Fantasy " Girls Hostel "

[harshit1890]

Spoiler: INDEX

~~INDEX~~​

Chapter 1 ~~ " Supriya "​

Update - 1​

Update - 2​

Update - 3​

Update - 4​

Update - 5​

Update - 6​

Update - 7​

Update - 8​

Update - 9​

Update - 10​

Update - 11​

Update - 12​

Update - 13​

Update - 14​

Update - 15​

Update - 16​

Update - 17​

Update - 18​

Update - 19​

Update - 20​

Chapter ~~ 2 " The Illusion "​

Update - 21​

Update - 22​

Update - 23​

Update - 24​

Update - 25​

Update - 26​

Update - 27​

Update - 28​

Update - 29​

Update - 30​

Update - 31​

Update - 32​

Update - 33​

Update - 34​

Update - 35​

Update - 36​

Update - 37​

Update - 38​

Update - 39​

Update - 40​

Chapter ~~ 3 " Catatonic Schizophrenia " ​

Update - 41​

Update - 42​

Update - 43​

Update - 44​

Update - 45​

Update - 46​

Update - 47​

Update - 48​

Update - 49​

Update - 50​

Update - 51​

Update - 52​

Update - 53​

Update - 54​

Update - 55​

Update - 56​

Update - 57​

Update - 58​

Update - 59​

Update - 60​

Chapter ~~ 4 " A True Face "​

Update - 61​

Update - 62​

Update - 63​

Update - 64​

Update - 65​

Update - 66​

Update - 67​

Update - 68​

Update - 69​

Update - 70​

Update - 71​

Update - 72​

Update - 73​

Update - 74​

Update - 75​

Update - 76​

Update - 77​

Update - 78​

Update - 79​

Update - 80​

Chapter ~~ 5 " The Antiquarian "​

Update - 81​

Update - 82​

Update - 83​

Update - 84​

Update - 85​

Update - 86​

Update - 87​

Update - 88​

Update - 89​

Update - 90​

Chapter ~~ 6 " The Amazon "​

Update - 91​

Update - 92​

Update - 93​

Update - 94​

Update - 95​

Update - 96​

Update - 97​

Update - 98​

Update - 99​

Update - 100​

Update - 101​

Update - 102​

Update - 103​

Update - 104​

Update - 105​

Update - 106​

Update - 107​

Update - 108​

Finale Chapter 7 : " Book Of Hoax "​

Update - 109 ​

Update - 110 ​

Update - 111 ​

Update - 112 ​

Update - 113 ​

Update - 114​

Spoiler: Special Comments On Story

Some Comments for this story (Late Add-on )

सच में , यह पुरी स्टोरी दिमाग के परखच्चे उड़ाए जा रही है । कभी लगता है कहानी में सस्पेंस है तो कभी लगता है भ्रम जाल का ताना-बाना बुना हुआ है तो कभी लगता है जैसे कोई रूहानी ताकतें हैं तो कभी लगता है यह सिंपल स्टोरी है जिसमें आरूहि एक गम्भीर बिमारी से पीड़ित है ।

मुझे लगता है इससे बेहतरीन कहानी फिलहाल तो इस फोरम पर नहीं है । और सबसे बड़ी खासियत है आपके लिखने का स्टाइल और अंदाज । आउटस्टैंडिंग हर्षित भाई ।

thoos thoos ke khana khaya aaruhi ne jo ekdam majedar horror type scene tha ..

सही में , हर्षित भाई ! मुझे बहुत ही दया आने लगा है आरूहि पर । अगर किसी हरामखोर की वजह से उसकी हालत ऐसी हुई है तो उसे जहन्नुम का रास्ता जरूर दिखला दिजियेगा ।

WTF!!! Yahi pehla reaction nikalta hai is kahani ko poora padhne ke baad... Halanki pehle bhi maine is kahani ke kuchh 7-8 updates padhe huye the par jab is baar padhna shuru kiya to ek naya sa romanch har beet te update ke saath banta gaya... Bohot hi zyada behatreen tareeke se likhi gayi kahani hai ye, ab jis prakaar ka plot imagine kiya hai lekhak saahab ne uske baad ek nausikhiya bhi likhe to bhi kahani halki nahi ho sakti, aur yahaan jis level ka narration, aur scene specialization hame padhne ko mila hai, wo kaafi hai dikhane ke liye that this is, without a doubt,one of the finest stories available on XF... Chahe wo running stories hon ya fir completed, aur chahe future mein likhi jaane waali kahaniyan, is story ka ek alag hi sthaan bana rehne waala hai forum par... Aur iske liye writer saahab ki jitni bhi tareef ki jaaye wo kam hi hogi...

Fantasy genre ke saath shuru huyi ye kahani, kab alag - alag genres ke darshan karane lagi padhte waqt katayi pata nahi chala... Horror, Suspense, Thriller, Adventure, Romance and of course Fantasy, aur saath hi mein Erotica ke ansh bhi... Ek story mein is se zyada kis cheez ki apeksha kar sakta hai reader!? Again, one of the best stories I've ever read... Outstanding Stuff harshit1890 bhai...

Kya hi khubsurat kahani likhi hai aapne bhai... I'm just speechless, jitni bhi tareef karunga kam hi hogi... Erotica ka bhi bilkul sahi situation mein use Kiya gaya hai aur sabse important har kirdaar par lekhak ki shaandar pakad bani rahi hai... Har character ka kahani mein hona justify kiya gaya hai, kahin bhi koyi bhi character bina matlab nahi ghus aaya...

Ab dekhna ye hai ke Mehta waali meeting mein kaun kaun shaamil tha aur unka maksad kya tha? Aur Shruti is sab ki sachayi jaan bhi paayegi ya nahi? Aruhi sach mein kisi beemari ka shikaar hai ya kewal naatak kar rahi hai? At last, Ek baar ko apun ko ye bhi laga ke asal mein ye sab jo ho raha hai wo kewal Shruti ki kalpana hai...

Outstanding Story & Updates Bhai & Waiting For Next...

Harshit bhai... Kayi horror stories padhi hain maine, joki poori tarah se horror genre par based hain but jis tarah ka scene aap create karte ho, taking into note ye story horror genre par based hai bhi nahi, that's phenomenal...

meghnath naam rakhne ke pichhe ki kahani bhi majedar hai ..
jab me TV nahi dekhta( waise tha nahi nahi ghar par ) tha bachpan me aur bas naam suna karta tha to khudko SHAKTI KAPOOR. kehta tha dosto ke bich ..ye kissa padhke bachpan ki yaade taaza ho gayi ..

Slowly my interest is increasing towards the story full of adventure, fun to read, no doubt you are a great writer, thank you for writing such a beautiful story.

Have to admit, your story completely twists the thinking, sometimes it seems in the mind that it is just a disease and sometimes it seems like something supernatural. Your writing is commendable, even after writing this much there are many questions and there will be many such points which I have missed. In some scenes there was a combination of intensity as well as erotic scenes, which you have shown very well, what should I say now, now the words of praise are over understand my feelings.
harshit1890 Hats Off... enjoyed it.

but why were you making her nude everytime in front of everyone.

मुझे नहीं लगता दुनिया में कोई भी ऐसा माई का माल होगा जिसे इस कहानी की पहेली समझ में आ रही हो। गजब का दिमाग हिला रखा है आपने हर्षित भाई।

The whole incident, that Mansion one was written so beautifully that no words are sufficient to describe it! Ismein koyi doraye nahin ki maine aaj tak kisi ko bhi is tarah ka horror likhte nahi dekha hai... Haunted ko read kiya tha maine, kaafi pehle, aur main bilkul daave se keh sakta hoon, that you're the best,when it comes to generating real fear in readers, while they read the story..

Bhatt the phakk is this estory?

 

[harshit1890]

Yu hamare pyaar ka mazak na banao.
Pata nahi kyu chehre par muskrahat aa jaati jab bhi unka jikra hota hai ​

Pyar aksar chahne walon ko le katta hai.. aap bhi katoge

 

[Aakash.]

Pyar aksar chahne walon ko le katta hai.. aap bhi katoge

Masoom, cute pyaari si hai aarohi tum kuch mat bolo girls Hostel part 2 me humari entry hongi fir baat banegi ​

 

[harshit1890]

Masoom, cute pyaari si hai aarohi tum kuch mat bolo girls Hostel part 2 me humari entry hongi fir baat banegi ​

Ye kahani sabhi ki judi kahanihai iska 2 nd part kahan se ayega

 

[Aakash.]

Ye kahani sabhi ki judi kahanihai iska 2 nd part kahan se ayega

Bas baate karwa lo aapse update ki dur dur tak koi khabar nahi ​

 

[harshit1890]

Bas baate karwa lo aapse update ki dur dur tak koi khabar nahi ​

Taàme ki kami ho reli hai. Plus the update bhi aisa hai jo dhagge khol dega dimag ke isliye dhayan se likhna zaruri che

 

[harshit1890]

Update ~~ 89​

Hall do hisson mein banta hua tha, ek hise mein sathon jane andhere ki chapet mein khade the wahin adhe hisse mein hall ke andar pehle jaisi mombatiyun ki roshni thi bas farak itna tha ki wahan unke liye ek anjan shaks khada tha jo khud roshni ko bhanp kar hairan aur pareshan tha.

" Kaun ho tum? " Meghnath ne fir pucha.

" Main.. " vo sochne laga, uski ankhein bata rahi thi ki vo apne dimag par khud ke bare mein batane ke liye kitna zor daal raha hai par use yaad nahi aa paa raha tha. Mathe aur ankhon ke niche padi jhuriyan darsha rahi thi ki jaise sharir kafi thak chuka tha.

" Ye roshni yahan kaise maujud hai.. Kahan hun main? " jawab na sujhne par usne sawal kar diya aur charon taraf dekhne laga jaise vo aisi kisi jagah se wakif ho. Koi uski baat ka jawab de pata use pehle hi usne apni nazar fauran samne ki aur ek kadam aage badhte hue pucha.

" Kya ye Sabharwal mansion hai.. ? " Sawal karte hue uski ankhein hairani mein khuli hui thi, uske mathe par tanav ke chalte balh pada hua tha, awaz mein ek ghabrahat thi, mano vo aisi kisi jagah se taluk rakhta ho.

" Nahi.. " Jawab Aaruhi ne diya. Jawab sunte hi uske mathe par tanav kam hua aur uske sharir se mano koi bhoj hata ho.

" Ye ek purana mansion hai.. par jiska naam aap le rahe hain uska naam humne kabhi nahi suna " vishal ne us shaks ki manodasha dekhte hue kaha.

" Main yahan kaise aaya... aur tum log meri tarah kaise ban gaye ho.. " us shaks kehte hi sabhi ke mano mein sawalon ka bhandar lag gaya. Ye insan aisa tha jaise ab hum hai? Shruti ne man hi man socha. Agar vo aisa tha to ab kya humne use azad kar diya hai aur khud ko aisa bana liya? Ye sawal Rachna ke man mein aya. Ye insan aise andhere mein fansa, Kya iske piche iski koi kahani hai? Sawal aaruhi ke man mein ubhra. Kya aisi koi jagah hai jahan insan aise andhere mein rehte hai? Sawal meghnath ke man mein uchla.

" Aap hamari tarah the? Kab se? Aur kaise ? " vishal ne turant pucha.

" Par use jaruri baat aap hai kaun? " Shruti is maya par bharosa nahi karna chahti thi vo bhi aise shaks pe jise khud apne aap ke bare mein malum hi na ho. Sawal sunte hi vo shaks fir soch mein padh gaya. Vo andhere mein khade sayon ko mehsus kar paa raha tha lekin kaun sawal kar raha hai ye use nahi dikh raha tha vo sirf awaz ki disha ko follow kar raha tha isliye uski nazar shruti par atki hui thi jaisa shruti ko mehsus ho raha tha jise dekhte hue use samajh aa gaya ki vo awaz ko follow karte hue is andhere mein khadi shaksiyat ka abhas kar sakta hai.

" Main.. mujhe.. khud ko.. main.. yaad nahi kar paa raha... " vo shaks apne dimag par ek baar fir zor dalne laga. Vo puri kosish kar raha tha jo sabhi dekh paa rahe the. Uske apna sar pakad liya aur puri takat laga kar khud ke bare mein yaad karne ki kosish karne laga jisme use behad takleef ho rahi thi.

" Inhe yaad dilana hoga ki ye kaun hai.. " meghnath ne halke lazfon mein kaha.

" Kya jarurat hai.. hume ise kya lena dena.. " shruti ne fauran kaha.

" lena dena nahi bhi hai..lekin bahut takleef mein dikh rahe hai.. " Aaruhi ne turant kaha.

" Humari takleef ise kahi jada hai aaruhi.. " shruti ne samjhaya.

" Isliye jaruri hai yaad ana inhe.. Varna hum bahar kaise ayenge? " vishal ne samjhaya. " Agar ye bhi hamari tarah hi aise fanse the to inhe is chiz ke bare mein malum hoga..hume inhe yaad dila kar batana hoga ki hum ek box ki wajah se aise fanse hai aur puchna hoga ki ye kaise fanse the, taki hum yahan se bahar nikal sale " vishal ke samjhane par shruti ko samajh aa gaya ki unhe us shaks ki jarurat hai.

" Lekin yaad kaise dilaye? " meghnath ne fauran pucha.

" Aisi memory loss mein kuch trigger karna padta hai taki brain ko yaad dilane mein asani ho.. " vishal ne turant jawab diya mano vo ye sab soch kar baitha tha.

" Par hume kaise malum hoga.. ki ise kya trigger karna hai.. " Shruti ki baat sahi thi.

" Ek chiz ho sakti hai... " Aaruhi ki awaz sabhi ke kano mein padi aur fir vo thodi unchi awaz mein boli taki vo shaks sun sake. " Aap kaun hai.. agar apko yaad nahi to kya aapko apne pariwar ke bare mein yaad hai.. ? " Aaruhi ka sawal sunte hi achanak us shaks ne apni nazar utha li.

" pariwar ... "

" Han pariwar.. apka bhi to hoga.. mom, dad.. bhai, behen.. ya fir apki wife? Kya aap shadi shudha hai.. " Aaruhi ki baat sun kar vo ek pal waise hi khada raha usi taraf dekhte raha. Aur dekhte hi dekhte uski ankhein bhar ayi aur jazbaton ne uske chehre ko apni chapet mein le liya.

" Apki wife hai? " Aaruhi ko laga jaise usne kuch sahi chiz trigger ki hai isliye vo uspar jor dene lagi. " Hai to kahan? Kya unhe apke bare mein pata hai? " Aaruhi ki har lafzon ko sunte hue uske jazbat aur gehrate jaa rahe the, jaise us awaz ke piche kisi ko khojne ki cha mein ho. Ya fir jo vo sochna chahta tha vo uske man mein aa chuka tha. Aaruhi ka idea kaam kar gaya tha ya nahi ye abhi tak kisi ko samajh nahi aya tha par ek badlav us shaks ke chehre par maujud ho chuka tha.

" An An An... Anshikaa... " naam lete hi vo ghutno ke bal baith gaya aur ghunto par hath rakh apne sharir ka vajan kandhon par dalte hue muh niche kar rone laga.

" Anshika.. " Is baar usne naam thodi zor se liya jise sabhi ne theek tarike se suna. Ansu uski palkon se nikalte hue hathon par girne lage the, uska pura chehra kanp raha tha mano dil ke dard se seham raha ho.

" Mera pyar, meri zindagi, mera dard, kaise bhool sakta hun main " Eka-ek vo baithe baithe hi zor se chillaya.. " Kyun....... " aur usne apne ghutne ke uppar se kapde ko muthi mein kass liya. Mathe par nasein chamakti hui bahar aa nikli thi. Ek pal sabhi uski is halat ko dekh kar sans thame khade rahe. Rote hue subakne ki awaz ek matr awaz is waqt wahan ghum rahi thi, par ye koi nahi janta tha ki har bitta waqt kitna kimti hai.

" Aap roo kyun rahe hai? Kya apki wife bhi aise hi apki tarah fansi hai aur kho gayi hai... " Aaruhi ne khamoshi todi, samne us shaks ko rota dekh uska bhi jee bhar aya tha lekin vo is waqt sawalon se jada kuch nahi kar sakti thi.

" Wife chhod aaruhi.. ise sab yaad aa gaya " shruti ne halki awaz mein kaha. " Aapko sab yaad aa gaya hai? To ab aap bataiye ki aap kaun hai? Aur apne aisa kyun kaha ki hum sab apki tarah dikh rahe hai? " shruti ne waqt ki nazakat ko ek tarah se samjha bhi aur nahi bhi.

" Kaun hai aap? " jab us shaks ne jawab nahi diya to shruti ne fir se pucha. Sabhi ko shruti ka yun sawal is tarah se pasand nahi aa raha tha. Samne baitha shaks kisi aseem dard mein tha aur ye sabhi ko mehsus ho raha tha lekin shruti ne use nazar-andaz karna hi behtar samjha.

Koi shruti ko shant rehne ke liye bolta use pehle us shaks ne apni gardan han mein hila di jaise vo ye karke shruti ke ek sawal ka jawab de raha ho ki han use sab yaad aa gaya hai.

" Mera naam Shreyas... " naam batate hue shreyas ne apna sar uppar uthaya jise dekh sabhi ki ankhein hairani aur asmanjas mein khuli reh gayi kyun ki jo chehra kuch der pehle behad ajeeb tha vo ab normal ho gaya tha, mano jo sabne kuch der pehle dekha ho vo sirf unka ek dhoka tha.

" Ye theek kaise ho gaya.. Jarur kuch gadbad hone wali hai " Gaggan hicak khate hue bola jo sabhi ke man mein sawal tha.

Shreyas apni jagah se khada hua par uski nighaein niche hi jhuki hui thi, uski nazar us roshni par thi jo farsh par mombati dwara padh rahi thi aur usi ko dekhte hue vo ek aisi yaad mein tha jo shayad uske sath ghat chuka tha jise vo apni juban se bayan karne wala tha.

" Mera pyar anshika... meri beti Aashya .... Main ... Main mar chuka hun.. " Jaise hi shreyas ne apne liye kaha ki vo mar chuka hai sabhi ke dil ki dhadkan char guna badh gayi jo har koi sun paa raha tha. Mar chuka hai to abhi kya uski atma khadi hai? Sabhi ke dimag ke parkache ud chuke the. Aisa to bilkul bhi nahi socha tha, khas-kar ki shruti ne to bilkul bhi nahi. Uske dimag mein sirf yahi chal raha tha ki jo vo samajh rahi hai vo sach nahi ho sakta. Sabhi ke sawalon se bhare dimag mein abhi tanav kam hua bhi nahi tha ki shreyas ne jab aage batana shuru kiya to dimag mein uljhal use kahin jada badh gayi.

" Ye kahani bhi kuch aise hi ek mansion se shuru hui thi jiska naam Sabharwal Mansion tha. Mere papa Harshit aur unke kuch dost jab us mansion mein pahunche to wahan jakar unhe malum hua ki us jagah koi anhoni takat ka kabza hai, kuch bahut buri takaton ka kabza jisne ek masoom atma ko us jagah par kaid kar rakha hai. Is raaz ke piche ki jab wajah jaan padi tab malum hua ki kai saal pehle us mansion ke naukar aur kuch logon ne mil kar us ladki ki izat lootni chahie par us ladki ke pyar ne use bacha liya aur usne khud ki jaan ke sath un sabhi ko maut ke ghat utar kar ladki ki izat bacha li. Par us ladki ki izat to bach gayi lekin un haiwano ki shaitani takat marne ke baad bhi us mansion mein ghumti rahi aur unhi se tang akar us ladki ne khud-kushi kar li jiske baad us burai ne us ladki ko us mansion mein kaid kar liya aur har raat vo uspar apni haiwaniyat barsate rahe. Us ladki ki cheekh aur uske dard ko azad karne ka pran lete hue jab papa ko pata chala ki vo usi pyar ke rishte se jude hai tab unki mulakat meri maa Shilpi se hui jo papa ki tarah is kahani ke pyar se jude the. Kudrat ka bhi ajeebo-gareeb karishma tha kyun ki ye koi punar-janam nahi tha par pyar ki us majbut dor se bandhe the jisne us hadse ki kahani se dono ko jodh diya. Dono is janam mein mile, dil to wahi pyar karne wala tha par atma alag thi. Papa jante the ki us ladki ki atma ko us buri shakti se azad karana hi hoga aur us kosish mein unhne apni jaan ki parwah bhi nahi ki aur ant mein un takaton ne maa ko bhi apne kabze mein le liya jise bachane ke liye apne pyar ke khatir apni jaan de di. Jo kafi saal pehle hua tha wahi is baar bhi hua lekin is baar us mansion mein vo cheekhein nahi thi, use papa azad kara chuke the. Maa ne mujhe janam to diya lekin kuch salon baad usne sath chhod dia. Main papa ki sabse achi dost jisne mujhe maa ka achal diya aur mujhe aisi dur jagah le gayi jahan mujhe ateet ke pane tak na mil paye lekin kudrat aisi chiz hai jo hamare sochne par nahi balki hum uske soch par chalte hai. Main bada hua aur mene us jagah par fir kadam rakha, anjan reh kar hi lekin vo ab koi mansion nahi tha vo jagah badal chuki thi. Main akela nahi tha mere sath mere dost the aur Anshika bhi... " Shreyas ek pal ke liye shant hua. Uske shabad itne sidhe the mano sabhi uski kahani mein uske sath ateet mein pahunch chuke the.

" Ateet ke panne jab khulte hain tab usme kuch aise gehre raaz chupe hote hain jinke janne par hum dil se chotil ho jate hai. Mera atit bhi kuch aisa hi tha, jab janna tab der ho chuki thi anshika ko wahan ki ruhani takat ne kaid kar liya tha jise papa ne mitaya tha. Un Char ruh mein se ek shaitani takat wapis aa chuki thi jiske sath ek anjani ruh bhi shamil thi. Anshika unke kabze mein thi aur mujhe apne pyar ko bachana tha, main kamjor tha, asmarth tha, papa jitni takat shayad mujhe mein nahi thi lekin mere doston ne mera sath diya par mere samne meri dost... " Shreyas ki palkon par ansu the " Trishti ki maut aaj bhi meri ankhon ke samne hai.. mene uske alawa apne sarre doston ko kho dia aur ant mein anshika ko bachate hue apni zindagi bhi kho di thi lekin main wapis laut aya tha us waqt laga tha ki anshika ka pyar mujhe khinch laya hai lekin jab kahani aage badhi tab samajh aya ki mere zinda rehne ki wajah vo nahi balki ek shaitaini kadi thi. "

" Us raat main anshika ko bacha kar bach to gaya lekin ye nahi samajh paya tha ki kahani adhuri hai, jis shaitani takat ko mene khatam kiya hai uska ansh abhi bhi maujud tha. Is naye khel se main aur anshika dono anjan the, waqt bitta gaya aur dhire-dhire jab hume uske khel ke bare mein pata chala tab samajh aya ki ye sab uski chaal thi. Mera bachna, anshika ko mere liye chhodna.. sab uska ek mayajaal tha aur is baar uske is mayajaal ko khatam karna behad jaruri tha. Lekin har baar ki tarah is kaam ke liye main saksham nahi tha, is baar anshika ko aisa karna tha par main use kaise jane de sakta tha, vo maa banne wali thi " shreyas ke honth ladhkhada rahe the. " Mujhe hi jana tha ye jante hue ki main kabhi lautunga nahi par karna jaruri tha isliye mera uski dunia mein jakar use khatam karna jaruri tha. Mene wahi kiya, gaya uski dunia mein aur is baar use uski takat ko puri tarah se nasht kar diya. Mene kar dikhaya tha, jo kahani itne salon se chali aa rahi thi alag-alag roop mein, uska ant ho gaya tha. Par abhi kuch bacha tha.. " shreyas ne apni ankhein band kar li aur uski palkon par tehre ansu chehre par utar aye. Agle hi pal usne apni ankhein kholi " Jo vajud usne mere jariye khada kiya tha, us raat mujhe zinda karke use khatam karna jaruri tha aur ye kaam uski dunia mein hi hona aur bhi jada acha tha isliye mene apne aap ko us din maar diya, apne pyar ki salamati ke liye, apne bache ki salamati ke liye. " Shreyas ki baat sun kar aaruhi ki ankhon se ansu girna cha rahe the par us andhere ne aisa hone hi nahi diya, vo ansu uski ankhon mein hi fans kar reh gaye the.

" Ye meri kahani thi.. jo marne se pehle mere sath hua, mere pariwar ke sath hua. Mujhe marne ka sirf ek hi dukh tha ki main apne pyar ko chhod kar hamesha use dur ho jaunga. Jo kushi abhi shuru hi hui thi uska ant hone wala tha. Lekin... " shreyas ne nazar samne ki taraf uthai " Lekin shayad us jagah, uski dunia mein marne ke baad bhi main apni dunia se juda tha, Main apni Anshika, apni beti ke sath hi tha. Bhale hi ek atma ke roop mein lekin main unhe dekh sakta tha, unhe sun sakta tha... aur use hamesha mere hone ka ehsas rehta tha shayad yahi pyar ki takat thi jo mere marne ke baad bhi ek sath the par " shreyas ke chehre par sukun bhare bhav achanak se tanav mein badal gaye mano uske ache pal is kahani ke khatam ho chuke the. " Par .. pata nahi fir kya hua.. mera sampark hamari reality se tut gaya aur main ek jagah jaa pahuncha jiske bare mein mujhe kuch nahi pata tha. Mene us jagah par kafi kosish ki anshika ko khojne ki lekin vo mujhe nahi mili. Dhire-dhire andaza hone laga ki vo jagah hamari asli zindagi ki jo ek reality hai uski duplicate thi. Wahan pahunchne ke baad mera maksad bas itna hi tha ki kaise bhi karke main anshika ke pas pahunch jaun. Bhale hi vo mujhe, sun dekh chuu nahi sakti thi lekin vo meri ankhon ke samne thi aur main ab use chhodna nahi chahta tha. Ye lalsa itni badh gayi thi ki mene har mumkin kosish ki us jagah se bahar ane ki lekin aisa nahi ho paya aur main apni anshika ko ek baar fir akela chhod aya. " akhri lafz kehte hue shreyas ke honth kamp uthe the. Vo chup ho gaya, chehre par dard ke jazbat abhi uspar maujud the.

" Kya hum apki madad kar sakte hai? " Aaruhi ke sawal se sab sehmat the. Sab shreyas ko sun kar aisa mehsus karne lage the mano unhone kisi ko khoya hai jabki vo sakhs jisne abhi apni kahani batai thi use koi natta tak nahi tha. Sawal sun shreyas ne us awaz ki taraf dekha par kuch bol hi nahi paya. " Hum apki wife ko bata sakte hain ki aap kis tarah fanse hai.. aap hume bataiye kahan milegi vo.. " aaruhi ne uski chupi main apni aage ki baat keh di.

" Tum ... meri madad kaise kar sakte ho.. Tum nahi jante ki vo kiski dunia hai.. Meri bahut kosish ke baad bhi main us jagah se bahar nahi aa paya.. sivai aaj ke.. " achanak shreyas ke dimag mein ye khayal aaya. " Main.. yahan kaise aya tumhari jagah par... yani main anshika ko bhi dekh sakta hun.. par pata nahi main kitne waqt se us jagah par kaid hun.. mujhe waqt ka andaza nahi hai kyun ki wahan waqt jaisi chiz hoti hi nahi.. shuru ke dino mein to mene kosish ki thi lekin jab ye samajh aya ki us jagah par waqt hai hi nahi aur agar hai bhi to hamari reality se bilkul mel nahi khata to waqt ka andaza lagana hi bevajah ho gaya. Kya tum bata sakte ho ye kaun sa saal hai? " shreyas ne umeed bhari nighaon se fauran pucha. Uske andar apne pyar ko dekhne ki kiran jaag uthi thi.

" 2012 " shruti ne jaise hi jawab diya, shreyas ki umeed ki kiran turant man main kahin kho gayi.

" 2012? " usne behad chaukne walle andaz mein pucha. " Ye saal 2012 hai? " usne dubara confirm karne ke liye pucha.

" Han.. Kyun? " Meghnath ne turant pucha. Sabhi ke dil ki dhadkan shreyas ki chupi aur uske chehre par badalte bhav ko dekh badhti jaa rahi thi.

" Kaun sa mahina hai? " Shreyas ne eka-ek pucha.

" September.. Khatam hone wala hai.. ek din baad.. " sab shreyas ke sawalon se hairan ho rahe the. Shruti ne jawab diya aur aage kya hone wala hai uska intezar karne lagi.

" Ye kaise ho sakta hai... " shreyas sochte hue bola. " Main is waqt mein kaise aa gaya.. abhi to kahani ki shuruwat hi nahi hui hai " shreyas khud se hi baat kar raha tha isliye awaz dhimi aa rahi thi.

" Hum kuch samjhe nahi? " meghnath ne fauran pucha.

" Jis kahani ke bare mein mene abhi bataya uski shuruwat to abhi shuru bhi nahi hui hai... Mere papa to abhi tak sabharwal mansion gaye hi nahi hai.. vo takreeban 3 mahine baad wahan jane wale hai.. To fir main waqt se piche kaise aa gaya? " ek sawal to shreyas ne kiya par iske sath jo dusra sawal tha vo sabhi ke man mein uchal pada ki agar ye sach hai to ye khud kaun se saal se aya hai?

 

[harshit1890]

Update ~~ 90​

" to fir aap kaun se saal se hai? " shruti ne turant pucha.

" takreeban 35 saal piche aa khada hun main... ye kaise mumkin ho sakta hai aur sawal hai kyun? Kyun main yahan.. " shreyas kuch sochta use pehle aaruhi bol padi jiski wajah se shreyas ko bich mein hi rukna pada.

" Agar aisa to abhi to apka janam bhi mein nahi hua hai.. na hi apki wife anshika ka.. Par fir bhi hum apko bacha sakte.. " Sabhi is baat se hairan the ki jo shaks samne khada hai vo future se aya hai vo bhi 35 saal baad ka. Sab kuch jo ho raha tha soch se hi bahar tha kewal aaruhi hi thi jo in sab baton par dhayan na dete hue shreyas ko bachane ke bare mein soch rahi thi.

" Kaise? " vishal ne turant pucha.

" Hum agar inke papa ko sab bata de to wo kabhi sabharwal mansion jayenge hi nahi aur agar vo jayenge hi nahi to unki death nahi hogi aur na hi shreyasji ki aisi halat hogi.. " Aaruhi ne kitne sidhe tarike se sabhi problem ka halh dhund liya tha jo kahani 100 salon se chalti aa rahi thi use ek jhatke mein aaruhi ne suljha diya tha.

" Ye to hum kar sakte hai.. " vishal ne bhi aaruhi ka sath dia.

" par uske liye to hume is chiz se azad hona padega tabhi madad kar payenge... " meghnath ne bhi un dono ka sath diya.

" Nahi.. " achanak is awaz ne sabhi ka dhayan toda. Aaruhi ka idea sahi tha lekin jab Nahi kehne wala shaks khud shreyas tha to aaruhi bhi hairan reh gayi. " Main aisa nahi karne de sakta.. agar tumne aisa kiya to time badal jayega. Sonia jis ladki ki atma us mansion mein fansi hui thi vo kabhi azad nahi ho payegi... papa kabhi maa se mil nahi payenge.. vo shaitani takat unka kabhi ant nahi ho payega aur mera shayad janam bhi nahi ho payega.. nahi... main ye risk nahi le sakta... " shreyas jaise sochte hue kuch jaan jhuka tha isliye uski ankhein pehle se jada khul gayi.

" Main waqt se theek us samay mein aya jahan abhi kahani ki shuruwat bhi nahi hui hai.. Kya mujhe jaan bujh kar yahan laya gaya taki main.. Anshika ki chahat mein koi galat kadam utha lun? " abhi tak shreyas ke man mein sirf anshika se milne ki chahat thi jiski wajah se vo sawalon ko karne se hi bhool gaya tha.

" Main yahan kaise aya? Jis jagah se main nikalne mein asmarth tha use bahar tum log mujhe kaise lekar aye ho? " shreyas ne turant sawal kiya jo use bahut pehle kar dena chahie tha.

" mat batana warna ye hume yahan fansa kar bahar nikal jayega us box se.. " rachna fusfusai.

" han mat batao... mat batao.. mujhe iske jaise nahi banna... " gaggan ne rachna ka sath diya. Ek pal tak kisi ne koi jawab nahi diya.

" God Of Box ki madad se " Rachna aur gaggan ko ummed nahi thi ki jawab shruti degi. Agar meghnath ko range hath pakadna hai to ise batana hi sahi option tha. Mujhe nahi lagta ki ye meghnath se mila hua hai aur iski kahani bhi sachi lag rahi hai. Shruti ne man hi man ye soch kar faisla kar liya tha.

" God of Box.. Ye kya hai.. aur tum logon ne uski madad kyun li ? "

" God of Box ek Egyption Box hai jo meghnath ko mila tha jiske istemal ke baad hi aap aye hai. Hume nahi malum tha ki uske use par kuch aisa hoga .. " shruti ne baaton ko aur clear kiya.

" Mene aisi chiz ke bare mein kabhi nahi suna... lekin agar main uski madad se yahan aya hun to yakeenan vo koi bahut powerful source hoga jiska uski dunia se koi gehra nata raha hoga.. tum logon ko aisi chiz ka istemal nahi karna chahie tha.. kyun kiya tumne.. " shreyas ka sawal fir usi kyun par tha.

" Aap baar-baar uski dunia kar rahe hain.. akhir vo kiski jagah hai jahan aap fanse hue hai " Shruti kyun ka jawab deti use pehle meghnath bich mein bol pada. Shreyas ek pal chup khada raha.

" Main tumhe tumhari bhasha mein samjhane mein asmarth hun ki vo jagah kya hai.. kiski hai.. kyun ki main har chiz yaad karne mein asmarth hun.. main shayad janta bahut kuch hun lekin yahan ane ke baad sab kuch dhundla hai.. shayad ye usi jagah ka prakop hai ki waqt rehte main sab kuch bhool jaunga.. aur yahi vo chahta hai..lekin agar main galat nahi hun to us jagah ka naam..

' The Devil Realm ' hai " Shreyas ke batate hi sabhi ke rongte khade ho gaye.

" to kya humne ek Realm ka darwaja khol dia hai is box se? " thuk nigalte hue dare hue swar mein gaggan bola.

" Shayad tum logon ne wahi kiya hai.. ab mujhe batao tumne aisa kyun kiya hai... kya wajah thi tumhari jo tum uske Realm se judna chahte the "

" Taki hum us sach ko jaan sake jo hamare bich ghat raha hai.. " meghnath jo kafi der se chup tha vo bol pada.

" Kaisa sach? "

" Shayad wahi sach jo apse juda ho.. aap bhi usi andhere se aye ho.... " meghnath ne bolna shuru kiya to shruti ne use rok dia.

" Hum nahi jante ki hamari kahani us Realm se judi hai jaisa apne bataya ... par mera manna hai ki humare bich jo ho raha hai uske piche kisi ki sazish hai aur hamari bhool ki wajah se aap yahan hai aur shayad us Realm se bhi jud gaye hai. Lekin fir bhi main apko vo sab bataungi jo hamare bich ghat raha hai ya ghat chuka hai "

" Kahani ki shuruwat wahan se hui jab meri mulakat Aaruhi se hui, main aur Aaruhi room-partner hai aur hum ek hostel mein rehte hai. Hostel se samajh gaye hoge ki hum sab college students hai. To is kahani ka adhar jo Aaruhi se juda hai... Hostel, College, Ye Rehasmye mansion aur Ek Bhootiya hostel jiske bare mein afwa hai ki wahan bhoot hai kiska hai aur kya kahani hai kisi ko malum hi nahi par meri chaan been par jo asliayt ayi hai usmein vo sab college ke bade logon ne paise ke lalach mein ek kahani khadi ki, filal vo kafi salon se band pada hai" Shruti ne iske baad apni kahani ka saar rakha. Usne bataya kaise lavanya ne Aaruhi ke sath isi mansion mein ek mazak kiya jiska aaruhi par bahut gehra asar pada aur uske baad usme tarah-tarh ke badlav ane lage. Lavanya ki maut par kehna ki jo usne socha tha waise hi uski maut hui. Kabhi hostel mein der raat vo palang ke niche milti to kabhi ajeebo-garib harkat karke shruti ko darati. Usne kaise sabhi ke naam badal kar ek kahani banai aur aisa manne lagi ki vo unke sath hi rehti hai. Aaruhi ka der raat girls-hostel jakar wahan apna samay bitana. Yahan tak ki der raat mansion ke pas bhi milna jo us raat hua tha jab vo Lavanya ka piche karte hue us store room mein fans gayi thi. Aaruhi ka is mansion mein sabke sath us raat ana jab vo vibhu ke sath aye the aur is mansion ki kahani ko jana tha aur aaruhi ne kaise ajeeb bartav kiya tha mano vo is jagah se kitna darti ho aur aab bilkul normal ho jana. Iske sath us raat wali baat bhi batai jab shruti ko bathroom mein khoon mila tha aur aaruhi usi bhootiya hostel mein jakar chatt se kudne wali thi lekin vishal ne bacha liya tha. Iske baad usne college mein hui mauton ke bare mein bataya jo 2004 se chalte aa rahe hain aur aaj tak mautein ho rahi hai jiska adha-adhura sach hi bahar aa paa raha hai aur asli wajah kisi ko aaj tak malum hi nahi hui hai.

" Hum sabko to yahi lagta hai ki jo kuch bhi ho raha hai uske piche kisi ki sazish hai. Koi bahut bada serial killer hai jo planing ke sath apne game ko anjam de raha hai. Infact Aaruhi ko humne ek doctor ko bhi dikhaya hai unhone btaya ki aaruhi catatonic schizophrenia ki bimari se jujh rahi hai jo bahut rare hai aur usme insan wahi karta hai jo use instruction diya jata hai. Aur main wahi khoj rahi hun ki aaruhi ke sath ye sab kaun kar raha hai. Lekin meghnath ka manna hai ye maut yun bevajah nahi ho rahi aur na hi ye kaam koi insan ka hai iske piche kuch aur chupa hai. Isliye usne hume is box ke bare mein bataya jo aise andheri takat se taluk rakhta hai bas itna hi malum tha hamara uske baad baki sab Aaruhi ne kiya... na jane kaise usne itni purani language karke bataya ki is jagah ka istemal wahin ho sakta hai jo jagah maili ho aur Ye mansion usi tarah ka hai jahan kafi salon mein kai hadse hue hai.. Yahan ane par usne box ke sath kuch kiya uske baad is andhere ne hume kabze mein le liya aur aap .. apne realm se idhar aa gaye.. ya jo bhi hai vo jagah apki.. " shruti ne akhir choti-choti detailing dete hue shuru se ab tak jo bhi ghatit hua sab bata dia. Shreyas ek pal sunte hue samjhta raha fir jaise use kuch dubara se yaad aya jise yaad ate hi uske mathe ki lakeerein gehra gayi.

" Aaruhi kehti hai ki use kuch yaad nahi.. use kuch malum nahi hai.. Abhi bhi vo hamare sath hai lekin thodi der baad use kuch yaad nahi rahega. Uski condition din par din badal rahi hai aur hum log is chiz mein fanse hai jiska koi matlab hi nahi hai " shruti ne ek hi sans mein apni baat keh di. Ek pal ke liye mansion mein khamoshi pasari rahi.

" Aaruhi.. ke sath jo hua vo jhooth nahi tha.. jo usne bataya vo uske sath hua hai.. " shreyas ki baatein saaf nahi thi lekin jaise hi usne ye baat kahi meghnath ki ankhein chaudi ho gayi wahin shruti ko aisa dhaka laga mano use kisi ne buri tarah se hara diya ho. Baki sab bhi hakke bakke shreyas ki is baat ko sun kar hazam nahi kar paa rahe the.

" Apka matlab.... hum jo soch rahe the vo sahi tha... " meghnath fauran bola.

" Mujhe nahi pata ki tum log kya soch rahe the lekin Aaruhi ke bare mein jo bataya use sun kar mujhe kuch yaad bhi aya aur ye samajh bhi aa gaya ki uske sath kya ho raha hai.. " shreyas ke chehre par bhi baichaini thi.

" Kya? " vishal, meghnath, shruti, rachna, gaggan charon ek sath bol pade. Wahin Aaruhi ek dum shant thi.

" Jo bhi aaruhi ke sath hua vo sach mein hua hai... beshak isme multiple time, reality jude hai.. "

" hum kuch samajh nahi paa rahe hai... " shruti ne shreyas ko bich mein rokte hue pucha kyun ki use abhi bhi vishwas nahi ho raha tha ki kahani badal kaise rahi hai.

" Jo bhi Aaruhi ke sath hua, vo darasal.. hey bhagwan... aisa kaise ho sakta hai.. " shreyas sochte hue ghabra utha tha. Use kuch aisa malum ho chala tha jo vo shabdon mein bayan nahi kar paa raha tha. Sabhi shreyas par tak-taki lagaye intezar mein the, dil aise dhadak rahe the mano akhri chand palon ke liye aur dhadkna ho. Shreyas ne ek pal ke liye khud ko sambhala aur fir jo bataya usne sabhi ko is kadar hairan kar diya ki sabhi ek pal ke liye bhool hi gaye ki vo kahan fanse hai.

" Is bramhan mein positive powerful energy source hai uske sath hi negative sources bhi jiska vajud maujud hai .. Vo negative energy sources teen chizon se powerful banti hai ek hai time, dusri hai reality aur tisri hai person.. Yani... Aaruhi ke sath jo pehla vakya hua... is mansion mein... Jab Aaruhi mansion mein ayi aur use laga ki koi hai jo us mansion mein hai.. jaise koi bhoot pret.. atma.. kisi ke hone ka abhas .. asal mein aisa sab nahi tha.. balki vo Aaruhi khud hi thi.. kisi aur time ki.. jisme shayad uska naam Supriya ho... lekin dono wakiye ek hi samay par ghatte isliye Aaruhi ko laga mansion mein koi hai aur mera yakeen mano Supriya jo kisi aur timeline mein hai use bhi aaruhi ke hone ke abhas se laga hoga ki is mansion mein koi bhoot-pret hai " shreyas ki itni baat sunte hi sab blank, ek anjan shaks is tarah akar kuch aisa bata raha tha jise kisi ka bhi sar chakra jaye.

" Aur iske baad jo kuch bhi ghatnaye hui... Jaise.. Aaruhi ka tumhe alag-alag naam se pukarna.. Ye isliye ho raha hai kyun ki aaruhi ... " shreyas sochne laga " Aaruhi between different reality se jujh rahi thi isliye usne shruti ko megha samjha aur vishal ko aakash aur jis-jis ke tumne naam bataye. Asal mein vo kisi dusri reality se taluk rakhte hain jisme Aaruhi khud ko supriya batati hai. Aur maybe yahi reason tha ki use kuch yaad nahi rehta. "

" Iske baad jo ghatna tumne batai thi ki jis din tum sab is mansion mein aye the aur Aaruhi khidki se bahar kisi ko dekh kar chaunk gayi thi to vo koi aur nahi balki us din wali Aaruhi hi thi jab shruti tumhe aur vishal ko vo mansion ke pas mili thi aur dekhte hi behosh ho gayi thi.. Ye time ka sabse bada chakrwyu hota hai jab past,present aur future ki ghatnaye ek sath ghat rahi ho. Jaisa ki is vakye mein hua tha.. Jis din vishal aur shruti ko Aaruhi mansion ke piche mili thi usne future dekha tha kyun ki khidki par Aaruhi khadi thi .. Aur jab tum sab is mansion mein aye the to Aaruhi ne past dekha tha ... aur dono hi apne apne present mein khade the.. " shreyas ek pal ke liye chup hua aur fir use kuch yaad aya " tumne ek kissa aur bataya tha.. vo khoon wala.. jis raat hostel ke kaam karne walle ne ek ladki dekhi thi khoon se latpat .. aur thodi der baad shruti ne us shower par khoon dekha tha.. Us case mein time aur reality dono ka mel tha.. Kisi aur reality mein us ladki ki jaan ko khatra hai jo aaruhi ke uppar asar chhod raha hai Nahi Nahi.. Ye nahi ho sakta tum logon ke sath... ye tum kis chiz mein fans gaye ho... Tum log nahi jante ki tum kis chiz mein fanse ho.. Jise hum aaj tak bhoot-pret atma samajhte aye hain, main bhi aisa hi samjhta aya vo hai hi nahi. Filal Ye uski sabse powerful enegry hai jise Aaruhi guzar rahi hai.. par mujhe samajh nahi aa raha kaise... ? " shreyas ka dil bahut jada ghabra raha tha, usi ghabrahat mein ab uski chinta chehre se jhalak rahi thi.

Shreyas ne apni baat sawal par khatam ki thi lekin sabhi ek putle ki tarah khade the kyun ki unhone jo suna tha vo kuch to unhe samajh aya hi nahi tha aur jitna aya tha usne unnke dimag ke parkache uda diye the.

" Its not possible.. Sirf ek hi chiz bachi hai jo aaruhi par istemal nahi hui hai.. jis din vo ho gayi.. Aaruhi ke pas samay kam hai.. " shreyas ki is baat ne jaise sabko hosh mein laa khada kiya.

" Ye aap kya keh rahe hain.. kaun si negative energy.. kya hai ye..sab " vishal ne turant kaha.

" Iska nata us book se hi hai.. main theek tha.. mene pehle hi kaha tha.. Devil aaruhi ko suck kar raha hai koi meri baat ka vishwas nahi kar raha tha.. " gaggan fauran bola. Vo khud hadh se jada hairan tha ki kuch aisa bhi ho sakta hai.

" book " shreyas sunte hi achanak se bola.

" han vo book.. " ise pehle koi kuch kehta ek ajeeb si awaz hui aur jahan pancho khade the aur unke piche jo andhera tha vo achanak se gayab hone laga dhire-dhire aur vo andhera ab roshni mein tabdeel hone laga jo bilkul pehle jaisa hi tha jaisa mansion tha.

" tumne jis chiz ka istemal kiya shayad uska asar kam ho raha hai.. " shreyas ne ye dekha aur kuch yaad karne laga.

" Aap ... aap wapis apni usi Realm mein chale jaoge? " vishal ne fauran pucha par shreyas ne koi jawab nahi diya. Vo andhera kim aur gaggan ko paar kar gaya tha aur dono pehle jaise ho gaye the. Dono jaise hi andhere se azad hue, ek gheri sans chhodte hue lambi-lambi sansein lene lage. Pasine se pura chehra tar-batar ho chuka tha.

" Aap kuch bata rahe the.. Kya hai ye sab jo aaruhi ke sath ho raha hai.. kaise roke hum isko " meghnath ne eham sawal pucha kyun ki iska jawab panna behad jaruri tha.

" book.. book.... book... main janta hun kuch.. kisi book ke bare mein " shreyas ne sawalon se jaise dhayan hata liya tha aur bas ek hi shabd ko dahurata raha. Us andhere ne rachna, vishal aur shruti ko bhi azad kar diya, teeno ki halat bilkul waisi hi thi jaisi gaggan aur kim ki thi.

" thank god.. hum theek hai.. " shruti ne ghutno par hath rakh lambi-lambi sans li aur samne dekhne lagi jahan shreyas kuch soch raha tha wahin vo andhera aage badhte hue dhire-dhire aaruhi aur meghnath ko bhi paar kar gaya aur dono bhi us andhere ko azad kar gaye. Par jaise hi aaruhi ko us andhere ne azad kiya, aaruhi ko chakar aa gaye.

" Aaruhi.. " meghnath ne pakadne ki kosish ki par shruti ne furti dikhate hue turant pakad liya. Wahin Aaruhi ko chakar to aye lekin vo abhi bhi himmat jutaye kam khuli ankhon se khadi thi. " tu theek hai? " shruti ne pucha aur utne mein hi shreyas ne bhi cheekh sunte hi apni nazar samne uthai aur ab jab samne andhere ki jagah roshni thi to vo sabhi ko dekh paa raha tha. Vo andhera jo un sabhi ko paar kar hall ke us kone mein roshni kar chuka tha ab shreyas ki taraf badhte hue wahan andhera failta jaa raha tha.

" tum... tumhe... mene kahin dekha hai.. " shreyas ne jaise hi ye shabd lafzon se kahe sabhi ne uski nazar ka picha karke us shaks ki taraf dekha jisko vo dekh raha tha.

" Aaruhi " Sabhi ki nazar Aaruhi ki taraf gayi jisko sahara dekar shruti khadi thi jise dekh sab ke man mein yahi khayal tha ki ye Aaruhi ko kaise janta hai? Koi is baat par dhayan deta use pehle....

" Aap kisi book ke bare mein bata rahe the... " shruti ne fauran sawal badla kyun ki vo janti thi ki jis book ke bare mein shreyas ko yaad karna hai vo jada jaruri hai kyun ki samay kam tha aur shreyas ki adhuri kahani uljha gayi thi. Book ka sunte hi shreyas ki ankhein khul gayi.

" Book.... vo book.... us baba ne mujhe bataya the ek book ke bare mein jo mujhe Realm mein mile the, vo book hi tumhari madad kar sakti hai.. unhone mujh ek kagaz ka tukda diya tha... us samay mere pas meri ankhein nahi thi dekhne ke liye.. realm ke andar sab kuch dhire-dhire chinnta hai uske baad hum pure andhkar mein dubte hai.. isliye us samay ankhein na hone ke karran mein padh nahi paya tha.. lekin mene us kagaz ko apne pass hi rakha tha... " shreyas ke kanpte hath apne sharir par padne lage. Vo andhera bas chandd hi duri par tha usko puri tarah se kabze mein lene ke. Jaise jaise andhera uski taraf badh raha tha sabhi ki nazre shreyas par hi jami thi jo us kagaz ko khojne mein laga tha.

" jaldi please... " sabhi ke lafzon mein dhire se yahi nikal raha tha mano akhri umeed wahi parcha ho. Vo andhera shreyas ko chhune wala tha bas.. aur uske baad khel khatam..tabhi shreyas ko vo kagaz ka tukda mil gaya aur usne tukde par likhe shabdon ko padh liya tha jiske baad Usne tukde ko fauran palat diya taki sab use padh le.Usne aisa isliye kiya kyun ki vo janta tha ki vo samay rehte pura naam nahi le payega aur andhkar use apni chapet mein le lega aur hua bhi kuch waisa hi.

" Book.... " Shreyas bas itna hi bol paya ki uske hath se kagaz nikal gaya aur andhere ne uska hath apne kabze mein le liya aur dekhte hi dekhte hi andhere ne use apne andar samet liya. Vo kagaz ka tukda wahin girte hue rakh ho gaya aur uska astitv is reality se khatam ho gaya. Andhera khatam ho chuka tha aur mansion waisa ban chuka tha jaise thodi der pehle tha.

Vo naam jo us kagaz par likha tha vo Shruti ne andhere ki chapet mein ane se pehle padh liya tha. Shruti ne hi nahi balki us har shaks ne jo wahan maujud tha. Shreyas jo kuch pal ke liye aya tha usne kuch bataya aur kuch de kar gaya aur shayad jo dekar gaya tha vo behad jaruri chiz thi.

Sabhi ki ankhon mein kagaz par likhe vo shabad chaap chuke the... ' Book Of Hoax '


Important Suchna : Pehle to Aur i Know ki bahut se logon ke bahut se sawal honge aur kuch logon ke bilkul nahi honge kyun ki vo bilkul ache se samajh gaye honge ki abhi kiski entry hui aur kya kahani thi uski. Vaise to mene Update kramank 89 mein sankchep mein samjhane ki kosish kari hai aur yakeen maniye utna hi padh kar samajh jana kafi hai ise jada nahi. Kher mein aap logon ko suspense se hata deta hun, Darasal Ye kahani Ek Spin-Off story hai.. Kehne ka abhipray jo character apne abhi pada Alok Urf Vikrant vo ek kahani ka kirdar hai jo mene likhi thi 'Treasure ~~ Invisible Hunt' Aur vo actual roop se uska use kiya gaya hai isme jise Meghnath ko vo Egyption Box mila hai and surprise, surprise aur jis dusri story ka istemal kiya gaya hai vo hai Haunted Series jiske character ka use kiya hai Shreyas.. jo apne padh hi liya hoga. Well mujhe galiyan ya gussa hone ki jarurt nahi hai bhale hi ye kahani ek taur par Spin-off ke roop mein likhi gayi hai lekin sirf itna hi part use karne ke liye baki kahani ko use kiya hai. Baki is story ka concept aur aage likhi jane wali kahani ka pichli kahani se koi taluk nahi rahega isliye aap un story ko nahi padna chahte to mat padiye warna link niche siggy mein hai.. mehnat karni padegi bas Ise jada batane samjhane ke liye mat kehna kyun ki i know you all are confused after reading this. But nako worry clearance to apun baad mein hi dega. Sab kuch shreyas nahi bata sakta na.. Haunted 4 ka plot thodi reveal karna tha idhar jo ki kabhi nahi ayegi

 

[harshit1890]

SANJU ( V. R. ) DARK WOLFKING Naina prakash2piyush GuptAbhishek Death Kiñg Aakash. And Every Other reader

 

[DARK WOLFKING]

Update ~~ 89​

Hall do hisson mein banta hua tha, ek hise mein sathon jane andhere ki chapet mein khade the wahin adhe hisse mein hall ke andar pehle jaisi mombatiyun ki roshni thi bas farak itna tha ki wahan unke liye ek anjan shaks khada tha jo khud roshni ko bhanp kar hairan aur pareshan tha.

" Kaun ho tum? " Meghnath ne fir pucha.

" Main.. " vo sochne laga, uski ankhein bata rahi thi ki vo apne dimag par khud ke bare mein batane ke liye kitna zor daal raha hai par use yaad nahi aa paa raha tha. Mathe aur ankhon ke niche padi jhuriyan darsha rahi thi ki jaise sharir kafi thak chuka tha.

" Ye roshni yahan kaise maujud hai.. Kahan hun main? " jawab na sujhne par usne sawal kar diya aur charon taraf dekhne laga jaise vo aisi kisi jagah se wakif ho. Koi uski baat ka jawab de pata use pehle hi usne apni nazar fauran samne ki aur ek kadam aage badhte hue pucha.

" Kya ye Sabharwal mansion hai.. ? " Sawal karte hue uski ankhein hairani mein khuli hui thi, uske mathe par tanav ke chalte balh pada hua tha, awaz mein ek ghabrahat thi, mano vo aisi kisi jagah se taluk rakhta ho.

" Nahi.. " Jawab Aaruhi ne diya. Jawab sunte hi uske mathe par tanav kam hua aur uske sharir se mano koi bhoj hata ho.

" Ye ek purana mansion hai.. par jiska naam aap le rahe hain uska naam humne kabhi nahi suna " vishal ne us shaks ki manodasha dekhte hue kaha.

" Main yahan kaise aaya... aur tum log meri tarah kaise ban gaye ho.. " us shaks kehte hi sabhi ke mano mein sawalon ka bhandar lag gaya. Ye insan aisa tha jaise ab hum hai? Shruti ne man hi man socha. Agar vo aisa tha to ab kya humne use azad kar diya hai aur khud ko aisa bana liya? Ye sawal Rachna ke man mein aya. Ye insan aise andhere mein fansa, Kya iske piche iski koi kahani hai? Sawal aaruhi ke man mein ubhra. Kya aisi koi jagah hai jahan insan aise andhere mein rehte hai? Sawal meghnath ke man mein uchla.

" Aap hamari tarah the? Kab se? Aur kaise ? " vishal ne turant pucha.

" Par use jaruri baat aap hai kaun? " Shruti is maya par bharosa nahi karna chahti thi vo bhi aise shaks pe jise khud apne aap ke bare mein malum hi na ho. Sawal sunte hi vo shaks fir soch mein padh gaya. Vo andhere mein khade sayon ko mehsus kar paa raha tha lekin kaun sawal kar raha hai ye use nahi dikh raha tha vo sirf awaz ki disha ko follow kar raha tha isliye uski nazar shruti par atki hui thi jaisa shruti ko mehsus ho raha tha jise dekhte hue use samajh aa gaya ki vo awaz ko follow karte hue is andhere mein khadi shaksiyat ka abhas kar sakta hai.

" Main.. mujhe.. khud ko.. main.. yaad nahi kar paa raha... " vo shaks apne dimag par ek baar fir zor dalne laga. Vo puri kosish kar raha tha jo sabhi dekh paa rahe the. Uske apna sar pakad liya aur puri takat laga kar khud ke bare mein yaad karne ki kosish karne laga jisme use behad takleef ho rahi thi.

" Inhe yaad dilana hoga ki ye kaun hai.. " meghnath ne halke lazfon mein kaha.

" Kya jarurat hai.. hume ise kya lena dena.. " shruti ne fauran kaha.

" lena dena nahi bhi hai..lekin bahut takleef mein dikh rahe hai.. " Aaruhi ne turant kaha.

" Humari takleef ise kahi jada hai aaruhi.. " shruti ne samjhaya.

" Isliye jaruri hai yaad ana inhe.. Varna hum bahar kaise ayenge? " vishal ne samjhaya. " Agar ye bhi hamari tarah hi aise fanse the to inhe is chiz ke bare mein malum hoga..hume inhe yaad dila kar batana hoga ki hum ek box ki wajah se aise fanse hai aur puchna hoga ki ye kaise fanse the, taki hum yahan se bahar nikal sale " vishal ke samjhane par shruti ko samajh aa gaya ki unhe us shaks ki jarurat hai.

" Lekin yaad kaise dilaye? " meghnath ne fauran pucha.

" Aisi memory loss mein kuch trigger karna padta hai taki brain ko yaad dilane mein asani ho.. " vishal ne turant jawab diya mano vo ye sab soch kar baitha tha.

" Par hume kaise malum hoga.. ki ise kya trigger karna hai.. " Shruti ki baat sahi thi.

" Ek chiz ho sakti hai... " Aaruhi ki awaz sabhi ke kano mein padi aur fir vo thodi unchi awaz mein boli taki vo shaks sun sake. " Aap kaun hai.. agar apko yaad nahi to kya aapko apne pariwar ke bare mein yaad hai.. ? " Aaruhi ka sawal sunte hi achanak us shaks ne apni nazar utha li.

" pariwar ... "

" Han pariwar.. apka bhi to hoga.. mom, dad.. bhai, behen.. ya fir apki wife? Kya aap shadi shudha hai.. " Aaruhi ki baat sun kar vo ek pal waise hi khada raha usi taraf dekhte raha. Aur dekhte hi dekhte uski ankhein bhar ayi aur jazbaton ne uske chehre ko apni chapet mein le liya.

" Apki wife hai? " Aaruhi ko laga jaise usne kuch sahi chiz trigger ki hai isliye vo uspar jor dene lagi. " Hai to kahan? Kya unhe apke bare mein pata hai? " Aaruhi ki har lafzon ko sunte hue uske jazbat aur gehrate jaa rahe the, jaise us awaz ke piche kisi ko khojne ki cha mein ho. Ya fir jo vo sochna chahta tha vo uske man mein aa chuka tha. Aaruhi ka idea kaam kar gaya tha ya nahi ye abhi tak kisi ko samajh nahi aya tha par ek badlav us shaks ke chehre par maujud ho chuka tha.

" An An An... Anshikaa... " naam lete hi vo ghutno ke bal baith gaya aur ghunto par hath rakh apne sharir ka vajan kandhon par dalte hue muh niche kar rone laga.

" Anshika.. " Is baar usne naam thodi zor se liya jise sabhi ne theek tarike se suna. Ansu uski palkon se nikalte hue hathon par girne lage the, uska pura chehra kanp raha tha mano dil ke dard se seham raha ho.

" Mera pyar, meri zindagi, mera dard, kaise bhool sakta hun main " Eka-ek vo baithe baithe hi zor se chillaya.. " Kyun....... " aur usne apne ghutne ke uppar se kapde ko muthi mein kass liya. Mathe par nasein chamakti hui bahar aa nikli thi. Ek pal sabhi uski is halat ko dekh kar sans thame khade rahe. Rote hue subakne ki awaz ek matr awaz is waqt wahan ghum rahi thi, par ye koi nahi janta tha ki har bitta waqt kitna kimti hai.

" Aap roo kyun rahe hai? Kya apki wife bhi aise hi apki tarah fansi hai aur kho gayi hai... " Aaruhi ne khamoshi todi, samne us shaks ko rota dekh uska bhi jee bhar aya tha lekin vo is waqt sawalon se jada kuch nahi kar sakti thi.

" Wife chhod aaruhi.. ise sab yaad aa gaya " shruti ne halki awaz mein kaha. " Aapko sab yaad aa gaya hai? To ab aap bataiye ki aap kaun hai? Aur apne aisa kyun kaha ki hum sab apki tarah dikh rahe hai? " shruti ne waqt ki nazakat ko ek tarah se samjha bhi aur nahi bhi.

" Kaun hai aap? " jab us shaks ne jawab nahi diya to shruti ne fir se pucha. Sabhi ko shruti ka yun sawal is tarah se pasand nahi aa raha tha. Samne baitha shaks kisi aseem dard mein tha aur ye sabhi ko mehsus ho raha tha lekin shruti ne use nazar-andaz karna hi behtar samjha.

Koi shruti ko shant rehne ke liye bolta use pehle us shaks ne apni gardan han mein hila di jaise vo ye karke shruti ke ek sawal ka jawab de raha ho ki han use sab yaad aa gaya hai.

" Mera naam Shreyas... " naam batate hue shreyas ne apna sar uppar uthaya jise dekh sabhi ki ankhein hairani aur asmanjas mein khuli reh gayi kyun ki jo chehra kuch der pehle behad ajeeb tha vo ab normal ho gaya tha, mano jo sabne kuch der pehle dekha ho vo sirf unka ek dhoka tha.

" Ye theek kaise ho gaya.. Jarur kuch gadbad hone wali hai " Gaggan hicak khate hue bola jo sabhi ke man mein sawal tha.

Shreyas apni jagah se khada hua par uski nighaein niche hi jhuki hui thi, uski nazar us roshni par thi jo farsh par mombati dwara padh rahi thi aur usi ko dekhte hue vo ek aisi yaad mein tha jo shayad uske sath ghat chuka tha jise vo apni juban se bayan karne wala tha.

" Mera pyar anshika... meri beti Aashya .... Main ... Main mar chuka hun.. " Jaise hi shreyas ne apne liye kaha ki vo mar chuka hai sabhi ke dil ki dhadkan char guna badh gayi jo har koi sun paa raha tha. Mar chuka hai to abhi kya uski atma khadi hai? Sabhi ke dimag ke parkache ud chuke the. Aisa to bilkul bhi nahi socha tha, khas-kar ki shruti ne to bilkul bhi nahi. Uske dimag mein sirf yahi chal raha tha ki jo vo samajh rahi hai vo sach nahi ho sakta. Sabhi ke sawalon se bhare dimag mein abhi tanav kam hua bhi nahi tha ki shreyas ne jab aage batana shuru kiya to dimag mein uljhal use kahin jada badh gayi.

" Ye kahani bhi kuch aise hi ek mansion se shuru hui thi jiska naam Sabharwal Mansion tha. Mere papa Harshit aur unke kuch dost jab us mansion mein pahunche to wahan jakar unhe malum hua ki us jagah koi anhoni takat ka kabza hai, kuch bahut buri takaton ka kabza jisne ek masoom atma ko us jagah par kaid kar rakha hai. Is raaz ke piche ki jab wajah jaan padi tab malum hua ki kai saal pehle us mansion ke naukar aur kuch logon ne mil kar us ladki ki izat lootni chahie par us ladki ke pyar ne use bacha liya aur usne khud ki jaan ke sath un sabhi ko maut ke ghat utar kar ladki ki izat bacha li. Par us ladki ki izat to bach gayi lekin un haiwano ki shaitani takat marne ke baad bhi us mansion mein ghumti rahi aur unhi se tang akar us ladki ne khud-kushi kar li jiske baad us burai ne us ladki ko us mansion mein kaid kar liya aur har raat vo uspar apni haiwaniyat barsate rahe. Us ladki ki cheekh aur uske dard ko azad karne ka pran lete hue jab papa ko pata chala ki vo usi pyar ke rishte se jude hai tab unki mulakat meri maa Shilpi se hui jo papa ki tarah is kahani ke pyar se jude the. Kudrat ka bhi ajeebo-gareeb karishma tha kyun ki ye koi punar-janam nahi tha par pyar ki us majbut dor se bandhe the jisne us hadse ki kahani se dono ko jodh diya. Dono is janam mein mile, dil to wahi pyar karne wala tha par atma alag thi. Papa jante the ki us ladki ki atma ko us buri shakti se azad karana hi hoga aur us kosish mein unhne apni jaan ki parwah bhi nahi ki aur ant mein un takaton ne maa ko bhi apne kabze mein le liya jise bachane ke liye apne pyar ke khatir apni jaan de di. Jo kafi saal pehle hua tha wahi is baar bhi hua lekin is baar us mansion mein vo cheekhein nahi thi, use papa azad kara chuke the. Maa ne mujhe janam to diya lekin kuch salon baad usne sath chhod dia. Main papa ki sabse achi dost jisne mujhe maa ka achal diya aur mujhe aisi dur jagah le gayi jahan mujhe ateet ke pane tak na mil paye lekin kudrat aisi chiz hai jo hamare sochne par nahi balki hum uske soch par chalte hai. Main bada hua aur mene us jagah par fir kadam rakha, anjan reh kar hi lekin vo ab koi mansion nahi tha vo jagah badal chuki thi. Main akela nahi tha mere sath mere dost the aur Anshika bhi... " Shreyas ek pal ke liye shant hua. Uske shabad itne sidhe the mano sabhi uski kahani mein uske sath ateet mein pahunch chuke the.

" Ateet ke panne jab khulte hain tab usme kuch aise gehre raaz chupe hote hain jinke janne par hum dil se chotil ho jate hai. Mera atit bhi kuch aisa hi tha, jab janna tab der ho chuki thi anshika ko wahan ki ruhani takat ne kaid kar liya tha jise papa ne mitaya tha. Un Char ruh mein se ek shaitani takat wapis aa chuki thi jiske sath ek anjani ruh bhi shamil thi. Anshika unke kabze mein thi aur mujhe apne pyar ko bachana tha, main kamjor tha, asmarth tha, papa jitni takat shayad mujhe mein nahi thi lekin mere doston ne mera sath diya par mere samne meri dost... " Shreyas ki palkon par ansu the " Trishti ki maut aaj bhi meri ankhon ke samne hai.. mene uske alawa apne sarre doston ko kho dia aur ant mein anshika ko bachate hue apni zindagi bhi kho di thi lekin main wapis laut aya tha us waqt laga tha ki anshika ka pyar mujhe khinch laya hai lekin jab kahani aage badhi tab samajh aya ki mere zinda rehne ki wajah vo nahi balki ek shaitaini kadi thi. "

" Us raat main anshika ko bacha kar bach to gaya lekin ye nahi samajh paya tha ki kahani adhuri hai, jis shaitani takat ko mene khatam kiya hai uska ansh abhi bhi maujud tha. Is naye khel se main aur anshika dono anjan the, waqt bitta gaya aur dhire-dhire jab hume uske khel ke bare mein pata chala tab samajh aya ki ye sab uski chaal thi. Mera bachna, anshika ko mere liye chhodna.. sab uska ek mayajaal tha aur is baar uske is mayajaal ko khatam karna behad jaruri tha. Lekin har baar ki tarah is kaam ke liye main saksham nahi tha, is baar anshika ko aisa karna tha par main use kaise jane de sakta tha, vo maa banne wali thi " shreyas ke honth ladhkhada rahe the. " Mujhe hi jana tha ye jante hue ki main kabhi lautunga nahi par karna jaruri tha isliye mera uski dunia mein jakar use khatam karna jaruri tha. Mene wahi kiya, gaya uski dunia mein aur is baar use uski takat ko puri tarah se nasht kar diya. Mene kar dikhaya tha, jo kahani itne salon se chali aa rahi thi alag-alag roop mein, uska ant ho gaya tha. Par abhi kuch bacha tha.. " shreyas ne apni ankhein band kar li aur uski palkon par tehre ansu chehre par utar aye. Agle hi pal usne apni ankhein kholi " Jo vajud usne mere jariye khada kiya tha, us raat mujhe zinda karke use khatam karna jaruri tha aur ye kaam uski dunia mein hi hona aur bhi jada acha tha isliye mene apne aap ko us din maar diya, apne pyar ki salamati ke liye, apne bache ki salamati ke liye. " Shreyas ki baat sun kar aaruhi ki ankhon se ansu girna cha rahe the par us andhere ne aisa hone hi nahi diya, vo ansu uski ankhon mein hi fans kar reh gaye the.

" Ye meri kahani thi.. jo marne se pehle mere sath hua, mere pariwar ke sath hua. Mujhe marne ka sirf ek hi dukh tha ki main apne pyar ko chhod kar hamesha use dur ho jaunga. Jo kushi abhi shuru hi hui thi uska ant hone wala tha. Lekin... " shreyas ne nazar samne ki taraf uthai " Lekin shayad us jagah, uski dunia mein marne ke baad bhi main apni dunia se juda tha, Main apni Anshika, apni beti ke sath hi tha. Bhale hi ek atma ke roop mein lekin main unhe dekh sakta tha, unhe sun sakta tha... aur use hamesha mere hone ka ehsas rehta tha shayad yahi pyar ki takat thi jo mere marne ke baad bhi ek sath the par " shreyas ke chehre par sukun bhare bhav achanak se tanav mein badal gaye mano uske ache pal is kahani ke khatam ho chuke the. " Par .. pata nahi fir kya hua.. mera sampark hamari reality se tut gaya aur main ek jagah jaa pahuncha jiske bare mein mujhe kuch nahi pata tha. Mene us jagah par kafi kosish ki anshika ko khojne ki lekin vo mujhe nahi mili. Dhire-dhire andaza hone laga ki vo jagah hamari asli zindagi ki jo ek reality hai uski duplicate thi. Wahan pahunchne ke baad mera maksad bas itna hi tha ki kaise bhi karke main anshika ke pas pahunch jaun. Bhale hi vo mujhe, sun dekh chuu nahi sakti thi lekin vo meri ankhon ke samne thi aur main ab use chhodna nahi chahta tha. Ye lalsa itni badh gayi thi ki mene har mumkin kosish ki us jagah se bahar ane ki lekin aisa nahi ho paya aur main apni anshika ko ek baar fir akela chhod aya. " akhri lafz kehte hue shreyas ke honth kamp uthe the. Vo chup ho gaya, chehre par dard ke jazbat abhi uspar maujud the.

" Kya hum apki madad kar sakte hai? " Aaruhi ke sawal se sab sehmat the. Sab shreyas ko sun kar aisa mehsus karne lage the mano unhone kisi ko khoya hai jabki vo sakhs jisne abhi apni kahani batai thi use koi natta tak nahi tha. Sawal sun shreyas ne us awaz ki taraf dekha par kuch bol hi nahi paya. " Hum apki wife ko bata sakte hain ki aap kis tarah fanse hai.. aap hume bataiye kahan milegi vo.. " aaruhi ne uski chupi main apni aage ki baat keh di.

" Tum ... meri madad kaise kar sakte ho.. Tum nahi jante ki vo kiski dunia hai.. Meri bahut kosish ke baad bhi main us jagah se bahar nahi aa paya.. sivai aaj ke.. " achanak shreyas ke dimag mein ye khayal aaya. " Main.. yahan kaise aya tumhari jagah par... yani main anshika ko bhi dekh sakta hun.. par pata nahi main kitne waqt se us jagah par kaid hun.. mujhe waqt ka andaza nahi hai kyun ki wahan waqt jaisi chiz hoti hi nahi.. shuru ke dino mein to mene kosish ki thi lekin jab ye samajh aya ki us jagah par waqt hai hi nahi aur agar hai bhi to hamari reality se bilkul mel nahi khata to waqt ka andaza lagana hi bevajah ho gaya. Kya tum bata sakte ho ye kaun sa saal hai? " shreyas ne umeed bhari nighaon se fauran pucha. Uske andar apne pyar ko dekhne ki kiran jaag uthi thi.

" 2012 " shruti ne jaise hi jawab diya, shreyas ki umeed ki kiran turant man main kahin kho gayi.

" 2012? " usne behad chaukne walle andaz mein pucha. " Ye saal 2012 hai? " usne dubara confirm karne ke liye pucha.

" Han.. Kyun? " Meghnath ne turant pucha. Sabhi ke dil ki dhadkan shreyas ki chupi aur uske chehre par badalte bhav ko dekh badhti jaa rahi thi.

" Kaun sa mahina hai? " Shreyas ne eka-ek pucha.

" September.. Khatam hone wala hai.. ek din baad.. " sab shreyas ke sawalon se hairan ho rahe the. Shruti ne jawab diya aur aage kya hone wala hai uska intezar karne lagi.

" Ye kaise ho sakta hai... " shreyas sochte hue bola. " Main is waqt mein kaise aa gaya.. abhi to kahani ki shuruwat hi nahi hui hai " shreyas khud se hi baat kar raha tha isliye awaz dhimi aa rahi thi.

" Hum kuch samjhe nahi? " meghnath ne fauran pucha.

" Jis kahani ke bare mein mene abhi bataya uski shuruwat to abhi shuru bhi nahi hui hai... Mere papa to abhi tak sabharwal mansion gaye hi nahi hai.. vo takreeban 3 mahine baad wahan jane wale hai.. To fir main waqt se piche kaise aa gaya? " ek sawal to shreyas ne kiya par iske sath jo dusra sawal tha vo sabhi ke man mein uchal pada ki agar ye sach hai to ye khud kaun se saal se aya hai?

romanchak update .shreyas ki kahani badi hi ajeeb hai jisko samajh pana mushkil hai .
shreyas ke papa ka pyar aur usse pehle kali shaktiyo ka jikr jinhone ek ladki ki aatma ko kaid karke rakha tha .
shreyas to bahar aa gaya kisi andheri duniya se par shruti ki team kaise us andhere se bahar niklegi .
reality ke baare me jo kaha wo samajh hi nahi aaya ki shreyas kaunsi dusri duniya ki baat kar raha hai .
aur ab ye ek aur jhatka laga sabko ki shreyas ki kahani abhi shuru hi nahi huyi wo to future se aaya hai .3 month baad uske papa sabhrwal mansion me jaanewale hai 2012 ke .

 

[DARK WOLFKING]

nice update. shreyas ko sab bata diya shruti ne ki kaise wo aaruhi ke matter ko solved karna chahte hai aur search karte karte pehle book aur baadme box tak pahuche .
aaruhi ka matter bahut sa clear kar diya shreyas ne par kya wahi hua hoga.
kabhi future dekha kabhi past dekha aaruhi ne .
par aaruhi ke paas kam waqt hai jinda rehne ke liye aur shreyas ne ek kitab ka naam bhi bataya Book Of Hoax jiski madad se aaruhi ko bachaya jaa sakta hai .

aaruhi us mansion me gayi ye to sahi hai par dusre world ki aaruhi waha kaise aa gayi jab dono ne ek dusre ko bhut pret samjha .
box ka asar khatm hone par dobara sab normal ho gaya aur shreyas ko andhere ne nigal liya ,to kya firse waisa hi karke shreyas se baat kar sakte hai .

aur ye book of Hoax alag kitab hai ya wahi jo shruti padhnewali thi .

shreyas ne kaha dekha hoga aaruhi ko kyunki wo to 35 saal future se aaya hai .