Romance Teri Meri Love Story (Completed)

[mashish]

Update 54

ready hokar deepa bahar aati hain to paati hain ki sab log lawn par jamaa ho chuke hain. deepa ek baar sabhi taraf najar daalti hain to uske saamne khade logon men wo state ke kai naami film stars, kuchh aur celebrities, state ke kai ministers, powerful leaders, businessmans ko dekhti hain.
Itne saare bade logon ko dekhkar ek second ke liye to use lagta hain

jaise ghabrahat ke mare uske dil ne dhadkanaa hi band kar diya hain, par ek gahari saans lene par use yakin aa jaata hain ki uskaa dil abhi bhi dhadak raha hain. uski aankhen saamne ki bhid men aditya ko dhundhni lagti hain.
2-3 minute ke search ke baad wo dekhti hain ki aditya ek kone men khade kuchh ek state film heroins aur kuchh ladkon ke saath baat kar raha hain. deepa kaafi acchi tarah se janti thi ki aditya kaafi unche contacts rakhta hain par use nahin pata thaa ki aditya aise bhi contacts rakhta hain.
Where as deepa dusari or dekhti hain to use vaishnavi kisi 2 ladkon ke saath baaten karti dikhai deti hain. usmen se jo ek ladka thaa wo kuchh 25 saal ka hogaa aur jo dusara thaa wo 28 saal ka hogaa wo vaishnavi ke najdik hi khada thaa aur saamne khade ladke ke saath kuchh baat kar raha tha. Deepa unpar se najar hataati usse pahale hi vaishnavi ki najar us par padti hain aur wo deepa ko wahaan aane ke liye ishara karti hain.
Ab deepa ko waise bhi is bade se party men koi company nahin thi to wo vaaishanvi ki taraf badh jaati hain. usse milne ke baad vaishnavi deepa ka parichay saath men ke donon se karwaati hain unmense ek uskaa pati Vikram aur dusara vikas uskaa devar. Tabhi aditya jis group men thaa unko chhodkar yahaan aane lagtaa hain. deepa ki najare aditya par tik jaati hain wo ek partywear suit men kaafi accha dikh raha thaa.
Tabhi usko aate aate koi beech men hi rok leta hain deepa uski traf dekhti hain to wo us state ka chief minister madhukar waghmare tha. Aditya unse hand shake kartaa hain kuchh baaten hone par wo donon saath men deepa aur inki taraf badhe chale aate hain. unke aate hi
vaishnavi “papa” kahkar madhukar ke gale lag jaati hain.
Deepa yeh sab sunkar aur dekhkar kuchh shocked rah jati hain. use yakeen nahin aataa ki vaishnavi jaisi ladki jo ki chief minister ki beti hain wo usse itnaa accha bartaav kar sakti hain. ab vaishnavi aur Vikram donon madhukar ke saath kisiko milne chale jaate hain. jate jate Vikram aditya ke kaan men kuchh kah jata hain aur aditya usko bas gardan hilaakar haan karta hain. aur vikas aditya ki haami dekhkar hans deta hain.
Deepa kuchh inmen samajh nahin paati hain ki in men kyaa baat hui hain. aditya ab donon ko saath lekar ek table par baith jaati hain. aditya saamne baithte hi deepa ke chehare ke bhav dekhkar sab samajh jata hain. wo seedha deepa se puchhta hain “kis baat par tumhe hairat hui hai?”
Deepa bolne se kuchh katraati hain aur wo vikas ki taraf dekhti hain aditya samajh jaata hain ki vikas saamne hone ke kaaran wo kuchh bata nahin paa rahi hain. wo deepa se kahta hain “koi tension nahin vikas apnaa hi aadmi hain iske saamne kuchh bhi bolo ye kisiko nahin batayegaa”
Deepa ko samjh nahin aataa to aditya ko kaise kyaa bataaye vikas saamne deepa ki condition dekhkar muh par naughty si smile laakar wo aditya ko dikhata hain. accha thaa ki us waqt deepa kuch dur par kisi aur ko dekh rahi thi.
Aditya firse puchh leta hain “to hamaare bade bhaiyaa kaise lage?” Deepa samajh nahin paati “kaun?”
Aditya “Vikram”
Deepa “kaafi acche insaan hain…. aur kaafi bade bhi……”
Aditya “indeed wo hain hi aise”
Deepa “unke bartaav se aisaa lagaa bhi nahin ki wo itne bade aadmi hoge bartaav ekdum accha hain”
Aditya aur vikas hans deta hain aditya ab uske man ki baat nikalwaane ke liye puchh leta hain “badaa matlab kyaa hain tumhara itne bade aadmi ka pota? Itne bade company ka MD? Ya kuchh aur?”
Deepa “sab kuchh…. Wo bhi vaishnavi bhi donon itne bade hain…. mujhe to abhi pataa chalaa ki vaishnavi CM ki beti hain par uskaa bartaav bhi kaafi accha hain”
Deepa ki yeh baat sunkar vikas hansne lagta hain. aditya tabhi kahta hain “aap kisike bete hi ya beti ho ya fir kitne bade company ke maalik ho isse aap kabhi bhi bade nahin ban sakte…”
Vikas tabhi beech men kah deta hain “yaar aditya ab pravachan naa de… deepa ye to tumse har hafte miltaa hogaa naa?”
Deepa bas sir hilaakar haan kahti hain vikas fir kahta hain “fir accha
hain hum kaafi dinon baad mile hain meraa to masti ka mood hain iskaa pravachan tum fursat se baad men sun lenaa”
Aditya hansne lagta hain firbhi deepa puchh hi leti hain “waise Vikram
CM ka damad kaise?”
Abki baar ye sawaal sunkar aditya aur vikas donon hansne lag jaate hain. deepa kucch confused se chehare se un donon ki taraf dekhti hain. vikaas hanste huye kahtaa hain “ye sab aditya baba ki krupa hain” Deepa kuchh samajh nahin paati “matlab?”
Aditya tabhi kisi ladke ko rok leta hain jo ki shayad uski biwi ke saath thaa. Donon saamne baithne ke bad aditya unka deepa se parichay karwata hain. yeh uska bhai virat aur uski biwi the.
Virat “kya baatchit chal rahi hain?”
Vikas “kuchh nahin jara hamare Vikram bhaiyaa aur Vaishnavi bhabhi ki shadi kaise hui ye batane ja raha tha”
Virat apne sir ko haath lagaakar kahta hain “aaj bhi yaad hain wo din kya tension hui thi chal aaj firse wo yaad taja karte hain”
Vikas “par pichhle din se”
Virat “us din main ghar par nahin thaa chal tuhi bataa de hua kyaa thaa”
Tabhi aditya unko rokte huye kahta hain “kuchh chijen tum donon ko
bhi pataa nahin hain jara party khatam hone do saath men khana khate huye ye baaten karenge”
Sabhi haan kahte hain. stage par birth day ka sab kuchh ho jata hain.
aditya acchi tarah se sabhi mahmanon ki khatirdari karne men lag rahta hain. deepa par ek baat notice karti hain ki ek nayi television actress aditya ke kaafi aage pichhe ghum rahi thi.
Par aditya to apne kaam men hi lagaa hua thaa. Kaafi log waapsi jane lagte hain. deepa aditya ke pas aati hain “chalo ab chale khana khane” Aditya “tumhe Vikram ki story sunne ki kaafi ichha ho rahi hain kya?” itnaa puchhkar hansne lagta hain
Deepa “haan aur bhukh bhi lagi hain”
Aditya “thik hain abhi jama karta sabko aur saath men Vikram aur Vaishnavi ko bhi” saath men ek naughty si smile deta hain.
Tabhi pichhe se madhukar waghmare, Vikram aur Vaishnavi aate hain.
darasal wo ghar jaa raha tha aur Vikram aur Vaishnavi unhe bahar chhodne jaa rahe the to jate jate unhe aditya dikha tha to jane se pahle wo usse milne aaya thaa.

Madhukar “chalo aditya chalta hun fir milnege”
Aditya “thik hain uncle” aisaa kahkar wo unko namaskar karne ke liye donon haath jodta hain to wo bhi waisa hi karte hain.
Madhukar “bas man men ek hi baat man ko sataati hain” Aditya “kya?”
Madhukar “mujhe ek hi beti hain uski shadi to Vikram se ho gayi agar
ek aur beti hoti to uski shadi jarur tumse karwaa ke tumhe apnaa jamai banaataa”
Aditya “ismen kaunsi badi baat hain uncle iske liye bhi ilaaj hain”
Madhukar kuchh curiocity se puchh lete hain “kya?”
Aditya “main jisse shadi karungaa use apni beti maan lijiye ho gayaa main aapka jamai”
Aditya ki is baat par sab thahaake lagate hain. aditya ke man men aata hain ki abhi madhukar ko uske dusari beti se milwaa de par ye idea wo drop kar deta hain.
Madhukar “chalo thik hain aditya main aata hun” Aditya “ok uncle”
Aur wo sab chale jate hain. wahaan ab bahut kam log bache the. aditya
ab baakiyonke liye yahaan wahaan dekhne lagta hain aur deepa man hi man sochne lagti hain ki aditya kaisa hain ki state ka CM bhi chahta hain use apna apnaa jamaai banaaye.
Deepa “aditya….” Aditya “haan”
Deepa “sach men badi unchi pahchaan hain tumhaari” Aditya “kyun kyaa hua?”
Deepa “state ka CM acchi tarah se pahchanta hain tumhe…”

Aditya “wo to wo Vikram ka sasur hain isliye pahchanta hain”

Deepa “aur wo actresses tumhaare pichhe bhaag rahi thi uskaa kya?” wo kuchh jelousy se hi puchh leti hain.

Aditya “main kuchh jyada hi handsome hun naa isiliye” aditya apne muh par ek badi si muskaan laakar kahtaa hain.

Deepa “ye bataao inke ghar men to sab log itne acche hain fir bhi

political circle men is ghar se sab darte kyun hain?” Aditya “kahaan sunaa tumne?”

Deepa “sab jaante hain, news men sunaa hain. paper men padha hain”

Aditya apne sir ko khujaate huye sochne lagta hain ki ab isko kya bataaye fir wo kuchh sochkar use kahta hain “annasaheb Jahagirdar…… tumne to inke 2 hi bête dekhe naa?”

Deepa “haan tumne 2 hi chachaonse to milwaya thaa”

Aditya “in donon ke siwaay inkaa sabse chhota ek aur beta bhi thaa… kuchh saal pahale unki maut ho gayi…. Unki wajah se aaj ye itne bade huye hain…. ya yum kaho ki annasaheb ke bade donon beton se kai jyada uskaa naam aaj bhi hain… khair chhodo chalo ab kuchh khaane ke bare men dekhte hain main sabko jamaa kartaa hun”

Aditya fir sabko ikkatha karke saath men dinner karwata hain. dinner ke waqt Vikram ki shaadi kaise hui uski kahani dohraayi jaati hain.

very nice update

 

[mashish]

Update 55





Aditya fir sabko ikkatha karke saath men dinner karwata hain. dinner ke waqt Vikram ki shaadi kaise hui uski kahani dohraayi jaati hain.

Deepa sab sunkar kaafi aditya se kaafi impress ho jati hain. dinner ho

jane ke bad sab uth jate hain. kuchh der tak aur gappe ladaane ke baad chaaron men chulbulahat shuru ho jaati hain.

Aditya “chalo ab main jaraa bahar jaake aata hun”



Vikram “chal sab saath hi chalte hain”

Donon ke pichhe Virat aur Vikas aane lagte hain. tabhi pichhe se Virat ki biwi aawaj deti hain “suniye jaraa jaldi aaiyega” usko to pata thaa ki wo kisiko rok to nahin sakegi fir bhi wo unhe bata deyi hain.

Virat “haan itne dinon baad aditya aaya hain firbhi jaldi aane ki koshish karenge” aisaa kahakr wo chal deta hain. Deepa kuchh asmanjas men hi rahti hain.

Un charon ke jaane ke baad Vaishanavi kahti hain “inko aane men kamse kam 2 baj jayege”

Deepa kuchh nahi react karti par virat ki patni kahti hain “nahin wo kahke gaye hain ki jaldi aayenge”

Vaishnavi “tumhare unhone kaha aur tumne sach maan liya are pagli

unke saath aditya aur vikas bhi hain wo jaldi aane nahin denge” Deepa kuchh sochkar puchhti hain “waise ye charon gaye kahaan hain?”

Is baat par vaishnavi aur virat ki wife hansne lag jati hain. aur deepa nervous chehare se unki taraf dekhti hain ki ye kyun hans rahi hain. vaishnavi virat ki biwi ko haath se hi ishara kar deti hain ki tu bataa de. Smruti “wo chaaro kaafi dinon baad mile hain to mahfil jamaane gaye honge kahin..”

Deepa ye sunkar hairat men pad jati hain ki unke pati aise bahar jaa rahe hain par unhone rokaa nahin. Ye baat sochkar wo vaishnavi se puchh leti hain “aapko nahin lagta aapke pati aise bahar jaa rahe hain aur aap unko roke”

Vaishnavi aur smruti uski taraf dekhti hi rahti hain aur kuchh sochkar vaishnavi deepa ko jawab deti hain “dekho deepa hum donon ke pati apne bhai se bahut dinon baad mile hain, kuch baaten hongi jo unhe karni hogi aur saath men wo mahine men se 5-6 din bahar rahte hi hain par firbhi tum inhr ab rokogi to ye kaise na kaise jaane waale hain hi par agar wo aapko batakar jaate hain to accha hain….. Kamse kam chhupaane se aacha hi hain”

Deepa kuchh aage bol nahin paati vaishnavi aage jod deti hain “dekho ye chaaron jaise ek dusare ke bhai hain waise hi dost bhi hain aur unki tumhe tension lene ki koi jarurat nahin hain wo apnaa khayaal rakh sakte hai”

Darasal men kal raat apne man ki baat aditya ne vaishnavi se kahi thi isi liye use pataa thaa ki ab kaise is situation ko handle karna hain.

Smruti ek jamaai dete huye kahti hain “chalo ab chalte hain saare

mahman bhi ja chuke hain. Ab tum bhi aaram karo deepa tumhe kal jana hain”

Itnaa kahkar smruti nikal jati hain, deepa aur vaishnavi saath men

baaten karte karte ghar ki taraf badh jate hain. deepa man hi man aditya ke baaren men sochte huye bed par apnaa sharer daalti hain. Jaane kab uski aankh lag jati hain.

lovely update

 

[mashish]

Update 56

Udhar aditya, Vikram aur sabhi bhai ek unche hotel ke private baar men baithar aapas men baaten kar rahe the.
Vikram “aditya, main chahta hun ki tum firse ghar aa jaao”
Aditya apne saamne rakhi ciggrate ke packet men se ciggrate nikal kar lite karta hua badi hi cool andaaj men puchhta hain “kya kahna chahte ho Vikram bhaiyya thik se batao”
Ab tak baaten karne waale vikas aur virat bhi ab thode serious mood men ab Vikram ke jawab men uski taraf dekhne lag jate hain.
Aditya to apna glass uthakar usmen jo thodi si jo bachi hui thi wo gatak jata hain. tabhi saamne baitha waiter uske liye refill karne lagta hain to aditya use rokte huye kahta hain “tum sab kuchh table par chhod do main sab kuchh kar lunga, aur humen thodi der ke liye akela chhod do” Waiter ab sab sajo-saman table par rakh kar bahar jate huye kahta hain “sir agar kuchh chahiye ho to bahar se bula lijiye” itna kahkar wo nikal jata hain.
Ab aditya Vikram ki taraf dekhte huye bolta hain “ab kaho jo kahna hain”
Vikram kuchh samajh nahin paa raha thaa ki wo aditya ko kaise samjhaye to wo apnaa aadhe se jyada bhara jam uthakar pee jata hain. ab aditya uske khali jam ko apni taraf khinch kar apne liye aur Vikram ke liye peg banana shuru karta hain.
Peg banate waqt jab uski najare niche thi. tabhi ishare ishare se vikas use kahta hain ‘kah do ab yahi sahi samay hain’
Peg banakar aditya uski taraf dekhta hain aur Vikram kahna shuru karta hain “aditya…. Itne bade karobar ka boj main akela nahin utha sakta”
Aditya “akele kyun vikas aur virat bhi to hain”
Vikram “aisi bat nahin hain aditya par jo baat tum men hain wo baat to mujh men bhi nahin”
Aditya “aap apne aap ko niche samajh rahe hain bhaiyya”
Vikram “to suno aditya, main chahta hun ki tum firse yahan aao karobar sambhalo, bhale naa bhi sambhaalo par yahan raho aur kitne din yahan par basi hui tumhari nilofar ki yaadon se dur bhagte rahoge. Abhi vikas ki bhi shadi ki baat chal rahi hain. tumhare liye bhi kaafi
acche acche rishte aaye hain.”
Aditya “kya aap kahna chahte ho ki main bhi shadi karke yahin rahu” Vikram “haan, aakhir kabhi na kabhi to shadi karni hain aur ghar to basana hain hi….. sabhi kahte hain jindagi tanha nahin gujaari ja sakti koi na koi saathi jarur chahiye hota hain”
Ab aditya apne saamne ka glaas men se ek sip maarta hain aur kahta hain “bhaiyaa aapko ek baat bata du ki main chahe shadi karlu ya kaise bhi rahi main yahan nahin rah sakta. Ye ghar, business, politics, iske
roj roj ke fande main inse dur rahna chahta hun.”
Vikram “yani tum apne pariwar ka saath nahin dena chahte”
Aditya “maine aisa kab kaha, main hamesha aapke aur pariwar ke saath hun. Par jaraa duri bana kar. Jabtak main jinda hun bhaiyaa majal hain kisiki ki wo ghar ya gharwalon ki taraf najare uthakar dekhe. Aap to jante hi hain ki uska haal karunga ki sabhi ke dilon men bhi dahshat ho”
Vikram “par kab jab ghar men ke kisiki jaan chali jaaye ya fir koi bahut badi musibat aa jaaye. Maanta ki tum ismen maahir ho aur dekh bhi chukka hun pichhli baar….”
Aditya “dekhiye bhaiyaa maine apne pariwar ke khatir nilu tak ki bali chaadha di thi aur ek missal banayi thi ki Jahagirdar khandan se takkar ka kya anjaam hoga”
Vikram “haan manta hun par tum jab tak jaage the tab tak humne ghar ka sabse aham wyakti yaani tumhare papa ko hi khoya tha. Waise bhagwan ka shukar hain ki uske baad men tumne apne aap ko apne pitaji jaisa sabit kiya ya tum ho hi waise bas kuchh hone ki der hain” Aditya “bhaiyya kya aap ab is bat ko yahi rokenge main nahin chahta ki

itihas men bane huye mere jakhm jo ki ab naasur bane hain use ab koi malham laga raha hain aur aap use ukere”
Vikram “thik hain par mujhe yahi kahna hain ki tum ghar chale aao”
Aditya “bhaiyya ab main aapko kuchh batata hun aap suniye”
Vikram “beshak sunao” itnaa kahkar wo apne saamne ke peg ka ghunt leta hain.
Aditya “main deepa se pyaar karta hun behad jyada pyaar. Uski khushi hi ab mere jindgi ka sabse bada lakshya hain. main usse shadi karna chahta hun aur shadi ke baad main wahi bans jaaunga yahan wapas nahi aaunga. Main nahin chahta ki wo is ghar men aaye aur is ghar men mera wo chehara dekhe jisse main khhud darta hun.”
Vikram “thik hain ab jo tumne soch hi liya hain to thik hain par main chahta hun ki tum mere liye ek baar fir se is baat par socho”
Kuchh der ki shanti ke baad firse Vikram puchhta hai “aaj jis tarah se deepa dekh rahi thi mujhe nahin lagta ki tumne use kuchh bataya hain.” Aditya ab tak niche apne daru men jo ice cube gholne keliye ghuma raha thaa usse dhyan upar uthkar ek naughty smile ke saath dekhta hain “tumhen kya laga main aise patte abhi kholunga pahale usse pyaar ka ijhaar to kar lu baad men use shanty men bataunga ki main kaun hun”
Isi baat par vikas hanste huye kahta hain “yaar mujhe is bat par wishwas nahin hain ki tune abhi tak usse pyaar ka ijhar nahin kiya hain”
Aditya “yaar jara thodi din maje lene do” Vikram “waise kis kis ko pata hain?”
Aditya “Pratap, abhiman, aur recently kal rat maine bhabhi ko bataya

hain”

Vikram “chal thik hain, par ye bata kab tak aisi lukachhupi ka khel chalega”

Aditya apni aankhen wahan upar tike jhumar ki taraf dekhte huye kahata hain “mujhe nahin lagta ki wo din ab jyada dur hai ki us din ye baat ho hi jani hain”

Vikram “are glass khali karo, mera bhai kisise pyar karta hain is baat par to ek aur round hona hi chahiye”

Sabhi log firse ek aur round lete hain tabhi virat kahta hain “chalo ab

kafi raat ho chuki hain”

Aditya “ek round aur fir chalte hain aur party meri taraf se”

Sab log ghar jane ke baad apne apne room men chale jate hain par aditya ke aankhon se to nind koso dur hi thi. uske man men to bas ek hi naam tha ‘DEEPA’

superb update

 

[mashish]

Update 57


Subah deepa uthkar ready hoti hain aur bahar ki taraf nikalti hain
vaishnavi aur smruti se milne to wo dekhti hain aditya bhi ready hokar baitha thaa aur un donon se baaten kar raha thaa. Deepa ko aate dekh teenon hansne lag jate hain. deepa ye sochne lag jati hain ki yeh teenon kyun hans rahe hain.
Deepa un sab ke paas aati hain to aditya use kahta hain “good morning deepa ji aapki nind puri hui ya nahin?”
Deepa kuchh samajh nahin paati to aditya use saamne lagi ghadi dikhata hain, jismen subah ke 9:30 baj chuke hain. aur firse sab hansne lag jate hain.
Deepa “aaj aankh jaldi khuli hi nahin”
Aditya “thik hain chalo nashta kar lo hamen nikalna hain aaj jyada dur
nahin jana hain”
Deepa “kahaan jana hain?”
Aditya “jyada nahin bas yahaan se 100km dur hi jana hain”
Sab saath men nashta karte hain aur jab deepa ghar se nikalane lagti hain to vaishnavi use ek saari gift karti hain. deepa use lene se mana kar deti hain par vaishnavi yah kah deti hain ki “tum hamaare ghar pahali baar aayi ho hum tumhe aise nahin jaane denge tumhe ye lenaa hi hogaa nahin to hum tumhe jaane nahin denge”
Sab hans dete hain aur deepa usko accept karke nikal padti hain. aaj ke din bhar men deepa aditya se kuch jyada baat karti nahin hain. usi din sham ko aditya ko us shahar men accha hotel na milne ki wajah se aditya ye decide karta hain ki wo agale city ke liye abhi hi nikal pade jo ki bahut hi paas men thaa.
Gaadi chalaate waqt aditya beech men ek call aa jaane ki wajah se gaadi beech raste men side ko rok kar baat karne lagta hain. kuchh der baat karne ke baad aditya deepa se puchh leta hain “bhukh lagi hain kya?”
Deepa “haan”
Aditya “bas 10 minute aur city men hum pahunchane hi waale hain” Deepa “thik hain”
Itnaa kahti hi hain ki gaadi ki kaanch koi knock karta hain. aditya saamne dekhta hain to use samajh men aata hain ki ek van uske saamne aakar aise ruki hain ki wo gaadi nikaal na paaye.
Aditya apni gadi ki kaanch niche karta hain to uske saamne ek 35 ke aage ka saamne pet aaya hua ek police hawaaldar khada tha.
Aditya binaa waqt daudaaye maajra samajh jata hain. wo bahar utar ke

usse kuchh baat karta hain darasal wo use ghus ke liye rok raha thaa. Aditya use dene ke liye manaa kar deta hain. unmen kuchh anban ho jati hain. ant men wo hawaldar use gaadi police station le chalne ko kahta hain.
Aditya man hi man sochta hain ki chalo iske thane jaakar hi iski aur iske sahib logonki dekh lenge par uske man men yah bhi aata hain ki deepa bhukhi hain. khair wo soch leta hain ki aise ya waise city men to jana hain hi to jaate jaate ek call se hi iski utaar denge aur wahin khana khaa lenge.
Wo hawaldar uski gaadi men aakar pichhe baith jata hain taaki wo bhaag naa jaaye. Uske baithte hi saamne ki gaadi nikalti hain aur aditya bhi unke pichhe pichhe gadi dauda deta hain.
5-7 minute ki driving ke baad donon gaadiyan police station ke bahar aakar ruk jati hain. aditya, deepa un sab ke pichhe pichhe andar chale jate hain. wohi hawaldar unko saamne ki do kursiyon ki taraf ishara karke baithn eke liye kah deta hain aur wo inspector se baat karne ke liye andar chala jata hain. deepa man hi man men dar jaati hain par agale hi pal use yaad aata hain ki aditya kaafi unche contacts rakhta hain wo jarur yahaan se bahar nikalne ka raasta nikal hi lenga.
Aditya hawaldar jis inspector ke cabin men gayaa thaa wahaan wo name plate padhta hain ‘varun joshi’. Ye naam padhkar wo man hi man hansta hain aur deepa ki taraf dekhta hain. wo dekhta hain ki deepa ke chehare par ke rang bikhar gaye hain so wo use kahtaa hain “tum chinta mat karo main hun naa saath men” aisaa kahkar uske haath ke upar hath rakhkar use dilasa deta hain.
Deepa aditya ke kahne par thodi sambhal jati hain. kuchh der baad

hawaldar bahar aakar aditya se kahta hain “sahib aapko bula rahe hain” Aditya “chalo” aisa kahkar uthkar uske pichhe chal padta hain. wo us hawaaldaar ke pichhe pichhe us cabin men andar chala jata hain to wo dekhta hain ki saamne police ki kadak wardi men ek jawaan aadmi baithaa hain. wo niche dekhkar kuchh likh raha thaa. Uske kandhe par lage huye teen chamchamate stars se aap aaram se uskaa ohada pahchaan sakte hain ki wo ek inspector hain.

good update

 

[mashish]

Update 58


Kisi ke aane ki aahat sunkar wo apni najar uthaata hain to hawaaldar ke saath aaye aditya ko dekhta hain. darasal men wo aditya se thoda unchai men chhota hi thaa par body structure donon kaa ekjaisaa hi thaa. Par uski umr aditya se jyada thi. lagbhag 28-29 ke aaspas ka wo officer pahale dikhne men hi ek kadak officer pratit hota thaa.
Jaise hi wo aditya ko dekhta hain wo apni kursi pichhe karke jagah par uth jata hain. aur aditya ki taraf badhne lagta hain aur aditya bhi apni chehare par muskurahat laakar uski taraf badhne lagta hain. donon beech men aakar seedhe gale lag jate hain aur ye dekhkar us hawaaldar ka chehara binaa pite lal ho jata hain aur wo binaa kuchh kahe bahar khisakane lagta hain. tabhi varun use aawaj dekar rokta hain aur use kahta hain “shinde chaay pani ka intejam karna”
Aditya “are nahin yaar saath men koi hain use bhukh bhi lagi hain to main chalta hun”
Warun “are aaj itne saal baad milaa hain aise hi kaise jaane du tujhe chal ab saath men khana khaayenge”
Aditya “are yaar sath men deepa hain” Warun “kaun hain ye deepa?”
Aditya “are yaar couligue hain saath me hum log official tour par aaye
hain yahaan”
Warun “mujhe sab pataa hain tere tours…”
Aditya hanste huye “are nahin yaar jab se perfect spm kharidi hain tab se sab aise waise kaam band”
Warun “chal thik hain use bhi saath men le chal ghar par” Aditya “ghar par? Kahin tune shaadi to nahin kar li?”
Ab hansne ki baari varun ki thi “haan yaar pichhale saal kar li” Aditya “aise kaise achanak? Aur bulaya nahin?”
Warun “are yaar ghar waale kaafi force kar rahe the to kar li aur rahi
tujhe bulaane ki baat to ghar par invitation card bheja thaa par tu hi aaya nahin”
Aditya “are yaar ab main wahaan aata jata kam hi hun”
Warun “haan pataa hain jab se tere mummy papa ki death hui aur tu us haadse se gujraa main samjh sakta hun ki koi bhi firse aisee city men rukna nahin chaahega” itne men aditya apne jeb men se cigratte ka packet nikaalkar usmen se ciggrate nikal kar use varun ko paas kar deta hain.
Aditya “par kar bhi kyaa sakte the na mummy papa ki death roknaa kisike haath men thaa, naa hi humen aisi baton ki khabar jaldi lag paayi aur uske baad men jo hua wo karna behad jaruri thaa”
Warun “par tu itne aage jaakar yah kadam uthaayega yah mujhe laga nahin thaa”
Adiitya “mere papa hameshaa kahte the ‘maut to bas ek shuruat hain’
papa ki death mere liye ek shuruat thi. uski wajah se hi nilofar ki maut hui Aur nilofar ki maut ne jo shuruat kiyi uski wajah se aaj yahaan
aise khada hun”
Varun aditya ko upar se niche tak dekhte huye “waise aaj agar koi dekhe aur use tumhe us waqt dekha hota to koi nahin manta ki ye donon ek hi aadmi hain”
Aditya hansne lag jata hain uski baat ka koi jawaab nahin detaa. Varun “par tujhe usi din aane ki kaise sujhi?”
Aditya “yaad rakh usi wajah se teri jaan bhi bachi hain aur saath men
agar aisaa tere ghar hua hota to tu kyaa karta?”
Varun lambaa kash lete huye “haan tu thik kah raha hain main bhi agar tere jagah hota to main bhi shayad wahi kartaa”
Aditya “chal jane de jo hona thaa so ho chuka chal ab ghar pe bhabhi ke haath ka khana khaaunga”
Varun “sirf khana hi yaa kuchh aur bhi….” Aisa kahakar apnaa
anguthaa uthaate huye kahta hain .
Aditya “are yaar dekhenge pahale ghar to chal…”
Varun “ruk teri bhabhi ko kah dun ki tum donon bhi aa rahe ho waise khana taiyar karke rakhe aur kahin aur jane ki tujhe jarurat nahin hain raat ko mere ghar ruk ja”
Aisa kahkar wo apne jeb se apna mobile nikaal kar phone karta hain
aur kuchh baaten karne ke baad aditya ko kahta hain chalo aur donon saath men bahar nikalte hain.
Aditya ko bahar aate dekh deepa ke chehare par aise bhaav hote hain ki ab kyaa hua hoga… par aditya aue Varun hanste huye bahar aate hain. yah dekhkar deepa ki sari uljhane dur ho jati hain. un donon ko apni or aataa dekh deepa apni kursi par se uth khadi hoti hain.
Aditya jab deepa ke pas pahunchta hain to deepa ka warun se parichay karwate huye “deepa inse milo ye hain Varun joshi inspector hain is

thane ke aur warun inse milo ye hain Ms. Deepa garg meri coligue hain”
Aditya deepa se “chalo humen iske ghar khana khaane ke liye invitation
hain”
Deepa kuchh samajh nahin paati aur haan men sir hila deti hain. jate jate Varun hawaldar se ye kah deta hain ki subah jeep lekar use lene ke liye aa jaaye wo aditya ke saath ja raha hain. Varun ke ghar jate huye Varun aditya ke saath aditya ki gadi men baith jata hain aur deepa pichhe baith jati hain.
Jate jate warun ek liquor shop ke age gaadi rokne ko aditya ko kah deta hain. aditya wahaan ruk jata hain aur varun utar ke dukan ki taraf jata hain.
Deepa “ye ab kaun hain aditya?”
Aditya “dost hain meraa, aaj milnaa hua to samjha ki yahaan inspector hain aur isne khane par bulaya…”
Deepa “aur tum naa nahin kah saken..”
Aditya “samjha karo iski shadi hone ke baad isse main milaa nahin hun aur naahi iski shadi men thaa to iskaa aise rokna to lajmi banta hain naa”
Deepa is baat par kuchh kahti nahin aur aditya ki najar men saamne ka pan ka thela aa jata hain aur wo gaadi se nikal kar ciggratte lane udhar nikala jata hain. tabhi 2 minute men varun haath men black colour ki panni me kuchh liye aa raha thaa. Wo aakar driver ke side wali seat ka darwaja kholkar andar dekhta hain to use aditya dikhta nahin. Wo pichhe baithi deepa se puchh leta hain ki aditya kahaan hain? to deepa use saamne pan ke thele par khade aditya ki taraf ungali kar deti hain.

Aditya ko dekh wo apne seat par pichhe ki taraf jhul jata hain aur saamne ki taraf dekhne lagta hain. kuchh der baad aditya wapas aa jata hain. aur firse sab log nikal padte hain.

very nice update

 

[mashish]

Update 59

Kuchh der baad gaadi ek bungale ki bahar aakar rukti hain. bungale ka darwaaja ek bahut hi sundar aurat aakar kholti hain uski umr deepa se thodi hi jyada hogi par uskaa yauwan us saree men kuchh jyada hi najar aa raha thaa. Aditya us par darwaaje men hi ek upar se niche tak ek baar dekhta hain.
Darasal aditya varun ke saath darwaaje par khada thaa. Darwaja jab wo kholti hain tab aditya use isi tarah se dekhta hain aur deepa aditya ko aise kisiki traf dekhta dekh insecure ho jaati hain aur wo aditya ko pichhe se kuchh dhakka de deti hain.
Pichhe ka dhakka lagte hi aditya pichhe dekhne lagta hain to deepa aditya ko kahati hain “andar nahin jana hain?”
Aditya bas sir ko haan men hilaakar aage badh jata hain. andar jaane
ke baad varun un donon ko apne kamre dikha deta hain aur fresh hokar aane ko kah deta hain.
Fresh hokar bahar aane par deepa dekhti hain ki aditya aur varun to
sharaab pakad kar baith gaye hain. wo pahale se hi bhukhi thi upar se ye dekhkar uske pet ke chuhe udham machaane lag jate hain. aditya dekhta hain deepa bahar aa gayi hain. wo turant varun se kuchh kahta hain.
Deepa kuchh sun to nahin paati ki aditya ne varun se kyaa kahaa par agale hi pal varun apni biwi ko bulaakar kah detaa hain “humen kitni der hogi pataa nahin tum donon khana khaa lo aur hamara khana dining table par hi rakh do”
Deepa aur varun ki biwi khana khaa lete hain. kuchh der usse baten karne ke baad deepa jab room men sone ke liye ja rahi thi tab deepa dekhti hain ki donon abhi tak lage huye hain. wo un donon ko kuchh bolnaa laajmee naa mante huye apne room men sone ke liye badh jaati hian.
Thakaan ke mare use kab nind aa jati hain use kuchh pataa hi nahin chalta. Raat ko 2:30 baje ke aaspas uski nind pyaas lagne ki wajah se khul jati hain. wo dekhti hain aaspas par pani na hone ke karan wo kitchen ki taraf nikal padti hain.
Kitchen ke liye jate waqt deepa jab hall men ja rahi thi tab dekhti hain ki hall ki lights jail hui hain. uske man men na ajaan ekya kya khayaal aa jate hain. jane ke galiyare se baju men dekhti hain to aditya ka karma khula hua thaa usmen koi nahin thaa. Wo ab seedhe hall men jane ka sochti hain.
Hall men jate hi deepa ki najar saamne ke table par jati hain jahan varun aur aditya saath men pine baithe the. wahaan ab ek chess lagi hui thi. side men ash tray aur daru ki botal aur baaki ki chije rakhi hui hain. wo aur paas jati hain to dekhti hain ki wahaan aditya baithkar akele hi chess khel raha thaa.
Deepa “aditya…..”
Aditya apani najare upar uthaate huye deepa ko dekhta hain. deepa “aditya itni raat ho gayi hain soye nahin tum”
Aditya apni daru ke glass par haath fairte huye kahta hain “neend nahin
aa rahi thi”
Deepa ab aage badhkar aditya ki taraf badhte huye aati hain aur aditya ke saamne ki kursi par baithkar saamne ki pani ki bottle lekar pani piti

hain. use rakhkar saamne ke chess ke daanv par najar daudati hain. Aditya ab apna glass uthakar ek ghunt letaa hain. aur wo bhi saamne dekhta hain seedhe deepa ki aankhon men. Deepa kuchh samajh nahin pati aur aditya se puchhti hain “tum chess khelte ho ye mujhe pataa hi nahin thaa”
Aditya “haan…. Khelta hun” Deepa “aur aise akele?”
Aditya “jab tum bhi khud se khelnaa sikh jaogi tab tum bhi bahut badi ban jaogi” aisaa kahte huye saamne ke ek ghode ko lekar khelta hain. Deepa “kuchh samajhi nahin…. Tum kisi ek side ko jitaane ke liye khel rahe ho…”
Aditya firse ek ghunt lete huye kahata hain “mere liye donon sides ek hi baraabar hain…. main to bas khel raha hun”
Deepa “aisaa kaise ho sakta hain?”
Aditya “ho sakta hain …… ho sakta hain, jaise main kar raha hun” yah kahte huye saamne ke side ki ek aisi chal chalta hain jisse ki haarne ki situation paida ho jaaye.
Deepa kuchh kahne ke liye muh kholne se pahle hi aditya use apne
muh par ungali rakhkar chup rahne ko bolta hain. deepa saamne dekhne lagti hain. aditya firse ek aur ghunt peekar apni side se cheque karke aisee halat karta hain ki saamne wali side ab haar chuki hain wo koi bhi chaal nahin chal sakti.
Ab aditya saamne padaa glass peekar khali kar deta hain aur deepa se kahta hain “ab so jaao deepa subah humen bahar bhi jana hain shayad kal humen yahi rukna pad jaaye”
Deepa kuchh kah nahin paati aditya ab apni kursi par se uthata hain

aur saamne ki side ka king ko usi jagah gira deta hain aur seedhe nikal padta hain. deepa bhi us chess table ko ghur kar dekhti hain aur fir uthkar apne glass men nikal jati hain.

super update

 

[mashish]

Update 60

Dusare din subah deepa jab ready hokar room ke bahar aati hain to dekhti hain aditya saamne ke sofe par baithkar news paper padh raha hain. deepa ko aata dekh varun ki biwi use seedhe nashte ki table par hi bulaa leti hain jahan varun already nashta kar raha thaa. Varun ki biwi ab aditya ko bhi aawaj de deti hain.
Deepa ko ye samajh jata hain ki aditya ne kal ki chhoti si hi meeting men apni is nayi bhabhi ke dil men acchi khaasi jagah banaa li hain. Varun uth jata hain aur aditya aakar baith jata hain. Varun apni biwi aur aditya ko bataakar jata hain ki wo police station ja raha hain. aur wo gate ke saamne khadi police jeep men baith kar chala jata hain. Ab aditya varun ki biwi ko kahta hain “bhabhi aap bhi nashta kar lo hamare saath warnaa kahaan akele karongi?”
Aur wahaan varun ki biwi naashte par baithne ke baad jo aditya aur uski bakbak ka daur shuru ho jata hain deepa bas unki baaten hi suni jati hain. deepa beech men kuchh bolne ki himmat nahin jutaa pati par sath sath men is baat se wo aakarshit ho jati hain ki aditya kitna accha aadmi hain jo kitne kam samay men logonko apnaa banaa le.
Nashta hone ke baad aditya aur deepa nikal jate hain. din bhar kaam karte karte unko wahin der ho jati hain to aditya aaj raat ko travelling karne ka idea drop karke aaj raat yahin rukne ka faisala karta hain.
Us raat ko varun ke ghar rahkar subah aditya unse bidaa lekar apne aakhri padav par nikal padta hain. wo jab us city men enter karta hain tab kaafi der ho jane ke karan wo sidhe company men chala jata hain.
Din bhar kaam ke chakkar men wo kisi aur ko room book karwaane ko kah deta hain. sham ko kaam khatam hone ke baad jab wo hotel jata hain.
Ye hotel us shahar ka sabse badaa hotel tha. Us hotel ka badak pan dikhte hi najar aa raha thaa.
Wo hotel men jata hain to saamne se use hotel kaafi accha lagta hain.
wo aage badhkar reception par dekhta hain to use ek shakal se hi khadus aadmi reception par baitha najar aata hain. wo aage badhkar usse baat karta hai.
Aditya “hello main aditya jahagirar mere naam se yahaan 2 rooms book hogi”
Hotel manager “ek minute main check karke aapko bataata hun”
Wo kuchh der yahaan wahaan dekhta hain aur ek chabi nikaal kar aditya ke saamne rakh deta hain. aditya ye dekhkar ki sirf ek hi chabi haath men lekar puchhta hain “dekhiye mere naam se 2 rooms book hain”
Manager “nahin sir aapke naam se sirf ek hi room book hain”
Aditya “aisaa kaise ho sakta hain maine to 2 rooms ke liye baat kiyi thi” Manager “sir aapke liye kisi mr. mukund ne room book karwaayi thi naa?”
Aditya “haan…”
Manager “to unhone aapke liye 1 hi room book karwaayi hain” Aditya “mujhe ek aur room chahiye” is baar aditya apni baton par thodaa jor dekar kahtaa hain.
Manager “sir baaki saari rooms book hain aapko koi aur room nahin mil sakti”

Aditya “dekhiye aap meri baat ko samjhiye mere saath koi aur bhi hain unke liye mujhe ek alag room chahiye”

Manager “par sir mere paas koi aur room khali hain hi nahin to main

aapko aur 1 room kahaan se du?”

Aditya “aap kahin se bhi arrange kijiye par mujhe ek aur room chahiye” Par is baat par kaafi bahas ho jaane ke baad bhi koi solution nahin nikaltaa. Aditya ke picche khadi deepa is beech kuchh bolti nahin.

Aditya pichhe palat kar deepa ke paas aa jata hain aur usse kahta hain “chalo deeepa hum kisi aur hotel men chalte hain”

Deepa aditya ka haath pakad kar use baaju men khinch leti hain aur bahut dhimi si aawaj men kahti hain “aditya agar yah bhi room nikal gaya to pataa nahin kahin aur room milega ya nahin aur waise bhi kaafi raat ho aayi hain kahaan kahaan ghumenge hum donon?”

Aditya deepa ki baat maan leta hain aur manager ke paas chalaa aata hain. aditya “room ki chabi dijiye hum yahi thaharenge” uske yah kahte hi saamne khada room boy aditya ur deepa ka saman lekar nikal padta hain. aur aditya aur deepa uske pichhe.

nice update

 

[mashish]

Update 61


Room men aa jane ke baad aditya sidha jakar pair jameen par rakhe aur ghutnon se upar bed par jakar aise gir jata hain jaise ki wo kai sadiyon kaa thakaa haaraa ho. Deepa jkar fresh ho aati hain. deepa ko aise dekh aditya turant bed par se uth jata hain aur deepa se kahta hain “main fresh ho jaau hum dinner karne bahar jaayenge”
Deepa uljhan men pad jati hain ki roj ki taarh aaj aditya bahar kyun nahin ja raha. Wo aditya ko pucchti hain “aaj kahin party men nahin jaana?”
Aditya abtak sofe par aakar baith gaya thaa aur apne shoes nikalte huye kahta hain “haan jana hain naa. Is co. ke CEO shudh shakahari bahut acche insaaan hain. unki family ke saath dinner par jana hain” Deepa “oh mujhe lagaa aaj achaanak kaise break?”

Aditya ek second men sab kuchh samajh jata hain aur hanste huye kahta hain “main koi roj pitaa nahin par ye tours men alag alag kaam nikaalne ke liye jana padtaa hain” itnaa kahkar ek smile pass kar detaa hain.
Aditya aur deepa saamthmen dinner pe nikal jate hain. dinner ke baad wapas aate hain to deepa ko kaafi neend aa rahi thi par aditya TV lagaa kar baith jata hain. deepa change karke aati hain par aditya to sofe par baithe TV men hi ghusaa hua thaa.
Deepa “aditya main sone ja arahi hun” Aditya “han thik hain so jaao”
Deepa bed par girte huye puchhti hain “tum kaise sone wale ho?” Aditya ke dimaag men ek minute men tube light jal jati hain wo kuchh naughty si muskaan ke saath kahta hain “mujhe odhne ke liye kuchh nahin lagtaa tum waise hi so jaao main side men so jaaunga”
Deepa padi thi wo ye sunkar hi uth jaati hain. aditya uski harkat ko dekh kar jor jor se hansne lagtaa hain deepa confuse ho jati hain. uske chehare ki udi hawaaiyaan dekhkar wo kahta hain “tum jahan ho so jaao main sofe par so jaaunga bas mujhe ek pillow paas karnaa” Deepa aditya ke upar ek pillow uthaakar fenk maarti hain. aditya firse
hasnte huye kahtaa hain “maarti kyun ho? Majak bhi nahin kar sakta kya?”
Deepa chid jati hain aur gusse men niche padi hui chaddar apne upar khinch kar sone ko gir jati hain. aditya “good night… kal Sunday hain

mujhe uthaane ka sochna bhi mat.. jitni der tumhe sona hain so jana” Deepa darasal men ye baat bardasht bhi nahin kar sakti thi ki koi aur mard uske saath uske bistar par shadi se pahale soye bhale hi wo uska pyar hi kyun naa ho. Yah uske andar ki sanskruti thi jo use auronse alag banaaye rakhi thi. yun to kai titliyaan aditya ke paas se gujar jati thi aur kai kaliyon ko dekhne ke baad bhi aditya ek deepa ko chata thaa.
Deepa ko aditya ke khaatir uskaa pyaar usko chup rakhta hain. raat ko deepa apna gussa dil men dabaaye neend ke aagogh men chali jati hain. Subah aditya ke kaanon par kuchh halke halke rone ki aawaj aati hain aur wo us aawaj se kuchh jag jata hain. jab wo jag jata hain hain tab
wo apne sir ke upar ka pankha dekta hain. usko turant samajh jata hain ki wo kisi alag jagah par hain. kyun ki wo jahaan soya thaa wahaan uske sir ke upar pankha jarur nahi hain.
Wo jaise taise apni neend ko control karke uthne ki koshish karta hain
to use firse wo subak subak kar rone ki aawaj firse sunai deti hain ab wo us rone ki aawaj ki wajah se puri tarah se jag jata hain. wo apni jagah se uthta hain to wo pata hain ki wo ek bed par soya hua hain . Usko tabhi yaad aata hain ki wo to sofe par soa thaa. Wo apni aankhon ko malte huye uthta hain. wo apni aankhonse subah ki aati hui roshni se chakachaund hone se bachaane ke liye apne aankhon ke saamne apni hatheli rakhkar dekhta hai.
Use apne saamne ki taraf bed ke ek aur kone par pillow ko apni donon taangon men liye uspar apnaa sir rakhe huye roti hui ek ladki dikhaai deti hain. wo yaad karta hain ki wo to darasal men deepa ke saath tour pe aaya hua hain.

mast update

 

[mashish]

Update 62


Wo aage jaakar us deepa ke sir ko lekar apne sine se dabaa deta hain. deepa apne aap ko sambhaal nahin paati aur jor se wo sulagne lag jaati hain. aditya uske baalon men haath daalkar use sahlaate huye yah anubhuti dena chata hain ki jaise ‘main hun naa, mere rahte huye tumhe is dunia men kabhi bhi darne ki koi jarurat nahi hain’
Deepa kisiko apne aap ko paas lete dekhkar ek pal ke liye wo kaun hain ye bhul kar uske gale se lipat jaati hain aur uski baahon men khud ko chhupaane ki koshish karte huye apne aasu rokti hain.
Deepa ke aansu rukte dekh aditya kuchh bolne ki himmat karte huye
use puchhta hain “mummy papa ki yaad aa rahi hain kya?” Deepa uski majboot baajuon men hi sir ko dhakte huye kahti hain “nahin”
Aditya is baat ko sunkar kuchh andaja nahin laga sakta ki deepa kyun subah subah subak rahi hain jabki use apne mummy papa ki yaad bhi nahi aa rahi wo use apne seene se hataa kar uskaa chehara apne chehare ke saamne late huye usko puchhta hain “ fir kyaa baat hain deepa mujhe khulkar bataao”
Deepa is baat ko sunkar ab to aditya ko chhod firsre sirhaane ki taraf jaate huye ek pillow ko apne chehare ke saamne lete huye firse sansu bahana shuru kar deti hain. par ab ki baar deepa ki yah haalat dekhkar aditya man hi man kuchh ghabra saa jata hain.
Ab aditya apnaa amogh shstr uthaate huye deepa ke upar chilla uthtaa hain “come on…. Speak out deepa aakhir hua kya hain?”
Deepa is baat se naa jaane aur naaraj hokar firse subakne lag jati hain. ab adity akuchh der ruk kar fir uske paas jata mhain “deepa aakhir tum mujhe kuchh kahogi nahin to main kaise jaan paaunga ki aakhir hua
kya hain?”
Itnaa kahkar wo firse deepa ko apne seene se lagaa leta hain. deepa kuchh kuchh apne aasuonko apne wash men karte huye apne hothonse kuchh shabd nikaal kar kahti hain “ab mujhse koi shaadi nahin karega…..” aur firse aditya ki baaaju ko pakad kar wo rone lag jati hain.
Aditya ki to pahale se hi samajh nahin aa raha thaa ki wo sofe par soya thaa wahaan se bed par deepa ke paas kaise aaya? Aur upar se ye deepa ka rote huye kahnaa ki deepa se koi shaadi nahin karga. Wo ab deepa ko pane se thoda dur karke apne sir ko haath lagaaye sochne lag jata hain ki aakhir wo yahaan pahuncha kaise?
Aditya ko ekdum se yaad aa jata ahin ki raat ko 4 baje ke aaspas wo toilet jane ke liye utha th aur wo waapas aakar bed par so gayaa. Wo usi waqt deepa ki taraf sir uthaa kar dekhne lagta hain ab tak deepa ki subak kuchh kam ho gayi hti. Ab wo deepa ke paas jaakar uskaa chehara apne haathon men letaa hain. uski aankhon se kuchh aansu nikal kar uske gaalon se hote huye neeche aakar such gaye the aur kuchh uski badi badi aankhon se nikalne ki taiyaari men the.
Aditya us bhole bhaale aur pyaare chehare par aansu dekh nahin sakta thaa par uske jahan men ye jarur thaa ki usko akhir samajhaya jaaye to kaise? Wo apne ek haath men deepa ka chehara thaam kar aur dusari haath se wo deepa ke aansu pochhta hain.
Deepa ke aankhon men kuchh der dekhkar wo deepa ke kuchh kahane ka intejar kar raha tha ki achanak fir se ek aur aansu uske aankh se aata hain aur wo kahti hain ki “ab main kisi ko muh dikhaane layak nahin rahi…”

Aditya pahale to usko dilasa dene ka man banaa kar use puchhta hain “deepa…. Aakhir kya hua hain bataao to sahi..”
Deepa apne aansuonko ko control karte huye kahti hain “aditya …..
main tumhaare saath raat ko ek bistr par….” Itnaa kahkar wo aage ka kuchh kah hi nahin paayi aur firse rone lag jati hain.
Abki baar aditya firse uske chehare ho pakad kar saamen utha let hain.
aur kahta hain “deepa ek bistar par sone se kabhi kuchh ho hi aisa nahin hotaa…….. tum….. deepa main tumse ek baat saaaf bataa dun ..” Itna kahkar aditya bed se niche utar kar apne ghutnon ke bal baith jata hain. ek haath men apnaa haath thaamen aur dusare haath men uska chin aur uski aankhon men aankhen daal kar wo apne man ki baat kahne nikal padta hain
“deepa…. Mujhe samajh men nahin aa raha main kaise kahun…..” aisaa kahakr wo 2 minute ka pause le leta hain par uski aankhen jaise deepa ko hipnotise karti jaa rahi thi. wo uski aankhon se najare hataane ki
soch bhi nahin saktaa thaa. Wo uski aankhon men aankhen daal kar uski gaharaai men kho jana chaahta thaa.
Deepa bhi khud chah kar bhi uski aankhon ki kashish dekhkar usse
najaren chura anhin paa rahi thi. uski aankhen deepa ki aankhon ko barbar unmen dekhne ko protsahit kar rahi thi. deepa uski aankhon men jhaanka kar dekh sakti thi ki aditya bhale upar se kaisa bhi ho par wo dil se saaf hain.
Aditya ke man men aa jata hain ki deepa ko sab sacchai bataa de par wo uski aankhon men dekhkar jaise apne hosh hi kho baithtaa hain aur uske dil ki baat uske jubaan par aa jati hain “deepa I love u”
Deepa uske muh se ye 3 word sunkar jaise simat hi jaati hain usmen

naa jaane kahaan se himmat aa jati hain aur wo apnaa chehara aditya se chhudakar aur usse najare bachaakar aditya se muh fer leti hain. aditya second bhar ke liye kuchh samjh to nahin paata wo fir se bed par chadh kar deepa ki najaron ke saamne aana chahata ahin . par is baar deepa apnaa chaand sa mukhda apne donon haathonse chuupa leti hain.
aditya uske haathon men chhupe huye chaand ko dekhkar aisee kalpana karta hain jaise ki purnimaa ka chandr baadal ghir aane se chhup jata hain. wo apne haathonko upar uthaa kar uske haathon ko pakadta hain aur unko niche sarkaane ki koshish karta hain. aditya ki taraf se jor lagta dekh deepa haar maan leti hain aur aditya ki haathon ke khilaaf taakad lagan band kar deti hain.
aditya is baar us chandrama ke darshan karta hain to us chandrama ki aankhen band hain. darasal men yah swabhawik lajja thi jo ki usmen aa rahi thi. pahali baar aise anubhav se gujarati deepa aur aditya inkaa mel bas prakruti ki hi den thi.
aditya 2 minute ke liye uske aankhen munde huye chehare ko dekhkar uski masumiyat ki taraf dekhta hi rah jata hain. 2 minute baad wo apni hothon se un do sharaab ke pyaalon par hawaa chhidktaa hain. hawa ko aane ke baad kuchh der men deepa apni aankhen khol leti hain. deepa ki aankhen jab khulti hain tab aditya ab uske aur najdik jaakar uske chehare ko apne donon haathon men pakad leta hain aur kahta
hain “deepa main tumse pyar karta hun …… ye koi aakarshan nahin jo ki mujhe kewal tumhaare deh se ho….. main tumse pyaar karta hun ….. tumhe pane ke liye kuchh bhi kar sakta hun…. Dunia ki har ek shaks se takkar le sakta hun… par main aisee koi giri hui harkat nahin karungaa”

deepa uski baton ko sunkar hi samajh jati hain ki aditya jo kuchh kaha raha hain wo sa ch kah raha hain. aditya aage badhkar kahta hain “deepa apne man men se ye nikaal do main to abhi subah utha thaa tab wapas sofe par jane ki bajay galti se yahaan aakar gir gaya ismen tumhara koi dosh nahin hain”

deepa apni najare niche kar leti hain aur kuchh kahti nahin aditya kuchh intejaar karke kahta hain “deepa tum utni hi nirmal ho jitni ki I tum mere saath aate waqt thi….. aur rahi baat shadi ki to yeh aaj naa kal hone hi wala thaa ”

kamre men ekdum itni shanty thi ki agar koi pin bhi gir jaati to bhi uska aawaj wo donon sun sakte the. par achaanak aditya koi saanse tej ho gayi aur deepa ki bhi ki aage kyaa hone wala hain.

aditya aage kahata hain “deepa........... will u marry me?” deepa kuchh

uske uttar deneke mansthiti men nahin thi wo to bas ek putala ban ke wais eke waise hi rah jaati hain. aditya apni baat ko firse kahte huye usse kahtaa hain “kya tum mujhse shaadi karogi?”

lovely update

 

[mashish]

Update 63





deepa to jaise but banker aditya ki aankhon men hi dekhti rah jati hain. deepa ko isbaar kuchh alag uski aankh men dikhta hain. usko dekhkar achaanak se deepa ki muh par lali aati jati hain aur wo apni aankhen niche kar leti hain. deepa ki aankhen niche hote hi aditya jo samjhna thaa wo samjh jata hain.

ab wo deepa ke saamne se uthkar wapas sofe par baith jata hain. wo wahin baithkar deepa ki taraf dekhta rakhta. Aur deepa abhi bhi lajja men apna sir niche jhukaaye huye aur chehare par wo surkh lali. Aditya ko aisaa lagta hain ki waqt unhi tham jaye aur wo isi lamhe ko kayamat tak jeeta rahe.

Aditya sofe par baithe baithe deepa ko nihar raha hota hain tabhi achanak aditya ka mobile baja jata hain. aditya apna mobile uthakar baat karne ke liye nikal jata hain. yahaan deepa apna saman uthakar bathroom men chali jati hain.

Aditya jab wapis aata hain to wo dekhta hain ki deepa room men nahin hain. uska dimag ek minute ke liye chakra jata hain. tabhi usko bathroom se ati hui pani ki aawaj aa jata hain. wo samajh jata hain ki deepa andar nahaane ke liye gayi hain. aditya firse sofe par baithkar saamne ke bed ki or dekhne lag jata hain.

Abhi bhi wo apne man hi man men wahi pal ke bare men soch raha thaa. Achaanak se uske chehare par muskaan aa jati hain aur wo gana gungunaane lagta hain. par uski najar us jagah se hilti nahin hain. aur uske man men achanak se ek khayal nikal aata hain. wo turant apna mobile nikal kar Vikram ko call karta hain.

Vikram se kuchh der baat karne ke baad aditya bade hi haste huye bye kahkar phone kaat deta hain. aditya phone apne haath men liye firse us lamhe ko jeene laga thaa. Par is baar uske man men ek chah thi ki is lamhe men wo jab apni iccha ho jiye aur shayad isi liye usne Vikram se baat kiyi thi.

Darasal men aditya ne Vikram se baat kiyi thi ki wo is hotel ko kharid le. Aur Vikram ne kaha thaa ki wo usse jald hi uske baaren men baat

karke kuchh acchi khabar batayega. Aditya firse yahi sochte sochte bed ki taraf dekhte huye kho jata hai.

awesome update