Fantasy " Girls Hostel "

[harshit1890]

Spoiler: INDEX

~~INDEX~~​

Chapter 1 ~~ " Supriya "​

Update - 1​

Update - 2​

Update - 3​

Update - 4​

Update - 5​

Update - 6​

Update - 7​

Update - 8​

Update - 9​

Update - 10​

Update - 11​

Update - 12​

Update - 13​

Update - 14​

Update - 15​

Update - 16​

Update - 17​

Update - 18​

Update - 19​

Update - 20​

Chapter ~~ 2 " The Illusion "​

Update - 21​

Update - 22​

Update - 23​

Update - 24​

Update - 25​

Update - 26​

Update - 27​

Update - 28​

Update - 29​

Update - 30​

Update - 31​

Update - 32​

Update - 33​

Update - 34​

Update - 35​

Update - 36​

Update - 37​

Update - 38​

Update - 39​

Update - 40​

Chapter ~~ 3 " Catatonic Schizophrenia " ​

Update - 41​

Update - 42​

Update - 43​

Update - 44​

Update - 45​

Update - 46​

Update - 47​

Update - 48​

Update - 49​

Update - 50​

Update - 51​

Update - 52​

Update - 53​

Update - 54​

Update - 55​

Update - 56​

Update - 57​

Update - 58​

Update - 59​

Update - 60​

Chapter ~~ 4 " A True Face "​

Update - 61​

Update - 62​

Update - 63​

Update - 64​

Update - 65​

Update - 66​

Update - 67​

Update - 68​

Update - 69​

Update - 70​

Update - 71​

Update - 72​

Update - 73​

Update - 74​

Update - 75​

Update - 76​

Update - 77​

Update - 78​

Update - 79​

Update - 80​

Chapter ~~ 5 " The Antiquarian "​

Update - 81​

Update - 82​

Update - 83​

Update - 84​

Update - 85​

Update - 86​

Update - 87​

Update - 88​

Update - 89​

Update - 90​

Chapter ~~ 6 " The Amazon "​

Update - 91​

Update - 92​

Update - 93​

Update - 94​

Update - 95​

Update - 96​

Update - 97​

Update - 98​

Update - 99​

Update - 100​

Update - 101​

Update - 102​

Update - 103​

Update - 104​

Update - 105​

Update - 106​

Update - 107​

Update - 108​

Finale Chapter 7 : " Book Of Hoax "​

Update - 109 ​

Update - 110 ​

Update - 111 ​

Update - 112 ​

Update - 113 ​

Update - 114​

Spoiler: Special Comments On Story

Some Comments for this story (Late Add-on )

सच में , यह पुरी स्टोरी दिमाग के परखच्चे उड़ाए जा रही है । कभी लगता है कहानी में सस्पेंस है तो कभी लगता है भ्रम जाल का ताना-बाना बुना हुआ है तो कभी लगता है जैसे कोई रूहानी ताकतें हैं तो कभी लगता है यह सिंपल स्टोरी है जिसमें आरूहि एक गम्भीर बिमारी से पीड़ित है ।

मुझे लगता है इससे बेहतरीन कहानी फिलहाल तो इस फोरम पर नहीं है । और सबसे बड़ी खासियत है आपके लिखने का स्टाइल और अंदाज । आउटस्टैंडिंग हर्षित भाई ।

thoos thoos ke khana khaya aaruhi ne jo ekdam majedar horror type scene tha ..

सही में , हर्षित भाई ! मुझे बहुत ही दया आने लगा है आरूहि पर । अगर किसी हरामखोर की वजह से उसकी हालत ऐसी हुई है तो उसे जहन्नुम का रास्ता जरूर दिखला दिजियेगा ।

WTF!!! Yahi pehla reaction nikalta hai is kahani ko poora padhne ke baad... Halanki pehle bhi maine is kahani ke kuchh 7-8 updates padhe huye the par jab is baar padhna shuru kiya to ek naya sa romanch har beet te update ke saath banta gaya... Bohot hi zyada behatreen tareeke se likhi gayi kahani hai ye, ab jis prakaar ka plot imagine kiya hai lekhak saahab ne uske baad ek nausikhiya bhi likhe to bhi kahani halki nahi ho sakti, aur yahaan jis level ka narration, aur scene specialization hame padhne ko mila hai, wo kaafi hai dikhane ke liye that this is, without a doubt,one of the finest stories available on XF... Chahe wo running stories hon ya fir completed, aur chahe future mein likhi jaane waali kahaniyan, is story ka ek alag hi sthaan bana rehne waala hai forum par... Aur iske liye writer saahab ki jitni bhi tareef ki jaaye wo kam hi hogi...

Fantasy genre ke saath shuru huyi ye kahani, kab alag - alag genres ke darshan karane lagi padhte waqt katayi pata nahi chala... Horror, Suspense, Thriller, Adventure, Romance and of course Fantasy, aur saath hi mein Erotica ke ansh bhi... Ek story mein is se zyada kis cheez ki apeksha kar sakta hai reader!? Again, one of the best stories I've ever read... Outstanding Stuff harshit1890 bhai...

Kya hi khubsurat kahani likhi hai aapne bhai... I'm just speechless, jitni bhi tareef karunga kam hi hogi... Erotica ka bhi bilkul sahi situation mein use Kiya gaya hai aur sabse important har kirdaar par lekhak ki shaandar pakad bani rahi hai... Har character ka kahani mein hona justify kiya gaya hai, kahin bhi koyi bhi character bina matlab nahi ghus aaya...

Ab dekhna ye hai ke Mehta waali meeting mein kaun kaun shaamil tha aur unka maksad kya tha? Aur Shruti is sab ki sachayi jaan bhi paayegi ya nahi? Aruhi sach mein kisi beemari ka shikaar hai ya kewal naatak kar rahi hai? At last, Ek baar ko apun ko ye bhi laga ke asal mein ye sab jo ho raha hai wo kewal Shruti ki kalpana hai...

Outstanding Story & Updates Bhai & Waiting For Next...

Harshit bhai... Kayi horror stories padhi hain maine, joki poori tarah se horror genre par based hain but jis tarah ka scene aap create karte ho, taking into note ye story horror genre par based hai bhi nahi, that's phenomenal...

meghnath naam rakhne ke pichhe ki kahani bhi majedar hai ..
jab me TV nahi dekhta( waise tha nahi nahi ghar par ) tha bachpan me aur bas naam suna karta tha to khudko SHAKTI KAPOOR. kehta tha dosto ke bich ..ye kissa padhke bachpan ki yaade taaza ho gayi ..

Slowly my interest is increasing towards the story full of adventure, fun to read, no doubt you are a great writer, thank you for writing such a beautiful story.

Have to admit, your story completely twists the thinking, sometimes it seems in the mind that it is just a disease and sometimes it seems like something supernatural. Your writing is commendable, even after writing this much there are many questions and there will be many such points which I have missed. In some scenes there was a combination of intensity as well as erotic scenes, which you have shown very well, what should I say now, now the words of praise are over understand my feelings.
harshit1890 Hats Off... enjoyed it.

but why were you making her nude everytime in front of everyone.

मुझे नहीं लगता दुनिया में कोई भी ऐसा माई का माल होगा जिसे इस कहानी की पहेली समझ में आ रही हो। गजब का दिमाग हिला रखा है आपने हर्षित भाई।

The whole incident, that Mansion one was written so beautifully that no words are sufficient to describe it! Ismein koyi doraye nahin ki maine aaj tak kisi ko bhi is tarah ka horror likhte nahi dekha hai... Haunted ko read kiya tha maine, kaafi pehle, aur main bilkul daave se keh sakta hoon, that you're the best,when it comes to generating real fear in readers, while they read the story..

Bhatt the phakk is this estory?

 

[harshit1890]

Bahut din se waiting for next update

Bhai samajh sakta hu.. Lekin life bahut jada busy hai.. Warna to is kaahni ko puri kar deta. Aur ek nayi kahani jiska plot mere sapne mein ane ke baad ungliyan bechain kar rahi hai use likhne ke liye use bhi likh deta lekin ya karun.. halat nahi hai ab likhne ke jada... Waise...

Kem cho bhaiyon? SANJU ( V. R. ) Aakash. DARK WOLFKING Death Kiñg And Naina ji

 

[SANJU ( V. R. )]

Bhai samajh sakta hu.. Lekin life bahut jada busy hai.. Warna to is kaahni ko puri kar deta. Aur ek nayi kahani jiska plot mere sapne mein ane ke baad ungliyan bechain kar rahi hai use likhne ke liye use bhi likh deta lekin ya karun.. halat nahi hai ab likhne ke jada... Waise...

Kem cho bhaiyon? SANJU ( V. R. ) Aakash. DARK WOLFKING Death Kiñg And Naina ji

Sab badhiya hi chal rahi hai bhai. Election me kuchh din se sabhi busy the.
Aap aaram se time lijiye. Story fresh mind se hi likhi jati hai. Jab sab kuch thik lage tab Story par focus kijiyega.

 

[harshit1890]

Sab badhiya hi chal rahi hai bhai. Election me kuchh din se sabhi busy the.
Aap aaram se time lijiye. Story fresh mind se hi likhi jati hai. Jab sab kuch thik lage tab Story par focus kijiyega.

Election ke maze le liye yani apne

Han free tym mila hai to likh hi raha hun

 

[harshit1890]

Update ~~ 111

​

Andar na hi koi roshni dikhai de rahi thi aur na hi koi awaz aa rahi thi. Ek lambi si gufa aur gufa mein chupe rehasye. Charon darwaje ke is paar aa khade hue the. Pani ka halka shor sun aaruhi ne nazre niche ki to paya ki pani gufa ke kone mein ek jagah se ghuste hue niche ki taraf jaa raha tha jise use gufa ka kuch andaza ho chala tha.

" Ye kya hai... " shruti dusre chhor par khadi thi, usne abhi-abhi hath mein kisi thos chiz ko chuha tha aur chhute hue usne us chiz ko majbuti se pakad kar niche ki taraf sarka dia jaise vo sarakne ki liye hi bana ho jiske sath hi achanak se ek awaz hui aur sab kuch ek hi pal ke andar ho gaya. Awaz sunte hi aaruhi ne bhi nazar samne ki taraf uthai.

" Ahh... " vishal ke muh se dard bhari karhane ki awaz nikal ayi.

" Kya hua... " aaruhi ne vishal ki taraf dekha, usne apni naak ke uppar hath rakha hua tha. Meghnath ne uska kandha pakad kar use halka piche kiya hua tha. Vishal ne naak par se hath hataya to naak ke uppar se khoon nikalte hue tapak kar niche aa gira tha.

" Ye kaise hua.. " aaruhi ne fauran pucha.

" Koi... chiz.. lagi... meghnath ne piche khinch liya warna.. " vishal ko dard ho raha tha.

" Koi chiz bahut tezi se nikli hai.. " rumal gila karke vishal ko pakdaya.

" Par kya.. ? "

" shayad meri wajah se.. " abhi tak chup khadi shruti boli.

" tumhari wajah se? "

" ha.... yahan kuch hai.. " shruti ladkhadate hue boli, kyun ki uski wajah se vishal ki ye halat hui thi. Meghnath ne fauran apne mathe par light lagai aur uski belt piche bandhte hue light on ki. Roshni jaise hi shruti ki taraf gayi to sabhi ki ankhein chaudi ho gayi. Andhere mein hone ki wajah se gufa ke us chor par kisi ko kuch dikhai hi nahi diya ki wahan kya maujud hai. Wahan takreeban aat se naau foot ki murti bani thi, badi hi vishal roop mein thi. Sabhi ki nazre uske roop par jam gayi thi kyun ki vo murti kisi dev, devta ya fir shaitan ki nahi thi balki ek aise chehre ki thi jise pehchan pana kafi mushkil ho raha tha. Chehre se nazar hatte hue nazar thodi niche uske hath ki taraf ayi to paya ki uske hath mein ek bada sa bhala tha jiska nishana samne ki taraf hi tha. Jise dekhte sath hi sabki nazar dusri taraf ghumi jis taraf aaruhi khadi thi jahan dekh ek baar fir sabhi wahin dekhe rahe. Us taraf bhi yani us murti ke theek samne wali taraf ek utni hi unchi murti bani hui thi lekin uska chehra ab dikhai nahi de raha tha kyun ki uska chehra mit chuka tha. Samne wali murti se jo bhala nikla tha vo is murti ke chehre ke andar jaa dhansa tha. Dekhne matr hi vo bhala itna vishal aur khatarnak tha ki abhi kuch pal pehle agar vishal ki naak se takra jata to uski naak ko fad kar le gaya hota.

" Bal-bal bache ho tum.. " meghnath ka ishara vishal ki taraf tha. " Koi bhi bina puche kisi chiz ko nahi chuhega.. Ye gufa koi sadharan gufa nahi lagti. Ho sakta hai har taraf kisi na kisi prakar ka koi jaal bunha hua ho " is baar ishara shruti ki taraf tha.

" mujhe kya malum tha.. main to bas... aise hi... " shruti jhenp kar reh gayi.

" par agar ye bhala samne ghusa hua hai to is murti ke hath mein kaise ? " sawal sahi tha lekin jawab janna kathin isliye koi kuch nahi bola.

" ye lo.. pehen lo.. " meghnath ne torch sabhi ko di aur vishal ki naak par bandaid laga di gayi. Charon ne torch jala li thi. Andhra kuch dur tak ab khatam ho gaya tha. Aur jab charon ne ye dekha ki vo murti jo unke kareeb thi vo ek matr murti nahi hai to sabhi ke halak sukh gaye. Kyun ki wahan gufa main har thodi dur par dayein aur bayein murtiyan thi. Jis murti ka chehra us bhalle se nasht ho gaya tha vo ab dusri murti mein saaf dikhai de raha tha. Jahan ek taraf murti ka chehra pehchan mein nahi aa raha tha wahin dusri murti ki adhi shakal ek shaitan ko darsha rahi thi aur adhi shakal kisi devta ya insan ko darsha rahi thi.

" koi bhi is jagah par kisi bhi chiz ko hath nahi lagayega... na jane kya kya chupa hai idhar... aaruhi aur tum.. aage chalo.. main aur vishal books lekar piche rahenge.. "

" Har baar ye log mujhe aage kar dete hai. Kahin iska mujhe marne ka plan to nahi? Maa kasam agar is gufa main mari to meri atma inhi kisi murti mein ghus kar is meghnath ka vadh karegi.. " shruti khud se baat karne mein lagi thi.

" Kya hua? " aaruhi ne sath main akar pucha.

" k.. kuch nahi.. "

" chalein? "

" han chalo.. waise bhi kab tak chal payenge kya malum.. "

Shruti aur aaruhi aage dhire dhire badh rahe the aur piche vishal ki madad lete hue meghnath books ko lekar aage badh raha tha. Jaise jaise vo log aage badh rahe the waise waise unke piche andhera hota jaa raha tha. Gufa ka darwaja unki ankhon se ojhal ho chuka tha. Har ek kadam har pal aisa lag raha tha ki koi halchal hogi aur kuch hoga. Bich bich mein chalte hue nazre un murtiyun par jaa rahi thi jo dikhne mein sab ek hi jaisi thi, banane walle ke pas adbhut kala thi. Halka pani ka shor aaruhi ko sunai de raha tha, vo janti thi ki baki sab bhi sun sakte hai lekin shayad koi dhayan nahi de raha hai. Eka eka use lagne laga ki pani ki awaz jis gatti se aa rahi thi usme tezi ayi hai. Jise sunte hi uske per ruk gaye.

" tum logon ne pani par dhayan diya? "

Bahar jis box ki madad se unhone us pathar ko rok rakha tha vo ab un hooks ke andar daste hue niche ki taraf ane laga tha. Uspar dabav padne ke karran chatakne laga aur eka-ek box ki darar badi aur vo chatak kar tut gaya, jiski wajah se pathar bahut tezi se niche ki taraf box par padha jise box ke to chidte udh gaye udhar gufa ka darwaja behad tezi se band ho gaa jiski wajah se itni zor se halchal hui ki uska asar puri gufa mein hua.

" tum logon ne pani par dhayan diya? " aaruhi ki baat pr koi jawab deta usi pal gufa mein bahut zor se halchal hui.

" Ye kya tha? " vishal turant bola. Koi ek pal tak kuch nahi bola, sabhi piche mudh kar dekhne lage jabki vo log gufa ke us chor ko dekhne mein asamart the lekin vo hota hai na ki jab dil ko malum hota hai ki kuch hone wala hai bas ankhon se dekhne ka intezar rehta hai. Is samay charon ke sath bas wahi ho raha tha. Unhe lag raha tha ki kuch hone wala hai lekin kya aur kaise vo sabke liye anjan tha. Achanak sabhi ke sharir mein ek sirhan daudhi kyun ki koi bhari si chiz giri aur usi ke sath awaz ane lagi lekin ankhon mein chaya dar to aur tab badha jab vo band nahi hui aur dhire-dhire unki taraf ane lagi. Mano ek musibat ne unki taraf dastak de di ho.

Gufa ke uppar hisse se pathar ka tukda gira aur gira bhi theek murti ke hath par jise usne bhala pakda hua tha. Hath par pathar ka tukda girte hi hath niche hua jiskie niche hote hi hath se bhala nikla aur samne ki murti par jaa dhansa. Itna hua use pehle hi dusra bhala us murti ke hathon mein piche se aa gaya. Usi pal ek pathar aur murti ke hath par gira jiske sath fir vo hath niche khiska aur bhala sidhe samne walli murti ke galle mein jaaa dhansa aur usi pal ek aur bhala piche se murti ke hath mein aa gaya. Ye prakriya chalti gayi aur jab tak che bhale samne walli murti main nahi ghus gaye yani ki muh, galla, chatti, pet , jhangein aur ghutne ke niche.

Awaz bahut tez thi aur dhire-dhire unki taraf badhti jaa rahi thi, unhe malum tha ki unhe bhagna hai lekin peron ko jaise kisi ne niche se pakad liya tha. Ankhein jab tak us khaufnak chiz ko nahi dekh leti vo wahan se unhe hatane nahi de rahi thi. Jab awaz ek dum kareeb aa gayi aur roshni mein jab unhone vo dekha jo abhi tak sirf sun rahe the, ek-ke baad ek bhale murti se nikal kar samne walli murti mein ghuse tab chaaron ke muh se sirf cheekh hi nikli.

" bhaggoo.... " shruti bina pal gawaye ghumi aur bhagi, aaruhi, vishal aur meghnath bhi bhaage. Piche se ek ke baad ek murti mein bhalle ghus rahe the, fasla kam hota jaa raha tha. Charon ke muh se bhagte sath bhi cheekh nikal rahi thi. Shruti sabse aage thi, uske piche aaruhi par vo bich bich mein piche dekh rahi thi kyun ki meghnath aur vishal un books wali trolly ko lekar bhi bhag rahe the.

" vishal, meghnath jaldi... " aaruhi un dono ke piche ho rahi ghatna ko saaf dekh sakti thi isliye khauf uski ankhon mein jada sama gaya tha. Par dono ko books ke sath bhagne mein samay jada lag raha tha. Shruti kojab ehsas hua ki piche koi nahi aa raha to vo ruki aur usne piche dekha.

" are ab to chhod do in books ko... sala chatti par lekar maroge kya... " shruti chillai.

" nahi chhod sakte isko.. " meghnath hanfte hue bola.

" to marooo fir... aaruhi chal... " shruti thoda aage ayi aur aaruhi ko khinch kar apne sath le gayi.

Gufa lagatar hille jaa rahi thi, mano kisi bhi pal bikhar jayegi lekin ye shor aur kampan us prahar ki thi jo ek murti se dusri murti par kiya jaa raha tha. Ek bhi bhale ki chapet mein koi aa jata to vo unhe fadta hua unki zindagi ko chinn leta. Aaruhi bhag rahi thi lekin uska dimag do jagah chal raha tha pehla vishal aur meghnath ki taraf aur dusra pani ke badhte hue shor ke uppar. Vo sochte hue bich-bich mein piche dekh rahi thi, murtiyun aur un dono ke bich ke fasle mein sirf ek murti ka fasla bacha tha ab ek murti ka... Achanak aaruhi ko vo samajh aya jo vo kafi der se soch rahi thi, pani ki awaz matlab.. vo bas itna hi soch payi kyun ki shruti jo use khinchte hue bhaga rahi thi vo uske force ko rok nahi payi aur hua wahi jiska use dar tha. Achanak se gufa ka dhalan badh gaya aur shruti ka per fisal gaya jiske sath aaruhi bhi fisal gayi. Dono fisalte hue cheekhe jiski cheekh vishal aur meghnath ne bhi suni lekin koi unko agah kar pata unke per bhi fisal gaye aur books ki trolley unke hath se chhut gayi jiske sath vo aur trolly dono hi fisalti hui gusa mein ghisattne lagi. Charon cheekh rahe the, fisalte hue niche jaa rhe the kisi ko nahi pata tha ki unke sath ab kya hone wala hai, bas vo cha rahe the ki jo bhi ho bas jaldi se ho jaye aur fir ek-ek kar charon ko gufa ne apne bahar de fainka.

Vo itni force se bahar akar gire ki sabhi ke sharir par andhruni chot aa lagi. Dard mein karhati awaz aur vo bhilakte chehre bakhan tha ki vo abhi kaisi trasadi se bahar aa nikle hai. Badi himmat karke meghnath ne apna kandha pakda aur apni jagah se khada hua. Usne teeno ka haalh dekha, shruti apna per pakad kar dard mein karha rahi thi, aaruhi apna sar aur vishal apni koni. Uska halak sukha hua tha, muh se halka khoon nikal aya tha. Usne apni nazar us gufa ki taraf dali jis raste hue abhi aye the vo bhallon ki chapet se band ho chuka tha. Mano bhalon ne us jagah ko aise ghera ki gufa hone ka namo-nishan hi mita diya ho. Gufa ki taraf dekhte hue uski nazar wahan us kone par padi jahan ek taraf trolly tuti hui padi thi aur uske aage vo books bikhri hui thi.

Dard main karhate hue usne apne kandhe ko dabaya aur apni jagah se palta tab uski nazar us jagah par ghumi jahan vo khade the, jise dekh vo dekhta hi reh gaya. Kandhe ka dard, takleef mano sab khatam.

 

[harshit1890]

SANJU ( V. R. ) Aakash. Death Kiñg GuptAbhishek Naina And all other readers

 

[harshit1890]

Update ~~ 112​

Koi sadharan jagah par vo nahi khade the na hi kisi sadharan insan ne aisi jagah ka nirman kiya tha. Itna bhavye, itna bada, itna adbhut. Charon taraf deewar par chitrkari, bhavye bade-bade stamb jo charon aaur lage hue the aur sabse sundar vo jispar nazre tiki thi vo tha us jagah ke bich ka hissa jahan uppar chatt par bhi pani tha aur niche bhi pani. Uppar ki chatt jahan dekha jaa raha tha ki pani hi maujud hai lekin vo kis chiz se roka gaya hai ye kisi ki bhi samajh se bahar tha par pani bilkul saaf tha aur utna hi saaf niche ka bhi pani tha. Jagah itni badi thi ki jahan vo charon the vo unse takreeban do sau meter ki duri par stith thi, jahan pahuchne ke liye bich mein ek corridor rasta bana hua tha lekin uske dono side mein kya pada tha uska andaza dur se lagaya nahi jaa sakta tha.

" Ye karigari... in deewaron par kya bana hai... " vishal deewaron par bane chitron ko chhuu raha tha. Jo kambhe lage the unka akar aur jis tarah unhe banaya gaya tha use dekh kar yakeen nahi ho raha tha ki ye sab bina kisi adhunik takniki ke banaya gaya tha.

" Mujhe samajh nahi aa raha hai ki ye roshni.. kaise aa rahi hai.. bahar to raat ho rahi hai " Shruti ke sath meghnath bhi yahi maan raha tha ki us jagah par andhera nahi tha. Vo roshni uppar jahan pani dikh raha tha usi ki wajah se aa rahi thi, shayad ek matr wahi jagah thi jo is puri jagah ko roshni se bhar rahi thi.

" Aaruhi tujhe kya hua? " achanak se dhayan aaruhi par gaya tab baki dono ne bhi aaruhi ki taraf dekha. Aaruhi apni jagah par hi baithi hui thi.

" Aaruhi? " shruti uske pas akar boli.

" Pata nahi.. kuch ajeeb si energy feel ho rahi hai.. tum logon ko nahi ho rahi? "

" nahi.. mujhe to kuch nahi ho rahi... tum logon ko bhi lag raha hai kya? " shruti turant boli.

" nahi.. bas sharir main dard hai .. " vishal bola.

" aaruhi ke sar main chot lagi hai.. isliye lag raha hai use... shayad... " shruti ne aaruhi ke mathe par dekha jahan cut pada tha.

" Nahi.. main theek hun.. " aaruhi ne is mudde ko wahin khatam karna behtar samjha aur vo apni jagah se khadi ho gayi.

" Ye jagah hai kya... " vishal khud se aur sabse bola.

" Jagah ko chhodo..hamare bahar jane ka ek matr rasta band ho gaya hai.. ab hum kya karenge? kaise jayenge bahar.. " shruti ne gufa walle raste ki taraf dekha jo ab rasta bacha hi nahi tha, ab vo bas bhalle ka ek janjal ban chuka tha. Vo unki kismat thi jo shayad wahan se bach kar bahar aaye the.

" Kisi tarah ki prachin dharovar lagti hai.. jo shayad sadiyun purani hai.. bahut purani.. " meghnath ne jawab dia.

" mujhe bhi kuch aisa hi lag raha hai.. is tarah ke pathar aur uspar kalakari.. uppar dekh rahe ho pani ko kis tarah rok rakha hai.. adbhut jagah hai.. haina shruti? " vishal ne uski taraf dekha.

" Main sirf bahar jane ka rasta khoj rahi hun, har taraf diwar aur pani hai bas.. baki kuch nahi dikhai de raha. Hum bahar kaise jayenge is baat ka jawab kisi ne nahi dia "

" Hume yahan tak laya gaya hai isliye nahi ki hum bahar ka rasta khoje.. hume pehle vo khojna hai ... "

" Han han khojo... jabse sab khoj hi to rahe hai, ek ke baad ek khoj.. har khoj main ek nayi paheli... ab ye jagah jo khud ek paheliyun ki tarah hai.. Kya milega idhar.. Ek nayi khoj aur kuch nahi.. Tumne hume us janjaal mein fansaya hai jahan ek jagah se niklo to naya rasta aur us naye raste ko paar karne ke liye fir ek janjaal. "

" Main tumhe nahi laya, tum apni marzi se yahan aye... maine tumhe pehle hi chetaya tha.. aur jis khoj ko tum keh rahi ho ki vo sab bekar thi to tum shayad bhul gayi ho ki pichle kuch mahino mein tumne kya-kya dekha hai. Ek aise shaks ko dekha hai jo aane walle samay se piche aya, jo shayad kaun si dunia main hai vo khud nahi janta. Us insan ne tumhari dost ke bare mein jo bataya kya vo bhul gayi? Usne bataya tha ki aaruhi ek samay mein do jagah ek sath thi aur vo khud se hi dar rahi thi. Kya tumne kabhi aisa suna tha? Kya aisa ho sakta hai... Bhulo mat ki usi khoj ke chalte us insan ne hume ek rasta diya jisme us kitab ke bare mein bataya gaya. Har khoj ke piche tum, main sab jude hue hai. Agar aaj hum yahan aye hai to hume jarur kuch na kuch milega... " meghnath ne abhi itna hi kaha tha ki teeno ko aaruhi ki awaz sunai di aur tab pata chala ki aaruhi wahan unke sath thi hi nahi.

" Ye ladki wahan kab pahunchi ? " shruti ne aarui ko us taraf dekha jahan par gol si badi jagah par pani pada tha.


Vo teeno corridor se guzarte hue aaruhi ke pass jaa pahunche. Meghnath ladhkhate hue pahunchna tha, usko apna ek per jabardasti khinchna padh raha tha. Vishal ne dekh kar puchna cha par nahi pucha.
Koi kuch kehta use pehle teeno ki nazar pani ki taraf gayi. Kuch tha uske andar.. jise vo dekh paa rahe the lekin abhi samajh nahi .. Pani itna saaf tha ki andar sab kuch ek hadh tak dikhai de raha tha lekin gehrai nahi napi jaa rahi thi.

" Kya hai ye... samajh nahi aa raha.. "

" udhar kuch hai " aaruhi ne samne ki taraf ishara kiya to samne us paar kuch tha par andhere ki wajah se utna wahan dekha nahi jaa raha tha. Gufa mein ludakte hue girne ki wajah se mathe ki torch tut gayi thi isliye wahan khade rehkar dekh paana asambhav tha.

" Ye jagah kitni badi hai.. shayad dur se hume anuman hi nahi hua hai " meghnath us taraf chal pada to baki sab bhi uske sath chal diye. Pani wali jagah se thodi dur, andar ki taraf jab vo pahunche to unhone paya ki wahan par kuch paidyun ki sidiyan bani hui hai. Meghnath ne bag tatola, tab use torch kaam karti hui mil gayi. Usne torch nikali aur samne roshni dali. Roshni dalte hi charon bahuchake reh gaye. Kalle vishal patharon jaisi jagah par ek zameen se lekar chatt ko chutti hui ek vishal kaya wali kursi rakhi hui thi. Uski lambai dekh kar hi charon ka sar chakra gaya. Us kursi tak pahuchne ke liye kuch sidiyan banai gayi thi, vo kafi andar ki taraf thi isliye dur se dikhai nahi de rahi thi. Charon jaise jaise sidiyan chadte gaye vaise vaise ek ajeeb si thandak ka ehsas unhe hone laga mano vo kisi dusri jagah par hi aa khade hue ho. Jab vo kursi ke najdeek aye to unhe samajh aya ki uski chaudai jitni dikh rahi thi use kahi jada thi mano un jaise to pandrah-bees log akar ek sath baith jaye. Jab unhone wahan khade reh kar niche se uppar tak kurrsi ki unchai dekho to sar hi chakra gaya.

" Itni unchi ... kya hai ye... " hairani pareshan shruti boli.

" Wahi khoj .. jo shayad tumne kalpana bhi nahi ki thi... Sahi kehte the Ved Sharma.. koi aisi jagah hai jiske bare mein koi kalpana bhi nahi kar sakta tha.. Ye wahi jagah hai.. hum ek dum theek jagah par aaye hai.. "

" Lekin ab hum yahan kare kya? Ye jagah itni badi aur rehasmye hai.. yahan hume Boak of Hoax ke bare mein kaise kuch milega? Hume to ye bhi nahi malum ki jis jagah par hum khade hai vo sahi bhi hai ya fir kisi aur jagah par jana hai? "

" Wahi main bhi keh rahi hun.. ye jagah ek maze hai.. aur hum usme pin dhundnta chahte hai... tum khud dekho yahan koi books hai? jahan hum use khoj sake "

" Vo itni asani se kaise mil jayegi ? "

" Asani se... yahan main apni haddi pasli tudwate hue ayi hun aur agar do minute aur khadi rehti to un murtiyun ke sath chipak jati aur tum keh rahe ho ki asani se aye hai.. tumhari dictonary main samjdhari jaise shabad nahi the kya? " shruti thodi unchi awaz mein boli.

" ye samay ladne ya behes karne ka nahi hai.. " aaruhi ke bolte hi dono chup ho gaye. Aaruhi bina kuch kahe aage badhi, us kursi ke najdeek jahan abhi tak koi nahi gaya tha.

" aaruhi mat jaa.. kya pata is kursi se current nikal aye.. " shruti piche se boli lekin aaruhi ne uski baat ko andekha kar diya tha. Vo us kursi ke pas gayi aur ek pal wahan khadi rahi aur fir usne apna hath aage badha kar us kursi ko chuha jiske chhute sath hi uski body main mano kuch hua aur uski ankhein bhi chattan ki tarah kali aur badi ho gayi. Usne bina pal gawaye ek dum hath piche jhatka aur piche ki taraf ho gayi.

" laga laga current laga... kaha tha na current lagega.. bola tha mat jao... " shruti chillai.

" Aaaruhi... kya hua... " meghnath ek dum uske pass pahuncha aur use piche se pakad liya.

" Nahi kuch nahi.. bas.. vo... aisa laga per mein kuch chuba hai.... "

" per main? "

" han niche.. kuch hai.. " aaruhi ne turant niche ki taraf ishara kiya. Meghnath ne niche ki taraf roshni dali to wahan use kuch dikha. Usne hath se chuha to use kuch bhari majbut chiz mehsus hui.

" Ye to chain lagti hai... par bahut bhari hai... " zameen par padi chain jo ki bahut badi aur bhari thi uska thoda sa hissa uthane mein hi meghnath ki takat lag gayi. Ek taraf kandhe ka dard dusri taraf vo itni bhari chain.

" Vishal madad karni padegi.. "

" Par tum utha kyun rahe ho? "

" Shayad kisi raste ke liye ho... "

" matlab? "

" Matlab ye jagah dekho.. ye kursi banai kisi ke bathne ke liye gayi hogi aur uske sath main chain ka hona.. kuch to ajeeb nahi lagta.. kya pata ye chain hume kahin le jaye.. " meghnath ke kehne par vishal ne meghnath ki madad karte hue chain ko uthaya aur vo chain ko pakde pakde aage ki taraf badhne lage jaise vo unhe kisi naye raste par le jayega. Par jab vo dhire-dhire usi taraf ane lagge jahan par us pani ka talab bana hua tha tab unhe laga ki unki mehnat bekar ho rahi hai lekin usi pal vo ek jagah akar ruk gaye. Us talab se thodi hi duri par the. Ab unhe torch ki roshni ki jarurat nahi thi isliye jo dikh raha tha vo ek dum saaf dikhai de raha tha.

" Ye chain to zameen ke andar jaa rahi hai.... ab kya karein... " vishal ne bola.

" Khudai karo.. chain ke piche jao.. wahan se rasta milega ane jane ka.. " shruti ne jab kaha to teeno uski taraf dekhne lage. " Meri taraf kya dekh rahe ho tum sab.. bevkufi kar rahe ho... hume yahan se bahar jane ka pehle rasta khojna chahie fir kuch aur karna chahie.. "

" Mujhe ab lagta hai shruti sahi keh rahi hai.. kuch khojna padega.. kya pata vo rasta hi hume sahi jagah le jaye.. " vishal ne shruti ki baat manni.

" Mujhe aisa nahi lagta.. " aaruhi ke kehte hi shruti ko apni baat par pani firta dikha.

" kyun tujhe kya kuch aur lagta hai? aur tu kabse bolne lagi... " shruti ko pasand nahi aa raha tha ki koi uski baat nahi sun raha.

" Maire hissab se hum jis raste se bhi atte.. yahin atte.. mujhe nahi lagta iske alawa yahan koi aur jagah hai.. "

" acha to tujhe banwane wale ne sapne mein akar bataya tha ya tu bhi thi jab ye ban raha tha? engineering to tune hi ki hogi yahan ki? "

" tumhe ab chup hone ki jarurat hai.. " meghnath ko shruti par hadh se jada gussa aa raha tha.

" tum mujhe nahi bata sakte samjhe.. " abki shruti ne gusse bhari ankhon se meghnath ko kaha.

" tum log behas mat karo.. aur shruti tu theek bhi ho sakti hai.. lekin mujhe yakeen hai ki jo main keh rahi hun vo sahi hai.. tum log is chain ko khincho.. main bhi madad karti hun.. " aaruhi ne kaha aur vo meghnath ke piche jaa khadi hui, chain ko hath main pakad kar.

Ek pal vishal shruti ko dekhta raha, jaise shruti use mana kar rahi ho lekin jab meghnath aur aaruhi ne bhi chain ko khinchne ki thani to vo mana nahi kar paya, teeno ne mil kar chain ko halka sa piche ki tarah khincha lekin vo nahi khinchi.

" tum log bekar main apni energy laga rahe ho " shruti fir boli.

" thoda aur zor... " aaruhi ne khinchte hue apni puri takat lagai aur jiske sath un dono ne bhi to chain halki hi sahi par khiski. JIse dekh teeno ke man mein hausala badha to unhone apna pichla per thoda piche kiya aur apna sara zor piche ki taraf dalte hue puri takat se chain khinchi. Is baar chain jada khinchi aur ek awaz ne sabhi ke kan khade the, aisi awaz mano koi chiz uppar aa rahi ho.

" aur thoda zor se.. " meghnath ke per mein aseem dard tha lekin usne kisi ko abhas hone nahi diya aur josh dalte hue khincha. Chain khinchti jaa rahi thi aur koi chiz us chain ke khinchne se unke pass aa rahi thi. Ye dekh shruti bhi ab bechaini mein rum gayi thi. Kisi ko abhi ye andaza nahi tha ki kya ho raha hai, vo bhi idhar udhar dekh rahi thi is bhram ki shayad koi darwaja khule ya kuch ho aur usi main uski nazar talab ki taraf gayi jahan pani ke andar jo chiz thi usme halchal thi. Use laga uska bhram hai isliye vo talab ke najdeek gayi aur thoda jhuk kar dekhne lagi. Vo chiz bahut hi jada gehrai main thi isliye andaza lagana mushkil tha, bechaini dhire dhire badhti jaa rahi thi, use lag nahi raha tha ki vo chiz bahar aa rahi hai par tabhi uski nazar talab par padi jiska pani sateh se thoda niche tha, jisme abhi tak shanti thi usme halki halki bhav sa ane laga tha aur fir jhatke mein pani chatak kar kuch bahar aya jise dekh vo ek dum se piche hat gayi.

" tum log jo bhi khinch rahe ho.. vo pani ke andar hai... " shruti ki baat sunte hi teeno ke andar josh bhar gaya aur fir shruti vishal ke samne jaa khadi hui aur vo bhi chain khinchne mein teeno ki madad karne lagi. Ab to uski bhi bechaini sabhi ki tarah badh gayi thi. Charon chain ko apni puri takat se khinch rahi thi aur talab main halchal badhti jaa rahi thi, uske andar uth rahe bhav bhi badne lage the aur dhire-dhire pani chatak kar bahut jada bahar ane laga tha.

" thoda aaur.... " vishal chillaya aur usi ke sath ek baari mein sabhi ne chain ko takat se khincha aur vo ek jagah jakar atak gayi aur usi ke sath talab ka kafi hisse ka pani chatak kar bahar un logon ke takhno tak aa gaya jiske sath hi talab se aisi chiz bahar aa nikli jiski shayad kalpana bhi unhone nahi ki thi.

Sabhi ki nazre samne thi aur sabhi dekh kar is baat se pareshan the ki is chiz ka yahan kya matlab, samne taraju tha jo kafi badha tha bas farak itna tha ki taraju ka sirf ek hi hissa wahan maujud tha dusra hissa tha hi nahi.

 

[harshit1890]

SANJU ( V. R. ) Aakash. Death Kiñg GuptAbhishek Naina And all other readers

SANJU ( V. R. ) Aakash. Death Kiñg GuptAbhishek Naina

And all other readers

 

[SANJU ( V. R. )]

Harshit bhai , padh to liya hai lekin parso hi comment kar paunga. Achank kal bhi kaam aa gaya aur whole day busy rahunga.
Lekin fir se aapne mere dimag ka purja - purja dhila kar diya

 

[harshit1890]

Harshit bhai , padh to liya hai lekin parso hi comment kar paunga. Achank kal bhi kaam aa gaya aur whole day busy rahunga.
Lekin fir se aapne mere dimag ka purja - purja dhila kar diya

2 oct ko to sabki chutti hoti hai.. Aap kaun si Drishyam bana rahe ho us din

 

[SANJU ( V. R. )]

2 oct ko to sabki chutti hoti hai.. Aap kaun si Drishyam bana rahe ho us din

Kal party ne bulaya hai ..payment dene ke liye. Business me 2 Oct. Ka kya kaam !