Update 7
Wahan hospital men aditya ka shareer achaanaka thartharane lagta hai, uski aankhon men ek manjar dikhne lagta hai. Use dikhtaa hai uski papa ki car ek bridge se pass ho rahi hai saamne se ek truck wala aata hai aur thok deta hai. Pichhe se bhi ek aur aata jhai aur thok deta hai. Wo truck firse pichhe lete hai aur firse dash maarta hai. Aur car fir nadi men gir jati hai.
Aditya ke maathe par pasinaa aane lagta hai, uski heartbeat achanak se bahut badh jaati hai, wo uthkar baith jata hai. Yahan wahan dekhkar ke yaad karne ki koshish karta hai ki aakhir hua kya thaa. Wo hath uthane ko uthata hai to uske hath par IV lagi hui thi. Wo khud usko band karta hai, heart beat measure karne waale instrument nikalne lagta hai.
Achanak uski is harkat se nursing station par alarm baj jata hai, par koi nurse aaye uske pahale wo khud ke pairon par chal kar bahar aata hai. Bahar baithe huye pratap ka dhyaan uspar jata hai, aur uski aankhon se khushi ke aansu nikal padte hai. Achanak saamne se nurses bhaagti hui aati hai.
Sath men ek ward boy bhi thaa, wo “sir chaliye let jaaiye aap chal nahi sakte”
Aditya “ek minute” kahkar pratap ki side men baith jata hai, aur pratap ko kahta hai “papa ko phone lagaa to jara”
Pratap bahut try karta hai par unka phone nahi lagta, to wo garden se hi
naa men hila deta hai.
Aditya “vikram bhaiyya ko phone kar aur kuchh aadmiyonko bhejne ko bol, unhe dhundhne ke liye”
Firse “aur sun jaate waqt ek single bridge milega kahnaa, wahan koi accident to nahi hua dhundhne ko kahna to”
Pratap ye sunkar chaunk jata hai, par wo vikram ko phone karke ye sab batata hai aur sath men ye bhi batata hai ki aditya hosh men aa gaya hai. Aditya ko milne tabhi bade docters bhi aa jate hai aur aditya ki ekdum se itni progress dekhkar chaunk jate hai.
Aditya “doctor mujhe abhi discharge dijiye mujhe bahar jana hai, aap checking kar lijiye main fit hun”
Doctor “beta aur kuchh din aaram karo yahan fir chale jana aur jyada socho mat ye tumhare liye acch nahi hai tum coma se abhi abhi uthe ho”
Aditya “comaa? Main coma men thaa?”
Doctor “haan lagbhag 1 mahine tak tum coma men the”
Aditya “thik hai doc” itna kahta hai, tabhi pichhe se pratap aata hai. Aditya “thik hai doc jaisa aap thik samajhe”
Wo pratap ko bulata hai “nilu ka bhai jo car lekar mere pichhe tha uska kya hua?”
Pratap “chaknaa chur koi bhi nahi bacha us car men” Aditya ka chehara ye sunkar thoda udas ho jata hai”
Tabhi pichhe se ek nurse aati hai, aur wo aditya ko nind ka injection
dekar jati hai.
Xxxxxx
Aditya is baar ek nadi ke kinaare baitha thaa, aur uske paas men hi ekdum safed libaas men ek admi baithaa tha. Donon ke pair paani men the, pani jhar jhar bah raha thaa, wahan ka sannate men koi dar nahi thaa balki ek sukoon tha.
Wo kuchh bole isse pahale hi wo aadmi use kahta hai “aditya aankhen mund lo aur is sukoon ka anubhav karo aisa sukun firse tumhe jindagi bhar men kabhi nahi milega ya fir tumhare paas ek aur choice hai ki main tumhe tumhaari jindagi ke kuchh sawalon ke jawab dunga” Aditya “kaun ho tum?”
Aadmi “main wo hi hun jisne tumhe yahan laya hai, ya fir main hi hun wo jisne sab ko yahan laya hai”
Aadmi “ye sab rahne do mujhse wo hi sab kuchh puchh lo jo tumhare jahan ko andar se khaa raha hai”
Aditya kuchh samajh nahi pata hai, wo puchhta hai “ye sab mere saath hi kyu hua?”
Addmi hanste huye “kya? Tumhare mummy-papa ki death ya fir nilu se
bichhadanaa?”
Aditya “tumhe sab pata hai?’ Admi “sab?”
Aditya “sab kuchh”
Aadmi “main hi wo hun jo char char men bansa hua hun”
Aditya “to fir ye batao ki mujhse mere mummy- papa ko kyu china unhone kya kisika bura kiyaa tha?”
Aadmi “har aadmi karm karta hai, main use ek hi najar se dekhtaa hun aap hi ho wo jo us karm ko bhale ya bureke taraaju men taulate ho” Aditya “ye naa batao mujhe ye batao ki mere sath ki kya hua, agar tum kan kan men ho to ye sab tumne hi likha hai, mujhe ye bataao ki ye sab tumne kyu likha hai?”
Ye sunkar wo admi firse hansne lagta hai “likha hai?” ye kahkar firse hansta hai, fir kahta hai “maine kuchh likha nahi hai main to bas tum sab jo karte ho dekhtaa hun, jab sab thik ho raha hota hai tab koi nahi kahta hai ki ye likha hua hai par jab kuchh bhi bura ho jaaye tab kah do ki ye sab likha hai”
Aditya “chalo thik hai maan liya aapka ye sab kiya hua nahi hai, ye bataao main ab kya karun?”
Aadmi “kya karun matlab, ye mujhse mat puchho”
Aditya “kal kya hai kuchh bata sakte ho?”
Aadmi “kal to wo hai jo tum chaahoge aur use banane ke liye jhagdoge”
Aditya “kuchh kah sakte ho ki main kya karun?”
Aadmi “dekho maine har ek ko apne raksha karne ka adhikaar diya hai, tum bhi wahi karo”
Aditya “matlab main samjha nahi”
Aadmi “tum agar abhi chup baith jate ho, yani jo ho raha hai use bas dekhte jaate ho meri tarah tum apne ghar men sabse lambi umr paaoge”
Aditya “yaani wo mujhse pahale mere ghar waalonka shikaar karegaa aur main hath par hath dhar ke baitha rahun?”
Aadmi “maine yah kab kaha? Tumhare bhi hath khule hai par bas yaad rakho koi bhi dharm koi bhi bhagwaan ya fir kuchh bhi kisi bhi insaan ko dusare inssaan ka khoon maaf nahi karta”
Aditya “apnon ko apni aankhon ke saamne dam todte dekhne se accha hai main dusaronki saanse unke seene se chhen lu”
Aadmi “aaj tum men ek gussa hai uski wajh se ye sab tum kah rahe ho
meri baat maano badale se kisiko kuchh nahi mila hai pachhtawe ke siwaay”
Aditya “ye badlaa nahai hai, main to bas apnon ko bacha raha hun”
Is baat par wo aadmi kuchh nahi kahta. Aditya firse puchh leta hai “kya nilu meri ho sakti hai?”
Aadmi “tumhe har chij ki ek kimat chukani hai, ab wo tum kis tarah se chukate ho ye tum par nirbhar karta hai”
Aditya “main kya matlab nikaalu iskaa?”
Aadmi “tum khud socho maine tumhe yun hi coma se bahar nahi nikala hai”
Aditya “kya matlab iskaa?”
Aadmi “meraa kaam puraa hua, ab tumhe lautna padega” Aditya “firse kab miloge”
Aadmi “main to hameshaa tumhare aaspas hi hun bas tum aankhen
khol kar dekh lo, aur rahi baat milne ki to jab bhi tum raah se bhatak jaaoge ya raah par chalte huye ruk jaaoge to main firse milungaa” Aditya “ye batao main kya karun?”
Aadmi “yah shahar chhod do, bahar jakar apne field se juda hua kaam karo”
Itna sunate hi achanak usko ye lagta hai ki koi uske paas khada hai uski
kadmon ki aahat se aditya ki nind tut jaati hai…
Aditya utha to uske samne pratap thaa, uski chehare par udaasi saaf saaf dekhi ja sakti thi. par wo kyu udas hai iski wajh aditya ko pahale se pata thi. aditya ko hosh men aata dekhkar usne turant nurse ko aawaj lagayi.
Pratap ka gal bhar aay thaa shayad wo is uljhan men thaa ki aditya ko ye khabar kaise dun “aditya…” bas uske muh se itne hi shabd nikal paaye.
Nurse ko aata dekhkar aditya ne apna hath jispar IV lagi hui thi aage
karke kaha “ye sab nikaal do ab mujhe jana hai yahan se”
Tabhi pichhe pichhe doctor bhi aata hai. Aditya ko utha hua dekhkar use bh kuchh dukh hua thaa. Aditya unki taraf dekhkar kahta hai “doc ab bas ab main yahan nahi rahunga, mere ghar waalonko meri jyada jarurat hai”
Pratap ki taraf dekhte huye “kuchh kapde laye hai kya tune?”
Pratap saamne rakhi ek thaili ki taraf dekhta hai aur wo aage badhata hai, nurse aditya ki hath se IV nikal deti hai aur bahar jati hai.
Doctor “aditya bahar ja rahe ho par apna dhyan rakhnaa dawai waqt par lena aur kal mujhse checkup karwane aana”
Aditya “ji”
Itna kahkar doc bhi bahar chala jata hai.
