Update 11
Uday 11
Rahyasya ka khulasa
Ab tak aap ne padha kaise Natu urf dr. Pallav uss gupt dwar ke dwara 4th dimension(Parimaan) m pahuchate hai jaha unhe baba bhahut naath milte hai aur usko batate hai kee ye 4th dimension hai aur uska naam udaysankar naath hai . Ab age.....
chaturth parimaan ! ye kya hai? natu urph pallav ne poochha
baaba bhootanaath muskurae aur javaab diya ye duniya jitanee dekh rahe ho utane nahin hai yah usase kaaphee badee hai . aam aadamee sirph tripareemaaniy(3 dimensions) duniya dekhata hai lekin vaastav mein jagat sapt (7) parinaam (dimensions) hai yaaneekee sevan daimenshan . aur jaha tum khade ho vah chautha parimaan hai yah chhupee huee duniya hai aam aadamee kee indriyon kee seema hai vo usase aage badh nahin sakata . tumane kaaphee baar suna hoga siddh yogiyon ke baare mein kee vo chamatkaaree hote hai lekin agar aam aadamee bhee apanee panchendriyon ko kaaboo kare aur unaka vikaas kare to vo bhee chamatkaar kar sakata hai .
ye duniya saat parinaamon kee banee hai aur har parinaamon ka apana astitv aur apanee visheshatae hai aur tin parinaamon ke baad har parinaamon mein samay dheere chalata hai aur usame rahane vaale vyakti kee shakti badhatee hai . jaise tri parinaam duniya se chauthe parimaan mein samay tees guna dheere chalata hai , chauthe se paachave mein usase tis guna dheere , paachave se chhathe mein usase tees guna dheere aur chhathe se saatave mein usase tees guna dheere . samay dheere chalata hai lekin shakti us anupaat mein badh jaatee hai aur samay dheere chalane se jaivik kriyae dheemee ho jaatee hai aur usame rahanevaalo kee umr bhee utanee jyaada hotee hai . natu ne kaha baaba kuchh samajh mein aaye aisa bataiye . baaba bole chalo aise samajhaata hu ek vyakti tri pareemaaniy duniya mein 100 saal jeeta hai vahee vyakti agar chauthe parimaan mein 3000 saal jiyega , paachave parimaan mein 90000 saal , chhathe parimaan mein 2700000 aur saatave parimaan mein 81000000 saal jiyega vaise yah sirph udaaharan ke lie bataaya vaise bata doo kee koee bhee chhathe aur saatave parimaan mein ja nahin sakata vahaan divyashaktio ka vaas hai jo is duniya ko chala rahee hai.
mai, tum aur apane jaise aur aath purush the jinako divyapurush kaha jaata tha ham paachave parimaan ke vaasee hai jo
tumhaaree ek galatee kee vajah se chauthe parinaam mein aa gae hai . hamaara kaam dharatee par paap aur puny ka santulan banaaye rakhana tha ham log jarurat padane par sukshm roop dhaaran karake teesare parimaan mein jaate the aur kisee bhee vyakti ka roop lekar apana kaam poorn karake vaapas chale aate the . hamaara nirmaan mahaashakti ne kiya hai aur mahaashakti ka nirmaan ek divy shakti ne kiya hai jo kee saatave parimaan mein rahatee hai divy shakti ka kaam sirph nirmaan aur vinaash ka hai aur is duniya ka sanchaalan ke lie usane mahaashakti ka nirmaan kiya jinako harek kee alag alag jimedaaree dee hai vaise tumhe bata doo kee in mahaashaktio mein se kuchh mahaashaktiyaan kaalee bhee hai jinaka kaam is duniya mein paap badhaana hai . dhaval shakti aur kaalee shakti ke santulan se ye duniya sahee tareeke se sanchaalit hotee hai aur jab kaalee shaktiyaan shaktishaalee ho jaatee hai tab use kaaboo karane ke lie hamen bheja jaata hai teesare parimaan mein . mai to aaj bhee yah kaam kar raha hu lekin ab tumhaaree jarurat padegee ek mahatvapoorn kaary ke lie.
natu aashchary se is rahasyoghaatan ko sun raha tha uske man me kaaphee prashn ghumad rahe the lekin vah maun raha.
baaba bhootanaath ne aage bataaya kee hum jaise 10 divyapurush the jinaka kaam puny ko badhaava dena tha lekin ham mein se ek divyapurush pathabhrasht ho gaya usane kaalee shakti se haath mila liya naam tha aseemanaath usane kaalee shaktiyon ke nirmaan paapee purusho se haath mila liya aur tumako aur mujhako chhodakar baaki saat divyapurushon ko kaid kar liya . us vaqt mai aur tum teesare parimaan mein the is lie hamen kaid nahin kar pae . lekin hamaare saat bhaee abhee bhee kaid mein hai aur kaha hai yah bhee maaloom nahin hai . kamalanaath , kadambnaath, kedaaranaath, narendranaath, bhavendr naath, gupteshvar naath aur baalak naath vo sab kaid mein hai . ham sab hajaaro saalo se jee rahe hai , apanee umr 20000 saal hai aur teesare parimaanon ke bahut se yuddhon ke saakshee hai . hamase pahale bhee divyapurush the jinaka samay poora hua aur unakee maut ho gayee hamaaree bhee hogee lekin abhee hamaare paas 70000 ya 80000 saal baaki hai hamen abhee kaaphee jimmedaariyaan pooree
karanee hai.
pallav ne kaha mai to aam aadamee hu aur ojha parivaar mein janma hu mere pitaajee ka naam sundaralaal aur maata ka naam nirmala hai phir mein divy purush kaise ?
aage jo bataoonga usame is baat ka khulaasa bhee ho jaayega pallav ne aage kaha maaf kariyega ek prashn aur maname utha hai kee jab kaalee shaktion ka nirmaan divy shakti ne kiya hai to unaka naash kyon nahin kar detee ?phir pooree duniya mein shaanti ho jaegee.
bhootanaath dheere se muskurae aur bole jab tumhaara apni savykaya pravesh ho jaayega tab ye saadhaaran prashn maname nahin uthenge phir bhee tumhaaree shaanti ke lie bataata hu . kaalee shakti ka nirmaan divy shakti ne apane svaarth ke lie kiya hai agar duniya mein sirph puny hee hoga aur shaanti hee hogee is duniya mein rahane vaala har jiv unnat ho jaayega aur vo teesare parinaam se aage badhakar chauthe , paachave , chhathe aur ek din divy shakti ke samakaksh ho jaayega isalie kaalee shaktio ka nirmaan kiya kee yahaan par basane vaala jiv paap aur puny ke beech mein phasa rahega aur mahaashakti ka aur divyashaktio ka sthaan salaamat rahega.
To be continue....
