Romance Ek Bhool(Completed)

[Champ_AK_81]

UPDATE 110​

Sameer ko Priya ki baat bilkul bhi samajh me nahi aaya…Priya ki baat se uske dimaag me alag alag khayal aaya.

Wo sochne laga.

Sameer:- (In his mind) Kya keh rahi hai ye…Kaun mujhse pyar karti hai…Aur mere aas paas bhi hai.

Sameer yahi sab soch raha tha ki uske dimaag me ek aur khayal aaya.

Sameer:- (In his mind) Mere aas paas to abhi Priya hi hai…Kahi iska matlab Priya mujhse pyar to nahi karti…Nahi nahi…Mai bhi pata nahi kya kya soch raha hu…Do chaar din aise hans ke baat karne ka matlab pyar nahi hota…Pata nahi mai kya kya soch raha hu…Shaayad Priya mujhse majaak kar rahi hai.

Sameer yahi sab soch raha tha tab tak Priya ko bhi ehsas ho gaya tha ki usne jaldbaazi me kya keh diya hai…Usse bhi laga ki ye baat indirectly hi sahi usnebahut jaldi keh diya hai…Baat sambhaalne ke liye usne kaha.

Priya:- Kya soch rahe ho?

Sameer:- Kuch nahi.

Sameer ne ye keh to diya lekin uski aawaj se hi pata chal raha tha ki wo uljha hua hai.

Priya:- Nahi kuch to soch rahe ho.

Sameer:- Tumhaari kahi baato ke bare me hi soch raha hu…Kaun mujhse pyar karti hai…Aur wo mere aas paas bhi hai…Mujhe to koi aisi ladki dikhi hi nahi.

Sameer ne apna uljhan ki vajah bata diya.

Priya:- Maine to wo baat aise hi keh diya tha…Mera matlab ye tha ki kabhi hamaare aas paas aise bhi log hote hai jo hame chaahte hai lekin kisi dar ki vajah se keh nahi paate…Bas itna kehna chaahti thi ki agar hame ye ehsas ho jaaye ki koi hamse sacha pyar karta hai to uska saath kabhi nahi chhodna chaahiye.

Priya ne Sameer ko samjhaaya…Sameer ko kuch baatein samajh me aaya aur kuch nahi.

Sameer:- Lekin…

Sameer kuch kehne hi wala tha ki Priya ne usse bich me hi rok kar kaha.

Priya:- Lekin wekin kuch nahi…Ghar bhi jaana hai aur pehle hi ahut late ho gaya hai.

Priya ne Sameer ki sawalo se bachne ke liye kaha...Wo jaanti thi ki Sameer abhi bhi confused hai aur wo apna saara confusion Priya se puch kar hi rahega…Aise me Sameer kuch aisa sawaal bhi puch sakta tha jiska jawaab Priya ko dena shaayad mushkil ho jaaye.

Priya ki baat sunne ke baad Sameer ko bhi mehsus hua ki shayad abb sach me late ho raha hai.

Sameer ne Priya ko baithne ke liye bola aur jab Priya baith gayi tab usne apna bike start karke sidha ghar ki taraf chalaane laga.

Ghar me bike parking karne ke baad dono apne apne room ki taraf jaane lage…Ghar ke gate se andar jaane ke baad jab dono sheedhi se apne room ki taraf jaa rahe the tab dono ka najar ek dusre se takraya aur gir dono ke chehre me smile aa gaya…Dono aise hi muskuraate hue apne room ki taraf jaane lage iss baat se anjaan ki niche hall me baithe Mr. Sharma ne unhe ek dusre ko dekh kar muskuraate hue dekh liya hai.

Dinner Time



Raat me dinner ke vakt sabhi dining table par baithe the…Sabhi khana suru karne hi wale the ki Mr. Sharma ne kaha.

Mr. Sharma:- Priya…Tumse Sameer ki bare me kuch kehna hai.

Mr. Sharma ki ye baat sun kar Sameer aur Priya ke saath Mrs. Sharma bhi chaunk gayi…Sameer ko thoda sa dar lag raha tha ki uske Papa abb kya puchne wale hai…Priya ko bhi kuch samajh me nahi aaya ki Mr. Sharma kya puchne wale hai.

Priya:- Ji uncle…Puchiye?

Priya ne thoda dheemi aawaj me jawaab diya.

Mr. Sharma:- Jab se tum dono tumhaare ghar se aaye ho…Maine tum dono ke bich bahut badlaaw mehsus kiya hai…Abb tumhaari najro me Sameer ke liye koi nafrat nahi dikh raha hai…Kal raat jab mai chat me pahuncha tab tum dono ko baat karte hue dekha tha…Tum dono aise muskura kar baat kar rahe the jaise tum dono dost ho aur tumhaari saari naarajgi aur nafrat khatam ho gaya hai…Tum dono ne kya baat kiya ye to maine nahi suna lekin aisa laga ki tum dono ke bich haalat bahut badal gaya hai.

Aaj bhi tum dono ko ek dusre ko dekhne ke baad muskura kar jaate hue dekha tha.

Mr. Sharma jo baat itne dino se kehna chaahte the aaj unhone keh diya.

Mr. Sharma ki sawaal ka jawaab Sameer dene hi wala tha ki bich me Priya ne hi keh diya.

Priya:- Maine Sameer ko maaf kar diya hai aur abb Sameer se koi naarajgi nahi hai.

Priya ne jawaab diya…Abb chaunkne ki baari Mr. Sharma ka tha.

Mr. Sharma:- Achanak aisa kya ho gaya tum dono ke gaanw se aane ke baad…Pehle to tum isse bahut naraaj thi.

Mr. Sharma ne thoda hairaani ke saath pucha.

Uske baad Priya ne bhi Sameer ko maaf karne ki vajah bata diya…Sameer ka sacche dil se maafi maangna, khud ki galti par pacchtaana, galti ka ehsas hona aur Shruti ki saajish…Yahi vajah Priya ne bataya.

Priya ki jawaab sunne ke baad Mr. Sharma kuch der tak chup hi rahe…Fir unhone kaha.

Mr. Sharma:- Mai ye to nahi kahunga ki jo hua thik hua…Iski galti se tumhaari jindagi me itna bada tufaan aa gaya...Lekin fir bhi baat jyada bigda nahi.

(Sameer ki taraf dekh kar) Tera kismat sach me bahut accha hai…Itna bada galti karne ke baad bhi tujhe Priya ne maaf kar diya.

Mr. Sharma ki chehre me raahat ke bhaaw the…Wo bahut khus the ki abb sab kuch thik ho gaya hai…Unke bete ki galti ki vajah se Priya ke saath jyada galat nahi hua.

Sameer:- Mai sharmindaa hu apni galti ki vajah se…Anjaane me bahut bada galti ho gaya tha…Abb aage se aisi koi galti nahi karunga…Bas aap iss baar mujhe maaf kar dijiye.

Sameer ne maafi maangne ke baad Mr. Sharma ko dekha…Usse umeed tha ki Mr. Sharma unhe maaf kar denge.

Mr. Sharma kuch der tak Sameer ko dekhte hue kuch sochne lage…Fir unhone kaha.

Mr. Sharma:- Abb Priya ne tujhe maaf kar diya hai to mera inkaar karne ka vajah bhi nahi hai…Shaayad tune apne galti ka praayaschit bhi kar liya hai…Iss baar to tujhe maaf kar raha hu lekin aage kabhi aisi galti karne ka sochna bhi mat.

Mr. Sharma ki baat sunne ke baad Sameer ke chehre me khushi ke bhaaw aa gaya…Apne Papa se maafi milne ke baad usko aisa laga jaise uske sar se bahut bada bojh utar gaya hai.

Khushi ke saath usne kaha.

Sameer:- Thanks a lot Papa…Abb aisi galti kabhi nahi karunga.

Mr. Sharma ne Sameer ka iss baat ka koi jawaab nahi diya…Unhone apna najar Mrs. Sharma aur Priya ki taraf ghumaaya…DOno ke chehre me khushi ki bhaaw najar aa raha tha.

Mr. Sharma:- Abb khaana khaate hai…Thanda ho raha hai.

Fir uske baad sabhi khaane lagte hai.

Khaana khaa lene ke baad Mr. Sharma ne Sameer se fir kaha.

Mr. Sharma:- Ek cheej tune bahut accha kiya…Jab tujhe pata chala ki Priya ka shaadi karwa kar tu galti kar raha hai tab tune apne galti maan kar usko sudhaarne ki koshish kiya.

Ye baat mujhe bahut accha laga…Agar Priya ka shaadi uss bewde ke saath ho jaata aur mujhe kisi se teri ye kartut ke bare me pata chalta to bata nahi sakta hu mai kya haal karta tera?

Jab tu Priya ke saath shaadi karke aaya aur shaadi ki vajah bataya tab tujh par itna gussa aa raha tha ki tujhe laat maar kar ghar se nikaalne ka soch raha tha lekin haalat ko samajhte hue maine aisa nahi kiya.

Mr. Sharma ne Sameer ki acchaaayi aur buraayi dono ek saath bata diya.

Sameer:- Sorry Papa…Gusse me mai paagal ho gaya tha aur badla lene chala gaya aur itna bada galti kar baitha.

Sameer ne ek baar fir apni galti ki vajah bata diya…Iske alawa uske paas Mr. Sharma ko jawaab dene ke liye koi baat nahi bacha.

Mr. Sharma:- Tu galat na ho kar bhi galat ban gaya…Vajah hai ye gussa.

Gussa sabhi ko aata hai lekin ye gussa kisi ka apna nahi hota…Teri baat sun kar mujhe apni jawaani ka yaad aa gaya.

Uss vakt mai bhi short tempered tha…Gussa shaayad tujhse bhi jyada aata tha…Lekin jab mai MBBS padhne laga tab ehsas hua ki mai doctor banne jaa raha hu…Aur doctor par gussa bilkul bhi suit nahi karta.

Kisi tarah khud par kaabu kiya aur khud ko shaant karne laga…Mera koshish safal ho gaya…Uske baad mai kisi bhi chhoti baat par gussa nahi hota tha.

Gussa ko kaabu karne ke baad mujhe mehsus hua gussa ko kaabu karne se kitna faaidaa hota hai…Sabhi ke saath accha dosti ka rishta ban jaata hai…Shaant rehne par aur dusro ki madad karne se sabhi pasand karte hai aur mushkil vakt me bhi saath dete hai.

Gussa aane par insaan maanasik roop me kabhi thik nahi rehta hai…Hamesha kisi na kisi cheej ki frustration rehta hai aur apne routine aur kaam se bhi bhatak jaata hai.

Gussa khud ke liye aur apno ke liye dono ke liye haani karak hai…Jitna kaabu me rahega utna hi accha hai.

Agar tujhe gussa nahi aayega to t u apna kisi bhi kaam se nahi bhatkega…Kisi ke liye nafrat nahi hoga aur sabhi ke liye accha hi sochega…Sabhi tujhe pasand bhi karenge aur izzat bhi denge.

Aur sabse badi baat kisi se badla lene ke liye nahi sochega…Aur accha aur galat ka faisla bhi kar paayega.

Tune khud hi mehsus kiya hoga ki tera gussa hi tha jiski vajah se tu Priya se nafrat karne laga aur jab gussa khatam ho gaya tab tera dimaag acche se kaam karne laga…Tab jaake tujhe apne galti ka ehsas hua aur tune Priya se maafi maanga...Aur aaj tum dono ka dosti ho gaya.

Itna keh kar Mr. Sharma chup ho gaye…Aur Sameer ko dekhne lage.

Sameer:- Sahi kaha aapne…Koshish karunga apne gussa par kaabu karne ka.

Sameer ko sach me Mr. Sharma ki baat sahi laga aur usse mehsus hua ki uski galti ki vajah uska gussa hai…Agar suruwat me hi usne apne gusse ko kaabu me kar liya hota to uska aur Priya ke bich kabhi dushmani nahi hota aur naa hi ye sab hota.

Mr. Sharma:- Jis din tu yaha aaya tha shaadi karke…Uss din mujhe bhi itna gussa aa raha tha ki bata nahi sakta…Lekin kisi tarah gusse par kaabu karke teri baat suna aur saari haalat ke bare me pata chala.

Last me yahi kahunga ki insaan ko gussa hona bhi chaahiye lekin itna bhi nahi ki gusse ki vajah se uske paas kuch sochne ka aur samajhne ka taakat hi na rahe.

Kabhi gusse me aa kar aur bhaawana me dub kar koi faisla nahi karna chaahiye.

Sameer:- Ji Papa…Aage se yaad rakhunga aur gusse par kaabu karunga.

Mr. Sharma:- Iss baar tujh par vishwaas kar raha hu...Aage se iss vishwaas ko todna mat.

Mr. Sharma ki iss baat ka jawaab Sameer ne sar ko haa me hila kar diya.

Mr. Sharma:- 11 baj gaya…Abb sone ka time ho gaya…Abb baaki baatein kal karenge.

Itna keh kar sabhi apne apne room ki taraf jaane lage…Sheedhi par hi Sameer ne Priya se chhat me aane ke liye kaha.

Dono apne room me na jaa kar chhat me chale gaye.

Chhat me jaate hi Sameer ne Priya se khus ho kar kaha.

Sameer:- Thanks a lot Priya…Aaj tumhaari vajah se Papa se bhi maafi mil gaya.

Sameer ki baato se hi pata chal raha tha ki wo kitna khus hai.

Priya:- Aisa maine kya kar diya…Bas yahi kaha ki maine tumhe maaf kar diya hai.

Sameer:- Bas yahi to vajah tha Papa ka mujhe maaf karne ka…Jab tak tum mujhe maaf nahi kar deti Papa mujhe kabhi maaf nahi karte…Kyu ki mai tumhaara sabse bada gunehgaar tha.

Priya:- Mujhe bhi bahut accha lag raha hai ki tumhe Uncle se maafi mil gaya.

Sameer:- Bata nahi sakta hu Priya tumhe aaj mai kitna khus hu.

Sameer ne apna khusi jaahir karte hue kaha.

Priya:- Wo to tumhaara chehra se hi pata chal raha hai.

Sameer:- Wo to lagega hi…Aaj bahut bada bojh jo utra hai…Papa ka naarajgi mujhse sehan nahi ho raha tha…Aaj jab unhone maaf kar diya aur sab kuch thik ho gaya to aisi khushi mehsus ho raha hai ki bata nahi sakta.

Thanks a lot Priya once again…Mujhe aisa lag raha hai jaise mujhe jindagi me saari khushiyan mil gaya hai.

Kuch der pehle Sameer gusse ko kaabu karne ki baat kar raha tha…Lekin abb wo apna khushi kaabu nahi kar paa raha tha.

Priya bhi Sameer ki khushi me muskura kar uska saath dene lagi…Wo bhi Sameer ke liye bahut khus thi.

 

[Champ_AK_81]

UPDATE 111​

Sameer…Sameer…Abb utth bhi jaa…Kab tak aise hi sota rahega?

Agle din subah ke 11:00 am me Mrs. Sharma Sameer ko uthaa rahi thi…Sameer itna gehri neend me soo raha tha ki usse bilkul bhi fark nahi par raha tha…Wo bina hile sota raha.

Mrs. Sharma ki kuch der tak Sameer ka naam le kar chillane ke baad aur hilaane ke baad Sameer neend se jaaga…Lekin neend ka asar abhi bhi uss par tha…Usne aankh khole bina hi kaha.

Sameer:- Sone do na Priya…Bahut neend lag raha hai…Raat me 3:00 am me soya tha…Tumse baat karne ke baad bhi kuch der tak jaag raha tha.

Sameer ne to ye baat keh diya iss baat se anjaan ki usne jo kuch bhi kaha hai usne Priya se nahi balki apna Maa se kaha hai.

Mrs. Sharma:- To fir utna raat tak kya kar raha tha?

Mrs. Sharma ne thoda gusse ke saath pucha…Iss baar Sameer ne apni Maa ki aawaj pehchaan liya…Wo hadbada kar utha aur Maa ki taraf dekha…Jab usse yakin aaya ki yaha uska Maa hi hai to fir thoda darte hue kaha.

Sameer:- Maa…Aap yaha…Kab se? Aur itni jaldi kyu uthaaya?

Ek hi saans me Sameer ne ye saari sawaal puch diya.

Mrs. Sharma:- Itni jaldi? Tujhe ye itna jaldi lag raha hai…Ghadi dekh…11 baj raha hai.

Mrs. Sharma ki baat sunne ke baad Sameer ne ghadi me time dekha…Time dekh ke wo thoda chaunk gaya…Wo jitna bhi late sota tha 10:00 am tak utth jaata tha…Aaj late hone par usse khud par hi hairaani ho raha tha.

Sameer:- Aaj late ho gaya…Raat me bahut late soya tha.

Sameer ne der utthne ki vajah bataya.

Mrs. Sharma:- Aisa kya ho gaya ki tujhe itna der se sona pada.

Abb Sameer ka neend lagh bhag gaayab ho gaya tha…Wo puri tarah se hosh me laut aaya.

Sameer:- Kal raat jyada khushi ki vajah se neend nahi aaya.

Sameer ne khushi ke saath jawaab diya…Usko Papa ne maaf kar diya hai ye baat yaad karke wo abhi bhi khus tha.

Mrs. Sharma bhi Sameer ko itne din baad khus dekh kar wo bhi khus ho gayi thi.

Mrs. Sharma:- Ha khushi ki baat to hai…Bahut dino baad tujhe Papa se maafi mil hi gaya…Lekin ek baat bata tu keh raha tha ki tu Priya se raat me baat kar raha tha…Kya baat kar raha tha usse?

Mrs. Sharma ne pehle ki kuch baatein khushi ke saath kaha aur aakhiri ki kuch baatein Sameer se iss tarah pucha jaise unhe shak ho gaya tha ki Sameer aur Priya ki dosti kuch jyada hi badh gaya hai.

Sameer jis sawaal se bachna chaahta tha fir ussi sawal me atak gaya…Kisi tarah baat sambhaalne ke liye usne kaha.

Sameer:- Kal raat mai fresh hone ke liye chhat me gaya tha…Waha Priya bhi aa gayi…Kal raat to waise bhi khus tha, baat karne ka accha mood ban gaya tha…Issi tarah se baat karte hue bahut raat beet gaya.

Sameer ne kuch hi sach baat bataya…Daily raat me chhat me ek dusre se baat karne ki baat usne Maa se chupaa liya.

Mrs. Sharma:- Sameer maine mehsus kiya hai ki tera aur Priya ki dosti thoda jyada hi gehra ho gaya hai.

Mrs. Sharma ne iss baar indirectly Sameer se pucha ki wo Priya se pyar karta hai ya nahi…Sameer ne bhi unki ye baat samajh liya…Fir bhi usne kaha.

Sameer:- Ha Maa…Bahut gehra dosti ho gaya hai…Khud mujhe bhi nahi pata kaise aise haalat me itni jaldi usse itna gehra dosti ho gaya…Saare nafrat aur galat fehmi kuch hi pal me gaayab ho gaya…Iss baat se mai bahut khush hu ki itna galat hone ke baawjood sab kuch thik ho gaya.

Sameer ne bhi Mrs. Sharma ki baat ka jawaab ghumaa kar diya.

Mrs. Sharma:- Mai bhi bahut khush hu ki itni jaldi sab kuch thik ho gaya…Priya ke saath kuch galat nahi hua, Tune apni galti ko maan liya aur vakt rehte sudhaar liya, Tujhe tere Papa aur Priya ne maaf kar diya aur tu Shruti se bhi bach gaya…Itne din me kitna kuch badal gaya…Sach me tere chehre me khushi dekh kar mai bhi bahut khus hu.

Mrs. Sharma ne bhi khus ho kar kaha.

Sameer ne unki iss baat ka koi jawaab nahi diya.

Mrs. Sharma ko fir picchli baat yaad aa gaya aur unhone fir pucha.

Mrs. Sharma:- Sameer ek baat sach sach bata…Tu Priya se pyar karne laga hai na?

Iss baar Mrs. Sharma ne directly ye baat puch liya…Sameer ne jab unka ye baat suna wo fir se uljhan me padd gaya…Kuch jawaab nahi de paa raha tha…Khud ke jawaab me hi ulajh gaya…Kisi tarah usne jawaab diya.

Sameer:- Nahi Maa…Lekin aapko aisa kyu laga.

Sameer ki aawaj se hi pata chal raha tha ki wo kitna ulajh gaya hai…Uski iss baat ko Mrs. Sharma ne bhi mehsus kiya.

Mrs. Sharma:- Jab bhi tum dono baat karte ho ya fir ek dusre ko dekhte ho to kisi ko bhi lagega ki tum dono ek dusre se pyar karte ho…Maine tum dono ko dekha tha kabhi kabhi chhat me ek dusre se baat karte hue…Yahi sab ki vajah se mujhe laga ki tum dono ek dusre se pyar karte ho.

Mrs. Sharma ne unko aisa lagne ki vajah bataya.

Sameer:- Nahi Maa…Mujhe Priya se pyar nahi hua hai…Mai to usse apna dost manta hu…Aur aap ko jo bhi laga wo dosti hai pyar nahi.

Sameer ne bhi apna jawaab diya…Sameer ne bahut mushkil se ye jawaab diya…Mrs. Sharma ne bhi uska ek aur jhuth pakad liya…Lekin wo Sameer ko iss baat ke liye jyada jawaab nahi dena chaahti thi.

Mrs. Sharma:- Accha koi baat nahi…Shaayad mujhe hi galat fehmi ho gaya hai…Agar tujhe Priya se pyar ho bhi gaya to koi baat nahi…Priya ko bahu maane me mujhe koi problem nahi hai.

Mrs. Sharma ne hans kar iss baat ko kaha…Sameer unke iss baat par koi jawaab nahi de paaya…Wo khud me hi uljha tha ki wo Priya se pyar karta hai ya nahi….Aur aise me Maa ka iss tarah ka sawaal…Usse kuch bhi samajh me nahi aa raha tha ki usse kya jawaab dena chaahiye.

Sameer ko chup dekh kar fir Mrs. Sharma ne pucha.

Mrs. Sharma:- Abb aha kho gaya.

Sameer:- Kahi nahi…Office ki kaam ke bare me soch raha tha.

Baat ko taalne ke liye Sameer ne kaha.

Mrs. Sharma:- Aaj itni der se uttha hai…Abb to tera office band hone ka time hai…Chal niche aa khaana khaane ke liye…Pehle hi itna late ho gaya hai.

Mai bhi tujhe khaana khaane ke liye bulaane aayi thi…Uthne me hi bahut deri kiya tune aur jab utha to baato me hi ulajh gaye…Abb der mat kar…Fresh ho kar khaana khaane niche chal.

Pyar ki topic ko band karke iss baar unhone Sameer ko khaane ke liye bulaaya.

Sameer:- Ok Maa…Nahaa kar aata hu.

Sameer ki iss baat par Mrs. Sharma ne manjuri dekar wo niche chali gayi.

Apne kapda uthaa kar Sameer bhi bathroom me chala gaya.

Sameer ne nahaane ke liye Shower on kiya.

Shower body par padte hi usne khud ko kaafi halka mehsus kiya.

Aise me hi usse khayal aaya ki aaj wo kyu Mrs. Sharma ko kuch jawaab nahi de paa raha tha jab unhone usse ye pucha tha ki wo Priya se pyar karta hai ya nahi.

Wo iss baat ko sochte hue khud se hi baat karne laga.

Sameer:- (To Himself) Kya ho gaya hai mujhe…Itne aashaan sawaal ka jawaab nahi de paaya…Aashaani se jawaab de sakta tha ki mujhe Priya se pyar nahi hua hai…Lekin dhang se jawaab nahi de paa raha tha…Khud me hi ulajh gaya tha.

Kya vajah ho sakta hai…Jab bhi baat Priya ke bare me hota hai yaa fir usse alag hone ka…Kabhi dhang se koi faisla nahi le paata…Aakhir kyu aisa ho raha hai…Iss tarah se to kabhi uljhaa nahi tha.

Kahi mujhe Priya se pyar to nahi ho gaya hai.

Sameer itna keh kar chup ho gaya…Uske chehre me aise bhaaw aa gaya jaise wo apne hi iss soch me chaunka hai.

Fir wo sochne laga.

Sameer:- (To Himself)Abb to mujhe bhi shak ho raha hai…Shaayad mujhe Priya se pyar ho gaya hai…Jab bhi wo hansti hai, mujhse hans kar baat karti hai mera najar uss par hi tik jaata hai…Man karta hai ki uske chehre se najar kabhi na hataau…Hansti hui Priya sach me bahut pyari lagti hai.

Sameer ne Cinema Hall me Priya ka hansta hua chehra ko yaad kiya.

Sameer:- (To Himself) Jab bhi Priya ka alag hone ka khayal aata hai tab dil me achanak hi ghabraahat paida ho jaata hai…Aisa lagta hai ki wo hamesha mere saath hi rahe aur kabhi mujhse dur na ho.

Uske saath rehne me alag hi khushi aur dur hone ki khayal se hi maayusi chaa jaati hai.

Abb to uski har adaa, har baatein pyari lagne laga hai.

Kya yahi pyar hai?

Sameer ne khud se hi pucha.

Kuch der sochne ke baad usne khud hi jawaab diya.

Sameer:- (To Himself) Shaayad Haa…Abb to mujhe aisa hi lag raha hai…Maa ne bhi kaha tha ki jo bhi ham dono ko dekhega wo kahega ki ham dono ek dusre se pyar karte hai.

Lekin dil kyu nahi maan raha hai ki ye pyar hi hai? (Kuch der baad) Lekin inkaar bhi to nahi kar paa raha hu ki ye pyar nahi hai.

Shaayad ye pyar aisa hi hai…Shaayad badhte vakt ke saath ehsaas ho jaayega ki mujhe sach me pyar ho gaya hai.

Agar ye pyar hai bhi to kya ye thik hai…Kya mujhe pyar par bharosha kar lena chaahiye ki iss duniya me saccha pyar naam ka koi cheej hota bhi hai? Jitna bhi pyar dekha hai, suna hai sab dhokhebaazi aur bewafaayi me hi badal jaata hai…Kahi mai bhi wohi galti to nahi dohra raha hu jo Mahesh ne kiya tha?

Iss khayal se Sameer fir khayal me pad gaya.

Sameer:- Lekin har baar pyar ka manjil bewafaayi aur dhokhebaazi hi ho aisa jaruri to nahi…Priya kehti hai ki saccha pyar aaj bhi hota hai…Itna to yakin hai ki Priya mujhe kabhi dhokha nahi degi…Haa ye ho sakta hai ki wo mujhse pyar nahi karegi lekin wo dhokha bhi nahi degi…Uss par mai vishwas kar sakta hu.

Iss khayal ne Sameer ko yakin dilaaya ki sacchaa pyaar aaj bhi duniya me hota hai.

Sameer:- Agar sachaa pyar ho bhi gaya to kya faaidaa…Bahut jald hamaara divorce bhi hone wala hai…Aur fir wo mujhse hameshaa ke liye alag ho jaayegi.

Iss soch ne Sameer ke dil me ek dar paida kar diya…Fir khud ko sambhaal kar aatma vishwas ke saath usne kaha.

Sameer:- Nahi nahi aisa nahi hoga…Divorce ke liye abhi bhi 8 months bache hai…Bas ek baar yakin ho jaaye mai Priya se sach me pyar karne laga hu…Tab mai usko apne pyar ka ehsas dila kar hi rahunga…Usse itna pyar dunga ki wo mujhe chhod kar jaane ka sochegi bhi nahi…Mujhe khud par itna vishwas to hai.

Itna sochne ke baad Sameer ke chehre me santushti ke bhaaw aa gaye…Baaki ka faisla usne vakt ke haath me chhod diya…Wo jaldi se naha kar niche dining table ki taraf jaane laga.

Kuch hi pal ke soch ne uske dil aur dimaag me ye ehsas paida kar diya ki wo bhi Priya se pyar karne laga hai.

 

[Champ_AK_81]

*

 

[Champ_AK_81]

UPDATE 112​

Lunch karne ke baad Sameer waapas apne room me aa gaya…Der se uthne ki vajah se wo office ke liye late ho gaya tha…Abb uske paas karne ke liye kuch nahi tha…Baithe baithe wo bore ho raha tha.

Kuch der aise hi baithne ke baad usne Rajesh ko phone karne ka socha.

Phone utha kar usne Rajesh ko call lagaya…Rajesh ka phone busy tha…Sameer ne 2 minute baad fir try kiya aur fir se wahi response.

2, 3 baar aur try karne ke baad bhi jab Rajesh ka phone busy hi raha to thoda sa muskuraate hue usne kaha.

Sameer:- Girl friend kya mil gaya…Ye to 24 hrs gf ke saath hi phone par busy hone laga.

Fir Sameer ne Mahesh ko phone lagaya…Iss baar phone me switch off ka reply aaya.

Sameer:- Ye bhi ajeeb ladka hai…Mobile aur Internet ke duniya se to jaise iska koi rishta hi nahi hai…Modern version of sanyasi…Kabhi kabhi mushkil se hi phone lagta hai.

Bahut ajeeb dost mila hai mujhe bhi…Ek ko gf se fursat nahi aur dusre ke paas mobile ke liye vakt hi nahi.

Itna keh kar Sameer ne mobile me fb on kiya…Kuch der fb chalane ke baad wo fir bore hone laga…Tv on kiya to usme bhi boring programs…Abb usse samajh me nahi aaya ki kya kare.

Kuch der yunhi wo room me idhar udhar tehalne laga…Usne chhat me jaane ka socha…Fir usne socha ki abhi dopahar me bahut garmi hoga.

Abb uske paas kuch sochne ke liye nahi bacha…Ghadi me dekha to 1:00 pm baj raha tha.

Sameer:- Karne ke liye abb kuch nahi hai…Bore bhi ho raha hu…Soo kar hi time paas karna padega.

Itna keh kar wo bed par chala gaya sone ke liye…Bed me laite 15 minute ho gaya fir bhi usse neend nahi aaya.

Vakt ke saath wo aur bore ho raha tha…Kuch der baad uske dimaag me achaanak ye khayal aaya.

Sameer:- Aise to aur bore hota rahunga…Priya ke room me jaana chaahiye…Uske saath baat karne se vakt kab beet ta hai pata hi nahi chalta.

Sameer itna keh kar vakt se utth gaya fir kuch sochte hue ruk gaya.

Sameer:- Lekin mai Priya se kya kahunga…Agar usne pucha ki mai kyu uske room me aaya hu to kya jawaab dunga?

Ye sawaal karte hue Sameer ruk gaya…Wo Priya ke room me jaane ka bahaana dhundne laga…Kuch der sochne ke baad usne kaha.

Sameer:- Keh dunga baat karne aaya hu…Bore ho raha tha to baat karne aa gaya.

Bekaar hi itna soch raha tha…Mujhe nahi lagta wo aise sawaal puchegi…Agar puch liya to jawaab de dunga ki aise hi baat karne aaya hu.

Itna keh kar Sameer Priya ki room ki taraf jaane laga…Aaj usse Priya ke paas jaate hue kuch alag sa feel ho raha tha.

Kuch der baad wo Priya ke room ke pas pahunch gaya…Gate knock karne ke liye haath uthaaya aur wo gate knock karne hi wala tha ki usne apna haath picche khinch liya.

Usse khud apni iss harkat ka vajah pata nahi chala…Wo apne man me thoda frustrated ho kar sochne laga.

Sameer:- (In his mind) Pata nahi kyu bevajah dar raha hu.

Itna keh kar usne iss baar gate me knock kiya.

Kuch der baad Priya ne gate khola...Priya ne Sameer ko iss vakt apne room me expect nahi kiya tha...Thoda hairaani se wo Sameer ko dekhne lagi.

Sameer kuch kehta usse pehle hi Priya ki room se Mrs. Sharma ki aawaj aaya.

Mrs. Sharma:- Priya...Kaun hai gate par?

Priya ko bahut der tak gate par khada dekh kar unhone pucha.

Priya:- Sameer.

Thoda hadbada kar jawaab diya Priya ne.

Sameer ka naam sunte Mrs. Sharma ko pehle thoda ajeeb laga lekin agle pal unhone soch liya kya vajah ho sakta hai Sameer ka Priya ke room me aane ka...Unhone kuch nahi kaha.

Priya ne gate thoda aur khol diya aur Sameer bhi andar chala aaya...Sameer andar jaate vakt soch raha tha ki usse andar jaana chaahiye ya nahi...Maa ki maujudgi me usse andar jaane ki himmat nahi ho raha tha...Lekin waapas lautne ka bhi vajah nahi tha uske paas.

Himmat karte hue wo room me chala gaya.

Usne dekha ki uske Maa bed ke ek side baithi thi...Maa ki yaha maujudgi ki vajah usse samajh me nahi aaya...Aur wo ye baat puchne ki haalat me bhi nahi tha.

Wo bhi jaake bed ke ek side me baith gaya lekin bola kuch nahi...Kuch der baad Priya bhi Sameer aur Mrs. Sharma ke paas aa gayi.

Priya:- Sameer...Tum yaha iss vakt...Kya baat hai?

Priya ne thoda serious ho kar pucha...Sameer pehli baar uske room me aaya tha dono ke iss room se alag hone ke baad...Priya ko laga jarur koi serious baat hai issi liye Sameer yaha aaya hoga.

Sameer:- Bore ho raha tha...Issi liye baat karne aaya tha.

Sameer ne kuch der baad jawaab diya...Wo soch kar jawaab de raha tha...Yaha Priya hi nahi thi jisse wo dil ki baat kar salta tha yaha par uski Maa bhi thi.

Mrs. Sharma:- Bore hone par tujhe Priya hi yaad aayi...Pehle to jab bhi bore hota tha mere paas aata tha baat karne ke liye...Priya aa gayi to tu bhi badal gaya.

Mrs. Sharma ne Sameer ki haalat ka majaa lete hue kaha.

Mrs. Sharma ki iss baat se Sameer aur Priya dono ke ajeeb sa haalat ho gaya...Dono ko kuch samajh me nahi aa raha tha ki kya jawaab de.

Sameer:- Nahi Maa...Aisi koi baat nahi hai...Priya se ek jaruri baat karna tha issi liye yaha aaya tha.

Sameer ne baat ko sambhaalne ke liye kaha...Lekin uska uska ye jhuth uske Maa se chhup nahi saka...Mrs. Sharma iss baar kuch nahi boli.

Kuch vakt beet jaane ke baad bhi khaamoshi pehle ki tarah hi kaayam raha...Koi kuch bol nahi raha tha.

Mrs. Sharma:- Tujhe Priya se baat karna tha na?

Sameer ko bahut der se chup dekh kar Mrs. Sharma ne pucha.

Sameer:- Rajesh keh raha tha ki uska aur Divya ka engagement hone wala hai bahut jald.

Sameer ne Priya ki taraf dekha aur kaha...Iss baar Maa ki sawaal se bachne ke liye usne jhuth ka sahara liya...Usse isse behtar jhuth mila hi nahi.

Priya:- Kya?

Sameer ki iss jhuth par Priya ko vishwaas hi nahi hua...Hairaani ke saath usne kaha.

Priya:- Divya ne itni badi baat abhi tak mujhe bataya kyu nahi? Bahut baatein chupaane lagi hai aaj kal.

Priya ne Divya se naarajgi jataate hue kaha.

Sameer:- Phone me puch lena.

Kuch der baad Sameer ne kaha.

Mrs. Sharma:- Tu itni der baad kyu jawaab de rahi hai.

Mrs. Sharma ko Sameer ke haalat ka majaa lene me bahut majaa aa raha tha.

Priya:- Sameer aisa hi hai aunty.

Iss baar Priya ne jawaab diya.

Mrs. Sharma:- Kaisa hai?

Mrs. Sharma Priya ki baat ka matlab acche se samajh nahi paayi thi.

Priya:- Ladkiyo se baat karne me sharmaata hai...Aur aise hi der se jawaab deta hai...Lekin dil ka accha hai.

Iss baar Priya ne bhi Sameer ka majaa lete hue kaha...Sameer ko Priya se aisi baat ka ummeed nahi tha...Usne Priya ki taraf dekha...Priya Mrs. Sharma ki najro se chhup kar Sameer ko dekh kar hansne lagi...Uske hansi se lag raha tha ki wo Sameer ko chhidha rahi hai...Priya ka ye hansi se Sameer ka thoda bahut gussa bhi gaayab kar diya...Fir bhi apne bachaaw me usne kaha.

Mrs. Sharma kuch bolti usse pehle hi Sameer ne kaha.

Sameer:- Mai kisi se bhi sharmaata nahi hu...Abhi mood thik nahi hai issi liye acche se jawaab nahi de paa raha hu...Love shove aise topic me mai believe nahi karta to fir sharmaane ki baat to aata hi nahi.

Sameer ne josh me jawaab diya...Josh me wo ye bhi bhul gaya tha ki Mrs. Sharma bhi waha maujud hai...Mrs. Sharma bhi dono ke bahas ka majaa le rahi thi.

Priya:- Sach mein.

Priya ne Sameer ko chhidhaate hue pucha.

Sameer:- Ha sach mein.

Sameer ne bhi Priya ki aankh me aankh daal kar confidently jawaab diya.

Priya:- Lekin mujhe to nahi lagta.

Sameer:- Aisa kyu.

Sameer ne bhi Priya ke andaaj me hi jawaab diya.

Priya:- Accha ek baat bataao?

Sameer:- Pucho.

Priya:- College ke time tum kitne ladkiyo se baat karte the?

Sameer:- Bas Shruti se.

Priya:- Tum Shruti se baat nahi karte the...Shruti tum se baat karti thi...Maine to tumhe kisi se baat karte hue nahi dekha...Yahi baat prove karta hai ki tumhe ladkiyo se baat karne me sharm aata hai.

Sameer:- Wo sharm ki vajah se nahi tha...Wo mera style aur attitude hai...Jo bhi mujhse baat karta hai ya karti hai mai bhi ussi se baat karta hu...College me Shruti ko chhod kar tumse aur Neha se hi baat hua tha...Tumse aur Neha se to fight hua tha...Baaki ki ladki bhaaw khaati thi to mai bhi ignore karta tha.

Sameer ne apni baat kehne ke baad usko Neha ki yaad aaya...Wo hi to thi jiski planning me fass kar Sameer ne bhool kiya tha...Usne socha ek baar principal sir ke ghar jaane ka.

Mrs. Sharma:- Accha abb mai chalti hu...Tum dono bhi ladna band karo.

Itna keh kar Mrs. Sharma apni jagah se uth kar jaane lagi...Unke chehre me muskaan tha jo keh raha tha ki unhone Sameer aur Priya ke iss fight ko acche se enjoy kiya.

Mrs. Sharma ki baat sunne ke baad Sameer aur Priya ko ehsas hua ki dono Mrs. Sharma ke saamne kutte aur billi ki tarah lad rahe the.

Sameer:- Acche se beijjat kar diya Maa ke saamne.

Sameer ne jhutha naarajgi dikhaate hue kaha.

Priya:- Isse beijjat karna nahi kehte hai buddhu...Isse majaa lena kehte hai...Aur dosti me itna to chalta hi hai.

Priya ne abhi bhi Sameer ko chidhaa kar kaha.

Priya ki aakhiri baat sun kar Sameer ke chehre me bhi ek muskaan aa gaya.

Sameer:- Dosti ka galat faaidaa utha rahi ho.

Sameer ne hanste hue hi kaha...Uska thoda bahut naarajgi Priya ki muskaan aur dost kehne se khatam ho gaya.

 

[Champ_AK_81]

Friends aaj bhi 3 updates post kiya hai...Please padh kar apna reviews jarur dijiye.

 

[kamdev99008]

UPDATE 110​

Sameer ko Priya ki baat bilkul bhi samajh me nahi aaya…Priya ki baat se uske dimaag me alag alag khayal aaya.

Wo sochne laga.

Sameer:- (In his mind) Kya keh rahi hai ye…Kaun mujhse pyar karti hai…Aur mere aas paas bhi hai.

Sameer yahi sab soch raha tha ki uske dimaag me ek aur khayal aaya.

Sameer:- (In his mind) Mere aas paas to abhi Priya hi hai…Kahi iska matlab Priya mujhse pyar to nahi karti…Nahi nahi…Mai bhi pata nahi kya kya soch raha hu…Do chaar din aise hans ke baat karne ka matlab pyar nahi hota…Pata nahi mai kya kya soch raha hu…Shaayad Priya mujhse majaak kar rahi hai.

Sameer yahi sab soch raha tha tab tak Priya ko bhi ehsas ho gaya tha ki usne jaldbaazi me kya keh diya hai…Usse bhi laga ki ye baat indirectly hi sahi usnebahut jaldi keh diya hai…Baat sambhaalne ke liye usne kaha.

Priya:- Kya soch rahe ho?

Sameer:- Kuch nahi.

Sameer ne ye keh to diya lekin uski aawaj se hi pata chal raha tha ki wo uljha hua hai.

Priya:- Nahi kuch to soch rahe ho.

Sameer:- Tumhaari kahi baato ke bare me hi soch raha hu…Kaun mujhse pyar karti hai…Aur wo mere aas paas bhi hai…Mujhe to koi aisi ladki dikhi hi nahi.

Sameer ne apna uljhan ki vajah bata diya.

Priya:- Maine to wo baat aise hi keh diya tha…Mera matlab ye tha ki kabhi hamaare aas paas aise bhi log hote hai jo hame chaahte hai lekin kisi dar ki vajah se keh nahi paate…Bas itna kehna chaahti thi ki agar hame ye ehsas ho jaaye ki koi hamse sacha pyar karta hai to uska saath kabhi nahi chhodna chaahiye.

Priya ne Sameer ko samjhaaya…Sameer ko kuch baatein samajh me aaya aur kuch nahi.

Sameer:- Lekin…

Sameer kuch kehne hi wala tha ki Priya ne usse bich me hi rok kar kaha.

Priya:- Lekin wekin kuch nahi…Ghar bhi jaana hai aur pehle hi ahut late ho gaya hai.

Priya ne Sameer ki sawalo se bachne ke liye kaha...Wo jaanti thi ki Sameer abhi bhi confused hai aur wo apna saara confusion Priya se puch kar hi rahega…Aise me Sameer kuch aisa sawaal bhi puch sakta tha jiska jawaab Priya ko dena shaayad mushkil ho jaaye.

Priya ki baat sunne ke baad Sameer ko bhi mehsus hua ki shayad abb sach me late ho raha hai.

Sameer ne Priya ko baithne ke liye bola aur jab Priya baith gayi tab usne apna bike start karke sidha ghar ki taraf chalaane laga.

Ghar me bike parking karne ke baad dono apne apne room ki taraf jaane lage…Ghar ke gate se andar jaane ke baad jab dono sheedhi se apne room ki taraf jaa rahe the tab dono ka najar ek dusre se takraya aur gir dono ke chehre me smile aa gaya…Dono aise hi muskuraate hue apne room ki taraf jaane lage iss baat se anjaan ki niche hall me baithe Mr. Sharma ne unhe ek dusre ko dekh kar muskuraate hue dekh liya hai.

Dinner Time



Raat me dinner ke vakt sabhi dining table par baithe the…Sabhi khana suru karne hi wale the ki Mr. Sharma ne kaha.

Mr. Sharma:- Priya…Tumse Sameer ki bare me kuch kehna hai.

Mr. Sharma ki ye baat sun kar Sameer aur Priya ke saath Mrs. Sharma bhi chaunk gayi…Sameer ko thoda sa dar lag raha tha ki uske Papa abb kya puchne wale hai…Priya ko bhi kuch samajh me nahi aaya ki Mr. Sharma kya puchne wale hai.

Priya:- Ji uncle…Puchiye?

Priya ne thoda dheemi aawaj me jawaab diya.

Mr. Sharma:- Jab se tum dono tumhaare ghar se aaye ho…Maine tum dono ke bich bahut badlaaw mehsus kiya hai…Abb tumhaari najro me Sameer ke liye koi nafrat nahi dikh raha hai…Kal raat jab mai chat me pahuncha tab tum dono ko baat karte hue dekha tha…Tum dono aise muskura kar baat kar rahe the jaise tum dono dost ho aur tumhaari saari naarajgi aur nafrat khatam ho gaya hai…Tum dono ne kya baat kiya ye to maine nahi suna lekin aisa laga ki tum dono ke bich haalat bahut badal gaya hai.

Aaj bhi tum dono ko ek dusre ko dekhne ke baad muskura kar jaate hue dekha tha.

Mr. Sharma jo baat itne dino se kehna chaahte the aaj unhone keh diya.

Mr. Sharma ki sawaal ka jawaab Sameer dene hi wala tha ki bich me Priya ne hi keh diya.

Priya:- Maine Sameer ko maaf kar diya hai aur abb Sameer se koi naarajgi nahi hai.

Priya ne jawaab diya…Abb chaunkne ki baari Mr. Sharma ka tha.

Mr. Sharma:- Achanak aisa kya ho gaya tum dono ke gaanw se aane ke baad…Pehle to tum isse bahut naraaj thi.

Mr. Sharma ne thoda hairaani ke saath pucha.

Uske baad Priya ne bhi Sameer ko maaf karne ki vajah bata diya…Sameer ka sacche dil se maafi maangna, khud ki galti par pacchtaana, galti ka ehsas hona aur Shruti ki saajish…Yahi vajah Priya ne bataya.

Priya ki jawaab sunne ke baad Mr. Sharma kuch der tak chup hi rahe…Fir unhone kaha.

Mr. Sharma:- Mai ye to nahi kahunga ki jo hua thik hua…Iski galti se tumhaari jindagi me itna bada tufaan aa gaya...Lekin fir bhi baat jyada bigda nahi.

(Sameer ki taraf dekh kar) Tera kismat sach me bahut accha hai…Itna bada galti karne ke baad bhi tujhe Priya ne maaf kar diya.

Mr. Sharma ki chehre me raahat ke bhaaw the…Wo bahut khus the ki abb sab kuch thik ho gaya hai…Unke bete ki galti ki vajah se Priya ke saath jyada galat nahi hua.

Sameer:- Mai sharmindaa hu apni galti ki vajah se…Anjaane me bahut bada galti ho gaya tha…Abb aage se aisi koi galti nahi karunga…Bas aap iss baar mujhe maaf kar dijiye.

Sameer ne maafi maangne ke baad Mr. Sharma ko dekha…Usse umeed tha ki Mr. Sharma unhe maaf kar denge.

Mr. Sharma kuch der tak Sameer ko dekhte hue kuch sochne lage…Fir unhone kaha.

Mr. Sharma:- Abb Priya ne tujhe maaf kar diya hai to mera inkaar karne ka vajah bhi nahi hai…Shaayad tune apne galti ka praayaschit bhi kar liya hai…Iss baar to tujhe maaf kar raha hu lekin aage kabhi aisi galti karne ka sochna bhi mat.

Mr. Sharma ki baat sunne ke baad Sameer ke chehre me khushi ke bhaaw aa gaya…Apne Papa se maafi milne ke baad usko aisa laga jaise uske sar se bahut bada bojh utar gaya hai.

Khushi ke saath usne kaha.

Sameer:- Thanks a lot Papa…Abb aisi galti kabhi nahi karunga.

Mr. Sharma ne Sameer ka iss baat ka koi jawaab nahi diya…Unhone apna najar Mrs. Sharma aur Priya ki taraf ghumaaya…DOno ke chehre me khushi ki bhaaw najar aa raha tha.

Mr. Sharma:- Abb khaana khaate hai…Thanda ho raha hai.

Fir uske baad sabhi khaane lagte hai.

Khaana khaa lene ke baad Mr. Sharma ne Sameer se fir kaha.

Mr. Sharma:- Ek cheej tune bahut accha kiya…Jab tujhe pata chala ki Priya ka shaadi karwa kar tu galti kar raha hai tab tune apne galti maan kar usko sudhaarne ki koshish kiya.

Ye baat mujhe bahut accha laga…Agar Priya ka shaadi uss bewde ke saath ho jaata aur mujhe kisi se teri ye kartut ke bare me pata chalta to bata nahi sakta hu mai kya haal karta tera?

Jab tu Priya ke saath shaadi karke aaya aur shaadi ki vajah bataya tab tujh par itna gussa aa raha tha ki tujhe laat maar kar ghar se nikaalne ka soch raha tha lekin haalat ko samajhte hue maine aisa nahi kiya.

Mr. Sharma ne Sameer ki acchaaayi aur buraayi dono ek saath bata diya.

Sameer:- Sorry Papa…Gusse me mai paagal ho gaya tha aur badla lene chala gaya aur itna bada galti kar baitha.

Sameer ne ek baar fir apni galti ki vajah bata diya…Iske alawa uske paas Mr. Sharma ko jawaab dene ke liye koi baat nahi bacha.

Mr. Sharma:- Tu galat na ho kar bhi galat ban gaya…Vajah hai ye gussa.

Gussa sabhi ko aata hai lekin ye gussa kisi ka apna nahi hota…Teri baat sun kar mujhe apni jawaani ka yaad aa gaya.

Uss vakt mai bhi short tempered tha…Gussa shaayad tujhse bhi jyada aata tha…Lekin jab mai MBBS padhne laga tab ehsas hua ki mai doctor banne jaa raha hu…Aur doctor par gussa bilkul bhi suit nahi karta.

Kisi tarah khud par kaabu kiya aur khud ko shaant karne laga…Mera koshish safal ho gaya…Uske baad mai kisi bhi chhoti baat par gussa nahi hota tha.

Gussa ko kaabu karne ke baad mujhe mehsus hua gussa ko kaabu karne se kitna faaidaa hota hai…Sabhi ke saath accha dosti ka rishta ban jaata hai…Shaant rehne par aur dusro ki madad karne se sabhi pasand karte hai aur mushkil vakt me bhi saath dete hai.

Gussa aane par insaan maanasik roop me kabhi thik nahi rehta hai…Hamesha kisi na kisi cheej ki frustration rehta hai aur apne routine aur kaam se bhi bhatak jaata hai.

Gussa khud ke liye aur apno ke liye dono ke liye haani karak hai…Jitna kaabu me rahega utna hi accha hai.

Agar tujhe gussa nahi aayega to t u apna kisi bhi kaam se nahi bhatkega…Kisi ke liye nafrat nahi hoga aur sabhi ke liye accha hi sochega…Sabhi tujhe pasand bhi karenge aur izzat bhi denge.

Aur sabse badi baat kisi se badla lene ke liye nahi sochega…Aur accha aur galat ka faisla bhi kar paayega.

Tune khud hi mehsus kiya hoga ki tera gussa hi tha jiski vajah se tu Priya se nafrat karne laga aur jab gussa khatam ho gaya tab tera dimaag acche se kaam karne laga…Tab jaake tujhe apne galti ka ehsas hua aur tune Priya se maafi maanga...Aur aaj tum dono ka dosti ho gaya.

Itna keh kar Mr. Sharma chup ho gaye…Aur Sameer ko dekhne lage.

Sameer:- Sahi kaha aapne…Koshish karunga apne gussa par kaabu karne ka.

Sameer ko sach me Mr. Sharma ki baat sahi laga aur usse mehsus hua ki uski galti ki vajah uska gussa hai…Agar suruwat me hi usne apne gusse ko kaabu me kar liya hota to uska aur Priya ke bich kabhi dushmani nahi hota aur naa hi ye sab hota.

Mr. Sharma:- Jis din tu yaha aaya tha shaadi karke…Uss din mujhe bhi itna gussa aa raha tha ki bata nahi sakta…Lekin kisi tarah gusse par kaabu karke teri baat suna aur saari haalat ke bare me pata chala.

Last me yahi kahunga ki insaan ko gussa hona bhi chaahiye lekin itna bhi nahi ki gusse ki vajah se uske paas kuch sochne ka aur samajhne ka taakat hi na rahe.

Kabhi gusse me aa kar aur bhaawana me dub kar koi faisla nahi karna chaahiye.

Sameer:- Ji Papa…Aage se yaad rakhunga aur gusse par kaabu karunga.

Mr. Sharma:- Iss baar tujh par vishwaas kar raha hu...Aage se iss vishwaas ko todna mat.

Mr. Sharma ki iss baat ka jawaab Sameer ne sar ko haa me hila kar diya.

Mr. Sharma:- 11 baj gaya…Abb sone ka time ho gaya…Abb baaki baatein kal karenge.

Itna keh kar sabhi apne apne room ki taraf jaane lage…Sheedhi par hi Sameer ne Priya se chhat me aane ke liye kaha.

Dono apne room me na jaa kar chhat me chale gaye.

Chhat me jaate hi Sameer ne Priya se khus ho kar kaha.

Sameer:- Thanks a lot Priya…Aaj tumhaari vajah se Papa se bhi maafi mil gaya.

Sameer ki baato se hi pata chal raha tha ki wo kitna khus hai.

Priya:- Aisa maine kya kar diya…Bas yahi kaha ki maine tumhe maaf kar diya hai.

Sameer:- Bas yahi to vajah tha Papa ka mujhe maaf karne ka…Jab tak tum mujhe maaf nahi kar deti Papa mujhe kabhi maaf nahi karte…Kyu ki mai tumhaara sabse bada gunehgaar tha.

Priya:- Mujhe bhi bahut accha lag raha hai ki tumhe Uncle se maafi mil gaya.

Sameer:- Bata nahi sakta hu Priya tumhe aaj mai kitna khus hu.

Sameer ne apna khusi jaahir karte hue kaha.

Priya:- Wo to tumhaara chehra se hi pata chal raha hai.

Sameer:- Wo to lagega hi…Aaj bahut bada bojh jo utra hai…Papa ka naarajgi mujhse sehan nahi ho raha tha…Aaj jab unhone maaf kar diya aur sab kuch thik ho gaya to aisi khushi mehsus ho raha hai ki bata nahi sakta.

Thanks a lot Priya once again…Mujhe aisa lag raha hai jaise mujhe jindagi me saari khushiyan mil gaya hai.

Kuch der pehle Sameer gusse ko kaabu karne ki baat kar raha tha…Lekin abb wo apna khushi kaabu nahi kar paa raha tha.

Priya bhi Sameer ki khushi me muskura kar uska saath dene lagi…Wo bhi Sameer ke liye bahut khus thi.

ab mr sharma ko bhi in dono ke beech jo najar a raha tha use samne lane ka sahi samay najar a raha hai
isiliye unhone sabse pahle sameer ko maafi dene ka faisla liya...........usmein bhi priya ne aage badhkar pahal ki to...........unki soch in dono ke pyar ko lekar aur majboot hui

idhar unhone kal fir bat hogi kahkar...............ye saf kar diya ki ..........bat abhi khatm nahi hui hai.............
balki shuru hui hai

keep it up

 

[kamdev99008]

UPDATE 111​

Sameer…Sameer…Abb utth bhi jaa…Kab tak aise hi sota rahega?

Agle din subah ke 11:00 am me Mrs. Sharma Sameer ko uthaa rahi thi…Sameer itna gehri neend me soo raha tha ki usse bilkul bhi fark nahi par raha tha…Wo bina hile sota raha.

Mrs. Sharma ki kuch der tak Sameer ka naam le kar chillane ke baad aur hilaane ke baad Sameer neend se jaaga…Lekin neend ka asar abhi bhi uss par tha…Usne aankh khole bina hi kaha.

Sameer:- Sone do na Priya…Bahut neend lag raha hai…Raat me 3:00 am me soya tha…Tumse baat karne ke baad bhi kuch der tak jaag raha tha.

Sameer ne to ye baat keh diya iss baat se anjaan ki usne jo kuch bhi kaha hai usne Priya se nahi balki apna Maa se kaha hai.

Mrs. Sharma:- To fir utna raat tak kya kar raha tha?

Mrs. Sharma ne thoda gusse ke saath pucha…Iss baar Sameer ne apni Maa ki aawaj pehchaan liya…Wo hadbada kar utha aur Maa ki taraf dekha…Jab usse yakin aaya ki yaha uska Maa hi hai to fir thoda darte hue kaha.

Sameer:- Maa…Aap yaha…Kab se? Aur itni jaldi kyu uthaaya?

Ek hi saans me Sameer ne ye saari sawaal puch diya.

Mrs. Sharma:- Itni jaldi? Tujhe ye itna jaldi lag raha hai…Ghadi dekh…11 baj raha hai.

Mrs. Sharma ki baat sunne ke baad Sameer ne ghadi me time dekha…Time dekh ke wo thoda chaunk gaya…Wo jitna bhi late sota tha 10:00 am tak utth jaata tha…Aaj late hone par usse khud par hi hairaani ho raha tha.

Sameer:- Aaj late ho gaya…Raat me bahut late soya tha.

Sameer ne der utthne ki vajah bataya.

Mrs. Sharma:- Aisa kya ho gaya ki tujhe itna der se sona pada.

Abb Sameer ka neend lagh bhag gaayab ho gaya tha…Wo puri tarah se hosh me laut aaya.

Sameer:- Kal raat jyada khushi ki vajah se neend nahi aaya.

Sameer ne khushi ke saath jawaab diya…Usko Papa ne maaf kar diya hai ye baat yaad karke wo abhi bhi khus tha.

Mrs. Sharma bhi Sameer ko itne din baad khus dekh kar wo bhi khus ho gayi thi.

Mrs. Sharma:- Ha khushi ki baat to hai…Bahut dino baad tujhe Papa se maafi mil hi gaya…Lekin ek baat bata tu keh raha tha ki tu Priya se raat me baat kar raha tha…Kya baat kar raha tha usse?

Mrs. Sharma ne pehle ki kuch baatein khushi ke saath kaha aur aakhiri ki kuch baatein Sameer se iss tarah pucha jaise unhe shak ho gaya tha ki Sameer aur Priya ki dosti kuch jyada hi badh gaya hai.

Sameer jis sawaal se bachna chaahta tha fir ussi sawal me atak gaya…Kisi tarah baat sambhaalne ke liye usne kaha.

Sameer:- Kal raat mai fresh hone ke liye chhat me gaya tha…Waha Priya bhi aa gayi…Kal raat to waise bhi khus tha, baat karne ka accha mood ban gaya tha…Issi tarah se baat karte hue bahut raat beet gaya.

Sameer ne kuch hi sach baat bataya…Daily raat me chhat me ek dusre se baat karne ki baat usne Maa se chupaa liya.

Mrs. Sharma:- Sameer maine mehsus kiya hai ki tera aur Priya ki dosti thoda jyada hi gehra ho gaya hai.

Mrs. Sharma ne iss baar indirectly Sameer se pucha ki wo Priya se pyar karta hai ya nahi…Sameer ne bhi unki ye baat samajh liya…Fir bhi usne kaha.

Sameer:- Ha Maa…Bahut gehra dosti ho gaya hai…Khud mujhe bhi nahi pata kaise aise haalat me itni jaldi usse itna gehra dosti ho gaya…Saare nafrat aur galat fehmi kuch hi pal me gaayab ho gaya…Iss baat se mai bahut khush hu ki itna galat hone ke baawjood sab kuch thik ho gaya.

Sameer ne bhi Mrs. Sharma ki baat ka jawaab ghumaa kar diya.

Mrs. Sharma:- Mai bhi bahut khush hu ki itni jaldi sab kuch thik ho gaya…Priya ke saath kuch galat nahi hua, Tune apni galti ko maan liya aur vakt rehte sudhaar liya, Tujhe tere Papa aur Priya ne maaf kar diya aur tu Shruti se bhi bach gaya…Itne din me kitna kuch badal gaya…Sach me tere chehre me khushi dekh kar mai bhi bahut khus hu.

Mrs. Sharma ne bhi khus ho kar kaha.

Sameer ne unki iss baat ka koi jawaab nahi diya.

Mrs. Sharma ko fir picchli baat yaad aa gaya aur unhone fir pucha.

Mrs. Sharma:- Sameer ek baat sach sach bata…Tu Priya se pyar karne laga hai na?

Iss baar Mrs. Sharma ne directly ye baat puch liya…Sameer ne jab unka ye baat suna wo fir se uljhan me padd gaya…Kuch jawaab nahi de paa raha tha…Khud ke jawaab me hi ulajh gaya…Kisi tarah usne jawaab diya.

Sameer:- Nahi Maa…Lekin aapko aisa kyu laga.

Sameer ki aawaj se hi pata chal raha tha ki wo kitna ulajh gaya hai…Uski iss baat ko Mrs. Sharma ne bhi mehsus kiya.

Mrs. Sharma:- Jab bhi tum dono baat karte ho ya fir ek dusre ko dekhte ho to kisi ko bhi lagega ki tum dono ek dusre se pyar karte ho…Maine tum dono ko dekha tha kabhi kabhi chhat me ek dusre se baat karte hue…Yahi sab ki vajah se mujhe laga ki tum dono ek dusre se pyar karte ho.

Mrs. Sharma ne unko aisa lagne ki vajah bataya.

Sameer:- Nahi Maa…Mujhe Priya se pyar nahi hua hai…Mai to usse apna dost manta hu…Aur aap ko jo bhi laga wo dosti hai pyar nahi.

Sameer ne bhi apna jawaab diya…Sameer ne bahut mushkil se ye jawaab diya…Mrs. Sharma ne bhi uska ek aur jhuth pakad liya…Lekin wo Sameer ko iss baat ke liye jyada jawaab nahi dena chaahti thi.

Mrs. Sharma:- Accha koi baat nahi…Shaayad mujhe hi galat fehmi ho gaya hai…Agar tujhe Priya se pyar ho bhi gaya to koi baat nahi…Priya ko bahu maane me mujhe koi problem nahi hai.

Mrs. Sharma ne hans kar iss baat ko kaha…Sameer unke iss baat par koi jawaab nahi de paaya…Wo khud me hi uljha tha ki wo Priya se pyar karta hai ya nahi….Aur aise me Maa ka iss tarah ka sawaal…Usse kuch bhi samajh me nahi aa raha tha ki usse kya jawaab dena chaahiye.

Sameer ko chup dekh kar fir Mrs. Sharma ne pucha.

Mrs. Sharma:- Abb aha kho gaya.

Sameer:- Kahi nahi…Office ki kaam ke bare me soch raha tha.

Baat ko taalne ke liye Sameer ne kaha.

Mrs. Sharma:- Aaj itni der se uttha hai…Abb to tera office band hone ka time hai…Chal niche aa khaana khaane ke liye…Pehle hi itna late ho gaya hai.

Mai bhi tujhe khaana khaane ke liye bulaane aayi thi…Uthne me hi bahut deri kiya tune aur jab utha to baato me hi ulajh gaye…Abb der mat kar…Fresh ho kar khaana khaane niche chal.

Pyar ki topic ko band karke iss baar unhone Sameer ko khaane ke liye bulaaya.

Sameer:- Ok Maa…Nahaa kar aata hu.

Sameer ki iss baat par Mrs. Sharma ne manjuri dekar wo niche chali gayi.

Apne kapda uthaa kar Sameer bhi bathroom me chala gaya.

Sameer ne nahaane ke liye Shower on kiya.

Shower body par padte hi usne khud ko kaafi halka mehsus kiya.

Aise me hi usse khayal aaya ki aaj wo kyu Mrs. Sharma ko kuch jawaab nahi de paa raha tha jab unhone usse ye pucha tha ki wo Priya se pyar karta hai ya nahi.

Wo iss baat ko sochte hue khud se hi baat karne laga.

Sameer:- (To Himself) Kya ho gaya hai mujhe…Itne aashaan sawaal ka jawaab nahi de paaya…Aashaani se jawaab de sakta tha ki mujhe Priya se pyar nahi hua hai…Lekin dhang se jawaab nahi de paa raha tha…Khud me hi ulajh gaya tha.

Kya vajah ho sakta hai…Jab bhi baat Priya ke bare me hota hai yaa fir usse alag hone ka…Kabhi dhang se koi faisla nahi le paata…Aakhir kyu aisa ho raha hai…Iss tarah se to kabhi uljhaa nahi tha.

Kahi mujhe Priya se pyar to nahi ho gaya hai.

Sameer itna keh kar chup ho gaya…Uske chehre me aise bhaaw aa gaya jaise wo apne hi iss soch me chaunka hai.

Fir wo sochne laga.

Sameer:- (To Himself)Abb to mujhe bhi shak ho raha hai…Shaayad mujhe Priya se pyar ho gaya hai…Jab bhi wo hansti hai, mujhse hans kar baat karti hai mera najar uss par hi tik jaata hai…Man karta hai ki uske chehre se najar kabhi na hataau…Hansti hui Priya sach me bahut pyari lagti hai.

Sameer ne Cinema Hall me Priya ka hansta hua chehra ko yaad kiya.

Sameer:- (To Himself) Jab bhi Priya ka alag hone ka khayal aata hai tab dil me achanak hi ghabraahat paida ho jaata hai…Aisa lagta hai ki wo hamesha mere saath hi rahe aur kabhi mujhse dur na ho.

Uske saath rehne me alag hi khushi aur dur hone ki khayal se hi maayusi chaa jaati hai.

Abb to uski har adaa, har baatein pyari lagne laga hai.

Kya yahi pyar hai?

Sameer ne khud se hi pucha.

Kuch der sochne ke baad usne khud hi jawaab diya.

Sameer:- (To Himself) Shaayad Haa…Abb to mujhe aisa hi lag raha hai…Maa ne bhi kaha tha ki jo bhi ham dono ko dekhega wo kahega ki ham dono ek dusre se pyar karte hai.

Lekin dil kyu nahi maan raha hai ki ye pyar hi hai? (Kuch der baad) Lekin inkaar bhi to nahi kar paa raha hu ki ye pyar nahi hai.

Shaayad ye pyar aisa hi hai…Shaayad badhte vakt ke saath ehsaas ho jaayega ki mujhe sach me pyar ho gaya hai.

Agar ye pyar hai bhi to kya ye thik hai…Kya mujhe pyar par bharosha kar lena chaahiye ki iss duniya me saccha pyar naam ka koi cheej hota bhi hai? Jitna bhi pyar dekha hai, suna hai sab dhokhebaazi aur bewafaayi me hi badal jaata hai…Kahi mai bhi wohi galti to nahi dohra raha hu jo Mahesh ne kiya tha?

Iss khayal se Sameer fir khayal me pad gaya.

Sameer:- Lekin har baar pyar ka manjil bewafaayi aur dhokhebaazi hi ho aisa jaruri to nahi…Priya kehti hai ki saccha pyar aaj bhi hota hai…Itna to yakin hai ki Priya mujhe kabhi dhokha nahi degi…Haa ye ho sakta hai ki wo mujhse pyar nahi karegi lekin wo dhokha bhi nahi degi…Uss par mai vishwas kar sakta hu.

Iss khayal ne Sameer ko yakin dilaaya ki sacchaa pyaar aaj bhi duniya me hota hai.

Sameer:- Agar sachaa pyar ho bhi gaya to kya faaidaa…Bahut jald hamaara divorce bhi hone wala hai…Aur fir wo mujhse hameshaa ke liye alag ho jaayegi.

Iss soch ne Sameer ke dil me ek dar paida kar diya…Fir khud ko sambhaal kar aatma vishwas ke saath usne kaha.

Sameer:- Nahi nahi aisa nahi hoga…Divorce ke liye abhi bhi 8 months bache hai…Bas ek baar yakin ho jaaye mai Priya se sach me pyar karne laga hu…Tab mai usko apne pyar ka ehsas dila kar hi rahunga…Usse itna pyar dunga ki wo mujhe chhod kar jaane ka sochegi bhi nahi…Mujhe khud par itna vishwas to hai.

Itna sochne ke baad Sameer ke chehre me santushti ke bhaaw aa gaye…Baaki ka faisla usne vakt ke haath me chhod diya…Wo jaldi se naha kar niche dining table ki taraf jaane laga.

Kuch hi pal ke soch ne uske dil aur dimaag me ye ehsas paida kar diya ki wo bhi Priya se pyar karne laga hai.

maa ke saamne sara bhanda hi phoot gay..................
rat ko 3 baje tak chht par batein
ab bat ko kitna bhi ghuma le...............maa to samajh gayi
aur unhone bol bhi diya ki bahu ke roop me unhein priya pasand hai

aur ab to sameer ne faisla bhi kar liya ki wo priya ko bhi pyar ka ahsas dilayega aur talak nahi lene dega
lekin use khud kab tak confirm ho payega ki wo priya ko pyar karta hai

keep it up

 

[kamdev99008]

UPDATE 112​

Lunch karne ke baad Sameer waapas apne room me aa gaya…Der se uthne ki vajah se wo office ke liye late ho gaya tha…Abb uske paas karne ke liye kuch nahi tha…Baithe baithe wo bore ho raha tha.

Kuch der aise hi baithne ke baad usne Rajesh ko phone karne ka socha.

Phone utha kar usne Rajesh ko call lagaya…Rajesh ka phone busy tha…Sameer ne 2 minute baad fir try kiya aur fir se wahi response.

2, 3 baar aur try karne ke baad bhi jab Rajesh ka phone busy hi raha to thoda sa muskuraate hue usne kaha.

Sameer:- Girl friend kya mil gaya…Ye to 24 hrs gf ke saath hi phone par busy hone laga.

Fir Sameer ne Mahesh ko phone lagaya…Iss baar phone me switch off ka reply aaya.

Sameer:- Ye bhi ajeeb ladka hai…Mobile aur Internet ke duniya se to jaise iska koi rishta hi nahi hai…Modern version of sanyasi…Kabhi kabhi mushkil se hi phone lagta hai.

Bahut ajeeb dost mila hai mujhe bhi…Ek ko gf se fursat nahi aur dusre ke paas mobile ke liye vakt hi nahi.

Itna keh kar Sameer ne mobile me fb on kiya…Kuch der fb chalane ke baad wo fir bore hone laga…Tv on kiya to usme bhi boring programs…Abb usse samajh me nahi aaya ki kya kare.

Kuch der yunhi wo room me idhar udhar tehalne laga…Usne chhat me jaane ka socha…Fir usne socha ki abhi dopahar me bahut garmi hoga.

Abb uske paas kuch sochne ke liye nahi bacha…Ghadi me dekha to 1:00 pm baj raha tha.

Sameer:- Karne ke liye abb kuch nahi hai…Bore bhi ho raha hu…Soo kar hi time paas karna padega.

Itna keh kar wo bed par chala gaya sone ke liye…Bed me laite 15 minute ho gaya fir bhi usse neend nahi aaya.

Vakt ke saath wo aur bore ho raha tha…Kuch der baad uske dimaag me achaanak ye khayal aaya.

Sameer:- Aise to aur bore hota rahunga…Priya ke room me jaana chaahiye…Uske saath baat karne se vakt kab beet ta hai pata hi nahi chalta.

Sameer itna keh kar vakt se utth gaya fir kuch sochte hue ruk gaya.

Sameer:- Lekin mai Priya se kya kahunga…Agar usne pucha ki mai kyu uske room me aaya hu to kya jawaab dunga?

Ye sawaal karte hue Sameer ruk gaya…Wo Priya ke room me jaane ka bahaana dhundne laga…Kuch der sochne ke baad usne kaha.

Sameer:- Keh dunga baat karne aaya hu…Bore ho raha tha to baat karne aa gaya.

Bekaar hi itna soch raha tha…Mujhe nahi lagta wo aise sawaal puchegi…Agar puch liya to jawaab de dunga ki aise hi baat karne aaya hu.

Itna keh kar Sameer Priya ki room ki taraf jaane laga…Aaj usse Priya ke paas jaate hue kuch alag sa feel ho raha tha.

Kuch der baad wo Priya ke room ke pas pahunch gaya…Gate knock karne ke liye haath uthaaya aur wo gate knock karne hi wala tha ki usne apna haath picche khinch liya.

Usse khud apni iss harkat ka vajah pata nahi chala…Wo apne man me thoda frustrated ho kar sochne laga.

Sameer:- (In his mind) Pata nahi kyu bevajah dar raha hu.

Itna keh kar usne iss baar gate me knock kiya.

Kuch der baad Priya ne gate khola...Priya ne Sameer ko iss vakt apne room me expect nahi kiya tha...Thoda hairaani se wo Sameer ko dekhne lagi.

Sameer kuch kehta usse pehle hi Priya ki room se Mrs. Sharma ki aawaj aaya.

Mrs. Sharma:- Priya...Kaun hai gate par?

Priya ko bahut der tak gate par khada dekh kar unhone pucha.

Priya:- Sameer.

Thoda hadbada kar jawaab diya Priya ne.

Sameer ka naam sunte Mrs. Sharma ko pehle thoda ajeeb laga lekin agle pal unhone soch liya kya vajah ho sakta hai Sameer ka Priya ke room me aane ka...Unhone kuch nahi kaha.

Priya ne gate thoda aur khol diya aur Sameer bhi andar chala aaya...Sameer andar jaate vakt soch raha tha ki usse andar jaana chaahiye ya nahi...Maa ki maujudgi me usse andar jaane ki himmat nahi ho raha tha...Lekin waapas lautne ka bhi vajah nahi tha uske paas.

Himmat karte hue wo room me chala gaya.

Usne dekha ki uske Maa bed ke ek side baithi thi...Maa ki yaha maujudgi ki vajah usse samajh me nahi aaya...Aur wo ye baat puchne ki haalat me bhi nahi tha.

Wo bhi jaake bed ke ek side me baith gaya lekin bola kuch nahi...Kuch der baad Priya bhi Sameer aur Mrs. Sharma ke paas aa gayi.

Priya:- Sameer...Tum yaha iss vakt...Kya baat hai?

Priya ne thoda serious ho kar pucha...Sameer pehli baar uske room me aaya tha dono ke iss room se alag hone ke baad...Priya ko laga jarur koi serious baat hai issi liye Sameer yaha aaya hoga.

Sameer:- Bore ho raha tha...Issi liye baat karne aaya tha.

Sameer ne kuch der baad jawaab diya...Wo soch kar jawaab de raha tha...Yaha Priya hi nahi thi jisse wo dil ki baat kar salta tha yaha par uski Maa bhi thi.

Mrs. Sharma:- Bore hone par tujhe Priya hi yaad aayi...Pehle to jab bhi bore hota tha mere paas aata tha baat karne ke liye...Priya aa gayi to tu bhi badal gaya.

Mrs. Sharma ne Sameer ki haalat ka majaa lete hue kaha.

Mrs. Sharma ki iss baat se Sameer aur Priya dono ke ajeeb sa haalat ho gaya...Dono ko kuch samajh me nahi aa raha tha ki kya jawaab de.

Sameer:- Nahi Maa...Aisi koi baat nahi hai...Priya se ek jaruri baat karna tha issi liye yaha aaya tha.

Sameer ne baat ko sambhaalne ke liye kaha...Lekin uska uska ye jhuth uske Maa se chhup nahi saka...Mrs. Sharma iss baar kuch nahi boli.

Kuch vakt beet jaane ke baad bhi khaamoshi pehle ki tarah hi kaayam raha...Koi kuch bol nahi raha tha.

Mrs. Sharma:- Tujhe Priya se baat karna tha na?

Sameer ko bahut der se chup dekh kar Mrs. Sharma ne pucha.

Sameer:- Rajesh keh raha tha ki uska aur Divya ka engagement hone wala hai bahut jald.

Sameer ne Priya ki taraf dekha aur kaha...Iss baar Maa ki sawaal se bachne ke liye usne jhuth ka sahara liya...Usse isse behtar jhuth mila hi nahi.

Priya:- Kya?

Sameer ki iss jhuth par Priya ko vishwaas hi nahi hua...Hairaani ke saath usne kaha.

Priya:- Divya ne itni badi baat abhi tak mujhe bataya kyu nahi? Bahut baatein chupaane lagi hai aaj kal.

Priya ne Divya se naarajgi jataate hue kaha.

Sameer:- Phone me puch lena.

Kuch der baad Sameer ne kaha.

Mrs. Sharma:- Tu itni der baad kyu jawaab de rahi hai.

Mrs. Sharma ko Sameer ke haalat ka majaa lene me bahut majaa aa raha tha.

Priya:- Sameer aisa hi hai aunty.

Iss baar Priya ne jawaab diya.

Mrs. Sharma:- Kaisa hai?

Mrs. Sharma Priya ki baat ka matlab acche se samajh nahi paayi thi.

Priya:- Ladkiyo se baat karne me sharmaata hai...Aur aise hi der se jawaab deta hai...Lekin dil ka accha hai.

Iss baar Priya ne bhi Sameer ka majaa lete hue kaha...Sameer ko Priya se aisi baat ka ummeed nahi tha...Usne Priya ki taraf dekha...Priya Mrs. Sharma ki najro se chhup kar Sameer ko dekh kar hansne lagi...Uske hansi se lag raha tha ki wo Sameer ko chhidha rahi hai...Priya ka ye hansi se Sameer ka thoda bahut gussa bhi gaayab kar diya...Fir bhi apne bachaaw me usne kaha.

Mrs. Sharma kuch bolti usse pehle hi Sameer ne kaha.

Sameer:- Mai kisi se bhi sharmaata nahi hu...Abhi mood thik nahi hai issi liye acche se jawaab nahi de paa raha hu...Love shove aise topic me mai believe nahi karta to fir sharmaane ki baat to aata hi nahi.

Sameer ne josh me jawaab diya...Josh me wo ye bhi bhul gaya tha ki Mrs. Sharma bhi waha maujud hai...Mrs. Sharma bhi dono ke bahas ka majaa le rahi thi.

Priya:- Sach mein.

Priya ne Sameer ko chhidhaate hue pucha.

Sameer:- Ha sach mein.

Sameer ne bhi Priya ki aankh me aankh daal kar confidently jawaab diya.

Priya:- Lekin mujhe to nahi lagta.

Sameer:- Aisa kyu.

Sameer ne bhi Priya ke andaaj me hi jawaab diya.

Priya:- Accha ek baat bataao?

Sameer:- Pucho.

Priya:- College ke time tum kitne ladkiyo se baat karte the?

Sameer:- Bas Shruti se.

Priya:- Tum Shruti se baat nahi karte the...Shruti tum se baat karti thi...Maine to tumhe kisi se baat karte hue nahi dekha...Yahi baat prove karta hai ki tumhe ladkiyo se baat karne me sharm aata hai.

Sameer:- Wo sharm ki vajah se nahi tha...Wo mera style aur attitude hai...Jo bhi mujhse baat karta hai ya karti hai mai bhi ussi se baat karta hu...College me Shruti ko chhod kar tumse aur Neha se hi baat hua tha...Tumse aur Neha se to fight hua tha...Baaki ki ladki bhaaw khaati thi to mai bhi ignore karta tha.

Sameer ne apni baat kehne ke baad usko Neha ki yaad aaya...Wo hi to thi jiski planning me fass kar Sameer ne bhool kiya tha...Usne socha ek baar principal sir ke ghar jaane ka.

Mrs. Sharma:- Accha abb mai chalti hu...Tum dono bhi ladna band karo.

Itna keh kar Mrs. Sharma apni jagah se uth kar jaane lagi...Unke chehre me muskaan tha jo keh raha tha ki unhone Sameer aur Priya ke iss fight ko acche se enjoy kiya.

Mrs. Sharma ki baat sunne ke baad Sameer aur Priya ko ehsas hua ki dono Mrs. Sharma ke saamne kutte aur billi ki tarah lad rahe the.

Sameer:- Acche se beijjat kar diya Maa ke saamne.

Sameer ne jhutha naarajgi dikhaate hue kaha.

Priya:- Isse beijjat karna nahi kehte hai buddhu...Isse majaa lena kehte hai...Aur dosti me itna to chalta hi hai.

Priya ne abhi bhi Sameer ko chidhaa kar kaha.

Priya ki aakhiri baat sun kar Sameer ke chehre me bhi ek muskaan aa gaya.

Sameer:- Dosti ka galat faaidaa utha rahi ho.

Sameer ne hanste hue hi kaha...Uska thoda bahut naarajgi Priya ki muskaan aur dost kehne se khatam ho gaya.

ab to maa ke samne hi aisi situation me fans gaya.............
oopar se priya ne poora juloos hi nikaal diya

waise maa ko maja aa gaya

bahut badhiya ...........hansta-hansata update

 

[Champ_AK_81]

ab mr sharma ko bhi in dono ke beech jo najar a raha tha use samne lane ka sahi samay najar a raha hai
isiliye unhone sabse pahle sameer ko maafi dene ka faisla liya...........usmein bhi priya ne aage badhkar pahal ki to...........unki soch in dono ke pyar ko lekar aur majboot hui

idhar unhone kal fir bat hogi kahkar...............ye saf kar diya ki ..........bat abhi khatm nahi hui hai.............
balki shuru hui hai

keep it up

Thanks Kamdev bhai for your support and review...Keep supporting.

 

[Champ_AK_81]

maa ke saamne sara bhanda hi phoot gay..................
rat ko 3 baje tak chht par batein
ab bat ko kitna bhi ghuma le...............maa to samajh gayi
aur unhone bol bhi diya ki bahu ke roop me unhein priya pasand hai

aur ab to sameer ne faisla bhi kar liya ki wo priya ko bhi pyar ka ahsas dilayega aur talak nahi lene dega
lekin use khud kab tak confirm ho payega ki wo priya ko pyar karta hai

keep it up

Thanks Kamdev bhai for your support and review...Sameer ko pyar ka ehsaas kab hota hai aage jald hi pata chalega...Keep supporting.