If you are trying to reset your account password then don't forget to check spam folder in your mailbox. Also Mark it as "not spam" or you won't be able to click on the link.
FantasyKaisa Ye Ishq Hai ~ Ajab Sa Risk Hai ~ Reload (Completed)
Issi ke sath Ishq Risk reloaded ka ye season poora hua. Next fantasy journey announce ho jayegi. Ummid hai pahle
"Arymani:- The Pure Alfa Between Two World's."
Yahi aaye... Jo bhi hoga purv suchna mil jayegi... Fihlaal end enjoy karenge... Aur kahani ka poora safar kaisa rahega wo ek baar jaroor sajha karen...
Filhaal Abhi vyast hun ek pure romantic journey par....
Ye kya bakchodi ho gyi idhar Nischal to apne grah pahuch gya aur Jivisa ko yaad bhi nhi pichle 2warsh me kya huwa kaise huwa shuruwat hi 1st part se alag hui bs Patra whi hai
Yatrigan kripya dhyan de Pune-Indore Express ki platform sankhya badal dee gayi hai.. Ab wo platform number 2 ke badle 5 par aayegi.. Aap ko hui asuvidha ke liye hume khed hai...
Jaise hi yah announcement hua, 40-50 ladkon ki bhid ek sath hungama karte huye kahne lage... "Huhhhh !!!! Ye railway wale, kha-m-kha pareshan kar rahe"…
Bhid ko awaj sunkar police wale daure chale aaye, aur tabhi wahan par ek ladka khada hokar kahne laga... "Aap sabhi followers se nivedan hai ki jyada shor na kare, isse madam ko aur any yatriyon ko taklif hoti hai..
"Huh, in railway walon ko to bus announcement karne aata hai.. aapko hui asuvidha ke liye khed hai".. Jaise hi yah announcement hua Jivisha platform kramank 2 se uthkar 5 par jane lali...
Bla ki khubsurat, jiske chehre ki chamak itni tej thi ki aas pass ke log na chahte huye bhi uske chehre ko dekhne lagte.. uski wo nili aakhen itni madhosh kar dene wali thi ki jis par najar bhar dhal'kar dekh le, wahin apne sine par hath dhal'kar baith jaye..
Is hushn par uske sarir ki banawat, bilkul chharhara badan, patli kamar aur aakrshit karne wale uroj.. kul milkar jise dekh'kar ek bar to gahri shwans khinch'kar khud se hi sawal karne lago… "Kaun hogi ye".. baki khatrnak armano ki to charcha he chhod dijiye...
Railway ki announcement par Jivisha gusse me uth'kar jab platform number 5 ke ore ja rahi thi, uske piche jane wale aashikon ki koi kami nahi thi... Aisa lag raha tha ek jagah ki puri bhid khali ho gayi hai…
"Alexa khyal rahe koi mujhe iriitate na kare aur na hi ashlil harkat. Aur abhadr comments huye to fir"… Jivisha ithla'kar chalti hui, usi ladke se kahne lagi, jisne announcement ke baad ladkon ki bhid ko samjha'kar chup karwaya tha, aur unhe shant rahne ki hidayat diya tha...
Alexa:- Don't worry Jivisha, mere hote huye koi dusra aise karne ki himmat nahi kar sakta.. .
Jivisha ghur'kar apne bayen dekhti... "Alexa, are you joking"
Alexa:- No miss !!! Alexa is in the mood of flirting...
Jivisha:- Alexa ab mai tumse baat nahi karungi…
Alexa:- To fir khana nahi pachega tumhara...
"Alexaaaaaaaa"…. Jivisha dhime se nakiyati hui kahne lagi... Pratikriya me Alexa ne smile dete kaha... "Looking aweosme today, smile please"…
Jivisha mobile thi to Alexa uske ghar ke bahar ka network. Bahar jahan bhi wo hoti Alexa usse company deta.. Haalanki uska naam kya tha ye to Jivisha ne bhi kabhi nahi puchhi, lekin ek wahi cute sa ladka tha jiski company Jivisha ko bahut pyari lagti aur uske javab dene ke andaj ko dekhkar uska naam Alexa rakh dee...
Jivisha pahunchi platform number 5 par aur jahan wo baithi wahan charo ore achanak he bhid bhad badh gayi.. isi bich dhuvan udati aur horn bajati hui train bhi pahunch gayi.. Jivisha jakar B3 coach ke pass khadi ho gayi…
Train lagi aur train se Jivisha ki sabse pyari saheli, Nandni apna bag liye utar rahi thi... Nandni jaise hi niche utri... "Kaisi hai meri Nandu"… Jivisha pure utsah ke sath gale lagti aur utni hi fiki prakriya ke sath Nandni, Jivisha ke gale lagti khud se hi kahne lagi… "football he bana de mujhe"…
"Arreeeeeeee, tu to kuch bol hi nahi rahi"… Jivisha, Nandni se alag hote hui kahne lagi…
Nandni:- Maine socha pahle tujhe hi pura bolne dun.. kyonki mai kuch bolti to tu bich me rok'kar mujhe kuchh kahne lagti.. iss se achha mai sochi tujhe hi mauka de diya jaye…
Jivisha:- Tera to ilaj karwana hoga Nandu, bahut tane dena sikh gayi hai...
Nandni kya javab de kuch samjh me he nahi aaya isliye bade aaram se kahne lagi, "Ghar chalegi ya saari baten yahin par kar legi"…
"Haan-haan, ghar hi to le jane aayi hun tujhe.… Aaaaaaaaaaaa... Pagal andha kahin ka, dekh kar nahi chal sakte"….
Jivisha, Nandni se baat kar hi rahi thi ki tabhi ek ladka daudta hua aaya aur dono ke bich se dhakka dekar bhagne laga.. jaise hi Jivisha chillayi, takriban 40-50 ladke ek sath chillaye... "Sale Jivisha ko dhakke markar bhagta hai.. pakad sale ko"…. Aur dekhte hi dekhte ladkon ki bhid daud'kar us ladke ko pakadne ki kosis me jut gaye...
Nandni:- Ab ye mat kahna ki ye bhis tere followers hai..
Jivisha:- bilkul sahi samjhi hai.. inme se tujhe koi pasand ho to bata dena... Teri setting karwa dungi..
Nandni:- Duffer kyon pran lene par tuli hai... Meri shadi pahle se ho gayi hai..
Jivisha:- Yaad mat dila fir tu, chupchap shadi kar li aur mujhe bataya tak nahi..
Pass hi ek piller tha, Nandni us piller par apna sar patakti… "sala kisne tere dimag ka reset button dabaya hai, uska gala ghont dungi main"…
Jivisha:- Aree aree aree.. mujhe Azad karwane wale ka gala ghontegi to mai tera divorce karwa dunga..
Nandni:- Mera divorce baad me karwana pahle apne aashikon ko sambhal...
Dono jabtak baten kar rahi thi, tabtak Jivisha ke aashikon ki bhid ne puri mehnat karke us ladke ko pakad laya, aur lakar Jivisha ke samne khada kar diya.. itne me he ek ladka sharmate huye... "Jivisha ise maine pakda"…
Najren nichi karke wo apne aediyon se jamin ko maslate is kadar Sharma raha tha ki Nandni aur Jivisha apni aakhen badi kiye use he dekhne lagi…
Jivisha:- Bhai tum pahle khud ko to sambhalna sikh lo... Aur tum sab aise bhid laga'kar.… Please irritate mat karo.. wo Alexa kidhar hai..
Nandni:- What !!! Alexa …
Jivisha:- Yes Alexa..
Nandni, apna bag uthati.. "Bus kar bahan chal yahan se ghar chalte hai.. tera pagalpan to din-w-din badhta ja raha hai"..
Jivisha:- Chup'kar, Alexa where r ju....
Alexa:- Present here..
Jivisha:- Alexa yahan ke bidh ko kinare karke is ladke ko meri car me bithao, akele me hisab kitab lungi ki ye mujhe dhakka mar'kar bina sorry bole kyon chala gaya..
Ladka:- Dekho mera naam Vyom hai.. aur mere piche log pade the isliye mai bhag raha tha... Ab chhodo mujhe aur jane do..
Jivisha, us ladke Vyom ko upar se niche tak dekhti… "Achhe mast hatte-katte gabdu ho... Chehre se thode pareshan jaroor dikh rahe ho lekin itne bhi nirash nahi lagte ki apna naam vyog rakh lo"..
Vyom kandhe ko jhatakte huye khud ko 2 ladkon ki pakad se chhudate…. "Bahut hi ghatiya kosis thi joke karne ki, chhodo ab rasta do, aur apne namuno ko sambhalo"…
Vyom, Nandni aur Jivisha ko kinare karte huye wahan se nikal gaya.. Jivisha uski baat par kuchh der tak sochne ke baad… "Alexa abhi ye kya bol'kar gaya"..
Alexa:- Tum bahut badi jhalli ho.. duffer ki synonyms ho..
Jivisha:- Alexa !!!!
Alexa:- Tumne puchha to bataya..
Nandni Alexa aur Jivisha wala drama dekh'kar jod-jod se hansti hui kahne lagi… "Wo ladka gaya bhi aur tu khadi khadi dekhti rah gayi.. chal ab"…
Dono thodi hi der me ek bunglow ke bahar khade the, jispar swarn villa likha hua tha… Nandni subah-subah pahunchi thi aur pura pariwar hall me hi chay par mil gaya..
Nandni ko dekh'kar lagbhag uska pura pariwar ander hi ander hans rahe the, jiski gawahi un sabke chehre de rahe the... Nandni un sabko dekh'kar apna bag darwaje par hi patakti… "Hans lo aap log lekin koi is nautanki ko mat samjhana"…
Jivisha:- Oye tu kyon itna chidhti hai.. dekh post graduation hum kar nahi paye to 2 sal sath rahkar kar lete hai.. kaun si badi baat hai...
"O bawri meri shadi ho gayi hai tu samjhti kyon nahi... Aur teri bhi to.." kahte huye Nandni khamosh ho gayi...
Jivisha:- Tu chill maar mere bade papa, Sudhanshu Rajput, ke yahan tera wo doctor aa sakta hai tujhse milne ke liye, itni chinta mat kar.. aur fir 2 sal ki baat hai, Kasak ke sath yun nikal jayenge.. tu thak gayi hogi aaram kar le...
Nandni apna bag lekar upar chali gayi aur Jivisha sabke bich baith'ti hui kahne lagi.. "Papa mai kya soch rahi thi"..
Papa Himamshu... "Haan beta tu kya soch rahi thi"…
Jivisha:- Mai soch rahi thi ki post graduation ke sath-sath na mai IPS ki bhi taiyari karun..
Himanshu apni beti ki baat sunkar chay me biskut dubo'kar kuch der chhodte huye... "Jivisha beta is biscut aur chay ki kahani se tum kya sikhi"..
Jivisha:- Yahi ki koi to gahri baat hai jo aap is chay me ghul chuki biscut ke madhyam se samjhana chahte hai.. shayad ye previous year ke IPS interview me puchha gaya sawal hai na papa..
Jivisha ka jawab sunkar piche se khi-khi ki awaj aane lagi. Itne me Swarn Villa Ghar ke sabse chhota sadsya aur Jivisha ke bade bhaiya Ravi aur Bhabhi Nandita ka Beta Chirag, apna school bag uthaye, honthon par "Tera hone laga hun, jabse mila hun" geet gungunate chala ja raha rha tha...
Himanshu:- Chirag yahan aa..
Chirag:- Off O dadu kitni baar bola hun ki school jate waqt distrub mat kiya karo, mujhe der se school pahunchne ki aadat nahi...
Maa Priya Rajput:- Mera ladla pota, kitni pareshani hoti hogi na tujhe dur school jane me.. yahan pados ka school bhi ab higher secondary ho gaya hai.. mai soch rahi thi, sixth class se baki ki padhai yahin pados ki school se kar leta..
Chirag:- Are nahi dadi, aap logon ke liye ek din school deri se chala jaunga, koi badi baat hai kya?
Himanshu:- Chirag ek baat bata, ye maine biscute dali chay ke cup me.. isse tu kya samjha..
Chirag:- Mere sath timepass kar rahe ho taki main school deri se jaun.. jab baat sajis ki ho rahi hai to aaj is ghar me faisla ho hi jaye..
Chirag ki maa aur Jivisha ki bhabhi Nandita, Chirag ko aankhen dikhati... "Juban jyada lambi hoti ja rahi hai kya, chal chupchap school ja"..
Jivisha:- Huhh ! Acha nahi hoga mere bache ko kisi ne chheda to.. betu tu school ja.. papa aap kya kahna chahte ho sidhe kah do na, baat kyon ghuma rahe ho..
Himanshu:- Isme baat kya ghumana hai beta.. jaise chay me biscute dubo'kar mai time pass kar raha, waise tu bhi IPS preparation ke naam par time pass kar rahi. Pahle bina chit kiye koi to exam pass kar le.. IPS banegi... Charprasi bhi ban jaye na to paun dho'kar pi lunga..
Jivisha apne dono hath aage dikhati… "Bas Mukhiya ji, itni bejjati aaj ke liye kafi hai.. Ab to mai jabtak Ips nahi ban jati .. tabtak sochungi ki kya karna hai.. lekin aap yah mat samjhna ki mai ye baat bhul gayi... Mukhiya ji ab junoon si hogi IPS banne ki..
Priya:- Best of luck beta.. IPS na bhi ban saki to gum mat karna… PS to pahle se hai..
Jivisha, apni maa Priya ko sawaliya najron se dekhti... "PS ka matlab maa"..
Priya:- Wahi beta jo tere naam ke aage suit karta hai.. Pagli-Sanki Jivisha.. short me PS Jivisha..
"Huh".. karti hui Jivisha wahan se uth'kar sidhe pahunchi apne ksmre me, jahan Nandni bistar par leti thi.. Jivisha uske pass let'ti.. "Ac compartment se aayi hai, fir bhi leti hai, chal uth.. pahle kuch kha le fir sona"…
Nandni:- Subah bhukh lagi thi to station par daba'kar bread omelet khayi thi..
Jivisha:- Chal na uth bhi ja, kitna soyegi.. din me so lena na... Mujhe tere sath dher sari baten karni hai.. aur tumhare doctor se bhi..
Nandni:- Mai bhi bahut sari baten karna chahti hun, lekin abhi ek nap le lene de.. Mere compartment me ek family thi aur unke gode me baby.. bechara baby andhre me rota tha aur light par wo khelne lagta.. ab wo khel raha tha to halla-gulla hota raha aur natija mai bhi uth'kar baith gayi..
"Mai tujhe bahut miss kar rahi thi.… Achhe sath wale waqt kitni jaldi bit jate hai na"… Jivisha kuch pal khamosh hokar kahne lagi...
Nandni, Jivisha ke ore karwat leti usse dhyan se dekhti.… "Tujhe sach me uske bare me ek lamha yaad nahi"..
Jivisha:- "Mai teri dost hun ya wo Nischal, jo tu har din mujhse yahi sawal puchhti hai... Pahle mai teri baat sunkar sochti thi ki mere sath wo "Sadma" film wala haal hua hai jisme shree devi pagalpan se thik hoti hai aur Kamal Hasan ko bhul jati hai.."
"Sirf tere kahne par mai apne ander ye feeling lati rahi 'ki nahi jiski chahat sachhe dil ki hogi, usse mujhe bhi pyar ho hi jayega'.. Isliye mai kayi dino tak yahi manti rahi ki mera bhi ek boyfriend hai jise mujhe samjhna hai.. lekin hua kya.."
"Kahan hai tumhara Nischal..… Kabhi-kabhi Nischal ke naam par tu mujhse khaffa si dikhti hai.. tere ander dikhta hai ki tu uski kami si mehsus karti hai.. Kya rishta kya nibhaya usne... Mujhe yaad nahi shyad mai pagalpan ka shikar thi, to fir wo kahan hai aur usse kyon kuch bhi yaad nahi.."
"Sach to ye hai ki wo jo koi bhi tha, uske jindgi se wo hisse gayab ho gaya, jisme hum the. Aur meri jindgi se un logon ka.. ek bus bich ki kadi tu bachi hai, jise sab yaad hai lekin koi fayda nahi, kyonki sachai tu bhi janti hai.. wo nahi lautega.."
"Mai to uske bare me yah bhi nahin kah sakti ki bhul'kar aage badh jati hun. Kyonki jab dimag me koi tasveer hi nahi to kya hi kar sakti hun mai.. bus tere liye mayus hai dil.. kyonki ek dost ki kami tumhe mehsus ho rahi aur mere rahte meri bahan aisi kami mehsus kare, aisa bhala ho sakta hai kya.. isliye tera rona band.."
"Haan samjhti hun ki ab tujhe jindgi ke dusre maze mil rahe kamini. Tu apne us nirdayi dost ko jo mujhse bhi badh'kar tha, usse tu apne pati ke sath chipak'kar bhi yaad kar sakti thi.. lekin mere pass tere wo bhi maze khatm.."
"Lekin janeman.. Are O Jumma, Meri Janeman.. jarra idhar to najre daal de.. Chumma De De Chumma… "
Kahti hui Jivisha apne honth dhire-dhire badhane lagi... Nandni hadbada kar uth'ti hui Jivisha ko takiye marti… "Tu kitni bhi sensible baten kar le, ant me aukaad par utar hi aati hai.…"…
"Abhi to sirf aukaad par utri hun janeman.. aage aage dekhti ja.. dil jigar jaan kahan kahan mai utarti hu"…
"Ae pagal.. tu dur hat.. lipatna-chiptna chhod"
"Ek dost to hun mai, to ab pati ki hi yaad aayegi na... La uss kami ko bhi puri kiye deti hun..."
"O jhalli.. bus kar tere rahte kisi ki yaad aa sakti hai kya... Mera bachpan laut aaya"…
"Pakka na... Ya jawani ke overdose ab bhi chadha hai"…
"Ab ye Jawani ka overdose matlab"
"Har baat ka matlab ho, kabhi-kabhi lay me betuki baten nikal jati hai.. punchline dekh bus.. jawani ka overdose.. mast hai na"..
"Tu pagal ho gayi hai"…
Kuch hi der me dono ki hansi us kamre me gunjne lagti hai... aur chahakti hui Jivisha ko dekhkar Nandni muskurati hui khud se kahne lagi… "Shayad aaj tunhare sawalon ka jawab nahi mere pass aur shayad kabhi na bhi ho, kise pata.. tu to hai na mere pass, mai isi me khush hun… wo bhi jahan ho khush rahe..."
Nice start bahut hi majedaar start hai story ki. Ab ye naa ho ki ye Alexa hi Nischal nikal jaaye jo ab Jivisha ke poraani yaadein khone ke baad ab uske saath nayi yaadein bana raha hai?
Fauj ke kayi 5 bade-bade jahaj ek unknown planet par utar rahe the.. Har viman ke upar saaf aksharon (word) me likha hua tha.. "Middle State Of Aizem Planet"…
Sare viman kisi Aizem Grah ke Madhya Rajya se the, jinke hajaron ke tadat ki sainya tukdi us jagah par utar rahi thi.…
Viman ke land hote hi sainik apne viman se bahar utar'kar ek katar bana rahe the. Har sainik jaise hi us jamin par apne paun rakhta, bus itna hi khyal unke man me aata, "Kya manhush si jagah hai"
5 katar me tukdi khadi thi, aur har sainik umda technology se laish hathiyaron ke sath khade the... Har katar ke sabse aage me uss tukdi Front Officer khada tha, aur un 5 Front Officer ko command dene ke liye ek Suzerain thi.
Sabhi soldier jabtak katar laga rahe the, Suzerain Meerasi apne ek chief officer Nizal ke sath char kadam chal'kar us jagah ka muvayna karne lagi.. khusk hawa, hawa me ret ke kan.. charo ore bilkul tapa dene wala tapman aur jahan tak najar jaye kewal ret hi ret...
Kuch hi samay me puri tukdi katar me thi, Nizal bhi aakar apni team ke sath khada ho gaya.… Aur Meerasi apne tukdi ko mission samjhati...
"Aizem ki Uttari seema walon ne humare rajya me isi planet ke kisi janwar ko chhoda tha.. Us janwar ka tracker tum sabke screen par flash ho raha hai... Har tukdi ko uss janvar ko chhip'kar dhundhna hai.. anukul mauka dekh'kar usse maar dalo aur sabse aham baat.… Uttari seema wale iss kshetr me ghuse the, is baat ka sboot dhundh nikalo, chalo jao jao jao jaldi se jao"…
Meerasi sabhi soldiers ko command dene ke baad apne commanding viman me gayi aur wahan se har kisi par najar banayi hui thi.. jaise-jaise ye kshetr explore ho raha tha, Meerasi ko apne air-conditioned viman me bhi pasine aane lage the...
Soldier tukdiyon ki vaman jaise-jaise us kshetr ko scan kar rahi thi, kafi visamtayen aur khuffnak si jagah dikh rahi thi.. Har 50 kilometre par yahan ki jalwayu aur kshetr puri tarah se badla hua tha...
Retila ilake ke samapt hote hi ek bahut lambi aur utni si chaudi nadi wahan se gujarati thi, jiske pani ki dhara itni tej thi ki wo ummid ke pare the.. Uske thik aage jungle aur pahad shuru hote the, jiske pedon ki unchai aasman chhute the.
Jungle bhi kafi ajib, jiske bare me na to aaj tak kabhi dekha aur na hi suna... Har ped takriban 2000 fit mota aur 8000 se 10000 fit uncha tha.. aisa lag raha tha building ke badle yahan ped hi khade rahte hai...
Unki sakhayen itni moti thi ki aisa lag raha tha wo sakha na hokar, 1000 sal purana koi bargadh ka ped nikla ho dayen bayen se.… aur har sakha par viman ke barabar ki chidiyon ne jaise ghosla bana rakha ho...
Shwansen to tab ruk gayi, jab soldier aircarft ko achanak hi dayen-bayen puri takat se modne pare, kyonki junglon ke aage badlon se bhi unche pahad the, jinme se kayi to sakriya jwalamukhi the...
Meerasi, apne opretor ko dekhti hui... "Kya isliye is planet ka naam, Final Planet rakhe huye the kyonki iski jamin par ruke to hum apne final place ko dekhenge"…
Operator:- Meerasi mujhe nahi lagta ki yahan ki jamin par utarkar, yahan ke kisi janwar ko le jaya bhi ja sakta hai... Wo janwar yahin ke kshetr ki kisi antriksh yatri ki galti se apne elaake me pahuncha hoga."…..
Operator aur Meerasi dono baat kar hi rahe the, tabhi samne ke screen par jaise hi najar gayi, Meerasi chillati hui kahne lagi.… "Abort the mission"… "I repeat abort the mission"…
Najron ke samne kaleja chid'kar bahar nikal aaye aisa drishya tha. Dur-dur tak jahan najar jaye bada sa sapaat maidan, jahan par the Final Planet par basne wale jiv...
Koi apne kaamsutra me laga hua tha, to kayi aapas me khel rahe the.. maidan ke is bhag me halke laal rang me nar aur halke pile rang me madayen thi, jo 5-6 ke jhundh me the aur aapas me kayi sare kamo me sanlipt the...
Maidan ke is hisse me kya ho raha tha uska aaklan karna bilkul hi muskil tha, kyonki ek najar jo wahan ke jiv ko dekh le, wo heart attack se mar jaye... Sabhi stanpayi (mammals), apne dono paun par khade hone wale.. nar ka pura sharir halke balon se cover the..
Unke sarir ki banawat to insano ki tarah hi thi.. purn nange insan jis swaroop me milenge, unki roop Rekha aur banwat bhi waisi hi thi.. kewal jo anter tha wo uske sharir ka rang jo halke laal aur halke pile rang ka pratit hota tha.. aur unka aakar...
Aakhen fat jaye unka aakar dekh'kar, kuch aur fat jaye dekhkar wo to anterman ki pukar hai. Baharhaal jo najron ke samne the... unka aakar kuch yun tha ki paun ka ek panja 15 fit ki lambai ka hoga.. unka sarir kam se kam 30 fit ka ilaka gher leta ho, aur unki lambai kam se kam 200-300 fit to hogi hi... dekhkar hi shwans tham jaye..
Alag-alag disha se urr'kar jaise hi pancho viman us maidani ilake me the, sabki fat'kar hath me aa chuki thi... Meerasi abort the mission kah to rahi thi, lekin wahan khel rahe bachon ne jaise koi urrta hua khilona pakad liye ho.. pal bhar me hi pachon viman wahan khel rahe bachon ke hath me thi, aur pal bhar me hi sab jamin par..
Jaise hi yah ghatna hui, wahan ke kuch niwasi ne dekha aur sab ek sath chillane lage... Kaan faad wo chillana tha, jise sunkar kya-kya fat chuka tha viman me baithe sainikon ka, wo to wahi achhe se explain kar sakte the. Un giant insano ka samanya roop se baat karna hi behra kar de, fir to ye log jod-jod se chilla rahe the...
Mission abort hone se pahle hi pachon viman chhatigrast hokar maidan me the aur charo ore se unhe giant insan ghere... "Sabhi abhi bahar aa jao"… Itna kahkar ek giant insan ne pachon viman ke bich khali jagah me mukka maar diya...
Mukka parne se jo wahan kampan aur awaj paida hui, uske bhay se sabhi apne viman se bahar nikal aaye.. har kisi ke chehre par dar saaf dekha ja sakta tha.. kayi sainikon ke halakh sukh chuke the to kayi apni paint gili kar chuke the…
3000 hazar ki bhid me chand logon ko chhod diye jaye to sab yahi soch rahe the ki paun ke niche kuchle jayenge ya chutki se masle jayenge..
Meerasi yah najara dekhkar oprator ko missiles activate karne boli aur viman ko unke ilake me lene ke liye kah di.. Meerasi ke order turant follow huye... 2000 fit ki unchai par Meerasi ne apne viman sthir ki aur upar se announce karne lagi... "Hum dushman nahi hain dost hain.. hum yahan kisi ko nuksan pahunchane nahi aaye, humare logon ko jane do"
Meerasi ki awaj niche pachon viman me lage bhonpu se gunjne lagi, jise sunkar wahan ki fijaon me paglon wali hansi gunjne lagi… Ek giant insan ne jhuk'kar apne mutthi me 4-5 sainikon ko utha liya aur uske pass wale uske sathi ne uske hatheli par tali baja dali...
Sabhi soldirs aise hatheli par chipak gaye jaise machhar ko markar chipka diye ho.. aur wo giant insan apni hathli wahan ke khade viman ke ore kar diya.. Meerasi ka khun puri tarah se khaul gaya.. ataack ke aadesh dekar Meerasi ne apne viman me loaded chhote missaile se humla kar di..
Niche se goliyan barasni shuru hui aur upar ke viman se missile... 5 minute me hi wo ilaka dhuwan-dhuwan ho chuka tha. Meerasi operator ko rukne kahi aur dhuwa chhatne ka intzar karne lagi..
Jaise hi wahan ka dhuwan hata, samne giant insan khamosh khade the.. unme se ek ne fir se apne hatheli par 4-5 soldier ko rakha aur uska dusre sathi ne tali dete huye sanbko hatheli par chipkate huye kahne laga… "Yahan kewal tumhara bahubal kaam aayega, baki ke hathiyar Jin tatvon (ingredients/chemical) ke bane hai yahan ke jalwayu unhe un tatwon me ghol degi"…
Meerasi ko aisa laga jaise wo sadme me na kahin chali jaye.. test karne ke liye usne ilaka saaf karne wala missile chhod dee, jo 20 kilometer ke kshetr ko malwe me tabdil kar deta, bina dimag me dusra khyal laye ki niche wahan uske log fase hai..
Missile chhuta aur agle hi pal kewal wahan dhwan hi dhuwna tha aur dhuwan jab chhata tab is baar sabhi giant hans rahe the. Is baar 10 giant ke hateli par takriban 150 se jyada soldier...
Tabhi achanak wahan hooting hone lagi.. sabhi soldiers ek sath chillane lage.. hatheli par bhi jo khade apni maut ka soch rahe the.. wo sab bhi siti bajane aur hooting karne me lage the…
Haan unki awaj bahut dhimi giants ke kano me ja rahi thi, lekin jaa jaroor rahi thi... Upar aasman me jab unhone dekha to Meerasi ki viman ke sath dusra viman bhi pahunch chuka tha... Unhe aisa laga jaise us viman se koi chhoti si chij chhalang laga'kar niche kudi hai, jo teji se unke ore badh rahi hai...
Niche sainikon ki dhimi aa rahi hooting par wo sab hansne lage, mano kah rahe ho "pagal kahin ke" aur agle hi pal har hatheli par tali tokhne ke liye unka dusra sathi taiyar tha...
Ye bada sa 20 fit ka panja hawa me ek sath aur agle hi pal aise laga jaise wahan ke mahol me khamoshi si chha gayi... 10 giant jo apne hath upar kar chuke the, jabtak apne hath niche karte, kisi ke bahubal ne un giants ki pariksha leni shuru kar di thi...
10 giant jo hath uthaye tali marne ko taiyar the.… ek ke baad dusre aur fir teesre ne mehsus kiya ki ek hawa ka patla jhonka unke pass aaya aur gaya.. aur itne hi der me unka vishal, sharir sar se lekar paun tak, kayi hisson me bantkar khun ki dhar chhodte huye jamin par gira para..
Uss Bahubali ne tabahi ka yah manjar, sabhi giant ke palak jhapkne se pahle hi dikha chuka tha.. 10 uthe hath jo apne sathi ke hath par tali ki thap dete. Wo sabhi hath niche aane se pahle kat chuke the...
Kisi bhi giant ke muh se awaj nikalne se pahle hi bhadi bhadkam maans ke lothre maidan me the, aur ek ladka apne logon ke bich sina tane khada tha, jiske bade se khanjar se khun tapak raha tha…
Sabhi sainik wapas se hooting karne lage.. charo ore.. Nischal, Nischal, Nischal, Nischal... ki gunj hone lagi…
Pal bhar ka hi samay to liya tha Nischal ne aur 200 se 300 fit se unche 10 tower ko wo apne khanjar se mahaj chand second me chid-faad'kar niche jamin par gira chuka tha... Unke pass itna waqt bhi nahi tha ki apni maut ki pira par chilla de.. Na hi Nischal ne unhe itna waqt diya ki pahle wale giant ke ander jab wo khanjar dal raha tha, to aakhri wala apni tali ki thap de de.. aisa laga jaise slow motion me 10 hath niche aa rahe the jo inch dar inche niche aate-aate kat fat'kar bikhar gaye...
Gahri si chinkhen aur gusse se pagal giant insano ka swaroop pal bhar me aaya.. aur tabhi Nischal apne viman me lage bhonpu se sabko sunane laga...
"Doston ye kanjar beraham hai... Ek baar jab katna shuru karti hai to fir tum dekhoge ki tumhari aabadi kam ho rahi hai, lekin kuch kar nahi paoge... Charo ore bebas sa mahol hoga aur mai tumhe chinkhne ka bhi waqt nahi dunga"…
"Mai har safar par apni aakhri manjil soch'kar nikalta hun.. jise bhi mere khanjar ka shwad chakhna hai wo aage aa jaye.. Aur yadi aisi chahat na ho to humne aapas me bahut khun baha liya, koi hai jo baat kare ya fir tum sabko kaat'kar hi mai apne logon ko yahan se le jaun"…
Ye to intergalactic story hai re baba. Apne Nischal bhau to Buzz Lightyear ban gaye le re baba. Waah bahut khoob nain11ster bhau. Interesting bhery bhery intresting.
Dono ki car apartment ke karib thi aur Jivisha, Ansh ke naam par Nandni ko chhed di... Nandni ko bhi aa gaya gussa aur usne de diya ghuma ke uske sar par.. pura baal bikhar'kar aa gaye aage aur jab tak Jivisha baal ko hatati, tab tak kinare khadi ek sport bike boundry wall ke upar thi.
Jivisha ne jaise hi car rok'kar bahar dekhne utri, uski car ki chabhi us bike owner ke pass... Bhadi bhid ka mahol aur wo ladka apni laal-laal aankhon se Jivisha ko ghurte huye...
"O pagal ladki, khadi bike thok dee... Teri to"…. Wo ladka ghurte huye kahne laga...
Nandni:- Tum wahi station par wale Viyog ho na...
Vyom:- Ae satkeli, jakar dimag ka ilaj karwa. Mera naam Vyom hai.. dono me se pahle ye bata ki gaadi kaun chala rahi thi...
Jivisha:- Sir, ab koi bhi chala rahi thi jane do na... Nadan ladki thi, galti ho gayi...
Vyom:- Jakar bike thik karwa'kar le aana aur apni car lekar chali jana, chal side hat... Sare pagal mere hi matthe hai...
Wo dusri baar mila aur iss baar bhi dono ko kinare karte huye chala gaya... Jivisha usse jate dekh... "Iss bande par na mujhe shaq sa ho raha hai"…
Nandni:- Kaisa Shak...
Jivisha:- Jyadatar filmon me fasane ke liye yahi trick istamaal hote hai... Mujh jaisi bholi-bhali aur khubsoorat ladki jiske lakhon followers ho, aakhir uske samne alag kaise dikhe isliye ye trick... Baar-baar najron ke samne to aao lekin attitude dikhate raho taki main usse notice kar sakun..
Nandni:- Wo to tune kar bhi liya, tabhi to uske bare me baat kar rahi hai...
Jivish:- Sale ye kamine ladke.. batao khud ko notice bhi karwa liya... Alexaaa... Alexaaa..
Alexa:- Gala kyon faad rahi ho... Yahin hun aur sab dekh liya maine…
Jivisha:- Alexa uski bike boundry se utar'kar pahle jaisa karwa dena aur bike uske muh par maar'kar car wapas le aana.. aur haan car me humare bag hain.. wo check kar lena...
Alexa:- Ducati hai, agency me thik karwane ke 5-6 lakh lenge kam se kam...
Jivisha:- hihhh !!! Hihhhh !!! Hiihhh.. 5 lakh.. bike me kya sona jara tha.. Alexaaa..
Alexa:- Bahar 10 hazar ka kharch lagega aur usse kuch pata bhi nahi chalega… lekin upar se utarenge kaise...
Jivisha:- 200-300 kilo ki bike hai, mere followers me se kisi ko bhi bol dena niche utarwa dene, mai uske sath ek cup coffee pi lungi...
Alexa:- Fir to lottery system karna hoga.. thik hai jao, 3 baje phone karunga, car lena...
Din ke 2 baje ke karib Alexa uski bike le'kar car ke pass pahunch chuka tha... Wo ladka Vyom akele me baitha cigerattee funk raha tha… "Dost apni bike le lo, aur car de do"…
Vyom usse upar se niche dekhte... "Hmmm ! Car me keys lagi hai le jao.. acha suno apni madam ko meri ore se sorry kah dena, apni niji samsya ke karan na jane usse kya kuch nahi bol diya"….
Alexa thanks kahte chalte bana. Jab wo Jivisha ko car lauta raha tha, Jivisha khush hokar uske dono gaal khinch dee... Chinies bulb ki tarah uski aaken blink karne lagi, aur khile chehre ki to baat hi alag thi... Jate-Jate aaj sham ki party ke liye Alexa ko bhi nimantran mil gaya...
Sham ke 7 baje ke karib Nandni taiyar hokar Jivisha ke darwaje par thi.. Puri tarah Saj sanwar kar. jitni khubsurat wo lag rahi thi utni hi hot bhi..
Hall me hi Nandni ki mulakat is ghar ke sabse jyada dilfek aur Jivisha ke dusre bhai Abhishek se ho gayi… Abhishek city bajate... "Aahhh si uth gayi Nandu tumhe dekh'kar, pub ja rahi kya?"…
Nandni kuch sochti… "Haan ja to rahi hun, tumne puchha nahi, shayad tumhe bhi sath liye chalti"…
Abhishek:- Jab mauka dena tha tab di nahi ab ghanta karunga, mai aunties par line nahi maarta… jao mauj karo..
Nandni:- What aunties... Bhagwan kare tumhari girlfriend se tumhara aaj hi break up ho jaye...
Abhishek:- Dayan tera diya shrap jaroor parega… jao upar mai chala nayi girlfriend banane, purani wali se to breakup pakka hai aaj...
Nandni uski baat sunkar hansti hui Jivisha ke darwaje par jaise hi pahunchi, thik ussi waqt Jivisha bahar aa rahi thi... Usse dekh'kar Nandni ka muh khula hi rah gaya...
Jivisha Black clour ki short gown pahni thi jo open shoulder aur ghutno se ek Inch upar tha... Ye kale rang ki paridhan me wo bijli to gira hi rahi thi, lekin sath hi sath uske paun, hath, gala, chehra sab aise glow kar raha tha mano diamond chamak raha ho...
Nandni:- Tu aise bahar gayi to log ek dusre ko kaat dalenge..
Jivisha:- Haan aur ye tera hot avtaar par koi ladka aahen nahi bharega.. jalkukri, Kaun sa planet tha wo...
Nandni:- Zoren
Jivisha:- Haan un Zoren walon ko experiment karne se kyon nahi roki.. Achha lagta hai jab apne deewane hazar ho. Lekin ye to shapit roop lagta hai..
Nandni:- Wo dava nahi li jo glow normal karta hai...
Jivisha:- Haan le li hun.. Aadhe ghante lagte hain usse bhi.. abhi li hai.. teri aur Abhishek bhaiya ki nok-jhonk par bhagi aa rahi thi...
Nandni, aankh maarti.… Nok jhonk nahi tha darling, usse mai chhed rahi thi..… bahut pareshan kiya tha na.. Wo chhod, ye bata ab tu kya karegi..
"Don't worry, sab ilaj hai apne pass" kahti hui Jivisha ne full body coat apne upar dali aur Complete face mask... "Ab bata kaisi lag rahi hun"…
"Tere bhai wala compliment de deti hun.. bilkul Dayan"….
Jivisha usse bag maarne lagi aur Nandni khilkhilati hansi ke sath sidhiyon se utarne lagi... Priya aur Nandita ghar par hi thi aur dono ki hansi kilkari aur nok jhonk sunkar aapas me kahne lagi.….. "zindgi me maine aaj tak kabhi aisi dosti nahi dekhi"…
Car chal padi disco ke ore. Jivisha ne raste se Alexa ko pick kiya aur teeno 10 miniut me disco pahunch gaye.. Disco pahunche to sahi lekin Jivisha ka pahnawa dekh'kar usse gate par hi rok liya...
Ajib duvidha, jiske bare me dono ne socha hi nahi tha. Alexa ek kadam aage badkar bhahr khade bouncer se baat karne laga, aur baton ke dauran hi badi safai se apna haath pichhe karke Jivisha ka hath tham liya...
Jivisha ka pura dhyan aage tha, Nandni bhi wahan ho rahi bahasbaji hi dekh rahi thi, tabhi uski najar ek jhalak Alexa ke hath par gayi, jo Jivisha ka hath thame tha... Nandni ko aisa laga ki kuch hua lekin jab dhyan di to samanya roop se hi haath pakde tha…
Alexa:- Koi baat nahi madam aap car me intzar kar lijiye, mai yahin khada hun...
Jivisha, Nandni ko lekar car tak gayi, ek baar face mask utar'kar dekhne lagi... Uski aakhen badi ho gayi.… "Nandu, ye to aaj 15 minute me hi Sara glow chala gaya... Not bad, chal chalte hai"…
Nandni Alexa ko lekar kuch to bhaanp gayi thi. Ek shak ka mahol jo paida ho chuka tha, "Aakhir ye ladka hai kaun, aur itne sare pichha karne wale ladkon me Jivisha kyon kewal issi se baat karti hai"….
Nandni inhi sab baton ko sochti pub ke ander thi.. tabhi wo apna gal pakad kar "aaw... Kamini" ki dhimi si awaj nikali aur ghur'kar Kasak ko dekhne lagi jo usse thappad maar chuki thi…
"Hello girls, and my dear friends.. ummid hai aap log ek dusre ko jante honge. Lekin itni hot aur beautiful ladki ko dekh'kar meri jaan'ne ki jigyasa badh gayi hai"… Kasak ke hone wala husband Sahil ne glass toast karte huye kaha...
Kasak kuch pratikriya deti usse pahle Alexa bolne laga.… "Miss Kasak is also lookin awesome and sexy... Jaisi cocktail me Deepika thi.. aapki dressing bhi same hai"…
Kasak:- Awwwww Cuteee !!! Kaun hai ye... Jo tum dono ko chhod'kar mujhe notice kar raha...
Jivisha:- Tujhme notice na karne jaisa kya hai... Upar se tera size...
Nandni khinch'kar ek sandel maari paun par, Jivisha bolte-bolte chup ho gayi.. Kasak khilkhilati hansti hui Jivhsha ko pichhe se gale lagati uske gaal ko chumti... "Mujhe ye Sahil kuch der apne bich nahi chahiye... Kuch baten hum teeno ki kewal... Wo bhi jaam ke sath"…
Kasak dhime se Jivisha ke kaan me kahi aur Jivisha hansti hui.… "Alexa, humare hone wale jiju ko hot girls se jaan pahchan karni hai... Mai chahti hun ki wo pahle in hot girls ke cute friend se jaan pahchan kare. Kahin aur jakar aapas ki pahchan badhao aur haan jate-jate 21 shots bhijwa dena..."
Alexa, Sahil ka hath khinchte... "Chaliye sir thodi jaan pahchan badhayi jaye"…
Bechara jaana to nahi chahta tha lekin jaana para. Unke jate hi teeno crouch par aaram se baithi aur unka drink bhi serve ho chuka tha... Kasak chupke se apne bag se achar nikal'kar table par rakhti... "Ye kanjar pub wale achar nahi dete"…
"Bewadi kahin ki" …. Aur khili si hasne ki awaj... Chhotu-chhotu glass ka ho gaya toast aur ye jaam gaya ander.. pahla Takila shot lene ke baad teeno ne achar chata.. fir dura shot.. fir teesra...
Back to back 4 Takila shots lene ke baad Kasak apni kaan pakadti... "Sorry aaj subah ke liye... Mai janti thi ki tu mere pass rukne aayi hai, lekin fir bhi maine wo utsah nahi dikhayi"…
Jivisha... "Pine ke baad log kahte hain sach hi nikalta hai, lekin jhuthi Kasak. Ye bhanda phod iss Nabdu ki bachi ne kiya hoga... Tu to bus mujhse khaffa thi, par aisa to hum dono ke bich jhagre me bhi nahi ho sakta ki tu mujhe roke na.. fir to abhi koi kand bhi nahi hua humare bich"…
Kasak:- "Mujhe laga tu 6 mahine tak sab se us Nischal ke wajah se kati hai... Ye thode na pata tha ki tujhe blank kar diya gaya hai aur mansik badlav ke karan pichhle 6 mahine se kisi se baat nahi kar rahi thi... Tu jab shant rahti hai to lagta hai sala jindgi shant ho gayi hai…"
"Galti meri bhi thi... Uss chutiye Sahil se affair ki vajah se apni bahan ko samjh nahi payi… kamini swarthi Kasak.… Isse dekh (Jivisha).. maine muh par kah diya ki maine jaan bujh kar subah jane diya, fir bhi ye samjh gayi ki mai jhuth bol rahi... Nalayak gadhi Kasak"…
Nandni:- Oye who are you jo humari gurumata ko ulta sidha bol rahi... Bawal ho jayega idhar..
Jivisha:- Exactly bawal ho jayega… waise bhi wo jo bita 6 mahina gaya uske liye kyon ro rahe ho… jo hona tha ho gaya… main hafte bhar pahle nind se jaag rahi thi.. aur jaise hi jagi... I am back…
Kasak:- Tu jara khadi ho...
Jivisha khadi ho gayi.. Kasak uske piche ek chamat lagati… "Gawn ke upar back ka pata kahan chal raha... Be like us... Logon ke muh khule rahte hai aur ander se awaj aati hai... What a superb back"…
Nandni:- ha ha ha ha... Ise chadh gayi re baba.. ghar le jao.. apni hi bahan ke back par haath saaf kar rahi.. iske irade nek na hai...
Kasak:- Pine ke baad kahe ke achhe irade... Khatm kar fir thoda dance floor par aag lagaya jaye...
Jivisha:- Are lekin wo hone wale Jiju...
Kasak:- Ghar jayega apne aur kya... Lekin ye cute sa ladka kaun hai… tera naya BF
Jivisha:- Nahhh ! Cutee sa sathi...
Kasak:- Waise jab tak tujhe Nischal yaad nahi aata tab tak tu bhi maze kar.…. Jis din wo yaad aa gaya... Tu to royegi re pushpa… kahan hai mera janu..
Nandni aur Kasak dono tali ka thap deti aur idhar Jivisha 2 Takila shots marne ke baad.… "Jab yaad aayega to mai kaun hoti hun apne aashu rokne wali.. Ye tum dono ke liye… Lekin main to blank hun, aur koi mera boyfriend hoga to tum dono ko koi aitraj to nahi na.….
Kasak:- Hum kyon rokenge janeman... Jab sab blank hi hai to enjoyyyyy kar...
Jivishsa:- Ohk kal hi boyfriend ka interview lungi…
Nandni:- Jhalli... Hayyy wo tera Alexa kitna chuteee hai, pahle usse mauka de... Usse dekh'kar Ji karta hai chum lunnnn...
"Fir mera kya hoga"….. Bin bulaye mehman.. Dr Ansh, Nandini ke pati achanak hi apni baton se sabki najar me aate...
"Awwww Dr sahab.. hum 2 saliyan hai na... Use chhodo, aur mere sath extra marital affair kar lo"…. Kasak Ansh ke gale me hath dalti boli... Itne me Jivisha, Nandni ko ek baar dekhti Ansh ke gaal chum li... Nandni hansti hui... "Oye Jhalli, itna to bhai bahan ko kiss karte hai.. mujhe jalana ho to lip lock se niche kaam na banega"….
Teeno nashe me aur bechare Ansh ki entry par hi usse dysentery hone lagi... Wo to janta tha isliye kisi tarah bach gaya aur khamoshi se jakar crouch par baith gaya... Bechara wo Sahil, Kasak ko Ansh ke sath chipakte dekh jala bhuna sa aaya aur jhunjhla'kar puchhne laga…
"Kaun hai wo jise tum log apne sath samil kar liye aur mujhe us pagal ke sath bitha rakhe ho... paka diya pura"…
Jivisha:- Hone wale Jijaji ek lip lock yadi aapne wo Umrao Jaan ka dance kiya to…. Dil kya hai aap meri jaan lijiye...
Alexa ne karke dikha diya... Bechara wo Sahil asmanjas me... Teeno ladkiyan haath dikhati.… "Karke dikhao, jabtak hum bhi thoda "Main Sharabi" song par jhum len"…
Nashe me dhutt teeno bevdi ne kuch jyada hi overdose le liya tha... Teeno khud ko deepika hi samajh lee aur serve karne wale glass table par chadh'kar jhumne lagi... Unhe dekhkar ladko ki to masti ho gayi lekin Pub ka nusksan utne hi shandar tarike se ho raha tha…
Mamla dekh'kar lady bouncer pahunch gayi pakadne aur teeno jaise pakdam pakdai khel rahi ho... Ansh apne mathe par hath maarte.… "Bade bhaiya…. Bina aapke entry ke idhar ab baat nahi banne wali"….
Itne me hi ek lady bouncer ne Kasak ko pakad'kar bori ki tarah hawa me utha lee aur tabhi wahan pahunch gaya Alexa… Alexa in suit and boot... Jay Hollywood aur chinies movie... Bruse Lee, Jakie Chain, Tony Jaa sabki aatma mix ho gayi ho...
Male ho ya Female bouncer, sabko ek najron se dekh raha tha… Kartab karte huye jo maar raha tha so to maar hi raha tha… Sath me "hiyaaaaa heeee" ki awaj jod-jod se nikalte, jo hi pub ka saman aur mahngi sarab ki bottol tod raha tha so alag...
Jabtak pura pub ujar'kar usse kabad me nahi tabdil kiya, tab tak ruka nahi... Aur jab ruka to kuch pal ke liye ladkiyon ki bidh me gum ho gaya... Na to Jivisha, Na hi Kasak aur Nandni ko dikha.… Aur jab dikha to ladkiyon ne uski haalat ujad di thi.…
Pura muh lipstic ke nishan. Court ke niche pahne shirt ke button pure khule huye... Aur sine par lipstic ke nishan... Teeno uski haalat dekhti hui taali bajane lagi….
"Deva he hal koni kele? Pub nahi vidhwa magni ekli (deva kisne ye haal kiya? Pub nahi vidhwa ki suni maang lag rahi)... Kaun hai re Brush Lee aur Jakie Chain ka fan... Bahar aao.… "
Pass ka thana prabhari puri force ke sath entry marte.. Tabhi teeno trideviyan jod se chillati... "Kasa aahes Ghorpade bhav"…. Unke saath badhaal haalat wala wo Alexa bhi hath utha diya…
Teeno ko dekh'kar wo inspector Ghorpade. apna sir pit'te... "Tuja mayla... Teeno.. lag gaye apne"….
Memory to Reset ho gayi hai... Lekin iske pichhe kaun hai ya fir kis tarah ka biological Karan hai, main nahi janta... Logon ne bataya ki kahani lallantop hai kintu Maine ab tak nahi padhi...
Apasyu, Jivisha ke najron se najren mila'kar dekhte huye... "Oh to uss raat ka kapda badalna ab bhi dimag me hai tunhare"…
Jivisha:- Dono baten hain mere dimag me... Ek to kudharti iss mahol me, mujhe kudarti libas me dekh'kar kahin guruji ki kaamo-uttejna to nahi badh rahi… yadi javab na hai to mera parda khinchna ya na khinchna koi mayne nahi rakhta.
Dusri yadi uss raat mujhe purn nagn awastha me dekh liye to aaj kya samasya. Rahi baat meri to main sab kuch hare baithi hun, isliye tumse koi laaj nahi aur main apne vichar me bahut clear hun.
Apasyu:- Tark... Aur tark jaal me uljhane ki kosis… chalo pallu upar karo mujhe kuch dikhana hai...
Jivisha hansti hui apne pallu ko upar ki. Apasyu, Jivisha ke karib aa'kar usse pichhe ghumaya aur pass pari saree ko apne hath me liya... Kya fatafat uske hath chale the.. Saree ke upar se saree pahnane ke baad, kandhe se pahle wali saree ko khinch'kar nikalte huye... "Ye hua tha uss raat.. aur maine kuchh nahi dekha tha samjhi"…
Jivisha, Apasyu ki nayab kala par muskurati hui kahne lagi... "Jhuthe, aaj na kewal saree thi jo tumne khinch kar nikal diya... Uss din maine, blouse bra aur niche painty pahan rakhi thi"…
Apasyu, Jivisha ke sar par ek hath maarte… "tumhe to puri detail chahiye.. kamar se tumhare antah vastr ko saree ke sath sil diya, saree khinchte hi wo bhi nikal gaya.. Upar pith par chaku chala'kar, blouse aur bra ko Kaat'kar sab khinch diya"...
Jivisha hansti hui wapas se Apasyu ke samne mud gayi aur iss baar puri saree khinch'kar nikalte huye... "Wo to man me uthe ek sawal ka javab hua, dusre ka javab..."…
Apasyu hanste huye uske sar par wapas se ek hath maar'kar, fatafat wapas se saree pahnate huye... "Mujhe aise dekhne me koi samsya nahi hai, basarte ki tunhare mann shant ho, aur ander ki bhavna shunya ho"…
"Achha aur apne premi ke sath apni bhavna shunya kaun rakhta hai... Tumhe to sab pata hai na"…
Apasyu:- Hum sudhh aatman yojan ke bich me hai... Tunhari aatma abhi mujh se judi hai to yojan samapti par tay hoga ki wo aatma mujhse kyon judi hai...
Jivisha:- Suddh aatma yojan... Ye kya hota hai...
Apasyu:- Wo Aacharya ji ka department hai. Koi aatma yahan ke mathh se kyon judi hai aur yahan tak le'kar aane wale ke sath kya sambandh hai, ussi ke vishay me ek anusthan...
Jivisha hansti hui.… "Baba ki umr ho gayi hai, unhe retirement de do. Yahan aane ka karan kuch kuch samjh rahi hun. Aur rahi baat humre sambandh, to iski bhi detail deni hogi kya.… Tumhara aur mera sambandh hathon me hath dal'kar duet gane wala hai... Ek dusre ke gale lag'kar, simat kar ek ho jane wala hai... Hoton se honth ko laga'kar ..
Apasyu:- Bus bhi karo… Ati-kamotejna jo tunhare bhav bata rahe... Ab jara iss manodsha ko turant kisi aur bhavna me badal'kar dikhao…
Jivisha:- Mera man nahi... Man ma emotion jaage re…
Apasyu, Jivisha ki ikchha aur ikchha shakti se bhali bhanti parichit tha. Isliye apne najron se lagbhag aadesh sa dete huye, turant manodasha badalne ka lagbhag hukum de diya...
Jivisha ko yog aur aadhyatm sikhaya gaya tha. Wo apni purn shakti ki ab jakari bhi rakhti thi aur uska niyantrit istamaal karna bhi janti thi. Saririk aur manshik dono bhavnao ko Jivisha utna hi niyantran me rakh sakti thi jitna Apasyu. Lekin Jivisha ke shavbhav aur chanchalta ko yog aur Aadhyatm se bhi sthir nahi kiya ja sakta... Ya wo khud hi apni chanchalta aur natkhatpan ko chhodna nahi chahti thi…
Khair, Jivisha apne man ki chanchalta ko bakarar rakhti hui, takriban 48 din baad mathh me apna aakhri ghanta bita rahi thi. Sudhh atma yojan samapti ke uprant Aacharya ji ne dono (Apasyu aur Jivisha) ki atma ke judne ko ek atoot mitrwar prem bataya.
Aacharya ji ki baat sun'kar Jivisha, Apasyu ke gale lagti... "Jis ke iye hriday me prem jaga, usse meri aatma ne apna saccha dost maana. Jindgi se aur kya manngu... Kyon baba humari jodi kaisi rahegi"…
Jivisha ki iss baat par Aacharya ji pratikriya dete... "Sudhh aatma yojan hai. Riste me aaye chhote sa badlav, bahut kuch badal sakti hai. Jivisha ye mathh apni guru dakhina me tumse 1 saal ke dhairya ka mangti hai. Tum sacche mitr ki bhavna ke sath apna safar aarambh karo. Saccha mitr ke sath saccha jivan sathi ki bhavna ek saal baad la sakti ho, aur tab tum purn samarpit ho sakti ho"…
Jivisha nakiyate hui kahne lagi... "Dono hi mann ke ander gup chup karke mere pyar par sal bhar ka pehra laga diye... Thik maine aapki baat maan rahi hun, lekin Apasyu ko bhi wada karna hoga wo mujhe kabhi chhod'kar nahi jayega. Pata chala maine dost bana'kar saal kaat liye, premi banane ka waqt aaya to gayab hai"…
Apasyu, kinare se hath badha kar, Jivisha ko khud se lagate.… "Main kahin gayab bhi ho gaya to tumhe kitna waqt lagega dhundhne me.…. Hum dono ki aatma mitwar prem se judi hai... Ek around the globe chakkar laga'kar bhavna bhi mitrwar prem se jod lete hain"...
Jivisha:- Ji gurudev, chale yahan se prasthan karen... chalti hun baba.…. Aati rahungi aapse milne..
Apasyu aur Jivisha kandhe par hath dale dost ki tarah nikle. Haalanki bol matr dene se Jivisha ki bhavna nahi badli thi, kintu wo issi me khush thi ki filhaal dost hi sahi, samne to hai Apasyu…
Dono sath me mathh se nikle. Ek baar pichhe mud'kar Apasyu, Aacharya ji ko dekha aur Aacharya ji muskurate huye apne mann me kahne lage…. "Jaisa aapne kaha wahi hua guruji... Agle maah ke anth tak aap prithvi bhramn par hain"...
Private jet wahan pahle se intzar kar rahi thi.... Dono private jet me sawar ho gaye.…. Plane apne unchai par thi aur ussi ke sath Jivisha ki shikayat bhi.… "Huhhh !!!! Koi yagya ya anusthan ke jariye kaise dil se jude riste ko badal sakte hain...
Apasyu:- Fir se shuru. Kya sach me tum iss par baat karna chahti ho...
Jivisha:- Haan, mera mann bechain hai aur isse santusti nahi mil rahi... Tum pass ho aur tumhe chum nahi sakti... Tum pass ho aur tumhare sath main apni har khushi batna chahti hun.. lekin aisa kar nahi sakti... Tum meri kasam kha kar kah do ki tumhe meri manodasha nahi pata...
Apasyu:- Hmmmm !!! Aur kuch jodna hai isme...
Jivisha:- Filhaal nahi, lekin tum jab dil ke mamle ko apne dimagi tark se santust karne ki kosis karoge, jo ki mujhe pata hai, tumne sochna bhi shuru kar diya hai... Aur soch'kar jab tum bolna shuru karoge uss bich me apne point jodungi...
Apasyu:- Smart.. haan.. chalo thik hai mere bus ek sawal ka javab de do, fir main tunhari har baat maan lunga.. wada raha...
Jivisha, khush hoti hui.… "Fir jaldi se puchho"….
Apasyu:- Prem me pana sarthak hota hai ya khushi se tyag karna...
Jivisha:- Sawal hi samjh me nahi aaya... Kuch example ke sath puchho taki main sawal ka thik-thik matlab samjh paun…
Apasyu:- Tumhe ghar me sabse pyara kaun lagta hai.…
Jivisha apne dono hath jodti.… "Gurudev udharan ke sath kahi thi sawal puchhne. Na ki sawal ke ander ek aur pechida sawal jodne....
Apasyu:- Sidha to sawal hai... Tumhe apne ghar me sabse pyara kaun lagta hai…
Jivisha aankhen dikhati…. "Matlab nahi manoge, iska bhi javab chahiye hi"… Apasyu muskurate huye haan me sar hilaya... Jivisha thodi narajgi dikhate.… "Main jitna prem apni maa se karti hun. Utna hi prem apni dost Nandu se. Jitna Nandu se prem hai..utna hi Kasak se... Aur jitna..
Apasyu, hanste huye.… "Itna jatane ki kosis kyon kar rahi ho ki tum sab ko ek saman pyar karti ho... Sidha sidha bol deti na"…
Jivisha:- Tumhare mann me koi doubt nahi rahe na isliye sab saaf-saaf bata rahi thi..
Apasyu:- Ab bahut jyada soche bina iska jabav dena... Tumhare pariwar se kisi ek ka marna tay hai... To wo kaun hoga...
Apasyu ka sawal aur agle hi pal pura plane aniyantrit. Apasyu muskurate huye Jivisha ki aakhon me dekhta raha. Pilot plane ko kisi tarah niyatarit karne ki kosis kar rahe the, kintu plane ko niyantran kar pana unke bus ki baat nahi thi...
Jivisha ka dhyan ekdum se toota. Agle hi plan plane niyantran me aaya.… "Kyon shabdon ke mayajaal me uljha rahe ho. Maine tunhari tarah yog aur dhyan me maharat nahi hasil ki hai, jo khud ko kabu me rakh sakun. Mat khelo mere sath... Pleaseee"…
Apasyu:- Tum sirf mujhse aakarshit ho. Aur yahi vajah hai ki jo tumhe prem dikh raha hai wo mujhe tumhare aane wale bhavishya ka dard dikh raha…… Bahut si baten iss waqt tumhe samjh me nahi aayegi.…
Jivisha:- Prem tyag ka naam hai... Pana swarth hota hai...
Apasyu:- Ek baar fir se kahna...
Jivisha:- Prem tayg ka naam hota hai. Kisi bhi haal me hasil karna swarth hota hai…
Apasyu:- Thats like a good girl... To ab kya irade hain…
Jivisha:- Sal bhar tak dost ban'kar tumhe tease karti rahungi... Aur kya… dosti me itna to chalta hai na...
Apasyu:- Best of luck… chalo ab smile karo...
Jivisha muskurane lagi. Apasyu, Jivisha ke sath pura waqt bitate huye, usse nayi-nayi jagah ghumane laga... Koi bhi jagah prakritik ya manav nirmit khubsurat jagah nahi thi. Balki dono duniya bhar ke khatarnak jungle aur viran pare tapu par pahunch rahe the jahan kewal pagal adventure lovers jaan hatheli par rakh'kar ghumne jaate hain..
Har jagah Apasyu tab-tak ruka rahta jab'tak ki Jivisha bina kisi shakti ke prayog se koi jaan nahi bacha leti... Har jaan bachane ke baad Jivisha ke ander ka romanch aur khushi, uska varnan nahi kiya ja sakta...
Takriban ek mahine ki khatarnak jaghon ke bhraman ke baad Apasyu, Jivisha ko le'kar apni sabse pasandida jagah Miyami pahuncha….
Miyami me uske khud ka ek double storey ghar tha, jisme dono ruke... Jivisha chahakti hui Apasyu se puchhne lagi.… "Dost ke sath Miyami me... Irade thik to lag rahe hai na"…
Apasyu, Jivisha ke dono kaan khinch'kar, uske sar ko ek baar bajate.… "Pagal Jivisha, sab bilkul thik hai... Yahan ek hafte ka kaam hai mujhe, so socha ek hafte ka aur waqt tumhare sath.. Iske baad tum yahan se Bharat laut rahi ho aur main yahan se kahin aur niklunga.
Jivisha:- Main bhi ghar wapas jane ka soch rahi thi, lekin akele nahi tumhare sath....
Apasyu:- Tum abhi ghar mat jana... Kuch Din tum Delhi rukna... Main apna kaam jald khatm karke Delhi aaunga…. Wahan kuch hai jo tumhe samjhana hai... Uske baad tum ghar chali jana….
Jivisha:- Mera sath chhod rahe ho...
Apasyu:- Sath na rahne se sath chhodna kaise hua..… ab tum aaram karo.… Uske baad Miyami ke jindadil beach ka luft uthana. Tumse sham me milta hun.…
Apasyu apni baat kah'kar nikal gaya... Jivisha uss ghar ko pura dekhne ke baad, kuch der aaram karne chali gayi.… Jivisha ki jab aakhen khuli sandhya ka samay ho chuka tha...… Aankh khol'kar jab bayen najar daurayi, table par 3-4 khubsurat dress rakhi hui. Jivish sabko utha'kar ek baar dekhi aur aur Apasyu ka naam le'kar chillati hui bahar aayi...
Apasyu, hall ke madhya me baitha coffee pi raha tha.… "Kab aaye"
Apasyu:- Kuch der pahle...
Jivisha:- Aa'kar jagana to tha….
Apasyu:- Jaag to waise bhi jati, fir socha nind kyun kharab karna.…
Jivisha:- Lagta hai abhi ke sdandrv me kah rahe ho. Lekin tumhare bolne ka andaz kahta hai jaise mujh se judi koi ahham baat kah gaye…. Chhodo, nind se jab jaagna hi hai tab aaj ki baton ka bhi matlab samjh lenge...
Apasyu, apne dono hath se naman kerte, muskurate huye apna sir jhuka diya. Jivisha khul'kar hanti hui apne hath utha'kar aashirwad dene lagi… thodi, si chhed-chhad aur masti-mazak ke bich kab raat dhalne lagi pata hi nahi chala...
Pahle mathh uske baad duniya bhar ke khatarnaak kshetr ka bhraman. Jivisha kayi raaton se puri nind nahi lee thi. Ghode bech'kar wo subah ke 9 baje tak soyi hui thi...
Apasyu bed tea le'kar uthane chala gaya. Jivisha aankhen khol'kar Apasyu ko samne dekh, khush hoti hui kahne lagi..... "Subah-subah swayam guru ji meri sewa me"…
Apasyu:- Pagal...
Jivisha, chahakti hui.…. Apasyu, tumhare aaj ka programe kya hai...
Apasyu:- Hai kuch kaam, 2 baje tak niklunga...
Jivisha:- Fir thik hai… abhi 10 minute me hum Miyami beach chalenge… koi dikkat...
Apasyu:- Mujhe to koi dikkat na hai... Lekin tum jitni chamak rahi ho... Tumhe bikni me dekh'kar Miyami me aag lag jayegi...
Jivisha, Nischal ko ghurti... "Bikni me aur main... Haan agar yahan tumhe, mujhe bikni me dekhna hai to koi gal nahi hai ji... Warna mai pradarshan ki chij nahi hun.. samjhe.. Waise thanks, maine glow par dhyan nahi diya... Abhi iss glow ko kabu karke aayi, jab'tak tum ready raho.….
Takriban 10 baje tak dono Miyami beach par the... Shandar music, jhumte log aur rang birange chhote-chhote vastr me ghumte yahan ke har umr ke purush aur mahilayen… "filmon me dekhna aur khuli aankh se dekhne me bahut fark hota hai Apasyu"…
Apasyu:- Haan so to hai...
Jivisha, beach ke hisab se siffon ki ek halki fulki dress pahan'kar beach side bed par tik'kar baithi hui thi. Apasyu bhi halke rang-biranga shirt aur shorts pahne thik Jivisha ke pass tik'kar baitha tha..
Dono beer ko ghunt-ghunt pite, sun bath aur Miyami beach ka najara le rahe the. Tabhi aisa hua ki ek kshan ke liye sabne jaise ek sath apni palken jhapki ho. Aur ussi ek kshan me, samundr se bahar uchhal'kar 2 jiv sidha land kiye... Ek Apasyu ke bed par urrti hui land ki, to dusra sidha Jivisha ke upar.…
Na Jivisha ko kuch samjh me aaya aur na hi Apasyu ko... Apasyu to shant hi raha lekin Jivisha apne upar urr'kar girte ladke ko dekh'kar jod se chinkh dee… Wo to achha hua ki wo ladka pura santulan bana'kar apne dono hath bed ke side se tika'kar, thik Jivisha ke upar tha. Wahin dusri ore wo ladki to balance nahi bana payi, lekin Apasyu ne usse apne hath se catch kar liya.…
Jivisha ki tej chinkh sun'kar wo ladka jhatke se hat'te huye charo ore hairani se dekhne laga. Lagbhag wahi haal Apasyu ke upar land ki hui ladki ka tha, khadi ho'kar wo bhi charo ore hairani se dekh rahi thi.… Idhar Apasyu aur Jivisha unke karan gile ho chuke the...
Apne gile kapdon ko dekh'kar Jivisha gusse se uss ladke ko ghurne lagi…. "Tum thik ho Jivisha"…. Aur thik ussi waqt uss ladke se ladki puchhne lagi… "Tum thik to ho Nischal"…
Ye urrte huye dono ladka aur ladki koi aur nahi balki Nischal aur Orja the... Apasyu aur Orja ne lagbhag ek hi waqt me dono se puchha… Jivisha Orja ke ore dekhti uske najron ka pichha kari, usne Nischal kise pukara aur Idhar Nischal bhi wahi kar raha tha.… Aur jaise hi dono ne naam ko confirm kiya... Ek dusre ko hairani se dekh rahe the...
Dono me se kisi ko, kisi ki shakl to yaad nahi thi, lekin 10-11 mahino me ek yahi to naam tha jo dono (Nischal aur Jivisha) sunte aaye the... Hairani ki koi seema nahi thi aur dono (Jivisha aur Nischal) ek dusre ko hi ghure ja rahe the.…
Apashu aur Jivisha ka relationship aur twist bahut hi shaandaar the aur saath mein ye jo Orja aur Nishchal ki entry wo bhi jabardast. Kuch alag hi swag hai Mr. nain11ster ka
Dono me se kisi ko, kisi ki shakl to yaad nahi thi, lekin 10-11 mahino me ek yahi to naam tha jo dono (Nischal aur Jivisha) sunte aaye the... Hairani ki koi seema nahi thi aur dono (Jivisha aur Nischal) ek dusre ko hi ghure ja rahe the.…
Iske purv Orja aur Nischal ek ajib hi duniya me fase the. Kekde se bhadi hui ek aisi duniya, jahan ek kekda jab upar nikalne ka sochta hai, to niche wala kekda uska paun khinch deta hai...
Un minar ki tarah dikhne wale parwat par basne wale jitne tim-timate log the, sab ke sab varshon se fase log, apna pariwar basa kar rahte the.… Minar'numa parwat Zero Point se upar jitna uncha tha, utna hi wo niche ke ore bhi gahrai tak jata tha...
Kisi mirror image ki tarah vyavstha thi... Upar sidhe the to niche thik ulte ho'kar log apne pariwar ke sath rahte the. Zero point ke 20 fit upar aur niche koi pariwar nahi basta tha. Niche ki duniya me rahne walon ko upar ki duniya ke bare me pata nahi tha aur upar ki duniya me rahne walon ko niche ke bare me...
Lekin dono hi duniya me fase logon me ek baat common thi, koi fasa hua nikalne ki kosis karta tab ye log unki koi madad to nahi karte, ulta kaam bigad'kar musibat jaroor khadi kar dete...
Ek to Nischal aquatic medium me asahay tha upar se 10 din to khud se wapas nikalne ki kosis me gujar diya. Ek matr taknik tha Nischal ke pass uska yaan. Yaan ke bahri hisse me lage jitne bhi button the unme pani ghus jane ki wajah se unka short circuit ho chuka tha aur ab bahar se darwaja kholne ka koi upay nahi tha..
Aquatic medium me koi bhi fasa hua insan baat nahi kar sakta tha, kewal Orja ko chhod'kar. Orja wahan fase logon se unke nikalne me madad maagi... 8-10 logon se majboot aur patli nukila hathiyar aur hathodi ki maang wo kar rahi thi, taki "one way" darwaje ko toda ja sake...
Utsahit log pahunche aur pure viman ko aise gher liye, mano chitiyon ke jhund ne chini ke ek dane ko gher liya ho. Nischal aur Orja ko to viman kahin najar hi nahi aa raha tha bus charo ore se log hi log najar aa rahe the. Aur jab wo log viman ko chhod'kar hate… pata chala pure viman me jahan se sambhav ho saka, chhed kar diye.
Pure viman me pani ghus gaya. Systen pura shud down aur ab wo viman dhatu (metal) ke dher se jyada kuch na thi. Nischal apne pyare se viman ki haalat dekh'kar un logon se jadap kar liya… ab ek ore pura gaanv aur dusri ore Nischal… sabhi gaanv walon ne mil'kar Nischal ko adhmara kar diya.
Wo to Orja ne turant sabke dimag ki band baja'kar ek taraf se sabko saja de dali. Sabhi log apna sar parwat ki dewaar par patakne lage, pagal aur bechain hokar idhar udhar bhatkhne lage... Matr 10 seconds me to Nischal ko admara kar chuke the, 5 second ka aur waqt mila hota to Nischal ka kya hota.…
Haan lekin Orja vikral roop le chuki thi. Itna ki Raja ko khud bich bachav ke liye aana para... Mamla shant karwa'kar unhone turant apne nayab healer ko bulaya, jiske samne wo Raja bhi apna sir jhuka leta tha...
Wah healer pahuncha. Jaise hi usne Nischal ki kalai thami, mano nabj ke jariye Nischal ke sare dukh-dard khinch raha ho. Chamri ke upar se Nischal ki ubhri hui nabj saaf dekhi ja sakti thi. Skin ke upar se hi teji ke sath badhta hua khun dekha ja sakta tha jo Nischal ki kalai ke nabj se ho'kar, healer ki hath thame hatheli me utar raha tha aur hatheli se hote huye wah kala dravya Healer ki kalai ke nabj me ulta upar ke ore chadhte huye bhi saaf dekha ja sakta tha... Ek adbhut kla, jiske tahat matr kuch hi pal me Nischal khud ko puri tarah se sukoon me mehsus kar raha tha...
Na jane aur kya adbhut najare iss pani ki gahraeyon me dekhne ko milta. Wah healer sabhi piriton ko heal karke wahan se chala gaya.
Viman hath se jane ke baad Nischal aur Orja tair'kar satah tak jane ki kosis me jute... Lekin doni kitna bhi upar kyon na tair le, dono parvat'numa minar ka hi upari sira tak nahi pahunch pate. Aur jaise hi sustane ke liye rukte sarak kar niche chale aate… itni shwans hi nahi thi ki ek baar me dono satah tak tair'kar pahunch pate…
Niche ke raste se tair'kar nikalne ki soche to 20 fit niche jane ke baad jaise barrier laga ho.. Wahan pahunchne ke baad niche ke ore tairne ke badle samne tairne lagte. Kitni bhi kosis kar liye lekin aur niche nahi jaa pate….
Duvidha aur chidh me Nischal ne apna 10 din gujar diya... 11we din Orja chahkti hui Nischal ke man me sandesh bheji ki wahan panchayat karne wali jagah par 5 aashan hai baithne ke liye... 10 aashan bana do taki jyada se jyada log wahan baith sake...
Nichal ne socha mere dimag me to kuch aa nahi raha, yahi karke dekha jaye. Fir plan bana. Orja ne chhote jinn ki tarah dikhne wale 3 inch ke cute se khatarnak jiv, jiska naam Metal Tooth rakhi thi, unse baat kar'ke dur daraj se patthar mangwaye... Wahan bich me 10 ke badle 50 aashan ki vayvatha karwayi…. Baithak ki nayi vayvastha karwane ke baad Orja ne Raja ko unke liye kiya gaye kaam ko dekhne ke liye bulayi...
Raja ne jab apne liye kiya gaya kaam dekha tab aag babula ho gaya... "Matr 5 mukhya log hai. 50 logon ko barabar bitha'kar humara apman kiya hai... Ab jitne log bahar jayenge, har ek ke liye 2 kaam kar'ke jana hoga. Aur yadi agli baar koi bewakoofi hui to 3 kaam nahi kahunga kar'ke jane... Fir sadaa ke liye yahin ka ho'kar rahna hoga"
Orja bechari mayus ho'kar Nischal ko dekhti hui jaise hi puri baat batayi, Nischal gusse me kahne laga.… "Kisi din inko aur yahan ke logon ko bahar kisi grah par le'kar jaunga aur wahan inhe bataunga ki mujhe pareshan karne ka kya natija hota hai"…
Kanij, lavan, dhatu, zero point par kuch bhi aisa nahi tha. Yun samjha jaye ki hawa ke bich me aapko kaun sa resource milega. Ab jab bich pani me the to wahan kya milna tha. Metellic Tooth ki madad se sar phodne ke liye kewal patthar hi mangawaya ja sakta tha...
Din bit rahe the aur ab to bahar nikalne ki kosis bhi dhire-dhire kam ho rahi thi. Unhi dino Orja ka dhyan ussi healer ne khincha, jise raaja bhi jhuka'kar salaam karta tha. Ek aisa mastishk jiske ander koi soch hi nahi thi..…
Orja ke liye kafi aaschrya tha. Yah baat usne Nischal ko bhi batayi. Nischal bhi yah baat sun'kar kafi hairan tha. Nischal ne kisi tarah uss se baat karne ke liye kaha aur Orja ne healer se sampark kiya. Lagbhag 6 dino ki kosis ke baad pahli baar wo healer kuch sun paya tha aur jawab me itna hi Orja se kaha.… "Abhi wo log kaun si duniya me hai"…
Orja kuch din purv ke jhadap ki yaad dilati hui kahne lagi ki "wo aur unke sathi ussi duniya me fase hai"…
Healer ne tab unhe bataya ki usse in sab ke bare me kuch bhi yaad nahi... Apne sawal ko thoda aur saaf karte huye uss healer ne tab puchha ki kya unka jahaj prithvi ke ore se pani me duba tha... Ya fir kahin aur se aa'kar fase the...
Uss healer ke sawal par Orja bhi saaf taud par bata payi ko wo log kaun si duniya me fase hain. Healer ne pahle to Orja ko dil se dhanywad kaha aur khushi ka izhar karte huye suchna bheja "Usse nind se jagane ka dhyanwad. Thodi der me sabha ki jagah par sab mile"….
Healer jab pahli baar in logon se mila tab uske chehre par ajib hi gusse ke bhav the... Healer dono (Nischal aur Orja) ke najdik jaise hi pahuncha, apne dono hath jod'kar Orja ko dekhate.… "Sambhavtah aap bhi yahan fase huye hain. Mujhe unke tilishm jaal se nikalne ka dhanywaad. Sala juhthe aur makkaron ki duniya hai ye aur yahan ke Raja ko to sahi waqt par iski saja tay karunga."…
Nischal Orja se... "Kya kaha usne"..
Orja:- Kafi gusse me hai, aur yahan ke shashak ko jhutha bol raha hai...
Nischal:- Uss se puchho kya wo yahan se hume aur humare logon ko nikalne me madad kar sakta hai...
Orja healer se.… "Tum kaun ho aur yahan kaise phans gaye"
Healer:- Lambi kahani hai, yahan se nikal'kar kabhi mile to mai bataunga... Lekin iss waqt kya tum meri madad kar sakti ho...
Nischal, Orja ko dekh'kar…. "Kya hua kya kaha usne"…
Orja:- Tehar jao, udhar usse sun'kar idhar tumhe javab dun, iss se achha hai mai jodti hun dono ko...
Orja apni baat kahti hui Nischal aur healer ko jod di... Aur kahne lagi... "Ab tum direct baat kar sakte ho"…
Healer:- Mujhse kya baat karni hai, main sab janta hun. Tumhare jitne bhi aadmi hai un sabke naam juban par rakhna… aur tab tak tum uss Raja se kuch mat kahna jab'tak mai nahi kahun. Bahut kamina hai wo yahan se kisi ko nikalne nahi de sakta... Ab bulao uss Raja ko...
Orja jaise hi Raja ko wahan bulayi, usse dekh'kar wo healer aankhon me khun utar'te, Orja se kahne laga.… "Meri baat iske dimag tak pahunchao, tum ek shabd baat mat karna"…
Jaisa uss healer ne kaha Orja ne kar diya. Idhar wo Raja healer ko inke sath dekh'kar bus khamosh hi khada tha.… Tabhi wo healer bola.….. "Vijaydarth dil to karta hai tumhari harkat ke liye tumhe abhi chid'kar yahan ke tillishm ko bhang kar dun... Bus hath bandhe huye hai.… Tumhare bharose yahan ke jiv aur insan surakshit hai"…
Raja Vijaydarth:- Aryamani, kshma kijiye lekin aap ko hum kho nahi sakte...
Healer Aryamani:- Main jab wada kar chuka tha ki yahan ke samast jivon ko main yahan aa'kar heal karta rahunga, fir mere sath hi chhal...
Raja Vijaydarth, apne dono hath jodte.… "Aap ek "Pure Alfa" hai, prithvi se jyada jaroorat aapki yahan hai.… Aap chaho to yahan ka Raja ban jao. Meri beti se shadi karke apna naya jivan shuru kijiye aur Raja ban'kar yahan ke palanhaar baniye"…
Aryamani:- Baton me na uljhao.… Tumhare kiye ki saja mai wapas aa'kar tay karunga.. Abhi yahan mai, mere sabhi sathi... Ye ladki Orja, aur iske sabhi sathi yahan se niklenge... Bina koi ek shabd bole tum ye abhi kar rahe ho... Orja aap kewal apne sathi ka naam boliye... Pahle wo log yahan se prithvi ke satah par jayenge, fir aap dono ke sath mai apne sathiyon ke sath niklunga...
Orja ko Nischal, sare naam jaise-jaise batate gaya, wo log sab ek-ek kar'ke unke najar ke samne aate gaye aur iss se pahle kuchh baat ho, sabhi log pani ke niche badi teji se khinchte huye chale gaye.
Sabse aakhir me Aryamani aur uske doston ke sath Nischal aur Orja bhi Zero Point ke niche khinch gaye aur upar aa'kar Nischal ke liye ek bada surprise intzar kar raha tha...
Butt (ideol) bane the kuchh der Jivisha aur Nischal… tabhi Orja, Nischal ke ore dekhti... "Chalo yahan se abhi"… Nischal ka dhyan toota aur wo Orja ke ore dekha... Tab-tak Apasyu apne beach side bed se khada hote.… "Main yahan se ja raha hun Jivisha"…
Jivisha bhi khadi ho'kar teji se Apasyu ke sath hui, aur uske kandhe se lag'kar, apni bahen Apasyu ke kamar me samet'kar… "chalo chalte hain"….
Jivisha bina pichhe mude Apasyu ke sath nikal gayi. Idhar Nischal ka khoon khaul utha.… "Mujhe to yaad nahi, lekin ye to meri sacchi jodi thi"…
Orja:- Kya sach me yahi sacchi jodi hai tumhari, kyonki Jivisha naam ki kayi ladkiyan ho sakti hain…
Nischal:- Nahi yahi thi... Dekhi nahi mera naam sun'kar wo bhi mujhe ghur rahi thi...
Orja:- Kisi ke upar giroge to aise hi ghuregi na.… Sabhya log the warna maar pit ki naubat bhi aa sakti thi...
Nischal:- Aise paristithi me fir yahan ke najare hi kuch aur hote... Pata karo ye wahi Jivisha hai ki nahi…. Mai yahan nahi tha to dekho kaise kisi gair se lag'kar uss se chipki hui hai...
Orja apni badi si aakhen kiye ander hi sochne lagi….. "Shabash, 4 jodiyan bana'kar puri rangraliyan mana aaya aur yahan bahen dale dekha to apna aapa kho gaya... Kamal ki mansikta"…
Nischal, Orja ko hilate... "Kya hua kahan gum ho gayi"…
Orja:- Soch rahi thi, yadi ye wahi Jivisha hui to tumhe nirasha hath lagegi na...
Nischal:- Main sacchi mohabbat ke viyog me rahun aur wo khush rahegi kya? Pata chala ye meri Jivisha hai to agle hi pal mera khanjar hoga aur samne wo ladka... Aur tab mere ander koi raham nahi hogi.…
Idhar Jivisha, Apasyu se laga'kar apna sir uske sine par tika dee. Jivisha ko yakin tha ki ye wahi Nischal hai jiske bare me Nandu, aur Kasak ne itni baten batayi thi. Aaj jab kisi ladki ke sath tha to pahchana nahi… Bus bahut hua sochna, wo apni duniya me khush hai to main bhi apni duniya me khush hun... Bus kabhi bhul'kar bhi ab mere samne purani baat le'kar na aaye, warna jaan bachane wale ye hath ek dhokebaj ko jaan se to maar hi sakti hai"….
Tongass national park, jise Alaska national rainforest ke naam se bhi jaana jata hai. Ekant me faila kayi 100 kilometer ka ye jungli kshetr, apne tarah-tarah ke maans bhakshi jaanwar ke liye jana jata tha….
Shayad aaj fir koi bhukha jaanwar kisi insan ko daboche the. Jaanwar bhi koi aam nahi tha, char paun par 15 se 20 fit uncha, kale chankile rang ka. Uski 6 fit ki punchh kisi januk ki tarah patli aur dhardar aisi ki ek hi waqt me mote ped ko aasani se kat'kar gira de.…
Uska panja hi itna chauda tha ki kisi insan ka pura chehra hi dhak jaye... Ji bilkul, yah koi prithvi ka jaanwar nahi tha, balki Zoren se prithvi aaye 1000 log, apne sath ye jaanwar laye the jiska naam Adrishi tha. Adrishi isliye koinki kewal marne wala hi iss janvar ki jhalak dekhta, warna ye Mr India ki tarah gayab ho rahta tha...
Alaska ke inhi junglon me Adrishi apne shikar ko daboch kar niche litaye huye tha... Adrishi jaanvar apna bada muh faad'kar apne shikar ko aise dekha, mano bus agle hi pal apne sikar ka pura muh apne daaton ko biche fasakar apna muh band karega aur jabde ke bich fasa aadha chehra makkhan ki tarah chap se uske muh ke ander hoga. Njche jamin se tike sar ke sath bus upar se khun ke fawaada chhota chehre ke bacha kuchh ansh hota…
Aadrishi janvar apne shikar ka muh jhapatne ke liye apna khula muh teji se niche le'kar aaya aur niche leta uska shikar Sawalker, yani ki bade bhaiya ki aakhen band hi gayi aur dimag me kewal itna hi.… "Hey deva"….
Aary baba bhi aa gaye kahani mein, waah re hamare xforum ke Rohit Shetty Mr. nain11ster, bahut sahi apna ISG (Intergalactic Superhuman Group) bana rahe ho.
"Hawa ka swad to humne chakhya... Jamin ka swad ab Nilbhut aur Dridh Aayu Rastr ke log tumhe chakhayenge... Aur unke shashak aur Shashika jab tumhe maut ke darshsn karwayege, tab aaj tum mishrit paidaish ko apna vansaj kahne wale Astak ke dil me bhi khauff paida ho jayega.… Jao maut tumhari pratiksha me hai"..
5, 6 din beet chuke the. Jivisha ab bhi ekant vash me hi thi..… Usne bahar aane se mana kar diya tha. Iss dauran wo Shwetna se 2 baar mili iske alawa wo kisi se bhi nahi mil rahi thi. Baki mahal ke jis bade hisse me Jivisha thi wahan kewal dragon baby aa-ja rahe the...
Ladai wale din Nischal ek jhil ke kinare baitha hua tha. Kayi sare dragon baby pet bhar machhli kha'kar wahin Nischal ke pass hi lot-pot kar rahe the... Kuchh dragon baby thode bore dikhe aur unhe shararat sujhne lagi. Koi Nischal ke baal khinch raha tha, to kisi ne Aag ka chhota sa spray uski ungli par kar diya...
"Abe baap ke dushman, apni maa ko ja'kar bolta kyon nahi ki wo itne din se sok me kyon hai???... Janta sok ke sath-sath ab to mujhe patni sok bhi hota ja raha hai"…. Nischal apna sar ghuma'kar un dargons baby ko aankhen dikhate huye kahne laga...
Sabhi dragon ek katar banate huye apna sar uncha karke, apni aankh Nischal par gurraye aur gusse se dekhne laga… Nischal bhi unhe hul dete... "Chal nikal le beta warna baap ko hul dena manhga na par jaye"…
"Bus bhi kar in bacchon ko dantna... Jise daantna chahiye usse to kuchh kah nahi pate"…. Nandni, Nischal ke pass baith'ti...
Ek Kinare se Ansh uske pass baitha aur beer ki ek bottol badhate.… "Kya baat hai Jivisha ka khunnas uske bacche par nikal rahe"…
Nandni, Nischal ke sar par hath ferti... "Kya hi kare bechara... Suhagraat ki subh muharat bit gayi aur iska subh milan na hua".…
Nischal:- Kamine ho tum dono miyan biwi... Hat yahan se, mazak urrane aa gaye...
Ansh:- Ab maine kya kar diya jo mujhe khinch rahe ho isme...
Nischal:- Bahut dhil de rakhi hai aapne doctor sahab... Biwi ko control me rakho..
Nandni:- Tu to rahne hi de re jodu ke gulaam. Aaj tak kabhi teri himmat hui hai Jivisha se kuchh kahne ki... Iss jaisa lover na dekha hoga Ansh...
Ansh:- Kaise..
Nischal:- Bus bhi kar maze lena, warna dono ko niche jhil me fenk dunga..
Ansh:- Chup karo Nischal... Janu tum kuchh lover ke bare me kah rahi thi...
Nandni:- Arree pahli mulkat me hi iski madam ko love at first site hua aur wo isse.…
Nischal, Nandni ka muh apne hathon se dabate... "Tu kuchh nahi bolegi samjhi... Samne screen par dekh, action shuru hone wala hai"…
Ansh bada sa 100 futiya screen par samne ka najara dekhte.… "O' teri ye to lag raha hai 8, 10 lohe ke grah move kar rahe hai"…
Nandni bhi apni aankhen badi karti hui... "Abe ye kya hai... Ye jahaj ka beda kya hum par humla karne aa rahe hain"…
Nischal:- avrage viman ka size 600 meter² bhi maan le. Dark universe ke 40 carore viman hain total soch le kitne kshetrfal me faile honge. Aur unpar lagbhag 2400 caror log sawar hai…
Nandni:- Ye sala Astak mental ho gaya hai kya???...
Ansh:- Kayi carore kilometer tak kewal viman hi viman faila hua hai kya???... Ye sab kya pure universe par dadagiri karne aaye hain???...
Nischal:- Naah.. ye sirf Zoren par humla karne aa rahe hai...
Nandni:- WTF,... Itne viman ki to parking na hogi pure Zoren grah me... In salon ke pass dimag ka abhav hai kya???
Ansh:- Kash inke mukhiya se baat kar'ke puchh sakta… kyon be mental, ye fauj bheja hai haahaakaar...
Nischal, beer ki bottol aage badha'kar toast karte…. "Haan to hum live commentary karenge, aur yadi jit rahe honge tab Astak se bhi contact karenge...
Nandni:- Oye mujhe na marna hai abhi... Mere abhi bacche bhi nahi huye hain... Ek beta aur ek beti to chahiye hi.… Mujhe na marna...
Nischal:- Tera to waise bhi jyada charbi wala maans hai... Maze se tujhe hi pahle chabayenge...
Nischal hanste huye Doctor sahab ke sath hi-fi karne laga aur idhar aa gaya Nandni ko gussa... Aisa dhakka dee ki Nischal sidha pani me chhapak... "Pagal bhinga dee pura.… Doctor sahab ne bhi to hi-fi kiya tha, usse to kuchh na kahi"..
Ansh:- Nahi Nandu wo hum dono ke bich aag laga raha... Jalta hui hume dekh'kar.…
Nandni:- Baby kudo...
Ansh:- Kya???
Nandni:- Ya to kud jao ya mai pichhe aag lagwa dun... jarra aaju baju dekh lo... Aur kudo...
Ansh bechara apne charo ore dekha, charo ore udte dragon babies hi najar aa rahe the... Majboori me wo bhi kud gaya.…
Niche se ek paun Nischal aur dusra paun jaise hi Ansh ne pakda, dono ko unke hisab se jhannatedar jhatka laga... "Agar dobara pani me khinchne ki kosis kiye na to dekh lena"…
Ansh:- Ye to galat hai hume bhinga'kar khud bahar baithi ho...
Nandni:- Baat ko samjho baby, fir kabhi hum pool party kar lenge...
Ansh upar aa'kar ek aur beer ki bottol kholte... "Sarasar nainsafi. Hume bhinga'kar tum upar rahi aur jabardasti kiya to power istamal kar rahi ho"
Nandni Ansh ke kaan me kuchh kahi aur wo "Ohhh" karta hua "Sorry" kah diya. Dono hi muskura'kar ek dusre ko dekhne lage... Tabhi Nischal dono ki nautanki dekhte... "Ab ye to had hai doctor sahab... Kaan me Nandni ne aisa kya romance ka mantr foonk di, jo sikayat se sidha romance par utar aaye"…
Ansh, Nandni ke aankhon me khote... "Bechari ne ander bra nahi pahna hai"…
Nischal apne muh par hath rakh'kar hansne laga aur khoye se mahol me jab doctor sahab ko dhyan aaya ki wo kya bewakoofi kar chuka tha... Tab'tak Nandni uske baal noch'kar wahan se ja chuki thi...
Kuchh der baad jaise hi wo wapas pahunchi.… "Ab pani me kudne ki taiyari se aa gayi kya???"
Nandni:- Pagal ho dono.… Besharm kahin ke.. Screen par dhyan do. Dushman lagbhag dware khade hain..... Unke viman 3000 km ke dayre me aane wale hai… ruk main HuYu se sampark karti hun...
Jaise hi upar space me line connect hua.... "HuYu dar to nahi lag raha hai"…
HuYu:- Bus bhid hai itna hi kah sakte hain... Baki abhi pahla focus unke teji se aage badhne ki gati par break lagaana hai...
Nischal:- Jitna ho sake utna sambhalna... Zoren me najdik jab ye aa jaye, fir unko niche utarne ka rasta de dena... Yahan Shwetna apni poori taiyari me hai… Aaj ka yudhh khatm hone tak inhe joker na ghoshit kar diya tab kahna...
HuYu:- Oh ho aisi baat hai kya... Bus ek stretgy complete ho jane do fir main Middle Universe aur Dark Universe ko ek sath connect kar dunga... Ye dark Universe wale jitna khud ke sarvshresth hone ka dhol pite hain... Poore universe me samne ek shandaar bejjati to ye deserve karta hai...
Nandni:- Wada raha, iss Astak ki bejjati karne me koi kasar na chhodungi... HuYu bus dhyan rahe ki iss baar apni yuddh niti koi chura na paye...
HuYu:- Pura visuals control kar raha hun… uske alawa pura ka pura inka contact pranali thap karne wala hun... Main ek viman se dusre viman tak information na pahunchne dun.… Bus apna stretgic part sab plan ke hisab se ho... Tab jakar main poore universe ko connect karunga... Taki dushman se le'kar dost tak sab humare air-strike dekh sake...
HuYu ke sath baat'chit ho hi rahi thi, itne me Aasis aur Abhishek ka humla shuru ho gaya... Nandni ne missile ko jab sub-missile me toot'te dekhi... "O' teri ye kiska idea tha"...
Nischal:- Aur kiska, jo sena ko command de rahi hai ussi ka.... Hawai yudhh me Serin jaisa sena nayika poore universe me nahi hai.…
Nandni:- Ye Middle Universe me sabhi kanjar planet hai kya??... Yahan 6000 palnet se matr 80 lakh viman aaye aur wo Astak walon ne to jaise poore universe par hi kabja karne layak viman ka beda laye hon...
Nischal:- Unhe tadat me yakin hai aur Serin ko apni ran'niti me…
Yudhh shuru hote hi shwans tab tham si gayi, jab missile ka jakhira upar me kayi hazar kilometer ki chhat banate, Viggo viman ke ore badhe... Nischal, Nandni aur Ansh teeno hi apne shwans thame bus screen dekh rahe the...
Lekin kuchh hi pal baad, teeno apne beer ki bottol takrate huye jhum uthe... Astak vansaj dwara chhode gaya missile jab kuchh hi dur aage ja'kar blast hona shuru hua, fir to Serin ki poori ran'niti ne vansaj sena ke caroron kilometer tak faile jahaj ke bedon ko hi naap diya...
Ek kusal sena nayika ke jaal me Astak ki ant'hin fauj ka ek bada sa hissa lapeta ja chuka tha... Fir to rahi sahi kasar Luna ne apni kashmta se poora kar dee, jab uske command ke 18 lakh ladaku viman, najdik se vansaj viman ke sar par nishana laga'kar badhte chale ja rahe the...
Vansaj sena ke king size caroron viman VS Luna ke command ke piddi se viman... Jo Astak ke bade viman par ek missile daag deta... Javavi karyavahi me jab Luna ke sianikon par humla hoti... Wo teji se upar niche hokar kartab dikhate wo vansaj sena ke 2 bade vimano ke bich se aisa nikalta ki aadhe se jyada to un logon ka humla khud ke hi viman par ho raha tha..
Luna ka command aur Aizem ke 18 lakh viman... Jab vansaj sena ke bade viman ko tabaah karti pichhe se aage badhne lagi fir to Vansaj sena khud me asahay samanya mehsus karne lage the…
HuYu jab sunischit hua ki ab ladai kitni bhi der chale, jit apni tay ho gayi hai, fir usne mirchi lagane ka kaam shuru kiya... Astak ke bare me jitna bhi HuYu ne suna tha, itna hi suna tha ki ab tak isse kisi ne thik se sunaya nahi..
HuYu, Nischal aur Nandni ko unki baaten yaad dilate huye, Middle Universe aur Dark Universe ko connect kar diya. Middle state palnet organization ke mukhyalay Galeto Planet me jaise hi prasaran shuru hua, wahan ka mukhiya screen par aate.… "Kya status hai wahan ka"…
Nischal:- Shahsak Koredor kya lagta hai in chuhon ki fauj ka kya status hona chahiye...
Koredor:- Serin poore bede ko udher dali kya?... Wo line par hai kya jo khud ko sarv'shresth kahta hai, Astak...
Nandni:- Muh chhipa liya hoga kahin, wo mishrit bacche paida karwa'ke apna naam dene wala Astak... Na aayega samne muh jo kaala ho gaya hai...
Koredor:- Tumhe pahli baar sun raha hun... Kaun ho tum...
Nischal:- Ye Nischal ki female version hai Nandni.. aur ye hain inke jodi doctor Ansh... Medical science ke vidwan aur dono prithvi se hain…
Koredor:- Kya baat kar rahe ho... Prithvi niwasi hume dekh rahe hai... Kya main inhe apne mehmnanvaji ke liye nimantran de sakta hun... Meri badi jigyasa tha...
Nandni, hairani se dekhti isharon me hi... "Abe ye mujhe kyon invite kar raha hai"…
Nischal:- Koredor abhi nahi, abhi to pahle usse line par bulao jo khud ko sharv'shresth kahta hai... Astak, sale ganda khun, kahan muh chhipaye baitha hai... HuYu jarra hack to karo iss Astak ke planet ko... Aur Astak ka visuals dikhao jarra..
Nischal ka itna bolna tha ki samne se wo ghinauna chehra wapas se dikhne laga... Wahi bada sa singhasan aur uss par baitha Astak...
Jaise hi samne screen par Astak najar aaya, thik ussi waqt poore middle Universe ke sabhi planet ki sabhi countries ke shasak, ek sath online aa gaye...
Nandni, jor se hansti hui.… "Ye joker kaun hai jo villan ke getup me itne bade singhasan par baitha hai...
Nischal, ungli ko point karte…. "Issi ghonchu ka naam Astak hai... Jo apne yahan ke mahilaon ke garv me 10-12 tarah ke bij ko dal'kar bacche paida karwata hai, aur fir kahta hai ki wo mera vansaj hai... Kyon be chutiye bolta kyon nahi"..
Astak apne aakhon se hi sole barsate.… "2400 se 2500 carore vansaj sena ki tukdi tumhe bahut badi lag rahi hogi, lekin ye humare fauj ka 10va hissa bhi nahi... Aur na hi wo kisi sena ki command me hain... Ye man mauji fauji hai... Inhe dekh'kar tu Astak ka andaza laga raha"…
Nandni:- Abe O pakau bus kar... Wo dekh harami teri fauj.man mauji fauj… chutiye, kya sikhaya re inhe. Kitna bhi command na ho to kya hua, ek jahaj to maar nahi sakte aur khud ko Universe ka dada bulata hai.… (Fir samne se thukti hui)… Ja'kar kahin dub mar, gandi nali ke me rengne wale badbudar kide.…
Nandni ki baat sun'kar Astak bilkul pagal sa ho gaya tabhi Nischal….. "Yaar Nandu, kahin wo tere baton se mar gaya... Fir main ghasit, ghasit'kar marunga kise"…
Astak:- Aaj tumhara waqt hai... Bol lo... Jis din tumhara samna mujhse hoga...
Nandni:- Uss din tu joker ke sath-sath bander bhi ban jayega. Idhar se udhar uchhal kud karte Nischal se jaan bachata firega… aur yahi hoga likh le...
Nandni ki baat sun'kar Nischal aur Ansh dono jod jod se hasne lage... Fir to jaise uska poora mazak, poora Middle Universe hi uddane laga... Ek ore jahajon ke bede dhwast ho rahe the, wahin dusri ore Astak ka wo kauff hawa hota najar aa raha tha... Upar se Nischal aur Nandni ki jodi... Aur bechara Astak... Nandni bolti to Nischal baat ko aage pakad'kar khinch deta, aur Nischal jab apni baat kah'kar shant hota tab Nandni shuru ho jati...
Astak mano tabla bana hua tha, jispar Nischal aur Nandni bari-bari se hath saaf kar rahe the, aur bich-bich me doctor sahab bhi taal thok dete...
Nandni:- Kyon be jokar, kuchh kahega bhi ya muh se fu, fu bus karta rahega... Nischal jitna ye aur iske najayaj gande khun, khud ko Astak vansaj bulate hai... Unhe update ho'kar aaj se Joker ke vansaj kahte najar aane chahiye...
Issi bich Astak chillate huye..... "Itni dur se kutte bhi sher ko dekh'kar bhaukne lagte hain"…
Nandni:- Haan lekin tu sust kutta hai..… Thik se bhaunk bhi nahi paya... Tu ek kaam kar pahle kutte ke sath rah'kar traning poori kar le...
Astak:- Aukaad me rah'kar baat karo…
Nischal:- Yaar tu chillate huye kafi funny lag raha hai...
Nandni:- Haan aisa lag raha hai jaise joker gussa dikha raha hai... Waise suna hai ek joker ki jodi (Surpmarich) ko tu apne saran me rakha hai...
Astak:- Tumhari technology shandar hai isliye itna uchhal rahe ho... Koi baat nahi aaj se pahle Universe me aisa khatra hoga humne uss par gaur nahi kiya... Koi baat nahi humari jald hi mulakat hogi... Tab tum napunsak kidon-makodon par humre fauj ki chhoti si tukdi hi hawi hogi... Ye jitni tadat se mere vansaj gaye hain... Uska chhota sa hissa bhi kafi hota yadi wo tumhare jamin...
Nischal:- Ruk be chomu... Ye bata tere hisab se yahan ke liye kitni fauj kafi hogi...
Astak:- Javo ki 10 hazar ki tukdi hi tumhe tumhari aukaad dikha degi...
Nandni:- "Na be joker ye attitude aata kahan hai tum me... Nischal abhi 5 lakh se upar ki fauj ko yahan utarne ka rasta batayega... Aur hum teeno yahan baith'kar commentry karenge aur tere jokergiri ke kayi namuno ko marte dekhenge"...
"Sale yadi tu haar gaya to jaisa ki mere doston ne wada kiya tha ki wo teri jamin par honge aur un 40 hazar ki lash wahin girayenge, jo yaham ke masoom ko chaba'kar gaye the... Bus harna to un 40 hazar ke sath apni sena bhejna... Wo kya hai na malal na rahe ki wahan gaye aur faltu me sabo chid-faad diya Nischal ne, aur jise maarna tha usse maar na paye...
Astak:- Haaa haaa haaa haa..
Nischal:- Abe chutiye hasna baad me, haan ya na bol jaldi... Warna meri bahan tere Javo ko wahin Universe me vilin kar degi aur humare sath jude Middle Universe ke baki log tere joker'giri ke aur namune dekh nahi payenge…
Nischal ki baat par Astak ne shart manjoor kar liya... Nischal ne turant Astak ke sare viman ke ander ki visuals lena shuru kiya... Kuchh hi der me Astak ke confirmation ke baad Nischal, Javo se sampark karte...
"Sun be chutiye… Najayaj paidaish ko naam dene wale tere baap Astak ne mujhe challnge kiya hai ki tere 10 hazar ki fauj kafi hai humare liye..... Rasta main batata hun... Jaldi karega to tere 5 se 10 lakh log mere jamin par honge... Hawai humle me fisadi sabit huye, jamin par kuchh takkar dena tum napunsak 12-15 bij ke natijon...
Javo, pure aawesh me.… "Hum jab wahan honge".…
Dr Ansh:- Chup me kutte... Abhi yahan aa hi raha hai na to kar'ke bata na kya krega.… Muh se kaahe hag raha hai...
Nischal aur Nandni dono hairani se ghurte.… "O Teri doctor sahab"…."Ansh baby.. tum to surprise machine ho gaye... Kabhi-kabhi lambe jhatke de jate ho"…
Ansh:- Areee bus bhi karo aur pahle mujhe ye batao ki yahan se jab tum dono live commentary karoge, to kya wahan Jivisha akeli ladegi.…
Nischal aur Nandni dono ek sath...… "Ab bol diya so bol diya... Jo hoga dekha jayega"….
Aisa nahi hai ki prakriti ki sewa karne ka inko koi fal nahi mila ho... Inke stri aur purush me itni sari siddhiyan aur shaktiyan prkriti ne de rakhi hai, ki aaj tak kisi ki buri chhaya in logon ne Wishper planet par nahi padne diya. Nichal un logon ko wahan medical assistance diya karta tha. Kayi tarah ke jadi buti ka gyan... Aur jatil kidon ke shikar huye vrikshon ke bimari ka jab wo pata nahi laga pate the, tab Wishper planet wale Nayjo samuday, Nischal se sampark kiya karte the... Ek sampoorn viksit aur utna hi shabhya samaj tha Nayjo ka...
Vaniya kshetr ke bicho-bich ek bada sa maidani hissa tha, jahan Nischal sabke sath pahuncha. "Koi mehman aa raha hai aur wo Wishper planet ka bahri koi karibi insan tha"... Itni detail kafi thi wahan ke mukhiya ko khud swagat me kadam badha'kar aane ke liye...
Nischal se jab thodi der baat hui aur unhe jaise hi Nischal ka naam pata chala... Fir to jo sar jhuka'kar izzat Nischal ne inhe bakshi thi, wahi samman in logon ne Nischal ko bakshi...
Nischal ko aaschrya hua ki unhe kaise pata, uske baare me. Fir un logon ne apne Wishper planet ke sampark shorrot ke bare me bataya… Ye log bhi Universe ke anya hisson me samprak kar sakte the tatha dusre Planet bhraman kar sakte the. Lekin ye kewal un 5 planets se hi sampark karte the ya aana jana karte jahan Nayjo samuday basta tha...
Kafi gopiniya tarike se alag-alag grahon par basne wale Nayjo aapas me milte the, jiski jaankari bahari kisi ko nahi hoti aur na hi wo log Nischal se ye saajha karna chahte the.
Baton ka ek lamba daur chala... Bitti aur Gopal ki poori toli ko wahin rukne ke liye pralobhan bhi diye gaye, lekin uske jawab sunkar to sab lot-pot ho gaye... Aur in bacchon ne jo hi apni maa, maasi aur mausa ji ke gungaan kari.. poora Nayjo hi agli baar Jivisha, Nandni aur Ansh se milne ki ikchha jatane laga. Mukhiya ne saaf shabdon me kah diya…. "Ye agli baar aana ke liye kahna koi aupcharikta nahi hai... Aana hi hoga"
Kafi Khushnuma mahol tha. Din bhar virakhon ki sewa karna aur fal ka sewan kar'ke jeevan bitana. Na kisi ke khilaf ladne ki taiyari aur naa hi kisi ko apni seema me dekhna. Jin bahri insano ko ek Nayjo wale chahte, unhe inke poora samuday chahta tha, kyonki unke dil me yahi hota ye bhi ek Nayjo hi hai.… Prakrit premi...
Masti, Jaam, Nritya aur ek bhavya swagat ke bich aadha din gujar gaya. Hansi khusi mahol ke bich, Nayjo ke mukhiya hath jodte huye kahne lage…. "Nischal aap ka yahan hona rachyta ki marji hai"... Fir unhone apni pareshani Nischal ke samne rakha... Unke jungle ka dakhini kshetr (Southern Area) barbaad ho chuka tha...
Wo poora ilaka heat ke prabhav se pahle vanchit tha… lekin pichhle 6 dino se wah kshetr heat ke sampark me aane se poora banjar ho gaya.. Ab to heat ka asar badhne laga hai... Yadi aise hi ye heat failta rahata, to poora vaniya kshtr ka ek chauthai hissa jal jayega. Upar se bhavishya me yadi koi aur hissa heat ke chapet me aata hai to jungle ke dusre hisse ko bhi kho sakte hain.. Bus kisi tarah yah pata lagana tha ki yah kshetr heat ke sampark me kyon aaya aur koi upay hai jis'se bhavishya me aisi koi ghtna ho to bacha ja sake.
Nischal ne poora suna aur madad karne ka wada bhi kiya, lekin filhal usse abhi jana tha, kyonki ek sunoyit kaam usse itni dur khinch laya tha. Kaam khatm kar'ke usse jald se jald lautna tha. Mukhiya Nischal ki bhi pareshani samjh sakta tha, isliye apne kaam ke liye jyada jod na de'kar, jigyasavash Nischal ke aane ka karan puchhne laga…
Mukhiya ka sawal poochna tha aur Nischal muskura kar kahne laga…. "Sardar mere aane ka karan jaan'ne ki bhavna kahin swarthi to nahi. Mera kaam apne logon se karwa'kar aap mera poora waqt chahte hai"…
Mukhiya:- Isse swarth nahi, ek dusre ke kaam aana kahte hai. Ek dusre ke sampark me rah'kar ek dusre ke kaam na aaye, fir aise sampark ka kya arth. Aisa main nahi koi Aizem ka Sahjada kahta hai...
Nischal:- Hahaha.. Kya main aap ko uss samuday se mila sakta hun jo aap ki tarah hi...
Mukhiya bich me hi baat kaat'te... "Hume Nilbhut samuday ki jaankari hai... Bahut samay pahle humne mishrit jodi ka prastav diya tha, lekin ek chhoti si samasya ne humare bich deewar paida kar di...
Nischal:- Kaun si samasya sardar..
Mukhiya:- Humare yahan ki na to stri aur na hi koi purush bahar ke planet par basne ke liye taiyar huye aur ye baat unke shashak ko pasand nahi aayi... Unka kahna tha ye mishrit jodi nahi balki khud ko uncha aur hume nicha samjhna hua...
Nischal, jod se hanste huye... "Haan to galat kya kaha unhone"
Mukhiya:- Nischal kisi ke apman karne jaisi bhavna nahi thi. Humare log bahri duniya me andhadhun ped ki katai nahi dekh sakte... Bus issi dar se wah dusre planet nahi rahna chahte...
Nischal:- Maine 3 sal purv ek prastav Wishper Nyajo samuday ko diya tha. Hum bahari duniya ko nahi samjhenge to bahri duniya hume kaise samjhegi...
Mukhiya:- Hmmm !! Haan ye bhi sahi hai.. aur Mishrit jodi na hone ka khamiyaja hume bhugatna bhi pad raha hai... Khair iss parastav par poori ghambhirta se Nayjo samuday sochegi... Pahle abhi ka kaam dekh le... Nilbhut samuday to hum me se ek hai.… Unke liye humara kshetr pratibandhit nahi raha.…
Nischal:- Isliye humare khoji yah maidan nahi dundh paye aur majboori me mujhe ek ladai uss tapte maidan me ladni pari…
Mukhiya:- Ye jagah hi aisi hai ki hum ye kshetr par na to kisi ko hawai marg se aur nahi kisi ko bhutal marg se aane de sakte hain… Dhatu ki talaash me takriban 2 lakh se jyada grahon ke nivasi kosis karte hain… un sab ko Uttari maidan ka hi hum rasta batate hain..... Aapke samuday (Viggo) ke log kafi prakrami hote hain... Shikari dragons se koi bach jaye to Viggo se nahi bachte. Aur yadi fir bhi koi dushman bhadi parta hai to hum sanyukt roop se unhe dekh lete hain...
Nischal:- Prakrami ke sath ahankari kyon nahi jodte...
Mukhiya:- Mujhe koi shikayat nahi un baton se aur naa hi kabhi wo log mere liye ahankari rahe hai... Humne Viggo ke pass bhi mishrit jodi ka prastav rakha tha lekin aap samjh sakte hain…
Nischal:- Rahne dijiye sardar, yahan vicharon ka thoda matbhed ho jayega… itne hi mel milaap se Viggo ke sath rahte to yahan ki ladkiyan, bah kar aaye ek Viggo par humla na karti...
Mukhiya:- Ye to seema niyam ullanghan tha... Aur unka apna manoranjan… isme main thode na kuchh kar sakta hun.. chhodiye Nischal, aap aane ka karan batayen..
Nischal:- Mujhe 22 carore viman ke bede ko surakshit karna hai...
Mukhiya:- Ohhhh !!! Matlab Drak Universe aur Middle Universe ke bich yudhh ki taiyari chal rahi hai...
Nischal:- Nahi Surpmarich aur Insano ke bich yudhh ki taiyari chal rahi hai..
Mukhiya:- Wo koi bhi ho, aap ki jit sunischit hai...
Nischal iss baar mukhiya ke aankhon me dekhte.… "Aap bhi na sardar.… Maine Surpmarich kaha, na ki mukhota..."
Mukhiya kuchh der gahan soch me dub gaya. Betuki si hasne ki bhavna apne chehre par laate.… "Yahan ka kaam khatm kar le Sahjade"…
Nischal:- Humne rahashya dhundh liya hai sardar.
Mukhiya:- Aap jab samjh rahe hain ki main iss vishay par nahi baat karna chah raha, fir bhi aap kyon uss baat ko kar rahe... Yadi rahshya dhoondh liye hain, to anth najdik hai. Uss anth se bach gaye aur ek badha paar kar liye tab humari mulakat hogi aur tab hum baat karenge… Haan lekin yadi rahashya dhundh liya ho to mulakat hogi... Aap isharon ko samjhe, hum niyam se bandhe hain…
Nischal:- Main isharon ko samjha gaya aur apni baat saaf taur par bata di ki kyon mujhe ye dhatu chahiye aur kitna chahiye uska andaja to aapne laga hi liya hoga.
Mukhiya ne turant apne sabhi logon ko ikattha hone ke liye kah diya. Nischal ko bhi Nilbhut samuday ke logon ko yahan bula lene ke liye kaha gaya.
Sabhi kuchh hi der me ikattha huye. Mukhiya apne 4 carore logon ke samne apni baat rakhte…. "Nilbhut samuday ke log humare sath hai... Khadi me jama poora dhatu ka bhandar khod'kar bahar nikalo aur usse kaise middle universe ki seema tak ye log lekar jayenge ye baat aap ko sena nayak Bhoro batayenge... Bina kaam me der kiye inki madad kijiye... Uttri maidan (wahi maidan jahan Nischal ki ladai hui thi) par parche lahra dijiye ki kuchh waqt ke liye wo maidan humare adhin hai... Viggo ya shikari wahan koi badha na kare"…
Ghosna karne ke baad Mukhiya muskurate huye Nischal ko dekha aur Nischal hanste huye... "Baandh liya aapne mujhe"…
Mukhiya ne ek sodhkarta ki poori team Nischal ko de di. Jiski aguwai Parashu kar raha tha... Nischal jale huye jungle ke ore pahuncha… kuchh dino tak lagatar wahan sodh karta raha aur sath me sodhkarta ki team ke sath discussion jari rahi.
Lagbhag 8 din baad sahi dhang se karno ka pata chal paya tha... Aas pass khanij aur dhatu ke jo dur daraj ke pahad the wo khisak gaye the, jis wajah se butal par chhota sa badlav ho gaya aur heat ka prabhav uss kshetr me hua tha...
Nischal ne kuchh points ko locate kiye aur 500 Nilbhut sainik jo bacchon ke liye kewal aaye the... Unhe bhumigat hokar apne location par pahunchne ke aadesh mile.…
Wo log apne sath Hurriyen planet ke dhatu Hayber ki 1600 fit ki unhi deewar bhi liye gaye the. Jinhe alag-alag postion par ek nischit angel par un dhatu ki deewaron ko set karna tha... Jaise-jaise Nischal unhe batate gaya, thik unhi postions par Hayber ki deewar ko laga diya gaya...
2 din lagatar pani ke sampark me aane ke baad dakshni jungle thandi hone lagi. Jabtak Nischal idhar artitect aur sodhkarta ki team ke sath, unhe butal par sithit jwalamukhi ke pahad aur unke postion me aaye chhote se badlav ke karan hone wale nukshan ko calculate karna aur bachne ke upay sikha raha tha…
Inki apni technology thi. Unhi technology ki madad se ek fast drill machine banaya gaya. Jiski madad se location par pahunch'kar deewar ko asthapit kar sake... Sath me hidayat bhi diya Nischal ne, laut'te waqt sahi dang se un surangon ko bharte huye lautne, taki bhumi dhanse nahi, warna wapas se nayi deewar kisi aur jagah banani par sakti hai...
Haalanki kayi drill machine to taiyar ho gaya, lekin ek aur prakriti premi Nilbhut samuday ke wahan hone se, kitni sahuliyat hogi, iss baat ka aaklan karte huye... Nayjo ki yuvtiyan, Nilbhut ke yuvkon ko rijhane ka kaam shuru kar di.
Ek se badh'kar ek aakarshak aur khubsurat striyan, jo tarah tarah ke kamuk pralobhan de rahi thi. Uss din Nischal ko, Nilbhut samuday ke ek aur gun ka pata chala tha… Apne samuday ke prati izzat aur shashak ki sahi baat ko dil se anusaran karna...
Ek bhaunre ke liye kayi kaliyan uplabdh thi, lekin Nilbhut Samuday ke purv ke shashak ki ghosna, pidhi dar pidhi yaad thi. "Nayjo samuday ne hume bejjat kiya hai"… Iss baat ko jehan me dale sabhi Nilbhut sainik kewal apna kaam karte...
Rijhane ke athak prayas kiye gaye, kintu jo samuday khud naag phaans se yahan ki sabhi aakarshak striyon ko vash me kar le, bhala unhe kaun Nayjo ki stri rijha sakti thi.... Haan lekin Nischal, Nayjo ki madad se behad khush tha...
Mahaj 10 dino ke ander 33 lakh suddh metal ke viman ko taiyar kiya ja chuka tha. Sabhi large range ki viman thi, lagbhag 2 se 6 varg kilometer ki, jiske ander poori kashmta anusar Hayber metal ko load kar diya gaya tha. Nayjo ki poori tecnical team in vimano ko remote acess karti, apne gupt raston se Zoren ki seema me bhej rahi thi... Jab tak viman land nahi karta, tab tak sara control Nayjo ke hath me hota, ek baar viman sahi location par land hui, uske baad ye log apna control hata leta...
Sabse pahle ke 1000 vimano me iss dhatu ko mod'kar kaise viman taiyar kar sakte hain, uski poori 1000 unit machinary bhej di gayi thi. Haan lekin karar kewal itna tha ki ye poori technology aur sabhi viman ladai ke baad wapas se Hurriyent planet par honge... Jiske liye Nischal khushi khushi raaji ho chuka tha.
Shayad Nayjo ke dimag me un vimano ke misuse ki kahani kahin na kahin thi, isliye wah in dhatu ke bani ek bhi viman bahri universe me nahi chhodna chah raha tha... Inki lagan aur mehnat ko dekhte huye, Nischal ne ek meeting cordinate ki, jisme Shwetna ke pass uss bhavna ko Nischal ne rakha, jis vajah se Nayjo samuday Zoren aane se mana kar gayi thi"…
Yun to Shwetna bhi utni hi jiddi thi, jitne ki uske samuday ke log. Pahle to saaf mana kar gayi aur gusse me yah tak kah di, "Uske log kisi ke sath bhi mishrit jodi bana sakte hai, siway Nayjo ke". Kafi jyada mehnat karni pari thi aur Wishper ke cute bacchon ka chehra dikhaya gaya... Kahani batayi gayi... "Ye bhi to Wishper se hain aur humare sath hai"... Tab kahin ja'kar Shwetna aur baki ke log pighle, iss ummid me ki aane wali pidhi bhi Dragon bacchon ke jaisi hi cute hogi...
To kya ye ummid aasha ki ek nayi kiran thi, ya fir Nischal, Nandni aur Jivisha ne milkkar churan diya tha, jo bhavishya me inhe kafi khincha tani dekar jati. Waise ye natija to waqt ke hathon me tha... Filhaal to Nayjo niyam anusar jodiyan bhi bani aur Nilbhut ke log na sirf Hurriyent, balki Wishper palnet ke liye bhi jodi banane par sahmati bana chuke the...
Mukhiya itna jyada khush tha ki usne pahle lot sabhi viman aur 10 machinaries ko dhaej me Shwetna ko shaunp diya. Wah khush itna tha ki uske 20 lakh log alag se Viggo Viman ko upgrade karne me laga diya.....
hai udhar. Kahani par pahunchne ke liye story title par ulgi karne ka...
