat ko sunkar Mayank ki aur dekha, “lekin manthu ko iss haalat me yanha se kese le jayenge..??” uski awaaz me mayank ke liye dard saaf sunayi de raha tha

Sam “I don’t know, but we have to move..hum jitni der yaha rukenge time line utni jyada bikhar ti jayegi, aur yeh bhi ho sakta hai ki hamari mehnat aur siddhi ke balidaan par paani fir jaaye”

Iske baad sam aur paridhi milkar Mayank ko uthate hai, aur mayank ruansi awaaz me dard me kahrate hue bola “siddhi ko hum yaha nahi chod sakte”

Mayank ki baat sunkar voh dono hi ruk jaate hai aur ek baar Siddhi par najar daalte hai, pari ne sam se kaha “tum siddhi ko le lo, mai Manthan ko sambhal lungi”

Sam “are you sure Pari..??”

Pari sirf haa mein apna sar hilati hai lekin boli kuch nahi, aur fir sam mayank ko paridhi ke hawale kar Siddhi ke sharir ko uthata hai ki tabhi unn logo ko ek awaaz sunayi deti hai “who the hell are you” lekin fir jab uski najar Mayank aur Paridhi par gayi toh voh bola “yeh sab kese hua..?? aur tum dono yanha kya kar rahe ho..??”

To be continued……

Awesome update bhai

 

[Nevil singh]

Kahani Abtak​

Small Recap of Strange World : Apoclypse

kahani ki shuruwat saal 3146 me hui thi, jisme sam ne Earth special force ki team se istifa de diya tha
Sam ki aisa karne se rokne ke liye uski dost Akshita use samjane ke liye uske ghar jaati hai, aur sam ko samjane ne baad voh dono vapas apne headquarters ki aur jaane lagte hai
lekin vapas jaane se pehle dono hi ek dusre se apne pyaar ka ijhaar karte hai

saal 3146 me pruthvi ke haalat ache nahi the, ZORIANS naam ke aliens ne puri dharti par apna aatank faila rakha tha aur unhe rokne ke liye earth special forces ko kamiyabi nahi mil rahi thi

lekin tabhi kuch aisa hua ki sam ko ek ummid ki kiran najar aati hai, jab dinosuars uss waqt me aakar zorians ko khatam karne lagte hai
pehle toh yeh sach nahi lag raha tha, lekin jab sam aur uski team ne isspar research kiya toh yeh malum hota hai ki dharti par alag alag jagah par time-portals samne aaye hai aur usi se yeh dinosaurs anjane me hi unke waqt me aajate hai

Sam yeh faisla karta hai ki time-portals kaam kese karte hai use ache se samajne ke liye use fir ek baar time-portals se jaana hoga, aur iss baar voh akshita ko apne saath le jaata hai, aur voh dono time-portals ki madad se 2018 ki saal me Mumbai aa pahuchte hai

2018 me bhi pruthvi ka haal karib unke waqt jaisa hi tha, unhe vaha par bhi zorians dikhte hai aur baad me unn dono ki mulaqat Aarav, Pathik aur unke dosto se hoti hai
past me aane par yeh pata chalta hai ki zorians bhi uss time portals ke jariye atit me chale aaye hai aur voh yaha par bhi tabahi macha rahe hai..Sam ko apne khoyi hui army ke baare me bhi pata chalta hai jo zorians ke saath yanha aayi thi..lekin ab voh bhi nahi bachi hai

uske baad Sam ki mulakat Manthan(Mayank) se hoti jo apne dimension Travel karne ki kahani batata hai, aur uske baad voh fir ek baar Earth-1 par jata hai apni watch ko sahi karane ke liye
lekin jab voh vapas gaya toh use pata chalta hai ki earth-1 tabah ho rahi hai..aur sirf itna hi nahi laute waqt use yeh malum padta hai ki pura multiverse khatam hone ki kagar par aa khada hua hai

Manthan ki mulaqat Trod se hoti jo use ZORIANS ki sachai batata hai ki voh 10 dimensions me sabse powerful race hai aur unse koi nahi jeet sakta..unki sirf ek hi kamjori hai TIME, jo ab tut chuka hai

Manthan vaapas earth-2 par aane ke baad dr avi ke pass jaata hai aur unn sab ko yeh malum padta hai ki doc avi ke time travel karne ki vajah se puri time line tut chuki hai, toh avi ke kehne par manthan, sam, paridhi aur siddhi vapas waqt me piche jaate hai
unka plan tha uss bhavishya se aaye hue avi ko rokna jo particle accelerator ki experiment ko rokne aaya tha, lekin aisa karne se rokne ke liye zorian aur time wraith dono vaha par aa pauchte hai aur sam aur manthan par hamla karte hai

zorian aur time wraith se bachkar siddhi avi ko rok deti hai lekin badle me use apna balidan dena padta hai
time wraith ke saath hui ladayi se manthan kaafi chotil ho chuka tha, Paridhi sam aur manthan vaha se vapas lautne ke taiyaaari kar rahe the ki achanak se unhe koi dikh jaata hai

Ab aage

Shukriya sahib

 

[Nevil singh]

Update : 41 (Ek aur Anokha Khel)

“hello..hello….koi sun raha hai..we need heeeeellllllllpppppp” ek dard bhari awaaz ek baar fir uss room me gunj uthi, koi kuch samaj paata usse pehle hi jordar dhamake ki awaaz sunayi di aur dusre hi pal sab kuch ekdum se shaant ho gaya

“dammidd” iss dhamake ki awaaz sunne ke baad Bennet apne haath ko desk par marte hue chillaya “we lost another one”

“behave yourself bennet” ek khaufnaak awaaz bennet ke kaano me padti hai, jise sunkar bennet samaj jaata hai ki uske pass kaun khada hai

“I am sorry commander, but I just can’t take it..yeh aaj ke din me panchvi baar hua hai, we are just loosing more and more” kehte hue voh apne commander ki aur mooda jo usse kuch duri par khada tha

Commander “I know it son, but filhaal abhi hum kuch nahi kar sakte, atleast jabtak sam aur akshita vaapas nahi aajate”

Bennet “sir, sam aur akshita kab vaapas aayenge hume nahi pata..voh vapas aayenge ya nahi mai toh yeh bhi nahi jaanta”

Commander “we can just hope ki voh jald hi vapas aajaye”

Bennet “I am sorry sir, par agar aise hi haalat rahe toh hum jyada din tik nahi payenge..almost humari earth puri tarah se tabah ho chuki hai”

Commander “mai majboor hu bennet”

Bennet “apko aisa kyu lag raha hai ki sam aur akshita dono vaapas aayenge..??”

Commander “mai nahi janta, par filhaal hum plan ke mutabik hi kaam karenge..atleast jitna waqt sam ne manga hai”

Bennet “sir, agar ese hi baithe rahe toh haalat aur kharab ho jayenge”

Commander “we have to take risk..agar use fail hona hota toh humne use kabka kho diya hota, but voh pehle bhi time-travel karke vaapas aaya hai..aur iss baar bhi voh jarur vaapas aayega”

Bennet “common sir, aap special force ke head hote hue bhi esi baate kar rahe hai..??”

Commander “mai janta hu bennet yeh baithe rehne ka time nahi hai..yeh action lene ka time hai..mai bas hamare plan ke hisab se chalne ke liye keh raha hu, jo uss din tay hua tha..jabtak 3 din pure nahi ho jaate mai yeh manunga ki sam aur akshita dono sahi Salamat hai aur unka mission abhi tak pura nahi hua hai”

Bennet nirasha bhari awaaz me kehta hai “sir chahta toh mai bhi yahi hu..but koi nahi janta ki yeh time-portals asal me kaam kese karte hai..aur…” voh bolte hue ruk jaata hai

Commander “just few more hours bennet, agar voh dono vaapas nahi aate fir mai yeh maan lunga ki hamara mission fail ho chuka hai”

Bennet “sir, with all your respect..mai bas yeh puchna chahta hu ki agar…agar voh dono vaapas nahi aaye toh hamara backup plan kya hoga..?? yeh ladayi jeetna hamare bas ke baahar hote jaa raha hai”

Commander kuch sochte hue “fir hamare pass OCULUS PROTOCOL ke use karne ke alawa aur koi rasta nahi rahega” usne saans chodte hue kaha aur screen par rahi tasweer ko dekhne laga jo pruthvi ki tabahi ko darsa rahi thi

Kuch der tak unn tasweero ko dekhne ke baad commander ne pucha “any news bennet..??”

Bennet “not yet sir”

Commander “anything” usne apne sawal ko firse dohraya..iss ummid me ki shayad bennet iss baar kuch aur jawab de

Bennet “nothing sir, muje koi bhi energy signatures nahi mil rahe” iss baar usne apna jawab puri detail ke saath diya

Commander “keep looking” aur fir voh vaha se chale jaata hai aur bennet vahi baithkar kuch der ke liye apni aankhe band kar deta hai

Time : 3146, 11:00 PM, 3 din pehle
Location : Coronal City
“are you sure sam..?? tu sach me yeh karna chahta hai” bennet ki awaaz sam aur akshita ke kaano me sunayi di

“bennet, hume yeh karna hi hoga..hamare ghar ke liye” sam ne apne kaan par pehni device par haath rakhte hue kaha

Bennet “dekh sam, tere mom dad ke khona ka dukh muje bhi hai..so please mai aakhri baar keh raha hu..gusse me aakar kuch aisa vesa naa kar dena jisse hume hi nuksaan ho”

Sam “mai thik hu..muje yeh karna hi hoga..ab yeh time-portals hi hamari aakhri ummid hai”

Bennet “you are the boss par yeh yaad rahe..agar kuch bhi gadbad hui toh tum dono fauran yaha vaapas aaoge”

Sam “don’t worry bennet, we will be fine..kuch nahi hoga”

Commander “sam..it’s my order”

Sam “right sir, I will return”

Commander ki awaaz sunkar Akshita ne jawab diya “aap fikar na kijiye sir, koi bhi gadbad hoti hai toh hum dono fauran vapas laut aayenge”

Commander “good, we are counting on you..good luck”

Sam “thank you sir, bas ek request hai, agar hum dono 3 din me vapas naa aaye toh samaj jaana ki hamara yeh mission fail ho gaya hai and we are dead”

Bennet “don’t ever talk like that, tuje yaha vapas aana hi hoga”

Sam “bennet, hume har tarah se prepare rehna padega, it’s war mere bhai”

Itna kehne ke baad sam call disconnect karta hai aur voh akshita ko dekhte hue uske haath ko pakadkar kehta hai “dar lag raha hai”

Akshita “muje bhi, par hume yeh karna hi hoga”

Sam haa mein apna sar hilata hai “right then, let’s do it” aur fir voh dono hi apni aankhe band karke uss portal ki aur badhe aur vaha se gayab ho gaye

Back to Headquarters
Commander aur bennet dono hi screen par dekh rahe the, screen par coronal city ka naksha tha aur ek jagah par do heat signatures dikhayi de rahe the..jo achanak se hi gayab ho jaate hai, jise dekhkar commander kehta hai “yeh heat signatures…”

Bennet ne uski baat ko pura karte hue kaha “voh dono sam aur akshita ke the”

Commander “that means they are gone” uske baad voh vaha se chala gaya aur bennet apne kaam me lag gaya

Bennet lagatar coronal city par najar rakhe hue tha, aur uske saath me voh pure earth par uss unknown energy ko dhundhne ki koshish kar raha tha jo uss time-portals se nikal ke aa rahi thi…aur use karib 13 jagah esi mili jaha par bennet ko uss unknown energy ke traces milte hai


“I hope ki tum dono sahi Salamat ho” bennet ne uss pal ko yaad karte hue kaha jab sam aur akshita uss time-portals me gaye the, jiske baad voh apne kaam me lag jaata hai

Tabhi achanak se uss room me alert ka alaram bajne laga aur red light pure kamre me flash hone lagti hai, yeh dekh bennet fauran screen par dekhne lagta hai
Alaram ki awaaz sunte hi commander bhi uss room me aajata hai aur voh puchta hai “kya hua bennet”

Bennet “don’t know sir, muje kuch high intensity ke energy signals mil rahe hai”

Commander “kis tarah ke”

Bennet “unknown hai sir, aur voh aa rahe hai..” voh bolte hue ruk jaata hai

Commander “kaha se..??” voh bhi screen ki aur dekhkar chup ho jaata hai kyunke uske sawaal ka jawab bennet ne pehle se hi screen par laa diya tha

Bennet “it’s time portals sir”

Commander “what’s happening out there”

Bennet “mai khud nahi janta sir, iss tarah ke signals muje aajse pehle kabhi nahi mile”

Commander “muje uss jagah ke fauran satellites images chahiye”

Bennet “already working sir” ne apne samne rahe hologram screen par kuch buttons ko touch kiya aur ek badi si image coronal city ki uss screen par aagayi

“Yeh vahi jagah hai jaha par sam aur akshita ko akhri baar dekha gaya tha” screen par rahi tasweer ko dekhte hue bennet ne kaha

Commander aur bennet dono hi ektak unn tasweero ko dekhe jaa rahe the, halaki screen par kuch saaf dekhayi nahi de raha tha…lekin unn tasweer ko dekhkar koi bhi bata sakta hai ki vaha par ho kya raha hai

Uss jagah par dhool ka bhawandar bana hua tha jo har second aur bhi bhayankar banta jaa raha tha, tabhi achanak se uss jagah par alag alag gatividhya hone lagti hai..achanak se uss jagah hawa me hi ek ajeeb tarah ki Roshni dekhayi deti hai, jo kuch hi pal me golakar me tabdil ho gayi aur uss golakar ke charo aur alag alag rang ki Bijli kadakne lagti hai
thik uss golakar ke bich me gehra andhera jama hua tha…lekin yeh andhkar bhi jyada der naa ruka aur andhere ko chirte hue ekdum se ujala ho gaya aur joro se dhamaka hone laga

Dhamaka hote hi kuch pal ke liye screen puri tarah se blank ho gayi, Bennet alag alag tarike se uss jagah ki tasweer ko dekhne ki koshsh kar raha tha lekin use kuch nahi mila

Commander “what the hell was that”

Bennet “it’s nothing sir” ne hakalate hue apna jawab diya

Bennet ke ese jawab par commander ghurate hue kehta hai “uss jagah par muje ek dhamaka hote hue dikha aur tu keh raha hai it’s nothing”

Bennet “sir, mere kehne ka voh matlab nahi tha, I mean to say voh time-portals..uski voh energy..” voh bolte hue ruk jaata hai

Commander “kya..??” shayad use anuman ho gaya tha ki bennet kya kehna chahta hai, isiliye iss baar uske awaaz me narmi ke saath saath halka sa darr tha

Bennet “sir, voh time-portals nahi rahe..they are just completely vanished”

Commander “it’s impossible..kya yeh Zorians ka kaam hai..??”

Bennet “nahi sir, Zorians iss waqt apne ship me hai, they are not here”

Commander kuch bolne jaata uske pehle hi uss screen par fir ek baar tasweer aane lagti hai, jo waqt ke saaath ekdum saaf hoti chali gayi

Kuch der pehle jo dhool ka toofan tha voh ekdum se shant ho chuka tha, jo Bijli uss jagah chamak rahi thi voh bhi ab puri taraf se band ho gayi thi, aur vahi bennet lagatar dusri screen se unn time-portals ko dhundhne ki naakaam koshishe kar raha tha

Bennet “yeh nahi ho sakta, no no no no…” voh teji se bahut sare commands ek saath de raha tha, lekin samne se jawab har baar negative hi aa raha tha

Commander “are you sir bennet, ki voh time portals ab nahi rahe..??”

Bennet “sir, jo energy signals muje abtak mil rahe the voh achanak se gayab ho chuke hai..aur sirf itna hi nahi, yeh dekhiye” usne alag alag do tasweer uss screen par khol di “sir yeh pehli tasweer dhamake ke pehle ki hai aur dusri abhi ki”

Commander ne uss tasweer ko dekhte hue pucha “yeh hai kya..??”

Bennet “sir, maine uss energy ki intensity ko naapne ke liye kuch algorithms banaye the, yeh usi ka result hai..achanak se hi aaj uss energy ki intensity ekdum se badh jaati hai aur fir ab zero”

Commander “tune kaha tha ki pure planet par karib 13 time-portals hai, uska kya hua..??”

Bennet “har jagah same result hai sir”

Commander “yeh kese possible hai..?? time-portals ka apne aap samne aana aur fir ese hi apne aap gayab ho jaana..kuch toh hai jo hum samaj nahi paa rahe”

Bennet “pata nahi sir yeh sab kya ho raha hai, but agar yeh sach hai toh sam aur akshita kabhi vaapas nahi aa payenge”

Commander “keep trying son, ho sakta hai hamari satellites kaam nahi kar rahi”

Bennet “sir, hume kese bhi karke unn time-portals ko firse activate karna hi hoga..varna sam aur akshita ki vajah se puri time-line bigad sakti hai”

Commander ne apne watch me time dekhte hue kaha “then I think it’s time to use OCULUS PROTOCOL”

Bennet “right sir, I will start it’s procedure, lekin usse pehle mai ek akhri baar time-portals ko dhundhne ki koshish karnunga”

“it won’t work bennet, time portals jaa chuke hai” ek awaaz bennet aur commander ke kano me gunjti hai

Voh dono hi turant piche mudkar dekhte hai toh unhe sam buri haalat me khada dikhayi padta hai, voh dono kuch bol paate usse pehle hi sam vahi par gir pada aur behosh ho gaya

Sam ke girte hi uske baaju me khadi akshita fauran niche baith gayi aur sam ki nabs dekhne lagti hai
Yeh sab itni jaldi me hua ki bennet aur commander kuch pal ke liye putle ki tarah khade rehte hai, lekin jab akshita ki awaaz unn dono ke kaano me padti hai toh voh fauran harkat me aajate hai “bennet, please help him”

Bennet fauran sam ke pass gaya, aur akshita ke saath milkar sam ko medical room me le gaya, aur vaha uski treatment AI’s ke jariye shuru ho jaati hai

Commander “how is this possible..??”

Bennet “tum dono yanha achanak kese..?? aur voh time-portals..unka kya hua..?? mai unn time-portals ko ab trace nahi kar paa raha hu”

Bennet ki baat sunkar akshita aur bhi jyada pareshan ho jaati hai. “what..?? mai nahi jaanti bennet, infact muje toh yeh bhi nahi malum ki hum yanha kese aagaye..?? it’s just impossible” voh haklate hue kehti hai

Commander ko kuch shaq hota hai “who are you..??”

Akshita “sir it’s me, Akshita” uske saath hi vaha par ek AI ki awaaz gunjti hai “identity confirmed”

AI ki baat sunne ke baad Commander thode normal ho jaate hai aur akshita se sawaal karte hai “yeh sab ho kya raha hai..??”

Akshita “sir..yeh toh muje bhi nahi malum, but agar hum yanha par hai toh matlab saaf hai ki hamari time-line thik ho chuki hai..par dusri aur yeh impossible hai..hume yanha nahi hona chahiye tha” voh bahut hi jyada pareshan thi

Bennet “tere kehne ka kya matlab hai..?? vanha par hua kya tha..?? sab thik toh haina”

Commander “time-line thik ho gayi hai..iska kya matlab tha”

Akshita ke liye yeh sab samaj paana bahut muskil tha, shayad isiliye usne dono ko sabkuch batana shuru kar diya..har ek ghatna ko batane ke baad usne kaha “isliye maine kaha ki time-line thik ho chuki hai..shayad” fir voh rukkar kehti hai “lekin agar aisa hota toh hum yaha nahi hote..kyunki Mayank ne already yeh kaha tha ki hum vaapas kabhi bhi apne ghar nahi jaa sakte”

Bennet halke se haste hue kehta hai “heh, pehle time-portals, time travel, uske baad Dimension travel aur last me universal dominators, mai pagal ho jaunga”

Bennet ki baad sunne ke baad commander aur akshita dono uski aur dekhte hai, Akshita “shayad ab sam hi kuch bata sakta hai ki past me aisa toh kya hua ki hum dono yanha aagaye”

Commander “usko thik hone me kitna time lagega..??”

Bennet “sir, sam ki haalat bahut kharab hai, use thik hone me kam se kam 6 hours jayenge”

Commander “hamare pass utna waqt nahi hai”

Bennet “I am sorry sir, mai kuch nahi kar sakta”

Akshita “bennet, I think muje teri madad chahiye”

Bennet “haa bolna”

Akshita “agar timeline sahi ho gayi hai toh kya pata hume past me kuch mil jaaye..ho sakta hai ki uss hadse ke baare me hi hume kuch mil jaaye”

Bennet “good idea, let’s go” jiske baad voh dono vapas uss room me chale jaate hai aur commander kuch der vahi rukkar apne cabin me chala gaya

To be continued….

Jabardast update dost

 

[Nevil singh]

Update : 42 (Jung ka Elaan)

“akshita” jor se chillate hue sam apni neend se uth khada hua aur joro se haanfne laga

Kuch der tak use dhundla sa sab dikhayi de raha tha, iss vajah se voh yeh tay nahi kar paa raha tha ki voh iss waqt kaha hai, voh apne haatho se aankhe malte hue idhar udhar dekhne ki naakam koshish ae kar raha tha, voh lambi lambi saanse lete hue khud se hi bolta hai “yeh…yeh ho kya raha hai mere saath” voh atak atak kar bolta hai

Jab kuch der baad uski aankho se voh dhundlapan hata toh usne apni najar charo aur daudayi aur sab dekhte hi voh samaj gaya ki voh iss waqt kaha par hai “what the hell” kehte hue voh uss bed se khada hota hai lekin voh do kadam bhi nahi chal paaya aur ladkhada kar vahi gir pada

Kuch der me bennet, akshita aur commander uss room me aate hai aur sam ko jameen par gira hua dekhte hi Akshita fauran uske pass jaakar use sahara dekar uthane lagti hai “tuje aaram karna chahiye sam”

Sam gehri saanse lete hue bola “yeh waqt aaram karne ka nahi hai, we are in big trouble”

Commander “baat kya hai sam”

Sam ne ek baar apni najar bennet aur commander par dali lekin voh kuch bol nahi paaya aur firse behosh hokar gir pada
Akshita ne bennet ka sahara lekar sam ko vapas bed par laita deti hai aur baad me sam ke pass hi baith gayi, jabki bennet aur commander control room me vaapas chale jaate hai

Commander “any update”

Bennet “kuch nahi hai sir, maine hamara pura database check kar liya..20 October 2016 ko kuch hua hi nahi tha, I mean particle accelerator ke experiment ke baare me toh details maujud hai..lekin jo kuch akshita ne bataya aisa kuch bhi hamare records me available nahi hai..aur naa hi pure history me kabhi kisike time machine banana par ya kisi ke dimension travel karne ki bhi koi details nahi hai”

Commander “iska kya matlab ho sakta hai bennet”

Bennet “sir..iske liye mere pass 2 theories hai, pehli yeh ki sam aur akshita time-travel naa karke koi dusri earth par chale gaye the”

Commander “bennet iska matlab samaj raha hai..?? iska matlab to yeh hua ki voh time portals ek nahi balki do se bhi jyada earth’s ko ek dusre se connect karte hai, kyunki dinosaurs bhi jo hamari duniya me aate jaate hai..aur kitne honge iske baare me koi nahi janta”

Bennet “right sir”

Commander “aur tere study ke hisab se hamari pruthvi par ese total 13 portals hai..toh kya mai yeh maan lu ki hamari duniya aur 13 duniya se jud chuki hai…jaha se keval 2 hi pruthvi se jeev idhar udhar ho rahe hai” iske baad kuch der ke liye dono shant rehte hai

“aur dusri theory kya hai..??” commander ne ussi chupi ko todte hue apna sawaal rakha

Bennet “yahi ki jo kahani akshita ne batayi voh puri tarah sach nahi hai, I mean sir mai yeh nahi keh raha ki jo akshita ne kaha voh galat hai..bas time line ke thik hone ki baat muje sahi nahi lag rahi”

Commander “aur inn dono mese konsi theory sahi hai..?? what do u think..?? kyunki bina proper expalanation ke hum yeh tay nahi kar payenge ki aakhir me sachhayi kya hai”

Bennet “pata nahi sir, yeh toh ab sam hi bata sakta hai”

Commander “hum itna wait nahi kar sakte..agar jo akshita ne bataya hai voh sach hai toh we are dead already”

Bennet “sir, agar akshita ne jo kaha voh sach hai toh yeh saari baate off record hui hai..uski jaankari milna impossible hai..atleast hamare liye..so hume sam ka wait karna hi padega”

After 50 minutes
Sam ko dubara se uss bed par sulane ke baad Akshita usi ke pass rehti hai, aur voh sam ka haath pakadkar vahi baithkar apne atit ki duniya me ghum ho jaati hai
Sam ke saath bitaye hue har ek lamhe ko voh firse jee rahi thi..lekin shayad kudrat ko yeh manjur nahi tha..voh sam ka haath pakde hue hi baithe baithe bed par sar rakhkar so jaati hai

Aisa hona ke piche bhi ek kaaran tha..pichle dino me hui vardaato se voh puri tarah thak chuki thi..aur kehte haina insaan kitna hi jiddi kyu naa ho..sharir ke samne use apne ghutne tek hi dene padte hai..apne pyaar ke saath hone par insaan apne aap hi bekhauf ho jaata hai..shayad yahi vajah thi Akshita kuch hi der me sam ke pass so jaati hai

Sam ke hosh aane par sabse pehle voh akshita ko dekhta hai, jo uska haath pakde hue vahi par uske bed par sar rakhe soyi hui thi aur sam use kuch der ke liye aise hi dekhte rehta hai

Iss tarah sone ki vajah se akshita ke chehre par uske baal aagaye the, jise dekh sam akshita ke chehre ko dekhta rehta hai aur fir kuch pal baad usne apne haatho se akshita ke chehre se baal hataye..Sam ke aisa karte hi akshita ki neend tut jaati hai aur voh turant hi uthkar sam ki aur muskurate hue dekhti hai “ab kesa feel ho raha hai..??”

Sam “tum saath ho toh bhala muje kya ho sakta hai..mai thik hu, hume commander ke pass jaana chahiye”

Akshita “nahi sam, iss waqt tuje rest karna chahiye”

Sam ne pyaar se apne haath ko akshita ke chehre par rakha aur kaha “relax aksh, mai bilkul thik hu” uske baad akshita ne sam ko gale se lagaya aur fir voh dono command room me chale aate hai jaha pehle se hi bennet aur commander dono hi maujud the

Bennet ne sam ke aate hi usse pucha “kesa hai mere bhai”

Sam “tere samne hu” sam ne haste hue kaha

Bennet “so tu nahi maana na, aakhir tune time travel kar hi liya”

Sam ne vese hi muskarate hue haa mein apna sar hilaya aur fir commander ki aur dekhte hue bola “mai janta hu sir, aap kya soch rahe hai”

Commander “well, agar janta hai toh shall we proceed”

Sam “right sir..” voh aage kuch bolta uske pehle bennet uski baat ko bich me hi kaatte hue bolta hai “first of all, congrats..iss mission ko successful banana ke liye”

Sam “well bennet, kaam abhi pura nahi hua hai..aur muje nahi lagta ki hum kabhi bhi ZORIANS se jeet payenge”

Bennet “haa suna bhai, 10 dimensions, UNIVERSAL DOMINATORS..toh kya hum haar maar le”

Commander “aakhir CDC lab me jaane ke baad hua kya tha..?? kya tumhara plan kamiyab hua..??”

Commander ke iss tarah se direct sawal se Sam ek pal ke liye unko dekhne lagta hai, aur fir voh batata hai jo kuch unke saath CDC lab me hua tha

Year 2016
Waqt : Siddhi ki maut ke baad
CDC lab me

Siddhi ke mare ne baad Manthan emotionally tut chuka tha, aur time-wraith se hui ladayi se voh chotil ho gaya tha, Lekin shayad yeh waqt inn sab ke liye nahi tha, Sam ne haalat ko samjate hue kaha “manthan, I think we need to leave, agar voh dusra Avi aagaya toh gadbad ho jayegi”

Paridhi ne sam ki baat ko sunkar Mayank ki aur dekha, “lekin manthu ko iss haalat me yanha se kese le jayenge..??” uski awaaz me mayank ke liye dard saaf sunayi de raha tha

Sam “I don’t know, but we have to move..hum jitni der yaha rukenge time line utni jyada bikhar ti jayegi, aur yeh bhi ho sakta hai ki hamari mehnat aur siddhi ke balidaan par paani fir jaaye”

Iske baad sam aur paridhi milkar Mayank ko uthate hai, aur mayank ruansi awaaz me dard me kahrate hue bola “siddhi ko hum yaha nahi chod sakte”

Mayank ki baat sunkar voh dono hi ruk jaate hai aur ek baar Siddhi par najar daalte hai, pari ne sam se kaha “tum siddhi ko le lo, mai Manthan ko sambhal lungi”

Sam “are you sure Pari..??”

Pari sirf haa mein apna sar hilati hai lekin boli kuch nahi, aur fir sam mayank ko paridhi ke hawale kar Siddhi ke sharir ko uthata hai ki tabhi unn logo ko ek awaaz sunayi deti hai “who the hell are you” lekin fir jab uski najar Mayank aur Paridhi par gayi toh voh bola “yeh sab kese hua..?? aur tum dono yanha kya kar rahe ho..??”

Insaan bhi kitne ajeeb hote haina..?? darr ke aage hum khud ke dard ko hi bhul jaate hai, Mayank ke saath bhi kuch aisa hi hua..vese toh voh Pari ke sahare apni aankhe band kiye hue chal raha tha..lekin jab uske kaano me jaani pehchani si awaaz padti hai toh voh ek pal ke liye ruk jaata hai..ladkhadate hue hi sahi..lekin ek pal ke liye voh pari se ek kadam aage badh gaya..mayank ko jis chiz ka darr tha vahi hua..aur apni mehnat aur apne dost ki kurbaani ko jaaya hote dekh voh muskil se hi sahi par apni aankhe kholne ki koshish karta hai

Mayank ki haalat aisi nahi thi ki voh apni aankhe khol paaye, lekin fir bhi apne dard ki parwaah kiye bina apni aankhe kholne ki koshish karta hai..aur apni ardh khuli aankho se hi samne khade uss AVI ko dekhta hai jo iss waqt aakhri round maarne uss pipeline me aaya tha

Sam ne siddhi ke shav ko utha jarur liya tha, lekin voh bhi iss waqt kuch samaj nahi paa raha tha..dil me darr tha ki ab kya hoga..?? itni mehnat karne ke baad bhi agar voh safl nahi hue tohi ska anjaam kya hoga..?? Samne khade avi ko dekhkar voh yeh tay nahi kar paa raha tha ki voh inn sabko lekar vanha se kese nikle..aur sabse bada sawaal toh yeh tha ki AVI ko kese samjaye ki voh log yanha par aaye kyu the..??

Koi kuch bolta uske pehle hi uss jagah par tej Roshni ki dhaar nikali..jisne palak japakte hi uss pure pipeline me kabja kar diya…uss Roshni ki tivrata itni jyada thi ki sabhi logo ko apni aankhe majubarn hi band karni padi..aur fir voh hua jo shayad asambhav tha

Back to Present
Itna bolte hi Sam chup ho jaata hai..voh apni baat khatam kar chuka tha..sam ki baat sunne ke baad kuch der ke liye control me sannata chahta rehta hai, jise Bennet apne mann me umad raha sawal ko puchkar todta hai “aisa toh kya hua tha..??”

Sam “muje nahi pata bennet, jab maine aankh kholi toh hum yanha par the..aur uske alawa muje kuch bhi yaad nahi”

Bennet ajeeb si shakal banate hue kehta hai “bas aivay, ek Roshni hui aur tum dono yaha”

Akshita “mere saath toh aisa kuch nahi hua, ek pal ke liye mai asmaan ki aur dekh rahi thi..aur dusre hi pal me mai yanha”

Bennet “iska kya matlab ho sakta hai..??”

Sam “sach kahu toh ab mai kuch soch hi nahi paa raha..jo kuch bhi hamare saath atit me hua use naa chahte hue bhi muje manna pad raha hai, jo baate jo chize hum insaano ne aajtak sikhi hai voh saari ki saari galat saabit ho rahi hai”

Akshita “aur itna hi nahi..kisne socha tha ki yeh Zorians mamuli alien naa hokar kuch aur honge”

Sam “shayad itihas me isiliye yeh kaha gaya hai ki insaan kudrat se hamesa piche hi rahega”

Commander ne gehri saans lete hua kaha “insaan hamesa yeh bhul jaata hai ki kudrat ne use banaya hai..naaki insaan ne kudrat ko”

Akshita “bilkul sahi kaha commander” fir voh kuch rukkar “par ab hume kya karna chahiye..??”

Akshita ke iss sawal par koi kuch nahi bola, kyunki shayad ab bolne ke liye kuch bacha hi nahi tha, akshita ne sam ka haath pakadte hue uski aankho me dekhkar kaha “sam kuch toh bol, kya yeh hamara ant hai..?? kya yeh insaaniyat ka ant hai”

Sam “aksh, hum yeh jung nahi jeet sakte..hum kudrat ke niyamo ke saath ulaj nahi sakte..agar kudrat ne chaha ki use insaano ki jarurat hai toh hum yeh ladayi jarur jeetenge”

Bennet “comman sam, yeh kudrat yeh niyam, tu inn sab ko kabse manna laga”

Sam “mere bhai, tu maan yaa naa maan, lekin mai yeh jaan chuka hu ki insaan sirf ek kathputli hai, hume unse nahi ulaj na chahiye jiski vajah se hamara astitva hai”

Bennet “toh kya hamara ant hai..??”

Bennet ka itna bolna tha ki achanak se control room ki sari lights band ho jaati hai aur unn charo ke samne Zorian ki ek hologram parchayi aati hai jo ZORIAN ke General ki thi..aur use iss tarah apne samne dekh sab ke sab heran reh jaate hai

General “hello earthlings”

Commander “kya chahiye tumhe”

General “humne insaano ko pehchan ne me galti kar di, jitna socha tha..tumlog usse bhi jyada samajdar ho..par itna kaafi nahi hai..rahoge toh fir bhi tum low level planet se hi”

Sam “Zorians ka army general..voh bhi hamare control room me” apna sar naa mein hilate hue “sirf yeh batane ke liye itni mehnat toh nahi karega..so tell me what do you want..??”

Sam ke iss sawal ka jawab General ne narmi se diya “SAM..abtak toh tumhe yeh samaj aahi gaya hoga ki tum log humse nahi jeet sakte”

Sam ne rukhe hi swaar me kaha “ha toh..?? isse yeh saabit nahi hota ki humne haar maan li hai”

General “kamaal hai, sach jaan ne ke baad bhi itni akad, I am impressed”

Akshita “hamara pass tumhare yeh bakwaas sunne ka waqt nahi hai”

General haste hue kehta hai “waqt, hahaha, waqt hi toh nahi hai, kaash ki waqt hota”

Sam yeh sunnkar gusse me aajata hai, voh muthi bharte hue bola “toh voh tum the, tumne kiya hamara saath aisa”

General “samajdar ho, ek mauka de raha hu, abhi bhi waqt hai haar maan lo aur yeh grah hamare hawale kar do..varna anjaam bhugatna padega”

Sam “mai nahi darta tumse”

General “kaafi himmat hai tere me, lekin darna chahiye tuje”

Sam “dar uss chiz se lagta hai jo mere samne ho…mai usse nahi darta jo chupkar vaar karta hai”

Sam ke bolne par akshita bhi uske saath bolti hai “sam ne sahi kaha, hum tumse nahi darte..ladenge hum..aakhri saans tak ladenge”

Bennet “chahe kuch bhi ho jaaye…hum apne ghar ko tumhare hawale kabhi nahi karenge”

General “hahahaha, kese haraoge hume..tum kamjor ho..insaan kamjor hai..bilkul tumhare planet ki tarah”

Sam “muje usse koi farak nahi padta ki hum tumhare najar me konsi sthan par hai..hum kamjor hai ya tum taqatwar yeh toh waqt hi bataega”

General “thik hai fir, jesi tumhari icha..ab tumhare iss chote se grah ko koi nahi bacha sakta..shayad tum yeh bhul gaye ho ki tumahre saath kya hua tha”

Sam “muje usse koi farak nahi padta, mai bas itna janta hu ki maine tumhe uss waqt me bhi roka tha, aur mai tumhe iss waqt me bhi rokunga” Sam muthi banakar gusse me kehta hai “tumne mere mom dad ko maara hai, bujdil ho tum..aur kaayar log hi chipkar vaar karte hai”

Sam ki iss baat par general ko bahut gussa aata hai “ladke, tu jaanta nahi hai kisse baat kar raha hai, agar maalik ne yeh sun liya hota toh ab tak tu hamare samne nahi khada hota”

Sam “hai taaqat toh samne aakar lado, jo galti mom dad ne ki thi voh mai nahi dohraunga”

General haste hue kehta hai “teri yeh ichha jarur puri ki jaayegi, aakhir me marne valo ki akhri khwasih puri karni chahiye” fir kuch rukkar “thik hai, 2 din ke baad hamari mulaqat hogi..aur usi din hoga dharti ka ant” jiske baad voh hologram band ho jaata hai aur control rooms ki sari light firse on ho jaati hai

Akshita “ab hum kya karenge..?? jo itne mahino me hum nahi kar paaye voh 2 din me kese hoga..??”

Zorian ki baat sunne ke baad sabhi log pareshan the, siway sam ke..jise dekhkar Bennet kehta hai “tu itna chup kyu khada hai mere bhai..??”

Akshita “tere dimaag me chal kya raha hai”

Sam “sir, we need to use OCULUS PROTOCOL” usne commander ki aur dekhte hue kaha

Commander ispar kuch nahi bola toh sam kehta hai “sir, mai janta hu ki mai kya maang raha hu, but I have a plan..please commander muje OCULUS PROTOCOL istemaal karne ki ijjajat dijiye”

Commander “what is your plan..??”

Sam “sir, iss general se baat karne ke baad mai sure ho gaya hu ki mere aur akshita ke vapas aane ka karan yeh zorians hi hai”

Bennet “par kese..??”

Akshita “kyunki maine aur sam ne past me rukna ka faisla kar diya tha” voh kuch samajte hue kehti hai “aur Zorians aisa kabhi nahi chahenge ki unke dushman kuch aisa kare”

Sam “exactly..zorians jitna time se darte hai utni hi time ki kadar bhi karte hai..shayad yahi vajah thi ki unhone hume vaha rehne nahi diya”

Bennet “bhai..yeh toh samaj me aagaya..lekin yeh tu bhi janta hai ki zorian time-travel karne se sakht khilaaf hai”

Sam “exactly, par time bacha hi kaha hai..voh toh Doc Avi ke time-travel karne ki vajah se tut chuka hai..aur jab hum uki galti sudharne ke liye gaye toh kya hua..?? sabse pehle vala Aviv aha par aagaya tha..shayad yahi vajah rahi hogi ki manthan ko use sab kuch batana pada aur isiliye Zorians ne hum vaha se time-shift kar diya”

Bennet “ho sakta hai..ya yeh bhi ho sakta hai ki hum jo soch rahe hai voh galat hai”

Commander “nahi bennet, shayad sam sahi keh raha hai..agar aisa kuch nahi hua hota toh hum abhi yanha rehkar yeh nahi soch rahe hote ki hume aage kya karna hai”

Sam “yeh final ho chuka hai ki time-line thik nahi hui hai, toh saaf hai ki agar hum time me piche jaakar kuch bhi karenge toh uska asar hamari time-line par nahi hoga”

Akshita “par manthan ne toh kaha tha ki time ko kabhi toda nahi jaa sakta”

Sam “exactly..mai bhi toh yahi keh raha hu…hamara time thik nahi hua hai..lekin fir bhi hum vapas apne waqt me laut aaye hai, iska matlab samaj rahi hona..??”

Akshita “kuch toh aisa hai jo hamari samaj ke baahar hai”

Sam “muje nahi lagta ki Zorians ko iss baat ka andaaza hai, varna yeh hamare time-travel karne par kabka hume khatam kar chuke hote..na aki hume yanha vapas laate”

Akshita “par hum jayenge time-travel karke jayenge kaha..??”

Sam “we need to go back to 2018, hume manthan ki madad ki jarurat padegi”

Bennet “how..?? voh hamari madad kese karega…??”

Sam “hume kese bhi karke hamari time-line ko thik karna hoga..aur sirf vahi ek banda hai jo yeh karne me hamari madad kar sakta hai”

Akshita “aur uske baad hum vahi ruk jayenge..taaki aane waale waqt ke liye hum pehle se taiyaar rahe..insaano ke pass 1100 saal honge yeh sochne ke liye ki hum Zorians ko kese harayenge”

Commander “toh fir der kis baat ki, go on, mai tumhe OCULUS PROTOCOL ke use karne ki puri izazat deta hu”

To be continued…

Behtreen update dost

 

[Nevil singh]

Update : 43 (Time : Ek naya sawal)

Akshita “aur uske baad hum vahi ruk jayenge..taaki aane waale waqt ke liye hum pehle se taiyaar rahe..insaano ke pass 1100 saal honge yeh sochne ke liye ki hum Zorians ko kese harayenge”

Commander “toh fir der kis baat ki, go on, mai tumhe OCULUS PROTOCOL ke use karne ki puri izazat deta hu”

Ab aage…

Sam “shukhriya sir” uske baad voh bennet ke saath milkar kaam me lag jaata hai, iss waqt unn sab ko ek ummid ki kiran dikh rahi thi..vaha maujud har ek ki aankho me alag si chamak dikhayi deti hai

Lekin vahi Akshita ko ek ajeeb sa darr bhi lag raha tha, mann me ek ajeeb si bechani thi, voh sam se puchna toh bahut kuch chahti thi lekin voh sam aur bennet ko ek saath kaam karte dekhkar kuch bolti nahi hai
Sam aur bennet karib 6 hours tak bina ruke kaam karte rahe, vahi akshita ne ho sake utni madad kari..lekin uske mann me bahut se sawal aise the jiske jawab use chahiye the

Commander jo akshita ke pass khada tha voh akshita ki bechani ko bhaamp leta hai “kya baat hai Akshita”

Akshita “nothing sir” voh apna sar naa mein hilate hue puchti hai

Commander ne uski aur dekhte hue kaha “akshita, maana ki mai tumhara commander hu, lekin maine tuje aur sam ko hamesa apna maana hai, aur hamesa tumhara guardian bankar raha hu, so muje apne bacho ki haalat ke baare me pata rehta hai”

Commander ki baat sunkar Akshita thodi ruansi ho jaati hai “sir, maine kabhi apne parents ko nahi dekha..lekin jabse maine Bureu join kiya hai..aapne muje kabhi unki kami mehsoos nahi hone di”

Commander “we are like a family here”

Akshita “haa sir, bas yahi soch rahi thi ki agar hum fail hue toh kya hoga..?? aur kya hum jo karne jaa rahe hai voh sahi hai bhi yaa nahi”

Commandar “aaj hamari kya haalt ho gayi hai, iss bureu ka head hote hue bhi mai koi faisla nahi kar sakta..kabhi sapne me bhi nahi socha tha ki hum iss kadar haar jayenge ki hume oculus protocol use karna padega”

Akshita “shayad yeh sab hamari hi vajah se hua hai, hum hi log bhagwaan banna chahte the…saab kuch paana chahte the..aur mila bhi toh kya..hum apne hi ghar ko bacha nahi sakte”

Commander “isiliye tumhe yeh mission har haal me pura karna hi hoga”

Sam “we will sir, I promise” sam ne unn dono ki pass aate hue kaha

Akshita “sam..kya hum sahi toh kar rahe haina” ki awaaz me darr saaf jalak raha tha “I mean kya sach me hum oculus protocol ko use karne jaa rahe hai..??” uski baato me gabhrahat saaf dikhayi de rahi thi

Sam ne Akshita ko apne baanhon mein bharte hue kaha “haa aksh, hamare pass ab aur koi rasta nahi bacha hai..agar hum apne planet ko bachana chahte hai toh hume manthan ki madad leni hi padegi..kyunki sirf vahi ek hai jo khud time se lad sakta hai”

Sam ki aankho me ek alag hi chamak thi..aur vahi Akshita ke mann me dedh saare sawal..lekin voh unn andekha kar apne aane vale mission ke liye taiyaar ho jaati hai

Commander “is it ready..??”

Bennet “yes sir”

Sam “hum jaane ke liye taiyaar hai, bas apki permission ke der hai”

Bennet “bhai, ek baar fir soch le..agar kuch bhi gadbad hui toh sabkuch khatam ho jayega”

Sam ne bennet ki aur dekhte hue kaha “janta hu bhai..isiliye hume koi galti nahi karni hai” fir voh thoda rukkar kehta hai “bhai..jaane se pehle hamare planet ko bachane ki jimmedari me tere haath me deke jaa raha hu”

Iss baar bennet kuch nahi bola aur sidhe sam ke gale lag gaya “mujse nahi hoga bhai..mai nahi kar sakta” bhawuk hone ki vajah se bennet ne apni baat atak atak kar kahi

Bennet ko iss tarah dekhkar Sam ki aankhe bhi nam ho jaati hai “muje pura yakeen hai ki tu kar sakta hai..tuje karna hi hoga”

Iss baar voh dono hi ro dete hai, jiske baad sam commander se milta hai “sir, it is honor to work under you, thank you for every thing”

Commander “I am proud of you son” iske baad sam unse bhi gale milta hai

Bennet “apna khayal rakhna, mai intezaar karunga..tum dono ko vapas aana hi hoga” pata nahi kyu par yeh shabd bennet ke sidhe dil se nikale the..yeh jante hue bhi ki voh apne dosto ko aakhri baar dekh raha hai, bennet ke iss baat ka jaawab naa toh sam deta hai aur naa hi akshita de paati hai..bas voh nam aankho se haa mein apna sar hilati hai

Sam aur akshita command room se bahar jaate hue har ek chiz ko dekh rahe the, kyunki voh jante the ki ab voh dobara se iss kamre ko kabhi nahi dekhenge, naa hi voh apne dosto ko kabhi mil payenge
Har ek kadam unhe apne atit ki yaad dila raha tha..apne dil par pathkar rakhte hue voh dheere dheere uss jagah jaa rahe the jaha unki time-machine rakhi hui thi
Sam aur akshita ware house me aajata hai, jaha center me time machine thi, jese jese voh time machine ke karib pahuch rahe the unke kadam bhari hote jaa rahe the
Sam ne akshita ka haath pakda aur voh dono ek dusri ki aankho me dekhkar haa mein apna sar hilate hai aur time machine ke pass pahuch jaate hai

“sam, dar lag raha hai” akshita ne sam ke haatho par apni pakad majbut karte hue kaha

Sam “muje bhi aksh, par hume yeh karna hi hoga..sab ke liye”

Darr..darr ek aisa ehsas hai jisse koi bhi bach nahi sakta..fir chahe voh kitna hi shaktisahli kyu naa ho, akshita aur sam ko darr jarur lag raha tha..lekin unn dono ko hi apni jimmedariyo ka ehsaas bhi jarur tha..voh dono jante the ki iss baar agar voh samay me piche jaate hai toh voh dubara kabhi bhi lautkar apne ghar vapas nahi aa paayenge
Yeh ek aisa faisla tha jo unn dono ne milkar liya tha..voh dono hi jaante hai ki voh kya karne jaa rahe hai..aur kyu karne jaa rahe hai…kyunki ab sawal insaano ke Astitva ka tha..agar voh naakamiyaab hote hai toh dharti ke saath saath hum insaano ka bhi brahmand se naamonishaan mit jayega

Sam ne time machine ke andar baithte hue kaha “bennet, we are ready”

Bennet “roger that, mai final check kar raha hu” aur karib 2 minute ke baad kehta hai “yup, sab kuch thik lag raha hai..you are good to go..good luck sam, good luck akshita”

Sam aur akshita dono ek saath kehte hai “thanks dost”

Iske baad kuch der liye dono side se koi kuch nahi bola, aur iss chuupo ko todte hue sam kehta hai “hum jese hi time machine shuru karenge Zorians ko turant hi pata chal jayega…toh yaad rahe…unhe kisi bhi kimmat me rokna hoga”

Bennet “janta hu sam, tu uski fikar mat kar..chahe kuch bhi ho jaaye hum unhe tuj tak nahi pahuchne doge”

Sam “alwida dost”

Bennet fir ek baad bhari aankho se kehta hai “khayal rakhna mere bhai”

Commander “good luck, ab dharti ka bhavishya tumhare haath me do”

Sam “thank you commander”

Akshita “sir hum apni puri taqaat laga denge”

Commander “mai janta hu akshita, khayal rakhna apna”

Sam ne time machine ke panel me 19 February 2018 ki date set kari, aur fir voh time machine chalu karte hue kehta hai “intiating countdown, 10, 9, 8, 7, 6, 5, 4, 3, 2, 1 and launch” aur voh Launch button press karne hi vala tha ki Sam aur Akshita ko ek awaaz sunayi deti hai jo unhe launch karne se mana kar rahi thi..sam ne launch button press nahi kiya kyunki voh uss awaaz ko pehchan gaya tha..lekin saath me bahut hi jyada hairan tha..aisa lag raha tha maano unhe koi bhram hua ho

“sam, tumhe yeh launch rokna padega, tum time-travel nahi kar sakte” time machine se kuch dur uss ware house me ek parchayi dikhayi deti hai

Ware house me andhera hone ki wajah se sam aur akshita saaf nahi dekh paa rahe the..lekin voh awaaz sunkar dono hi kaafi jyada pareshan the, par unhe jyada intezaar nahi karna pada, voh shaks chalte hue time machine ke karib aagaya jisse dekhne ke baad sam aur akshita ka jo bhram tha voh dur ho gaya

Sam aur akshita dono hi ek saath bolte hai “impossible”

Voh shaks aur koi nahi Paridhi thi, Pari ko dekhkar sam aur akshita ko use yaha dekhkar Khushi bhi ho rahi thi, aur saath me iss baat ki hairani bhi ho rahi thi ki Paridhi yanha kese aa sakti hai
Paridhi “sam, tum oculus protocol ka istemaal nahi kar sakte, you have to stop the launch”

Akshita “sam..yeh, yeh pari..kya hum kuch galat karne jaa rahe the”

Sam haklate hue kehta hai “muje kuch samaj nahi aa raha aksh, yeh baat toh ab Paridhi hi hume bata sakti hai” iske baad sam apni time machine band kar deta hai

Vahi dusri aur command center me Bennet aur Commander dono hi iss baat se pareshan ho rahe the ki Sam aur Akhsita ne abhi tak launch kyu nahi kiya

Back to Past
Year 2018

“aahhhhhhhhhhhh” basement ke andar dard se kahrane ki awaaz gunj padi, yeh awaaz kisi aur kin ahi balki Mayank ki thi jo niche jameen par laita hua tha..aur uske sharir par kahi saari pattiya lagi hui thi

“Uncle….uncle” ke chillate hue Siddhi ne Naresh (Pathik ke papa, jo iss earth par bhi doctor hai) ko bulaya

Siddhi ki awaaz sunte hi Naresh fauran daudte hue vaha aata hai aur puchta hai “kya baat hai siddhi”

“papa, pata nahi kyu par manthan ko kuch ho raha hai” pathik ne Mayank ki aur ishara karte hue kaha

Naresh fauran Mayank ka haath pakadkar uski nabj check karta hai “no no no no”

Siddhi “kya hua uncle..??”

Naresh “iski heartbeat…bahut hi tej chal rahi hai..itni tej ki mai kuch samaj nai paa raha”

Kruti jo pathik ke pass aate hue kehti hai “papa, yeh shayad iske dimension travel karne ki vajah se ho raha hai..jese ki pichli baar ho raha tha” naresh ko pichle baar ho rahi ghatna ke baare me batata hai

Kruti ko dekhkar Naresh ek pal ke liye apni aankhein band kar uss pal ko yaad karta hai jab Kruti aur Pathik saath me hua karte the, Naresh kruti ko apni beti hi manta tha kyunki iss earth par Pathik aur Kruti kaafi saal se ek dusre se pyaar karte the

Kruti “I am sorry, uncle..muje pathik ne sab bata diya hai..mai aapko hurt nahi karna chahti, I am sorry”

Pathik aur kruti ko fir ek baar ek saath dekhkar Naresh ki aankhein nam ho jaati hai, voh bhari gale se kehta hai “koi baat nahi beta, mai bas tum dono ke liye khush hu..aur vese bhi yeh dimension travel ki baate mere samaj ke baahar hai, mere liye tum vahi Kruti ho..jo hamesa hua karti thi”

Naresh firse Mayank ko dekhta hai “par muje kuch samaj nahi aa raha, main ahi jaanta ki muje kya karna chahiye, kash ki humari earth ke haalat aise naa hote” uski baato me dard ke saath saath logo ke khone ka afsos saaf dikhayi de raha tha

Kruti “jab Mayank hamari duniya me aaya tha tab bhi uske saath aisa hi ho raha tha..naresh uncle vaha bhi nahi samaj paa rahe the ki Mayank ke saath aisa kyu ho raha hai”

Kuch der ke liye sabhi log chup khade the, aur achanak se Mayank ka sharir joro se hilne laga..aur fir ek jordar chikh marte hue Mayank uth jaata hai aur gehri saans ae lene laga

Mayank ki aankhe toh khul gayi thi lekin use kuch saaf nahi dikhayi de raha tha, Mayank ko iss tarah hanfte dekh Siddhi puchti hai “tu thik toh haina..??”

Shayad Mayank ko siddhi ki awaaz sunayi nahi di thi..yaa fir uske sar m dard itna jyada ho raha tha ki voh kuch aur soch hi nahi paa raha tha, uski saaas har ek saans ke saath aur bhi badhti chali jaa rahti thi, uska sharir puri tarah se tap raha tha jiske karan voh puri tarah paseene me bheeg gaya tha
Mayank apni aankhe band kiye hue hi apne sar par haath rakhte hue dabata hai, lekin uska dard kam nahi ho raha tha, tabhi Naresh uske sar par haath rakhta hai toh paata hai Mayank ka sharir puri tarah se jhal raha tha
Kisike chune ki ehsaas se Mayank uske haath jatak te hue kehta hai “who the hell are you”

Naresh “manthan, relax, tum ab safe ho”

Naresh ki awaaz sunkar Mayank ne fauran apni aankhe kholi, kuch der baad hi sahi par ab use saaf dikhayi dene laga tha, lekin uske sar ka dard abhi tak thik nahi hua tha, voh apne haath ko fir ek baar apne sar par rakhta hai toh use mehsoos hota hai ki uske sar par patti bandhi hui hai..aur sirf sar par hi nahi balki uske hath me bhi pattiya bandhi hui hai

Usne apne pass me dekha toh sabko udhar hi paaya, pathik, kruti, manthan, siddhi..sab ke sab vahi par the, voh pathik ki aur dekhte hue puchta hai “mai yanha kese aaya..?? kya hua tha mere saath” voh hanfte hue bolta hai

Naresh “relax manthan, pehle tu shant ho ja, yeh itna jaruri nahi hai ki tu yaha kese aaya”

Mayank fir ek baar apne sar me ho rahe dard ko seh raha tha, voh apne haath se sar ko dabate hue dard ko khatam karne ki koshish kar raha tha, par use kamiyabi nahi mil rahi thi..halaki uska dard kam ho raha tha..lekin itna bhi kam nahi hua tha ki voh usse saha jaaye
Tabhi achanak se use kuch yaad aata hai aur voh fauran apni aankhe kholte hue apne charo aur dekhta hai, use Pari kahi bhi dikhayi nahi de rahi thi, toh voh puchta hai “pari kaha hai..?? voh..voh thik toh haina..??”

To be continued..

Fantastic update dost

 

[Nevil singh]

Update : 44 (Kya hua tha uss raat ko)

Mayank fir ek baar apne sar me ho rahe dard ko seh raha tha, voh apne haath se sar ko dabate hue dard ko khatam karne ki koshish kar raha tha, par use kamiyabi nahi mil rahi thi..halaki uska dard kam ho raha tha..lekin itna bhi kam nahi hua tha ki voh usse saha jaaye

Tabhi achanak se use kuch yaad aata hai aur voh fauran apni aankhe kholte hue apne charo aur dekhta hai, use Pari kahi bhi dikhayi nahi de rahi thi, toh voh puchta hai “pari kaha hai..?? voh..voh thik toh haina..??”

Ab aage..

Mayank apne charo aur dekh raha tha..aur dusri tarah uske sar dard ki vajah se aankho se paani nikal aaya tha, yeh dekh pathi kehta hai “shant ho jaa mere bhai, pari ekdum thik hai..bas voh iss waqt aaram kar rahi hai, uske mummy papa ke saath..aur aarav bhi vahi hai”

Pathik ki baat sunkar Mayank thoda shant ho jaata hai..aisa lag raha tha maano uski jaan me jaan aayi ho, Naresh ne tabtak injection taiyaar kiya aur Mayank ko laga diya, uske baad Naresh kahta hai “tuje kuch der aur aaram ki jarurat hai..sab kuch thik ho jayega”

Mayank “nahi..mai iss waqt….” Voh dard ke maare chilla padta hai

Siddhi “please..kuch der aaram kar le, apne liye naa sahi..teri pari ke liye”

Iss baar Mayank kuch nahi bola aur voh vaapas so jaata hai

Kuch der baad
Pari ko ab hosh aa chuka tha lekin fir bhi use thodi kamjoori sa mehsoos ho raha tha, Pari ko jagte hi Aarav puchta hai “di..ab kesa lag raha hai aapko..??” usne bahut hi masumiyat se pucha

Pari ne haa mein apna sar hilate hue kaha “mai thik hu” aur uske baad aarav turant hi apne hatho se apni behen ko paani pilata hai

Aarav ka iss tarah se care karna Pari ko bhi bahut acha lagta hai..use apne ghar ki yaad aajati hai, vahi pari ko dekhkar Aarav bhi samaj jaata hai ki iss waqt pari kya soch rahi hogi, isiliye voh turant hi apne jeb se chocolate nikalta hai aur fir pari ko chidate hue khane lagta hai
Vahi pari apne haath se aarav se uss chocolate ko lene ki koshish karti hai..par voh le nahi paati, aur pari ko ese pareshan dekhkar Aarav joro se hasne lagta hai

Chocolate ke khatam ho jaane ke baad Pari ne aarav ko masti me marte hue kaha “mumma, dekho ne aarav ko..muje hamesa pareshan karte rehta hai”

Pari ke iss tarah se baat karne dekhkar aarav aur uske parents ke chehre par Muskaan aajati hai, aur pari ko ese dekhkar uski maa kehti hai “kab bade honge tum dono” aur unhone aarav aur pari dono ke sar par pyaar se haath firaya

Apne maa ka haath apne sar par firate hi pari khud ko rok nahi paayi, voh tut gayi aur joro se unke gale lagkkar rone lagti hai, kuch der baad jab voh alag hui toh aarav uske pas baith jaata hai aur apne kaan pakadte hue pyaar se kehta hai “didi, mai toh masti kar raha tha..mere pass aapke liye bhi ek chocolate hai”

Pari aur aarav..inn dono ka Rishta bada kamaal ka hai…chahe kitna bhi lade..par dono ko hi ek dusre ke bina nahi chalta tha..aisa tha ki maano ekdusre me inn dono ki jaan basti thi, Aaj bhi aarav ko pari ka dard dekhka nahi jaa raha tha
Jab pari ne chocolate liye toh use pata chala ki voh toh sirf ek khali wrapper tha, toh uspar pari halka sa chid jaati hai…par issbar aarav kehta hai “di, yeh chocolates me inn bacho ke liye laaya tha..actually ek store me chocolates rakhi hui thi..toh socha inn bacho ke liye lete aau, aur maine bhi chocolate nahi khayi”

Pari “jaanti hu badmaaash, maine dekha tha tu muje pareshan kar raha hai, aur mai tuje hurt nahi karna chahti thi..aur vese bhi meri earth par mai aur aarav hamesa aise hi lada karte the”

Aarav “yeh toh acha hai na di, koi toh hona chahiye na aapko pareshan karne ke liye..dekha di, aap mujse bach nahi sakti…aap chahe koi bhi earth par chale jao..mai aapko kabhi akela nahi chodunga”

Aarav ki iss baat ko sunte hu na jaane kyu pari ekdum se ghabra jaati hai, voh apne bhai ko khachkar apne gale lagate hue boli “please bhai..please aaj ke baad aisa kabhi mat bolna..mai pehle hi apne bhai ko kho chuki hu..ab mere me himmat nahi hai ki mai tuje bhi kho du”

Aarav “di, mai toh bas masti me keh raha tha, I am sorry di..mai apko hurt nahi karna chahta tha”

Pari “masti me bhi tuje yeh nahi kehna hai” aur voh aarav se alag hoti hai aur pyaar se uske chehre par ek mukka marti hai

Aarav “ouch..didi lagta hai”

Ispar pari aur aarav dono hi hasne lagte hai, aur fir aarav kehta hai “lekin sach me di, hum bahut hi kismet vaale hai..aise duniya me kitne honge jinko apni family vaapas milti hai..??”

Pari “yeh toh sahi kaha aarav, par hamare saath jitney bhi log hai unhe bachani ki responsibility hamare haath me hai”

Aarav “haa sahi kaha didi, aur I think ab hume chalna chahiye”

Pari “manthan kaha hai..??” usne achanak se pucha

Aarav “relax di, voh thik hai..jiju aaram kar rahe hai” kehte hue voh joro se hasne laga

Jiju shabd sunkar pari halka sa sharma jaati hai..kyunki saath me uske mummy papa bhi iss waqt khade the

Ab aap sabko lagta hai ki pari kyu sharma rahi hai..kyunki iss earth par toh unhe pehle se hi manthan aur pari ke rishte ke baare me pata tha…toh jawab yeh hai ki jaha se pari aayi thi voh hamari earth ke jese thi..aur uske earth par uske mummy papa ko nahi pata tha, toh yeh pehli baar tha jab Pari ke samne kisine manthan ko lekar baat ki hai aur voh bhi apne hi parents ke samne

Khair yeh dono ese hi masti karte hai, aur fir pari sabke pas chali jaati hai aur unke saath jo kuch bhi hua voh sab kuch bata deti hai..zorians aur time wriath ki ladayi se lekar Siddhi ke balidan tak sab kuch bata deti hai

Apni kahani batane ke baad Pari vahi Mayank ke pass baith jaati hai aur pyaar se uske sar par haath firati rehti hai, aur jab kuch der baad Mayank ko hosh aata hai toh voh pyaar se sirf uska naam pukar ti hai “manthan”

Pari ki awaaz sunte hi Mayank uske gale lag jaata hai, voh jitni jor se ho sake utni jor se pari ko apne banho me sama raha tha “tu thik toh haina pari..mmm..aammaaiiii..ai tuje kuch nahi hone dunga”

Pari ne pyaar se uske sar par haath firate hue kaha “mai thik hu manthan, muje kuch nahi hua hai”

Pari ke sparsh aur uski awaaz apne kaano se sunte hi Mayank ki aankhe thodi si nam ho jaati hai, aur voh Pari ko aur kaske gale lagate hue kehta hai “I am sorry pari..mai tuje..pata nahi…voh kese…” voh samaj nahi paa raha tha ki voh kya bole “voh time-wraith aur zorian..pata nahi voh kese vaha..i mean ki voh…”

Mayank ko ese dekh kar pari ne pyaar se use apne se alag kiya aur uski aankho me dekhte hue boli “sshhhhhhh, kaha na mai thik hu, relax, jo kuch bhi hua voh bhul jaa, hum sab hi thik hi yeh baat jaruri hai”

Pari ki baat sunkar Mayank thoda hairan reh jaata hai, voh fauran sabpar apni najar ghumata hai aur sawaliya bhari najro se dekhte hue pathik se puchta hai “sam kaha hai..??”

Pari “haa yeh toh mai bhi puchna bhul hi gayi, muje sam aur akshita kahi nahi dikh rahe..voh dono hai kaha..?? thik toh haina..??”

Pathik “bhai, voh toh tere saath tha, hume laga ki tuje malum hoga”

Mayank sawaliya bhari najar se dekhte hue Pathik se puchta hai “kya matlab hai iss baat ka..??”

Pathik “exactly muje nahi pata kya hua tha, lekin jab tum dono hume mile tab tum akele the..sam tumhare saath nahi tha”

Mayank “nahi tha..?? nahi tha se kya matlab..?? aur ek min” voh kuch yaad karte hue kehta hai “hum yanha par kese aaye..?? muje ache se yaad hai ki maine apne samne AVI ko dekha tha..aur fir” voh apne sar par jor dete hue dard me kahrate hue bola “aahhhhhhhhh, muje yaad kyu nahi aa raha..?? kya hua tha hamare saath”

Pathik “tuje sach me yaad nahi hai bhai..??” ne bhi hairaan hote hue pucha..aur sirf pathik hi nahi..vaha mujud har ek shaks utna hi hairan tha jitna Mayank aur pari the

Pathik ki iss baat par Mayank ne use ghurte hue dekha, jisse Pathik thoda hadbada jaata hai aur apne sawaal ko badalte hue puchta hai “mera matlab ki aisa toh kya hua tha tumhare saath..??”

Pathik ki baat puri hote hi Mayank kehta hai “muje sach me nahi malum, jo kuch bhi yaad hai voh bas dhundla sa hai, ek pal ke liye hum uss pipeline me the..Time-wraith aur zorian ko harane ke baad pari ki haalat bahut kharab ho gayi thi..aur siddhi..” uska naam aate hi voh thoda bhawuk ho jaata hai

Pathik “bhai, hum sab pata hai..pari ne hume pehle hi bata diya tha, aakhri chiz jo pari ko yaad hai voh thi Avi ka tum sab ke samne aa jaana aur fir achanak se kisi chiz ka dhamaka hota hai aur tum dono sidhe yaanha pahuch jaate ho”

Mayank apne sar par haath rakhte hue kehta hai “behosh hone se pehle maine anokhi Roshni ko dekha tha..aur fir kya hua muje yaad nahi..jab meri aankh khuli toh mai yanha par tha”

Pari “manthu, muje laga tha ki..tuje kuch malum hoga” voh pyaar se Mayank ki aur dekhti hai “yeh sab hamare saath ho kya raha hai..uss dhamake ke baad hum yaaha aagaye the”

Pathik “hume kuch awaaz sunayi di, toh hum fauran bunker ke baahar aagaye, vanha humne tum dono ko jakhmi haalat me paaya toh hum tum dono ko andar le aaye, uss waqt sam tumhare saath nahi tha..aur janha tak muje yaad hai akshita uss dhamake se kuch der pehle hi bahar gayi thi..usne kaha tha ki voh bahar ka chakkar lagakar aati hai”

Mayank “yeh kese ho sakta hai..??”

Pathik “bhai, humne unhe dhundhne ki bahut koshish kari..yanha tak humne Gideon se bhi madad li..par voh dono hume kahi nahi mile..aisa lag raha hai maano jese unka hamare samay me astitva hi naa ho”

Pathik ki baat sunne ke baad sabhi log shant khade rehte hai, aur vahi Mayank kuch sochne lagta hai..aur fir voh apni aankhe badi karte hue kehta hai “kahi voh..alalieeenssss..…” voh thoda halkate hue bolta hai aur ruk jaata hai “no no no, muje ache se yaad hai jis waqt hum avi ke samne aaye the tab hum vaha par akele the”

Pathik “mere bhai, akhir me tumhare saath hua kya tha..?? I mean tum dono achanak se yanha vapas kese aagaye..??”

Pathik ke iss sawal ke baad kuch der ke liye vanha par fir ek baar sannata cha jaata hai..sabhi ke mann me sawal toh bahut saare the..lekin jawab kisike pass nahi
Sabhi iss aas me Mayank ki aur dekh rahe the ki ab shayad Mayank kuch jawab dega..lekin iss bar Mayank bhi kuch samaj nahi paa raha tha, tabhi ekak uss chupi ko todte hue Aarav bolta hai “ho sakta hai voh dono apne waqt me vapas laut gaye ho..??”

Pari “bhai, tu kehna kya chahta hai..?? sam aur akshita dono vapas 31st century me laut gaye hai aur voh bhi bina bataye..??”

Aarav “haa didi, jara sochiye..aap sabne avi ko ek saath dekha tha, aur uske dekhne ke baad aap dono hi yanha vaapas laut aaye..toh kya aisa nahi ho sakta ki voh dono bhi apne samay me vapas chale gaye ho..thik isi tarah jese aap dono yanha aaye”

Pari “par bhai, agar aisa hota toh sirf sam hi gayab hota..akshita bhi yanha nahi hai..voh toh hamare saath nahi aayi thi..aur naa hi usne Avi ko dekha tha”

Aarav “par didi, aisa bhi toh ho sakta hai na ki voh dono ek hi samay me aaye the toh dono vahi vapas chale gaye ho..??”

Pari “muje nahi lagta aarav, kyunki agar aisa hota toh hum log bhi toh vapas apne earth par chale jaate” fir voh rukte hue kehti hai “agar hum yeh maante hai ki voh dono vaapas apne waqt me chale gaye hai toh fir hume bhi apne earth par vapas chale jaana chahiye tha, kyunki mai, kruti, siddhi aur manthan..hum sab yanha se nahi hai..aur naa hi hum log vaapas apne ghar gaye hai”

Pathik “nahi pari, shayad aarav sahi keh raha hai”

Manthan “haa, muje bhi aarav ki baat sahi lag rahi hai, hum log vapas isiliye nahi gaye kyunki hum sab alag duniya se aaye hai..alag earth se aaye hai..jabki sam aur akshita isi duniya se the..lekin bhavishya se”

Aarav “haa didi, aur fir ek baat batao..aap aur manthan..isi waqt me kyu aaye..?? aap kahi bhi jaa sakte the..past me future me..lekin aap isi samay me…present me hi kyu aaye..??”

Pari “iska matlab toh yeh hua ki…” voh bolte hue ruk jaati hai aur uski baat Kruti puri karti hai “ki time sahi ho chuka hai”

Inn logo ki baat chit ke daruan Mayank ekdum se shant baithe hue sabki baate sunn raha tha aur sabki baate sunne ke baad voh kehta hai “agar time wakayi me sahi ho gaya hai toh iska pata lagana jaruri hai”

Pathik “time sahi hua hai yaa nahi yeh hume kese pata chalega bhai..??”

Mayank ne apne haath me pehni watch ki ishara karte hue kaha “Gideon ki madad se”

Pari “voh kese..??”

Mayank “yaad hai sam aur akshita hamare waqt me time-portals ke jariye aaye the”

Manthan “aur time-portals khule the time ke tutne ki vajah se, brilliant”

Mayank “exactly, agar voh time portals ab band ho chuke hai toh hume malum chal jayega ki hamara waqt sahi ho chuka hai” itna bolte hi voh uthne laga lekin kamjori hone ki vajah se voh vapas bed par gir pada

Pari “manthu, tu aaram kar, yeh kaam hum log kar lenge”

Aarav “haa manthan, please..tu aaram kar, jung abhi khatam nahi hui hai, hume teri jarurat hai” voh itna bolte hue apna haath aage badhata hai “yeh watch muje de, mai jaunga”

Ek pal ke liye Mayank aarav ki aur dekhta hai, lekin voh apni watch aarav ko nahi dena chahta tha, aur yeh baat aarav ache se jaanta tha “manthan, you have to trust me, agar hume yeh jung jeetni hai toh saath milkar kaam karna hoga..mai samaj gaya hu ki yeh ladayi hamari ladayi se kahi ghuna badi hai, didi ke saath jo kuch bhi hua usme mai ya tu..kuch nahi kar sakte”

Yeh sunkar Mayank ki aankho se aansu aa jaate hai, voh kuch kehne jaata hai lekin uske pehle hi unn sab ko ek awaaz sunayi deti hai “kisi ko kahi jaane ki jarurat nahi hai”

Aawaaz sunte hi sabhi log uss aur dekhte hai toh paate hai ki sam aur akshita neele rang ki Roshni se baahar aate hai aur sam apni baat ko firse dohrata hai “aarav, iski jarurat nahi hai, tumhare sawalo ke jawab hum saath lekar aaye hai”

Mayank “kaha the tum dono..??”

Sam “relax Mayank, hum dono apne wakt me vapas chale gaye the”

Aarav “matlab mai sahi tha..waqt vakai me sahi ho chuka hai”

Sam “haa aarav, waqt ko toh humne thik kar diya..lekin ladayi abhi khatam nahi hui hai”

Aarav “haa janta hu, Zorians abhi tak hamari duniya se gaye nahi hai”

Sam “bhai, baat sirf zorians ki nahi hai, ab hamari ladayi keval dharti ke liye nahi…balki pure multiverse ke Astitva ke liye hai, jo hamare space time se jude hai”

Sam ki iss baat ka asar sab par padta hai, sab ke mann me ek alag sa darr ban gaya tha

To be continued...

Dhaanshu update dost

 

[Nevil singh]

Update : 45 (Rahsyamay Samay)

Sam “bhai, baat sirf zorians ki nahi hai, ab hamari ladayi keval dharti ke liye nahi…balki pure multiverse ke Astitva ke liye hai, jo hamare space time se jude hai”

Sam ki iss baat ka asar sab par padta hai, sab ke mann me ek alag sa darr ban gaya tha

Ab aage

Mayank “what do you mean..??”

Akshita “yeh ladayi ab hamare akele ki nahi hai, aur naa hi iss ladayi ko tu akele jeet sakta hai”

Mayank “baat kya hai..??”

Sam “it’s simple, hume ek hona padega..kyunki ab hamari ladayi hamare planet ke liye nahi..balki humare Astitva ki hai”

Sam ki baat sunne ke baad ek baar fir khamoshi cha jaati hai, sam ki baat ki gambhirta ko sab log samaj rahe the, par koi bhi yahi nahi jaanta tha aakhir me baat kya hai..lekin fir bhi sab ke mann me ek anjaan sa darr panap raha tha

Mayank “muje kuch sawalo ke jawab chahiye” ne sam aur akshita ki aur dekhte hue pucha

Sam “hum tere har sawal ka jawab dene ko taiyaar hai” aur fir voh chup ho jaata hai

Mayank sam ki chuppi ko samaj gaya tha, voh kehta hai “muje aisa kyu lag raha hai ki tumhe kuch pata chala hai”

Akshita “haa bilkul, tu itni badi baat chupa kesa sakta hai..??”

Aarav “kesi baat..?? aur Mayank ne konsi baat hume chupayi..??”

Sam ne aarav ke kandhe par haath rakhte hue kehta hai “yakeen maan mere bhai, voh baat tuje naa hi pata chale toh behtar tha..par hum majbur hai”

Aarav thoda hairan ho jaata hai, voh kabhi sam ki aur dekhta toh kabhi Mayank ki aur dekhta hai “baat kya hai..??” iss baar uski awaaz me darr ki jalak dikhayi deti hai

Sam fir Mayank ki aur ghum jaata hai aur uski aur dekhte hue puchta hai “tu bata raha hai yaa hum bata de..??”

Akshita “sorry dost, par agar hume yeh ladayi jitni hai toh hume ek dusre par trust karna hi hoga, aur trust ki shuruwat tab hoti hai jab hum ek dusre se koi bhi baat naa chupaye”

Mayank “tumhe iss baare me kese pata chala..??” ne sawaliya bhari najro se dekhte hue kaha

Sam “tuje kya lagta hai..hume yeh baat kaun bata sakta hai..??”

Akshita “hum apne atit se bhaag nahi sakte, voh kabhi na kabhi apna asar jarur dikhata hai”

Sam “dekh bhai, hum tere uss raaz ke baare me jante hai, aur yeh bhi jante hai ki tune use raaz kyu rakha hai”

Mayank thoda darte hue puchta hai “it’s impossible, tumhe uske baar ae me pata nahi hona chahiye tha, tell me…tumhe uss baare me kese pata chala”

Aarav “aakhir tum log kis baare me baat kar rahe ho..??”

Pathik “iss tarah se behas karne se koi hal nahi nikelga, Zorians se ladayi abhi khatam nahi hui hai”

Sam “thik hai bhai, pehle hum tere sawaal ka jawaab dete hai…shayad tuje pata chal jaaye”

Mayank “tum dono bhavishya me kese laut gaye the..?? uss raat aisa toh kya hua tha hamare saath..?? aur bhavishya se yanha vaapas aane ka kya matlab..?? jaha tak muje maloom hai tum log time travel kabhi nahi karna chahte the”

Akshita “thik kaha Mayank, aur humne time-travel kiya bhi nahi hai..bas hum kisi ke saath yaanha aaye hai”

Mayank “kaun..?? aur kyu..??”

Sam “mai batata hu”

Kuch der pehle
Bhavishya me

Sam haklate hue kehta hai “muje kuch samaj nahi aa raha aksh, yeh baat toh ab Paridhi hi hume bata sakti hai” iske baad sam apni time machine band kar deta hai

Vahi dusri aur command center me Bennet aur Commander dono hi iss baat se pareshan ho rahe the ki Sam aur Akhsita ne abhi tak launch kyu nahi kiya

Bennet “sir, sam ne time machine ko band kar diya hai”

Commander “kya..?? par kyu..?? kahi koi gadbad toh nahi hai, check the time machine”

Bennet “nothing sir, yaha se toh sab kuch sahi dikh raha hai engine, fuel, tachyons everythink looks fine” voh apne samne rahi screen ki aur ishare karte hue kehta hai

Commander “kahi voh Zorians toh yanha nahi aagaye..??”

Bennet “hum detect nahi ho raha hai sir, hum vahi chalkar dekhna chahiye” itna kehne ke baad voh warehouse ki aur bhagta hai aur uske saath commander bhi chala jaata hai

Ware house ke andar sam aur akshita time machine bahar aate hai, unke chehre par Khushi aur hairani ke bhaav ek saath dikhayi de rahe the, kyunki ek tarah pari ko dekhkar voh log khush jarur the..lekin apne waqt me use dekhkar utne hi hairan..kyunki pari ka yaanha hona koi aaam baat nahi thi

sam aur akshita ke chehre ke bhav ko dekhte hi Paridhi samaj gayi ki voh dono kya soch rahe hai, isliye voh kehti hai “mai sab kuch bata dungi, par tumhe yeh mission rokna padega”

Sam aur akshita ek pal ke liye ek dusre ki aur dekhte hai aur fir pari ki aur, uske baad Sam sawal karta hai “pari, tum yanha kese..?? I mean hamare waqt me kese..?? kya manthan bhi tere saath aaya hai..?? kanha hai voh..?? tum dono thik toh hona..??”

Pari “relax sam, mai tumhe sab kuch bata dungi..par filhaal tumhe yeh mission rad karna padega..isse jyada iss waqt mai tumhe aur kuch nahi bata sakti”

Pari ki baat sunne ke baad sam aur akshita pata nahi kyu par uski baat maan lete hai, shayad yeh unki dosti ki vajah se tha, sam ke mann me abhi bhi bahut saare sawaal the, voh puchna toh bahut kuch chahta tha lekin bol nahi paa raha tha, voh dono hi chalte hue pari ke pass aane lagte hai, aur jese hi voh pari ke pass aajate hai toh unke piche ek dhamaka hota hai aur voh dono hi aage ki aur gir padte hai

Girne ke baad bhi sam khud ko sambhalte hue turant piche mudta hai aur use jalti hui time machine dikhayi deti hai, time machine ko ese jalte dekh voh gusse me aajata hai aur apne haath ko joro se jameen par marte hue gurraya “noooooooooooooooooooo”

Akshita bhi uss time machine ko jalte hue dekh thodi si ruansi ho jaati hai, voh nam aankhon se apne time machine ko jalte hue dekhti hai aur sam se sawal karti hai “sam..yeh hamari aakhri ummid thi..ab kya hoga..??”

Sam “I know aksh” voh khudpar hi gussa hote hue kehta hai

Akshita “sam, yeh hamare planet ka eklauta time machine tha, ab hum past me kabhi nahi jaa sakte..hum yeh ladayi haar gaye hai sam”

Sam bhi halka sa ruansa hote hue kehta hai “aur yeh sab meri galti hai..muje saare test sahi se karne chahiye the..agar mai itni jaldbaazi nahi karta toh shayad hum time machine ko khone se bacha sakte the” fir voh samne khadi pari ki aur dekhta hai aur khade hote hue bola “par pari..tumhe yeh kese pata chala ki hamari time machine me gadbad hai..?? aur..aur tumhe yeh kese malum chala ki hum dono tumhare waqt me jaane ki koshish karenge”

Tabhi vaha par daudte hue bennet aur commander aate hai, bennet “sam, akshita..tum dono thik toh hona..?? yanha aane se pehle hume ek dhamake ki awaazzzzzz……” voh bolte hue ruk jaata hai..kyunki uski najar samne jalti hui time machine par padti hai

Commander “who the hell are you..??” voh apni laser gun ko pari ke samne rakhte hue kehta hai

Sam “commander, yeh hamari dost hai”

Commander “mai tere har dost ko janta hai..aaj se pehle toh maine ise kabhi nahi dekha”

Bennet “sam, tum dono thik toh hona..?? aur tumhe kese pata chala ki time machine blast hone vaali hai”

Sam “isine kaha ki hum yeh mission nahi kar sakte” ne pari ki aur ishara karte hue kehta hai

Bennet “kaun hai yeh..?? aur toh aur yeh hamare command center me aayi kese..?? iss area ke baare me toh koi nahi jaanta..yeh hamari confidential jagah mese ek hai”

Bennet ke iss sawal se sam aur akshita dono hi chaunk jaate hai..kyunki jaha par time machine rakhi hui thi vaha koi bhi nahi aa sakta tha..yaha tak ki sam aur akshita ko bhi yanha aane ke liye kaafi saare security check se gujarna pada tha

Sam ekdum se chaunkte hue kehta hai “yeh toh humne socha hi nahi..kaun ho tum..?? aur tum pari ke jesi kyu dikh rahi ho..??”

Sam ke iss sawal par paridhi halka sa muskurate hue unn dono ko dekhti hai, lekin voh kuch bol paati uske pehle commander ne apni gun se uspar fir kar diya
Achanak se hue hamle ki vajah se sabloh chaunk jaate hai, aur vahi Sam joro se chillata hue kehta hai “nooooooooooo, yeh aapne kya kar diya hai”

Commander “yeh Zorian hai” lekin agle hi pal voh chaunk jaata hai, kyunki uske samne Paridhi abhi bhi vese hi khadi thi aur uske chehre par vahi muskurahat thi

Commander “how is this possible” voh bhi pari ko vese hi khade dekh chaunk gaya tha

Paridhi ko iss tarah se dekhkar Akshita aur bennet bhi chaunke hue the, bennet uski aur dekhte hue kehta hai “who are you..??” aur voh bhi apni gun nikalte hue gusse me puchta hai “show me yourself…tum zorian ho”

Pari ne vese hi muskurate hue kaha “nahi bennet, mai zorian nahi hu”

Sam sawaliya bhari najar se dekhte hue kehta hai “toh fir tum ho kaun..?? iss tarah ke vaar se insaan nahi bach sakte”

Paridhi iss baar kuch nahi bolti aur bas apna haath samne ki aur karti hai, thik uske baad uski hatheli par ek neele rang ki Roshni ka gola chamakne laga aur dekhte hi dekhte voh neele rang ka gola commander ki dun ke andar chala gaya

Bennet ne gun ki trigger par halka sa bhar dete hue kaha “yeh tumne kya kiya..??”

Sam bhi yeh dekhkar hairan tha, voh haklate hue kehta hai “tt..ttummm pp…paaarrii..riiiii nahi ho sakti”

Paridhi ne sam ki aur dekhte hue kaha “tumne sahi kaha..insaan iss gun ke var se nahi bach sakte..lekin mai insaan nahi hu”

Sam “fir tum ho kaun..??”

Paridhi “mera naam Paridhi hai, aur mai hi manthan ki pari hu..bas tum muje jante nahi ho..thodi si alag hu”

Akshita “alag hu..?? iska kya matlab..??”

Sam “pari, tumhe ho kya gaya hai..?? yeh sab tum..muje kuch samaj nahi aa raha”

Paridhi “yeh khel waqt ka hai aur waqt ko koi nahi samaj sakta, it’s a STRANGE WORLD”

Uske baad voh hua jo kisine sapne me bhi nahi socha tha, paridhi ke ek ishara karte hi uss room me rahi sari gatividhiya vapas dohrane lagti hai..lekin iss baar waqt aage na chalkar piche chal raha tha
Commander ka pari par vaar karna, Bennet aur Commander ka uss kamre me aana, uss Time machine ka blast hona aur jo kuch bhi pichle kuch minute me ghatit hua tha voh sab firse dohrane lagta hai

Lekin iss baar kuch alag tha, yaha jo kuch bhi ho raha tha voh keval Sam aur Akshita hi dekh paa rahe the..yaha tak ki unhone khud ko hi uss time machine se nikalte hue dekhte hai

Sam apne charo dekhte hue kehta hai “yeh..yeh sab ho kya raha hai” achanak se hi sabkuch shant ho gaya aur ek baar fir Sam aur Akshita time machine ke andar pahuch jaate hai aur Paridhi ko apne samne paate hai

Akshita ghabrate hue puchti hai “sam…yeh, yeh kya hua abhi hamare saath”

“tumhe yeh rokna hoga..tum Oculus Protocol ka istemaal nahi kar sakte” unn dono ko vahi awaaz fir sunayi deti hai, lekin iss baar Sam janta tha ki use kya karna hai

Usne fauran Akshita ka haath pakda aur akshita ko lete hue voh time machine se baahar aagaya, aur voh daudte hue Paridhi ke samne aa jaata hai aur fir ek baat unki time machine blast ho jaati hai
Lekin iss baar sam pehle se hi jaanta tha kia age kya hone vala hai toh voh pehle se hi taiyaar tha, time machine ke blast hone vale dhamake se voh khud ko aur akshita ko bhi bacha leta hai

Sam “tum waqt ho” voh thoda darte hue kehta hai

Paridhi “nahi sam, mai toh bas waqt ke saath hu” voh naa mein apna sar hilate hue kehti hai

Tabhi bennet aur commander dono hi ware house ke andar daudte hue aate hai, aur unke aate hu commander aur bennet vahi chiz dohrate hue jo pehle hua tha
Commander ne apni laser gun nikalkar Paridhi ki aur kar di, aur vahi bennet puchta hai “sam, akshita..tum dono thik toh hona..?? yanha aane se pehle hume ek dhamake ki awaazzzzzz……”

Sam “bennet, mai sab kuch bata dunga” fir voh commander ki aur haath aage karte hue kehta hai “sir, don’t shoot, she is on our side..yeh hamari dost hai”

Sam ke aisa kehne par commander use sawaliya bhari najro se dekhne lagta hai, toh sam thoda hadbadate hue kehta hai “sir, mai aapko janta hu..aap anjaan vyakti ko hamare command center me dekhte hi kuch aisa hi react karte hai”

Bennet “par bhai, yeh kaun hai..?? mai ise apne screen par kyu nahi dekh paa raha tha..??”

Sam ka haath pakadte hue “haa sam, aur yeh sab kya tha..??” voh thoda darte hue puchti hai

Sam ne akshita ki aur dekhte hua kaha “aksh, tu abhi bhi nahi samji..we won, hum jeet gaye..humne apna ek task pura kar liya, humne waqt ko sahi kar diya”

Akshita “yeh tu itne yakeen se kese keh sakta hai”

Sam “kyunki yeh ek time-traveller hai aksh, pata nahi kese par pari time travel kar sakti hai”

Iss baat par sabhi log sawaliya bhari najro se Sam ki aur dekhne lagte hai, kyunki kisiko ko bhi kuch nahi samaj aa raha tha, toh vahi sam kehta hai “yeh mat puchna muje kese pata, par pari ko dekhkar muje yahi lagta hai..aur abhi abhi hamare saath jo hua uske baad toh mai sure hu ki humne time ko sahi kar diya hai”

Paridhi ne sam ko tokte hue kaha “nahi sam, mai time-traveller nahi hu” iss baat ko sunkar sam ke pairo tale se jameen khisak gayi ho esi haalat ho jaati hai, uske chehre par aayi hui Khushi do pal me hi gayab ho jaati hai aur voh apne mann me umad rahe saare sawal ek saath puch leta hai “kya..?? toh yeh sab kya tha..?? kaun ho tum..?? abhi jo hua voh time travel nahi tha..?? kya tum koi aur earth se ho..??”

Abhi tak jo muskurahat paridhi ke chehre par thi voh achanak se gayab ho jaati hai aur ek dum Gambhir chehra banate hue kehti hai “I leave in space time..mai samay me jinda hu..samay hai toh mai jinda hu”

Lekin shayad hi yaha par koi tha jo paridhi ki baat ko samaj paaya tha, sab ke sab ek dusre ki aur dekh rahe the, koi kuch puch paata usse pehle hi pari bolti hai “lekin mai tumhare ek sawaal ka jawab deti hu..voh time travel nahi tha..maine time ko rewind kiya tha, get ready for Zorians..hamare pass waqt nahi, we don’t have time”

Paridhi ki baat khatam hote hi uss jagah par joro se hamla hone laga aur dekhte hi dekhte voh pura ware house hilne laga, aur fir achanak se hi chat todte hi vaha par zorian ki sena aagayi

“murkh insaaan, yeh tumhari aakhri galti thi..ab tumhe humse koi nahi bacha sakta” zorian ka leader gurrate hue unn sabke samne aa khada hua “humlaaa” uska hukum milte hi zorian ki sena ne sabhi par waar karna chalu kar diya

Akshita “sam, Pari kaha hai..??” ne apne charo aur dekhte hue kaha

To be continued..

Vishesh update bhai

 

[Nevil singh]

Update : 46 (Kudrat se Kuch nahi Chipta)

“murkh insaaan, yeh tumhari aakhri galti thi..ab tumhe humse koi nahi bacha sakta” zorian ka leader gurrate hue unn sabke samne aa khada hua “humlaaa” uska hukum milte hi zorian ki sena ne sabhi par waar karna chalu kar diya

Akshita “sam, Pari kaha hai..??” ne apne charo aur dekhte hue kaha

Ab aage

“Ek min, kya aapne abhi abhi pari kaha..??” aarav ne akshita aur sam ki baat ko kaat te hue pucha

Sam “haa bhai, pari hi kaha” aur voh Mayank par ek najar daalta hai fir kehta hai “voh teri behen hi thi”

Bhavishya me

Akshita ke kehne ke baad sam ne apne charo aur dekha, lekin use Paridhi kahi nahi dikhayi de rahi thi, aur vahi dusri aur Zorians ki sena ne inn charo par hamla bol diya tha

Par shayad aaj kisi ka naseeb kaam kar raha tha, zorians ke har ek vaar sabhi ke pass toh aa rahe the, lekin unhe kuch bhi chu nahi paa raha tha, laser fire, laser guns har ek vaar inn charo ke pass aate hi gayab ho jaata, aisa lag raha tha maano inn sabke charo aur koi shield ban gayi ho

par kehte haina ki insaan ki kuch aadate esi hoti hai jo khud hi ho jaati hai, Zorians ka hamla dekhkar voh sabhi apni apni guns baahar nikalte hai aur Zorians army par hamla karne lagte hai
dono aur se ghamasaan yuddh hone laga tha..zorians ne ab hathiyaar ke saath-saath khud bhi aage aakar hamla karne lage the..par itihas me aaj yeh pehli baar ho raha tha ki insaani taaqat unn aliens par bhaari pad rahi thi, kyunki yeh pehli baar aisa hua tha ki insaan khud ko bacha paa rahe the..lekin insaan ki ke waat itne taqatwar nahi the ki voh Zorians ko maar paaye..unke vaar sirf Zorians ko chotil kar rahe the

Zorians ke leader (General) ne jab gaur kiya toh use pata lagta hai ki uski sena ka vaar khali jaa raha hai..voh insaano tak pahuchne se pehle hi hawa me gayab ho jaa raha tha, yeh dekhkar voh gusse me aajaata hai aur khud hi maidan me kud padta hai..voh daudte hue insaano ki aur jaane laga aur fir unke karib pahuchte hi voh hawa me ek chalang lagata hai aur apni talwaar nikalkar usne sidhe commander ke haath par vaar kar diya

Achanak se hue iss hamle ke liye commander taiyaar nahi tha, voh kuch samaj paata uske pehle hi general ki talwaar uske haath par padi aur palak japakne se pehle hi uske mooh se dard bhari awaaz uss pure ware house gunj padti hai..kyunki General ke iss vaar se commander ka haath katke gir gaya tha
Apna haath katne ki vajah se commander uss dard ko seh nahi paa raha tha, voh dusre haath se apne haath ko pakadte hue upar dekhkar jor jor chillane laga..aur vahi uss kate hue haath se khoon fuanre ki tarah gir raha tha..khoon itna jyada beh chuka tha ki commander kuch hi pal me behosh hokar gir pada

General ko iss tarah se hamla karte dekhkar uski puri sena vahi ruk jaati hai, aur jor jor se ajeeb tarah awaaz me chillane lagi
Commander ko behosh hote dekh Akshita ne fauran apne watch me kuch buttons dabaye aur uske charo aur mek energy shield aajati hai jisme voh khud ko aur commander ko cover kar deti hai

Vahi dusri Commander ki yeh haalat dekhkar Sam aur bennet dono hi gusse me aakar uske leader ko ghurne lagte hai aur unn dono ne bhi fauran apne aap ko energy shield ke andar cover liya

General ne insaano ki yeh harkat dekhte hue hasne laga “murkh insaan, tum humse kabhi jeet nahi sakte”

Akshita ne apne charo aur dekhte hue kaha jo ab puri tarah Zorians ki sena ke bich gir chuke the “sam..hum gir chuke hai..i don’t know..meri shield kabtak kaam karegi”

Akshita ki baat sunkar Sam ne uspar aur behosh hue commander par ek najar daali, aur fir gusse me aakar usne General par laser gun se humla kar diya jisse uske chehre par ek kharoch aajati hai

Akshita “we have lost sam, I don’t believe it..hum yeh ladayi shuru hone se pehle hi haar gaye” voh ek dum hataash hote hue kehti hai aur uski energy shield bhi gayab ho jaati hai

General “sahi kaha ladki, yeh jung ab khatam ho chuki hai” aur voh joro se hasne lagta hai “vese bhi yeh koi jung thi hi nahi”

“waqt se koi nahi jeet sakta” ek awaaz unn sabhi ko sunayi deti hai “naa insaan..na aliens, jeetaga vahi jo waqt chahega” aur fir kuch duri par neeli rang ki Roshni ubhar aati hai aur usme se Paridhi bahar aati hai

Iss waqt paridhi insaan aur aliens ki sena ke thik beech me thi aur vaha se chalti hui sam ke taraf aati hai, vahi General samne se aati Paridhi ki aur ek pal ke liye dekhta hai aur fir haste hue kehta hai “yeh naamumkim hai, kyunki waqt ab hamara hai” aur voh joro se hasne lagta hai

Paridhi ne halki si Muskaan dete hue kaha “waqt kisika nahi hai, naa insaan ka..aur nahi tumhara”

General sawaliya najro se paridhi ki aur dekhta hai, voh kuch samaj nahi paa raha tha “lagta hai tuje waqt ke baare me kuch jyada hi pata hai” voh haste hue kehta hai “ab muje ek hologram tasweer batayegi ki waqt kya hota hai..ladki shayad tumhe nahi pata par ab waqt par hamara kabja hai”

Pata nahi kyu par Paridhi ko General ki yeh baat pasand nahi aayi, voh gusse me Zorians ki puri sena ko ghurti hai aur agle hi pal Zorians ki puri sena tabaah ho jaati hai..kuch reh jaata hai toh bas unke sade hue kankaal, aur uss kankaal ko bhi rakh banne me der nahi lagti, aur ab uss ware house me keval insaan ke saath sirf General hi bach jaata hai

Ekdum iss tarah se apni sena khatam hote dekh general paagal sa ho jaata hai, voh kuch soche samje bina hi paridhi ki aur japakta hai lekin Paridhi vaha se gayab ho jaati hai aur agle hi pal sam ke pass khadi ho jaati hai

Paridhi ki iss taqaat ko mehsoos hote hi general turant hi piche mudta hai aur haklaate hue kehta hai “ho kaun tum, aur yeh kya kiya hamari sena ke saath”

Pari “vahi hua jo waqt ne chaha..aur vahi hoga jo waqt chahega, vahi hoga jo waqt karega..vahi hoga jo waqt karwaega”

Paridhi ki baat sunne ke baad General gusse me gurrata hai “waqt, waqt waqt..yeh kya laga rakha hai..?? shayad tum nahi jaanti ki waqt ab hamara kuch nahi bigaad sakta..hum jo chahe voh waqt ke saath kar sakte hai”

Paridhi “kya tumhe lagta hai tum kabhi waqt se jeet paoge..??” iss baar pari ki awaaz thodi alag kism ki thi jisse vaha maujud har ek shaks darr jaata hai

General haste hue kehta hai “hum waqt par pehle hi jeet haasil kar chuke hai..waqt ab humara hai, aur voh bhi sirf tum murkh insaan ki madad se, actually hume toh sukragujara hona chahiye tha ki tum insaan ne hamare sabse bade dushman ko hamesa ke liye mita diya, ab vahi hoga jo hum chahenge..mai iss dharti ka naamonishan hi mita dunga..iss nayi duniya me ab dharti naam ka koi grah kabhi Astitva hi nahi karega”

“general..waqt ab sahi ho chuka hai, tum kabhi bhi waqt se jeet nahi paoge” sam ne muskurate hue kaha aur fir voh paridhi ki aur dekhte hue kehta hai “mai nahi janta tum kaun ho..par itna janta hu ki tum hamari sabse badi taaqat banogi, hum insaan yeh ladayi jarur jeetenge” sam ki aankho me ek alag hi chamak dikhayi de rahi thi aur uski awaaz me ek vishwaas tha

Paridhi ek pal ke liye sam ki aur dekhti hai “mai tumhari koi madad nahi kar sakti…tum insaan ko khud hi apni madad karni hogi, mai sirf tumhe raste dikha sakti hu”

Paridhi ki yeh baat sunkar general thoda hadbadata jaata hai, use kuch alag mehsoos hota hai “yeh..yeh nahi ho sakta, tum..nahi nahi, tum insaan ho, mai..haa tum insaan ho”

Paridhi general ki aur dekhte hue kehti hai “General, fir milenge…vahi par” aur fir achanak se Paridhi, sam aur akshita uss warehouse se gayab ho jaate hai

Back to present
Sam “aur fir hum log yanha aagaye aur tumhari baate hume sunayi de gayi”

Akshita jo abhi tak chup thi voh kehti hai “Mayank, time ko restart karke humne bahut badi galti kar di hai, humne Zorians ko voh de diya jiski unko hamesa se talaash thi”

Pari “matlab..??”

Aarav “matlab yeh ki waqt par ab Zorians ka kabja hai, yahi hua hai, haina..??”

Aarav ki baat khatam hone par akshita haa mein apna sar hilaati hai, aur sabhi ek katputli ki tarah jese the vese hi reh jaate hai, kyunki yeh ek aisi baat thi jo behad avishwashniya thi..lekin ek aisa kadwa sach tha jo sabhi ko pata tha

Kuch der ke liye ekdum se sannata chaa jaata hai aur iss sannate ko todte hue Manthan kehta hai “kese..?? I mean yeh possible hi nahi hai..koi bhala time par kese kabja kar sakta hai..??”

Sam “yahi sach hai mere bhai”

Mayank “agar Zorians ka vakahi me waqt par kabja hai toh…” voh bolte hue ruk gaya “yeh sach nahi ho sakta, keh de ki tu majak kar raha hai”

Akshita “kya tuje sach me lagta hai ki hum majak kar rahe hai..??”

Iss baat par Mayank kuch nahi bolta, pari ne apne mann me uth rahe sawal ko puchte hua kaha “tum dono ne yeh kese maan liya ki voh mai hi thi..?? aur tum sure kese ho ki Zorians ne wakahi me waqt par kabja kar liya hai..?? aisa kese ho sakta hai..?? kya hua tha tum dono ke saath..?? aur tum log vapas apne waqt me kese chale gaye the..??”

Akshita “I am sorry pari, sach kahu toh hum inn sawal ke jawaab khud nahi jaante”

Aarav “tum dono khud sure nahi ho ki voh ladki pari hi thi, toh fir uski baat ko itni jyada seriously kyu le rahe ho..??”

Sam ne Mayank ki aur dekhte hue kaha “kyunki usne hume voh bataya hai jo Mayank ne humse chupaya tha”

Mayank thoda hadbadate hue kehta hai “mera koi raaz nahi hai, mai nahi maanta ki voh pari thi”

Akshita “kyu..?? kyunki voh mar chuki hai..??”

Sam “sach me..??” usne sawal karte hue Mayank ki aur dekha

Aarav “muje aisa kyu lag raha hai ki meri behen jinda hai..??” fir voh kuch pal rukkar kehta hai “kahi voh apke waqt me toh nahi aagayi..jese Mayank dusre earth par chala gaya tha” pata nahi kyu par aarav ko kuch alag mehsoos hone lagta hai

Pathik “you are right, shayad isiliye hume pari ki dead body bhi nahi mili thi..aur naa inn sab ko dusre earth par voh mili”

Mayank naa mein apna sar hilate hue kehta hai “no way, it cannot be possible”

Pathik “kya hua bhai..?? kyu possible nahi hai..??”

Mayank “kyunki voh” voh atak jaata hai

Pathik “kyunki kya..??”

Mayank ne apni aankhe band karte hue kaha “kyunki Pari kabhi vaapas nahi aa sakti..she is dead”

Sam “yahi toh hamari galti hai bhai..hum keval insaan hai..aur hamari soch ek had tak hi simit hai, bhai..mai janta hu ki tune voh baat kyu chupayi hai, par agar hume yeh ladayi jitni hai toh hume saath milkar hi ladna hoga”

Mayank kuch sochte hue kehta hai “agar voh pari thi..aur voh tumhe time-travel karwa sakti hai toh usne tumhe kuch kyu nahi bataya..?? kyu unn saare sawalo ke jawab tumhare pass nahi hai”

Mayank ke mann me ajeeb sa darr utpan hua tha, uska dil joro se dhadakne lagta hai..aisa lag raha tha ki uske dil aur dimaag ke bich me koi jung chal rahi hai..voh apne aap me hi ulaj gaya tha..use khud nahi pata tha voh kya bol raha hai “pari bhala aisa kyu kahegi..?? insaan iss tarah ke koi bhi kaam nahi kar sakte jo tune abhi bataye”

Sam “yakin toh pehle muje bhi nahi ho raha tha..par jo humne dekha..jo humne mehsoos kiya voh kuch alag hi tha”

Akshita “aur Mayank, yeh tu bhi jaanta hai ki voh ab insaan nahi hai”

Mayank gehri saans chodte hue kehta hai “I am sorry aarav, mai nahi chahta tha ki yeh baat tumhe kabhi bhi pata chale” usne aarav ki dekte hue kaha

Mayank ki baat sunne ke baad Aarav ka dil joro se dhadakne lagta hai, use pehle se hi ehsaas ho jaata hai ki shayad ab use kuch aisa sunne ko milega jo usne kabhi socha nahi hoga..par saath me use jo mehsoos ho raha tha voh aur bhi majboot ho jaata hai..lekin voh kuch samaj nahi paa raha tha ki voh mehsoos kya kar raha hai..bas uska dil joro se dhadakne laga tha

Mayank “dosto, maine tumse ek baat chupayi hai, Dexter ko maine nahi maara tha..balki voh maara gaya tha”

Pathik “kese.??”

Mayank ne fir apni kahani ka voh sach bataya jo usne apne mann me daba ke rakha tha, usne sab ko bata diya ki dexter ko marne ke liye use apni pari ko apne haatho se maarna pada
Apni hi kahani batane ke baad voh khud ko sambhal nahi paaya, uska dard fir ek baar uski aankho se baahar aane lagta hai, voh ruansi awaaz me aarav ki aur dekhte hue kehta hai “I am sorry aarav, pata nahi kese..mai voh kabhi nahi karna chahta tha, par…mai voh, bas pata nahi kese..mai, maine pari ki voh baat kese maan li, I am sorry aarav”

Iss sach ko sunne ke baad vaha maujud har ek shaks ki aankhe nam ho jaati hai, lekin Mayank ki iss baat ka sabse gehra asar Aarav par pada tha, voh apna sar jukaye hue apne hi pairo ko taak raha tha..najar uski bhale hi apne pairo par thi..lekin uski aankhe toh apni hi behen ka chehre dekh rahi thi..uska voh hasta hua chehra use apni aankho ke aage dikhayi de raha tha..lekin abhi tak uski aankho se aansu nahi nikle the

Mayank ne dekha ki aarav bina koi harkaat kiye chupchaap baitha hai toh usne Pari ki aur dekha..jo apni nam ankho se kabhi apne bhai ko dekh rahi thi toh kabhi apne pyaar ko dekh rahi thi
Jese hi pari ki najar Mayank ki aankho se mili toh voh samaj jaati hai ki use kya karna hai, voh chalte hue aarav ke pass jaati hai aur pyaar se apne haath ko Aarav ke sar rakhte hue uske baalo ko sehlati hai “bhailu” voh bas itna hi bol paati hai

Vahi pari ka haath apne sar par mehsoos kar aarav khud ko sambhal nahi paaya, voh apna sar uthakar Pari ke chehre ko dekhta hai aur uski aankho me dekhte hue voh pari ke baanho me aajaa hai aur pari ko joro se pakadte hue kehta hai “didi, aap muje chodkar nahi jaa sakti, aap….mai apko kahi nahi jaane dunga, aap meri didi ho” kehte hue voh joro se rone lagta hai

Aarav ki aankho se aansu the jo rukne ka naam nahi le rahe the, shayad yeh pehli baar tha jab voh iss kadar roya tha..itne waqt se jo dard voh apne dil me daba kar rakha tha voh aaj pehli baar uski aankho se aansu bankar bahar aa raha tha

Kudrat bhi kitni ajeeb haina..?? insaan chahe jitni bhi koshish kar le kisi baat ko chupane ki..lekin kabhi na kabhi samne aa hi jaati hai
Insaan chahe lakh koshishe kar le..lekin voh hamesa kudrat ke samne lachar rehta hai..kyunki duniya me shayad yeh kudrat hi ek aisi hai jisse insaan kabhi nahi jeet saka..aur naahi kabhi aane wale kisi bhi waqt me kudrat se jeet payega

Aarav kabhi apne behen ki maut par nahi roya tha..lekin jab aaj voh ro raha hai toh bhi kiske sahare..?? voh aaj pari se hi lipatkar pari ke liye ro raha hai…voh pari jo uski behen nahi hai..par uski behen jarur hai

Pari ne badi muskil se aarav ko chup karate hue kaha “aarav, chup hoja..mai yahi hu..kahi nahi gayi”

Pari ki awaaz sunkar Aarav fauran usse alag ho jaata hai, voh pari ko dekhkar samaj nahi paa raha tha ki voh kya bole “didi..voh mai, pata nahi di..mai” voh samaj hi nahi paa raha tha ki use kya bolna chahiye..ya fir voh yahi tay nai kar paa raha tha ki akhir me uske saath aisa kyu ho raha hai

Pari “aarav, mai tumhari pari toh nahi hu..par mai tera dard ache se samaj sakti hu, kyunki kahi na kahi maine bhi apne pyare se chote bhai ko khoya hai”

Aarav “nahi di, muje yeh dimensions ki baate samaj me nahi aati..aur naa hi muje unpar yakeen hai, mai bas itna janta hu ki 1.5 saal pehle maine apni behen ko khoya tha jo muje ab vapas mili hai..ab mai aapko dubara nahi khona chahta”

Yeh sunkar pari aarav ko jor se apne baahon me bhar leti hai, kyunki ab uske pass bolne ke liye kuch tha hi nahi

“maine socha nahi tha ki mera bhai itna jyada samajdar hai” ek behad pyaari si awaaz unn sabhi ko sunayi deti hai, jise sunkar sabhi ke rongte khade ho jaate hai

Sam aur Akshita jaante the ki yeh kaun hai, vahi dusri aur Mayank aur aarav kisi putale ki tarah apne samne khadi uss Paridhi ko dekh rahe the jo sabke samne fir ek baar uss nile rang ki Roshni se baahar aati hai

Note : Paridhi – Earth-2, jaha par uski maut ho gayi thi, jise baad me Mayank na apne haatho se maara tha
Pari – Earth-1, jise Mayank apne saath lekar aaya tha

Mayank ek pal ke liye apne samne khadi Paridhi ko dekh raha tha..jo abhi neele rang ki Roshni me kaid thi, thik usi tarah jese usne sabse pehle Dexter ko dekha tha
Mayank ko yeh samaj me nahi aa raha tha ki Paridhi vapas kese aa sakti hai..?? kyunki jab usne aakhri baar Paridhi ko dekha tha tab usne Mayank ke haatho me apni jaan di thi..toh ab yeh kese possible ho sakta hai..??

Vahi dusri aur Aarav kabhi apne pass me khadi Pari ko dekh raha tha toh kabhi usse thodi dur khadi Paridhi ko jo neele rang ki Roshni ke andar thi
Aarav “d….dddiii…idi..??” usne hakalte hue Paridhi ko dekhte hue pucha

Paridhi ne pyaari si smile dete hue apna chehra haa mein hilaya “nahi aarav, par haa..main teri behen Paridhi hi hu”

Aarav firse halkte hue kehta hai “kk…ke..e……sseee….eeee”

Paridhi ne aarav ke sawal ka jawab nahi diya, aur Mayank ki aur dekhte hue kaha “tuje iss tarah dekhkar muje lag raha hai shayad hum pehle mil chuke hai…yaaa..yeh hamari pehli mulakat hai..??” usne thoda sochte hue kaha

To be continued….

Beshkimti update dost